مشاهدة النسخة كاملة : @ الخرباش أبو مُزن ضيف الكُرسي الساخن @
moh_alnour
07-10-2009, 06:52 AM
http://file9.9q9q.net/local/thumbnail/24147175/600x600.gif
<marquee direction="Up" scrollAmount="2">
<FONT size="4" COLOR="Blue">
لا تسافر الى الصحراء بحثا ً
عن الأشجار الجميلة
فلن تجد في الصحراء غير الوحشة
وأنظر إلى مئات الأشجار
التي تحتويك بظلها
وتسعدك بثمارها و تشجيك بأغانيها
</FONT>
</marquee>
http://file9.9q9q.net/local/thumbnail/24147175/600x600.gif
http://www.al7asas.org/up/uploads/files/al7asas-ef79cb3c9f.mp3
http://file9.9q9q.net/local/thumbnail/24147175/600x600.gif
يتفق معي الكثيرون أن ضيفنا هذه المرة من الأعضاء غير العاديين و ذلك لأتقانه
فن ترويض الحرف بصورة لا تخفى على كل من يقرأ موضوعاته و مشاركاته بالمنتدى
رغم قِصر الفترة الزمنية التي قضاها بالمنتدى إلا أنه من الأعضاء الذين نحتوا
أسمهم بأحرف من نور في ذاكرة منتديات ود مدني
و الرجل أيضا ً أجتماعي من طراز فريد لم يتواني في الترحال و التنقل بين الخرطوم
التي يستقر بها و بين ود مدني من أجل مشاركة الأعضاء أفراحهم و أتراحهم
كما أنه شكل حضور دائم في كل أحتفالات و لقاءات أعضاء المنتدى بالخرطوم
أضافة إلى تعامله الجيد مع كل أعضاء المنتدى بلا تمميز أو محاباة أو حواجز
أنه الأخ الحبيب العزيز عبد الرحمن مدثر ( أبو مُزن ) أو ( الخرباش ) كما يحلو للبعض
و الذي يحل علينا ً ضيفا ً عزيزا ً عبر هذه السانحة لنتعرف على جوانب أخرى في شخصيته
وجب علىَّ التذكير بأن عبد الرحمن مدثر هو الضيف الثاني في الكرسي الساخن الذي
لم أخذ منه موافقة مبدئية للجلوس على الكُرسي و ذلك لأنه من الأعضاء الذين
بيّت النية مُسبقا ً و منذ فترة طويلة لإجلاسه في هذا الكُرسي و الذي يقيني بأنه
و بما يملكه من عفوية و تلقائية في الكتابة لن يحتاج إلى ترتيب أفكار أو أستئذان
لكي يكون حاضرا ً لمقابلة أسئلة و مداخلات الأعضاء فالرجل له قُدرة على الأرتجال و الحضور القوي
و لتكن البداية كما تعودنا دائما ً بالسيرة الذاتية و التي نتمناها مُفصلة و مُعّرِفة بشخص أبو مُزن
http://file9.9q9q.net/local/thumbnail/24147175/600x600.gif
مايسة
07-10-2009, 06:53 AM
يا خي دي احلي مفاجأة
لي الشرف اكون الاولي
وبعد شوية بقرأ المقدمة
دي خلعة بس
لك التحية ود النور - ايها الرائع - لانتقائك
للخرباش
(النورس الحزين) -
العاقب مصباح
07-10-2009, 07:05 AM
ههههههههههههههههههههههههاااااااااااااااااااااااااا ااااى
كما يقول الخواض
والله يا محمد النور ما عارف اشكرك كيف
ياخى بالغت جد
الخرباش
الكاتب
الذى يجمع بين الحداااااااااااااااااااثة والمدااااااااااااااااااافرة
والله انا قاعد ليك دابى وردة
حنستمتع غاية الاستمتاع والله
اها
قاعد ليك تب
أبوبكرحامد
07-10-2009, 07:08 AM
تسجيل حضور وسعادة لكون أبو مزن ضيفاً على الكرسى الساخن ، أهلاً بك أبو مزن وكلى تركيز مستصحباً الحواس الخمس
عوض الكريم الخواض
07-10-2009, 07:14 AM
هاهاهاهاهاهاهاهاهاهااااااااااااااااااي 2
يا ولد جيب الفحمة دى ...
النشخبط فوق حيطة عمك الخرباش ...
ضيف غير عادى ...
فى ظروف غير عادية ...
مساء الفل والياسمين صديقى العزيز أبومزن ...
بمشى وأجيك .
مايسة
07-10-2009, 07:14 AM
يا جماعة النورس دا ادوهو تلفون ولا مسج ولا كوووول
وقولو ليهو الراجيك كتييييير خلاص - بس الموسيقي دي بتهديك :rolleyes:;)
العاقب مصباح
07-10-2009, 07:24 AM
اقتراح انو الخرباش يجلس للمدة الباقية من الشهر
يعنى 24 يوم ما كتيرة علينا
اهو كلو بثوابو زى ما بيقولو المصريين
ملكة القلوب
07-10-2009, 07:33 AM
معقوووووولة لكن
دا كلام دا ؟
انتوا نويتوا تطفشوا الزول دا والا شنو ؟
ماعارفننا ناوين ليه من بدري ؟:rolleyes::rolleyes:
والله احلى خبر
وضيف غني عن التعريف
ودا اكيد مابمنعنا من زرزرتوا ( الا يشرد ):cool:
ابو مُزن
اهلا حبابك الاف
وخلينا نقول بسم الله
ونبداء بنبذة ( طويلة ) عنك متضمنة البطاقة الشخصية ( بالتفصيل )
واااااااااكيد بجيك راجعة
ومن هذا المنبر ادعوا ( هيثم ادروب + تغريد + العاقب مصباح + كل من انتظر هذه الفرصة طويلا ) لعقد اجتماع طااااارئ ( لزوم التحضير وكدا :D)
moh_alnour
07-10-2009, 07:38 AM
اقتراح انو الخرباش يجلس للمدة الباقية من الشهر يعنى 24 يوم ما كتيرة علينا
طبعا ً يا عقبة جبتا التايهة قايدا من أضانا عديل كدا ، برضو زي ما بقولوا المصريين ;)
لا أطمئن تب أبو مُزن قاعد لحدي يوم 31-10-2009م
مايسة
07-10-2009, 07:44 AM
طبعا ً يا عقبة جبتا التايهة قايدا من أضانا عديل كدا ، برضو زي ما بقولوا المصريين ;)
لا أطمئن تب أبو مُزن قاعد لحدي يوم 31-10-2009م
اغني ولا مافي داعي يا جماعة :cool::eek::rolleyes:
اي دا الشغل
مدنيّة
07-10-2009, 07:45 AM
ياود الجاك
ياخ الزول دا كان تجيبه من يوم 5 لغاية يوم 25
ابو مزن والله كان نفسنا تقعد في الكرسي بنفسيات احسن من العليك دي
مدنيّة
07-10-2009, 07:46 AM
اغني ولا مافي داعي يا جماعة :cool::eek::rolleyes:
اي دا الشغل
ميسو
غني خمسة وخمسة جوني من النوم صحوني :p
همسة : مشتاقين يامنقة ;)
moh_alnour
07-10-2009, 07:48 AM
أي دا الشغل
ديامة لي يوم القيامة ، ديامة حطب القيامة ، تعيش الديوم الشمالية ( العُشرة ) ;)
مايسة
07-10-2009, 07:50 AM
ديامة لي يوم القيامة ، ديامة حطب القيامة ، تعيش الديوم الشمالية ( العُشرة ) ;)
هههههههههههههههههههههههااااااااااااااااااااااااااا يييي
بدون تعليق - يديك العافية يا عريس ;):p
عوض الكريم الخواض
07-10-2009, 07:53 AM
طبعا ً يا عقبة جبتا التايهة قايدا من أضانا عديل كدا ، برضو زي ما بقولوا المصريين ;)
لا أطمئن تب أبو مُزن قاعد لحدي يوم 31-10-2009م
أمانة ما كتل راجل . :cool::cool::mad::mad::p:p
مايسة
07-10-2009, 07:54 AM
ميسو
غني خمسة وخمسة جوني من النوم صحوني :p
همسة : مشتاقين يامنقة ;)
حبيبة والله مشتاقييييين
اها
خمسوني - اقصد جابوني وختوني
وبخمسة حاوطوني
وفي الكرسي ختوني
وبالاسئلة حاصروني
وبخمس كبايات موية رشوني
مدنيّة
07-10-2009, 07:57 AM
حبيبة والله مشتاقييييين
اها
خمسوني - اقصد جابوني وختوني
وبخمسة حاوطوني
وفي الكرسي ختوني
وبالاسئلة حاصروني
وبخمس كبايات موية رشوني
وحاة الله عفيت منك
هسي لكن ياخ يجينا يتفشي فينا ياميسو ياخ الزول دا
التقول احنا مازمبي
عوض الكريم الخواض
07-10-2009, 07:57 AM
معقوووووولة لكن
:D)[/COLOR][/SIZE][/FONT]
يا محمد النور ...
الزول دا ما كان تقعدو فى الكرسى الساخن من بدرى ياااااااااااخ . ;);):p:p
مايسة
07-10-2009, 08:06 AM
وحاة الله عفيت منك
هسي لكن ياخ يجينا يتفشي فينا ياميسو ياخ الزول دا
التقول احنا مازمبي
هههههههههههه
هو بكون فضل فيهو حيل يا فردة :cool::eek:
على قول الغالية : انسي بث;):p
بت نفاش
07-10-2009, 08:15 AM
ابومزن والله تحنن
غايتو الملكه والعاقب حيتعبوك شديد
لكن انت ما هين
وربنا يوفقك
سؤال كيف اشتركت في المنتدى وانت من الخرطوم
ام قبس
07-10-2009, 08:19 AM
ابو مزن
بي جلاله قدرة
والله لميت الاحباب وكرسيك دا صدقني حيبقي ذي راكوبه حنينه معروشه ناس تعافر وناس تدافر
وكلنا بنلقي حته نقعد فيه بس شفقتنا علي قعدتنا حداك مابنخليها
يازول يا اصيل
ياكبير
وعميق وواعي ولطيف
ابقي قاعد انت سيدا
وقدها وقدود
الا جاياك راجعه
ابوالنور
07-10-2009, 08:24 AM
قالو يا ود مدثر احلي خمسة حاجات في العسكرية اللهم تلاتة الضبط والربط
http://www.cnac.org/emilscott/pic23.jpg
ما ح اقو الكرسي منور ح اقول ليك شد حيلك يا فرده
يوسف كيكل
07-10-2009, 08:29 AM
الخرباااااااااااااااااااااااااش
اسم له معني...........
بت مارنجان
07-10-2009, 08:30 AM
الليــــــــــــــــــــــــــــــلة والليـــــــــــــــــــــــــــــــــلة ....
دقيقة نجيب الشاي واجي
العاقب مصباح
07-10-2009, 08:40 AM
طبعا ً يا عقبة جبتا التايهة قايدا من أضانا عديل كدا ، برضو زي ما بقولوا المصريين ;)
لا أطمئن تب أبو مُزن قاعد لحدي يوم 31-10-2009م
عافى منك انا
الله يعرس ليك مرة هنية رضية وكريمة اصل تنور من ضحكتها وتبتسم كل ما تشوفك
ابشر يا حبيب قلبى
العاقب مصباح
07-10-2009, 08:41 AM
يا شباب رجاء ما دايرين اى اسئلة فى الرياضة
يتخيل لى شبعتوا نضمى
الكلام ليك يا مدنية
:mad::mad::mad::mad::mad:
العاقب مصباح
07-10-2009, 08:42 AM
اغني ولا مافي داعي يا جماعة :cool::eek::rolleyes:
اي دا الشغل
صوتك شيييييييييييييييييييين
:p:p:p:p:p
العاقب مصباح
07-10-2009, 08:43 AM
والله يا جماعة فرحان فرحة للآخر
ما قادر اعبر زاتو
احسن اطلع من هنا انا
بنت الرفاعي
07-10-2009, 09:25 AM
أحلى مافي الموضوع إنو الصفحة وصلت التانية وأخونا الهارب قصدي الضيف الراقي ماظهر،
أول مرة أشوف ضيف يعزمو وما يجي بدري ؟؟!!!!:confused::confused::eek::confused::confused :
عارفين عندو زهجة مشى يفكها وجاييكم بمزاج رايق كدة ، ف شيلوا الصبر :)
علشان هو لما يجي توروهوا كيف يشيل الصبر في السخّان اللي حتقعدوهوا فيهو ;)
مايسة
07-10-2009, 09:27 AM
يا شباب رجاء ما دايرين اى اسئلة فى الرياضة
يتخيل لى شبعتوا نضمى
الكلام ليك يا مدنية
:mad::mad::mad::mad::mad:
:mad::p:mad:;):D
مدنيّة
07-10-2009, 09:29 AM
والله يا جماعة فرحان فرحة للآخر
ما قادر اعبر زاتو
احسن اطلع من هنا انا
فرحان :eek::eek::eek::eek::eek:
مابتخجل
ماخد خمسة وفرحان
دقيقة النخجل ليك انا
مايسة
07-10-2009, 09:44 AM
فرحان :eek::eek::eek::eek::eek:
مابتخجل
ماخد خمسة وفرحان
دقيقة النخجل ليك انا
يختي - الازرق دا وين :confused:
عاد الليلة سهرة صباحي - الا يظهر بث :cool:
مع كرسي الخرباش : مش حاتادر تغمض عينيك ;):p:rolleyes:
بنت الرفاعي
07-10-2009, 09:45 AM
فرحان :eek::eek::eek::eek::eek:
مابتخجل
ماخد خمسة وفرحان
دقيقة النخجل ليك انا
:p:p:p:p:p:p
شكل واحد واقع من طولو من الضحك
:p:p:p:p:p:p
عبدالرحمن مدثر
07-10-2009, 09:51 AM
هاهاهااااااااااااااااااااااى 3
لكن ياود النور مابااااااالغت معاااى
انت عاااااارف اخوك مزود عيااااار الشلاقة حبتين
والتور ان وقع بتكتر سكاكينو
براااحة ياجماااعة واحدة واحدة
ضلع التور دا دايرنو يكفى المنااااااسبة وزيااااادة
ونغنى سواااا
شهر عشرة حباااابو عشرة
لانو باقى لى المناسبة حتكون
عشرة .. عشرة .. الفين وعشرة:p:p:p
البركة فى تلفون الخواااض
انا كنت بره الشبكة
دقيقة بس النكفكف جلابيتى
ونخوض معاااكم
اصلى من زمان بحب التخمج
وفجيخ الطين
بنت الرفاعي
07-10-2009, 09:56 AM
:confused:الضيف وصل أخيرا !!!:eek:
إتفضل أقعد وخليك مرتاح في القعدة ، علشان القعدة مطولة وكدة;)
بت مارنجان
07-10-2009, 10:05 AM
يخوانا زول يفقد الخرباش دة يمكن عندو شي :confused:
عبدالرحمن مدثر
07-10-2009, 10:07 AM
باسمك اللهم نبدا
هذا انا
وحدى انا
خلف الجموع
الجوع يقتل ناقتى
والشوق يعصف
بالضلوع
هذا انا
ضلت خطاااااااااك ...!!
ياايها المجنون
قد ضلت خطاك
وبحثت عن اثر الخطى
وبحثت عن اثر الطريق
فلم
تجد
اثرا هنااااك
والصحاب
والجوف
والليل اللدود
هواجس
والدمع يحفر نهره
فى وجهك
المكدود
هل تبغى الرجوع
هل ...!!!!
تبغى
الرجوع
لم يبق لى
غير الدموووووع
هذا
انا
وحدى
انا
خلف الجموع
الجوع يقتل
نااااقتى
والشوق
يعصف
بالضلوع
ودالنور .. عندما يقترن النور بخضرة جزيرة الفيل
يبقى لاخيار امامنا سوى ان نلتزم الصمت ونلوذ ونحن نتامل
جمال اللوحة .. داير احكى ليك وللجميع عن حاجة واحدة
احساس النص الفوق وارتباطه بالوحدة كان لايام خلت
كنت اتارجح فيها بين مظنة واحتمال
جوطة السوق بتاخد منك اى حاجة حلوة
وبتخليك فى الصقيعة
كنت ماسك فى احتمال دى قوى لحدى مالقيت نفسى بينكم
جووووه المنتدى
وسط من نحب ونعشق
ماداير اوصف شكل الاحساس وانا وسط اللمة الحلوة دى
بس داير اقول حاجة واحدة
وانا معاكم
(فزت ورب الكعبة )
العاقب مصباح
07-10-2009, 10:20 AM
فرحان :eek::eek::eek::eek::eek:
مابتخجل
ماخد خمسة وفرحان
دقيقة النخجل ليك انا
والله الواحد مفروض يخلى المنتدى دا زاتو
دى خمسة شنو دى البقت لى فى حلقى دى
:p:p:p:p:p:p
شكل واحد واقع من طولو من الضحك
:p:p:p:p:p:p
داااااااااااااااااليدا
اضحكى كويس
ما دوامة هى
وبجى اليوم البضحك فيهو لمن اتكسر من الوقعة:mad::mad::mad::mad:
الخرباش اعذرنا ياخ
لازم نعمل ضبط للحمر ديل
عشان ما ينرفزوك بالكورة
محمد الواثق
07-10-2009, 10:22 AM
استاذنا عبد الرحمن مدثر صاحب القلم الذهبي
كم يسعدني تواجدي هنا
ولكم يسعدني حضورك واعرف اننا وجميع من يشتاق لحرفك في انتظارك
دمت بخير دائما
لا تتفقد لحضوري ان لم ادون بعض الكلمات فقط تأكد اني في حضور صامت كما تعود قلمي الصمت امام كلماتك احترما واجلالا
عبدالرحمن مدثر
07-10-2009, 10:27 AM
من محاسن الصدف .. ان اول دخول لى للمنتدى
والتسجيل فيه كان الجميع يعد العدة لفرحة التوقيت والميلاد
لايقاد الشمعة السادسة
لازلت اتذكر اننى كنت جزءا من تلك الفرحة من خلال احتفائية داخلية
مع اول مشاركة (جرفها السيل )
كان احساس صااادق
دعونى اتذكره معكم فى هذه المساحة
احتفالا بسباعية الشموع
لوطننا الاخضر
جينا عشاااااااانك
همنا انو الحلم الاخضر
يلقى مساحة ضوء
وحنين
جينا عشااان نهديك
العمر المتوسد نبضك
وعاشق حسك
وشااايل سيرتك
غنية فااال
ونغمة تعاند ضجة خوف
وسكة حب لطفلة بتغزل فرحة بكره
وتدى الناااااااس
الامل الجاااااى
جينا عشااااانك
حبنا ليك يبقالنا وسااادة
ناخد منها راحة البال اللسه بتجرى
بين البون الشاااااسع
وبين احساسنا القصر طول السكة
وسهل حتة انو نكون
جوااااااك
ناخد منك وهج النور
النااااابع منك
نرسم لوحة مجدك
ننشد غااااااااااية
انو تكون
وننشد غاااية انو
نكون
جوااااااك
ولعلها سانحة جميلة ان نجتمع حول الجمال ونغنى له
ونترك لافراحنا العنان لتعم كل المساحات
تتحدث باسمنا
توصل نبضنا
مااجملنا ونحن نخيط جلبااااب الفكرة
من خيوط احساسنا .. ومن ابره لاول مرة تمنحنا الامل
لا اخفى عليكم
كان يومى هنا مشتتا
بين فكرة .. وثمرة .. ودعوة خير جميلة
احساسى يحدثنى
بان القاااااادم اجمل
بس خليكم
دااااااائما احلى وانضر
بت مارنجان
07-10-2009, 10:29 AM
الخرباش اعذرنا ياخ
لازم نعمل ضبط للحمر ديل
عشان ما ينرفزوك بالكورة
[/COLOR][/SIZE]
انا عندي مهمة واحدة في البوست دة .... عمل ساتر وحاجز
ومضدات صناعية وطبيعية لاي ردات فعل متوقعة وفجائية من قبل الرشاشين
واي عصابات داخلية تزعزع امن الكرسي :mad:
لذلك حجيب شاي واصنقر للمراقبة ... وترصد اي هجمات جانبية
ونحذر كل من تسول ليه نفسه باي حركة ماياها :mad:
والله من وراء القصد
العاقب مصباح
07-10-2009, 10:31 AM
ونحذر كل من تسول ليه نفسه باي حركة ماياها :mad:
عجبتنى وقفتك فى وجه اى حركة ما ياها
عبدالرحمن مدثر
07-10-2009, 10:37 AM
نقطة نظاااااااااااام
يااحبابنا ياحلوين
دايرين اسئلة بمؤسسية
بعيدا عن الخماسية
لانها بتخلينا نفاااااارق درب الاحساس القمة الجاء بوجودكم
الى غمة .. وخمة نفس كمااااااااان
خربشة
حقوق النقل محفوظة ياملكة
العاقب مصباح
07-10-2009, 10:42 AM
عبد الرحمن مدثر
فى داخلك لا يوجد انسان يتكون
بل يوجد انسان أنيق
يحتوى البر والبحر
والحر والبرد
فاكهة الشتاء
ورحيق ورد
فى هجرتك العكسية للإقتراب من نفسك
مررت بمنتدى ود مدنى
كانت هنا محطتك للإبداع
جلست فيها بين النار الشبت
واترجيتها تختى امحمد
وعيدية مزن
كنت ناصع الفكرة والجمال والابداع
أستفدت منك كثيراً فى مسيرتك
حدثنا عن الصعود والهبوط فى الرحلة
رحلتك نحو كوكب القمر
منتدى ودمدنى
والتأرجح بين الاقامة الدائمة
والرغبة فى الرحيل المر
هل تذكر تلك الايام
محمد الواثق
07-10-2009, 10:45 AM
انا عندي مهمة واحدة في البوست دة .... عمل ساتر وحاجز
ومضدات صناعية وطبيعية لاي ردات فعل متوقعة وفجائية من قبل الرشاشين
واي عصابات داخلية تزعزع امن الكرسي :mad:
لذلك حجيب شاي واصنقر للمراقبة ... وترصد اي هجمات جانبية
ونحذر كل من تسول ليه نفسه باي حركة ماياها :mad:
والله من وراء القصد
برضوا شاي
:mad::mad::mad:
عبدالرحمن مدثر
07-10-2009, 10:51 AM
يا خي دي احلي مفاجأة
لي الشرف اكون الاولي
وبعد شوية بقرأ المقدمة
دي خلعة بس
لك التحية ود النور - ايها الرائع - لانتقائك
للخرباش
(النورس الحزين) -
وانا لى الشرف
بان احلى ايام العمر قضيناها سويا
بين جوطة الجامعة
وترحال النوارس الحزينة
بحثا عن فرح اخضر
بصحبة ميساء
النخلة التى علمتنا معنى العطاااء الحقيقى
رغما عن قسوة الحجارة
الا انها تجود بالثمار
وعلى الجميع
عبدالرحمن مدثر
07-10-2009, 10:59 AM
ههههههههههههههههههههههههاااااااااااااااااااااااااا ااااى
كما يقول الخواض
والله يا محمد النور ما عارف اشكرك كيف
ياخى بالغت جد
الخرباش
الكاتب
الذى يجمع بين الحداااااااااااااااااااثة والمدااااااااااااااااااافرة
والله انا قاعد ليك دابى وردة
حنستمتع غاية الاستمتاع والله
اها
قاعد ليك تب
احلى حاجة فى المنتدى دا
انو لاقيتك (ياملصق ):p:p
ودعت السوق وتجارته البكماء
الى دهشة بكماء
احسها وانا اطالع حروفك السوامق
وبين الحداااثة والمدافرة
يتمططط احساسنا بالاشياء
بالامس كنت احدثكم عن متعة (النمرة )
وغزل النسيم مع كليقة القصب
وانا (قبل شوية )
كنت بعافر وبدافر فى اسانسيراااات برج الفاتح الزجاجية
واضحك لوحدى
اجمل حاجة
لما ترتبط الابتسامة باناس تحبهم:p
بنت الرفاعي
07-10-2009, 11:01 AM
داااااااااااااااااليدا
اضحكى كويس
ما دوامة هى
وبجى اليوم البضحك فيهو لمن اتكسر من الوقعة:mad::mad::mad::mad:
:p:p:p:p:p:p:p:p
واحد ماقادر يضحك من الضحك ذاتو !
:p:p:p:p:p:p:p:p
ميادة
07-10-2009, 11:02 AM
النورس ... الخرباش ... ابو مزن ... عبدووووو
جيت ماره سرعة كده قلت ارحب بيك بث بجيك بي روااااقة ومهلة ;)
بالجد منور الكرسي
بنت الرفاعي
07-10-2009, 11:03 AM
ونحذر كل من تسول ليه نفسه باي حركة ماياها :mad:
الحركة دي نوعها شنو ؟؟؟ سياسية أو رياضية أو .......
بالمناسبة أول مرة أسمع بإسم الحركة دي ، وهي وين ذاته ومقرها وكدة؟!!!:eek:
:p:p:p:p:p:p:p:p:p
tininana
07-10-2009, 11:12 AM
اووووووووووووووووووو
اااااااااااااااااااااااااااااااااا
ياااااااااااااااااااااااااااا
كدي دقيقة خلوه الابداء وبعداااك
انا بتبني عملية الهجوووووووم
wad alballal
07-10-2009, 11:37 AM
لنا نسجل حضور لما عرفنا ضيف الكرسي حبيبنا ابو مزن ...
ولك التحية ...
بجيك راجع تاني
ملكة القلوب
07-10-2009, 12:07 PM
يا محمد النور ...
الزول دا ما كان تقعدو فى الكرسى الساخن من بدرى ياااااااااااخ . ;);):p:p
ابومزن والله تحنن
غايتو الملكه والعاقب حيتعبوك شديد
شمااااااتة بالبارد:D
غايتو شكلي كدا ح ابتدي تجهيز الاسئلة :rolleyes::cool:
ملكة القلوب
07-10-2009, 12:35 PM
نقطة نظاااااااااااام
خربشة
حقوق النقل محفوظة ياملكة
نظم نظم كان قدرت تنظم الطابور الراجيك جمب الباب دا :D
جوطة السوق بتاخد منك اى حاجة حلوة
بين جوطة الجامعة
الجوطة
وما ادراك ما الجوطة
سؤالات على الماشي:rolleyes:
ماذا تعني الجوطة عند ابو مزن ؟
وماالفراق في رايك بينها وبين ( الاندياح ؟)
ابو مُزن
يعشق الهدوء وترتيب الافكار ويبدو ذلك جليا في استخدامه لصافرة النظام التي تدل على انزعاجه من ( جوطة حاصلة )
فهل تعتقد ان سبب عشقك للهدوء والبعد عن الجوطة هو ( طبيعة احساسك كاديب مُرهف ؟ ام هي طبيعة تربيتك منذ الطفولة ؟)
في اشكال كثيرة للجوطة عبد الرحمن بين ( جوطة الاحساس لما يتوه ويبقى محال نحدد نوعه - وجوطة الطفولة - جوطة الجامعة -جوطة السوق -جوطة الاسرة الصغيرة- وجوطة مُزن , جوطة المنتدى احيانا وااااااكيد جوطة هلال مريخ :cool:)
في اي جوطة من الجوطات اعلاه وجد ابو مُزن نفسه اكثر ( يعني كانت جوطة سبب الهام (فكرة ) على غير العادة )؟
وترحال النوارس الحزينة
كم اعشق الترحال ..
حدثنا عن ترحال النورس الحزين ( عبد الرحمن مُدثر )
وماذا اضاف لك الاستقرار اخيرا في ( ارض الوطن وحياتك الخاصة و منتدى ود مدني )
( ولي عودة :cool:)
احتراماتي
يااااااا العاقب .. انت هيثم ادروب وين ؟:rolleyes:
ملكة القلوب
07-10-2009, 12:39 PM
دايرين اسئلة بمؤسسية
تآمر امر ياابوها والله
مؤسسية دي عاجباني كييييييييف ؟
حاجة كدا تديك دافع للابداع وتخليك عايز تتفنن في الاسئلة ( اسئلة ممحورة وعلل واذكر السبب عندي بالكوم ):rolleyes::D:rolleyes:
نسمة صباح
07-10-2009, 02:12 PM
حجزت مقعد للجمال وشفافية الروح والاحساس
في حضرت قلم اجري ملهوفه لمتابعة موضوع او مشاركه يسطرها في احد الموضوعات
لي رجعه اكيد بأذن الله
نحن علي موعد مع الابداع فالخرباش
رجل تحبه من خلال مايسطر من كلمات
رجل له نكهه خاصة يمتلك قلم اصيل
طريقته في الكتابة تاثر كل من يقراء له
حباه الله بكل جميل فهو رجل محبوب
من الجميع .......
حجزت لي مكان في الصفوف الاولي
لاستمتع برصانة وجمال ماتخط انامله
ربنا يجعل له هذا الكرسي بردا وسلاما
ودمت بكل الخير
خالد 000 ابقرجة
07-10-2009, 08:14 PM
حبيب القلب اليمين 000
سيد الحرف الضل 000
البدخل القلب بدون ما يكشكش كوليقة قصب 000
والبفرد نفسو 000
تاية 000
ترتاح فيها وردية الشوق 000
قبال ما ترجع 000
تتاور زي شوق جلالة 000
( الخرباش ) 000
علي جدار النجوم 000
أول حاجة عاوز اعمل ليك زي فراج الطيب 000
التوقيع القديم بتاع الخربشة 000
عاوزين البيت القبالو والبعدو :p:p
سيد الدوم 000
البعبي الدوم الكتيييييييييييير في شوال صغيرووووني 000
لأنو دايما بكون حريف 000
بي هزة هزتين 000
بقدر ارتب حاجات كتيييييييييييرة 000
ويكوما في مساحة ضيقة 000
ود مدثر 000
كيف ترتب الحروف دواخلك 000
وكيف ترتب بالحروف دواخل من يقرؤك 000
جاييك 000
أكيد 000
معاي قرقريبة 000
طايوقة ممسحة بي زيت سمسم 000
لزوم التجميل 000
ولزوم الاستعداد لقبلة متشتشة ( تش تش ) 000
مع حبيب القلب الحالك السواد 000
صاج حبوبتي حاجة خديجة 000
ومعراكة 000 تؤسس لنظافة العمل 000
وجمال الزمن السمح 000
قبال ما أجيب عدتي 000
أرمي لي طرقة رهييييييييييييييييفة 000
علي زوق قرقريبتك الحرييييييييفة 000
البتحاور أحسن من أمبيلي 000 (حليل أيامو ) 000
يمين وشمال 000
wad alballal
07-10-2009, 08:20 PM
الرائع ابو مزن ... لك التحايا ...
زي عايزين نعرف علاقتك بالحصاحيصا ...
يعني .. برضو ما عرفنا جنسك شنو ... شايقي صاح ...
رايك في :-
في الساحة السياسية هذه الايام ..
في الاغتراب ...
في قنواتنا الفضائية ..
في منتديات ودمدني ...
كدي جاوب ديل وبجيك راجع تاني ..
مودتي
ابوالنور
07-10-2009, 09:42 PM
والله الواحد مفروض يخلى المنتدى دا زاتو
دى خمسة شنو دى البقت لى فى حلقى دى
خمسة ثواني بث يا عاقب اكتر من كده ما بنقدر نخمسك اقصد مابنقدر نستحمل فراقك
مدنية شوفي ليك وش تعبير للحالة دي
ود مدثر في خمسة اصطر عبر لينا عن احساسك في اللحظة دي تحديدا بمشي واجيك بعد خمسة دقائق
اها قلت لي بقت لي وين يا عاقب
محمد حسين (المميز)
07-10-2009, 10:35 PM
لالالالالالا
:eek::eek::eek:
مش معقـــــول
الراقي الأنيـــق
في الكرسي
ده حيكون قمة الابداع
لكن يا جماعه شويه شويه عالراجل
الراجل يجي يطل ويقول كلمه كلمتين ويهرب
وبالله ناس مدنيه البطيخاب ديل زحوهم لينا من هنـــا:p:p
ويــــــــــــلاّ خلونا ننطلق;)
الزونية
07-10-2009, 10:35 PM
مدثر يانورس... ياخرباش
يازول مليان كل شي سمح ....
كلماتي احرفي ..تستحي...
خذلتني....
ماذا..أسطر
وفي حضرة جلالك
يطيب الصمت
ويطيب الجلوس..
أدباً .وأحتراما
للحرف الأنيق....
ورغم بعدي برسل
سلاااااااااااااامي
...
واقول ليك شي
انا ماشة السوق اجيب مؤونة
شهر
ههههههههههه
وهدي قعدة..لكن في الصامت
وماعندي ليك أي سؤال
يازول نحنا عايزين نتعلم وبس..
وتعظيم سلام...
