اقعدوا لي ده من مدني داك ما من الجزيره ... لمان تاكلكم القرنتيه

[عباس الدسيس]

في المجتمع الحي المتحرك تظهر الأفكار الجديدة والرؤي الجديده التي تدفعك على التفكير وعلى التغيير وعلى إعادة النظر في المسلمات والقيم السائدة‏,‏ أما في المجتمع الراكد‏,‏ فإنه يتحرك في دائرة مغلقة يعيد ويزيد فيها نفس الأفكار‏,‏ ويحرص على الإبقاء على كل تراث الأقدمين‏,‏ ويسبغ عليه قداسة تجعل التجاوز والتقدم إلى الأمام مستحيلا‏ وكفرا . والتعامل علي اساس خط احمر وكل شيء محسوب ومراقب حتي يتوجس الانسان فيظن انه كل العالم ينظر اليه ويصبح يحدث نفسه في المراية في اوضة النوم او مراية الحمام وان لم يجد ضالته في هذا كله يحدث مرايا السيارة بجوانبها الثلاثة يمين شمال والمرايا الداخليه.
اصبح حال المنتدي لا يسر العدو ولا الحبيب نحنا ناس مدني انتو ناس الجزيره حزفتوا البوست بتاعي ليه ما حزفتوا الثاني داك مشاكلني وانا مشاكلوا انت ليه خاشي في البوست بتاعي ما قلنا مقفول حيرتونا والله بس زي العينوهو مدير لملجأ ايتام من أول يوم طلب إجتماع لي اولياء الامور..... انت تخش وانت تطلع طيب سموهوا منتدي ليه عشان الناس كلهم اتلموا واتنادوا في المحل ده واتفاكروا وليس اشاكلوا .... لا يسعنا الا ان ندعوا باصلاح الحال يلا ارفعوا يديكم معاي :

اللهم أنصر المنتدي علي المدمرين والمرجفين وقفل مواضيع البوستات المقفولين ... اللهم اهدم جميع مواقع الانترنت للأمريكان والاوربين والاسرائليين هم سبب بلانا سلطوا علينا فايرس البوستات المقفولين....
اللهم كسرهم كسير ودشدشهم دشديش ومرمطهم مرميط واضرب بي راسهم الحيط
الهم تفهم تف وخلي حالهم مهروس زي دق الويكه
اللهم سلط عليهم انفلونزا البوستات والعراك خلي حالهم واقف براك والهم عصف

[العاقب مصباح]

رائع كالعادة يا الشريف عباس

نسأل الله أن يغفر لنا جميعنا

فلم يضرنا الا التعنصر لفئات صغيرة

فى زمن التكتل أصبحنا نحن نبحث عن ما يفرقنا

لك المودة والمحبة والاحترام

[شيخ الدين]

والله يا الدسيس انا شايف جو السعودية والمطاوعين اثروا في الشباب

[عباس الدسيس]

العزيز الغالي العاقب سلامات مع خالص التحيه والف شكر لكم بالطلة الحلوه مع فائق شكري

[عباس الدسيس]

هلا العزيز شيخ الدين ما شايف الدعاء تحت كيف زي ما قلته والله ديل فضل ليهم الواحد اركب عربية فيها ميكرفون وإقعد اكورك ... الصلاة يا مؤمنين .... أسف بوست مقفول يا مؤمنين ....الخ ربنا اصلح الحال يا الحبيب الف شكر علي مرورك

[nehroo]

ماقـلت ليك كلامـك حـلو ..
أهـا ... بجـد حـلو ..

[ابوخالد]

آآآآآآآآآآآآآآآآآآآآآآآآآمين


تناسى مساوئ الإخوان يدم لك وُدهم

أخى الرائع

عباس ود الدسيس

ما يضر البحر أمسى زاخرآ أن رمى فيه غلامٌ بحجر

بوجودكم تسمو أرواحنا لتعانق

اسمى آيات الجمال ..


فكن دومآ كما عودتنا

وكن بخير

[كمال احمد]

دعواتك يالاخ عباس جميله والله انشاء ربنا يتقبلها ويعود الهدوء كل ناس المنتدى عشان القرنتيه ماتجى تاكلهم

[الزونية]

أخي عباس
لك التحية
ماذا لو جلسنا في ضل ..وعلى سباتة وبدون رتوش..
ورسميات ..وحقي وحقك ..وكل زول قال للتاني حقك علي..
وقمنا بعرض كل المشاكل..والتي نقتتل ونتصارع بسببها..
لوجدنا أننا جمعياً نعمل من أجل هدف واحد ...هو أن نرتقي..
وكيف نرتقي ونحن ندنس ألسنتنا وانفسنا بسب بعضنا بعضاً..
إخوتي الأعزاء..
التنازل للآخر والله ماأرى فيه إلا كرماً وسماحة نفس...
لما العصبية واختلاق الفتن والتي لاتزيدنا إلا فرقة...
كونو يداً واحدة ..أعانكم الله...

