النمله الشفوقه [الأرشيف] - منتديات ودمدني

ضياء الدين احمد

27-11-2004, 05:51 PM

النمله الشفوقه واندرو والاسد وكلب عبد الجليل
كل هذا الزخم لايمكن ان يسقط من ذاكرتنا الصدئة ابداً !!!!!!

ابراهيم

02-04-2005, 09:16 PM

يا سلاااااااااااااام يا ضياء الدين

طبعاً انا البوست دا اول مرة يلاقيني

رغم انهم سطرين بسيطات لكن لهم ما احلاهم

واضف الي ذلك الزرقاء ... والغراب النبيه بتاع سنة تالتة

يا لك من بارع يا ضياء الدين رجعت بينا للزمان الجميل

كيف بس تسقط من الذاكرة وهي تكوين أولى وبنيات اساسية

بداية الرحلة وذكريات أحلى ايام

لك التحية والتقدير

ويا ريت الناس تتذكر عبر هذا البوست وتذكرنا ماذا هناك

ماذا تبقى من ذاك الزمان في الذاكرة؟

خالد هاشم علي

03-04-2005, 01:10 AM

الغالي ضياء.....
حاجات كتيرة ليها معني في حياتنا وأندثرت لكنها حية في عقولنا وخصوصاً دروس المطالعة التي كنا نأخذ منها العبر والأناشيد التي كانت تحفظ باللحن في نفس الحصة لانها كانت مستساغة وتنمي فيك موهبة الحفظ والتلحين.
لكن تعال شوف هسة....
مقرر جامد ممل ولو حاولت تساعد واحد وتشرح ليهو من المقرر الجديد تلقي نفسك مافاهم حاجة عشان تشرحها...

فييين ايام رفاعة الطهطاوي وعلي أمين وزكي جمعة ( ميين زكي جمعة ده)....

ودمت...

rasheed

04-04-2005, 04:11 AM

ولبس هاشم ثيابه المزركشة ،، برز الثعلب يوماً في ثياب الواعظينا ،، قال سوف أصفر بها عندما تنوم يا أبي ،، أصواته تقول خطفها خطفها خطفها ، وهو يقول غداً سأعمل من هنا إلى هناك وأشار بلحيته ،، ياالله ياالله يا الله هجم النمر هجم النمر ،، والله يا ضيا ء زي ما قال إبراهيم سطرين لكن سطرين بثلاثين سنة وزد عليهم إن شئت أو أنقص ،، لك التحية يا مرهف يا فنان

ابراهيم

04-04-2005, 08:58 PM

أتذكرون....

*دجاجي يلقط الحب
ويجري وهو فرحان

*حسن والصفارة

* وقصة الديك الثعلب

وبمناسبة قصة الديك والثعلب دي في نكتة

قالو الثعلب لقى الديك في الشجرة وماسك ليهو قطعة جاتوه

الثعلب قال للديك : أيها الديك هلا اسمعني من صوتك الجميل

الديك قال ليهو بلاااااااااااااااي انت قايلني ديك سنة تالتة؟ (ديك تفتيحة)

بابكر

05-04-2005, 06:53 AM

والله يا ضياء لقد لمست وترا حساسا واعدت الذاكره الى ايام كانت من اجمل واروع الايام فى حياتنا (( دجاجى يلقط الحب ويجرى وهو فرحان كأن عيونه خرز له فى الشمس الوان))
ولى قطة صغيره سميتها سميره اتذكرونها؟؟؟؟؟ ام انا عجوز شويه وانها فعلا ايام لها عبق ووقع خاص 000000000 طبعا الحناكيش حيستغربوا من الكلام ده لانهم لايعرفونه وده طبعا كلام عجايز تفتيحه مش؟؟؟؟؟

نيازى كشك

05-04-2005, 10:34 AM

استازى ضياء الدين
عندما تلمس شيئا من الماضى
تنهمر امطار الزكرى لتروى حاضرى
من عبقها الفريد

وهناك فى القولد التقيت بالصديق
ومنقو زمبيرى فى يامبيوة

واندرو مازلت ازكر شكل شبطة الزى كان يلبسة
زرقاء اليمامة

وانظر اخى للنهر فية المياة تجرى

عزيز عيسى

06-04-2005, 11:16 AM

الظاهر عليكم كلكم عجايز

بعدين ما تنسوا حصة الجغرافيا.. لما الاستاذ يجي ويقول للتلاميذ امشوا البيت وجهزوا شنطكم انحنا بكره حنزور واحد من اصدقاءنا:

احمد في مصر
آفو في الصين
سانشو في الارجنتي
غرينتش في هولندا

يلا اذكروا اسماء اصدقاءنا الباقين وخلونا نتذكر..

