عبارات سوقية في قنواتنا

[الفخيييم]

بالامس في قناة هارموني تابعت برنامج مواجهة
للاعلامية الرائعه فاطمة الصادق وهو كان عن الاطفال مجهولي
الابوين استضافت فيه الجميعابي وعادل البلال
رغم روعة واهمية الموضوع الاجتماعية الا ان الجميعابي
تحدث باسلوب سوقي خصوصا بعد ان كان يتكلم عن ان جهات
كثيرة تساءلت عن هذا الصدد لم يقلها هكذا وانما باسلوب سوقي
لك ان تتخيل ان الجميعابي قال (تناخيس) وهي عبارة لا يتناولها مسوؤل في قناة تبث للعالم اجمع00
واليوم في برنامج يقدم بعد الافطار يسمي عفاف وندي
كن يتحدثن عن الاتفاق بعد ان غنت ندي اغنية اسمها اتفقنا
علي ما اعتقد ما كان بعفاف الا ان قالت عبارة (خرخرتي يا ندي)
ما عارف دي قنوات ولا حمامات ؟
مؤسف جدا ان يكون اعلاميونا ومسوؤلين بهذه الضحالة00

[ود الجعلي]

اخي الفخييم

هي سلسلة متصلة ببعضها عندما نجد تدهورا في التعليم فهذا يؤثر على اختيار المناسب في المكان المناسب وقلة التاهيل والكفاءة وتدهور المجتمع بصورة عامة وقلة القراءة و الاعتماد على الشارع ولغته في التعليم ساعد على انعدام التوازن لكثير من مناحي حياتنا
ولكن من ضمن المعالجات هي نشر مثل ما تفضلت به في المنتديات حتى يتدارك الناس هذه الاخطاء ويستهجنوا من يتدوالها وتحديدا" في المنابر العامة
وتقبل تحياتي ومحبتي

[أشرف صلاح السعيد]

الفخييم عوافى..
والله زى ماقالو شر البلية مايضحك..
تعرف قريت موضوعك وبقيت اضحك زى المجنون..وعلى قول الراجل السرقو عجلتو بعد الفلم "دى ألفاز دى؟"..
التلفزيون ياعزيزى شرطو الاول فى المذيعة تكون بيضاء وسمحة "حسب شوفة المخرج"..
اما الجميعابى باااالغ وعانق الخيال يااخى معقول!!
غايتو الله يكضب الشينة خايف بكرة يكون ازفت والعولمة تبقى كلام "عوالم"..

[عزالدين]

اللهم اجرنا فى مصيبتنا ان كان هذا حال اعلامنا

[الفخيييم]

اخي الفخييم

هي سلسلة متصلة ببعضها عندما نجد تدهورا في التعليم فهذا يؤثر على اختيار المناسب في المكان المناسب وقلة التاهيل والكفاءة وتدهور المجتمع بصورة عامة وقلة القراءة و الاعتماد على الشارع ولغته في التعليم ساعد على انعدام التوازن لكثير من مناحي حياتنا
ولكن من ضمن المعالجات هي نشر مثل ما تفضلت به في المنتديات حتى يتدارك الناس هذه الاخطاء ويستهجنوا من يتدوالها وتحديدا" في المنابر العامة
وتقبل تحياتي ومحبتي


ودالجعلي رمضان كريم ومرحب بيك كتير
فعلا مافي مؤسسية في اختيار الكادر المؤهل
للاعلام وغيره عشان كده ده نتاج طبيعي
نتمني من الجهات المختصة انها تراعي لمسامعنا
وتختار الكادر المناسب ولك ودي وتقديري00

[ايمن عبد الله]

دي قنوات تجارية يا فخيم .. ولا عندها معدين جيدين ولا مخرجين على قدر المسئولية .. والبرنامجين الانت ذكرتهم .. مسجلات يعني ما live وكان ممكن .. ان يتم تدارك الامر .. لكن الظاهر عاجبهم الكلام ..

[الفخيييم]

الفخييم عوافى..
والله زى ماقالو شر البلية مايضحك..
تعرف قريت موضوعك وبقيت اضحك زى المجنون..وعلى قول الراجل السرقو عجلتو بعد الفلم "دى ألفاز دى؟"..
التلفزيون ياعزيزى شرطو الاول فى المذيعة تكون بيضاء وسمحة "حسب شوفة المخرج"..
اما الجميعابى باااالغ وعانق الخيال يااخى معقول!!
غايتو الله يكضب الشينة خايف بكرة يكون ازفت والعولمة تبقى كلام "عوالم"..


