المساعد الشخصي الرقمي

مشاهدة النسخة كاملة : كلام كبار


بت مارنجان
27-09-2009, 07:39 AM
والله ياخواني القصة دي بفكر فيها لي زمن !!!!!

في جلسة هادئة مع الحجة ربنا يخليها لي ويديها الصحة والعافية ... وكان الموضوع دائر
حول رغبات الانسان " والمكنونات " عشان اصحابنا يفهمو الشغلانية .....
والموضوع دائر تحديدآ حول علاقات الحب بين الشباب والبنات ...
فالحجة قالت لي شوفي يابتي في مقولة عايزاكي تعرفيها ... انا لاقريت جامعات لا
اتوظفت ولا قعدت في " الفيس بوك :p " لكن فهمت الدنيا ورتني الماشفتو
في الجامعات ...

مافي انسان كامل بمعني :
" لابيقري رغبتو "
ولا بتزوج البحبو
ولا بيشتغل في مجالو

عشان كدة يابتي حكمي عقلك في الامور المصيرية وشيلي قلبك دة شوية وانسي
عواطفك ... لكن ماتبقي متحجرة حاولي وازني مابين عقلك وقلبك وحاولي رجحي
عقلك .. لانو مابضيعك ...

لي نحنا دايمآ بنستسلم في اقل مشكلة تلاقينا ... ولمن تواجهنا كمان في ناس " المحبطة " طبعا ديل مابقصرو بحبطوك زيادة ....
يعني مثلا تحب واحدة وتكون في مليون مشكلة مواجهاك ... يجيك صحبك بدل يقعد
يحلها ليك يقول ليك
ياخ في ستين وحواء والدة ياخ مية وحدة تتمناك ... ياخ هي لاقية ... وامها ماعارف حمرت
ليك واخوها عامل كيف ...
اها زي ديل انا بسميهم اصدقاء سوء :mad:
لانو بدل مايقيفو جمب صاحبهم ويهدو الحكاية يولعوها وممكن يفرتقو الموضوع ....

دي نقطة انتهت نجيكم للنقطة التانية ....
هشام سلس
27-09-2009, 07:43 AM
بنت مارنجان كل سنة وانت طيبة



دي نقطة انتهت نجيكم للنقطة التانية


بجيك بعد النقطة التانية
بت مارنجان
27-09-2009, 07:50 AM
نجيكم لي ناس كدة بتاعين ردات الفعل ...
اها ديل مثلا واحد ووحدة مجكسين وعينهم طالعة وكل يوم ماسكين ورقة وقلم وشغالين يعملو في الخطط ودراسات الجدوي ...
يوم كدة يخش الشيطان ويتشكلو اها تكبر في راسه ولا راسها يقومو يقطعوها مع بعض
وكل واحد يمشي في طريق ...
ويقعد يقول ليها انتي السبب وهي تقعد تتبكي وتقول لي انت السبب ...
اها عندآ فيها او فيه ... يقوم يمشي يعرس ....

اها شوفتو ردات الفعل دي كتييييييييييييييييييييييييرة ... الواحد يمشي يعرس عند
في التاني ... والمشكلة الواحد بكون شايلا الهاشمية الحنن ومابعرف شنو وهي بهناك
برضو تقوم كدة مغسة تعرس واحد مريش كدي يجب الفساتين الماخمج ...

اها الصدمة تجي بتين لمن يقعدو مع بعض وتكتش انه او يكتشف انو دة مستقبل وانو بدا حياة مع شخص من غير ماينهي ماضي كبير ليهو ....
ليه الواحد بيتسرع في قراات مصيرية زي دي ... ليه الواحد لمن ينهي علاقة مع شخص
يجري يرتبط بي شخص من دون مايمسح الاثار للعلاقة القديمة ....
علاقة الحب البتربط بين اتنين ماهي ونسة او كلام هي عهد بيناتهم والتزامات ببعض
وخاصة لو بقت العلاقة دي ماخدة زمن كبير بينهم ...

يعني الواحد لمن يكون عيان ويبقي كويس بياخد فترة نقاهة بعد المرض ... فمابالك
بالحاجات البتكون في المشاعر والاحاسيس والقلوب ... دي شفاءها صعب
المرض بتاخد ليهو حبوب وتتغذي بتبقي كويس ... لكن البخش جوة دة ياخواني صعب
يطلع ...
يعني لو سمعت غنية بتتزكر لو مريت بشارع بتتزكر .. لو جابو اسمو سااااااااي تتراجف ...

اها ليه الواحد بيتحمق ويقوم ينهي العلاقة ويفتح علاقة جديدة من دون مايطلع من ديك
والمشكلة بيقنع نفسو بانه نسي ... وهو من جواه بيكون لسة في حالة صدمة
والمصيبة كمان يجيب اولاد ... اها دة بيكون عايش بنصو مع اهل بيتو ....

امشي واجيكم للنقطة البعديها ...
بت مارنجان
27-09-2009, 07:51 AM
بنت مارنجان كل سنة وانت طيبة



دي نقطة انتهت نجيكم للنقطة التانية


بجيك بعد النقطة التانية

العريس النفض الكيس :p:p:p
وين انت مالامين فيك ياخ هناك وهنا ;)

كل سنة وانت طيب وربنا يوصل ليك هناية بالسلامة ....
بت مارنجان
27-09-2009, 07:58 AM
اها نجي لي ناس الشغل ديل بقي ناس نظرتهم سوداوية شديد ... اي شي ماعاجبه
ويقعد يقول ليك في الشغل " ياخ دي بلد دي " وانا والله ويملي ليك خشمو حليفة
وانا وانا ...
شوية تلاقي واحد صحبو " اللي هما اصحاب السوء برضو " يجيه يقول ليه ياخ تعال ناس
هناي ديل عندهم شغل وين ويوهمو ليك وهمات تقيلة والربح ماعارفة كم ...
يقوم اخونا يكتب الاستقالة الماخمج ويوديها للمدير وعلي طول تتقبل الاستقالة

ناس مالاقين شغل وناس تقدم الاستقالة :o:o

اها زي دة نقول عليه شنو وبعد شوية تلاقي شغل صاحبو الموهوم وضيعو ليك في خبر كان ...
ويرجع تاني لشغلو الاول يلاقي الغراب جاء وشال القصة كلها ...
دة بنقول ليه
ابيتوها مملحة جيتو تكوسو فيها قروضة :o

