كيف تنام؟

[هبوية]

كيف تنام؟
هل تصاب بالأرق؟
هل أنت من الذين لايستطيعون النوم؟
أذا كنت من هولاء فيجب اتباع الأتي لكي تنام:
1.أختيار المكان المناسب للنوم
أن يكون المكان هادي وأنواره خافته او هادئه أو ضوء القمر وبه تهويه جيده.
2.وأن يكون السرير مريح ومستقيم وأن تكون نوع الملائات والأغطيه ناعمه وألوانها فاتحه (زهري - بنبي- ابيض- بنفسجي- لبني).
3.وأن تكون الوساده عاليه نوع ما وطريه.
4. أسلقي بأستقامه وأغلق عيناك برفق وفكر في زكريات جميلة ورائعه في حياتك تبعث الفرح والسرور في نفسك لاتتعمق بل فكربها بسطحيه و أضف عليها بعض أمنياتك .
5.(تنبيه لاتدخن أوتأكل قبل النوم مباشرتاً لانهامن الأسباب الرئيسية فب الأرق)
6.تمتع بنوم هادي ومستقر.
7.أذا نمت جيداً فأدعوا لي بالخير
(أنتظروني في موضيع أخري قريباً)

[النويري]

مرحب بيك أختنا هبوية وإنشاء الدار ترحب بيك

أول ما نظرت لموضوعك قلت في نفسي أن هذا هو الذي تبحث عنه ولكنني بعد ماقرأت الموضوع أكتشفت أنني أقوم بكل ما كتبته ولكنني لا أنام فهل لديك حل غير الذي إقترحتيه وعلى فكرة الموضوع جميل للبالوا رايق شوية يمكن ينام بعد كل هذه التجهيزات ولكن لواحد أمورو شويه ما ظابطه ممكن يأخذ ساعة أو أكثر عشان ينام

بشكرك على هذا الطرح الجميل الراقي وفي إنتظار حاجاتك الجاية

[عبدالرحمن مدثر]

هبة

حبابك وسط اهلك ونااااسك

كلامك جميل ياهبوية بس نمرة 4 دى حارة خلاص

قدر ماافتش لذكريات تبعث الفرح والسرور مابلقاها

كان اتعمقت بتكون الشغلانية جايطة

وكان سطحت بلقى امنياتى معلقة على سلكة ومشرورة

خليها على الله

وفى انتظار عودتك مجددا

[ابوالنور]

كيف تنام؟
هل تصاب بالأرق؟
هل أنت من الذين لايستطيعون النوم؟
أذا كنت من هولاء فيجب اتباع الأتي لكي تنام:
1.أختيار المكان المناسب للنوم
أن يكون المكان هادي وأنواره خافته او هادئه أو ضوء القمر وبه تهويه جيده.
2.وأن يكون السرير مريح ومستقيم وأن تكون نوع الملائات والأغطيه ناعمه وألوانها فاتحه (زهري - بنبي- ابيض- بنفسجي- لبني).
3.وأن تكون الوساده عاليه نوع ما وطريه.
4. أسلقي بأستقامه وأغلق عيناك برفق وفكر في زكريات جميلة ورائعه في حياتك تبعث الفرح والسرور في نفسك لاتتعمق بل فكربها بسطحيه و أضف عليها بعض أمنياتك .
5.(تنبيه لاتدخن أوتأكل قبل النوم مباشرتاً لانهامن الأسباب الرئيسية فب الأرق)
6.تمتع بنوم هادي ومستقر.
7.أذا نمت جيداً فأدعوا لي بالخير
(أنتظروني في موضيع أخري قريباً)

كلا زي ده يا هبة اختي قولية لي زول عندو هديده
ونشوف المواضيع الجاية فيها شنو ؟

[بت أم درمان]

