أبو الدر وأنا..وتداعيات..

[أشرف صلاح السعيد]

لا أدرى أنحن شعب يضرب الحزن بالأفراح أم شعب أشتر لا يعى لكل مقام مقال؟؟
بمناسبة غير سارة وبالمقابر وبعد أن دفن المرحوم وأسأل الله أن يتغمده بواسع رحمته ويلهم أهله الصبر والسلوان حدث حوار جانبى بينى وبين من أدمنت كتاباته وفكره الرائع أبو الدر..

أبو الدر : يااخى الناس فى البلد دى منظمين حتى فى الموت..عندهم هنا حتى يوروك وين تدفن..ما زى عندنا وين ما حفرت تدفن..

العبد الضعيف : يا أبو الدر الله يهداك ..نظام بعد الموت دا عفينا ناسنا منو..بس اليقدرو ينظمو لينا حياتنا وانحنا عايشين على مبدأ " لا يضير الشاة سلخها بعد ذبحها"..

أبو الدر : "متبسم" ..والله عندك حق..تعرف فى مستشفى فى البلد "توميه وكدا" الزول دخل المستشفى عشان يستأصلو ليهو كلية تعطلت نهائيا قام الدكتور إستأصل ليهو الكلية الكويسة..هسى الدكتور دا كان فى راسو فى شنو "قعدة محصلا ولا ........ولا......" واللبيب بالإشارة يفهم..

العبد الضعيف : لا حولا ولا قوة إلا بالله..وتقول ليا نظام..

أهى ميتة القلب من جعلت الناس تستخف بالناس؟؟..أم "المسامح كريم" غدت كفارة ومسامحة لكل خطأ ؟؟ أم تفريخ الجامعات لآلاف الخريجين مهتمة بالكم لا الكيف ؟؟..أم موت الضمير وإبتعادنا عن اليقين ؟؟..


وقد حكى لى والدى قصة أول أيامه بالتحضير فى إنجلترا..بأنه ومعه طبيب كينى جمعتهم الزمالة تحت إشراف برفيسور انجليزى واحد..وفى بداية تعرفهم به وبعد المحاضرة دعاهم الى مكتبه لتوجيههم وتعريفهم بالخطة التى سوف يتبعونها فى التخصص..ذهب والدى وزميله الكينى بمعية البروف وعندما وصلوا الى مكتبه فتح البروف مكتبه واشار لوالدى وزميله بالدخول..دخل زميل والدى بينما قال والدى للبروف انا من بعدك..دخل البروف وتبعه والدى..وبنفس اليوم حرم الطبيب الكينى من المنحة وعاد فيما بعد الى بلاده..ولما توطدت العلاقة بين أبى وأستاذه المشرف سأله لم تم إعادة الطبيب الكينى الى بلاده..فأجاب البروف "من لم يحترم أستاذه والأكبر سنا منه كيف له إحترام المرضى؟؟..ذلك الطبيب لا يصلح لمهنة الطب ولذلك أبعدته من تكملة دراسته"..

يا ترى بنفس هذا المنطق كم من أطباؤنا عليه أن يبعد من مهنة لا تقبل غير الرحمة بالآخر وإحترام آدميته وتقديس كل ما يحويه جسده؟؟؟؟؟؟؟؟؟؟؟؟؟؟
وكم من مسئولينا يجب إبعادهم من كراسيهم التى لا يستحقون الجلوس حتى تحتها؟؟؟؟؟؟؟؟

[النويري]

السعيد أشرف كون بألف عافية

ما شدني في هذا البوست أن كل ما يفعله المجتمع المتحضر يكون برقم قساوته دروس وعبر في الفهم والمعرفة وأنا لنا من هذا المنطق ياخي مقابر مدني حتى الأن ما تسورت والناس بتدفن مع المسيحيين في مدني ( مقابر حبيب الله بما يو طرف )

[أشرف صلاح السعيد]

السعيد أشرف كون بألف عافية

ما شدني في هذا البوست أن كل ما يفعله المجتمع المتحضر يكون برقم قساوته دروس وعبر في الفهم والمعرفة وأنا لنا من هذا المنطق ياخي مقابر مدني حتى الأن ما تسورت والناس بتدفن مع المسيحيين في مدني ( مقابر حبيب الله بما يو طرف )


بالضرورة يجب دفن المسلم بمقابر المسلمين وكل أهل ديانة بمقابرهم..
الميت مات وما بهمو يدفن جنب مسلم ولا مسيحو والدفنو هم اليشيلو حيلم بعدين..
لكن المشكلة فى المدفونين بين الصفوف وتحت القفوف وحقوقم متكدسة فى ملفات بين الرفوف ..وهو زاااتو ديل بعد ما يموتو فى مسئول بيهمو وين يتدفنو؟؟
الله المستعان..

[tigani18]

لا أدرى أنحن شعب يضرب الحزن بالأفراح أم شعب أشتر لا يعى لكل مقام مقال؟؟


بمناسبة غير سارة وبالمقابر وبعد أن دفن المرحوم وأسأل الله أن يتغمده بواسع رحمته ويلهم أهله الصبر والسلوان حدث حوار جانبى بينى وبين من أدمنت كتاباته وفكره الرائع أبو الدر..


بالله عليك الله ده كلام ده يا ابو خالد ههههههههه اقصد يا ابو الشوش
الحركات دي اصلو مابتخلوها ,,,
انا وابوخالد ماكنا معاكم لحدي ما سألتك موقف عربيتك وين
وعيوّنا معاك لحدي ما مشيت عليها
(غايتو جنس .....) الإنفرادات دي اصلو مابتخلوها

[عباس الدسيس]

اعتقد احنا استعجلنا في الاستقلال يا باش كان صبرنا شويه كان احسن لينا فرق بين ناس كلية غردون الناس الزمان والجيل البعد تلك الفترة حتي جيل نأكل مما نزرع

[درديري كباشي]

مواصلة للحوار يا ابو الشوش

حكانا طبيب صديق الوالد على قرار قصة والدك .درس الطب باحد الدول الاروبية وقال وهو وصديق له كانوا رايحين السينما . وقال السينما هناك لا تذاكر ولاصفوف الباب يشتغل بالكوين ( شلن) يعني تدخل شلن يفتح معاك تدخل وكذلك من بعدك .. وقال انا وصديقي قررنا نحتال على الباب وندخل بشلن واحد وقال برك الصديق في الارض وركبت انا في كتفه والقمنا الباب الشلن فتح لنا ودخلنا بهذا الوضع ونحن سعداء بالانتصار على التكنلوجيا .. وقلنا بعد ما جلسنا في الكراسي مبسوطين تفاجانا باحدى الخواجيات تقدم لنا صورتنا بكاميرا فورية .. وقالت لنا بالحرف الواحد : نحن هنا بنتحملكم ولكن بلدكم الله يعينها عليكم .. وقال شلنا الصورة ونحن نكاد نذوب خجلا ...

