اين ملكة القلوب ؟

[درديري كباشي]

اين هي
تلك الانسانة التي اختارت اسمها بعناية وسعت سعيا حسيسا لتجعله واقعا معاشا ..
اين صاحبة الحروف البنفسجية والتي جعلت للحروف عطر يشم ..
لو كان مانع ظهورك طبيبعي بمناسبة الاعياد والانشغال بما هو اهم منا فلا باس .. ولكن نحن تكفينا طلات من حروف متناثرات هنا وهناك ولو تختلسي لنا من زمنك القليل ..
ولو كان غيابك بسبب غضب ما نحن اهلنا كانوا يقولوا للاشجار الضخمة ... (انه عرقها وصل الترى ) بمعنى اصبحت ليست في حاجة ان يرعاها احد او يسقيها اصبحت جزورها ضاربة في منابع المياه داخل الارض ..
انت عرقك وصل الترى بمعنى انك تجاوزتي حاجز الغضب الشخصي .... الى رحاب يا جبل ما يهزك ريح ..
ورغما عن ثقتي التامه بان مكانتك منحتك حصانة دوبلماسية تجعل كل احد هنا لا يتعمد اغضابك وهو يعني ذلك قد تكون هي حساسية مفرطة منك..

وانا اقولها بملء الفم ان مكلة القلوب هي بمثابة الوقود وان لم يكن الوقود الرئيسي فهي .. السبيرتو الذي كان يستخدم في تنوير الرتينة رغما عن ان وقودها الجاز لكن هو ما يجعلها تتوهج بالنور الابيض البراق ..

نرجوك عودي

[ابوخالد]

اين هي
تلك الانسانة التي اختارت اسمها بعناية وسعت سعيا حسيسا لتجعله واقعا معاشا ..
اين صاحبة الحروف البنفسجية والتي جعلت للحروف عطر يشم ..
لو كان مانع ظهورك طبيبعي بمناسبة الاعياد والانشغال بما هو اهم منا فلا باس .. ولكن نحن تكفينا طلات من حروف متناثرات هنا وهناك ولو تختلسي لنا من زمنك القليل ..
ولو كان غيابك بسبب غضب ما نحن اهلنا كانوا يقولوا للاشجار الضخمة ... (انه عرقها وصل الترى ) بمعنى اصبحت ليست في حاجة ان يرعاها احد او يسقيها اصبحت جزورها ضاربة في منابع المياه داخل الارض ..
انت عرقك وصل الترى بمعنى انك تجاوزتي حاجز الغضب الشخصي .... الى رحاب يا جبل ما يهزك ريح ..
ورغما عن ثقتي التامه بان مكانتك منحتك حصانة دوبلماسية تجعل كل احد هنا لا يتعمد اغضابك وهو يعني ذلك قد تكون هي حساسية مفرطة منك..

وانا اقولها بملء الفم ان مكلة القلوب هي بمثابة الوقود وان لم يكن الوقود الرئيسي فهي .. السبيرتو الذي كان يستخدم في تنوير الرتينة رغما عن ان وقودها الجاز لكن هو ما يجعلها تتوهج بالنور الابيض البراق ..

نرجوك عودي



ذى ما قال أخونا درديرى

[محمد السر]

سلامات اخونا درديري

والله الذوله دي اختفت في ظروف غامضه
ونتمنى ان تكون بخير
وزي ما قلته انشاءالله يكون اختفائها بسبب زحمة العيد
وانشاءالله يكون المانع من ظهورها خير

[العاقب مصباح]

قالوا والله يكفينا شر القوالة انو ملكة القلوب يمكن تكون نزلت الدوام


يعنى نحن مدروشين من زمااااااااااااااااااااااان وهى فى اجازة عشان كدا ما شافت طعم الجرسة

اها هى هسع من اول يوم دوب قالت سلطة الروب

يومين شغل بس قلبت كل الموازين


ما قايلنك كدا يا ملكة

طلعتى جررررررررررررررررررررسة

[محمد الواثق]

الاستاذ الفاضل درديري كباشي السلام عليكم ورحمة الله وعيد سعيد اعادة الله عليك وعلي الجميع بالخير والنعم والبركات وانتم في وجميع الأعضاء في اتم العافية تجمعنا الأيام دائما بكم هذة مبتغانا وان يجمعنا التواصل عبر هذة الشاشة الي واقع المدينة الحنية كم هي الحياة جميلة وسط الاهل والاحباب .
اختي العزيزة ملكة نحن اصدقاء وحلاوة الروح .
لن نجد في عالمنا هذا ذرةٌ من خلاف
دليل نقاء القلب وصفاء النفس هي صفاتنا .