كيف تنام؟
هل تصاب بالأرق؟
هل أنت من الذين لايستطيعون النوم؟
أذا كنت من هولاء فيجب اتباع الأتي لكي تنام:
1.أختيار المكان المناسب للنوم
أن يكون المكان هادي وأنواره خافته او هادئه أو ضوء القمر وبه تهويه جيده.
2.وأن يكون السرير مريح ومستقيم وأن تكون نوع الملائات والأغطيه ناعمه وألوانها فاتحه (زهري - بنبي- ابيض- بنفسجي- لبني).
3.وأن تكون الوساده عاليه نوع ما وطريه.
4. أسلقي بأستقامه وأغلق عيناك برفق وفكر في زكريات جميلة ورائعه في حياتك تبعث الفرح والسرور في نفسك لاتتعمق بل فكربها بسطحيه و أضف عليها بعض أمنياتك .
5.(تنبيه لاتدخن أوتأكل قبل النوم مباشرتاً لانهامن الأسباب الرئيسية فب الأرق)
6.تمتع بنوم هادي ومستقر.
7.أذا نمت جيداً فأدعوا لي بالخير
(أنتظروني في موضيع أخري قريباً)

اضيفي للفقرة رقم 4 . مع ملاحظة ان الاسنان ما تكون ضاغطة في بعض . ولو استدعى الامر . تفتح فمك شوية لفترة . ما حتحس بنفسك الا وانت نائم .

[مايسة]

اضيفي للفقرة رقم 4 . مع ملاحظة ان الاسنان ما تكون ضاغطة في بعض . ولو استدعى الامر . تفتح فمك شوية لفترة . ما حتحس بنفسك الا وانت نائم .


هبوية نورتي

وحااضرين نمشي بالنصائح دي

قلتي لي يا ام در - اخليهو فاتح - اها ولو خشت فيهو حاجة وانا نايمة اعمل شنو

انتي مجرباها الحركة دي ولا شنو ;)

[بت أم درمان]

هبوية نورتي



وحااضرين نمشي بالنصائح دي


قلتي لي يا ام در - اخليهو فاتح - اها ولو خشت فيهو حاجة وانا نايمة اعمل شنو


انتي مجرباها الحركة دي ولا شنو ;)


والله يا ميسو قبل ما اعتمد المشاركة . كنت كاتبه . اذا دخلت ضبانه ولا صرصورة انا ما مسؤولة . بس ما تخافي كده ياخ . ما لدرجة ان يخش اي شي . خاصة اذا انتي ما متعودة تنامي فمك فاتح . يعني بعد تنومي تلقائيا حا يتقفل

[النويري]

هبوية نورتي

وحااضرين نمشي بالنصائح دي

قلتي لي يا ام در - اخليهو فاتح - اها ولو خشت فيهو حاجة وانا نايمة اعمل شنو

انتي مجرباها الحركة دي ولا شنو ;)

الأخت مايسة لك التحية كنت عايز أجرب الفكرة دي لكن بعد مداخلتك قررت ما أجربها لأنها خطره شوية لأنولوخشت ليك فيهو حاجة الله معاك خصوصاً في حاجات بتطلع بالليل والواحد لازم يكون نائم ومغلق الفم حتى لو بسيط

[عبدالرحمن مدثر]

اضيفي للفقرة رقم 4 . مع ملاحظة ان الاسنان ما تكون ضاغطة في بعض . ولو استدعى الامر . تفتح فمك شوية لفترة . ما حتحس بنفسك الا وانت نائم .


حصل لاقتك مشكلة انو الزول لما ينوم بشخررر طبعا

فى ناااس العكس تماما خاصة لما تكون تعبانه شديد ومنهكة

بتعمل حركة كدا صعبة خلاص (بتضرسك)

لانهم بدل الشخير ... بلعبوا باسنانهم لاشعوريا

[بت أم درمان]

حصل لاقتك مشكلة انو الزول لما ينوم بشخررر طبعا


فى ناااس العكس تماما خاصة لما تكون تعبانه شديد ومنهكة


بتعمل حركة كدا صعبة خلاص (بتضرسك)


لانهم بدل الشخير ... بلعبوا باسنانهم لاشعوريا



لا حولااااا والله بس قرأت الكلمة جسمي اقشعر . طبعا الحركة البتضرس دي بتاعت احتكاك الاسنان . لاحظت بعملوها اكتر الاطفال . ما عارفة السبب شنو .

