المساعد الشخصي الرقمي

مشاهدة النسخة كاملة : عبارات مخدرة-مع احترامي لكم


درديري كباشي
03-09-2009, 07:13 AM
نتيجة لضغوط الحياة او كثرة الناس وازدحامهم او تداخل اللغات او لكل ماذكر من عوامل او لعوامل اخرى انا لا اعرفها ربما يذكرها آخر انه نلاحظ انه تولدت عبارات كثيرة في لغتنا الفصحى او لهجاتنا العامية .. وهذه العبارات هي لتخدير المتلقي المخاطب بقصد تهيئته وتمهيدا لسلخه او سبه او نقده وفي نفس الوقت لتلافي رد الفعل العنيف منه . ربما حتى الان لم يفهم احد ماذا اقصد ولكن بالتاكيد بتناول الامثلة
مثال عبارة مع احترامي ليك :
تلاحظ هذه العباره ان الكلام الذي يعقبها غالبا ما يكون جارحا .. ولكن لان عبارة مع احترامي ليك تسبق الكلام تجد الشخص المخاطب يتقبل النقد او حتى السب بصدر ربما لا يكون رحبا لكن بدون غضب على كل حال مثال
(تقول لزميلك او صديقك مع احترامي ليك لكن بعض مرات عندك غباء ليس له مبرر ) ربما ضحك واخذ الكلام بلطافه لانك سبقته بعبارة مع احترامي ليك رغما عن انك وصفته بالغبي ويمكن بدون عبارة مع احترامي ليك . كلمة غباء هذه يمكن تصل مرحلة العراك بل الدم وخاصة مع اهلنا السودانيين .
وقد يقول احد ان هذه العبارات تستخدم في الدبلوماسية او هي مهمة لايصال النقد للطرف الثاني دون اغضابه .. يوجد فن اخر في تقديم النقد وهي بانتقاد الشخص المتحدث لنفسه اولا قبل ان يخوض في لسع المخاطب .. وهذه العباره موجوده بكثرة في اللهجة المصرية وانتشرت وسطنا ربما من المسلسلات .. مثل عبارة (خذني على قد عقلي )بمعنى يصغر المتلقي نفسه ويدعي بان عقله ناقص وصغير بدلا ما يقول للمتحدث (الخرمجة ) والخطرفة التي ترقي بها من الصباح غير واضحة وغير مفهومة ارجوك استخدم لغه مفهومة او رتب افكارك بحيث يكون لها معنى نفهمه .. وعبارة خذني على قد عقلي تحمل هذا المعنى .
وانا مع احترامي ليكم احتمال الموضوع ما يلاقي اي تجاوب او اقبال منكم .. لكن على كل حال انا عامل بحث صغير في هذا الموضوع ساعود له بعد ان اجمع حصيلة ومعاني لهذه العبارات ......
درديري كباشي
03-09-2009, 07:19 AM
اقول ان عبارات التخدير هذه بعض الناس يستعملها ليس قبل الكلام فقط بل استخدامها اشبه بالبخاخ المخدر الذي يستخدم للاعبي كرة القدم .. وهو كل ما اتالم اللاعب جاء يعرج الى خارج الملعب يقوم الطبيب ببخ المخدر على رجله ليذهب ويتسانف طالما رجله مخدره بغض النظر عن الاذى الذي سيحدث بعد ذلك المهم تنتهي المبارة ونحن فايزين بعد داك انشاء رجله تتفتفت ..
وانا اساسا مصدر الهامي لهذا الموضوع هو صديق زميل في الجامعة هو صاحب نظرية العبارات المخدره .. وقد قام بعدة تجارب امامي وانا مندهش مع تلفان اعصابي وانا اراقب في تجاربه العمليه .. يعني مثلا ينفرد له بواحد ويسلخه بالنقد اللازع والسب وكلما يلاحظ انه عيونه حمرت يروح باخيه بعبارة مع احترامي ليك يعني..
مثلا ( دا تصرف تتصرفه يا اسامه مع البنت بصراحة كدا انت غبي جدا ... مع احترامي ليك يعني ... انا لوكنت مكانك ما كان اتصرفت ببلاده كدا .. مع تقديري للظرف الانت فيه لكن بيبني وبينك كدا كنت حمار يعني بلا مؤاخذه لو سمحت لي اقول ليك مره تانيه تقفل عقلك البليد دا في البيت ما دام اصلا ما فيه فايده .. وانت ماتزعل مني ..... واسمع كلام الببكيك )
العاقب مصباح
03-09-2009, 07:20 AM
قريت العنوان عبارات مخدة

