طاش ما طاش ونحن ..

[ايمن عبد الله]

مسلسل .. طاش ما طاش النسخة 16 والذي يعرض حالياً في قناة mbc1

ظل هذا هذا المسلسل الذي يقوم ببطولته الفنانين السعوديين .. ناصر القصبي وعبد الله السدحان .. ظل يتناول في كل دوراته السابقة .. شخصيات سودانية .. يقوم بآداء ادوراها ممثلين سعوديين .. واحياناً كثيرة يقوم بآداء الدور الفنان ناصر القصبي .. ويستخدم فيها الفاظ سودانية .. بطريقة لم افهمها هل هو يضحك علينا ام ماذا ؟

هل يساهم هذا المسلسل في زيادة النظرة التحتية لبعض الخليجين للسوادنيين .. ؟ خصوصا انهم يتهموننا بالكسل .. واشياء اخرى كثيرة لا مجال لها الان .. ؟

ام يساهم في نشر لهجتنا العامية .. في الخليج ؟

وهل نحن في حاجة لان ينشر الاخرين لهجتنا السودانية بطريقة خطأ... ام نحن اولى بذلك وهل نستطيع ان نصحح ما يقوم به المسلسل؟

[ود الجعلي]

ايمن حبيبنا تحياتي

الموضوع طرح اكثر من مرة وبطريقة واحدة وهناك من ناشد السفارة السودانية بان تتدخل لان لدينا ملحق اعلامي ولا اعلم بالضبط ماذا يهبب هذا الملحق في الدور الرابع اقصد الملحق الاعلامي
وهنالك من طالب بتوقيعات ومذكرات رفض لهذا الاستهداف الذي لا اعتقد انه يقدمنا في شي انما يحقر الكثير في الشخصية السودانية ويقلل من شأنها ويهينها ويحولها الى مسخ واضحوكة ولا اريد ان اتحدث عن فضائل السودانيون ولكن هذا السكوت المطبق يعمق مقولة الكسل والسذاجة والرخاوة والبؤس الذى ندفن فيه انفسنا بالحياة

ارجو ان ننظر الى انفسنا اولا" لان ثمة عيب بل قل عيوب يجب ان نعالجها قبل ان نلتفت الى هذا القصبي او ذلك السدحان
ودمت ايمن

وين انت في الدمام خلينا نشوفك انا في الخبر

[ايمن عبد الله]

مشكور ود الجعلي .. على هذا الرد الرائع .. الله يعطيك العافية ..

لكن ما تنتظر ملحق يتدخل ولا سفير يتدخل .. ديل ناس قاعدين اذى بس ..

برسل ليك عنواني في الخاص ..

[محمد السر احمد]

يا اخونا العارف عزو مستريح
ديل عرب وهم تربية بدو واحتمال يكونو لسه ما بدو
طول بالك وهم عارفنا كويس الرد ما بكون عن طريق ملحق بكون عن طريق حاجة تانية

[ايمن عبد الله]

يا اخونا العارف عزو مستريح
ديل عرب وهم تربية بدو واحتمال يكونو لسه ما بدو
طول بالك وهم عارفنا كويس الرد ما بكون عن طريق ملحق بكون عن طريق حاجة تانية

تحياتي محمد السر


مشكور على المداخلة ..

لكن حاجة تانية زي شنو ..

نبني (ســـد) مثلاً ...:p:D

[الاستوبر]

والله العظيم ياخ ايمن ( السد دي جميلة جدا وماعدية )
لكن برضو محتاجة مظاهرة تخرج بها للشارع
ولكن الرد كان ممكن يكون بنفس الوسيلة ولكن حتي الدراما عندنا متاجه ( لسد

[فراس]

اخي ايمن تحياتي

احييك علي غيرتك الجميلة علي السودان وشعبه

وحقيقة هذه لاتتعدي كونها مهزلة ومضحكة ليس الا

ولكن لادور للملحق الاعلامي ولاحتي بصيص امل

ان يتحرك او تتحرك سفارته بل بالعكس تجدهم

مستمتعين بهذا البرنامج المهزله ....

اخي الفاضل هناك ايضاء برنامج كرتوني يعرض

في قناة سماء دبي له نفس فكرة طاش وفيه

استهزاء واضح بالسودانيين وانا في الحقيقة لم اشاهده

ولكن وصلتني المعلومة من بعض السودانيين

والمصيبة انهم ينتظرونه بفارغ الصبر ومعجبين

به غاية الاعجاب وغيرها من البرامج المنتشرة

التي لاتجد من يتصدي لها ...