محمد الواثق
07-10-2009, 10:42 PM
لا حولااااااااآ ابومزن 59 مشاركة والزول دة جانا ماري بس راجي شنو انت يا ابومزن وبعدين الناس واقفة صف وانا معاهم
جاوب عشان نبدأ نجيب اسئلتنا اي شهر 11 كان ما اخاف الكضب انا شايف انوا نختم معاك السنة ونبدا معاك2010
وللضمان كدا سؤال ع الماشي
سؤال يخص المهنة
وما بين الصحافة السياسية والصحافة الرياضية
وما آلت الية الرياضة في السودان وضياع فرصة لتمثيل السودان
كما حصل في ميونخ 72
وبأنددياح علي قولك اتكلم لينا علي النقطة كدا
من كل النواحي والمسببات فيعجبنا كثيرا تفسيرك للقضايا ورؤياك للامور دائما مقنعة كما عهدناك
ملكة القلوب
07-10-2009, 11:36 PM
اها جيتك راجعة
قول بسم الله وجاوب اسئلتي الفوق دي
وتعال للمجموعة دي برضو
المنتدى الثقافي _ قصيدة اختلت في لحظة كنا بحاجة لنظم ابياتها ووزن قافيتها اكثر , وبما انك صاحب صولات وجولات في اروقة منتدانا الثقافي حدثنا عن ( ود مدثر ( الاديب ) _ وما آل اليه حال القسم الثقافي بعد هجرة الرائع ( شيكو ) من مدينة ادباء المنتدى
تراجع نورس عن سرب اصدقائه وكان دائم التحليق في فضاء ( النقد البناء ) , فاصبحنا لانجد تلك الاسطر المضيئة تشعل حماس الكتاب من مختلف الفئات ( اسباب تنحيك عن منصب ( ناقدنا الفذ )
برائيك ماهو سبب انطواء البعض وعزوفهم عن لقاء اسطر الخواطر والنثر والشعر والقصة بانواعها؟ وماهو الحل السريع والمتاح لايقاف نزف جرح اصاب عصب الحياة في ادبائنا وكتاب منتدى ود مدني ؟
ود مدثر
بين اليوم وامس, اين وجدت نفسك اكثر ؟ في شوارع السوق ام بين صفحات المجلات والكتب ؟
بالله جيب لي معاك الحاجات دي وانت جاي
1/ كلمات في الخاطر للadmin
2/ رسالة لغائب حاضر في الوجدان ( ومن هو ؟)
3/ احساس وجدته في اسطر لاحد كتابنا , عانق احساسك وودت لو رددت عليه ..وحان موعد اعلانه حيث لم يتاح لك وقت افضل
ابو مُزن
اظهر وبان عليك الامان
وبالله شوف لي طلباتي دي عشان اللستة طوووووويلة :cool:
ابوخالد
07-10-2009, 11:37 PM
أبومزن ...... الخرباش ... منور الكرسى
اللهم أجعله بردآ وسلامآ عليك ...
سؤالى ماذا تعنى لك هذه الكلمات ....
الدعاء ... الصدقة ... صلة الرحم ... القرآن ... الصلاة ...
ولك صادق الإحترامات
http://www.s7r.net/up/uploads/4014d101b3.jpg
تغريد
07-10-2009, 11:41 PM
منو :eek::eek::eek:
أبو مزن
والله الف مرحب بي الزول الطيب شديد لمن طيبتو تحير
مرحب بي فارس الكلمة الغير مروضة
عنيد الحرف بهي الطله
غايتو زي ما عارفة أقول شنو بس بالجد منور الكرسي وحقيقة ود النور ما قصر الجابك
لينا بجيك راجعة بي رواقة عشان نطلع كل الجواك
يسري الياس
08-10-2009, 01:00 AM
عبد الرحمن المدثر
تحيات يا صاحب
احتفائية لرجل له خصوصية اللهجة .. كتاباته تشابهه لوحده ... سعدنا ان ضمنا هذا المنتدى الوريف ..
لهجة ترحاب اكثر منها تساؤلات ..
مرحب ااازول
يا ناير
نسكافيه .. وقهوة مزاج
راجنك .. كيبورت .. وماوس ... وسلامات
وسؤال صغيرون ..
الثقافي فارقته مالك
رضا حسن محمد
08-10-2009, 01:16 AM
يا حبيب الدهشة
والزمن الخلاسى الشمم
ايها المتوسط فيبنا كخيمة نجوم
تخربش فى دواخلنا كما الافراح
اراك ترقص الكامبيون
وتعرض
نقاسمنى حب هلال الملايين
احبك فى كل الاحوال
ايها الخرباش الجميل المكندك بالجمال والحروف
ازيد احبك مرة
واثنتان وثلاثة
انداح يا زول سمح
خالد 000 ابقرجة
08-10-2009, 01:30 AM
يا حبيب الدهشة
والزمن الخلاسى الشمم
ايها المتوسط فيبنا كخيمة نجوم
تخربش فى دواخلنا كما الافراح
اراك ترقص الكامبيون
وتعرض
نقاسمنى حب هلال الملايين
احبك فى كل الاحوال
ايها الخرباش الجميل المكندك بالجمال والحروف
ازيد احبك مرة
واثنتان وثلاثة
انداح يا زول سمح
ياخ أنا بحبو أكتر منك 000
أزيد عليك 000
اربعة 000
وخمسة 000 :p:p:p:p:p
خمسة ( قصدي همسة ) 000
الخرباش رايح في أسانسيرات برج الفاتح 000
وود النور سخن ليهو المنقد بي جاي 000
راجينك 000
وجولة بالركشة 000
مع بيرجر كمنجة 000
وواقع طلابنا بين مدافرة المعيشة 000
والتحصيل الأكاديمي 000
ومكايد السياسة 000
ومع الركشة 000
شهادات كرتون علي الحائط 000
وجري في سوق الله وأكبر 000
ومهن هامشية 000
أقرا معانا بيرجر كمنجة هنا بي صوت عالي 000
وفحط بي ركشة البطل 000
علي أنغام آخر كاسيت في السوق 000
بالمناسبة 000
أشرف صلاح شكلو بقي زميل موقف ركشات معاك :p:p
نقطة نظام 000
البطاقة الشخصية ضايعة ولا شنو 000
أطلع لينا ياخ وبالتفصيل 000
رضا حسن محمد
08-10-2009, 02:02 AM
ياخ أنا بحبو أكتر منك 000
أزيد عليك 000
اربعة 000
وخمسة 000 :p:p:p:p:p
خمسة ( قصدي همسة ) 000
الخرباش رايح في أسانسيرات برج الفاتح 000
وود النور سخن ليهو المنقد بي جاي 000
راجينك 000
وجولة بالركشة 000
مع بيرجر كمنجة 000
وواقع طلابنا بين مدافرة المعيشة 000
والتحصيل الأكاديمي 000
ومكايد السياسة 000
ومع الركشة 000
شهادات كرتون علي الحائط 000
وجري في سوق الله وأكبر 000
ومهن هامشية 000
أقرا معانا بيرجر كمنجة هنا بي صوت عالي 000
وفحط بي ركشة البطل 000
علي أنغام آخر كاسيت في السوق 000
بالمناسبة 000
أشرف صلاح شكلو بقي زميل موقف ركشات معاك :p:p
نقطة نظام 000
البطاقة الشخصية ضايعة ولا شنو 000
أطلع لينا ياخ وبالتفصيل 000
يا ود اب قرجة
دعنى اونسك ريثما يعود الخرباش
ذكرتنى بمهن هامشية وشهادات كرتونية على الحائط
وسوق الله اكبر
وسوق ام تفسو
والابى ما يعيد
والحول ما اشتغل
والناس الحالا زين
والصالح العام
وفلان للصالح العام
وجنابو للصالح العام
يبدوا انه اصبح وطنا للصالحين
والخلى البلد وطشا
مرقا فى بلدا طيرا عجمى
وفلانة الشديدة ديك لمن تديها جكة فى المطرة
والتوب يقع منها
وووب على
اللهم انى صايم
والبلوم فى فرعو غنى
الخرباش لسة ما جاء ؟؟؟
ahmed algam
08-10-2009, 02:17 AM
ماشاء الله
منو دا دا منو
الخرباش ضاحب الخماسيه
ابومزن ((عبد الرحمن مدثر ))
صاحب القلم الذهبي
والله لكن جيت جية مدردقه
خمسه دقايق وراجع ليك
عبدالرحمن مدثر
08-10-2009, 04:15 AM
جيناااااااكم ياحبايبنا
بعد غربة ... وشوق
معذرة .. لظروف استثنائية منعتنا من التواااصل معكم
نسبة لظروف عمل ضاغطة تضامنا مع مؤتمر
(افاآق الاستثمار العقارى فى السودان )
الذى ينظمه صندوق الاسكان والتعمير ببرج الفاتح
خلاص .. خلصنا
نجى بعد دا نشوف معرض التوااصل الجميل هنا بصحبة اروع ناس
وناااااااس العرضة ... وكشف الحال
اجيب بطاقتى
واجيكم
عبدالرحمن مدثر
08-10-2009, 04:27 AM
البطاقة الشخصية .. وكدا
عبدالرحمن عبدالقادر مدثر
الميلاد .. الهدى 6-5- 1978
المراحل الدراسية
الهدى الابتدائية
الهجرة المتوسطة
الخرطوم جنوب الثانوية
جامعة النيلين
كلية الاقتصاد والعلوم السياسية
(تخصص علوم سياسية )
جامعة الجزيرة كلية الهندسة والتكنولجيا
(دبلوم فى هندسة الكمبيوتر)
(فرع الخرطوم 3 حاليا )
دبلوم عالى من مركز الدراسات الدبلوماسية .. وزارة الخارجية
ومشروع تحت التجميد (بسبب جوطة السوق)
ماجستير الترجمة ... جامعة جوبا
بعد التخرج كانت ليدنا احلام وتطلعات ونحن نبحث عن كيفية ارتباط
علمية السياسة بصناعة القرار فى بلادى
دخلت معاينة واحدة فى وزراة الخارجية
وكانت نتيجة القبول معروفة سلفا للكل
بحثت عن مخرج اخر من خلال جامعة كبرى (السوق )
ورجعت حليمة لقديمها .. على الرغم من قناعات فكرة ان تجد نفسك
فى عمل تحبه
الاسرة كلها فى سوق السجانة
لدينا شركة خاصة باسم اخونا الكبير بعد وفاة الوالد رحمة الله علية
(شركة مهدى عبدالقادر مدثر للاستثمار)
موردون للادوات الصحية - السيراميك .. وتوصيلات المياه المختلفة والصرف الصحى
ومنتجات الالمونيوم
مكاتبنا فى السجانة شارع البوستة .. جوار محطة الغالى
صالة العرض الرئيسية .. العمارت تقاطع نجيب مع 15
الحالة الاجتماعية : متزوج والحمدلله ولدى صبية (مزن) ستكمل عامها الثالث
يوم 19- 11-2009 من هسة معزومين معانا
تااااااانى مافى حاجة تقريبا
عبدالرحمن مدثر
08-10-2009, 04:32 AM
تسجيل حضور وسعادة لكون أبو مزن ضيفاً على الكرسى الساخن ، أهلاً بك أبو مزن وكلى تركيز مستصحباً الحواس الخمس
وسعادتنا بك اكبر وانت معنا
تعلمنا معنى التواصل
نفيدكم علما استاذنا ابوبكر
ونحن بمعيتك ان حواسنا ستتعدى احساس الحاسة السادسة
الى (سباعية ) اجمل من خلال باراسايكولجى يكون متاحا بكل ابعاده
ونحن نسعد بجمال الفكرة .. وهدوء الدواخل .. وحكمة الفلاسفة
فى تدبير الامور بوجودك بيننا
لك اندى التحايا استاذنا
عبدالرحمن مدثر
08-10-2009, 04:37 AM
هاهاهاهاهاهاهاهاهاهااااااااااااااااااي 2
يا ولد جيب الفحمة دى ...
النشخبط فوق حيطة عمك الخرباش ...
ضيف غير عادى ...
فى ظروف غير عادية ...
مساء الفل والياسمين صديقى العزيز أبومزن ...
بمشى وأجيك .
ابوكريم
انت عارف لما اجى مدنى يتذكر صاحبى السر
الماناقش حاجة فى الخرطوم ايام الجامعة
وكنا لما نقدم ليه الدعوة لحضور استقبال طلاب جدد
فى حدائق الهيلتون
كان يسال سؤال تقليدى ومن حقه طالما كان راااائح على الدوام
(الهيلتون دى وين للسوق الشعبى ):p
احلى حاجة انو بيتكم بقى بيتنا
ودى كلها من نعمة التواااصل داخل المنتديات
هسة اخوك قاعد يوصف للنيامة
انا بعد اجى مدنى نتلاقى جنب فندق يوغسلافيا
حيث نسعد بكرم واريحية عمدتنا الخواض
فى انتظارك يامان
عبدالرحمن مدثر
08-10-2009, 04:41 AM
يا جماعة النورس دا ادوهو تلفون ولا مسج ولا كوووول
وقولو ليهو الراجيك كتييييير خلاص - بس الموسيقي دي بتهديك :rolleyes:;)
والله يامايسة اخوك شايل هم
لانى كنت اصلا جااايط
ودى جووووطة اصعب كمان
مافى موسيقى فيلم هندى :p
عبدالرحمن مدثر
08-10-2009, 04:43 AM
اقتراح انو الخرباش يجلس للمدة الباقية من الشهر
يعنى 24 يوم ما كتيرة علينا
اهو كلو بثوابو زى ما بيقولو المصريين
اقعد لى انت كدا لاقتراحاااتك
لحدى الدكاكين ماتقفل
ومانلقى طحنية
ونعدى يومنا قروووووض:p
عبدالرحمن مدثر
08-10-2009, 04:48 AM
معقوووووولة لكن
دا كلام دا ؟
انتوا نويتوا تطفشوا الزول دا والا شنو ؟
ماعارفننا ناوين ليه من بدري ؟:rolleyes::rolleyes:
والله احلى خبر
وضيف غني عن التعريف
ودا اكيد مابمنعنا من زرزرتوا ( الا يشرد ):cool:
ابو مُزن
اهلا حبابك الاف
وخلينا نقول بسم الله
ونبداء بنبذة ( طويلة ) عنك متضمنة البطاقة الشخصية ( بالتفصيل )
واااااااااكيد بجيك راجعة
ومن هذا المنبر ادعوا ( هيثم ادروب + تغريد + العاقب مصباح + كل من انتظر هذه الفرصة طويلا ) لعقد اجتماع طااااارئ ( لزوم التحضير وكدا :D)
انتى ياملكة
لاتفوتى .. لاتفوتى
البركة فى شوفة مزااااجك الرااااائق اخيرا
عارفة اجمل حاجة التواصل الجميل
الذى لايعترف بمسافة .. ولاطول السكة
دائما حضور
رسالة جميلةعلى الجوال وصلتنى من حبيبنا ابوقرجة تثبت معنى التواصل الجميل
وتركز على مزاجية ملكتنا الراااائعة
الرسالة بتقول
شد حيلك الملكة قعدت ليك ومزاااااااااااجا راااااائق
وعجينا فاااااااااير .. جيب قرقريبتك ساااااااكت وتعال
تعااااال ليا
وتعااااااااااال:p
عبدالرحمن مدثر
08-10-2009, 04:53 AM
طبعا ً يا عقبة جبتا التايهة قايدا من أضانا عديل كدا ، برضو زي ما بقولوا المصريين ;)
لا أطمئن تب أبو مُزن قاعد لحدي يوم 31-10-2009م
ياصاحبى مافى غيرك
نحن الزرق وصلنا عصمت اخيرا لرموشه الجميلة
وعندنا ناس الاحتياطى بعملو فى التسخينة
صبحى وسيدا .. وسفاح
الباقى بعد دا على قبيلتنا الحمراء
الكورة فى ملعبك وممكن تباصيها لسنهورى
(جيب التائهة )
وخلى صبحى يجيب الكورة البره
عبدالرحمن مدثر
08-10-2009, 04:56 AM
ياود الجاك
ياخ الزول دا كان تجيبه من يوم 5 لغاية يوم 25
ابو مزن والله كان نفسنا تقعد في الكرسي بنفسيات احسن من العليك دي
ام جمال
فى التلفزيون القومى فى برنامج مبالغة
اسمو (كل الجمال ) فيه من كل بستان زهرة
وعندنا هنا ام جمال بنفس الفهم
بتصنع من الفسيخ شربات
شفتى الكلام دا كيف
بس ابعدى من السلم الخماسى دا شوية
ماتوقعينا
أشرف صلاح السعيد
08-10-2009, 04:57 AM
حبيبنا ودمدثر تحية..
من أنت؟
وهل غدوت تلك الشخصية التى حلمت بأن تكونها يوماما؟
وسيب الطشات ورد يااخى دى خمسة ولا خمسين المزهللا بك لهسى؟..
عبدالرحمن مدثر
08-10-2009, 04:59 AM
أمانة ما كتل راجل . :cool::cool::mad::mad::p:p
انت عاااارف كان ماتلفونك
كان اكون لسه رااااائح
اعمل لينا استرحااااااام
عارف براااااك الزير
والكوز مقدود
والغطااية شالها الهوااااااء
عبدالرحمن مدثر
08-10-2009, 05:01 AM
حبيبة والله مشتاقييييين
اها
خمسوني - اقصد جابوني وختوني
وبخمسة حاوطوني
وفي الكرسي ختوني
وبالاسئلة حاصروني
وبخمس كبايات موية رشوني
بديك رشوة ياااااااااخ
وبهدى ليك رائعة ودالمكى
ياخلااااسية
بس سيبى الخماسية
عبدالرحمن مدثر
08-10-2009, 05:05 AM
ابومزن والله تحنن
غايتو الملكه والعاقب حيتعبوك شديد
لكن انت ما هين
وربنا يوفقك
سؤال كيف اشتركت في المنتدى وانت من الخرطوم
اختنا الغالية بت نفاش حبابك
بالنسبة لسؤالك حول الاشتراك فى المنتدى
انا اصلا من الجزيرة الخضراء
ومن مدينة (الهدى ) احد اقسام المشروع العتيقة
وبعد دااك جينا الخرطوم
يعنى سبب رئيسى هو الحنين الى الخضرة
والبحث عنها هنا داخل منتديات مدنى
واحمد الله
انى وجدتها وزيادة
عبدالرحمن مدثر
08-10-2009, 05:09 AM
ابو مزن
بي جلاله قدرة
والله لميت الاحباب وكرسيك دا صدقني حيبقي ذي راكوبه حنينه معروشه ناس تعافر وناس تدافر
وكلنا بنلقي حته نقعد فيه بس شفقتنا علي قعدتنا حداك مابنخليها
يازول يا اصيل
ياكبير
وعميق وواعي ولطيف
ابقي قاعد انت سيدا
وقدها وقدود
الا جاياك راجعه
ام قبس
رقراق الخير
سعيد انا بمعرفتك من خلال حروفك النواضر
ومن خلالك كتاباتك البيضاء التى مازالت تبحث
عن موطن الخير والجمال فى الدواخل
وتنعش ذاكرة الايام برحلة البحث الجميلة
التى لايرهقها التعب
ولاتوقفها الحواجز والمطبات
فى انتظارك ياغالية
عبدالرحمن مدثر
08-10-2009, 05:11 AM
قالو يا ود مدثر احلي خمسة حاجات في العسكرية اللهم تلاتة الضبط والربط
http://www.cnac.org/emilscott/pic23.jpg
ما ح اقو الكرسي منور ح اقول ليك شد حيلك يا فرده
مابلقى لى عندك (شدة ) بالكسرة
ولا جمايكا بتخلى الزول يمشى فللى
ابوالنور حبيبى
ملك الفكرة التى تصل بعد اجتهاد شوية
تحياتى
عبدالرحمن مدثر
08-10-2009, 05:13 AM
الخرباااااااااااااااااااااااااش
اسم له معني...........
ودكيكل صديقى الحنين
والوريف الظلال من خلال دوبيت ومسادير
اهلنا .. منكم نستمد معنى الانتماء الحقيقى
لقلوب مرهفة
واخوة صادقة
تحياتى
عبدالرحمن مدثر
08-10-2009, 05:15 AM
الليــــــــــــــــــــــــــــــلة والليـــــــــــــــــــــــــــــــــلة ....
دقيقة نجيب الشاي واجي
نفسى فى عصير منقة
بس بشرط
اسمع صوت الخلااااااااااتة:p
عبدالرحمن مدثر
08-10-2009, 05:16 AM
عافى منك انا
الله يعرس ليك مرة هنية رضية وكريمة اصل تنور من ضحكتها وتبتسم كل ما تشوفك
ابشر يا حبيب قلبى
آآآآآآآآآآآآآآمين
وجمعا ان شاء الله
(ممكن لو مافيها سقالة تحسبونى معاكم )
عبدالرحمن مدثر
08-10-2009, 05:20 AM
والله يا جماعة فرحان فرحة للآخر
ما قادر اعبر زاتو
احسن اطلع من هنا انا
ياحبيبى انا فرحااااااااان
وفرحااااان بيك
ياريت يدوم
هنانا
عبدالرحمن مدثر
08-10-2009, 05:24 AM
أحلى مافي الموضوع إنو الصفحة وصلت التانية وأخونا الهارب قصدي الضيف الراقي ماظهر،
أول مرة أشوف ضيف يعزمو وما يجي بدري ؟؟!!!!:confused::confused::eek::confused::confused :
عارفين عندو زهجة مشى يفكها وجاييكم بمزاج رايق كدة ، ف شيلوا الصبر :)
علشان هو لما يجي توروهوا كيف يشيل الصبر في السخّان اللي حتقعدوهوا فيهو ;)
اختنا الغالية مرام
سأبقى ماحييت بدار دنيا ..
رفيقا لا يخون ولا يجافي
وأحفظ عهدكم في عمق قلبي
.. ويروي ودكم نظم القوافي
فإياكم بأن تنسوا رفيقا ..
إذا جفت عن الوصل التلاقي.
لوحة جميلة حين نتشارك كلنا فى وصف ملامحها نحن الريشة والالوان
اخوك كان بره الشبكة
لكننى عدت
ومع احساسكم اسعد
وبوجودك تتحول حرارة الجو الى دفء التواصل
حبابك
عبدالرحمن مدثر
08-10-2009, 05:28 AM
يختي - الازرق دا وين :confused:
عاد الليلة سهرة صباحي - الا يظهر بث :cool:
مع كرسي الخرباش : مش حاتادر تغمض عينيك ;):p:rolleyes:
الليلة جينا
وزغرودة للمابينا
وكية للبودينا
ولناس لوممباشى بطير بينا
صلاح ودالطاهر
08-10-2009, 05:29 AM
مرحبتين حبابك واليوم السعيد الليله جابك
عبدالرحمن مدثر
08-10-2009, 05:29 AM
فرحان :eek::eek::eek::eek::eek:
مابتخجل
ماخد خمسة وفرحان
دقيقة النخجل ليك انا
:p:p:p:p:p:p:p:p:p:p
بنلاقيك فى فرقة
وبنلحسك المرقة
عبدالرحمن مدثر
08-10-2009, 05:36 AM
:confused:الضيف وصل أخيرا !!!:eek:
إتفضل أقعد وخليك مرتاح في القعدة ، علشان القعدة مطولة وكدة;)
ماااااافى كشكشة كانون
ولا شربااااااات ليمون
العطش داير يكتلنا
عبدالرحمن مدثر
08-10-2009, 05:39 AM
استاذنا عبد الرحمن مدثر صاحب القلم الذهبي
كم يسعدني تواجدي هنا
ولكم يسعدني حضورك واعرف اننا وجميع من يشتاق لحرفك في انتظارك
دمت بخير دائما
لا تتفقد لحضوري ان لم ادون بعض الكلمات فقط تأكد اني في حضور صامت كما تعود قلمي الصمت امام كلماتك احترما واجلالا
صديقى الواثق
سعيد انا بتواصلك
وسعيد اكثر بدواخلك الجميلة
وكلماتك الصادقة التى تمنحنا الزااااد
والمتاع من اجل رحلة البحث عن كلمة ومعنى جميل
يوازى احساسكم الراااااقى
فلا تحرمنا من طلتك البهية
وخليك حاااااااضر
وبقوة
عبدالرحمن مدثر
08-10-2009, 05:41 AM
انا عندي مهمة واحدة في البوست دة .... عمل ساتر وحاجز
ومضدات صناعية وطبيعية لاي ردات فعل متوقعة وفجائية من قبل الرشاشين
واي عصابات داخلية تزعزع امن الكرسي :mad:
لذلك حجيب شاي واصنقر للمراقبة ... وترصد اي هجمات جانبية
ونحذر كل من تسول ليه نفسه باي حركة ماياها :mad:
والله من وراء القصد
جيبى الشاااااااى
وماتنسى نكهتك :p
عبدالرحمن مدثر
08-10-2009, 05:44 AM
عجبتنى وقفتك فى وجه اى حركة ما ياها
عجبونى الليلة جوا
شالوا الصيوان سقطوا
دقشوا البحر كملو
غطسوا وللخمسااااات هملو
سلطان العشاق
08-10-2009, 05:45 AM
فرحانا بيييك...
كل النجووم....
منور يا رايع الكلمة...
ومنظم القوافي....
تتجلي لك التعابير...
وتاخذها في منحني...
الالفة والمحنة....
دمت سعيدا...
وصديقا...
تخريمة:
يا خوووي هووووي...
بطل هركااات..ونطيط واهجس,,, الناس دي سالتك اسئلة فوووق جاوب عليها...
سؤال:
ود مدثر... وبعد عناء السووق.. ويوووم صعيب... ونهااااية الجررررررد.... ومن طلوووع الاسانسير... ودقش الزجاج الابيض الشفاااف...
وين بتستجم وتستجمع قوااااك؟؟؟
وترجع ذي الكورة خفييييييييييييييييييييف؟؟؟
ونديك خيارات كمان...:p
في..............؟؟ علي قول صاحبنا.. بتطلع ذي الكورة....
ام لديك مكاااان خاااص...
ودمت بود وخير...
وجاااااااااااااااااااييك... :p
سلطان العشاق
08-10-2009, 05:49 AM
اها.. جييييييييييتك...
ود مدثر.. والحب...
كم مرة حبيت..
كم مرة ادوك شاكوش... واديت شاكوش...
وهل كنت مخلص في كل المرات الحبيت فيها...
وزوجتك وأم (مزن)... هل هي حب ام غطي قدحك...
صووووور روعة الاحساااس وقووول كلااام من ماااس..
العاقب مصباح
08-10-2009, 06:07 AM
زعلاااااااااااااااااااااان منك للحد البعيد
كتبت ليك حاجات جميلة لدرجة انا زاتى اتكيفت منها
ياخى شئ شعر
وشئ خواطر
وشئ اهداء ليك
كنت بقول خلاص تانى ما بكتب فى الكرسى بتاع الخرباش
اها الساعة البنسق فيها تقوم تطش
طممت بطنى تب
انا تانى ما جاييك ياخ
اتذكرت السيل
محمد الواثق
08-10-2009, 06:08 AM
فلا تحرمنا من طلتك البهية
وخليك حاااااااضر
وبقوة
تسجيل حضور ومتابعة يا استاذ والمشاركة رقم 100كانت من حظي
ابداع يا استاذ وكلماتك رايقة وممتعة هي في نسجها والترابط المعنوي اللغوي المميز لا جديد فهنا يوجد ابو مزن دمت بخير ودايما ونحن من خلفك نتابع
عبدالرحمن مدثر
08-10-2009, 06:10 AM
عبد الرحمن مدثر
فى داخلك لا يوجد انسان يتكون
بل يوجد انسان أنيق
يحتوى البر والبحر
والحر والبرد
فاكهة الشتاء
ورحيق ورد
فى هجرتك العكسية للإقتراب من نفسك
مررت بمنتدى ود مدنى
كانت هنا محطتك للإبداع
جلست فيها بين النار الشبت
واترجيتها تختى امحمد
وعيدية مزن
كنت ناصع الفكرة والجمال والابداع
أستفدت منك كثيراً فى مسيرتك
حدثنا عن الصعود والهبوط فى الرحلة
رحلتك نحو كوكب القمر
منتدى ودمدنى
والتأرجح بين الاقامة الدائمة
والرغبة فى الرحيل المر
هل تذكر تلك الايام
كثيرا ماكنت احتار امام فرحة التخريج والزفة وارتباطها
بموسيقى حزاينية (لن ننسى اياما مضت مرحا قضيناها )
ورفع القبعات وطيرانها فى الفضاااااء
لعلها تكون تعبير صاااادق عن طيران الامنيات الخضر
مع اول عتبة خروج للبحث عن فرحة
احدثك قليلا عن دواخلى التى تتبنى فكرة الفوضى الداعمة لخط النظام
كنت ولازلت منطويا على نفسى .. معزولا حتى عن اقرب الاقربين
كثيرا ماكنت اتذكر كلمات صديقى واستاذى (ابوشيبة ) وهو يخاف على بحنيته المعهودة
بعد وضع لى خارطة الطريق نحو عالم الجمال من خلال مجلة (الملتقى ) فى ذلك الوقت
كان دوما يذكرنى (لاتتدع الزمن يسطو على المساحات الخضراء فى حياتك )
وقد كان
دخلت عالم السوق كما حدثتكم
والسوق فيك يسوق
تبخرت كل المثالية المفرطة امام عرق عتالى لايجد قوت يومه
فكيف بالله عليك ابحث عن براحات الاشواق وحولى يضيق
وتمضى الايام
وبذات مساء
وبلا ميعاد
كان الميلاد
الفضل يعود (لدعوة فرح ) اختنا الغالية تيسير او كما يحلو لنا ان نسميها (بسمة)
ايام كنا نحلق مع نوارس الترحال فى الافااااق بحثا عن الكلمة الانيقة والدواخل الصديقة
والاحاسيس الرقيقة .. ولانجدها .. ونفرح جدا حين نعيد صياغتها وصناعتها من جديد
- فى منتدى ياعبدالرحمن اسمو ودمدنى ادخل ليهو يمكن تلقى نفسك
هنا كانت بداية الصعود الى قمة الاحساس بالاشياء .. بعد سنين عشتها فى زيف
اضحى سلما للاشياء والاشواق .. والامن فى الجوف احترق
دخلت الى عالم المنتديات .. وبعدها قطعت كل بطاقة انتماء اخرى احسست بوجودى بينكم
والى الان مازال بعض الاصدقاء .. يقولون لى بكل الصدق
- انت خلاص بعتنا .. بقيت مافاضى لينا مع عالم النت والمنتديات
ساعات ياصبحى الواحد مننا محتاج يغير جلدو حتى يفارق حالة الملل التى يعيش فيها
محتاج لضخ دماء جديدة .. محتاج لافكار جديدة بدلا من التوقف فى محطة واحدة تدعو
للملل ولاتتيح الفرصة لغيره
مااحلاكم
شلتو معااااى الهم بالجملة
ورحلة الصعود متواصلة .. اى نعم كان تتخللها بعض المطبات وفق رؤيا قد تكون مثالية
لمجتمع تتمناه كما الاحلام التى تراودك ولاتفارق الخاطر
فكرة تذهب مع فكرة فى رحلة نيلية جميلة
وقصيدة تخرج من رحمها قصيدة اخرى
احلى منها
عندى مشكلة افكار
شوف لما تصنع فكرة
ولما تساعد فى صناعة فكرة
ولما تقوم مسار فكرة
ولما تغازل فكرة وهى تغازلك
المطبات بتجى لما تتصطدم ببعض العقبات البتحد من انطلاقة حصان الفكرة
نحو اخر المضمار والوصول لاخر لفة بكل القوة والعنفوان
رغبة الرحيل تراودنى بين فينة واخرى
لكن احساسى الصادق
وحبى لكم
يقعد مع تلك الرغبة فى الهواء الطلق
ويقنعها بطريقة دبلوماسية
عن اقتلاع هذا الاحساس الغريب من جذوره
بنت الرفاعي
08-10-2009, 06:15 AM
إتفضل العشاء:
عبدالرحمن مدثر
08-10-2009, 06:16 AM
النورس ... الخرباش ... ابو مزن ... عبدووووو
جيت ماره سرعة كده قلت ارحب بيك بث بجيك بي روااااقة ومهلة ;)
بالجد منور الكرسي
فراشتنا الانيقة ميادة
طلتك بتم الكيف يافنجرية
وقهوتك بتعدل السكة
وبتطيب الخاااااطر
فى انتظارك
بنت الرفاعي
08-10-2009, 06:19 AM
وهاك ديل كمان
عبدالرحمن مدثر
08-10-2009, 06:29 AM
الحركة دي نوعها شنو ؟؟؟ سياسية أو رياضية أو .......
بالمناسبة أول مرة أسمع بإسم الحركة دي ، وهي وين ذاته ومقرها وكدة؟!!!:eek:
:p:p:p:p:p:p:p:p:p
الحركة دى قريبة من البراغماتية ولاتنفصم اطلاقا عن الرادكالية
ولو اسعفتنى ذاكرتى البلشفية فهى لاتعترف بمواقع الاشياء
تيمنا بالعولمة والراسمالية وهى زى الشركات المتعدة الجنسية:p
عبدالرحمن مدثر
08-10-2009, 06:34 AM
اووووووووووووووووووو
اااااااااااااااااااااااااااااااااا
ياااااااااااااااااااااااااااا
كدي دقيقة خلوه الابداء وبعداااك
انا بتبني عملية الهجوووووووم
اوووووو اخونا تنين انا
ذكرتنى كتاب المطالعة
والقرود الفى الشدرة البتكورك
اووو العمل صعب لانقدر عليه وحدنا
وذكرتنى تاانى عوض سفة
ومقولته المشهورة لاى زول حتى لو مابسف
(هو لسه فى زول مابسف:p)
عوض دائما بقول
اووووو كيف تمام .. تش .. جيب سفة :p
عبدالرحمن مدثر
08-10-2009, 06:36 AM
لنا نسجل حضور لما عرفنا ضيف الكرسي حبيبنا ابو مزن ...
ولك التحية ...
بجيك راجع تاني
ونحن نسعد اكثر
ببلبلنا الغريد
ماتتاخر
وجيب لى معاك موية من الفلتر
لو صلحتو:p
عبدالرحمن مدثر
08-10-2009, 06:39 AM
شمااااااتة بالبارد:D
غايتو شكلي كدا ح ابتدي تجهيز الاسئلة :rolleyes::cool:
شماتة بالبارد
دى زى مديدة بالحلبة
وعصيدة بالدخن
وملاح روووووووب بالسمنة
شكلى حاستدعى ادروب
واطالبه بمقولته المشهورة:p[/COLOR]
عبدالرحمن مدثر
08-10-2009, 07:30 AM
نظم نظم كان قدرت تنظم الطابور الراجيك جمب الباب دا :D
الجوطة
وما ادراك ما الجوطة
سؤالات على الماشي:rolleyes:
ماذا تعني الجوطة عند ابو مزن ؟
وماالفراق في رايك بينها وبين ( الاندياح ؟)
ابو مُزن
يعشق الهدوء وترتيب الافكار ويبدو ذلك جليا في استخدامه لصافرة النظام التي تدل على انزعاجه من ( جوطة حاصلة )
فهل تعتقد ان سبب عشقك للهدوء والبعد عن الجوطة هو ( طبيعة احساسك كاديب مُرهف ؟ ام هي طبيعة تربيتك منذ الطفولة ؟)
في اشكال كثيرة للجوطة عبد الرحمن بين ( جوطة الاحساس لما يتوه ويبقى محال نحدد نوعه - وجوطة الطفولة - جوطة الجامعة -جوطة السوق -جوطة الاسرة الصغيرة- وجوطة مُزن , جوطة المنتدى احيانا وااااااكيد جوطة هلال مريخ :cool:)
في اي جوطة من الجوطات اعلاه وجد ابو مُزن نفسه اكثر ( يعني كانت جوطة سبب الهام (فكرة ) على غير العادة )؟
كم اعشق الترحال ..