يظهر انه فى باقى نومة ناقصة

بجيك بعدين يا راقى

وسلامات شديدة
فراس
03-09-2009, 08:08 AM
الراقي دوما ابوالدر

انا لي صديق له نفس الطريقة التي زكرتها عندما يهم

ان يشتم احد او حتي عن طريق المزاح اول شي يشتم نفسه

ويخرج كل السلبيات التي يمكن ان يرتكز عليها الطرف الاخر

في سبيل الرد وبعدها اقبل عليه وافضي كل الجواه

والطرف الاخر لايملك حق الدفاع ولايملك الا الصمت...

ابوالدر اي موضوع منك نحن ننتظره بفارغ الصبر كل مواضيعك

تجد التجاوب يارائع واصل واتحفنا

تقبل تحياتي ودمت بكل الخير
عزالدين حامد
03-09-2009, 08:37 AM
الفاضل / درديري كباشي

عفوا مع احترامي ليك (اقوم امارس النقد ههههههههههه)

موضوغ جد يحتاج للدراسة الشديدة وبحثها وتقليبها وخلخلة كل الافرازات والتداعيات وبمجرد دخول مفردة التخدير في النقد يخرج النقد من قالبه وتصبح الشغلانية فيها شئ ولو قليل من عدم التجرد لموضوعية النقد وبالتالي يصبح سلوك جمعي غير حميد وتكمن خطورته على انه مكتسب وبالتالي يتم توارثه عبر الاجيال مما يهدم البناء السليم للشخصية السوية التي يمكن لها ان تذوب امام هذه الوسائل المخدرة بجد الموضوع ما ساهل
شكري
ود الجعلي
03-09-2009, 08:38 AM
( دا تصرف تتصرفه يا اسامه مع البنت بصراحة كدا انت غبي جدا ... مع احترامي ليك يعني ... انا لوكنت مكانك ما كان اتصرفت ببلاده كدا .. مع تقديري للظرف الانت فيه لكن بيبني وبينك كدا كنت حمار يعني بلا مؤاخذه لو سمحت لي اقول ليك مره تانيه تقفل عقلك البليد دا في البيت ما دام اصلا ما فيه فايده .. وانت ماتزعل مني ..... واسمع كلام الببكيك

هنا في ابدااااااااااااااااااااااع
درديري كباشي
03-09-2009, 11:51 AM
قريت العنوان عبارات مخدة

يظهر انه فى باقى نومة ناقصة

بجيك بعدين يا راقى

وسلامات شديدة



سلام يا عقبة مع احترامي ليك انت دايما توعد وتخلف .. يعني بلا مؤاخذه تقول راجع وتاني ما بترجع وانت ما تزعل مني .. واسمع كلام البكيك .. وانا لو ما كنت مرتاح ليك ما كنت قلت ليك الكلام دا.
درديري كباشي
03-09-2009, 11:55 AM
الراقي دوما ابوالدر

انا لي صديق له نفس الطريقة التي زكرتها عندما يهم

ان يشتم احد او حتي عن طريق المزاح اول شي يشتم نفسه

ويخرج كل السلبيات التي يمكن ان يرتكز عليها الطرف الاخر

في سبيل الرد وبعدها اقبل عليه وافضي كل الجواه

والطرف الاخر لايملك حق الدفاع ولايملك الا الصمت...

ابوالدر اي موضوع منك نحن ننتظره بفارغ الصبر كل مواضيعك

تجد التجاوب يارائع واصل واتحفنا

تقبل تحياتي ودمت بكل الخير


سلام يا فراس واشكر حضورك الارقى وصدقني الابداع منكم وفيكم يتولد ..

بس انا عندي سؤال في حكاية تغليف الكلام الجارح بعبارات مخدره هي اشبه بلف حبوب الملاريا بالكسرة او الرغيف .. لكن السؤال هل هذه الطريقة ايجابية ولا فيها نوع من النفاق ؟؟؟
العاقب مصباح
03-09-2009, 12:02 PM
سلام يا عقبة مع احترامي ليك انت دايما توعد وتخلف .. يعني بلا مؤاخذه تقول راجع وتاني ما بترجع وانت ما تزعل مني .. واسمع كلام البكيك .. وانا لو ما كنت مرتاح ليك ما كنت قلت ليك الكلام دا.