جميلٌ منا أن نشعر بحق الآخرين

ولكن الأجمل أن يترجَم هذا الشعور لواقعٍ ملموس

الأخت ملكة نحن في انتظارك وكل عام وانتي بخير

[محمد هاشم]

الملكة
السلام عليكم والرحمة والبركة
والله يا أختي العزيزة زي ما تفضلوا الاخوان من قبلي لو كانت المشكلة مشغوليات العيد والخبيز وكده يبقى ما في مشكلة لكن لو المشكلة أكتر من كده سنتيمتر واحد أرجو أن تشريكينا بها ونحن هنا بمنتديات ودمدني قد تملكنا الظمأ وبإنتظار مداد أقلامك البنفسجية ونحن بإنتظار طلتك والله يديك ألف عافية

[أشرف صلاح السعيد]

ابوالدر سلام..
والله انك رائع على جميع الاصعدة..
فعلا هناك فقد للملكة وخصوصا انا متعاقد معاها فى الاستوديو التحليلى للركشة..
نأمل ان تكون جرسة شغل زى ماقال اخونا عقبة وتتفكفك سريع الزنقة ونلاقيها بينا فى القريب العاجل..
الركشة دى هسى ندخلا عمرة ولا كيف؟؟؟

[ملاك مدني]

الله يرجعك بي السلامه ياملكة جد اشتقنا ليك وفاقدينك

[درديري كباشي]

بعد كل هذا الجمال والكلام النابع من القلوب الصافية تجاهك

وكان الناس يلتمسون لك الاعذار كانهم ادرى منك بظروفك

اظهري يا ملكة القلوب ...

تكفي كما يقول اهل الخليج

بيكفي كما يقول اهل الشام

كفانا كما نقول نحن

[عبدالرحمن مدثر]

جمال وحضور الملكة

فى تفقدها الدااائم للجميع

وبحثها عن اسباب غيابات الاخرين

من خلال مواضيع البحث عن الغيابات الكثيرة

بين حبنا لهم

وبين سبب الغياااااااب

ملكتنا تعرف مكانها عندنا

ويكفى انها ملكة الاستفهامات المتكررة فى رحلة البحث

عن الود والاعضاااااء

كل عام والجميع بخير

وعيد سعيد

وعودة لكل نوارس الترحال

الى الحب الكبير

والبيت والواسع


وفى انتظار ملكتنا المتوجة بحروفها النواااضر

ابو الدر تسلم ياحبيبنا

[بدر الدين محمد]

لعل ملكة القلوب بخير

[أبو أسامة]

اين هي
تلك الانسانة التي اختارت اسمها بعناية وسعت سعيا حسيسا لتجعله واقعا معاشا ..
اين صاحبة الحروف البنفسجية والتي جعلت للحروف عطر يشم ..

نرجوك عودي

درديري شكراً لك ..
فلم تجعل لنا صدقاً وأخوة نستنشقها فاكتفينا بك ..

ملكة ....
نتمنى ان يكون حرفك . بييننا في هذه الأيام
ضحكة شفع ... وعيدية
نفتقدهم بسبب غيابنا ...
ونفقدهم بسبب غيابك ...
رغم حزن حروفك ..
فقد كانت شمس فرح ..
احرقت كثيراً من ملامح غربتنا

دائماً أنت من تسألي عن الجميع ...
وهي فرصة لنرد لك شيء من اهتمامك
بكل من مر هنا ..
فعذراً إن تأخرنا ..
فقد سبقنا للسؤال من هم اجمل واصدق منا
عيدك مبارك ....
وكل سنة وأنت بخير ..
وكل لحظة وكل ثانية وأنت إلى ربك اقرب
وفي الطاعة أرغب
وربنا يحقق أمانيك ..

http://1.bp.blogspot.com/_S50jXjYL6fI/STwhU7O79oI/AAAAAAAAAPM/URaKQzHHAJY/s400/Eid_mubarak____by_Sanjobah.jpg

[عوض الكريم الخواض]

وفى الليلة الظلماء يفتقد البدر ...