[بت أم درمان]

الأخت مايسة لك التحية كنت عايز أجرب الفكرة دي لكن بعد مداخلتك قررت ما أجربها لأنها خطره شوية لأنولوخشت ليك فيهو حاجة الله معاك خصوصاً في حاجات بتطلع بالليل والواحد لازم يكون نائم ومغلق الفم حتى لو بسيط

خلاص في فكرة تانية . انت باعد اسنانك من بعض . بس ما تفتح فمك . مش كده احسن . لان طالما الاسنان ضاغطة . يعني اعصابك مشدودة . يعني ما حا تنوم بسهولة .

[النويري]

خلاص في فكرة تانية . انت باعد اسنانك من بعض . بس ما تفتح فمك . مش كده احسن . لان طالما الاسنان ضاغطة . يعني اعصابك مشدودة . يعني ما حا تنوم بسهولة .

كيف أبعد أسناني من بعض وفي نفس الوقت ما أفتح فمي كدي جربيها شوفيها بتبقى ما أظنها بتظبط

[ابو جمانه]

هبويه .. حبابك الف

نحنا و الله ما دايرين لينا طريقه ننوم بيها .. اول ما نصل السرير من التعب نروح فى سابع نومه ..! لو عندك طريقه نقوم بيها من النوم ورينا ليها ..!

[هبوية]

هبوية نورتي

وحااضرين نمشي بالنصائح دي

قلتي لي يا ام در - اخليهو فاتح - اها ولو خشت فيهو حاجة وانا نايمة اعمل شنو

انتي مجرباها الحركة دي ولا شنو ;)

شكلك بتكلمي عن نومتك ، عادي جداً لو كنت بتفتح خشمك في النوم أحتمال يكون عندك جيوب أنفيه أو حساسيه لكن ممكن تنومي تحت ناموسيه أفضل ليك ، لكن أنا والحمد لله دائما نايمه وخشمي مقفول ومبتسمه عارفه ليه لأني دائمابحلم بأحلام جميلة ، أتمني ليك تحلمي ذى.

[هبوية]

حصل لاقتك مشكلة انو الزول لما ينوم بشخررر طبعا

فى ناااس العكس تماما خاصة لما تكون تعبانه شديد ومنهكة

بتعمل حركة كدا صعبة خلاص (بتضرسك)

لانهم بدل الشخير ... بلعبوا باسنانهم لاشعوريا



أشكرك جدا علي ترحيب ، اللعب بالأسنان دي عاده مكتسبه ممكن تتخلي عنا أذا شغلته نفسك بموضوع أخر .والشخير طبيعي جدا يكون عندك جيوب أنفيه

[عبدالرحمن مدثر]

أشكرك جدا علي ترحيب ، اللعب بالأسنان دي عاده مكتسبه ممكن تتخلي عنا أذا شغلته نفسك بموضوع أخر .والشخير طبيعي جدا يكون عندك جيوب أنفيه

لالا ياهبة

انا بتكلم كفهم عاام بس

عشان الفائدة تعم الجميع

وظاهرة احتكاك الاسنان زى ماقالت سعدية احتمال تكون

نفسيات النائم مننا تعبانة فى الواطة او نائم وهو زعلالالالالاان من زول

عشان كدا تلقى عندو رغبة انو يعضى حتى وهو نااااائم

الجيوب الانفية بتكون عند مايسة تقريبا انا عال العال:p

لكن تعالى هنا قبضتك

عشان الناس المعانا دى تستفيد

اللعب بالاسناان دى حااجة لاشعوريا

يعنى كيف الواحد يشغل نفسو بحاااجة تانية

وهو اساسا فى سااابع نووووومة

مرات القلق بكون جووووه النوووومة ذاتها

[سيد البلد]

والله ياخي المشكله موش في عدم النوم
المشكله انا لما انوم ما بقدر اقوم والله ..
اها دي كيفن ؟

بالمناسبه :

التعليق نقلاً عن عمنا أبو جمانه

[عبدالرحمن مدثر]

سيد البلد انت بتجى من وين ياااااااخ

لسه فى تورا بورا

ولا حزمت حقايبك لرحلة باغراااااام

[العاقب مصباح]

هبويه .. حبابك الف

نحنا و الله ما دايرين لينا طريقه ننوم بيها .. اول ما نصل السرير من التعب نروح فى سابع نومه ..! لو عندك طريقه نقوم بيها من النوم ورينا ليها ..!


