المساعد الشخصي الرقمي

مشاهدة النسخة كاملة : محطات على رصيف الغربة ......@@@


ابوخالد
02-09-2009, 01:31 PM
أحبتى الأفاضل ..... أنت وهى ..
رمضان كريم ...

القلب النبيل لايفترض وجود خواطر رديئة فى غيره
لأن لاوجود لها عنده ..

فى مسيرة كلٌ منا محطات ترمى بظلالها بين وقتٍ وأخر ...
فلنجعل صفحتنا هذه مصبآ لمحطاتنا ... وتجاربنا فى الغربة ...
فلنتبادل تلك المحطات حلوها ومُرها ...
المواقف كثيرة من صديق أو قريب أو ودبلد ...

وظلم ذوى القربى أشد مرارة على النفس من وقع الحسام المهندِ

ياحقُ ما تركت لى صديقٌ

من يفعل الخير لايعدم جوازيه لايذهب العرف بين الله والناسِ

فلنسطر محطاتنا المضيئة مع الآخرين تقديرآ وإمتنانآ لهم ...
ومحطاتنا المظلمة التى تعيأ نفوسنا حملها نسطرها للعظة والعِبرة ...


وكل شجاعة فى المرء تغنى ولا مثل الشجاعة فى الحكيم

ولا خيرَ فى خِـلٍ يخن خليله ويلقاهُ من بعد المودة بالجفأ


ولكم مودتى
درديري كباشي
02-09-2009, 01:45 PM
لا يا ابو خالد ابدا لينا انت الاول في سرد خطوات غربتك من البداية .. انا ما عاوز ابدا عشان ما احدد مسار البوست .. لكن انت لو ذكرت سيرتك الذاتية كمغترب من اولى خطواتك .. ابدا لينا اول من الكفيل البدوي القال لك ( انا لاادري مهندس ولا اش لون انت جيتني راعي تروح تشتغل عندي راعي في البر وتراعي الحلال .. ولا حصلت مع غيرك .. لكن هي تجربة مر بها حتى الاطباء ... ولا موضوع فيه هوى .. المهم ابدا انت الاول عشان نعرف اتجاه البوست )
أشرف صلاح السعيد
02-09-2009, 01:55 PM
ابوخالد عوافى..

أحبتى الأفاضل ..... أنت وهى ..

دى زاتا مامحطة؟ أنت وهى!!
ليه ماأنت وأنتِ؟
وبرجع ليك بس النستجمع ماتبقى من مقدرة على اللا نسيان..
الاميره
02-09-2009, 02:34 PM
محطه مضيئه:
هذا المنتدى الذى اصبح له صفحات من دفتر اسطر عليه ما يجيش فى خاطرى ..ورب اخ لك لم تلده امك ..تعلمت الكثير واستنرت اكثر وشاركت بالبسيط الذى املكه..واتنمى لمدينتى ان ان تنعم بالرخاء والتنميه...
الاميره
02-09-2009, 02:50 PM
محطه مظلمه:
كانت صديقتى اكن لها كل تقدير ..سافرت الى السودان ..وعدت ..كانت قد وضعت مولودتها الاخيره فذهبنا لزيارتهم ..لفت نظرها الثوب الذى ارتديه ..ودار الحوار التالى:الله توبك دا شكلو حلو من وين
قلت: من هنا.. ويوم ما اشتريتو لاقينا زوجك ومعه قريبتكم بشتروا فى تياب من نفس المحل
اعدت الشاى ورجعت جلست الى جانبى تسألنى:وصفى لى المره دى شكلها كيف..وانا بكل بساطه اريحيه رحت فى الاسهاب وفى الشرح وما كنت فاكره ابدا ..انى ولعتها نارا جحيما بينها وزوجها ..ومن حينها ما تلقى ليها فرصه الا ترمى بى فى المواقف المحرجه ..وتغيرت معاملتها واصبحت فى نظرها كالبعبع المخيف..وافترقنا..
ود الجعلي
02-09-2009, 04:28 PM
كلام حكم ودرر ولكل عبارة ادليت بها لها مسار حياة كامل
شكرا" ايها الرجل الانيق المحترم ابوخالد

ولكن نحن متمردون فينا بقايا عصيان وخروج عن النص


عموما" والله العظيم "ما كسار تلج" زي مابقول الجندي المجهول .... لكني بحترمك جدا
ود الجعلي
02-09-2009, 04:33 PM
محطه مظلمه:
كانت صديقتى اكن لها كل تقدير ..سافرت الى السودان ..وعدت ..كانت قد وضعت مولودتها الاخيره فذهبنا لزيارتهم ..لفت نظرها الثوب الذى ارتديه ..ودار الحوار التالى:الله توبك دا شكلو حلو من وين
قلت: من هنا.. ويوم ما اشتريتو لاقينا زوجك ومعه قريبتكم بشتروا فى تياب من نفس المحل
اعدت الشاى ورجعت جلست الى جانبى تسألنى:وصفى لى المره دى شكلها كيف..وانا بكل بساطه اريحيه رحت فى الاسهاب وفى الشرح وما كنت فاكره ابدا ..انى ولعتها نارا جحيما بينها وزوجها ..ومن حينها ما تلقى ليها فرصه الا ترمى بى فى المواقف المحرجه ..وتغيرت معاملتها واصبحت فى نظرها كالبعبع المخيف..وافترقنا..