تسلم

[محمد السر احمد]

تحياتي محمد السر


مشكور على المداخلة ..

لكن حاجة تانية زي شنو ..

نبني (ســـد) مثلاً ...:p:d

شكرا علي التعليق

[محب]

انا انظم الي من قال العارف عزو مستريح

[بدر الدين احمد الطائف]

قلوب رمضان كريم
عارف امبارح كان معاى بعض الاخوان وبعد ما فطرنا قعدنا نتونس شويه كده والتلفزيون شقال اها جابو ليك طاش دى ورغم انه الجماعه كلهم شقالين وما متابعين لهذا البرنامج الا انهم كلهم قعدوا واصروا يشوفوا الحلقه دى لانها فيها شخصيه سودانيه( ناصر القصبى) الجماعه يتفرجوا ويضحكوا ومبسوطين من الطريقه العبيطة الكان بيقلد بيها الممثل السودانيين فسالتهم انتو عاجباكم العوارة دى ولا شنو فتقريبا كان الرد واحد
يا اخى نحن نقول الحمد لله انه ما عندنا حاجة يقلدونا فيها غير الطريقه العبيطه دى فى الكلام
وانه فى بعض الدول الصديقة قاعدين يعكسوا عنهم حاجات تخجل وكلها حقيقه .

اخى ايمن برقم اختلافى مع الطريقة التى يقدم بها برنامج طاش الشخصيه السودانيه الا انه عندنا نماذج سودانيه اعبط من العبط ذاتو (ادخل على اليوتيويب).وهذا ما يشاهده العالم الان.

اعلم انه بعض المشاركين فى اعداد اى حلقة فيها شخصية سودانيه هم سودانيون 100%
واعلم انه ناصر القصبى بيكون مستمتع جدا جدا عند اداءه للشخصيه السودانيه.
بينى وبينك انا سمعته تحت تحت انه ناصر القصبى بيحب السودانيين موت.

[الملكة اسماء ( ام محمد )]

عُصمان :confused::confused::confused:


كله كوم والاسم العجيب ( عُصمان ) ..و هو اساسا المفروض ( عثمان ) :confused:
كتير جدا بنلاحظ ورود الاسم في حالة كان الممثل يؤدي دور شخصية سودانية فعلى الغالب اسلوب النطق بحيرني
زي مرات يقولوا ليك انتوا السودانين بتقولوا (دسعة ):confused: والمقصود الرقم ( تسعة )..
بعدين عايزين الصرااااااااااحة ..حتى الدراما السودانية ( مبشتنة منظرنا الحقيقي ) يعني اسلوب دراما السودان مُبتذل , اداء مُتكلف , طريقة تدل على ( استعباط) عايزين الاغراب يجيبوكم في صورة احلى ؟؟


اعتقد انه حل المشكلة دي ببداء من الداخل يعني نطور الدراما السودانية وتكون مؤهلة لنقل صورة اكثر وضوحا وشفافية والاهم (غير متكلفة ) للعالم الخارجي وبالتالي نضمن انه الصورة العامة لن يقوم بنقلها ( شخص بليد ) مهتم بالهزل اكثر من الواقع


يعني باختصار ( الاعلام السوداني ) هو السبب:(

[عبدالله محمد العقاد]

عُصمان :confused::confused::confused:


كله كوم والاسم العجيب ( عُصمان ) ..و هو اساسا المفروض ( عثمان ) :confused:
كتير جدا بنلاحظ ورود الاسم في حالة كان الممثل يؤدي دور شخصية سودانية فعلى الغالب اسلوب النطق بحيرني
زي مرات يقولوا ليك انتوا السودانين بتقولوا (دسعة ):confused: والمقصود الرقم ( تسعة )..
بعدين عايزين الصرااااااااااحة ..حتى الدراما السودانية ( مبشتنة منظرنا الحقيقي ) يعني اسلوب دراما السودان مُبتذل , اداء مُتكلف , طريقة تدل على ( استعباط) عايزين الاغراب يجيبوكم في صورة احلى ؟؟


اعتقد انه حل المشكلة دي ببداء من الداخل يعني نطور الدراما السودانية وتكون مؤهلة لنقل صورة اكثر وضوحا وشفافية والاهم (غير متكلفة ) للعالم الخارجي وبالتالي نضمن انه الصورة العامة لن يقوم بنقلها ( شخص بليد ) مهتم بالهزل اكثر من الواقع