يجازى محنك يا ابو جمانة...والله ضحكت لمن كوركت

[سيد البلد]

سيد البلد انت بتجى من وين ياااااااخ

لسه فى تورا بورا

ولا حزمت حقايبك لرحلة باغراااااام

والله يا حبيبنا لسه في البلد السمحة

كدي تعال هنا إنت جاك زهايمر ياخوي ؟



مع الإعتزار لصاحب الأغنيه طبعاً

[مهيد ود السفاح]

مليون مرحب بالاخت هبويه

اما موضوع النوم ده فالحمد لله اول ما اخت راسي ده وانوي النوم تاني الا الصباح
والاكل قبل النوم مرات فعلاً بجيب القلق لكن التدخين وما التدخين قبل النوم فالقاعده عندي مكسره .

وتسلمي على النصائح وفي انتظار المزيد

[مهيد ود السفاح]

يجازى محنك يا ابو جمانة...والله ضحكت لمن كوركت


انت يا عاقب الناس دي كلها معانا في النقابه ولا شنو ؟؟

[النويري]

سيد البلد أخبارك شنو ليك وحشة والله

[moh_alnour]

الأخت : هبوية
تشرفنا بأنضمامك لنا و نتمنى أن تطيب لك ِ الإقامة بيننا لتفيدي و تستفيدي
كما نتمنى أن نراكِ حضور دائم بالمنتدى لتعطري صفحاته بطيب مشاركاتك
عن نفسي فلا أصنف نفسي من الأشخاص الذين يحبون النوم فلا أعرف شيء أسمه نوم النهار ( القيلولة )
كما أن ساعات نومي العادية لا تتعدي الست ساعات في أغلب الأحيان
وفي أعتقادي الشخصي أنا التعب و الفتور يجعل الأنسان ينام بسرعة و بي عُمق أيضا ً
كما أن الهم و التفكير يُبعدان النوم من الأجفان وهذا يتنافى مع المثل السوداني القائل ( لو كترت عليك الهموم أدمدم نوم ) :eek:

[مهيد ود السفاح]

عن نفسي فلا أصنف نفسي من الأشخاص الذين يحبون النوم فلا أعرف شيء أسمه نوم النهار ( القيلولة )
كما أن ساعات نومي العادية لا تتعدي الست ساعات في أغلب الأحيان
وفي أعتقادي الشخصي أنا التعب و الفتور يجعل الأنسان ينام بسرعة و بي عُمق أيضا ً
كما أن الهم و التفكير يُبعدان النوم من الأجفان وهذا يتنافى مع المثل السوداني القائل ( لو كترت عليك الهموم أدمدم نوم ) :eek:
اول حاجه شوقنا ليك كتر بالحيل

القيلولة

القيلولة دي حاول انك تعود نفسك عليها
انا زمان كنت ( سقد ) لكن عودت نفسي عليها ان شاء الله نص ساعه بس
والله تحس انك نمت نومه طويله وعميقه جداً
وتصحى وانت اخر نشاط بدني وذهني
وهي مفيده جداً خصوصاً لو كان العمل دوامين
واسأل مجرب

اكرر الشوق بلا حدود

[مايسة]

لا حولااااا والله بس قرأت الكلمة جسمي اقشعر . طبعا الحركة البتضرس دي بتاعت احتكاك الاسنان . لاحظت بعملوها اكتر الاطفال . ما عارفة السبب شنو .