نجيكم لي حتة تانية برضو ....
بت مارنجان
27-09-2009, 08:16 AM
نرجع تاني لحتة ردات الفعل دي عشان عندي فيها كلام كتييييييييييييييير ....
لي صديقة ربطتني بيها زمالة عمل زماااااااااااااااااااااااااان ... وحكت قصتها :

كانت علي علاقة بي شخص ودامت العلاقة قرابة ال 6 سنوات ... وفي يوم حصلت مشكلة وهي وقتها قرت الجامعة واتخرجت واشتغلت .. وهو لسة بينظر في الشغل
مرة يشتغل ومرة عايز يسافر ...
المهم والدتها بعد عرفت انهم انفصلو قامت ايدتها علي القصة دي وقالت ليها اصلا هو
شخص ماجادي ...
في خلال اسبوع من الانفصال او اسبوعين تقريبا .. اتزوجت بشخص تاني كان مرة عرض
عليها الزواج وهي مرتبط بزولا القديم وطبعا رفضت ...
قامت اتزوجتو .. واتفاجات طبعا من اول يوم بانها دة شنو العملتو دة ...

يعني حتي مااخدت فرصة مع نفسها " لازم الواحد ياخد استراحة محارب من معركة
الحب دي " هي اخدتها طوالي وبرضو بالعند وعاشت معاه 10 سنين وربنا ماكتب ليهم
اولاد ...
بعد تمت ال 10 سنين اكتشفت انها اتسرعت :rolleyes:
واتطلقت منه وبعد 3 شهور من طلاقها اتزوجت باخونا الزماااااااااااااااااااااااااااان
الاخدت في وشها وخلتو ....

العايزة اصل ليهو ...
الناس تتأني ... دي مسائل مصيرية والانسان عندو قدرة عجيبة باقناع نفسو ويوهما بانه
سعيد ومتعايش ...
هو بيدخل في نفسه حتة المعايشة دي ... يعني انا ممكن اكون صحتي كويسة
اوهم نفسي انو عندي صداع طوالي بيجيني ...

ليه الواحد مايقعد مع نفسو ويعمل جرد حساب في حياتو ومايستعجل بانه يقدم علي
اي خطوة الا لمن ياخد وقت كااااااااااااااااااااااااااافي ويكون مقتنع تماما بانو الاختارو
دة عن اقتناع ماواهم بيه نفسو ...

بجيكم تاني بي شولة :p:p
عمر المامون
27-09-2009, 08:46 AM
شنو يا مارنجو كل شويه بجيكم بجيكم

ياخ زغللتي لي عيوني بالرايحة والجية دي

لكن موضوعك عزاب ....
محمد السر
27-09-2009, 09:18 AM
كدي واحده واحده يا مانجو
نمسكه من الكبري
هشام سلس
27-09-2009, 10:32 PM
أنت يا مانجو كدي ختي الكورة في الواطة وتعالي لينا من الأخر كدا ... الحاصل شنو ؟؟؟


شولة: نتأني...
محمد النويري-الفقراء
27-09-2009, 11:41 PM
واله يا مبدعة كلامك كلو صحيح من قبيل قاعد اعيد واعيد في كلامك وعشان اقول حاجة عندي زحمة وتداخل كلمات بس بعد ما الشكلة دي تهدئ حجيك برواقة لانو كلام الحاجة دي في الصميم :
مافي زول قرأ الحاجة الهو بيرغب فيها إلا قليل ..
ومافي زول عرست البت الكان بيحبها وبموت فيها..
ومافي زول اشتغل في مجالو إلا القليل ...
كلام حكم .. بجيك تاني
عثمان جلالة
28-09-2009, 12:07 AM
:p:p:p هي يااااااااا بتو لكن دي ما حبوبه four Weels Drive البتعرف الـ فيس بوك دي هههههههههه

فعلا كلام كبار

طبعن ... مفروض ننتظر ... الخلاصة عشان ما نستعجل في الرد .. زي الإستعجلو فوق ديل ولا شنو؟؟:)
الجندي المجهول
28-09-2009, 12:11 AM
والله ياخواني القصة دي بفكر فيها لي زمن !!!!!

في جلسة هادئة مع الحجة ربنا يخليها لي ويديها الصحة والعافية ... وكان الموضوع دائر
حول رغبات الانسان " والمكنونات " عشان اصحابنا يفهمو الشغلانية .....
والموضوع دائر تحديدآ حول علاقات الحب بين الشباب والبنات ...
فالحجة قالت لي شوفي يابتي في مقولة عايزاكي تعرفيها ... انا لاقريت جامعات لا
اتوظفت ولا قعدت في " الفيس بوك :p " لكن فهمت الدنيا ورتني الماشفتو
في الجامعات ...

مافي انسان كامل بمعني :
" لابيقري رغبتو "
ولا بتزوج البحبو
ولا بيشتغل في مجالو

عشان كدة يابتي حكمي عقلك في الامور المصيرية وشيلي قلبك دة شوية وانسي
عواطفك ... لكن ماتبقي متحجرة حاولي وازني مابين عقلك وقلبك وحاولي رجحي
عقلك .. لانو مابضيعك ...

لي نحنا دايمآ بنستسلم في اقل مشكلة تلاقينا ... ولمن تواجهنا كمان في ناس " المحبطة " طبعا ديل مابقصرو بحبطوك زيادة ....
يعني مثلا تحب واحدة وتكون في مليون مشكلة مواجهاك ... يجيك صحبك بدل يقعد
يحلها ليك يقول ليك
ياخ في ستين وحواء والدة ياخ مية وحدة تتمناك ... ياخ هي لاقية ... وامها ماعارف حمرت
ليك واخوها عامل كيف ...
اها زي ديل انا بسميهم اصدقاء سوء :mad:
لانو بدل مايقيفو جمب صاحبهم ويهدو الحكاية يولعوها وممكن يفرتقو الموضوع ....

دي نقطة انتهت نجيكم للنقطة التانية ....