وبعدين ما تنسوا حصة العربي:

الولد والجمل:
الولد لمس الجمل

الولد والاسد:
الولد لمس الاسد

وزي ما قال واحد اخينا.. الولد لمس الجمل جائز.. لكن الولد لمس الاسد.. الله اعلم!!

ويا سلام عليك يا ضياء يا أصيل،

عزيز

ضياء الدين احمد

06-04-2005, 09:21 PM

اولا الشكر للجميع ازجيه والحقيقه انا اتفاجأت للبوست ده لانو انا كاتبو قبل شهور طويله وعلي العموم هي فرصه لانعاش الذاكره والرجوع الي الزمان الدسم ولكم حبي

أبوريلان

06-04-2005, 10:55 PM

الأخ ضياء الدين

تشكرااااااااااااااااااااااات

دى ذكريات لها لإيقاع .

الجندي المجهول

22-08-2010, 01:22 AM

سهام والهام

شرف والاسد

بدر وامل

وعثمان التاجر الطماع ،،،،

تسلم يا ضياء الدين ،،،

ابو الامجاد

22-08-2010, 11:28 AM

قال انشتاين مرة
الثقافة هي كل ما يبقي بعد أن تنسي ما تعلمته في المدرسة

ضياء الدين احمد

14-09-2010, 03:06 PM

مشكووووووووووووووووووووووووور ياجندي وياحليل ايام مدرسة الدرجه

ضياء الدين احمد

14-09-2010, 03:07 PM

والتحيه ليك ابو امجاد

esmat

14-09-2010, 09:29 PM

ان الكريم لك الربيع تحبه للحسن فيه
وتهش عند لقاءه فيغيب عنك فتشتيه
لا يرتضي ابداً لصابحبه الذي لا يرتضيه

-----
قد كان عندي طائر في قفص من خشبي
جميل شكل الريشه حلو طويل الذانبِ
ولم اكن امنعه من مأكلاً او مشربِ
ففر عندي ومضى بدون ادني سببِ
وقال لي وقال لي حريتي لا تشترى بالذهبِ
----
ومعاها دق على الكنب

---
على فكرة اخ ضاء اندرو والاسد
ما كانت في نفس كتاب المطالعة
كانت كتاب تاني او اضافي لي الكتاب العام
اها صاح ولا الذاكرة بدت تنجرف مع ناس سنة تامنة وكدا

أحمد عمر ( MOODY )

15-09-2010, 02:02 AM

esmat

15-09-2010, 09:14 PM

عصمت يا حبيبنا كل عام وأنت والأسرة الكريمة بألف خير
فقدناك .. أيامات العيد
شكلك كده رقّوك ... و إتعلمت الخبيز

تخريمة : إنت القصيدة دي كتبتها بالتلحين ولّلا شنو ..؟

ياحبيبنا ابو حميد
كل سنة وربنا احقق امانيك
انت قايل غير التلحين دا بنحفظ
يازول الغسيل خليناه بقينا ننشف بس

الجندي المجهول

15-09-2010, 09:23 PM

نحن اقسمنا بحق الشعب ان نحمي الديار

ولو في زول حافظ يدينا باقي النشيد بالله عليكم ( نشيد سنة سادسة )
تخريمة : انتو احلى ناس

أحمد عمر ( MOODY )

15-09-2010, 09:33 PM

نحن اقسمنا بحق الشعب ان نحمي الديار

ولو في زول حافظ يدينا باقي النشيد بالله عليكم ( نشيد سنة سادسة )
تخريمة : انتو احلى ناس

حبيبنا الجندي .. كُلّ عام أنت والأسرة الكريمة بألف خير
أعاده الله عليك كما تحب و تتمنى

أمانة يا الجندي .. كان في زول حافظ النشيد ده .. كان ده حال الديار
لحن الختام : إنتهى عيد الفطر .. راجين عيدك

الجندي المجهول

15-09-2010, 09:36 PM

حبيبنا الجندي .. كُلّ عام أنت والأسرة الكريمة بألف خير
أعاده الله عليك كما تحب و تتمنى

أمانة يا الجندي .. كان في زول حافظ النشيد ده .. كان ده حال الديار
لحن الختام : إنتهى عيد الفطر .. راجين عيدك

الباشمهندس (الجميل) صباحك خير ،،،،
كل سنة وانت طيب والسنة الجاية اسال الله ان تتحق كل امانيك واحلامك

ياخ ما تشوف النشيد دا وين وحاول افتح عمك ( قوقل)

