المساعد الشخصي الرقمي

مشاهدة النسخة كاملة : عشانك ..... يا مدنية ... مريخ هلال


عباس الدسيس
13-10-2009, 10:15 PM
متابعة كرة القدم ممتعه اذ كانت متابعه كامله ليس التركيز فقط في الغالب والمغلوب والاهداف هنالك المذيع والمشجعين هم فاكهة المبارة ... المذيع حاتم التاج اول مبارة الهلال ومازمبي قال هو مريض جاء عشان الحب للهلال ما عارف بعد نهاية الكوره اكون شالوهوا بي نقاله ... انا بشجع المريخ بس ما لدرجة امشي استراحه مع رابطة مشجعي المريخ عشان احضر الكوره المهم لو كانت في التلفزيون وانا راقد في البيت والاولاد خلوني من القنوات بتاعات الاطفال ممكن اشاهد والكوره دي من دخلوا فيها ناس صلاح ادريس وجمال الوالي بقيت ما احبها بس جمال الوالي راجل محترم (( مش عشان مريخابي انا عنصري شويه عشان من الجزيره فداسي )) .....دي كويسه يا مدنية...... اخونا الدرديري عضو المنتدي إحب الهلال بعد الاعلام صور ليهم الهلال زي برشلونه كان بحلم بي كاس العالم للاندية في الامارات يوم كورة الهلال ومازمبي مشي استراحة تجمع رابطة مشجعي الهلال معاهوا ولدو محمد رفقة محمد دي عشان بعد الهلال ما اغلب وهم راجعين القي ليهوا واحد اكمل ليهوا الفرحه في ليلة ... الخمسة العجيبة الجوه الزريبه .... الجماعه من وصلوا ثلاثة الدرديري مع ولدوا قفل الجوال الليل كلوا الناس تفتش للدرديري ما لاقين طريقه إلموا فيهو ربنا ستر مالاقوهوا ناس الدوريات قالوا ليهوا اقامتك وينا طلع اخونا من اثار الغلب المحفظه مع الرفسي بتاع الكرعين وقعت منوا في الاستراحه فيها جميع الاوراق الثبوتيه بالاضافه لي 1500 ريال الحمد لله كان جوال ام محمد فاتح .... جارنا من ود العباس مهندس كهربائي راجل علي خلق ومهذب دائما نتقابل في الشارع تحت العماره بندخن سواء (( الحكومات مانعه التدخين في الشقه)) الراجل غاب مني بعد اسبوع قابلتوا في الشارع قلت ليهوا:
وين يا باشمهندس الغيبة دي شنو.... مازيمبي يا قاسي يا الضربك خماسي ....
قال لي:
والله انا شايفا حلم حلم قعدته اقرص في رجلي تاني قلته امكن دي الكاميرا الخفيه ...
قلته ليهوا .... دي برشلونه يا ناس مرضونا
شفته صاحبنا صرصر لي وشو والتعابير بقت بتاعات شكل براحه انسحبت مشيت علي الاسانسير طلعت البيت تاني يوم انا طالع مع العيال نسيت الموضوع جيت ماشي فيهو بالعربية رفعت يدي للسلام لما جيت راجع لقيتوا بره امام العماره انا مع العيال شايل اكياس وقفني جراني بي ناصيه كده (( اسمع يا عباس انا بحترمك وعلاقتنا جميله شنو انت راكب مع زوجتك ترفع يدك تاشر لي بي خمسه حقو اكون في احترام بيناتنا )) والله انا ما كنت قاصد كده بس الزول مهجس بي الخمسه ... اعتزرته ليهوا قلت ليهو انا ما قاصد كده مالك عايز اي شيء تخلي بنواياك انت يا باشمهندس زي الحكم انصار السنة قالوا حاكم مبارة كل ما الجماعه اشوتوا في القون الكوره تجي كورنر اصفر قون سالوهوا ليه قال إن ما الاعمال بالنيات..... دي عجبتوا قعد اضحك يعني الموضوع خلاص بيني وبنوا ... قلته ليهوا والله كان لقيتوا الحكم ده يوم كورة مازمبي كان غلبتوهم ... قال لي تاني يا عباس والله انت زول ما عاقل.
أبوريلان
13-10-2009, 10:24 PM
حلوة بالنيات دي يادسيس .
عباس الدسيس
13-10-2009, 10:33 PM
الحبيب ياسر حمد علي السلامه ياخي ما تقول رجعته عشان نعمل ليك حفله انت ساهل يا ود الاستاذ ... الف شكر علي المرور مع خالص التحية كيف اخبار ناس مدني والدباغة ولاهل مع الامنيات بدوام الصحه والعافية.
عبدالرحمن مدثر
13-10-2009, 10:41 PM
ابن فرناس

