سؤال موجه لكل الرجال [الأرشيف]

telecom

10-10-2009, 11:06 PM

عندى سؤال معذبنى شديد من زمان موجه لجميع الرجال داخل وخارج المنتدى
لماذا يكره الرجل المرأة القوية ويبعد عنها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا اعرف ان اى رجل فى داخله يبحث عن المرأة التى تشبه امه ............ولكن اذا وجد امرأة قوية ذات شخصية طاغية على من حولها تجيد التصرف فى جميع المحن مثقفة متعلمة فانه يتحاشاها ويبعد عنها لان بداخله عقدة الا نا فهو يتخيل انها سوف تتعامل معهه بندية
لايريد الرجل الشرقى المرأة التى يحس بكبر عقلها التى تناقش وتجد الحلول لانه يحس بانها هى الافضل انه يبعد عن مرأة بتلك المواصفات ولا ادرى لماذا فهل من اجابة سيدى الرجل ؟؟؟؟؟؟؟؟؟؟؟؟؟؟؟؟؟؟؟؟؟؟؟

عبدالرحمن مدثر

10-10-2009, 11:16 PM

لان القوة فى المراة عيب

ربنا خلق الذكر والانثى وادى كلوا واحد صفاتو

للانثى حظها من العاطفة والحنان والصبر من اجل التربية والرعاية

وللذكر القوة والتحمل من اجل بذل مجهود اكبر لتوفير سبل العيش الكريم

له ولاسرته

الرجل فعلا بفتش لامراة تشبه امه .. لكنه لن يجدها

فهى التى ارضعته الحنان وسهرت من اجله الليالى

اما بخصوص الندية فدى فطرة البشرية انو الرجل يصرف

والمراة تهتم ببيتها

جميلة حتة انو المراة يكون لديها عقل كبير وراجح تعرف كيف تربى اولادها

وتهتم ببيتها ... لكن حسب اعتقاى الخاص لا مجال هنا لندية انما توافق افكار

لانها مهما بلغت من العلم فهى جزء من الرجل

(والنساء ناقصات عقل ودين )

تليكوم

تحياتى

telecom

10-10-2009, 11:30 PM

لان القوة فى المراة عيب

ربنا خلق الذكر والانثى وادى كلوا واحد صفاتو

للانثى حظها من العاطفة والحنان والصبر من اجل التربية والرعاية

وللذكر القوة والتحمل من اجل بذل مجهود اكبر لتوفير سبل العيش الكريم

له ولاسرته

الرجل فعلا بفتش لامراة تشبه امه .. لكنه لن يجدها

فهى التى ارضعته الحنان وسهرت من اجله الليالى

اما بخصوص الندية فدى فطرة البشرية انو الرجل يصرف

والمراة تهتم ببيتها

جميلة حتة انو المراة يكون لديها عقل كبير وراجح تعرف كيف تربى اولادها

وتهتم ببيتها ... لكن حسب اعتقاى الخاص لا مجال هنا لندية انما توافق افكار

لانها مهما بلغت من العلم فهى جزء من الرجل

(والنساء ناقصات عقل ودين )

تليكوم

تحياتى

قمتا تخربش.......... يا سيدى القوة المقصودة هنا ما القوة البدنية هى قوة العقل والشخصية لاعيب لا حرام تاكد انو المرأة الاقوى هى الافضل لتحتمل قسوة وجمود الحياة
شكرا على المرور ابو مزن وربنا يجعلها من النساء القويات المعتمدات على انفسهن ( يعنى بت ما يتخاف عليها ابدا )

أبو حمزة

10-10-2009, 11:47 PM

يسعدني أن أكون أول المتداخلين telecom..

ولكن في رأيي هذا الرجل الذي تتحدَّثين عنه فكَّر بعقله.. ولم يصب الحب قلبه..!!

صدقيني القلب له أحكامه.. ومتى فكَّرتِ بقلبك فأنتِ سوية..

اسمحي لي أوضح بعض الأمور المحيرة لي شخصياً..
مثلاً : كنت استغرب من عبارة دائماً ما يرددها رجال المرور وهي: ( العاطفة قاتلة)
وتجدهم يكتبونها أو يعلقونها على مركباتهم وعلى اللافتات..
فكنت أقول كيف العاطفة قاتلة..؟؟
ولكن بعد تأني وتروِّي .. عرفت أنك تكون في شوق لأحبتك فتسرع لملاقاتهم .. فتتسبب في تعطيل نفسك بحادث .. أو مخالفة..!!

وما فسَّر لي ذلك عبارة أخرى: ( بابا لا تسرع .. نحن في انتظارك)..
فمن يقرأ نحن في انتظارك .. يقول : اسرع .. حتى لا يطول انتظارنا..!!

والعاطفة نعم قاتلة..!! ولكنها إن أستخدمت بروَّية فدليل السلامة..

إذاً : telecom.. الرجل الشرقي إن أحب المرأة.. فلا شيء يقف في وجهه..
كما أن الرجل الشرقي في حبه صدق .. وتضحية.. وتفاني..

على الرغم من عدم نجاح الحب الأول .. وهو في نظري له أسم آخر : ( الحب التجربة).. فالحب الأول لا ينجح بكل المقاييس..!!

وهذا موضوع آخر.. لا أود أن أخرج عن موضعك الشيِّق .. والمهم لإبداء الآراء..

ودمتِ بخير ..

تخريمة: أنا والله كنت أول المتداخلين.. بس رديت على التلفون ..

ومشاركتي جاهزة..!!