هههههههههههههههه

والله يا درديرى من وعدتك وانا خائف اخلف والدنيا رمضان والمشاغل بالكوم

قدامى كباية شاى

بجيب خبرها وبجيك

الواحد ياخد راحته تب فى البوست

ليك الحب والله

وانت تاعبنا من جيت بى مواضيع رائعة

جاااااااااااااااااايك ومعاى وعد
درديري كباشي
03-09-2009, 12:04 PM
الفاضل / درديري كباشي

عفوا مع احترامي ليك (اقوم امارس النقد ههههههههههه)

موضوغ جد يحتاج للدراسة الشديدة وبحثها وتقليبها وخلخلة كل الافرازات والتداعيات وبمجرد دخول مفردة التخدير في النقد يخرج النقد من قالبه وتصبح الشغلانية فيها شئ ولو قليل من عدم التجرد لموضوعية النقد وبالتالي يصبح سلوك جمعي غير حميد وتكمن خطورته على انه مكتسب وبالتالي يتم توارثه عبر الاجيال مما يهدم البناء السليم للشخصية السوية التي يمكن لها ان تذوب امام هذه الوسائل المخدرة بجد الموضوع ما ساهل
شكري


سلام يا عز الدين ومرحب بيك ..

انا اختلف معاك في انه العبارات المخدرة ليست سالبه في كل الاحوال .. لو استخدمت في النصيحة فقط بدون سب او تقليل شان الشخص المراد تصحيح تصرفاته .. يعني مثلا شخص ضرب زوجته نتيجة حماقة وتهور .. انت تريد ان ترجعه لصوابه .. ما يحتاج انك تشتمه بعبارات مخدره لكن مثلا بطريقه تصلح نفسه .. مثلا يا عمر انت شخص عاقل ما كنت متخيلك تصل المرحلة دي مع ام العيال .. ودا ما بيقلل احترامنا ليك لكن انت تهورت وفعلا الشيطان شاطر .. انت تنتقده وفي نفس الوقت تزيل عنه الغبن وبكدا تكون وظفت العبارات المخدرة بصورة ايجابية .
درديري كباشي
03-09-2009, 12:11 PM
( دا تصرف تتصرفه يا اسامه مع البنت بصراحة كدا انت غبي جدا ... مع احترامي ليك يعني ... انا لوكنت مكانك ما كان اتصرفت ببلاده كدا .. مع تقديري للظرف الانت فيه لكن بيبني وبينك كدا كنت حمار يعني بلا مؤاخذه لو سمحت لي اقول ليك مره تانيه تقفل عقلك البليد دا في البيت ما دام اصلا ما فيه فايده .. وانت ماتزعل مني ..... واسمع كلام الببكيك

هنا في ابدااااااااااااااااااااااع


ود الجعلي احترامنا ليق معتق ومن فصيلة القهوة لا فيه اي نوع من التخدير ولا نحتاج .. لانك جعلي كريم زول حارة وحيران .. بس ابقى كثير زي ما انت .
أشرف صلاح السعيد
03-09-2009, 12:12 PM
ابوالدر عوافى..
وبرضو من الجمل المخدرة "مع انى بأتفق معاك" وتجى الجملة البعدا مختلفة جدا جدا ..
وبرضو من المخدرات"أسمح ليا أختلف معاك" وتكب بعدا فيو العاوزو..
بس حقيقة هى أسلوب مهم لتقبل الآخر الإختلاف ولإزالة الشنكبات والعنكبات..
بس مع إحترامى ليك إنتا عايز تصل لشنو؟هههههههههههههههه
كن كما انت مبدعا..
درديري كباشي
03-09-2009, 12:49 PM
ابوالدر عوافى..
وبرضو من الجمل المخدرة "مع انى بأتفق معاك" وتجى الجملة البعدا مختلفة جدا جدا ..
وبرضو من المخدرات"أسمح ليا أختلف معاك" وتكب بعدا فيو العاوزو..
بس حقيقة هى أسلوب مهم لتقبل الآخر الإختلاف ولإزالة الشنكبات والعنكبات..
بس مع إحترامى ليك إنتا عايز تصل لشنو؟هههههههههههههههه
كن كما انت مبدعا..