[حاتم مرزوق]

الأوتيكيت،


الحبيب أشرف

تحياتي ،


جميل ان تتنقل بنا بين المقابر ولندن ..
وبين النظام في دفن الموتي واستئصال الكلية السليمة..
ويبن الأوتكيت والأنطباع الأولي ..



وانا طبعا متوك الليلة وما مشيت الشغل وبمجرد ما لمحت موضوعكم الجميل دا دخلت طوالي وبيني وبينك انا من امس قلت الجماعة ديل حيجونا بموضوع جديد.


ارجع للموضوع

طبعا الي وقت قريب كان الزول يموت في البيت و من البيت للدفن طوالي ولا مستشفي ولا مات بي شنو ولا اذن دفن و لا ولا ........

وممكن يكون ما مات وجاء واحد من الناس الكبار وقال ليهم الفاتحة والجماعة يا مؤمن يا مصدق غسلوا الراجل ودفنوه.

وممكن مجرمين يقتلو زول ويدفنوه وما في زول يعرف.

شغلانية سايبة والي الآن في القري الدفن بالمذاج اما عن العيانين فحدث ولا حرج اي وآحد يتدرب فيهم البشربوه قنقليس والبدوهو جردقة ولمن يضيق خلاص يجيبوه المستشفي ربع ساعة ويموت.

والبودوهم للفكي ديل كمان براهم يدقوهم ويجنزروهم وحكاية زايطة وامكن اخونا درديري عندو مشاهد بالكوم.

مشكورين علي البوست الجميل.

[ام قبس]

التؤم درديري واشرف
حقيقه مرة ولكن تفضل هي حقيقه
تذكرت حادثه قديمه لزوجه جدي حدثه بمستشفي مدني
عندما وقعت زوجه جدي علي الارض وفصلت قدمها اخذت للمستشفي لارجاع الفصل فخرجت ميته
حاولنا الاستفسار قالوا لنا ان الرجل كان بها كسر وارادوا ان يدخلوا مسمار فحدث هبوط فيالضغط مفاجيء ماتت علي اثرة
لشخص ليس له درايه بالطب
لن يقول هذا غير منطقي
واخذنا الحبوبه وقاموا بدفنها
وبعد حوالي شهر تقابل خالي مع احد العملين في قسم التخدير واخذ يبكي ويتعذر من خالي
واخبرة ان ضميرة يأنبه
لماذا لان ماحدث غير ماقاله الاطباء
وماذا حدث الطبيب الذي كان يمسك باله التي يتم بها الفتح لادخال المسمار ترك الاله تنخر في رجل المريضه ونسيها اكتر مما يجب مما جعلها تقطع كل الاوردة والشرايين
وماتت بسبب ذلك المريضه
غضب خالي واصرت العائله علي رفع قضيه وشكوه الطبيب
وهنا تدخل جماعه عفاء الله عن ماسلف
وانطفي الموضوع دون حتي اعتذار من الطبيب
والله يكون في عون البلد

[ابوخالد]

بالله عليك الله ده كلام ده يا ابو خالد ههههههههه اقصد يا ابو الشوش
الحركات دي اصلو مابتخلوها ,,,
انا وابوخالد ماكنا معاكم لحدي ما سألتك موقف عربيتك وين
وعيوّنا معاك لحدي ما مشيت عليها
(غايتو جنس .....) الإنفرادات دي اصلو مابتخلوها




[/right]





كده ياسيد الركشة ...

ده بدل الشُكر ... لكن الله فى ...

وبيجى الخريف ....

[أشرف صلاح السعيد]

بالله عليك الله ده كلام ده يا ابو خالد ههههههههه اقصد يا ابو الشوش
الحركات دي اصلو مابتخلوها ,,,
انا وابوخالد ماكنا معاكم لحدي ما سألتك موقف عربيتك وين
وعيوّنا معاك لحدي ما مشيت عليها
(غايتو جنس .....) الإنفرادات دي اصلو مابتخلوها




[/right]

حبيبنا التجانى سلام..
يااخى الواحد فى البلد دى اصلو ما ينفرد؟؟..
طبعا لم أقصد إهمالك والحبيب أبو خالد وإنما إرتكزت على الحوار الثنائى الذى كانت فيه البهاريز ليس الا هو انتو بتتنسو ما انتو روحنا وحبنا ..
وبعدين يااخى العنوان مابيشيل "ابو الدر والتجانى وابو خالد وحافظ شعبان وولدو محمد وانا..تداعيات" يااخى دا عنوان ولا حافلة ركاب؟؟..يقوم يظهر لينا إريرا يقول لينا عرفنا اتنين يترادفو لكن ستة دى يعمينا!!قدامى على الاوسط ..اها نبقى فى كدا؟؟
لك العتبى حتى ترضى..

[أشرف صلاح السعيد]

اعتقد احنا استعجلنا في الاستقلال يا باش كان صبرنا شويه كان احسن لينا فرق بين ناس كلية غردون الناس الزمان والجيل البعد تلك الفترة حتي جيل نأكل مما نزرع


والله يا عبس وعلى بوست ابو الدر "مع احترامى ليك" شنو ما اتعمل فى اجسامنا وبشتنوها الحرية زيها مافى..وبعدين انت قايل البحصل للناس دا ما تضحيات؟؟..دى تضحيات ما بعد الاستقلال..قبل الاستقلال الواحد بيناضل وبيحارب وبيموت..وبعد الاستقلال الناس بتتعلم فيو ويبشتنوهو بس المشكلة إحتمال ما يموت والبشتنة تتواصل فيو..على قول واحد صاحبنا والله الواحد لو عمل حادث ومات برتاح اكتر من التقطع والكرسى اب عجل ونظرة العطف البلهاء الفى عيون الناس..كتلوك ولا جوك جوك..
وتعرف سبب كتير من البلاوى فى البلد هو الاغتراب..لأنو "هاجرو النوار وفضلو العوار" مع احترامى برضو للقلة الجيدة..

[أشرف صلاح السعيد]

سلام أبو الدر..
يا اخوى البوست دا فيفتى فيفتى يعنى يظهر احتمال واكيد ولابدن وبتواضع فهمتنى..
وبرضو تقول ليا نظام شوف الكلام الفوق دا هسى بيتفهم؟؟؟
وبمناسبة جماعتك فى السينما وبنفس الشلن الناس بهناك بتضرب التلفونات فى الكبائن العامة..تتخيل خرمو الشلن وربطو بسلك ولما يفتح الخط يسحبو الكوين برا وهكذا..
والله احنا لو وجهنا واستغلينا ذكاءنا التخريبى والاستهبالى والفوضوى فى شى فيو فايدة الا كانو ناس الربة عرضو جد جد ..وكنا زاااتنا عرضنا معاهم..

[أشرف صلاح السعيد]

الأوتيكيت،


الحبيب أشرف

تحياتي ،


جميل ان تتنقل بنا بين المقابر ولندن ..
وبين النظام في دفن الموتي واستئصال الكلية السليمة..
ويبن الأوتكيت والأنطباع الأولي ..