كل عام وانت والوالدة بالف خير (( وتحياتي للوالدة الله يحفظها))

وزي ما امك نصحتك انا بديك نصيحة ( اي كلام قالتوا ليك امك امشي بيهو بالحرف الواحد ) والله تب ما بتندمي .. الله يطول في عمرها وتشوف بنات بنات بنات بت مارنجان
أشرف صلاح السعيد
28-09-2009, 12:39 AM
بت مارنجان عيد مبارك عليك وعلى كل الاهل وللوالدة الكريمة..
تعرفى اديتينى احساس الواحد قاعد قدام حبوبتو ولا جدو وبيديهو برشامات نصايح وكدا..
اسرع النصيحة تأثيرا البتجى كدا من غير رتوش ومن غير تنمق وتدخل الراس توش..بس المشكلة كتير من ريسان الزمن دا غايبة وسيدا حاضر..
واصلى ياحبوبة كلامك فيو عبر وخليك ورا كلام الحاجة فيهو الدرر..
نزار حسن محمد
28-09-2009, 12:41 AM
غايتو انا حاجز عشرة ونسه مع الحاجه
بس كدى النصل السودان
عبدالله محمد العقاد
28-09-2009, 12:47 AM
الغالية مانجو

الغريبة بأقرا في بوستك و انا مبتسم و حقيقة ما عارف سر الابتسامة الذي اصبح يلازمني بعد ما قرات بوستك ( أوضتين خلف خلاف ) و بوست ( لمتين ) و هسع كلام كبار
تفتكري سر الابتسامة دي شنو ؟
بنت الرفاعي
28-09-2009, 01:02 AM
وينك يابنتنا مالك وقفتي من الكلام السمح دا ؟؟
نحن في إنتظارك.
المسافر
28-09-2009, 01:03 AM
نرجع تاني لحتة ردات الفعل دي عشان عندي فيها كلام كتييييييييييييييير ....
لي صديقة ربطتني بيها زمالة عمل زماااااااااااااااااااااااااان ... وحكت قصتها :

كانت علي علاقة بي شخص ودامت العلاقة قرابة ال 6 سنوات ... وفي يوم حصلت مشكلة وهي وقتها قرت الجامعة واتخرجت واشتغلت .. وهو لسة بينظر في الشغل
مرة يشتغل ومرة عايز يسافر ...
المهم والدتها بعد عرفت انهم انفصلو قامت ايدتها علي القصة دي وقالت ليها اصلا هو
شخص ماجادي ...
في خلال اسبوع من الانفصال او اسبوعين تقريبا .. اتزوجت بشخص تاني كان مرة عرض
عليها الزواج وهي مرتبط بزولا القديم وطبعا رفضت ...
قامت اتزوجتو .. واتفاجات طبعا من اول يوم بانها دة شنو العملتو دة ...

يعني حتي مااخدت فرصة مع نفسها " لازم الواحد ياخد استراحة محارب من معركة
الحب دي " هي اخدتها طوالي وبرضو بالعند وعاشت معاه 10 سنين وربنا ماكتب ليهم
اولاد ...
بعد تمت ال 10 سنين اكتشفت انها اتسرعت :rolleyes:
واتطلقت منه وبعد 3 شهور من طلاقها اتزوجت باخونا الزماااااااااااااااااااااااااااان
الاخدت في وشها وخلتو ....

العايزة اصل ليهو ...
الناس تتأني ... دي مسائل مصيرية والانسان عندو قدرة عجيبة باقناع نفسو ويوهما بانه
سعيد ومتعايش ...
هو بيدخل في نفسه حتة المعايشة دي ... يعني انا ممكن اكون صحتي كويسة
اوهم نفسي انو عندي صداع طوالي بيجيني ...

ليه الواحد مايقعد مع نفسو ويعمل جرد حساب في حياتو ومايستعجل بانه يقدم علي
اي خطوة الا لمن ياخد وقت كااااااااااااااااااااااااااافي ويكون مقتنع تماما بانو الاختارو
دة عن اقتناع ماواهم بيه نفسو ...

بجيكم تاني بي شولة :p:p




فعلاً كلام كبار وأكبر مني زاتو هههههههههههه

وبالفعل التأني والتفكير بعمق في اتخاذ القرار
بجنب الإنسان على الأقل الندم ، ولست القرارات
فقط حتى الكلام والنقاش محتاج إلى تأني وتفكير
قبل كل شيء . . . .

أها يا أختي أعتقد بفهمت الحاصل شنو ؟
المسافر
28-09-2009, 01:04 AM
الغالية مانجو

الغريبة بأقرا في بوستك و انا مبتسم و حقيقة ما عارف سر الابتسامة الذي اصبح يلازمني بعد ما قرات بوستك ( أوضتين خلف خلاف ) و بوست ( لمتين ) و هسع كلام كبار
تفتكري سر الابتسامة دي شنو ؟




عبدالله العقاد
عيدك سعيد ومبارك

يا أخوي بقيت ( فاصوليا ) ولا شنو ؟
أعتقد ده سر الإتبسامات الكتيرة ده !!!!
أبو ريان
28-09-2009, 01:26 AM
تسلم يابت مارنجان والله موضوع ردة الفعل فعلا موضوع خطير جداً ومهم خالص ولازم الواحد يعمل شولة ويقيف شوية خاصة في المواضيع المصيرية ( الزواج , العمل , السفر
بت مارنجان
28-09-2009, 02:06 AM
شنو يا مارنجو كل شويه بجيكم بجيكم

ياخ زغللتي لي عيوني بالرايحة والجية دي

لكن موضوعك عزاب ....

عشان العزاب دة زاااااااااااتو كلنا نناقش المسائل دي ...
وبعدين انت ياخوي ماوريتنا عزابك وين عشان نناقشو ... ماتنكسف ياخ
عاااااااااااااااااااادي ;)
بت مارنجان
28-09-2009, 02:09 AM
كدي واحده واحده يا مانجو
نمسكه من الكبري

كباري الخرطوم كتيييييييييييييييرة ياتو كبري فيهم ... ولا كبري رفاعة :rolleyes:
انا مسكت النقاط كلهم ياود السر ....
انت نقطتك وين بالظبط ؟؟؟
بت مارنجان
28-09-2009, 02:11 AM
أنت يا مانجو كدي ختي الكورة في الواطة وتعالي لينا من الأخر كدا ... الحاصل شنو ؟؟؟

الكورة دي قدر ماجابتها وقلت ليها اقعدي ... ابت تقعد وبقت مجهجهاني ماعارفة اسوي ليها شنو ؟؟؟
قلت اشوتها يمكن تخش القون ;)
شولة: نتأني...