اسمح لي اتفق معاك في الحتة يا باشمهندس .. فعلا مع احترامي ليك .. انت راجل ما عندك زوق خالص .. في زول يلبس تي شيرت ليموني وبنطلون برتقالي في الحر دا .. مع احترامي لزوقك انت مفروض يعملوا لك بلاغ ازعاج عام .. انت ما تزعل مني .ز وانا كان ما بعزك ما كان قلت ليك الكلام دا .. وانا رايي من نفس رايك هو انه عايزين نصل هل العبارات المخدره سلوك ايجابي نقننه ولا سلوك سلبي نتخلص منه .
العاقب مصباح
03-09-2009, 01:03 PM
طبعا يا درديرى فى جملة برضو بتجيك فى الاول :-

ياخ انت زول كبير وواعى دا شنو البتعمل فيهو دا وخليك واعى ياخ ؟؟ معناها انت بتعمل فى شئ غلط وتصرفاتك دى الشفع ما بيعملوها وانت ولا واعى ولا شئ ...........


ياخى الكلام دا ما بيشبهك .... معناها انت بتعمل فى شئ منكر ونزلت للحضيض ولازم تغيره وهو كلامك زاتو وبيشبهك لكن لازم تتخدر .....


ياخ خليك احسن منهم ....... معناها انت لا احسن منهم ولا حاجه خليك بصورة مؤقتة بس ....

ياخى عاين لى ظروف الناس وقدرها .... بمعنى انت لا بتعاين ولا بتشوف زاتو شوف مرة واحدة بس ....

ياخ لو انت عملت كدا الباقيين يعملوا شنو ..... معناها مافى اسوأ من العملتو .....

ياخى قدرنى انا .... معناها هو ما بيقدرك ولا شئ ... ولا بيقدر غيرك ....

اها يا درديرى لحقت روحى وجيتك

دمت يا رائع
أشرف صلاح السعيد
03-09-2009, 01:05 PM
اسمح لي اتفق معاك في الحتة يا باشمهندس .. فعلا مع احترامي ليك .. انت راجل ما عندك زوق خالص .. في زول يلبس تي شيرت ليموني وبنطلون برتقالي في الحر دا .. مع احترامي لزوقك انت مفروض يعملوا لك بلاغ ازعاج عام .. انت ما تزعل مني .ز وانا كان ما بعزك ما كان قلت ليك الكلام دا .. وانا رايي من نفس رايك هو انه عايزين نصل هل العبارات المخدره سلوك ايجابي نقننه ولا سلوك سلبي نتخلص منه .

مع اختلافى لوجهات النظر بيناتنا ولأنو إختلاف الرأى لا يفسد للود قضية إنتا شن فهمك فى المودة..الألوان الفرايحية دى والمزهزهة عشان تبعث البهجة فى نفس الحرامى ابو مذكرة ويتمسك بكرهو بحرامية الغسيل مايسرقو ليا هديماتى المزهزهة دى..وتدى الأمل لعمك الترزى ويرجع قبل الوقفة لأنو ناس الحلة ضاربين لسه أخماس فى أسداس يعيدو كيف..وأحب أضيف ليك شئ بيؤكد إختلافنا ومدى وعينا الظاهر بإنو البرتقالى والليمونى ديل هم الموضة لأنو فيهم فيتمين سى والأيام دى الانفلونزات متخنزرة ومطيورة فالماعندو حق الحمضيات دى بمجرد رؤيتا عقلو الباطن حيختزنا فى اللا شعور ويعمل ليها استدعا متى مادعت الضرورة بأول عطسة..وأسمح ليا مع إحترامى ليك أنتا أساسا شن فهمك فى المودة ومدى تأثيرات الألوان المشعة وعكسها لأشعة الشمس وعدم إمتصاصها للحرارة..
وأنا لو مادير مصلحتك مابسألك السؤال دا..ومع إحترامى لفهمك الإجابة واضحة أكثر من زهزهة هدومى بإنو المخدرات دى وقصدى الجمل عشان ناس المكافحة مايداهمو ليك بوستك أكيد سلوك إيجابى وبتققلل على الأقل مسألة التطعن والمداوسات..معليش انا زاتى مرات مابأفهم من أول مرة..أعيد ليك الكلام تانى؟
ابوخالد
03-09-2009, 01:06 PM
مع إحترامى الشديد للجميع ...

لكن مسألة تغليف الشتيمة بكل أنواعها إسلوب رخيص ... وإستفزازى ....

