قنبلة سماحة الزول في الطول و..................

[ام قبس]

دي قالوا احتمال تنفجر
بقيف معاك والله مابجر
اليدين شنو كدا مابعرف
والشنو كدا مابعرف كمان

كدي قولوا انتوا وانا بجي بعدكم

[فراس]

نقول شنو لكن مع القنابل دي

[ام قبس]

لسع ماجيتوا
انتهذ هذه الفرصه لاهنئي الشعب السوداني الفضل
بالتقدم السريع في كافه المجالات بالاخص مجال الفن ومتذوقيه والذوق العام المغلوب علي امره

حكايه قصيرونه
جات واحدة جديدة معانا هنا
وفي لمه ترحيبيه
اتلمن نسوان المغتربين
يتناقشون في مستجدات الساحة السودانيه
وبعد المواضيع الخطيرة التي تم تداولها من ارتفاع سعر ساحر عقول الحريم
وامكانيه الصندوق هنا ولملت قروش البلد دي
وانتقلنا للوضع المتطور الرهيب في بلادنا العزيزة
وباعتبار القادمة الجديدة لنج اخر المطلع علي الساحة الفنيه
فردت لنا مساحة الابداع الهلت ونزلت تترب علي الوطن
فاجأتني بسنتر الخرطوم وفي بادئي الامر اتخيلتها بتوصف في محل ذهب في السوق العربي
قالت لي يامرة انتي مخرفة
طبعا ماقاصدة اهانتي بالمرة لكن قصدت الكلمه في حد ذاتها وهي الخرف المربوط بتخيل التطور في شوارع تانيه حامياني
كلام ياعوض دكام(( الله يرحمه الرجل القامه المضحك بقدر جديته ويعي مايقول ))
نحنا ماناسيين للعهود فاكرين
الشريط جاني هديه من احد الاخوات
وبعده القنابل
يالناس الهناك وصلتوا وين بعد السنتر والقنابل

[ام قبس]

نقول شنو لكن مع القنابل دي

عليك الله يفراس قول لي احساسك بيها بي صراحة (( الاغنيه طبعا))

بالمناسبه مرات الزول يشعر بي شيء غير طبيعي في مخه براي تلقاني كوركت قنبله قنبله

[عباس الدسيس]

دي قنبله سماحه الزول في الطول والعلا
دي قالو احتمال تنفجر......... قنبله
تقيف معاك والله ما بجر ........قنبله
ما بفيد الصد والهجر
والبتحصل انا بقبلا
قنبـــــــــــــله
*****************
العيون سلاح الموت........ قنبله
الخشيم دا كاتم صوت ........قنبله
بي الجو بي البرشوت
جيوشك علي انقلا
قنبـــــــــــــله
*****************
السنون زي در وبلي ........قنبله
والخد مسدس سته مل........قنبله
يا عيوني ما تملي
الشوف والعود والسنبله
قنبـــــــــــــله
*****************
الايدين كلاشنكوف........قنبله
والقوام يشهي الشوف........قنبله
الحنان المالي الجوف
مسح العزاب والبلى
قنبـــــــــــــله


كده كيف معاك يا ام قبس

[بنت الرفاعي]

يالناس الهناك وصلتوا وين بعد السنتر والقنابل

إنتي من زمن السنتر و القنابل ؟؟
بعديها طلع أضربني بمسدسك و رصاص الطبنجة , لكن ديل أهون من .........................!!
لو عرفتي الطلع بعد ديل شنو؟؟ أنسي الفكرة بس ,
والمؤسف بيغنوهم في الحفلات , ولو سمعتي الغناء اللي في الحفلات حتقولي شنو؟!!! , قنبلة ومسدسك ديل غاية في الإحترام بالنسبة لما بعدهما !!! والله مرّة سمعت لي أغنية صُعِقت بمعنى الكلمة لكلماتها , معقولة في ناس بتغني بالمستوى ده ؟؟ وكيف يسمحوا ليهم يغنوا كدة؟؟؟ ووين الرقابة من ده كلو؟؟!!!


