سقوط الملاكم

[درديري كباشي]

قبل رمضان كنت مع صغاري نجوب الاسواق لشراء ملابس الاجازة والاعياد بقية قضاء اجازتهم في السودان .. لفت نظري في اماكن ملابس الرجال ( لاحظوا ملابس الرجال ) نوع من الشورطيات الملابس الداخلية ( بلا مؤاخذه انكسه ) نوع فخم وملون وغالية في سعرها تكاد تكون اغلى من البناطلين ومكتوب علبها بوكسر بالاتجليزي وهي كما نعلم تعني الملاكم .. وعندما سالت عن سرها قالوا هذه موضة .. حقيقة لم افهم كيف ستكون الملابس الداخلية موضة .
تذكرت هذا الامر بالامس وكنت في ريارة عمل للبنك الامريكي ببرج المملكة اعلى وافخم مبنى في السعودية .. صادفنا وقت الغداء بالمبنى وتوجهنا ناحية الكافتريات .. وكانت الكافتريات مزدحمة بشباب عرب من مختلف الجنسيات ( عدا السودان والحمد لله ) القاسم المشترك بينهم كلهم مربين شعورهم وكل واحد مسرح شعره بطريقة مختلفة وبعضم يلبس الطوق والبانده ويعمل زيل الحصان .. لكن كل هذا هين الاسوا انهم كلهم بلا فرز كانت بناطلينهم توشك على السقوط .. مبينة ذلك الملاكم الذي قيل من قبل انه موضة . وكان اكثر واحد يستحي منهم يرفع بنطلونه ولكن قليلا فقط بحيث لا يسقط وتتكرر هذه الحركة هنا وهناك .
منظر مقزز .. هل وصلنا لمرحلة ان يتباهى الناس بملابسهم الداخلية ؟؟
كنا ننتظر جيلا عربيا ينبري لتحرير فلسطين والعراق والان تقلص طموحنا لننتظر جيلا يرفع البنطلون لا اكثر ..

[درديري كباشي]

من المعروف وعبر الزمن ان الموضات تتطور بل تلف وتعود من جديد يعني نذكر في الثمانينات كانت موضة الشعر الكثيف والبنطلون الواسع من تحت وضيق من اعلى مع القميص المحذق .. ثم انعكست الموضة ليظهر الشعر الحليق مع الملابس الواسعة .. يعود الشعر الكثيف من جديد لكن حكاية ( البنطلون الناصل) هي جديدة اول مره وبالتالي تعتبر هي تردي للموضة نفسها لو اعتبرنا ان الموضة شئ ( كويس) واتباعها ليس انعكاس لفراغ عقلي وعاطفي وروحي .

[مدنيّة]

دا التطور ياديرديري

وعلي فكرة في السودان هنا برضو في التطور دا

خليك مواكب
:(:(:(:(:(

[أشرف صلاح السعيد]

سلام ابو الدر..
والله لقيتك قديم قدم السنين.. اولا بالتبادى ما اسمو بنطلون ناصل اسمو بالخليجى " طيحنى" ويااخى مسعلة البوكسر دى من زمااان فى ما مشيت اسبلاش قبل كدا؟..بس يسألنى الله الواحد ما كان بيشوف مهرجانات عرضها..
بعض الشباب حاصل ليهم شنو ما بتعرف ويقولو ليك الموضة كدا!!!
الموضة تلك الكلمة المخترعة من قبل بيوتات الأزياء ما هى الا غسيل مخ للناس المخها اساسا فاضى "تتخيل منطق غريب يغسلو الامخاخ النضيفة وما فيها اصلا شى فاااضية!!" عشان يسوقو بضاعاتهم.. ولعلى اذكر باحد مواضيعك تطرقت للفلسفة الامريكية فى التسويق بانهم بيصنعوا الشى وبعدين بيسوقوا ليهو وكذا الموضة..بتطلع الفكرة من شخص واحد وبتتبناها احدى البيوتات التصميمية للأزياء ويسوقوها للعالم الفاضية.. ولكأن تلك الموضة يجب أن تلائم كل البشر!!والغريب بالامر بعض الحمقى ممن يقلدون الموضات الغريبة تراه يبستف فى عاقل لعدم مواكبته تطور العصر ولبسه لطيحنى !!ويكفينا شر تطور العصر البقى بيظهر الصرر للبنات وال..... "خجلتا اقولا خلينا اظهرا"..
ولعلى أذكر وانا صغيرا موضة "قميص تحرمنى منك" يااخى الشارع كلو كان لابس قميص بفكرة واحدة !! رغم عدم مس بعض الموضات للحياء ورغم ايمانى بأن مسألة اللبس ذوق شخصى بس كمان لما الشارع كلو يلبس نفس الشى دى دلالة على عدم وجود الذوق الشخصى المستقل والعالم معظم أذواقها تابعة وغير خلاقة او خبيرة بمعرفة ما يناسبها..
نسأل الله أن يحمينا وكل الشباب المسلم عن الملهيات والمصرفات والعلوم التى لا ينتفع منها الناس..