ودالسعيد يا مبدع فعلا شر البلية ما يضحك
اتمني ان يضيف لشروطو دي الفهم واللباقة
لاختيار المذيع او المذيعه المناسبة00
وفعلا العولمة شكلها ماشة للمنعطف الخطير ده
تبقي عوالم وربك يستر00

[الفخيييم]

اللهم اجرنا فى مصيبتنا ان كان هذا حال اعلامنا


آميييييييييييييييييين يا رب اشكرك علي مرورك
أخي عز الدين00

[الفخيييم]

دي قنوات تجارية يا فخيم .. ولا عندها معدين جيدين ولا مخرجين على قدر المسئولية .. والبرنامجين الانت ذكرتهم .. مسجلات يعني ما live وكان ممكن .. ان يتم تدارك الامر .. لكن الظاهر عاجبهم الكلام ..


مادي المصيبة انو عاجبهم الكلام00
حتي ولو تجارية ما مبرر انو يقولو اي كلام ولا شنو؟

[محمد هاشم]

بالامس في قناة هارموني تابعت برنامج مواجهة
للاعلامية الرائعه فاطمة الصادق وهو كان عن الاطفال مجهولي
الابوين استضافت فيه الجميعابي وعادل البلال
رغم روعة واهمية الموضوع الاجتماعية الا ان الجميعابي
تحدث باسلوب سوقي خصوصا بعد ان كان يتكلم عن ان جهات
كثيرة تساءلت عن هذا الصدد لم يقلها هكذا وانما باسلوب سوقي
لك ان تتخيل ان الجميعابي قال (تناخيس) وهي عبارة لا يتناولها مسوؤل في قناة تبث للعالم اجمع00
واليوم في برنامج يقدم بعد الافطار يسمي عفاف وندي
كن يتحدثن عن الاتفاق بعد ان غنت ندي اغنية اسمها اتفقنا
علي ما اعتقد ما كان بعفاف الا ان قالت عبارة (خرخرتي يا ندي)
ما عارف دي قنوات ولا حمامات ؟
مؤسف جدا ان يكون اعلاميونا ومسوؤلين بهذه الضحالة00


عليك الله يالفخيم أخوي هي قنواتنا زاته اليومين ديل بقن للأسف يتنافسن شكليا في المذيعات وتوبي وتوبك وما عارفين إنو الزبد يذهب جفاءا وأما ما ينفع الناس فيمكث في الارض والله عمر قنواتنا ماتتقدم إذا كان ده هو مبدأها في إختيار المذيعات وبيني وبينك المذيعين الرجال زاتهم بقى المؤهل الاساسي لي إختيارهم هو الوسامة وابان صلع ديل حالتهم صعبة لافي زول بشغلهم ولافي زول بيعاين ليهم والله حاجة تفرس النسوان عرفناهم كمان الرجال
تخريمة : أخوك طيعا بي جلحات وكرش علشان كده طرف السوط هبشني

[ايمن عبد الله]

مادي المصيبة انو عاجبهم الكلام00
حتي ولو تجارية ما مبرر انو يقولو اي كلام ولا شنو؟



ما بهمهم شي .. دي كلها برامج ديكور فقط اما لو بحثت عن الجوهر فلن تجد شيئاً الهدف منها غناء بس وتلقاهم لابسين ثياب جميلة ووجوه جميلة ومظهر حلو ..وغناء وكلام اي كلام ..

[الفخيييم]

ما بهمهم شي .. دي كلها برامج ديكور فقط اما لو بحثت عن الجوهر فلن تجد شيئاً الهدف منها غناء بس وتلقاهم لابسين ثياب جميلة ووجوه جميلة ومظهر حلو ..وغناء وكلام اي كلام ..



نسأل الله انو ما يؤاخذنا بما يفعله السفهاء منا
ربنا يعين يا ايمن اخوي00

[ابوخالد]

الوجه البشوش شمسٌ ثانية ..

قولٌ جميل .... ومطلوب فى الشاشة البلورية

الوجه الجميل ...

ولكن الجمال الذى لا فضيلة فيه كالذهر الذى لا رائحة فيه ...

فلابد من إجتماع الجمال والفضيلة لتكون لوحة

مكتملة الجوانب .... تُسر الناظر إليها ... والسامع ..

ولكن لاخير فى حسن الجسوم وطولها إذا لم يزن حسن الجسوم عقولُ ...

فلنترك المحاباة جانبآ وكذلك المجاملات ... ولنهتم بنشر الفضيلة

وأن نقدم ما يعكس صورة سوداننا المشرقة .... بحسن

تنقية الكلمات ذات الدلالات الواضحة المحتشمة

شكلآ وموضوعآ ....