تصدقي فعلا - بنتي الصغيرة الايام دي طالعة بيها الكفر الحركة دي - نظام موضه وكدا - وما بتعملها الا في الليل - بالنهار اصلو ما بتعمله - وانا اشيل واتضرس :mad:

[ابوالنور]

يا هبوية ياخي ما تجوابي علي عمنا ابوجمانة ده عشان نجي نصحيك

[هبوية]

لالا ياهبة

انا بتكلم كفهم عاام بس

عشان الفائدة تعم الجميع

وظاهرة احتكاك الاسنان زى ماقالت سعدية احتمال تكون

نفسيات النائم مننا تعبانة فى الواطة او نائم وهو زعلالالالالاان من زول

عشان كدا تلقى عندو رغبة انو يعضى حتى وهو نااااائم

الجيوب الانفية بتكون عند مايسة تقريبا انا عال العال:p

لكن تعالى هنا قبضتك

عشان الناس المعانا دى تستفيد

اللعب بالاسناان دى حااجة لاشعوريا

يعنى كيف الواحد يشغل نفسو بحاااجة تانية

وهو اساسا فى سااابع نووووومة

مرات القلق بكون جووووه النوووومة ذاتها

ياأخ مدثر أشكرك علي الأستفسار الجميل علي حسب معلومات المتواضعة جداَ أن ظاهرة أحتكاك الأسنان نوع من أنواع التوتر لكن الأعتياد عليها بيبقي عادة مكتسبة زيها وزي صره العين الدائمه أو فلفله الشعر باليد في أي زمان ومكان أو تحريك الرجل عن التفكير العميق كل هذا الحاجات ممكن تتغير بأنك في نفس الوقت البتحصل فيه الظاهرة دي تعمل حاجه تانيه مثلاً تقرأقرأن في الوقت دي أو تصلي أو تغسل أوتنظف لحدي مايفوت زمنه أذا عملته كدا حتتخلص منها. أما حصولها خلال النوم في دي بيرجع لحصولها قبل النوم أو في فترات تانية من اليوم أذا أتخلاصنا منها كعادة مكتسبة قبل النوم أكيد حنتخلاص منها في أثناء النوم.

[هبوية]

والله ياخي المشكله موش في عدم النوم
المشكله انا لما انوم ما بقدر اقوم والله ..
اها دي كيفن ؟

بالمناسبه :

التعليق نقلاً عن عمنا أبو جمانه

ماتستعجل بجي الأيام البي كون فيه عنك أرق، هسي أحمد ربك لانك بتخت رأسك وتنوم

[هبوية]

يا هبوية ياخي ما تجوابي علي عمنا ابوجمانة ده عشان نجي نصحيك

يأبو النور حاضر حارد علي ، غالي والطلب رخيس

[هبوية]

تصدقي فعلا - بنتي الصغيرة الايام دي طالعة بيها الكفر الحركة دي - نظام موضه وكدا - وما بتعملها الا في الليل - بالنهار اصلو ما بتعمله - وانا اشيل واتضرس :mad:

أبداً ماحركة أو موضه ، راقبيه أو أنتبهي لتصرفاته أكيد حيكون عندها مشكلة أحتمال تكون صغيرة لكن أذا ماعرفتي السبب حتكبر معها وتبغي عاده مكتسبه.

[هبوية]

مليون مرحب بالاخت هبويه

اما موضوع النوم ده فالحمد لله اول ما اخت راسي ده وانوي النوم تاني الا الصباح
والاكل قبل النوم مرات فعلاً بجيب القلق لكن التدخين وما التدخين قبل النوم فالقاعده عندي مكسره .

وتسلمي على النصائح وفي انتظار المزيد

أشكرك كتير علي ترحيبك بي عندي نصايحه أخري حاول أذا كنت بتدخن قبل النوم دخن قبل نص ساعة علي الأقل.

[هبوية]

الأخت : هبوية
تشرفنا بأنضمامك لنا و نتمنى أن تطيب لك ِ الإقامة بيننا لتفيدي و تستفيدي
كما نتمنى أن نراكِ حضور دائم بالمنتدى لتعطري صفحاته بطيب مشاركاتك
عن نفسي فلا أصنف نفسي من الأشخاص الذين يحبون النوم فلا أعرف شيء أسمه نوم النهار ( القيلولة )
كما أن ساعات نومي العادية لا تتعدي الست ساعات في أغلب الأحيان
وفي أعتقادي الشخصي أنا التعب و الفتور يجعل الأنسان ينام بسرعة و بي عُمق أيضا ً
كما أن الهم و التفكير يُبعدان النوم من الأجفان وهذا يتنافى مع المثل السوداني القائل ( لو كترت عليك الهموم أدمدم نوم ) :eek:

أشكرك كتير وأن سعيده جداً لان بينتكم أنشاء أكون عند حسن الظن وأن أضيف المفيد والجيد، أما بالنسبه للمثل السوداني (أذا غالبت عليك الهموم أدمم ونوم ) فأن أوفقك الرأي فيما قلت لك مني كل التقدير.