الله يهون.

[ام قبس]

دي قنبله سماحه الزول في الطول والعلا
دي قالو احتمال تنفجر......... قنبله
تقيف معاك والله ما بجر ........قنبله
ما بفيد الصد والهجر
والبتحصل انا بقبلا
قنبـــــــــــــله
*****************
العيون سلاح الموت........ قنبله
الخشيم دا كاتم صوت ........قنبله
بي الجو بي البرشوت
جيوشك علي انقلا
قنبـــــــــــــله
*****************
السنون زي در وبلي ........قنبله
والخد مسدس سته مل........قنبله
يا عيوني ما تملي
الشوف والعود والسنبله
قنبـــــــــــــله
*****************
الايدين كلاشنكوف........قنبله
والقوام يشهي الشوف........قنبله
الحنان المالي الجوف
مسح العزاب والبلى
قنبـــــــــــــله


كده كيف معاك يا ام قبس

والله يا ود الدسيس ميه ميه
كدا بقت سمع وقاورمه اقصد سمع وشوف
لقيتك حفيظ حفظ
كان كدا احسن طشاش نظارتك في القاورمه
لو بقي 6علي 6 وسمع نظيفه تاني مابنقعد في المنتدي دا

[أبو جودي]

والله يا ناس الزمن ده ،،، أنحنا ما عدييييييييييييييييل كده بقينا بره اللعبة ،،، تصوري يا أم قبس ،،، قبل كم شهر ،،، كنت براسل في واحد من الأهل هناك ،،،، وسألته عن الخطيبة المرتقبة ،،، ورد علي وقال قنبلة ،،،، في الوقت داك ما قدرت أعرف هو بقصد شنو ،،،،، لكن الليلة يا دوب ما عرفته أنه نحنا ما متابعين الأغاني الجديدة في الساحة ،،،، والعتب على النظر والسمع ،،،،،،،،،،

[مهيد ود السفاح]

ام قبس اولاً بالتبادي
كل عام وانت بالف خير
وربنا يحقق كل امنياتك

انا لقيت العنوان فيهو طول وما طول
جيت فاكي صوف
اها اول ما وقفت كده
القى القنابل والسنتر
ياربي انا وين ؟؟
تورا بورا ولا وادي سوات ولا اكون في سوق اللفه بغداد
وبمناسبة السنتر دي زكرتني سماره ماشي .
شوفي الجماعه ما عندعهم حاجه للناس القصار .

[ام قبس]

إنتي من زمن السنتر و القنابل ؟؟
بعديها طلع أضربني بمسدسك و رصاص الطبنجة , لكن ديل أهون من .........................!!
لو عرفتي الطلع بعد ديل شنو؟؟ أنسي الفكرة بس ,
والمؤسف بيغنوهم في الحفلات , ولو سمعتي الغناء اللي في الحفلات حتقولي شنو؟!!! , قنبلة ومسدسك ديل غاية في الإحترام بالنسبة لما بعدهما !!! والله مرّة سمعت لي أغنية صُعِقت بمعنى الكلمة لكلماتها , معقولة في ناس بتغني بالمستوى ده ؟؟ وكيف يسمحوا ليهم يغنوا كدة؟؟؟ ووين الرقابة من ده كلو؟؟!!!


الله يهون.

يامرام بالانجليزي
مشكورة شرحك لما جاء بعد قنبله فهمني الناس دي مالها
الناس دي ياجماعة قصدها كل خير هي خطة ثلاثيه الابعاد لمحاربه التدخل الخارجي والهجمه الغربيه علي البلاد بما ان البلد يعيش حاله استنفار قصوي لما يعصف به من مشاكل وكدا
فجاءت كل التوجهات في نطاق الحرب الشعواء
لقيتني كيف في التفسير
علو يبرد لي حشاي في التطور بتاعنا ياخي

[ام قبس]

والله يا ناس الزمن ده ،،، أنحنا ما عدييييييييييييييييل كده بقينا بره اللعبة ،،، تصوري يا أم قبس ،،، قبل كم شهر ،،، كنت براسل في واحد من الأهل هناك ،،،، وسألته عن الخطيبة المرتقبة ،،، ورد علي وقال قنبلة ،،،، في الوقت داك ما قدرت أعرف هو بقصد شنو ،،،،، لكن الليلة يا دوب ما عرفته أنه نحنا ما متابعين الأغاني الجديدة في الساحة ،،،، والعتب على النظر والسمع ،،،،،،،،،،

يا ابوجودي ماقلت ليك ناس الزمن دا مصابين بربكه الهجمه الخارجيه فدي اسلحة فتاكه ماشايف مرام قالت ليك التعابير كلها بقت مسدسات وطبنجات
نظام تخويف للعدو وكدا
ودي بالمناسبه مساهمة الغناء في دراء الكوارث الطبيعيه يعني ناس هيثم ساتي يمكن بدل الاستعانه بالجن يستعينوا بالاغاني المدججه دي والبلد الحبه مابتجيها:o

[ام قبس]

ام قبس اولاً بالتبادي
كل عام وانت بالف خير
وربنا يحقق كل امنياتك

انا لقيت العنوان فيهو طول وما طول
جيت فاكي صوف
اها اول ما وقفت كده
القى القنابل والسنتر
ياربي انا وين ؟؟
تورا بورا ولا وادي سوات ولا اكون في سوق اللفه بغداد
وبمناسبة السنتر دي زكرتني سماره ماشي .
شوفي الجماعه ما عندعهم حاجه للناس القصار .


ودالسفاح اولا بالتبادي وانت بالف خير
وامانيك كمان
قايل الموضوع فيه عروس مغتربه ولا شنو
وانا لحدي اللفه دي كنت في بغداد دي شنو
صحي انا خرفت كان كدا
بالنسبه للناس القصار بساعل وبجيك
لكن احتياتي كدا ما اظن بياكلوا عيش
مع الحرب المدورة دي

[أبو جودي]

والله عشنا وشفنا ،،، الله يحضرنا زمن الصواريخ ،،،،،،،،،

[مهيد ود السفاح]

ودالسفاح اولا بالتبادي وانت بالف خير
وامانيك كمان
قايل الموضوع فيه عروس مغتربه ولا شنو
وانا لحدي اللفه دي كنت في بغداد دي شنو
صحي انا خرفت كان كدا
بالنسبه للناس القصار بساعل وبجيك
لكن احتياتي كدا ما اظن بياكلوا عيش
مع الحرب المدورة دي


عروس مغتربه ؟؟؟
كان شفتي عيني طلعن كبااااااااااااااار
وقربت اقول امكن انا الما جيت .

وكان للقصار دخلوا الحرب زمااااااااااااان

( قالوا قالوا قالوا قالوا القصار طالوا )
اها دخلوا ولا ما دخلوا ؟؟

اللهم ارحم مصطفى سيد احمد والشفيع واحمد المصطفي وعثمان حسين وابوداؤود

[حسام التنين]

في زول بسئل من قنبلة

http://tatheyana.jeeran.com/81mmmortars.jpg

http://tatheyana.jeeran.com/60mmmortars.jpg

[ام قبس]

مهيد الحزن فينا كائنا يمشي علي ساقيه
وكفي
ربنا يرحمنا واياهم
ومايخلي الحزن يجري فللي
تخريمه "انا قديمه مش كدا بدل فللي دي جابوا شنو

[ام قبس]

في زول بسئل من قنبلة

http://tatheyana.jeeran.com/81mmmortars.jpg

http://tatheyana.jeeran.com/60mmmortars.jpg

مبر ور و روك يا عر يريس ريس
دي نظام تمتمه

دي عمليه يعملها عريس صبحيه عرسه طيرت رحمن قلبي

انت احسن تبقي راجع لي نيمتك الكنت قاعد فيها دي
حفلت امبارح دي ادوكم فيها شنو

[عثمان جلالة]

أم قبس ربنا يكفينا شر القنابل .. المسيله للدموع .. البوست ده دمو خفيف جدا .. زي الغنا ده .. ههههههههههههه قلتي لي "سمع وقااااورمه" :):):) الله يجازي محنك يا أم قبس

[النويري]

أم قبس لكي مني التحية وحقيقة البوست جميل ويتناول قضية هامة ونحنا بصراحة خربت أذانا من البينسمعو من أغاني هابطة وياريت لو تشاركونا في بوست بعنوان روائع حقيبة الفن اللي بيرجعنا للزمن الجميل واللي بنحاول ننظف ما أعتراى مفاهيم المتلقي السوداني من غبار وأنا كنت في السودان قبل شهرين وتزوجت الحمد لله وكان في كمية من الفنانين عايزين يغنوا الهابط من قبيل قنبلة وكمان في حاجة جديدة أسمها ورا ورا عزراً إذا كان الأسم قبيح لكن من جملة الأغناي الهابطة في السودان أرجع إلى أني حلفت ما تتغنى في عرسي الغنيتين ديل لما فيهم من الركاكة في الكلمات وبصراحة الناس هي اليخلت الأغاني الهابطة تنتشر وتأخذ حيذ في مجتمعنا نحن يا أختي محتاجين لتغيير مفاهيم الجيل الجديد بتاع تامنة وبعدين بنصلح الحال

[محمد زين العابدين]

تحيه نديه الي اجمل ناس

مدني كيف مدني كدا
والنياء حلوه دايره رضاء



اغنيه استمعت لها حديثا وبالجد عجبتني شديد

[ام قبس]

أم قبس ربنا يكفينا شر القنابل .. المسيله للدموع .. البوست ده دمو خفيف جدا .. زي الغنا ده .. ههههههههههههه قلتي لي "سمع وقااااورمه" :):):) الله يجازي محنك يا أم قبس

عثمان الف مرحب وعيدك سعيد ان شاء الله
بالجنبه كدا : بسمع فيها هسع والله حلوه
بالذات لمحبي الطول وكدا
وبتي جنبي ترقص جنس رقيص

ياريت يا جلاله القنابل الذي دي تكون ذي بوستي دا في السنه حسنه يعني
بس ماتبقي قاعدة ننطلق منها ويشار لنا بالبنان اننا اصحاب القنابل الفشنك

[صهيب البصير]

عيدك سعيد ام قبس

تعرفى اول ماقرين العنوان جرى عملت كلك زى مهيد ودالسفاح قلنا امكن تكون هناك هديه او مسابقه بما اننا من طراز أ ب ح وهو نوع من اللوارى الطوال كنايه عن الطو الفارع
دخلت لقيت القنبله وعوض دكام
لمن قريت الكلام دا خشمى طلع غبار
فى يوم الوقفه وانا داخل على غبيرة فى الرياض قلت ياخى اوقف اشوف لى شرايط عشان بكره انا معيد فى الدمام عشان اقصروا على المسافه
وياريتنى لو مادخلتى
سالت بتاع المحل عندكم سي دى هات اغانى قالى لى ايوه ياابو الشباب عندنا
جاب لى سي دي هات قلت نفسى فى تكساس
عشه بوب وفتحيه فرنسا وايمان لندن قلت لى ياخوى انا عايز اغانى سودانيه
وين ناس الكابلى واحمد المصطفى وابراهيم عوض قال لى ياخوى خليك مع الزمن
قلت لى ياخى طيب ادينى اخر شريط اكون حاجه كدا
قال لى جدا نزل لى سي دى بتاع طه سليمان قال اسمو كرت اصفر
قلت لى شقلوا

قال من الحكم صفر ادانى كرت اصفر خلانى اتوتر شنو يالتجديد الرشيد بدوى عبيد

قلت لى ياخى ماتوترنا ذياده والله طلعت خليت المكان وهو ساكينى طيب عندنا طه الساحه طيب فى شكرالله الكبرى

[أبو حمزة]

أختي أم قبس وقبس ذاتها:

طبعاً أنا زواجي كان في النصف بالضبط من يناير المنصرم..

وأول نزلة لي للسودان بعد سبع سنوات.. وأول مرة أسمع أغنية القنبلة..حقيقة ارتعبت ..

بعدها ... يا بنات حواء تن ترن تن تن كملتوا البدرات قلبي شن سوا .. ومادري إيش تاني..

( طبعاً عامل فيها سعودي وكدا)..

الأمر الذي جعلني أطلب من الفنان أغنية لعثمان حسين..

والغريبة الشباب يرقص هنا وهناك.. يعني ما عندهم مشكلة

( والله لو جبتِ بس أوركن وشغلتي بصوت عالي يرقصوا ما عندهم مانع..وعلى هذا قسِ...!!

[ام قبس]

أم قبس لكي مني التحية وحقيقة البوست جميل ويتناول قضية هامة ونحنا بصراحة خربت أذانا من البينسمعو من أغاني هابطة وياريت لو تشاركونا في بوست بعنوان روائع حقيبة الفن اللي بيرجعنا للزمن الجميل واللي بنحاول ننظف ما أعتراى مفاهيم المتلقي السوداني من غبار وأنا كنت في السودان قبل شهرين وتزوجت الحمد لله وكان في كمية من الفنانين عايزين يغنوا الهابط من قبيل قنبلة وكمان في حاجة جديدة أسمها ورا ورا عزراً إذا كان الأسم قبيح لكن من جملة الأغناي الهابطة في السودان أرجع إلى أني حلفت ما تتغنى في عرسي الغنيتين ديل لما فيهم من الركاكة في الكلمات وبصراحة الناس هي اليخلت الأغاني الهابطة تنتشر وتأخذ حيذ في مجتمعنا نحن يا أختي محتاجين لتغيير مفاهيم الجيل الجديد بتاع تامنة وبعدين بنصلح الحال

الاخ النويري عيد مبارك
مبروك العرس اولا بالتبادي علي قوله واحد اخونا فوق
ثاني مابالتبادي بيت مال وعيال انشاء الله
والله انت في عرسك دا قربت تحصل واحد زميلنا زمان الناس في الحفله وهو حالف الا يوقفه الفرقه الاثيوبيه من الرقيص ولا مابدخل النادي
الجيل الجديد مضغوط وعين ابوة طالعه براه يالنويري
وحاله يحنن والله لمان اشوف الجيل الهنا من عمر 12 سنه داخل دورات تدريبيه في المستشفيات او المصانع في الاجازات الصيفيه الصغيرة عشان يتعلموا ويلموا حق الفسح في الاجازة الكبيرة
اتذكر اولادنا وبناتنا البيقروا لي عمر ال25 سنه وفي النهايه مايقدروا يعملوا اي شيء
اها جنس ديل غير يفجروا قنابل غنا ماعندهم حل ولا بنجي فجاءة نلقاهم قالوا بم بم وانتهينا

[ام قبس]

تحيه نديه الي اجمل ناس

مدني كيف مدني كدا
والنياء حلوه دايره رضاء



اغنيه استمعت لها حديثا وبالجد عجبتني شديد

محمد زين العابدين ازيك
عيدك سعيد يارب
قلت لي دي الجديدة
تيب اتمها ليك من عندي
والرضاء وين الرضاء بح
الشباب كيف مباري الزح
الحفله فرتق قوماكم ارح
هسع دي لو لقاها فنان من البلبسه اول حفله ليهم بنطلون ابيض وقميص احمر
مابتكون معاه في السلك
تخريمه اها في السلك دي مايكون مارق منها الغبار هي ذاتها

