كروت الرئيس الحمراء

[علي النعيم محمد نور]

زمان علمونا وحفظونا عبارة ( رغبة الرئيس تعليمات ) . . . والرئيس ده رئيسك المباشر يعني ممكن يكون الدفعه القدامك أو أعلي شويه . . . لكن عليكم الله تخيلوا الرئيس ده يكون رئيس الدوله . . . وأطلقوا خيالكم وأحتفظوا بالإجابه . . .
وفي العرف الرئاسي راس الدولة لا يصدر تعليمات إنما هي إشارات وتلميحات ومن ثم يقوم الساده الوزراء بإصدار القررات ومنها جات عبارة ( قرار وزاري ) . . . زمن كان بالسودان 11 وزير . . . (وهسع ) 26 ولاية × 9 وزراء ( بالله تساوي كم ؟) . . .
وفن القياده الحديث يري أن تكرار التعليمات يضعفها وأن إصدار القائد للأومر المتكرر يفقده بريق الإنفاذ وهيبة القرار . . . وقديما قالوا( كثرة الحديث تنسي بعضه ). . .
الموضوع ياساده ياكرام حديث سعادة المشير / البشير . . . بشأن أن قطع الكهرباء من محطات المياه (خط أحمر ) ! ! ! والسبب يعود لان الإخوة في الكهرباء ــ جزاءهم الله خير ــ وبعد حملة قطع الكهرباء من المساجد ودور العباده توجهوا صوب محطات المياة وقاموا بقطع الإمداد الكهربائي منها بحجة عدم السداد! ! ! وكان محطات المياة دي تتبع (لقطاع غزه ) . . . وهي قروش المويه والكهرباء دي مش بتمش المالية الإتحاديه ؟ العباطه في شنو ؟ ولا عشان يقولوا ناس فلان ديل شاطرين بجيبوا القروش . . . ولا عشان الحافز وال10% ! ! !
سيدي الرئيس : ــ
هذا الشعب الذي خرج مؤيدا لك وداعما لك دون دعوة أو سابق إنذار أو ولاء أو حزب خرج لانه أحب فيك صدقك وشهامتك ورجولتك وسماحتك وسودانيتك . . . شعب مثل هذا يحتاج لقيادة راشده وقويه تأتي بالماء والكلاء والرفاهية وترفع عنه المسغبه والحاجة . . . سيدي الرئيس أنت مقبل علي إنتخابات مفصليه ونحن قدمناك رئيسا ( رضيت أم أبيت ) فلا تصحب معك أمثال هولاء الذين يهدمون مابني في سنين وقرون . . .
الجزيره بدون كهرباء منذ وقفة العيد (في مناطق شمال الجزيره) والصحف اليوم تتحث عن وفرة 42% من كهرباء السد ! ! ! ( صحيفة السوداني 24/9/2009) . . .
وأشياء كتيره صدرت فيها (تعليمات ) ولا حياة لمن تنادي . . .
نحن سيدي الرئيس نريد أن يكون كل ما تقول من قول أو فعل أوتوجيه أو رأي أو وحديث ( خطا أحمرا ). . .وخذهم باخذ إبن الخطاب . . . لان المرحلة القادمة صعبة . . .

[نزار حسن محمد]

ياسلام عليك ياكمدان
والله رجعتنا لخطابات الاديب عمر الحاج موسى
سلمت يداك على كل حرف ..ايها الصنديد

[مدنيّة]

تعرف ياسعادتك

ناس الكهرباء ديل ماعندهم منطق ابدا

ياخ ديل اتشاكلوا مع ادارة سد مروي
عشان يتبع السد للهئية القومية للكهرباء !!

جد حاجة تخلي الواحد يندهش "الايام دي اندهش بث"

في حاجات ماممكن الناس توصلها للصحف ووسائل الاعلام

انت ياسعادتك الناس ديل ماعندهم كبير ؟؟!!

:(:(:(:(:(:(:(

[علي النعيم محمد نور]

ياسلام عليك ياكمدان
والله رجعتنا لخطابات الاديب عمر الحاج موسى
سلمت يداك على كل حرف ..ايها الصنديد

الرائع أبوسفروق . . .
ليتني كنت حرفا" في معية الرجل . . . وليتني كنت كلمه في دفاتر أفكاره . . .
وأنا ليتني زهر لاضع نفسي في أزاهير هذا النزار الحسن المحمدي . . .