مع احترامي لكل الاسر المغتربة يا الاميرة

لكن بصراحة بعضا من المغتربين وحريمهم عجبا" عجاب اللهم ابقينا كما خلقتنا سودانيون مسلمون اصيلون اولاد قبائل آمين
ابوخالد
03-09-2009, 02:03 AM
لا يا ابو خالد ابدا لينا انت الاول في سرد خطوات غربتك من البداية .. انا ما عاوز ابدا عشان ما احدد مسار البوست .. لكن انت لو ذكرت سيرتك الذاتية كمغترب من اولى خطواتك .. ابدا لينا اول من الكفيل البدوي القال لك ( انا لاادري مهندس ولا اش لون انت جيتني راعي تروح تشتغل عندي راعي في البر وتراعي الحلال .. ولا حصلت مع غيرك .. لكن هي تجربة مر بها حتى الاطباء ... ولا موضوع فيه هوى .. المهم ابدا انت الاول عشان نعرف اتجاه البوست )




بوركت أخى أبو الدر على المرور الليلى ...

أنا خائف ليلى دى تأكد ظنون أختنا الملكة .. وتمسكا دليل إدانة ...
أقصد حلة جديدة موثوق منها ...
لادى قصتى مع الكفيل إنو أنا سواق وهو ما عندهم سيارات
غير واحدة ... فأصر أن أشتغل صبيب قهوة ... حاجة ذى ( يا ولد
كب الجبنة لأعمامك ديل ) ... قال فى المجلس قال ...
وهو المجلس كله 4×5 .. يعنى المشب مآخد نص الغرفة ...

لكن يادرديرى البوست عشان تفضفضوا شوية ...

يلا أدينا محطة مضيئة أومظلمة والا الإتنين فى صحن واحد ..
الظاهر رمضان دخل العضم ... صحانة وبوفيهات وبامية مفروكة
وإستاكوزا .. وحِلل ... وجرادل ...

والله يستر
تصوم وتفطر على خير
ابوخالد
03-09-2009, 02:10 AM
ابوخالد عوافى..

أحبتى الأفاضل ..... أنت وهى ..

دى زاتا مامحطة؟ أنت وهى!!
ليه ماأنت وأنتِ؟
وبرجع ليك بس النستجمع ماتبقى من مقدرة على اللا نسيان..



طبعآ أنت وأنتِ ... كأنهم قاعدين جنب بعض ...

لكن أنت وهى ... بيوحى ليك إنها بعيدة ... نظام يا عبدالسلام ...

خلينا فى المهم منتظرينك فى البوفية المفتوح ...
عشان تعبئ فسفور ... وتجينا تدور ... وتقع فى الخور ..
وحتة مضيئة وحتة مظلمة ... وتولع ...
حاتم مرزوق
03-09-2009, 02:28 AM
الذاكرة ملئي .. ابا خالد ولكننا سنظل نستجمع كل شاردة وواردة حتي تزخر اوراق الذكريات بتفاصيل اكثر اثارة.

طالما ان العبرة بالخواتيم فسننتظر احداث الختام وعليها سنبني جسم القصة.

الي ذلكم الحين نقول من امثال اهلنا (من خلي داره قل مقداره)
فقصتنا في الغربة أكثرها يحكي عن السودان الوطن الذي لفظ ابناءه رغم كل هذه الأمكانيات الضخمة والموارد العملاقة، السودان الذي فشل خبراءه و مثقفيه في استغلال ثرواته.

ولكن لن تضع الأيام منا سدا فنحن نربي جيلا جديدا علي اسس جديدة ليقودوا هذه الأرض الطيبة الي بر الأمان هذه الأرض التي فشل كبارها في تحمل مسئوليتها وأكلوا قليلها واستأثروا به لأنفسهم الشح وتركوا اطفالها في الظلمات يعمهون.

سنأتي الي كل هذا الكلام ان مد الله في الأيام.
درديري كباشي
03-09-2009, 02:29 AM
ا
ماشي يا ابو خالد انا سافتتح لكم المحطات وحا ابداها من اول محطة لي في الغربة مطار الخرطوم صالة المغادرة ..