ولكم ولنا الصبر فيما اُبتلينا ....

ودمتم بكل ودٍ جاليسينا

[امال مالك]

اخى كلامك في محلو الجمبعابي انسان بهتم بالايتام ومغقودىالسندوالاسر البديله حقو انسان بعمل عمل زى دا لازم مخارح كلامواتكون مهزبه ولكن تهزيب لكلام نعمه اوهبه من عند اللة اما عن ندى وعفاف فحدث فلا حرج .... الله يكون في عون المستمعين

[الاميره]

ان شاء الله رعاة الامر ربنا ينير بصيرتهم ..ويشوفوا المصائب دى ويعالجوها قبل ما تبقى عاده تستشرى ..
وربنا يكون فى العون..

اما موضوع المزيعات ..فالمفروض هن بنات صغيرات فى السن (شابات)يكونن بمستوى سنهن
يعنى مكياج خفيف .. تسريحه بناتى ..لبس الملابس يكون شبابى مثلا الواحده تلبس كاجول (اسكيرت وفانيلا وقميص) او كلاسيك(مقلم او فستان بناتى او اسكيرت مع بلاوز)
لكن الملاحظ ان كثير من الزيعات صغيرات ..وعاملات فيها نسوان كبار (حاجه تغيظ)تسريحه نسوانيه تخلى شكل الواحده عمرها خمسين سنه وهى جميله لكن ما فى زوق ولا فهم فى الاختيار...وكمان فى فساتين خاصه بالنسوان تلقى اكثر فئه لابساها هن البنات الصغار (ولا فى ادنى ترابط بين الشخصيه والفستان)وقس على ذلك شكل التسريحه والمكياج وشكل الوجهه فى ناحيه والتسريحه فى ناحيه..وكمان ثياب خاصه بالنسوان ..وحرير ...ونظام انا فى رأى محتاج اعادة ترتيب..
الله يكون فى العون..

[saadabi]

والله الظاهر مافي مقياس معين لاختيار المذعيين ومن المفروض ان يكون الذكاء وتدارك الأمور وبعدين اجادة اللغة العربية في نطق ومخارج حروفها،
لكن هنا في قنواتنا المقياس شنو الله اعلم

[امال مالك]

ان شاء الله رعاة الامر ربنا ينير بصيرتهم ..ويشوفوا المصائب دى ويعالجوها قبل ما تبقى عاده تستشرى ..
وربنا يكون فى العون..

اما موضوع المزيعات ..فالمفروض هن بنات صغيرات فى السن (شابات)يكونن بمستوى سنهن
يعنى مكياج خفيف .. تسريحه بناتى ..لبس الملابس يكون شبابى مثلا الواحده تلبس كاجول (اسكيرت وفانيلا وقميص) او كلاسيك(مقلم او فستان بناتى او اسكيرت مع بلاوز)
لكن الملاحظ ان كثير من الزيعات صغيرات ..وعاملات فيها نسوان كبار (حاجه تغيظ)تسريحه نسوانيه تخلى شكل الواحده عمرها خمسين سنه وهى جميله لكن ما فى زوق ولا فهم فى الاختيار...وكمان فى فساتين خاصه بالنسوان تلقى اكثر فئه لابساها هن البنات الصغار (ولا فى ادنى ترابط بين الشخصيه والفستان)وقس على ذلك شكل التسريحه والمكياج وشكل الوجهه فى ناحيه والتسريحه فى ناحيه..وكمان ثياب خاصه بالنسوان ..وحرير ...ونظام انا فى رأى محتاج اعادة ترتيب..
الله يكون فى العون..

أختي الأميرة
السلام عليكم
اهم حاجة في المذيع أو المذيعة الناجح هو ان يعرف يتكلم كلام مرتب منطقي له معنى وموضوعي ده اهم من المكياج واللبس والتسريحة
لـــــــــــــــــكـــ ـتــــــحيــــــــــــاآآآآآآآآآآآآآتى

[الفخيييم]

اما موضوع المزيعات ..فالمفروض هن بنات صغيرات فى السن (شابات)يكونن بمستوى سنهن
يعنى مكياج خفيف .. تسريحه بناتى ..لبس الملابس يكون شبابى مثلا الواحده تلبس كاجول (اسكيرت وفانيلا وقميص) او كلاسيك(مقلم او فستان بناتى او اسكيرت مع بلاوز)
لكن الملاحظ ان كثير من الزيعات صغيرات ..وعاملات فيها نسوان كبار (حاجه تغيظ)تسريحه نسوانيه تخلى شكل الواحده عمرها خمسين سنه وهى جميله لكن ما فى زوق ولا فهم فى الاختيار...وكمان فى فساتين خاصه بالنسوان تلقى اكثر فئه لابساها هن البنات الصغار (ولا فى ادنى ترابط بين الشخصيه والفستان)وقس على ذلك شكل التسريحه والمكياج وشكل الوجهه فى ناحيه والتسريحه فى ناحيه..وكمان ثياب خاصه بالنسوان ..وحرير ...ونظام انا فى رأى محتاج اعادة ترتيب..

