ممكن نتناقش شوية؟؟؟؟

[حبيبة]

ازيكم

عاوزة ادردش معاكم شوية...واشوف ارائكم...

زماااااااان قبل مااتزوج...حبوبتى رسلت لى....وادتنى وصايا...افادتنى كتير فى حياتى الزوجية

من ضمنها...(يابتى طالما راجلك برة البيت ...ماتفتحى الباب لراجل...حتى لو اخوه)

وفعلا قد كان وعملت بالوصية....

وللاسف سببت لى مشاكل....فى الاول استغربت....لكن لقيت ده حال معظم البيوت السودانية...

طيب زمان احنا ماتربينا كده...يعنى كان البيوت ليها حرمات..

مثلا غرفة النوم دى للزوجين...حتى الاطفال مابيدخلوها...

الان ممكن عادى تلاقى صديق الزوج ولااخوة قاعد معاك فى نص الاوضة...

تانى وين اداب الاستئذان...يعنى مرات تكون قاعد ..تلقى زول دخل ليك توووووووووووش

لااحم لادستور...

فى حاجة غلط حاصلة......؟؟؟؟؟؟؟

ولا اناانسانة رجعية.........؟؟؟؟؟

ولاشنو؟؟؟؟؟؟؟؟؟

ممكن نتناقش؟؟؟؟؟؟

[عــــمــــرو]

طرح جميل لقضية جداً مهمة

تسجيل حضور ومتابعة إلى أن يحين دوري

كل الود

[moh_alnour]

الدين الإسلامي دين صالح لكل زمان و مكان و هو شامل للعبادات و المعاملات و لم يترك أمر
إلا و أبان الحكمة من مشروعيته أو تحريمه أو تحليله أو كراهيته
و لكن و للأسف الشديد فنحن مجتمع كثيرا ً ما نُقدم العادات و التقاليد المُتوارثة على الشرع الحنيف
فمثلا ً أباح الشرع للمرأة المُطلقة أن تقضي فترة عدتها بمنزل الزوجية عسى و لعل أن تهدى النفوس و يتم التراجع
و لكن الشاهد أن أي أمرأة طُلقت من زوجها فأول ما تفعله هو تجهيز شنطة الملابس و حمل الأبناء إلى بيت أبيها
و الشواهد كثيرة
و بالرجوع لأصل الموضوع فالرسول صلى الله عليه وسلم قال الحمو ( أخو الزوج ) الموت
و نظم لنا ديننا الحنيف أوقات الزيارة و نهى عن الزيارة في وقت القيلولة أو بعد العشاء و أمر بطرق الأبواب و عدم الدخول بلا أستئذان
كما أمر بالتفريق بين الأخوة الذكور و الإناث في المضاجع بعد وصولهم سن محددة
فيا أختي حبيبة أنت ِ لست ِ رجعية و لكنك تعيشين في مجتمع ينطبق عليه القول وجدنا أبائنا عليها و نحن على أثارهم مهتدون

[محمد الجزولى]

[QUOTE=حبيبة;407901][center]ازيكم

عاوزة ادردش معاكم شوية...واشوف ارائكم...


فى حاجة غلط حاصلة......؟؟؟؟؟؟؟

ولا اناانسانة رجعية.........؟؟؟؟؟

ولاشنو؟؟؟؟؟؟؟؟؟

ممكن نتناقش؟؟؟؟؟؟


اكيد فى حاجه غلط ... وحاجات كثيره غلط
تسببنا فيها جميعا
وساهمنا فى انتشارها
اولاا بابتعادنا عن ديننا الحنيف
وابتعادنا عن تقاليدنا السمحه
وانفصالنا عن الجيل الذى يسبقنا
انتى لست رجعيه اخى حبيبه
فلو فكر كل واحد منا بطريقتك هذه اكيد سوف نرجع الى زمنا السمح
وعاداتنا المستمده من شريعتنا
ولاصبحنا اكثر حضارة وتمدنا
احييك اختى حبيبه على هذا الطرح الجاد

[أشرف صلاح السعيد]