ايوااااااااااااااااا
التأني دة مطلوب جدآآآآآآآآآ .... لانو في السرعة الندامة والعجلة من الشيطان ...
بت مارنجان
28-09-2009, 02:19 AM
والله يا مبدعة كلامك كلو صحيح من قبيل قاعد اعيد واعيد في كلامك وعشان اقول حاجة عندي زحمة وتداخل كلمات بس بعد ما الشكلة دي تهدئ حجيك برواقة لانو كلام الحاجة دي في الصميم :
مافي زول قرأ الحاجة الهو بيرغب فيها إلا قليل ..
ومافي زول عرست البت الكان بيحبها وبموت فيها..
ومافي زول اشتغل في مجالو إلا القليل ...
كلام حكم .. بجيك تاني

ود الفقراء والله انت المبدع .. والحجة الله يديها العافية شافت وعرفت الدنيا ...
ومدرسة الحياة اكبر مدرسة بتعلم الانسان وبيستفيد منها ...
والحجة كلامها كلو بيضرب في الاوتار الحساسة ...

ومافي زول بيلاقي البتمني ومافي زول بيرسم لوحة علي النجوم بيلاقيها ....

وروق المنقة وتعال لينا راجع راجينك ...
بت مارنجان
28-09-2009, 02:21 AM
:p:p:p هي يااااااااا بتو لكن دي ما حبوبه four Weels Drive البتعرف الـ فيس بوك دي هههههههههه

فعلا كلام كبار

طبعن ... مفروض ننتظر ... الخلاصة عشان ما نستعجل في الرد .. زي الإستعجلو فوق ديل ولا شنو؟؟:)


امي سغيرة والله :o
هسي عايزين نعمل ليها صفحة في الفيس بوك :p:p

الخلاصة عندكم ياابو عفان توروني كلام الحجة دي صحي ولا نحنا مدفقين مويتنا
علي الرهاب :o
بت مارنجان
28-09-2009, 02:26 AM
كل عام وانت والوالدة بالف خير (( وتحياتي للوالدة الله يحفظها))

اللهم آمين ويحفظ امهاتنا كلنا ويطول لينا في عمرها ....

وزي ما امك نصحتك انا بديك نصيحة ( اي كلام قالتوا ليك امك امشي بيهو بالحرف الواحد ) والله تب ما بتندمي .. الله يطول في عمرها وتشوف بنات بنات بنات بت مارنجان

آآآآآآآآآآآآآآآآآآآآآآآآآآآآآآآمين ...
الجندي اول شي كل سنة وانت بالف خير وبالصحة والسلامة ....
وخير صديق للانسان والدو ....

زي ماقال الرسول صلي الله عليه وسلم عندما سئل : من احق الناس بحسن صحابتي
" قال امك قال ثم من قال امك قال ثم من قال امك قال ثم من قال ابوك "
فالأم بتوجه وتعلم واكيد ماعايزة الا كل خير لابنها ... لذلك نصيحتها وتوجيها اكيد
واكيد لي خير ... وحتي لو ماخير يكفي طاعة الوالد بتسهل علينا امورنا في الدنيا
والا خرة ....
بت مارنجان
28-09-2009, 02:29 AM
بت مارنجان عيد مبارك عليك وعلى كل الاهل وللوالدة الكريمة..


تعرفى اديتينى احساس الواحد قاعد قدام حبوبتو ولا جدو وبيديهو برشامات نصايح وكدا..
اسرع النصيحة تأثيرا البتجى كدا من غير رتوش ومن غير تنمق وتدخل الراس توش..بس المشكلة كتير من ريسان الزمن دا غايبة وسيدا حاضر..
واصلى ياحبوبة كلامك فيو عبر وخليك ورا كلام الحاجة فيهو الدرر..


وانت بالصحة والسلامة اخوي اشرف وربنا يحقق كل امانيك ...
والله يااشرف قدر مالناس الكبار ديل يزنقو ليك في حياتك واي حاجة يقولو ليك دي ماصح ومامفروض ... بتلف تلف تلاقي كلامهم صح وتقول ياريت لو كان عملتو ...

لكن مرات الواحد بيركب راسو عند ساااااااااااااااااي ....
والحجة ربنا يخليها مابتقصر ...
بت مارنجان
28-09-2009, 02:31 AM
غايتو انا حاجز عشرة ونسه مع الحاجه
بس كدى النصل السودان

ود حسن " السغير " توصل بالسلامة وعشرتك محفوظة ;)
وكل سنة وانت بالف خير ياابو النيز ...
بت مارنجان
28-09-2009, 02:36 AM
الغالية مانجو

الغريبة بأقرا في بوستك و انا مبتسم و حقيقة ما عارف سر الابتسامة الذي اصبح يلازمني بعد ما قرات بوستك ( أوضتين خلف خلاف ) و بوست ( لمتين ) و هسع كلام كبار
تفتكري سر الابتسامة دي شنو ؟

شنو :confused::confused:

ماعارفة اقول ليك شكرآ علي المدح ... ولا أقول ليك ادينا نقطة مع النقاط دي ونسفيد
كلنا ونفهم حاجة مع الكلام الكبار دة ...

تسلم استاذي عبد الله كتير ...

تلحيقة زي بتاعة ود المدثر :
مانجو اتنقلت من النيمة ... والله نيمتنا بقت عالمية :p:p
بت مارنجان
28-09-2009, 02:42 AM
وينك يابنتنا مالك وقفتي من الكلام السمح دا ؟؟
نحن في إنتظارك.

مرمر ماوقفت بس قلت ناخد راحة ونشرب موية ونجيكم ياخ :p
بت مارنجان
28-09-2009, 11:51 PM
اها نرجع لي شولتنا ياخواني ....
يجيك واحد يقول ليك امي قالت لي ماعافية ليك لو عرست هناية دي .... اها زي دة يسوي شنو " ياخد عفو والدتو " ولا يعاند ويعرس هناية ....
الشغلة دي في ناس حيجو يقولو لي كانت زمان ... لكن لغاية هسي في امهات بيعملو كدة ...
وانا متاكدة في ناس حصل ليهم كدة ... وممكن يحصل انو اختيار الوالدة بعد كدة يكون كويس يعني البطيخة تطلع مية المية وطااااااااااااعمة ...
مش بيقولو الزواج بطيخة مقفولة ;)
عمرسنهوري
29-09-2009, 12:30 AM
الاخت العزيزه و زميلة الدراسه بت مارنجان
اثرت نقاط في غاية الاهميه .

