فطـــور العريـــس ... وجـرســة أم العـــروس

[حنيني اليك]

--------------------------------------------------------------------------------

من عاداتنا السوادنية المعروفة من زمن بعيد
فطور العريس
باختصار ام العروس ملزمة تودي لاهل العريس الفطور من صباحية يوم العرس ،، والفطور فيهو كل ما لذ وطاب على الاقل لازم الفطور يكون من خمستااااااشر حلة مظبطه فيها ملاح التقلية والنعيمية واللحمة المحمرة والعصيده والفول ومستلزماته من بيض وجبنه وزيت وطعمية وبيتزا (دي جديده) والشعيرية والسكسكانية وما ننسى الخبائز المشكلة وكمان حاجات جديده بتزيد كل ما كان لسان ام العريس طويل ، وبتزيد وبتحلى اكتر كل ما كانت ام العروس بوباره ، وتزيد اكتر كل ما كان اهل العروس غريب ، يعني ما من اهل العروس ،،

اها رائكم شنو ؟؟ دي عادة سودانية نحافظ عليها ؟؟ ولا تروح مع بعض العادات السودانية الضارة ؟؟؟؟؟؟؟

وانا بسال السؤال دا لانوا في كتير من امهات العرايس بيشتكن من تكلفة الفطور العالية ،، وكمان متعبه ،، يعني لازم ام العروس تجيب صاحباتها وجاراتها ويساهرن في سوات الفظور ،،، وام العروس عليها حاجات كتيره ،، حاجات عايزه ميزانية ووقت زي دق الريحه مثلا وسوات الدلكه ، دا كلو مكلف شديد ؟؟
وبعدين بصراحة كدا بتحصل مشاكل كتيرة بين اهل العروس والعريس بسبب فطور العريس ،، يعني لو ام العروس اتشجعت كدا واعتزرت وقالت والله ما بقدر على الفطور ،، تقوم القيامه في بيت العريس ،، وتسمع كلام كتير من ام العريس ، زي مثلا ما قدرونا النسابة الجداد ،، فضحونا ،، ام العروس ما جابت لينا الفطور ،، هي ما عارفه انو فطور العريس دا تقدير ولا ما عارفه يعني ،،ويبقى الموضوع دا عقده كدا لي جنى الجنا

[دوشه]

والله انا عندي راي وملاحظه انو اهل العروس البودو فطورالعريس بكون عددهم اكتر من ناس العريس وبقعدو يفطرو يعني بجيبو وبياكلو هم زاتم وممكن جداما يكفيهم

[أبوريلان]

حنينى إليك ..... كل سنة وأنت بألف صحة وعافية

طرحك جميل ومفيد ومضوع جاد للنقاش ،


هو ليس من العادات الضارة وبس بل يعتبر من الضربات القاضيه بالنسبة لناس العروس ، يعنى ميته وخراب ديار .

العريس يرسل الشيلة لأهل العروس للمساعدة طبعا فى يوم الفرح حتى يقوموا بكرم أهل العريس والمدعويين من الطرفين لمناسبة يوم الزفاف ، ولكن تقوم أم العروس بخسارة أكثر بعمل هذا الفطور والذى يكلف لبعض الأسر كل ما وصل فى هذه الشيلة ناهيك عن الخروف الذى يتحمله والد العروس ، رأى الشخصى تعتبر عادة مكلفه وياريت لو الناس تفهمت الوضع ومنعتها :D :D :D

[ضياء الدين احمد]

اولا يحسب ليك اختيارك للموضوع ياحنيني وانا بأيّد رأي الاخ ميرلان بشده في انها عادات سيئة جدا ومكلفه والزمن ده مازمن فطور عريس وخروف الحُلاله والكلام الفارغ بتاع النسوان ده ويخيل لي انو بعض الناس بدأوا اتنازلو من الكلام ده وعن تجربه خاصه انا عندي 5 اخوات والحمد لله زوجناهم لا ارهقنا اهل العريس ولا انفسنا

[حنيني اليك]

العايز اقولو انو عاداتنا ما بالساهل بنقد نغيرها مثلا فطور امس العروس ممكن نقول مافي مشكلة لكن المشكلة في الاسراف والفشخرة يعني دي مالازم ابدا لانها لا داخله في السنة ولا في شئ
اما العادات دي وغيرها مابتتغير الا بيجيل يكون متعلم ينظر للعادة بكونها دينية واخلاقية الخ...

[waheeb]

اخي الكريم / حنيني ليك...
اولا نشكرك علي طرحك لهذا الموضوع الذي اصبح مثيرا للجدل في هذه الاونه .. والله كما تفضل الاخوه هذا اسراف كبير ونوع من انواع البرخ الاجتماعي الناجم من حب الظهور ( البوبار) والعجيب في الامر ان الاسر المستطيعه اصبحت تقوم بعمل اشياء مبالغ فيها وقد سمعت بي فطور عريس كم خروف وكم وكم من تبعياته ..
توقف هذه العاده الضاره جدا متوقف علينا جميعا بتوعية امهاتنا واخواتنا وزوجاتنا ..
قد سرني كثيرا اليوم وانا احضر مناسبة زواج احد الزملاء في قرية الكباشي ان المناسبه فطور فقط وبعد الفطور يأخذ العريس عروسه الي شهر العسل مباشرة دون اي مراسم اخري وهذه عادة جميع اهل الكباشي..
فليت كل الناس تدرك معني التبسيط حتي يبارك الله في الباقي .. وحتي يقبل الشباب علي الزواج بعد ان احجم عنه بسبب التكاليف الباهظه ...