بس فجأة لمن عملت حفظ.. لقيت ليك الناس الما بتنوم... دبائب إنتو..!!؟؟

لا حول ولا قوة إلا بالله العلي العظيم..

ده كان وين ده..!!؟؟

حيرتنا ذاتو يا ود مدثر..

أشرف صلاح السعيد

11-10-2009, 12:09 AM

المرأة عندما تغدو أم هى قوية..سبحان الله تتغير المرأة الهشة الضعيفة الى أم أقوى من كل رجال الارض حماية ومدافعة عن صغارها وإن إختلفت الطرق..
الرجل الشرقى لا يميل للمرأة المتفذلكة والمترصدة لإظهار قوتها الفكرية ونديتها للرجل كما أنه لا يحب هذا الأنموذج بالرجل.. التحفذ والترصد لإظهار القوة يلغى جمال فكرة وجود القوة فتغدو خيلاء ومن منا لا يكره الغرور والعجب؟.... ولعل بعض النساء من ضعفهن الفكرى إعتقدن بأن الأسلوب التصادمى مع الرجل يبين عظيم قدرتهن ونضوجهن الفكرى ..بل تجد بعضهن رحن لإخفاء عاطفتهن بإعتبارها سالبة لملامح القوى بهن!!!.. قوة المرأة تكمن فى فهمها للرجل بكل ضواده وشرقيته ثم هضم هذه الشخصية جيدا ومن ثم تمرير كل ما ترغب بذكاء.. تلك هى المرأة القوية والذكية.. وعادة ما تكون مسألة عرض المرأة لقوتها بمسائل فكرية بحتة وليس حياتية " فى مواضيع وكلام المثقفاتية ".. فالحياة لها ميزانها الذى تقوم به الأشياء بكل من المرأة والرجل ومن لم يستجيب لها يكون معزولا ..
يا راجل هو فى أقوى من المرأة "دول بيمشونا بمزاجم بعد أن أقنعونا بأنه مزاجنا"..
ولك التحية اخى تلكم..

telecom

11-10-2009, 12:13 AM

اخى ابو حمزة تاكد لو كنت رجل لكنت وجدت العذر للرجل وعرفت الاجابة على هذا الفهم الغريب لكنى ارى بعين المراة كيف يهرب الرجل من المرأة القوية ........واشاركك الرأى بأن الحب الاول هو لا ينجح الا فى الحالات النادرة ولكن هل سوف تتملك الانسان القوة والشجاعة ليخوض تجربة اخرى الله اعلم
تخريمة : اختك منال

بدر الدين احمد الطائف

11-10-2009, 01:15 AM

عندى سؤال معذبنى شديد من زمان موجه لجميع الرجال داخل وخارج المنتدى
لماذا يكره الرجل المرأة القوية ويبعد عنها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا اعرف ان اى رجل فى داخله يبحث عن المرأة التى تشبه امه ............ولكن اذا وجد امرأة قوية ذات شخصية طاغية على من حولها تجيد التصرف فى جميع المحن مثقفة متعلمة فانه يتحاشاها ويبعد عنها لان بداخله عقدة الا نا فهو يتخيل انها سوف تتعامل معهه بندية
لايريد الرجل الشرقى المرأة التى يحس بكبر عقلها التى تناقش وتجد الحلول لانه يحس بانها هى الافضل انه يبعد عن مرأة بتلك المواصفات ولا ادرى لماذا فهل من اجابة سيدى الرجل ؟؟؟؟؟؟؟؟؟؟؟؟؟؟؟؟؟؟؟؟؟؟؟

اول حاجه لك خالص تحياتى
فى مثل بيقول وراء كل رجل عظيم امراءه
والمثل ده فى كتير من الاحيان بتلقاهو صاح يعنى فى نوعية كده من الزوجات بيساعدوا ازواجهم بترتيب امورهم الداخليه واستقرار حياتهم الاسريه
واكيد الرجل اذا كان مستقر فى حياته الاسريه ده بيودى الى النجاح فى الحياه العمليه
ومساله انه المراءه تكون قويه فى شخصيتها تجيد التصرف ده اكيد بيساعد الرجل اذا كان المراءه استخدمت الحاجات دى فى سبيل مساعده الرجل فى تربيه ابنائها وادراه شئون البيت وحتى فى اعماله الخاصه.
وطبعا المراءه المتسلطه الطاغيه التى تريد ان تكون هى صاحبه الكلمه الاولى فى كل شى والتى تضعف شخصيه زوجها فدى اكيد عاوز ليها رجل بمواصفات معينه اكيد الناس عارفنها.

telecom

11-10-2009, 01:45 AM

شكرا على المرور اخى اشرف ................صاح هم بيمشوا الرجال بمزاجهم ويهموهم انو ديل هم ودا اسموا كيد نساء ما قوة وربنا قال ( ان كيدهن عظيم ) وقال ان كيد الشيطان كان ضعيفا اتخيل كيدهم اقوى من كيد الشيطان ما يمشوك بمزاجهم ................. لك التحية اشرف
:d:d:d:d:d:d:d:d:d

اهلين اخى بدرالدين ويا ريت لو كل الرجال بيفكروا زيك بس ما تكون نظريات طبعا يكون فكر جاد لكن نحن النساء نفتقد لرجل بهذه العقلية المتحضرة ..................... صدق بيغيظنى شديد واحد يقوليك عايز لى عروس مواصفاتا بيضاء وطويلة وشعرا طويل دا فهم شنو عليك الله ما تمشى تجيب ليك هندية معذبنا نفتش ليك لى شنو ولا استنا ليك بت حور............................................... .................................................. ......................
مشكور على المرور

العاقب مصباح

11-10-2009, 01:50 AM

أختنا منال

سلام من الله عليك ورحمة منه وبركات

عساكى بخير

دائماً الرجل هو الذى يُشعر المرأة بالأمان

لا اقصد بالامان الأمان العضلى اى التى يحتاج فيها الرحل ليدافع عن بنى جنسه من البشر

أقصد الامان بتشعباته الكثيرة الامن من الخوف الامن الجوع الامن من المستقبل الغير مرئى الامن حتى من بنى جنسه أيضاً ...

