عاجل الى وزير الصحة ولاية الجزيرة

[ميزو]

قايتوا انا المسؤلين فى مدنى دى بقعوا معاى صدفة
موضوع اليوم فى مستشفى النساء والتوليد بودمدنى بتاريخ 2/10/2009 الوريدية بين الساعة 2 الى المغرب اى حوالى السابعة مساء نفس اليوم فى الغرفة 5 مشترك بعنبر حاجه عشة
القصة واحدة والده ليها يومين بتاخد فى فلاجيل درب معة حقنه جنتمايسين صباح مساء حضرت السستر بت ضعيفة وقصيرة لم اتكمن من معرفت اسمها المهم العليها الوردية تصدقوا وتأمنوا بالله بدل الجنتمايسين راحت مديها فاليوم اى منوم اى منوم عديل كده راحت المرة واسمها (م) فى نوم عميق وطفلها يبكى جيعان وهى ذاته ما اتعشت اهلها مستنين تاخذ العلاج وعشوها .
طبعا ح تقولوا لى انت عرفت كيف .
عرفت لانوا انا كنت اختى فى نفس العنبر وحصلت الكارثة ، المزكورة زوجها يعمل مهندس فى سوتل وزول فاضل طيبان شديد . لكن مسكناهوا الدرب وورينا اعمل شنو
المريضة تتيع للاخصائى عمر محمد ميرغنى
هذه الرسالة نوجها للدكتور ياسر مدير مستشفى النساء والتوليد
والاستاذ عثمان حسين الامين العام للمستشفى والى جميع اخصائى النساء والتوليد بمدنى
نفس المزكورة كسرت كرتونة ادوية وحقنه لاحدى ضريحات المستشفى
انا اذكر تلك التفاصيل ليس لقطع رزق هذه السستر بل لكى تنتبه هذه المستشفى للكوادر بداخلها

[فراس]

اخي ميزو
وكم مثل هذه راحو ضحايا وهل تعتقد بان
مازكرتهم سيفعلون شي لا والله سيفضل
الامر في حاله وستكون ارواح كثيرة عرضة
للاخطاء الطبية ولاحياة لمن تنادي ولكن
ربنا موجود وهو لايغفل ولاينام
تسلم ميزو

[mutasim]

مشكور لفتح هذا البوست
مثل هذه الاخطاء تحصل بسبب عدم وجود اليه لاعطاء الدواء ويوجد ما يسمى الحقوق السبعه لاعطاء الدواء مثال هى
اسم المريض الصحيح
اسم الدواء الصحيح
الزمن الصحيح
الجرعه الصحيحه
التسجيل الصحيح

الخ . اذا طبقت هذه الاشياء لاتحصل اخطاء ابدا لاكننا فى السودان عموما نعمل بالاجتهاد من غير نظم ادارة المستشفيات المعروفه عالميا والاداريون لم يسمعوا بهذه النظم وهذا هو سبب تدهور جودة الخدمات الطبيه بالسودان

[محمد الجزولى]

قايتوا انا المسؤلين فى مدنى دى بقعوا معاى صدفة

نفس المزكورة كسرت كرتونة ادوية وحقنه لاحدى ضريحات المستشفى
انا اذكر تلك التفاصيل ليس لقطع رزق هذه السستر بل لكى تنتبه هذه المستشفى للكوادر بداخلها

عزيزى ميزو
لك التحيه والاحترام وانت تفتح ملف الاهمال الذى استشرى وصار ديدنا فى مرافقنا الخدميه
ودعنى اختلف معك فى هذه الجزئيه فمثل هذه السستر يجب ان تفصل فورا وتحال للتحقيق حتى تكون عبره لمن بعدها لان ارواح الناس ليست لعبه للتعامل معها بكل هوان

[أشرف صلاح السعيد]