في يوم 8/6/98 مطار الخرطوم الساعة ثمانية صباحا كانت اولى خطواتي لمغادرة السودان في اول مره .. وكانت توجد صعوبات كثيرة جدا منها ممنوع خروج العملة الصعبة .. وانا بعد ما بعت سيارتي في السودان اشتريت الفيزا وحولت باقي المبلغ امامي للسعودية حتى لا احمل عملة صعبة في جيبي في تلك الظروف الصعبة.. دخلت صالة المغادرة بعد الاجراءات بعد ان تركت محمد ولدي وعمره ثلاث سنوات مع امه في الخارج مع اخواتي ودعتهم .. بعد دموع البكاء .. المترجم الخااص في راسي كاد ينتحر في ذلك اليوم لان راسي يكاد ينفجر مع احتمالات كثيرة ..ر ايح لبلد لاول مره لاتعرف عنه شئ .. معتمد على استقبال الاخوان في المطار .. مغادر الزوجة والطفل والاخوان والاحباب والاصدقاء .. حتى صالة مغادرة هي اشبه بالبرزخ .. لانك في قوانين السودان انك غادرت البلاد طالما اشرت خروج .. وفي السعودية لم تدخل لانك لم تصل .. اذا اين انت في هذه الدنيا .. في صالة مغادرة .. وانا في هذه الهواجس فجاة سمعت اسمي بالميكرفون مثلثا ( على المسافر درديري كباشي الامين مراجعة بوابة الدخول .. طبعا انا راسي شعرت بانه تضخم وملا الصالة .. لانه مثل هذا النداء اما شخص محظور .. او شخص عثرت على مخدرات في شنطته والعياذ بالله ..طبعا وقفت وذهبت ناحية البوابة وكاني رجل الي تحت انظار الجميع وفضولهم .. ورحت البوابة لاكتشف انها بنت شغالة في المطار وعاوزة توصيني وصية لاخيها في السعودية كان ممكن تقولها بالتلفون ..ولكن يبدو انها ارادت فقط ان تستعرض لاهلي في انها قادرة على ندائي حتى لو دخلت صالة المغادرة . وما فكرت في الرعب والهم الذي ادخلتني فيه .. ولكن المفاجاة بعد مارجعت وجدت اخواني وزوجتي جالسين في الكافتريا ويضحكوا ونسوني .. وقلت وين الدموع والحنان دا كله كان حملة انتخابية .. الله يعين ..
أشرف صلاح السعيد
03-09-2009, 03:31 AM
قصتى ترجع الى الثمانينات حيث سافر والدى الى السعودية معارا من وزارة الصحة ..ولما كان من المقرر لى مواصلة دراستى الثانوية بالسودان عمل لى والدى زيارة الى السعوديةوكانت المرة الأولى لى بالسفر وحيدا دون باقى العائلة..المهم اخوك لبس اقيف حاجة عندو وكدا عشان يشرف ابوهو فى غربتو..وركبتا الطيارة ونزلنا مطار جدة..قابلنى أبى بحفاوة ومنها على السوق مباشرة واشترى لى كم بنطلون وكم قميص..ولما سألتو لماذا الاستعجال على السوق قال ليى ياولدى ماكفاية البشتنة فى المطار بلبسك الشين دا..جرحنى جرحت جرحت وانا قايل نفسى ولا ابوالشياكة وأبوى شوية كان حيتبرا منى..
ولى عودات..
ابوخالد
03-09-2009, 04:27 AM
حباب كل المشاركين ... وح أرجع ليهم نفر ... نفر ...
علشان نخلص حق المشوار قبل محطاتهم تجى وينزلوا يخلونا ....

لكن عندى محطة مظيئة ... خلطة ...

المهم سنة 90 .. جينا البلد عمرة مع الوالدة ( ربى يديها العافية ويطول
لينا فى عمرا.. آآآآمين ) ... ودى أول مرة أنا أجى المملكة .. المهم بعد أداء
العمرة ... قررت أختنا وزوجها لازم ندخل الرياض ...
بعد تفكير ومشاورات توصلوا لى قطع تذكرتين للرياض وتذكرتين للمدينة
,اهم شئ تلبس الوالدة عباية سوداء وخمار ... يعنى تغطية كاملة ....

وندخل مطار جدة بتذكرة المدينة وبعدين ننتظر طيارة الرياض ونركب ...
دخلنا الصالة الداخلية بعد الجوازات ... كان زحمة مبالغ فيها ...
المهم دخلت الوالدة وأجلستها فى مقاعد خاصة بالعوائل فى الصالة ..
ولما قربت مواعيد طيارة الرياض ... قلت أمشى أكلم الوالدة عشان تجهز
وتعال شوف كل اللبس واحد سواد فى سواد ...
وأخوك يفتش ويكوس وسط الزحمة ... وسامع إنو البلد دى ماتقدر
تكلم حرمة ... وبقيت ألف وأدور ... وقلت أذيع بالميكرفون الشغلة
تجر وسين وجيم .... وأدعو فى سرى إنو الوالدة تنتبه لتفتيشى
عليها وتلكزنى ... برضو مافى فائدة ...لما فتحوا باب الصالة لأرض المطار
بدآ الناس بالتدريج يخفو ... وفى النهاية حتى لميت على الوالدة
قاعدة ومبسوطة تتونس مع حاجة سودانية وآخر إنبساطة ...


ودى أول محطة لى فى البلد دى ...
وسنواصل بقية المحطات
ابوخالد
03-09-2009, 04:33 AM
محطه مضيئه:
هذا المنتدى الذى اصبح له صفحات من دفتر اسطر عليه ما يجيش فى خاطرى ..ورب اخ لك لم تلده امك ..تعلمت الكثير واستنرت اكثر وشاركت بالبسيط الذى املكه..واتنمى لمدينتى ان ان تنعم بالرخاء والتنميه...