تحتاج دائماً المرأة لمن يقويها ... حتى فى حديثها .....

لمن يقويها فى تصرفاتها .....

النساء ربما يوجد من بينهن القوية التى تأمر وتنهى وتخطط وتنفذ ...يصبح أمر الرجل مثل زوج محاسن وهو ينتظر أن تشيل الحنة ....

قوة المرأة يجب أن تكون دعماً للرجل ومكملة له ولكن لا نحتاج قوة ندية فى بيت واحد...

شخصياً أفضلها قوية ... قوة تعين وليس تحطم ....قوة لا تفرض نفسها ...قوة تعينها على اتخاذ قراراتها بنفسها ... تلك القرارات التى لا تحتاج فيها لرجل ...

بدون قوة المرأة تصبح الحياة مملة ....

إذاً نحتاجها ولكن ليس بصورة تطغى على شخصية الرجل ....

ريسين لا يقودان المركب ... بل يغرق سريعاً....

مع احتراماتى

العاقب مصباح

11-10-2009, 01:52 AM

..................... واحد يقوليك عايز لى عروس مواصفاتا بيضاء وطويلة وشعرا طويل دا فهم شنو عليك الله ما تمشى تجيب ليك هندية معذبنا نفتش ليك لى شنو ولا استنا ليك بت حور

:d:d:d:d:d:d:d:d:d:d:d:d:d:d:d

بالغتى يا تيليكوم

telecom

11-10-2009, 03:46 AM

عقبة هنا واحنا ماعارفين اتفضل لجوا................................
تأكد اخى عقبة انو المرأة سند للرجل وهو من يقود المركب الى الضفة وليس هى فهى حنونة وعطوفة بالفطرة ومهما حاولت ان تخفى تلك العاطفة لابد ان تظهر بس الرجال فاهمين المرأة القوية غلط وظالمنها معاهم ................................. وصدقنى الراجل البخلى شخصية مرتو تطغى عليه دا راجل ضعيف ما عندوا راى ولا كلمة اتكل على المسكينة فى اى حاجة وخلاها تقود المركب عشان يريح نفسوا................المرأة بطبعها تسعى لتعمير دارها والحفاظ عليه وليس الخراب.................. مرورك اسعدنى

تخريمة : لقيتنى كيف مع بت الحور والهندية

أشرف صلاح السعيد

11-10-2009, 04:54 AM

اختى تلكم سلام..
أراك قد أشرتى بأن القوة والكيد مختلفتين .. الكيد هو إعمال العقل لكسب شئ ما كان موقف أو مكتسب ..فالكيد هو رديف للذكاء بغض النظر عن نيته..كيد المرأة عظيم وهذه دلالة على ذكائها والقوة أحد أركانها الذكاء.. كيد الشيطان ضعيف مع المؤمنين فقط لأن الإيمان أقوى من كل كيد وذكاء فهو تسليم ويقين..
"إن كيدهن عظيم" نزلت هذه الآية فى سورة يوسف وعلى إمرأة العظيم عندما حاولت من سجن سيدنا يوسف وقلبت الحق بالباطل حتى شهد عليها شاهد من أهلها ويقال ببعض الروايات الشاهد كان طفل رضيع أنطقه الله ليبرئ سيدنا يوسف..وكيدها لم يفلح ببرهان القميص الذى قد من دبر لا من قبل..فلا تعتقدى أن جميع الكيد ينجح فى تحقيق غاياته وليس المرأة بأشد كيدا من الشيطان بدليل معظم أهل النار من النساء بعد أن كاد لهم الشيطان..
الإيمان هو سلاح المرأة والرجل معا وقوتهم..ولعل فلاح المرأة فى طاعة زوجها ..فمن أدت فرضها وأحصنت فرجها وحفظت لسانها وطاعت زوجها دخلت الجنة من أى باب شاءت..
المرأة القوية صمام أمان لكل الأسرة ولكن مزاحمتها فى القوامة فتلك هى الطامة الكبرى..

ام قبس

11-10-2009, 08:21 AM

تيلكوم
نحنا الاقوة
نحنا الاقوة
نحنا الاقوة
نحنا الاقوة

ام قبس

11-10-2009, 08:23 AM

نحنا الاضعف
نحنا الاضعف
نحنا الاضعف
نحنا الاضعف
نحنا الاضعف

نسمة صباح

11-10-2009, 09:53 AM

عارفه ياتليكوم المرأه الذكيه مهما بلغت درجة قوتها وسيطرتها وفهمها العالي في تدبير الامور

لازم يكون عندها القدره انها تحسس زوجها بي الذات انها دايما ضعيفه ومحتاجا ليهو وانو هو المسيطر دائما على الوضع

لان دي حكمة الله في خلقه

القوامه عند الرجل دائما ولابد

أ ن يحس بي كده

ومن الجميل جدا ان تجد المرأه دائما رجلا اقوى منها تحس معه بسيطرته بخبرته بثقافته بفهمه العالي يكون موجها ولكن ليس أمرا