[ام قبس]

عيدك سعيد ام قبس

تعرفى اول ماقرين العنوان جرى عملت كلك زى مهيد ودالسفاح قلنا امكن تكون هناك هديه او مسابقه بما اننا من طراز أ ب ح وهو نوع من اللوارى الطوال كنايه عن الطو الفارع
دخلت لقيت القنبله وعوض دكام
لمن قريت الكلام دا خشمى طلع غبار
فى يوم الوقفه وانا داخل على غبيرة فى الرياض قلت ياخى اوقف اشوف لى شرايط عشان بكره انا معيد فى الدمام عشان اقصروا على المسافه
وياريتنى لو مادخلتى
سالت بتاع المحل عندكم سي دى هات اغانى قالى لى ايوه ياابو الشباب عندنا
جاب لى سي دي هات قلت نفسى فى تكساس
عشه بوب وفتحيه فرنسا وايمان لندن قلت لى ياخوى انا عايز اغانى سودانيه
وين ناس الكابلى واحمد المصطفى وابراهيم عوض قال لى ياخوى خليك مع الزمن
قلت لى ياخى طيب ادينى اخر شريط اكون حاجه كدا
قال لى جدا نزل لى سي دى بتاع طه سليمان قال اسمو كرت اصفر
قلت لى شقلوا
دي بعد الشر عليك ياود امي كان كان اشتريتها كان قصرت عمرك مالمسافه الحمدلله الطلعت ساي كمان بقت في سي دي والله نعم التعليم
انت طبعا كان قصدك حاجه فيك
قام اداك حاجة كولن كولن
النبي ياصهيب ماتنزل لينا مقطع من الكرت الاصفر دا
يمكن نطلبه في البي بي سي بالليل
قال من الحكم صفر ادانى كرت اصفر خلانى اتوتر شنو يالتجديد الرشيد بدوى عبيد

قلت لى ياخى ماتوترنا ذياده والله طلعت خليت المكان وهو ساكينى طيب عندنا طه الساحه طيب فى شكرالله الكبرى

لكل شكري وتقديري والله يطول عمرك
ويقصر عمر التخلف والابتذال

[ام قبس]

أختي أم قبس وقبس ذاتها:

طبعاً أنا زواجي كان في النصف بالضبط من يناير المنصرم..

وأول نزلة لي للسودان بعد سبع سنوات.. وأول مرة أسمع أغنية القنبلة..حقيقة ارتعبت ..

بعدها ... يا بنات حواء تن ترن تن تن كملتوا البدرات قلبي شن سوا .. ومادري إيش تاني..

( طبعاً عامل فيها سعودي وكدا)..

الأمر الذي جعلني أطلب من الفنان أغنية لعثمان حسين..

والغريبة الشباب يرقص هنا وهناك.. يعني ما عندهم مشكلة

( والله لو جبتِ بس أوركن وشغلتي بصوت عالي يرقصوا ما عندهم مانع..وعلى هذا قسِ...!!

اخي ابو حمزة
تحيه وعيدك تاني سعيد
لو استشرتني
في النزله بعد السبعه سنه دي
كنت قلت ليك خلي الجندي المجهول ينزل ليك غنيه محمد الامين خمسه سنين
وتتمها سنه سنتين شويه
علي الاقل اخفه وطاءة
وتخليهم يرسلوا ليك العروس مع شريط من الارشيف او سهرة من الامس
ما شايف قالوا ليك ناس المنتدي البايت بيكون احلي
يازول الف مبروك

[ابوالنور]

الريدة ليك و الشوق جبال الليل طويل و الدمع سال ... ياقلب يا عاشق المحال رغم المحال عايش لبكرة


كل ما اسمع الغنية و اسمع الحتة دي احس انها كاتبنها لي .. لكن لسا انا عندي امل .. محال اكيد ما محال

ام قبس كل سنة وانتي طيبة وربنا يحقق امانيك يارب