أحمد عمر ( MOODY )

15-09-2010, 09:42 PM

الباشمهندس (الجميل) صباحك خير ،،،،
كل سنة وانت طيب والسنة الجاية اسال الله ان تتحق كل امانيك واحلامك

ياخ ما تشوف النشيد دا وين وحاول افتح عمك ( قوقل)

حاولت والله ... لكن ما في نتائج
شكلو كده الشاعر ذاتو نسى الموضوع
غايتو بتجيني طشاش .. طشاش

مجدى سنجر

15-09-2010, 11:22 PM

في القولد إلتقيت بالصديق
أنعم به من فاضل صديق
وكم اكلت معه الكابيدي
وكم سمعت أورو ألودا

فارقته والقرشي مضيفي
وكان ذاك في أوانى الصيف
وجدته يسقي جموع الابل
من ماء بئر جره بالعجل

ومن هناك قمت للجفيل
ذات الهشاب النضر الجميل

ضياء الدين احمد

16-09-2010, 03:21 PM

انا غايتو كان مارجتكم لي سنة اولى ماتدوني يدكم

أحمد عمر ( MOODY )

17-09-2010, 08:17 PM

انا غايتو كان مارجتكم لي سنة اولى ماتدوني يدكم

آي ياخ .. عشان نخلّي المدرسة دي نشوف مستقبلنا

حبيبنا ضياء الدين كل عام و أنت بألف خير

الجندي المجهول

18-09-2010, 01:05 AM

انا غايتو كان مارجتكم لي سنة اولى ماتدوني يدكم

لو بتقدر رجعنا عليك الله ،،،

تلاقينا نحنا يانا نحنا

يا سلام ارجع سنة اولى ابتدائي من جديد يعني ارجع مدرسة الدرجة وارجع
استاذ عماد واستاذ اسماعيل ابو عاقلة وست ميرغنية ونعمات وجليلة وسكينة وعفاف ( وثريا حامد )واستاذ عبد العزيز وعلي كبوش والسر والمدير فيصل امين صديق وارجع للزملاء
راشد محمد احمد سر الختم ، وفيصل اناقة ، وحاتم مليجي (بتاع الايقاع) واسمة الزبير شاني وخالد عليد الفتاح ولؤي بابكر صديق وخالد عبد المحسن ومحمد الطيب على عبد الرحمن ونادر بابكر اللمين ضو البيت وعلى الضو على وربيع توفيق وابو القاسم محمد عثمان والنور وصديق والزميلات ( سهام احمد عباس وسارة منصور ونهلة النور واميمة حسن ) يا سلام انا مبسوط ان هذه الاسماء لا زلات موجودة (حتى الجد ) الاسماء ثلاثية

ياسلام
سهام والهام في القطار ..... وموقف طريف للغاية

معنا الاخت والزميلة سهام في الفصل قلت ليها ( سهام الفي كتاب دي انت) مشت اشتكتني لاستاذ علي كبوش ( غايتو كانوا شكايات جنس شكية) وطوالي جايبين لينا الهواء ..... زمن جميل وناس اجمل واحلى من كدا يا ضياء مافي ( ركبنا معاك في آلة الزمن) وارجع بينا (كتابي الأول)

خالد الماحي

19-09-2010, 06:50 AM

غايتو نحن ناس وجدنا الكنز وجدنا الكنز

الجندي المجهول

19-09-2010, 08:40 PM

غايتو نحن ناس وجدنا الكنز وجدنا الكنز

الحبيب ،،، صباح الخير

اها ولقيتو وين الكنز ( ورينا)

خالد الماحي

20-09-2010, 01:15 AM

الحبيب ،،، صباح الخير

اها ولقيتو وين الكنز ( ورينا)

معرفة الرجال دي براها بيكنوز الارض ولا شنو ؟
اما الكنز بتاع الابتدائي ده عندو قصة طويله بحكيها ليكم بس شيل الصبر

الجندي المجهول

20-09-2010, 01:20 AM

معرفة الرجال دي براها بيكنوز الارض ولا شنو ؟
اما الكنز بتاع الابتدائي ده عندو قصة طويله بحكيها ليكم بس شيل الصبر

اها شلنا الصبر ومنتظرين يا الحبيب

تخريمة : ليفربول لحق الصح

خالد الماحي

23-09-2010, 10:57 AM

طبعايا احمد عمر بقولوا الحنين للماضي معناهو عدم رضا عن الواقع الظاهر المنتدى كلو حالتو صعبه وكل سنة وانت بألف خير (دي طبعا من ضياءالدين )