وبعد عودتنا وتلمسنا لدهاليز وأروقة المنتدى ...

وتوقعات لعيد مرح تحمل فيه ملكتنا على عاتقها هم الزوار والضيوف ...

من اكرام وترحيب وتفقد للزوار ...

نفاجأ بالسؤال ...

أين ملكة الدار ... :confused::confused:

عساك طيبة يا ملكة ...

وكل عام وأنت بألف خير .

[الملكة اسماء ( ام محمد )]

وصف ياقلبي حالك لما قررت الغياب
وكيف كانت الاشواق تتاورك
وكيف كنت دونهم زي رهاب


اخوتي الاعزاء
ابت نفسي غياب اكثر
فعدت
لمدينتي
واهلي
وكل من عرفت
لكم مني اسمى ايات التهاني بمناسبة عيد الفطر اعاده الله علينا وعليكم باليمن والبركات
وان شاء الله دائما مبسوطين


همسة : استاذي درديري

قالوا غابت واعلن الدفتر حداها
وجات تفتش لكلماتك ولمدادها
واسفة جدا على غياب ماهو عادة
ياقلم احساسه صادق
اسال المولى ليك ولكل احبابك سعادة

[الملكة اسماء ( ام محمد )]

بكل صراحة
الجماعة الفوق

ماعايزة اجمعكم في رد واحد
وجاياكم فردا فردا ( بالله رايكم شنو في كلام الجوابات دا :))

[درديري كباشي]

نقدر نقول اليوم عاد العيد

وعاشت الاسامي يا اسماء


كوني قريبة كما كنتي

ستظلي متوجة على قلوبنا حتى لو نتزعتي التاج

[الملكة اسماء ( ام محمد )]

ذى ما قال أخونا درديرى



وكلام درديري وتثنيتك عليه بصراحة اخجلت تواضعي وشخصي الضعيق
كلام كتير في حقي واتمنى اكون دائما عند حسن الظن

كل عام وانت بخير وتحياتي للاهل

[الملكة اسماء ( ام محمد )]

وانشاءالله يكون المانع من ظهورها خير


كل خير اخي محمد السر
وعيدك مبارك ان شاء الله

[الملكة اسماء ( ام محمد )]

قالوا والله يكفينا شر القوالة انو ملكة القلوب يمكن تكون نزلت الدوام




مااااابسعلك انت يا ( رويتر ):p

كل عام وانت بخير اخي العاقب وان شاء الله العيد الجاي عريس
قول ياااااااااااامين

[الملكة اسماء ( ام محمد )]

الأخت ملكة نحن في انتظارك وكل عام وانتي بخير



وانت بخير اخي محمد الواثق
وينعاد عليك وعلى الاسرة الكريمة باليُمن والبركات

[الملكة اسماء ( ام محمد )]

لو المشكلة أكتر من كده سنتيمتر واحد أرجو أن تشريكينا بها



انت مشترك طبيعي يااستاذ محمد
( المستقلة ) وتم الباقي من عندك :p

كل عام وانت بخير ان شاء الله والسنة الجاية وضاح عامل مظاهرات عشان العيدية :)

[الملكة اسماء ( ام محمد )]

فعلا هناك فقد للملكة وخصوصا انا متعاقد معاها فى الاستوديو التحليلى للركشة..
نأمل ان تكون جرسة شغل زى ماقال اخونا عقبة وتتفكفك سريع الزنقة ونلاقيها بينا فى القريب العاجل..
الركشة دى هسى ندخلا عمرة ولا كيف؟؟؟


شايفة ركشتك جمب باب الجامعة ( شفت انا متابعة كيف ؟):rolleyes:

استاذي اشرف صلاح
كل عام وانت بخير والركشة والجميع بكل خير

وادينا عُدنا لاستوديوهاتنا الرئيسية في منتديات ود مدني _ القسم التحليلي في المنتدى العام

[الملكة اسماء ( ام محمد )]

الله يرجعك بي السلامه ياملكة جد اشتقنا ليك وفاقدينك

تسلمي ياراقية
واهلا حبابك الف بيناتنا

وكل سنة وانتي والاهل بكل خير

[الملكة اسماء ( ام محمد )]