[هبوية]

هبويه .. حبابك الف

نحنا و الله ما دايرين لينا طريقه ننوم بيها .. اول ما نصل السرير من التعب نروح فى سابع نومه ..! لو عندك طريقه نقوم بيها من النوم ورينا ليها ..!

مرحبا أبو جمانه ، الحمد للله أنك بتنوم كويس ، لكن الحياة دي ماكلها سعادة بجي اليوم الما بتنوم فيه أتزكر كلامي يمكن نصائحي تساعدك علي النوم

[مايسة]

أبداً ماحركة أو موضه ، راقبيه أو أنتبهي لتصرفاته أكيد حيكون عندها مشكلة أحتمال تكون صغيرة لكن أذا ماعرفتي السبب حتكبر معها وتبغي عاده مكتسبه.


مشكلة شنو - عمرها تلاته سنين اربعة شهور - زمان ابدا ما عملتها -

بس هسه لاحظته ليها - تقريبا عشرة ايام بتعملها لمدة تلاتة ثواني تقريبا - وبتواصل تنوم

- المشكلة تكون شنو - وريني - ما تكون بس حاجة ما بتتعالج

[احمدجمعه]

بعد التحيه
الاخت هبويه
نصائحك جميله جدا ولكن مايؤرق المضاجع كثير
لتنام جيدا اخرج رأسك من التفكير وصلي العشاء واذهب الى السرير سوف تنام جيدا ولكن بشرط
احسن التعامل مع الاخرين فهذا مايؤرق المضاجع
اما عن الحركات اثناء النوم فهي كثيره وغريبه
فبل ساعات كنت بتونس مع صاحبي وذكر لي انه له ابن اخت لاينام الا عندما يكون ممسكا باصبع احدهم
سبحان الله

[هبوية]

مشكلة شنو - عمرها تلاته سنين اربعة شهور - زمان ابدا ما عملتها -

بس هسه لاحظته ليها - تقريبا عشرة ايام بتعملها لمدة تلاتة ثواني تقريبا - وبتواصل تنوم

- المشكلة تكون شنو - وريني - ما تكون بس حاجة ما بتتعالج

أن قلته ليك أن المشكلة صغيره جدا ، هي بتحاول تلفت أنتباهك لانك ماقاعده تديها مساحه كبيره في يومك مثلا ماقاعده تلعبي معلها أو تهتمي بيها شديد فدي نوع من أنواع لفت الأنتباه لكن أذا أهتمتي بها أكثر حتروح العاده دي .

[هبوية]

بعد التحيه
الاخت هبويه
نصائحك جميله جدا ولكن مايؤرق المضاجع كثير
لتنام جيدا اخرج رأسك من التفكير وصلي العشاء واذهب الى السرير سوف تنام جيدا ولكن بشرط
احسن التعامل مع الاخرين فهذا مايؤرق المضاجع
اما عن الحركات اثناء النوم فهي كثيره وغريبه
فبل ساعات كنت بتونس مع صاحبي وذكر لي انه له ابن اخت لاينام الا عندما يكون ممسكا باصبع احدهم
سبحان الله

أهلا أحمد جمعه ياريت كل الناس بتعمل مع الأمور والمشاكل ببساطك ذيك ، لكن في نوعيات بتعقد المشاكل وتكبره أكبر من اللزم فأ قترحاتي للأشخاص دليل وللعندهم أرق بسبب أو بغير سبب.

[بحيرى]

والله بقرأ فى كلامك ده قربت انوم الظاهر تاثيرو عالى شويه .
وشكراً على النصائح التي تدعوا الى الكسل والنوم والفشل , فانا من محبى هذه الصفات .