وإستهترار بالشخوص .... لتوصيل أى نصيحة أو عبارة إرشادية هناك عدة

طرق يمكن من خلالها توصيل

الأراء ... فقط تكون المعرفة الجيدة وجوانب الضعف

والثغرات فى الشخص المقصود ... تساعدك فى توصيل

ماتحتاج توصيله بطريقة لبقه مهذبة غير جارحة ....

أما إذا كنت ممن يستغلون أوقات معينه .....

أو كنت ممن يصطادون فى الماء العكر ....

فهذا أو ذاك إسلوب رخيص ... وأحد علامات الجبن المشكلت ...

وهى صفة جدآ غير كريمة .....

ولكم كامل الود والإحترام الحقيقى


مع الإعتزار لكاتب المقال ...

وسلام خاص للوالدة الحنون .....
درديري كباشي
03-09-2009, 01:28 PM
مع اختلافى لوجهات النظر بيناتنا ولأنو إختلاف الرأى لا يفسد للود قضية إنتا شن فهمك فى المودة..الألوان الفرايحية دى والمزهزهة عشان تبعث البهجة فى نفس الحرامى ابو مذكرة ويتمسك بكرهو بحرامية الغسيل مايسرقو ليا هديماتى المزهزهة دى..وتدى الأمل لعمك الترزى ويرجع قبل الوقفة لأنو ناس الحلة ضاربين لسه أخماس فى أسداس يعيدو كيف..وأحب أضيف ليك شئ بيؤكد إختلافنا ومدى وعينا الظاهر بإنو البرتقالى والليمونى ديل هم الموضة لأنو فيهم فيتمين سى والأيام دى الانفلونزات متخنزرة ومطيورة فالماعندو حق الحمضيات دى بمجرد رؤيتا عقلو الباطن حيختزنا فى اللا شعور ويعمل ليها استدعا متى مادعت الضرورة بأول عطسة..وأسمح ليا مع إحترامى ليك أنتا أساسا شن فهمك فى المودة ومدى تأثيرات الألوان المشعة وعكسها لأشعة الشمس وعدم إمتصاصها للحرارة..
وأنا لو مادير مصلحتك مابسألك السؤال دا..ومع إحترامى لفهمك الإجابة واضحة أكثر من زهزهة هدومى بإنو المخدرات دى وقصدى الجمل عشان ناس المكافحة مايداهمو ليك بوستك أكيد سلوك إيجابى وبتققلل على الأقل مسألة التطعن والمداوسات..معليش انا زاتى مرات مابأفهم من أول مرة..أعيد ليك الكلام تانى؟

مع احترامي لكل الكلام الذكرته دا يا اخوي انت شغال في مصنع علف ولا شنو ؟؟؟

بعدين عملية اللبس دي مسالة زوق شخصي .. وانا اعتقد انه هذه العبارة يجب اعادة النظر فيها .. وانا اعتقد اي شئ معرض لنظر الاخرين يصبح غير شخصي (0 اشرف انسى فنيلتك انا ما بتكلم عليك ويا اخوان اشرف دا ما عندو فنيلة صفراء ولا شئ ) انا اتحدث عن مسالة الالوان في اللبس وفي الخارج ليست شخصية طالما هي مرئية من الاخرين .
درديري كباشي
03-09-2009, 01:33 PM
طبعا يا درديرى فى جملة برضو بتجيك فى الاول :-

ياخ انت زول كبير وواعى دا شنو البتعمل فيهو دا وخليك واعى ياخ ؟؟ معناها انت بتعمل فى شئ غلط وتصرفاتك دى الشفع ما بيعملوها وانت ولا واعى ولا شئ ...........


ياخى الكلام دا ما بيشبهك .... معناها انت بتعمل فى شئ منكر ونزلت للحضيض ولازم تغيره وهو كلامك زاتو وبيشبهك لكن لازم تتخدر .....


ياخ خليك احسن منهم ....... معناها انت لا احسن منهم ولا حاجه خليك بصورة مؤقتة بس ....

ياخى عاين لى ظروف الناس وقدرها .... بمعنى انت لا بتعاين ولا بتشوف زاتو شوف مرة واحدة بس ....

ياخ لو انت عملت كدا الباقيين يعملوا شنو ..... معناها مافى اسوأ من العملتو .....

ياخى قدرنى انا .... معناها هو ما بيقدرك ولا شئ ... ولا بيقدر غيرك ....

