تاجوج

[شذى النوبيه]

عمر الدوش

تاجوج
بتكتب بالشمال
منحوتة في شكل الكتاب
بتكحِّل الإبل النحيله
بالمشاوير النبيله
وتعشِّي ضيفان القبيله
بالأناشيد الطويله
موهوبه ذي كل البنات
في الأسي المنسوج خيال
وإتخيلت
إنو المحلق حابَّها
تاجوج بتحلب من غيوم كسلا المطر
وتوزِّع القش والشجر
بتفرِّق الهم والكدر
حفيانه تجري ورا السراب
تاجوج بتكتب بالحراب
تاجوج بتكتب بالشمال
وبترتِّق التوب والنعال
وتمرُق الهم الموكرّ
في قلوب كل الرجال
تاجوج سؤال
تاجوج غزال
تاجوج مُحال
تاجوج خيال
اتخيلت إنو المحلق ساكّهَا
بي طريق شاقِّي الغمام
يا يتامى
يا غلابه
شوفو لي تاجوج ذمام