وانا طبعا متوك الليلة وما مشيت الشغل وبمجرد ما لمحت موضوعكم الجميل دا دخلت طوالي وبيني وبينك انا من امس قلت الجماعة ديل حيجونا بموضوع جديد.


ارجع للموضوع

طبعا الي وقت قريب كان الزول يموت في البيت و من البيت للدفن طوالي ولا مستشفي ولا مات بي شنو ولا اذن دفن و لا ولا ........

وممكن يكون ما مات وجاء واحد من الناس الكبار وقال ليهم الفاتحة والجماعة يا مؤمن يا مصدق غسلوا الراجل ودفنوه.

وممكن مجرمين يقتلو زول ويدفنوه وما في زول يعرف.

شغلانية سايبة والي الآن في القري الدفن بالمذاج اما عن العيانين فحدث ولا حرج اي وآحد يتدرب فيهم البشربوه قنقليس والبدوهو جردقة ولمن يضيق خلاص يجيبوه المستشفي ربع ساعة ويموت.

والبودوهم للفكي ديل كمان براهم يدقوهم ويجنزروهم وحكاية زايطة وامكن اخونا درديري عندو مشاهد بالكوم.

مشكورين علي البوست الجميل.


الحبيب ود مرزوق سلامات وما تشوف شر يااخى ألف بعد الشر عليك..
والله انا لو اى شى بيحصل بين اب الدر وبينى علا كنت مليت العام والخاص كمان..يااخى الزول دا امتاع ماشى على رجلين..تعرف بيكون بيتكلم وانتا ميت من الضحك او الإندهاش وهو كأنو ما قال حاجة لما تحس إنك مجنتر..
وحكاية الدفن قبل التأكد من موت الما مرحوم يتخيل ليا الناس بقت ما بتصدق واحد يتلحس عشان كوتو حتتوفر اتوماتيكيا "هسى الكلمة دى الحشرا هنا شنو!!"..ولسان حال مشروع المرحوم المحمول جوا الى المقابر بيقول "هو الناس دى ما بتصدق بس الواحد يغمى عليو يجرو بيو جرى للمقابر"..
وبعدين بينى وبينك انحنا زاتنا مصعبنها على الدكاترة وخصوصا الارادنة..نهمل ارواحنا ونقنع فى الحولينا اننا كويسين بس شوية تعب "اعمل حسابك متوك دى اجرى بيها الدكتور وبرضو اعمل حسابك"..ولما خلااص يودوهو الدكتور ومعظم الدكاترة زى ما عارف خارج الشبكة وبعدا يسفرو ليك المرحوم للأردن ويرجعو غالبا فى صندوق..بس دا ما بينفى فى اهمال واستهتار عندنا ولا فى الاردن..

[أشرف صلاح السعيد]

التؤم درديري واشرف
حقيقه مرة ولكن تفضل هي حقيقه
تذكرت حادثه قديمه لزوجه جدي حدثه بمستشفي مدني
عندما وقعت زوجه جدي علي الارض وفصلت قدمها اخذت للمستشفي لارجاع الفصل فخرجت ميته
حاولنا الاستفسار قالوا لنا ان الرجل كان بها كسر وارادوا ان يدخلوا مسمار فحدث هبوط فيالضغط مفاجيء ماتت علي اثرة
لشخص ليس له درايه بالطب
لن يقول هذا غير منطقي
واخذنا الحبوبه وقاموا بدفنها
وبعد حوالي شهر تقابل خالي مع احد العملين في قسم التخدير واخذ يبكي ويتعذر من خالي
واخبرة ان ضميرة يأنبه
لماذا لان ماحدث غير ماقاله الاطباء
وماذا حدث الطبيب الذي كان يمسك باله التي يتم بها الفتح لادخال المسمار ترك الاله تنخر في رجل المريضه ونسيها اكتر مما يجب مما جعلها تقطع كل الاوردة والشرايين
وماتت بسبب ذلك المريضه
غضب خالي واصرت العائله علي رفع قضيه وشكوه الطبيب
وهنا تدخل جماعه عفاء الله عن ماسلف
وانطفي الموضوع دون حتي اعتذار من الطبيب
والله يكون في عون البلد


تحياتى اختى ام قبس..
الاهمال والاستهتار فى معظم الاحيان بقى سيد الموقف..
الدكاترة طشو برا البلد وقيسى على ذلك باقى التخصصات..حتى الشاطر الموجود بيكون مستهلك لدرجة قف تحنن عليه..والمسكين بيدخل العملية عين صاحية وعين نايمة ولكن شطارتو وتفانيهو فى العمل فوق طاقتو برضو بندرجو تحت بند الاستهتار فالنوايا الحسنة فى مسائل الموت والحياة لا تحسب..اما قادر على العطاء او لا..اما ناس قريعتى راحت اشباه الدكاترة ديلك التجيهم الطاوية حبالا..كملونا تكمل..
اتخيلى طفل ودوهو المستشفى فى حالة اغماء والجماعة قبل ما يعملو تحليل ادوهو درب جلكوز وخمسة دقايق الطفل مات لأنو إغماءتو كانت لإرتفاع السكر..دا كلام دا..وما خفى كان اعظم..عندنا بنبدى بالعلاج قبل التحاليل.."حنركب ليهو الدرب عشان يفوق شوية وبعدين نعمل التحاليل..الله يحلنا منهم"..

[أشرف صلاح السعيد]

كده ياسيد الركشة ...

ده بدل الشُكر ... لكن الله فى ...

وبيجى الخريف ....


الحبيب ابو خالد..
انتا يا اخوى ناسى انى طالبك مقصا ولا شنو ؟؟لما قلت لا بو الدر اشرف ما داير يسلفك القصيدة وبهتنى بُهُت..اها صريتا ليك واتفشيت فيك الليلة عاد "دا هسى ما كلام تالتن؟"..
وبعدين يا اخى الامثال بتاعتنا يعنى ما نطبقا؟..الخيل تجقلب والشكر لحماد ..
يااخى انتا ان شاء الله يوم شكرك يجى بعد عمر طويل إن كان فيو خير ليك وتكون فى احسن استعداد ليو..

[درديري كباشي]

اشرف حتى لانتهم باننا من هواة الضحك في بيت البكاء

علينا ارجاع البوست الى اصله .. هذا البوست انطلق من المقابر وعليه ان يدور في فلكها .. اغرب خبر بشع شنيع ويمكن يكون مضحك هو قيل ان طلاب كلية الطب الاسرائييلن يتعلمون الجراحة في المساجين والمعتقلين الفسلطينن .. يعني يجروا فلسطيني حي لحم ودم ويخلو الاولاد يفتحوا بطنوا ويتعلموا كيف يفكوا القلب ( زي الكربريتر ) ويرجعوه تاني ويشغلوه كمان .. ولو ما اشتغل ما مشكلة في غيره كثير .. وتحت بصر ونظر كل منظمات حقوق الانسان المنافقة ....