حدثنا عن ترحال النورس الحزين ( عبد الرحمن مُدثر )
وماذا اضاف لك الاستقرار اخيرا في ( ارض الوطن وحياتك الخاصة و منتدى ود مدني )
( ولي عودة :cool:)
احتراماتي
يااااااا العاقب .. انت هيثم ادروب وين ؟:rolleyes:
موش قلنا حقوق النقل منظومة ومحفوظة دا كلام اول من يجوطها جادالله ذاتو:p
الجوطة عندى مرتبطة بالفوضى الداخلية بس لحدى هسة ماقادر استوعبها
وزى ماقلت انا من انصار مقولة (بعض الفوضى نظاااام )
والجوطة كتعريف خاص هى كمية من الحاجات والافكار والتواردات والتوالدات فى الافكار
بتجى فى زمن واحد ومابتقدر توفق فى تشكيلها .. او ترتيب مكان الاقامة الداخلية لها
عشان كدا بتكون مشتت
والفرق بينها وبين الاندياااااح فرق كبير وشاسع
الاندياح عندو طقس ومزاجو لابد من ترتيب داخلى مسبق
*****
انا منذ طفولتى تعودت على العزلة والانطوائية يمكن لحدى مااخش الجامعة
انا كنت بهرب من الضيوف ومن الاحتكاك باى زول غريب ممكن نقول التربية ليها تاثيرها
الكبير على تشكيل الوعى الداخلى لمفهوم الهدؤء المربوط بالنظام فى مواقع محددة
هذا لاينفى اننى من عشاق الجوطة والربة وغيرها من اشكال التعبير الفوضوى والمشحون
بالاحساس فى نفس الوقت حتى لو فارق درب التناغم وسلك سكة الشتارة
****
انا شخصيا اندياحى دائما مايكون اخر الليل حيث الهدوء وراحة البال والدماغ
او يوم الجمعة فى البحر بعد الصلاة مباشرة وبرضو فى هدوء لانو دا زمن بتقل
فيهو حركة المشاه والمارة
****
بحب جوطة الطفولة جدا ولازلت مربوط عند اسرتى ونحن نذهب فى مواسم الاعياد
الى الهدى مسقط راسنا بمقولة (الساحر والاطفال ) الاحساس المرهف لدى بدا يتشكل
مع جمال الطفولة .. وفرحة الخيال بالمرح بدات مع ودنفاش وشبير عندما تبدا القصة
ولاتنهيها ابدا .. وشبير بقامته المافيشة يديك المجال للقفشات ولبراحات الخيال
وفى جوطة تانى عندنا مهمة .. هى جوطة الاحساس بموقف بعينه لكن حتة نتوه ومانقدر
نحدد ابعادو دى حاارة على شوية بتفقدنى التركيز وبتخلينى عرضة للربكة الداخلية
المابتخلى الواحد يطلع مع احساسو منسجمين
جوطة السوق لااحبها اطلاقا اهرب منها ان وجدت مجالا لذلك
جوطة المنتدى اذا كانت من خلال موضوع ساخن او فكرة اختلف الناس حولها
انا هنا بكون مشاهد فقط مابحب خطوط التماس الساخنة
لو بتصدقى انا لحدى هسة ماشاكلت لى زول .. ولاحتى زول شاكلنى:p
جوطة مزن دائما ماتربطنى بجوطة هلال مريخ .. لان امبيلى اصبح مربوطا لها بترمس
الاستاد .. وجوطة مزن بتزيدنى جوطة لما صاحبى المريخابى محمد (سيد الدكان )
يديها شبس وحلاوة عشان ماتبيع القضية وتقول : عجب عجب يامريخنا بدلا من غناها
وقف مشاهدك يازمن راجع دفاترك يامحال سيد البلد
ساحدثك عن مجموعة النوارس الادبية وكتابات الحقيقة التى كنت اعلقها
على بوابة القاعة تحمل اسم (نورسيات ) وتحتها توقيع (نورس حزين )
دى كانت قمة الاحساس بالاشياء
ياسلااااام على ايام زمان
وزمان كنا بنشيل الود
ونهدى الود
ونسقى الود
كانت صحيفة شعاع النوارس موطنا للجمال فى زمن كثر فيه لغو الحديث
والسيخ والمنتوفات والافكار المتطرفة .. كان شعارها الدائم
اذا انت لم تحترق
وانا لم احترق
فمن الذى يضىء الطريق
احتراق داخلى يهدى الناس المحبة
بنت الرفاعي
08-10-2009, 07:40 AM
أخي عبدالرحمن لماذا إخترت ( النورس الحزين ) ؟؟
ولم الحزن دائما مرتبط بالناس و بأغلب الأعضاء هنا أيضا ؟ فقد لاحظت أن كل من يجلس على هذا الكرسي أو أحيانا في بعض البوستات ذلك ، لم توجد هذه الكمية الواضحة من الحزن فيك ؟
عبدالرحمن مدثر
08-10-2009, 07:42 AM
تآمر امر ياابوها والله
مؤسسية دي عاجباني كييييييييف ؟
حاجة كدا تديك دافع للابداع وتخليك عايز تتفنن في الاسئلة ( اسئلة ممحورة وعلل واذكر السبب عندي بالكوم ):rolleyes::d:rolleyes:
ممحورة بالطوة
كدى اول حاجة حددى انتى اسماء
ولاملكة عشان شكلنا كدا حنتبهدل
بهدلة
وننبهل جنس بهلة
وبرضو ماوصلنا النهااااية
عبدالرحمن مدثر
08-10-2009, 07:47 AM
حجزت مقعد للجمال وشفافية الروح والاحساس
في حضرت قلم اجري ملهوفه لمتابعة موضوع او مشاركه يسطرها في احد الموضوعات
لي رجعه اكيد بأذن الله
نسمة كل الاوقات
سعيد انا بنبضكم
بطلكم
والرزاااااز
تعالى وجيبى معاك الفرحة
فى انتظارك
عبدالرحمن مدثر
08-10-2009, 07:50 AM
نحن علي موعد مع الابداع فالخرباش
رجل تحبه من خلال مايسطر من كلمات
رجل له نكهه خاصة يمتلك قلم اصيل
طريقته في الكتابة تاثر كل من يقراء له
حباه الله بكل جميل فهو رجل محبوب
من الجميع .......
حجزت لي مكان في الصفوف الاولي
لاستمتع برصانة وجمال ماتخط انامله
ربنا يجعل له هذا الكرسي بردا وسلاما
ودمت بكل الخير
انت عارف ياابوفراس احلى حاجة انو فى تشابه بيناتنا
فى تنسيق الخط والكتابة والتسطير
وشبه اكبر فى المفردة ذاتها
ساعات كتيرة بخش فى موضوع
وبلقاك مشارك انت
بقول ياربى دا موش انا
تسلم ياصديقى على الكلمات الرائعات
الاكبر منى
وسعيدانا بمعرفتك
لانك وفى وقت وجيز اخذت كل المساحات
وضمختها بعطرك الخاص
والاخاااااذ
حبابك
tininana
08-10-2009, 09:22 AM
اووو كيف تمام بس ماقاعد اسف
الكركره
tininana
08-10-2009, 09:24 AM
انا مابعرف اتكلم ولا اجاريكم في الكلام
لكن مابتبعلوا لي بالاستماع و الاستماع
من وراء الكرسي
د/اسماء اصبري :mad::mad::mad::mad:
ملكة القلوب
08-10-2009, 09:32 AM
رسالة جميلةعلى الجوال وصلتنى من حبيبنا ابوقرجة تثبت معنى التواصل الجميل
وتركز على مزاجية ملكتنا الراااائعة
الرسالة بتقول
شد حيلك الملكة قعدت ليك ومزاااااااااااجا راااااائق
وعجينا فاااااااااير .. جيب قرقريبتك ساااااااكت وتعال
تعااااال ليا
وتعااااااااااال
:p:D:D:D:p
واديتو البشارة بعد شفت الاسئلة والا اتمنيت لو النت فصل لمدة شهر ؟:D
العزيز ابقرجة .. قام بالواجب
وانت يااستاذنا .. الباقي عليك
بماان ابقرجة استدعاك واعلن ليك وصول وفد المحققين بقيادتي فيبقى ( مستني فيك يوم )
وش وحدة فتاااااااااااانة :rolleyes:
مرحبا بحضورك المتاخر شوية ( بالله استعدل لينا في قعدتك عشان القعدة ح تطوووووول):cool:
ممحورة بالطوة
كدى اول حاجة حددى انتى اسماء
ولاملكة عشان شكلنا كدا حنتبهدل
بهدلة
وننبهل جنس بهلة
وبرضو ماوصلنا النهااااية
بيني وبينك انا ( انا )
وبما اني حاليا ماقادرة احدد انا ياتو وحدة في ( الانا )
فاتمنى تجاوب بدون ماتسالني كتير وتبقى المحقق وانا المتهم :p
سعداء باطلالتك
وسعيدة بان اكون ( اسماء ) تلميذة في مدرسة حضورك المتآلق
بالمناسبة دي
انت حاليا منو ؟
عبد الرحمن مُدثر
والا النورس الحزين
والا ابو مُزن
والا الخرباش
عايزة اعرف عشان نوعية ( الاسعلة ) وكدا :rolleyes:
ملكة القلوب
08-10-2009, 09:37 AM
من وراء الكرسي
د/اسماء اصبري :mad::mad::mad::mad:
:mad::mad::mad::mad:
في شنو ؟
مااااااااااااالك ؟
شوف يازول
لاقريبنا لا ود اهلنا ولا ود فريقنا و لابعرفك
واسطااااااااات مااااامعانا :mad:
الزول دا صاحبك
وصاحبنا كلنا
لكن لاااااااااازم ولااااابد
نفلفلوا
شفت نفلفلوا دي بالله :p
اااااكيد ذكرتك بالمندي:p
ملكة القلوب
08-10-2009, 10:27 AM
بحب جوطة الطفولة جدا ولازلت مربوط عند اسرتى ونحن نذهب فى مواسم الاعياد
الى الهدى مسقط راسنا بمقولة (الساحر والاطفال ) الاحساس المرهف لدى بدا يتشكل
مع جمال الطفولة .. وفرحة الخيال بالمرح بدات مع ودنفاش وشبير عندما تبدا القصة
ولاتنهيها ابدا .. وشبير بقامته المافيشة يديك المجال للقفشات ولبراحات الخيال
الطفولة
عالم آسر
يستهوي ابو مُزن كثيرا
ويتضامن معه
ويبدو ذلك واضحا في محطاتك الكتابية
http://www.wadmadani.com/vb/showthread.php?t=24641 (http://www.wadmadani.com/vb/showthread.php?t=24641)
الطفولة
عالم جميل
وجد عبدالرحمن مدثر نفسه فيه ابا لطفلة
(نقطة تحول - مسؤولية - وبداية مرحلة خطيرة )
حدثنا عن هذه المرحلة .
قصص الاطفال
اين هي من كتاباتك؟
هل يحكي ابو مُزن لصغيرته قصة ماقبل النوم احيانا ( ليعوض لحظات انشغاله عنها ؟)
طفولة مشاكسة
واخرى هادئة
في ايهما كان عبد الرحمن
واين يجد طفلته فيهما ؟
موقف مضحك
واخر مؤلم
وموقف تتمنى ان يتكرر
( لاطفال حولك )
عند النظر لعالم الاطفال اليوم بعين المتآمل , ينكسر بداخلنا شي من الانتماء الذي احسسناه نحن حين كنا ( عائلة كبيرة ) فيها يساعدك الاهل على تربية ابنائك
متغيرات وظروف حياة اوشكت ان تقتل حتى احساس الانتماء ( لبيت عائلة كبير ).. متى احس عبد الرحمن بفقدانه لهذه النقطة , وهل تعتقد ان الجيل الحالي ( انحرف ) بسبب مشاغل الحياة واندثار بعض القيم والتراثيات التي اسهمت في تربية ابائنا واجدادنا من قبلهم ؟
ومعاك في الطريق بالله جيب لينا
1/ كلمات اهداء لطفل يتيم
2/ رسالة للغالية مُزن
3/ نصيحة لاباء المُستقبل
( الظاهر ح تطول عندنا , والسبب انك بتجيب الطلبات متآخر ):p
والى لقااااااااااااء
بت مارنجان
08-10-2009, 12:02 PM
اووووو كيف تمام .. تش .. جيب سفة :p
[/U][/CENTER][/SIZE][/COLOR]
:eek::eek::eek::eek::eek::eek::eek:
عبدو :eek:
بت مارنجان
08-10-2009, 12:12 PM
من وقت مامريت علي البوست حبيت اقعد واستمتع واخلي
فرصة للناس المابتعرفك تتعرف عليك اكتر .... واحنا عرفناك بكتاباتك الجميلة والانيقة
والبتخش القلب توووووووووووش من غير تزويق ولا كلام كتير .....
حبيناك بعباراتك القوية وعدم استخدام المصطلحات بتاعت الايام دي
الا انو الجمال في بساطتها ورقتها ... وبتجي دايمآ في وقتها .........
ودايمآ حضورك بيسبق كلامك .....
وانت ياكا اخونا الكبير والمسؤل مننا ....
هسي يجو يقولو الهلالاب بيكسرو تلج لي بعض ....
اي مووتو انا بكسر تلج ودة ياداب اول لوح .... باقي المصنع بجيبو ليكم الايام الجاية ;)
مريت مرور سريع علي البوست وقريت مقتطفات من الاسئلة والحوارات ....
وعندي مشكلة الكلام الكتير بطششني وبحس انو رحتا في النص ... لكن لقيت الناس
خاشة في محور الخربشات مع الاطفال ....
وعايزة اقول حاجة بسيطة شفتها علي خرباشنا " الصغير " .... يوم الافطار الجماعي
ودي كانت المرة الاولي التقي باعضاء المنتدي وفرصة جميلة بالنسبة لي الاقيهم ...
والتقيت بالصغيرة " مزن " ست الاسم ... والوالدة " العسولة شديد وربنا يحفظها لي
ابو مزن و"مزن" ....
مزونة طول الوقت قاعدة في امها باعتبار انو لسة مااتقلمت علي الوضع وكانت هادئة
زي ابوها ;)
بعد مافطرنا الحمدلله ... قام الخرباش جاء عليها دة طبعا باعتبار انو عبد الرحمن بكون مامركز وهو جعان :p وبقي يشاغل فيها ... فجأة ياخوانا عبد الرحمن اتقلب لي طفل عمرو من عمر مزن ... ومزن خلعت عنها توب الخجل وبقت تلعب
ومنظر في غاية الروعة ..." سبحان الله " ....
وبالجد ياابوها انت خرباش صغير وحلوة فيك براءة الطفولة مع مزونة الحلوة وربنا يبارك
ليك في مزونة وامها وتجيب اخوان لي مزونة يبقو اصحابك زي الصغيرة مزن ....
بت مارنجان
08-10-2009, 12:17 PM
نفسى فى عصير منقة
بس بشرط
اسمع صوت الخلااااااااااتة:p
نحنا ماقلنا نجي نزرع المنقة دي ياخوانا ونرتاح من تعب المشاوير ....
وبدل مانتعب ونمشي نخلط .... نمد يدنا نتاولنا من الشدرة ....
غسيل زاتو مابنغسلا ;)
جيبى الشاااااااى
وماتنسى نكهتك :p
شاهينا ....
نكهة تتحدي الزمن ;)
بت مارنجان
08-10-2009, 12:24 PM
عجبتنى وقفتك فى وجه اى حركة ما ياها
ايون ياعقبة ... ونحن لها بعون الله ...
لانو شايفة اللون الاحمر جايط البوست :mad:
برضوا شاي
:mad::mad::mad:
تخمس معانا ... سيد الكرسي زاتو قال عايز شاي ;)
الحركة دي نوعها شنو ؟؟؟ سياسية أو رياضية أو .......
بالمناسبة أول مرة أسمع بإسم الحركة دي ، وهي وين ذاته ومقرها وكدة؟!!!:eek:
:p:p:p:p:p:p:p:p:p
الحركة الماحلوة من قبل اصحاب اللون الاحمر :mad:
عبدالرحمن مدثر
08-10-2009, 12:51 PM
حبيب القلب اليمين 000
سيد الحرف الضل 000
البدخل القلب بدون ما يكشكش كوليقة قصب 000
والبفرد نفسو 000
تاية 000
ترتاح فيها وردية الشوق 000
قبال ما ترجع 000
تتاور زي شوق جلالة 000
( الخرباش ) 000
علي جدار النجوم 000
أول حاجة عاوز اعمل ليك زي فراج الطيب 000
التوقيع القديم بتاع الخربشة 000
عاوزين البيت القبالو والبعدو :p:p
سيد الدوم 000
البعبي الدوم الكتيييييييييييير في شوال صغيرووووني 000
لأنو دايما بكون حريف 000
بي هزة هزتين 000
بقدر ارتب حاجات كتيييييييييييرة 000
ويكوما في مساحة ضيقة 000
ود مدثر 000
كيف ترتب الحروف دواخلك 000
وكيف ترتب بالحروف دواخل من يقرؤك 000
جاييك 000
أكيد 000
معاي قرقريبة 000
طايوقة ممسحة بي زيت سمسم 000
لزوم التجميل 000
ولزوم الاستعداد لقبلة متشتشة ( تش تش ) 000
مع حبيب القلب الحالك السواد 000
صاج حبوبتي حاجة خديجة 000
ومعراكة 000 تؤسس لنظافة العمل 000
وجمال الزمن السمح 000
قبال ما أجيب عدتي 000
أرمي لي طرقة رهييييييييييييييييفة 000
علي زوق قرقريبتك الحرييييييييفة 000
البتحاور أحسن من أمبيلي 000 (حليل أيامو ) 000
يمين وشمال 000
مدخل اول
لصديقى قرجة وضاح المحيا مع امنية ترفرف بالجوار
ان التقى به واقالده واترك كل اشواقى لديه
وأظل أحترف الطفولة والبراءة والنقاء
وأظل أكتب عن شؤون حبيبتي
حتى أذوب شعرها في ذهب الماء
وأنا طفل وأرجو أن أظل كما أنا
طفلاً يخربش فوق حيطان النجوم كما يشاء
حتى يصير الحب في وطني بمرتبة الهواء
وأصير قاموساً لطلاب الهوى
وأصير فوق شفاههم ألفاً و باء
هى افادات لقبانى يحاول ان يوصل احساس معين لمنتقديه
اجمل حاجة فيها لما يرتبط احساس الحب الحقيقى بالطفولة
والبراءة والنقاء .. جميلة حتة انو الحب يبقى زى الهواء
بعد دا لامجال امام هاشم صديق لترديد مقاطع حبيب فك حبيب
عكس الهواء
او حبيب ركب حبيبو التونسية
خالد ابو قرجة
اروع من يصنع لك زورقا ومجدافا ويرحل بك للبعيد حيث المتعة الحقيقية
وكل الفائدة ... بتذكر انو انت جيت فى زمن قربت تخلص فيه انبوبة الصبر العندنا
كنا محتاجين لاوكسجين يعطينا الدافع للمواصلة
وجيت انت
خطوك الواثق
ايقاع الجياد العربية
جيت فرحة
رسمت فى قلبى المشتاق لوحة
عبدالرحمن مدثر
08-10-2009, 01:09 PM
الرائع ابو مزن ... لك التحايا ...
زي عايزين نعرف علاقتك بالحصاحيصا ...
يعني .. برضو ما عرفنا جنسك شنو ... شايقي صاح ...
رايك في :-
في الساحة السياسية هذه الايام ..
في الاغتراب ...
في قنواتنا الفضائية ..
في منتديات ودمدني ...
كدي جاوب ديل وبجيك راجع تاني ..
مودتي
بلبل ياصديقى حبابك من تانى
علاقتى بالحصاحيصا عابر طريق
لانك منها بتاخد شارع الشهيد الزبير
وتتجه صوب طابت الطيبة بناسها
والفقراء الفيها
وتمر بوادى شعير
والفريجاب موطن صديقنا اللدود د. عمر محمود خالد
بعدها تصل للهدى حيث عشنا فيها اجمل طفولتنا ومازلنا فيها
نشتاق ونغنى لتلك الايام
الحصاحيصا كذلك ارتبطت بوجدانى من خلال المنتدى
ومن خلال صديقى الاحمر برضو عمر سنهورى
الذى يعمل فى مصنع الفراااات هناك
اما بخصوص جنسى فانا سودانى ماشايقى لكن بحب النصرى شديد
وكاااهلى خلى كاهلى:p
بالنسبة للساحة السياسية فهى جوطة ساااى
لاننا نفتقد لاساسيات الاشياء
سياستنا تبحث عن التطبيل
وعن زولى وزولك
وتخلى الضياع يتمدد فى كل مساحات التواجد
قنواتنا الفضائية تحتاج الى الكثير
لكننى من عشاق النيل الازرق لتفردها
منتديات ودمدنى الحضن الدافىء فى عز صقيع الايام
اجمل مافيها عرفتكم
ودى بالدنيا
عبدالرحمن مدثر
08-10-2009, 01:17 PM
خمسة ثواني بث يا عاقب اكتر من كده ما بنقدر نخمسك اقصد مابنقدر نستحمل فراقك
مدنية شوفي ليك وش تعبير للحالة دي
ود مدثر في خمسة اصطر عبر لينا عن احساسك في اللحظة دي تحديدا بمشي واجيك بعد خمسة دقائق
اها قلت لي بقت لي وين يا عاقب
ابو النور
بين النبض الدافى
وبين الشلهتة والترحال
تمتد مواسم
تنشر فصول
ويتناسى الزمن اللحظة الحلوة
وتبدا فصول الشلهتة والترحال
لمن يكون احساسك اكبر منك
اكبر من السكة الماخدة طناش
واجمل احساس فى الكون ياصديقى
انك تلقى روحك بعض ضياع متواصل
احساسى هسة انو انا لاقى نفسى
وبتلبس فرحة
وسعيدة ومنشرحة
انت لو جربت تحس الاحساس
بتبطل الروووووحة
وبتقول لشفعك ديل
اهجسوا شوية
جرب
الحتة دى
عبدالرحمن مدثر
08-10-2009, 01:22 PM
لالالالالالا
:eek::eek::eek:
مش معقـــــول
الراقي الأنيـــق
في الكرسي
ده حيكون قمة الابداع
لكن يا جماعه شويه شويه عالراجل
الراجل يجي يطل ويقول كلمه كلمتين ويهرب
وبالله ناس مدنيه البطيخاب ديل زحوهم لينا من هنـــا:p:p
ويــــــــــــلاّ خلونا ننطلق;)
ابو احمد
المميز جدا
بركة الجيت يابا
لسه بتذكر لمة عصمت وجميلة حتة انو الناس تتلاقى
والاجمل انك تكون مع فكرة
وترسم جواها ملامح سيدا
وتجى وتلقاهو
اجمل واجمل
العاقب مصباح
08-10-2009, 01:24 PM
جئتك فى آخر الليل
احمل مسبحة
وصوت حبيبة
ينتابنى فرح مقيم
لندك حصن الحزن حزن الحصن فى بلدى
ونرفع راية الميلاد فوق جبالنا
نهب الجموع الواقفين تحية
الوان قوس قزح
هوية إنتماء
أنت لست الشرق يا وطنى لتغرب شمسك العجلى
ولست الغرب يا وطنى لتشرق بعد الوميض الانيق
أنت الذى أخترت موطنك الجمال
اخترت لون الشمس
طعم الاحتراق
وبشرتى السمراء تعلننى
وتلعننى ثقافات الرياء
موسم الافراح فيك أطل
عانق قامة النيل المهيب
وألتف حول الخاصرة
كان النهر فى وطنى ينام معى
يحدثنى عن انثى تغازله
يغازلها
فيمنحها خصوبته
يصب النهر بعد صعوده مطراً
ويمنحنا
شروق الشمس قوس قزح
عبدالرحمن مدثر
08-10-2009, 01:26 PM
مدثر يانورس... ياخرباش
يازول مليان كل شي سمح ....
كلماتي احرفي ..تستحي...
خذلتني....
ماذا..أسطر
وفي حضرة جلالك
يطيب الصمت
ويطيب الجلوس..
أدباً .وأحتراما
للحرف الأنيق....
ورغم بعدي برسل
سلاااااااااااااامي
...
واقول ليك شي
انا ماشة السوق اجيب مؤونة
شهر
ههههههههههه
وهدي قعدة..لكن في الصامت
وماعندي ليك أي سؤال
يازول نحنا عايزين نتعلم وبس..
وتعظيم سلام...
يازونية
لو قلتى مااااشة السوق
اجيب طاااايوق
بتكون قرقريبتنا سرها باااااااتع
اختنا الغالية منبع الاسرار
تتقازم الكلمات امام احساسكم الجميل
سعيد انا بمعرفتك
وسعيد بوجودك هنا
ويدوم التوااااااصل
خالد 000 ابقرجة
08-10-2009, 06:59 PM
يا ود اب قرجة
دعنى اونسك ريثما يعود الخرباش
ذكرتنى بمهن هامشية وشهادات كرتونية على الحائط
وسوق الله اكبر
وسوق ام تفسو
والابى ما يعيد
والحول ما اشتغل
والناس الحالا زين
والصالح العام
وفلان للصالح العام
وجنابو للصالح العام
يبدوا انه اصبح وطنا للصالحين
والخلى البلد وطشا
مرقا فى بلدا طيرا عجمى
وفلانة الشديدة ديك لمن تديها جكة فى المطرة
والتوب يقع منها
وووب على
اللهم انى صايم
والبلوم فى فرعو غنى
الخرباش لسة ما جاء ؟؟؟
عجبتني ونسة رضا دي 000
البتنقط زي مطر النقاقيع بتاعو الزمااااااان الشالو السيل 000
حبيبنا رضا 000
بتجمعنا معاهو المطرة 000
البتملا راس البيت 000
وما ببقي ليها طريق 000
غير سبلوقة الخرباش 000
البتخلي مزن تحلف بي راس أبوها 000
يا السبلوقة يا تغرق 000
دي ونسة مع ود حاجة فايزة سااااكت 000
لغاية ما ترجع 000
وتفتح لينا سبلوقة فكرة 000
علي وطن اتمدد جوانا حنين ومحبة 000
وممددين نحنا براتو 000
أغراب في مطارات الحنين 000 بالخارج 000
ومشردين علي أرصفة الإنتظار بالداخل 000
بس في نص الزحمة 000
ومن بين جنبات الليل الحالك 000
بتلقي حناجر 000
تصدح بي نشيد 000
وتلقي شموع ضواية بتنزف بالخير 000
أبو مزن الجميل 000
في وسط الزحمة 000
بين السوق - البنك - البيت وما خفي 000
برضو في مساحة لي
سلوم 000
خالد 000
وعادل 000
عليك الله اتدفق 000
وبدون خوف من رياء 000
شان نعرف انو طريق الخير مفتوح 000
ومطبات الدنيا ما تحمي وصولو 000
محمد حسين (المميز)
08-10-2009, 11:33 PM
ابو احمد
المميز جدا
بركة الجيت يابا
لسه بتذكر لمة عصمت وجميلة حتة انو الناس تتلاقى
والاجمل انك تكون مع فكرة
وترسم جواها ملامح سيدا
وتجى وتلقاهو
اجمل واجمل
تسلم يا رااااقي
والله عاوزين نبــدأ معاك السعالات:p
لكن ناس اسمـــاء وكده:mad:
مامديننا فرقه:p
استلمت الكرسي بس وكيل نيابه:D
محمد حسين (المميز)
08-10-2009, 11:38 PM
(مزن) ستكمل عامها الثالث
يوم 19- 11-2009 من هسة معزومين معانا
سبحـــــــــان اللــه يابومزن
برررررررررضو منـّــووون حبيبتي (( منــّــه )) مولوده في نفس التاريخ
19/11/2006م وحتكمل 3 سنيــن انشاءالله 19/11/2009م
يعني العزومه واااااااااااحده:p:D:p
عبدالرحمن مدثر
09-10-2009, 12:16 AM
لا حولااااااااآ ابومزن 59 مشاركة والزول دة جانا ماري بس راجي شنو انت يا ابومزن وبعدين الناس واقفة صف وانا معاهم
جاوب عشان نبدأ نجيب اسئلتنا اي شهر 11 كان ما اخاف الكضب انا شايف انوا نختم معاك السنة ونبدا معاك2010
وللضمان كدا سؤال ع الماشي
سؤال يخص المهنة
وما بين الصحافة السياسية والصحافة الرياضية
وما آلت الية الرياضة في السودان وضياع فرصة لتمثيل السودان
كما حصل في ميونخ 72
وبأنددياح علي قولك اتكلم لينا علي النقطة كدا
من كل النواحي والمسببات فيعجبنا كثيرا تفسيرك للقضايا ورؤياك للامور دائما مقنعة كما عهدناك
صديقى الواثق
كان عندنا فى العلوم السياسية مادة (الادارة العامة)
تتحدث وباسهاب عن نظرية سياسية ومنهجية كيفية ادارة الدولة
لكن مصطلح السياسة لعبة قذرة كان الطاغى بدليل (الشفوت)
البرسموا فى شكل سياستنا ولاعلاقة لهم بمنهجية الفهم المراد
فى السودان ياصديقى
المال عند بخيله
والسيف عند جبانه
دى علة عامة بتشمل صحافتنا السياسية والرياضية فى ظل انعدام الفهم
والمنهجية .. قاعدين على البلاطة .. وفى الضمنة فى البلاطة برضو
طالما كان بلاط صاحبة الجلالة السلطة الرابعة اصبح رمال مع عاصفة مصاحبة
فاصبحنا نخاف على عيوننا .. ونحتاط من ان نقع فى البكان الهش
الرياضة اذا كانت حول هلاريخ فدى مشكلة احمد الله اننى تحررت من قيود
العصبية وبقيت زول ساى
اما حديثنا عن ضياع الفرص اتذكرت وقعت ابوبكر كاكى :p
نحن محتاجين لحاجة واحدة
نقعد فى واطة الله دى
ونقعد نخطط لمقبل الايام
بالمسطرة والبرجل وكل ادوات علبة الهندسة
ملكة القلوب
09-10-2009, 12:22 AM
لكن ناس اسمـــاء وكده:mad:
مامديننا فرقه:p
استلمت الكرسي بس وكيل نيابه:D
:mad::mad::mad:
اقعد اتفاصح يااخوي
وليك يوم باذن الله
ساعتها
الا تشوف ليك محامي دفاع :p
ملكة القلوب
09-10-2009, 12:39 AM
جامعة النيلين
كلية الاقتصاد والعلوم السياسية
(تخصص علوم سياسية )
دبلوم عالى من مركز الدراسات الدبلوماسية .. وزارة الخارجية
ومشروع تحت التجميد (بسبب جوطة السوق)
بعد التخرج كانت ليدنا احلام وتطلعات ونحن نبحث عن كيفية ارتباط
علمية السياسة بصناعة القرار فى بلادى
دخلت معاينة واحدة فى وزراة الخارجية
وكانت نتيجة القبول معروفة سلفا للكل
بحثت عن مخرج اخر من خلال جامعة كبرى (السوق )
ورجعت حليمة لقديمها .. على الرغم من قناعات فكرة ان تجد نفسك
فى عمل تحبه
مصطلح السياسة لعبة قذرة
السياسة
عالم ملوث ولعبة ( قذرة ) كما قلت
دراستك في كلية الاقتصاد والعلوم السياسية ( هل كانت رغبة ام صدفة ؟)
تخليك عن هذا الطريق الوعر .. هل كان واجب ام ضرورة ام كان قرار حتمي لتحافظ على شي من قناعاتك ؟
عبد الرحمن مدثر .. لا يخوض في النقاشات السياسية في المنتدى الا فيما ندر .. هل لانه وجد نفسه في السوق فعلا ام هي نوع من ( المُسالمة )؟
هل تعتقد اننا فعلا بحاجة لقسم( سياسي ) في منتديات ود مدني ؟ ولماذا ؟
احوال الوطن .. تعرفها انت اكثر منا ( واقصد المغتربين ) في سطر ..صف لنا حال سوداننا سياسيا
الكُليات السياسية ..في السودان بلا شك ( تفتقر ) للكثير وتحتاج لدعم الطالب نفسيا بشكل اكبر خصوصا ان كان دخل المجال بلا رغبة ( دا بالنسبة للناس البتخش بنسبة مئوية مجبورة على المجال ).. هل تعتقد ان مثل هذه الكليات انتجت جيل ( مُناضل ) من شأنة اعلاء كلمته وشأن وطنه يوما ما ؟
هل ينصح ابو مُزن ابنته وغيرها بالخوض في مجال السياسة يوما ما ؟
نصيحة لمن يخوض في نقاش سياسي وهو لا يجيد اسلوب الحوار ( خصوصا ان السياسة تحتاج لبرودة اعصاب في النقاش )
عبدالرحمن مدثر
09-10-2009, 01:05 AM
اها جيتك راجعة
قول بسم الله وجاوب اسئلتي الفوق دي
وتعال للمجموعة دي برضو
المنتدى الثقافي _ قصيدة اختلت في لحظة كنا بحاجة لنظم ابياتها ووزن قافيتها اكثر , وبما انك صاحب صولات وجولات في اروقة منتدانا الثقافي حدثنا عن ( ود مدثر ( الاديب ) _ وما آل اليه حال القسم الثقافي بعد هجرة الرائع ( شيكو ) من مدينة ادباء المنتدى
تراجع نورس عن سرب اصدقائه وكان دائم التحليق في فضاء ( النقد البناء ) , فاصبحنا لانجد تلك الاسطر المضيئة تشعل حماس الكتاب من مختلف الفئات ( اسباب تنحيك عن منصب ( ناقدنا الفذ )
برائيك ماهو سبب انطواء البعض وعزوفهم عن لقاء اسطر الخواطر والنثر والشعر والقصة بانواعها؟ وماهو الحل السريع والمتاح لايقاف نزف جرح اصاب عصب الحياة في ادبائنا وكتاب منتدى ود مدني ؟
ود مدثر
بين اليوم وامس, اين وجدت نفسك اكثر ؟ في شوارع السوق ام بين صفحات المجلات والكتب ؟
بالله جيب لي معاك الحاجات دي وانت جاي
1/ كلمات في الخاطر للadmin
2/ رسالة لغائب حاضر في الوجدان ( ومن هو ؟)
3/ احساس وجدته في اسطر لاحد كتابنا , عانق احساسك وودت لو رددت عليه ..وحان موعد اعلانه حيث لم يتاح لك وقت افضل
ابو مُزن
اظهر وبان عليك الامان
وبالله شوف لي طلباتي دي عشان اللستة طوووووويلة :cool:
- المنتدى الثقافى هو بداية الانطلاقة لى داخل المنتديات بيتى الاول والاخير
(ومازال ) .. والثقافة قبل كل شىء يغلب عليها الاحساس (الجمعى ) لامجال لاحادية
الفكرة
مشكلة الثقافى انه ارتبط لدينا باناس نحبهم ..وبعدها ارتبط لدينا (بغصة ) فى الحلق
والاحاسيس عندما نشاهد موات الامنيات بعد احتفائية انيقة التف حولها الجميع وصمدوا
من اجل مواصلة رحلة الابداع
الكل يعلم دور (شيكو ) الدينمو المحرك لهذه الاحتفالية التى كان لها الفضل فى زفة
حروفنا وخواطرنا واحاسيسنا النبيلة خارج دائرة البوستات الضيقة الى الهواء الطلق
- واحد رواد النقد الهادف هو نورسنا الغاااائب (شيكو) منه تعلمنا معنى التواصل الجميل
بصناعة الافكار وتقويمها .. اما بالنسبة لغيابى .. فلاننى صراحة تعودت على ان اصنع كل
حاجة من جوووه احساسى .. واحساسى غاااب لفترة طويلة بسبب اضطرابات كثيرة
كان لها الاثر فى الانزواء ... والذى نفسه بغير جمال لايرى فى الوجود شيئا جميلا
- انا افتقد وبشدة استاذنا (فخر الدين محمد )الزول دا مافيش ياجماعة
وهناك سبب رئيسى من وجهة نظر خاصة حول عزوف الاغلبية عن ممارسة الدور المنوط بهم
من اجل صناعة المنتوج الابداعى بجميع اشكاله .. هو الضوء الذى بدا يخبو فى النفوس
لان فكرتى وفكرة الجميع عبارة عن (شتلة ) تحتاج الى من يسقيها ويشملها بالرعاية
واخر يكون لها الاصيص .. وخلاصة الفائدة من ان الفكرة بداخلها امنيات كبيرة من شتلة
تتوق لان تكون الضل الوريف والمشتل والمعرض المتكامل للعطر وللزهور من اجل
خضرة تعم الجميع
- ودمدثر للاسف اصبح لايعرف غير سكة المنتدى (ودا ادمان ) واتمنى فقط ان ازرع
طول السكة ومعى الجميع خضرة .. ونهديها الحنان والامان
- كلمات للادمن ...