ودمتم...
# أبو أشرف #

[الأهيف]

الاخ العزيز / حنيني اليك
سلااامات ومشكور علي الطرح .. وانا شايف انوا المتعوس في الموضوع ده كله لا ام العروس لا ام العريس .. المتعوس هو العريس لانوا هو اللي ملزم بكل شئ،،، ولو رفض اهله يضغطوه علي ذلك ..
ولي رأي .. يا ريت بدل ما نحكي عن ترك هذه العادات ،،ما نشوف لينا تقاليد جديدة .ز. نعمل زي الهنود او الاسيويين عموماً.. ويكون كل شئ علي ابو العروس وبرضو يدفع لينا كنجال مع العروس ..وكل ما تكون قوز كبروا الدفع بكون اكتر ..(ويعتبر احسن حل للعنوسة ) .
ههههههههههه .. ايه رايكم ؟!

[حنيني اليك]

تحياتي يا myrelan

شكرا على مداخلتك وذوقك

رايك في محلو

[حنيني اليك]

اها يا دوشه كان ما كفاهم الحل شنو؟

[حنيني اليك]

اخي العزيز ضياء الدين

شكرا ليك يا ذوق

وياريت كل الناس بتفهم زيك انت واهلك

تحياتي

[حنيني اليك]

اخي الحبيب وهيب (ابو اشرف)


تحياتي وشكرا ليك يا ذوق

انا معاك اؤيد كلامك بشده

ويا ريت السودان كلو يكون زي ناس الكباشي

وعندي اقتراح تاني يوم العزومه دا الناس تطوع وتصوم
:D

[حنيني اليك]

الاخ الأهيف



شكرا ليك ويديك العافيه

والله رايك جميل وعجبني

خصوصا موضوع الكنجال دا:D

من بكره الواحد يتزوج 4:D

تحياتي

[بابكر]

هو الزمن ده فى عريس بيستنى لمن ام العروس تجيب ليه فطفور مابيكون مشى شهر العسل من بدرى ولاشنو يا جماعه

[ابراهيم]

هذه العادات ورغم ما تسببه من مشاحنات وعقد

ألا أنه لها نكهتها الخاصة

وصعب الاستغناء عنها

[الزبير محمد عبدالفضيل]

بسم الله الرحمن الرحيم والسلام علي من أتبع الهدي



أقتراحي هو ان يشارك الطرفين في الفطور حتي لايكون هنالك

ضررولا ضرار ويكون الود والحب والصداقه الدائمه بين السرتين

لاكن يكون زواج وخسائر فادحه لأب وام العروس وبعد كده يجي عليها

فطووووووووووووووووور تكون خرررررررررررراب مالطه



تحياتي لطارح الموضوع

[الزبير محمد عبدالفضيل]

انا معاك يا اخ بكووور الزمن ده مافي عريس بينتظر ليه فطور تلقاه مشي

شهر العسل من الفجريه شفقه ساكت وفرحه

[shashi]

اولا مشكور يا حنيني اليك موضوعك دمه خفيف لكن شوف يا زول انحنا اتكوينا واندبق جلدنا من قبل ما تقوم انت تجي تقطع لينا رزقنا اسمعوا هوووووووووووووووي اهم حاجة الفطور ده الفايدة من العرس شنو اذا كان ما فيه سفسفه والقادر بسوي والما قادر الله يقدره ويسهل عليه يسوي لينا فطور عليك الله ما تضايقنا اهم حاجة السفسفة دي
مع تحياتي ابو احمد :D :D :D

[خالد هاشم علي]

تسلم كتير ياحنيني إليك....
ومشكورين الشباب ماقصروا بس عندي معلومة مهمة الشباب نسوها وهي أن فطور العريس بكون في يوم الحنة بتاعتو يعني قبل الدخلة ، يبقي بالتأكيد ماحيكون ساق العروس وشتت.
الحاجة التانية أنا معاكم إنو التكلفة كبيرة وشايف كل الشباب تعاطفوا مع أم العروس والخسارة التي تقع عليها، ونسوا حاجة مهمة....
إنو أهل العريس ملزمين بأن يقوموا بتقديم الهدايا لكل النسوان ( وفد الفطور) عشان كدة تلقي التنافس حاد عند ناس العروس للمشاركة في هذا الوفد.
وبالمناسبة الهدايا مابسيطة يعني تنقسم لثلاثة خيارات اسهلهم صعب والخيارات ( خواتم ذهب أو ثياب أو زجاجة عطر) وأخفها طبعا زجاجة العطر.
أنا عن تجربتي الشخصية تكون وفد الفطور من ( 20 ) إمرأة ( التقول وفد مفاوضات السلام ) وقد كانت الهدية التي قدمتها الوالدة ( ثوب لكل واحدة) يعني ميتة وخراب ديار.
وبالمناسبة ياجماعة صعب شديد نغير في الحاجات دي وأول ماتفتح خشمك عشان تعترض أمك تقول ليك ماعافية منك كان ماعملت كدا وكدا.
أها الحل شنو؟؟؟؟
ياضياء الدين سخن ساي وبلبل رأسك....