الأميرة كل التحايا لك ...

ومشكورة على الطلة الحلوة دى ...

جعل الله لنا هذا المنتدى منارة نتهدى بها الى نور المعرفة ..

وصادق الإلفة... وخوة الكلمة ... اللهم أحفظه بحفظك .....

آآآآآآآآآآآمين
الملكة اسماء ( ام محمد )
04-09-2009, 01:19 AM
بوركت أخى أبو الدر على المرور الليلى ...


أنا خائف ليلى دى تأكد ظنون أختنا الملكة .. وتمسكا دليل إدانة ...
أقصد حلة جديدة موثوق منها ...



حسستوني انه في حرامي فيكم وبتحاولوا تقلبوا القصة هظار عشان ما افهم حاجة :rolleyes::cool:
طبعا وبصفتي ( سُقد ) اقدر اقول ليك انه في تلات بساهروا في المنتدى وبحوموا في شوارع الاقسام المختلفة لحد قريب الاذان( ابو الدُر - اشرف السعيد - واحيانا ابو خالد .. وآخرون ) لكن بعد كلامك دا ح افتح عيوني كويس:rolleyes::D:D:D:rolleyes:
الملكة اسماء ( ام محمد )
04-09-2009, 01:23 AM
..ولما سألتو لماذا الاستعجال على السوق قال ليى ياولدى ماكفاية البشتنة فى المطار بلبسك الشين دا..جرحنى جرحت جرحت وانا قايل نفسى ولا ابوالشياكة وأبوى شوية كان حيتبرا منى..


:):):):)
واللذيذة لماتجي من السودان .. تحس الناس دي نظيييييييفة وتقرب تقول ليهم لونكم فاتح وهدومكم نظيفة
والعكس لماترجع السودان من غربة .. تقرب تمسك ليك كرتونة صابون وتوزعها للناس وتقول ليهم اتلمعوا بالله ( لونكم شربان ):)
tigani18
04-09-2009, 02:51 AM
قلت: من هنا.. ويوم ما اشتريتو لاقينا زوجك ومعه قريبتكم بشتروا فى تياب من نفس المحل


الأميرة هههههههه رمضان كريم ,,,
tigani18
04-09-2009, 02:58 AM
ا
وانا في هذه الهواجس فجاة سمعت اسمي بالميكرفون مثلثا ( على المسافر درديري كباشي الامين مراجعة بوابة الدخول .. طبعا انا راسي شعرت بانه تضخم وملا الصالة ..
..طبعا وقفت وذهبت ناحية البوابة وكاني رجل الي تحت انظار الجميع وفضولهم ..

الأديب الفذ درديري ,,,
طبعاً إتخيلت المشهد والمنظر ولقيت نفسي مع الأنظار المتجه ليك ,,,(طبعاً العلم دي عليها جنس شماراااات),,,,
وماعرفته أضحك ولا أكتم المنظر ,,,صراحة موقف أقلّ مايوصف بأنه الغباء لهذه البنت,,,
دمت بخير ويوم جميل,,,
tigani18
04-09-2009, 03:02 AM
..المهم اخوك لبس اقيف حاجة عندو وكدا عشان يشرف ابوهو فى غربتو..
.
.
.
قال ليى ياولدى ماكفاية البشتنة فى المطار بلبسك الشين دا..

قلت لي يا باشمهندس فاكر نفسك كااااااشخ وكده,,, هههههه
دي مايكون سمعها ابوخالد ,,,,دمت بفرح مقيم ,,,
tigani18
04-09-2009, 03:13 AM
وتعال شوف كل اللبس واحد سواد فى سواد ...
وأخوك يفتش ويكوس وسط الزحمة ... وسامع إنو البلد دى ماتقدر
تكلم حرمة ...

زي ماقلته أي شئ ولا شوالات الفحم
.
.
.
قاعدة ومبسوطة تتونس مع حاجة سودانية وآخر إنبساطة ...
هههه الله يديها العافية



صاحب الحضور الكثيف الممزوج بروعة الكتابة ,,, مهندس أبو خالد
كم هي جميلة إختياراتك النصوصية التي تمحو الغبار عن ذكريات الغربة ,,,
شكرا لك حين أخرجت المكنون بصدور المارين فاسترقت النظر واستمتعت بذكرياتهم ,,
ابوخالد
04-09-2009, 03:47 AM
حسستوني انه في حرامي فيكم وبتحاولوا تقلبوا القصة هظار عشان ما افهم حاجة :rolleyes::cool:
طبعا وبصفتي ( سُقد ) اقدر اقول ليك انه في تلات بساهروا في المنتدى وبحوموا في شوارع الاقسام المختلفة لحد قريب الاذان( ابو الدُر - اشرف السعيد - واحيانا ابو خالد .. وآخرون ) لكن بعد كلامك دا ح افتح عيوني كويس:rolleyes::d:d:d:rolleyes:




وده معقعول ياسكيننة إنتى ما عارفه البت دى محمية طبيعية ....
ممنوع الإغتراب أو التصوير ....
أتاريه يابت ياريا سمعت من عبدالعال جوزى إنها عندها حصانة .... يعنى أى
محاولة كدة والأكدة .... تقوم حرب سفارات عجاجتا فوق ....
ابوخالد
04-09-2009, 04:03 AM
محطه مظلمه:
كانت صديقتى اكن لها كل تقدير ..سافرت الى السودان ..وعدت ..كانت قد وضعت مولودتها الاخيره فذهبنا لزيارتهم ..لفت نظرها الثوب الذى ارتديه ..ودار الحوار التالى:الله توبك دا شكلو حلو من وين
قلت: من هنا.. ويوم ما اشتريتو لاقينا زوجك ومعه قريبتكم بشتروا فى تياب من نفس المحل
اعدت الشاى ورجعت جلست الى جانبى تسألنى:وصفى لى المره دى شكلها كيف..وانا بكل بساطه اريحيه رحت فى الاسهاب وفى الشرح وما كنت فاكره ابدا ..انى ولعتها نارا جحيما بينها وزوجها ..ومن حينها ما تلقى ليها فرصه الا ترمى بى فى المواقف المحرجه ..وتغيرت معاملتها واصبحت فى نظرها كالبعبع المخيف..وافترقنا..




إنها فعلآ محطة مظلمة ... أيتها الأميرة ....

ولكن تأتى الرياح بما لاتشتهى السَفِن .....

وأتمنى لكم مواصلة الصداقة ... وتوضيح الإمور ...


ورمضان كريم
ابوخالد
04-09-2009, 04:24 AM
كلام حكم ودرر ولكل عبارة ادليت بها لها مسار حياة كامل
شكرا" ايها الرجل الانيق المحترم ابوخالد

ولكن نحن متمردون فينا بقايا عصيان وخروج عن النص


عموما" والله العظيم "ما كسار تلج" زي مابقول الجندي المجهول .... لكني بحترمك جدا



التمرد هو صفير البراكين ....
أكان دقش أضانك كب الفللى ساكت ....


إلا ياود الجعلى ....
محطاتك منتظرنها ... وياريت تحكى عن قصة الخروف المشهور
بيهو ده ......... ومشكور على الكلام الجميل أخى ...
أين نحن من قاماتكم الباسقة ....



ولك كل الود والإحترام
خالد 000 ابقرجة
04-09-2009, 05:11 AM
الزمل ابو خالد
التحية لك ولضيوفك 000
جئت فقط لتسجيل الحضور 000
وحجز مقعد مبكر 000
فصالات الانتظار علمتنا أن نحرص علي حجز أماكننا باكرا
حتي لا يتم زحلقتك لصالح حجز احتياطي لقريب موظف الخطوط 000

بس قبال ما أمشي 000
المديدة حرقتني 000
خلي أشرف صلاح احكي ليك البرلمة بتاعت فندق مارشال في حفل استقبال البرالمة بالمنصورة :p:p:p:p
أبو الشوش 000
خلي روحك رياضية
وقول ختو ليك في جيب البدلة كم شوكة ومعلقة :p:p:p
بدر الدين احمد الطائف
04-09-2009, 05:24 AM
الاخ الحبيب ابوخالد متعك الله بالصحه والعافيه
فى بداية وعى للحياة وفى فترة الشباب كانت لدى الكثير من الافكار والمفاهيم وكنت اعتبر ان بعضها من الثوابت الذى لا رجعةمنه .
ما كان فى بالى اننى فى يوم من الايام حا اكون مصنف من فئة المقتربين
كان عندى راى فى الناس الذين يهاجروا من الوطن بسبب القروش
كان عندى راى فى الناس البيسيبو زوجاتهم واولادهم بالسنين من اجل المال.
كنت احدث نفسى لن اترك بلدى من اجا حفنة من الدولارات لن اترك اهلى يعيشون المعاناة وانا بعيد عنهم

وللحديث بقية
ابوخالد
04-09-2009, 11:42 AM
الذاكرة ملئي .. ابا خالد ولكننا سنظل نستجمع كل شاردة وواردة حتي تزخر اوراق الذكريات بتفاصيل اكثر اثارة.

طالما ان العبرة بالخواتيم فسننتظر احداث الختام وعليها سنبني جسم القصة.

الي ذلكم الحين نقول من امثال اهلنا (من خلي داره قل مقداره)
فقصتنا في الغربة أكثرها يحكي عن السودان الوطن الذي لفظ ابناءه رغم كل هذه الأمكانيات الضخمة والموارد العملاقة، السودان الذي فشل خبراءه و مثقفيه في استغلال ثرواته.

ولكن لن تضع الأيام منا سدا فنحن نربي جيلا جديدا علي اسس جديدة ليقودوا هذه الأرض الطيبة الي بر الأمان هذه الأرض التي فشل كبارها في تحمل مسئوليتها وأكلوا قليلها واستأثروا به لأنفسهم الشح وتركوا اطفالها في الظلمات يعمهون.