دعيني ابدأ معك من النقطه الثالثه وهي اتخاذ قرارات مصيريه بتسرع

قرارات التسرع في الزواج كردة فعل او مكايده نتائجها غالبا ماتكون كارثيه
اولا يكون الشخص ظلم نفسه بزواجه من اخر لا يحمل تجاهه اي مشاعر
وان يظلم الشخص نفسه فذلك شي يخصه هو لكن الامر يتعدى هذه النقطه
الى مدى ابعد وذلك عندما يكتشف ذلك المسكين ان الارتباط به كان لضرب المحبوب السابق
وانه يمثل دور الاداة التي استخدمت
وانه لا يحظى بأي قبول من الطرف الاخر . ولم يكن قريب منه الى قرب المكان فقط


ولي عودة
بت مارنجان
29-09-2009, 09:08 AM
فعلاً كلام كبار وأكبر مني زاتو هههههههههههه

ياراااااااااااااااجل :p

وبالفعل التأني والتفكير بعمق في اتخاذ القرار
بجنب الإنسان على الأقل الندم ، ولست القرارات
فقط حتى الكلام والنقاش محتاج إلى تأني وتفكير
قبل كل شيء . . . .

عليك نور

أها يا أختي أعتقد فهمت الحاصل شنو ؟

بالنسبة لي شنو ؟؟؟
بت مارنجان
29-09-2009, 09:15 AM
تسلم يابت مارنجان والله موضوع ردة الفعل فعلا موضوع خطير جداً ومهم خالص ولازم الواحد يعمل شولة ويقيف شوية خاصة في المواضيع المصيرية ( الزواج , العمل , السفر

تعرف ياابو ريان ... هو مش مهم ,,,
هي حالة لازم الانسان يعيشها بعد اي تجربة يمر بيها في حياتو .. يعني ماممكن نعيش
تجارب وننهيها ونقفل صفحتها من غير مانقعد مع نفسنا ونشوف البينا والعلينا ....
لازم الانسان يقعد يرتب نفسو وافكارو ويشوف الحصل وحصل ليه وعشان شنو ...

حتي في الشغل او الدراسة لازم القرارات ماتكون مبنية علي العاطفة .. التأني مطلوب
لانو في لحظتها الواحد مابيكون بيفكر غير انو يصل للشئ العايزو مابكون عارف عاقبة
الامور الا بعد مالفاس تقع في الراس ....

مشكور علي طلتك ياابو ريان ...
ابوالنور
29-09-2009, 09:24 AM
مافي انسان كامل بمعني :
" لابيقري رغبتو "
ولا بتزوج البحبو
ولا بيشتغل في مجالو

عشان كدة يابتي حكمي عقلك في الامور المصيرية وشيلي قلبك دة شوية وانسي
عواطفك ... لكن ماتبقي متحجرة حاولي وازني مابين عقلك وقلبك وحاولي رجحي
عقلك .. لانو مابضيعك ...

....
وحاة الله ده كلام ثمح بلحييييل وابقي عليه 10 وكل سنة وانتي طيبة وربنا يحفظك ويحفظ ليك امك كمان
alanssary
29-09-2009, 09:48 AM
بت مارنجان ...
ماتسألي لي امك دي معاك ...
بت مارنجان
29-09-2009, 11:00 PM
وحاة الله ده كلام ثمح بلحييييل وابقي عليه 10 وكل سنة وانتي طيبة وربنا يحفظك ويحفظ ليك امك كمان

ابو النور كل سنة وانت بالف خير وربنا يحقق كل امانيك ...
وكلام الحجات كلام سمح وماعايز لي فهم كتير ... ربنا يحفظ كل الامهات ويديهم
الصحة والعافية ...

همسة : انت ياخوي من العيد دة جاء خاتي شنطتك ومستني ... راجي شنو :confused:
بت مارنجان
29-09-2009, 11:00 PM
بت مارنجان ...
ماتسألي لي امك دي معاك ...

من شنو ؟؟؟
alanssary
30-09-2009, 04:49 AM
من شنو ؟؟؟
من نفس الموضوع ...
هشام سلس
30-09-2009, 05:49 AM
همسة : انت ياخوي من العيد دة جاء خاتي شنطتك ومستني ... راجي شنو :confused:

راجي شنو ولا ........؟؟
بت مارنجان
01-10-2009, 04:02 AM
من نفس الموضوع ...

ياخ انا قلت مواضيع كتييييييييييييرة ونقاط كتيييييييييييييييرة ياتا فيهم :confused:
بت مارنجان
01-10-2009, 04:03 AM
راجي شنو ولا ........؟؟

السؤال موجه لي " ابو النور " ؟؟؟؟
سواااح
01-10-2009, 04:52 AM
الغالية بت مارنجان ..
ها انت تلمسين اوتار القلب
والعزف عليها اجمل ما يكون
لكن لي بتساؤل بسيط ..
كيف يمكن ان نشفي الجراحات القديمة ؟؟
وكيف تكون هي استراحة المحارب ؟؟
لانه حسب ما اعتقد ..
ان امور واختلافات الحب
لا يمكن شفاؤها فقط بالزمن ...
بت مارنجان
02-10-2009, 03:04 AM
الغالية بت مارنجان ..
ها انت تلمسين اوتار القلب
والعزف عليها اجمل ما يكون
لكن لي بتساؤل بسيط ..
كيف يمكن ان نشفي الجراحات القديمة ؟؟
وكيف تكون هي استراحة المحارب ؟؟
لانه حسب ما اعتقد ..
ان امور واختلافات الحب
لا يمكن شفاؤها فقط بالزمن ...

الاخ سواح ...
اصعب الجراح واعمقها هي جراحات القلب التي لاتدمل ولا يختفي اثرها ...
مهما طال الزمن ....

والدتي ربنا يديها الصحة والعافية كانت تقول لي دائمآ " اي شي بتولد في الدنيا سغير
وبيكبر الا الجرح والالم بيتولد كبير وبعدين بيصغر "
لكن ياعزيزي لم اجد ماقالته ... بل وجدت ان الجرح كلما طال عليه الزمن يمكن ننساه شوية ومايكون في بالنا دايمآ لكن هنالك اوقات بترجع بينا الزاكرة للحصل ويبدأ الجرح يفتح ... زي الكأنو كان الليلة ...
يتحدث طبيب بان فترة النقاهة بعد العميلة اهم من وقت العملية لاستئصال مكان الالم
لانو لو حصل الجرح فتح من اول ممكن دة يسبب مشاكل صحية سيئة صعبة علي المريض .....
دة جرح الجسد البتعالج بالدواء ... فما بالك بجرح النفس والروح ...