* اجمل كلام قاله محتضر سمعته او بالاصح قراته ..
هو سيدنا سعيد بن المسيب الصحابي الجليل عندما وافته المنية وقفت قربه بنته وهي تبكي فقال لها : على من تبكين يا بنيتي .. فوالله ما فاتتني تكبيرة الاحرام اربعين عاما ..
شوف العظمة :

حسن عمل وثقة في النفس
حسن ظن بالله ويقين تام بان الله لايظلم احدا اتقن واخلص العمل له ..

* عمر بن الخطاب قبل ان يموت وبعد ان ضرب بالخنجر المسوم وحمل الى داره سال بنه عبد الله عمن ضربه فقال له ابو لولوه المجوثي غلام المغيرة .. فقال الحمد لله لم يكن من اهل القبلة حتى يحاجني يوم القيامة امام الله .. لا يريد ان يقف كمتهم امام الله حتى لو كان هو المظلوم ..

واجمل صبر تحمله محتضر واجمل فداء هو الصحابي الجليل خبيب بن عدي الانصاري رضي الله عنه .. بعثه الرسول صلى الله عليه وسلم الى مسيلمة الكذاب فمسكه مسيلمة عذبه يريده ان يرتد عن الاسلام فكان يقطع من لحمة بالسكين ويرمي في النار ( فمة الالم وقمة التعذيب البشع الذي عرفته البشرية ) وساله مسيلمة او ترضى يا خبيب ان يكون محمد مكانك هنا وانت في بيتك مع اولادك .. قال لا والله لا ارضى ان اكون مع اهلي ورسول الله تشاكه شوكة ..
هل توجد قوة ومحبة اكبر من ذلك رجل في قمة العذاب قالوا له ترضى انه يطعنوا الرسول بشوكة وانت تروح الى اهلك ( هي مجرد كلام مستحيل التنفيذ ويمكن ربما وافق لخارج نفسه من هذا الجحيم .. انما قال لا ارضى ان تسبدلوا هذا العذاب مقابل تطعنوا الرسول صلى الله عليه وسلم بشوكة .

[أشرف صلاح السعيد]

سلام أبو الدر..
يااخى قلنا تداعيات ما وفيات..والوفيات خليها جزئ من التداعيات لما فيها من عبرة وتذكير..واسمح لى بالاختلاف معك "على وزن مع احترامى ليك" فى قولك"علينا ارجاع البوست الى اصله .. هذا البوست انطلق من المقابر وعليه ان يدور في فلكها" .. غايتو يا ابو الدر ما بسألك يعنى الواحد تانى يتحاشى يتونس معاك جنب الجزارة عشان ما تسجنا فى القاورما والعجالى والضانى والبتلو والعضم والكوارع والنيفا..
مقابر مقابر امرنا لله جبناو لنفسنا..
مع انى كنتا بخاف من سيرة المقابر وانا صغير ما لأنى كنت عفريت وذنوبى كتيرة من الحكاوى المربوطة بيها..ود ام بعولو الماعرفتا اسمو ولا اسم امو لهسى والبخوفنا اكتر من اخو البكر..ياربى هو بكر الجن برضو عوير؟؟..والناس البموتو البتقلبو مرافعين وبعاعيت "حيين ما مرتاحين وميتين عاملين ليهم سمعة بتقلبو بعاعيت ما نموت يعنى؟"..وبالله لو اتقلبو بعاعيت ما ليهم حق؟ اللحمة دى لا يضوقوها حيين ولا ميتين؟.. بس جماعة من جماعات شرق آسيا الله لا باركم بياكلو الميتين وطبقو نظرية "اتغدا بيو قبل ما يتعشى بيا" الظاهر وخلى بالك خايفين اكتر من خوفى زمان من البعاعيت لدرجة اكلو الميتين وقفلو احتمالية يبقو بعاعيت بالليل بقو لينا هم البعاعيت وفى النهار..لكن مجبورة خادمة الفكى على الصلاة "هو الفكى اكان فكى وما بتاع نسوان ما يجيب ليو خادم ضكر"..ابو الدر حكم علينا بونسات المقابر وما قبلها وبعدها..
همسة: كان عندى نكتة خجلتنى اقولا..
تحياتى ياالتوم المؤدبنى أدبة المدايح "بالله كان عارف شنو ادبتم وان شاء الله تكون فيها موت احكيها لينا"..

هوووى ما تقولو أشرف جنا..دى ما تداعيات وهى جن العاملين مثقفين عشان ما تقولوها ليهم عديل فى وشهم ولا بضهرم..

[مدنيّة]

عارفين يا اشرف & ديرديري

عندي حكاية مع الدكاترة عندنا في السودان الله لا عادها
حاجة صععععبة شديد

بشوف لو السيل ما شافاها بجيبها ليكم هنا

همسة : تبعا ياديرديري كل مااجي اكتب اسمك بتجهجة زي الجهجهة
ياخ اسم كله حرفين "دال ، راء" لكن برضو الجهجهة حااااصلة

[أشرف صلاح السعيد]

عارفين يا اشرف & ديرديري

عندي حكاية مع الدكاترة عندنا في السودان الله لا عادها
حاجة صععععبة شديد

بشوف لو السيل ما شافاها بجيبها ليكم هنا

همسة : تبعا ياديرديري كل مااجي اكتب اسمك بتجهجة زي الجهجهة
ياخ اسم كله حرفين "دال ، راء" لكن برضو الجهجهة حااااصلة

سلام اختى مدنية..
إن شاء الله تلاقيها وراجينك بيها..
يااخى أبو الدر أبت؟ ما كلنا زايغيين من الدال والراء الكتار "بخفف عليك وكدا" واذا شايفة أبو الدر رفع كلفة بين مؤنث ومذكر أعملى خواجية وخاطبيهو باسم ابو "كباشى" وأهو الجماعة الشارقم الخواجة حيقولو واو دى مدنية إنجليزية وتسكنى الحى البريطانى سابقا هههههه..
ياخى فى حل بسيط اطلعى لردو وبتلاقيو درديرى كباشى يعنى شكيتى من الدال والراء وجيتينا بياء زايدة..شوفى اسمو اتني دال اتنين راء واتنين ياء..أعيد..

[درديري كباشي]

عارفين يا اشرف & ديرديري

عندي حكاية مع الدكاترة عندنا في السودان الله لا عادها
حاجة صععععبة شديد

بشوف لو السيل ما شافاها بجيبها ليكم هنا

همسة : تبعا ياديرديري كل مااجي اكتب اسمك بتجهجة زي الجهجهة
ياخ اسم كله حرفين "دال ، راء" لكن برضو الجهجهة حااااصلة

هوي هوي هوي .. انت خلاص الخمسات كملن قبلتي علي اسمي كمان .. عاملة توبك الاصفر دا .. قال كمان .تكششكي بالدهب في بيت البكا .

[moh_alnour]

يعنى الواحد تانى يتحاشى يتونس معاك جنب الجزارة عشان ما تسجنا فى القاورما والعجالى والضانى والبتلو والعضم والكوارع والنيفا


أتونس معاهو جمب برج المملكة يا أشرف عسى و لعلَ ................. تمها خيال ;)



همسة : تبعا ياديرديري كل مااجي اكتب اسمك بتجهجة زي الجهجهة
ياخ اسم كله حرفين " دال ، راء "


الواحد لما ينطق أسمو يحس أنو ماشي في درداق ;)

[درديري كباشي]

اشرف جاني هذا الايميل وقررت ادعم به موقفك للتداعي ... ولا في داعي :


اعمل بأحد المستشفيات
بمدينة جدة

وقاربت فترة دوامي
على نهايتها
ابلغني المشرف أن شخصيه اقتصاديه تتعامل بمئات الملايين في الأسهم
قادم وعلي استقباله
وإكمال إجراءات دخوله

انتظرت عند بوابه المستشفى
راقبت من هناك سيارتي القديمة جداً وتذكرت خسائري الكبيرة وأقساطي المتعددة

وعندها وصل الهامر
ليكمل مأساتي!
حيث حضر بسيارة
أعجز حتى في أحلام المساء أن أمتلك مثلها
يقودها سائق يرتدي ملابس أغلى من ثوب الدفة
الذي ارتديه

دخلت في دوامة التفكير
في الفارق
بين
حالي وحاله
مستواي ومستواه
( شكلي وشكله )

وقلتها بكل حرقه ومنظر سيارتي الرابضة كالبعير الأجرب يؤجج مشاعري
( هذي عيشة )

عموما سبقته إلى مكتبي
وحضر خلفي وكان يقوده السائق على كرسي م تحرك
رأيت أن رجله اليمنى مبتورة من الفخذ
اهتزت مشاعري
وسألته!!

عندك مشكله في الرجل المبتورة !!

أجاب بلا
!!
قلت
فلماذا حضرت ياسيدي !!

قال
عندي موعد تنويم!!

قلت ولماذا !!
نظر الي وكتم صوته من البكاء
وأخفى دمعه حارة بغترته وقال

( ! ذبحتني الغرغرينا )

وموعدي هو من اجل
( بتر ) الرجل الثانية

عندها أنا الذي أخفيت وجهي وبكيت بكاءً حاراً
ليس على وضعه فحسب
.........
بل لكفر النعمة الذي يصيب الإنسان
عند أدنى نقص في حاله
ننسى كل نعم المولى في لحظه ونستشيط غضباً
عند اقل خسارة

هل أصبح المؤشر ليس للأسهم فقط بل لقياس مدى إيماننا الذي يهبط مع هبوطه

تحسست قدماي وصحتي فوجدتها تساوى كل أموال و كل سيارات العالم
وهذا غيض من فيض
من نعم الله !!

فكيف بنا نحصر الرضا والغضب في مؤشر هبط اليوم وسيصعد غداً

هذا ماحدث لي بالفعل
قبل عدة سنوات
ومنذ تاريخه وأنا احتسب
أي خسارة راضياً بحكم الله

- - - - - -

أحببت أن تبكوا معي قليلاً على السخط الذي نبديه والعياذ بالله
وان نوكلها إلى الله ..
لنعرف مقدار النعم التي نحن فيها
ولا نجزع من ارتفاع مؤشر
أو انهياره
.........



اوعى تقول عاوز همر كان ادوك كرتونة فراولة جائزة ترضى بيها سامع ولا لا ؟؟ ماتنسى انا نصي الفوق .

[أشرف صلاح السعيد]

أتونس معاهو جمب برج المملكة يا أشرف عسى و لعلَ ................. تمها خيال ;)



الواحد لما ينطق أسمو يحس أنو ماشي في درداق ;)


تحياتى ود النور..
والله الفكرة معقولة جدا وخصوصا إنى عشت فى الرياض اكتر من خمسة سنين وللآن ما مشيت برج المملكة "تصدق؟"..كدى خلينى أمشى الأول براااى كدا وأفهم الحاصل فيو شنو وبجى أسوق معاى أخوى الكاشف والله يستركم منى أنا بتمها عديل كدا وخيال ما معانا "دا كلام زول فى القيفة ساااى ..خوفى امشى وانكر انى مشيت"..
نورت البوست يا ابو حميد "رفع كلف ساااى"..

[أشرف صلاح السعيد]

أبو الدر سلام..
"وإن تعدوا نعم الله لا تحصوها"..
لكن نسوى شنو فى الإيمان الزيق زاق..وتعرف فى حديث للرسول عليه أفضل الصلاة وأتم التسليم فيما معناه إنو الانسان رزقو المقسوم ليو من ربو بيصيبو بيصيبو..حتى الزول لو جرى من رزقو الرزق بسكو لغاية ما يصيبو كالموت لا مفر منو..وبعد دا كلو بنكون مشلهتين ونعاين للفى يد الناس او ما نرضى من واقعنا..ما يهو دا المقسوم وأكان نططنا ياهو ياهو ..
وبمناسبة إنك الفتحت الموضوع بتاع الهمر ..هوووى يا درديرى يا ود عم كباشى سلبطا معانا من هسى مافى أكان ادونى الهمر بديك أربعة أخماسا "الهم" وبدبل ليك آخر خمسين منهم "هم" يعنى نصيبك الهم هم يعنى سندوتش صبة متين تهمهم فيو بمزاااج قصرتا معاك مديك ست أخماس الجائزة بالله ما إيثار ؟؟اما اذا كانت الجائزة كرتونة فراولة "فال الله ولا فالك" حرم تشيل الكرتونة تهمهم فيها كلها "ابو التضحيات يااخى"..
والله لقيتك ثقيل ثقالة يعنى ولا حتى كشكرتا قلت ليا النكتة شنو "جنس بوخ هو"..

[درديري كباشي]

هو انت حا تحكي نكت في بيت البكا كمان .. تذكر قصة محمود السعدني (مذكرات الولد الشقي)الحكيتها ليك في دار الجمعية (بتاعة القهوة المرة )وانت انفجرت بالضحك واحرجتنا مع الراجل الكريم بتاع الشاي تاني ما جا بعندنا لاجاب شاي اخضر ولا يابس .

وبعدين الهمر زي ما قلت يتكون من شقين شق الاول خليتو ليك براك وهو ( الهم ) والراء معها الميم ايضا خليت هوملك ..

وهمر ممكن تكون من هم واررررررررررررررررر
الهم معروف .. وارررر عبارة مصرية تعبر عن الحسد وانت سيد العارفين والمصرين احبابك .. ومنها عبارة ( خلااااااص بدينا ارررررر من دلوأت) وهي اشارة الا بدا علامات الحسد ونحن مما شفنا توالي الاصوات علي ركشتك بدينا ارررررررر .. وبمناسبة الركشة انه الارررررررررهو اشارة الى صوت الركشة .. وقيل انه واحد سكران في بيت حفلة حب يقوم بت عشان ترقص معاه والبت حلفت يمين ما تقوم من كرسيها لامن قنع قال ليها خلاص يعني عشان ما عندنا ( اررررررررررر) ؟؟اشارة الى عدم امتلاكه لركشة وهي اشارة الى ان الركشة اكتسبت قيمة اضافية وهي القيمة العاطفية العشقية . اضافة الى قيمتها الدخانية والتلويثية للبيئة وتسببها الظاهر في الاحتباس الحراري وثقب الاوزون .