[الحمزاوي]

الاخت هبة اشكرك جدا على هذا الموضوع العصري فانا شخصيا لدي مشكلة مع النوم لا استطيع النوم الا بعد الساعات الاولى من الصباح وهذة المشكلة معي منذ ايام الجامعة والى وقتنا هذا الا اذا كنت متعب شديد انام مبكرا ولم اجد حلا لهذه المشكلة الى الان هل لديك الحل ؟

كنا نتكلم عن النوم مع احد الاصدقاء وهو طبيب وحكى لنا انه ما قدر ينوم فقال اكلت كل شي موجود داخل التلاجة حتى امتلأت بطنة واصابة الخمول ونام في الحال رايك شنو؟

[هبوية]

والله بقرأ فى كلامك ده قربت انوم الظاهر تاثيرو عالى شويه .
وشكراً على النصائح التي تدعوا الى الكسل والنوم والفشل , فانا من محبى هذه الصفات .

أشكرك أخ بحيري كتير وأتمني أن أكون خفيفة الظل عليكم ولكم مني كل التقدير

[أشرف صلاح السعيد]

كيف تنام؟
هل تصاب بالأرق؟
هل أنت من الذين لايستطيعون النوم؟

الأرق دا ما يهو التقلب فى النوم؟..نعم..

أذا كنت من هولاء فيجب اتباع الأتي لكي تنام:

حاضر..

1.أختيار المكان المناسب للنوم
أن يكون المكان هادي وأنواره خافته او هادئه أو ضوء القمر وبه تهويه جيده.

هادى وين مع الشفع واحد جيعان والتانى عشطان والتالت حشران؟ولا جارنا البسبسب فى الحيكومة طول الليل دا..من ناحية النور ناس الكهربا ما مقصرين شرطك متوفر بالحيل..القمر فى ما بقينا بنلتحف السما..والتهوية راااقدة والاوضة الوحيدة زاتو ما معروشا..

2.وأن يكون السرير مريح ومستقيم وأن تكون نوع الملائات والأغطيه ناعمه وألوانها فاتحه (زهري - بنبي- ابيض- بنفسجي- لبني).

فى ذمتك العنقريب دا يلونو كيف؟والغنماية شكيتا لله تتحكحك فيو وتلوك فى اليوم كلو..وبالنسبة للغطا دا ياهى الفركة وناس النسيج ما ظنيتم يلونوها لينا..وألوانك دى يخربنى غير الابيض ما خبرتا..

3.وأن تكون الوساده عاليه نوع ما وطريه.

الوسادة دى ظنيتا المخدة مو كدى؟..التبروكة التحت الدماغ دى ما بنعرفلها علو ياهى واااحدة..أستغفر الله النقوم نجيب مخلاية الحمار..بس الباقين ديل يجيبو شنو؟؟..

4. أسلقي بأستقامه وأغلق عيناك برفق وفكر في زكريات جميلة ورائعه في حياتك تبعث الفرح والسرور في نفسك لاتتعمق بل فكربها بسطحيه و أضف عليها بعض أمنياتك .

ذكريات جميلة ذكريات جميلة..أها أكان ما لقيت جيت الموية فى الترعة بتعدوها لينا ذكريات جميلة؟؟..وحتى دى لما تجى عليك أمان الله القفة تزوزى فيها مرة يمين ومرة وشمال...

5.(تنبيه لاتدخن أوتأكل قبل النوم مباشرتاً لانهامن الأسباب الرئيسية فب الأرق)

الدخان الله يأزاو هو بتشرب الا للمجانين..أما مسعلة الاكل دى شرطا متوفر جد قبل النوم وبعد النوم..

6.تمتع بنوم هادي ومستقر.

النوم علا بنومو أكان هادى ولا أكان مجهجهة بس صحو لينا المسعولين النعرف نسقى الارض النوموها وبوروها ونومنا نحنا دى هويين..

7.أذا نمت جيداً فأدعوا لي بالخير

أكان نمنا كويس ولا لا إن شاء الله يصلح كل احوالك ويرحمك ووالديك ويتم ليك الفى مراداتك..