وان يكون افضل منها في كل شي

ماعدا الجمال طبعا:p

تحياتي تيلكوم

الملكة اسماء ( ام محمد )

11-10-2009, 10:03 AM

وانا لن ارضى برجل شخصيته اضعف من شخصيتي لانه غالبا ح يحس بقوة شخصيتي يوم وح يبتدى يكره الحاجة دي رغم انها ( محمدة ) وحاجة كويسة ان المراءة تكون قادرة تدلي برائيها وتثبت على قناعاتها ومواقفها وتعيش حياتها بشكل يضمن حقها ويضمن انها ما تكون عضو غير فاعل في المجتمع
الرجل عموما يتجنب المراءة ( الجميلة - الذكية - الشخصيتها اقوى من شخصيته)
فتلاقي كتار يقولوا ليك ( مالي بعرس لي مرة تقعد تفاصلني في الكلمة والتانية ؟)

همسة : ام قبس انتي مع منو ؟:confused::confused::D:confused::confused:

نسمة صباح

11-10-2009, 10:09 AM

الرجل عموما يتجنب المراءة ( الجميلة - الذكية - الشخصيتها اقوى من شخصيته)

ملكتنا معاك في كل القولتيو

لكن الرجل يتجنب المرأه الجميله

دي كيف ياختي :rolleyes:

الملكة اسماء ( ام محمد )

11-10-2009, 10:13 AM

ملكتنا معاك في كل القولتيو

لكن الرجل يتجنب المرأه الجميله

دي كيف ياختي :rolleyes:

ببساطة لان الجمال لدى معظمنا ياستي ارتبط ( بالغرور )
واكيد شفتي امثلة لجميلات ( مااتزوجوا بسهولة او اتزوجوا بعد تنازلات طال انتظارها )
وتلاقي كثير الراجل يقول ليك ( والله البت دي جميلة جدا لكن عاجباها روحها )
وفي الحالة دي مابيستبعد انها تشوف روحها حتى عليه

ام قبس

11-10-2009, 10:15 AM

وانا لن ارضى برجل شخصيته اضعف من شخصيتي لانه غالبا ح يحس بقوة شخصيتي يوم وح يبتدى يكره الحاجة دي رغم انها ( محمدة ) وحاجة كويسة ان المراءة تكون قادرة تدلي برائيها وتثبت على قناعاتها ومواقفها وتعيش حياتها بشكل يضمن حقها ويضمن انها ما تكون عضو غير فاعل في المجتمع
الرجل عموما يتجنب المراءة ( الجميلة - الذكية - الشخصيتها اقوى من شخصيته)
فتلاقي كتار يقولوا ليك ( مالي بعرس لي مرة تقعد تفاصلني في الكلمة والتانية ؟)

همسة : ام قبس انتي مع منو ؟:confused::confused::d:confused::confused:

لو قريتي مابين السطور كنت عرفتي انا مع منو
انا مع قوة المراة الذكرتها اول
مع ذكائها في ان تكون ضعيفه جدا جدا جدا مع ادم
وكلام نسمه صباح اصابه كثير من الحقيقة
اسماء البتربي الاولاد منو
البتوضع الاطفال منو
البترعي البيت وميزانيه البيت وعلاقه الرجل بي كل ما حوله منو
لو كانت ضعيفه
كتااار حيضيعوا تحت الرجلين
بس معاه (( ابو الشباب لازم تكون ضعييييييييييييييييفه))
غنيه من كلمات دكتورة سعاد الصباح
وغناء ماجدة الرومي
كن صديقي كم جميل لو بقينا اصدقاء
في نهايتها بتقول
كن صديقي ليس في الامر انتقاص للرجوله
غير ان الشرقي لا يرضي بدور غير ادوار البطوله
تيب مااااالك ياحفصه دي من عندي ماتبع الغنيه
ولي عودة

نسمة صباح

11-10-2009, 10:22 AM

ببساطة لان الجمال لدى معظمنا ياستي ارتبط ( بالغرور )
واكيد شفتي امثلة لجميلات ( مااتزوجوا بسهولة او اتزوجوا بعد تنازلات طال انتظارها )
وتلاقي كثير الراجل يقول ليك ( والله البت دي جميلة جدا لكن عاجباها روحها )
وفي الحالة دي مابيستبعد انها تشوف روحها حتى عليه

بعتقد كنت انو تأخر زواج الجميلات انو الوحده هي بنفسها بتكون متطلعه

وشايفه انها بتستاهل دايما راجل فيهو00000 وفيهو0000

وتكون بتضع مواصفات مثاليه واحيانا مستحيله انها تتلقي في شخص واحد

لكن لما الصفاره تصفر

وبعداك على قولك تبدء تقدم التنازلات

لان الرجال عادة بيتمنو وبيسعو للجمال في المرأه

لكن وجهة نظرك ممكن فعلا تكون منطقيه

الملكة اسماء ( ام محمد )

11-10-2009, 10:36 AM

اسماء البتربي الاولاد منو
البتوضع الاطفال منو
البترعي البيت وميزانيه البيت وعلاقه الرجل بي كل ما حوله منو
لو كانت ضعيفه
كتااار حيضيعوا تحت الرجلين
بس معاه (( ابو الشباب لازم تكون ضعييييييييييييييييفه))

