المساعد الشخصي الرقمي

مشاهدة النسخة كاملة : نحن والعربات الخرد


درديري كباشي
05-09-2009, 01:50 AM
من قال ان التايوتا موديل 79 افضل من تايوتا موديل 2009 ( السوداني ضز)
ومن قال ان الكريسدا التي وقف تصنيعها منذ عام 96 افضل من كامري 2010 ..

نحن نتعامل مع السيارات بمفهوم عجيب ويحير ساخوض معكم عبر هذا البوست تجربة مريرة خضتها في عالم السيارات الخردة بسبب معتقدات اهلنا السودانيين الغريبة وهي تحمل كم هايل من الكوميديا السوداء التي تجعلك تضحك بين الدموع ...
درديري كباشي
05-09-2009, 01:56 AM
اشتهرنا نحن السودانيون في منطقة الخليج بامتطاء السيارات قديمة الموديل وخاصة بنات الخالة تايوتا . والكلمة الخالة لها مغذى لان السودانيون ينحازون للتايوتا ومشتقاتها بصورة سافرة وغريبة جدا كان لها عرق نسب معنا . وانا لا ابرئ نفسي من هذا الامتطاء لكن الحق يقال لم يكن ممهورا بعشق ابدا وحتى اليوم ولعدة اسباب بعد ما ندخل في الموضوع ستؤيدوني في رايي وكرهي للسيارات التيوتا والتي تجاوز عمرها العشرون عاما او قاربت .

اول ما اشتغلت هنا في الرياض كان محل سكننا بعيد جدا عن محل العمل . ولا يوجد خط مواصلات عام في هذا الاتجاه . وحتى خط المواصلات العام في الرياض واحد من البطحاء الى مدرسة تعليم قيادة السيارات (لاحظوا الخط بمعنى هو يدل على انه مؤقت لان بعد شهر لا بد ان تكون سائقا لسيارة سوى خاصتك او تابعة للعمل ) انا قضيت الشهر الاول اصل العمل عن طريق الليموزين . من اول شهر اكتشفت ان صاحب الليموزين اخذ من راتبي اكثر مما اخذت انا . وانا قربت اقول ليه اشتغل انت في محلي وخليني اوصلك .
بعد ذلك ونتيجة لتكافلنا المعهود والمحمود في الغربة اتفق الاهل والاصدقاء ان يعملوا صندوق (جمعية ) وانا اقبض الصرفة الاولى واشتري سياره . وفعلا خلال ذلك الشهر استخرجت الرخصة . واخر الشهر زفوني الاخوة نحو معارض السيارات . وكلمة زفوني مقصودة لانهم كلهم ذهبوا معي أي اهل الصندوق . ولم يتركو لي أي حرية لاختيار السيارة على مزاجي . لانهم كلهم بعيون فاحصة كانوا يبحثون عن بنات خالتنا تيوتا .ولم يتركوا لي حتى حرية التعبير او التلميح .
انا : يا اخوان شوفوا السوزوكي دي ياسلام وموديل جديد كمان وسعرها مناسب
يرد احدهم : سوزوكي شنو يا درديري ياخ خليك جادي مره واحدة .
- وهي السوزوكي مالا كنبها من جلد الخنزير
- -طيب دي طيب دي سيارة فولفو ( صدقوني سيارة فولفو يمكن في ذلك الوقت ما كان يحلم بها محافظ في السودان ) سيارة فخمة وسعرها رخيص يناسب مع صندوقهم .لكن سمعت فيها ما لم يقله مالك في الخمر ., ما بقى لاحدهم الا ان يقول لي يا خي دي كافره وبتسب الدين كمان .
- اخيرا وجدتها وجدتها صرخ احدهم .
ليزفوني بعد ذلك الى كرونا لفت باك موديل تسعة وسبعون ولاحظوا نحن كنا في عام تسعة وتسعون . بمعنى قبل ما اضع رجلي عليها كان قد مر على عمرها عشرون عاما ... يعني اكبر من رولاندينو في العمر وانا متاكد ان اليابنيون الذي اشتركوا في تصنيعاه قد تزلوا معاش كلهم . وهي صاحبها كان ملمعها وممكيجها . لكن كان المكياج يدل على انها عجوز متصبينة اكثر من كونها سيارة جديدة او حتى نظيفة . لاكتشف بعد ذلك انه لا يوجد ربع متر مربع فيها لم يتعرض الى صدمة وسمكره قبل ذلك . بمعنى انه جسمها اصبح مثقلا بعمليات التجميل .
الذ ما في الموضوع انه اصحاب الصندوق والذين اختاروها لي هم اول من سخر منها . تسمع احدهم بعد ان مرت شهور وبدا المكياج يتشقق لنكتشف انها كانت مثقلة بالديون .. عفوا بالمعجون . احدهم علق انت يا ابو الدر عربيتك دي مسمكره طياني ولا شنو ؟؟
والطريف في الامر انها لو تعرضت الى صدمة في اليمين انطفقت من الشمال مثل كور تنس الاطفال . مره وانا واقف في اشارة في مكان عالي ومتدحرج . وكان يقف امامي سوداني اخر يقود خالتها الاكبر. فتحت الاشاره وهو بدلا ما يذهب للامام بدا يرجع لورا وانا معلق في البوري واصرخ فيه . لاني لو عملت مثله ورجعت لصمدت السياره التي خلفي تلك والتي هي سياراتنا الاثنين ونشتغل خمس سنوات بدون راتب ما نغطي ثمنها اذا ما في حل غير على محروستي ان تتلقى الصدمة هي وحدها . وهذه كانت آخر مره اسمع فيها البوري لانه لم ينطق بعدها . لينزل السوداني ويده ترتجف ويخرج كرت تعارف انه هو دكتور في مستوصف مش عارف ايه ومستعد يتحمل كل الخسائر . انا قلت يا اخينا امشي بس وشيل كرتك دا وما عايز حتى اتعرف عليك . وكريتها نحو الورشة ليجعلوا شكلها مقبول . لانه عمليات التجميل التي عملت لها قبل ذلك لم تبقي فيها ما يمكن رتقه . بعد ذلك تلك السياره سليلة الحسب والنسب من دار يابان . لم يعدي شهر دون ان اكون ادخلت فيها ما كنت اصرفه على الليموزين في الشهر . واحد المواقف الحرجة التي تعرضت لها معها وهي كنت يوما اعبر شارع العليا العام وهو افخم شارع في الرياض حيث فيه حاليا برج المملكة وبرج الفيصلية اعلى مبنيين في الشرق الاوسط . وصادفت تفتيش دورية المرور . واوقفني العسكري ضمن السيارات التي يجب فحص اوراقها . والعجيبة ان الاوراق كلها كانت سليمه . والعسكري ما رضى ان سياره تكون بهذه الخلقة واوراقها سليمة . قام الف مخالفة من راسه وكتبها وهي (تشويه عام ).
اخيرا ظهر احد الاخوة ليتفذ الموقف ويخرجني من تلك التعاسه ويعرض على عربية لقطة (وهو ايضا من اصحاب الصندوق ) ... وقال سيدها، أي السيارة الجديدة ، الشركة اعطته سيارة واصبح لا يحتاجها واكان ما كدا ماكان باعها .. هي كورلا موديل ثلاثة وثمانين . ولاحظو نحن في عام الفين لازلنا . يعني اصغر سنا واغرتني بعد ما شفتها لاكتشف انه كرونا كانت ارحم وقد بلغت تعاستي قمتها مع تلك الكورلا الجديدة وسترون كيف عندما اعود ؟
ابوخالد
05-09-2009, 01:59 AM
هوى يادرديرى ....

كملنا الجيران الجُداد وقدام ....

والسليمانية النسيب وطفش ....

كمان داير تعمل الحجة المرة دى العربية ......

والله صحى إمكن محرش ...

بس بالله أبعد من عربيتى .... ساتراها معانا ... وكده رضا ....

شوف ناس الركشاتهم مدخنة ديللك ....
درديري كباشي
05-09-2009, 02:21 AM
هوى يادرديرى ....

كملنا الجيران الجُداد وقدام ....

والسليمانية النسيب وطفش ....

كمان داير تعمل الحجة المرة دى العربية ......

والله صحى إمكن محرش ...

بس بالله أبعد من عربيتى .... ساتراها معانا ... وكده رضا ....

شوف ناس الركشاتهم مدخنة ديللك ....


يا
اخوي انت هسع الهبشك منو؟

بعدين انا بقيت شاكي فيك تكون انت الزول القاصدو المكاشفي ذااااااته تصاحب فينا كدا وتعزمنا في الفطورات ... انا غايتو بيتنا بوين ما بوريك الا كان تركب عربيتك الخردة دي وتباريني بعد الفطور .... بس خلي بالك انا سايق شبح اتوماتك ( هيييييييع)
درديري كباشي
05-09-2009, 02:33 AM
عدنا الى عالم الخرد


قبل ما اخوض في قصة الكورلا محتاج لعودة صغيرة الى الكرونا . هذه الكرونا كان فيها ميزة رغما عن قدمها وتهالكها الا انه كان فيها مكيف يعمل بكفاءه غريبة تحير . وكان هو مصدر الفخر الوحيد فيها حتى انا كنت اقول للضيوف اشغل ليكم المكيف ولا اعمل ليكم عصير ليمون ؟؟؟.
ولكن لتتعرض السياره لصدمة من نوع آخر اضافة لصدمات الحوادث والصدمات العاطفية وهي صدمه مشهورة عندنا في السودان بالعين الحاره او السحر او الحسد . رغما عن ايماني التام بالعين والنفس وخلافهما الى اني احتكاكي الوحيد والمباشر كان في تلك الحادثة . وهو ركب معي مره في السياره احد منسوبي العين الحارة تلك ‘وهي غير عين الحلوة بتاعة لبنان ‘ وعلى الفيه كان من النوع التمتام (يتهته)
اول ما ركب انا قلت اكرمه بالمكيف احسن بدلا عن موية الليمون . وهو اول مالفحه نسيم المكيف البارد مع سموم الرياض اللافح بدا يشتغل :

(تعرف يا دردردردردريري لو قلنا لننناس السوسوسوسدان انه في عربعربعربية موديل تسعة وسبعين مكمكمكمكيفها شغشغشغشال مممما راح يصدقوا)
يصدقوا هذه الوحيدة التي قالها سالمة بدون أي تهتهة او تمتمة ويبدو انها كانت قاصمة الظهر لانه المكيف بعدها مباشرة تحول الى فرن آلي في الصيف وثلاجة موز في الشتاء . وانا اعتقد حتى لم يكتفي بحرارة الجو فقط بل اصبح يعكس سخانة الماكينة والاسفلت والسيارت المجاورة وكلها يدخلها عندي داخل العربية .
درديري كباشي
05-09-2009, 02:57 AM
عدنا الى عالم الخرد

اشتريت انا فعلا الكورلا سالفة الذكر لاتخلص من الكرونا قبل النظر لاي شئ آخروحتى قبل ما ابيعها او اصرفها . ولكن تركتها واقفة امام العمارة واصبحت انا راجل المره (بلغة العربات يعني ) وعشان اعدل بالمساء فقط آخذ الكرونا في جولة صغيره حول حواري الحي واعيدها . ولكن سيارتي الرسمية تركتها الكورلا فقط لانها الاصغر يعني . وان جيت للحق هم الاثنين لا يعادل ثمنهم ثمن عجل سيارة لكزس موديل العام .. واخيرا مليت من حكاية العدل هذه وتركت قيادة الكرونا لاني اصلا احضر تعبان من العمل وليس عندي أي طاقة لجولة اضافية بدون دوافع . و لكن هي معروضة للبيع وكل مره يحضر لها زبون يصفق يديه ويذهب من غير رجعة . تراكمت حولها الاوساخ وهي لم تكن ناقصة من الاساس .
واخيرا اقترح علي احد الاصدقاء بان اذهب الى سوق (التشليح ) أي تجار الاعضاء الحديدية للسيارت فقط . وفعلا ذهبنا واحضرنا احدهم وافق ان يشتريها بمبلغ يتكون من خمسة (ساترك لكم خيار الاصفار انتم وبلاش فضايح ) . الطريف في الامر والرجل احضر الونش واراد ان يرفع الكرونا . فجاه يحضر احد السودانيين والممكون بالخرده مثلي ليغير كل شئ (. يا اخوان اتنو كان شغاليين في التشليح انا عندي العربية القديمة دي خدوها مجانا بس شرط تمسحوها من اسمي ... طبعا الجماعة بكل سهولة بعد هذا العرض تركوا الكرونة واتجهوا للعرض الجديد لولا قدمت انا مزيدا من التنازلات لكانت الكرونا حتى الان تقبع امام العماره او كان ادخلتني في مشاكل مع البلدية . ولكن الشئ الذي تركني سعيد هو انا من كانت نهايتها على يده لم اترك فرصة لتتبالى بها شوارع السعودية مره اخرى .
نرجع الكورلا في الاول كانت محترمه وفيها مسجل كمان وسماعات وخفيفة تجري في الشوارع كانها شابة في الثانية من عمرها او الاولى بدون مبالغة يعني . ولكن فجاه اصابها سعال ديكي وموتري وعطسات متواصلة اثناء المشي . ذهبت الى الورشة . وطبعا الفلبينين والهنود في الورش لا يمدون يدهم نحوها لانها اكبر منهم عمرا وبعدين عيب تمد يدك على الاكبر منك . خلونا ناخذها بهذا الفهم . ولكن الحق يقال لان فكرة المكنيكة نفسها تغيرت في السيارات وتحديدا الموديلات قبل الخمس وثمانون كانت تسير بما يعرف بالدفع الخلفي . بمعنى ان السياره كان بها ما يعرف بعمود الطوالي والذي ينقل الحركة من المكينة للعجلات الخلفية . اما العجلات الامامية فهي للدحرجة فقط . ولكن الان السيارت تنقل الحركة للعجلات الامامية مباشرة من الماكينة بما يعرف باعمدة العكوس . والعجلات الخلفية هي التي تتدحرج . لذلك السيارة عندما تتعطل ليس لك حل الا ميكنيكي سوداني هو من يعرف يصلحها فقط (يعني الموضوع يصبح زيتنا في خردتنا )
درديري كباشي
05-09-2009, 03:06 AM
عدنا الى عالم الخرده كما ذكرت استطعت ان اتخلص من البت كرونا ولا اسفا عليها راحت مع ناس التشليح ياهو شبهها . وكما ذكرت اضطررت ان ابيعها مجانا نتيجة لتدخل اخينا السوداني والذي تطوع بخردته مجانا . فما كان مني الا ان اتنازل بدوري والا رفضها حتى اهل التشليح . لنبقى انا والعزيزة كورولا . كما قلت اخذتها للميكانيكي السوداني . بعض الميكنيكة السودانيون تحديدا في الغربه يتعاملون مع الميكنيكة بمفهوم شعار الجيش ( العسكرية تصرف ) فهم يجعلونها الميكنيكة تصرف .. بمعنى انه كل ما اخذت له السياره في ان هنالك جهاز متعطل .مثلا مساحات الزجاج اتعطلت . يروح مادد سلك من البطارية الى المساحات لو اشتغلت ثبت السلك في مكانه . وهكذا . كلما تعطل جزء بسبب الكهرباء يروح مادد له سلك جديد من باب المكنكة تصرف . وبهذه الطريقة اصبح شكل المكينة بعد فتره كانها يسكنها عنكبوت الكتروني يصنع بيته من اسلاك الكهرباء .
يوم من الايام وانا اقود هذه الكورلا عز الظهر وعبرت جسر هوائي عملاق يكاد يقسم وسط الرياض لقسمين . وهو كبري لا يوجد تحته أي مصدر للماء كما عهدنا نحن في الكباري ولكن يمكن لو قسموه يكفي ثلاث كباري تعبر النيل . وقيل ان الهدف منه ان السيارت المتجهة من المناطق الشرقية ودول الخليج وذاهبة الى مكة عبر الرياض لا تحتاج ان تتوقف في الاشارات (بمعنى يشاهدوا الرياض دون ان يتوقفوا فيها ). ولانه بالتالي طريق سريع كل سيارات الرياض تحاول ان تعبر من خلالة . تخيلوا بعد كل هذه المقدمه مع تلك المحروسه وانا اعبر هذا الجسر العملاق المزحوم دائما وانا في نصف الكبري بدات تعطس وتتفتف كانها مصابة بالسل الرئوي وانا اترجى فيها ( لا لا لا مش هنا انا في طولك وعرضك وارتفاعك ) وشعرت كانها تضحك ضحكة شريرة مثل افلام الكرتون وتتوقف فعلا في منتصف جسر الخليج . لا ادري في ذلك اليوم اين ذهبت قناة الجزيرة ... وانا في محاولات يائسة ومستميتة محاولا اعادة تدويرها وانا في سري ادعي عليها (انشاء الله يعيدوا تدويرك في مكبات النفايات ) والسيارات تزمر وتتزمر مني . وانا لم يبقى امامي غير ان افتح الباب واقفذ من جسر الخليج الى ارض واسيبها في غيها وجهلها (بت الحديدة المصدية ).
اخيرا حضر شرطي مرور وهو يقود موترسيكل وفوض احدهم بان يدفعني ويخرجني من هذا المكان . وتلقيت الدفره وانا في قمة الخجل كانه طفل ظبط متلبسا بعلبة السكر في المطبخ .
خرجتها خارج الطريق السريع وركنتها على جانب الطريق الهامشي . ومنحتها شلوطين حبا وكرامة ، يا القبيحة يال المابتشبهي العربات .
ولازالت الخرد مستمره معنا
درديري كباشي
05-09-2009, 03:27 AM
لازال عالم الخرد في حياتنا طفل يحبو وتوجد كثير من ذكريات الخرد متراكمة في اذهاننا يعلوها الغبار شانها شان واقعها المرير ونحن معها حتى نزيلها عن ازهاننا تماما وتاخذ وضعها الطبيعي . ولازال عدم المنطق في اسواقنا يسود . والا ما ذا يعني سياره موديل خمس وثمانين افضل من سياره من نوع ثاني موديل الفين .

شركة تايوتا تخلت عن تصنيع الموديل المعروف بالكريسيدا منذ عام ستة وتسعون بمعنى انه احدث موديل من الكريسيدا عمره ثلاثة عشر عاما .
ولكن رغما عن ذلك نحن السودانيون نجمع ونصر انه الكريسيدا مثلها صنعت صناعة على وزن ماولدت ولاده . والى الحين لو وقفت أي كريسيدا يقودها ضيف امام اي بيت تجد الاطفال والكبار يجرون نحوها يستقبلونها قبل صاحبها . والغريبة نفس هذه السيارة لاتجد نفس هذه المكانة عند الاجناس الاخرى بل عند اليابانيون انفسهم بدليل انهم اوقفوا تصنيعها ولم يحتج أي احد على هذا التوقيف .
اذكر في عمارتنا كان يسكن احد السعوديون .ومعروف ان السعوديون يفضلون الموديلات الامريكية . انا شخصيا كنت فاكر ان هذا التعلق من باب الاعجاب فقط بالشعب الامريكي . ولكن عندما اتيحت لي فرص وقدت سيارات امريكية عرفت الفرق تماما وانحذت مثلهم لاحبا في المنشأ انما اعجابا بالمنتج وملاحظة الفرق الشاسع في التكنلوجيا .، في مره من المرات هذا الجار السعودي باع سيارته الامريكية واشترى كريسيدا . وبالعصر امام العماره يجدنا جميعا ولا استثني نفسي ملتفين حوله يباركون الكريسيدا ، لانه بمفهمونا نحن (يا دوب الراجل اشترى عربية ) لكن لاحظوا رد الفعل ( مبروك؟؟؟ على ايش؟؟؟؟ هادي ؟؟؟ هادي السيارة؟؟؟ لا لا لا ياعم هذه مؤقته الين (على بال) ما احصل سيارة ثانية . وتفرقنا نحن نجرجر اذيال الصدمة العاطفية والشاكوش الحديدي .
ابوخالد
05-09-2009, 03:30 AM
[center]
يا

ياأخوى مالك بقيت ترمى فى الكلامات ساااااااااااااااى ....

هسى ال يا .. الطائرة دى حقت منو ...؟؟؟؟؟



اخوي انت هسع الهبشك منو؟

بعدين انا بقيت شاكي فيك تكون انت الزول القاصدو المكاشفي ذااااااته تصاحب فينا كدا وتعزمنا في الفطورات ... انا غايتو بيتنا بوين ما بوريك الا كان تركب عربيتك الخردة دي وتباريني بعد الفطور .... بس خلي بالك انا سايق شبح اتوماتك ( هيييييييع)



[size="5"][color="blue"][color="green"][font="lucida console"]دى آخرتا .....
درديري كباشي
05-09-2009, 03:33 AM
[quote=ابوخالد;385311][center]


ما للدرجة دي كمان
مدنيّة
05-09-2009, 03:38 AM
ر ساخوض معكم عبر هذا البوست تجربة مريرة...

غايتو يادرديري تجاربك كلها مريرة

الله يحلي ليك اي تجربة ياخ :cool:
بدر الدين احمد الطائف
05-09-2009, 04:28 AM
من قال ان التايوتا موديل 79 افضل من تايوتا موديل 2009 ( السوداني ضز)
ومن قال ان الكريسدا التي وقف تصنيعها منذ عام 96 افضل من كامري 2010 ..

نحن نتعامل مع السيارات بمفهوم عجيب ويحير ساخوض معكم عبر هذا البوست تجربة مريرة خضتها في عالم السيارات الخردة بسبب معتقدات اهلنا السودانيين الغريبة وهي تحمل كم هايل من الكوميديا السوداء التي تجعلك تضحك بين الدموع ...


الاخ درديرى متعك الله بالصحه والعافيه ورمضان كريم
انت عارف فعلا نحن السودانيين ديل بنتميز عن كل شعوب العالم بالفهم العجيب ده فى مجال العربيات.
تلقى الواحدمشترى ليهو بوكس موديل 76 والبوهية ليس لها اى ملامح وتقول ليهو اعمل صيانه واضرب بوهية يقول ليك انت مجنون ولاشنو
ها زول ها والله بوهية الشركة دى ان هبشتها تانى ما ينفع بى قرش
الله يقرش ح......................... اللهم انى صائم
عارف قال ليك مرة فى جماعة سودانين كده مشوا ليهم لى واحد بدوي سعودى فى المزرعة حقتة شموا ليهم خبر انه الزول ده عنده بوكس كارب مقرش عنده .اها قالوا يمشوا يشوفوهو واكان ربنا جعل النصيب يشتروهو منه.
الجماعه اول ما وصلوا لقوا ليك البوكس غارز لى نصه فى الطين وحالتة بالبلاء وحكايته حكايه
المهم سالوه
يازول البوكس ده بايعو
اى للبيع
اها داير فيهو كم
والله يازول انا مادرى انتو بايش تبقوه
والراجل بينه وبين نفسه يقول والله الزوال ديل باين عليهم خبل والله لو اخدوه مجانا ما اكلمهم بس كدى اشوف ايش نهايتهم .
ها ايش قلتو كم تدفعون
نط واحد تفتيحه من الجماعه
يا زول نحن دافعين 5الاف ريال
الراجل غير مصدق
لالا انا ابقى فيه 7الاف
طيب خلاص 6الاف
خلاص ازول اشترينا
ويقول الراجل السعودى ذهبت ابحث داخل وتحت الونيت عسى انا ناسى شى السودانه شايفنه وانا ما ادرى عنه وما لقيت اى شى حتى قابلت احدى الاخوان السودانيين وحكيت له القصه فقال لى نعم نحن السودانيين نقدس هذه السيارات ونحترمها ايما احترام ولذلك لاتستغرب.........خذ دراهمك وعش سعيدا .
ود الجعلي
05-09-2009, 05:46 AM
دريري " مابطول عليك " عارف الدنيا اواخر رمضان وزحمة"

المهم انا من زمان نفسي في جيب شروكي يخي عربية راقية وحلوة

وسالت منها الف وخمسائة مرة و طلعت معلومات من النت
وسالت الناس العندهم جيب شروكي وادوني المعلومات المفيدة

ومشيت الوكالة وجربتها وسألت منها وادوني كل شي وماقصروا
وكمان الادهى والامر من كده انو اي زول عندو جيب شروكي صاحبتو
وجاتني عقدة عديل كده ......بقيت لما اشوف جيب شروكي في الشارع اباريهو لحدي ما يختفي


والمعلومات البعرفها عن العربية اكتر من الشركة الصنعتها


ولكن الكارثة يا دريردي بعد التعب ده كلووووووووووووووووووو وفي يوم من الايام مشيت ا وبرفقة طيبة من جموع من اهلنا واحبابنا " زي زفتك دي ":eek:














الى شركة عبداللطيف جميل

لامتلك









حبيبتنا حبيبة الكل.......... عزنا وساسنا و تاج راسنا ............ واصلنا وفصلنا
بت القبائل "الكورلا " :p

لو سألتني ليه ما بعرف لكن الناس المعاي بيردوا عليك ويقنعوك كمان :p

لكن ده الحصل مع انو انا كنت بضحك على الزول البشتري تويوتا كورلا :(

لكن بيني وبينك عربية مية مية ;) " ماشالله "

اها رايك شنو
درديري كباشي
05-09-2009, 11:46 AM
الاخ درديرى متعك الله بالصحه والعافيه ورمضان كريم
انت عارف فعلا نحن السودانيين ديل بنتميز عن كل شعوب العالم بالفهم العجيب ده فى مجال العربيات.
تلقى الواحدمشترى ليهو بوكس موديل 76 والبوهية ليس لها اى ملامح وتقول ليهو اعمل صيانه واضرب بوهية يقول ليك انت مجنون ولاشنو
ها زول ها والله بوهية الشركة دى ان هبشتها تانى ما ينفع بى قرش
الله يقرش ح......................... اللهم انى صائم
عارف قال ليك مرة فى جماعة سودانين كده مشوا ليهم لى واحد بدوي سعودى فى المزرعة حقتة شموا ليهم خبر انه الزول ده عنده بوكس كارب مقرش عنده .اها قالوا يمشوا يشوفوهو واكان ربنا جعل النصيب يشتروهو منه.
الجماعه اول ما وصلوا لقوا ليك البوكس غارز لى نصه فى الطين وحالتة بالبلاء وحكايته حكايه
المهم سالوه
يازول البوكس ده بايعو
اى للبيع
اها داير فيهو كم
والله يازول انا مادرى انتو بايش تبقوه
والراجل بينه وبين نفسه يقول والله الزوال ديل باين عليهم خبل والله لو اخدوه مجانا ما اكلمهم بس كدى اشوف ايش نهايتهم .
ها ايش قلتو كم تدفعون
نط واحد تفتيحه من الجماعه
يا زول نحن دافعين 5الاف ريال
الراجل غير مصدق
لالا انا ابقى فيه 7الاف
طيب خلاص 6الاف
خلاص ازول اشترينا
ويقول الراجل السعودى ذهبت ابحث داخل وتحت الونيت عسى انا ناسى شى السودانه شايفنه وانا ما ادرى عنه وما لقيت اى شى حتى قابلت احدى الاخوان السودانيين وحكيت له القصه فقال لى نعم نحن السودانيين نقدس هذه السيارات ونحترمها ايما احترام ولذلك لاتستغرب.........خذ دراهمك وعش سعيدا .



سلام يا اب احمد تعرف حاجة تحير فعلا عشقنا او هي شئ اشبه بالعقيدة في السيارات القديمة وبالذات التايوتا .. والكلام الغير منطقي كيف ناس تيوتا نفسهم بعد عشرة سنوات لا يستطيعوا ان ينافسوا انفسهم وينتجو موديل افضل من القديم .
درديري كباشي
05-09-2009, 11:54 AM
دريري " مابطول عليك " عارف الدنيا اواخر رمضان وزحمة"

المهم انا من زمان نفسي في جيب شروكي يخي عربية راقية وحلوة

وسالت منها الف وخمسائة مرة و طلعت معلومات من النت
وسالت الناس العندهم جيب شروكي وادوني المعلومات المفيدة

ومشيت الوكالة وجربتها وسألت منها وادوني كل شي وماقصروا
وكمان الادهى والامر من كده انو اي زول عندو جيب شروكي صاحبتو
وجاتني عقدة عديل كده ......بقيت لما اشوف جيب شروكي في الشارع اباريهو لحدي ما يختفي


والمعلومات البعرفها عن العربية اكتر من الشركة الصنعتها


ولكن الكارثة يا دريردي بعد التعب ده كلووووووووووووووووووو وفي يوم من الايام مشيت ا وبرفقة طيبة من جموع من اهلنا واحبابنا " زي زفتك دي ":eek:














الى شركة عبداللطيف جميل

لامتلك









حبيبتنا حبيبة الكل.......... عزنا وساسنا و تاج راسنا ............ واصلنا وفصلنا
بت القبائل "الكورلا " :p

لو سألتني ليه ما بعرف لكن الناس المعاي بيردوا عليك ويقنعوك كمان :p

لكن ده الحصل مع انو انا كنت بضحك على الزول البشتري تويوتا كورلا :(

لكن بيني وبينك عربية مية مية ;) " ماشالله "

اها رايك شنو


والله خزلتني خزلة يا ود الجعلي انا قلت اها لقينا سوداني يورينا الشيروكي طعمه كيف ؟؟ تعرف قصتك دي زي علاقات الجامعة .. يكون الواحد مرتبط اثناء الدراسة بزميلته في الجامعة ويكلم ناس البيت وهم يكونوا مطنشين لا وافقوا ولا قالوا له خليك في قرايتك .. اول ما الواحد اتخرج وبقى زول عرس تظهر الافلام ناس حرم تغطي قدحك ؟.. والام تقول اقطع شطري .. وكدا كدا الواحد يكون لبسوه في القدح اللهي الكورلا .
أبو ريان
05-09-2009, 12:22 PM
والله يااخ دريديري ماعارف كلامك مظبوط وعال العال العال واسي انا عربيتو نيسان موديل 99
نهائي ماببدلها باي حاجة ونهائي ماناوي اغيرها .
السبب شنو ماتعرف يمكن الحنين للماضي
درديري كباشي
05-09-2009, 12:27 PM
والله يااخ دريديري ماعارف كلامك مظبوط وعال العال العال واسي انا عربيتو نيسان موديل 99
نهائي ماببدلها باي حاجة ونهائي ماناوي اغيرها .
السبب شنو ماتعرف يمكن الحنين للماضي


والله يا ابو حميد انت راجل متواضع جدا .. قلت لي عربيتك موديل 99 وشايفها قديمة جدا وما عندك رغبة تغيرها ..وموش عارف الحالة دي من شنو .. يا اخوي موديل 99 بالمقاييس السودانية تعتبر من الموديلات الجديدة .. بس لامن تكون عاوز تبيعها اديني تلفونك انا بجيب ليك ليها زبون من هنا .
أشرف صلاح السعيد
05-09-2009, 12:29 PM
ابوالدر عوافى..
اصلو مابسألك..هو زاتو السوعال لغير الله مزلة..
تعرف انا قررت ارفع عليك دعوة قضائية وكسبانة كسبانة..
بطنى دى ماهريتا من الضحك يااخ..والحمد لله الاولاد فى المدينة يعنى لو كانو هنا حتما مؤكدا لا بدن كانو قالو ابونا جنا وفقد المحنا "هسى العلاقة شنو بين الجن والحنية؟"..
يازول ماتتقى الله فينا عملت لينا عضلات فى بطونا من كترت التخجخج "هسى الكلمة دى نجروها من وين؟"..
الدعوة رافعا رافعا..مابشتنتنا بشتنة الله يهداك..
وبعدين كار المتحركات دى تخسسات شنو متغول علينا؟؟
درديري كباشي
05-09-2009, 09:19 PM
ابوالدر عوافى..
اصلو مابسألك..هو زاتو السوعال لغير الله مزلة..
تعرف انا قررت ارفع عليك دعوة قضائية وكسبانة كسبانة..
بطنى دى ماهريتا من الضحك يااخ..والحمد لله الاولاد فى المدينة يعنى لو كانو هنا حتما مؤكدا لا بدن كانو قالو ابونا جنا وفقد المحنا "هسى العلاقة شنو بين الجن والحنية؟"..
يازول ماتتقى الله فينا عملت لينا عضلات فى بطونا من كترت التخجخج "هسى الكلمة دى نجروها من وين؟"..
الدعوة رافعا رافعا..مابشتنتنا بشتنة الله يهداك..
وبعدين كار المتحركات دى تخسسات شنو متغول علينا؟؟


سلام يا هندسة

ونحن جاهزين ... ( عندك عربية خردة - عندنا مشتري سوداني)

وبعدين ما ضروري تكون مكسرة ممكن تكون محافظة على صحتها ( يعني بتطلع جكة وما بتاكل دهون) .
ابوخالد
12-09-2009, 07:24 AM
يا
اخوي انت هسع الهبشك منو؟

بعدين انا بقيت شاكي فيك تكون انت الزول القاصدو المكاشفي ذااااااته تصاحب فينا كدا وتعزمنا في الفطورات ... انا غايتو بيتنا بوين ما بوريك الا كان تركب عربيتك الخردة دي وتباريني بعد الفطور .... بس خلي بالك انا سايق شبح اتوماتك ( هيييييييع)



أها يا أبو الدر الخردة لقيتا كيف ؟؟؟؟

بتقدر تسبقا والا كلام منتديات سااااااااكت ...



وسيد الرايحة يقلب النملة ويشوف تحتا ....

وتسلم يا الغالى .... أشوف شدة الغربال بدت تترخرخ ....

شاور المترجم ....

وعواف يا ناس الخشاف ....
موضوع أولاد المغتربين فى مطارحة شعرية مع أولاد الغبش الهناك ...
ما موضوع جدير بالتفكير والمناقشة ....
درديري كباشي
12-09-2009, 09:02 AM
أها يا أبو الدر الخردة لقيتا كيف ؟؟؟؟

بتقدر تسبقا والا كلام منتديات سااااااااكت ...



وسيد الرايحة يقلب النملة ويشوف تحتا ....

وتسلم يا الغالى .... أشوف شدة الغربال بدت تترخرخ ....

شاور المترجم ....

وعواف يا ناس الخشاف ....
موضوع أولاد المغتربين فى مطارحة شعرية مع أولاد الغبش الهناك ...
ما موضوع جدير بالتفكير والمناقشة ....


شكلك يا اخوي انقلبت شاكر عديييل نظام قبقبة وكدا

خلاص شفنا البرادو وااااااامنا .. لكن برضو الشبح شبح والاسد اسد ولو ركب طقم اسنان
محمد هاشم
12-09-2009, 09:33 AM
والله يا أبو الدر مصداقا لي كلامك أنا من أنصار العربات المتسوبيشي بكل أنواعها ولماجيت أشتري ما شاورت أي زول ومشيت أشتريت متسوبيشي والبيلاقيني كلو يقولي تبيعا كيف بعدين أقول ليه أنا ماداير أبيع يقول ليك أنت ضامن الظروف والله عملو لي شخشخة ولله الحمد والمنة بنزل بيها من الدوحة هنا للسودان وبمشي بيها العمرة وحامد شاكر
درديري كباشي
12-09-2009, 10:07 AM
والله يا أبو الدر مصداقا لي كلامك أنا من أنصار العربات المتسوبيشي بكل أنواعها ولماجيت أشتري ما شاورت أي زول ومشيت أشتريت متسوبيشي والبيلاقيني كلو يقولي تبيعا كيف بعدين أقول ليه أنا ماداير أبيع يقول ليك أنت ضامن الظروف والله عملو لي شخشخة ولله الحمد والمنة بنزل بيها من الدوحة هنا للسودان وبمشي بيها العمرة وحامد شاكر


مشكور يا ابو وضاح وانت واحد خرجتنا من عقدة التيوتا .. وهسع الميتسوبيش مالا عيبها لي وانت مجرب ... والفلبينين هم ناس فنيين واصحاب مهنة ما بيسوقوا الا ميتسوبيشي ..
أشرف صلاح السعيد
12-09-2009, 10:52 AM
بمناسبة الكوريلا حسب لغتنا والله تقول كورولا يطلعوك زى جماعتى الراكبين الركشة اليومين ديل..المهم قالو ليك سودانى فى الخليج راكبلك كوريلا موديل سنة خشبة دخاخينا طلح بس..الكبوت مربوط بسلك والضهرية مفنوسة التقول مدنها شلوت وصاحبك سايق ودخاخين العربية عجاجة تب..لقطو بتاع المرور ومشى وراو : جنب ياراعى الكورولا..صاحبك جنب بعد شى مية متين متر ويقال كيلو ماالفرامل لاحقا الغطس "ليه الغطس وشنو الغطس ماعارف" المهم زولك جا نازل وشافو العسكرى وعرفو سودانى من عمتو ام ادوار..فبل مايصل للعسكرى قال ليو : روح ياسودانى روح الله يعينك بالنهار كورولا وبالليل غورولا..شفتا حقارة العسكرى ود اللذين دا..نسوانا غوريلات اغرغر وشو البدو اب سنون بنيات..

اقرار:
هااى يالنساوين انا مرتى زاتى سودانية..وبعدين ناقل الكفر ليس بكافر ولا ماكدا؟"ابو الفصلى زاتو"..
محمد هاشم
12-09-2009, 11:14 AM
بمناسبة الكوريلا حسب لغتنا والله تقول كورولا يطلعوك زى جماعتى الراكبين الركشة اليومين ديل..المهم قالو ليك سودانى فى الخليج راكبلك كوريلا موديل سنة خشبة دخاخينا طلح بس..الكبوت مربوط بسلك والضهرية مفنوسة التقول مدنها شلوت وصاحبك سايق ودخاخين العربية عجاجة تب..لقطو بتاع المرور ومشى وراو : جنب ياراعى الكورولا..صاحبك جنب بعد شى مية متين متر ويقال كيلو ماالفرامل لاحقا الغطس "ليه الغطس وشنو الغطس ماعارف" المهم زولك جا نازل وشافو العسكرى وعرفو سودانى من عمتو ام ادوار..فبل مايصل للعسكرى قال ليو : روح ياسودانى روح الله يعينك بالنهار كورولا وبالليل غورولا..شفتا حقارة العسكرى ود اللذين دا..نسوانا غوريلات اغرغر وشو البدو اب سنون بنيات..

اقرار:
هااى يالنساوين انا مرتى زاتى سودانية..وبعدين ناقل الكفر ليس بكافر ولا ماكدا؟"ابو الفصلى زاتو"..


والله العسكري غلطان وقوليه الما بيعرفك بيجهلك عرباتنا قبيحة وشينة ما قلنا شي لكن نسوانا مافيهن كلام
أشرف صلاح السعيد
12-09-2009, 11:27 AM
والله العسكري غلطان وقوليه الما بيعرفك بيجهلك عرباتنا قبيحة وشينة ما قلنا شي لكن نسوانا مافيهن كلام

ماانا زاتى قلت كدا ياابوضاح..يكفيهن انهن سودانيات..
درديري كباشي
12-09-2009, 11:42 AM
ماانا زاتى قلت كدا ياابوضاح..يكفيهن انهن سودانيات..

بس كمان غوريلاتنتا حلوات ما فيهن كلام .. اقصد كورلاتنا
محمد هاشم
12-09-2009, 11:59 AM
بس كمان غوريلاتنتا حلوات ما فيهن كلام .. اقصد كورلاتنا


هوووووووووووووي يابو الدر غوريلاتنا ولا كوريلاتنا حدد ياتو بالضبط
أشرف صلاح السعيد
12-09-2009, 12:11 PM
هوووى ياناس اكان سمحات ولا شينات سيك سيك معلق فيك..هو يعنى من سماحتنا..كتر خيرن الراضيات بينا..بس الاجيال الجديدة يشيلو شيلتوم مع الفضائيات احنا وقت عرسنا كان زمن التلفزيون القومى الله ينصر دينو والا كنا بنلعب فى الكشتينا وعاد البورة بورتن شينة وعرس مافى..
محمد هاشم
12-09-2009, 12:15 PM
هوووى ياناس اكان سمحات ولا شينات سيك سيك معلق فيك..هو يعنى من سماحتنا..كتر خيرن الراضيات بينا..بس الاجيال الجديدة يشيلو شيلتوم مع الفضائيات احنا وقت عرسنا كان زمن التلفزيون القومى الله ينصر دينو والا كنا بنلعب فى الكشتينا وعاد البورة بورتن شينة وعرس مافى..


جبت الفايدة يا أبو الشوش
أشرف صلاح السعيد
12-09-2009, 12:34 PM
جبت الفايدة يا أبو الشوش

شايفنى ريحتك فى ضميرك ياابوحميد الله يخلى ليك ام وضاح ووضاح وكل البيهموك..

شترة:
يااخوى دا حب ولا خوفا؟
محمد هاشم
12-09-2009, 12:48 PM
شايفنى ريحتك فى ضميرك ياابوحميد الله يخلى ليك ام وضاح ووضاح وكل البيهموك..

شترة:
يااخوى دا حب ولا خوفا؟


أفوووووو أنا بوك يا وضاح دي خوفا أقصد حب
محمد هاشم
13-09-2009, 01:27 AM
أنت والله يا أبو الشوش شكلك داير تورطني
درديري كباشي
13-09-2009, 02:00 AM
والله الموضوع كان بتاع حديد وخردة انتو حولتوه لسياسة
محمد هاشم
13-09-2009, 12:50 PM
والله الموضوع كان بتاع حديد وخردة انتو حولتوه لسياسة


عذرا يا أبو الدر ونحن في إنتظار أخبار الخرد
عصام الدين عموش
13-09-2009, 02:42 PM
طبعاً يا الدرديري متابعك منذ مدة بدون ردود متعك الله بالصحة زي ما متعتنا بنوادرك الواقعية

فلمك دا مر بي بالتفصيل في الرياض وأخيراً هداني الله بعد معافرة مع الياباني الهكر عشرة سنوات أن اشتري سكودا بالتقسيط 2008 وطبعاً الجماعة نظروا فيها دي اسبانية من قرطبة وبعدين ما بتتباع ليك ... هو منو القال داير يبيعها ( قمة التكنولوجيا فيها )

لكن سؤالي نحن السودانيين أيه سر إنو السيارة كريسيدا والسجائر بنسون أند هدجز والأمواس ناسيت والمعجون سجنال والساعات سيكو فايف والنظارات بيرسون ( وأي ماركات غير ذلك تعتبر مغشوش ووهم وما بتعرف تشتري)
ابوالناس
13-09-2009, 03:36 PM
الاخ درديرى السلام ليك
رمضان كريم وينعاد علينا
اعمل محاسب فى معرض سيارات فى القصيم (بريده)
ما بزعلنى شى فى الدنيا دى غير السودانين البجو يقولو ليك ياخى
فتش لينا سياره سمحه ورخيسه تقول ليه فى حدود كم يقوليك اه حولى اربعه خمسه الف
بعد تعب وفتيش تلقى ليه نيسان 200 l او تيرسل من بنات الخاله
يمشى بيه شهر ويجيك والله انت غشيتنى والسياره وقفة منى
طيب ياخى انت كان داير سياره سمحه وما تقيف ادفع قروش
كويسه واخد نضيف





همسه
والله يعينك من ناس الهايلوكس بى انواعو
77-78-79-80-81-82-83
(اب زيق)
(انا اخو اب زيق)
ديل خليهم ساى ما عندكم هايلوكس قديم
لا والله ما عندنا
طيب ما عرف ليك حدا عندو يبى يبيع
واخوان السعوديين البتجى تسالو على هايلوكس قديم
فى المعارض يقول ليك شوف الزول
والله فضايح ما ليه حد
وحدث ولا حرج


ابو الناس
محمد عبد الله عبدالقادر
14-09-2009, 03:36 AM
سلامات

مدير فرعنا بالرياض سعودي عندو بوكس ( وانيت) موديل اعتقد 88
قال لي مشيت اعرضو للبيع قلته كان جاب خمسة الف نعمة كبيرة
قابلو واحد سوداني السعودي قال ليهو ( سوم) يعني قول كلامك
السوداني قال ليهو 15 ألف السعودي قال لي لمن انخلعته وبديت
اساوم فيهو لمن وصلته 18 ألف قبض قروشه وجاء يحكي لي
ويسالني انتو مالكم يا السودانين مع الهكر ده

اها شوف جنس ده
درديري كباشي
14-09-2009, 03:48 AM
طبعاً يا الدرديري متابعك منذ مدة بدون ردود متعك الله بالصحة زي ما متعتنا بنوادرك الواقعية

فلمك دا مر بي بالتفصيل في الرياض وأخيراً هداني الله بعد معافرة مع الياباني الهكر عشرة سنوات أن اشتري سكودا بالتقسيط 2008 وطبعاً الجماعة نظروا فيها دي اسبانية من قرطبة وبعدين ما بتتباع ليك ... هو منو القال داير يبيعها ( قمة التكنولوجيا فيها )

لكن سؤالي نحن السودانيين أيه سر إنو السيارة كريسيدا والسجائر بنسون أند هدجز والأمواس ناسيت والمعجون سجنال والساعات سيكو فايف والنظارات بيرسون ( وأي ماركات غير ذلك تعتبر مغشوش ووهم وما بتعرف تشتري)


سلام يا عصام
ذكرتني موقف .. في السودان قبل الاغتراب كان عندي سيارة سوبارو صالون ..لونها ابيض وجميلة .. اول ما اشتريتها من الخرطوم رحت بيها كسلا ... كابسوني ليك السماسرة .. عندهم فهم انه اي شخص اشترى عربية معناها عاوز يبيعها .. وبدا يلحوا ويساوموا رغما عن انه انا بقول ليهم يا اخوان انا دي ما عاوز ابيعها .. يقولوا ليك طيب ثلاثة كويس ... تقول ما عاوز ابيعها .. خلاص ثلاثة ونص.. في النهاية لمن قنعوا مني .. قالو لي عربيتك دي صناعة اسرائلية .. وانتشرت الاشاعة وسط السماسرة .. واصبحت انا راجل اليهودية ...
درديري كباشي
14-09-2009, 03:52 AM
الاخ درديرى السلام ليك
رمضان كريم وينعاد علينا
اعمل محاسب فى معرض سيارات فى القصيم (بريده)
ما بزعلنى شى فى الدنيا دى غير السودانين البجو يقولو ليك ياخى
فتش لينا سياره سمحه ورخيسه تقول ليه فى حدود كم يقوليك اه حولى اربعه خمسه الف
بعد تعب وفتيش تلقى ليه نيسان 200 l او تيرسل من بنات الخاله
يمشى بيه شهر ويجيك والله انت غشيتنى والسياره وقفة منى
طيب ياخى انت كان داير سياره سمحه وما تقيف ادفع قروش
كويسه واخد نضيف

-------------------------------------------------------------------------------

كويس يا ابو الناس وانت من باب شهد شاهد من اهله وانت عايشت الموقف ..
لكن الاطرف انه انا بعد ما رجعت السودان لقيت كل الناس راكبين سيارات جديدة وليس لها علاقة بالتايوتا كلها من اتوس واسكودا وكيا .. ومبسوطين .. اصبح ناس قريحتي راحت الهنا هم عشاق الخرد لوحدهم ..
درديري كباشي
14-09-2009, 03:56 AM
سلامات

مدير فرعنا بالرياض سعودي عندو بوكس ( وانيت) موديل اعتقد 88
قال لي مشيت اعرضو للبيع قلته كان جاب خمسة الف نعمة كبيرة
قابلو واحد سوداني السعودي قال ليهو ( سوم) يعني قول كلامك
السوداني قال ليهو 15 ألف السعودي قال لي لمن انخلعته وبديت
اساوم فيهو لمن وصلته 18 ألف قبض قروشه وجاء يحكي لي
ويسالني انتو مالكم يا السودانين مع الهكر ده

اها شوف جنس ده


سلام يا محمد عبد القادر

اها دا مثال يرفع الضغط يعني حتى طريقتنا في الشراء بنسعر بناءا على تقييمنا نحن للاشياء ليس بناء على قيمتها السوقية ونصبح مضحكة كالمثال الذي سقته
محمد هاشم
14-09-2009, 09:17 AM
سلام يا محمد عبد القادر

اها دا مثال يرفع الضغط يعني حتى طريقتنا في الشراء بنسعر بناءا على تقييمنا نحن للاشياء ليس بناء على قيمتها السوقية ونصبح مضحكة كالمثال الذي سقته


صدقت والله يا أبو الدر