(أنتظروني في موضيع أخري قريباً)


اختى هبوية تحياتى..
معاذ الله أن أريد التهكم من موضوعك ولكن إنتهزتها فرصة لعكس كلام واحد أغبش ولسان حالو..وللمعلومية عدد الذين لا يمتلكون أسرة وحتى سادة اللون مئات ومئات المرات منا نحن ساكنى المدن ..أرجو أن تفهمى ما أردت عكسه بنوع من السجال مع الفكرة الطيبة التى نصحتى بها ..
تحياتى وإحتراماتى..

[هبوية]

اختى هبوية تحياتى..
معاذ الله أن أريد التهكم من موضوعك ولكن إنتهزتها فرصة لعكس كلام واحد أغبش ولسان حالو..وللمعلومية عدد الذين لا يمتلكون أسرة وحتى سادة اللون مئات ومئات المرات منا نحن ساكنى المدن ..أرجو أن تفهمى ما أردت عكسه بنوع من السجال مع الفكرة الطيبة التى نصحتى بها ..
تحياتى وإحتراماتى..

أخي أشرف صلاح السعيد تحيه طيبه ، أشكرك شكر جزيل علي أحساسك بهذه الشريحة الكادحه من المجتمع وهي الشريحة التي تنتج والشريحة الكبري فكل كادح،
ولكن يتفاوت بين هولاء ونحن ، عندما بدأت بكتابة الموضوع لم أريدأبداً أن أكتب بطبقية لكن أرت أن أقتبس من وقعي موضوع يفيد من حولي ، أما التحدث عن القباشه والخشونه والنوم علي العقريب الهباب والوساده المخلايه، فأنا أراها من أمتع الأماكن عند النوم فالعنقريب تحت الضل المرشوش والشجرة الظليلة أوحتي الركوبة في القرية النائيه التي تتمتع بنقاء جوها أفضل بكثر من النوم علي المكيف والأسره العالية، علي الأقل تنام وانت لاتصاب بأي أمراض بسبب المكيف أو هواء المصانع التي تتتمع بها المدن أستميحك عزرا نحن أبناء هذا الوطن ويسرنا أن نحس بالكادح البسيط لا النظر اليه بما لايليق.

[أشرف صلاح السعيد]

أخي أشرف صلاح السعيد تحيه طيبه ، أشكرك شكر جزيل علي أحساسك بهذه الشريحة الكادحه من المجتمع وهي الشريحة التي تنتج والشريحة الكبري فكل كادح،
ولكن يتفاوت بين هولاء ونحن ، عندما بدأت بكتابة الموضوع لم أريدأبداً أن أكتب بطبقية لكن أرت أن أقتبس من وقعي موضوع يفيد من حولي ، أما التحدث عن القباشه والخشونه والنوم علي العقريب الهباب والوساده المخلايه، فأنا أراها من أمتع الأماكن عند النوم فالعنقريب تحت الضل المرشوش والشجرة الظليلة أوحتي الركوبة في القرية النائيه التي تتمتع بنقاء جوها أفضل بكثر من النوم علي المكيف والأسره العالية، علي الأقل تنام وانت لاتصاب بأي أمراض بسبب المكيف أو هواء المصانع التي تتتمع بها المدن أستميحك عزرا نحن أبناء هذا الوطن ويسرنا أن نحس بالكادح البسيط لا النظر اليه بما لايليق.



الاخت هبوية سلام..
لم تستخفى بالبسطاء ولكنى إستخففت بمن جعلهم لا يستطيعون من زرع اراضيهم..
فقد عشت بقرى لا يعرف الكثير من سكان المدن حتى موقعها بخريطة السودان وشربت مع بعضهم موية الترعة لا تواضعا ولكن حوجة..عشت فى قرى بشرق السودان كل القرية لا تملك بيتا للأدب "مستراح" والفول عندهم من فاخر الطعام..كل مؤنتهم شوال فتريتا مدقق وربع شوال ويكة..
فاسمحى لى أن أسخر من كل حقير غارقة يده فى دماء جراحاتهم ويوئد فى احلامهم البسيطة..