شوفي ياستي
المراءة عموما بتفتش للامان عند ( ابو الشباب ), فما معقولة تكون بتفتش لحاجة هي ممكن ( تقلعها قلع ) يعني لو هي عاملة فيها ( قوية ومستقوية ) فللاسف ح يكون وجود الراجل زي عدمه
وزي ماقلتي لازم تحسسه انها محتاجة ليه دائما , وفي نفس الوقت ماتكون هينة وتضيع وتضيع اولادها بعدين

الملكة اسماء ( ام محمد )

11-10-2009, 10:51 AM

وشايفه انها بتستاهل دايما راجل فيهو00000 وفيهو0000

وتكون بتضع مواصفات مثاليه واحيانا مستحيله انها تتلقي في شخص واحد

لكن لما الصفاره تصفر

وبعداك على قولك تبدء تقدم التنازلات

على فكرة عموما النساء بسعوا للزواج برجل يحقق احلامهم
يعني في الحتة دي المراءة مابتعاين لمقدار جمالها
وبتنظر للموضوع بمنطلق ( الفشخرة وصاحبتي جابوا ليها )
فما اعتقد ان البنت الربنا اداها قدر بسيط من الجمال طموحها بس الزواج بدون النظر لاحلامها الطبيعية ( بيت جميل - تياب - دهب - وغيره )
واديك ملاحظة : البنات العلى قدر بسيط من الجمال ( محظوظات ) اكتر من الجميلات في الرجل الممكن يحقق معظم طموحاتهم

وعادة لما البنت يزيدوا خطابها بتكون خاته في بالها انها ( مرغوبة ) لانها جميلة ..فبتقعد ( تعزل ) وهنا للاسف في كل مرة بتلاقي ان خياراتها اصبحت اقل ومع الزمن بتقبل باي راجل لما قطار الزواج يطلق صفارة اخيرة قبل المغادرة

بدر الدين احمد الطائف

11-10-2009, 08:54 PM

[]
[font=comic sans ms][size=6][color=purple] - e]
[size=6][color=purple/font]
[font=comic sans ms][size=6][color=#800080]
وعادة لما البنت يزيدوا خطابها بتكون خاته في بالها انها ( مرغوبة ) لانها جميلة ..فبتقعد ( تعزل ) وهنا للاسف في كل مرة بتلاقي ان خياراتها اصبحت اقل ومع الزمن بتقبل باي راجل لما قطار الزواج يطلق صفارة اخيرة قبل المغادرة

التحيه لكى ملكه القلوب
عارفة الجزئيه دى انا عايشتها فى واحده كانت موظفة فى درجة وظيفية كبيره وكانت فى غاية الجمال
اها الخيارات حقتها فى الزواج كانت كبيره جدا جدا
وقعدت تعزل لغاية ما فى النهاية تزوجت السواق حقها .
الحكاية دى انا باكد بيها رايك المسبق

بعدين يا تليكوم انتى قلتى عاووزه راى الرجال
الجماعه شايفهم زاغوا
(وش بفتش على كاشف رجال)

محمد النويري-الفقراء

11-10-2009, 09:35 PM

عندى سؤال معذبنى شديد من زمان موجه لجميع الرجال داخل وخارج المنتدى
لماذا يكره الرجل المرأة القوية ويبعد عنها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا اعرف ان اى رجل فى داخله يبحث عن المرأة التى تشبه امه ............ولكن اذا وجد امرأة قوية ذات شخصية طاغية على من حولها تجيد التصرف فى جميع المحن مثقفة متعلمة فانه يتحاشاها ويبعد عنها لان بداخله عقدة الا نا فهو يتخيل انها سوف تتعامل معهه بندية
لايريد الرجل الشرقى المرأة التى يحس بكبر عقلها التى تناقش وتجد الحلول لانه يحس بانها هى الافضل انه يبعد عن مرأة بتلك المواصفات ولا ادرى لماذا فهل من اجابة سيدى الرجل ؟؟؟؟؟؟؟؟؟؟؟؟؟؟؟؟؟؟؟؟؟؟؟

سلام مملوء بجمال موضوعك يا تليكوم يا بتاعت المحن . هسي في داعي تجيبي كلام زي دا . صحيح اول شئ نبحث عنه نحن الرجال موصفات امنا في الاحسان والعاطفة والرعاية ( انتي ما عارفة أنو الجماعة قالو أن الرجل طفل كبير ) مع اني ما مقتنع بالكلام دا . لكن ملامح وسمات الكلام دا مطلوبة لدى الرجال . اتفق معك في أن الرجال لا تعجبهم المرأة ذات الشخصية القوة والتي تطغي في كثير من الاحيان على شخصيته ووجوده وحبيت أنو تفصلي ما بين المرأة ذات الشخصية القوية والتي في كثير من الأحيان تجعلها متكبرة متجبرة على كل من حولها سواء ان كان زوجاً او أخاً او غيره ... واختلف معك في أن كون المرأة ذات عقل كبير وتناقش وتجد حلول لمعظم المشاكل فهو مطلوبة لان كثير من الرجال لا تعجبه المرأة التي لا يجد عندها حلاً لمشكلته او ما يؤرقه لتجد له حلا يريحه فتقول له ( اعمل الحاجة الأنت شايفها صاح ) طيب وين احساس المشاركة والتفاكر ..
مشاققة يا بت هووووي :
أنا جني وجن المرأة الكل يوم انادوها من بيت الجيران..
وجني وجن المرأة المشغولة بنفسها وراجلها حيران ..
وجن وجن الراجل البمع كلام مرتو وما بكرم الضيفان ..