سنأتي الي كل هذا الكلام ان مد الله في الأيام.

الرائع حاتم مرزوق .... يا كلك ذوق ...
لكل مقامٍ مقال ولكل زمانٌ رِجال ...
وهيهات أن تكتم فى الظلام مشاعلٌ ....

وللوطن مساحات تحمل العناء دهورآ ... فليت الدهر يسمح
بأن نمح القليل من ذاك العناءُ ...
وإلى من إستاثروا لأنفسهم الصيد الثمين ... نقول ...
سكتُ عن السفيه فظن أنى عييت عن الكلام وما عُييتُ ...
فإن الجرح ينفرُ بعد حينٍ إذا كان البناء على فسادِ ...
لك الود أخى ...

وفى إنتظار محطاتكم الثرة ...
أشرف صلاح السعيد
04-09-2009, 11:59 AM
ابوخالد سلام..
والله نافذتك دى شكلا كمين..نكتب فيها وتشيل المعلومات تستعملا ضدنا..
وبعدين اب قرجة دا هسع دخل بس عشان قصة برلمتى بالمنصورة مع انو القصة مقلب وليس برلمة..
كنا برالمة بالمنصورة واخوك مشهور بالفصاحة واللداحة على السناير اياميها..قام بحفلة استقبال البرالمة اخوك لابس فل سوت ثرى بيس وعامل فيها عريس..وكان ضمن البرنامج فى كرسى ساخن للبرالمة..واخوك لما قعد فيو سألو عن موقف اتبرلم فيو..قام العبد لله وبملأ فمو قال : هو وينم السناير الابرلمونى..اصحابك السناير صروها ليا فى حنانم..المهم الحفلة مدورة وكانت فى صالة بفندق جديد كرت خمسة نجوم بالمنصورة بمصر..اها صاحبك حاتيو ويجبجب فى امان الله ومايلاقى ليك الا واحد من الجرسونات يجيو ويطلب منو يمشى معاو..اها انا لغاية هنا ماكان عندى مشكلة بس الجرسون مسكنى من يدى والناس الحوليا بقدرة قادر اختفت وبقيت براى مع الجرسون ابو ببيونة وماالاقى الجرسون الا مدخل يدو فى جيب البدلة ويطلع ليك كمشة معالق وسكاكين من جيبى والسناير بقو صحفيين نزلو ليك جنس تصوير..وطبعا اخوك لديح ..قمت عاينتا ليهم وقولتا ليهم والله انكم سناير طيور هى البرلمة كدا دا مقلب ياوهم..المحيرنى كمشة الملاعق والسكاكين دى كلها اتختت وانا ماحسيت بيها كيف ماعارف لهسى..ياخى ديل نشالين ماسناير ..
ارتحتا ياود الطيب؟ تعال انتا وورينا اتبرلمتا كييييييييييف؟ ومنى انا..ياالسجلتا عضوية فى الاتحاد العام..ههههههههههههههههه
درديري كباشي
04-09-2009, 01:51 PM
[/right]

:):):):)
واللذيذة لماتجي من السودان .. تحس الناس دي نظيييييييفة وتقرب تقول ليهم لونكم فاتح وهدومكم نظيفة
والعكس لماترجع السودان من غربة .. تقرب تمسك ليك كرتونة صابون وتوزعها للناس وتقول ليهم اتلمعوا بالله ( لونكم شربان ):)





دا انا الجاتني صحية بالليل ولقيت الملكة حايمة في المنتديات وتكركب في الحلل .. وقلت لها عاوزة شنو في المنتديات قالت عاوزة تشرب .. قلت لها هنا تشربي ما حا تروي
الملكة اسماء ( ام محمد )
04-09-2009, 02:02 PM
انا الجاتني صحية بالليل ولقيت الملكة حايمة في المنتديات وتكركب في الحلل .. وقلت لها عاوزة شنو في المنتديات قالت عاوزة تشرب .. قلت لها هنا تشربي ما حا تروي


مع اني كنت بكركب في غطاء زير النيمة لكن بمشيها ليك
تصدق انا جد مستغربة من الشراهة الحاصلة لي ورغبة الاطلاع على كتابات الناس ومتابعة الردود
رغم اني ما كنت بحب اقراء نهائيا في مقابل عشقي للكتابة
حتى البكتبه ساعات مابرجع اقراه
سبحان مُغير الاحوال
ربنا يقدرنا نفيد ونستفيد
الكركبة هينة
ابوخالد
04-09-2009, 05:38 PM
دا انا الجاتني صحية بالليل ولقيت الملكة حايمة في المنتديات وتكركب في الحلل .. وقلت لها عاوزة شنو في المنتديات قالت عاوزة تشرب .. قلت لها هنا تشربي ما حا تروي


هاااااااااااااااااااااااااااااااا
مين هناك ................................
إظهر وبان .......................................مين جنب التيبار ...............