[عــــمــــرو]

الجميل درديري

الخوف أن نرى في المستقبل موضة جديدة بعدها نحترم موضة البنطلون الناصل !!

وأعتقد انها موجودة العيب مننا الما متابعين الموضة وأخبار الموضة !!

يديك العافية يا الحبيب على الطرح الجميل

[درديري كباشي]

دا التطور ياديرديري

وعلي فكرة في السودان هنا برضو في التطور دا

خليك مواكب
:(:(:(:(:(



هيييييييييييك لاكان

يعني نحن الطلعنا اهل الكهف

وتقصدي شنو بالاوشاش الخمسة ديل اشمعنا خمسة .

[درديري كباشي]

سلام ابو الدر..
والله لقيتك قديم قدم السنين.. اولا بالتبادى ما اسمو بنطلون ناصل اسمو بالخليجى " طيحنى" ويااخى مسعلة البوكسر دى من زمااان فى ما مشيت اسبلاش قبل كدا؟..بس يسألنى الله الواحد ما كان بيشوف مهرجانات عرضها..
بعض الشباب حاصل ليهم شنو ما بتعرف ويقولو ليك الموضة كدا!!!
الموضة تلك الكلمة المخترعة من قبل بيوتات الأزياء ما هى الا غسيل مخ للناس المخها اساسا فاضى "تتخيل منطق غريب يغسلو الامخاخ النضيفة وما فيها اصلا شى فاااضية!!" عشان يسوقو بضاعاتهم.. ولعلى اذكر باحد مواضيعك تطرقت للفلسفة الامريكية فى التسويق بانهم بيصنعوا الشى وبعدين بيسوقوا ليهو وكذا الموضة..بتطلع الفكرة من شخص واحد وبتتبناها احدى البيوتات التصميمية للأزياء ويسوقوها للعالم الفاضية.. ولكأن تلك الموضة يجب أن تلائم كل البشر!!والغريب بالامر بعض الحمقى ممن يقلدون الموضات الغريبة تراه يبستف فى عاقل لعدم مواكبته تطور العصر ولبسه لطيحنى !!ويكفينا شر تطور العصر البقى بيظهر الصرر للبنات وال..... "خجلتا اقولا خلينا اظهرا"..
ولعلى أذكر وانا صغيرا موضة "قميص تحرمنى منك" يااخى الشارع كلو كان لابس قميص بفكرة واحدة !! رغم عدم مس بعض الموضات للحياء ورغم ايمانى بأن مسألة اللبس ذوق شخصى بس كمان لما الشارع كلو يلبس نفس الشى دى دلالة على عدم وجود الذوق الشخصى المستقل والعالم معظم أذواقها تابعة وغير خلاقة او خبيرة بمعرفة ما يناسبها..
نسأل الله أن يحمينا وكل الشباب المسلم عن الملهيات والمصرفات والعلوم التى لا ينتفع منها الناس..

كدا يا معلم قلت لي اسمه بالخليجي طيحني يعني لحنوها ما هي ذاتها بنطلون واقع او ناصل لانه طاح معناها وقع ..

انا اعتقد انه ما في مانع الشاب يعيش حياته ويتابع الموضه لكن لازم تكون هناك خطوط حمراء ممثله في العرف والاخلاق والعادات والتقاليد والعيب والخجل وكلام كثير خايف يكون شاله الهوا ..