سؤالك صعب ياسواح ... لو لقيت حل ليهو وريني ....
بت مارنجان
02-10-2009, 03:14 AM
في بعض الاحايين تأتي نتائج اعمالنا بعكس ماهو خطط له وماهو معد .... طيب وقت جاني عكس كدة ... ليه دايمآ نرمي اللوم علي غيرنا ؟؟؟
ليه نقول انو فلان كان السبب وهو البوظ المخطط بتاعي ... او الحاجة الفلانية الحصلت
هي الخلت الموضوع دة ماشي غلط ؟؟؟
ليه دايمآ بنرمي اللوم علي غيرنا ونجري سريع ونحاسب الغير قبل مانحاسب نفسنا اول ...........
الم يقل الرسول عليه الصلاة والسلام " كلكم راع وكلكم مسؤول عن رعيته " ....
ليه مابنتحمل اخطائنا ونعترف بيها ؟؟؟
بنخجل يعني يغلطونا الناس ويقولو عاين دة بالله مابفهم ؟؟؟
وين المشكلة لو انا بقيت مابعرف في الشي دة او خبرتي فيه قليلة ؟؟؟
وين المشكلة لو انا سالت وقلت ياخوانا وروني الشي دة بعملو كيف ؟؟؟
يعني حينقص من قدري ولا حيقولو فاشل ؟؟؟

مافي انسان فاشل في الدنيا لانو ربنا ميزنا عن " الانعام " بالمخ ... والمخ بنفكر بيه
...
مش رسولنا الكريم عليه افضل الصلاة والسلام قال : " ميمان لايتعلمان مستحي ومتكبر " ....
يبقي وين المشكلة لو تركنا الاستحاء او التكبر علي جنبة وقلنا لازم نعرف وين خطأنا واتعلمنا منو عشان مانقع فيهو تاني ....

نمشي ونجيكم للزول البعمل فيها ناقش اي شي وهو سجم رمادو ماعارفو :p:p
بت مارنجان
12-10-2009, 02:32 AM
الاخت العزيزه و زميلة الدراسه بت مارنجان
اثرت نقاط في غاية الاهميه .

دعيني ابدأ معك من النقطه الثالثه وهي اتخاذ قرارات مصيريه بتسرع

قرارات التسرع في الزواج كردة فعل او مكايده نتائجها غالبا ماتكون كارثيه
اولا يكون الشخص ظلم نفسه بزواجه من اخر لا يحمل تجاهه اي مشاعر
وان يظلم الشخص نفسه فذلك شي يخصه هو لكن الامر يتعدى هذه النقطه
الى مدى ابعد وذلك عندما يكتشف ذلك المسكين ان الارتباط به كان لضرب المحبوب السابق
وانه يمثل دور الاداة التي استخدمت
وانه لا يحظى بأي قبول من الطرف الاخر . ولم يكن قريب منه الى قرب المكان فقط


ولي عودة

العزيز عمر ود سنهوري ...
كثيرآ مانتعامل بردات الفعل اما كيدية علي الطرف الاخر او علي شخص من الاهل
سواء الوالدين او الاصدقاء ... لكن في الاخر ينقلب السحر علي الساحر ...
لانو الاذية ماحتجي الا علي الشخص المتسرع المتخذ للحكم الخاطئ والمصيري
في حياتو ....

في انتظار عودتك ياعمر ماتتاخر علينا ....

وبعتذر علي ردي المتأخر لانو بصراحة اللون الاحمر طششني وماركزت ;)
محمد موسي الصديق
12-10-2009, 05:18 AM
[quote
مافي انسان كامل بمعني :
" لابيقري رغبتو "
ولا بتزوج البحبو
ولا بيشتغل في مجالو

عشان كدة يابتي حكمي عقلك في الامور المصيرية وشيلي قلبك دة شوية وانسي
عواطفك ... لكن ماتبقي متحجرة حاولي وازني مابين عقلك وقلبك وحاولي رجحي
عقلك .. لانو مابضيعك ...

كلااااااااااااااااااام عقل والله امشي علي الكلام دا يا بتنا
التيمان
12-10-2009, 05:27 AM
ست الودع كشكشى ..
بت مارنجان
12-10-2009, 01:28 PM
[quote
مافي انسان كامل بمعني :
" لابيقري رغبتو "
ولا بتزوج البحبو
ولا بيشتغل في مجالو

عشان كدة يابتي حكمي عقلك في الامور المصيرية وشيلي قلبك دة شوية وانسي
عواطفك ... لكن ماتبقي متحجرة حاولي وازني مابين عقلك وقلبك وحاولي رجحي
عقلك .. لانو مابضيعك ...

كلااااااااااااااااااام عقل والله امشي علي الكلام دا يا بتنا

العزيز محمد موسي ... زميل الدراسة ....
كلام الوالدة حتي لو بيكون فيهو صعوبة فدايمآ بيكون علي حق حتي اذا كانت الحقيقة
دي علي المدي البعيد ...

همسة : شنو ياخ مختفي كدة اظهر وبان فاقدنك ....
بت مارنجان
12-10-2009, 01:30 PM
ست الودع كشكشى ..

