ترنيمات اطفال..

[أشرف صلاح السعيد]

لعبت الترنيمة دور هام وجميل بحياتى..فقد حبانى الله أب أبسط مايمكن وصفه هو الروعة..لست لأنى إبنه وأحبه وحسب..فهو رجل قضى جل وقته خارج العمل معنا يدرسنا ويلاعبنا ويوجهنا بحلم ولين..وكانت له ترنيمة لنا "انا واخوانى" يرددها لنا ولكم سعدنا بالالتفاف حوله وجعله يكررها مرة تلو مرة وهو ونحن جميعنا سعداء..لكم احبك ياأبى..
ولما كبرت وانجبت لم استخسر تلكم اللحظات الروائع على ابنى عبدالرحمن ومحمد فترنمت لهم:

ياعبد الرحمن ياقايد الفرسان تركب الطيارة تهزم الامريكان...نِينَا كمنّدُس
ياحمودى (محمد) يادكتورى تركب الطيارا تمشى لنيروبى ...نِينَا كمنّدُس
ياعبدالرحمن ياحافظ القرآن تركب الطيار تطعم الجعان...نِينَا كمنّدُس
ياحمودى ومعاك عبودى تركبو الطيارا تكبرو بعيونى ...نِينَا كمنّدُس


(نِينَا كمنّدُس لا ادرى معناها هكذا ورثتها من ابى الذى لايعرف هو ايضا معناها..مجرد كلمة خفيفة يضحك ويسعد لها الاطفال)..

فلنجعل لأبنائنا ترانيم خاصة بهم نغرس بها حلو الصفات فيهم ولنخبرهم كم هم مميزون لدينا..

[ابوخالد]

هنيئآ لك أخى بذاك الوالد وفخرآ لنا ....

دومآ نستغيث بهمسات غائرة فى دواخلنا ....

لنتكئ عليها ونستظل بها من رميضاء الزمن العنيد ....

فكن نخلةً تطرح لأبنائها رطبآ جنيا ....

وكن لنا مجدآ نفاخر به دومآ ....

حفظ الله لك عبدالرحمن ...

دومآ ... ومحمدٌ ..

عش قرير العين هانيها ....

ولك المودة حيث كنت .... أخى

[أشرف صلاح السعيد]

هنيئآ لك أخى بذاك الوالد وفخرآ لنا ....

دومآ نستغيث بهمسات غائرة فى دواخلنا ....

لنتكئ عليها ونستظل بها من رميضاء الزمن العنيد ....

فكن نخلةً تطرح لأبنائها رطبآ جنيا ....

وكن لنا مجدآ نفاخر به دومآ ....

حفظ الله لك عبدالرحمن ...

دومآ ... ومحمدٌ ..

عش قرير العين هانيها ....

ولك المودة حيث كنت .... أخى

حبيبنا ابوخالد سلام..
بل هنيئا لى انا بشخوص بحياتى بمثل جمالكم..
حضوراتك محببة وان اختلفت ثيابها ولكنها جميعا اتسمت بجمال الروح واناقة المفردة وصدقها..
كن بخير دائما..والاسرة الكريمة الرائعة..

[مبارك عمر عباس]

اخي اشرف تحياتي واحترامي للوالد الدكتور/صلاح السعيد
وربنا يطول لينا في عمرو ويديهو الصحة و العافية .
حقيقة الدكتور صلاح السعيد رجل محترم للغاية وبسيط مع الصغير قبل الكبير ومحبوب من الجميع .
فلهو مني كل الاحترام .
وربنا يحفظ ليك عبدالرحمن.

[أشرف صلاح السعيد]

اخي اشرف تحياتي واحترامي للوالد الدكتور/صلاح السعيد
وربنا يطول لينا في عمرو ويديهو الصحة و العافية .
حقيقة الدكتور صلاح السعيد رجل محترم للغاية وبسيط مع الصغير قبل الكبير ومحبوب من الجميع .
فلهو مني كل الاحترام .
وربنا يحفظ ليك عبدالرحمن.

حبيبنا بركة سلام..
لكم اسعد لمرور ابناء الجيران بى كيفما كان المرور ..
اشكر لك وصفك للحبيب الوالد بكلماتك العميقة والجميلة..
الله يخليهو ويخلى ليك كل من تحب..

استفسار:
لازلت بالرياض؟

[ود الجعلي]

من الركشة ومشاكلها وبوليس الحركة بحركاتو العجيبة واستفزاتو الرهيبة وتخويفاتو المقصودة مرورا" ببعشوم وعائلته الغريبة الى ترنيمات الاطفال واناشيدهم الموروثة من اجيال سابقة هذا التنوع يجعل هذا المكان اكثر خصوبة ....

يرسخ لافكار وحكاوي

تظل ذكرى وطريق

والله العظيم ليس اطراء"

ولكن قل تشجيعا"

[محمد هاشم]

من الركشة ومشاكلها وبوليس الحركة بحركاتو العجيبة واستفزاتو الرهيبة وتخويفاتو المقصودة مرورا" ببعشوم وعائلته الغريبة الى ترنيمات الاطفال واناشيدهم الموروثة من اجيال سابقة هذا التنوع يجعل هذا المكان اكثر خصوبة ....