الاخت حبيبة سلام..
تعرفى فتحتى باب لنقاش فكرة كذا مرة فكرة اعملها بوست لكن الكسل منعنى والحمد لله انك فتحتى السيرة..
الخصوصية..شئ يفتقده الكثيرين ولا أدرى إصرارهم على بقاء الحال على ما هو عليه !!!
المامحتاج للخصوصية هو حر مافى شك.. بس العايز يعيش خصوصيتو ذنبو شنو ؟؟لو قلت للواحد يااخى الزيارة عندها آداب يرد عليك يااخى انت مالك متخوجن ومعقد الحياة!! ولو قلت انو غرفة النوم حتى لأهل الدار فيها حرمات يقول ليك لا انتا كدا تخنتها زيادة واصلك ماسودانى..دا كلام شنو دا البتقول فيو؟..أما اذا ما ما فتحت الباب وقابلوك بعد كم يوم يشاكلوك ويثبتو ليك انك كنت موجود بدليل العربية الواقفة برا بس انت زول اصلك كعب!!
المجتمع هو سيد الموقف لا الدين ولا تعاليمه..النفافيج ام من غير ابواب نتفاخر بها كظاهرة ودليل محنة وفى ستين داهية الخصوصية والحرمة..دخول البيت توش والبت قاعدة بجلابية قصيرة ولا حتى عارية بتكون البت هى المخطئة وكمان قلة ادب منها "فى بت ناس بتلبس كدا؟"..يااخى حتى إحم قبل الدخول لتمكن المامستورة فى بيتا واكرر فى بيتا مافى عشان تنستر..باسم البساطة والمحنة والسخافة الكثيرين يدعون لاقتحام خلواتنا وخصوصياتنا استاندا على إرث أرعن وفات حد البلادة والغباء..
الدين واضح ..لاتدخلوا البيوت حتى يؤذن لكم..ولتنصرفوا ان لم يرد عليكم مش تشاكلوا وتثبتوا للزول انك كنت فى ..دا الرسول صلوات الله وسلامه عليه مرة إتأخرو عليو فى فتح الباب قام انصرف ولم يعاتب ..الرسول الرسول ..يااخى ايا كنت فى عندك عندى شنو؟..
البيت لازم يكون ليو باب وليو حرمة فما بالكم بأخص خصوصياته غرفة النوم..
طرح موفق ولعل يساعد فى تغيير كثير من العادات السخيفة والبليدة وبالدين المحنة والحنية ليس ابقى من الحرمانية..

[يوسف كيكل]

شكرا اختي الكريمه
والله مش حاجه واحده الغلط
حاجات كتييييييييييييره
تووووووووووووووشك
يخش دون اذن اومراعاة للاخر
ومايدخل كمان الافي المطبخ
ياخي اخجل ياخي
استحوياناس
دي عروض ناس
ماتقول لي دابيت جيرانا
اوبيت قريبنا

[mohd.dafalla]

اولاً اختي العزيزة احيك على الطرح القيم

يقضي الإنسان فترة راحته مع أهله وأسرته في بيته، الذي يعتبر من الاشياء الخاصة والمغلقة الا ما فتح للعامة ... وحتى اهل البيت الواحد لكل فرد خصوصياتها وجاجياته التى يجب ان لا يطلع عليه احد ...... فكيف ونحن نرمي بالحبل عن القارب الا نخاف الغرق !!!!!!!!!

ويجب ان نعلم ان الإسلام امر بالخلق الحسن ونظم علاقة الفرد بأخيه وبمن حوله وأدب اتباعه باداب عظيمة حتى يعيش المجتمع امنا ًمطمئنًا الحقوق فيه محترمة، والواجبات مؤداة على النحو الذي يصون الكرامة ، . ولكن وقعنا السوداني غير فنحن متسامحون ومخدورون بما يسمى الاسر الممتددة نسال الله ان يحفظنا واهلنا

[الاميره]

ازيكم

عاوزة ادردش معاكم شوية...واشوف ارائكم...

زماااااااان قبل مااتزوج...حبوبتى رسلت لى....وادتنى وصايا...افادتنى كتير فى حياتى الزوجية

من ضمنها...(يابتى طالما راجلك برة البيت ...ماتفتحى الباب لراجل...حتى لو اخوه)

وفعلا قد كان وعملت بالوصية....

وللاسف سببت لى مشاكل....فى الاول استغربت....لكن لقيت ده حال معظم البيوت السودانية...

طيب زمان احنا ماتربينا كده...يعنى كان البيوت ليها حرمات..

مثلا غرفة النوم دى للزوجين...حتى الاطفال مابيدخلوها...

الان ممكن عادى تلاقى صديق الزوج ولااخوة قاعد معاك فى نص الاوضة...

تانى وين اداب الاستئذان...يعنى مرات تكون قاعد ..تلقى زول دخل ليك توووووووووووش

لااحم لادستور...