والركشة مضرة للانسان من ناحيتين .. اولا هي اجبرت الناس على الكسل واصبحت المسافات التي كانت تمشى على الرجلين عادة اصبحت تعبر بالركشة .. والناس بعدم المشي اصبحوا معرضين لامراض القلب ومع عادم الركشة والدخان اصبحت الحكاية بايظة مرة واحدة ..
( شفت الاررررررر العلمي دا كيف ؟؟؟.... حاتقسم ولا نواصل ارررررر لامن نجيب ليك منظمة صحة البيئة والصحة العالمية ومنظمة العمل ايضا نسبة للعطالة المقنعة التي تسببها الركشة جعلت المهندسين يتركوا المصانع والمشاريع ويشتغلوا ركشة عشان دخل احسن ..

اديك حل وسط الهمر نفكو ركشات ونقسمها بيناتنا وندور ليك المنتدى دا كله ارررررررررررررررررر .. ركشة ماشة وركشة جايه ونشغلهم بين النفاج والمنتدى العام والمدنيات وهكذا ..

نشوف لينا واحد حنكه سنييييين كدا يشتغل سبابي ويقيف في موقف الركشات اللهو حايكون في الفسحة بين المواضيع المثبتة والمواضيع المفكوكة .. ومن هناك يبدا ينده ..

نفاج نفر .... نفاج نفر ... نفاج نفر .. محطة النيمة ...... دكان ود المصباح ..


رايك شنو في التجاني .. اصلا هندسة الكومبيوتر بقت ما جايبه حقها ..

[مدنيّة]

أ



الواحد لما ينطق أسمو يحس أنو ماشي في درداق ;)

الحمد لله ما براي

وشهد مغترب معاي


والله البوست دا ظريف يا التيمان "الجديدين ، عشان الاختساس وكدا"

برجع ليكم باذن الله




همسة : شايفة لي × همر حائمة × البوست دا :eek:

[درديري كباشي]

الحمد لله ما براي

وشهد مغترب معاي


والله البوست دا ظريف يا التيمان "الجديدين ، عشان الاختساس وكدا"

برجع ليكم باذن الله




همسة : شايفة لي × همر حائمة × البوست دا :eek:



تعرفي اسمي الاتلحتوه د انت ومحمد نووووووور ( سؤال ليه معظم اولاد مدني اسمهم فيه نور بشكل ما عاملين زي العجلات كدا )ا انا عامل لي عقدة من ايام الدراسة اول ايم الجامعة كنت انا الشخص الوحيد في جامعة الجزيرة الاسمه درديري الا ان الحق شخص جديد وللاسف ماكان طالب كان جرسون .. يعني شخص يتم نداؤه في رارس كل خمسة دقائق زي دعاية خديجة في قناة النيل الازرق .. وانا اتفلت نعم .. اسفين يادردري نحن قاصدين الجرسون .. لامن بقيت دغيل وغتيت الجماعة ينادوني في الداخلية واعمل ما سامع واطنش .. شنو يا ابو الدر ما قعد نكورك ليك من قبيل .. انا قايلكم بتنادوا الجرسون .. والجرسون البيجيبو الداخلية شنو كمان ... عليك جنس حركات ....

والهمر اشرف بقى على راي الكتيابي ..

لمحتك وقلت بر آمن و بديت احلم ..

مع انه ما عارف لمحها وين ؟؟

[أشرف صلاح السعيد]

هو انت حا تحكي نكت في بيت البكا كمان .. تذكر قصة محمود السعدني (مذكرات الولد الشقي)الحكيتها ليك في دار الجمعية (بتاعة القهوة المرة )وانت انفجرت بالضحك واحرجتنا مع الراجل الكريم بتاع الشاي تاني ما جا بعندنا لاجاب شاي اخضر ولا يابس .

ابو الدر أمانة فى ذمتك كلامك الخلا الزول يعمل رايح مننا ولا ضحكتى؟؟..والله صحى يعملوها الكبار ويقعو فيها الصغار!! وبعدين ما حبكت يعنى تحكى الحكاية الا قدامو وتحرمنا من الشاى المتقريفين ليو؟؟

وبعدين الهمر زي ما قلت يتكون من شقين شق الاول خليتو ليك براك وهو ( الهم ) والراء معها الميم ايضا خليت هوملك ..

يااخوى الهمر الجابت ليا الهم و مر دى زاتنا ما بنتمناها إن شاء الله الجايزة يقلبوها لاندروفر لان ما كعبة ..لاند حلم المغترب ما ياهو الارض..ند ريحتو سمحة ..ندر الندرة تميز.. اندرو امير موناكو وبنفردنو..روف ما البيت لازم يتسقف..روفر قوة وماكعبة..وفر ما دا زاتو المجننا وما قادرين علبو..امشى سيب ديل كلهم واقبض ليا فى دف و دفر كسرنا بيهم..

وهمر ممكن تكون من هم واررررررررررررررررر
الهم معروف .. وارررر عبارة مصرية تعبر عن الحسد وانت سيد العارفين والمصرين احبابك .. ومنها عبارة ( خلااااااص بدينا ارررررر من دلوأت) وهي اشارة الا بدا علامات الحسد ونحن مما شفنا توالي الاصوات علي ركشتك بدينا ارررررررر .. وبمناسبة الركشة انه الارررررررررهو اشارة الى صوت الركشة .. وقيل انه واحد سكران في بيت حفلة حب يقوم بت عشان ترقص معاه والبت حلفت يمين ما تقوم من كرسيها لامن قنع قال ليها خلاص يعني عشان ما عندنا ( اررررررررررر) ؟؟اشارة الى عدم امتلاكه لركشة وهي اشارة الى ان الركشة اكتسبت قيمة اضافية وهي القيمة العاطفية العشقية . اضافة الى قيمتها الدخانية والتلويثية للبيئة وتسببها الظاهر في الاحتباس الحراري وثقب الاوزون .

ابو الدر خليك فى العشقية واضافتك دى لمها عليك بتنقص لينا الشرتيت يا فردة..

والركشة مضرة للانسان من ناحيتين .. اولا هي اجبرت الناس على الكسل واصبحت المسافات التي كانت تمشى على الرجلين عادة اصبحت تعبر بالركشة .. والناس بعدم المشي اصبحوا معرضين لامراض القلب ومع عادم الركشة والدخان اصبحت الحكاية بايظة مرة واحدة ..

