وكأنني اجـــــــــــــــــــــــرمت !!

[ضياء الدين احمد]

غريب هو أمر الناس وذلك عندما اقول لهم بأنني لا استمع الي محمد الامين ومصطفي سيد احمد وكمان ابو عركي تجد نظرة الاستنكار والاندهاش على وجوههم وكأنني اتيت بشئ فريا
بالله انت مابتسمع لمصطفى سيد احمد؟
ايوه
يازول انت مجنون في زول ما بسمع لي ابو السيد؟
اااااااااااي
والله انت كان كده زول ساي مامنك فايده
( خلاص طبعا حكموا علي المثقفاتيه وخصوصا في ناس رابطين الثقافه بي مصطفي سيد احمدو الفكر الشيوعي وخصوصا في الجامعه )
اها طيب محمد الامين؟
والله يا جماعه ماقاعد اتكيف ليهو
بالغت لكن وشذيت ده ابو اللمين ياخ
يا اخونا ابو اللمين ومصطفى سيد احمد والله فنانين كبار خالص ومافي حد اقدر اقول فيهم اي كلمه ‘ لكن انا ما بحب استمع ليهم مش علي كيفي انا هسع قاعد اجبر واحد فيكم اسمع كابلي ، ابراهيم حسين ، نجم الدين الفاضل ، عباس تلودي، ابراهيم خوجلي ولا هاشم ميرغني.
وطبعا الجماعه ما اقتنعوا وما قادرين اعرفوا انو حب الناس مذاهب وانو اي زول في الكون ده كلو عندو حب اتجاه شئ محدد وانو لازم وبطبيعة الفطره الاذواق تختلف . اها اقول ليكم حاجه عندي صاحبي بسمع لي (قيقم)
يوم واحد ما قلت ليهو ليه ، ما علي كيفو هو حر يعني نحنا حنسمّع الواحد بي كيفنا ومزاجنا ؟

[aborawan]

كلام سليم 100% اخوي والناس اذواق ولكل منا ذوق معين خاص بيه وطبعاً الناس البقولو ليك انتا ما عندك موضوع عشان ما بتسمع لي فلان ولا علتكان ده من حبهم الزائد للفنان المقصود وما تاخد في خاطرك منهم

حبي لك مع التحية

[حنيني اليك]

انا ما بسمع لي وردي:D

[ضياء الدين احمد]

مشكورين ابوروان وحنيني علي التعقيب

[ابراهيم]

غريب هو أمر الناس وذلك عندما اقول لهم بأنني لا استمع الي محمد الامين ومصطفي سيد احمد وكمان ابو عركي تجد نظرة الاستنكار والاندهاش على وجوههم وكأنني اتيت بشئ فريا
بالله انت مابتسمع لمصطفى سيد احمد؟
ايوه
يازول انت مجنون في زول ما بسمع لي ابو السيد؟
اااااااااااي
والله انت كان كده زول ساي مامنك فايده
( خلاص طبعا حكموا علي المثقفاتيه وخصوصا في ناس رابطين الثقافه بي مصطفي سيد احمدو الفكر الشيوعي وخصوصا في الجامعه )
اها طيب محمد الامين؟
والله يا جماعه ماقاعد اتكيف ليهو
بالغت لكن وشذيت ده ابو اللمين ياخ
يا اخونا ابو اللمين ومصطفى سيد احمد والله فنانين كبار خالص ومافي حد اقدر اقول فيهم اي كلمه ‘ لكن انا ما بحب استمع ليهم مش علي كيفي انا هسع قاعد اجبر واحد فيكم اسمع كابلي ، ابراهيم حسين ، نجم الدين الفاضل ، عباس تلودي، ابراهيم خوجلي ولا هاشم ميرغني.
وطبعا الجماعه ما اقتنعوا وما قادرين اعرفوا انو حب الناس مذاهب وانو اي زول في الكون ده كلو عندو حب اتجاه شئ محدد وانو لازم وبطبيعة الفطره الاذواق تختلف . اها اقول ليكم حاجه عندي صاحبي بسمع لي (قيقم)
يوم واحد ما قلت ليهو ليه ، ما علي كيفو هو حر يعني نحنا حنسمّع الواحد بي كيفنا ومزاجنا ؟


والله يا ضياء الدين حب الناس مذاهب كلامك صح
المشكلة في الناس بحكمو على الناس حسب ذوقكم

لكن يا اخوي ناس (نجم الدين الفاضل ، وعباس تلودي ، وابراهيم خوجلي)
هسع في زول بيعرفهم انا غايتو يبقى لي بي أمر قبض ما سمعت بيهم الا في بوستك دة ...
والمثل قال الجن التعرفو ولا الجن الما بتعرفو
انا غايتو محمد الأمين دة ولا بجامل فوقو
مع احترامي لكل الاذواق
بعدين شنو يا ضياء العرس الشال الناس لينا ما جابك:D

[سواااح]

عزيزي ضياء ..

لولا اختلاف الاراء لبارت السلع
وقفلت الاسواق ابوابها
فاختلاف الاذواق والاذان
سمة من سمات الحياة

دمـــــــــــــــت ،،

[معتز حمدتو]

يخوانا ضياء ده ما تزعلوه بعدين اقوم امرض ساي
معني كده ياابراهيم انت ما سمعت بابلال ماسح الطربيزه و3 سنه علي منوال 5 سنه لمحمد الامين تكون اجرمت في حق نفسك .
خليك ياضياء مع ستات الشاي وكده مره مره زونا .
تحياتي لك والود من علي البعد ياابو العروس ... اقصد ياابو العريس.

[ابراهيم]

يخوانا ضياء ده ما تزعلوه بعدين اقوم امرض ساي
معني كده ياابراهيم انت ما سمعت بابلال ماسح الطربيزه و3 سنه علي منوال 5 سنه لمحمد الامين تكون اجرمت في حق نفسك .
خليك ياضياء مع ستات الشاي وكده مره مره زونا .
تحياتي لك والود من علي البعد ياابو العروس ... اقصد ياابو العريس.


سلامات معتز يا خوي بلال موسى دة في زول ما بعرفو لكن في عهدو كان طلعو رقصة عديل في غنية <تلاتة سنة> والرقصة بعد تلاتة سنة اتغيرت ودي يبدو لي بعد نظر من شاعر الغنية .. لسا بتذكر الرقصة ولو في طريقة كان عملت ليك بيان بالعمل هنا ... المهم هي خطوتين لليمين وخطوين للشمال وبالعكس:D
لكن الناس القالهم ضياء ديل غايتو يكون اعمامك كبار بتوعين قعدات والوقت داك يا معتز نحن وين؟

[hamad2]

حب الناس مذاهب
انا غايتو بسمع

[lamis]

كلام الناس وآرائهم ما بخلص

الواحد استمع
للغنيه البتحرك مشاعر جواه وتأثره
واحس نفسه عايش مع كل لحن فيها