مع اني كنت بكركب في غطاء زير النيمة لكن بمشيها ليك
تصدق انا جد مستغربة من الشراهة الحاصلة لي ورغبة الاطلاع على كتابات الناس ومتابعة الردود
رغم اني ما كنت بحب اقراء نهائيا في مقابل عشقي للكتابة
حتى البكتبه ساعات مابرجع اقراه
سبحان مُغير الاحوال
ربنا يقدرنا نفيد ونستفيد
الكركبة هينة



نحن هنا ........ مين بيفتش فى دهاليز المحطات ...
شايف حد بيسرق فى لحظات الإستمتاع ... بعد قطار النوم
شال الأقلام الحزينة ....الخائفه تبعد من مدارك ... وتسقط العبرات
تخاطب فى الحروف ... الماليها خوف .... من لهفتك ....
لهفة رضيع شائف غيوم فوق الأفق ... بس غلبو الكلام ....
فضل يكركب فى الحلل ... كان يلقا حل .....
بدر الدين احمد الطائف
04-09-2009, 10:27 PM
[/right]

:):):):)
واللذيذة لماتجي من السودان .. تحس الناس دي نظيييييييفة وتقرب تقول ليهم لونكم فاتح وهدومكم نظيفة
والعكس لماترجع السودان من غربة .. تقرب تمسك ليك كرتونة صابون وتوزعها للناس وتقول ليهم اتلمعوا بالله ( لونكم شربان ):)





تعرفى يا ملكة كلامك عن النضافة ده ذكرنى واحده قريبتى سافرت المانيا وقعدت عشرة سنوات ما رجعت السودان ولما جات راجعة قالت شفت الناس فى المطار ضعاف وسود قعدته ابكى واقول الناس مالهم الحصل ليهم شنو .
والكلام ده حقيقى اها رايك شنو الزوله دى مش طيبة عليك الله.
ابوخالد
04-09-2009, 10:48 PM
تعرفى يا ملكة كلامك عن النضافة ده ذكرنى واحده قريبتى سافرت المانيا وقعدت عشرة سنوات ما رجعت السودان ولما جات راجعة قالت شفت الناس فى المطار ضعاف وسود قعدته ابكى واقول الناس مالهم الحصل ليهم شنو .
والكلام ده حقيقى اها رايك شنو الزوله دى مش طيبة عليك الله.


رائعة وفى مكانا بالضبط أخى بدرالدين ....

مريت عليها وغلبنى إلا أن أعلق عليها ........

والله طيبة...... والطيبة ذاتا ماخدا منها حبة طيب .....

دمت بألف خير أخى ....


إتكاءة ....
شنو أب أربعة حق السماية ..... سُكيتى كدى ....
طيب سميتو منو

ماعلينا .... تصوموا وتفطروا على خير
بدر الدين احمد الطائف
04-09-2009, 11:03 PM
نواصل
كنت رافض فكرة الاقتراب يمكن بسبب الافكار التى ذكرتها سابقا وما حدث بعد كدة خلانى اخاف من الاقتراب اكتر واكتر .
فى يوم من الايام وانا راجع من مشوار وفى واحد من الشوارع الرئيسيه فى مدنى قابلت فتاة كنت اعرفها واعرف اهلها وهى واقفة فى طرف الشارع فى مكان شبة مظلم .وكانت بهيئة غير محتشمة واصحاب العربيات الفارهة لم يتركوها فى حالها كل شوية يقيف جبنها واحد اتفضلى اركبى اوصلك وهى لاترد عليهم او بالاصح كانت متردده ما بين الركوب وعدمه . المهم اقتربت منها
السلام عليكم يا فلانه
وعليكم السلام
مالك واقفة كده ان شاء الله مافى مشكلة
لا لا ابدا انا كنت فى مشوار وراجعة البيت عاوزة لى ركشة
طيب انا ذاتى ماشى البيت يلا امشى اوصلك معاى
فى الطريق حدثتها عن الخروج اخر الليل وما فيه من شبهة والركوب فى العربيات الخاصة وما فيه من مخاطر وكلام كتير عن الحاجات البتحصل مع البنات البيطعلوا براهم فى مشواير ذى دى .وبمجرد ما خلصت كلامى اذا بالبنت تنفجر بالبكاء وكانت الماساءة .
وحكت لى حكايتها وخلتنى انعل ابو الاقتراب وسنينه .
وقلت خلاص اصلو الواحد عنده راى فى مسالة الاقتراب دى وبحكاية البت دى الناقصة تمت.




ونواصل
يا جماعة طولوا بالكم شويه ماتقولوا الزول ده مفروض يحكى لينا التجربة بتاعتة من ما شال شنطتة ومشى المطار بجيكم بعدين .
بدر الدين احمد الطائف
04-09-2009, 11:08 PM
رائعة وفى مكانا بالضبط أخى بدرالدين ....

مريت عليها وغلبنى إلا أن أعلق عليها ........

والله طيبة...... والطيبة ذاتا ماخدا منها حبة طيب .....

دمت بألف خير أخى ....