الله يكون فى العون..



والله ده كلو ما مهم يتنسونو ولا يستعملو كركار
المهم اللباقة وحسن التصرف وسرعة البديهة
واجادة فن الحوار واختيار اللغة الجيده للتعبير
عن شتي البرامج والمواضيع
ولك احترامي وتقديري علي مرورك

[الفخيييم]

والله الظاهر مافي مقياس معين لاختيار المذعيين ومن المفروض ان يكون الذكاء وتدارك الأمور وبعدين اجادة اللغة العربية في نطق ومخارج حروفها،
لكن هنا في قنواتنا المقياس شنو الله اعلم


المؤسسية في اختيار المذيعين والمذيعات
حتي نتجنب هكذا اساليب لا تمت لنا بصلة
الشكر اجزله علي مرورك

[الفخيييم]

اخى كلامك في محلو الجمبعابي انسان بهتم بالايتام ومغقودىالسندوالاسر البديله حقو انسان بعمل عمل زى دا لازم مخارح كلامواتكون مهزبه ولكن تهزيب لكلام نعمه اوهبه من عند اللة اما عن ندى وعفاف فحدث فلا حرج .... الله يكون في عون المستمعين


كلهم حدث ولا حرج واحتمال عفاف تكون اخف وطأة
من الجميعابي باعتبارو مسوؤل00 اما المذيعين والمذيعات
مقدور عليهم نسال الله ان يوفق الجميع لما فيه الفائده
لك خالص احترامي

[ايمن عبد الله]

انت يا فخيم ما شفت . يوم استضافوا علاء الدين يوسف .. المذيعة قالت ليهو في واحدة كاتبة في النت وقالت انك بتستخدم المنشطات .. تعرف رد قال شنو .. قال ليها خليها تجي هي وتجيب لي المنشطات وانا باخدها ليها .. هسة ده شنو ؟ ونفهم شنو من كلامه ده .. ؟

[الاميره]

أختي الأميرة
السلام عليكم
اهم حاجة في المذيع أو المذيعة الناجح هو ان يعرف يتكلم كلام مرتب منطقي له معنى وموضوعي ده اهم من المكياج واللبس والتسريحة
لـــــــــــــــــكـــ ـتــــــحيــــــــــــاآآآآآآآآآآآآآتى








والله ده كلو ما مهم يتنسونو ولا يستعملو كركار
المهم اللباقة وحسن التصرف وسرعة البديهة
واجادة فن الحوار واختيار اللغة الجيده للتعبير
عن شتي البرامج والمواضيع
ولك احترامي وتقديري علي مرورك


الاخوان/ الفخيييم...امال مالك
اتفق معكم فى ان اهم سبب لكونها تكون مزيعه....اللباقه وحسن التصرف..واجادة فن الحوار..وتتكلم كلام مرتب..والا لما عينت مزيعه...لو نظرنا للمزيعات فى قناة السودان ..الشروق ...او حتى هارمونى..تجد المزيعه المتزوجه فى حشمه واناقتها مع لغة حوارها تسرك.... عكس ما تجده فى النيل الازرق...وهذا رأى واختلاف الراى لا يفسد للود قضيه..وفى رأى ان المزيعه او المراءه عموما هى التى تتمتع بقوه داخليه تعيينها فى مشوار المجد او مشوار الحياة...وليست القوة بخلف رجل على رجل ..او ثاب شفافه.لا تمت لعمرها بصله ..الثوب السودانى نفتخر به ونعتز ...وليست القوه مستمده من ابوين او قريب..فجمال المراءه فى قوتها فى شخصها وقدرتها اثبات ذاتها ..وليس جمال وبهرجه وتغيير ملامح ..قوتها فى فهمها واعتدادها بعقلها ومقارعة المتواجدون بحنكه وعمق فهم..وتنفسها من دون اقنعه..


لشكل دال على شخصية صاحبه..فالمزيعه بشكلها العام.. فى مراى الجميع.. وفى لغة حوارها البسيطه غير المصطنعه ..وفى الموضوع المطروح ..تعمل على نشر قيم اضافيه ومعرفه وفكر جديد.. قد تغير فى فئات من المجتمع.. والشكل والموضوع.. لا يبتعدان عن المزيع اصلا...
ولكم تقديرى واحترامى.