[درديري كباشي]

الجميل درديري

الخوف أن نرى في المستقبل موضة جديدة بعدها نحترم موضة البنطلون الناصل !!

وأعتقد انها موجودة العيب مننا الما متابعين الموضة وأخبار الموضة !!

يديك العافية يا الحبيب على الطرح الجميل

نورت يا عمرو : الله يستر مره بقراه في قطعة لواحد اخونا ساخر كاتب عن المستقبل قال الحبوبة بتحكي لحفيداتها بعد خمسمائة سنة ...

تقول ليهم : بري من زمنكم يا بناتي نحن زمان الواحدة كان بتلبس الاسكيرت طويييييييل لغاية الركبة .. وكمان معاه بلوزة لغاية السرة ...................

[بنت الرفاعي]

سلام ابو الدر..


والله لقيتك قديم قدم السنين.. اولا بالتبادى ما اسمو بنطلون ناصل اسمو بالخليجى " طيحنى"

وفي السودان أول كان ممكن يلفتك زول ويقول ليك عاين ده ( داقِّي سيستم ) (مافهمت داقي دي لي شنو ؟!:confused: ),
لكن الآن .. عادي يا مان .. وأنسى الفكرة ,
ده إذا ما طلعت موضات جديدة , غير الموجودة أصلا .

غايتو الله يهون , ويهدي الجميع .

[بنت الرفاعي]

نورت يا عمرو : الله يستر مره بقراه في قطعة لواحد اخونا ساخر كاتب عن المستقبل قال الحبوبة بتحكي لحفيداتها بعد خمسمائة سنة ...

تقول ليهم : بري من زمنكم يا بناتي نحن زمان الواحدة كان بتلبس الاسكيرت طويييييييل لغاية الركبة .. وكمان معاه بلوزة لغاية السرة ...................


:eek::eek::eek::eek:
:confused::confused::confused::confused:
:p:p:p:p
حيبقوا يلبسوا ما لابسين ولا شنو ؟؟؟

[العاقب مصباح]

كنا ننتظر جيلا عربيا ينبري لتحرير فلسطين والعراق والان تقلص طموحنا لننتظر جيلا يرفع البنطلون لا اكثر ..

كنا ننتظر جيلا عربيا ينبري لتحرير فلسطين والعراق والان تقلص طموحنا لننتظر جيلا يحرر الملاكم



كاتب عن المستقبل قال الحبوبة بتحكي لحفيداتها بعد خمسمائة سنةالخوف يا درديرى انو يكون بعد خمسين سنة ... منظر مخذى جداً ... ياخى الاولاد البيلبسو برمودات لحدى الساق ولافين بيهم فى المحلات مطممين بطنى .... ربك يستر بس

[درديري كباشي]

كنا ننتظر جيلا عربيا ينبري لتحرير فلسطين والعراق والان تقلص طموحنا لننتظر جيلا يحرر الملاكم


الخوف يا درديرى انو يكون بعد خمسين سنة ... منظر مخذى جداً ... ياخى الاولاد البيلبسو برمودات لحدى الساق ولافين بيهم فى المحلات مطممين بطنى .... ربك يستر بس

سلام يا عقبة

وغلى رايك وفعلا كان في ناس يلبسون البرمودا واشياء يستحي الشخص العاقل انه يلبسها داخل بيته .. لكن حكاية البتاع الواقع دا خلت كل شئ هين ومقبول .. واهم هدف انه تعدي هذه الموضة البايخه دون ما تاخذ فترة طويلة من عمرنا .

[moh_alnour]

أولا ً بالتبادى ما أسمو بنطلون ناصل أسمو بالخليجى " طيحنى "



وفي السودان أول كان ممكن يلفتك زول ويقول ليك عاين ده ( داقِّي سيستم ) (مافهمت داقي دي لي شنو ؟ ! :confused:




جيت داخل قلتا أسطح ليكم بي درديري دا شوية لكن لقيت أشرف و مُرام ماشاء الله عليهم ما قصروا تب ;)
همسة : أنت يا أشرف أبو الدُر دا مقيم في الرياض ولا أنا غلطان ، مالو عامل فيها رايح كدا ;)
يعني كان ما مات ما شقى المقابر ولا فالح بس في تسلق طوابق برج المملكة ;)