التيمان منورين والله وحمدلله عالسلامة ....
انتو حالفين الا ترجعو مع عمكم ولا شنو ؟؟؟
علي العموم نورتونا واشتقنا لي جوطتكم
بت مارنجان
12-10-2009, 01:38 PM
والله ياخواني الليلة عايزة اتكلم عن حاجة كدة لاحظتها مؤخرآ ... وصراحة بقت كتيرة
وماحلوة ... واتكلمت عنها آخر شي لكن يظهر العادة دي مستمرة وماحتروح ...
يجيك شخص لايفقه عن شي حاجة شايت شمال في الموضوع وهو لايعلم عنو ادني شي ....
ليه الناس بتستمتع بالأفتاء والتنظير واطلاق الاحكام جزافآ علي الناس ... ليه الواحد
لمن يمسك قلمو او الكي بورد بتاعو مابتأني قبل ماتكتب ....
ليه ماتحاسب نفسك قبل ماتحاسب غيرك ... نحنا ماملائكة ... نحنا بشر وكل يوم بنغلط
لكن الغلط نصر علي انو نغلط تاني ....
ومنو انت اصلآ عشان تستخدم قلمك في جلد الناس واطلاق احكام عليهم ايآ كان غرضك
من التصرف الاتصرفتو دة ... سواء كانت غيرة من نجاح شخص او حقد او يمكن طبعك
كدة مابتحب النجاح للناس المعاك ....
مايلفظ من قول الا لديه رقيب عتيد " حاسب نفسك قبل مايحاسبك رب العباد " ....
وماتنصب نفسك مسؤل عن الناس ....
التيمان
12-10-2009, 01:55 PM
والله ياخواني الليلة عايزة اتكلم عن حاجة كدة لاحظتها مؤخرآ ... وصراحة بقت كتيرة
وماحلوة ... واتكلمت عنها آخر شي لكن يظهر العادة دي مستمرة وماحتروح ...
يجيك شخص لايفقه عن شي حاجة شايت شمال في الموضوع وهو لايعلم عنو ادني شي ....
ليه الناس بتستمتع بالأفتاء والتنظير واطلاق الاحكام جزافآ علي الناس ... ليه الواحد
لمن يمسك قلمو او الكي بورد بتاعو مابتأني قبل ماتكتب ....
ليه ماتحاسب نفسك قبل ماتحاسب غيرك ... نحنا ماملائكة ... نحنا بشر وكل يوم بنغلط
لكن الغلط نصر علي انو نغلط تاني ....
ومنو انت اصلآ عشان تستخدم قلمك في جلد الناس واطلاق احكام عليهم ايآ كان غرضك
من التصرف الاتصرفتو دة ... سواء كانت غيرة من نجاح شخص او حقد او يمكن طبعك
كدة مابتحب النجاح للناس المعاك ....
مايلفظ من قول الا لديه رقيب عتيد " حاسب نفسك قبل مايحاسبك رب العباد " ....
وماتنصب نفسك مسؤل عن الناس ....


الله على الكلام الدرر انت بت زى الفل

شوفى يا بت مارنجان بعض الناس يعشقون اللين والهوان ولا يرون فى انفسهم عيوب

ولكن الله يرى ولكل امرىء ما نوى والله يعلم مافى القلوب اختى بت مارنجان

كونى كما تمنيتى وكما نشاءين يعنى فى ناس بتحقد على ناس فى اتفه حاجه

ممكن تتصوريها وفى ناس ضاربين الدنيا بالجزمه ما بهم شى يلا على بركه الله

ما تشتغلى بالمواضيع طالما انت ماشه صاح وضميرك مرتاح يلا على الباقى تدور الدواير

تخريمه:

على الطلاق عمنا جرانا جر قال الا يجيبنا معاهاو لكن كلمه فى سرك

جينا مشتاقين ليك انت بالزات هع هع



اخوانك الصغار التيمان

دندق وابنق
التيمان
12-10-2009, 01:56 PM
رايك شنو فى توقيعى بالمنافسه


هع هع هع
moh_alnour
12-10-2009, 04:19 PM
ما أقسى هذه الحياة و هي تأتينا بالرياح التي لم تشتهيها سفن أحلامنا و أمالنا
فكثير ما تقف الظروف حجر عثرة في تحقيق رغباتنا و قد نظطر في بعض الأحيان إلى مسايرتها لتفادي السباحة عكس التيار
ومع ذلك تجد أن الحياة بخيلة و ضنينة حتى مع تلك التنازلات التي نقدمها لتقليل سقف طموحاتنا
قد تجمعك الظروف بشخص ما و تعلق عليه كل أمالك و تمنحه كل مساحة الحب و الاخلاص التي في قلبك و لكن تأبا القسمة و أخيها النصيب إلاّ و أن يفرقا بينكما
و قد تضطرك لحظة غضب أو حماقة إلى ترك شخص و تحاول التعويض عنه بشخص أخر
و لكن تكتشف بأنك حضور في هذه العلاقة الجديدة بجسدك و لكن روحك و قلبك ما زالت تحن إلى الماضي و الحبيب الأول
و في أحيان كثيرة تأتي الفرصة إلى شخص ما في طبق من ذهب و عليه أن يُحسن أستثمارها خير أستثمار
فكما يقولون : عاجز الرأي مضياع لفرصته حتى إذا فات أمرا ً عاتب القدرا و مطروفة عيناه عن عيب غيره فإن بان عيب من أخيه تبصرا
بعيدا ً عن العلاقات الأنسانية فالتعامل بردة الفعل و أتخاذ القرارات في لحظات الغضب لا يُثمر إلى الندم
لذلك قال رسولنا صلى الله عليه وسلم مُوصيا ً أحد أصحابه ( لا تغضب ، لا تغضب ، لا تغضب ) وكررها ثلاثا ً
فعلى الأنسان أن يتأنى دائما ً في كل القضايا المصيرية و أن يُحّكِم عقله قبل قلبه في كل أمورهِ الحياتية
كما يجب عليه أن يتخير الأصدقاء الذين يكونون له مرآة يرى من خلالها نفسه و أن يعكسوا له سلبياته قبل إيجابياته و ينيرون له طريق الصواب من خلال الرأي و المشورة
أيضا ً ورد في الأثر ( أرى كل إنسان يرى عيب غيره و يعمى عن العيب الذي هو فيه ) و المثل السوداني يقول ( الجمل ما بشوف عوجة رقبتو )
بت مارنجان كلام كُبار تحس فيه بعبق سنوات الخبرة و التجربة و تتذوق فيه عصارة أفكار صقلتها السنوات الطِوال
ربنا يخلي ليك الحاجة و يديها الصحة و العافية و طولة العمر وما يحرمكم من بعض قادر يا كريم
عبدالحفيظ
13-10-2009, 02:17 AM
أولا لك التحية بنت مارنجان
والله كلام الحاجة 100% مافى زولا بقرا رغبتو ولا يشتغل في مجالو
لكن إنا حالف ما بتزوج الى البنت البريده انشاء الله بعد 100000000 سنة
ملحوظة:
لو الاصفار بسيطة زيدي من عندك
بت مارنجان
13-10-2009, 03:15 AM
الله على الكلام الدرر انت بت زى الفل