[الفخيييم]

انت يا فخيم ما شفت . يوم استضافوا علاء الدين يوسف .. المذيعة قالت ليهو في واحدة كاتبة في النت وقالت انك بتستخدم المنشطات .. تعرف رد قال شنو .. قال ليها خليها تجي هي وتجيب لي المنشطات وانا باخدها ليها .. هسة ده شنو ؟ ونفهم شنو من كلامه ده .. ؟


لو عايز تفهم اكتر أسأل عبدالكريم الدافئ
ده شخص استضافوهو يعني ما بالضرورة
نحن نتكلم عن المذيعين والمذيعات ولا شنو؟

[الزونية]

الأخ فخيييم .لك التحية
ونشكرك لوضع هكذا قضية قيد النقاش...
انا لم تتح لي الفرصة لمتابعة البرنامج الذي تحدث فيه الجميعابي..
ولكنني شاهدت لفترة وجيزة جداَ برنامج عفاف وتحولت عنه وانا ألعن زمناً ..يتيح لمثل هؤلاْء أ ن يطلو علينا ونحن وسط أهلنا وأبنائنا ..لنرى من طريقة للحديث والأسلوب المبتذل..ونسمع كلمات منتقاة من بطون أم الكتب....وهذا زمانك يامهازل فامرحي...
ولابد من وقفة هنا لتدارك الأمر ..حت لايستشري الفساد عبر قنوات ..محسوبة علينا ونحن عنها غافلون أو متغافلون..

[الجندي المجهول]

غايتو يا الفخيييييييم وبصراحة انحنا في السودان ما عندنا علاقة بالاعلام لا مرئ لا مقروء وانا بعتبر الاذاعة افضل السيئين كرأي شخصي .......... اما بالنسبة لي جوز اللوز فديل ما مكناهم التلفزيون ...... ؟؟؟

[محمد حسين (المميز)]

اما بالنسبة لي جوز اللوز فديل ما مكناهم التلفزيون ...... ؟؟؟




!!!!!!!!!!!

[رامى طلبه]

والله انا فى رأئى عفاف عمر امين ما مفروض تكون
مذيعه من الاصل يعنى دى لما تكون مستضيفه ناس
والنقاش يحتدم وتسمع صوتها تقول شكله فى السوق
الشعبى ؟؟؟؟ بكل الصراحه صوتها غير اذاعى
على الاطلاق وحتى قراتها للشعر بطريقه .......
صوتها غير شعرى خالص ...
ارجوا ان تعزرنى ولكن الحق يقال ...

[بدر الدين احمد الطائف]

انت يا فخيم ما شفت . يوم استضافوا علاء الدين يوسف .. المذيعة قالت ليهو في واحدة كاتبة في النت وقالت انك بتستخدم المنشطات .. تعرف رد قال شنو .. قال ليها خليها تجي هي وتجيب لي المنشطات وانا باخدها ليها .. هسة ده شنو ؟ ونفهم شنو من كلامه ده .. ؟

والله يا ايمن الكلام ده لوكان قالو العجب سيدوكان عملت نااااااايم




الفخيم سلامات
تعرف المذيعات حقات النيل الازرق بالتحديد
عاملين ذى شنو
ذى لمن الولد الصغير تجيب ليهو لعبه يشيلها وهو مخلوع بيها ومبسوط منها شديد
بعد دقائق تلاقهو زهج منها ورمها واصابه الملل
اها المذيعات ديل الواحده فى الاول تخلعك
التوب المزركش بالتراتر ووجوه مليانه بدره والشعر ملون والرموش كيف .
مهرجان عديل كده
اها يقوم المشاهد تصيبه ليك الخلعه ولا قول الصدمة من الجمال ده
لكن بعدشويه يكتشف انه كله صناعى ويفقد الجاذبية
طوالى يصاب بالملل والرتابه.
انا غايتو بتكلم عن نفسى.
وما عارف انتو كيف

[ام عسجد]

اولا شي المسالة موهبة تاني شي العفوية الشفافية اناقة ببساطة تخلي المشاهد يحس بانه بعرفها من زمن
هسة عليكم الله ندى وعفاف ديل شنو ( كدايس خلا ) عفاف اثبتت انها تامة المسالة جرأة بس وبتصرف على اكسسواراتها وتتعب فى اعداد ظلال العيون اكتر من تعبها فى اعداد البرنامج لانه برنامج ما معروف يقصدو شنو
المذيعة فى قنواتنا مكياج واكسسوار وتياب وبس اما حوار ونقاش وفهم نستفيد منو مفيش