لو حتى نبدى من الصفر الركشة لازم تستمر

[سماحة]

أخواني الاعزاء في المنتدى
سلام
وبالاشارة للموضوع اعلاه عندي اقتراح
حتى لاتتوقف كتابات ( أقصد جولات) الاستاذ أشرف (أقصد أمين) بالركشة .. وهو أن يجتمع كل اعضاء المنتدى ويشوفو باقي اقساط الركشة ويتم التسديد بدلا عنه حتى لا يقرر بيعها ...وهو يكتب لينا عن الشارع السوداني ونناقش المواضيع ونشوف الحلول... إيه رأيكم
يلا بسرعة نبدأ التصويت ...حأرسل ليكم رقم الحساب عشان تجمعو الفلوس بالذات ( نحن المغتربين) وما تخافوا أخونا أمين اكيد باقي ليه زي مليون واحدة بس....
يلا رأيكم بسرعة...
بيني وبينك يا .... مش ده الدايرو؟؟؟؟

[الملكة اسماء ( ام محمد )]

:confused::confused::confused::confused::confused:
تدقشني ركشة كان فاهمة حاجة :p

[أشرف صلاح السعيد]

أخواني الاعزاء في المنتدى
سلام
وبالاشارة للموضوع اعلاه عندي اقتراح
حتى لاتتوقف كتابات ( أقصد جولات) الاستاذ أشرف (أقصد أمين) بالركشة .. وهو أن يجتمع كل اعضاء المنتدى ويشوفو باقي اقساط الركشة ويتم التسديد بدلا عنه حتى لا يقرر بيعها ...وهو يكتب لينا عن الشارع السوداني ونناقش المواضيع ونشوف الحلول... إيه رأيكمأشكر لك هذا التعاطف مع امين..لكنو هو زولا هميم ما ظنيت الركب وساق الركشة مستنى منة من غير الله الكريم..يلا بسرعة نبدأ التصويت ...حأرسل ليكم رقم الحساب عشان تجمعو الفلوس بالذات ( نحن المغتربين) وما تخافوا أخونا أمين اكيد باقي ليه زي مليون واحدة بس....
يلا رأيكم بسرعة...
بيني وبينك يا .... مش ده الدايرو؟؟؟؟ والله ما فهمتا شى كدى جيبى ليى فهامة وبعدين أرد..يحتحتنى ما فهمتا..

سماحة تحياتى..

بالنيابة عن امين "رغم لا وصاية على من كان مثله" لك كل الشكر وإن شاء الله ما تحتاج ولا تتحوج..

قلت " لو حتى نبدى من الصفر الركشة لازم تستمر"

إن كنت قاصد ركشة بتشوِّف دروب
أو يقظة بتنور قلوب
تدعونا نعدِّل للعيوب
فالركشة لازم تستمر حتى لآخر العمر

بس الركشة ما بيت القصيد
والرؤية ما لازم تحيد
عن إعوجاج متحدى وعنيد
بنتعامى عنو ومستمر

الركشة نفاضات غبار
بتكشف وجائع وانهيار
وعلل جسام بقت هظار
عشان نستفيق و ناخد قرار
يمكن يجى معاو العمار
ونخفف لهب الحياة المستعر

ركشة واحدة ما كفاية
إن طال زمان بتجف دواية
وبنرجع بكرة للمحاية
وللفكى يبعد أذايا
وبالقليل يزيل الوصايا
ونلقى الزمن رجع قصر

الركشة ما بتزيل بلم
لو إرتضينا نكون غنم
همو العليق والنهم
والراعى عدمان للفهم
والكل توهان فى العدم
بيبقى القطيع اكيد خسر

[أبو جودي]

سماحة تحياتى..

بالنيابة عن امين "رغم لا وصاية على من كان مثله" لك كل الشكر وإن شاء الله ما تحتاج ولا تتحوج..