تكفي كما يقول اهل الخليج

بيكفي كما يقول اهل الشام

كفانا كما نقول نحن


يعني الدعوة جاية من اسيا وافريقيا ؟:confused:
هسي الواحد يمشي لمنو فيهم :confused::D:D:D:p


تكرم عينك ..زي مابقولوا اهل الشام
مايصير خاطرك الا طيب .. زي مابقولوا اهل الخليج
وحااااضر وتحت امرك استاذي .. زي ما قلت انا هسي :p

[الملكة اسماء ( ام محمد )]

وفى انتظار ملكتنا المتوجة بحروفها النواااضر




جينا اخي ابومُزن
تسلم على الكلمات الكثيرة في حقي
ويديك العافية
وكل عام وانت بخير ومُزن وباقي الاهل بالف صحة وسلامة

[الملكة اسماء ( ام محمد )]

لعل ملكة القلوب بخير


استاذي بدر الدين
خير باذن الله
كل عام وانت بخير وينعاد عليك باليُمن والبركات

[الملكة اسماء ( ام محمد )]

نتمنى ان يكون حرفك . بييننا في هذه الأيام
وكل سنة وأنت بخير ..
وكل لحظة وكل ثانية وأنت إلى ربك اقرب
وفي الطاعة أرغب
وربنا يحقق أمانيك ..


وانت طيب اخي ابو اسامه
وعذرا لاني لم اكن بينكم حينها لظروف خاصة
وسعيدة انا بهذا التفقد وماتفقد حبيب ان شاء الله

اعاننا الله واياك على الطاعات وزادنا قربا منه
كن بخير

[الملكة اسماء ( ام محمد )]

وكل عام وأنت بألف خير .

وانت بالف خير ان شاء الله
ينعاد عليك بالف خير


همسة : انت قايل شنو ؟
ملكة الدار ( زاغت ) عشان مامجهزة ( شيالة الكعك ):p

[wad alballal]

الف حمدالله علي السلامة
وكل عام وانتي وجميع الاسرة بالف خير

[محمد هاشم]

انت مشترك طبيعي يااستاذ محمد
( المستقلة ) وتم الباقي من عندك :p

كل عام وانت بخير ان شاء الله والسنة الجاية وضاح عامل مظاهرات عشان العيدية :)


الملكة كيفنك يا خيتي شفقتينا والله شفقة شديدة والحمد لله إنو المشكلة طلعت كدة والله يديك العافية ويقويك ويملا جيبك ويستر عيبك طبعا دي كانت دعوة المرحومة حبوبتي لي

[محب]

اين هي
تلك الانسانة التي اختارت اسمها بعناية وسعت سعيا حسيسا لتجعله واقعا معاشا ..
اين صاحبة الحروف البنفسجية والتي جعلت للحروف عطر يشم ..
لو كان مانع ظهورك طبيبعي بمناسبة الاعياد والانشغال بما هو اهم منا فلا باس .. ولكن نحن تكفينا طلات من حروف متناثرات هنا وهناك ولو تختلسي لنا من زمنك القليل ..
ولو كان غيابك بسبب غضب ما نحن اهلنا كانوا يقولوا للاشجار الضخمة ... (انه عرقها وصل الترى ) بمعنى اصبحت ليست في حاجة ان يرعاها احد او يسقيها اصبحت جزورها ضاربة في منابع المياه داخل الارض ..
انت عرقك وصل الترى بمعنى انك تجاوزتي حاجز الغضب الشخصي .... الى رحاب يا جبل ما يهزك ريح ..
ورغما عن ثقتي التامه بان مكانتك منحتك حصانة دوبلماسية تجعل كل احد هنا لا يتعمد اغضابك وهو يعني ذلك قد تكون هي حساسية مفرطة منك..

وانا اقولها بملء الفم ان مكلة القلوب هي بمثابة الوقود وان لم يكن الوقود الرئيسي فهي .. السبيرتو الذي كان يستخدم في تنوير الرتينة رغما عن ان وقودها الجاز لكن هو ما يجعلها تتوهج بالنور الابيض البراق ..

نرجوك عودي
مهما نكتب لا نقدر ان نعبر مثل هذه الحروف

[مبارك عمر عباس]

الف حمدالله علي السلامة
الاخت /(الملكة)أسماء .