[أبو ريان]

كما تعلم اخي ان الكروت التي يصدرها الرئيس هي كروت بدون فايدة ومافي حد يخاف منها ولا يحترمها ولا يهاب او يعمل ليها حساب وصراحة كروت الحكم بتاع المباريات بتخوف اكتر

[mutasim]

كل سنه وانته طيب ياكمنده والله غيبه
تعرف ناس الكهرباء ديل عايزين نفض من مكاوى الراجل المخادع وجماعته
ياخى فى خط فى حنتوب ضعيف من قبل رمضان وكل الثلاجات والكمبيوترات وغيرها لاتعمل وبلغوهم مئة مرة وكل مرة يقولوا بنجى اخيرا واحد منهم طلب مبلغ 70 الف والى الان الخط ضعيف ومن بين البيوت بيتى انا والله مش قادر اتواصل مع الاهل بواسطة النت خليك من الثلاجات ورمضان ياخى اقول ليك عايزين نفض

[محمد عركش]

والله ياسعدتك تسكت وتنوم فى الحر قالو على النعيم ضارب التكيف 24 ساعة عشان انت ضاربك المكيف حسدوك ؟ طيب ناس ام خجوج زنبهم شنو شيلو كهربة ود النعيم ده ووقفو تكييف عربيتة مالكم ومال خجوج بت احمد ؟زكرتنى نكتة ياكمندان ( قالو جماعة سكرجية قاعدين اطشمو وجاعو اجوع شديد واحد قال ليهم يا جماعة مانمشى نفتش لينا حمل من الحلة ونضبحو . وفعلا فتشو ولقو حمل بتاع جارهم اسمو ام حومد بضم الالف و الحاء وبعد ماضربوه واحد قال ليهم والله يوم القيامة الله اجيبكم واجيب حمل ام حو مد ؟ واحد سكران سكرة شديدة قال ليهم الله مالو ومال حمل ام حو مد ده جيبنا نحن بر انا حمل ام حومد ده سكر معانا ) بس دى بقت عليك ناس الكهرباء ياكمندان شكيتهم لى بيد القويه رايك شنو تكلم ليهم اوكامبو ولا فى مشكلة ؟ نناشد الاخ البروف بان الخط الاحمر الجماعة ديل تجاوزوه ؟ حقو يا كمنه ترسل ليهم ناس الهدف ونشوف البحصل شنو لك التحيه والاحتلاام نناشد الاخ البروف ومحاسبة ناس الكهرباء

[عاطف عولي]

قطع الكهرباء عن محطات الموية حار بس الاحر انقطاعك عن المنتدي ليك وحشة عدييييييييييييييييل كدي يا كمندان حمدآ لله علي سلامة العودة وكل عام وانت وافراد الاسرة بالف خير.

مشافقة :ياكمندان عليك الفكي ابو سوميتا تاني ما تسوي فينا جنس دا

[محمد السر]

السلام عليكم يا كمندان
وكل عام وانتم بخير


المشكله انو الكهرباء التي تنتج في السودان
بتكفيه وبتذيد

المشكله في سوء التوزيع
والاسلاك المن زمن الانجليز الكلها مقطعه دي

[ابوالنور]

تعرف ياسعادتك



جد حاجة تخلي الواحد يندهش "الايام دي اندهش بث"

:(:(:(:(:(:(:(


زي ما قالت ليك يا كمندان تصدق

[moh_alnour]

أسمعتا إذ ناديتا حيا ً و لكن لا حياة لمن تُنادي
و الساقية لسه مدورة
زي ما قالت ليك أم ريان كروت ناس درمة بتخوف أكتر من كروت الريس

[علي النعيم محمد نور]

كما تعلم اخي ان الكروت التي يصدرها الرئيس هي كروت بدون فايدة ومافي حد يخاف منها ولا يحترمها ولا يهاب او يعمل ليها حساب وصراحة كروت الحكم بتاع المباريات بتخوف اكتر

الحبيبه ريان . . . أديني بابا . . . شكرا" ياحلوه .
ألو يارجل كيف أنك . . .
أنا معاك لكن والله ( قريبي ) الجعلي ده كان قام . . . عينك ما تشوف إلا النور . . .