يا زول اسكت امين دا بكلامك دا ما بتم القصد..جاى تعمل لينا مقصات..اسكت بنتفاهم خلاص..
( شفت الاررررررر العلمي دا كيف ؟؟؟.... حاتقسم ولا نواصل ارررررر لامن نجيب ليك منظمة صحة البيئة والصحة العالمية ومنظمة العمل ايضا نسبة للعطالة المقنعة التي تسببها الركشة جعلت المهندسين يتركوا المصانع والمشاريع ويشتغلوا ركشة عشان دخل احسن ..

يااخى ما كدا استرنا شنو الفضايح دى..هسى انا مفهم ام العيال مهندس كبير والبلد ضيقة..

ياجنا اقيف شيلا كلها هى لسة ما جات وعملت كدا عليك امان الله اكان جات الا تجيب ليى ناس الضرائب "الضر معروف و ائب كلمة مصرية بمعنى اطلع بالمعلوم وما ادراك ما المعلوم"..
اديك حل وسط الهمر نفكو ركشات ونقسمها بيناتنا وندور ليك المنتدى دا كله ارررررررررررررررررر .. ركشة ماشة وركشة جايه ونشغلهم بين النفاج والمنتدى العام والمدنيات وهكذا ..

يااخى من الصباح الدرر دى وين؟

نشوف لينا واحد حنكه سنييييين كدا يشتغل سبابي ويقيف في موقف الركشات اللهو حايكون في الفسحة بين المواضيع المثبتة والمواضيع المفكوكة .. ومن هناك يبدا ينده ..

نفاج نفر .... نفاج نفر ... نفاج نفر .. محطة النيمة ...... دكان ود المصباح ..

يا زول النفاج بود الطاهر ناس مفلسين وبتاعين نقة والله يحنكو السايقة ويجيك آخر اليوم يقول ليك عايزة سلفة ناس النفاج ديل عندهم رحلة عايز الشيرنق عشان اليوم قضيتا مشاوير مع عقبة يكلم الشباب باللمة الحلوة..
خلينا النشغلم فى الجمعيات الناس ديلك اشتركات وتبرعات مليانين ملى بس اليختى ود مرزوق يعملا لينا فضل الزاد والموصل لفاعل خير كعامله..

رايك شنو في التجاني .. اصلا هندسة الكومبيوتر بقت ما جايبه حقها ..

التجانى دا اصلو ما بينفع يسوق الركشة..طيبان وعليك امان الله يركب الناس بلوشى ويسقيهم حاجة باردة كمان..كدى شوف لينا زول كدا بيعرف يركب وش كرتون والله ناس المنتدى ديل يحنكو الركشة زاتا خلى السايقة..

[size="5"]
سلام أبو الدر ..
يااخى ما بالغتا وخليت ولدى عبد الرحمن يفتكر ابوهو جنا..جا لقانى بضحك زى المجنون وقال ليى : بابا مالك بتضحك كدا؟ ولاحظ ما مالك بتضحك..بتضحك كدا..يعنى عليو العوض ومنو العوض تانى احترامو ليا اشمو قدحة هو عيال الزمن دا الابوات العاقلين بتلتلا بيحترموهم فما بالك لأبو جنا؟..يعنى طيرت منى الشاى واحترام..هسى اعمل ليك شنو ؟ شربات ليمون؟؟[/size

[أبوبكرحامد]

والله يادرديرى وأشرف دويتو خطير (عاجبانى كلمة دويتو دى عجب ، ماعارف هى كلمة جديدة ولاّ جديد أنا - على وزن هانت الأيام عليك ولاهنتَ عليك أنا ...... وين حنانك ياحنيِّن وين عيونّا من الهنا .... عدّت وراحت كم سنة - عليكم الله رايكم شنو فى التشديد البى الردوم ده أكونش بقيت كمال شدّاد وانا ماعارف )

[أشرف صلاح السعيد]

والله يادرديرى وأشرف دويتو خطير (عاجبانى كلمة دويتو دى عجب ، ماعارف هى كلمة جديدة ولاّ جديد أنا - على وزن هانت الأيام عليك ولاهنتَ عليك أنا ...... وين حنانك ياحنيِّن وين عيونّا من الهنا .... عدّت وراحت كم سنة - عليكم الله رايكم شنو فى التشديد البى الردوم ده أكونش بقيت كمال شدّاد وانا ماعارف )
اكان على كمال شداد الراجل بتاع كورة وراسو مليان الخوف تبقى بتاع سراير بخبرتك الشديدية شديد دى..
ابن العمة والعم دو وفهمتو ..ما ياهو الاتنين ؟ بس يتو دى قاصد بيها يدو؟ والله انتو المحامين ديل الواحد يتابعكم سااى ويتعلم منكم..
مرورك مالذيذ يااخ..بس وينا تلاوينك الحلاوة مولد ديك العاديتنى بيها؟؟

[درديري كباشي]

والله يادرديرى وأشرف دويتو خطير (عاجبانى كلمة دويتو دى عجب ، ماعارف هى كلمة جديدة ولاّ جديد أنا - على وزن هانت الأيام عليك ولاهنتَ عليك أنا ...... وين حنانك ياحنيِّن وين عيونّا من الهنا .... عدّت وراحت كم سنة - عليكم الله رايكم شنو فى التشديد البى الردوم ده أكونش بقيت كمال شدّاد وانا ماعارف )


سلام يا بوكو

تعرف اشرف دا وانا بقينا زي ابطال الفلم الهندي اخوان صغار يدخل الخاين يكتل ناس البيت كلهم ويخطف واحد تاني ما يتلاقوا الا بعد تلاتين سنة ... اول نتشاكل وندور دكشمان في بعض والدم حدو النخره فجاه انا اعاين في كتف اشرف بعد ما قميصو يتقطع ( من دقي طبعا) اشوف علامة قديمة واتذكره ليك ( اخويااااااااااااااااا) ونقع ليك سلام بالحضن في بعض ونقوم نغني ليك ونتعاور ونطلع في الشجر ونبوس البقر والحمير ويظهروا لينا حبيبات سمحات يغنن معانا ( هن جماعتنا ذاتن عشان ما يزعلوا ويجينا هوا كمان ) المهم هاك ياغنى ورقيص لغاية ما الانوار تولع ونمشي في الشارع نلاقي كل الناس تردد في غنانا ..

اذكر يا بكري في كسلا كانت السينما الشرقية جمب حي الهنود .. وانا معاي ود اختي صغير جو اجازة من الخرطوم اخذته معاي السينما وعبرت حي الهنود ... وكان الهنود مرصرين قدام بيوتهم بنفس اشكال ناس الافلام ونفس الزي طبعا ... هو سالني يا خالو هم ديل نفس الهنود الفي السينما .,. انا قلت ليه نعم .. انا فهمت سؤاله انه هم نفس الجنس يعني ... هو اتاري فهم انه هم بعد ما السينما تتملي يروحو يخشوا من ورا ويظهروا لينا في الفلم لانه بعداك شبكني ليك للهنود في الشارع ... دا واحد ياخال مره جانا في فلم في الخرطوم وداك ذاته دخلت ليه في فلم قبل كدا .. بعداك انا انفجرت بالضحك وما عرفت اعالج فهمه خليته عايش على كدا ..