اليومين دى بقينا نتحاشا سلام الناس فى الشوارع

بسبب الاشارة وعدد الاصابع


كلنا بقينا من انصار المتعة الكاملة بعيدا عن العصبية
محمد عبد الله عبدالقادر
13-10-2009, 11:00 PM
ود الدسيس يا دسيس سلامات
والله انت مع طيبتك مع متعصبين الكورة ديل يوم بتخش حاجة من اتنين
يا التوقيف....يا المستشفى

اعمل شخيط واقيف بعيد ومالك والقرايه ام دق
أشرف صلاح السعيد
13-10-2009, 11:03 PM
سلام حبيبنا الدسيس..
والله مرضت الكورة دى قدر ما حاولت أتقمسا عشان الحوليا يحسو بأنى طبيعى علا غلبتنى تب..زمااان زمن الإبتدائى قبل كم سنة ضوئية كدا أخوك كان مريخابى على السكين لدرجة ومتعصب جدا وكان عندى فردة الطفولة حنكتو ليك لما قلب مريخابى من هلالابى..وبعدا شوية شوية ما عارف اين تسللت تلك العصبية لقبيلة المريخ وللكورة عامة..لساتنى مريخابى وفاءً لأيام البطولة وخوفا من صديقى الصابئ لو عرفنى بعد غوايتو بأنو كفرو كان بيش وماليو داعى..لكن الغريبة مرة بالصدفة حضرت مباراة الهلال من كم سنة مع الترجى على ما أذكر وكان الهلال لو اتغلب 3 صفر بيتأهل وبقدرة قادر أخد برضو خمسة..أها كنت بحضر الكورة مع صاحبى هلالابى وبعد المبارة بقيت أنبذ فى اللعيبة والمدرب بزعل لتفويتهم فرصة التأهل..قام صاحبى قال ليا "بالله تهكمك وسخريتك المغلفة دى أحفظا لنفسك ما طالبا معانا عوارة مريخاب هسى.. يازول بخسرك"..وبقيت ساعة بأحلف ليو إنى زعلان للهلال وظنيتو مشانى سااكت ولهسى ما مصدق كلامى..
بس إنت فى سلامك لجارك إتلومتا..يعنى ما تسلم وانتى ضامى يدك فى داعى لفرتقة الاصابع وتشتحم؟؟..ولا كنت تنزل تقلدو والله يستر ما كان يقول ليك بتبصم بضهرى خمسة وخمسة..يااخى كان ما تسلم وتريحو..
المجننى ومحيرنى الكورة دى اسما "لعبة كرة القدم" يعنى لعبة..طيب شنو التغمر والسكتات القلبية والبكا البيحصل فيها دا والضرب والتفلع؟؟!! الحمد لله سموها "لعبة" يعنى لو كانوا سموها "معركة كرة القدم" عليك أمان الله السودان دا كان اتملى جيوب وتاتشرات حمر وزرق وراجمات وهاونات.. بس تعرف كانو ناس العدل والمساواة لهسى بيفتشو لتاتشرات وكانو دعو الامم المتحدة تقنع ليهم الحكام "ماالحكام هم زاتم تاتشراتم سود سابقا وملونة حاليا" يدوها ليهم شدة كدا يدخلو بيها لأمدرمان..
وخمسة خمسة خمسا..اوو خمسة
انحنا ما كيشا .. اوو خمسا
بس اتنشلنا .. اوو خمسا
ومن مازمبى ارتشرشنا .. اوو خمسة
عشان يشمت سواق ركشتنا ..اوو خمسا
وخمسة خمسة خمسا..اوو خمسا..
مدنيّة
13-10-2009, 11:30 PM
اول حاجة بوست ابداااااااااااااع خمسة مرات

جد يادسيس الناس دي بقي عندهم هاجس لما ترفع يدك تسلم علي زول فيهم من بعيد

وبمناسبة كاس الاندية

قالوا ليك الجماعة حجزوا التذاكر
وهسي في التريقة الترجع ليهم "خمس" قروشهم مالاقينها
ابوالنور
13-10-2009, 11:38 PM
اول حاجة بوست ابداااااااااااااع خمسة مرات

انا زاتي قلت كده والله يا مدنية
درديري كباشي
13-10-2009, 11:43 PM
يعني يا عباس هي مدنية محتاجة لبوست منك عشان تذكرها ولا تهيجها فينا .. ما اي موضوع نكتبوا تشوفوا دوائر دوائر زي كتابات اخونا خالد ابو قرجة .. وهو لو ما كان من زمان كدا انا كان اقول قاصدنا عدييييييل ..