[علي النعيم محمد نور]

كل سنه وانته طيب ياكمنده والله غيبه
تعرف ناس الكهرباء ديل عايزين نفض من مكاوى الراجل المخادع وجماعته
ياخى فى خط فى حنتوب ضعيف من قبل رمضان وكل الثلاجات والكمبيوترات وغيرها لاتعمل وبلغوهم مئة مرة وكل مرة يقولوا بنجى اخيرا واحد منهم طلب مبلغ 70 الف والى الان الخط ضعيف ومن بين البيوت بيتى انا والله مش قادر اتواصل مع الاهل بواسطة النت خليك من الثلاجات ورمضان ياخى اقول ليك عايزين نفض

جدو معتصم . . .
رجعت من الإجازه ولا لسع ؟ . . .إنتو كمان يالمغتربين ما تبالغوا نديكم الأهل والمطر والأصحاب وحنتوب الجميله ودايرين كهرباء كمان ؟ حبه حبه . . .
وأزيدك دهشه ناس( الأيزو )أدهوهم شهادة الجوده . . .! ! !

[علي النعيم محمد نور]

والله ياسعدتك تسكت وتنوم فى الحر قالو على النعيم ضارب التكيف 24 ساعة عشان انت ضاربك المكيف حسدوك ؟ طيب ناس ام خجوج زنبهم شنو شيلو كهربة ود النعيم ده ووقفو تكييف عربيتة مالكم ومال خجوج بت احمد ؟زكرتنى نكتة ياكمندان ( قالو جماعة سكرجية قاعدين اطشمو وجاعو اجوع شديد واحد قال ليهم يا جماعة مانمشى نفتش لينا حمل من الحلة ونضبحو . وفعلا فتشو ولقو حمل بتاع جارهم اسمو ام حومد بضم الالف و الحاء وبعد ماضربوه واحد قال ليهم والله يوم القيامة الله اجيبكم واجيب حمل ام حو مد ؟ واحد سكران سكرة شديدة قال ليهم الله مالو ومال حمل ام حو مد ده جيبنا نحن بر انا حمل ام حومد ده سكر معانا ) بس دى بقت عليك ناس الكهرباء ياكمندان شكيتهم لى بيد القويه رايك شنو تكلم ليهم اوكامبو ولا فى مشكلة ؟ نناشد الاخ البروف بان الخط الاحمر الجماعة ديل تجاوزوه ؟ حقو يا كمنه ترسل ليهم ناس الهدف ونشوف البحصل شنو لك التحيه والاحتلاام نناشد الاخ البروف ومحاسبة ناس الكهرباء

ياود عركش . . .
ــــ سمعت بالحنكوش ود الخرطوم النام في مكيف العربية ومات ؟ وباقي القصة مأساوي . . .
ــــ بعدين أم حومد (بالضم والفتح) دي قولها لي ناس مدنيه وملكة القلوب . . .
ــــ ليك علي أشجب وأستنكر كل يوم لمن القيامة تقوم . . .

[علي النعيم محمد نور]

قطع الكهرباء عن محطات الموية حار بس الاحر انقطاعك عن المنتدي ليك وحشة عدييييييييييييييييل كدي يا كمندان حمدآ لله علي سلامة العودة وكل عام وانت وافراد الاسرة بالف خير.

مشافقة :ياكمندان عليك الفكي ابو سوميتا تاني ما تسوي فينا جنس دا

الرائع ودعولي . . .
تلفوناتك عامله عمائل في مارنجان وخبرك معاي . . .
أنا هيييييييييييين لكن زي مااااااقلت ( اللهم يامثبت القلوب ثبت ودعولي في منتدانا . . ) وباقي الشمار قدام . . .
حب وشوق ودعاء . . .