[صلاح ودالطاهر]

أخي عباس
لك التحية
ماذا لو جلسنا في ضل ..وعلى سباتة وبدون رتوش..
ورسميات ..وحقي وحقك ..وكل زول قال للتاني حقك علي..
وقمنا بعرض كل المشاكل..والتي نقتتل ونتصارع بسببها..
لوجدنا أننا جمعياً نعمل من أجل هدف واحد ...هو أن نرتقي..
وكيف نرتقي ونحن ندنس ألسنتنا وانفسنا بسب بعضنا بعضاً..
إخوتي الأعزاء..
التنازل للآخر والله ماأرى فيه إلا كرماً وسماحة نفس...
لما العصبية واختلاق الفتن والتي لاتزيدنا إلا فرقة...
كونو يداً واحدة ..أعانكم الله...
الله يديك العافيه كلام جميل واتمني ان يجد اذن تسمع وعقل يعي كلمات مبسطه لكن تحمل في دواخلها الكثير اختي كل يوم نتعلم منك حفظك الله وربنا يجعله في ميزان الحسنات نعم خير ختام اعانكم الله

[محمد النويري-الفقراء]

سلامات ايها الرائع اخي عباس دوماً الخصوصية طريق التفرقة والشتات والعنصرة معروفة نهايتها طريق مسدود لانو لو الناس بدت دا من مدني وحصرت القضية في مدني ستتحول القضية تلقائياً إلى انا ما حكون معاكم لانو دا من المدنيين ودا من ودازرق ودا من حي كذا وكذا وستندثر القضية بين الأحياء إلى ان تصل الشوارع وهناك بعد خراب مالطة الناس حتقول يا حليل لما كنا بننادي بالجزيزة وهموم الجزيرة ليتنا نكبر لحل همومنا الكبرى .. مدني قلب الجزيرة ويجب ان تكون همومنا كل الجزيرة فإن تناسي القلب باقي الا‘ضاء لن يقوى على الوقوف ..

[بدر الدين محمد]

اهو دا الكلام الظبوط

[عباس الدسيس]

والله يا نهرو ما عاجباني كان كقعدتك دي بالله يا نهرو دي وين في مطار ولا قاعة افراح أو اجتماعات لك الف شكر للمرور.

الحبيب ابو خالد انشءالله الناس ديل اروقوا شويه وربنا اهديهم والمجهود بتاع الكلام البتكتب فب الغلاط ده والجدل اخليهم ابدعوا لينا شويه الناس دي كلها قبل فترة كانت لبن علي عسل والمنتدي من المواضيع الحلوه بقينا جرايد النت ما بنقراها ربنا ارجع الحال.

كمال احمد ربنا اديك العافيه واتقبل دعواتنا قبل القرنتيه ما تهجم علينا.

الزونيه يا رائعه والله كلامك ذي العسل بس الناس ديل انشاءالله اشوفوهوا لاكن ظاهر الامور بدأت تهدأ شويه بالدعوات والبركات واللهجه اختلفت كمان ربنا انشاءالله اخلي البوستات دي ذاتا تختفي.

استاذنا ود الطاهر الله اديك العافيه انت والصحه قول امين.

سلامات عزيزنا محمد النويري حسب تحليلك حقوا نوقف هنا عشان الامور ما تجوط الف شكر لمرورك وعسعيد بالاضافة الرائعه من طرفكم مع فائق تقديري.


استاذنا الفنان بدرالدين دائما ناس الفن ادوك كلمه واحده تحوي في طياتها مجلد وصورتك تمثل لوحة رائعه تبين التماذج مع خلفيتها وتبين الاستمرارية لما هو كل جميل من واقع خلفية الصوره الف شكر علي التعبير اللفظي المعبر وكبير في معناه كما الف شكر لتزين البوست بمروركم مع خالص ودي

[أشرف صلاح السعيد]

سلام يا عبس ..
شترة: انتا يازول حلايب سودانية ولا مصرية؟
شترة أكبر: يا زول الدنيا ما معروفة دحين اكان قدمنا قضية ترسيم لمدنى بتنكسب؟
شترة اجرو منها ساكت: انا بحب عازة قبل الجزيرة ومدنى..
شترة بدقنا: وبحب اخوتى فى الاسلام اكثر شى..
شترة حلقت دقنا: كلنا فى الارض انسان..
شترة اكثر واقعية: بنتمى لاسرتى ثم مدينتى..
شترة واقعية: يبدأ الانتماء صغيرا ويمكن مقارنته مع انتماء صغير مثله..ولكن لا مقارنة بين انتماء اكبر مع انتماء اصغر..
ابو الضفارى زاتو..

[عباس الدسيس]

سلام يا عبس ..
شترة: انتا يازول حلايب سودانية ولا مصرية؟
شترة أكبر: يا زول الدنيا ما معروفة دحين اكان قدمنا قضية ترسيم لمدنى بتنكسب؟
شترة اجرو منها ساكت: انا بحب عازة قبل الجزيرة ومدنى..
شترة بدقنا: وبحب اخوتى فى الاسلام اكثر شى..
شترة حلقت دقنا: كلنا فى الارض انسان..
شترة اكثر واقعية: بنتمى لاسرتى ثم مدينتى..
شترة واقعية: يبدأ الانتماء صغيرا ويمكن مقارنته مع انتماء صغير مثله..ولكن لا مقارنة بين انتماء اكبر مع انتماء اصغر..
ابو الضفارى زاتو..

يا باشمهندس كلامك ده لا شترة لا حاجة ده الكلام العديل والجميل البطلع من الناس السمحين زيك وكلنا في الارض انسان