بشرى ساره الى اهالى هذه المدينه ؟؟؟؟

[عاشق النجمه]

بسم الله الرحمن الرحيم
التحيه موصوله الى جميع اهالى ودمدنى المعطاء
لقد ورد الينا من مصدر موثوق به من الجهات الحكوميه ....
انه جاء من الماليه الاتحاديه مبلغ 200 مليار دفعه اولى
الى هذه المدينه واستلمت
للانماء الطرق والجسور .....


حلم بقى حقيقه ....

[عاشق النجمه]

بلمناسبه الوالى بدء العمل فى الطرق وبداء بشارع المستشفى
والله يحل عقدة هذه المدينه

[nehroo]

الله يبشرك بالخير يا عاشق ..
200 مليار ؟؟
كلللللللها حا تمشي لتنمية المدينة ؟

[محمد عبد الله عبدالقادر]

[QUOTE=عاشق النجمه;416680][center]بسم الله الرحمن الرحيم
التحيه موصوله الى جميع اهالى ودمدنى المعطاء
لقد ورد الينا من مصدر موثوق به من الجهات الحكوميه ....
انه جاء من الماليه الاتحاديه مبلغ 200 مليار دفعه اولى
الى هذه المدينه واستلمت
للانماء الطرق والجسور .....



[COLOR="blue"]محمد جاغومه سلامات

الله يبشرك بالخير
بس الـ 200 مليار دي
بالقديم ولا الجديد
عشان بعدين ما نقعد نتغالط

[أشرف صلاح السعيد]

اخى الكريم بشرك الله ولعلنا نأمل ونتفاءل خيرا وربك ليس بظلام للعبيد..
أتمنى الصحة وإصحاح البيئة يكون له حظ من المبلغ وأأمل أن نرى هذا الحظ ملموسا بالمدينة لا ب....
اللهم أرزقنا الولاة الصالحين وبطانات صالحة لهم ولنا..

[GREY MAN]

نسال الله ان تكون بداية خير وبداية خير

[عاشق النجمه]

الاخوه الكرام كل الاحترام والتقدير اليكم
والرايع جدا محمد عبد القادر والله يا مدير شوق ما عادى
تخريمه ؟؟ اللون الابيض بدى مساحه واسعه
بى الجديد

[moh_alnour]

كلللللللها حا تمشي لتنمية المدينة ؟

في داعي للأسئلة التعسفية و البرا المقرر دي ;)
ما قال ليك للإنماء و الطرق و الجسور ، و يا شمار الليلة بي قروش بكرة بي بلاش ;)
نتمنى أن يتم توظيفها كما ورد في الخبر فالمدينة بحاجة إلى الكثير من الرعاية و الأهتمام

[nehroo]

في داعي للأسئلة التعسفية و البرا المقرر دي ;)
ما قال ليك للإنماء و الطرق و الجسور ، و يا شمار الليلة بي قروش بكرة بي بلاش ;)
نتمنى أن يتم توظيفها كما ورد في الخبر فالمدينة بحاجة إلى الكثير من الرعاية و الأهتمام


قالوا 200 مليار يا محمد ..
لو وظفوها صااااح في مدني
حا أجي القى ظلط لي حدي باب بيتنا ..
وبعوض مافي وذباب مافي وسايفون مافي وغرق خريف مافي و ووووووو

[عاشق النجمه]

با شباب والله العظيم الموضوع ده صاااااااااااااح ميه الميه
ولو دايرين تعرفو اسالو اى زول فى المدينهقولو ليهو شارع المستشفى الحاصل فيهو شنو
بعدين يانهرو انا ما جبته الشمار ده من راسى ؟؟
والله من مسؤل فى الحكومه
والله على ما اقول شهيد

[محمد حسن حوتة]

الله يبشرك بالخير وأتمني ان يكون القايمون علي هذا العمل من المدينة

[أبوريلان]

الله يبشرك


أصبحت بشائر الخير ترد لنا
نسمع بها ويشهد عليها من بالداخل
ظللنا نفتقدها طيلة خمسة سنوات وأكثر
اللهم ولي علينا خيارنا .

[مرتضى التوم]

مشكور على الخبر الجميل وانشاء الله نشوف عمل يليق بمدنى وترجع مدنى زى زمان واحسن كمان والواحد اجازتو السنه الجاية يلقى الامور مشت للاحسن يارب

[الحمزاوي]

والله خبر جميل ويستاهل 200 مليار وان شاء الله مدني الجميلة تصبح جميله

[محمود (أبو وضاح)]

بدأت بشاير الخير تهل على أهلنا ومدينتنا الحبيبة ، أملى أن ينصلح الحال فى كل المرافق والخدمات وينعدل حال صحة البيئة المتدهورة ، وأن يلتفت الناس الى تجويد الأداء والعمل والانتاج ، ويعود حال مشروع الجزيرة الى مصاف المشاريع العملاقة الناجحة خدمة لإنسان الولاية حتى ينهزم الفقر فى وجوه بؤساء هذه الولاية المعطاءة.
مزيد من النجاحات الخدمية والمشاريع الخيرية التكافلية لإنسان المدينة ، ومما يدعو للفخر أن البروف (الوالى) جعل أول اهتماماته احتياجات المدينة أو عاصمة الولاية لكثير من التأهيل وعزل المفسدين وهم كثر للأسف ،
نتمنى له التوفيق فى كل عمل جليل يقوم به فهو ابن المدينة والبار بأهلها وأهله.

[gondi]

ياعاشق النجمه قالو الوالي سيد بلد برضو يعني هلال في مبني الحكومة

[الزبير محمد عبدالفضيل]

نسأل الله الكريم رب العرش العظيم أن تكون بداية خير وبركه لرفاهية أنسان ودمدني

المغلوووووب علي امره

[سيد البلد]

بلمناسبه الوالى بدء العمل فى الطرق وبداء بشارع المستشفى
والله يحل عقدة هذه المدينه



تم بدء العمل بشارع المستشفى , حيث أزيلت الطبقة الإسفلتية للجانب المحازي
للمستشفى وبعدها تم سحب الآليات لسبب غير معلوم ...
مما يعني أن مشروع السفلته إما أنه تم على عجاله , أو أننا سنرى الطريق بعد
عقدين من الزمان " ده على اقل تقدير " إن شاء الله ....

[سيد البلد]

وعزل المفسدين وهم كثر للأسف ،




عزل الموظفين في الادارت السابقه التي توالي الوالي المدهش
وجاء ببطانته وحاشيته ...
التي نتمنى أن تكون خيراً من سابقتها رغماُ عن إنتماءها لنفس الفصيله
التي سبقتها " يعني الماعون وااااااااااااااااااااااحد " ...

[nehroo]

تم بدء العمل بشارع المستشفى , حيث أزيلت الطبقة الإسفلتية للجانب المحازي
للمستشفى وبعدها تم سحب الآليات لسبب غير معلوم ...
مما يعني أن مشروع السفلته إما أنه تم على عجاله , أو أننا سنرى الطريق بعد
عقدين من الزمان " ده على اقل تقدير " إن شاء الله ....



نرجو من أحد الإخوة بالمدينة التوضيح ..
وين يا عاشق ..

[صلاح الشيخ إبراهيم]

حسب علمي السفلتة لشوارع مدني ستقوم بها شركة شريان الشمال بتكلفة 90 مليار.. وكمان فيها شارع بطول 35 كيلو حتي مساعد .. ودى فاتحة خير جميلة .. وان شاء تعاد الحياة لبقية المشاريع المندثرة .. والصبر جبر كما يقال ..بس ما انسو الاستوبات !!