محمد النويري-الفقراء

11-10-2009, 09:38 PM

التحيه لكى ملكه القلوب
عارفة الجزئيه دى انا عايشتها فى واحده كانت موظفة فى درجة وظيفية كبيره وكانت فى غاية الجمال
اها الخيارات حقتها فى الزواج كانت كبيره جدا جدا
وقعدت تعزل لغاية ما فى النهاية تزوجت السواق حقها .
الحكاية دى انا باكد بيها رايك المسبق

بعدين يا تليكوم انتى قلتى عاووزه راى الرجال
الجماعه شايفهم زاغوا
(وش بفتش على كاشف رجال)

ما زغنا لكن قنا ندي النسوان مساحة نشوف بيقولن في شنو؟ عشان كان ليت كلامن ما تمام خليهن انتظرن البجيهن مني :confused:

telecom

11-10-2009, 10:49 PM

"إن كيدهن عظيم" نزلت هذه الآية فى سورة يوسف وعلى إمرأة العظيم عندما حاولت من سجن سيدنا يوسف وقلبت الحق بالباطل حتى شهد عليها شاهد من أهلها ويقال ببعض الروايات الشاهد كان طفل رضيع أنطقه الله ليبرئ سيدنا يوسف..وكيدها لم يفلح ببرهان القميص الذى قد من دبر لا من قبل..فلا تعتقدى أن جميع الكيد ينجح فى تحقيق غاياته وليس المرأة بأشد كيدا من الشيطان بدليل معظم أهل النار من النساء بعد أن كاد لهم الشيطان..

تسلم عزيزى اشرف............ بس عايزة اقوليك حاجة غالبا المرأة القوية لا تجيد كيد النساء والنساء يستخدمن الكيد لبعضهن او ضد الرجل لذلك كان الكيد عظيم وقوى

.............تحياتى....................

ابوالنور

11-10-2009, 11:04 PM

تحياتى

وانا كمــــــان

telecom

11-10-2009, 11:22 PM

ام قبس............... اكيد نحنا الاقوى ونحنا الاضعف ..................شكرا على المرور
اسماء
نسمة الصباح
نحنا متفقين بس عايزين نعرف الرد من وجهة الرجل البيهرب منها دا مالو ؟؟؟؟؟؟؟؟؟؟؟؟؟ مروركما اسعدنى

بدر الدين ........ حالتك دى 5% من المجتمع ما بنقدر نعمما............

همسة : انت الرجال ديل مشوا وين .......... وش اتنين بتوشوشو

جيتك يا ود النويرى.................. اها باقى انا عارفاك من زمان جنك تتحكم فى الناس انا بتاعت محن كتر خيرك ............ما انت اصلك ضد النسوان حقو يرجعوك لزمن سى السيد يا سى السيد

عار فا المرة ضافراك ما تعمل مجنون

:p:p:p:p:p:p

telecom

11-10-2009, 11:35 PM

وانا كمــــــان

انت كمان شنو عايزين نعرف رايك شنو ولا شنو
:confused::confused::confused:

ابوالنور

11-10-2009, 11:48 PM

انت كمان شنو عايزين نعرف رايك شنو ولا شنو
:confused::confused::confused:

لان القوة فى المراة عيب

ربنا خلق الذكر والانثى وادى كلوا واحد صفاتو

للانثى حظها من العاطفة والحنان والصبر من اجل التربية والرعاية

وللذكر القوة والتحمل من اجل بذل مجهود اكبر لتوفير سبل العيش الكريم

له ولاسرته

الرجل فعلا بفتش لامراة تشبه امه .. لكنه لن يجدها

فهى التى ارضعته الحنان وسهرت من اجله الليالى

اما بخصوص الندية فدى فطرة البشرية انو الرجل يصرف

والمراة تهتم ببيتها

جميلة حتة انو المراة يكون لديها عقل كبير وراجح تعرف كيف تربى اولادها

وتهتم ببيتها ... لكن حسب اعتقاى الخاص لا مجال هنا لندية انما توافق افكار

لانها مهما بلغت من العلم فهى جزء من الرجل

(والنساء ناقصات عقل ودين )

تحياتى
تسلم يا راقي

بنت الرفاعي

12-10-2009, 12:06 AM

لان القوة فى المراة عيب

ربنا خلق الذكر والانثى وادى كلوا واحد صفاتو

للانثى حظها من العاطفة والحنان والصبر من اجل التربية والرعاية

وللذكر القوة والتحمل من اجل بذل مجهود اكبر لتوفير سبل العيش الكريم

له ولاسرته

الرجل فعلا بفتش لامراة تشبه امه .. لكنه لن يجدها

فهى التى ارضعته الحنان وسهرت من اجله الليالى

اما بخصوص الندية فدى فطرة البشرية انو الرجل يصرف

والمراة تهتم ببيتها

جميلة حتة انو المراة يكون لديها عقل كبير وراجح تعرف كيف تربى اولادها

وتهتم ببيتها ... لكن حسب اعتقاى الخاص لا مجال هنا لندية انما توافق افكار

لانها مهما بلغت من العلم فهى جزء من الرجل

(والنساء ناقصات عقل ودين )

تليكوم

تحياتى

:eek::eek::eek: ده إنت عبدالرحمن مدثر ؟؟!! :eek::eek::eek:
:confused::confused::confused::confused::confused: :confused::confused::confused::confused::confused: :confused::confused::confused::confused::confused: :confused::confused::confused::confused::confused: :confused:

مايسة

12-10-2009, 12:23 AM

القوه لدي المرأة

لا احبز بأن تكون المرأة قوية جدا في شخصيتها

فالاعتدال دائما مطلوب -

ليس القوة ان تقوم المراة بكل ما هو مخالف للرجل - ومعارض له - من باب المعارضة فقط ومن باب انه رجل وانها انثي - وان حق المراة دائما مهضوم -

اقصد بكلامي - كل ما كانت المراة متوازنه - تعرف في اي وقت تتكلم -في اي وقت تساهم -
كيف تحافظ على بيتها - ابنائها - زوجها
تلعب دور في المجتمع ولو كان بسيطا

تنشئ جيل وتساهم في نموه

هذه هي القوة في نظري (والله أعلم)

- اما بالنسبة للرجال الذين يبتعدون عن الاشياء التي ذكرتيها فاظن بان شخصيتهم اصلا هي الضعيفة - فيخافون ان ياتو بواحدة تظهر هذا الضعف . (وبرضو الله اعلم) ;)

ودمت تليكوم بالتنقليزي

عمرسنهوري

12-10-2009, 12:23 AM

الاخت تليكوم

راي الشخصي

يجب على الرجل البحث عن المرأه التي تشاركه افكاره
ويلتقي معها في النقاط الجوهريه .
فالمرأه المسلوبة الاراده لا تنفع مربيه مطلقا .

اما فيما يتعلق بالزواج من المراه القويه فهناك نوعان
1-النفوذ و الماده
يخشى الرجل السوداني ان يقال عنه زوج الهانم
لذلك تجد بعض النساء ذوات مراكز مرموقه وصلن سن العنوسه
من دون ان يتقدم احد لخطبتهن .
و السبب هو الخوف من كلمة زوج الهانم .
2-قوة الشخصيه و الفكر

نحن شعب مثبط
فاذا كانت البنت صاحبة حضور قوي
وتتناقش مع اهلها بصراحة و تقول وجهة نظرها بصورة مباشره
فان المجتمع يصفها ب( قليلة الادب)

اذا هنالك واحد من اتنين
اذا تزوجت في الحاله الاولى فانت زوج الهانم
اما الحاله التانيه فان زوجتك ماعندها ادب واحترام .

تخريمه
اختلف جدا مع من يصفون المرأه بالضعف
والضلع الاعوج .

وربما يكون لي عودة في هذه النقطه .

تخريمه اخيره

هنالك اغنية لماجده الرومي اسمها كن صديقي
تجسد نظرتنا للمراه و اذكر مقطع منها يقول

لماذا تهتم بشكلي ؟؟؟؟
لا تدرك عقلي ؟؟؟؟:mad::mad:
كن صديقي
ليس في الأمر انتقاص للرجولة
غير أن الشرقيَ
لا يرضى بدور
غير أدوار البطولة

telecom

12-10-2009, 02:43 AM

:eek::eek::eek: ده إنت عبدالرحمن مدثر ؟؟!! :eek::eek::eek:
:confused::confused::confused::confused::confused: :confused::confused::confused::confused::confused: :confused::confused::confused::confused::confused: :confused::confused::confused::confused::confused: :confused:

صدقى يا مرام دا ابو مزن..................تحياتى

telecom

12-10-2009, 02:53 AM

اهلين ميوس ............... انا معاك فى حتة التوازن دى لانو خير الامور الوسط لكن فى واحدة شخصيتها بتكون كدا نعمل شنو..................مرورك اسعدنى

telecom

12-10-2009, 03:04 AM

الاخت تليكوم

راي الشخصي

يجب على الرجل البحث عن المرأه التي تشاركه افكاره
ويلتقي معها في النقاط الجوهريه .
فالمرأه المسلوبة الاراده لا تنفع مربيه مطلقا .
دا كلام مضبوط مية المية احيك لكن هم ما عايزين واحدة تشاركهم صدقنى اى واحد بداخله سى السيد لانو اتربى كدا الا ما ندر
اما فيما يتعلق بالزواج من المراه القويه فهناك نوعان
1-النفوذ و الماده
يخشى الرجل السوداني ان يقال عنه زوج الهانم
لذلك تجد بعض النساء ذوات مراكز مرموقه وصلن سن العنوسه
من دون ان يتقدم احد لخطبتهن .
و السبب هو الخوف من كلمة زوج الهانم .
2-قوة الشخصيه و الفكر

نحن شعب مثبط
فاذا كانت البنت صاحبة حضور قوي
وتتناقش مع اهلها بصراحة و تقول وجهة نظرها بصورة مباشره
فان المجتمع يصفها ب( قليلة الادب)
"]........................................ نعمل شنو؟؟؟؟؟؟؟؟؟؟؟؟؟؟؟؟؟؟؟

اذا هنالك واحد من اتنين
اذا تزوجت في الحاله الاولى فانت زوج الهانم
اما الحاله التانيه فان زوجتك ماعندها ادب واحترام .
"]تعرس واحدة مسكينة تعمل شنو.................[/color]

تخريمه
اختلف جدا مع من يصفون المرأه بالضعف
والضلع الاعوج .

وربما يكون لي عودة في هذه النقطه .