اخى ميزو سلام..
تعرف زمان بأحد السنوات أتى للوالد وحينها كان مساعد المحافظ للشئون الصحية بالجزيرة وكانت تشمل حينها الجزيرة ،النيل الأزرق والنيل الأبيض ساعى بسيط للوالد بالبيت وإشتكى طبيب خصم منه تلاتا ايام عشان مرة الطبيب من أمام الساعى دون ان ينتبه الاخير للطبيب ولم يقف له..الوالد ألقى الخصم ولما إحتج الطبيب قال له " الساعى ماطالب عندك يقوم لما تجى مارى بيو..هو بيعمل كدا زيادة لاحترامك لا غير وليس هناك لوائح تلزمهو للوقوف لك"..فما كان من الطبيب الا أن قدم إستقالته بكل عنجهية وقد قبلها الوالد فورا ..وكان تبريره مهنة الطب أساسا مبنية على الرحمة لا العنجهية ومن لم يرحم من يعيش معه كيف له رحمة الغرباء عنه..
السيستر أقل مايمكن إتخاذه ضدها الفصل الفورى..بكل المجالات الخطأ موجود ولكن خطأ المهن الطبية عادة قاتل ولا يمكن إصلاحه وإزهاق روح شخص واحد كزهق أرواح كل الخلق كما جاء بالقرآن الكريم..
لك التحية لعرض الموضوع وربنا يهدى الجميع لسواء السبيل..

[محمد حسين (المميز)]

هـــــــذه من تـلك

هذه حلقه من مسلسل مكسيكي باااااااااااايخ وطويل

كل يوم خطأ جديد وبشكل جديد

اهمال واستهتار بالارواح

وساخه وقذاره هي عنوان المستشفى

وفيات بالكوم يوميا والناس تقول قضـــاء وقدر

وهي كلها تعتبر بفعل فاعل

ممرضين في غرفة العمليات شكلهم يخوف

من لبسهم والله يشهد الله الواحد كأنه في الجزاره

لابس البالطو كله دم:mad:

ربنا يكون في العــون




اللهم ارحم موتانا وموتى المسلمين جميعـــا
من من ماتو بمستشفى ودمدني مع سبق الاصرار

[أبوريلان]

إحتراماتي أخي ميزو

ياخي وقفت قلبي
يعني المرة حية ترزق بس نامت وما إتعشت وما رضعت ولدها ؟
الحمدلله أنها مازالت حية ترزق وفي مستشفي مدني !!!!
ياخي المستشفي ده الواحدة لما تحمل بتشيل هم
هل تلحق تري طفلها أم لا ؟
والطفل القادم بنفس أحلام أمه هل يري أمه أم يعيش يتيم أمه .
دي حاجة بسيطة وبتحصل في اليوم عشرين مرة
وبمدني توجد مقابر خاصة لأخطاء أطباء النساء والولادة
مع الآسف الشديد لن تجد أذن صاغية لسماع نداءك .

[ميزو]

احب ان اطمنكم المراة شديد وبحالة جيده . لقد ذهبت اليوم مخصوص لكى اطمئن على حالتها
بمناسبة السستر اسمها سماح

[hadi salih]

سامحك الله ياسماح واخوات واخوان سماح
وسمح البوست ياميزو والله يكون فى العون

[mutasim]

ماكان فى داعى لزكر اسم الممرضه لان الموضوع مجرد اتهام لم يثبت عليها

[وليد عمر سعيد]

لا حوله ولا قوة الا بالله ...


N O coment .....!!

[محمد حسين (المميز)]

احب ان اطمنكم المراة شديد وبحالة جيده . لقد ذهبت اليوم مخصوص لكى اطمئن على حالتها
بمناسبة السستر اسمها سماح


:rolleyes::rolleyes::rolleyes:

غايتو ياشقي جبتها بضبانتها:D

[حاتم مرزوق]

احسن داية الحبل من مستشفي الولادة بتاع مدني.

يا ميزو لو لقيت فرصة امشي شوف لينا الأحصاء بتاع مستشفي مدني وعدد الموتي في اليوم بلغ كم ؟ دا لو كان في احصاء !!

اصلو المستشفي دا زي الزريبة !!! الحمير ولا مؤاخذة والقطط و التيوس والضببة وكل انواع الحيوانات تعايش المرضي والأحسن يعملو المستشفي دا حديقة حيوانات لأنو لا يرقي لكلمة مستشفي.