احد الذيت تحرروا من قيود الانانية فى بلادى من خلال وعى خلاق
جعل من خصوصية الفكرة والموقع الى وطن يسع الكل
ويعود على الجميع وعلى جزيرتنا الخضراء بالخير الوفير
تتقازم كل الكلمات امام هذا الانسان القامة
نكتفى فقط بالصمت
- رسالة (لشيكو)
عام تولى وانقضى
شهر مضى
لكنه عام حواك
فكنت فيه الشعر
كنت العشق
كنت المنتدى
- احساس عانق احساسى (سؤال صعب حبتين )
لكنى وبكل امانة
انا لااتاخر فى تدوين احساس احسه اطلاقا دائما يكون لحظى
واحساسى مبعثر هنا بين اناس احيهم
ودوما اجعله حاضر ياخذ اناقته من وسامة حروفهم
حااااضر وبقوة (مافى حتة طريقة لاورنيك مرضى )
ملكة القلوب
09-10-2009, 01:34 AM
حااااضر وبقوة (مافى حتة طريقة لاورنيك مرضى )
:confused::confused::confused::confused:
هو متييييييييين بدينا ؟
ياسيدي ولا يهمك
بنخفف ليك الاسئلة بحيث يكون هناك سؤالين من نوع علل واربعين من اختار الاجابة الصحيحة :cool:
تغريد
09-10-2009, 02:30 AM
دوما تأخذنا الافراح بعيدا وفرحتي بروعة الكرسي الجمت لساني فلم اقو علي الككلام ولا حتي بالاشارة كبلت حروفي يا ابو مزن بقيود زهبية تلألات بدهشة فاقت حد الوصف ولكن جئت ببعض كلمات سكبتها في شكل اسئلة اتيت بها علي استحياء
اولا يا ابو مزن الجوطة حالة تعم الشخص منا فجأة بدون سبق اصرار وترصد أحيانا نستشفها منك حتي في حالات هدوءك واحيانا اخري تخرج داوية دون رقيب ما هو مفتاح الكنترول في الجوطة عند عبد الرحمن مدثر
ثانيا عندي يقين ان السياسة هي الدراسة الوحيدة التي تدخل في كل مجالات الحياة خصوصا التعامل مع الناس بشتي اختلاف تفكيرهم ما الذي طبقه عبد الرحمن من السياسة اثناء عمله في السوق
ثالثا زكرت انك كنت ميل الي الوحدة والجلوس وحيدا في الصغر ولم تتجاوز هذا الا بعد الجامعة وهو شئ تشبهني فيه هل تجد احيانا في نفسك ميل ما في بعض الاوقات الي الرجوع الي العزلة الاجتماعية من جديد ام لم يراودك هذا الاحساس منذ ان فارقت خطاك دربه
ولي عودة بأذن الله
خالد 000 ابقرجة
09-10-2009, 02:35 AM
:confused::confused::confused::confused:
هو متييييييييين بدينا ؟
ياسيدي ولا يهمك
بنخفف ليك الاسئلة بحيث يكون هناك سؤالين من نوع علل واربعين من اختار الاجابة الصحيحة :cool:
والباقي أجب بلا أو نعم 000
التوقيع
واحد طيبااااااان وصدق الكلام 000
والإحساس 000
بتاع واحد شفقان علي صاحبو 000
وفرحان لأنو داير ليهو فيهو يوم 000
الخرباش 000
خلي مدخلنا وإحساسنا مع الملكة 000
طريق معبد لإندياحة 000
الطيبة الكانت صدق مع النفس 000
بخلي الإحساس دايما مرتب 000
وبخلي تفاعلنا مع الغير من القلب طوالي بدون رتوش 000
قالو هسي الطيبة وش تاني لي عملة اسمها السذاجة 000
وأنو الإحساس الجوة 000
ما لازم ابقي قناع الوش 000
والنفاق بقي كلمة سقط معناها من القاموس 000
وسؤال بعد الاندياحة ليهو علاقة بمقررات دراستك 000
هل الدبلوماسية متعارضة مع الصدق ؟؟؟؟
وهل اخراج الدواخل مباشرة الي اللسان يتعارض مع الحكمة ؟؟
عبدالرحمن مدثر
09-10-2009, 03:32 AM
أبومزن ...... الخرباش ... منور الكرسى
اللهم أجعله بردآ وسلامآ عليك ...
سؤالى ماذا تعنى لك هذه الكلمات ....
الدعاء ... الصدقة ... صلة الرحم ... القرآن ... الصلاة ...
ولك صادق الإحترامات
http://www.s7r.net/up/uploads/4014d101b3.jpg
حبيبنا الغالى ابوخالد
رمز التواصل الجميل فى منتدانا العامر بحسه
ونبضه ومجهوداته ونفرات الحب الكبرى نحو
عودة روح التواصل الاجتماعية الى سيرتها الاولى
(إن من البيان لسحرا)
القرآن ليس فيه سحر البشر وإنما هذا السحر الذي بهر العرب وبهر العالم أجمع.
خصّ الله تعالى نبيّه محمداً صلى الله عليه وسلم بكتاب بأفصح لسان وجعل فيه غرر البلاغة
ودرر البيان فتحدى به قوماً ملكوا ناحية الفصاحة وفنون الكلام وتحداهم بأن يأتوا بسورة بل
بآية من مثله فخابوا وخسروا وبهرتهم سلاسة ألفاظ القرآن وإحاكم أساليب القرآن، الإيجاز
والحجة والبرهان حتى قال الوليد بن المغيرة: والله إن له لحلاوة وإن أصله لغدق وإنه فرعه
لجنان (ثمار لا تتوقف).
وحقّ للوليد أن يقول ذلك فهو أمام حبل الله المتين والنور المبين والذكر الحكيم والصراط
المستقيم الذي لا تزيغ به الأهواء ولا تلتبس به الألسنة ولا تتشعب معه الآراء ولا يشبع منه
العلماء ولا يملّه الأتقياء ولا تنقضي عجائبه على كثرة ترداده وقراءته ولا تزيده تلاوته
المتكررة إلا حلاوة. وتزداد محبتنا للقرآن الكريم كلما قرأناه أكثر
والصلاة هلى الصلة بين العبد وربه بها تتم العبادة لانها الركن الاساسى للاسلام
والطريق القويم نحو الايمان
الدعاء هو نداء من الأدنى إلى الأعلى ولا يتوجه بالدعاء إلا لمن قدرته فوق قدرات الداعى.
(سبحانه وتعالى )
وصلة الرحم تزيد العمر هكذا حدثونا اهلنا الكبار
والصدقة تطهير للمال وللنفس وللعبادات وتقربا للواحد القهار
ولعلك ختمتها بتوقيع اجمل
ودعوة ارقى
بان لون حياتك بالطاعات
عبدالرحمن مدثر
09-10-2009, 03:37 AM
منو :eek::eek::eek:
أبو مزن
والله الف مرحب بي الزول الطيب شديد لمن طيبتو تحير
مرحب بي فارس الكلمة الغير مروضة
عنيد الحرف بهي الطله
غايتو زي ما عارفة أقول شنو بس بالجد منور الكرسي وحقيقة ود النور ما قصر الجابك
لينا بجيك راجعة بي رواقة عشان نطلع كل الجواك
وردتنا البنفسجية
سلطانة الكلمة الجميلة والفهم الراقى
سعيد انا بوجودك هنا
وسعيد اكثر بروحك المرحة
ودخلاتك الحلوة
واريحية التعامل التى نفتقدها كثيرا
حبابك ياغردة
وفى انتظارك
عبدالرحمن مدثر
09-10-2009, 03:45 AM
عبد الرحمن المدثر
تحيات يا صاحب
احتفائية لرجل له خصوصية اللهجة .. كتاباته تشابهه لوحده ... سعدنا ان ضمنا هذا المنتدى الوريف ..
لهجة ترحاب اكثر منها تساؤلات ..
مرحب ااازول
يا ناير
نسكافيه .. وقهوة مزاج
راجنك .. كيبورت .. وماوس ... وسلامات
وسؤال صغيرون ..
الثقافي فارقته مالك
ياسلام عليك
يايسرى
صاحب المفردة الانيقة
وصاحب الشوق الوسيم (ابوكرافتة )
انا الاسعد بوجودك
وبحروفك التى طالما حلقت بى فى عالم الدهشة
افيدك علما ياصديقى
اننى باق معك على الاحساس
وعلى وعد الامنيات الخضر
فطالما انت موجود
فنحن رواد الثقافى
فقط هى مجرد جوووطة
لكنك وبعطرك الاخاذ
طردتها
كيف تمام
لا تجعل القلق يصيبك
لن تأخذ الغربة أشياؤنا الجميلة
لن تأخزالريح همساتنا ..
هنالك تفاؤلية باننا سنغني ..
يوما ما .. وبتاريخ ما
سويا ...
اننا ميلاد وعد للتوحد
دعنى اتعطر باخر دهشة سكبتها انت فى الثقافي
لمزيدا من التفاؤلية
عبدالرحمن مدثر
09-10-2009, 04:00 AM
يا حبيب الدهشة
والزمن الخلاسى الشمم
ايها المتوسط فيبنا كخيمة نجوم
تخربش فى دواخلنا كما الافراح
اراك ترقص الكامبيون
وتعرض
نقاسمنى حب هلال الملايين
احبك فى كل الاحوال
ايها الخرباش الجميل المكندك بالجمال والحروف
ازيد احبك مرة
واثنتان وثلاثة
انداح يا زول سمح
كمنجتنا الحنينة رضا
لديك طلة تسكرنا .. تفرحنا .. تعجننا .. وتعصرنا
مااجمل السكر الحلال ونحن نعانق جمال حروفك التى لاتتقيد
ببروتكولات او نقطة او شولة
تنداح كما الامطار
ومااجمل مطر النقاقيع فى عينيك
لانك تعرف كيف تفك شفرة الاحساس
بنكره شفرة الاحساس
والاسكراتشات المقيدة
نريد لاحساسنا حرية الحركة والتعبير
ومجانية الوصول بالكيفية التى نتمناها
ونضحك بعد داااااك من جوووه
ونغمز لمقص الرقيب:p
كمنجتنا دائما بتذكرنى بالكمنجاااااات الضائعة
والامنيات الضاااائعة
ومصطفى سند
وموج البحر
وبنات الثانوى
قبال ماتجى بتلقانى حشيت ليك سندوتش طاااعم
من احساس سند
وبرتبط بيك
.. وطرحت قوس كمنجتي جسراً ببحر الليل
ثم هويت للقاع
متورم العينين تنبض عبر أسماعي
طبول العالم الهدّار: لا تأسى لم فاتوا
فبعض مساكن تبقى وبعض مساكنٍ تنأى
فتدنيها المسافات
تعلّم وحدك التحديق نحو الشمس والمقل النحاسية
مرايا تخطف الأبصار لكن ليلنا الصاحى
وشرفتنا المسائية
على عينيك، فوق رموشك التعبى ستاراتٌ ستارات
يضوع بنفسجُ الرؤيا وتخضرّ النجميات
بكل أناقة الدنيا، تمدّك بالظلال الزرق بالنغم الذي يهتزّ في الريح
بدندنة الأراجيح
بساعات يظلّ الشعر يلهث في مراكضها ويطويها
ويسكب روحه فيها
ويحلب قلبه المطعون فوق دروبها العطشى ليرويها
***
وأهتف أيها المنثال كالأمطار أين زمان تلقانا
بساح الجمر نحرق في سبيلك سوسنات العمر
نضرع، ثم تأبانا
لعلك يا عذاب الليل كنت تزورنا كرهاً
وترحل قبل أن تأتي
ونحن نمزّق الأعصاب، نسمع دمدمات الوحى
خلف ستائر الصمت
ونرقب ساحة الميلاد، برق خلاصنا
المرصود بين الآه والآه
تفرع أيها المنقاد وجهك في دروب الأمس
كان الآمر الناهي
أنا المحروم من دنياك لما غامت الرؤيا
ولفّتني المتاهات
سقيت الناس من قلبي، حصاد العمر،
ذوب عروقي الولهى ... بأكوابٍ من النور
أقبل كل من ألقى على الطرقات،
من فرحى وألثم أعين الدور
كمنجاتي التي ضاعت تردد صوتها
المخمور يهدر في بحار الليل، يهدر كالنوافير
عبدالرحمن مدثر
09-10-2009, 04:18 AM
ياخ أنا بحبو أكتر منك 000
أزيد عليك 000
اربعة 000
وخمسة 000 :p:p:p:p:p
خمسة ( قصدي همسة ) 000
الخرباش رايح في أسانسيرات برج الفاتح 000
وود النور سخن ليهو المنقد بي جاي 000
راجينك 000
وجولة بالركشة 000
مع بيرجر كمنجة 000
وواقع طلابنا بين مدافرة المعيشة 000
والتحصيل الأكاديمي 000
ومكايد السياسة 000
ومع الركشة 000
شهادات كرتون علي الحائط 000
وجري في سوق الله وأكبر 000
ومهن هامشية 000
أقرا معانا بيرجر كمنجة هنا بي صوت عالي 000
وفحط بي ركشة البطل 000
علي أنغام آخر كاسيت في السوق 000
بالمناسبة 000
أشرف صلاح شكلو بقي زميل موقف ركشات معاك :p:p
نقطة نظام 000
البطاقة الشخصية ضايعة ولا شنو 000
أطلع لينا ياخ وبالتفصيل 000
انت عاااااارف ياكابو
من تجى نااطة اصفارك واسفارك
ولونك الجميل بين زرقة السماء وحمرة الاحساس
انا مابتقيد بحاجة بندفق سااااااى
بحديثك عن كمنجة رجعتنى لاجمل سنين العمر
ايام الجامعة .. كنت وقتها تاجر القاب على وزن تاجر شنطة
دعنى اترك مساحة الاندياحة هنا للشلة
كمنجة : اجمل من يغنى احلى منك قايلة بلقى
جامبو : تغيب 3 يوم بسبب تخمة جامبو بعد ان تعود على البوش فقط
بنسى : بنسلين من رواد الهبوط الى اعلى بفهم
بيبو : الذى طالب بتغيير لقبه بعد ان اعطانى رشوة
تيكو : قصير مكير بارع فى فنون الكر والفر
شنكل : متعود دائما على المعقول نتيجة (مقبول ) واللام لام الشنكل
حلة : طبعا عشان ناس بيتهم حلة كاملة وكدا
بسيط : جمال الطفولة واسبيس تون فى عيونه
يلا بعد دا خلينى اتذكر ليك قصيدة وداع الشلة والايام
الجميلة
حقو نجيب احساسنا
ونقعد
نرسم شكل الدنيا الكلنا نحلم بيها
ونرسم حجم الفرحة الساكنة معانا
يوم مابدينا اول يوم من مشوارنا
الحاضن فرحة
وشايل فرحة
وعازف نغمة اول فرحة تطل علينا
يوم مابدينا
كنا نشكل اجمل لوحة
كنا ندوزن اجمل مقطع
كنا نلون وطن الحب الشايل مننا
زخة عطر
عبق الزهر
وموج النهر
يوم مابدينا كنا نعيش الدنيا
باحساسنا
واجمل حاجة انك تفرح
باحساااااسك
تحزن
باحساااسك
وماتتحسس من
احساسك
وممكن برضو
تااااااكل باحساسك
وكنا بناكل فتة وفول
وباحساسنا بكون هامبرغر
وباحساسنا
بكون الجامبو
وجامبو واحد من الشلة
كمنجة اجمل نغمة تكون فى الشلة
بنسى لون الفرح الطل
وحلة الرجل الحلة
بيبو وشنكل عيد ومحبة
تيكو محطة جميلة
وبسيط ضابط ايقااااااع الشلة
كانت اجمل لحظة اننا اتلمينا
وماختينا فى بالنا
اننا ممكن
نرحل ....!!
وتبقى الشلة بدون الشلة
والليلة الفرقة قامت جاتنا
بعد سنين عشناها محبة
لكننا ....!!
ممكن نرحل ونصنع
ساعة لقيا
باحساسنا
ممكن نبعد
ونطوى طول السكة
باحساسنا
وعشانا
وعشااااااان احساسنا
تعالوا نقول
ونهتف داااااائما
يعيش احساسنا
يعيش احساسنا
يعيش احساسنا
بعدها بتذكر طلعنا مظاهراااات طوالى
ممكن اهدى ولا انا محروم من الحتة دى هنا
لو بخمسة
قول احبك
:p
محمد الواثق
09-10-2009, 04:57 AM
صديقى الواثق
كان عندنا فى العلوم السياسية مادة (الادارة العامة)
تتحدث وباسهاب عن نظرية سياسية ومنهجية كيفية ادارة الدولة
لكن مصطلح السياسة لعبة قذرة كان الطاغى بدليل (الشفوت)
البرسموا فى شكل سياستنا ولاعلاقة لهم بمنهجية الفهم المراد
فى السودان ياصديقى
المال عند بخيله
والسيف عند جبانه
دى علة عامة بتشمل صحافتنا السياسية والرياضية فى ظل انعدام الفهم
والمنهجية .. قاعدين على البلاطة .. وفى الضمنة فى البلاطة برضو
طالما كان بلاط صاحبة الجلالة السلطة الرابعة اصبح رمال مع عاصفة مصاحبة
فاصبحنا نخاف على عيوننا .. ونحتاط من ان نقع فى البكان الهش
الرياضة اذا كانت حول هلاريخ فدى مشكلة احمد الله اننى تحررت من قيود
العصبية وبقيت زول ساى
اما حديثنا عن ضياع الفرص اتذكرت وقعت ابوبكر كاكى :p
نحن محتاجين لحاجة واحدة
نقعد فى واطة الله دى
ونقعد نخطط لمقبل الايام
بالمسطرة والبرجل وكل ادوات علبة الهندسة
استاذنا في متابعة وتشوق دائم ويحلو الإنصات قي حضرتكم .
ولكن هل احتواءنا علي علبة الهندسة يسمح بة !
لو كان كذلك فالكفاءات موجودة ولكن اختارت الجلوس الي جانبك كما فعلت اغراما ليس مشيئة فعلا جلست كفاءات كانت قادرة علي الرسم والتخيطيط وقادرة علي مد جسر يمنع كاكا من السقوط ومروي من الانهيار مع قدرتهم علي الصمود ولكن يبقي الامل عند قدم المبدع هيثم مصطفي ونظرة جيل قادم بقوة قادرة علي الإيصال والتواصل
ودالعمدة
09-10-2009, 04:58 AM
أبا مزن
ذلك الكوكب الذى ينداح دوماً فى فلك أم المداين
الأديب الأريب الذى يموسق الحرف بوهج المشاعر
جميلٌ ماقاله العقاد :
والشعرُ من نفسِ الرحمنِ مقتبسٌ
والشاعرُ الفذُ بين الناسِ رحمنُ
فى يمناك قلبٌ كبيرٌ يحتوى مايدور فى دار المايقوما و 99199
وفى يسراك قلمٌ خبيرٌ يخربش لوحات الجمال لتزدان بياناً وتبياناً
دعنى أكون أخاً صغيراً بجوارك
أحمل الـدوايـة وأقـرأ الـروايـة ...
ومـعى أخـى أبو آيـة
ندندن معك ... :
من أنت ياحلم الصبا *** من أنت يا أمل الشباب
من انت يا من رحت *** أنشده ولكن لا اجــــاب
أرنو لصـــورتك الحبيبة *** بين اطياف الضـــــباب
في الارض في النهارفي*** الشفق المنورفي السحاب
وأحسها في خاطــــري *** نورا تدفق في انسياب
بالســـــــــــــحر بالآمال *** بالآنغام بالعطر المذاب
سؤالى : لتقرأ لنا من كف الانتخابات القادمة .. كيف تراها ؟
دمت مزناً أبا مزن تخربش فوق حيطان النجوم
moh_alnour
09-10-2009, 07:45 AM
وفلانة الشديدة ديك لمن تديها جكة فى المطرة ، و التوب يقع منها
وووب على ، اللهم أنى صايم
دا حالتك صائم يعني لو ما صائم كان قلتا شنو ؟ الظاهر اليومين دي بت دبلوك تاركة ليك الحبل على القارب :eek:
تحت تحت : فلانة الشديدة دي بتاعت القسم الأول ولا واحدة تانية ؟ ;)
أستلمت الكرسي بس وكيل نيابه :D
ما قلتا إلا الحق يا مميز ، الواحد بقى شاكي البت دي قرت مختبرات و لا قانون ؟
زرة الكلب في الطاحونة بي جاي سيد الطاحونة ( ملكة القلوب ) و بي هناك سير الطاحونة ( أسماء )
alanssary
09-10-2009, 08:38 AM
تقف الكلمات عاجزة...والعبارات تائهة...
بل و الأفكار قاصرة حينما نريد أن نتحدث عن ابو مُزن ...
يبقى لنا دائما العجز في كلمات الوصف...
دائماً هي سطورالوصف تكون في غاية الصعوبة عند صياغتها...
ربما لأنها تشعرنا دوماً بقصورها وعدم إيفائها حق حق من نصفه ...
واليوم تقف أمامنا الصعوبة ذاتها.
تعترف الابجديه .. أمامك..بـ أن للحروف لذة معك ابومُزن..!!
هذا مالاحظته خلال تواجدي بالمنتدى رغم قصر فترتي..كون كما انت دائماً
للإبداع كقطرات مطر...انهمرت على الأغصـان...
تحيهـ الى مقام ذوقك الراقي..
بل لك كل التحايا ... تحايا احترام وتقدير..
اسمح لي اخي ابو مُزن أن أطرح عليك شويت سوألات... وارجو ارجو ان تجيب عليها بكل صراحة .
وارجو ايضاً ان تجيب بدون طاقية لكي لايكون هنالك شك في نزاهة الأجابات ... خوفاً من البخرات لا اكثر..
:rolleyes:
فهلا تفضلت بالأجابات اخي ابو مزن ؟
1
- ماهو هدفك ؟
2-ماهي أمنيتك ؟
3-ماهي رؤيتك للحياة ؟
4-ماهي رسالتك في هذه الحياة ولمن توجهها ؟
5-ماهي التجربه التي تتمنى تكرارها ؟
6-ماهو أفضل مكان تتردد إليه ؟
7- ماهو اكثر شئ تخشاه ؟
8- مالذي يشعرك بأكثر قدر من الحرج ؟
9-شخص تحتاج لقربه الآن منك ؟؟
10- شخص لاترفض له طلبا ؟
11-متى تغضب ؟
12-ماهي أعظم صفة تفضلها ؟
13-ماهي الصفه التي تكرها؟
14-أعظم شيء فقدته ؟
15-وأعظم جرح دفنته ؟
16- اسوأ خبر سمعته ؟
17-مشروبك المفضل؟
18-اكلتك المفضلة؟
19-فنان تحب الاستماع اليه؟
20-اللاعب المفضل لديك؟
21-اجمل بيت شعر اعجبك ؟
22-متي بدأت الدخو للانترنت؟
23-افضل موضوع اعجبك في المنتدى ؟
24-افضل عضو في المنتدى؟
25-في ماذاء تقضي وقت فراغك؟
26-شخصية تفتقدها في المنتدى؟
27- هل تحب أعضاء المنتدى كلهم ؟؟ **اذا كان الجواب لا لماذا ؟؟
28-شخصية تفتقدها في المنتدى؟
29-كلمة شكر تقدمها لمن؟؟
30-باقة ورد لمن تهديها ؟؟
31- باقة شوك لمن تهديها ؟؟
32-و اخيراً صف نفسك بكلمات بسيطة كما يراك الناس ؟؟؟؟
خربشة:-
ممكن اجي راجع تاني
ودأبوالعول
09-10-2009, 10:24 AM
الأديب الكبير والفنان المبدع (( ود مدثر )) رغم قلة دخولى ومشاركتى فى هذا المنتدى الرائع والذى يزيد روعته وجماله وجود أشخاص بقامتكم كلما قرأنا لهم موضوعا أو مداخلة يزيد إعجابنا وإحترامنا لكم ..
سؤالى : وفى تخصصكم
مارأيك فى تخبط السياسية السودانية ولماذا كل هذا العك ؟ وكم من الوقت نحتاج لنفهم سياسية؟
ملكة القلوب
09-10-2009, 11:45 AM
ما قلتا إلا الحق يا مميز ، الواحد بقى شاكي البت دي قرت مختبرات و لا قانون ؟
[CENTER]تصدق كانت رغبتي الاولى ؟:p
زرة الكلب في الطاحونة بي جاي سيد الطاحونة ( ملكة القلوب ) و بي هناك سير الطاحونة ( أسماء )
طبعا انت المفروض تصرف لي علاوة ( نجمة نجمتين زيادة ) :rolleyes:
اقلها مجرجرة ليك ابو مُزن في قسم الاسئلة الطويلة ( عارفاه كرهني وبتمنى النت يقطع عندي :p)
سؤاااااااااال : ليه مابتختوا لينا المشرفين في الكرسي السااااااخن ؟( وش وحدة عايزة تضوقكم طعم الزرزرة :cool:)
ملكة القلوب
09-10-2009, 11:48 AM
32-و اخيراً صف نفسك بكلمات بسيطة كما يراك الناس ؟؟؟؟
خربشة:-
ممكن اجي راجع تاني
انت بالذااااااات تجي
ياخ والله كيفتني كيييييييييف
اسئلة من الفرن
32 سؤااااااااااال
ياسلااااااااام
دا ح يكون احلى تحقيق :eek: قصدي كرسي :o
عبدالرحمن مدثر
09-10-2009, 12:18 PM
ماشاء الله
منو دا دا منو
الخرباش ضاحب الخماسيه
ابومزن ((عبد الرحمن مدثر ))
صاحب القلم الذهبي
والله لكن جيت جية مدردقه
خمسه دقايق وراجع ليك
احمد علقم صديقى الاحمر
حبابك
وين انت
ووين ايامك
فى انتظارك ياغالى
بدون خمسات طبعا
عشان نعرف نركز وكدا
باقى ليك الخمسات دى
عملت لاولادنا لفة راس:p
لدرجة هم ذاتوا ماعاااارفين الحصل شنو
دا كلام
moh_alnour
09-10-2009, 02:26 PM
سؤاااااااااال : ليه مابتختوا لينا المشرفين في الكرسي السااااااخن ؟ وش وحدة عايزة تضوقكم طعم الزرزرة :cool:
جواااااااب : يا حلاة لقلق قالت طعم الزرزرة قالت ;) تلقيها عند الغافل :( كان قبلك أشطر يا فالحة :eek:
بالمناسبة أغلب المشرفين الحاليين جلسوا في الكرسي الساخن ، وش جادي جدا ً معاك يا ملكة أقصد يا سومة :cool:
ملكة القلوب
09-10-2009, 08:23 PM
جواااااااب : يا حلاة لقلق قالت طعم الزرزرة قالت ;) تلقيها عند الغافل :( كان قبلك أشطر يا فالحة :eek:
بالمناسبة أغلب المشرفين الحاليين جلسوا في الكرسي الساخن ، وش جادي جدا ً معاك يا ملكة أقصد يا سومة :cool:
:mad::mad::mad::mad:
:(:(:(
طيب اقتراااااااااااح
ليه ماتعملوا ليكم صالون :eek: اقصد بوست وترصوا فيه كراسيكم دي
يعني بوست تنزلوا فيه روابط الكراسي الاتعملت كلللللللها وبكدا نعرف القعد منو والممكن يجي عليه الدور منو ؟
همسة : واتمنى لو انت ماقعدت ىتكون اول المترقبين قريبا على شاشة كرسينا :rolleyes::D:cool:
محمد الجزولى
09-10-2009, 09:44 PM
عبد الرحمن مدثر
صاحب الطله الحلوه
والحرف الانيق
تحياتى لك
منور والله
عبد الرحمن مدثر ... النشأه فى جزيرة الخير ... واثرها فى تكوين شخصية ابو مزن ؟؟
المفرده الحلوه عند عبد الرحمن مدثر وعلاقتها بدراستك العلوم السياسيه ؟؟؟
ماذا تعتى لك هذه الكلمات
الترعه ...
الجدول...
الحواشه...
القريه...
الحوش الكبير...
السوق واثره فى تشكيل المفرده الشعريه واثره فى كتابات ابو مزن....
رايك بصراحه فى المنتديات السودانيه بصفه عامه وهل تضيف شيئا للمجتمع السودانى ام هى ثرثره ومساحه للتعارف لا اكثر ؟؟؟؟
عمرسنهوري
09-10-2009, 10:08 PM
ابو الاموره مزن
في هذه اللحظه يتحول اسمه من الكرسي الساخن
الى الكرسي الجميل الباهي
تخريمات صغيره
1- المطر؟؟؟
2 – مدني في الخاطر
كيف كانت و كيف اضحت ؟؟؟ قبل وبعد المنتدى
عبدالرحمن مدثر
09-10-2009, 11:40 PM
حبيبنا ودمدثر تحية..
من أنت؟
وهل غدوت تلك الشخصية التى حلمت بأن تكونها يوماما؟
وسيب الطشات ورد يااخى دى خمسة ولا خمسين المزهللا بك لهسى؟..
شرفة الحرف الندى
الزول الملياان حنية وسعيد
انا شخصيا من عشاق مفردتك الجميلة
تجدنى حاضرا بين قصص و ترنيمات الاطفال
وبين مواقف على درب الزمان بذكرياتها الجميلة
وخيالك الخصيب ندوبى لها ونجر النم
وبين ثنائية الخربشات الشعرية
دعنا ياصديقى ناخد ركشة ونمضى سويا
(ماتخاف الحساب على )
عشان مانحصل جمااال مدنى
الذى يبدا بك
بالنسبة لسؤالك فانا ياصديقى اطمح لان اكون
زول ليه قيمة ويسعد الناس بوجودوا
وبجتهد فى الحتة دى كتير
انا حاليا ودعت زمن الاحلام المفرطة والتهويمات فى عالم
الرومانسية البعيدة ..
واقع الحال يحدثنى انه طالما ان هناك نفس طالع ونفس نازل فهذه نعمة من كريم
بعد داك بنخلى الامور على الله
وبنحوش احلامنا ماتمرح بعيد
عبدالرحمن مدثر
10-10-2009, 12:00 AM
مرحبتين حبابك واليوم السعيد الليله جابك
حباب عمدتنا
بجيتك بتم الناقص
وفرق شاسع بين غيابك والحضور
عندك حديث بملانا نور
وعندك دواخل تسع الجميع
بكل حبور
عبدالرحمن مدثر
10-10-2009, 12:10 AM
فرحانا بيييك...
