شخلوط مخلوط شخلا مخلاي

[عباس الدسيس]

نهاية الاسبوع اصبح لنا برامج مكرر تشتغل سواق مع العائلة والاولاد وهي عبارة عن بداية العمل لمدة يومين في تلبية الطلبات كما في فترات الفراغ الإسبوعي بالاضافة للعب مع الاولاد عندي كم حركات بتاعات حاوي تدس الحاجات بي خلف يدك تقول ليهم (( شخلوط مخلوط شخلا مخلاي)) وينا تطلعا من اضانك الحركات دي باديها بي سعادة لاندهاشم كل ما اكون قاعد فاضي اقولوا لي يلا بابا نلعب سحر ......احيانا تجد مساحه زمنية لمشاهدة التلفاز ومتابعة برامج الترفيه وبعض من اخبار السياسة السودانية كنت متابع لبعض البرامج التي تتحدث عن مؤتمر جوبا الضجة وكنظره تحليله بسيطه للهيصه الحاصله بلدنا الله اكون في عونا الترابي العمل الانقلاب وله مسيرات في عرس الشهداء اول الحضور اتكلم عن الديمقراطية وحكومة السجم تقول هي ما شاركت باعتبار ده مؤتمر معارضه شوف التناقضات الحركة الشعبية شريك اول للحكومه والحركة الشعبيه تتكلم عن مشاكل دارفور وحلها اذ الحركة اعترضة سابقا اضافة نائب رئيس لاجندة اتفاقية السلام لدرافور كما ان السلام يعتبر ايقاف الحرب مع الحكومه اذ الحركة لم تحكم سيطرتها علي الجنوب والانفلات الامني اما بقية الاحزاب المشاركة وانسحاب بعض الاحزاب الجنوبية من المؤتمر مافي داعي نتكلم عنها..... قلته احلنا الحله بله دي قضية عايزه ساحر احلها ضغطته علي الريموت اشوف لي برامج ترفيهي في قناء ثانية اعشق قناة mbc4 فيها برامج ترفيهيه جميلة ومتابع لبرامج المواهب الامريكي الشهير بعد قلته القنوات السودانية قرف مؤتمر جوبا ومؤتمر وطني....... والبرنامج الخاص بالترفيه فقراته متعدده من غناء ورقيص وخلافه كانت هنالك فقره عن السحر تم تقديم ساحر في حركات وبإنبساطه وبأعلي سوطي يلا تعالوا شوفوا الحاوي ده (( الساحر)) اتلمت الاسره الكريمه وبدا عرض الساحر ....... طلع ليهو زناد ولع نار في رجلوا الظاهر عندوا ماده في البنطلون لسؤ الحظ النار إنطفت بي صعوبة كانت عايزه تحرقوا ...... طلع كوره صغيره من جيبوا عشان اعمل حركات الكوره طارت منوا وقعت في الجمهور..... ولعت اللمبة الحمراء وهي عبارة عن انهاء الفترة المسموحه للمتسابق احد الحكام وهم ثلاثة خاطب المتسابق قال ليهوا (( ياخي ضيعته زمنا دي حركات بلهاء)) بطرف عيني عاينت لي الاولاد معاي في البيت لقيت كلهم بعاينوا لي باستغراب اخذت حوالي دقيقتين بعدها اتفقعوا بالضحك انا كنت مفتكر بضحكو علي الساحر بعد شويه لقيت وشوشه ونظرات لي من الاولاد والمدام قلته ليهم بي زعله في شنو حسيت الموضوع ما ياهو قالت لي البتالصغيره ........ بابا ماما ومهتدي قالوا الساحر ده زيك...... انا قعدته اضحك بي هسترية لما هم استغربوا.... بقولوا الفنان اغني وكل يفسر علي هواه بضحك علي المعارضه والحكومه البقوا زي حالتي دي يعني انا ما لوحدي .

[درديري كباشي]

عجيييييييييييييييييييييييييييييييب يا عبس والله انت صحي ساحر

انت فتحت قناة الجزيرة مع قناة المنوعات مع قناة السودان مع قناة للاطفال في شاشة واحدة

دا ما ياهو السحر ذاااااااااااااااااااااااااااااته

[عباس الدسيس]

ابو الدر شكرا علي المرور يا حبيبنا ........... شفته الامكانيات السحريه الرهيبه دي ولا نقول زي السر قدور ما بقول لي البت السمحه البتغني ديك (( هايل)) .........عليك الله الساحر انا ولا المؤتمر الوطني

[مدنيّة]

عليك الله الساحر انا ولا المؤتمر الوطني

الاتنين يادسيس

[درديري كباشي]

ذكرتني قصة استاذ راجل نكته .. عنده خمسة بنات في الابتدائي

يوم واحدة فيهم جات وقالت ليه يابا عايزين خمسة الف انا واخواتي في المدرسة ,,,
قاليها وعاوزنهم لشنو ؟؟
قالت له جايبين لينا حاوي ..
قاليها يابتي : انا راتبي تلاتمائة الف ومعيشكم انتي وامكم واخواتك ودافع منها ايجار البيت والكهرباء والمويه .. هسع انا ما حاوي نادي اخواتك تعالوا اتفرجوا فيني ..

[عمرسنهوري]

الاتنين يادسيس




شلتيها من خشمي

[عباس الدسيس]

مدنية انتي طوالي ما بتقولي الحقيقه الف شكر لمرورك سعيدين دائما بي طلتك

[عباس الدسيس]

الحبيب سنهور سلامات ...((اسلم خشمك)) ... مع اكيد تقديري وشكري لمروركم الكريم

[أشرف صلاح السعيد]

حبيبنا الدسيس والله الحواه كترانين كترة سيبا ساااكت..قلتا ليا البت الصغيرة ناكشا حركاتك السحرية وكيف الحال مع الكبار والبطونم فاضية؟؟..
على قول اخونا ابو الدر والله سحرك عجيب وتقافزك مابين المحطات وجعلها محطة واحدة لمن فعل كبار السحرة..
يأخى شنو الحكاية أكان مابتعرفو سياسة أسألونا أنحنا السياسة دى سحرة فيها..النشرح ليك القصة..الحركة شريك فى الحكم مع المؤتمر فى الشمال والشرق والغرب والوسط "انتا ماشايف العلم فى ديل واااحد..لكن المؤتمر ليس شريك للحركة فى الجنوب أم علم براااها..وبالتالى وجهة نظر الحيكومة صاح الناس الاجتمعت فى جوبا عاصمة الجارة الجنوب معارضة والدولة الهم فيها امبريالية ماركسية صهيونية علمانية ناصرية بعثية تخطط من النيل من مقدرات ومكتسبات الشعب "اوعك تسألنى عن ياتو شعب بزعل منك جد جد "..
فهمتا ولا نعيدو تانى "ابو السياسة زاااتو شفت الفهم كيف؟..

[حاتم مرزوق]

حبيبنا عبس

انت الساحر والحكومة (الدودو) :confused:

[عباس الدسيس]

هلا ابوالشوش اخبارك .... والله لاكن كلامك منطق فعلا ابو السياسة غير كده ما عندها تحليل لك الشكر علي المرور.

الوجيه حاتم تحياتي شكرا علي المرور والطلة البهيه استلمت الرسالة بتاعت الاجتماع سوف نحاول انشاءالله الحضور