تخريمه اخيره

هنالك اغنية لماجده الرومي اسمها كن صديقي
تجسد نظرتنا للمراه و اذكر مقطع منها يقول

لماذا تهتم بشكلي ؟؟؟؟
لا تدرك عقلي ؟؟؟؟:mad::mad:
كن صديقي
ليس في الأمر انتقاص للرجولة
غير أن الشرقيَ
لا يرضى بدور
غير أدوار البطولة[/color]

صدقنى المشكلة عندنا مشكلة تربية فى انو انت ولد واحسن من البت ويا بت اسمعى كلام اخوك واضربا اختك دى غلطانة حتى لو كانت هى الكبيرة ............ عشان كدا بيخاف من المرأة الشخصيتا قوية .................... سعيدة بارائك رايك اسعدنى كثيرا واثلج صدرى

تيسير

12-10-2009, 03:45 AM

العزيزة (منال ).......... الحقيقة موضوعك قوى زى شخصيتك ............
وتذكرت فى هذه اللحظات تلك المقولةعن ان الرجل يصادق المرأة العاقلة والفاهمة وذات الشخصية والذكية قد يعجب بها ولكنه لا يتزوجها .......... لكن الرجل السودانى الا من رحم ربى عدوا قويا لنجاح المرأةو يكره بعنف المرأة القوية ...........الموضوع ذو ابعاد اجتماعية زى ما قلتى .......
عن نفسى احب جدا المرأة ذات الشخصية القويةوالناجحة (مدمنة نجاح حقيقية ) فى غير تعنت بل فى اتزان لا يفقدها رقتها وجمالها المفطورة عليه ولا يمحى شخص زوجها فما اجمل ان تكون المرأة فى حضرة زوجها حمل وديع من غير طمس لشخصيتها او ذوبان فى الآخر ...............
عزيزتى : شكرا مرة اخرى لهذا الطرح الجميل

تيسير

12-10-2009, 03:48 AM

الاخت تليكوم

نحن شعب مثبط
فاذا كانت البنت صاحبة حضور قوي
وتتناقش مع اهلها بصراحة و تقول وجهة نظرها بصورة مباشره
فان المجتمع يصفها ب( قليلة الادب)

تخريمه
اختلف جدا مع من يصفون المرأه بالضعف
والضلع الاعوج .

وربما يكون لي عودة في هذه النقطه .

تخريمه اخيره

هنالك اغنية لماجده الرومي اسمها كن صديقي
تجسد نظرتنا للمراه و اذكر مقطع منها يقول

لماذا تهتم بشكلي ؟؟؟؟
لا تدرك عقلي ؟؟؟؟:mad::mad:
كن صديقي
ليس في الأمر انتقاص للرجولة
غير أن الشرقيَ
لا يرضى بدور
غير أدوار البطولة

احييك يا اخ ( عمر )على هذا الرأى الراقى والذى انما صدر من عقلية متفهمة وواعية تماما ....

telecom

12-10-2009, 04:07 AM

العزيزة (منال ).......... الحقيقة موضوعك قوى زى شخصيتك ............
وتذكرت فى هذه اللحظات تلك المقولةعن ان الرجل يصادق المرأة العاقلة والفاهمة وذات الشخصية والذكية قد يعجب بها ولكنه لا يتزوجها .......... لكن الرجل السودانى الا من رحم ربى عدوا قويا لنجاح المرأةو يكره بعنف المرأة القوية ...........الموضوع ذو ابعاد اجتماعية زى ما قلتى .......
عن نفسى احب جدا المرأة ذات الشخصية القويةوالناجحة (مدمنة نجاح حقيقية ) فى غير تعنت بل فى اتزان لا يفقدها رقتها وجمالها المفطورة عليه ولا يمحى شخص زوجها فما اجمل ان تكون المرأة فى حضرة زوجها حمل وديع من غير طمس لشخصيتها او ذوبان فى الآخر ...............
عزيزتى : شكرا مرة اخرى لهذا الطرح الجميل

شنو يا توتا ما تعملى لينا سمعه حسى كلهم يقوموا جارين ما قوية ولا حاجة هشة وعندها( هشاش العظام كمان:)p:p:p:p:p:p:p:p:p:p:p:p
تسلمى يا غالية والف حمدالله على السلامة..............................

عبدالرحيم سعيد

12-10-2009, 04:20 AM

لا لشئ ولكن ريسين في الرجل ولكن قديما قيل (ريسين غرقوا المركب)

محمد النويري-الفقراء

13-10-2009, 12:08 AM

ام قبس............... اكيد نحنا الاقوى ونحنا الاضعف ..................شكرا على المرور
اسماء
نسمة الصباح
نحنا متفقين بس عايزين نعرف الرد من وجهة الرجل البيهرب منها دا مالو ؟؟؟؟؟؟؟؟؟؟؟؟؟ مروركما اسعدنى

بدر الدين ........ حالتك دى 5% من المجتمع ما بنقدر نعمما............

همسة : انت الرجال ديل مشوا وين .......... وش اتنين بتوشوشو

جيتك يا ود النويرى.................. اها باقى انا عارفاك من زمان جنك تتحكم فى الناس انا بتاعت محن كتر خيرك ............ما انت اصلك ضد النسوان حقو يرجعوك لزمن سى السيد يا سى السيد

عار فا المرة ضافراك ما تعمل مجنون

:p:p:p:p:p:p

ههههههههههه .. انا ما ضد النسوان وانتي عارفة اني من زمان بحترم النسوان لكن ما اي نسوان النسوان البحترمن بتكون ذات عقل ورزينة ما النسوان الفاتيات الواحدة تلقاها واقفة مع بتاع الجزارة وصوتها هناااااااك مع بتاع الخدار .. والمرة كان ضافراني ما كان دا حالي لسه بفرفر .. ههههههههه انتي نسيتي انا ضنب كلب اعوج ..
مشاققة : انتي نسيتي انا زول مسكين ورومانسي .. الغنماية تاكل عشاي ..:cool: