@ الخرباش أبو مُزن ضيف الكُرسي الساخن @ [الأرشيف] - الصفحة 2

عبدالرحمن مدثر

18-10-2009, 03:33 AM

عندما نكون في حضرة من نهوى
يكون الحديث غير الحديث.. والكلمات الحالمة تعطر المكان
القلب يهفو دائماً والعين تترقب الجميل القادم
هناك الكثير من الناس يدخلون القلوب بلا إستئذان.. لأنهم يعرفون معنى التواصل
الحبيب ود مدثر
لعلنا في السودان الفسيح تغيب عنا ثقافة التوثيق.. وما (السيل) الذي أصاب المنتدى إلا بدليل إلى الكم الهائل من القصائد والخواطر التي أخذتها أدراج الرياح.. يبقى السؤال في النفس.. هل لديكم الفكرة في طباعة بعض أعمالكم.. وأين تجد نفسك في الكتابة؟

الحبيب .. القريب الى قلوبنا بهمسه الريفى الجميل

وصدق انتمائه الاصيل (ودالفقراء)

ومعنى التواصل ياصديقى عندما نتعلم منك معنى ان يكون

الوطن فى حدقات العيون من خلال مدرسة وسطى .. وبوسطى .. وبيارة

وخلوة .. وشفخانة تهدى الناس الصحة

سعيد انا بمعرفتكم الكنز ياصديقى

وسعيد باحساس التواصل الذى جعلنا جزء لايتجزأ من الفقراء

ومن خلالك ارسل اشواقى لفخر الفقراء استاذنا فخرالدين محمد

والذى اسعدتنا انت بمعانقة حروفه النواضر من خلال ساحات المنتدى

ورحلة الحرف الندى داخل همس الريف الجميل

- بمناسبة التوثيق انا حتى الان حزين لان كل مااملكه من ذكريات ذهب مع السيل

اصبحت خال الوفاض .. لازاد لى ولا راحلة .. لكنى اعتبر هذا بمثابة ذكرى لكى نعمل

الاحتياطات اللازمة من اجل حفظ مانكتبه

لدى تجربة واحدة مع التوثيق من خلال ايام الجامعة لديوان شعرى (قدر النوارس )

كان عبارة عن طباهة عادية اهديته للمقربين

لكن اتمنى ان يسعفنى الوقت من اجل جمع المتفرقات من الاحاسيس هنا وهناك

من اجل توثيق جميل

- الكتابة مربوطة عندى باحساس صادق .. احساس لايكذب ولايتجمل

يشدنى الموقف للكتابة لذلك لااجهد نفسى كثيرا فمتى ماجاءت لحظة المخاض

تجدنى حاضرا .. لكننى اجد نفسى مع الطفولة .. وبعض قضايا المجتمع

فراس

18-10-2009, 01:04 PM

الرائع روعة نيل بلادي ودمدثر

ليست لدي اسئلة ولكني اتيت

للتحية وتسجيل اعجابي بك وبقلمك

وروحك الجميلة حفظك الله ورعاك

انت ومن تحب

دمت بكل الخير الذي تحمله

عبدالرحمن مدثر

18-10-2009, 11:47 PM

ما عندي سؤال 000

جيت أفتح البوست بس 000

لكن لقيت أستاذنا عصمت ود الفقرا قام باللازم 000
قلتا خلاس 000

أنضف المكان من النشارة 000
وبقايا خربشة امبارح 000
وأسن ليك الإزميل للخربشات الجديدة 000
ولو عاوز ترمي ليك طرقة رهيفة 000
القرقريبة ختيتا ليك في الطاقة الفوق الكرسي طوالي 000

بس قبال ما أطلع 000

لفيت مروحة بدر الطائف الجابة دي علي الكانون 000
شوية تسخينة بس 000
لأنو البرد دخل زي ما قال ليك محمد الجزولي 000

وعشان ما اطلع من هنا (بسؤالي حنين )

قلتا أخت لي سؤال ساااااااااااي بتاعتك 000

الدفء 000

كلمة فضفاضة 000

ذات دائرة أكبر من مقاسات البطاطين 000 (مع اني من أنصار فردة شندي 000)

خربش لينا فيها 000
بكل مفاهيما 000
مع شوية وسائل للدفء ( غير الكرسي ده ) :p:p:p

هاهااااااااااااى 30

ياصاحبى ذكرتنى زمن جميل خلاص

زمن (فردة شندى )

لكن لقيت قديم خلاص ..:p

عارف جمال الفردة انها بتستحمل اى حاجة

تطرش بزيت سمسم مامشكلة

كرعينك الحواشات فتحن فيهن تقانت الودك قاعد مامشكلة

ياسلااااام لمن يقول ليك

ياولد جيب الفردة

معناها خلاص ودعنا الصقط ومافى ليهو طريقة يجى راجع

يجى راجع وين مع هذه الحميمية الجميلة

انا مقتنع وانت زى كمان انو الفردة فى حيث انها فردة مابتقدر على الصقط براها

عندها حاجات تانية مابعرفها الا لما يرتبط بيها

انت عارف طبعا اخوك كان متوعك حبتين لكن بعد مااولادنا اخدو بتارنا من مازمبى

ولعبوا مبارة العمر .. حسيت بعافية .. وعافية حسن اجمل صوت ادمن الغياب

نسبة لانعدام الدفء مع صقيع الايام والمواقف

اها شغلت الرااااااااديو وسمعت ليك (ليلى المغربى ) وهى تمنحنا الدفو

مع رائحة ودحاج سعيد .. والتى تغنى بها ابو السيد

جميلة جدا ليلى وصوتها الطروب بتخلى دمعة غصبا عنك تتطفر من بين العيون

عــدّى فـات .. زمـن العيون الإلفــة

.. والحـضـن الملاذ

ورهـافــة الحس البـلوّن .. ضـحكة النـاس العــزاز

بـعـد الحـنـان .. الكـان زمـان

إســتـوطـن المـطــر .. الحراز

ومـشــيـت أفـتـش عـن خـطـاويـك الـقـبـيـل ..

مـضّــارى من زمـناً ..وراك

مـلانى خــوف

أشــتــقــت أرتـاح فى عـيـون

فـيـهـن مـلامحــك ذاتــا مــن غـير أىّ .. زيـف

وإشــتـقـت لى ضـحكة صـبـاحك ... والدعـاش ...

عـطّـر رزاز مـطـر الخـريف

أنا وإنـت والدنـيـا الزمـان

والناس وفـا .. وخـوّة صـفــا

ودفء المشاعر الشاتية .. صيف

أنا وإنت والدنيا الزمان

زمن الغناوى الطالعة من قلباً .. رضى

وحســّاً ... ندى ... وزوقاً ... رهيف

أنا وإنت والـدنيــا الأمــان

ما العمر شتّان ... بين أوان زمناً حييتو

.... وعمر ما بتقدر بتعرف ..

بكرة يصبح حالو .. كيف

ودى حقيقة باكر ننسى كل الفات .. لكنى اليوم احس بحاجة غريبة

ماتعودت عليها هنا .. اليومين دى البرد يعصف بنا من كل اتجاه

هل معناها اننا فقدنا

القلب الرضى

والحس الندى

والزوق الرهيف

محتاجين نقعد فى حلقة ونيران التقابة اكيد مابتموت واحساسها المربوط بكتاب الله

يسمو بالارواح والعقول ..

حزين جدا لفراق ودالماذون

لكنى اعلم بحبه الجميع ... ليته يعود الينا بكامل اناقته وحسه الطروب

يوسف كيكل

19-10-2009, 02:48 AM

صاحبي العندي فيه مراده يامن اموت
الخرباش ابو مزن البرقع المشروت

صدقني طوعت الكرسي الساخن
وقلبتو كرسي حرير

عبدالرحمن مدثر

19-10-2009, 02:49 AM

ابومزن يارائع يارايع
ياخي كلامك حلوو
احلى من اللالوب والنبق
طبعا بموت في اللا لوب والنبق وحلاوة دربس

الحنين ابو قلبا ابيض ودكيكل

وانت عارف عندك نمات كدا بتسرح بيك بعيد

وبترجعك لزمن الدوووم

انت عارف انا بحب الدوم والشلاااااااااقة

والشلاقة عشان الدووووووم فى عمرنا دا بقى مشكلة

نكدو

اصيل انت ياصديقى

وشهادتك بهناك تكفينى

وتجعلنى افتخر بانى تعرفت على انسان بقامتك

ونضيف لحلاوتك

حلاوة لكوم

و104 دى جميلة بشكل

وحلاوة الكريمت

وحلاوة حلى

وحلاوة بلى

عبدالرحمن مدثر

19-10-2009, 05:15 AM

والله لي يومين افتش في العضو الاسمه الخرباش في قوائم اعضاء المنتدى .. اتاري دا الهلالابي عبد الرحمن مدثر !!!!
والله يا ابو مزن لو ما نيمة وداد لقيتك بتقول جااااي من الكرسي الساخن وراجع
انشاء الله الجماعة ما سخنو بيك ...
عايز اقول ... اجمل حاجة شلت الطاقية اللبنية دي

استاذنا بدر الدين .. ابو امامة

دوما ماتسعدنا بحضورك الجميل

وانت ترسم بريشتك المدهشة معالم للجمال لانهائية

شلنا الطاقية

وودعنا العصبية (الى حين )

وسعيد اكثر

بوجودك بيننا

عبدالرحمن مدثر

19-10-2009, 05:18 AM

والله وبي حليفته كمان يا عبد الرحمن

لا توجد كلمة تساويك

- همسة : ياخي انا بضحك من قبيل وخفته يجيبو لي الكشة بالجد

- تسلم مزن وتسلم ماما سامية معاها

بركة الماقلته الزرزور - كانت خربت كلوكلو

ان شاء الله تدووووووم يامايسة

الضحكات وتزيد عندك الضحاكاات برضو

عشان تكون الحياة جميلة بيها

وبيكم اكيد

عبدالرحمن مدثر

19-10-2009, 05:21 AM

باين نحن دائماً متاخرين
وغير محظوظين
وحتى عرس الرائعين فى الكرسى الساخن
عرفناه متأخرين
اخونا الرائع عبد الرحمن مدثر ابو مزن 1
لك التحايا وتقبل عزرنا
ورجاى ان الكرسى كان معك برداً وسلاماً

الانسان .. الانسان .. الخواض حبيبنا

منك تعلمنا جمال الديمقراطية حين نثبتها كفهم

لاطفالنا ومستقبل ايامنا

ومن خلالك عرفنا معنى الانسانية من خلال عطاء دايم

كورس صيفى

وفرحة عيد تعم الجميع

ربنا يجعل ايامك دائما افرااااح

وسعيد بوجودك معنا

عبدالرحمن مدثر

19-10-2009, 05:39 AM

أصبحنا وأصبح الملك لله 000

فتاح يا عليم 000
رزاق يا كريم 000

ود النور تعبني 000
داسي مفتاح البوست في حتة عجيبة 000

النضافة الصباحية اليومية 000
مع نشارة الخربشة 000
في باقي عجور 000
وريش زرزور 000

شكلك كنتا في (نمرة ) يا صاحبي 000 :p:p:p

فتاح يا عليم رزاق يا كريم دي 000

لمن تكون في سوق السجانة 000

بكون الرزق المقصود شوالات جنيهات 000

هنا في كرسي ود النور معروف شوالات شنو 000

بركاتك يا شيخ الأنصاري قصدي شوالااتك 000

سوق السجانة 000
ودعوة التجار الصباحية 000

رغم جشع السوق 000
لكن لسع في تجار خاتين الرحمن في قلبهم 000

وعندهم يقين بأنو الرازق الخالق 000

نموذج زي ده في سوق السجانة 000

أشرب لينا معاهو جبنة صباحية 000

وونسة مليانة يقين 000

وعليك الله قول لينا اسمو 000

عشان الخير دايما مجهول 000

والشر بقي وش قبيح مغطي علي الكل 000

ممكن أهدي بالحبر السري ؟؟؟

ود النور طلبنا اجازتنا مخسوس في الضحية شد حيلك معانا ياخ

والسوق فيك يسوق

انت عارف اجمل حاجة فى السوق انو بقى انطلاقة لفعل الخيرات

ودى نعمة من كريم .. بالامس جاء شاب من ابناء الهدى اسمه (الهادى)

ومشكلة الهادى كبيرة .. هو اصلا بتاع خدار عندو عربية ومعاه 3 من اصحابو

بجيبو الخدار من الجناين الجنب الجنيد ويقوموا بتوزيعو على ناس السوق

كان الحال ماشى عال العال

الى ان جاء يوم اسود

فى طريق منى وبعد الجنيد بشوية كان صديق الهادى يقود العربة محملة

بالخدار ومعه بعض الركاب .. حاول ان يتخطى العربة التى امامه

لكنه اصطدم ببوكس دبل قبينة قادم من الاتجاه المعاكس

مات 6 من الركاب فى الحال من ضمنهم صديق الهادى وشريكه

وبقية الركاب حصلت لهم بعض الجروح

اصعب شىء بعد ذلك هو ان الهادى ذهب ليستلم العربية بعد ماحصل الحصل

وايمان الجميع بقضاء الله وقدره

تمت تسوية الامر بان يدفع الهادى ومن معه قيمة 70% من الدية المستحقة

على ان يدفع صاحب البوكس الاخر 30% لان الخطا الاكبر كان من المرحوم صديق الهادى

اظلمت الدنيا فى وجهه

تخيل مبلغ وقدره (42 مليون بالقديم )

من اين له هذا المبلغ

ولابد من السدااااد او يتم حبسه

ونحمد الله كثيرا ان اهل الخير فى بلادى كثيرون

فكان ان هب اهل السوق كل حسب مقدرته المادية

وتم تدبير 50% من المبلغ

اجمل حاجة حتى اهلنا فى الجزيرو تبرعوا بقوتهم

باعوا شوالات القمح والعيش

من اجل المساهمة فى فعل الخير

مثل هذه الاشياء البيضاء تعطيك الاحساس الجميل

وتمنحك الامان

وتطرد من عيونك الجشع والطمع

(اخرا كوم تراااااب ياصديقى )

كذلك لن انسى وقفة اصدقائى فى السوق يوم ان اذمعنا العقد على زيارة المايقوما

صديقى صباحى تاجر البوهيات

وهو يلون مساحات الفرحة من معجونه الخاص

وصديق بتاع الكلادن

وعوض بتاع السيراميك

ومحمود بتاع الابواب

وغيرهم وغيرهم

ياسلااام عليك انت ياكابو

الرد دا ادانى احساس بانتعاشة

بعض الفضفضة يكفى لجلب الرررررراحة

حتى نبتعد قليلا عن الجلااااابة

عمرسنهوري

19-10-2009, 09:17 PM

ابو مزن حمد لله على سلامتك و البركه بالشوفه

صف شعورك في مباراة الهلال الاخيره على النحو التالي

• قبل بداية المباراة
• بعد نهاية الشوط الاول
• لحظة انفراد كاريكا في الشوط الثاني ووضعه للكره فوق المرمى
• بعد نهاية المباراة

عبدالرحمن مدثر

19-10-2009, 11:27 PM

مدثر ياملك
والله أدهشتنا
وانا قلت ليك حألتزم الصمت
بس ده ماكان ممكن
وجاياك تاني
ياعبدووووووووش

ودهشتى اكبر

وانا اطالع حروفك

احتفالا بعودة ودالماذون

فى انتظارك

اكيد

العاقب مصباح

20-10-2009, 07:16 AM

جينا قلنا نولعها

ويا فيها يا نطفيها

لكن لقيت خيرك باسط

عدس وفيتريتة

اها يا اخوى خلينى اقيف بى طفاية فى الباب

وانت ما ياكا الحنين

انت ما ياكا الامير

ودتابر

20-10-2009, 07:34 PM

الأستاذ .. الأديب .. صاحب الحروف المرهفة

يا من عشقت مداده .. وتشرفت بصحبته عبر حرفه المموسق الآثر

يا أيها العبدالرحمن .. يا مدثر

يا كل الروعة ..

أستاذي حقيقة لقد كنت امتع نفسي بمتابعة هذا البوست ومتذ ايام وأجد حلاوة وأنا أتنقل بين ردودك التى تكشف لي كل لحظة ذلك الكنر الكامن بدواخلك .. فمثلك لا يفتح له بوست واحد فقط .. فأنت يجب أن تكون كل يوم في لقاء لنحلق معك وعبرك .. نحو الانسان .. ونحو المطحونين .. ونحو اليتامى والمحزونين .. نحو المرضي والمكلومين .. في مستشفي الذرة وفي المايقوما .. وفي كل شبر من أرض فاطمة السمحه يكون بحاجه لإنسان مثلك .. وما أندرهم أمثالك من يتألمون ويدفعون ولو بكلمة .

لقد قرأتك وأنت تكتب .. وتابعتك وأنت تجلس بكل أريحية لتعانق أحبابك واصحابك ورفاقك هنا بحلو الكلمة .. وطيب الموعظة .. ورشيد الحديث .. تارة شعرا .. وكثيرا نثرا مموسقا يحلو لنا أن نغنيه .

عزيزي .. يا أيها المجبول على عشق الوطن

لا أريد أن اثقل عليك بهموم وطن نأمل ونحلم بأن يخرج معافي بعد حين .. وهي آمال واحلام مشروعة لنا .. ولكني أود أن أهديك قبل السؤال .. بعضا من كلمات شاعرنا واستاذنا الراااائع عمر الدوش ... وبعدها يأتي سؤالي :

بلد رايح

ح أسأل عن بلد رايح
وافتش عن بلد سايح
واسأل عن امانينا
اللي ما بتدينا
صوت صايح
وأسأل وين مخابينا
إذا جانا الزمن...
لا فح
واسأل عن بلد مجروح
وعارف الجارحو ليه جارح
وابكى على بلد ممدوح
وعارف المادحو
ما مادح
واحلم بي حلم مسروق
لا هو الليلة
لا امبارح
أعلق في جناح سفري
خطابات لي زمن فجري
وادخل من درب سري
لكل مضاجع الأحزان
واضفِّر من شجر بلدي
بروقاً مارقة من صدري
حأسأل عن بلد غاطٍ
لحدِّ الليلهْ في الوجعة
أَنط فوق سرجي واتْحزَّم
أقوم من وقعة
لي وقعة
أخُتْ ايدي البتوجِعْني
على السأم البراجِعْني
واسأل..
يا وطن يا بيتنا
ليه شوقك مواجهني
ليه حبك مجهجهني
وليه تاريخ زمن خسران
موكّر لسَّه في شجني؟

***** حبيبنا :

ما هو تصورك للوطن بعد الانتخابات ؟ هل سيظل سودان واحد موحد ..أم أنه سيكون دويلات .. ويجعلنا نلهث خلف وطن راااااايح ما بيعود تاني ؟

ريانية

21-10-2009, 12:08 AM

تحياتي أخي عبدالرحمن..
ماشاءالله عليك بس بقول ليك دي ماجية بس إن شاءالله
حا أديك زيارة وطلة تاانية وأفكر في الأسئلة اللي بسألك ليها إن شاءالله وبروااااقة رواقة الشاي يعني..
تقبل تحياتي..

مهيد ود السفاح

21-10-2009, 08:48 AM

الزول السمح شديد
او مزن
اولاً بالتبادي اديني الامان
والله والله
اسمع حليفتي دي
التأخير ده ما مني
وارجو المعذره
واخر مره
وتاني ما بكررها

هسي يا اخوي كدي اديني لبان 104 وحبتين الكريمت
ولا اقول ليك اديني حلاوه كسلا ام ورقةً صفراء

اها يا سيد الروعه عندي سعال بدور اسعلك ليهو

حلاوه كسلا دي قالوا هي مزيج بين الحلاوه واللبن
انت بعني ليك شنو المزيج بين ثقافة القريه وحياة الحضر والمدينه ؟؟

moh_alnour

23-10-2009, 02:47 PM

يا أبو مُزن الفورة مليون ;)
لسه باقي للكُرسي أسبوع تمام
في إنتظارك يا شَخِص ;)

العاقب مصباح

23-10-2009, 11:07 PM

يا الرحت طولت الغياب

والشوق بيطرق فى دروبك الف باب

لو تعرف اللهفة والريد والعذاب

ما كنت رحت وكنت طولت الغياب

اهداء للخرباش

littlestar

24-10-2009, 12:17 AM

كوكوكو كوكوكو كوكوكو

يا اخوانا مافى زول ف الديار ولآ كيف :eek::eek::eek:

يعنى نبرطع ثااااااااااى ولآ شنو :confused::o؟؟؟

والله عوجه دى

الكرسى محروس

وسيدو يبرطع :D:D:p:p

عبدالرحمن مدثر

24-10-2009, 12:33 AM

عدنا بعد برررررطعة حملنا فيها الشموع

وطوعنا فيها الامانى العذبة

(وطيعنا ) الفرحة الصغيرة حتى تشب وتكبر

وتبقى قدر الاحساس المتعاظم بحضوركم

الجميل والانيق

بمناسبة (طيعنا ) الفرحة

مره كدا مسافرين الهدى ومعاى مزن وامها

وصلنا للفريجاب

كان قدام العربية (دحيش ) حليونى كدا ببرطع امامنا

مزن كعادتها اكتسبت الشلاقة من احد افراد الاسرة

فسالت عن هذا المبرطعاتى الجميل

فكان رد والدتها بانه :

(دا البيبى بتعاع الحمااااااااار ):p

بيبى بتاع شنو ياجماعة دا دحيش :p

انا ضد هذه المصطلحات الحنكوشية فكان ان دار جدل بيزنطى

بان هذا (دحيش مأصل ):p

او بيبى الزمن الجميل

لكنى ولله الحمد لم تخذلنى مزن فى هذا المعترك التاريخى الكبير

والمنعطف الختييير

فجاء اعلانها دوايا متضامنا مع والدها

من اجل دهشة الايام القادمة عندما نطوع فيها حروفنا

ونطيع فيها الدحيش

فى زول سالنى سؤال ولا انا اندفقت سااااااااى

littlestar

24-10-2009, 12:46 AM

عدنا بعد برررررطعة حملنا فيها الشموع

وطوعنا فيها الامانى العذبة

(وطيعنا ) الفرحة الصغيرة حتى تشب وتكبر

وتبقى قدر الاحساس المتعاظم بحضوركم

الجميل والانيق

بمناسبة (طيعنا ) الفرحة

مره كدا مسافرين الهدى ومعاى مزن وامها

وصلنا للفريجاب

كان قدام العربية (دحيش ) حليونى كدا ببرطع امامنا

مزن كعادتها اكتسبت الشلاقة من احد افراد الاسرة

فسالت عن هذا المبرطعاتى الجميل

فكان رد والدتها بانه :

(دا البيبى بتعاع الحمااااااااار ):p

بيبى بتاع شنو ياجماعة دا دحيش :p

انا ضد هذه المصطلحات الحنكوشية فكان ان دار جدل بيزنطى

بان هذا (دحيش مأصل ):p

او بيبى الزمن الجميل

لكنى ولله الحمد لم تخذلنى مزن فى هذا المعترك التاريخى الكبير

والمنعطف الختييير

فجاء اعلانها دوايا متضامنا مع والدها

من اجل دهشة الايام القادمة عندما نطوع فيها حروفنا

ونطيع فيها الدحيش

فى زول سالنى سؤال ولا انا اندفقت سااااااااى

ههههههههههههههههههههههههههاى أس 28

الله يديك العافيه يا أبو مزن
أدحشتنا بحس الزمن الجميل :o:o:o
المعروش جواك بساطه وطيبه ومحنه
يا إنسان يانيل يارائع
إدحشنا كمان
وإدفق...

عبدالرحمن مدثر

24-10-2009, 12:50 AM

الخرباش أبو مُزن
http://up.dwltna.com/images/cwt97pmzqod5xds4jche.gif (http://up.dwltna.com/)
الـــــراقــي عبد الرحمـــن مدثـــر الموقـــــر
http://up.dwltna.com/images/csypxyj3mtfo068vo6a.gif (http://up.dwltna.com/)
من القلـب أبعثـه أريجــــا بعطــر هذا البوست
تحمله الفراشـــات برحيق وعبق وأحاسيس
ضيــــفنا الغالي صـــاحب الأحساس الدفاق
نسعد دوما بوصله الجميل ...
والـكلمات التي تنساب من قلمــه الذهبي
بكل سهـولة وبساطة ينثر لنا ما يحمله من
مشاعر مرهفــــه واحاسـيس جـذابه وكم
اسعدني هذا الألق وماسطره يراعــك في
كل أرجــــاء منتــــديات ســت المدائن منور
http://up.dwltna.com/images/dsfki40i5iqkpm3qi77z.gif (http://up.dwltna.com/)
كالنسيم الذي يهب على القلوب ويشع السـرور والأمل في نفوسـنا
من أول مشاركة لك بهذا الصرح الذي يعلوا ويضئ بتواجدك المتواصل
http://up.dwltna.com/images/sc0k54mxsbddlwq3pm3.gif (http://up.dwltna.com/)

استاذنا عوض الله faqatar007

واسعدنى كذلك احساسك الشفيفك

وريشتك الجميلة وانت تلون ساحة التواجد

بجمال حضورك الانيق

وكلماتك المهرجان

دائما ماتكون مصحوبا بدهشة الابداع

ونحن نطالع تصميم لوحاتك الجميل

وتواجدها فى كل مناسبة

تحتفى بالجميع هكذا عهدناك

ومن اجل هذا احببناك

واعطيناك كل المساحات

لتزرعها فل وعنبر واقحوان

من خضرة حضورك الجميل

عبدالرحمن مدثر

24-10-2009, 02:19 AM

أصبحنا واصبح الملك لله 000

الليلة لقيت المحلة نضييييييييييييييييييييييفة 000

وبدل تعب النضافة اليومية 000

كانت المتعة بالحضور الجميل ( كالعادة ) 000

للعميل رقم ( 007) 000

وتوعدات شيخ الأنصاري 000

طبعا ما حا أتهمك أنك زايغ ام بارح 000

وحا ألقا ليك العذر 000
بأنو الواحد مرات محتاج جرة نفس 000
عشان اواصل مسيرة الحب 000

أها دي كلمة عذر أريد بها مدخل سؤال :p:p:p

الفنان دايما ( زي استاذنا بدر الدين ما زي ناس ترن ترن ) 000

أها زي ناس استاذنا بدر الدين 000

الواحد لمن انهمك ليهو في لوحة 000

بحتاج اقيف كل فترة 000

أرجع لي ورا 000

عشن اشوف أثر خطوطو 000

وطرطشة ألوانو 000

في الحياة برضو مرات محتاجين لي حاجة زي دي 000

متين أبو مزن قاعد اقيف في حياتو 000

وارجع من روحو شوية كام خطوة كدي 000

واشوف أثر خربشتو في الحياة 000

ما تقول لي غياب امبارح ده واحدة منها 000 :p:p:p

بمناسبة استاذ بدر الدين

ولظروف خاصة لم يستطع ان يذهب معنا من اجل احتفالية سباعية

الشموع .. قام رسل معاى من ينوب عنه .. خمسة لوحات سيريالية تجريدية

هى الان تسمع فى حديثى معك وانا اضعها فى المكتب امامى واناجى فيها

وارجع خالى الوفااااض:p

(دقيقة النرصهم جنب بعض واجيك :p)

اها جيتك

لوحة (1)

صقر داخل تفاصيله قضبان سجن او سياج فاصل

وصغار من الطير تحلق حوله

اظنه يريد ان يوصل فهم ثنائية الحرية .. والاقلال

او الحرية لاتاتى الا فى وجود قااائد

(ابو امامة تعااال بجاى عليك الله ماتخيلينا نتجرد ساااى:p)

لوحة (2)

رجل بين امراتين هكذا احس انا من خلال ريشة استاذ بدر الدين

واظنه يرمز لمعنى الحياة وجوطتها اذا افترضنا انه بنظرته البعيدة

وتفكيره العميقة ...يثبت لنا ان الاولى هى (الام ) والثانية هى (الزوجة )

وهنا يكون الصراع الازلى الدائر حول الاحقية بالتملك والغيرة المغلفة

اللوحة (3) و (4) تجسد واقع المعاناة فى بلادى من خلال (ست الفول والتسالى )

(وبائعة الشااى تكتوى بنيران الواقع )

اللوحة الاخيرة (غلبتنى )

لكن خلى احساسى يبرطع جواها

رجل يتفرجخ فى الارض اظنه يبيع المراكيب الجلدية فى زمن تحول الناس

الى جلود .. وعندما تريد ان تظبط اسطوانة الغاز فتاكد انك تحتاج الى جلدة

هذا الرجل بصره للارض يحسب عدد ذرات الرمل ويربطها بهمومه التى تفوقها

عددا

فى حياتنا ياصديقى نحتاج الى عملية جرد حساب مراجعة دورية

لان عمرنا ساعة ... لذلك لابد من البحث عن الدروب المؤدية للطاعات

اجتهد دائما فى نهاية يومى ان اخلد للراحة وانا لااحمل على احد

من موقف .. من سؤ فهم .. من اى حاجة

جميلة حتة تعمل نفضة لجواااااااك ... لماذا تكون حكرا على الموكيت

والمفارش الانيقة

نحن احوج الناس لذلك

عبدالرحمن مدثر

24-10-2009, 02:35 AM

يااااااااااااااااااااه نور الشمس متزكرين بالله
الله يطره بالخير سيد البلد
غايتو السيل دي عمل عمايل حتي روحنا الجميله ماعرفين نرجعها

سعيده انا اشد السعاده بمعرفتكم جميعا ناس مدني وبمعرفتك انت خاصه

روحنا الجميلة اكيد بترجع

لو كل زول مسك ليهو حتة من الهدمة بتاعتنا المقطعة

وقعد يخيط فيها بمزاااااااج

وداد فى انتظار توهج شعاعك

ماتتاخرى

عبدالرحمن مدثر

24-10-2009, 02:49 AM

رائعنا ومبدعنا الخرباش

انت من اعمدة المنتدى الرئيسة والتى لا اطيق غيابها ولو يوما واحداً

وبجانبك ابقرجة فأنتما مشبعان برائحة الورد

وماء النيل

دعاش الارض الطيبة

وعرق الكداح

دعنى احجز مساحة للخربشة فى ميحطك الخربشى عل بركاتك تصلنا فتجعل فينا اثراً من خربشتك الرائعة فى حيطان النجوم ...

ابنى لنا صرحاً فى حدود ملكتك الابداعية علنا نصل الى سن قلمك ونطلع الى ما خفى منك رغم انك لم تخفى شيئاً فقد كنت كالشمس تمنحنا الشعاع والدفء معاً....

أعجبتنى جميع ردودك يا صديقى وافتخر بها جداً ....

متابع لك فى صمت

حد الذهول

بداخلى ياصديقى حلم اخضر

امل اخضر

فرح اخضر

وطن اخضر

يحتاج فقط

الى شعاع ضوء منكم

ومن تلك الشموس التى تتمرد على قيود (المحرقية ) الى نداوة (المشرقة )

ويحتاج الى سحائب امطار تغشى الجميع قبلى .. المهم ان تصلنى بعد الاكتفاء

يكفينا ريحة دعاشها حتى لو لم تاتى .... روعة الاحساس فى مقولة

فلا هطلت على ولا باراضى سحائب ليس تنتظم البلادا

وفوق كل هذا يحتاج الى حنين وهذا هو المانح الحقيقى للابداع وللنمو

فى مناخ جميل .. ومااجمل الحنين عندما يقابل الدفء فى البرندا فى ليال الشتاء

بهذا الاحساس يكون للحياة معنى

وللدواخل كينونة

الابداع عندى ياصديقى صعب المنال

افرش له الطرقات بالزهور

واطفىء له الانوار

انثر فى المكان موسيقى هادئة تعيدنى اليه والى الزمن الجميل

لكنه يأبى

له طقوسه التى تخالفنى دائما

عندو مزاج غريب ... واحد تشغل ليهو موسيقى

وفى عز الليل ساعة النسمة ترتاح على هدب الدغش وتنوم

يفارق هذا الدرب (واقنع انا منو )

وياتيك وانت تفتح (زبالة صباحية ) ترمم بها ماانهد وماتبقى من جدران

الايام والمواقف لايابه للرائحة .. ويستمتع بالفجيخ

الم اقل لك احساس غريب

لكنه اجمل مافيه فى تلك اللحظة انه قريب

عبدالرحمن مدثر

24-10-2009, 02:53 AM

في انتظار عودتك استاذنا عبد الرحمن مدثر فلازلنا عند وعدنا ولا زلنا ننتظر الجديد منك

جينا عشانك

ومازلت عند راى ان

واثق فارس من فرسان الزمن الجميل

عبدالرحمن مدثر

24-10-2009, 02:55 AM

ابو مزن
منور المكان والكرسي
شغالين مراجعات لكن لابد من وضع البصمة
سلام

عصمت عريسنا

الفوقو الملائكة

منور مرتين

مرة بطلتك

ومره باحساسك الجميل

والجديد

حبابك

littlestar

24-10-2009, 07:32 AM

دى برطعه ثااااااااااى
جات متاوقه بجاااااااااى :o:o:o

عبدالرحمن مدثر

24-10-2009, 11:42 AM

مدثر
لما كان الجميع في إنتظار طلتك جمعت ونسة بين
أخونا أبو قرجة وأخونا رضا....
عن الوطن الذي أصبح جله صالحاً..
إلا من أبى وارتضى....
لحظتها جاء بخاطري ماآل إليه حال وطننا البائس هذا...
أستاذ جامعي في الستين من عمره بدرجة بروفيسور
(إحالة للمعاش)

رايك شنو

الزونية

مرحبا بعودتك الجميلة مجددا

تذكرت معك حال بروفسير محمد هاشم عوض اب الاقتصاد فى جامعة الخرطوم

بعد ان سكب عصارة علمه وتجربته بين جنباتها .. جاء اليوم لتكريمه

فكان تكريم من نوع خاص لاوجود له الا فى بلادنا

اوقفت الجامعة مرتبه ... بل ذهبت اكثر من ذلك وطالبته باخلاء المنزل وهو يعانى

من وعكة صحية فكان جزاء سمنار ... وكانت (المصائب التى لاتاتى فرادى )

مثل هذه الاشياء يااختى لاتحدث الا عندنا

تخوننى الكلمات عندما يموت المعروف

وعندما يصبح رد الجميل قاسيا

فهذا نموذج فقط

وماخفى اعظم

محمد الواثق

24-10-2009, 09:39 PM

استاذنا صباح الخيرات
وبما انوا في غيم ومطر وجو ربيعي جميل
دايرين نتعلم ونجلس جلسة سمر ومعرفة
ولو قربنا شوية سلة المهملات ماذا رميت بها ؟ماذا اخرجت من حزن من افكار من مكنونات يعني بالواضح .................
المساحة ليك وأجرنا الصفحة دي كلها يا استاذ انداح ;)

أبو حمزة

24-10-2009, 10:07 PM

أخي الخرباش.. سؤال واحد ع الماش..

أحكي لي عن موقف أفرحك فبكيت...!! وأكون لك شاكر يا باش..!!

عبدالرحمن مدثر

25-10-2009, 12:32 AM

الملجم لللا حد أبومزن
أدرك تماماً أنه بردك الـ(الطااااااااااااااخ ده ;))
تود (تشتيتى) من هذا (البوست)
(حركات تكتيك سياسى ليس إلآ)
(واونطجية لعيبه كباااااااار ;))
لتختم لى فى تأشيرتى ذهاب بلا رجعه
حينما تحتم وتطبق علينا بفكى روعتك المفترسه
لكن حتماً ولزاماً علينا أن (نتقل دمنا)
ونعتكف فى مغارات إبداعاتك القصية
لا نحتاج وقتها أن نشعل فتيلاً أو قنديلاً
طالما ظلت كلماتك هى مناراتنا
التى نجتمع حولها
(زى فراش النور وما تقول لى الزرزور ;):p)
وما أسعدنا ونحن نتجول فى متحفك الشخصى
ونفتتن بكل قطعة وتحفة ومنحوتة
مجموعة فى بوتقة متحف عبدالرحمن مدثر الفريد من نوعه
تعكس لنا سلامة ذوق فنان إنسان
صدقاً معرفته كنز
وإحدى مقتناياتنا الثمينة التى لا يمكننا التفريط بها أبداً
لا تساويه كل كنوز الدنيا بما جمعت
ولا زلنا نستمتع بتذوق هذه التحف النادره
فهل من مزيد؟؟؟

نجمتنا

مازالت الدهشة لم تبارح المكان

وانا اطالع قوس قزح حضورك بالالوان

فى زفة صادقة اساسها الاحساس

الذى رقصنا معه طربا على ايقاع حروفك

انت عااااارفة بالوانك الجميلة دى رجعتينى

لباب المدرسة .. زمن الابتدائى وحاجة حليمة

زمان كنا بنغنى ليها

حاجة حليمة .... ديمة حنينة

وبتدينا حلاااااااوة (قصب) زاهية وملونة

عبدالرحمن مدثر

25-10-2009, 01:16 AM

1-ممكن اجي مره ثانية

[COLOR="Magenta"]ممكن جدا ياصديقى وسعيد انا بوجودك رغم قساوة المطططة:p

2-من كان اول مرحب بك في المنتدى(شخص واحد)

بورتبيل

3-هل انت تفعل ما تقوله هنا بالمنتدى ؟

الى حد ما نعم
4-مين بنظرك بيعمل بجهد بالمنتدى ( شخص واحد) ؟

محمدالنور

5-مين مقصربالمنتدى بنظرك ( شخص واحد)؟

سوااااح ملك الاحساس .. والتقصير فى انه اصبح مقلا من مشاركاته التى تسعدنا

6- اعتذار تريد ان تقدمه لمن في المنتدي( شخص واحد)؟

لوداااااااااد

7_ماهو تقييمك لهذا المنتدى بصراحه ؟

كل الجمااااااااااال

8_ ما هو اقتراحك الذي تتمنى ان يحدث في هذا المنتدى ولم يحدث الى الان ؟

ترقية لمنتدانا الثقافى

9-متى اخر مره بكيت؟

قبل اكثر من شهرين عند وفاة عمى عليه الرحمة

10_ اذا اردت ان تبكي الان , فعلى من تبكي؟

ابكى على الاحساس الجميل فى المنتدى لانى ابحث عنه ولا اجده

11_ من ستختار ليمسح دموعك ؟

امى حاجة امنة

12- نزار شاعر المرأة.. أنت شاعر من؟

طبعا لاتوجد مقارنة..... (الطفولة والمواقف )

13_لو خيروك بين حبيبك وبين اعز صديق فمن تختار ؟

ببيع الخيرونى:p

14_ ما ردة فعلك عندما يقول لك حبيبك : أحبك نعم أتزوجك لا ؟

بركب (التونسية )

15_ من يسكن قلبك؟

محبة الجميع واشياء اخرى مفيدة

16_ (( انت كل شيء بحياتي )) لمن تقولها ؟

لامى وصغيرتى مزن ولها

17_ ((مستحيل انساك)) لمن تقولها ؟

صديقى الراحل (حسين ) تسند راسه وسادة الغفران

18_ (( اللي فات فات وماتفيد كلمة ياريت )) إذا أردت ان توجه هذه العباره لنفسك, فماذا تقصد بها ؟

ياريتنى اقدر اقول واصور الاحساس

19-بماذا تقر وتعترف أمامنا الان ؟

اقر انا امامكم بانى احبكم .. احس بفرحى بينكم

بنبضى منكم ... بحزنى يغادر بحنكم

ياسلااام

20- اغمض عينيك دقيقه, ماذا خطر على بالك وانت مغمض العينين ؟

لا للبوستات الملغمة :p

للعنصرية

للاحساس الضيق

نبحث عن البراحات فلا تكبلونا بوجهات النظر الغاتمة

21_ هل من الممكن ان تتحول الصداقه الى حب ؟

ممكن ونص وخمسة .. لان الاحساس سيد الموقف فى كل

22_هل تعترف بشيء اسمه الصداقه بين الرجل والمرأة ؟

نعم
23_هل انت مدمن تفكير؟

شديد وبتعاطى الفكرة فى كل الاوقات تمردا على السلطة والثروة

24_ من هو اكثر شخص تفكر فيه؟
تفكيرى موزع فى كل الاتجاهات حسب الموقف ومكانة الشخص

25_ اذا تم تعيينك ملكا لجميع البلاد العربيه فما اول قرار ستتخذه ؟

بقدم استقالتى وبنادى بضرورة حكم الشعب للشعب (انا مابحب الملوك)

لانهم اساس الفساد

26_ اي الدول تتمنى ان تزورها ؟

ماليزيا من اجل صغيرتى مزن فقط لان كل الطائرات عندها تتجه الى ماليزيا

27_هل ملابس الشخص امامك تؤثر فيك لتأخذ عنه انطباع ؟؟

لا بالعكس انطباعى يكون من ملامح وجهه وعيونه لانها صادقة

28_ اذا احببت شخصا في الوقت الخطأ وفي المكان الخطأ فماذا تفعل ؟؟

بتمسك بمقولة (المحطات الردئية ... تفوتها القطارات الحلم )

29_ حكمة تؤمن بها جدا؟؟

لاتجادل الاحمق فقد يخطىء الناس فى التمييز بينكما

30_ عاده تفعلها دائما تتمنى ان تتركها ؟
الدموع المصاحبة للمشاهد المؤثرة وانا داخل السينما

31_ ماهو اجمل اسم لولد واجمل اسم لبنت من وجهة نظرك؟

(ميزاب ) اسم جميل ومعبر

(منيب ) ايضا اسم جميل ومعبر

32_ ماذا تفعل اول شيء اذا ربحت ملايين او مليون(دولار) عشان مانكون طماعين؟

بقسمها على اتنين .. القسم الاول لى ولاسرتى والثانى اتبرع به لمن يحتاجه

فى بلادى ...(وهم كثر) بس انت ماتتاخر بالجائزة

33-كل صدق ... تتمنى ترجع طالب في المدرسة ؟ اذا كان الجواب نعم لماذا ؟

لانها انضر سنين العمر .. لاهم .. لاحزن .. ولا ضبابية رؤية

34- ما هي المواد التي تحبها / تكرهها / و هل كنت تحب مدرسها ؟

بحب البلاغة والانجليزى وبكره القواعد والرياضيات

35- كم مرة انضربت من الطلاب الأكبر منك سناً وحجماً ؟

ولا مره كنت زول مسالم

36- عمر ك عملت مقلب في مدرس ؟

لا مااعتقد

37- قطعة فحم وجدار نظيف ماذا سترسم عليه،وماذا ستكتب تحت الصورة (خربشة )؟

طفلة حلوة شايلة بالونة وبتلعب

وانا بكتب تحتها

(ياريت نكون اطفااااااال )

38- شخص وعدك بشي مهم جدا ثم اخلف ماذا تقول له ؟

يمكن نسى بكتفى بالانتظار

39_ مارأيك في صاحب الاحساس بصراحه (ابقرجة)؟

ابوقرجة الوحيد فى كل هذا المنتدى الذى اعجز عن وصف احساسى تجاهه

40_ ماذا ستكتب لنا لتعبر عن حياتك التي عشتها الى الان في كلمات قليله ؟

حياتى بينكم كانت كل الروعة .. احساسى يكبر مع الايام ويفرح بكم

وبذلك تكون حياتى اصبح لها طعم ولون ونكهة خااصة هذا الاحساس فارقنى

منذ زمن طويل هاهو اليوم يعود بكل القوة والعنفوان من نبضكم[/
COLOR]

ميادة

25-10-2009, 01:46 AM

لكِ تحية معطرة من القلب ..
يا من سكنتة بجمال الحرف ..
وإبداع الكلمة وتذوق نكهة المعنى ..
سيدي الرائع : عبد الرحمن مدثر

ما اجمل ردودك سيدي

اقف حائرة هنا واكتفي ان اقرأ واسأل
واتمنى ان لا تكون استفهماتي ثقيلة عليك ..

ايهما تفضــل ان تتاخذ به قرااراات حيــاتك..سواء الشخصيه او العامه.. عقلك ..او قلبك..ولمــاذا..
..؟؟

إحساسك عندما تشعر بأن الشخص الذي أمامك لم يفهمك ..؟؟

عبدالرحمن مدثر

25-10-2009, 03:26 AM

الرائع روعة نيل بلادي ودمدثر

ليست لدي اسئلة ولكني اتيت

للتحية وتسجيل اعجابي بك وبقلمك

وروحك الجميلة حفظك الله ورعاك

انت ومن تحب

دمت بكل الخير الذي تحمله

ابو فرااس الحمدانى

وجودك بيننا دوما يسعدنا

لانك ابيض الدواخل

نقى السيرة والسريرة

ولك منى محبة صادقة ونتمنى ان يدوم التواصل

ياصديقى .. ونسعد سويا بهذا الحضور الخير

عبدالرحمن مدثر

25-10-2009, 03:29 AM

صاحبي العندي فيه مراده يامن اموت
الخرباش ابو مزن البرقع المشروت

صدقني طوعت الكرسي الساخن
وقلبتو كرسي حرير

صديقى الداااافىء ودكيكل

نفتقدك بشدة هذه الايام

وينك ياحبيب

وتسلم على هذه القلادة التى افتخر بها

عبدالرحمن مدثر

25-10-2009, 03:33 AM

ابو مزن حمد لله على سلامتك و البركه بالشوفه

صف شعورك في مباراة الهلال الاخيره على النحو التالي

• قبل بداية المباراة
• بعد نهاية الشوط الاول
• لحظة انفراد كاريكا في الشوط الثاني ووضعه للكره فوق المرمى
• بعد نهاية المباراة

سنهورى الاحمرانى الجميل

شعورى موزع بين ماذكرته

- قبل المبارة من لااحساس زرعنا شوية فرحة فى انتظار المعجزة

- بعد نهاية الشوط الاول صحينا كل الاحلام المشروعة بعد هذا العرق المسكوب

والعزيمة التى لاتخطئها العين

- انفراد كاريكا دائما ماتذكرنا بالاحلام الجميلة التى تصطدم بشتارة حالنا

- بعد نهاية المبارة احساس بالفخر بعد ان زرع هلالنا الفرحة واسكت الجميع

عبدالرحمن مدثر

25-10-2009, 03:41 AM

جينا قلنا نولعها

ويا فيها يا نطفيها

لكن لقيت خيرك باسط

عدس وفيتريتة

اها يا اخوى خلينى اقيف بى طفاية فى الباب

وانت ما ياكا الحنين

انت ما ياكا الامير

صبحى الجميل

بمناسبة الفتريتة ذكرتنى بايام المتوسطة

يوم ان برطع ودالعباس بعد نهاية المذاكرة الاجبارية

ومسك الشارع الرئيسى وقعد (يهنق :p)

ولسوء حظه انه شاهده استاذ نعيم الذى نحب ان نناديه

نحن (بجحيم )

ومن دغيشا بدرى

دق الجرس دق

وطابور خاص للمهنقاااتى الكبير

امام ملأ من الطلاب

وخطبة حارقة من جحيم تحكى عن خروج ودالعباااس عن دائرة المعقول

الى درجة حادة .. فكان السؤال عن سبب التجلى فى ذاك المساء

فكان رد ودالعبااس ساخرا بعد ان جاطت عليه الاتجاهات

بانه:

(دخل فى شراط مع جماعة قدام دكان ودالخليفة ولهط ليك ملوة فتريتة )

فكانت النتيجة الطبيعية لهذا الشراط

هو عذفه على السلم الحمااااااارى الجديد:p:p

عثمان جلالة

25-10-2009, 03:47 AM

صبحى الجميل

بمناسبة الفتريتة ذكرتنى بايام المتوسطة

يوم ان برطع ودالعباس بعد نهاية المذاكرة الاجبارية

ومسك الشارع الرئيسى وقعد (يهنق :p)

ولسوء حظه انه شاهده استاذ نعيم الذى نحب ان نناديه

نحن (بجحيم )

ومن دغيشا بدرى

دق الجرس دق

وطابور خاص للمهنقاااتى الكبير

امام ملأ من الطلاب

وخطبة حارقة من جحيم تحكى عن خروج ودالعباااس عن دائرة المعقول

الى درجة حادة .. فكان السؤال عن سبب التجلى فى ذاك المساء

فكان رد ودالعبااس ساخرا بعد ان جاطت عليه الاتجاهات

بانه:

(دخل فى شراط مع جماعة قدام دكان ودالخليفة ولهط ليك ملوة فتريتة )

فكانت النتيجة الطبيعية لهذا الشراط

هو عذفه على السلم الحمااااااارى الجديد:p:p

ههههههههه تحية ود وتقدير لكل الحمير في بلادي

كيف ترى يا الحبيب شكل السودان الجديد ؟؟؟

ساعود ... حتما نعود ;):)

أفراح

25-10-2009, 01:32 PM

الرائع ود مدثر ....
كيفنك أخوي ...
مستمتعة جداً ..
شايفاك ماخد راحتك .. شكلك كده ماحاسي بي أي سخانة ..
انا ماعندي سوال ... (ماتتبسم وتفر لي سنيناتك ) عايز تقول الحمدلله خلصت من واحد ..
لا ياخوي دا مؤقتاً لأني جيت أسلم .. وأرحب بيك ...
وتحت تحت ... جيت أشوف الجرسه ...
لكن شايفاك متشجع .. تحمد سيدك ..

دمت بود ...

قلت ليك جاية راجعه ماتتبسم

amino

25-10-2009, 09:43 PM

اخى الكبير ودمدثر
انتى عارف كل يوم بجيى بخربيش هنا
وماكتبتا اى شئ لانئ محتار وعارف مسكتك صعبة
لاكن اوعدك ان شاء الله اجيب معاى سلبة من سلب بورتسودان

عبدالرحمن مدثر

27-10-2009, 12:01 AM

الأستاذ .. الأديب .. صاحب الحروف المرهفة

يا من عشقت مداده .. وتشرفت بصحبته عبر حرفه المموسق الآثر

يا أيها العبدالرحمن .. يا مدثر

يا كل الروعة ..

أستاذي حقيقة لقد كنت امتع نفسي بمتابعة هذا البوست ومتذ ايام وأجد حلاوة وأنا أتنقل بين ردودك التى تكشف لي كل لحظة ذلك الكنر الكامن بدواخلك .. فمثلك لا يفتح له بوست واحد فقط .. فأنت يجب أن تكون كل يوم في لقاء لنحلق معك وعبرك .. نحو الانسان .. ونحو المطحونين .. ونحو اليتامى والمحزونين .. نحو المرضي والمكلومين .. في مستشفي الذرة وفي المايقوما .. وفي كل شبر من أرض فاطمة السمحه يكون بحاجه لإنسان مثلك .. وما أندرهم أمثالك من يتألمون ويدفعون ولو بكلمة .

لقد قرأتك وأنت تكتب .. وتابعتك وأنت تجلس بكل أريحية لتعانق أحبابك واصحابك ورفاقك هنا بحلو الكلمة .. وطيب الموعظة .. ورشيد الحديث .. تارة شعرا .. وكثيرا نثرا مموسقا يحلو لنا أن نغنيه .

عزيزي .. يا أيها المجبول على عشق الوطن

لا أريد أن اثقل عليك بهموم وطن نأمل ونحلم بأن يخرج معافي بعد حين .. وهي آمال واحلام مشروعة لنا .. ولكني أود أن أهديك قبل السؤال .. بعضا من كلمات شاعرنا واستاذنا الراااائع عمر الدوش ... وبعدها يأتي سؤالي :

بلد رايح

ح أسأل عن بلد رايح
وافتش عن بلد سايح
واسأل عن امانينا
اللي ما بتدينا
صوت صايح
وأسأل وين مخابينا
إذا جانا الزمن...
لا فح
واسأل عن بلد مجروح
وعارف الجارحو ليه جارح
وابكى على بلد ممدوح
وعارف المادحو
ما مادح
واحلم بي حلم مسروق
لا هو الليلة
لا امبارح
أعلق في جناح سفري
خطابات لي زمن فجري
وادخل من درب سري
لكل مضاجع الأحزان
واضفِّر من شجر بلدي
بروقاً مارقة من صدري
حأسأل عن بلد غاطٍ
لحدِّ الليلهْ في الوجعة
أَنط فوق سرجي واتْحزَّم
أقوم من وقعة
لي وقعة
أخُتْ ايدي البتوجِعْني
على السأم البراجِعْني
واسأل..
يا وطن يا بيتنا
ليه شوقك مواجهني
ليه حبك مجهجهني
وليه تاريخ زمن خسران
موكّر لسَّه في شجني؟

***** حبيبنا :

ما هو تصورك للوطن بعد الانتخابات ؟ هل سيظل سودان واحد موحد ..أم أنه سيكون دويلات .. ويجعلنا نلهث خلف وطن راااااايح ما بيعود تاني ؟

استاذنا ودتابر

والتبر فى بلادى ياخذ من نبضك البريق

سعادتى لاتوصف بوجودك هنا بيننا تعلمنا معنى الانتماء

وتفجر بدواخلنا الاحساس الرائع بالاشياء .. وندندن معك سويا

لفاطمة السمحة .. وزمنا انضر طالما كانت خيل حروفك تاخذنا الى عوالم

الدهشة والانتماء حيث نجد الاماااان بمعيتك وبصحبة عذب حروفك

ويكفى حال بلادنا وصفا ماسطره الدوش (من وطن راااائح ) وقبل ان نفتش

عن وحدة مطلوبة ومسلوبة ... دعنا نتكىء مع (عبدالقادر الكتيابى )

ومع صدق الاحساس ......(هل سنبكى مرة اخرى .......!!!)

هل سنبكي مرة أخرى

إلى المثلثة الجريحة

...

هدل العود وقال :

آه من دمع تنشر بين عيني والخيال ..

ثـــم دندن :

ونضحنا بالقشعريرات من ذكر الحبيب ..

وبكيــــنا ..

آه من حبك قد أشجى وأشجن ..

وتمكن ..

...

كانت الهدلة حرى ..

والتباريح طوال ..

كذبا بالقلب أن يعشق في غير وصال ..

كذبا بالعشق أن يصدق في غير وصال ..

هدل العود ودندن :

يـــا حبيبي ..

كذبا بالقلب أن .. أن ..

وبكيـــــنا ..

مرة أخرى مزاج الشعر يســـري

دافئا فينا فنحزن ..

مرة أخرى يطل الشوق من سور السنين ...

...

للجميل الحلو .. للبلد الذي ..

وسعت أبا ريقي بغال همومه زمنا

وعلمني الحنين ..

وشهدت مغربه الحزين ..

والشـــاطئ الغربي يصرخ : ــ

أيها الشرقي ..

واللبخ الشهيد

يستنصر الأشباح : يـــا هذا وتلك ...

استيقظا ..

ليلي بغير أحبتي ..

...

قطن من الظلمات يحتل الجهات ..

تحشوه نأمات المثلثة الجريحة والصدى ..

والوهوهات ..

ليلي بغير الحلو .. وقت في الممات

هل سنبكي مرة أخرى كما كنا كثيرا ؟

ربمــــــا ... والعود دندن ..

كان لحنا مؤلما ..

أفكلما أبصرت وجهك يا حبيبي ..

نشَّر الدمع وحال ؟

هدل العود وقـــال :

أفكلما أبصرت وجهك يا حبيبي .. كلما ؟

وبكينا مرة أخرى مزاج الشعر ســــال ..

استاذنا ودتابر .. سنلهث كثيرا ونحن نبيع خيار الوحدة الجاذبة بحفنة مواقف

باهتة تتدعو للتشرذم .. خيار الانفصال هو الذى اصبح مسيطرا على الساحة بعد

ان تمسكت الحركة الشعبية بنسبة (50% + 1) من اجل الاستفتاء الذى يمنح

جنوب السودان حقه فى الانفصال .. وراحت امنيات الحكومة والشمال من اجل

(70%) كحق مشروع مع العواصف التى اجتاحت البلاد والامنيات

كل التقارير تؤكد انفصال الجنوب .. بل تذهب اكثر من ذلك بسبب النزاعات القبلية

فى الجنوب والتى راح ضحيتها حتى الان مايفوق (1200) شخص

لذلك سيتحول الجنوب نفسه الى دويلات

++ اعالى النيل .... ستصبح دولة للنوير +++

++ الاستوائية ستكون قريبة من تغول يوغندا ++

وماتبقى من اشلاء سيكون عرضة لسيطرة الدينكا بعد معارك ضارية تسحق فيها بقية الاعراق

عبدالرحمن مدثر

27-10-2009, 12:20 AM

تحياتي أخي عبدالرحمن..
ماشاءالله عليك بس بقول ليك دي ماجية بس إن شاءالله
حا أديك زيارة وطلة تاانية وأفكر في الأسئلة اللي بسألك ليها إن شاءالله وبروااااقة رواقة الشاي يعني..
تقبل تحياتي..

اختنا الغالية ريانية

اول حاجة حمدالله على السلامة

وبركة الشفناك طيبة

سعيد انا بوجودك بيننا

ونسال عنك وعن غيابك بس ان شاء الله مرام

قاعدة توصل ليك التحايا

عبدالرحمن مدثر

27-10-2009, 12:31 AM

الزول السمح شديد
او مزن
اولاً بالتبادي اديني الامان
والله والله
اسمع حليفتي دي
التأخير ده ما مني
وارجو المعذره
واخر مره
وتاني ما بكررها

هسي يا اخوي كدي اديني لبان 104 وحبتين الكريمت
ولا اقول ليك اديني حلاوه كسلا ام ورقةً صفراء

اها يا سيد الروعه عندي سعال بدور اسعلك ليهو

حلاوه كسلا دي قالوا هي مزيج بين الحلاوه واللبن
انت بعني ليك شنو المزيج بين ثقافة القريه وحياة الحضر والمدينه ؟؟

الانيق مهيد

مابتقصر يابا وحاشاك اللوم

وبهدى ليك حلاوة لكوووم

ودعنا نستعيد الذكريااات

ثقافة القرية هى كل الانتماء .. والحنين .. والبساطة

والامان حينما تكون كل البيوت بيوتك .. لاابواب مغلقة ولاقلوب كذلك

احساس القرية كالمطرة تدخل كل البيوت تدغدغ على عصب الامانى الديمة

تحلم بالهطول ... وفى طريقها تسلم كذلك على المزارع والشوارع والحقول

وثقافة المدينة تسلبك الانتماء .. اكره الجدران المغلقة .. والاحياء الفارغة

الا من عربية خدار .. او عربة نفايات .. الصمت يتجول فى كل مكان

هذا المزيج .. جعلنى افتش عن حلقة وصل .. عن ميزان يرجح الكفة ويمنعنى

من التارجح الدائم ... لذلك كان هذا الحنين للبساطة ... للريكة والتبروقة

لحمام (حى وووووب ) بدلا من الشاور بوكس ... للنمرة ...

هذه الاشياء الجميلة واجترار الذكريات

تجعلنى كما قال عركى .. وهو ياخذ (امونته ) معه

اعاين فى البحر مهموم

الاقى وجيها شاااقى النيل

وفى سااعة التعب والخوف

تشيل خطواتى وامشى عديل

عبدالرحمن مدثر

27-10-2009, 12:36 AM

يا أبو مُزن الفورة مليون ;)
لسه باقي للكُرسي أسبوع تمام
في إنتظارك يا شَخِص ;)

ودالنور

نحن قوم نعيش على الاحساس

وندخن لفافات تبغه ليل .. نهار

شكلنا كدا كترنا واصبحت ضبابية الرؤية

تؤثر على البوستاات والمواقف

لذلك بحثنا عن بعض العزلة

وبعض الرحيق انتم

وكل الاحسااااااس

جينا راجعين

عبدالرحمن مدثر

27-10-2009, 12:55 AM

استاذنا صباح الخيرات
وبما انوا في غيم ومطر وجو ربيعي جميل
دايرين نتعلم ونجلس جلسة سمر ومعرفة
ولو قربنا شوية سلة المهملات ماذا رميت بها ؟ماذا اخرجت من حزن من افكار من مكنونات يعني بالواضح .................
المساحة ليك وأجرنا الصفحة دي كلها يا استاذ انداح ;)

كان نفسى انداح ليك ياصديقى

ياواثق الخطوة يمشى وياخذ من كل الدواخل

اجمل العطور ويسكبها بيننا دليل محبة دائمة

سلة المهملات .. انا شخصيا مابعرف اتعامل معها

بجتهد انو اخد مساحاتى ومااسرف حتى لااعرف طريقها

وان كان ولابد ... عمليا برمى فيها الفواتير التى تم تحصيلها

وبعض الاحساس الهالك تماما كالدين الهالك:p

وبعض الافكار ياصديقى انيقة حتى لو خرجت من بين توصيلات الصرف

الصحى لانها لديها غلاف عازل اساسه الاحترام .. ومابعده كل الجمال

عذرا ياواثق

خانتنى الكلمات وانا اجد كل مساحات الجمال فى منتدانا قد كبلت بافكار غريبة

وكلمات حارقة للابداع .. بين عنصرية ون ... وعنصرية تو وافكار لو قعدنا فى الواطة

وقلنا ياهادى بتكون ماعندها معنى ...

المشكلة ياصديقى ان من لافكرة تاتى التناقضات

تمنيت فقط ان تكون هناك رسالة موجهة ... هدف بعينه مطلوب .. ومحدد ابعاده

لكن لا شلىء ... لاشىء ..

ياصاحبى خلينى اطلع من الزقااااق دا

بلاقيك قدام شوية:p:p

العاقب مصباح

27-10-2009, 01:28 AM

كنا فرشنا السكة ورود لو كلمتنا كان الجية خطوة عزيزة في يوم موعود

saleh farah

27-10-2009, 07:01 PM

لا اعرف من اين ابتدئ
من جينات الادب ووقفة الوليدات رافعين اباريقم
يغسلو فى ايادي الضيفان
فى صالون مفروش بالكرم
فى اطراف الهدى
وللا شقاوة الشفع
لما يشوفو حلاوة معلقة فوق عكاز
سيدو بنادي تعالو نحلي
ويرجع الملم كل الفكه
ويحسب فوقها
وللا الناس الجايه معاها
شايله الحلم الضلل عقلها
من سنوات
احسبوا سنين الجامعه
وعود
ولما انفض السامر
وفرق بينم لون الورقه
عاشوا حقيقه
كانت مره

وللا السوق اللملم
سيد العرق الصابى وكابى
وصاحب الكرسي الحارس التلجه

تقريبا دى المراحل التي سافر خلالها الرائع عبدالرحمن مدثر ولكن ما يحيرنى
هو
اين تولد الحس الادبى وسط هذه المتناقضات التي لا نحسبها تناقضات ونحن فى بلد المليون مندهش
وكيف احتفظ عبدالرحمن مدثر بجينات الهدى التي تغلبت على كل التغلبات الحياتيه التي مر بها

واخيرا جدا زي جيتى المتأخرة دى
كيف تمكن عبدالرحمن مدثر من الحفاظ على جلباب الروعة فى هذا الزمن الفاتر

عبدالرحمن مدثر

27-10-2009, 10:54 PM

[u]
[[color="blue"]size="6"][font="comic sans ms"][center]أخي الخرباش.. سؤال واحد ع الماش..

أحكي لي عن موقف أفرحك فبكيت...!! وأكون لك شاكر يا باش..!!

ابوحمزة حبيب الكل

حضورك يزين المكان

ويجعل من سخونة الكرسى دفئا للتوااااصل

مشكلتى ان ذاكرتى خربة لااتذكر من المواقف كثيرا

لكنى احدثك بكل الصدق عن موقف افرحنى كثيرا

وبكيت بعده اكثر باحساسى .. بواقع الاشياء المعكوسة

بداية الموقف مربوطة بزفة الى الريفيرا (2002) كانت فرحتنا

تتعدى عباءة التخرج وفرحة الخروج من قوقعة الاكاديمات الى رحاااابة

اجمل نتمناها فى دنيانا ... فرحتنا كانت اكبر من ان توصف

لكننا بعد ذلك بكينا ولحظات الفراااق تندو

وضياع الامنيات يرنو

وواقع حال اصعب

عبدالرحمن مدثر

27-10-2009, 11:47 PM

لكِ تحية معطرة من القلب ..
يا من سكنتة بجمال الحرف ..
وإبداع الكلمة وتذوق نكهة المعنى ..
سيدي الرائع : عبد الرحمن مدثر

ما اجمل ردودك سيدي

اقف حائرة هنا واكتفي ان اقرأ واسأل
واتمنى ان لا تكون استفهماتي ثقيلة عليك ..

ايهما تفضــل ان تتاخذ به قرااراات حيــاتك..سواء الشخصيه او العامه.. عقلك ..او قلبك..ولمــاذا..
..؟؟

إحساسك عندما تشعر بأن الشخص الذي أمامك لم يفهمك ..؟؟

فراشتنا ميادة

سعيد بعودتك مجددا وسؤال صعب حول جدلية اتخاذ القرار

فى ظل انعدام الخيارات المتاحة .. انا شخصيا اجتهد كثيرا فى

ان يكون العقل هو المسيطر على مجريات الامور وتسلسل المواقف

والاحداث لانه ياخذ الامر بتوازن بعيدا عن العاطفة الناطقة دوما باسم

القلب ...............

احساسى وانا اتناقش مع شخص لايفهمنى

احساسى بانى وقفت فى المكان الخطأ

لانى اقرب الناس الى البساطة وتوضيح الاشياء

مرات كتيرة بكون عدم الفهم ناتج من ضجة داخلية

تركز على رؤية واحدة ولاتقبل الاخر

اجمل قاعدة للتعامل مع الاخر ماقاله الامام الشافعى

(راى صواب يحتمل الخطأ ... وراى غيرى خطأ يحتمل الصواب)

عبدالرحمن مدثر

27-10-2009, 11:59 PM

ههههههههه تحية ود وتقدير لكل الحمير في بلادي

كيف ترى يا الحبيب شكل السودان الجديد ؟؟؟

ساعود ... حتما نعود ;):)

جلالة الغالى السامى المكانة

السودان الجديد ... بلد بمساحة قارة يغطيه الجفاف

وتموت بداخله الامنيات ..

وتحكمه الامزجة الخاصة

وتضيع الخضرة مع الخصخصة واشياء اخرى غير مفيدة الا لاناسها

ويسخر منا النيل وهو يوااصل جريانه المعهود

ونحن نبحث عن الماء بالكارو

والخوف من القادم

ومن المجهول

(ربك يستر)

عبدالرحمن مدثر

28-10-2009, 12:02 AM

الرائع ود مدثر ....
كيفنك أخوي ...
مستمتعة جداً ..
شايفاك ماخد راحتك .. شكلك كده ماحاسي بي أي سخانة ..
انا ماعندي سوال ... (ماتتبسم وتفر لي سنيناتك ) عايز تقول الحمدلله خلصت من واحد ..
لا ياخوي دا مؤقتاً لأني جيت أسلم .. وأرحب بيك ...
وتحت تحت ... جيت أشوف الجرسه ...
لكن شايفاك متشجع .. تحمد سيدك ..

دمت بود ...

قلت ليك جاية راجعه ماتتبسم

افراح

حبابك يمة

وانت تعيدين سلام التلاقى

وتنسجين من خيوط الطواقى فرحة خضراء

تسع الجميع .. وتمنع عنهم لهب المواقف

بين واقع الحال .. وضجة الشوق

انت قاعدة تمشى وين

طلاتك دايما قليلة

ادينا من احساسك المرح حبة

وتعالى باناقتك المعهودة

عبدالرحمن مدثر

28-10-2009, 12:05 AM

اخى الكبير ودمدثر
انتى عارف كل يوم بجيى بخربيش هنا
وماكتبتا اى شئ لانئ محتار وعارف مسكتك صعبة
لاكن اوعدك ان شاء الله اجيب معاى سلبة من سلب بورتسودان

حبيبنا امينو

سعيد انا بوجودك

وباحساس النيمة والنياااامة الذى يجمعنا

على المحبة ... وصدق التواصل

مااحلى الخربشة بوجودكم لانها

سيصبح لها المعنى الجميل والانيق

لانها بتاخد منكم حبة

عبدالرحمن مدثر

28-10-2009, 01:59 AM

كنا فرشنا السكة ورود لو كلمتنا كان الجية خطوة عزيزة في يوم موعود

جينا عشاااااااااانك

روعة التلاقى فى صدق الاحساس

وجمال الصحبة

واناقة الحضور

والشوق الذى لاتحده حدود

ولايعترف بطول المسافة

قدرنا هذا التدفق فى كل شارع

وكل بيت

قدرنا اننا ورغم معاناة صقيع الايام

الا انكم وبكل الحب

تمنحوننا هذا الدفء والامان

لك كل الود ياصاحب

وبكره احلى

تغريد

28-10-2009, 12:03 PM

ابو مزن

ما هو احساسك حين :_

تفقد شيئا امتلكته ويعز عليك فقده

تتوه في ردهات الحب

تنظر الي عيني مزن الغالية حفظها الله

تصدم في شخص عزيز لديك

تتعرض للخيانة من صديق

تزوق حلاوة النصر

ود الجعلي

28-10-2009, 09:23 PM

عبدالرحمن المدثر

ارى الناس من حولك
يتجمعون
في علن
وفي الصمت الاكثرون
يحبونك

انا هناك

الا تراني
بالحب اسلم عليك

وبالحب ارفق بي

ايها الانيس الشفيف الساحر

سألتقيك في يناير

انني أعشق القهوة
ومقل في الطعام
والكلام
و

لم أذق طعم النبيذ

ولا طعم الشفاة
لست تعسا" بهذا القدر

ولكني اهوى النساء والتسكع

انا رجل بلغ النضوج والهروب

وانزوى
من خارطة العدم

وساورتني شكوك في أيمان ذاك الملتحي
وشلل الفضيلة
أيا
غارقون في الهزيمة
ابحثوا عن وجوهكم في المرايا
سترون القبح ينتشر
لن توجد هنا سترة نجاة واحدة
الكل ساقط

عبد الرحمن مدثر ... سنعمل سويا" ونلتقي في يناير ((اذا الله اراد))))

بدر الدين محمد

29-10-2009, 01:40 AM

بمناسبة استاذ بدر الدين

ولظروف خاصة لم يستطع ان يذهب معنا من اجل احتفالية سباعية

الشموع .. قام رسل معاى من ينوب عنه .. خمسة لوحات سيريالية تجريدية

هى الان تسمع فى حديثى معك وانا اضعها فى المكتب امامى واناجى فيها

وارجع خالى الوفااااض:p

(دقيقة النرصهم جنب بعض واجيك :p)

اها جيتك

لوحة (1)

صقر داخل تفاصيله قضبان سجن او سياج فاصل

وصغار من الطير تحلق حوله

اظنه يريد ان يوصل فهم ثنائية الحرية .. والاقلال

او الحرية لاتاتى الا فى وجود قااائد

(ابو امامة تعااال بجاى عليك الله ماتخيلينا نتجرد ساااى:p)

لوحة (2)

رجل بين امراتين هكذا احس انا من خلال ريشة استاذ بدر الدين

واظنه يرمز لمعنى الحياة وجوطتها اذا افترضنا انه بنظرته البعيدة

وتفكيره العميقة ...يثبت لنا ان الاولى هى (الام ) والثانية هى (الزوجة )

وهنا يكون الصراع الازلى الدائر حول الاحقية بالتملك والغيرة المغلفة

اللوحة (3) و (4) تجسد واقع المعاناة فى بلادى من خلال (ست الفول والتسالى )

(وبائعة الشااى تكتوى بنيران الواقع )

اللوحة الاخيرة (غلبتنى )

لكن خلى احساسى يبرطع جواها

رجل يتفرجخ فى الارض اظنه يبيع المراكيب الجلدية فى زمن تحول الناس

الى جلود .. وعندما تريد ان تظبط اسطوانة الغاز فتاكد انك تحتاج الى جلدة

هذا الرجل بصره للارض يحسب عدد ذرات الرمل ويربطها بهمومه التى تفوقها

عددا

فى حياتنا ياصديقى نحتاج الى عملية جرد حساب مراجعة دورية

لان عمرنا ساعة ... لذلك لابد من البحث عن الدروب المؤدية للطاعات

اجتهد دائما فى نهاية يومى ان اخلد للراحة وانا لااحمل على احد

من موقف .. من سؤ فهم .. من اى حاجة

جميلة حتة تعمل نفضة لجواااااااك ... لماذا تكون حكرا على الموكيت

والمفارش الانيقة

نحن احوج الناس لذلك

والله العرض والتحليل تمام التمام..
بس تقول الفنان ابراهيم الصلحي
لكن شامي ريحة السجانة والسيراميك

يا خي ما تشتري ليك واحدة ختها في المحل ...

المكاشفى

29-10-2009, 04:46 AM

هههههههههههههههههههههههه

حبابك يافرده نضمك بالخمسات

والله دى دردقه من محمد النور المريخابى

وينك يافرده يمين بالله خوتكم خوة قصب سكر بس؟؟

مبروك عليكم رد الاعتبار

والشمعه السابعه عقبال السبعميه

وبنتلاقى كان حيين

عبدالرحمن مدثر

30-10-2009, 10:43 PM

لا اعرف من اين ابتدئ
من جينات الادب ووقفة الوليدات رافعين اباريقم
يغسلو فى ايادي الضيفان
فى صالون مفروش بالكرم
فى اطراف الهدى
وللا شقاوة الشفع
لما يشوفو حلاوة معلقة فوق عكاز
سيدو بنادي تعالو نحلي
ويرجع الملم كل الفكه
ويحسب فوقها
وللا الناس الجايه معاها
شايله الحلم الضلل عقلها
من سنوات
احسبوا سنين الجامعه
وعود
ولما انفض السامر
وفرق بينم لون الورقه
عاشوا حقيقه
كانت مره

وللا السوق اللملم
سيد العرق الصابى وكابى
وصاحب الكرسي الحارس التلجه

تقريبا دى المراحل التي سافر خلالها الرائع عبدالرحمن مدثر ولكن ما يحيرنى
هو
اين تولد الحس الادبى وسط هذه المتناقضات التي لا نحسبها تناقضات ونحن فى بلد المليون مندهش
وكيف احتفظ عبدالرحمن مدثر بجينات الهدى التي تغلبت على كل التغلبات الحياتيه التي مر بها

واخيرا جدا زي جيتى المتأخرة دى
كيف تمكن عبدالرحمن مدثر من الحفاظ على جلباب الروعة فى هذا الزمن الفاتر

استاذنا صالح فرح الجميل

ياسلام على احساسك لما نرجع تانى ونفتش فكة

وناكل حلى ونتذكر المطره .. وياريت نكون اطفال لحدى

مانصل للوحة الاحساس

والعب معاك فى الطين

والقالى تعريفة

نجريبها للدكااان

وتقولى عاوزة لباان واقول كمان نعناااااااع

ونقسم النعنااااع لكل زول فى الحى

والمطره برضو تصب

لكل زول فى الحى

للعندو بيت دورين

للساكن الاكواخ

لابتعرف الغنيااان .. ولا الشقى المسكين

من كل هذه الاحاسيس الصادقة التى امتزجت بخضرة الجزيرة

وسرحة العصرية .. وكل التفاصيل الجميلة المزروعة هناك فى كل مساحات التواجد

كانت هى اساس الفرحة وكل الابداع

وكانت ان تواصل بنفس الاحساس صعبة ياصديقى لكننى تعودت ان اهرب من ضجة

المواقف والمحطات والشوارع ... الى شوق داخلى اعطيته حق الاقامة الدائمة فكانت

له القدرة على تحويل كل الذكريات الى نبض حى .. وحنين دفاق .. وفرح غامر

واحساس اجمل ازرعه فى مساحات التواجد بنفس الخضرة التى كانت ومازالت تسكننى

اخر محطاتك يافرح صعبة وسعيد انا بمعرفتك الكنز ودواخلك الجميلة

وتعاملك العذب والاحتفاظ بجلباب الروعة فى هذا الزمان هو خيط الاحساس

الجمعى .. مااحلى الروعة فى بلادى حينما تخيط انت ثوبها البالى من جهة

وعاقب من جهة وقرجة من جهة وهكذا ...... الخ

باحساس الجميع كانت الروعة فى ابهى حلة

عبدالرحمن مدثر

30-10-2009, 11:22 PM

ابو مزن

ما هو احساسك حين :_

تفقد شيئا امتلكته ويعز عليك فقده

تتوه في ردهات الحب

تنظر الي عيني مزن الغالية حفظها الله

تصدم في شخص عزيز لديك

تتعرض للخيانة من صديق

تزوق حلاوة النصر

السلطانة مرحبا بعودتك ومن خلالك نشتاق لاناقة حضور

حبيبنا عاطف عولى الغائب عننا

نجى لحتة الاحاسيس الصعبة

- الشىء الذى فقدته موزع بين روح ومادة .. معاناتى تتجسد فى روحانية الاشياء المفقودة

والمرتبطة دوما باحساس داخلى وصادق .. اما فيما يتعلق بمادية الاشياء المفقودة فلا اهتم

بها كثيرا تزول بزوال صدمة الفقد الاولى

- اتوه فى ردهات الحب وشكل الاحساس المرتبط بهذه اللحظة (لايوصف ) ولايرى بالعين

المجردة .. انا من انصار ان يكون الحب هو عنوان التعامل والناطق الرسمى باسم الوجود

لانه قمة الاحساس بالاشياء والكلمة اكبر من ان نحصرها فى مساحة ضيقة نحدد لها

ابعاد (ثنائية ) الكلمة رحبة ومطاطية وعميقة المعااااانى

- احلى شىء فى مزن انها تذكرنى بكل شىء عنى .. طفولتى وكل الذكريات .. وفى عيونة

مزونة دنيا جميلة .. وسعادة حقيقية كنت ابحث عنها كثيرا .. اليوم اجدها وبكامل اناقتها

- احساس الخيانة مر المزاق (علقم ) ويتعاظم الالم عندما يكون من اقرب الناس اليك

بقيف هنا كتير وبحسب خطواتى القادمة وبتحاشى السقوط فى الم اخر .. لكنها الحياة

ودولابها

- احساس النصر دائما بذكرنى (بالاستاد:p) وحلاوته تتجسد فى النطيط والحركات

الهيسترية المربوطة بشكل الفرحة .. لكنى فى كل الاحوال بنطططططط:p:p

ومااجمل النطيط عندما يكون داخليا وبفرحة احساس غااامر:p

عبدالرحمن مدثر

31-10-2009, 12:33 AM

عبدالرحمن المدثر

ارى الناس من حولك
يتجمعون
في علن
وفي الصمت الاكثرون
يحبونك

انا هناك

الا تراني
بالحب اسلم عليك

وبالحب ارفق بي

ايها الانيس الشفيف الساحر

سألتقيك في يناير

انني أعشق القهوة
ومقل في الطعام
والكلام
و

لم أذق طعم النبيذ

ولا طعم الشفاة
لست تعسا" بهذا القدر

ولكني اهوى النساء والتسكع

انا رجل بلغ النضوج والهروب

وانزوى
من خارطة العدم

وساورتني شكوك في أيمان ذاك الملتحي
وشلل الفضيلة
أيا
غارقون في الهزيمة
ابحثوا عن وجوهكم في المرايا
سترون القبح ينتشر
لن توجد هنا سترة نجاة واحدة
الكل ساقط

عبد الرحمن مدثر ... سنعمل سويا" ونلتقي في يناير ((اذا الله اراد))))

ودالجعلى

دعنا نتشبث ببعض الامنيات ... وكل الحنين

ونحن نداعب خاطرك المتعب بالافكار الجميلة

والامانى العذبة تتراقص حيالنا بوطن حدادى مدادى

الابتسامة فيه على كل الشفاه

اليس من حقنا ان نصنع من فكرة لنا (سترة للنجاة )

حتى نتفادى السقوط فى بحر الظلمات

وتلاطم امواج القبح فى كل بلادى

مترف انت باحساسك الذى يرتب الدواخل

رغم ملامح الفوضى البادية عليه

ومن اجل فكرة الغد نعد العدة

ونفرح بتلك الصحبة التى تجعلنا نرتقى فى سلم

الانسانية درجات ودرجات

فى انتظارك

ياااااحنين

زى عش العصفور

معروش بالنور كلو محبة

ياالشلتا حلاة كل الحلوين

ماسبت ورااااك

زول بتحب

عبدالرحمن مدثر

31-10-2009, 12:40 AM

والله العرض والتحليل تمام التمام..
بس تقول الفنان ابراهيم الصلحي
لكن شامي ريحة السجانة والسيراميك

يا خي ما تشتري ليك واحدة ختها في المحل ...

استاذنا بدرالدين

السيراميك لديه مقاسات والوان وابعاد

وجميلة حتة تعمل (ماتشنق ) مع الاحاسيس والابواب

والستائر .. اهو كلو تجريبى

لكن يصعب علينا وصف الاحساس (التجريدى ) الذى هو اساس اللوحة

بتذكر حكاية الزول القعد ينظر فى لوحة كدا

مع العلم انها (مقلوبة ) اخد راحتو تب فى الوصف والاندياحة مع الخطوط

لحدى ماجاء سيد اللوحة وعمل ليها تعديل:p

عندها استعدل هو فى وقفته وبحث عن باب الخروج

تسلم يااستاذنا على الكلمات الطيبات

عبدالرحمن مدثر

31-10-2009, 12:44 AM

هههههههههههههههههههههههه

حبابك يافرده نضمك بالخمسات

والله دى دردقه من محمد النور المريخابى

وينك يافرده يمين بالله خوتكم خوة قصب سكر بس؟؟

مبروك عليكم رد الاعتبار

والشمعه السابعه عقبال السبعميه

وبنتلاقى كان حيين

كشة حبيب الكل

بسال عليك الليل ونجمو

ياحبيب سالت عنك كل الخرتوم:p

لقيت الحكاية تعااااادل

ومازال النزيف مستمر

كيف الخلا على حسك

غيبة طويلة

وغيبوبة احساس احمرانى

لحدى يوم تلاتين

مشتاقين لنضمك الزين

وشوتك الضفاااااااارى

فى رحلة البحث عن سفااااارى واخوانه

أبو حمزة

31-10-2009, 01:27 AM

أنا مستمتع جدَّاً .. جدَّاً .. وأباً .. وحبوبةً!!!

متابع قراءة صامتة .. ونحو .. وإعراب.. وكمان محفوظات!!

سعادتنا بك يا أبا مزن لا تحدّها حدود.. نحن نراك حتى إن غبت عننا في عيوننا موجود!!
نطبق الأجفان.. نتخيل كتاباتك.. وبعضها نحفظه دون حتى أن نقرأه.. كالرسومات.. لكل منَّا له لها تفسير..!! فأنت تجد فيها ما يروي من ظمائك .. ويجدِّد فيك روح الإندهاش..!!
فأنا الآن مندهش..!! كم منك في هذا الوطن.. صريح وفاتن الألوان.. يشارك النسمات في الهوى والزهور..!! يعرف كيف يختار وينتقي الكلمات..!

عبدالرحمن مدثر

31-10-2009, 05:13 AM

أنا مستمتع جدَّاً .. جدَّاً .. وأباً .. وحبوبةً!!!

متابع قراءة صامتة .. ونحو .. وإعراب.. وكمان محفوظات!!

سعادتنا بك يا أبا مزن لا تحدّها حدود.. نحن نراك حتى إن غبت عننا في عيوننا موجود!!
نطبق الأجفان.. نتخيل كتاباتك.. وبعضها نحفظه دون حتى أن نقرأه.. كالرسومات.. لكل منَّا له لها تفسير..!! فأنت تجد فيها ما يروي من ظمائك .. ويجدِّد فيك روح الإندهاش..!!
فأنا الآن مندهش..!! كم منك في هذا الوطن.. صريح وفاتن الألوان.. يشارك النسمات في الهوى والزهور..!! يعرف كيف يختار وينتقي الكلمات..!

منكم ناخذ الدعم

ونحلم بالمواصلة فى دروب انتم من زرعتم فى جنباتها الفرحة

وزينتوها بجمال الحضور .. وعطرتوها بعبق الرزااز

وريحة الدعااااااش .. ومواسم الامل الهااااطل والاخضر النديان

على ايقاع جميل يزينه ابوعفان (بمشواره ) الزااااااهى

هذا هو الحضور الذى نتمنى هطوله الداااااائم

والذى يزيد للمفردة بين بلاغة المعنى

وفصاحة الالفاظ سعيد انا اكثر بانى هنا وسط من نحب ونعشق

وسعيد اكثر بالفة حضورك .. وزفة حروفك الانيقة

وانا مندهش بك كذلك واراهن عليك ياساحر المعنى

وجميل التواصل

يديك العافية ياابوحمزة

ويارب كدا نشوفك وانت تتوهط وسطنا بكل هذا الابداع

وتشملنا بفرح اللقيا

فى انتظارك ومعك كل الفرحة

وجمال الذكريات بين ضياء الدين العبااسى

ومرطبات السلام ومعزوم شاى بزلابية ترد الروح

وتطيب الخاااااااطر

عبدالرحمن مدثر

31-10-2009, 05:53 AM

جنة هذه الدنيا التلاقي
و لكنّا و إن طالت خطانا فهمس الحب فينا باقي
نسافر في أمانينا و نغدو و في أحداقنا حب الرفاق
تمازجت القلوب على وداد بلا زيف خفي أو نفاق

(دى سرقتها من ودالنور المتعب:p)

لابد من تحية ندية يضوع عطرها وهى تتطلع لزغرودة كبيرة

لحبيبنا محمد النور على هذه المساحة التى اعتز بها كثيرا

وهى تمنحنى بطاقة انتماء جديدة لاسرتى الكبيرة هنا

اتمنى من كل قلبى ان اكون قد بينت كل ماهو خافى

وسلطت الضوء على كل ماهم مبهم

شكرا جزيلا يابحر

وكل الامنيات بان نفرح بيك ونغنى معاك

وهذه شهادة للتاريخ بان حبيبنا ودالنور هو شعلة النشاط فى هذا المنتدى

والنحلة التى لاتكل ولاتمل بحثنا عن شهد الكلمات وحلاوة الحروف من خلال

هذا التواصل الجميل

وبنفس الاريحية التى ابتدا المشوار بها هنا فى خضرة دواخلكم الندية

مرات كتيرة بنظلم (ودالنور ) وانا ذااااتى من الناااس:p

لمن نحس انو مثلا قاصدنا بتحويل موضوع لقسم اخر او اشياء من هذا القبيل

وهذا يدل على الامنيات العريضة فى ان نجد لنا موطىء قدم وبوست ناااصية

فى العام من اجل التفاعلية الجميلة التى كان اساسها هذا المجهود المقدر

لودالنور وجلالة ومن بعده تتالق الانوار بابوالنور

لك منى اندى التحايا

ونلتقى لنرتقى

وربنا يديم المحبة

ومن بكره نبدا البررررطعة ساااااااااى

العاقب مصباح

31-10-2009, 06:10 AM

عليك الله دقيقة بس

عندى كمية أسئلة بجيبها ليك بعدين

اليوم دا لازم نخلص حقنا منك

تغريد

31-10-2009, 08:21 AM

مع اقتراب دقات رحيلك عن الكرسي يا ابو مزن تتزاحم الافكار كثيرة فالعقل يأبي ان يودعك بصمت ويصر علي اخراج تساؤلات جالت بخاطره

الغروب واحساس الوداع

نصيحة توجهها الي اعضاء المنتدي

خاطرة تفرد اشرعتها امام أعينك الان

أجمل الاوقات في المنتدي

واكثر الاوقات بؤسا في المنتدي

نيمة العاقب بعيون عبد الرحمن مدثر

ما الذي يضايق عبد الرحمن في الحياة اليومية

اكثر شئ يجعلك تطير من الفرح

واخيرا شكرا مقدما عبد الرحمن علي اريحيتك المعهودة في هذا الكرسي والذي لعمري قربك اكثر من قلوب الكل في المنتدي وفقك الله وحفظ مزن لك ولوالدتها وادام السعادة عليكم

moh_alnour

31-10-2009, 03:24 PM

كما بدأت بالقول ( يتفق معي الكثيرون أن ضيفنا هذه المرة من الأعضاء غير العاديين )
فأختم بالقول يتفق معي الكثيرون أن عبد الرحمن مدثر كان أكثر من رائع في هذه المساحة
و أن الكرسي هذه المرة كان غير عادي و متميز جدا ً تميز الأخ عبد الرحمن مدثر ( أبو مُزن )

جنة هذه الدنيا التلاقي
و لكنّا و إن طالت خطانا فهمس الحب فينا باقي
نسافر في أمانينا و نغدو و في أحداقنا حب الرفاق
تمازجت القلوب على وداد بلا زيف خفي أو نفاق

الأخ : عبد الرحمن مدثر ( أبو مُزن )
شاكر لك تلبيتك للدعوة و حضورك المتميز فقد كنت كما العهد بك رائع في كل ردودك
بل كانت لوحات جمالية شارك في تجميلها نفر كريم من أعضاء المنتدى
و قد كانت سانحة طيبة أن تلمسنا فيها بعض من الجوانب في شخصية الأخ ( عبد الرحمن مدثر )
أتمنى أن يدوم الوصل دوما ً بين أعضاء هذا الملتقى الطيب و أمنياتي لك بالتوفيق في كافة مناحي حياتك
و ربنا يخلي ليك مُزن و كل من تحب يا أبو مُزن

عبدالرحمن مدثر

31-10-2009, 10:10 PM

عليك الله دقيقة بس

عندى كمية أسئلة بجيبها ليك بعدين

اليوم دا لازم نخلص حقنا منك

دقيقة بس

دا اغنية وفيها طبق

وفيها نبق

والباااقى تموا خياااااال

انا جيت راااجع للسلطانة دى ياااااخ

دائما بتهبش مناطق الاحساس فينا

وتشجينا:p

عبدالرحمن مدثر

21-04-2010, 11:21 PM

كانت لنا اياااااااااااااااااااااااااااااام

النويري

21-04-2010, 11:36 PM

كانت لنا اياااااااااااااااااااااااااااااام

أنت الحاضر والمستقبل وست الدار بت أحمد تكتب ليك يا الزين ود حامد ودمدثر أنت فاكهة المكان الرحب واللحن الشجيء وأنت العطر في كل الأحايين والأزمنة ود مدثر يا هامتنا ويا قامتنا المدادية ويا مليون تربيع ورباعي
لا تأسفاً على قدر الزمان لطالما رقصت على جسس الأسود كلاب ولا تحسبن برقصها تعلو على أسيادها تبقى الأسود أسود والكلاب كلاب أنت فينا كل ما شرقت شمس نترجى جيتك ذي أمس وين أنت يا عسل

moh_alnour

09-01-2011, 12:24 AM

up * up * up
دعوة لعودة الكُرسي الساخن
و من قبله إعادة ميزة إدراج الملفات الصوتية بالمنتدى العام