[علي النعيم محمد نور]

السلام عليكم يا كمندان
وكل عام وانتم بخير


المشكله انو الكهرباء التي تنتج في السودان
بتكفيه وبتذيد

المشكله في سوء التوزيع
والاسلاك المن زمن الانجليز الكلها مقطعه دي

ود السر . . .
الكهرباء هييييييييييييينه . . . أسترونا من الشماته وجيبو الكأس . . .

[علي النعيم محمد نور]

أسمعتا إذ ناديتا حيا ً و لكن لا حياة لمن تُنادي
و الساقية لسه مدورة
زي ما قالت ليك أم ريان كروت ناس درمة بتخوف أكتر من كروت الريس

سفيرنا الحبيب في جدة غير . . .
إتصلت عليك وتلفونك بيك ما خبور . . . وكفاره وسلامتك . . . وجهزت ليكم خروف لصعود الأفيال . . .
كان العيب في المُناديِ يقوم بالرأي والمشوره . . . وكان العيب في المُناديَ الله أكبر عليهم والبلد مليااااااانه كفاءات . . . .

[mutasim]

كمنده على النعيم تحياتى وكل سنه وانته بخي
ياخى انا ماجدو يعنى عشان عندى بت اتزوجت لسه شباب واكبر منك بسنتين بس
اقول ليك الاخ الاستاذ الصحفى حامد محمد حامد عنده الرغبه بالكتابه فى المنتدى وقال عايزك تساعده ارجو ان تقوم بالواجب تجاه.............

[خالد أحمد الصول]

كما أذكرك أخي الرئيس البشير كما ذكرك أخي علي النعيم أن دارة الكهرباء صارت تعطي المساجد الكبيرة فقط 317 متر كهربائيا كل شهر و صارت تلك المساجد إما تستعين بالمصليين إما تغلق التكييف و المراوح و أما تغلق المسجد بعد الصلاة مباشر ... و أقول لك فقد صلينا يومها الصبح في الظلام ... أذكرك سيدي الرئيس أنك قد إستصدرت قرار جمهوري بوقف الجبايات علي طرق المرور السريع و الي الان تجمع تلك الجبايات رغما عن أنف المواطن ... كما أذكرك سيدي الرئيس أن في بداية رمضان طالعنا الراديو بأن اسعار جوال السكر ستكون ثابته في 107 جنيه للجوال و الي الان يباع في الاسواق ب 140-125 جنيه كما أننا سمعنا عن مجانية العمليات القيصرية و مجانية العلاج للاطفال دون الخامسه و لا نجد المجانية إلا في بعض بعيض من الادية و مستلزمات العملية

[علي النعيم محمد نور]

كمنده على النعيم تحياتى وكل سنه وانته بخي
ياخى انا ماجدو يعنى عشان عندى بت اتزوجت لسه شباب واكبر منك بسنتين بس
اقول ليك الاخ الاستاذ الصحفى حامد محمد حامد عنده الرغبه بالكتابه فى المنتدى وقال عايزك تساعده ارجو ان تقوم بالواجب تجاه.............

الحبيب المعتصم . . .
خلاص . . . ياعمو عشان مااااا تزعل . . . إنتو الواحد من ما ( بتو ) يعرسوها ( يصبغ ) شعرو . . .
أما الأستاذ الهرم الإعلامي الشامل الصحفي حامد محمد حامد . . . فليت لي شرف أن أضمه للمنتدي . . . كيف لا وهو من رعيل الصحافة الاول في مدينة ودمدني . . . كتب في الرياضة والسياسة والإجتماع والإقتصاد . . .
كان ومازال قلما" نزيها وأمينا" لا يباع ولا يشتري من أصحاب الحاجات والأغراض يكتب بتميز وحيادية و تجرد . . .
أرجو أن يتصل بي لتسهيل المهمة . . . وبرضو جدو . . .