يعني باختصار ( الاعلام السوداني ) هو السبب:(




أصبت كبد الحقيقة يا ماسية ..... بارك الله فيك

الحبيب ايمن
و الله عندنا دراما سخافة و عبط و ( عوارة ) ليس ألا
و الغريب عندنا معهد موسيقى و مسرح الناس ديل بيدرسوهم شنو ؟
و الله كرهتي في الدنيا في الدراما السودانية المراة اللي ( بتكورك ) و تجوط في الفارغة
و اراها دائما متصدرة درامتنا التعيسة
و الله انا من المعجيبن بطاش ما طاش و اقارن كثير بينها و بين الدراما السودانية و حقيقة القى الفرق شاسع

محاكاة القصبي للسودانيين طبعا اكيد وراه سودانيين و احيانا لما تشوف الحلقات الاخيرة بيجيبوا القفشات خلال التصوير
القصبي دائما بسأل اللي جنبه و خلف الكاميرا انا قلتها صاح
و حقيقة انا لست متضايق من محاكاة القصبي لطريقة كلامنا و أو استخدامنا لبعض التعابير اللي بيرى القصبي او غيره انها غير صحيحة
و في راي الشخصي انها دليل على اصالة الهوية السودانية و احتفاظها بمكوناتها المورثة و اعتزاز المواطن السوداني بهذه المجموع من العادات و التقاليد و الذي يدعم رسوخ اعتزازنا بذاتنا و طريقة حياتنا وطريقة كلامنا
حقيقة انا شخصيا لي حوالي (12) سنة في المملكة و كتير بادخل اجتماعات مع اخوانا العرب لكن يوم واحد ما تكلمت بغير اللهجة السودانية بس باتكلم براحة لانو احيانا نحن بناكل الكلام و بالذات لو كنا مستعجلين
مرة مشيت لواحد من ناس مدني و هو مدير مالي لشخصية قول اقل شي انه شيخ و انا معه دق ( ضرب ) تلفون و رد الزول دا كانوا بيتحدث مع سوداني
و في النهاية قال لي دا الشيخ و بيسأل عن طائرته الخاصة الجديدة وصلت ولا ما وصلت
و اسعدني اعتزازه بلهجته و ثقته في نفسه
و رمضان كريم

[تغريد]

الاخ ايمن

** لا يغير الله ما بقوم حتي يغيروا ما بانفسهم **


ونحنا ما حنغير فكرة الاعراب ديل والعالم اجمع عننا الا لو نحنا غيرنا انفسنا وغيرنا افكارنا عن بعض وطريقة تعاملنا مع بعض فالسودانيين جوه بلدهم في بيناتهم حاجات سالبة كتيرة قبلية عقيمة وعنصرية فارغة من المحتوي والمضمون ودا ممكن يخليك تستهزأ بي اي سوداني تاني مختلف منك في الانتماء مع اننا كلنا منتمين لي وطن واحد وهو السودان ولازم نضع يدنا في يد بعض ونبني فكرة الوطن الواحد وعندها ما في زول بيقدر يقول علينا كلمة

والسعوديين وعرب الخليج ديل ناس رؤؤسهم فاضية وما عندهم شغلة بس يبقي السؤال هل الدراما موجهه فقط للسودانيين ولا بيتعرضوا لي مواقف لي سعوديين وجنسيات تانية برضو لانو لو الخيار الاول يبقي استهزاء موجه ولزم الرد عليهم بس لو كان الخيار التاني يبقي الموضوع مجرد دراما وفكاهة

احترامي

[ايمن عبد الله]

والله العظيم ياخ ايمن ( السد دي جميلة جدا وماعدية )
لكن برضو محتاجة مظاهرة تخرج بها للشارع
ولكن الرد كان ممكن يكون بنفس الوسيلة ولكن حتي الدراما عندنا متاجه ( لسد

عجبتك يا الاستوبر السد دي :p:D


ماكل ما تفتح التلفزيون ولا الراديو ولا النت ولا تفتح الماسورة ولا تفتح حساب تسمع هتيفة بهتفو الرد الرد السد السد .. انا افتكرتهم قاصدين حسن السد ولا بابكر اخوه ..

[ايمن عبد الله]

انا انظم الي من قال العارف عزو مستريح

نعم ماقلنا شي لكن برضو ..بهمنا راي الناس فينا

[ايمن عبد الله]

قلوب رمضان كريم



الجماعه يتفرجوا ويضحكوا ومبسوطين من الطريقه العبيطة الكان بيقلد بيها الممثل السودانيين فسالتهم انتو عاجباكم العوارة دى ولا شنو فتقريبا كان الرد واحد
يا اخى نحن نقول الحمد لله انه ما عندنا حاجة يقلدونا فيها غير الطريقه العبيطه دى فى الكلام



الف تحية لك اخي بدر الدين ..

وكل سنة وانت طيب

انا متاكد ان اي سوداني يشوف المنظر بضحك

لان اللهجة مغيرة والعباطة عباطة شديدة

لكن باقي الناس التانين ح يقولو شنو .. ده السؤال ؟

[ايمن عبد الله]

عُصمان :confused::confused::confused:


كله كوم والاسم العجيب ( عُصمان ) ..و هو اساسا المفروض ( عثمان ) :confused:
كتير جدا بنلاحظ ورود الاسم في حالة كان الممثل يؤدي دور شخصية سودانية فعلى الغالب اسلوب النطق بحيرني
زي مرات يقولوا ليك انتوا السودانين بتقولوا (دسعة ):confused: والمقصود الرقم ( تسعة )..
بعدين عايزين الصرااااااااااحة ..حتى الدراما السودانية ( مبشتنة منظرنا الحقيقي ) يعني اسلوب دراما السودان مُبتذل , اداء مُتكلف , طريقة تدل على ( استعباط) عايزين الاغراب يجيبوكم في صورة احلى ؟؟


اعتقد انه حل المشكلة دي ببداء من الداخل يعني نطور الدراما السودانية وتكون مؤهلة لنقل صورة اكثر وضوحا وشفافية والاهم (غير متكلفة ) للعالم الخارجي وبالتالي نضمن انه الصورة العامة لن يقوم بنقلها ( شخص بليد ) مهتم بالهزل اكثر من الواقع


يعني باختصار ( الاعلام السوداني ) هو السبب:(





تحياتي يا ملكة المنتدى ..

وصحيح الاعلام هو السبب لانه لا يعكس الوجه المشرق للسودان والسودانيين كناس متحضرين .. من القرون القديمة جداً ..

ديل مع شنو كمان بتاعين اول امس ديل ..

لكن يا الملكة بقولو نحن بنقول تزعة كده وبيني وبينك في البقول كده ..:)

اما حديثك عن الدراما السودانية .. فلا تعليق لدي .. ارجو المعذرة ..

[الفخيييم]

متي عرف هؤلاء الاوباش الدراما ليتناولو لهجتنا في مواضيعهم؟
القصبي ده ما زال يقطن في البر بيوت الشعر والجمال وهلم جرا من حياة قاسية
اذن لا يهمنا كثيرا ما يتناوله ولا يشرفنا ان يمدحنا ايا كان خليجي ولا من كالفورنيا
نحن اولاد عزة واحفاد مهيرة لا يهمنا ايا كان 00
ولا نتابع مثل هكذا قنوات لانو بالواضح كده مافي وهم متعلم زينا 00
أه ياخ الله يطولك يا روح00

[ايمن عبد الله]

الاخ ايمن

** لا يغير الله ما بقوم حتي يغيروا ما بانفسهم **

والسعوديين وعرب الخليج ديل ناس رؤؤسهم فاضية وما عندهم شغلة بس يبقي السؤال هل الدراما موجهه فقط للسودانيين ولا بيتعرضوا لي مواقف لي سعوديين وجنسيات تانية برضو لانو لو الخيار الاول يبقي استهزاء موجه ولزم الرد عليهم بس لو كان الخيار التاني يبقي الموضوع مجرد دراما وفكاهة

احترامي


تحياتي اختي العزيزة تغريد ومشكورة على المشاركة الطيبة ..

وفعلاً لا يغير الله ما بقوم حتى يغيروا ما بأنفسهم ..

لكن نحن مالنا .. ما كويسين .. و هم بحكموا علينا من خلال فئة معينة قليلة واحتمال كبير فئة تكون ما سودانية .. مية المية .. عندك مثلاً اسم عصمان ده .. شالوه من خلال الافلام البمثل فيها الزول النوبي الازرق القصير بطاقيتوا الحمراء ديك وطبعاً هو بشبه السودانيين وابان رؤوس فاضية ديل طوالي حكموا عليه انه سوداني ..

بالنسبة للجنسيات الاخرى التي تعرضوا لها .. اقول لكي فعلاً هم تعرضو للجنسيةالمصرية والشامية بكل دولها .. والهنود والباكستان .. والبنغال .. يعني مجرد دراما وفكاهة وكوميديا لكن نحن ما دايرين .. كده لا يجونا ولا نجيهم .. صباح الخير يا جاري انت في حالك وانا في حالي ..

ولكي التحية مرة اخرى تغريد ..

[ايمن عبد الله]

متي عرف هؤلاء الاوباش الدراما ليتناولو لهجتنا في مواضيعهم؟
القصبي ده ما زال يقطن في البر بيوت الشعر والجمال وهلم جرا من حياة قاسية
اذن لا يهمنا كثيرا ما يتناوله ولا يشرفنا ان يمدحنا ايا كان خليجي ولا من كالفورنيا
نحن اولاد عزة واحفاد مهيرة لا يهمنا ايا كان 00
ولا نتابع مثل هكذا قنوات لانو بالواضح كده مافي وهم متعلم زينا 00
أه ياخ الله يطولك يا روح00


مشكور الفخيم على المداخلة الطيبة ..
كلامك عجبني شديد والله ..


مشكلتك بس انك هلالابي وبتكتب بالازرق ..

غير كده ما عندك اي مشكلة خالص ..

[الفخيييم]

مشكور الفخيم على المداخلة الطيبة ..


كلامك عجبني شديد والله ..



مشكلتك بس انك هلالابي وبتكتب بالازرق ..



غير كده ما عندك اي مشكلة خالص ..


ياخ لو ما هلالابي اكون شنو؟
الازرق هيبة والاخضر بتاعك ده برضو تابع لينا في التمارين وكده
لازم اي هلالابي سيد بلد ورائد حركة وطنية يتكلم كده00
تسلم علي الاشادة واختلاف الالوان الرياضية لا يفسد للود قضية00

[ايمن عبد الله]

ياخ لو ما هلالابي اكون شنو؟
الازرق هيبة والاخضر بتاعك ده برضو تابع لينا في التمارين وكده
لازم اي هلالابي سيد بلد ورائد حركة وطنية يتكلم كده00
تسلم علي الاشادة واختلاف الالوان الرياضية لا يفسد للود قضية00




لا لا لو كان ازرق .. مشكلة ..

تسلم انت يا فخيم ..

[moh_alnour]

العزيز : أيمن
من أجل تكامل الطرح أرجو قبول هذا الرابط
مع الود
http://www.wadmadani.com/vb/showthread.php?t=27852

[ايمن عبد الله]

العزيز : أيمن
من أجل تكامل الطرح أرجو قبول هذا الرابط
مع الود
http://www.wadmadani.com/vb/showthread.php?t=27852

يعني لازم لازم يا محمد .. تنظ بي رابط:mad: .. وانا اقول الموضوع جديد لنج:mad: .. برضو طلعت لي رابط وجيت بي نظاراتك دي..:p:D:D


تخريمة : وين انت مختفي .. هنا وهناك ... نشوفك !!

[سودانية وافتخر]

طاش ما طاش,اتذكر كانت حلقة ايضا في سوبر هنيدي الذي عرض رمضان الماضي,شعبية الكرتون.. كل هذه البرامج (في نظري)تستفز السودانيين بشكل او باخر


ولكن ايضا يوجد عتب على الاعلام السوداني والمسلسلات السودانية لانه لا يصور السودان بصورة جميلة ابدا..مع خالص التحايا

[ايمن عبد الله]

طاش ما طاش,اتذكر كانت حلقة ايضا في سوبر هنيدي الذي عرض رمضان الماضي,شعبية الكرتون.. كل هذه البرامج (في نظري)تستفز السودانيين بشكل او باخر
ولكن ايضا يوجد عتب على الاعلام السوداني والمسلسلات السودانية لانه لا يصور السودان بصورة جميلة ابدا..مع خالص التحايا


مشكورة سودانية على المداخلة الطيبة ..

الاعلام حقنا .. نايم على اضانو .. وكان الامر لا يعنيه .. واحتمال لو سألتي وزير الثقافة والاعلام زاتو تلقي قاعد ساي وما عرف شي .. والله يكون في العون بس ..