يرسخ لافكار وحكاوي

تظل ذكرى وطريق

والله العظيم ليس اطراء"

ولكن قل تشجيعا"


والله يا ود الجعلي يا خوي اسي انا قبل ما أقرا البوست بتاعك ده كنت شايل وضاح ولدي وقاعد أترنم ليه بترانيم حبوبته والدتي الله يديها الصحة والعافية

وضاح يبقى كبير يمشي المدرسة

وضاح يبقى كبير ويقرا الهندسة

وضاح الجامعة خلصة

[أشرف صلاح السعيد]

من الركشة ومشاكلها وبوليس الحركة بحركاتو العجيبة واستفزاتو الرهيبة وتخويفاتو المقصودة مرورا" ببعشوم وعائلته الغريبة الى ترنيمات الاطفال واناشيدهم الموروثة من اجيال سابقة هذا التنوع يجعل هذا المكان اكثر خصوبة ....

يرسخ لافكار وحكاوي

تظل ذكرى وطريق

والله العظيم ليس اطراء"

ولكن قل تشجيعا"

ودالجعلى الثائر الجميل سلام..
لا احسبك من كتاباتك ممن يداهنون او يجاملون على حسابات اكثر اهمية..
ولوجك للنافذة عمق فكرى بمفيد طرحها وحقيقى فيه كبير التشجيع..
كن ثائرا على كل قبح كما انت وكن بخير ..وشكرا لك..

[أشرف صلاح السعيد]

والله يا ود الجعلي يا خوي اسي انا قبل ما أقرا البوست بتاعك ده كنت شايل وضاح ولدي وقاعد أترنم ليه بترانيم حبوبته والدتي الله يديها الصحة والعافية

وضاح يبقى كبير يمشي المدرسة

وضاح يبقى كبير ويقرا الهندسة

وضاح الجامعة خلصة

وضاح الشينة بيكنسة
وضاح لعيلتو مابدبرسة
وضاح رجالتو مترسة

الله يحفظ وضاح وكل اطفالنا ويكونوا خير زاد لخيرة البلاد..

[محمد هاشم]

وضاح الشينة بيكنسة
وضاح لعيلتو مابدبرسة
وضاح رجالتو مترسة

الله يحفظ وضاح وكل اطفالنا ويكونوا خير زاد لخيرة البلاد..


الله يديدك ألف عافية يا أشرف وربنا يحفظ الاطفال ويخليهم ويديك الف عافية

[أشرف صلاح السعيد]

الله يديدك ألف عافية يا أشرف وربنا يحفظ الاطفال ويخليهم ويديك الف عافية

ويديك كل العوافى ايها المترنم جمالا وحبا..
اللهم احفظنا لهم واحفظهم واجعلنا جميعا من الفائزين..

[صابرحسين]

ربنا يحفظك ويبارك لك في عبد الرحمن قائد الفرسان ومحمد الدكتور

الترنيمة طبعاً تعمل عمل السحر بالنسبة للأطفال عندي بنت آخر العنقود لا تنام إلا على دندنه من أمها والغريب أنا أحياناً أنام بهذه الدندنة قبل ماتنام ........ يكون عندي فروقات دندنه ولا شنو .....

[أشرف صلاح السعيد]

ربنا يحفظك ويبارك لك في عبد الرحمن قائد الفرسان ومحمد الدكتور

الترنيمة طبعاً تعمل عمل السحر بالنسبة للأطفال عندي بنت آخر العنقود لا تنام إلا على دندنه من أمها والغريب أنا أحياناً أنام بهذه الدندنة قبل ماتنام ........ يكون عندي فروقات دندنه ولا شنو .....

اخى صابر رمضان كريم..
والله يبارك ليك فى كل العيال و بنوتك ويجعلهم من الصالحين و الصالحات..
انتا بتقول فيها..انا اول مرة الاولاد يسافروا براهم التلاتا ايام الاولى ماقدرت انوم..وفى اليوم الرابع فتحت التلفزيون بصوت واطى ونمت عليو..
كلنا يااخوى الظاهر بنوم فينا بس خجلانين ساااكت..وفروق الدندة عندنا كلنا يظهر..

[أشرف صلاح السعيد]

نونو ينوم الحبيب
نونو يحنن القريب
نونو يكبر لى ويجيب
نونو القى فيهو طيب
نونو يحفظ الحبيب
نونو يبقى ليى طبيب
نونو يشفى للقليب
نونو يكبر الوليد
نونو يملا ليى البيت

[درديري كباشي]

يا خي انت حنكوش شهادة عربية تربية حبوبات .. درس بحنتوب .. واتخرج من المصر ..تعرف المزيج دا يا جننك انت يا جننا بيك ..
على كل حال نقول انت عود صندل يا اشرف اينما ( خبطته) استخرج عطرا ..

[أشرف صلاح السعيد]

يا خي انت حنكوش شهادة عربية تربية حبوبات .. درس بحنتوب .. واتخرج من المصر ..تعرف المزيج دا يا جننك انت يا جننا بيك ..
على كل حال نقول انت عود صندل يا اشرف اينما ( خبطته) استخرج عطرا ..

والله ياابوالدر مع انو شهادتك مجروحة لانى شاكك انك بتتعاطى منشطات ابداعية الا كلامك عجبنى رغم الحنكشة الفيو..
انا زمااان جنيت والمشكلة انكم مش تجنو بيى تجنو فى نفسكم ..
ابوالدر ..لوكان الابداع جنون فانت من علمنا التطقيع ..