اها يا درديرى لحقت روحى وجيتك

دمت يا رائع









جميل جدا القاموس الانت شرعت فيه يا ود المصباح واختصرت لي كلام كثير جدا .. افتح قوس مع احترامي ليك اقفل القوس ما في زيادة .
الملكة اسماء ( ام محمد )
03-09-2009, 01:39 PM
سلام يا عقبة مع احترامي ليك انت دايما توعد وتخلف .. يعني بلا مؤاخذه تقول راجع وتاني ما بترجع وانت ما تزعل مني .. واسمع كلام البكيك .. وانا لو ما كنت مرتاح ليك ما كنت قلت ليك الكلام دا.



:p:D:D:D:D:D:D:p
أشرف صلاح السعيد
03-09-2009, 01:39 PM
مع احترامي لكل الكلام الذكرته دا يا اخوي انت شغال في مصنع علف ولا شنو ؟؟؟

بعدين عملية اللبس دي مسالة زوق شخصي .. وانا اعتقد انه هذه العبارة يجب اعادة النظر فيها .. وانا اعتقد اي شئ معرض لنظر الاخرين يصبح غير شخصي (0 اشرف انسى فنيلتك انا ما بتكلم عليك ويا اخوان اشرف دا ما عندو فنيلة صفراء ولا شئ ) انا اتحدث عن مسالة الالوان في اللبس وفي الخارج ليست شخصية طالما هي مرئية من الاخرين .

وطبعا كل الحوارات السابقة هى أمثلة غير حقيقة لواقع فعلى وإنما لإظهار الفكرة فى شكل محاورة..
ابوالدر اطروحاتك لا تخلو من الامتاع والاضحاك والفائدة..
كن كما انت صاحب الحضور الاجمل..
الملكة اسماء ( ام محمد )
03-09-2009, 01:43 PM
مع احترامي ليك ياابو الدُر
نحن ماورانا زول غيرك .. ياخي مبدع واسرنا بابداعك
يعني نسكن جوا البوستات بتاعتك
درديري كباشي
03-09-2009, 01:57 PM
مع إحترامى الشديد للجميع ...

لكن مسألة تغليف الشتيمة بكل أنواعها إسلوب رخيص ... وإستفزازى ....

وإستهترار بالشخوص .... لتوصيل أى نصيحة أو عبارة إرشادية هناك عدة

طرق يمكن من خلالها توصيل

الأراء ... فقط تكون المعرفة الجيدة وجوانب الضعف

والثغرات فى الشخص المقصود ... تساعدك فى توصيل

ماتحتاج توصيله بطريقة لبقه مهذبة غير جارحة ....

أما إذا كنت ممن يستغلون أوقات معينه .....

أو كنت ممن يصطادون فى الماء العكر ....

فهذا أو ذاك إسلوب رخيص ... وأحد علامات الجبن المشكلت ...

وهى صفة جدآ غير كريمة .....

ولكم كامل الود والإحترام الحقيقى


مع الإعتزار لكاتب المقال ...

وسلام خاص للوالدة الحنون .....


مع احترامنا لرايك يا باشمهندس لكن هنا يوجد خلط وهذا وارد بوجود عبارة الاصطياد في الماء العكر .. وهي عادة تحدث عندما يرتكب شخص خطا فادح ويقر بخطاه اضرب مثال .. مثلا طفل صغير رمى حجر في سيارة حافلة وكسر الزجاج.. هنا غضب صاحب الحافة نزل وطارد الطفل حتى سقط وكسر يده .. هنا صاحب الحافلة ارتكب جرم اكبر من جرم الطفل نفسه .. هنا يتدخل الانتهازيين والذين يصطادون في الماء العكر ويمطرون سائق الحافة بالشتائم وهو لن يقاوم لانه يكون شلاه خطاه .. مثال : ياخي انت غبي بشكل ..ولد صغير يعني كان كسر القزاز وهسع كان حصل له نزيف داخلي يا حمار كنت حاتعالجو انت يا بليد .. وتجد الشتائم منهالة على سائق الحافة بدون وجود العبارات المخدره وبدون ما يقاوم هو سيل الشتائم ...

لكن انا اقول العبارات المخدره شئ ايجابي يمكن توظيفه في عمل الخير كتقريب النفوس .. مثلا عبارات من نوع انت الكبير وانت العاقل وانت الفيك العشم .. وانت ضراع ابوك الايمن ... انت حلم امك ما تخزلها .. وانت ما تساوي عقلك بعقله .. كلمات كهذه ممكن تمتص الغضب من شخص يمكن ان يتهور حتى لو كان يحمل سكينا .
نبض المشاعر رووونة
03-09-2009, 02:03 PM
والله موضوعك فعلا منتشر ومهم
ويحتاج لى دراسة
تسلم
تقبل مروري
درديري كباشي
03-09-2009, 02:05 PM
مع احترامي ليك ياابو الدُر
نحن ماورانا زول غيرك .. ياخي مبدع واسرنا بابداعك
يعني نسكن جوا البوستات بتاعتك

الملكة مع احترامي ليك وبس
درديري كباشي
03-09-2009, 02:17 PM
والله موضوعك فعلا منتشر ومهم
ويحتاج لى دراسة
تسلم
تقبل مروري


نشكرك يا نبض على الطلة وفي انتظار مساهمتك في هذه الدراسة بجمع العبارات المخدرة من مجتمع النساء مثلا .ز عبارة النساء الشهيرة ( وقومي كدا يا المره موتي )
نبض المشاعر رووونة
03-09-2009, 02:41 PM
ههههههههههههههههههه
ولا يهمك نحنا موجودين في الخدمة دايما
درديري كباشي
03-09-2009, 11:14 PM
ههههههههههههههههههه
ولا يهمك نحنا موجودين في الخدمة دايما


ونساعدك يا نبض

قالوا كم مره سودانية قعدات يغتابن ( يقطعن) في مره غايبة فجاه لقوها واقفة في راسهن .. واحدة منهن عشان تصلح الموقف قالت ( اها بعداك قومي كدا يالمره موتي) عشان تستبعدخالص انه لصاحبة السيرة يمكن تكون هي طالما هي لازالت حية ترزق . . هذه عبارة مخدرة من النوع التقيل بل قول مضلله .
العاقب مصباح
04-09-2009, 01:31 AM
:p:D:D:D:D:D:D:p







:mad::mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad:



هسع بجيب ليك الدليل ما انتى برضو نفس الطريقة مع احترامى ليك طبعا :p:p

هسع انا جبت سيرة مدنية
مدنيّة
04-09-2009, 01:37 AM
:mad::mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad:



هسع بجيب ليك الدليل ما انتى برضو نفس الطريقة مع احترامى ليك طبعا :p:p

هسع انا جبت سيرة مدنية

عاين
انا لما قريت كلامه ليك
ضحكت بيني وبين روحي
ماجبت سيرتك

لكن من هنا ورايح بباريك مبارة شديد:mad::mad::mad::mad::mad::mad:


درديري مع احترامي ليك
لكن كان لازم ارد لود مصباح دا
مدنيّة
04-09-2009, 01:39 AM
قالوا كم مره سودانية قعدات يغتابن ( يقطعن) في مره غايبة فجاه لقوها واقفة في راسهن .. واحدة منهن عشان تصلح الموقف قالت ( اها بعداك قومي كدا يالمره موتي) عشان تستبعدخالص انه لصاحبة السيرة يمكن تكون هي طالما هي لازالت حية ترزق . . هذه عبارة مخدرة من النوع التقيل بل قول مضلله .

والله يادرديري
اول مرة اعرف حكاية "قومي يالمرة موتي"
مع انها مشهورة جدا

تسلم والله
درديري كباشي
04-09-2009, 01:58 AM
اهاااااااااااااااااااااااااااااااااااااااااااااااا اااااااااااااااااااااااااااااااااااااا

يا دوب فهمت

يعني انت يا ود المصباح قاصد تقول انه مدنية مع احترامنا ليها الشديد من النوع البيقول قراءه اولى وساعاود ... وتتخارج وتنسى الموضوع ....


يعني زي الواحد لراح لبيت المناسبة بعد ما ضرب صحنين كوكتيل راح مطلع بطاقة البنك للناس الماسكين الكشف وقال ليهم ماعندكم صراف آلي ؟؟؟؟يعني هو لو كان عاوز يدفع كان جاب معاه الكاش في جيبه .


على كل حال نحن كتابتنا زي فطور رمضان بتاعنا تقعد قعدة واحدة وتضرب بعدين تفكر في الحاجات الثانية .. لكن حكاية تحلل ببلحتين وموية وترجع بعدين ما معانا ..