كل النجووم....
منور يا رايع الكلمة...
ومنظم القوافي....
تتجلي لك التعابير...
وتاخذها في منحني...
الالفة والمحنة....
دمت سعيدا...
وصديقا...
تخريمة:
يا خوووي هووووي...
بطل هركااات..ونطيط واهجس,,, الناس دي سالتك اسئلة فوووق جاوب عليها...
سؤال:
ود مدثر... وبعد عناء السووق.. ويوووم صعيب... ونهااااية الجررررررد.... ومن طلوووع الاسانسير... ودقش الزجاج الابيض الشفاااف...
وين بتستجم وتستجمع قوااااك؟؟؟
وترجع ذي الكورة خفييييييييييييييييييييف؟؟؟
ونديك خيارات كمان...:p
في..............؟؟ علي قول صاحبنا.. بتطلع ذي الكورة....
ام لديك مكاااان خاااص...
ودمت بود وخير...
وجاااااااااااااااااااييك... :p
سلطان العشاق
امين الزول السمح الفات الكبار والقدرو
كيفك ياترطيبة
سلطان العشاق
رمز من رموز النياااااامة الاوفياء لاحساسهم
ولجمال اللمة
وعلى ذكر النيمة والنيامة
اجمل مكان بلقى نفسى فيه
وبجى جااااارى عشان ارمى همومى هناك
واضحك مع ناسو من جووووه
دخلة كابو بالبطارية
وجمال الفقد للغائيبين من خلال غطاء الزير
ودمامون لما يحرس النيمة ويتكلم براهو
ودندنة بلبلنا الغريد
وجوطة سلطان
ونقرات تنين
ومنقة مانجو
وحيرة غردة
وجبنة فرفشة
ونمات كيكل
وهدوء ودالسر
ومدافرات سنهورى
وهمبتة جلالة
ومطره رضا
وصبر مرام
ورقة زونية
واطلالة نسمة
وتواصل تليكوم
ودهشة سامية
وبورة صبحى ومحدقاتو
وغموض نجمتنا
وحضور عمدتنا
وروووب ادروب
وسبلوقة سيد الدهشة
واقتباسات عصمت
وجمال الملكة
ونقاء ميساء
ودخلات تيسير
وسمر بت طه
وفراس
ونزار
............
................
................
....................
والقااااائمة تطول
بالجد انا بلقى روحيتى هناك
مشتاقة وملهوفة لاحسااااااس الجميع
عبدالرحمن مدثر
10-10-2009, 12:16 AM
اها.. جييييييييييتك...
ود مدثر.. والحب...
كم مرة حبيت..
كم مرة ادوك شاكوش... واديت شاكوش...
وهل كنت مخلص في كل المرات الحبيت فيها...
وزوجتك وأم (مزن)... هل هي حب ام غطي قدحك...
صووووور روعة الاحساااس وقووول كلااام من ماااس..
اخوك ياسلطان
والصراحة راااحة
قلبى دا رهيف خلااااااااااااص
عشان كدا كان عندى نظرية خلتنى اعيش فى بعض السعادة
عندما يطرق الحب بابك زى مسافرنا بهناك
انا بعمل قعدة داخلية كدا
وبجيب عمك العقل اول حاجة
نشوف الحسبة بتلفق
ولا بتكون صعبة
لاكرامة فى الحب ياصديقى
ايام الجامعة حبيت لكن بنظريتى مااتعمقت
قفلت قلبى بطبلة وخليت المفتاح فى البيت
وزواجى كان عن حب كبير وعريض
ولاشى يربطنا غير هذا الاحساس
يعنى ابو القدح مافى ليهو طريقة
عبدالرحمن مدثر
10-10-2009, 12:21 AM
زعلاااااااااااااااااااااان منك للحد البعيد
كتبت ليك حاجات جميلة لدرجة انا زاتى اتكيفت منها
ياخى شئ شعر
وشئ خواطر
وشئ اهداء ليك
كنت بقول خلاص تانى ما بكتب فى الكرسى بتاع الخرباش
اها الساعة البنسق فيها تقوم تطش
طممت بطنى تب
انا تانى ما جاييك ياخ
اتذكرت السيل
وانا فرحااان بيك
فوق لبوستينا دا كان قاعد
سوااااااح
وادانى البشاارة
انت ياكا وسامنا
ووشاحنا
وفرحتنا البنقدمها حلاوة للضيوف
جميل انو نطلع من استطلاعتنا بفائدة
انو افكارنا تطلع فى اوج زينتها للناس
وتبدا الفكرة
وتعيش ببكرة
وبالناس الحلوة الجاية
ومعاها افكار من تاااانى
تعال راجع .. ماتعمل لى مهم من هسة:p
صهيب البصير
10-10-2009, 12:36 AM
والله ياود مدثر المولد فاتنا
لكن قريت كل ردودك والله كرسيهم طلع بااااااااااااااااااااارد وفيهو تلج نجمتهم
ماعرفو ليك
كان مفروض مع جلوسك اول حاجه اختو ليك الحنة بى محلبيتا وهااااااك ياحنه دوائر وتانى دوائر
وتدور الدائره زى سير الطاحونه بتاعت الملكه وبرضوا عامل دائره السير
لمه راسك ادورك لكن المشكله برضوا راسك دار وعمل دايره
انتى مشكلتك ياحبيبنا مع الدوائر دى شنو ا شايفك قبيل قلت اتاخرتا وكنت فى دايره حكوميه
تااااااااااااااااااااى برضو دواير وخمسات
بعد الدوائر دى الله استر عليكم من 11 العكاكيز ديل فى بيت ازمبى
زنبكم جمبكم
عبدالرحمن مدثر
10-10-2009, 12:41 AM
أخي عبدالرحمن لماذا إخترت ( النورس الحزين ) ؟؟
ولم الحزن دائما مرتبط بالناس و بأغلب الأعضاء هنا أيضا ؟ فقد لاحظت أن كل من يجلس على هذا الكرسي أو أحيانا في بعض البوستات ذلك ، لم توجد هذه الكمية الواضحة من الحزن فيك ؟
اختنا الغالية مرام
تسلمى على جمال الحضور
وترطيبة اجواء الكرسى الساااخنة بالمثلجات والعضة
حديثى عن الحزن وعن النوارس يطول
فقدر النوارس ان تبيض فراخها بين اخشاب السفائن
هى غربة جعلتنا نوغل فى غيابات المدائن
الحزن احساس نبيل .. احاول من خلال نورس الاحزان والترحال ان نحتفى به
نصادقه حتى يعلم بحقيقة مكانته عندنا كعاطفة .. لاننا لو ركزنا كل جهودنا
فى الافراح .. عندها سيتملكه احساس الغيرة القاتل
وياتينا بجيوشه التى لاقبل لنا بها
وايضا هى محاولة لفرد مساحة لتواجده بيننا
لانه سياخذها منا عنوة
ان لم نفعل ذلك
عبدالرحمن مدثر
10-10-2009, 12:57 AM
:p:D:D:D:p
واديتو البشارة بعد شفت الاسئلة والا اتمنيت لو النت فصل لمدة شهر ؟:D
العزيز ابقرجة .. قام بالواجب
وانت يااستاذنا .. الباقي عليك
بماان ابقرجة استدعاك واعلن ليك وصول وفد المحققين بقيادتي فيبقى ( مستني فيك يوم )
وش وحدة فتاااااااااااانة :rolleyes:
مرحبا بحضورك المتاخر شوية ( بالله استعدل لينا في قعدتك عشان القعدة ح تطوووووول):cool:
بيني وبينك انا ( انا )
وبما اني حاليا ماقادرة احدد انا ياتو وحدة في ( الانا )
فاتمنى تجاوب بدون ماتسالني كتير وتبقى المحقق وانا المتهم :p
سعداء باطلالتك
وسعيدة بان اكون ( اسماء ) تلميذة في مدرسة حضورك المتآلق
بالمناسبة دي
انت حاليا منو ؟
عبد الرحمن مُدثر
والا النورس الحزين
والا ابو مُزن
والا الخرباش
عايزة اعرف عشان نوعية ( الاسعلة ) وكدا :rolleyes:
فى شارع الصحافة ظلط
هناك محل (ابوسمؤال )
لديه خلطة مديدة سااااااحرة
بتلقى الناس والعربات بالصف
عندو حاجة كدا اسمها (العجيب)
دا خلطة فيها كل حاجة
جميلة حتة تكون مزن بسبوسة
ودمدثر يكون الزبيب
والخرباش يكون الخلاطة
ونورسنا يكون الوعاء الجامع لهذه الخلطة الجميلة
خربشة
اسماء فى حياتنا لك حضور بهى
وجميل .. نسعد بك ونطلب المزيد
(حضورا انيقا وليس اسئلة :p)[/CENTER]
بنت الرفاعي
10-10-2009, 01:40 AM
لقد ذكرت أنك كنت إنطوائي في طفولتك ، ولكن الطفولة بها الكثير من المواقف الجميلة والمضحكة والمحزنة وتلك المليئة بالشقاوة , والتي قد نفعلها نحن , و قد يفعلها آخرون ونكون نحن المتفرجون , فمن أي فئة كنت أنت , و ما أجمل المواقف وما الأسوأ ؟!
متى بدأت تنفتح على الناس , وكيف إندمجت مع مجتمع الجامعة المفتوح ؟!
عبدالرحمن مدثر
10-10-2009, 03:17 AM
الطفولة
عالم آسر
يستهوي ابو مُزن كثيرا
ويتضامن معه
ويبدو ذلك واضحا في محطاتك الكتابية
http://www.wadmadani.com/vb/showthread.php?t=24641 (http://www.wadmadani.com/vb/showthread.php?t=24641)
الطفولة
عالم جميل
وجد عبدالرحمن مدثر نفسه فيه ابا لطفلة
(نقطة تحول - مسؤولية - وبداية مرحلة خطيرة )
حدثنا عن هذه المرحلة .
قصص الاطفال
اين هي من كتاباتك؟
هل يحكي ابو مُزن لصغيرته قصة ماقبل النوم احيانا ( ليعوض لحظات انشغاله عنها ؟)
طفولة مشاكسة
واخرى هادئة
في ايهما كان عبد الرحمن
واين يجد طفلته فيهما ؟
موقف مضحك
واخر مؤلم
وموقف تتمنى ان يتكرر
( لاطفال حولك )
عند النظر لعالم الاطفال اليوم بعين المتآمل , ينكسر بداخلنا شي من الانتماء الذي احسسناه نحن حين كنا ( عائلة كبيرة ) فيها يساعدك الاهل على تربية ابنائك
متغيرات وظروف حياة اوشكت ان تقتل حتى احساس الانتماء ( لبيت عائلة كبير ).. متى احس عبد الرحمن بفقدانه لهذه النقطة , وهل تعتقد ان الجيل الحالي ( انحرف ) بسبب مشاغل الحياة واندثار بعض القيم والتراثيات التي اسهمت في تربية ابائنا واجدادنا من قبلهم ؟
ومعاك في الطريق بالله جيب لينا
1/ كلمات اهداء لطفل يتيم
2/ رسالة للغالية مُزن
3/ نصيحة لاباء المُستقبل
( الظاهر ح تطول عندنا , والسبب انك بتجيب الطلبات متآخر ):p
والى لقااااااااااااء
- جمال الطفولة يتجلى فى انها انضر سنين العمر لازيف فيها
ولاخداع .. نفوسنا نقية ونحن نختصر كل الحياة فى حلاوة نعنااااااع
وحلاوة بلى .. ولعبة جميلة .. وزنبارة
- انا احساسى كاحساس الصحفى (عبدالله باجبير ) عندما سئل عن ذكرياته
مع الطفولة فكان رده ساحرا :
++انه لايتذكر شئيا منها لانه حتى الان مازال طفلا ينمو ++
واجمل حاجة فكرة انو الطفولة تكون دائمة لاتتقيد بزمان او مكان
- واجمل حاجة انو انا بديت استعيد ملامح الطفولة البرئية والجميلة من خلال صغيرتى
ومن خلال النجرات القصصية لحكايات كل اليوم ..بين كديسة ناس اسيل
وصديقى فحمة كلب ناس علوية
- طفولتى انا كنت مشاكس فيها لدرجة بعيدة لانى عشت معظمها فى الحلة (الهدى )
وتنقلت بين قرى الجزيرة بين الاهل والاحباب .. من خلال تلك الايام والذكريات والزيارت
خلفت ورائى ذكرى خربشة جميلة ..
- لازلت اتذكر (حريق الفول ) ونحن ننظم هجوم ليلى على حواشة (حاج ابراهيم )
ونحرق (تبسات الفول ) تصحبنا المتعة فى فوضى جماعية لذيذة بلذة حبات الفول
اللينة وطرية ... كنت انا كالعادة راس الهوس
ولحظة تم القبض علينا متلبسين بجرمنا وهربنا بعيدا تسبقنا الفرحة الطفولية
ورجع حاج ابراهيم الى الحلة وبحوزته فى (عب جلابيته ) دليل الادانة الى حيث
تجمع اهل الحلة فى المسجد الكبير .. ليقدم شكوته للجميع بان :
(ودمدثر وشلته اكلوا فول حواشته كلها ):p
- انا الان اخاف على صغيرتى من العزلة وسط جدران شقة بعد ان عشناها زمان برطعة
وهى تحتاج الى احساس الحبوبة والخالة والعمة والجيران .. نحن اليوم فقدنا حاجات كتيرة
وهى بتترك اثر كبير وفراغ عريض فى التربية السليمة لاطفالنا
- كلمات لطفل يتيم ... كلمات ليست كالكلمات
ليتنا فقط نهديه الحضن الدافىء ونمنحه الاماااااااان
- ولصغيرتى مزن ليتها فقط تفارق درب شلاقة والدها وتبتعد عن السبلوقة
وجنون الافكار مع الامطار ... لانى امس القريبة دى كنت مع الدكتور:p
- نصيحة لاباء المستقبل
لاتدعوا زحمة الحياة والمشغوليات تحرمكم من اجمل نعمة فى الحياة وسط
ظل الاسرة الوريف[/COLOR]
ahmed algam
10-10-2009, 04:15 AM
والله ياخرباش
الناس ديل عاصنك عصرا
زي عصرة الــــ((خماسيه ))ـــهلال
بدر الدين احمد الطائف
10-10-2009, 05:13 AM
ودمدثر الخرباش
سلامات
دمت بالف عافيه
محمد السر
10-10-2009, 05:35 AM
الغالي ابو مزن
معليش للتأخير
لكن قريت البوست كلو صفحه صفحه
ولقيتك جامد والله
وبدل ما تقعد انت في الكرسي
شايفك قعدته ليك ناس
عافي منك والله
بالامس اتوقعناك تجينا وتحضر الاجتماع بتاع المنتدى
كما عهدناك..............
عشان الكرسي كان يكون على الطبيعه
في حدايق وقيع الله...
((كدي احكي لينا......... المنتدى اضاف ليك شنو في حياتك عامةً؟؟))
وتاني ليك رجعه.
littlestar
10-10-2009, 06:28 AM
يااااااااااااااااااااااااه
أيووووووووووووووووووووووووووووووووووووووى
أيوووووووووووووووووووووى يوووووووووووووووووووووووووووووى
آى بزغرد وبزغرد وبزغرد
زغروده لود مدثر
المالى كرسيهو
لامن خلا الكرسى يقول حقى برقبتى
ويقوم جارى
من جنس التوِهط ده
والزغروده ال تانيه لى أنا ده
ماصدقتا إنى إنتهيت
من بوست
مشرع كل باقات ومساحات الجمال
إسمحلى بس يا أبوها إن جيتك متأخره
لأنى كنت شغاله قراية بالبطئ ومستمتعه
بكل حرف بتصطادو شبكتك
من بحور جمال دواخلك النقية المشرعة
وال مدفقه طيبة ومحنه وبساطة وأريحية
فهكذا عرفناك وأحببناك
أخاً... أباً.... صديقاً... وطفلاً مشاكساً
تخطى كل فواصل الشاشات البلورية
ودك الحصون الرقمية للغة الديجتال
ليأتى من أعالى قمم الإبداع
فارساً نقياً أبيض بجواد أبيض
يلتحف بردعة بيضاء تسر الناظرين
خارجاً من روايات ألف ليلة وليلة
وكليلة ودمنة
وكل قصص الأطفال
التى سكبتها جدتى الحبيبة (رحمها الله) على آذاننا ذات مساء
ونحن لا نمتلك لغة سوى
صمتنا وإنشداهنا المشدوه
بحباله السرية والسحريه
وهى تجنزرنا إلى مدارات (حبوبتى) محلقين محملقين
مبتغطين.... عندها تعلمنا الدهشة الأولى
وعندك تعلمنا أن الدهشة لا تقبل القسمة عليك أو الإنقسام فيك
وكذلك شتات وتوهان الإحساس
فكلها تصطف على أعتاب حرفك
بأشتات أيقونات تحمل كل ثمار الفرحة البكر
ودهشة تليدة إنبثقت معك من جديد
لك التحايا الأعاظم
ياصديقى
ودعنى أرتشف بعضاً من رحيق هذا الجمال
قبل أن أُريق سيل أسئلتى
alanssary
10-10-2009, 07:03 AM
انت بالذااااااات تجي
ياخ والله كيفتني كيييييييييف
اسئلة من الفرن
32 سؤااااااااااال
ياسلااااااااام
دا ح يكون احلى تحقيق :eek: قصدي كرسي :o
ابو مٌزن ... رجل كريم يستاهل اكثر ..
ماعنك اي مشكلة ... بس خلي اجاوب علي ديل في الاول ...
وبنجيب ليه تاني شويت سؤالات...
سامية عباس
10-10-2009, 08:35 AM
الشفيف عبدالرحمن .....ودمدثر ....الخرباش ...وبين قوسين ( ابودي)
وجودك وفرحتنا بيك زي
فرحة الليل بالقمر
في لحظة تتفجر قصيدة
ويطلع الإحساس بحر
إحساس رهيف
يلهب رحيق دنك مطر
يترجى في الأيام تقيف
ويخاف من اللحظات تمر
ما الوهلة في الحس الشفيف
في غمضة تتمدد عمر
يا همسة الوطن العفيف
يا لمسة الوعد الأغر
خصلات نضارك ما بتغيب
وربيع حريرك بان ظهر
كل الزمان بيك بستريح
والدنيا إحساس مزدهر
اخي العزيز جدا
كل الامنيات لك ووانت تطل بهذا الزهو
دعنا نرتاح على ضفاف حرفك الندي لنعيد
تشكيل وجداننا بلون من بريق مدادك
يتمدد فينا روعة كلما لاح نجم حضورك الانيق
نورت الكرسي ياخرباش ( ما تخاف نحن ناس الخرطوم معك نقف خلفك ونشد من ازرك
ولا نامت اعين الجبناء:p طبعا كل حرف كتبته هنا يشهد بانك قدرها وابوها بحق وحقيقي
انا ح اقيف في الباب وح اصادر اي كمية زايدة من الاسئلة اُمال ايه احنا بنلعب :p
بالتوفيق ياخرباش .......
وبنجيك راجعين بي عصائرنا وسندوشتاتنا ....
وبعدها نجر الكرسي ونحرس الباب ...:p
ام قبس
10-10-2009, 08:51 AM
ابو مزن السلاااااااااااام عليكم
سؤال علي السريع
اين انت من انت
كل الرضي نصف المبتقي
شتان مابينك وبين انت
عبدالرحمن مدثر
10-10-2009, 12:34 PM
من وقت مامريت علي البوست حبيت اقعد واستمتع واخلي
فرصة للناس المابتعرفك تتعرف عليك اكتر .... واحنا عرفناك بكتاباتك الجميلة والانيقة
والبتخش القلب توووووووووووش من غير تزويق ولا كلام كتير .....
حبيناك بعباراتك القوية وعدم استخدام المصطلحات بتاعت الايام دي
الا انو الجمال في بساطتها ورقتها ... وبتجي دايمآ في وقتها .........
ودايمآ حضورك بيسبق كلامك .....
وانت ياكا اخونا الكبير والمسؤل مننا ....
هسي يجو يقولو الهلالاب بيكسرو تلج لي بعض ....
اي مووتو انا بكسر تلج ودة ياداب اول لوح .... باقي المصنع بجيبو ليكم الايام الجاية ;)
مريت مرور سريع علي البوست وقريت مقتطفات من الاسئلة والحوارات ....
وعندي مشكلة الكلام الكتير بطششني وبحس انو رحتا في النص ... لكن لقيت الناس
خاشة في محور الخربشات مع الاطفال ....
وعايزة اقول حاجة بسيطة شفتها علي خرباشنا " الصغير " .... يوم الافطار الجماعي
ودي كانت المرة الاولي التقي باعضاء المنتدي وفرصة جميلة بالنسبة لي الاقيهم ...
والتقيت بالصغيرة " مزن " ست الاسم ... والوالدة " العسولة شديد وربنا يحفظها لي
ابو مزن و"مزن" ....
مزونة طول الوقت قاعدة في امها باعتبار انو لسة مااتقلمت علي الوضع وكانت هادئة
زي ابوها ;)
بعد مافطرنا الحمدلله ... قام الخرباش جاء عليها دة طبعا باعتبار انو عبد الرحمن بكون مامركز وهو جعان :p وبقي يشاغل فيها ... فجأة ياخوانا عبد الرحمن اتقلب لي طفل عمرو من عمر مزن ... ومزن خلعت عنها توب الخجل وبقت تلعب
ومنظر في غاية الروعة ..." سبحان الله " ....
وبالجد ياابوها انت خرباش صغير وحلوة فيك براءة الطفولة مع مزونة الحلوة وربنا يبارك
ليك في مزونة وامها وتجيب اخوان لي مزونة يبقو اصحابك زي الصغيرة مزن ....
اختنا الغااالية علينا كلنا
بت مارنجان
المابعرفك بجهلك
سعيد انا بهذا الصرح الجميل الذى ضمنا اليه بكل رحابة صدر
وسعيد اكثر بزفة حروفك البسيطة التى تدخل من غير مجهود اضافى
لانها مننا وفينا .. بنلون بيها واجهات بيوتنا .. وبنكوجن بيها عجينا
ونتلم حولها فى قعدة القهوة ولمة الاحباب
اجمل مافى امسية الافطار بدار الشرطة اننا عانقنا احساسكم الجميل
زمان كانت ام مزن بتقول لى عالم النت والمنتديات دا كلام فارغ ساى
ومضيعة للوقت وكان عندها حق لوقتى الطويل الذى اقضيه امام شاشة الكمبيوتر
لكنها بمجرد حضورها لذلك الافطار خرجت بانطباع اجمل عن شلة المنتدى
ورجعت سعيدة بمعرفتكم
سالتها بعفوية عن انطباعها من القعدة ولمة الاحباب هناك
فكان ردها مبالغة
وسالتها عن اكثر شىء شدها فى القعدة
فكان ردها ايضا (بت مارنجان ) بعفويتها وحضورها الجميل
ربنا يديك كمان وكمان
كنت داير اواصل لكن لوح التلج انتهى والمصنع بعيد:p
عبدالرحمن مدثر
10-10-2009, 12:47 PM
جئتك فى آخر الليل
احمل مسبحة
وصوت حبيبة
ينتابنى فرح مقيم
لندك حصن الحزن حزن الحصن فى بلدى
ونرفع راية الميلاد فوق جبالنا
نهب الجموع الواقفين تحية
الوان قوس قزح
هوية إنتماء
أنت لست الشرق يا وطنى لتغرب شمسك العجلى
ولست الغرب يا وطنى لتشرق بعد الوميض الانيق
أنت الذى أخترت موطنك الجمال
اخترت لون الشمس
طعم الاحتراق
وبشرتى السمراء تعلننى
وتلعننى ثقافات الرياء
موسم الافراح فيك أطل
عانق قامة النيل المهيب
وألتف حول الخاصرة
كان النهر فى وطنى ينام معى
يحدثنى عن انثى تغازله
يغازلها
فيمنحها خصوبته
يصب النهر بعد صعوده مطراً
ويمنحنا
شروق الشمس قوس قزح
جئت اليك بنفس التوقيت والميعاد
احمل معى شالا اخضر من امل
وطرحة بنفسجية من امنيات
واخر الليل يكون للامنيات حلاوة الحضور
احدثك عن امونة رمزية الجمال
وزغرودة الافراح التى تحلم بها
واتمناها حضور من كل قلبى
قبل ان يرتد الى طرفى
وامونة ياناس ماالفرح جووووه الفريق
وكتين تناجى القمرة
ليلات السعد
وكتين يطل مشوار هواك فارد الامل
ممدود على كف الامانى الديمة تحلم بالوصول
لوطن
مااااااليه حد
امونة عصفورة الامل
هجعة الزول الفتر
امونة هى الزاااااااد والمتاع
هى البتنضح بالخجل لمن يداعب سكتها
همس النسيم
امونة هييييييييييييييييييييييي
جيتى من وين
جبتى المطر من غير خريف
جبتى من وين نسمة فرح
والدنيا صيف
وانت كنتى هنااااااااااك
وكت المطر دخل البيوت
دغدغ على عصب الامانى
الديمة تحلم بالهطول
سلم على كل الشوارع والمزارع
والحقول
كانت السااااحة بتحتشد
مااللعبة حلوة
والمطره ليها لونها
ونكهتها
(كنيش .. كنيش ياالله تجيب المطر والعيش)
مالمطر فال العيون
ماالمطر اعلان حياة
لحظات تجلى واندهاش
ماالمطر ريحة دعااااااااااش
(كنيش .. كنيش يالله تجيب المطر والعيش)
والدنيا من غير مطر
بتصبح عدم
ومن غير طفولة
تصير ضياع
ومن غير امونة بسافر عن ملامحنا
الشعاااااااااع
عبدالرحمن مدثر
10-10-2009, 01:46 PM
عجبتني ونسة رضا دي 000
البتنقط زي مطر النقاقيع بتاعو الزمااااااان الشالو السيل 000
حبيبنا رضا 000
بتجمعنا معاهو المطرة 000
البتملا راس البيت 000
وما ببقي ليها طريق 000
غير سبلوقة الخرباش 000
البتخلي مزن تحلف بي راس أبوها 000
يا السبلوقة يا تغرق 000
دي ونسة مع ود حاجة فايزة سااااكت 000
لغاية ما ترجع 000
وتفتح لينا سبلوقة فكرة 000
علي وطن اتمدد جوانا حنين ومحبة 000
وممددين نحنا براتو 000
أغراب في مطارات الحنين 000 بالخارج 000
ومشردين علي أرصفة الإنتظار بالداخل 000
بس في نص الزحمة 000
ومن بين جنبات الليل الحالك 000
بتلقي حناجر 000
تصدح بي نشيد 000
وتلقي شموع ضواية بتنزف بالخير 000
أبو مزن الجميل 000
في وسط الزحمة 000
بين السوق - البنك - البيت وما خفي 000
برضو في مساحة لي
سلوم 000
خالد 000
وعادل 000
عليك الله اتدفق 000
وبدون خوف من رياء 000
شان نعرف انو طريق الخير مفتوح 000
ومطبات الدنيا ما تحمي وصولو 000
صديقى مطر
كنت رائعا وانت تدخل الجميع فى فداحة الالم
من خلال بوست (من يؤااااااسى من )
الذى اخرجته للناس .. بوست كنت اخاف ان ادخل عليه
واتردد كثيرا لانو احتمالية الالم هنا صعبة محتاجة لرفيق على الدوام
من خلال هذه المساحة بحب اقدم الدعوة لزيارة مستشفى الذرة
عشان مانشوف سلمى وقريناتها
وبحاول انسق الجهود لكى تتم هذه الزيارة حتى لاتاخذنا دوامة الحياة
وحتى لايكون تواجدنا عبارة عن فرفشة وقضاء اوقات فراغ
من دون تحقيق فائدة مرجوة من تواجدنا يعود بالنفع لمن حولنا
انا اولا بعمل زيارة تمهيدية كتلك التى قمنا بها للمايقوما
وعشنا اصدق اللحظات وسط نهر من الدموع
وريان الصغيرة تتشبث بى وترفض ان تعود لعنبرها لاعتقادها الاكيد
باننى ابوها .. بين ضحكات ابوعمرو ودكتور الجميعابى وتفسيره للامر بانها
فى فترة محتاجة فيها لحنان الوالد
ولا احكى ليك عن سمية التى استولت على كل الحلوى الكانت عند تيسير ومريم
وسمية لديها (عين مافيشة ) بسبب نمل قضى على انسان عينها وهى لحمة طرية
اخر حاجة داير احكى ليك عن واحد حدثنا عنه الجميعابى قبل قدومه بانه
ارجل رااااااااجل
انت عارف بسبب شنو
بسبب انه قادم لدار الرعاية بطفل اخته
انتظرنا قدومه .. وبكينا لقوة ايمانه فى لحظات كهذه
جميعنا نصاب بالعمى الكامل
ونقترف خطا اكبر من الذى كان
ان شاء الله بحسك وحس الجميع
سنحاول بقدر الامكان ان لاننفصل عن عالم يحتاج الينا
عشان عيون اطفالنا ماتضوق الهزيمة
اعذرنى ياصديقى
لااقوى على المواصلة
همسة
فى الحتة دى داير ارسل باقة ورد عطرها يضوع بالحب والخير
لام قبس وهى تتحرر من قيود الاجواء الاوربية البااااااااردة
وتمنحنا دفء التواصل .. وخضرة الامل المشتول من جواها
خالد 000 ابقرجة
10-10-2009, 08:15 PM
جميل يا ابوها 000
وانت تتدفق 000
نهرا للعطاء 000
وحرفا للبهاء 000
حلاوة كرسي ود النور 000
انو عامل زي لاعب النص الحريف 000
دايما بديك بي باصاتو مساحة واااااسعة للحركة 000
ما عاوز اخستك بي التداعي الجميل 000
بس خلينا نطلع شوية من أحزان محتاجنها 000
للفرح القادم 000
مزونة الحلوة 000
علاقة طفولية مع ابوها الطفل الكبير 000 ( والعهدة علي بت مارنجان ) 000
يوميات مزن وعبدوووو 000
أدينا منها كام حتة كدة 000
ونطط لينا شوية معاها هنا 000
عبدالرحمن مدثر
10-10-2009, 10:16 PM
سبحـــــــــان اللــه يابومزن
برررررررررضو منـّــووون حبيبتي (( منــّــه )) مولوده في نفس التاريخ
19/11/2006م وحتكمل 3 سنيــن انشاءالله 19/11/2009م
يعني العزومه واااااااااااحده:p:D:p
ياسلااااام
عشان كدا ياابو احمد خلينا نتفق
ونجى ضيوف شرف سااااى
ونخلى اسماء تقوم بالتجهيزات
واستقبال الضيوف
وصناعة الطورطة
اصلها قاعدة ساى ماعندها شغلة
ياجماعة
من هسة
ابواحمد وابومزن
بقدموا ليكم الدعوة فى بيت ناس اسماء
عشان تحضروا احتفالية جميلة وثنائية اروع
لمنة ومزن
تعالوا كلكم
وجيبوا معاكم الجيران لو فى طريقة
دايرين اكبر كمية من الخسائر المادية لملكتنا:p
عبدالرحمن مدثر
10-10-2009, 10:49 PM
السياسة
عالم ملوث ولعبة ( قذرة ) كما قلت
دراستك في كلية الاقتصاد والعلوم السياسية ( هل كانت رغبة ام صدفة ؟)
تخليك عن هذا الطريق الوعر .. هل كان واجب ام ضرورة ام كان قرار حتمي لتحافظ على شي من قناعاتك ؟
عبد الرحمن مدثر .. لا يخوض في النقاشات السياسية في المنتدى الا فيما ندر .. هل لانه وجد نفسه في السوق فعلا ام هي نوع من ( المُسالمة )؟
هل تعتقد اننا فعلا بحاجة لقسم( سياسي ) في منتديات ود مدني ؟ ولماذا ؟
احوال الوطن .. تعرفها انت اكثر منا ( واقصد المغتربين ) في سطر ..صف لنا حال سوداننا سياسيا
الكُليات السياسية ..في السودان بلا شك ( تفتقر ) للكثير وتحتاج لدعم الطالب نفسيا بشكل اكبر خصوصا ان كان دخل المجال بلا رغبة ( دا بالنسبة للناس البتخش بنسبة مئوية مجبورة على المجال ).. هل تعتقد ان مثل هذه الكليات انتجت جيل ( مُناضل ) من شأنة اعلاء كلمته وشأن وطنه يوما ما ؟
هل ينصح ابو مُزن ابنته وغيرها بالخوض في مجال السياسة يوما ما ؟
نصيحة لمن يخوض في نقاش سياسي وهو لا يجيد اسلوب الحوار ( خصوصا ان السياسة تحتاج لبرودة اعصاب في النقاش )
اولا قبل كل شىء هناك مقولة ثابتة وراسخة فى كل الاذهان وتدعم خطها كذلك
البيانات العسكرية المتكررة عندنا (ايها الشعب السودانى الفضل)
وهى ان السياسة كعلم تتناقض تماما عن السياسة كممارسة
دراستى للعلوم السياسية كان عن رغبة تراود الخاطر .. بالرغم من ان مجالى كان علمى
كنت اتطلع لمعرفة مدينة افلاطون الفاضلة التى يحكمها الفلاسفة فلم اجدها
وحاولت ان اروى ظمىء من خلال هذه الدراسة
لكن والحق يقال هى دراسة صعبة شوية لانك فى كثير من الاحيان تصطدم برغباتك مع
قيود الجو الاكاديمى المحيط بك ... (انا مابتقيد ليك باسئلة :p)
كفاية قيود الدكتور التى كبلنى بها وانا اشرع فى بحث التخرج
انت عارفة .. انا كنت شغوف بفكرة البحث عن (العلاقة بين الدين والدولة فى السودان)
وكنت اطمح لكى اخذ معى تجربة الانقاذ كنموذج (الكلام دا كان 2002)
لكننى وجدت تعنت غريب من الدكتور المشرف على البحث
وامام اصرارى العنيد اعطانى خيار ان استعين (بتجربة مايو بدلا من الانقاذ)
قبلت بالوضع مكرها لكن قناعتى كانت تحدثنى (بانهم كلهم فى الهواااء سواااا)
انت عارفة وعندى شلاقة بعد ماتميت البحث عملت صفحة ختامية هبشت فيها الانقاذ
هبشة بس .. الدكتور اصر على اعادة طبع البحث من جديد بعد ما نشيل الصفحة المتنازع
حولها .........
- للاسف مع نظرة خاصة لمجالى وابناء دفعتى فهم تعدوا مرحلة النضال بهناك
اديك امثلة ساى (بنسى ) بنسى اول دفعتنا لسه بناضل وبتعلم الخلف فى دفار
محمل بطازة ودائمة وبريمو ولبن مسكر
كمنجة المشهور هنا مازال يخبى احلامه تحت ربة الربع وفى ركشة
والقائمة تطول
- وصف مناسب لحال وطن
السوداان بلد طويل القااااااااامة حافى القدمين
- مزونة دى شكلها حتجى فنانة تشكيلية لانها شالت فحمة كابو ورسمت على جدران
البيت كلو وخربشت بمزاااج
ساعات بحس انو البت دى (منظمة:p)
لانها تعشق البشير لدرجة الجنون .. وبتتكيف كيف لما تشوف صورتو ونحن ماشين
مشوار بالعربية انا بكون مركز مابنتبه الا لمن اسمعها تكورك
(سير .... سير ... يابشير ):p
- فى نقاش السياسة لايوجد منطق للاستناد عليه .. عندنا هنا عبارة عن نشر لغسيل قذر
انا شخصيا مابحب الخوض فيها وبنصح الاخرين بذلك
- فى المنتدى حسب راى الخاص لانحتاج لمنتدى سياسى كفاية علينا وجع القلب الشايفنو
بره
عبدالرحمن مدثر
11-10-2009, 12:02 AM
دوما تأخذنا الافراح بعيدا وفرحتي بروعة الكرسي الجمت لساني فلم اقو علي الككلام ولا حتي بالاشارة كبلت حروفي يا ابو مزن بقيود زهبية تلألات بدهشة فاقت حد الوصف ولكن جئت ببعض كلمات سكبتها في شكل اسئلة اتيت بها علي استحياء
اولا يا ابو مزن الجوطة حالة تعم الشخص منا فجأة بدون سبق اصرار وترصد أحيانا نستشفها منك حتي في حالات هدوءك واحيانا اخري تخرج داوية دون رقيب ما هو مفتاح الكنترول في الجوطة عند عبد الرحمن مدثر
ثانيا عندي يقين ان السياسة هي الدراسة الوحيدة التي تدخل في كل مجالات الحياة خصوصا التعامل مع الناس بشتي اختلاف تفكيرهم ما الذي طبقه عبد الرحمن من السياسة اثناء عمله في السوق
ثالثا زكرت انك كنت ميل الي الوحدة والجلوس وحيدا في الصغر ولم تتجاوز هذا الا بعد الجامعة وهو شئ تشبهني فيه هل تجد احيانا في نفسك ميل ما في بعض الاوقات الي الرجوع الي العزلة الاجتماعية من جديد ام لم يراودك هذا الاحساس منذ ان فارقت خطاك دربه
ولي عودة بأذن الله
وردتنا البنفسجية
مرحبا بعودتك مجددا .. والتشابه يمتد بين العزلة والارقام
واحساس الثقافى الذى يجمعنا .. ولمة النيمة التى اعطتنا بطاقة انتماء
جديدة وجميلة لعالم تسوده الاخوة وتربطه المحبة الصادقة
احساس العزلة يراودنى بين لحظة واخرى عندما افتقد الامان مع صديق
عندما يغدر بك اقرب الناس اليك ... والحاجة دى فى السوق كتيرة خلاص
مرات كتيرة بنقرا الصدق فى عيون الناس غلط ..
مفتاح الجوطة عندى مربوط بالمواقف والمحطات .. والتارجح المصاحب
بين صناعتها لنا ... وبين الاجتهاد فى صناعتها .. علاقة هذا المفتاح (بالشدة)
(مزاجية غريبة ) تاتى كما تشتهى .. بدون مكياج تاتى .. موشحة بالسواد تاتى
معها زغرودة وربة تاتى
وانا اجد نفسى لاشعوريا اهرع نحوها .. احضنها (حتى لوكانت وسخانة )
واشكل معها ثنائية غصبا عنى فى حالات السواد .. وبابتسامة مصاحبة فى حالات النشوة
السياسة فى واقعنا يغلب عليها الميكافلية وفى سبيل اى حاجة
الغاية تبرر الوسيلة ... حاجة واحدة طلعت بيها هى كيفية التعامل مع الاخرين
بدوبلوماسية وهدوء
عبدالرحمن مدثر
11-10-2009, 12:56 AM
والباقي أجب بلا أو نعم 000
التوقيع
واحد طيبااااااان وصدق الكلام 000
والإحساس 000
بتاع واحد شفقان علي صاحبو 000
وفرحان لأنو داير ليهو فيهو يوم 000
الخرباش 000
خلي مدخلنا وإحساسنا مع الملكة 000
طريق معبد لإندياحة 000
الطيبة الكانت صدق مع النفس 000
بخلي الإحساس دايما مرتب 000
وبخلي تفاعلنا مع الغير من القلب طوالي بدون رتوش 000
قالو هسي الطيبة وش تاني لي عملة اسمها السذاجة 000
وأنو الإحساس الجوة 000
ما لازم ابقي قناع الوش 000
والنفاق بقي كلمة سقط معناها من القاموس 000
وسؤال بعد الاندياحة ليهو علاقة بمقررات دراستك 000
هل الدبلوماسية متعارضة مع الصدق ؟؟؟؟
وهل اخراج الدواخل مباشرة الي اللسان يتعارض مع الحكمة ؟؟
هل تعلم ياصديقى ان بين الدبلوماسية والنفاق شعرة رقيقة
لذلك اختلط الامر علينا واصبحت هى والنفاق اولاد كنبة واحدة
بس لابد من نثبت بين :
ذوق .. وفهم .. واحساس بالاخرين (دبلوماسية )
وبين صفة لااخلاقية تسعى لزرع الفتنة وتغبيش وجه الحقيقة (نفاق)
بتكيف جدا (لشعرة معاوية ) كتعريف (من عندنا ) للمعنى الجميل للدبلوماسية
بعيدا عن مصطلحات (الفرنجة ) البتجوطنا زيادة
معاوية بن ابى سفيان صاحب اشهر (شعرة ) يقول
++ لو ان بينى وبين الناس شعرة .. لما قطعتها ++
++ ان ارخوها شددتها .. وان شدوها ارخيتها ++
واخراج مافى الدواخل حسب اعتقاد خاص محتاج (لنملية ) وغربلة
لان الحكمة فى التأنى وقياس سرعة الكلمة ومحتواها قبل ان تحط
على المتلقى يمكن تكون (دانة وقنبلة قابلة للانفجار)
عبدالرحمن مدثر
11-10-2009, 01:02 AM
استاذنا في متابعة وتشوق دائم ويحلو الإنصات قي حضرتكم .
ولكن هل احتواءنا علي علبة الهندسة يسمح بة !
لو كان كذلك فالكفاءات موجودة ولكن اختارت الجلوس الي جانبك كما فعلت اغراما ليس مشيئة فعلا جلست كفاءات كانت قادرة علي الرسم والتخيطيط وقادرة علي مد جسر يمنع كاكا من السقوط ومروي من الانهيار مع قدرتهم علي الصمود ولكن يبقي الامل عند قدم المبدع هيثم مصطفي ونظرة جيل قادم بقوة قادرة علي الإيصال والتواصل
كما قلت (يبقى الامل )
كلها احلام ياصديقى كل الكفاءات اصبحت خارج اللعبة
عندى صاحبو عندوا ماجستير فى الاقتصاد وعندو طبلية (قدر ظروفك)
وظروف الدنيا تجبرنى
اخالف وعدى واتلوم
كلنا حفظنا الرباعية
تخطيط .. تنظيم .. تنسيق .. رقابة
لكننا غصبا عننا دخلنا الغابة
وقعدنا ننطط زى القرود من شجرة لشجرة فى رحلة بحث يوماتى
عن امل اخضر
واهو لسه بنططططططططططط
عبدالرحمن مدثر
11-10-2009, 01:27 AM
أبا مزن
ذلك الكوكب الذى ينداح دوماً فى فلك أم المداين
الأديب الأريب الذى يموسق الحرف بوهج المشاعر
جميلٌ ماقاله العقاد :
والشعرُ من نفسِ الرحمنِ مقتبسٌ
والشاعرُ الفذُ بين الناسِ رحمنُ
فى يمناك قلبٌ كبيرٌ يحتوى مايدور فى دار المايقوما و 99199
وفى يسراك قلمٌ خبيرٌ يخربش لوحات الجمال لتزدان بياناً وتبياناً
دعنى أكون أخاً صغيراً بجوارك
أحمل الـدوايـة وأقـرأ الـروايـة ...
ومـعى أخـى أبو آيـة
ندندن معك ... :
من أنت ياحلم الصبا *** من أنت يا أمل الشباب
من انت يا من رحت *** أنشده ولكن لا اجــــاب
أرنو لصـــورتك الحبيبة *** بين اطياف الضـــــباب
في الارض في النهارفي*** الشفق المنورفي السحاب
وأحسها في خاطــــري *** نورا تدفق في انسياب
بالســـــــــــــحر بالآمال *** بالآنغام بالعطر المذاب
سؤالى : لتقرأ لنا من كف الانتخابات القادمة .. كيف تراها ؟
دمت مزناً أبا مزن تخربش فوق حيطان النجوم
الحبيب الى قلوبنا (ودالعمدة )
والاحمر القانى احساس القضية دوما تذكرنى بغزة
وبالمواقف فى رحلة البحث عن الكلمة القضية
وصلاح الدين الايوبى
انت عارف لو كان كلمتنى انت وابو آية انكم حمر الملامح كان بعت القضية:p
انا ذلك الولد الذي
دنياه كانت هاهنا
أنا من مياهك قطرة
فاضت جداول من سنا
أنا من ترابك ذرة
ماجت مواكب من منى
أنا من طيورك بلبل
غنى بمجدك فاغتنى
حمل الطلاقة والبشا شة
من ربوعك للدنى
اما سؤالك عن الانتخابات القادمة وكف العفربت
تصدق امس القريبة دى حصلت جوووطة عندنا بسبب خبر انتشر كالنار فى الهشيم
بقول الخبر (انو سلفاكير ماااااات )
واذا نظرنا للانتخابات القادمة والمقرر لها فى ابريل 2010
بديك معادلة مامتساوية (ابدا )
الانتخابات = تحول ديمقراطى فى السلطة
انت عارف اشواق الشعب نحو التغيير الا يبلوها فى جك بتاع آبرى ويشربو مويتها
لانها حاتجوط اكيد بين اتفاقية سلام ودستور انتقالى وقوانين مقيدة لانتخابات مفصلة
هدية اخيرة (حاجة كدا جاية مع موضوعنا )
(من سودان للجميع - عمر عبدالله محمد على
مسرحية من مشهد واحد
(مائدة مستديرة فخيمة يجلس حولها عدة اشخاص)
الله جابو: بسم الله الأول والآخر....نبدأ إجتماعنا والذي يحتوي على بند واحد وهو موضوع الانتخابات..
نريد ان نسمع من الاشخاص المكلفين بالخطط أ، ب، وجيم..
جنابو: باسم الله ...وشكرا سيدي الرئيس...كما قلت في الاجتماع السابق عن الخطة (أ) مع تعديل
طفيف بعد مشاورة الجهات المختصة وصلنا الى ...
* قيام الانتخابات في الوقت المحدد حسب الخطة المعروفة وسوف نكتسحها كما
كنا نفعل في السابق في الجامعات والنقابات العامة!!!؟؟
الله جابو: طيب شكرا ..قبل فتح باب الأسئلة والتعقيب نخلي ناس الخطة (ب) والخطة (جيم) ينورونا...
حسابو : باسم الحي الدائم... الجبار المهيمن... اشكرك سيدي الرئيس....الخطة (ب) ..
هي كما اتفقنا ان نحاول عرقلة قيام الإنتخابات بإثارة القلاقل وإفتعال الأزمات أبيي..جبال النوبة...دارفور
كأمثلة وكلكم طبعا سمعتم ان واحدة من حركات تحرير دارفور هددت بمهاجمة مراكز الإنتخابات ؟!!!
وفي الخطة (ب) سوف يتم تطعيمها بإعلان حالة الطوارئ بإفتعال وجود مؤامرة لقلب نظام الحكم...
وطبعا سوف يكون هناك اعتقالات واشياء اخرى!!؟؟ وسط كل النشطاء والمعارضين السياسيين
والصحفيين والطلاب ..... هذا ما وصلنا له.... وإذا كان هناك أي أسئلة نحن مستعدين للإجابة!!!؟؟
الله جابو: شكرا حسابو ..وكده نشوف ناس الخطة (جيم) عندهم شنو؟؟؟
ود السما: باسم الله ..شكرا سيدي الرئيس ...في الخطة (جيم) هي ترك كل شئ على حالو!!!؟؟؟
بمعنى ...نخلي ناس المعارضة يفوزو في الإنتخابات!!!؟؟ حسب تحليلاتنا ودراساتنا لن يستمروا كثيرا ...
لماذا؟؟؟لاننا نقبض على مفاصل كل شئ ؟؟؟!!! الشارع سيثور؟؟؟ وسيعم الغضب
ويلعن الشعب سنسفيل الحكومة المنتخبة؟؟؟!! وبعد ذلك ستدخل البلد في أزمة حادة ...
سندعوا مع الحلفاء من داخل البرلمان الى انتخابات مبكرة!!! وبعد ذلك سنأتي
محمولين على الاعناق !! بعد ان تكون جيتنا مطلب شعبي حقيقي واصيل.!!!؟؟
الله جابو: طيب شكرا يا ود السما .... نفتح الباب للاسئلة والنقاش..
جنابو : والله الخطة (جيم) كويسة .. وقليلة التكلفة بس لكن ما مضمونة!!!!
حسابو : احسب ان الله سخّرنا لحكم هذه الأمة المؤمنة ...واقترح الا نفرّط في هذه الأمانة؟؟!!!
الله جابو: هل عندك تعليق يا ود السما؟؟
ود السما: احب ان اطمئن الجميع بأن الخطة (جيم) هي شغل نضيف!!! ونجاحها مائة في المائة؟؟
والضمانات هي :
اولا – نحن عندنا في جميع المكاتب السياسية لكل الاحزاب والمنظمات اعضاء فاعلين ومؤثرين - وكلكم تعرفون ذلك -
مش ده وبس وكمان عندنا احزاب معارضة عديييييييييييييييييييييييييييل كده !!؟؟
ثانيا- بالتنحي مؤقتا من السلطة بنقدر نغير الكثير من نظرة الناس السلبية تجاهنا وننسيهم مرارات الماضي ،
وحنجي كمان بمصداقية جديدة لنج.!!؟؟
ثالثا- إذا كان عندنا المال والسلاح تاني نان الخوف من شنو؟!!!!!
(يدخل عدة اشخاص في وقت واحد ويبدو عليهم الهلع والإرتباك.. يهمس احدهم بصوت مسموع في اذن الله جابو)
الزلزااااااااااااااااااااااااااااااااااااااااااااا ااااااااااااااااااااااال.
بورتبيل
11-10-2009, 01:39 AM
تتقافز المشاركات في وتيرة مسرعة وهذا ان دل انما يدل على مكانة الجميل عبد الرحمن مدثر لدى جميع المميزين من الاعضاء الذين حملوا على اعناقهم البقاء هنا لانهم يرون انها المكان الانسب للتواصل مع الاصدق والاخلص من الذين مروا.
وان اتيت متأخراً بعض الشي الا انني اؤمن بحكمة تقول ( ان تأتي متأخراً خيراً من ان لا تاتي اطلاقاً) فاذا فقدك القوم حسبوك من ضمن الذين ليس في روحهم جمال.
هذا الود الشقي ( ابو مزن) لقد خجاني خج .. فكثيراً ما اتابع مشاركاته وكتاباته التي تمتاز بشي من الطيبة والعفوية المفرطة في الردود .. لذا انا مررت هاهنا ليس لاسأله عن شي فقط مررت عليه لادون اشادتي به .. فقد سبق ان قلتها انني قد كسبت الرهان عليه .
شكراً محمد النور فقد قدمت لنا ما يفيد في هذا الكرسي كثيراً ليس عبد الرحمن وحده ولكن الجميع اعتقد بانه مكان اشادة .. وكم انا اسفٌ على انني لم استطيع المشاركة بصورة متواصلة في المنتديات الا انني دائما ما اتابع من ( المدرجات الجانبية) واعتقد بان المتابعة من هناك فيها من الادب والفن ما فيها .. لانك تتابع بشهية مفتوحة. .. الا ان ما زاد شهيتي هذه المرة هو جود الدسم عبد الرحمن مدثر .. صاحب الكلمات المرتبة جداً .. فكان لزاماً علي ان اشارك في هذا الكرسي الانيق.
عفواً عبد الرحمن ان كانت مشاركتي مبتورة وعفواً اذا لم استطيع العودة للتعقيب .. وعفواً جزيلاً لكل السادة المتداخلين اذا اربكنا فيهم شي من الترتيب .. ولكن .. هو عبد الرحمن مدثر دائما ما يخجني في الدواخل .. وتجي المشاركات مبتورة .
ابوالنور
11-10-2009, 01:50 AM
( ان تأتي متأخراً خيراً من ان لا تاتي اطلاقاً) ولكن .. هو عبد الرحمن مدثر دائما ما يخجني في الدواخل .. وتجي المشاركات مبتورة .
عاين اللخو ات وين
ود مدثر اها الاوضاع ماشة ازاااااي
ابوالنور
11-10-2009, 02:00 AM
ابو النور
بين النبض الدافى
وبين الشلهتة والترحال
تمتد مواسم
تنشر فصول
ويتناسى الزمن اللحظة الحلوة
وتبدا فصول الشلهتة والترحال
لمن يكون احساسك اكبر منك
اكبر من السكة الماخدة طناش
واجمل احساس فى الكون ياصديقى
انك تلقى روحك بعض ضياع متواصل
احساسى هسة انو انا لاقى نفسى
وبتلبس فرحة
وسعيدة ومنشرحة
انت لو جربت تحس الاحساس
بتبطل الروووووحة
وبتقول لشفعك ديل
اهجسوا شوية
جرب
الحتة دى
طريقة الاستعمال يا عسل
أبو حمزة
11-10-2009, 02:12 AM
أخي الرائع.. ود مدثر.. يا سامي المكانة..!! كم هي اللحظات الحلوة سريعة..
لا أخفي عليك نظرت لمقدمة ابن جزيرة الفيل..
الرجل الكبير.. وليس المقام لذلك فهو تتضاءل عند الكتابة فيه .. إليه .. كل المساحات..!!
قرأت المقدمة وقلت أروح وأرجع.. وفجأة :
لقيت ليك تغريد أبا قرجة أسماء محمدالسر أم قبس الخوَّاض بت مارنجان الزونية ... وعييييييك..
ناس بخمسة وناس بسباعية ...وناس حمراء وناس ما عارفه روحها وين..!؟؟ الكل جمعه عشق القلم.. والذوق.. والفهم..
أنا أراك مصدر لمه.. وملجأ قصاد..
وعن نفسي فخور بإخائك شديد.. وليك بريد..
وخلي الناس يقولوا ذي ما يقولوا يقولوا.. ريدنا ما بنترك طريقو .. وما بنخلي عزول يطولوا..
وأكيد .. كلنا في تقديرنا ليك إتفقنا
أبوعمرو
11-10-2009, 02:25 AM
عمنا
شيل ...شيلتك
وجايك في الغريق!!
شيل هم من هسه
وداد محمد
11-10-2009, 02:51 AM
ياسلااااااااااااااام الزمن الجميل بداء يرجع شويه شويه
شكرا محمد نور الذي يصنع الابداع دائما وياتي الينا بالمبدعين
عبدالرحمن مستمتعين جد ا بحضورك الكريم معانا
ولمعرفتك عن قرب
عبدالرحمن مدثر
11-10-2009, 04:04 AM
نجى لحبيبنا الانصااااارى
صاحب الاندياحات الجميلة
كموية السكر التى يطعم بها عروق النيمة
ويروى بها الظما بمزيدا من الالفة
- ماهو هدفك ؟
هدفى فى الحياة هو رضا الله والوالدين
2-ماهي أمنيتك ؟
امنية ان ازرو بيت الله الحرام وافرح بصغيرتى
3-ماهي رؤيتك للحياة ؟
لاتجادل الاحمق فقد يخطىء الناس فى التمييز بينكما
4-ماهي رسالتك في هذه الحياة ولمن توجهها ؟
رسالة الى احبابى هنا عضوا على الخير بالنواجذ
5-ماهي التجربه التي تتمنى تكرارها ؟
ان ارجع تانى لسنة اولى (صعبة صاح )
6-ماهو أفضل مكان تتردد إليه ؟
الدار السودانية للكتب
7- ماهو اكثر شئ تخشاه ؟
ان يطلبنى عزيز على ولايجدنى
8- مالذي يشعرك بأكثر قدر من الحرج ؟
انو زول يفهمنى غلط
9-شخص تحتاج لقربه الآن منك ؟؟
صديقى اكرم
10- شخص لاترفض له طلبا ؟
صغيرتى مزن
11-متى تغضب ؟
العمر ساعة فاقضه طاعة
عندما يظلمنى شخص
12-ماهي أعظم صفة تفضلها ؟
الصدق اصبح فى عيون الناس مظنة
13-ماهي الصفه التي تكرها؟
الكذب والنفاق
14-أعظم شيء فقدته ؟
والدى رحمة الله عليه
15-وأعظم جرح دفنته ؟
لايوجد
16- اسوأ خبر سمعته ؟
خبر وفاة الوالد
17-مشروبك المفضل؟
منقة
18-اكلتك المفضلة؟
ملاح نعيمية
19-فنان تحب الاستماع اليه؟
عقد الجلاد
20-اللاعب المفضل لديك؟
كاكا
21-اجمل بيت شعر اعجبك ؟
سلام على الدنيا ان لم يكن فيها صديق صدوق صادق الوعد منصفا
22-متي بدأت الدخو للانترنت؟
قبل عام تقريبا
23-افضل موضوع اعجبك في المنتدى ؟
حكاية من حلتنا
24-افضل عضو في المنتدى؟
سؤال صعب لانو كل واحد عندو نكهة مختلفة
25-في ماذاء تقضي وقت فراغك؟
حاليا داخل المنتدى وممارسة كرة القدم
26-شخصية تفتقدها في المنتدى؟
شيكو ... فخرالدين محمد
27- هل تحب أعضاء المنتدى كلهم ؟؟ **اذا كان الجواب لا لماذا ؟؟
اكيد ... نعم
29-كلمة شكر تقدمها لمن؟؟
للادمن
30-باقة ورد لمن تهديها ؟؟
لام قبس
31- باقة شوك لمن تهديها ؟؟
احتفظ بها لنفسى
32-و اخيراً صف نفسك بكلمات بسيطة كما يراك الناس ؟؟؟؟
انا زول بسيط بكره التعقيد وبحب ادى الناس الفرحة
حتى لو جواى نهر من دموع
عبدالرحمن مدثر
11-10-2009, 04:25 AM
الأديب الكبير والفنان المبدع (( ود مدثر )) رغم قلة دخولى ومشاركتى فى هذا المنتدى الرائع والذى يزيد روعته وجماله وجود أشخاص بقامتكم كلما قرأنا لهم موضوعا أو مداخلة يزيد إعجابنا وإحترامنا لكم ..
سؤالى : وفى تخصصكم
مارأيك فى تخبط السياسية السودانية ولماذا كل هذا العك ؟ وكم من الوقت نحتاج لنفهم سياسية؟
اخى الكريم ابو العول تحياتى النواضر
وسعيد انا بوجودك بيننا واجد نفسى عاجزا
امام حروفك الجميلة تسلم ياغالى
بالنسبة لتخبط سياستنا السودانية ذلك مرده لانها تعتمد
على اساس غلط من تشكيلة الاحزاب السياسية المنوط بها
تشكيل الوعى وممارسة السياسة نيابة عن الجماهير
وتشتتها بين عقائدية مقيدة ... وتقليدية تعتمد على سيدى وسيدك وغباء
الفئة المغلوب على امرها من مناصريها
كذلك فهمنا للديمقراطية قاصر دوما مربوط عندنا بالفوضى
نحتاج الى وقت كبير ياصديقى
عندما يقتنع (ديناصورات ) السياسة فى بلادى بضرورة ضخ دماء جديدة
فى اوردة السياسة السودانية ودى حتة شكلها حتطول لانهم لن يقتنعوا بتجدد
الافكار الا بعد ان نشيع الديمقراطية لمثواها الاخير بفضل تخبطهم
او يحصل العكس
تحياتى
عثمان جلالة
11-10-2009, 04:41 AM
أصلو ما بصدق !!! أبو مزن شخشيا
قاعد هنا من متين ؟؟؟
معليش أخوك معذور ..... عارفني مضيوف وكده
بعدين ما أي ضيوف
ضيوف .. وحنيه :)
بجيك أسعلك سعال الضهبان
لكن النقرا ما بين السطور
تحية واحترام :)
ميادة
11-10-2009, 07:05 AM
عبدووو .. الزول الراقي جيتك تااااني وتاني بجيك
قال أحد الفلاسفة...
السعادة ليست في الواقع والحقيقة ولكنها في خيالنا
فإذا نزعنا من مسراتنا أحلامنا لم ندع شيئا ً منها..
فهل السعادة وهم ٌ نبحث عنه ..؟؟
ماذا تعني لك أبتسامة مزونة..؟؟
alanssary
11-10-2009, 08:10 AM
اخى ابومٌزن .. لك عاطر التحايا...
كلماتك دبوماسية وردودك راقية...
عجبتني... عشان كداء جبت ليك حبت سوألات تاني...
1-كيف حال نفسيتك اليوم؟؟؟
2-تحب تلعب مع الاطفال؟
3-يومك المفضل؟؟
4-مرتاح بحياتك؟
5-احلى محل تحب تشتري منه ملابس
6-شنو نوع موبايلك؟؟
7-عاجبك رقمك ؟؟
8- تحب تزعج واحد ..منو ؟؟
9-انت هادئ؟
10-انت عنيد؟؟
11-تحب تجرح وحده.. منو؟؟
12-شنو احلى كلمه سمعتها بحياتك .. (ماتقول لي بابا)
13-لو كنت في مظاهرة ماهي العبارة التي تهتف بها ولمن؟
14-من تكون الانثي التي تقف امامها ضعيفاً ( ماتقول لي امي)
15-عندما تكون معجب بها.. ماهي طريقتك في الوصول الي قلبك
16-في احد الاماكن العامة رأيت من كانت يوما تسكن القلب ..تمسك بطفلها.. كيف تكون ردة فعلك
17-كم مرة تنازلت عن مبادئك من اجل انثي
18-ماهو الموقف الذي تضبط فيه نفسك متلبسا بالتناقض؟
19-هل تتزوج من تحبها ..ام تحب من تتزوجها وايهما تراه اجمل؟
20-ايهما اجمل المراة في الواقع ام الخيال ؟
21-هجرتك من تحبها.. هل تبادلها الهجر ام تودد لها حتي تنعم بوصالها مرة اخرة؟
22-لو كانت مديرتك امراة.. بماذا تهمس لها كل صباح
23-ماهي الكلمة التي تربكك من الانثي
24-هل تجذبك البنت اللي ابوها مليونير؟او غني؟؟
25_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟
26-أذا وقع نظرك على امراه .. ماهو أول شيء يلفت انتباهك وتنظر اليه ؟؟؟
27- هل خضت يوما حربا من اجل الوصول الى قلب امراه.. وهل ظفرتِ بقلبها !!
28-كم مره حبيت؟؟؟
خربشه :-
ممكن اجي راجع تاني ..
عبدالرحمن مدثر
11-10-2009, 11:51 AM
عبد الرحمن مدثر
صاحب الطله الحلوه
والحرف الانيق
تحياتى لك
منور والله
عبد الرحمن مدثر ... النشأه فى جزيرة الخير ... واثرها فى تكوين شخصية ابو مزن ؟؟
المفرده الحلوه عند عبد الرحمن مدثر وعلاقتها بدراستك العلوم السياسيه ؟؟؟
ماذا تعتى لك هذه الكلمات
الترعه ...
الجدول...
الحواشه...
القريه...
الحوش الكبير...
السوق واثره فى تشكيل المفرده الشعريه واثره فى كتابات ابو مزن....
رايك بصراحه فى المنتديات السودانيه بصفه عامه وهل تضيف شيئا للمجتمع السودانى ام هى ثرثره ومساحه للتعارف لا اكثر ؟؟؟؟
صديقى الجزولى
لك منى انضر التحايا والاشواق
فانت من الذين افتخر بمعرفتهم من خلال المنتديات
وابدا معك باخر تساؤل حول المنتديات السودانية من وجهة نظر خاصة
فهى لها تاثيرها على المجتمع من خلال رحلة البحث الطويلة عن الخير واهله
واتحدث عن منتدى ودمدنى على وجه الخصوص لاننى لااعرف غيره ومساحات التعارف
الموجودة تتيح للاحباب الاجتهاد من اجل صناعة فرحة وتقديمها للمجتمع المحيط
اى نعم قد يغلب عليها فى كثير من الاحيان الثرثرة والفرفشة والترويح عن النفس
لان الجميع يهرب اليها من زحمة الحياة والمشغوليات .. لكن النفوس الطيبة موجودة
والفائدة موجودة من خلال تبادل الافكار ومحاولة انزالها على ارض الواقع
اجمل سنين العمر تلك التى قضيتها فى الجزيرة ومازلت احن اليها لانها بداية التكوين
وكان لها الاثر الكبير فى الخضرة التى اترجمها من خلال حروف والتى اخذتها
من الترعة والكنار .. ولمة الطفولة حول بليلة فى حلة كنتوش نغنى فيها للمطر
ونبحث عن شليل .. والحوش الكبير بديك احساس الحنية وصفاء النية والنفوس
هذه الاحاسيس افتقدها اليوم كثيرا امام ضجة الشوارع وسواد الاسفلت
وعزلة الجدران المغلقة والمعزولة عن اقرب الاقربين
دور الدراسة فى تشكيل المفردة لدى .. لم يؤثر فينى كثيرا فقد جيت مشبعا
باحساس اجمل وواسع يجعل الخيال يمرح بين مساحات التواجد فى جزيرتنا الخضراء
منها عرفت معنى البساطة .. وان كان للدراسة دور فهو الهدوء المصاحب لتناول اى موضوع
وتحرى فيه صدق الاحساس والتعامل بدبلوماسية
السوق قتل فى جواى حاجات كتيرة .. لم اجد نفسى فيه اطلاقا
واجمل حاجة اعيشها الان هو تعرفى على هذا المكان الجميل الذى يضمنا
وننهل من معينه من خلال كتابات الجميع (منتدى ودمدنى)
سامية عباس
11-10-2009, 12:38 PM
ا:p
اخى ابومٌزن .. لك عاطر التحايا...
كلماتك دبوماسية وردودك راقية...
عجبتني... عشان كداء جبت ليك حبت سوألات تاني...
1-كيف حال نفسيتك اليوم؟؟؟
2-تحب تلعب مع الاطفال؟
3-يومك المفضل؟؟
4-مرتاح بحياتك؟
5-احلى محل تحب تشتري منه ملابس
6-شنو نوع موبايلك؟؟
7-عاجبك رقمك ؟؟
8- تحب تزعج واحد ..منو ؟؟
9-انت هادئ؟
10-انت عنيد؟؟
11-تحب تجرح وحده.. منو؟؟
12-شنو احلى كلمه سمعتها بحياتك .. (ماتقول لي بابا)
13-لو كنت في مظاهرة ماهي العبارة التي تهتف بها ولمن؟
14-من تكون الانثي التي تقف امامها ضعيفاً ( ماتقول لي امي)
15-عندما تكون معجب بها.. ماهي طريقتك في الوصول الي قلبك
16-في احد الاماكن العامة رأيت من كانت يوما تسكن القلب ..تمسك بطفلها.. كيف تكون ردة فعلك
17-كم مرة تنازلت عن مبادئك من اجل انثي
18-ماهو الموقف الذي تضبط فيه نفسك متلبسا بالتناقض؟
19-هل تتزوج من تحبها ..ام تحب من تتزوجها وايهما تراه اجمل؟
20-ايهما اجمل المراة في الواقع ام الخيال ؟
21-هجرتك من تحبها.. هل تبادلها الهجر ام تودد لها حتي تنعم بوصالها مرة اخرة؟
22-لو كانت مديرتك امراة.. بماذا تهمس لها كل صباح
23-ماهي الكلمة التي تربكك من الانثي
24-هل تجذبك البنت اللي ابوها مليونير؟او غني؟؟
25_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟
26-أذا وقع نظرك على امراه .. ماهو أول شيء يلفت انتباهك وتنظر اليه ؟؟؟
27- هل خضت يوما حربا من اجل الوصول الى قلب امراه.. وهل ظفرتِ بقلبها !!
28-كم مره حبيت؟؟؟
خربشه :-
ممكن اجي راجع تاني ..
نصري انت ما شايف الباب ده محروس :mad: هسا دي شوية سؤالات وللا سؤالات بالشوالات:mad::p:eek:
الخرباش اللجنة بتقول ليك عندك فرصة حذف 27 سؤال والاجابة على الاخير بلا اونعم :p والنشوف لي زول تاني شايل ليه شوال وحائم بي جاي :p انتو اللا يختو ليكم بتاع هدف عديييل :mad::p
خالد 000 ابقرجة
11-10-2009, 08:08 PM
ا
نصري انت ما شايف الباب ده محروس :mad: هسا دي شوية سؤالات وللا سؤالات بالشوالات:mad::p:eek:
الخرباش اللجنة بتقول ليك عندك فرصة حذف 27 سؤال والاجابة على الاخير بلا اونعم :p والنشوف لي زول تاني شايل ليه شوال وحائم بي جاي :p انتو اللا يختو ليكم بتاع هدف عديييل :mad::p
أول حاجة مداخلتك دي حا اوديها سيرة ذاتية للكمندان علي النعيم 000 :p:p:p
تاني حاجة ياخي الأنصاري ده برد بطني عديييييييييييييل كدي خليهو ياخ 000
ولمن اتعب شوية الملكة أسماء حا تكون جرت نفسا شوية 000
بس خوفتينا 000
النرجع بي شوالي ده وأجي بيهو في صفحة تانية 000
ما تفهميني غلط 000
شوالي ده مذيع كورة عربي 000
جبتو بس مقدمة سؤال 000
عن كورتنا البنصرف عليها دم القلب 000
وما جايبا لينا غير وجع القلب 000
1- متين بلدنا حا تطلع شخصية زي الشوالي تفرض نفسها عربيا 000
2- حضورك الدائم في استاداتنا المنهارة 000
بتطلع منو بي شنو غير كيس الترمس لي مزن 000
3- آخر مرة تتذكر أنو هلال مريخ فكروا اعملو مباراة خيرية 000
أو اشاركوا في مناسبات اجتماعية 000
غير كاس السد والانقاذ والبشير والحاجات اياها 000
4- تعليق علي اجابة السؤال الأخير 000
ومتخارج قبال ما اجو ناس الهدف 000
خربشة رياضية برضو
السؤال ده كان مؤجل لغاية ما رجعتا لينا التوقيع المحبب بدل توقيعك البايخ داكا :rolleyes::mad:
محمد الواثق
11-10-2009, 10:28 PM
تحايا صباحية بلون البنفسج استاذنا ابومزن وتحلوا المتابعة
تيسير
12-10-2009, 12:10 AM
يا روعتك ياروعة هاتيك الطلة ..........
الاخ الرائع المتميز ( ابو مزن )
والله الكرسى منور والمنتدى منور .........والناس الرايعين ديل منورين كمان
( كدى خش الانتخابات بناس المنتدى ديل بس بتفوز )
الجماعة ما خلو شئ لكن كدى عندى ليك حبة سعالات :
- كتاب حياتى ياعين كتاب من سطرين ...............والباقى تمو براك
- النوارس الادبية ماذا اضافت وماذا اخذت .........؟
- السفر والغربة هل تتمنى الرحيل عن هذى الديار يوما والى اين ......؟
- نحن نحتاج الى من يزكى فينا انسانيتنا ماذا تثير فيك هذه العبارة .............؟
وبجيك على رواااااااااااقة
telecom
12-10-2009, 12:29 AM
يا روعتك ياروعة هاتيك الطلة ..........
الاخ الرائع المتميز ( ابو مزن )
والله الكرسى منور والمنتدى منور .........والناس الرايعين ديل منورين كمان
( كدى خش الانتخابات بناس المنتدى ديل بس بتفوز )
الجماعة ما خلو شئ لكن كدى عندى ليك حبة سعالات :
- كتاب حياتى ياعين كتاب من سطرين ...............والباقى تمو براك
- النوارس الادبية ماذا اضافت وماذا اخذت .........؟
- السفر والغربة هل تتمنى الرحيل عن هذى الديار يوما والى اين ......؟
- نحن نحتاج الى من يزكى فينا انسانيتنا ماذا تثير فيك هذه العبارة .............؟
وبجيك على رواااااااااااقة
اظهر وبان عليك الامان ..........................حمدالله علىالسلامة يا توتا وبركة الشفناك طيبة ............وكتر خير ابو مزن الخلاك ظهرتى الليلة ............... كدى روقى شوية وتعالى راجعة لينا
الرائع ابو مزن لك التحية بحجم روعتك ............... الناس ديل هروك اسئلة لكن بالجد متعتنا جد باجوبتك الرائعة..........................تسلم ايها الرائع الراقى
تيسير
12-10-2009, 01:09 AM
اظهر وبان عليك الامان ..........................حمدالله علىالسلامة يا توتا وبركة الشفناك طيبة ............وكتر خير ابو مزن الخلاك ظهرتى الليلة ............... كدى روقى شوية وتعالى راجعة لينا
الرائع ابو مزن لك التحية بحجم روعتك ............... الناس ديل هروك اسئلة لكن بالجد متعتنا جد باجوبتك الرائعة..........................تسلم ايها الرائع الراقى
سلمتى يارايعة وشكرا كتير وماتشوفى شر
بت مارنجان
12-10-2009, 01:56 AM
اختنا الغااالية علينا كلنا
بت مارنجان
المابعرفك بجهلك
سعيد انا بهذا الصرح الجميل الذى ضمنا اليه بكل رحابة صدر
وسعيد اكثر بزفة حروفك البسيطة التى تدخل من غير مجهود اضافى
لانها مننا وفينا .. بنلون بيها واجهات بيوتنا .. وبنكوجن بيها عجينا
ونتلم حولها فى قعدة القهوة ولمة الاحباب
اجمل مافى امسية الافطار بدار الشرطة اننا عانقنا احساسكم الجميل
زمان كانت ام مزن بتقول لى عالم النت والمنتديات دا كلام فارغ ساى
ومضيعة للوقت وكان عندها حق لوقتى الطويل الذى اقضيه امام شاشة الكمبيوتر
لكنها بمجرد حضورها لذلك الافطار خرجت بانطباع اجمل عن شلة المنتدى
ورجعت سعيدة بمعرفتكم
سالتها بعفوية عن انطباعها من القعدة ولمة الاحباب هناك
فكان ردها مبالغة
وسالتها عن اكثر شىء شدها فى القعدة
فكان ردها ايضا (بت مارنجان ) بعفويتها وحضورها الجميل
ربنا يديك كمان وكمان
كنت داير اواصل لكن لوح التلج انتهى والمصنع بعيد:p
الاخ الغالي " المسؤل مننا " ابو مزن "...
حضورك انت يزين المكان ... ماحقول من اجمل البوستات او بالاصح من اجمل
الكراسي " الساخنة" ... لانو دة الشي المتوقع من شخصك الجميل ...
وماانا البشهد بيك انت شنو ... لانو انت سيرتك وسمعتك سابقة حضورك ...
وبشكر صحبتي " ام مزن " العسولة ربنا يخليها ليك ويطول في اعماركم لي بعض
وتعجزو سواء ....
ويخليك لينا ياخرباش وانت تخربش في جدران المنتدي برقة ووبلطافة تترك آثار
جميلة في الكثيرين ... وبصمات لاتمحي مع الزمن ....
عبدالرحمن مدثر
12-10-2009, 10:19 AM
ابو الاموره مزن
في هذه اللحظه يتحول اسمه من الكرسي الساخن
الى الكرسي الجميل الباهي
تخريمات صغيره
1- المطر؟؟؟
2 – مدني في الخاطر
كيف كانت و كيف اضحت ؟؟؟ قبل وبعد المنتدى
الحبيب الى قلوبنا رغم حمرته سنهورى
تسلم ياغالى على الحضور الجميل
وتخريماتك تبدا بالمطر ... والمطر عندى احساسه غير
بحب اجرى فى المطره بتحول لشافع واعيش اللحظة بكل جمالها
ساعات احساسى بطش .. وبحس انى (شاروخان ) رغم الفااااااارق الكبير
فى (الشعر ) .. وتشبع موية مطره وتدى شعرك المسدل الكان زمان حركة كدا
للخلف .. حركة جميلة ياخ مابتتوصف .. ولابتتعاد بالبطىء
مدنى عندى احساس اروع بجمال اللمة .. ومعرفة الاخوان .. جميلة مدنى ياصديقى بكم
حاضرها محفر مثل شوارعها .. وفى حاجة تانية انا عندى لفة رااس مصاحبة لحضور مدنى
بصلى فى الكريبة باتجاه .. وبجى ودازرق بلقى الاتجاه اتغير :p
عبدالرحمن مدثر
12-10-2009, 10:24 AM
والله ياود مدثر المولد فاتنا
لكن قريت كل ردودك والله كرسيهم طلع بااااااااااااااااااااارد وفيهو تلج نجمتهم
ماعرفو ليك
كان مفروض مع جلوسك اول حاجه اختو ليك الحنة بى محلبيتا وهااااااك ياحنه دوائر وتانى دوائر
وتدور الدائره زى سير الطاحونه بتاعت الملكه وبرضوا عامل دائره السير
لمه راسك ادورك لكن المشكله برضوا راسك دار وعمل دايره
انتى مشكلتك ياحبيبنا مع الدوائر دى شنو ا شايفك قبيل قلت اتاخرتا وكنت فى دايره حكوميه
تااااااااااااااااااااى برضو دواير وخمسات
بعد الدوائر دى الله استر عليكم من 11 العكاكيز ديل فى بيت ازمبى
زنبكم جمبكم
صديقى صهيب
رمز التواصل الاجتماعى الجميل فى منتدانا
تحياتى
مشكلتى مع الدوائر انى كل مااخلص من دائرة
بخش فى دائرة تانية
والدائرة تدور على الطابور
وخليك فى الصف لحين لقاءنا الموعود
بعدها بدور الدنيا بيك
وبتختار ليك دائرة براااك:p
تحياتى ياصديقى
عبدالرحمن مدثر
12-10-2009, 10:31 AM
لقد ذكرت أنك كنت إنطوائي في طفولتك ، ولكن الطفولة بها الكثير من المواقف الجميلة والمضحكة والمحزنة وتلك المليئة بالشقاوة , والتي قد نفعلها نحن , و قد يفعلها آخرون ونكون نحن المتفرجون , فمن أي فئة كنت أنت , و ما أجمل المواقف وما الأسوأ ؟!
متى بدأت تنفتح على الناس , وكيف إندمجت مع مجتمع الجامعة المفتوح ؟!
اول حاجة بحكى ليك موقف خربشة من سنة اولى ابتدائى
جاءنا مدير المدرسة لحصر التلاميذ
وقال لينا البسمع اسمو يقول نعم
وبدا يقرا فى الكشف
جاء دورى وقلت نعم
نعم دى عجبتنى ليك جنس عجب وقتها
وفعلت من اجلها العجب
اى تلميذ بعدى نعم بقولها انا
نعم
نعم
وكثرت النعماااات اكيد بتجيب مشاكل
نعم الله عليك يااخوى
المدير وقف من قراءته للاسماء
وبصوت صعب سال: البقول نعم دا منو ياجماعة
الجماعة اتلفتو لاخوك:p
وبعد دااااك جاءنى صداع مستديم بسبب
ضربة موجعة من المدير
خلتنى اكره نعم ليوم الدين:p
مازالت العزلة ترتبط بى حتى الان
فى الجامعة كان هناك دور لمجموعة النوارس الادبية للخروج من قيودها
كان لها الفضل فى بعض الاجتماعيات التى اتاحتها لى داخل مجتمع الجامعة
عبدالرحمن مدثر
12-10-2009, 10:39 AM
والله ياخرباش
الناس ديل عاصنك عصرا
زي عصرة الــــ((خماسيه ))ـــهلال
ليك يوم ياعلقم
مادواااااااامة
اها شيلوا شيلتكم
ناس ودالسر وعكاااشة
ناوين ليكم
عبدالرحمن مدثر
12-10-2009, 10:41 AM
ودمدثر الخرباش
سلامات
دمت بالف عافيه
استاذنا الغالى ودالطائف
تسلم ياراااقى على الحضور الجميل
لكن زنقة الجمااااعة دى وسخانتها
المروحة براها ماكفااااية
لو فى اسبلت يكون احسن
بس مانكون تعبنااااااااك:p
عبدالرحمن مدثر
12-10-2009, 10:47 AM
الغالي ابو مزن
معليش للتأخير
لكن قريت البوست كلو صفحه صفحه
ولقيتك جامد والله
وبدل ما تقعد انت في الكرسي
شايفك قعدته ليك ناس
عافي منك والله
بالامس اتوقعناك تجينا وتحضر الاجتماع بتاع المنتدى
كما عهدناك..............
عشان الكرسي كان يكون على الطبيعه
في حدايق وقيع الله...
((كدي احكي لينا......... المنتدى اضاف ليك شنو في حياتك عامةً؟؟))
وتاني ليك رجعه.
صديقى ودالسر تحياتى
لديك هدااوة بال جميلة خلاص ياصاحبى
وسعيد انا بمعرفتك وشاى المغربية الجميل
الخلانا جزء لايتجزا من الاسرة الكريمة
والمنتدى لو جينا للاضافات فكفاية على معرفتكم
ودى اجمل اضافة عرفنا خلالها معنى السعادة الحقيقية بصحبتكم
بالاضافة الى التواصل الاجمل من خلال الافكار المتداولة هنا بكل جمال
من خلال عباقرة مفردة جميلة يعطرون المكان .. ومن خلال المشاركة
فى بعض اعمال الخير والدعوات الجميلة التى وجدناها هنا جعلتنا نعمل
من اجل دنيانا واخرتنا
alanssary
12-10-2009, 11:23 AM
ا:p
نصري انت ما شايف الباب ده محروس :mad: هسا دي شوية سؤالات وللا سؤالات بالشوالات:mad::p:eek:
الخرباش اللجنة بتقول ليك عندك فرصة حذف 27 سؤال والاجابة على الاخير بلا اونعم :p والنشوف لي زول تاني شايل ليه شوال وحائم بي جاي :p انتو اللا يختو ليكم بتاع هدف عديييل :mad::p
وانتي شفتي حاجة... :confused:
في لواري جايا ورى...
لو لقينا الباب مقفول ... الحيط قاعده ...
يعني... بندخلا بندخلا... مافي طريقة..
لو ختو جيش... :p
بس قولو يارب الشهر مااخلص...
moh_alnour
12-10-2009, 02:42 PM
ما ح أقول من أجمل البوستات أو بالأصح من أجمل الكراسي " الساخنة "
حقيقي من أجمل الكراسي التي مرت على المنتدى و قد أشفقت على من سيخلف أبو مُزن على الكرسي
و بشكر صحبتي " ام مزن " العسولة ربنا يخليها ليك ويطول في اعماركم لي بعض وتعجزو سواء
سمحة العلم سمحة الشهادة :eek: سمحة العلاقات الأجتماعية ، لينا بي حالكم يا ناس الأحياء الراقية ;)
يعني ... بندخلا بندخلا ... مافي طريقة ، لو ختو جيش ... :p
أنا ليهم بقول سلام دخلوها و صقيرا حام ، براحة يا محمد الأنصاري على عمك عبد الرحمن
أيوا عمو يا عبد الرحمن لأنو محمد الأنصاري دا كنتا في يوم من الأيام برسلو يجيب لينا الكراسي و الموية
إلا الكتوف أتلاحقت ماشاء الله تبارك الله ;)
عصمت الصادق حماد
12-10-2009, 07:09 PM
عندما نكون في حضرة من نهوى
يكون الحديث غير الحديث.. والكلمات الحالمة تعطر المكان
القلب يهفو دائماً والعين تترقب الجميل القادم
هناك الكثير من الناس يدخلون القلوب بلا إستئذان.. لأنهم يعرفون معنى التواصل
الحبيب ود مدثر
لعلنا في السودان الفسيح تغيب عنا ثقافة التوثيق.. وما (السيل) الذي أصاب المنتدى إلا بدليل إلى الكم الهائل من القصائد والخواطر التي أخذتها أدراج الرياح.. يبقى السؤال في النفس.. هل لديكم الفكرة في طباعة بعض أعمالكم.. وأين تجد نفسك في الكتابة؟
خالد 000 ابقرجة
12-10-2009, 07:35 PM
ما عندي سؤال 000
جيت أفتح البوست بس 000
لكن لقيت أستاذنا عصمت ود الفقرا قام باللازم 000
قلتا خلاس 000
أنضف المكان من النشارة 000
وبقايا خربشة امبارح 000
وأسن ليك الإزميل للخربشات الجديدة 000
ولو عاوز ترمي ليك طرقة رهيفة 000
القرقريبة ختيتا ليك في الطاقة الفوق الكرسي طوالي 000
بس قبال ما أطلع 000
لفيت مروحة بدر الطائف الجابة دي علي الكانون 000
شوية تسخينة بس 000
لأنو البرد دخل زي ما قال ليك محمد الجزولي 000
وعشان ما اطلع من هنا (بسؤالي حنين )
قلتا أخت لي سؤال ساااااااااااي بتاعتك 000
الدفء 000
كلمة فضفاضة 000
ذات دائرة أكبر من مقاسات البطاطين 000 (مع اني من أنصار فردة شندي 000)
خربش لينا فيها 000
بكل مفاهيما 000
مع شوية وسائل للدفء ( غير الكرسي ده ) :p:p:p
عبدالرحمن مدثر
12-10-2009, 11:31 PM
يااااااااااااااااااااااااه
أيووووووووووووووووووووووووووووووووووووووى
أيوووووووووووووووووووووى يوووووووووووووووووووووووووووووى
آى بزغرد وبزغرد وبزغرد
زغروده لود مدثر
المالى كرسيهو
لامن خلا الكرسى يقول حقى برقبتى
ويقوم جارى
من جنس التوِهط ده
والزغروده ال تانيه لى أنا ده
ماصدقتا إنى إنتهيت
من بوست
مشرع كل باقات ومساحات الجمال
إسمحلى بس يا أبوها إن جيتك متأخره
لأنى كنت شغاله قراية بالبطئ ومستمتعه
بكل حرف بتصطادو شبكتك
من بحور جمال دواخلك النقية المشرعة
وال مدفقه طيبة ومحنه وبساطة وأريحية
فهكذا عرفناك وأحببناك
أخاً... أباً.... صديقاً... وطفلاً مشاكساً
تخطى كل فواصل الشاشات البلورية
ودك الحصون الرقمية للغة الديجتال
ليأتى من أعالى قمم الإبداع
فارساً نقياً أبيض بجواد أبيض
يلتحف بردعة بيضاء تسر الناظرين
خارجاً من روايات ألف ليلة وليلة
وكليلة ودمنة
وكل قصص الأطفال
التى سكبتها جدتى الحبيبة (رحمها الله) على آذاننا ذات مساء
ونحن لا نمتلك لغة سوى
صمتنا وإنشداهنا المشدوه
بحباله السرية والسحريه
وهى تجنزرنا إلى مدارات (حبوبتى) محلقين محملقين
مبتغطين.... عندها تعلمنا الدهشة الأولى
وعندك تعلمنا أن الدهشة لا تقبل القسمة عليك أو الإنقسام فيك
وكذلك شتات وتوهان الإحساس
فكلها تصطف على أعتاب حرفك
بأشتات أيقونات تحمل كل ثمار الفرحة البكر
ودهشة تليدة إنبثقت معك من جديد
لك التحايا الأعاظم
ياصديقى
ودعنى أرتشف بعضاً من رحيق هذا الجمال
قبل أن أُريق سيل أسئلتى
نجمتنا الغالية .. العالية
لطالما اعجزتنى براحات حروفك
بحس بحاجة بتخليك تطلع من اطار البوست الضيق
الى حتة ابعد من خيال
نجمتنا وحدها من تجعل من سطر واحد رواية كاملة
تشدك .. وتدهشك .. وتشدهك
نجمتنا وحدها من رواد المفردة (الطاااااااخ ) تصيبك فى مقتل
وتجعلك تعانى بين دهشة وشهقة
سعيد انا بتواجدك
واسعد اكثر لو امتد هذا التواصل عبر الجديد من معانيك الجميلة
وتراشقاتك .. ومراياتك
والجااااتك فى لابتوبك ... سامحتك
خربشة اخيرة
ان شاء الله الزغرودة الحلوة تردها ليك بثغر بااااسم ام مزن
يوم زفتك الكبرى وبحضور الجميع
عبدالرحمن مدثر
13-10-2009, 12:18 AM
الشفيف عبدالرحمن .....ودمدثر ....الخرباش ...وبين قوسين ( ابودي)
وجودك وفرحتنا بيك زي
فرحة الليل بالقمر
في لحظة تتفجر قصيدة
ويطلع الإحساس بحر
إحساس رهيف
يلهب رحيق دنك مطر
يترجى في الأيام تقيف
ويخاف من اللحظات تمر
ما الوهلة في الحس الشفيف
في غمضة تتمدد عمر
يا همسة الوطن العفيف
يا لمسة الوعد الأغر
خصلات نضارك ما بتغيب
وربيع حريرك بان ظهر
كل الزمان بيك بستريح
والدنيا إحساس مزدهر
اخي العزيز جدا
كل الامنيات لك ووانت تطل بهذا الزهو
دعنا نرتاح على ضفاف حرفك الندي لنعيد
تشكيل وجداننا بلون من بريق مدادك
يتمدد فينا روعة كلما لاح نجم حضورك الانيق
نورت الكرسي ياخرباش ( ما تخاف نحن ناس الخرطوم معك نقف خلفك ونشد من ازرك
ولا نامت اعين الجبناء:p طبعا كل حرف كتبته هنا يشهد بانك قدرها وابوها بحق وحقيقي
انا ح اقيف في الباب وح اصادر اي كمية زايدة من الاسئلة اُمال ايه احنا بنلعب :p
بالتوفيق ياخرباش .......
وبنجيك راجعين بي عصائرنا وسندوشتاتنا ....
وبعدها نجر الكرسي ونحرس الباب ...:p
السامية فكرا وموضوعا
والسحابة الجات صباح
والبت الموشحة بالصبر
والامنيات خاطر العمر
اختنا الغالية سامية عباس
اجمل حاجة بتذكرها انو لحظة توقيع اول احساس اخوة حقيقية
كان فيه درب اخضر .. ومشوار انضر .. ودموع
لاتفارق مخيلتى ابدا تلك الزيارة التى ذهبنا وفى ايدينا الامل
فرجعنا منها بالالم المتمدد فى كل المساحات
نوقف شريط الذكريات .. ونقيف فى محطة المايقوما بنفس العربية ذاتها
ونخلى المساحة لابوعفان
تميل خطواتى نشوانا
تعانق دربك الاخضر
وحات اللوعه والاهات
يا مشوار ماتقصر
على دربك زرعت الحب
جمـــــــــــــال و كمــــال
ريــــــــــــــــاض وزهـــــور
غزلت صبابه العشاق
امـــــــانى تزيد
صبـــــاح وعـطور
شلت اللهفه والاشواق
هيام وســــــــــلام
ومنـــــــــــــابع نور
مواكب روعه وابداعات
سلام وخيال قصاده شعور
مابدلت الايام ولا فى مره اتغير
وحات اللوعه والاهات
يا مشوار ماتــــــــــــقصر
امانه تطــــــــــــــــــول وتتجدد
وروعه تبقى لينا حـــــــــــــــدود
عليك مقصر الاعمار و وعود و وصال
ماقاسينا نارحــــــــــــــــــرمان
وما عانينا جــــــــور وصــــدود
وكم مرت بــــلاك ايــــــــــــــــام
وقفته فى طريق مســـــــــــــدود
وشوفوا الليله واشــــــــــــــراقات
سنـــــــــــــــــا و نــــــــــوار بيتقطر
وحات اللوعه والاشواق
يا مشوار ماتقـــــــــــــــــصر
يا مشوار يا رائع
بدون اول بدون اخـــــــــــــــــــر
معانــــــــــى لا نهــــــــايئــــــــــا
عليك دفق حنان زاخـــــــــــــــــــر
عليـــــــــــــــــــــــك روح
واحضــــــــــــــــــن قلـــب
وابــــــــــــــــهج عين
وســــــــــــــــر خاطـــــــر
فيك يا شوقى ماترتاح
وفيك افضل دوام ســــــــارح
معاك فرهد شباب الحــــــــــــب
ورف على جناح اخضــــــــــر
وحات اللوعه والاشـــــــــــــــــواق
يا مشوار ماتقصـــــــــــــــــــــــر
عبدالرحمن مدثر
13-10-2009, 12:30 AM
ابو مزن السلاااااااااااام عليكم
سؤال علي السريع
اين انت من انت
كل الرضي نصف المبتقي
شتان مابينك وبين انت
الانسانة .. الانسانة .. ام قبس
انا مازلت ابحث عن احساسى .. عن انسانى فى زمن اللاانسانية
وانا اكتب لك ردى هذا
مر امامى طفل صغير مشحون بالامل
ضحكته اكبر منه
من دون (ارجل ) تخيلى المنظر
وصنع له (خشبة مربعة الشكل ) وربط تحتها عجلات اربعة
هو الان يمرح بها بين صالات سوق السجانة ويطلب المساعدة
توقفت عند هذه المحطة
وسرحت معه وهو يمضى بعيدا
ابحث لى عن (ربع ) رضا
ولااجده
بس بتكيف شديد هنا (لرضا )
وفى انتظار دعوته لحضور (كدا رضا )
عبدالرحمن مدثر
13-10-2009, 12:43 AM
جميل يا ابوها 000
وانت تتدفق 000
نهرا للعطاء 000
وحرفا للبهاء 000
حلاوة كرسي ود النور 000
انو عامل زي لاعب النص الحريف 000
دايما بديك بي باصاتو مساحة واااااسعة للحركة 000
ما عاوز اخستك بي التداعي الجميل 000
بس خلينا نطلع شوية من أحزان محتاجنها 000
للفرح القادم 000
مزونة الحلوة 000
علاقة طفولية مع ابوها الطفل الكبير 000 ( والعهدة علي بت مارنجان ) 000
يوميات مزن وعبدوووو 000
أدينا منها كام حتة كدة 000
ونطط لينا شوية معاها هنا 000
انت عارف يامطر
الحياة بكون عندها حلاوة بطعم النعناااااع مع مزن صغيرتى
كدى خلينى اتوهط واحكى ليك ساى بدون تقيد بلغة فصحى
فى الحتات دى بحس انها بتقيدنى ...
طبعا مزونة مشت الروضة (تمهيدى وكدا ) ومزعلانى ليك حتة كل يوم اسالها
ادوكم شنو ... تقول لى : فوووول
يوم كدا قعدت ليها بمزاج حفظتها قصيدة
يارب تجيب المطر
عشان نزرع الزهور
وناكل العجور
ونطير مع الطيور
ونغنى فى حبور
تصدق حفظتها طوالى .. هى دى قصيدة مولودة من حاجة كدا عندهم
لكن الظاهر على زدتها موية ... بعد يومين ضربت لى ماما (سمية )
مديرة الروضة ... قامت سالتنى قالت لى : مزن دى جابت العجور من وين
اخوك كالعادة كان بره الشبكة
عجووور شنو يااستاذة
قالت لى فى قصيدة كدا مفروض تحفظها بدون عجور واسمها
ربنا ياربنا ... ربينا يجيب المطر
والبت مصرة على مقطع ماعندنا
(نااااااكل العجور ):p
عندها ضحكت لمن بكيت ... قلت ليها معليش يااستاذة مقطع العجور دا خاص بى
ماتقطعوا العجورة انا بحصلكم بجى اشيلها
خربشة
احلى حاجة فى مزن لما تقول (نااااكل العجور)
بتعمل معاها نططططططططة كبيرة
ماعارف السبب شنو
وحالتى فى مقطع نسيت مااديتو ليها
(ونشرك للزرزور)
كان حتبقى حكاية متلتلة يقومو يجيبونى ويجيبو (ودابرق )
ويجيبوك انت زاتك بتوقيعك دا
داير اواصل لكن الانصارى دا لو ضرب عليك تانى
قول ليهو ودمدثر مشتاق ليك
ونفسوا يشوفك ويقالدك ... ويعضيك:p
يوسف كيكل
13-10-2009, 01:32 AM
انت عارف يامطر
الحياة بكون عندها حلاوة بطعم النعناااااع مع مزن صغيرتى
كدى خلينى اتوهط واحكى ليك ساى بدون تقيد بلغة فصحى
فى الحتات دى بحس انها بتقيدنى ...
طبعا مزونة مشت الروضة (تمهيدى وكدا ) ومزعلانى ليك حتة كل يوم اسالها
ادوكم شنو ... تقول لى : فوووول
يوم كدا قعدت ليها بمزاج حفظتها قصيدة
يارب تجيب المطر
عشان نزرع الزهور
وناكل العجور
ونطير مع الطيور
ونغنى فى حبور
تصدق حفظتها طوالى .. هى دى قصيدة مولودة من حاجة كدا عندهم
لكن الظاهر على زدتها موية ... بعد يومين ضربت لى ماما (سمية )
مديرة الروضة ... قامت سالتنى قالت لى : مزن دى جابت العجور من وين
اخوك كالعادة كان بره الشبكة
عجووور شنو يااستاذة
قالت لى فى قصيدة كدا مفروض تحفظها بدون عجور واسمها
ربنا ياربنا ... ربينا يجيب المطر
والبت مصرة على مقطع ماعندنا
(نااااااكل العجور ):p
عندها ضحكت لمن بكيت ... قلت ليها معليش يااستاذة مقطع العجور دا خاص بى
ماتقطعوا العجورة انا بحصلكم بجى اشيلها
خربشة
احلى حاجة فى مزن لما تقول (نااااكل العجور)
بتعمل معاها نططططططططة كبيرة
ماعارف السبب شنو
وحالتى فى مقطع نسيت مااديتو ليها
(ونشرك للزرزور)
كان حتبقى حكاية متلتلة يقومو يجيبونى ويجيبو (ودابرق )
ويجيبوك انت زاتك بتوقيعك دا
داير اواصل لكن الانصارى دا لو ضرب عليك تانى
قول ليهو ودمدثر مشتاق ليك
ونفسوا يشوفك ويقالدك ... ويعضيك:p
ابومزن يارائع يارايع
ياخي كلامك حلوو
احلى من اللالوب والنبق
طبعا بموت في اللا لوب والنبق وحلاوة دربس
بدر الدين محمد
13-10-2009, 02:00 AM
والله لي يومين افتش في العضو الاسمه الخرباش في قوائم اعضاء المنتدى .. اتاري دا الهلالابي عبد الرحمن مدثر !!!!
والله يا ابو مزن لو ما نيمة وداد لقيتك بتقول جااااي من الكرسي الساخن وراجع
انشاء الله الجماعة ما سخنو بيك ...
عايز اقول ... اجمل حاجة شلت الطاقية اللبنية دي
مايسة
13-10-2009, 02:45 AM
والله وبي حليفته كمان يا عبد الرحمن
لا توجد كلمة تساويك
- همسة : ياخي انا بضحك من قبيل وخفته يجيبو لي الكشة بالجد
- تسلم مزن وتسلم ماما سامية معاها
بركة الماقلته الزرزور - كانت خربت كلوكلو
الخواض محمداحمد خواض
13-10-2009, 03:25 AM
باين نحن دائماً متاخرين
وغير محظوظين
وحتى عرس الرائعين فى الكرسى الساخن
عرفناه متأخرين
اخونا الرائع عبد الرحمن مدثر ابو مزن 1
لك التحايا وتقبل عزرنا
ورجاى ان الكرسى كان معك برداً وسلاماً
بت مارنجان
13-10-2009, 07:55 AM
حقيقي من أجمل الكراسي التي مرت على المنتدى و قد أشفقت على من سيخلف أبو مُزن على الكرسي
ماتقعد لينا انت ياعريس ;)
سمحة العلم سمحة الشهادة :eek: سمحة العلاقات الأجتماعية ، لينا بي حالكم يا ناس الأحياء الراقية ;)
اي اي ياهناي
تعالو ارحلو جمبنا عشان نكون اصدقاء ومعارف وكدي :p:p
;)
......................
عبدالرحمن مدثر
13-10-2009, 10:02 AM
تتقافز المشاركات في وتيرة مسرعة وهذا ان دل انما يدل على مكانة الجميل عبد الرحمن مدثر لدى جميع المميزين من الاعضاء الذين حملوا على اعناقهم البقاء هنا لانهم يرون انها المكان الانسب للتواصل مع الاصدق والاخلص من الذين مروا.
وان اتيت متأخراً بعض الشي الا انني اؤمن بحكمة تقول ( ان تأتي متأخراً خيراً من ان لا تاتي اطلاقاً) فاذا فقدك القوم حسبوك من ضمن الذين ليس في روحهم جمال.
هذا الود الشقي ( ابو مزن) لقد خجاني خج .. فكثيراً ما اتابع مشاركاته وكتاباته التي تمتاز بشي من الطيبة والعفوية المفرطة في الردود .. لذا انا مررت هاهنا ليس لاسأله عن شي فقط مررت عليه لادون اشادتي به .. فقد سبق ان قلتها انني قد كسبت الرهان عليه .
شكراً محمد النور فقد قدمت لنا ما يفيد في هذا الكرسي كثيراً ليس عبد الرحمن وحده ولكن الجميع اعتقد بانه مكان اشادة .. وكم انا اسفٌ على انني لم استطيع المشاركة بصورة متواصلة في المنتديات الا انني دائما ما اتابع من ( المدرجات الجانبية) واعتقد بان المتابعة من هناك فيها من الادب والفن ما فيها .. لانك تتابع بشهية مفتوحة. .. الا ان ما زاد شهيتي هذه المرة هو جود الدسم عبد الرحمن مدثر .. صاحب الكلمات المرتبة جداً .. فكان لزاماً علي ان اشارك في هذا الكرسي الانيق.
عفواً عبد الرحمن ان كانت مشاركتي مبتورة وعفواً اذا لم استطيع العودة للتعقيب .. وعفواً جزيلاً لكل السادة المتداخلين اذا اربكنا فيهم شي من الترتيب .. ولكن .. هو عبد الرحمن مدثر دائما ما يخجني في الدواخل .. وتجي المشاركات مبتورة .