فى حاجة غلط حاصلة......؟؟؟؟؟؟؟

ولا اناانسانة رجعية.........؟؟؟؟؟

ولاشنو؟؟؟؟؟؟؟؟؟

ممكن نتناقش؟؟؟؟؟؟




الاخت حنونه

الفرص الضائعه لا تستعاد ..ولا حتى فى الحياة الاسريه..نرى كثير من الامور السلبيه

فليس من حقك ان تقرر او تبدى
إشمئزاز منها فكما قلت ..عادى..كل شىء عادى اصبح عادى للعوام...واذا لم يعجبك واحببت الرجوع للحق وان ذلك سلوك غلط وغير مقبول اصبحت هناك امور لا تصحح ولا يكون امامك سوى العيش مع النتائج ..ولكن ما يعذى الفرد منا انه لم يتخذ قراره فى تلك اللحظه وما يصير ..يصير..المهم ان يتعلم الجميع ان لكل شىء حدود سواء احبوك ام كرهوك...
تفكير سليم ولابد من التغيير فى السلوكيات الباليه التى ارهقتنا طيلة دهور...ودائما الرجوع لما علمنا حبيبنا المصطفى صل الله عليه وسلم

ودمتى بخير

[حبيبة]

شكرا لمداخلاتكم ونقاشكم الثر...

عارفين المشكلة وين...انو لو قفلت باب وده هو الشئ الشرعى يقولوا عليك ماعاوز الناس...ولو

واربت الباب تلقى زول فى وشك...ومهما تصرصر وشك..وتتذمر وتظهر استيائك ولا فى فايدة...

الدين واضح وضوح الشمس فى كبد السماء...ليه مانعمل بيهو..ونحفظ روحنا ....

ليه نستبيح اعراض اخوانا وجيرانا..واهلنا...والعذر (الحالة واحدة)

طيب اللى بيدخل توووووووووش على بيوت الناس هل بيرضاها فى بيته؟؟؟؟

[محمد حسين (المميز)]

تســاهل وتســامح السودانيين

أدى الى عدم المبالاة وعدم احترام المواعيـد

والتعامل بكل تلقائيه وبساطه

يعني فعــلا عندنا حاجات غريبه

زيارات من غير مواعيد

زي ماقلتو تووووووووووش من باب الشارع

للمطبخ او لأوضة النوم

والنهايه يقول ليك

مالحاله واااااحده:mad:




تسلمي يا حبيبــــه;)

[حبيبة]

تســاهل وتســامح السودانيين



أدى الى عدم المبالاة وعدم احترام المواعيـد


والتعامل بكل تلقائيه وبساطه


يعني فعــلا عندنا حاجات غريبه


زيارات من غير مواعيد


زي ماقلتو تووووووووووش من باب الشارع


للمطبخ او لأوضة النوم


والنهايه يقول ليك


مالحاله واااااحده:mad:




تسلمي يا حبيبــــه;)




ويبقى السؤال يامحمد


الزول اللى بيعمل كده هل بيرضى تصرف زى ده فى بيتو؟؟؟

[Ehab.G]

اولا الحاجات دي مافيها لعب وراي الدين الاسلامي واضح وضروري الواحد يستاذن قبل الدخول لانو البيوت حرمات

[واحد من الناس]

المشكلة الزول لمن يسأل .... ده شنو ده ؟؟ بردوا وبقولوا : ما الحالة واحدة زي ما قال المميز

[الجزراوي]

طرح رائع وجميل اختي الفاضلة

اذكر لكم قصة شخص غير سوداني من هنا من مكة تزوج سودانية , فطبعا صاحبنا على باله النظام هو ا

[الجزراوي]

طرح رائع وجميل اختي الفاضلة

اذكر لكم قصة شخص غير سوداني من مهنا من مكة تزوج سودانية , فطبعا صاحبنا على باله النظام هو النظام الاسلامي المطبق هنا, عموماً يوم يجي البيت يشوفها مع واحد دا منو قالت دا ود خالي ويوم ثاني دا منو دا ود عمتي وهكذا , بس جا يوم غضبان جداً دا منو قالت لي دا صاحبي قال كيف؟؟؟؟؟؟؟؟ صاحبك انا كنت ابغى اقتلك على ابن خالك وابن عمك وتقولي لي صاحبي ؟ طبعاً كرش الزول من بيته وطلق البنت بسبب العادات, لم يستطع التعايش مع هذا الوضع.
وبصراحة تااااااااااااااااااااااامة انا ايضاً لايمكن ان اسمح بذلك في بيتي لا ولد عمي ولا ولد خالي ولا دا ولد الجيران والكلام الفاضي هذا.
وقضية عدم الاستئذان جداً قضية مزعجة ولا اتخيل رجل تسمح له نفسه ان يدخل على إمرأة حتى لو كانت اخته او امه او حتى بنته بدون أستئذان , قال ايش قال الحالة وحدة, انا شخصياً لا افعل هذه الافعال المشينة ابدا ولو فعلها شخص معي بالتاكيد لن تسره ردة فعلي ابدا ابدا ابداً.

وشكري وتقديري للجميع