شوفى يا بت مارنجان بعض الناس يعشقون اللين والهوان ولا يرون فى انفسهم عيوب

ولكن الله يرى ولكل امرىء ما نوى والله يعلم مافى القلوب اختى بت مارنجان

كونى كما تمنيتى وكما نشاءين يعنى فى ناس بتحقد على ناس فى اتفه حاجه

ممكن تتصوريها وفى ناس ضاربين الدنيا بالجزمه ما بهم شى يلا على بركه الله

ما تشتغلى بالمواضيع طالما انت ماشه صاح وضميرك مرتاح يلا على الباقى تدور الدواير

تخريمه:

على الطلاق عمنا جرانا جر قال الا يجيبنا معاهاو لكن كلمه فى سرك

جينا مشتاقين ليك انت بالزات هع هع

هع هع هع هع هع هع
تقول والله ;)

اخوانك الصغار التيمان

دندق وابنق

والله ياحلوين انتو فاكهة المنتدي ... ونورتو وبالله ماتعملو جوطة كتير عشان اعمامكم
ديل عجزو ... وماتتعبو عمو " ود النور ;) "
ياحليلو عجز :p
بت مارنجان
13-10-2009, 03:18 AM
رايك شنو فى توقيعى بالمنافسه


هع هع هع

شنو ياخ مافي توقيع كدة اهداء لي خالتكم بت مارنجان
شنو يعني تدو ناس هناية ومابتعملو لينا واحد

يخس عليكم :p
بت مارنجان
16-10-2009, 12:33 PM
ما أقسى هذه الحياة و هي تأتينا بالرياح التي لم تشتهيها سفن أحلامنا و أمالنا
فكثير ما تقف الظروف حجر عثرة في تحقيق رغباتنا و قد نظطر في بعض الأحيان إلى مسايرتها لتفادي السباحة عكس التيار
ومع ذلك تجد أن الحياة بخيلة و ضنينة حتى مع تلك التنازلات التي نقدمها لتقليل سقف طموحاتنا
قد تجمعك الظروف بشخص ما و تعلق عليه كل أمالك و تمنحه كل مساحة الحب و الاخلاص التي في قلبك و لكن تأبا القسمة و أخيها النصيب إلاّ و أن يفرقا بينكما
و قد تضطرك لحظة غضب أو حماقة إلى ترك شخص و تحاول التعويض عنه بشخص أخر
و لكن تكتشف بأنك حضور في هذه العلاقة الجديدة بجسدك و لكن روحك و قلبك ما زالت تحن إلى الماضي و الحبيب الأول
و في أحيان كثيرة تأتي الفرصة إلى شخص ما في طبق من ذهب و عليه أن يُحسن أستثمارها خير أستثمار
فكما يقولون : عاجز الرأي مضياع لفرصته حتى إذا فات أمرا ً عاتب القدرا و مطروفة عيناه عن عيب غيره فإن بان عيب من أخيه تبصرا
بعيدا ً عن العلاقات الأنسانية فالتعامل بردة الفعل و أتخاذ القرارات في لحظات الغضب لا يُثمر إلى الندم
لذلك قال رسولنا صلى الله عليه وسلم مُوصيا ً أحد أصحابه ( لا تغضب ، لا تغضب ، لا تغضب ) وكررها ثلاثا ً
فعلى الأنسان أن يتأنى دائما ً في كل القضايا المصيرية و أن يُحّكِم عقله قبل قلبه في كل أمورهِ الحياتية
كما يجب عليه أن يتخير الأصدقاء الذين يكونون له مرآة يرى من خلالها نفسه و أن يعكسوا له سلبياته قبل إيجابياته و ينيرون له طريق الصواب من خلال الرأي و المشورة
أيضا ً ورد في الأثر ( أرى كل إنسان يرى عيب غيره و يعمى عن العيب الذي هو فيه ) و المثل السوداني يقول ( الجمل ما بشوف عوجة رقبتو )
بت مارنجان كلام كُبار تحس فيه بعبق سنوات الخبرة و التجربة و تتذوق فيه عصارة أفكار صقلتها السنوات الطِوال
ربنا يخلي ليك الحاجة و يديها الصحة و العافية و طولة العمر وما يحرمكم من بعض قادر يا كريم



دي المرة المليون اقرا ردك دة ياعريس ... غلبني زاتو اقتبس واعلق علي شنو ....
مابحب الاقتباس في الحاجات السمحة عشان بحس اني بلخبتها وبتكون شينة ....
كلامك صحي "كلام كبار " وربنا يديك الصحة والعافية ياود النور ويتم ليك الفي المراد

ويخلي ليك الوالدة والوالد وكل من تحبه .......

همسة : ياخ انت وقت بتقول كلام سمح زي دة كنت وين

;)
بت مارنجان
16-10-2009, 12:36 PM
أولا لك التحية بنت مارنجان
والله كلام الحاجة 100% مافى زولا بقرا رغبتو ولا يشتغل في مجالو
لكن إنا حالف ما بتزوج الى البنت البريده انشاء الله بعد 100000000 سنة
ملحوظة:
لو الاصفار بسيطة زيدي من عندك

اخي عبد الحفيظ التحية لك ....
ياخي ربنا يديك الفي مرادك ويحقق ليك رغبتك ... ووالله كيفتني شديد لانو انت مامستسلم بس ان شاء الله هي تقدر تصبر ليك وماتحاصرا " الضغوطات " في انو
" لمتيييييييين حتستني " .....
احييك والله علي اصرراك دة وربنا يحقق ليك حلمك باذن الله .....
عمر المامون
01-11-2009, 09:11 AM
...............................
ahmed algam
01-11-2009, 09:26 AM
والله يابتو



كلامك بضرب في وتر حساس






لكل الناس ودي حقيقه
ود الجعلي
01-11-2009, 07:32 PM
والله يابتو



كلامك بضرب في وتر حساس






لكل الناس ودي حقيقه


متابعين ومستمتعين
ود الجعلي
01-11-2009, 07:33 PM
متابعين يا بت مارنجان
ابوالنور
01-11-2009, 11:23 PM
السؤال موجه لي " ابو النور " ؟؟؟؟

مش كده عليك الله يا بت مارنجان اختي
اكون راجي عروس يا ربي
راجي البنطون يا هشام اخوي تصدق