ابونا مدثر .. بورتبيل
بوجودك بيننا كان للثقافى نكهته
لان حضورك كان يفوق الاناقة بدعمك وتشجيعك
اسعد بانك اول من استقبلنى فى هذا المنتدى واعطانى الدعم اللازم
واليوم اشتاق لامطار حروفك والرزاز
حقيقة غيابك المؤثرة لاتحتاج الى جدال
اتمنى فقط ان تعود الينا كما كنت بكل الالق والنضار
لنمضى سويا فى رحلة الابداع والفخار
تسلم يارائع على الحضور
واتمناك حضور دائم
عبدالرحمن مدثر
13-10-2009, 10:04 AM
طريقة الاستعمال يا عسل
ملعقة صباحية من عسل ابداعك تكفيك
وتسعدنا
عبدالرحمن مدثر
13-10-2009, 10:07 AM
أخي الرائع.. ود مدثر.. يا سامي المكانة..!! كم هي اللحظات الحلوة سريعة..
لا أخفي عليك نظرت لمقدمة ابن جزيرة الفيل..
الرجل الكبير.. وليس المقام لذلك فهو تتضاءل عند الكتابة فيه .. إليه .. كل المساحات..!!
قرأت المقدمة وقلت أروح وأرجع.. وفجأة :
لقيت ليك تغريد أبا قرجة أسماء محمدالسر أم قبس الخوَّاض بت مارنجان الزونية ... وعييييييك..
ناس بخمسة وناس بسباعية ...وناس حمراء وناس ما عارفه روحها وين..!؟؟ الكل جمعه عشق القلم.. والذوق.. والفهم..
أنا أراك مصدر لمه.. وملجأ قصاد..
وعن نفسي فخور بإخائك شديد.. وليك بريد..
وخلي الناس يقولوا ذي ما يقولوا يقولوا.. ريدنا ما بنترك طريقو .. وما بنخلي عزول يطولوا..
وأكيد .. كلنا في تقديرنا ليك إتفقنا
دوما لحضورك نكهة خاصة تنطط معها بنات اشواقى
نكهة الفراولة نمزجها لك فى هذه المساحة
ونقول ليك حمدالله على السلامة
وربنا يديك الصحة والعافية حتى تمنحنا كل السعادة
من خلال ابداعك الدفاق
وروحك المرحة
واحساسك النبيل
عبدالرحمن مدثر
13-10-2009, 10:10 AM
عمنا
شيل ...شيلتك
وجايك في الغريق!!
شيل هم من هسه
عمنا ابوتالية
فردة جناحى التانية وكت الناس
تطير لعالمها
وعالم ابداعك غير
وحضورك خير
سعيد انا كل السعادة بمعاودة الاطلالة من جديد
عبر دهشتنا البسيطة الانيقة
حكاية من حلتنا
فى انتظارك
عبدالرحمن مدثر
13-10-2009, 10:16 AM
ياسلااااااااااااااام الزمن الجميل بداء يرجع شويه شويه
شكرا محمد نور الذي يصنع الابداع دائما وياتي الينا بالمبدعين
عبدالرحمن مستمتعين جد ا بحضورك الكريم معانا
ولمعرفتك عن قرب
نور الشمس
وكل الخير .. ودااااااد
سعيد انا بوجودك هنا
وسعيد اكثر بمعرفتك الكنز
اتمنى ان يدوم التواصل وتعود اليك روح المرح والدعابة
من جديد .. ونفتح صفحة جديدة بحثا عن شعاع جديد
من شموسك المتوهجة
عبدالرحمن مدثر
13-10-2009, 10:19 AM
أصلو ما بصدق !!! أبو مزن شخشيا
قاعد هنا من متين ؟؟؟
معليش أخوك معذور ..... عارفني مضيوف وكده
بعدين ما أي ضيوف
ضيوف .. وحنيه :)
بجيك أسعلك سعال الضهبان
لكن النقرا ما بين السطور
تحية واحترام :)
الغالى جلالة
معذور ياصديقى وانت تفتح شوالات الحنان
وتوزعها على الجميع
لاحساسك انت صفقنا نحن قبل المطار
كل السعادة اتمناها لك والاسرة الكريمة
وربنا يتقبل مقدما من والدتنا كلنا
عبدالرحمن مدثر
13-10-2009, 10:28 AM
عبدووو .. الزول الراقي جيتك تااااني وتاني بجيك
قال أحد الفلاسفة...
السعادة ليست في الواقع والحقيقة ولكنها في خيالنا
فإذا نزعنا من مسراتنا أحلامنا لم ندع شيئا ً منها..
فهل السعادة وهم ٌ نبحث عنه ..؟؟
ماذا تعني لك أبتسامة مزونة..؟؟
فراشتنا الانيقة ميادة
تحياتى
فين السعادة فين اشتريها بدمى
وادفع تمنها من دموعى وهمى
فين السعادة فين ياناس طرقها منين
دة انا كنت افرح تملى واضحك ليلى وصبحى
الضحكة زى ضلى مش بتفارق ملمحى
دى ملامح لولدنا محمد منير عن السعادة
هناك فرق احسه بين الفرح والسعادة
السعادة كقيمة لانقدر على ان نصل الى نهايتها
يمكننا ان نفرح وصناعة الفرحة متاحة
لكن السعادة صعبة المنال
السعادة عندى شخصيا ليست وهم هى احساس احسه
عندما اراها فى عيون الاخرين من خلال اجتهاداتى انا
عندها ينعكس حولى هذا الاحساس
ابتسامة مزن عندى تساوى الدنيا بما فيها
عبدالرحمن مدثر
13-10-2009, 10:54 AM
نجى لحبيبنا الانصارى وحضوره الجميل
ياانصارى بخصوص هذه الاسئلة انا مرات بستعين باحساس
صديقى البااااير جدا عاقب .. هذا مالزم التنبيه اليه:p
يلا نبدا
1-كيف حال نفسيتك اليوم؟؟؟
انا دايما بحب الوسطية خلطة كدا من فرح وحزن جميلة
2-تحب تلعب مع الاطفال؟
بحب الاطفال جدا وبحب ارجع معاهم لاحلى ايام
3-يومك المفضل؟؟
الاثنين
4-مرتاح بحياتك؟
الحمدلله كل الراحة والرضا
5-احلى محل تحب تشتري منه ملابس
السوق الافرنجى (جنوبين )
6-شنو نوع موبايلك؟؟
ان 71
7-عاجبك رقمك ؟؟
ماشديد
8- تحب تزعج واحد ..منو ؟؟
فى المنتدى العاقب وبره المنتدى جلال ابن عمى
9-انت هادئ؟
نعم
10-انت عنيد؟؟
لا بقدم تنازلات كتيرة
11-تحب تجرح وحده.. منو؟؟
انا مابحب اجرح اى شخص اطلاقا
12-شنو احلى كلمه سمعتها بحياتك .. (ماتقول لي بابا)
عبدوووووش
13-لو كنت في مظاهرة ماهي العبارة التي تهتف بها ولمن؟
يعيش احساسنا
يعيش احساسنا
14-من تكون الانثي التي تقف امامها ضعيفاً ( ماتقول لي امي)
بدون تحديد طبعا .. المراة التى تجبرك على احترامها بتعاملها المافيش
15-عندما تكون معجب بها.. ماهي طريقتك في الوصول الي قلبك
صدق الاحساس وحده يكفى
16-في احد الاماكن العامة رأيت من كانت يوما تسكن القلب ..تمسك بطفلها.. كيف تكون ردة فعلك
بجيب لطفلها شوكلاتة
17-كم مرة تنازلت عن مبادئك من اجل انثي
مرة واحدة من خلال احساس كان احساس من طرف واحد
عاملت الامر بعطف لكنه استفحل
18-ماهو الموقف الذي تضبط فيه نفسك متلبسا بالتناقض؟
فى نقاش يكون فيه لاوجود للفكرة
19-هل تتزوج من تحبها ..ام تحب من تتزوجها وايهما تراه اجمل؟
اتزوج من احبها طبعا
20-ايهما اجمل المراة في الواقع ام الخيال ؟
فى الخيال
21-هجرتك من تحبها.. هل تبادلها الهجر ام تودد لها حتي تنعم بوصالها مرة اخرة؟
بقفل هذا الباب وبروض احزانى لوحدى
22-لو كانت مديرتك امراة.. بماذا تهمس لها كل صباح
الهمسة دليل تلاشى المسافات صباح الخير تكفى
23-ماهي الكلمة التي تربكك من الانثي
اكون صادق معاك العيون وحدها التى تربكنى
24-هل تجذبك البنت اللي ابوها مليونير؟او غني؟؟
يجذبنى احساسها فقط بعد داك مابهتم من تكون
25_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟
الحتة دى صعبة شوية بكون محتار صراحة
26-أذا وقع نظرك على امراه .. ماهو أول شيء يلفت انتباهك وتنظر اليه ؟؟؟
العيون
27- هل خضت يوما حربا من اجل الوصول الى قلب امراه.. وهل ظفرتِ بقلبها !!
نعم .. وحاليا اعيش معها اسعد ايامى
28-كم مره حبيت؟؟؟
واحدة
moh_alnour
13-10-2009, 02:48 PM
بت مارنجان قالت :
ماتقعد لينا انت ياعريس ;)
في ذمتك في عريس بقعدوهو في كُرسي ساخن :mad: دا بدل تقولي لي عقبال ما نشوفك
قاعد في عنقريب الجرتق و الحنة في يدك و الجماعة يجوك يبشروا فيك و العاقب يتحنن معاك و يتلصق فيك عشان فيك الملائكة ;)
و بت مارنجان تخت ليك ديك يالحنة الما خمج و ميادة تخبط في الدلوكة حتى تأن و ترن و ترجحن :eek: ومايسة و أم قبس يزغردن لمن حسهن ينقرش
شكلي كترتا المحلبية شوية :eek: قالت كرسي قالت :mad:
أي أي يا هناي
تعالو أرحلو جمبنا عشان نكون أصدقاء و معارف و كدي :p:p
:cool: :cool: :cool:
خالد 000 ابقرجة
13-10-2009, 07:54 PM
أصبحنا وأصبح الملك لله 000
فتاح يا عليم 000
رزاق يا كريم 000
ود النور تعبني 000
داسي مفتاح البوست في حتة عجيبة 000
النضافة الصباحية اليومية 000
مع نشارة الخربشة 000
في باقي عجور 000
وريش زرزور 000
شكلك كنتا في (نمرة ) يا صاحبي 000 :p:p:p
فتاح يا عليم رزاق يا كريم دي 000
لمن تكون في سوق السجانة 000
بكون الرزق المقصود شوالات جنيهات 000
هنا في كرسي ود النور معروف شوالات شنو 000
بركاتك يا شيخ الأنصاري قصدي شوالااتك 000
سوق السجانة 000
ودعوة التجار الصباحية 000
رغم جشع السوق 000
لكن لسع في تجار خاتين الرحمن في قلبهم 000
وعندهم يقين بأنو الرازق الخالق 000
نموذج زي ده في سوق السجانة 000
أشرب لينا معاهو جبنة صباحية 000
وونسة مليانة يقين 000
وعليك الله قول لينا اسمو 000
عشان الخير دايما مجهول 000
والشر بقي وش قبيح مغطي علي الكل 000
ممكن أهدي بالحبر السري ؟؟؟
ود النور طلبنا اجازتنا مخسوس في الضحية شد حيلك معانا ياخ
الزونية
13-10-2009, 11:03 PM
مدثر ياملك
والله أدهشتنا
وانا قلت ليك حألتزم الصمت
بس ده ماكان ممكن
وجاياك تاني
ياعبدووووووووش
faqatar007
13-10-2009, 11:39 PM
الخرباش أبو مُزن
http://up.dwltna.com/images/cwt97pmzqod5xds4jche.gif (http://up.dwltna.com/)
الـــــراقــي عبد الرحمـــن مدثـــر الموقـــــر
http://up.dwltna.com/images/csypxyj3mtfo068vo6a.gif (http://up.dwltna.com/)
من القلـب أبعثـه أريجــــا بعطــر هذا البوست
تحمله الفراشـــات برحيق وعبق وأحاسيس
ضيــــفنا الغالي صـــاحب الأحساس الدفاق
نسعد دوما بوصله الجميل ...
والـكلمات التي تنساب من قلمــه الذهبي
بكل سهـولة وبساطة ينثر لنا ما يحمله من
مشاعر مرهفــــه واحاسـيس جـذابه وكم
اسعدني هذا الألق وماسطره يراعــك في
كل أرجــــاء منتــــديات ســت المدائن منور
http://up.dwltna.com/images/dsfki40i5iqkpm3qi77z.gif (http://up.dwltna.com/)
كالنسيم الذي يهب على القلوب ويشع السـرور والأمل في نفوسـنا
من أول مشاركة لك بهذا الصرح الذي يعلوا ويضئ بتواجدك المتواصل
http://up.dwltna.com/images/sc0k54mxsbddlwq3pm3.gif (http://up.dwltna.com/)
faqatar007
13-10-2009, 11:58 PM
ما أجمل عندمـــا نفرح ونحتفل بالشموع المضيئة
من حولنـــا أخي شمعتنــا ودالجاك أنار لنــا ســت المدائن
بحتفالية الشمعة السابعة وأوقد المدثـــر أبو مُــــــــــــزن
http://up.dwltna.com/images/yvcu1zdhir0z4eblhh3v.gif (http://up.dwltna.com/)
alanssary
14-10-2009, 08:54 AM
أنا ليهم بقول سلام دخلوها و صقيرا حام ، براحة يا محمد الأنصاري على عمك عبد الرحمن
أيوا عمو يا عبد الرحمن لأنو محمد الأنصاري دا كنتا في يوم من الأيام برسلو يجيب لينا الكراسي و الموية
إلا الكتوف أتلاحقت ماشاء الله تبارك الله ;)
خالي محمد النور ... من زمان انا داسي الكلام داء ... اسي الناس ديل بقولو ليك ياعجوز.. :p
وعمو .. عبدوش ... دي والله محبتا ليهو.. ولكل الناس الحلوين ...
بركاتك يا شيخ الأنصاري قصدي شوالااتك 000
[000
[/color][/size]
ابقرجة ... ماتحرشني ....
الزول داء كتل قلبي... بي شوقو .. وبالحضور الجميل..
وخوفني بالعضة دي...
لكن طالماحلفتني اشيل شيلتو...
خالد 000 ابقرجة
14-10-2009, 07:23 PM
أصبحنا واصبح الملك لله 000
الليلة لقيت المحلة نضييييييييييييييييييييييفة 000
وبدل تعب النضافة اليومية 000
كانت المتعة بالحضور الجميل ( كالعادة ) 000
للعميل رقم ( 007) 000
وتوعدات شيخ الأنصاري 000
طبعا ما حا أتهمك أنك زايغ ام بارح 000
وحا ألقا ليك العذر 000
بأنو الواحد مرات محتاج جرة نفس 000
عشان اواصل مسيرة الحب 000
أها دي كلمة عذر أريد بها مدخل سؤال :p:p:p
الفنان دايما ( زي استاذنا بدر الدين ما زي ناس ترن ترن ) 000
أها زي ناس استاذنا بدر الدين 000
الواحد لمن انهمك ليهو في لوحة 000
بحتاج اقيف كل فترة 000
أرجع لي ورا 000
عشن اشوف أثر خطوطو 000
وطرطشة ألوانو 000
في الحياة برضو مرات محتاجين لي حاجة زي دي 000
متين أبو مزن قاعد اقيف في حياتو 000
وارجع من روحو شوية كام خطوة كدي 000
واشوف أثر خربشتو في الحياة 000
ما تقول لي غياب امبارح ده واحدة منها 000 :p:p:p
عمرسنهوري
14-10-2009, 07:44 PM
يا خرباش
كرسيك بقى زي النيمه
تكتب مشاركه تفتش ليها فتيش ما تلقاها
عندي اسئله ما لقيت اجابة عليهن
الحكايه شنو ؟؟؟
وداد محمد
14-10-2009, 10:51 PM
نور الشمس
وكل الخير .. ودااااااد
سعيد انا بوجودك هنا
وسعيد اكثر بمعرفتك الكنز
اتمنى ان يدوم التواصل وتعود اليك روح المرح والدعابة
من جديد .. ونفتح صفحة جديدة بحثا عن شعاع جديد
من شموسك المتوهجة
يااااااااااااااااااااه نور الشمس متزكرين بالله
الله يطره بالخير سيد البلد
غايتو السيل دي عمل عمايل حتي روحنا الجميله ماعرفين نرجعها
سعيده انا اشد السعاده بمعرفتكم جميعا ناس مدني وبمعرفتك انت خاصه
العاقب مصباح
16-10-2009, 01:00 PM
مساحة محجوزة
العاقب مصباح
16-10-2009, 01:36 PM
مساحة محجوزة
رائعنا ومبدعنا الخرباش
انت من اعمدة المنتدى الرئيسة والتى لا اطيق غيابها ولو يوما واحداً
وبجانبك ابقرجة فأنتما مشبعان برائحة الورد
وماء النيل
دعاش الارض الطيبة
وعرق الكداح
دعنى احجز مساحة للخربشة فى ميحطك الخربشى عل بركاتك تصلنا فتجعل فينا اثراً من خربشتك الرائعة فى حيطان النجوم ...
ابنى لنا صرحاً فى حدود ملكتك الابداعية علنا نصل الى سن قلمك ونطلع الى ما خفى منك رغم انك لم تخفى شيئاً فقد كنت كالشمس تمنحنا الشعاع والدفء معاً....
أعجبتنى جميع ردودك يا صديقى وافتخر بها جداً ....
متابع لك فى صمت
حد الذهول
محمد الواثق
16-10-2009, 08:52 PM
في انتظار عودتك استاذنا عبد الرحمن مدثر فلازلنا عند وعدنا ولا زلنا ننتظر الجديد منك
esmat
16-10-2009, 09:24 PM
ابو مزن
منور المكان والكرسي
شغالين مراجعات لكن لابد من وضع البصمة
سلام
الزونية
16-10-2009, 10:37 PM
يا ود اب قرجة
دعنى اونسك ريثما يعود الخرباش
ذكرتنى بمهن هامشية وشهادات كرتونية على الحائط
وسوق الله اكبر
وسوق ام تفسو
والابى ما يعيد
والحول ما اشتغل
والناس الحالا زين
والصالح العام
وفلان للصالح العام
وجنابو للصالح العام
يبدوا انه اصبح وطنا للصالحين
والخلى البلد وطشا
مرقا فى بلدا طيرا عجمى
وفلانة الشديدة ديك لمن تديها جكة فى المطرة
والتوب يقع منها
وووب على
اللهم انى صايم
والبلوم فى فرعو غنى
الخرباش لسة ما جاء ؟؟؟
مدثر
لما كان الجميع في إنتظار طلتك جمعت ونسة بين
أخونا أبو قرجة وأخونا رضا....
عن الوطن الذي أصبح جله صالحاً..
إلا من أبى وارتضى....
لحظتها جاء بخاطري ماآل إليه حال وطننا البائس هذا...
أستاذ جامعي في الستين من عمره بدرجة بروفيسور
(إحالة للمعاش)
رايك شنو
littlestar
17-10-2009, 05:49 AM
نجمتنا الغالية .. العالية
لطالما اعجزتنى براحات حروفك
بحس بحاجة بتخليك تطلع من اطار البوست الضيق
الى حتة ابعد من خيال
نجمتنا وحدها من تجعل من سطر واحد رواية كاملة
تشدك .. وتدهشك .. وتشدهك
نجمتنا وحدها من رواد المفردة (الطاااااااخ ) تصيبك فى مقتل
وتجعلك تعانى بين دهشة وشهقة
سعيد انا بتواجدك
واسعد اكثر لو امتد هذا التواصل عبر الجديد من معانيك الجميلة
وتراشقاتك .. ومراياتك
والجااااتك فى لابتوبك ... سامحتك
خربشة اخيرة
ان شاء الله الزغرودة الحلوة تردها ليك بثغر بااااسم ام مزن
يوم زفتك الكبرى وبحضور الجميع
الملجم لللا حد أبومزن
أدرك تماماً أنه بردك الـ(الطااااااااااااااخ ده ;))
تود (تشتيتى) من هذا (البوست)
(حركات تكتيك سياسى ليس إلآ)
(واونطجية لعيبه كباااااااار ;))
لتختم لى فى تأشيرتى ذهاب بلا رجعه
حينما تحتم وتطبق علينا بفكى روعتك المفترسه
لكن حتماً ولزاماً علينا أن (نتقل دمنا)
ونعتكف فى مغارات إبداعاتك القصية
لا نحتاج وقتها أن نشعل فتيلاً أو قنديلاً
طالما ظلت كلماتك هى مناراتنا
التى نجتمع حولها
(زى فراش النور وما تقول لى الزرزور ;):p)
وما أسعدنا ونحن نتجول فى متحفك الشخصى
ونفتتن بكل قطعة وتحفة ومنحوتة
مجموعة فى بوتقة متحف عبدالرحمن مدثر الفريد من نوعه
تعكس لنا سلامة ذوق فنان إنسان
صدقاً معرفته كنز
وإحدى مقتناياتنا الثمينة التى لا يمكننا التفريط بها أبداً
لا تساويه كل كنوز الدنيا بما جمعت
ولا زلنا نستمتع بتذوق هذه التحف النادره
فهل من مزيد؟؟؟
alanssary
17-10-2009, 11:19 AM
توش ياعمو عبدوووش...
بتكون كرهتا لعب البلي ... لكن البزرع محبتو في قلوب الناس... اشيل شيلتو...
32+28=60+40=100 كداء تكون استلمتا الدفعة الاولي... والباقي انشاء الله بصلك...
الا سئلة دي طبعاُ بأحساس ابقرجة ... ماعداء السؤال الاول ...
1-ممكن اجي مره ثانية
2-من كان اول مرحب بك في المنتدى(شخص واحد)
3-هل انت تفعل ما تقوله هنا بالمنتدى ؟
4-مين بنظرك بيعمل بجهد بالمنتدى ( شخص واحد) ؟
5-مين مقصربالمنتدى بنظرك ( شخص واحد)؟
6- اعتذار تريد ان تقدمه لمن في المنتدي( شخص واحد)؟
7_ماهو تقييمك لهذا المنتدى بصراحه ؟
8_ ما هو اقتراحك الذي تتمنى ان يحدث في هذا المنتدى ولم يحدث الى الان ؟
9-متى اخر مره بكيت؟
10_ اذا اردت ان تبكي الان , فعلى من تبكي؟
11_ من ستختار ليمسح دموعك ؟
12- نزار شاعر المرأة.. أنت شاعر من؟
13_لو خيروك بين حبيبك وبين اعز صديق فمن تختار ؟
14_ ما ردة فعلك عندما يقول لك حبيبك : أحبك نعم أتزوجك لا ؟
15_ من يسكن قلبك؟
16_ (( انت كل شيء بحياتي )) لمن تقولها ؟
17_ ((مستحيل انساك)) لمن تقولها ؟
18_ (( اللي فات فات وماتفيد كلمة ياريت )) إذا أردت ان توجه هذه العباره لنفسك, فماذا تقصد بها ؟
19-بماذا تقر وتعترف أمامنا الان ؟
20- اغمض عينيك دقيقه, ماذا خطر على بالك وانت مغمض العينين ؟
21_ هل من الممكن ان تتحول الصداقه الى حب ؟
22_هل تعترف بشيء اسمه الصداقه بين الرجل والمرأة ؟
23_هل انت مدمن تفكير؟
24_ من هو اكثر شخص تفكر فيه؟
25_ اذا تم تعيينك ملكا لجميع البلاد العربيه فما اول قرار ستتخذه ؟
26_ اي الدول تتمنى ان تزورها ؟
27_هل ملابس الشخص امامك تؤثر فيك لتأخذ عنه انطباع ؟؟
28_ اذا احببت شخصا في الوقت الخطأ وفي المكان الخطأ فماذا تفعل ؟؟
29_ حكمة تؤمن بها جدا؟؟
30_ عاده تفعلها دائما تتمنى ان تتركها ؟
31_ ماهو اجمل اسم لولد واجمل اسم لبنت من وجهة نظرك؟
32_ ماذا تفعل اول شيء اذا ربحت ملايين او مليون(دولار) عشان مانكون طماعين؟
33-كل صدق ... تتمنى ترجع طالب في المدرسة ؟ اذا كان الجواب نعم لماذا ؟
34- ما هي المواد التي تحبها / تكرهها / و هل كنت تحب مدرسها ؟
35- كم مرة انضربت من الطلاب الأكبر منك سناً وحجماً ؟
36- عمر ك عملت مقلب في مدرس ؟
37- قطعة فحم وجدار نظيف ماذا سترسم عليه،وماذا ستكتب تحت الصورة (خربشة )؟
38- شخص وعدك بشي مهم جدا ثم اخلف ماذا تقول له ؟
39_ مارأيك في صاحب الاحساس بصراحه (ابقرجة)؟
40_ ماذا ستكتب لنا لتعبر عن حياتك التي عشتها الى الان في كلمات قليله ؟
عبدالرحمن مدثر
18-10-2009, 02:29 AM
أول حاجة مداخلتك دي حا اوديها سيرة ذاتية للكمندان علي النعيم 000 :p:p:p
تاني حاجة ياخي الأنصاري ده برد بطني عديييييييييييييل كدي خليهو ياخ 000
ولمن اتعب شوية الملكة أسماء حا تكون جرت نفسا شوية 000
بس خوفتينا 000
النرجع بي شوالي ده وأجي بيهو في صفحة تانية 000
ما تفهميني غلط 000
شوالي ده مذيع كورة عربي 000
جبتو بس مقدمة سؤال 000
عن كورتنا البنصرف عليها دم القلب 000
وما جايبا لينا غير وجع القلب 000
1- متين بلدنا حا تطلع شخصية زي الشوالي تفرض نفسها عربيا 000
2- حضورك الدائم في استاداتنا المنهارة 000
بتطلع منو بي شنو غير كيس الترمس لي مزن 000
3- آخر مرة تتذكر أنو هلال مريخ فكروا اعملو مباراة خيرية 000
أو اشاركوا في مناسبات اجتماعية 000
غير كاس السد والانقاذ والبشير والحاجات اياها 000
4- تعليق علي اجابة السؤال الأخير 000
ومتخارج قبال ما اجو ناس الهدف 000
خربشة رياضية برضو
السؤال ده كان مؤجل لغاية ما رجعتا لينا التوقيع المحبب بدل توقيعك البايخ داكا :rolleyes::mad:
انت عارف مره كدا كنت بتونس مع واحد من رواد المساطب الشعبية
فى استاداتنا قعد يحكى لى عن حاجات غريبة جدا بتحصل جوه الاستاد
صاحبى قعد يحكى لى واثناء ماهو قاعد فى الاستاد مرت من امامه سيجارة
كل الصف بخمس فيها الى ان جاء دوره فقربها اليه فوجد رائحتها غريبة
فاتضح له انها (سيجارة ملونة ) وبتلف الراس كمان :p
من اليوم داك ودع ايهاب الاستادات
حكاية انو الناس تمشى الاستاد عشان تروح من جوطة لجوطة اكبر
دى حاجة عاملة لى قلق
وبمناسبة الخماسية الاخيرة لو تتذكر انا شجعت فريق مازمبى لما شاهدتو
امام النجمة بسوسة ياخ ديل عملوا فى الكورة اى شىء بتعمل بس الحكم كالعادة
خرمج ليهم كورتهم
مشكلتنا فى تعصبنا الاعمى
مشكلتنا انو الافكار الادارية لاتخرج من هذا الصراع
مع كل صباح جديد تسمع عن صراع الكيماوى مع الديناصور بسبب اللاعب الامبراطور
وكلهم كدا مابجيبوا حق الكلمات المكتوبة
عشان كدا صعب جدا انو نفتش عن خير فى حتة زى دى
الا نعمل غربلة للعقول
ونغسل العصبية فى بحر عريض مويتو حب البلد
بدلا من حبيب البلد وسيد البلد ..وزعيم البلد
والبلد مازالت تشحد واسيادها يتضرعون بدون عمل مؤسس يرتبط بالالقاب الفخمة
الموزعة سااااااااااى
عبدالرحمن مدثر
18-10-2009, 02:58 AM
يا روعتك ياروعة هاتيك الطلة ..........
الاخ الرائع المتميز ( ابو مزن )
والله الكرسى منور والمنتدى منور .........والناس الرايعين ديل منورين كمان
( كدى خش الانتخابات بناس المنتدى ديل بس بتفوز )
الجماعة ما خلو شئ لكن كدى عندى ليك حبة سعالات :
- كتاب حياتى ياعين كتاب من سطرين ...............والباقى تمو براك
- النوارس الادبية ماذا اضافت وماذا اخذت .........؟
- السفر والغربة هل تتمنى الرحيل عن هذى الديار يوما والى اين ......؟
- نحن نحتاج الى من يزكى فينا انسانيتنا ماذا تثير فيك هذه العبارة .............؟
وبجيك على رواااااااااااقة
يا روعة هاتيك النخلة
كنا نرنو كانت تدنو و بنا تحنو
تهتز و ما فتأت جزلى
من ذاك الحين و أنا مفتون بالنخلة
و الحب لها و ليوم الدين
مطبوع في النفس الطفلة
اختى التى لم تلدها امى تيسير .تيتا .. بسمة تطيب الخاطر
وشهادة حق لابد من قولها
ان تيسير هى من علمتنى معنى العطاء
واعطتنى بطاقة انتماء لهذا العالم الجميل
وان هذه التيسير لديها ابداع لم نصل بعد لاغواره
منها تعلمنا المزاجية . . ونطالبها بالجديد من المحطات
- كتاب حياتى ياعين ماشفت زيو كتاااااب
الفرح فى سطرين
والباقى كلو عذااااااب
لكن يمكننا ان نحتفى بفرحة السطرين لتصبح اقصوصة يترنم بها الجميع
وماتبقى من الكتاب يكون بمثابة الهامش:p
- مجموعة النوارس الادبية اعطتنى الكثير .. صدق الاحساس .. جمال الصحبة
وسحر الكلمة المربوط باحتفائية الجميع كانت حلم اخضر تحقق بوجودكم
بمفرداتكم الجزلة كشعاع من نور .. اعطتنى النوارس جناح الدهشة والتحليق
فى عالم ملائكى جميل .
اما مااخذته منى فاكثر شى يحز فى نفسى هو الفقد الجلل لهذه الروعة
زى ماحبوباتنا بقولوا
(مفطوم اللبن .... مابسكتوا اللولااااااى )
- السفر .. الغربة .. كلمات لااحبها اطلاقا .. كفاية علينا غربة الذات والاحساس
عندى مشكلة انو انا بحب الانتماء لهذا البلد بكل غباره وكتاحته .. وبكره الرحيل
ووداع الاحبة وصالات الوصول والمغادرة ومواكب المودعين
هناك امنية واحدة فى الخاطر (وبس) انو ازور بيت الله الحرام .. واصل مدينة الحبيب
المصطفى (صلى الله عليه وسلم )
- نحن نحتاج الى من يزكى فينا انسانيتنا
كلمات اكون صادقا معك ذكرتنى (بدعوة فرح ) المربوطة باحساس صادق
والمتوجهة بخطاب انسانى نحو براءة عيون .. محتاجين نتطهر من دموعنا
فى لحظة صدق وتجلى .. ونعطى لوجودنا قيمة من خلال رحلة بحث
عن فرحة نصنعها بوجود الاخرين ونهديها من يستحقها
طفل لقيط
وطفلة مات فيها الاحساس بسبب وخز الابر
وكهل تبلحق عيونه فى اللاشىء بعد ان هجره من علمه المشى والرماية
وهكذا
وهكذا
خربشة
اعلان مدفوع القيمة
الجميع فى انتظارك ياتيسير من اجل بوست جميل
( يومياااااااات مطفوشة فى ماليزيا )
عبدالرحمن مدثر
18-10-2009, 03:07 AM
اظهر وبان عليك الامان ..........................حمدالله علىالسلامة يا توتا وبركة الشفناك طيبة ............وكتر خير ابو مزن الخلاك ظهرتى الليلة ............... كدى روقى شوية وتعالى راجعة لينا
الرائع ابو مزن لك التحية بحجم روعتك ............... الناس ديل هروك اسئلة لكن بالجد متعتنا جد باجوبتك الرائعة..........................تسلم ايها الرائع الراقى
اختنا الغالية منال (تليكوم )
سعيد انا بوجودك وبمعرفتك من خلال الملتقى الجامع
لاسرة المنتديات بمناسبة زواج عصمت
ونتمنى ان يدوم التواصل
والحضور الدائم
عبدالرحمن مدثر
18-10-2009, 03:12 AM
الاخ الغالي " المسؤل مننا " ابو مزن "...
حضورك انت يزين المكان ... ماحقول من اجمل البوستات او بالاصح من اجمل
الكراسي " الساخنة" ... لانو دة الشي المتوقع من شخصك الجميل ...
وماانا البشهد بيك انت شنو ... لانو انت سيرتك وسمعتك سابقة حضورك ...
وبشكر صحبتي " ام مزن " العسولة ربنا يخليها ليك ويطول في اعماركم لي بعض
وتعجزو سواء ....
ويخليك لينا ياخرباش وانت تخربش في جدران المنتدي برقة ووبلطافة تترك آثار
جميلة في الكثيرين ... وبصمات لاتمحي مع الزمن ....
واحد قام حكى لصاحبو نكتة
لكن للاسف صاحبو ما ضحك للنكتة
الحكاية دى اثرت عليهو شديد
حتى فى مستقبلو
كيف ياجماعة الحكاية دى مابتجى
لما تحكى نكتة
بديهيا كدا مفروض الناس تضحك
اها صاحبى دا كل مايلاقى صاحبو
بقوم بسالوا سؤال دائم وتقليدى
مع كل صباح جديد
++ عملت لى شنو فى النكتة ++:p:p
ماعارف النكتة دى علاقتها شنو بكلماتك الفوق احتمال عشان الكهرباء كاطعة
وماف تلج
ايواااااا اتزكرت
ام مزن قالت ليك
++ عملتى لى شنو فى الحنة ++:p:p
Powered by vBulletin® Version 4.1.12 Copyright © 2012 vBulletin Solutions, Inc. All rights reserved, TranZ by Almuhajir