[أبوبكرحامد]

سلام يا بوكو

تعرف اشرف دا وانا بقينا زي ابطال الفلم الهندي اخوان صغار يدخل الخاين يكتل ناس البيت كلهم ويخطف واحد تاني ما يتلاقوا الا بعد تلاتين سنة ... اول نتشاكل وندور دكشمان في بعض والدم حدو النخره فجاه انا اعاين في كتف اشرف بعد ما قميصو يتقطع ( من دقي طبعا) اشوف علامة قديمة واتذكره ليك ( اخويااااااااااااااااا) ونقع ليك سلام بالحضن في بعض ونقوم نغني ليك ونتعاور ونطلع في الشجر ونبوس البقر والحمير ويظهروا لينا حبيبات سمحات يغنن معانا ( هن جماعتنا ذاتن عشان ما يزعلوا ويجينا هوا كمان ) المهم هاك ياغنى ورقيص لغاية ما الانوار تولع ونمشي في الشارع نلاقي كل الناس تردد في غنانا ..

اذكر يا بكري في كسلا كانت السينما الشرقية جمب حي الهنود .. وانا معاي ود اختي صغير جو اجازة من الخرطوم اخذته معاي السينما وعبرت حي الهنود ... وكان الهنود مرصرين قدام بيوتهم بنفس اشكال ناس الافلام ونفس الزي طبعا ... هو سالني يا خالو هم ديل نفس الهنود الفي السينما .,. انا قلت ليه نعم .. انا فهمت سؤاله انه هم نفس الجنس يعني ... هو اتاري فهم انه هم بعد ما السينما تتملي يروحو يخشوا من ورا ويظهروا لينا في الفلم لانه بعداك شبكني ليك للهنود في الشارع ... دا واحد ياخال مره جانا في فلم في الخرطوم وداك ذاته دخلت ليه في فلم قبل كدا .. بعداك انا انفجرت بالضحك وما عرفت اعالج فهمه خليته عايش على كدا ..

تعرف يا أبو الدر ذكرتنى صديقى وزميلى أحمد عبدالرحمن الكرّابى ، زول ونّاس وكت إحكى ليك تحس أشخاص الحكوة مارقين مع أنفاسو وفواصلو ، وهو من شمال السودان من منطقة (الكّرَبة) ، حكى لى أنه حين قدومه الخرطوم للمرة الأولى مقبولاً بكلية القانون جامعة الخرطوم ، رافق بعض الزملاء لسينما النيل الأزرق وكان الفيلم كاوبوى ، تصور إنو لما الحصين تكون مقابلة المشاهدين كان بياخد ساتر ظناً منه أنهم سيخرجوا من الشاشة .

ياخى كسلا هنودا حلوين زى ناسا ، والمواتر الفيسبا قدام ناديهم ماتديك الدرب ، وياسلام على السواقى وأصدقائى إبراهيم سليمان بالختمية ومصطفى محمد الحسن بالسوريبة وعبدالرحمن شاويش وأمير وقرشى بالسوق ، بجيك راجع بى حكاوى كسلا بى رواقة.

[درديري كباشي]

تعرف يا أبو الدر ذكرتنى صديقى وزميلى أحمد عبدالرحمن الكرّابى ، زول ونّاس وكت إحكى ليك تحس أشخاص الحكوة مارقين مع أنفاسو وفواصلو ، وهو من شمال السودان من منطقة (الكّرَبة) ، حكى لى أنه حين قدومه الخرطوم للمرة الأولى مقبولاً بكلية القانون جامعة الخرطوم ، رافق بعض الزملاء لسينما النيل الأزرق وكان الفيلم كاوبوى ، تصور إنو لما الحصين تكون مقابلة المشاهدين كان بياخد ساتر ظناً منه أنهم سيخرجوا من الشاشة .

ياخى كسلا هنودا حلوين زى ناسا ، والمواتر الفيسبا قدام ناديهم ماتديك الدرب ، وياسلام على السواقى وأصدقائى إبراهيم سليمان بالختمية ومصطفى محمد الحسن بالسوريبة وعبدالرحمن شاويش وأمير وقرشى بالسوق ، بجيك راجع بى حكاوى كسلا بى رواقة.


سلام يا ابوبكر

وحكا لينا واحد من قرية مناقزاه بالجزيرة .. وقال عندهم بص واحد للسينما بيجي كل خميس الحصاحيصا مخصوص للسينما ويرجع بعد نهاية الفلم .. وقال مرة واحد من الناس الشفوت بعد ما دخل السينما اكتشف انه الفلم مكرر بالنسبة له ولكي يحضر كامل الفلم مسالة مملة .. وقال وقف في ربع الفلم وباعلى صوت صرخ قائلا :(يا ناس مناقزاه البص اتحررررررررررررررك) وجرى .. وقال فى الاول كل ناس مناقزاه جرو خارجين وبعد شوية باقي السينما كلهم جروا وكابسوا الابواب لانهم ما فهموا النداء وخايفين يكون خطر محدق .

[درديري كباشي]

اشرف اسمع دي

امس بالظهر مع زميل عمل وقت الغداء اقترح انه نروح مجمع اسواق صحاري الفخم في طريق الملك عبدالله وهناك فعلا يوجد فرع لكل المطاعم العالمية ومختلف الجنسيات والدول المهم بعد الغداء.. قررنا نتجول في السوق ... كل الاسواق ماركات عالمية للملابس الغالية بالطبع .. لكن ما لفت نظري مكان يبيع مفارش النوم فقط وكل متعلقات النوم .. قلت لصحابي ندخل هذ1 المحل .. والشئ المزهل توجد مفارش سرير صحيح شكلها جميل وفخم لكن غالية بصورة مبالغة يعني واحد ممكن يشتري لحاف اي بطانية بلغتنتا بسعر ( ركشة يا ابو الشوش؟) الذ حاجة اول ما دخلنا يوجد بائع لبناني اصبح متابعنا انا وزميلي ( قايل القبة تحتها فكي ) وانا قلت جملة واحدة طفشته خلتنا نتفرج مدام مافي طريقة ننوم فيه ولو في الاحلام نتفرج يمكن نحلم بالنوم فيه يوما ما ..
قلت له ( حتى النوم بقى خشم بيوت كمان؟؟) قالي ( شووو الت ما عم بفهم علييك ) قلت له ( حتى النوم اصبح مقامات ؟؟) فهم واخيرا انسحب وتركنا نستمع بالفرجة على مفارش النوم الاستايل ومرتبة بثمن شيلة عريس يمكن مع الذهب ..
تذكرت سيدنا عمر ابن الخطاب وهو يحكم نصف الكرة الارضية وينام في الارض تحت شجرة في العراء ..فيمر به رسول ياتي من احد الحكام فيق متاملا فيه ويقول العبارة الشهيرة ..

حكمت وعدلت فامنت ونمت ..

اتحدى اي حاكم في زمنا هذا ان ينام في بيت من غير حراسة دعك من تحت شجرة في العراء .