[ميزو]

الاخ عاشق النجمة نتمنى خبرك ده اكون صحيح
لكن الصحيح هو خبر العضو صلاح الشيخ بس مع التعديل البسيط المبلغ ليس كلوا للسفلته فيه كهراء ومياه وصحة وتعليم لكن اغلبوا سفلته

[ahmed algam]

ياعاشق



بعد مانتهول من الحفر ناس


الشركه مشو عشان ادهوم قرزس



السفلته تخيل قالوا ليهم شنو




قالوا ليهم الميزانيه معجزه



وين القروش البتكلم عليها دي

[ahmed algam]

لك الله يامدني

[صابر مدني]

بسم الله الرحمن الرحيم
التحيه موصوله الى جميع اهالى ودمدنى المعطاء
لقد ورد الينا من مصدر موثوق به من الجهات الحكوميه ....
انه جاء من الماليه الاتحاديه مبلغ 200 مليار دفعه اولى
الى هذه المدينه واستلمت
للانماء الطرق والجسور .....


حلم بقى حقيقه ....
اخي العاشق لك التحية
وقفت في اجتماعاتنا مع السيد الوالي في الاجتماع السادس تقريبا والذي يعقد كل اثنين والخاص بتطوير مدينة ودمدني بعد ان اتيحت لي الفرصة وقلت :
هذه الولاية في عهد الوالي السبق حصل فيها فساد لم يحصل في كل الدنيا.اعني عهد عبد الرحمن سر الختم
واذا انت لم تنظف الايادي الغذرة داخل المؤسسات الادارية والتي تعمل حتي الان لن تنجح
واذا جبت مال قارون لهذه الولاية ستلهفها نفس الايادي بنفس الطريقة وكأنك يا ابوزيد ماغزيت.ولكن والله هذا الجاهد معزور فقد وجد ما يشيب الولدان

[صابر مدني]

ياعاشق



بعد مانتهول من الحفر ناس


الشركه مشو عشان ادهوم قرزس



السفلته تخيل قالوا ليهم شنو




قالوا ليهم الميزانيه معجزه


وين القروش البتكلم عليها دي

تعرف يااخي احمد في الخرطوم القرييبة دي الشارع بي نخلو وكهربتو وتلتوارو مابزيد من اسبوع.شارع المحطة وشارع المستشفي جابو لي ولد حسي في الروضة والشارع لي حسي ماتمٌ.وبعدين شارع المحطة مات قبل ميلاده

[محب]

في داعي للأسئلة التعسفية و البرا المقرر دي ;)
ما قال ليك للإنماء و الطرق و الجسور ، و يا شمار الليلة بي قروش بكرة بي بلاش ;)
نتمنى أن يتم توظيفها كما ورد في الخبر فالمدينة بحاجة إلى الكثير من الرعاية و الأهتمام

http://www.arabsyscard.com/pic/thanx/33.gif

[خالد حسن احمد يوسف]

الوالي جاء لقي البلد مطالبة اكثر والمديونيات كتيرة
الله يكون في عون الوالي الجديد
يسدد القديم ولا يعمل حاجة جديدة لناس مدني

[nehroo]

الوالي جاء لقي البلد مطالبة اكثر والمديونيات كتيرة
الله يكون في عون الوالي الجديد
يسدد القديم ولا يعمل حاجة جديدة لناس مدني


وبدأت الأعذار ..

[مجاهد النور محمد]

نتمني ان يكون ماسمعناة صاح مية المية
لكن قبل الظلط ابعدو الايادي المختلسة والمرتشية وللاسف من ابناء عروس النيل الازرق

[nehroo]

http://wadmadani.com/vb/showthread.php?t=31123

[الجزراوي]

با شباب والله العظيم الموضوع ده صاااااااااااااح ميه الميه
ولو دايرين تعرفو اسالو اى زول فى المدينهقولو ليهو شارع المستشفى الحاصل فيهو شنو
بعدين يانهرو انا ما جبته الشمار ده من راسى ؟؟
والله من مسؤل فى الحكومه
والله على ما اقول شهيد

مصدقينك , وبنتمى التوفيق وان شاء الله يكون القادم احلى

بجد الموضوع يستحق الوقفة

لي مني كل التحيايا اخي الفاضل عاشق النجمة