[hadi salih]

كما أذكرك أخي الرئيس البشير كما ذكرك أخي علي النعيم أن دارة الكهرباء صارت تعطي المساجد الكبيرة فقط 317 متر كهربائيا كل شهر و صارت تلك المساجد إما تستعين بالمصليين إما تغلق التكييف و المراوح و أما تغلق المسجد بعد الصلاة مباشر ... و أقول لك فقد صلينا يومها الصبح في الظلام ... أذكرك سيدي الرئيس أنك قد إستصدرت قرار جمهوري بوقف الجبايات علي طرق المرور السريع و الي الان تجمع تلك الجبايات رغما عن أنف المواطن ... كما أذكرك سيدي الرئيس أن في بداية رمضان طالعنا الراديو بأن اسعار جوال السكر ستكون ثابته في 107 جنيه للجوال و الي الان يباع في الاسواق ب 140-125 جنيه كما أننا سمعنا عن مجانية العمليات القيصرية و مجانية العلاج للاطفال دون الخامسه و لا نجد المجانية إلا في بعض بعيض من الادية و مستلزمات العملية

طيب اذا كان ده كله حاصل اضافة لكلام الكمندان طيب الباقى شنو

[علي النعيم محمد نور]

كما أذكرك أخي الرئيس البشير كما ذكرك أخي علي النعيم أن دارة الكهرباء صارت تعطي المساجد الكبيرة فقط 317 متر كهربائيا كل شهر و صارت تلك المساجد إما تستعين بالمصليين إما تغلق التكييف و المراوح و أما تغلق المسجد بعد الصلاة مباشر ... و أقول لك فقد صلينا يومها الصبح في الظلام ... أذكرك سيدي الرئيس أنك قد إستصدرت قرار جمهوري بوقف الجبايات علي طرق المرور السريع و الي الان تجمع تلك الجبايات رغما عن أنف المواطن ... كما أذكرك سيدي الرئيس أن في بداية رمضان طالعنا الراديو بأن اسعار جوال السكر ستكون ثابته في 107 جنيه للجوال و الي الان يباع في الاسواق ب 140-125 جنيه كما أننا سمعنا عن مجانية العمليات القيصرية و مجانية العلاج للاطفال دون الخامسه و لا نجد المجانية إلا في بعض بعيض من الادية و مستلزمات العملية

كما أذكرك سيدي الرئيس كل(كلام )أخونا ود الصول . . . وكان نسيتو سيدي الرئيس . . . إلا تشوف بلد غير السودان . . . ود الصول ده كان (ختاك) في (أولوياتة) قيامتك قامت . . .

[علي النعيم محمد نور]

طيب اذا كان ده كله حاصل اضافة لكلام الكمندان طيب الباقى شنو

الباقي يا أبو صلاح . . . .الباقي باقي وأصلو دنيا الحب محن . . .

[عباس الدسيس]

كمندان سلامات كل سنة وانت طيب يا خوي والله انت قلبك علي البلد لاكن بتنفخ في قربه مقدوده زي ما قال ود الصول رئيسنا قبل كده وقف الجبايات في طرق المرور عادة بي شدة ضريبة المغتربين تم ايقافها عادة بي شدة زول شغال بي كلاموا مافي وما خفي اعظم انشوف رسالتك دي وكلامي ده حدوا وين كان اختلف الحال انا ببقي مؤتمر وطني شفته الرجالة دي كيف

[moh_alnour]

سفيرنا الحبيب في جدة غير . . . إتصلت عليك وتلفونك بيك ما خبور . . . وكفاره وسلامتك

عمدتنا علي النعيم
كفر الله سيئاتك و لا أراك الله مكروها ً في عزيز لديك يا أبو هالة
ما بتقصر و الله يا جنابو ، أنا كنتا نائم و خاتي الجوال الأساسي في الصامت
بس أول ما صحيت أتصلتا عليك مرتين و تاني يوم برضو مرتين لي درجة أني حفظتا غُنية
مجذوب أونسة ( عزيزُ أنت يا وطني ) من رنة جوالك ;)
ما لينا في الطيب نصيب رغم أني مسجل رقم جوالك من بدري عندي و الله

[بنت الرفاعي]

أخي علي عودا حميدا
لقد طرحت موضوعا يحمل في طياته الكثير من التساؤلات وأهمها أين ذهبت حقوق المواطن فيها ؟؟ وأين هو من كل ذلك ؟؟
ولماذا لا يهتمون و يراعون مصلحة المواطن ؟ الذي من أجله هم يعملون ( أو كما يدّعون !) و .............. و ..........!!!




الله يهون!!