خروف كامل لمحمد السني دفع الله

[درديري كباشي]

قررت انا اليوم اذبح خروف سمين ومربرب اكراما لزيارة ضيف عزيز في احد مواضيعي الاستاذ محمد السني دفع الله بمشاركته الاتية بكل تواضع واعلقه هنا في عراضة المنتدى العام .. رديت انا على رده في الموضوع ولكن وجدت ردي قليل في حقه مهما كان طويلا هو سيكون جزء من موضوع ولكن هنا وفي بوست خاص يمكن اكون عبرت عن نفسي واوفيت بجزء من دين شعرت به ( كفانا ديون يا شيخ السني )وشوفوا العظمة :

في موضوعي محطة الحجر قال السني دفع الله :

يعني الواحد من اهل الحي
نناديهو
حجروو
لكم فرحتنا بيك شديدة
الكتابة الساخرة
نادرة هذه الايام لكن بيك
تفرح الدواخل
متابعين
باهتمام
ولك المودة
والمحبة
والخروف ما عايز اي مشرف يساعدني في تثبيته بثبته براي بضراعي دا ومستعد اخليه مثبت شهر في الصفحة الاولى ... لاني بصراحة انا من زمان ماليني الكلام باستاذ السني ورعيله من عمالقة البسمه في بلادي فرقة الاصدقاء ..
تعرف يا استاذ السني انا من زمان نفسي اتواضع زيك كدا بس ما لاقي حاجة اتواضع بيها ..
ممكن تسلفني عظمتك بس اتواضع بيها اسبوع واحد وارجعها ليك .. صدقني ما تخاف برجعها ليك بيضاء مكوية ابيض من جلابية حمادة الخايفين عليه من العين ..
وانا من زمان بيني وبين نفسي اديت ودمدني عين قلت ود مدني ما بتنجب مبدعين بالساهل لكن اليخرج منها يكون الاول على مائة من اقرانه .. بدءا من الكاشف و محمد الامين وابراهيم خان وقرن شطة والفاضل سانتو ( مع انه انا هلالابي) وحموري والفاتح حسين وعثمان النو وعصام محمد النور ............ ومحمد السني دفع الله ..
نصيحتك المغلفة بظرافتك وصلتني وقد لا يكون لاحظ لها احد ..صحيح انا بجد نفسي في الكتابة الساخرة .. ولكن نحن السودانين تتخللنا السياسة مثل ابو الشهيق (الفاق) فلا تملك لها ردا ولا دواءا .. وبمناسبة ابو الشهيق احكي لك طرفة واقعية ..
عندي اصدقائي عرسان جدد والعروس حامل بحثوا لهما عن خدامة وعثروا عليها بعد عدة مجابدات .. وفي يوم ما الخدامة مسكها ابو الشهيق (الفاق) واصبحت داخلة وخارجة وسطهم وفي كل مرة يصدر منها صوت الفاق المعروف ( هيق ....... هيق .........هيق) .قام صاحبنا اخترع على زوجته انه تخلعها ..( في وهم عند اهلنا انه الشخص عندما يخلع او يفاجا سيزول عنه الشهيق ) تقوم العروس تدخل على الخدامة محاولة خلعها بطريقة غير موفقة على الاطلاق تقول لها ( انت يا اببا قعد تسرقي السكر توديه بيتكم ليييه ؟؟) والخدامة تدخل في نوبة بكاء وتشنج غير متوقع ( ان جعانة انا اسرق السكر) واصحابنا المساكين قدر ما حاولوا يقنعوها انه دي محاولة لعلاجها من الفاق لم تفهم وجمعت ملابسها واتخارجت .. ولقيت صاحبنا يتبرم ويقوول لي شفت السكر مستواه هبط كيف زمان كان بيطير الحكومات هسع بقى يا دوب يطير الخدامات ..
وانا كدا يا دوب علقت الخروف في عراضة المنتدى وبرجع اسلخه .

[درديري كباشي]

اخوي السني : اقصد عمي

تعرف انا اعاني من المقدرة على التخصص .. مش قادر اتخذ استايل واحد او اسلوب ثابت او الكتابة في مجال معين .. لكن عزاي في ان الكتابة هي بوح واندياح كما يقول المثقفاتية .. بوح عارفها لكن اندياح دي والله ما عارف معناها شنو .. بس لذيدة ونطقها يملا الخشم .. وواحدة من كلام المثقفاتية زمن عندما يريدوا ان يتفلسفوا علينا ويسطحوا بينا ..يقول الواحد: انه في الحتة دي عندما ينداح الواحد وتكون عنده رؤية شاملة للافق يظل يبحث عن ازدواجية المعايير حتى يوازن بين الداخل والخارج ) فهمتوا حاجة ولا اعتقد انه هو فاهم شئ من كلامه ..لكن كانت الندوات واللقاءات مليئة بهذا النوع من الحديث ..
وكنت اريد ان اقول انا هبشت واحاولت اطرق ابواب عدة في الادب كالخاطرة والقصة والمسرحية والمقالات .. والشئ الوحيد الذي لم اتعرض له هو الشعر .. مره واحدة حاولت اجاري صديقنا وزميلنا بالمنتدى المهندس اشرف السعيد وجاريته في بوست جر النم في المنتدى الثقافي .. اربعة بيوت بس نفسي انقطع .. وهو ماشاء الله عليه يرفع طوبة يطلع شعر يشرب موية يطلع شعر .. وانا بيوتي الاربعة لو قالو لي اضربهم جير ما كان تعبت كدا ..
وبمناسبة عدم التخصص والشبير في كل شئ كان عندنا رجل كبير في السن .. الوالد والوالده يثقوا فيه وهو لاتدري له اي مهنة محددة فهو النقاش وهو البناي وهو النجار والحداد وعندنا نخل في البيت يتولى تنظيفه وتلقيحه .. لكن كما قيل على الاتحاد السوفيتي في السابق جاك المريض الذي يصنع كل شئ ولا يتقن صناعة شئ ..
وعم حسن من اصول ارترية .. كل شئ خربان في البيت ينادوه هو جاهز لاصلاحه ...عم حسن تعال صلح باب الدولاب دا ..(حادر) يروح وياتي بعدة النجارة .. عم حسن اضرب المطبخ جير يذهب وياتي في صورة نقاش ... والوالد رحمه كان لا يرفض له طلبا .. مثلا يمشي له في السوق ويقول له انه حوض المغسله يسرب موية هو راح يكسره ويبني حوض جديد .. نفاجا بانه جاء من السوق يحمل الاسمنت والطوب ويبدا في التكسير .. الشئ الوحيد الذي لم يقربه عم حسن هو الكهرباء . وانا حاضر السبب ..كان مره يجير في الحمامات وفي سلك عاري وهو بكل بساطه حاول ان يبعده بيده عن طريق فرشة الجير ليخبط ارضا ويجيني جاريا وهو ينفض في يديه ( جرجيري جرجيري الحقني كرهبا كرهبا كرهبا) ومنها لا يلمس الكهرباء ولا يدعي عليها المعرفة .

[العاقب مصباح]

ياخى انت وفى شديد

علمتنا طرق جديدة للوفاء

شكرا للدرة محمد السنى دفع الله

ونقول ليهو حمد الله على السلامة

ومنور من جديد

وليك يا راقى ومبدع

[وجدى محمد خميس]

اخى درديرى انت مبدع لك التحيه والاخ السنى العظيم
فهو يفاجنا دائما باالجديد........ماتنسى المفراكه عشان النفخ

[درديري كباشي]

سلام يا وجدي ويا عقبة مرحب بيكم وبمساعدتكم في سلخ وتقطيع الخروف ..

يا عقبة انت ممكن تمسك من هنا من الرجل .. كنا عاوزين نعلق الخروف في النيمة .. لكن نيمتكم ماشاء الله مليانة ومافي فرصة لتعليق الخروف.... يا وجدي انت شيل الكرشة وفضيها في الخور هناك ورا الارشيف مايشوفوك ناس محمد نور وابو النور بتاعين البلدية ديل ..

انا حاسي باني مدين لاستاذ السني واصدقائه في انهم شكلوا وجداننا بنوع من الكوميديا كانت جديدة ومفاجئة لنا في السودان منذ بداياتهم .. فهم ناس درسوا التمثيل ودعموه بهواياتهم فخرجت لنا كوميديا نقية صافية بعيدة عن الهبل والتكلف وبالتالي ادخلونا هم في عصر الكوميديا العالمية اي بما يعرف بكوميديا المواقف .. والتي ثبتت جدواها بعد ظهور ما عرف بالكاميرا الخفية .. والتي اثبتت ان التلقائية والعفوية والواقعية اكثر اضحاكا واجمل من التكلف والتمثيل .. كأن يمثل رجل دور امراه ويسئ ويسخر على جميع جنس النساء .
قد يكون الوقفة الطويلة والطلات النادره جعلت كثير من الناس غير حاسين بهذا الدور .

وانا اضيف انه انا اتمتع بذاكرة لئيمة ممكن اتذكر موقف حدث في الابتدائي قبل اكثر من عشرين عاما وتابى ان ذاكرتي تتذكر شخص قابلني قبل اسبوع .. وبالتالي تذكرني بموقف مضحك من كوميديا الاصدقاء في مكان الضحك فيه ممنوع بيت عزاء مثلا.يعني مثلا اذكر مشهد للاستاذ مصطفى الخليفة كان يلبس جلابية ومشمر الاكمام حتى الكتف ويحمل قفة فيها قارورة زيت وجردل وبستله ..ويقف في اي صف يجده .. لانه كانت هناك عدة ازمات تموينية .. ازمة في الزيت وازمة في السكر والدقيق ؟؟ ويقف في الصف حتى يصل الشباك ويبدا يسال 0 انتو هنا عندكم سكر ؟؟؟ رافعا الجردل .. الرد لا ..... زيت ؟؟؟ لا... دقيق؟؟؟ لا .. طيب انتو بتاعين شنو .. ليجد الاجابة تاتي متزامنة مع حقنة في كتفه العاري نحن ناس التطعيم ضد الكولرا .. وهو يصرخ ... تذكرت هذا الموقف ونحن في مجلس جادي جدا يناقش احداث العصر او خلونا نسميها امراض العصر من انفلوزا الخنازير والازمة العالمية .. شنو يا درديري هسع في شئ يضحك في الكلام دا ؟؟؟ ابدا اتذكرت موقف ... معناها انت ما معانتا وسارح ....

[tigani18]

صدقني ياابو الدر ,,,
أكان سبقتنا في الكتابة ,,,
وإحترافك في ترويض الكلمات,,,
ماك أكرم مننا,,,
وده خروف تاني,,
للرجل الأنيق,,, ود السني ,,,
والدعوة عامة هنا ,,
لجميع الاعضاء وخاسة,,
ناس النفاج والنيمة ,,,

<IMG style="WIDTH: 400px; ; WIDTH: expression(this.width > 450 ? 400 : true)" alt="اضغط على الصورة لرؤيتها بالحجم الطبيعي" src="http://dc05.arabsh.com/i/00224/pacs9a6v6whb.jpg" border=0> (http://dc05.arabsh.com/i/00224/pacs9a6v6whb.jpg)

[ابوخالد]

صدقني ياابو الدر ,,,
أكان سبقتنا في الكتابة ,,,
وإحترافك في ترويض الكلمات,,,
ماك أكرم مننا,,,
وده خروف تاني,,
للرجل الأنيق,,, ود السني ,,,
والدعوة عامة هنا ,,
لجميع الاعضاء وخاسة,,
ناس النفاج والنيمة ,,,

<img style="width: 400px; ; width: Expression(this.width > 450 ? 400 : True)" alt="اضغط على الصورة لرؤيتها بالحجم الطبيعي" src="http://dc05.arabsh.com/i/00224/pacs9a6v6whb.jpg" border=0> (http://dc05.arabsh.com/i/00224/pacs9a6v6whb.jpg)



والإستراحة جاهززززززززززززززززززززززززززززززززززة ...

والمدعويين ما تشيلو همهم ....

وأولهم الرائع محمد السنى ...

وأخونا وجدى محمد خميس ...

والنويرى وزاهر ... جاهزييييييييييييييين ...

قشة ماتعتر ليهم ...

***********

التحية لك أيها الدرديرى ... صاحب

الوفاء العظيم ...


الأصالة مرت من هنا

[محمد هاشم]

الخروفين ديل دايرن تملحونا فيهم أنا غايتو بدون دعو ة بجي أصلو عشا الفنانين ده ما بيتفوت

[درديري كباشي]

صدقني ياابو الدر ,,,
أكان سبقتنا في الكتابة ,,,
وإحترافك في ترويض الكلمات,,,
ماك أكرم مننا,,,
وده خروف تاني,,
للرجل الأنيق,,, ود السني ,,,
والدعوة عامة هنا ,,
لجميع الاعضاء وخاسة,,
ناس النفاج والنيمة ,,,

<img style="width: 400px; ; width: Expression(this.width > 450 ? 400 : True)" alt="اضغط على الصورة لرؤيتها بالحجم الطبيعي" src="http://dc05.arabsh.com/i/00224/pacs9a6v6whb.jpg" border=0> (http://dc05.arabsh.com/i/00224/pacs9a6v6whb.jpg)

كفو يا تجاني تب ما بتقصر .. مانحن ضيفنا كمان مفروض يكرم من زمااااااااان ... لكن معليش نحن في زمن العين بصيرة ( رقم قصر النظر) والايد طويله وما لاحقة ..

[درديري كباشي]

والإستراحة جاهززززززززززززززززززززززززززززززززززة ...

والمدعويين ما تشيلو همهم ....

وأولهم الرائع محمد السنى ...

وأخونا وجدى محمد خميس ...

والنويرى وزاهر ... جاهزييييييييييييييين ...

قشة ماتعتر ليهم ...

***********

التحية لك أيها الدرديرى ... صاحب

الوفاء العظيم ...


الأصالة مرت من هنا


سلام عليك تعرف يا باشمهندس كل مرة تعطيني احساس بانطباق المثل الذي يقول الرجل المناسب في المكان الغير مناسب ... انت مكانك هنااااااك لو الناس بتفهم اقلاها منصب تنفيذي قي ولاية الجزيرة ... لانك لك قدرات تحس بانها مدعومة من السماء في تحويل الحلم الى حقيقة .. وتكريم السني ما بعيد تحوله لنا من حلم الى واقع

[محمد السني دفع الله]

كده قوم كده
او
قوم لف ..
نحن خروفك ضمناه
لكن ابوخالد شنو الكفو وما قصر
قصر وقصر
كده عاين الخروف الجابو مش خروف
تيجاني 18
لمن تحلو مشكلة الخروف التالت
بجيكم بالمهلة ومعاي الضباح
لانو انا البهمني
الجلد
ــــــــــــــــــــــــــــ
* اكبر سوق للجلود كان في مدني

[النويري]

يا أستاذنا محمد السني الكلام القالو أخونا الدرديري دا كله صاح وإنشاء الله أخونا يوسف صالح حا يحول الحلم دا حقيقة وبكرة بذكرك لمن أشوفك أما بخصوص الجلد فدا عندو ناسوا وهو من نصيب الضباح يعنى خلي ضباحك معاك لأنو السكاكين هنا قاعده على الهبشة وغير خروف التيجاني 18 أنا مني خروف نعيمي وبرضو الضباح من عندنا

[محمد السني دفع الله]

هوووي يالنويري
خروف نعيمي
كيف ؟؟؟
يعني بتاكل بي
نــعــيــمــيـة
ولا كيف يعني
؟؟

[أبو جودي]

الأخوان الأعزاء ،،، أبو خالد ،،، تجاني 18 ،،، النويري ،،، لكم التحية والله ما بتقصروا لكن تعالوا هنا ،،،، أنتوا قايلين ود السني ده هين ،،، بجيكم كدي بي خروف ،،، ود السني ده ما حقنا أنحنا وكرمه واجب علينا ،،، وود السني لك التحية أخي محمد السني دفع الله قبه ،،، وبنكرمه بي عجل عديل كدي ،،، لو تتذكر أخي ود السني ذي العجل البفكوه في ميدان الحرية من الصباح وبيعقروه بالسفروك ،،،، أظن الجماعة ديل ما بيعرفوه ،،، ولا يكونوا عاوزين يجيبوا ليك خروف ذي بتاع بردة ونادر محمد خميس الكنا شايلينه في الكرسي وبنجري جري أنا وبلة العقيد عشان الخروف ما يموت ونقوم نحصل بيه الرحلة ،،،، لك التجلة أخي وبس أنت أعمله وتعال ومعاك ود هاشم والباقي خلي علينا ،،، لك التحية ،،، أسامة شعبان

[محمد السني دفع الله]

محمد هاشم هوووي
الخروف عليك هنا وانت حاسب
الدرديري بي طريقتك ..وبعدين
نخلي الفطور لي كل اعضاء المنتدى في الدوحة...

[ابوالنور]

يا درة زح سكاكين دي حبة لانو الود الصغير ده بخاف من السكين
دمتم رائعين

[درديري كباشي]

كده قوم كده
او
قوم لف ..
نحن خروفك ضمناه
لكن ابوخالد شنو الكفو وما قصر
قصر وقصر
كده عاين الخروف الجابو مش خروف
تيجاني 18
لمن تحلو مشكلة الخروف التالت
بجيكم بالمهلة ومعاي الضباح
لانو انا البهمني
الجلد
ــــــــــــــــــــــــــــ
* اكبر سوق للجلود كان في مدني

يا
معلم ( لقب جديد هو مزيج من استاذنا وعمنا تخلطهم مع بعض وتخمرهم لمدة اسبوع تطلع معلم )
خروفنا دا خروف معنوي وهي واحدة من بدعنا الجديدة في المنتديات اي شخص نعزو نرفع له خروف معنوى في المنتدى زي كدا .. وعندك النويري احسن واحد يظبط شيه معنوية وحسية ايضا ..

والعاقب اخصائي ام فتفت المعنوية بزبدة الفول السوداني ( الدكوة سابقا ) بس دي الا نرسلها ليك بالفاكس لانه الامريكان حايحتجوا لو رسلناها بالايميل .

همسة ابو النور نشكرك على تثبيت الخروف ريحتنا من الحبال

[محمد هاشم]

محمد هاشم هوووي
الخروف عليك هنا وانت حاسب
الدرديري بي طريقتك ..وبعدين
نخلي الفطور لي كل اعضاء المنتدى في الدوحة...

يازول أبشر وتعال بكرة معاك هيثم ومحمد مرغني

[محمد السني دفع الله]

باااااالغت عدبل
يا ابو الدورر
معقول بعد ده كلو
طلع خروف معنوي
يعني بالطريقة دي امش احجز لي بوكس دكوة
وبوكس بصل وركشا شطة
وده كلو معنوي
خليتنا نمطق
وحالتنا بقت صعبة الليلة
نشوف لينا شية في اي مكان
وبرجع بكلمك
مودتي
لامودتي لاحاجة
مضيع لينا خروف
شوف البرفع ليك معنوياتك تاني منو ؟

[درديري كباشي]

باااااالغت عدبل
يا ابو الدورر
معقول بعد ده كلو
طلع خروف معنوي
يعني بالطريقة دي امش احجز لي بوكس دكوة
وبوكس بصل وركشا شطة
وده كلو معنوي
خليتنا نمطق
وحالتنا بقت صعبة الليلة
نشوف لينا شية في اي مكان
وبرجع بكلمك
مودتي
لامودتي لاحاجة
مضيع لينا خروف
شوف البرفع ليك معنوياتك تاني منو ؟

يا
معلم في حاجات معنوية الذ واطعم من الملموس وقبل ما تضرب الشيات المعنوية وام رقيقة المعنوية برضو .. وهي ام رقيقة اصلا معنوية ..
( قالت احدى الاخوات يوما انها وقفت امام التلفزيون تشاهد برنامج الطبخات الذي يقدمه الطباخ العالمي اسامة السيد .. وقال( "طبانا النهار دوت يا حضرات حنعلمكم ازاي تعملوا شوربة البامية ... نحيب بدرة بامية مقففه مع شوربة اللحم وندوبها فيها ... طلع الراجل في النهاية عمل ام رقيقة ) شفت الاحباط ..
معليش المحبطات في عالمنا اصبحت كثيرة ... مثل ما حصل العام الماضي اتاهلنا لامم افريقيا .. وانا قلت الكتوف اتلاحقن واشتركت في الاي ار تي بالمبلغ الفلاني .. وجلست في البيت اشاهد بطولة افريقيا بدلا عن شحططة المقاهي ) وكان احباط

ثلاثة اهداف شوتة نيه السودان سيرو
شبكته قالت شوية وحرم يدخلن علي ..

حتقول لي انصدمت مع خروفنا المعنوي .. وارجي الجلد كمان .. ولا يهمك نحن جلودنا ذاتها بقت معنوية ما بتحس بالجلد ..

نحن كنا راجنك تحلي لينا بتجربتك ورفقتك مع الراحل الرائع نوارة فننا مصطفى سيد احمد ... نرجوك ما تحبط لانه التحلية عايزنك تكون صاحي فيها ..

[عبدالرحمن مدثر]

ابو الدر

تسلم ياغالى

واندى التحايا لحبيبنا ودالسنى بالعودة القوية

وانه لفخر لنا

ان نسعد بنبض واحسااس ودالسنى بيننا

وياسلاااام على ودالسنى فى تلك الامسية الرمضانية

على النيل الازرق

انت عاااارف ياودالسنى اتلمت كل الاسرة حول التلفااز

وكل ماتجى نااطى بابتسامتك الجميلة

وحديثك العذب

انا بقيف على حيلى

وبعلى صوتى

وبفخر

بدندن

ياجمااااعة ودالسنى دا صاااااحبى

والجمااعة مامصدقين

اصلى مرات بزيدها موية

واجتهد عشان اوصلهم لشااااااارع الصدااقة

بركة الجيت ياخى عشان

نرصف الشااارع سواااااا

ونعمل ليهو اناااااااارة

ونعمل ليهو اصيص وزهور فى المنتصف

درديرى كباااااشى كعادتك دوما سااااااحر الكلمة الانيقة

محمد السنى دفع الله حمدالله على سلامة العودة

وفى انتظاااااااارك

[حاتم مرزوق]

http://www4.0zz0.com/2009/09/30/14/194856214.jpg (http://www.0zz0.com)


خروفين واحد للهلالاب وواحد لمحمد السني...

والضباح جاهز ومريخابي كمان....

مع تحياتي لمدنية و عمر سنهوري

[أبو حمزة]

سبحان الله.. أنا أول واحد أكتشف السني دفع الله..!!

لكن الكيبورت خاف الكتابة لشخص الأستاذ... وأنا في رأيي من المفترض يفرح وينبسط .. وليس يخاف..

على كلٍ السكرة فكت ( قصدي الخوفة..) والله الخوفة..!! سكرة شنو..؟ بسم الله..!!

على كلٍ ( طبعاً الكلمة ده عاجباني شديد).. على كلٍ أنا فيني شبه من محمد السني دفع الله.. صدق أو لا تصدق..!!

علشان كدة كترو الخراف.. وبنقول مرحب بيك يا زول يا سمح.. يا منقة هندية .. وشعلة .. ومرهم للجرح..

تخريمة:
أنت عارف يا أستاذنا نحن بنحبك.. وفي حضرتك .. نحس بالفخر.. وعادي الكتابة تتلخبط والكلام يتداخل.. شكراً على التواضع والإبداع..

وتحياتي لك أخي درديري يا مبدع وبرضو فينا أشياء مشتركة.. أنا وأنت بنحب الرائعين..

[عزيز عيسى]

العزيز محمد السني (قبة)
ألف حمد الله على السلامة والبركة بالشوفة.
والله حظك الدرديري ضابح ليك خروف..
غايتو أنا حاجز الجلد وما ليش دعوة باللحمة والكمونية
وباقي (العفشة) ود أبو شوارب أولى بهم..
ياخي مرة مشيت زريبة البهائم (الله يكرمك) وإشتريت
خروفين حلاتهم (تني وبكر) وجيت أضبحن هنا..
ود المأذون الغتيت شبكني ليك البهائم بتاعتك ديل ما خرفان
وحلف ستين يمين إنهن نعاج.. بالله تقول جزار.
أها حردتهن وتاني ما ضبحت لي زول.

خارج الضبيحة:
هاشم عبدالعزيز (يانكو) سيكون بطرفنا الأسبوع القادم
في زيارة لأمريكا لمدة إسبوعين.. ذكر لي بأنه كان في
الدوحة وإتصل عليك لكن تلفونك لم يرد.. قلت ليه السني
في السودان وقالوا هسع محكر كرعينه في قناة
النيل الأزرق يحجي في الناس. :)

[درديري كباشي]

يا معلم ماشاء الله الناس كترت وخروفك دا بعد كدا الا نطرو سليقة معنوية برضو .. لو ما لحقونا بخروفين تلاته تاني .. واصحابك بدو يتجمعوا من اصقاع الارض الحق اهو عزيز عيسى شم ريحة الشية من امريكا وجاك جاري ..

بعد كدا اظن الكوارع ذاتها ما بنلم فيها ..

ايامنا الطلبة بجامعة الجزيرة في اوائل التسعينات من القرن الماضي ( تقول في تسعينات غيرها حضرناها ) .. المهم شلة راحوا لمطعم لحوم وقالوا نفسهم يتعشوا كوارع ... لانهم طلبة طبعا طلبو طلب كوارع واحد وفتوا صحن رغيق كبير وكبو فيه الشوربة ...

لكن كل مره يقولوا للجرسون اخينا بالله لو سمحت ممكن عضم ...... يجيب ليهم عضم يضربوه وتاني بعد شويه .. لو سمحت ممكن عضم ؟؟؟ بالطريقه دي حصلوا اربعة عضام كوارع .. لمن جو يحاسبوا اتفاجاوا الجرسون بيقول للمحاسب ( وعندك الطلبة ديل عندهم اربعة طلب كوارع ) .. اربعة كيف نحن عندنا طلب واحد؟؟؟ الجرسون : الله ماكلو مرة تقولوا لي جيب عضم ؟؟؟... قالو : وهو دا طلب دا ماعضم ساي ؟؟؟.... قالهم عضم ؟؟؟ ومال الكوارع شنو ما الموية دي كان عاوزين صفيحة بملاها ليكم ... الجماعة سلسلوا القريشات المعاهم كلها مقابل عضام وراحوا مساكين ما بيعرفوا الدنيا ..

[بنت الرفاعي]

أمس وأنا بقرأ في بوستك اللعب مع الصغار , ولما وصلت لرد أخونا السني , كانت جنبي أختي الصغيرة , وأنا مشغولة بالقراءة قالت لي إتخيلي يكون ده هو ذاتو , عاينت ليها كدة وقلت ليها ده هو ذاتو , هي إفتكرتني مافهمتها قالت لي تاني إتخيلي هو ذاتو , رديت ليها تاني ده هو ذاتو , قالت لي والله باندهاش .

مرحب بعودتك أخونا محمد السني دفع الله , وأخوي درديري جيناك وقلنا مابنجي يدنا فاضية , عزلنا ليك عجل سمييين , قلنا علشان يكفي ضيوفك.

[أشرف صلاح السعيد]

التحية للاساتذة السنى وابوالدر..
اخوى السنى لقيت خوتك خوة كاب حدها الباب بل اقصد حدها نوعية الخروف..ياخى ابوالدر ضبح الخروف وابوالنور ثبتو من كرعيناتو فووق فى العام تجى تقول ليو خوا فرتك ومعنويات مامعانا..
ابوالدر يااخى انا زاتى اتعشمت ليا فى لحمة صاج تجى تعملو لينا خروف معنوى..اكان كدا منى حرم تور معنوى وفريزين كمان..
لكم التحية واستاذ السنى خلينى بس الارجع مدنى لما ربنا يهون والخروف برحلتو عليا..
وابوالدر عليك السلطات حقيقية والمعنوى النبى فيك اعفينا منو..

[درديري كباشي]

أمس وأنا بقرأ في بوستك اللعب مع الصغار , ولما وصلت لرد أخونا السني , كانت جنبي أختي الصغيرة , وأنا مشغولة بالقراءة قالت لي إتخيلي يكون ده هو ذاتو , عاينت ليها كدة وقلت ليها ده هو ذاتو , هي إفتكرتني مافهمتها قالت لي تاني إتخيلي هو ذاتو , رديت ليها تاني ده هو ذاتو , قالت لي والله باندهاش .

مرحب بعودتك أخونا محمد السني دفع الله , وأخوي درديري جيناك وقلنا مابنجي يدنا فاضية , عزلنا ليك عجل سمييين , قلنا علشان يكفي ضيوفك.

مشكورة يا مرام على العجل .. اهو كدا الناس ما راح تصل مرحلة الكوارع.ز واللحم راقد بس ما يكون هو كمان عجل معنوي زي خروفنا عمنا السني اصابته صدمة خروفية بحكاية المعنويات دي ورغما عن انه هو حريص على الجلد اكثر من اللحم..

[درديري كباشي]

التحية للاساتذة السنى وابوالدر..
اخوى السنى لقيت خوتك خوة كاب حدها الباب بل اقصد حدها نوعية الخروف..ياخى ابوالدر ضبح الخروف وابوالنور ثبتو من كرعيناتو فووق فى العام تجى تقول ليو خوا فرتك ومعنويات مامعانا..
ابوالدر يااخى انا زاتى اتعشمت ليا فى لحمة صاج تجى تعملو لينا خروف معنوى..اكان كدا منى حرم تور معنوى وفريزين كمان..
لكم التحية واستاذ السنى خلينى بس الارجع مدنى لما ربنا يهون والخروف برحلتو عليا..
وابوالدر عليك السلطات حقيقية والمعنوى النبى فيك اعفينا منو..

سلام يا باش مهندس .. خايف تتبوبر تقوم تضبح لينا ركشة ..

زي نكتت الجزار بعد ما ضبح الخروف لف ليه كراع كاملة في الجلد وزاغ بيها ... الطباخ فضحه قاليهم انتو خروفكم دا كرعينه تلاته مالو ولا ضابحين ركشة ..

معليش ناس مدنية عندهم حساسية ضد الركشات .. عشان كدا ملاحظ مدنية اصلا ما جات بعند ركشتك ديك ..؟؟

[النويري]

صباح الخير لكل الناس الحلوين واليوم خميس طبعاً ذي ما عارفين وكل العزابة في الكشاتين وبيشوفوا ليهم حلة والبيشوف كوارع المهم من الخروف بطلعوا بي حاجة دا طبعاً للمغتربين أما في السودان فالخميس بيكون في حفلة أو الناس أتلمت من بدري أنا أتخيل لي أستاذنا السني يوم الخميس كان في السودان ولا بره السودان بينوم بدري

أشوفكم بعد شوية بس قلت أحرر السوق

[درديري كباشي]

صباح الخير
منور يا عريس يا نويري .. وباقي لي انت ملك الشيات .. وعاوزنك ما تقصر في شية عمنا السني .... انت اظبط الشية وهو قال جاهز بالشطة والليمون والدكوة ..
انتو الكمونية مع مين ما شفت حد جاب خبرها وصلنا لمرحلة الكوارع دون المرور برفيقة دربنا وشهرتنا في الافاق السيدة كمونية حرم السفير سواكني .. .. ومدنية عاملة لابته الظاهر هي من النوع اليقشر ويجي وقت الغدا جاهز تكون نسوان الحلة شامنها شمة . كمان اسماء وام قبس.
وبمناسبة الكمونية جماعة من ربعنا سودانيين اشقياء لم معهم واحد سعودي ودار بينهم الحوار التالي ..
قال : يا زول يقولون عندكم اكلة طيبة يا زينها اسمهما كمونية وشو هاااااادي ؟؟
الزول : معقولة يا عمنا ما ذقت كمونية نص عمرك ضايع ياخي دي اكله غير انها لذيذة بتخليك كدا ( طبعا بعد قبض اليد ورفع الابهام الى اعلى ) .
قال :صج كلامك يا زول فين الاقيها ( تعلق بها الاخ وخاصة بعد عبارة تخليك كدا )
الزول : تروح المطعم السوداني حي الوزارات ..
زول ثاني : وياعمنا لازم تروح الصباح بدري وتاكلها على الريق .. وهم راح يعطونك معها خبز قلهم انا ما ابي خبز اكلها بالملعقة ( شوفوا غتاته ).
صاحبنا فعلا راح المطعم السوداني وتناول اول صحن كمونية انتج في السعودية صباح ذلك اليوم بالملعقة فقط ( ياععععع) كما تؤكل المعكرونة .... بس ما عارف بعد داك بقى كدا ولا ما كدا ...

[النويري]

أخونا الدرديري ونحن في الدوام صراحة كل ما كتبت شيء نرجع ليها بي لهفة يخفف عنك الضغط شوية أما صاحبك السعودي الأكل الكمونية بكون قال الروووووب وتاب توبة نصوحة من أنو يأكل بالمعلقة تاني والكمونية الماشفناها في خروف يوسف صالح دي إنشاء الله ناكلها في خروفنا وانت عارف طبعاً المذبح مرات بيقول ليك العفشة غير صالحة أو في مرض في الذبيحة لكن كنا نمنى النفس بشوية كمونية إنشاء الله كرشة محمرة المرة الجاية في خروف أستاذنا ود السني وعايز أقول ليك عن الأنسات عرفنا في السعودية البر والشية بيقومو ا بيها الرجال لكن الكمونية إتخيل لي دي ما حقتنا فأحسن تضيع في المذبح بالنسبة للشابات أنا بدي مدنية تسوية الشاي وأسماء بديها سلطة الفواكه أما أم قبس بخلي ليها الفاصوليا كان تزعلوا وكان ترضوا وانت تعال وين صاحب الدعوة ود السني لسة نايم وبحلم بالخروف بتاع 18

[مهيد ود السفاح]

هوي يا ناس هوي
اسمعوا حديسي ده

ابو الدر ده زولا ً سمح زي كتابتو دي .

وكان على محمد ود السني ود دفع الله
ده ما بتكرم ليكم ولا شئ
وخلوهو ياكل دكوتو وسلطو دي سااااكت

على الحرام اكان مصرين على الزول ده الا تودوه الكريبه
اها هناك اعزل براهو
ونحن نجر وندخل .

وبعدين يا ابو الدر
وين الحريم
ما شايف ولا واحده
هسي الفتافت دي منو البصلحها

سلام كتير بالحيل ومليون مراحب بعودة الهرم والعلم محمد السني دفع الله
وتحيه حب لك ايها الرائع درديري
وتحيه خاصه لعمك احمد (سبع صنائع والبخت ضايع )

[DANY]

والله أنا لمن دخلت , قايل أنو محمد السنى أكل خروف كامل لوحده ,, وما كنت مستغرب فأنى أعرف الرجل , كان زمان بيقوم بى ورك الخروف لوحده ,, وكمان بينجججر , لوجيت جنبو !![

[أبوريلان]

والله من شفت الدخان ده وانا أزازي وأحاول أدخل وما لاقي المدخل أنتو يا الدرديري دعوتكم دي خاصة ولا مخصخصة ، كان كدي النشوف صاحبك الدسيس أجيبوا معاي باقي لي بعد أكل الشية وأم فتفت الواحد بدور ليهو سيارة فارهة زي بتاعت صاحبك ، وتعرف لعابنا سال من خروووف تيجاني المدغلب ده وحات الله فيهو جنس عكو وبعدين أنا حاجز الأتي بتاع خروف مرررام عشان أعجنوا مع الشطة الخضراء بالفلفل الأسود والثوم والدكوة ، ياود السني أنت جاي متين كلمنا عشان نكون في الإستقبال ونط معاك العجل ونلحق في أول صينية تطلع من الخروووف ما تعمل نايم بالوليمة بررررراك .

[عباس الدسيس]

التحية للاخوان السني والعزيز الدرديري:
ياسر حمدلله علي السلامة انت جيت ولا من السودان .... عربيتي ما كثيرة عليك انت راجل هين ولا لين فداك الخروف والعربية كان عايز طياره بنجيبا ليك. كل سنة وانت طيب ودوام الصحه والعفيه لكم والاسره الكريمه

[مهيد ود السفاح]

ونط معاك العجل ونلحق في أول صينية تطلع من الخروووف ما تعمل نايم بالوليمة بررررراك .


الراجل ده بتكلم صاح
الصينيه الاولى دايماً مدنكله

[أبوبكرحامد]

ياسلام عليك يادرديرى ياخى ، أولاً لأن عمالقة البسمة كما وصفتهم أسهموا فى تجميل رؤانا ودواخلنا ، لازلت أذكر محطة التلفزيون الأهلية وكيف كانت الأسرة تتحلق حول التلفزيون فى إجماع أسرى قلَّ أن يتاح لبرنامج آخر لإختلاف الإهتمامات بإختلاف الأفراد ، لازلنا نذكر بكل الحب أفراد محطة التلفزيون الأهلية ونحبهم من الأعماق : السنى - محمد نعيم سعد - مصطفى الخليفة وبقية العقد الفريد ، لا أدرى ما الذى شدنى وأغلب الناس فى بلادى لهؤلاء الفتية (مع مراعاة فروق التوقيت ) ، أنا شخصياً أرى انهم يشبهون عقد الجلاد فى ارتباطهم بثقافة الوسط الجغرافى والثقافى والطبقى أيضاً إن صحَّت التسمية ، شخصياً لم تستهوينى بت قضيم مع كامل التقدير للمبدع الراحل الفاضل سعيد الذى أبدع فى حدود ماهو متاح آنذاك ، فكانت محطة التلفزيون الأهلية هى النقلة النوعية فى الدراما والكوميديا ، ففى كل مايقدمونه تحس بنكهة السودانى المعبَّق بشذى الصدق وكرم الأخلاق .

على كلٍ يا أبو الدر سرحت مع هذا البوست مع سيرة الخرفان وجالت بالخاطر مشاهد ذبح الخراف وكيف كنا ننشده لنفخ الخروف وانتفاخه وكم عدونا فسبقنا ظلنا حين يطلب منا إحضار المفراكة (أكاد أجزم أنه أثناء الذبح لاترمش أعيننا من الإندهاش وخشية مرور مشهد لن يتاح لك إعادته بالبطئ لأن البث مباشر - ترى هل هذا ماعنته كوكب الشرق حين تغنت : وإنت معاى إصعب علىّ رمشة عينىَ ).

[محمد السر]

اخونا درديري
والله استاذنا محمد السني دفع الله
يستحق الكثير الكثير لتواضعه الكريم
ولفهمه للدنيا ولما قدمه للبلد من الفن والاخراج
نتمنى له الصحه والعافيه

[درديري كباشي]

نشكر كل من ساهم وابرق وخرف ( اي اتى بخروف ) لتكريم استاذنا السني ..
والمتداخلين الجدد
ود الدسيس
ياسر عبد الرحمن
مهيد ود السفاح
محمد السر

واستاذنا ابو بكر حامد

كلنا مجمعين على ان السني ورعيله اعطونا اكثر مما نستحق ولم نستطيع ان نوفيهم حقهم .. واقرب مثال اهو السني مغترب يبحث عن رزقه مثله ومثل اي شخص عديم موهبة من امثالنا,,,, في حين انه ربع البسمات التي انتزعها من احشائنا كانت تكفيه رزقا الى اخر حياته لو كان يعيش في بلد الفنانين فيها في الصفوف الامامية بل مليارديرات ...فنان مثلا في امريكا ( ما يكل جاكسون ... الله يرحمه لو مات مسلما كما قيل ) شاهدت له فلما وثائقيا دخل محل للتحف والاناتيك اقل قطعه فيه بمائة الف دولار .. اول شئ المحل تم اغلاقه لاجله . وهو يجوب في المحل لا يدري ماذا يشتري كانه داخل في مسابقة بعزقة الفلوس ..
ولكن ها نحن الان نقود حملة تصحيحية وان كانت بطريقتنا الخاصة ولكن نحو صحوة تعطي هؤلاء المبدعين جزءا يسيرا من الوفاء لفنهم ممثلين في السني ...
انا عندما فتحت البوست كان في بالي هدف بسيط هو شعور بالامتنان لاجل هذا الرجل الجميل المتواضع الذي اعلن فرحه بي انا في منتدى ود مدني ..في حين انه نحن بلد بحالها قطر تبلغ مساحته المليون ميل مربع لم نعلن يوما فرحنا بوجوده بيننا.
فلذلك يزيد فرحي كلما زاد تعاظم هذا البوست بمداخلاتكم فهو اصبح مثل كرة الثلج يتعاظم حجمها كلما تدحرجت .. وان انشاء الله لن نتوقف حتى ننقل هذا التكريم من مرحلة التكريم المعنوي الى مرحلة التكريم الحسي والمادي .. ولن نقف يا ايها السني حتى ترضى ونستشعر رضاك فنا وابداعا جديدا ..

[درديري كباشي]

ساضيف الان الخروف رقم اربعين ..
نذكر في احد اعياد الاضحية في السودان ونحن صغار انا واخي الاكبر اخذنا خروف الاضحية ووقفنا به في الشارع في انتظار ذباح عابر .. لانه لا يوجد احد في بيتنا يذبح ..
وبانتظار طويل لم يمر بنا اي احد ضباح .. اخيرا بعد ياس مر بنا رجل كبير في السن ويرتدي الزي السواكني كاملا ولكن متسخا ... اخي ساله ياعمنا تعرف تضبح؟؟ ... الرجل وقف لحظة قبل ما يرد ولكن يبدو انه اكثر ياسا وبأسا مننا .. والسؤال اعطاه شوية امل في مكسب سريع لانه بعد تردد قائلا ( ايوه نضبح ) ووقف امام خروفنا التعيس وبعد ان رفع عدة طبقات من ملابسه ظهر كمر عليه سكين .. استلها وانا اجزم انه هذه السكين لم تخرج من ذلك المكان منذ على الاقل عشر سنوات ..
وتكى الخروف وكبر وبسمل ومرر السكين ذابحا ذلك الخروف المسكين .. وبعد ما خلص من الذبح كما اعتقد هو وقف ينظف في سكينه .. في هذه اللحظة وقف الخروف وكانه شيئا لم يكن او نه اخذ حقنة ملاريا فقط واراد ان يهرب لولا صرخاتنا .. الحق يا عمنا الخروف جرى ..
ببساطة قال الخروف جارى؟؟؟ .. ما في مشكلة .. مسك الخروف ورماه في الارض وواصل عملية الذبح من جديد .. انا لا ادري هل ذاك الخروف كان مذبوحا حلال في ذلك اليوم .. المهم ذبح وسلخ وادخلناه على اهل البيت واكلناه ولم يفشى ذلك السر سوى اليوم .

[ابوخالد]

ساضيف الان الخروف رقم اربعين ..
نذكر في احد اعياد الاضحية في السودان ونحن صغار انا واخي الاكبر اخذنا خروف الاضحية ووقفنا به في الشارع في انتظار ذباح عابر .. لانه لا يوجد احد في بيتنا يذبح ..
وبانتظار طويل لم يمر بنا اي احد ضباح .. اخيرا بعد ياس مر بنا رجل كبير في السن ويرتدي الزي السواكني كاملا ولكن متسخا ... اخي ساله ياعمنا تعرف تضبح؟؟ ... الرجل وقف لحظة قبل ما يرد ولكن يبدو انه اكثر ياسا وبأسا مننا .. والسؤال اعطاه شوية امل في مكسب سريع لانه بعد تردد قائلا ( ايوه نضبح ) ووقف امام خروفنا التعيس وبعد ان رفع عدة طبقات من ملابسه ظهر كمر عليه سكين .. استلها وانا اجزم انه هذه السكين لم تخرج من ذلك المكان منذ على الاقل عشر سنوات ..
وتكى الخروف وكبر وبسمل ومرر السكين ذابحا ذلك الخروف المسكين .. وبعد ما خلص من الذبح كما اعتقد هو وقف ينظف في سكينه .. في هذه اللحظة وقف الخروف وكانه شيئا لم يكن او نه اخذ حقنة ملاريا فقط واراد ان يهرب لولا صرخاتنا .. الحق يا عمنا الخروف جرى ..
ببساطة قال الخروف جارى؟؟؟ .. ما في مشكلة .. مسك الخروف ورماه في الارض وواصل عملية الذبح من جديد .. انا لا ادري هل ذاك الخروف كان مذبوحا حلال في ذلك اليوم .. المهم ذبح وسلخ وادخلناه على اهل البيت واكلناه ولم يفشى ذلك السر سوى اليوم .


والله يادرديرى دائمآ ... تكتب ما يخطر على بالى...
وأنا بمر على كلماتك تذكرت واقعة حدثت بى ضبانت
واقعتك دى وجرى مننا الخروف فى الشارع ونص الرقبة
مضبوح ... وكان يوم فظيع ... لاتعرف تضحك والا تبكى
على اللحم الشتت منك ... ونظرة الوالد التى إعتراها
اليأس من عودة أب أربعة مرة أخرى .... بعد الجهجها
الجهجهنا لينا ذاك الخروف ... وكان يوم لا ينسى
وصار شمار عم كل الفريق فى دقائق .... عيد وإجازة
وناس فاضية ....

كدى خلونا فى المهم ....
أخونا يا ود السنى ....
بنقول ليك من هسى ... وعيد الضحية قدامنا
يا تجينا هنا ونوريك الضبيحة الما خمج ...
أو نرسلو ليك محل ماتكون .... عشان ماتقول
نحنا نفاخين ساكت ....

وذى ما قالوا ليك الشباب ..
الدرديرى
أشرف
النويرى
مرام
وودالسر
الدسيس


ومعزوم معاك
أبوريلان
وودالماذون
وود السفاح
ودانى(بالإنجليزى)

خرفانا ماهى معنوية ... بس إنت والمعاك قولوا خير ...

وذى ما قلت ليك كان هنا والا مكان ماتكونوا ...

واصلاكم واصلاكم .... إن شاء الله بعد داك توزعوها صدقة ....

لكن لو جيتوا هنا بنشبعكم لامن يزعل مننا الشبع ذاتو .....

وسلامى وإحترامى للجميع ....

[littlestar]

ببساطة قال الخروف جارى؟؟؟ .. ما في مشكلة .. مسك الخروف ورماه في الارض وواصل عملية الذبح من جديد .. انا لا ادري هل ذاك الخروف كان مذبوحا حلال في ذلك اليوم .. المهم ذبح وسلخ وادخلناه على اهل البيت واكلناه ولم يفشى ذلك السر سوى اليوم .


أنا غايتو يا أبوالدر
بفتن وبكلللللللللللللم :cool::cool::cool:

لكن حقيقى بحيييك ع اللفته البارعه
ومنك بنتعلم كيف يكون تكريم الأكابر
مش بضبيحة خروف
لا ده بفتح ديوان كبييييير وصاله
ويملك الضيف حق السياده والضيافه
وضيفنا اليوم منو ضيف عادى
ده تاج راسنا
ورايتنا
بنرفعا فوووووووووووووووق فوووووووووووووووق
أكيد لما يكون
سيد البيت ده ما أى سيد بيت
لااااااااااااااااا
ده ود السنى على سن ورمح

غايتو نحن قاعديييييييييييين ومتكليييييييين كمان

وفى إنتظار أحلى نفحاتك
أستاذى ود السنى

ولك كل التحايا الشوامخ
أبو الدر

[moh_alnour]

الأستاذ محمد السني دفع الله من مدينة تُنبت الإبداع كل مناخاتها لذلك لا غرو أن يكون بهذه الصفات
التي ذكرها الأخوة المتداخلون
فبالإضافة إلى حمله جينات الإبداع المسرحي و التمثيلي فهو يحمل جينات و صفات أبن البلد الأصيل
و يحمل صفات أبناء ود مدني و الذين يألفون و يؤلفون بدون حواجز تمنعهم من التواصل مع الأخر
كيف لا و هو يحمل أسم مؤسس هذه المدينة المتفردة و التي كانت وما زالت و ستظل منبع للإبداع في شتى ضروبه
تابعنا بدايات الأستاذ محمد السني دفع الله مع فرقة الأصدقاء في محطة التلفزيون الأهلية برفقة الراحل المقيم الفنان المتعدد المواهب ( عبد العزيز العميري )
و تلك الكلمات الخالدات ( لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي )
فجميعهم كانت لهم قيمة و أسعدوا الناس بوجودهم من خلال شاشة التلفاز و التي كانت المتنفس الوحيد للأسر السودانية
حقيقي و من دواعي سرورنا أن يحل بين ظهرانينا فنان بقامة الأستاذ ( محمد السني دفع الله )
و الذي كنت دائما ً ما أقول بأنني أحسد موقع سودانيز أونلاين على وجود الأستاذ محمد السني دفع الله بينهم
نتمنى أن يتواصل إبداع الفنان محمد السني دفع الله عبر هذا الملتقى الطيب و أن يتواصل باستمرار مع من أحبوه في هذا المنتدى
و تحية أبعثها للأخ درديري كباشي و هو يحتفي بالأستاذ محمد السني دفع الله بطريقته الخاصة
و تحية أخرى أبعثها للأستاذة الممثلة ( سوسن دفع الله ، الأخت الشقيقة للفنان محمد السني ) فهي وجه نسائي في عالم الدراما نفخر بخروجه من رحم هذه المدينة الخلاّقة

[محمد السني دفع الله]

خليكم من الكلام المغتغت وفاضي وخمج
والثناء والشكر
الكلام الجد جد
عدد الخرفان وصل كم ؟؟
بعدين ياابو الدور
حندكتنا بالشية
انت قايليني نباتي
انا سعران عدييل
وبعاتي
وعدو للبيئة
بلبس الجلد
وباكل اللحم وبقرقش العضام
ياجماعة عدو لينا الخرفان دي بقت كم؟؟لانو عندنا كلام تاني !!!!

[محمد السني دفع الله]

http://www.demochoice.org/img/zoo/sheep.jpg
خا
خروف

[محمد السني دفع الله]

http://img367.imageshack.us/img367/3708/lambzj7.jpg
حا
حمل

[درديري كباشي]

خليكم من الكلام المغتغت وفاضي وخمج
والثناء والشكر
الكلام الجد جد
عدد الخرفان وصل كم ؟؟
بعدين ياابو الدور
حندكتنا بالشية
انت قايليني نباتي
انا سعران عدييل
وبعاتي
وعدو للبيئة
بلبس الجلد
وباكل اللحم وبقرقش العضام
ياجماعة عدو لينا الخرفان دي بقت كم؟؟لانو عندنا كلام تاني !!!!
كدا يا معلم يعني الناس من قبيل تغني وتقول في الشعر والمدح بما يشبه المدح انت بس معلق لي في الخروف والشية .. والله خوفتنا عدييييل كدا ياخي ..

اقول ليك شئ انت تعال لنا في الرياض ونحن ذاتنا دخلت لينا الشيه في نفسنا . نحن بس حنباريك زي الجماعة البيباروا المداحين في السودان ديلك .. وهنا في كم هايل من الروابط والجماعات كلهم حا ينبروا للتكريم .. ونحن حنقول ليهم سعادة الاستاذ ما بياكل الشطة مع المرارة .. بس من اولها كدا عشان يشيلوا فكرة الكوكتيل من دماغهم يعرفوا انه ما فيش اقل من خروف

[ابوخالد]

http://www.demochoice.org/img/zoo/sheep.jpg
خا
خروف


هوووى يا ود السنى ...

ده خروف والأ شنطة حريمى ....

بعدين ده ذاتو ... البقولو عليهو ...
ناعم نعيمية ... من برة ... شحم تقيل... من جوة ...

والا ده حق التحلية ... إمكن ...
نحنا بكلمك عن خرفان خرفان ...
مش مُزز ...

خرررررررررررررررررروف

[ابوخالد]

http://img367.imageshack.us/img367/3708/lambzj7.jpg
حا
حمل


ده هسى ياكلو ...

والا يعلقوه فى مرآية العربية ...

حمل تحفة ....



****************
فرقة الأصدقاء.... مرت من هنا ...

[شيخ الدين]

ياعيب الشوم عليكم بس الخروف ده براكم
تحياتي يالسني والله كنت منور الشاشة في رمضان وبس نحنا عايزين ناكل ملاح ام دقوقه وما عايزين خروف

[نخيل طيبة]

ياعيب الشوم عليكم بس الخروف ده براكم
تحياتي يالسني والله كنت منور الشاشة في رمضان وبس نحنا عايزين ناكل ملاح ام دقوقه وما عايزين خروفا


يستحق السني دفع الله ان يثبت له بوست جميل وكمان خرفان
والله يستاهل طبعا ياالسني انت نجم معروف وكلنا بنعرفك من خلال الشاشه
وماتقدموه من ابداعات تسلموا عليها.
ولكن لي معرفة جميلة مع استاذتي القديرة ساميه محمد دفع الله
وتقريبا زرتها مرتين في البيت بعد ماتعبتها ولمدة ثلاث سنوات دراسية

كانت من اجمل مراحل العمر ...من هنا ارسل تحياتي لها ولجميع افراد اسرتك الكريمة

نجي لملاحظة شيخ الدين عن تنوير الشاشه في رمضان وملاح ام دقوقة هههههههه
وطبعا هنا في الامارات اغلبية العرب عرفوه واكلوه لكن ما كانوا عارفين بالضبط ده هو ملاح
ام دقوقه ومن يومها وللان وماسكننا ملاح ام دقوقة ..


ومني خمسة خرفان

[النويري]

يا أخوانا أنتو ما تجيبوا أثنين من الإبل وريحوا ود السني دا من حكاية الخرفان دي وأعملوه مندي والثاني اعملوه مظبي وفكونا من خروفي وخروفك لأنو لو وصلوا الخرفان دي مائة خروف حيقول ليكم عايز زيادة أنا أقترح نخش في ألبل على طول ونسيب الخرفان عشان نكبر المسائلة

وراجع ليكم بس شوية كده

[درديري كباشي]

http://www.demochoice.org/img/zoo/sheep.jpg
خا
خروف

يا نويري اصحى دخلت لي فيها ابل ونوق عصافير انت قايله مهر عبلة ..
بعدين الراجل جايب عينه معاه .. مش اي خروف يعني ..

شايف خروفه العامل زي الكمبريسور بتاع البنشر دا يا تجيب زيه يا تنسحب

[أبوبكرحامد]

http://img367.imageshack.us/img367/3708/lambzj7.jpg
حا
حمل

حا حلاتو
لونا فوشى إضيناتو
تمزمز لحمو وعضيماتو
ماظنى بحوق فى زولاً كبار لقيماتو

..................................

والله يا السنى خروفك دى لو ادونا ليهو بى الدِرِب ما إكفِّى :)

[درديري كباشي]

http://img367.imageshack.us/img367/3708/lambzj7.jpg
حا
حمل


يمين دا احلى من حمل حمد ذاته يعني دا ممكن تحمله عروس يوم زفافها بدلا عن الورد ..

موقف

قيل انه كانت في حي ما امراه شرانية جدا النوع المتخصص في تحويل الحبوب الى قبب ... وعندها سخل ( عتود لايقل جمالا عن الحمل اعلاه ) وفي ذات الوقت كان هنالك واحد من ناس الحي عزابي .. لكن رجل بتاع مزاج وقعدات .. في خميس من الاخمسة ... كان عنده ضيوف جايين للقعدة .. وهو بعد ماشعشع شوية اتحير في العشا يجيبه من وين .. وهو واقف يجي السخل يجري و ينطط امامه مستعرضا شحمه ولحمه .. فما كان منه الا ان تناول رغيفة واصطاد بها السخل ودخل به المطبخ محولا اياه الى مزة وعشاء في ذلك اليوم .. وقال الصباح رباح ... تعشى هو وضيوفه .. وانفض الضيوف .. وصحى هو الصبح وطلع كرسيه في الشارع كالعادة ... اذا به يرى ام القبب قادمه نحوه من اتجاه بائع الخضار .. اما هو فطارت السكره وظهرت الفكره .. وقال في نفسه جالك الموت يا تارك الصلاة .. والبال اشتغل على راي حميد . وبدا يختار في الجمل يكتب ويمسح في زهنه .. لوقالت لي ..... اقول ليها .... وهكذا ..وفجاه تقف امامه وتباغته قائلة :

هي : الخير كيف اصبحت .
هو: يا وليه هــــوي عتود شنو ؟؟؟؟؟؟

[النويري]

حلوة يا كباشي

لكن يا ود السنى الملاحظة لي خروفك دا يا داب شفتها خروفك دا حاقد شديد دا بحدر لينا كأنو موجه
بس في سؤال الخروف دا جنسيتو شنو وموضوع الإبل خليناه وبنرجع للخروف تاني وأنا قادر أجيب زيو بس ورينا الوزن وهو تني ولا رباع عشان المواصفات كمان وما يختلط علينا الإختصاص ولا شنو

[الملكة اسماء ( ام محمد )]

انت قايليني نباتي
انا سعران عدييل
وبعاتي
وعدو للبيئة
بلبس الجلد
وباكل اللحم وبقرقش العضام
!!!


:eek::eek::eek::eek:
:p:p:p


استاذنا العلم المبدع
اهلا وسهلا بعودتك
طبعا انا مع المقولة بتاعة ( من طول الغيبات جاب الغنائم )
لكن شايفة القصة اتعكست :rolleyes:

تستاهل الضبايح وتستاهل اكتر منها
شرفتنا ونورتنا بعودتك المرتقبة

همسة : دي كلها زوغة من الخروف والدفع في الكشف :D

[درديري كباشي]

و
هذه ام فتفت كمان يا معلم .... قصرنا معاك ؟؟؟؟

من اكلاتنا السودانية العجيب ام فتفت ... ما لاقاني اي شعب غيرنا بياكلها .. وفي نبذه تعريفية عن الاكلة السودانية الشهيرة .. ام فتفت هي في الاساس عباره عن كرشة الخروف او البقر وكلمة كرشة هي الاسم الجزاري ( على وزن الاسم الطبي) لمعدة الخروف ... فيها جزء مفلفل اشبه بفنيلة الصوف او الشرابات النسائية وهي غير الجزء الذي يشبه البشكير والذي يستخدم في الكمونية ...
تغسل الكرشة تماما ونضيفا جدا (ليس بالضرورة جدا يعني )وتقطع في شكل قطع صغيرة وبعد ذلك تخلط بالشطة والليمون وزبدة الفول السوداني (الدكوة) والشطة الحارة .. ويصب على الخليط العصارة الصفراوية والتي اسمها الجزاري (الاتي) ... ولان ام فتفت لا تمر على النار في اي مرحلة من مراحلها فهي من الكرشة الى الكرشة مباشرة ... وهي من اسباب اتهامنا في بعض الشعوب باننا _(سحاحير) ناكل اللحم الني .....
والجماعة الذي يحبون ام فتفت تجدهم ياكلونها بنهم وطريقة شهيه تثير رغبتك في المحاولة .. بالنسبة لي شخصيا باءت كل محاولاتي بالفشل مع ام فتفت ... لانها مثل اللبان تحاول تقطعها باسنانك تظل هي كماهي حتى تزول من حولها كل مكسبات الطعم من دكوة وليمون لتجد نفسك في مواجهة شخصية مع كرشة الخروف .. وتقوم من الصينية جريا باحثا عن مكب النفايات .واحد سكران في مسابقة لرحلة قدم سؤال للحضور وقل لهم يا اخوانا تعرفوا لي ام فتفت بت منو؟؟؟ ... طبعا ما في واحد عرفها ... قال ليهم ام فتفت بت فكها.

[محمود (أبو وضاح)]

معزومين معاكم ولا نشوف لينا كوارع خارجية ، ود السنى ما بديكم فرصة فى الرقبة والكلاوى والشنو ما بعرفوا داك ، وحتى الجلد حجزوا ، لكم الود قبل الخروف وبعده ، ولنا ما نريد.

[درديري كباشي]

عمنا السني لا الكوارع ولا امفتفت ولا الشية جابتك راجع

نجرب معاك التحلية ..رايك شنو في شعيرية باللبن ..

قمة التحلية عند اهلنا البسطاء في عرفهم كانت الشعيرية ... وعلي راي احدهم بعد ما زار الخرطوم وهو يجوب بين فلل العمارات وقال قولته الشهيرة ( هيييييييع ديل تلاقي اكلهم شعيرية سااااي)

ولا بمناسبة الشعيرية انا اهدي ليك قصيده شعرية للشاعر الرائع بيرم التونسي .. وهي من اروع الشعر الساخر وجديدة رغم قدمها ..

وهي قصيدة المجلس البلدي ( والله ما قاصد بيها اي حاجة بس عجبتني)



د أوقعَ القلبَ في الأشجانِ والكَمَدِ :::: هوى حبيبٍ يُسَمّى المجلس البلدي

أمشي وأكتمُ أنفاسي مخافة َ أنْ :::: يعدّهـا عاملٌ للمجلسِ البلـدي

ما شَرَّدَ النومَ عن جفني القريحِ سوى :::: طيف الخيالِ خيال المجلسِ البلدي

إذا الرغيفُ أتى ، فالنصف ُ آكُلُهُ :::: والنصفُ أتركُه للمجلس البلدي

وإنْ جلستُ فجَيْبِـي لستُ أتركُهُ:::: خوفَ اللصوصِ وخوفَ المجلسِ البلدي

وما كسوتُ عيالي في الشتاءِ ولا :::: في الصيفِ إلاَّ كسوتُ المجلسَ البلدي

كَــأنَّ أٌمّي بَلَّ اللهُ تُربتها :::: أوصَتْ فقالت : أخوك المجلس البلدي

أخشى الزواجَ إذا يوم الزفافِ أتى :::: أن يَنْبَرِي لعروسي المجلسُ البلدي

ورُبَّمَا وَهَبَ الرحمنُ لي ولداً :::: في بَطْنِهـا يَدَّعيه المجلس البلدي

وإنْ أقمتُ صلاتي قلتُ مُفتتحاً :::: اللهُ أكبرُ باسم المجلـس البلــدي

أستغفرُ الله حتى في الصلاةِ غَدَتْ :::: عِبادتي نصفُها للمجلـس البلـدي

يا بائعَ الفجلِ بالمِلِّيـمِ واحدةً :::: كم للعيالِ وكم للمجلسِ البلديي

[زاهر النويري]

انا والله بقول سلام والف مرحب
ماعني طلبوني للشية من بدري
بس كمان دي لي الاستاذ
اظنها اجمل شية حتكون


ياود السني ادعينا برضو نحنا احبابك
والجار في الوطن ما الا بابو في بابك
بس ياريت جميع تفتح علينا ابوابك
===================
ود كـــــباشي وزوقك مكمل ضمه
معروف بالكرم حلال قضية اللمة
مشكور في الاهل الخاله ثم العمه
الاالوم غشاك ياناسي باقي الامه
*************************
انا عارف يااخوي خشيت عليكم توش
بس حبيت اشارك بدون كلف ورتوش
الساكن في الخلا مابهمو كان معروش
والساكن في الشقق ضيق عليهو الحوش

[محمد السني دفع الله]

http://www.mekshat.com/pix/upload/images23/mk5255_m2.jpg
نقوم نشوف شوربة الخضار دي
لحدي ما تتفقوا
حتضبحوا لينا شنو ؟ظ
حمل
ولا
خروف ؟؟؟

[النويري]

يا أبو الدر القصيدة رائعة وشوربة الخدار أروع وبيرم التونسي قدم لكوكب الشرق أجمل ما قدم بس أنا عندي نكتة حقيقية بمناسبة الشعيرية دي وزي ما قلت أنت عند أهلنا البسطاء تعتبر أحلى وجبة كان جدي أبو أمي من منطقة الفقراء ومشى علي أهلوا نا س البطانة بعدين العشاء طبعاً شعيرية باللبن وفي أكتر من عشرة منتظرين الشعيرية جدي أسمو أحمد الجماعة ختوا الصحن والصحن النوع الماثابت في الأرض يعني بيزوغ يمين وشمال وجدي ما قادر ياخد ليه لقمة واحد من الجماعة قاليهو يا جدي أحمد ما تدخل يدك وتاكل صلي على النبي جدي رد عليه قال ليه أمسكوا لي صحنكم دا النعز الرسول ولنا عودة

[درديري كباشي]

http://www.mekshat.com/pix/upload/images23/mk5255_m2.jpg
نقوم نشوف شوربة الخضار دي
لحدي ما تتفقوا
حتضبحوا لينا شنو ؟ظ
حمل
ولا
خروف ؟؟؟

يا اخوي انت حلتك دي شاديها وين ؟؟؟؟ هو انت في قطر ولا في ام بارونه

[حاتم مرزوق]

http://www4.0zz0.com/2009/09/30/14/194856214.jpg

علي اذنك يا محمد السني عايزين نستلف الخروف دا منك - عندنا بيهو مشاركة مع اخوانا الهلالاب ونجيبو ليك راجع.


طبعا السوق مضروب اليومين ديل ما لقيت خروف كارب.

[درديري كباشي]

معلش يا معلم

ازمة بسيطة نزلت خروفك من خطاف المنتدى

وزي ما وعدناك نحن خروفك بنعلقه بضراعاتنا

وسيظل هذا الخروف عاليا خفاقا على مر الاجيال والدهور وتعبيرا .. او كما قال ابعاج رحمه الله ..

آخر اخبار المشاوي شنو؟؟

انا اول ما جيت الرياض وانا لافي مع ابن عمي في العربية لفت نظري كلام مكتوب في لوحات المحلات للمندي والمظبي والحنيز والمضغوط ... وسالته قلت انت الناس ديل بيبيعو شنو ؟؟ .. وايه حكاية المندي والمظبي والحاجات دي ... قال دي مطاعم وبتبيع اكلات .. بعد مرور الزمن عرفت انه المظبي هو مثل ما عندنا في الشرق هو السلات وهو اللحم المشوي على الحجر ... واعتقد انه هذه الطريقه في شي اللحم لا يفوقها لذة وجمالا الا الاقشاي ..وسنعود لقصص الاقاشي وما ادراك ما الاقاشي ..

[محمد السني دفع الله]

شايف
الخروف
من كان عزوومة
حيتحول لي كوكتيل
ومنها لي سيخ شية
ومنها لي سلات
لمن يبقى سندويتشات
عجبي

[درديري كباشي]

شايف
الخروف
من كان عزوومة
حيتحول لي كوكتيل
ومنها لي سيخ شية
ومنها لي سلات
لمن يبقى سندويتشات
عجبي


ولا يهمك يا معلم .. ماتشيل هم دي مجرد ذكريات لعالم اللحوم حتى نهيئ كروشنا للعضة الكبيرة .. ماانت سيد العارفين اللحم بيحتاج لانزيمات وهارومنات خاصة .. وخاصة حاجاتنا ناس ام فتفت واخواتها من كمونيات وكبد وكلاوي .. والمعدة نست حتى معادلة الانزيمات المختصة في هضمها .. عشان كدا كل الكتابة دي عبارة عن دروس تقوية وتمارين على اسالة اللعاب وجري الريق في مجراه الطبيعي .. لامن نحس انه الريق فاض وانحنى .. في اللحظة ديك سيتحول الحلم الى حقيقة ..

لاتراجع بل اقدام نحن عمالقة العضام

نجهز هتافات لو تطلب الامر اي نوع من المظاهرات لاقامة هذا الاحتفاء الخروفي


وخروف اسمك عضم منضوم بخيط النور ( المشرف)

مع الاعتذار لابوالامين وهاشم صديق


************************************

همسة بالمناسبة هديتك مقبولة وجميلة صور عنترة وعبلة ... بس انا ما عاوز ارد ليك حين .. (نظام تشريك باسمك وكدا .. ما انت اسمك متلة كمان ( تعرفوا المتله ؟؟؟)

[محمد السني دفع الله]

شنو الكلام البلدي ده
يااااي
متله
متله مافي مثيله
مش فاهم قاصد ليه بمتله
( تعرفوا المتله ؟؟؟

شنو دي اكله جديدة

حنكشة للطيش !!!

[ودتابر]

السلام عليكم أحبتي جميعا


دلفت لهذا البوست بلهفة وقرأت .. وقرأت .. ولعلني وصلت لحد الثمالة .. لم لا وهو يحمل اسم أستاذنا العلم المرفرف في سماء دوحتنا الظليلة .. الأستاذ الذي نكن له كل التقدير الاحترام محمد السني دفع الله .. أحد سفراء السودان غير الرسميين ولكنه اكثرهم تمكين فهو خير سفير للدبلوماسية الشعبية .


قرأت وضحكت .. وسررت .. وحاولت أن أكتب لأجاريكم ولكني وقفت فجأة حيث ان في حضرة أساتذة يكفيني شرف التزود من معينهم والنهل من ينبوعهم .


لكم جميعا التحية والتقدير .. وواصلوا .. ونحن متابعون بإذن الله .

[درديري كباشي]

شنو الكلام البلدي ده
يااااي
متله
متله مافي مثيله
مش فاهم قاصد ليه بمتله
( تعرفوا المتله ؟؟؟

شنو دي اكله جديدة

حنكشة للطيش !!!


جابت ليها حنكشة كمان يا معلم ( عندي بوست اسمه مواقفي مع البوفيه المفتوح) عبارة عن تجربة واقعية شوف الحنكشة في السودانيين لامن تقوم عاملة كيف..
على كل حال انا راح افترض انه انت فعلا حنكوش ما عارف المتلة هي شنو ..
المتله هي يا استاذ حمادة عبارة عن غصن شجرة جاف كنا نستخدمه في السابق عندما كنا نشرك للطير بحيث يكون الغصن جاذب للطير باعتبار انه شجرة وتحت الغصن بندفن شرك السبيب ( اوعى تقول ما عارفه)

[درديري كباشي]

السلام عليكم أحبتي جميعا


دلفت لهذا البوست بلهفة وقرأت .. وقرأت .. ولعلني وصلت لحد الثمالة .. لم لا وهو يحمل اسم أستاذنا العلم المرفرف في سماء دوحتنا الظليلة .. الأستاذ الذي نكن له كل التقدير الاحترام محمد السني دفع الله .. أحد سفراء السودان غير الرسميين ولكنه اكثرهم تمكين فهو خير سفير للدبلوماسية الشعبية .


قرأت وضحكت .. وسررت .. وحاولت أن أكتب لأجاريكم ولكني وقفت فجأة حيث ان في حضرة أساتذة يكفيني شرف التزود من معينهم والنهل من ينبوعهم .


لكم جميعا التحية والتقدير .. وواصلوا .. ونحن متابعون بإذن الله .

نورت يا استاذنا ود تابر وحضور اسعدنا .. ويسعدنا اي مساهمة منك في تكريم المبدع ود دفع الله ..

[النويري]

جابت ليها حنكشة كمان يا معلم ( عندي بوست اسمه مواقفي مع البوفيه المفتوح) عبارة عن تجربة واقعية شوف الحنكشة في السودانيين لامن تقوم عاملة كيف..
على كل حال انا راح افترض انه انت فعلا حنكوش ما عارف المتلة هي شنو ..
المتله هي يا استاذ حمادة عبارة عن غصن شجرة جاف كنا نستخدمه في السابق عندما كنا نشرك للطير بحيث يكون الغصن جاذب للطير باعتبار انه شجرة وتحت الغصن بندفن شرك السبيب ( اوعى تقول ما عارفه)

شوية شوية يا ود السني لمن يجيبو ليك جبس وكاتشب وتنتهي الحكاية وهسة عرفت المتلة أوعه تكون ما بتعرف (أماربيش )

[محمد السني دفع الله]

النويري
هو نحن عرفنا المتله لمن
نعرف امار بيش
يخيلي و بحاول اجتهد واتعب عقلي تعب يقوم النفس
امار بيش
قالها اخونا ابكرونا لمن عمار كابتن المريخ ضيع ضربة الجزاء
فصاح ابكرونا بكل ما يملك من صوت جهوري
آآآآمار بييييييييش ...
صاح يالنويري صاح ؟؟؟
بعدين تعال شوف زولك القاسي المافي في قلبو زرة من رحمة الدرديري
ليهم حق لو سموك الدريري اسم طابقكك تمام لانك مدردر الطير والناس من صغرك
لانك واضح من صغرك قاس وعدو للبيئة يا قتال الطير
المتلاه شجرة يغشو بيها الطير المسكين ويا ريت لو وقفتوا على كده كمان معاها سبيب ..
لا حو ووووو.. زمنكم مافي نبلة مافي بندقية رش
جاي ومعاك سبيب يعني الطيرة ما عندها فرصة للنجاة والهروب
امشي اكفكف دمعي واجيكم

[درديري كباشي]

النويري
هو نحن عرفنا المتله لمن
نعرف امار بيش
يخيلي و بحاول اجتهد واتعب عقلي تعب يقوم النفس
امار بيش
قالها اخونا ابكرونا لمن عمار كابتن المريخ ضيع ضربة الجزاء
فصاح ابكرونا بكل ما يملك من صوت جهوري
آآآآمار بييييييييش ...
صاح يالنويري صاح ؟؟؟
بعدين تعال شوف زولك القاسي المافي في قلبو زرة من رحمة الدرديري
ليهم حق لو سموك الدريري اسم طابقكك تمام لانك مدردر الطير والناس من صغرك
لانك واضح من صغرك قاس وعدو للبيئة يا قتال الطير
المتلاه شجرة يغشو بيها الطير المسكين ويا ريت لو وقفتوا على كده كمان معاها سبيب ..
لا حو ووووو.. زمنكم مافي نبلة مافي بندقية رش
جاي ومعاك سبيب يعني الطيرة ما عندها فرصة للنجاة والهروب
امشي اكفكف دمعي واجيكم


والله ضحكتني يا جميل يا لذيذ يا رايق
رغما عن هذا الجو المكهرب بالحرير .. زي ما قال صحبك رحمه الله .
قلت لي عامل كمان جمعية حقوق ( التيور) ( والعسافير )
باقي تقول لي يا غليظ القلب والشفتين ( التعبير مقتبس من كتاب سعادة اللوا محي الدين محمد على ( الضحك في بيت البكاء) ) واحد من اللذين لهم اقلام تكلكل في بلادي .. لو ما قريته ابحث عنه .. انا قريته زمان في ودمدني .
زمنا ما في نبله ... نحن زمنا زي ما قال واحد الخير من شدة ما كان كتير الا تفج القمري فج عشان تقدر تخت الشرك ..
والفقر ايضا كان كتير .. كنا بنلبس ( البردلوبة ) .. تقوم بالنهار تختها في الشمس عشان القمل يطلع منها .. يقوم القمل يجرها يجيبها الضل من جديد ..

[أبو جودي]

والله أنا كلما أشوف خروف الدرديري ده ،،، ورقشة أشرف ،،، أقوم جاري أكب الزوغة ،،، ما تدونا فرصة معاكم ،،، يعني نجيب لينا هدهد ،،، ولا أتوس ،،،،،،

[درديري كباشي]

والله أنا كلما أشوف خروف الدرديري ده ،،، ورقشة أشرف ،،، أقوم جاري أكب الزوغة ،،، ما تدونا فرصة معاكم ،،، يعني نجيب لينا هدهد ،،، ولا أتوس ،،،،،،

سلام يا ابو جودي

ربنا يخليها لك

ما حضرنا سمايتها انشاء الله نحضر عرسها نحن وعمنا السني

[النويري]

والله ضحكتني يا جميل يا لذيذ يا رايق
رغما عن هذا الجو المكهرب بالحرير .. زي ما قال صحبك رحمه الله .
قلت لي عامل كمان جمعية حقوق ( التيور) ( والعسافير )
باقي تقول لي يا غليظ القلب والشفتين ( التعبير مقتبس من كتاب سعادة اللوا محي الدين محمد على ( الضحك في بيت البكاء) ) واحد من اللذين لهم اقلام تكلكل في بلادي .. لو ما قريته ابحث عنه .. انا قريته زمان في ودمدني .
زمنا ما في نبله ... نحن زمنا زي ما قال واحد الخير من شدة ما كان كتير الا تفج القمري فج عشان تقدر تخت الشرك ..
والفقر ايضا كان كتير .. كنا بنلبس ( البردلوبة ) .. تقوم بالنهار تختها في الشمس عشان القمل يطلع منها .. يقوم القمل يجرها يجيبها الضل من جديد ..

بتتذكر يا ود السني لما زيكو شال الكورة وقام جاري وحلف باليمين ما يشوتو ضربة الجزاء في مباراة هلال مريخ

[أشرف صلاح السعيد]

الدرديرى صاحب الخروف المعنوى وود السنى نصي العصافير التحية لكما..
والتحية لك المتداخلين جميعا..
اخونا ود السنى والله لو الخروف الجبتا لينا صورتو داك ياهو الخروف العليو التكل بنجيكم بسندوتشاتنا سااكت.. خروفك دا يااخوى بعد ما يقلعو هدومو " بمناسبة حنكشتك الجديدة اللابسا" عليك امان الله شوربتو ما بتكفى.. اما اللحمة زى ما قال ود المأذون ابات لقم ماكناات فى لقمتين بيكونو ودروهو..
غايتو خروفك دا "الهيبس ابو صرة " الا كان يتعمل علاقة لشبهو بعلاقات الحناكيش "الزيك" ام فرو ديلك..
وذكرنى خروفك دا ايام الجاهلية زماان..الشباب يخططو لرحلة بام سنط وجناينا ام هبايب بااردة والقروش تقصر " ماعزمو جكس البلد كلها" ويمشو ليك لخطة واحد واحد واحد.. واحد يراقب الراعى وواحد مدور العربية للهروب والواحد الاخير بيكون هجر اقرب امنع حميل وقام باختطافو وعلى الرحلة..
هسى شكلنا بخروفك دا حترجعنا لخطط الجاهلية تانى ..

[درديري كباشي]

الدرديرى صاحب الخروف المعنوى وود السنى نصي العصافير التحية لكما..
والتحية لك المتداخلين جميعا..
اخونا ود السنى والله لو الخروف الجبتا لينا صورتو داك ياهو الخروف العليو التكل بنجيكم بسندوتشاتنا سااكت.. خروفك دا يااخوى بعد ما يقلعو هدومو " بمناسبة حنكشتك الجديدة اللابسا" عليك امان الله شوربتو ما بتكفى.. اما اللحمة زى ما قال ود المأذون ابات لقم ماكناات فى لقمتين بيكونو ودروهو..
غايتو خروفك دا "الهيبس ابو صرة " الا كان يتعمل علاقة لشبهو بعلاقات الحناكيش "الزيك" ام فرو ديلك..
وذكرنى خروفك دا ايام الجاهلية زماان..الشباب يخططو لرحلة بام سنط وجناينا ام هبايب بااردة والقروش تقصر " ماعزمو جكس البلد كلها" ويمشو ليك لخطة واحد واحد واحد.. واحد يراقب الراعى وواحد مدور العربية للهروب والواحد الاخير بيكون هجر اقرب امنع حميل وقام باختطافو وعلى الرحلة..
هسى شكلنا بخروفك دا حترجعنا لخطط الجاهلية تانى ..

اين صاحب الخروف يا ابو الشوش

تعال نهب الشية شديد يمكن الريحة تجيبه لينا

اشهر خروف في التاريخ هو خروف سيدنا ابراهيم الذي فدى به سيدنا اسماعيل

[محمد السني دفع الله]

الظاهر حيكون خروفك
اشهر خروف في العالم
حضرتو البهارات اخوك عاشق للبهار
والفلفل الحار ..
بعدين المسألة لا حنكشة ولا حاجة
بس الواحد فينا دخل سوات التيه
وعبرنا من بوابة خروف العمر اسف
اقصد خريف العمر ..
ةخلاص حاجات كتيرة بقت تفارقنا اولها الذاكرة
والركب بقت ما تساعدنا في حاجات كتيرة
والأسنان ودي اهم حاجة للعضة
يعني عشان نلهط بطريقة زينة زي ما بقولوا اهلنا الخليجيين
لابد من السنان عشان تمضغ اللحم وتقرقش العضام
عشان كده انا جبت ليكم الخروفان الحنكيش دي
عشان اقدم ليكم نموذج مثالي لما نحلم به
في اللهطة المقدمة منكم
وانا عارفكم حريفة بتاعين
سخلان وحملان
والعتوتات فضلة خيركم
هبو الشية لامن نصلكم
راعوا طقم الأسنان الركبناه
جديد وجيبوا لينا حمل ولا خرووف
لحموا روخص خالص
وجزاكم الله خير الجزاء

[النويري]

الظاهر حيكون خروفك
اشهر خروف في العالم
حضرتو البهارات اخوك عاشق للبهار
والفلفل الحار ..
بعدين المسألة لا حنكشة ولا حاجة
بس الواحد فينا دخل سوات التيه
وعبرنا من بوابة خروف العمر اسف
اقصد خريف العمر ..
ةخلاص حاجات كتيرة بقت تفارقنا اولها الذاكرة
والركب بقت ما تساعدنا في حاجات كتيرة
والأسنان ودي اهم حاجة للعضة
يعني عشان نلهط بطريقة زينة زي ما بقولوا اهلنا الخليجيين
لابد من السنان عشان تمضغ اللحم وتقرقش العضام
عشان كده انا جبت ليكم الخروفان الحنكيش دي
عشان اقدم ليكم نموذج مثالي لما نحلم به
في اللهطة المقدمة منكم
وانا عارفكم حريفة بتاعين
سخلان وحملان
والعتوتات فضلة خيركم
هبو الشية لامن نصلكم
راعوا طقم الأسنان الركبناه
جديد وجيبوا لينا حمل ولا خرووف
لحموا روخص خالص
وجزاكم الله خير الجزاء
يا ود السني والأخوان جميعاً إنشاء الله تكونوا بخير أنا عندي أقتراح نقوم بإرسال الخروف فيدكس لود السني وريحوا بالكم بالله ما حليتها ليكم أنا شفت

[درديري كباشي]

الظاهر حيكون خروفك
اشهر خروف في العالم
حضرتو البهارات اخوك عاشق للبهار
والفلفل الحار ..
بعدين المسألة لا حنكشة ولا حاجة
بس الواحد فينا دخل سوات التيه
وعبرنا من بوابة خروف العمر اسف
اقصد خريف العمر ..
ةخلاص حاجات كتيرة بقت تفارقنا اولها الذاكرة
والركب بقت ما تساعدنا في حاجات كتيرة
والأسنان ودي اهم حاجة للعضة
يعني عشان نلهط بطريقة زينة زي ما بقولوا اهلنا الخليجيين
لابد من السنان عشان تمضغ اللحم وتقرقش العضام
عشان كده انا جبت ليكم الخروفان الحنكيش دي
عشان اقدم ليكم نموذج مثالي لما نحلم به
في اللهطة المقدمة منكم
وانا عارفكم حريفة بتاعين
سخلان وحملان
والعتوتات فضلة خيركم
هبو الشية لامن نصلكم
راعوا طقم الأسنان الركبناه
جديد وجيبوا لينا حمل ولا خرووف
لحموا روخص خالص
وجزاكم الله خير الجزاء

يا رااااااااااااااااااااااااااااااااااااااااااااااجل

علي راي ود الدسيس

هو انت مركب طقم اسنان وتقول لي يا عمي ..

وانا اسناني والحمد لله ( شد بلادها) كما يقول الخليجيون ايضا .. وبس عشان شوية الصبغة البيضاء قلنا نجاري بيها الموضة .. لكن هين بنغسلها بصابون اسود وانت شوف لك حل لطقم اسنانك .. وعندي اقتراح ما دام انت ما راح تقدر تجينا في الرياض رسل لينا طقم اسنانك نضوقوا الشيه ونرجعوا ليك بفيدكس زي ما قال النويري ..

[أشرف صلاح السعيد]

ابو الدر والله عزومتك اخير منها عزومة المراكبية لا فيها ضواقة ولا شحتفة..
خروفك قلت معنوى قلنا ومالو اصلو أى شى فى زمنا دا بقى معنوى ونيات لم تنفذ ولا ضيّر فى ذلك والنوايا الحسنة العملو ليها الف سفير ..مع إنو المحتفى به أكد وشد وعض وقرص على النواجذ "الطقم"برفض المعانى والتشبيهات والتوريات و ساند وعاضد ونادى وصوتو اتنبح بالخروف البيقول بااااع ..بعد دا كلو خروف معنوى ويرسل المحتفى به طقم اسنانو عشان تسوكو ليهو بلحيماية وترجعو ليهو دى بقى إحترتا اسميها شنو!!!
فيدكس شايل طقم من الدوحة للرياض مبلغ وقدرو..وفيدكس شايل طقم مسوك بلحيماية من الرياض للدوحة برضو مبلغ وقدرو..يعنى لو جمعنا قروش الفيدكسين بيجيبو مراح..وبعدين تانى حاجة لو فيها فيدكسات ماترسل خروف ود السنى الكمبروسر بعد ما تحلق صوفو بيبقى اصغر من الطقم وأهو فيدكس اتجاه واحد..

[درديري كباشي]

ابو الدر والله عزومتك اخير منها عزومة المراكبية لا فيها ضواقة ولا شحتفة..
خروفك قلت معنوى قلنا ومالو اصلو أى شى فى زمنا دا بقى معنوى ونيات لم تنفذ ولا ضيّر فى ذلك والنوايا الحسنة العملو ليها الف سفير ..مع إنو المحتفى به أكد وشد وعض وقرص على النواجذ "الطقم"برفض المعانى والتشبيهات والتوريات و ساند وعاضد ونادى وصوتو اتنبح بالخروف البيقول بااااع ..بعد دا كلو خروف معنوى ويرسل المحتفى به طقم اسنانو عشان تسوكو ليهو بلحيماية وترجعو ليهو دى بقى إحترتا اسميها شنو!!!
فيدكس شايل طقم من الدوحة للرياض مبلغ وقدرو..وفيدكس شايل طقم مسوك بلحيماية من الرياض للدوحة برضو مبلغ وقدرو..يعنى لو جمعنا قروش الفيدكسين بيجيبو مراح..وبعدين تانى حاجة لو فيها فيدكسات ماترسل خروف ود السنى الكمبروسر بعد ما تحلق صوفو بيبقى اصغر من الطقم وأهو فيدكس اتجاه واحد..

اشرف الراجل قالك مركب طقم اسنان وخاوطنا باللحم يعني الخروف الا نعملوا شاورما او نفرمو كل ونخلطوا مع الرز ..

اشرف ملاحظة باقي ليك اربعة مشاركات وتكون فضي زي كدا .. امشي استحمى واقشر اتحض للحظة دي قبل ما تكتب الاربعة مشاركات

[أشرف صلاح السعيد]

اشرف الراجل قالك مركب طقم اسنان وخاوطنا باللحم يعني الخروف الا نعملوا شاورما او نفرمو كل ونخلطوا مع الرز ..

اشرف ملاحظة باقي ليك اربعة مشاركات وتكون فضي زي كدا .. امشي استحمى واقشر اتحض للحظة دي قبل ما تكتب الاربعة مشاركات


ابو الدر صاحبك ود السنى شكلو راقدلو فوق راى..يكون ياربى الخروف دا عايز يعملو قاورمة وشرموط كلو؟؟..غايتو للضمان بالله وصى الجزار يقطعو دقاااقة وقول ليو مودنو دار عجزة عشان تحننو ويتوصى بيو اكتر..
وبالنسبة للفضى وكدا اخوك متجهز وعجلتا حموم عيد الضحية واسكت سااكت اتعطرتا كمان ببف باف ضد الصراصير شايفم حايمات بجاى فى العام..وبعدين كدا بغشى الدسيس اشد منو بدلة وكرفتة "تانى شنو ليك"..
بس السيرة دى ما تفتحا كتير هسى ابو جودى بجى ناطى هو فى برونزى اتهمنى عندى واسطة فى الفضى دا بجينى شايل معاو امر قبض ولا ناس الاثراء الحرام..

[النويري]

ابو الدر صاحبك ود السنى شكلو راقدلو فوق راى..يكون ياربى الخروف دا عايز يعملو قاورمة وشرموط كلو؟؟..غايتو للضمان بالله وصى الجزار يقطعو دقاااقة وقول ليو مودنو دار عجزة عشان تحننو ويتوصى بيو اكتر..
وبالنسبة للفضى وكدا اخوك متجهز وعجلتا حموم عيد الضحية واسكت سااكت اتعطرتا كمان ببف باف ضد الصراصير شايفم حايمات بجاى فى العام..وبعدين كدا بغشى الدسيس اشد منو بدلة وكرفتة "تانى شنو ليك"..
بس السيرة دى ما تفتحا كتير هسى ابو جودى بجى ناطى هو فى برونزى اتهمنى عندى واسطة فى الفضى دا بجينى شايل معاو امر قبض ولا ناس الاثراء الحرام..

والله يا ود السني كان زي كلام الناس الشايفو دا انت طلعت زي وارقو بتاع المريخ

[درديري كباشي]

لازال يا اخوان باب التبرع بالخرفان مفتوحا ..

عمنا السني ضرب خرفانا المعنوية كلها وراح يبيع الجلود في حي الدباغة ..

مطلوب حضورك لاستلام ما استجد من خرفان ..


ستة خرفن وتيس ما كفن
ستة خرفن في فد يوم
المعدوم أشكال وألوان
أي خدار في اليوم داك في
كملن رف كمين دكان
أول كفو الخواجات
بعدو العمدة وصمد الساقية
ناس المجلس والمشروع
بعدو الطلبة وباقي الناس
حتى الشفع والحروم
ستة خرفن وتيس إنصفن
ستة خرفن في فد يوم
جات من صالح بت كلتوم
تسكت تخبز طول اليوم
لمن حرقت الدولاب
قنبت المسكينة تدعي
الله يصرف الخواجات
غاية الليلة السقا يشولق
واطات الله دي ست رشاها
ما في غنوتاً ما غناها
ما في مدحتاً ما سواها
حمارو صبح لحق أمات طه

[ود الجعلي]

الاخ دريري كباشي

تحياتي

السؤال الى الاستاذ / محمد السني دفع الله

اولا" لا ارى ان الدراما السودانية قدمت تجربة يمكن ان نفتخر بها او استطاعت ان تقدم اعمالا غيرت في المجتمع او عالجت مشكل اجتماعي او اقتصادي او غير ذلك
يا ترى هل السبب عدم وجود النص الحي وفشل الكتاب السودانيون في انجاب رواية او قصة او ان الممثلين الذي يأدون الادوار لم يتطوروا ولم تكن لديهم المواهب الكافية يمكن ان تكون نجاح وحيد في هذه السنوات الطويلة من العمل الدرامي وانا شخصيا لايخطر على بالي اي عمل ناضج او يكون منحوتا في الذاكرة الا بعض المسلسلات او التمثيليات الساذجة في القصة والاداء

قد نكتب الكثير من العبارت التي تمجد الاشخاص ولكن لا نستطيع ان نصنع تاريخا" كاذبا" في الابداع

السؤال باختصار : لماذا فشلت الدراما السودانية ولماذا لم تاتي اجيال اخرى تمارس العمل بطريقة احترافية ونحن لنا فترة طويلة في هذا المجال لماذا ام نكن مثل المصريين ولماذا تجربتك في الفلم التي اشتركت فيه كانت هامشية ولا ترقى الى مستوى ممثل كبير مثلك
وعفوا" وقد اكون جاهلا" بانجازاتك ومعي الكثيرون فارجو الحديث عن مثل هذه المواضيع التي تهمنا لمعرفة تاريخ الدراما السودانية واشكالاتها و لاننا صراحة لدينا نظرة سوداء وداكنة للدراما السودانية


ولكم الشكر

[النويري]

والله يا أبو الدر أخوي أنا ناضلت عشان صاحب الخروف دا يجيء لكن مافي فايده الظاهر قنع من الخرفان ومن أم ضواً بان

[درديري كباشي]

نداء البخور المخلوط بريحة الشية

اين ذهب صاحب الطيور ... عوز تبور لينا الخر فان مالك يا شيخنا

شنو يا عمنا ضربت شيتنا المعنوية وزغت مننا ؟؟؟


حد قابل السني دفع الله في قطر او اي مكان ثاني

[النويري]

يا أبو الدر صباحك خير

الراجل وين قتس أمكن سمع إشاعة انو الخرفان صومالية عشان كده قال أنسى المهم إنو الدنيا عيد وعيد كبير يا ود النسي يعني ممكن من الحج نجي راجعين بي كم زبيحة طبعاً هناك بتلقاهن في الشارع دا لو خايف الكمية بتاعتنا تكون بسيطة نرجو منك تسجيل الحضور بأقصى فرصة لو أمكن وإلا سوف نقوم بالزبيحة لأنها زبيحة عيد وطبعاً دي ما بتنتظر

[moh_alnour]

أبو الدُر عوافي يا ترياق الزمن المتعافي
ياخي عايز أخت المشاركة بتاعت أستاذنا النور محمد يوسف دي عندك لحدي ما يجي بي نفسو



وتتنادى النجوم إلى حرم عروستهم لتحتفل

الكل في حلة يحبها ... فكل الأجواء نكهتها الحب
طعمها الحب
شرابها وأكلها الحب
تنام على الحب
وتصحو بعد عقد كل العزم
لننطلق...
أيا هذا الحب الجنون ...
ايها الحب المجنون فلتنطلق
وانشر عبيرك في الفضاء
انطلق...
وانشره حتى تلامس نفوسنا
حدّ الارتواء

في شوارعنا
في مدارسنا
في مصانعنا
في منازلنا والحقول
واقدل فينا بِشْرا
ذلك اليوم التناد

يتنادون والكل ممتثلا
عيشة الطِّيْب الرغيد
نسمة الريد الفريد
كلهم طيبٌ وطيب
حياتهم الطيب
ممشاهم الطيب ومسعاهم الطيب
وأكلهمُ الطيب الحلال
ممزوج بعرق الجباه
وصفاء النفوس
وطيب الخاطر

تنادوا عازمين
ذلك الوعد الأكيد

ويمشي فينا أدروب
مزهوا بهذا الإرث التليد
شلناك غنى
ياااجمل منى
ويتوالى البناء
على يديه بإخوانه الميامين
صرح الأمان
عش العصفور
معروش بالنور ود ومحبة

تنادوا من كل حدب وصوب
فإلى هناك
إلى المحطة
وفي المحطة
نستقبل الحضور
من قطر الأشواق ...قطار الشوق
من عطبرة الدامر
يتهادى في الجموع
وينزل
نجم لا ككل النجوم
ود تابر الهميم

عوض الله وين؟؟؟
نريدها منك الزهور
يا صُحبة الكلمة السرور
من قطر البدور
لنصنع تيجانا وباقات تناسب
هذا الرتل الرهيب

وفي ركن قصي
تحت الأضواء
يوزع ودالجاك الابتسامات
يوقع الاتوقرافات
نحبك ودالنور ياودالجاك

لكنني المح هنا
لنتأكد أولا
نعم هو ...
ذلك الفتى الذي حاكت ملامحه كل الرجولة في بلادي
سحنة الزول السمح
ألمح محمد السني دفع الله

هل تسمحوا لي أحبتي
لأهمس في أذنيه

ودالسني...
لامن أشوفك ...تملا عينيَّ الدموع

كنت فيك
كنت معك
كنت إليك وكنت بك
وتسألني ....كيف؟؟؟ ومتى وليه؟؟؟

صدقني لا أعرف لماذا

لكنني آنذاك
فجأة أجد نفسي بين ثلاثتكم
رأيت فيكم رسالة يجب أن تعم الجميع
يشبهونني ويشبهون
عفة الوسط المثال
هم من المؤكد أهلي
يمثلون أهلي بكل علامات الشهامة في وجوههم
ويمثلون في الدواخل ثورة على كل بالٍ قديم
هم نحن فلا تلمح فيهم عيب الملاسة
هم كياسة
وهم رياسة ...لكنهم هنا
لأمر أكيد

مرحب شباب ..هذا موعد العشاء
لنتعشى سويا ...هكذا بلا سابق معرفة
لأني رأيت فيكم الرسالة ناضجة واضحة على وجوهكم
ولان الدم الجزيري يجري في العروق
ما كنتم البخلاء إذ لبيتم الدعوة

كانوا شبابا في العقد الثاني من العمر
محمد السني دفع الله ، عبدالعزيز العميري ، ومحمد نعيم سعد
فتعارفنا بعد ذلك
كانت فرحتي كبيرة
كان حظي عظيما
حيث كنت الأقرب إلى نفوسكم وانتم صرتم في قلبي وقلوب كل زملائي
فقدمتم في فناء الكلية لا على المسرح بل على النجلية تحت الهواء
ذلك الفن الجيد ذلك الفن الأصيل
تمثيلا صامتا ..ذلك المواطن المغلوب
محمد أحمد وهو راكب شماعة في بصات ابو رجيلة
وتجمع الطلاب
رجال المستقبل من جامعة الخرطوم
يشهدون الحدث الفريد
لحظة الانطلاق
الجميع غدا في هستريا الضحك المتواصل بلا حدود
كان ذلك في شمبات الكلية
في النصف الثاني من السبعينيات
وتوالت الزيارات منكم تباعا
حتى صرنا نشتاقكم اخي محمد باسهاب
وحتى توج ذلك بعرض متكامل على المسرح

ثم تخرجتُ بعد ذلك والى الاغتراب مباشرة
وهناك في الغربة
رأيتكم عبرالصحف واشرطة الفيديو المرسال
فيا لفرحتي
هؤلاء أحبابي.... أراهم الآن على التلفزيون
محطة التلفزيون الأهلية
ياهُم
نعم هم
العميري ومحمد نعيم سعد ومحمد السني
نعم هؤلاء هم أصدقائي
لقد وصلوا
لقد اجتازوا كل العقبات
لقد مشوا كل الطريق
لقد وصلوا
نعم وصلوا إلى كل قلوب أهل السودان
كنت قد أحببت فيكم العزم والإصرار
فكنتم خير مثال
لعزم الشباب
لإصرار الشباب
لنبذ الركون والعيش على نوارة الفريق

ولكن فرحتي لم تدم طويلا
ففجعت برحيل العميري
ولكن ابن أخي المخرج حاتم مصطفى سمى ولده العميري
فكسبنا العميري معنا هنا
كان نعم الصديق
كنتم كل الشعارات
كنتم الرسالة
كنتم العزم
لم تركنوا إلى واسطة أو إلى أشياء تحت الطاولة لتظهروا للناس
لأن فنكم وأصالته،
إصراركم والمثابرة
بالإضافة إلى قوة شخصياتكم
أجبرت الكل على الاحترام وبفتح الباب بلا حدود

فكان محمد السني
المثال
نجما لا يغيب
عن سمائنا في كل السودان وسماوات المنطقة

هذا الشاب يجبرك على احترامه والتحية تعظيم سلام
***
اليوم يتنادى الجميع إلى عيد المحبة لمدني

الجميع قد ملأت جوانب قلوبهم كثرة التحنان لمدني

الجميع تعاهدوا أن تلكم القلعة محروسة بعشاقها

كما المنتصرون على كل أسباب نفوسنا وكيد الشيطان
فيها يتمخترون زهوا
بهذا الكبرياء
بهذا الألق الأشم
بهذا التسامح
وبهذا الحب المجنون

تتقاطر النجوم عبر بوابة
ابتسم
لا يفترون عن ترديد كلمات الترحاب
أنت في مدني فابتسم
بحيرة اللآلي والدرر
وحيث سماؤها المأوىً لكل النجوم

تتقاطر هنا كل النجوم
لتنطلق في العالم تصحيحا لكل ظلم
تنويرا لكل ليل ادلهم
وفرجا لكل صاحب هم
هنا مركز القمم
لكل الأمم...وهنا مدينة الفهم
نجومها في سمائنا لا تغيب

[النويري]

وينك يا ود السني أطلع من الرطوبة دي

[المكاشفى]

.. ولقيت صاحبنا يتبرم ويقوول لي شفت السكر مستواه هبط كيف زمان كان بيطير الحكومات هسع بقى يا دوب يطير الخدامات ..
.

هههههههههههههههههههههههههه
وااااااااااااااااااااااااااااااااااااااااااااااى
عمى الدرديرى والله الواحد الا يلم فيك ام دلاديم
لمات يقدر يجازيك ... والله اولا طولت من مواضيعك
من زمن تلاجه اخونا مشرف العام
اها والتانيه انا كايس السنى ده لقيتو فى بوستك ده
ياخى والله انت محنه والله وربنا يشفيك من مرض السياسه
افضى لينا للمحن بس وكان انا قبلت على السياسه
بكتب فيه كيمان درااااااااب ولوووووووووووم عييييييييييييك
وتانى شئ طولت ماضحكت فى المنتدى باقى خاشى مبوذ
ومارق مبوذ والحال ماعاجبنى ؟؟؟!!!!
امشى البحر؟؟؟؟
تقبل مرورى ياحبه

[درديري كباشي]

أبو الدُر عوافي يا ترياق الزمن المتعافي
ياخي عايز أخت المشاركة بتاعت أستاذنا النور محمد يوسف دي عندك لحدي ما يجي بي نفسو



تسلم يا محمد نور فعلا استاذنا النور محمد يوسف مطخم بالادب وينضخ جمالا في شكل حروف ويعطر به المنتدى في كل نفحة

[درديري كباشي]

هههههههههههههههههههههههههه
وااااااااااااااااااااااااااااااااااااااااااااااى
عمى الدرديرى والله الواحد الا يلم فيك ام دلاديم
لمات يقدر يجازيك ... والله اولا طولت من مواضيعك
من زمن تلاجه اخونا مشرف العام
اها والتانيه انا كايس السنى ده لقيتو فى بوستك ده
ياخى والله انت محنه والله وربنا يشفيك من مرض السياسه
افضى لينا للمحن بس وكان انا قبلت على السياسه
بكتب فيه كيمان درااااااااب ولوووووووووووم عييييييييييييك
وتانى شئ طولت ماضحكت فى المنتدى باقى خاشى مبوذ
ومارق مبوذ والحال ماعاجبنى ؟؟؟!!!!
امشى البحر؟؟؟؟
تقبل مرورى ياحبه


وينكم انتو يا مكاشفي ووين صاحبك .. مخلين المنتدى مضلم بلاكم ... اكان لاقيتو قولوا تعال ... ما فيها كشف ... يعني الدعوة ( ليست العاقبة عندكم في المسرات )

[أبو جودي]

أخونا الكبير ود السني ،،، لك التحية ،،، واهه نحنا من الصباح في الحضور ،،، الخبر وصلنا قالوا اليوم حتهل علينا ،،،،
لك التحية وفي انتظارك