قلت " لو حتى نبدى من الصفر الركشة لازم تستمر"

إن كنت قاصد ركشة بتشوِّف دروب
أو يقظة بتنور قلوب
تدعونا نعدِّل للعيوب
فالركشة لازم تستمر حتى لآخر العمر

بس الركشة ما بيت القصيد
والرؤية ما لازم تحيد
عن إعوجاج متحدى وعنيد
بنتعامى عنو ومستمر

الركشة نفاضات غبار
بتكشف وجائع وانهيار
وعلل جسام بقت هظار
عشان نستفيق و ناخد قرار
يمكن يجى معاو العمار
ونخفف لهب الحياة المستعر

ركشة واحدة ما كفاية
إن طال زمان بتجف دواية
وبنرجع بكرة للمحاية
وللفكى يبعد أذايا
وبالقليل يزيل الوصايا
ونلقى الزمن رجع قصر

الركشة ما بتزيل بلم
لو إرتضينا نكون غنم
همو العليق والنهم
والراعى عدمان للفهم
والكل توهان فى العدم
بيبقى القطيع اكيد خسر

،،،،،،،،،،،،،


ده شنو الإبداع ده ،،،، والله يا اشرف أخوي ،،، ده الشغل المميز ،،، حيرتنا عديل كدي ،،،،
وأهه من حسي ده أنا أول واحد رسلت ليك سمسار عشان الركشة ،،، لكن من الليلة الركشة دي ما بتتباع حتى لو جات سمساره هناية ولا هناية
،،، ودي ركشة عمنا أشرف وبغنوا ليها لازم تستمر ،،،،
وتستمر كيف مع ناس الشرطة ومضايقاتهم
وتستمر كيف مع العساكر الجداد ومهاتراتم
وتستمر كيف والكشه في كل يوم وفي كل شهر
وتستمر كيف ....................................... أهه تمها ،،، وكان غلبتك بجيك تاني

[سماحة]

إن كنت قاصد ركشة بتشوِّف دروب
أو يقظة بتنور قلوب
تدعونا نعدِّل للعيوب
فالركشة لازم تستمر حتى لآخر العمر
دي الركشة الانا قاصداها فهي لازم لاااااااااااااااااااازم تستمر

[أشرف صلاح السعيد]

دي الركشة الانا قاصداها فهي لازم لاااااااااااااااااااازم تستمر

علم وينفذ..

[أشرف صلاح السعيد]

،،،،،،،،،،،،،


ده شنو الإبداع ده ،،،، والله يا اشرف أخوي ،،، ده الشغل المميز ،،، حيرتنا عديل كدي ،،،،
وأهه من حسي ده أنا أول واحد رسلت ليك سمسار عشان الركشة ،،، لكن من الليلة الركشة دي ما بتتباع حتى لو جات سمساره هناية ولا هناية
،،، ودي ركشة عمنا أشرف وبغنوا ليها لازم تستمر ،،،،
وتستمر كيف مع ناس الشرطة ومضايقاتهم
وتستمر كيف مع العساكر الجداد ومهاتراتم
وتستمر كيف والكشه في كل يوم وفي كل شهر
وتستمر كيف ....................................... أهه تمها ،،، وكان غلبتك بجيك تاني

انت الابداع يا ابو جودى ..لك كل الود وتحياتى..

[ابوخالد]

أخواني الاعزاء في المنتدى
سلام
وبالاشارة للموضوع اعلاه عندي اقتراح
حتى لاتتوقف كتابات ( أقصد جولات) الاستاذ أشرف (أقصد أمين) بالركشة .. وهو أن يجتمع كل اعضاء المنتدى ويشوفو باقي اقساط الركشة ويتم التسديد بدلا عنه حتى لا يقرر بيعها ...وهو يكتب لينا عن الشارع السوداني ونناقش المواضيع ونشوف الحلول... إيه رأيكم
يلا بسرعة نبدأ التصويت ...حأرسل ليكم رقم الحساب عشان تجمعو الفلوس بالذات ( نحن المغتربين) وما تخافوا أخونا أمين اكيد باقي ليه زي مليون واحدة بس....
يلا رأيكم بسرعة...
بيني وبينك يا .... مش ده الدايرو؟؟؟؟






ركزي شوية ... يا سماحة ...

الموضوع تصويت بالقلم ... !!!!!!

والا تصويت جيوب ....!!!!!!!

مع تحياتى