انت تعال بالصحي يا عباس انت يوم سبعة الوحدات كنت وين ؟؟؟؟ .. انا مامتذكر اتفارغنا وفي نفس الوقت ما عارف الايام ديك عدت كيف ..؟؟؟


وعباس ما يعمل ما متعصب متعصب جداد جدتا جدا واسالوا مننو صلاح عمدة النفاج .
عباس الدسيس
14-10-2009, 04:34 AM
ابو الشوش يا مبدع انت من قبيلة مدنية اغنيتك في السلك
وخمسة خمسة خمسا..اوو خمسة
انحنا ما كيشا .. اوو خمسا
بس اتنشلنا .. اوو خمسا
ومن مازمبى ارتشرشنا .. اوو خمسة
عشان يشمت سواق ركشتنا ..اوو خمسا
وخمسة خمسة خمسا..اوو خمسا..

شكرا ليك وللاخت مدنية علي المرور

الحبيب عبدالرحمن - محمد عبدالقادر .....شكريا لاثراء البوست وطلتكم الجميله عشان كده بقينا الكوره دي مره مره نسمع بيها بعد ثلاثة ايام عن النتيجه

مدنية - البوست عجبك شايف..... مع ابو النور لكم الشكر علي المرور يا صهاينه.


ابو الدر اذكرك وقت بسام مدير المبيعات قال للاوفس بوي امشي جيب 7 علب سفن اب لي عباس خليهن في المكتب بتاعوا انا وقت جيت لقيت الاوفس بوي جاب لي 7 علب ببسي قلت العرس منوا ولا الزوجتوا ولدت منوا ختوا لي الببسي ده هنا اها اذكرت بسام شاكل الولد قال ليهوا اقول سفن اب تجيب ببسي

...
moh_alnour
14-10-2009, 08:54 AM
دائما بنتقابل في الشارع تحت العماره بندخن سوا (( الحكومات مانعة التدخين في الشقة ))

تحذير وزارة الصحة التدخين ضار بالصحة ، تحذير وزارة المالية التدخين ضار بالميزانية
تحذير الحكومة التدخين ممنوع في الشقة ، و الله عفيت منها الحكومة الرشيدة دي ;)



زي الحكم أنصار السنة قالوا حاكم مبارة كل ما الجماعه أشوتوا في القون الكوره تجي كورنر
أصفر قون سالوهوا ليه ؟ قال : إن ما الأعمال بالنيات

و الله دا لو لقوهوا الأهلة كان وصلم كاس العالم للأندية بالنية ساي
:p :p :p
عباس الدسيس
15-10-2009, 11:01 PM
محمد النور شكرا لي طلتك الحلوه لاكن مدنية دي ما عندها حزب كبير
mutasim
16-10-2009, 11:37 PM
والله انا متعجب ناس متعلمين مثقفين من مدنى كمان يكونوا مريحاب والله عيب عليكم
عباس الدسيس
17-10-2009, 02:05 AM
شيخ معتصم والله انت لذيذ يعني اكونوا مورداب ولا احسن اشجعوا هلال نيالا
أبو جودي
17-10-2009, 02:46 AM
أهه يا أخوي الدسيس أهبشك هبشة صغيرة كدي ما تقوم تتنفض ،،،
يعني يا أخوي يا الدسيس أنت كان لعبت كورة ساكت ولا أتفرجت ما أظنك بتشجع الصهاينة ،،،،
لكن أظنك ما بتاع كورة ،،، عشان كدى يا أخوي بنعزرك وبنعزرررررررك
أهه مادام ما كنته شاطر في الكورة كدي النسألك سوعال شايف الكلمة الفوق دي أهه فيها كم ر ،،، أوعه من النفضه

،،، لأنه درديري واقف ليك باللفة وحالف إلا تحل ليه المسألة ،،،
عباس الدسيس
17-10-2009, 03:55 AM
الحبيب ابو جودي الدرديري ده انتهي خلاص من نسي المحفظه بتاعتوا تاني ما عندوا كلام
أبو جودي
17-10-2009, 04:04 AM
والله أخوي الدسيس رابطك ده التقول عامل ليه كادوك ،،، الحمد لله أبى يفتح معاي خالص ،،، ولمن دورتها كدا قلت الحمد لله ،،،، يعني كان فتح بشوف فيه شنو ،،،، غير الطارينو داك ،،،،،