إتكاءة ....
شنو أب أربعة حق السماية ..... سُكيتى كدى ....
طيب سميتو منو

ماعلينا .... تصوموا وتفطروا على خير

ها ها ها ها هاى
صاحبنا شكلة عاوز يعمل السمايه مع الضحية
امبارح اتصل على وما جاب سيره
هسع تلاقهوقاعد يقراء فى الكلام ده ويقول شوف ....................ديل
ما تخاف بديك خبر
مشكور يا با شمهندس.
ابوخالد
04-09-2009, 11:11 PM
الله يطولك ياروح ......

خروف .... وعديناها .......

طولت بال ..... دى الوحيدة الما عندنا فى رمضان ده ....

كدى تعال صوم ليك يوم فى الرياض ....
بدر الدين احمد الطائف
05-09-2009, 05:32 AM
الله يطولك ياروح ......

خروف .... وعديناها .......

طولت بال ..... دى الوحيدة الما عندنا فى رمضان ده ....

كدى تعال صوم ليك يوم فى الرياض ....

ابو خالد تحياتى ومشكور على الدعوه الكريمه دى
والله لو ربنا سهل الامور ممكن نمشى الرياض فى العيد


بنجيكم جهز الخروف
ابوخالد
05-09-2009, 01:30 PM
ابو خالد تحياتى ومشكور على الدعوه الكريمه دى
والله لو ربنا سهل الامور ممكن نمشى الرياض فى العيد


بنجيكم جهز الخروف

بدر الدين شكلا محطة رائعة ....

ياريت تواصل فيها .... لأنك عملتا لينا شحتافة روح ....

ومرحب بكم فى الرياض فى أى وقت .... والباقى ساهل ...

خروف واحد قليل عليكم .... بس أبقوا طلو ...

تحياتى لخالد والعيال ...

ورمضان كريم
الاميره
05-09-2009, 03:16 PM
محطه صعبة
وكلنا سودانيون خرجنا من ارض شاسعه بمختلف القبائل والعادات والسلوك..
ولتقينا فى الغربه..ويتملكنا الحنين والعوده للجزور..وكل واحد يلاقى التانى عايز يتعرف وعايز يندمج..الناس طباع واخلاقيات مختلفه..فتلقى واحده كثيرة النظر لما فى بيتك ولازم تعمل احسن منك ..واحده تجى وتمشى ما عندها الاتكبير الافلام وترويجها عن فلانه وعلانه..والونسه فى وادى وانت فى الوادى التانى ..حاولت اعمل بالمقوله تفاهم مع الكل وخليك(مع الجاهله جاهله ومع البليده بليده ومع العالمه عالمه )حتى تنقضى سنين الغربه
التى لا اول ولا باين لها اخر ووجدت نفسى فى مفترق طرق فهذه الشخصيه المتعدده لا استطيع ان البسها وغير محتمله فرجعت لشخصى الحقيقى وتعاملت مع كل الناس بمنتهى الصدق والامانه..فالبليده مثلا لوكلامها ما فى محله بعمل على تصحيحها ..والعالمه اقارعها بالكلام والفاهمه ما بتحب حد يكون احسن منها ..وكثرة ما شرحت وغيرت وحسنت لم اجدهن بعد ذلك فقد... بعدن ..لاتفهمونى غلط.. لست متسلطه ..او جارحه ..ولكن هنالك من تريد ان تسيرك.. وتغير مسيرتك كما تحب ..
مع احترامى وتقديرى
بدر الدين احمد الطائف
05-09-2009, 10:43 PM
نواصل
بعد ان جفت دموعها من البكاء حكت لى اناوالدها مغترب ومنذ عشرات السنين يعمل فى بعض المهن الهامشيه ولفترات متقطعة بيرسل ليهم المصاريف شهريا لما يكون شقال وفى بعض الفترات يجلس بالشهور من غير عمل فى هذه الفترة تنقطع عنهم المصاريف ولايكون لديهم مصدر دخل غير القليل الذى تحصل عليه والدتهم من بعض الاعمال التى تقوم بها على قلتها مثل الخياطه وشراء بعض الملايات والملابس وبيعها بالاقساط على نساء الجيران.
المهم انها كانت قادرة وعلى قلة الدخل ان تصرف على بناتها وتغطى ولوالقليل من متطلباتهم .وحدث بعد ذلك ان مرضت الام ولم تقدر على الحراك من السرير بسبب هذا المرض اللعين الذى الم بها وفى نفس الوقت الوالد لم يفتح الله عليه فى بلاد الغربة باى عمل ولم يكن يدخر ولا اى مليم لمثل هذه الظروف الطارئه .واستمر الحال هكذا وهم فى اصعب الظروف يعشيون على الكفاف وبالقليل من المساعدة التى يجدونها من الجيران الى ان جاءت الطامه الكبرى وذلك بسبب مرض اختها الصغرى اخر العنقود .
حدثتنى
بصراحه انا ما قدرته اشوف امى عيانه واختى الصغيره عيانه وما عندنا حق العلاج وما عندنا حاجة ناكلها وابوى قاعد هناك فى بلاد الغربة دى بى طينه ودى بى عجينه وما شقال بينا انا كان لازم اتصرف ..
واتصرفت المسكينه ؟؟؟؟؟؟؟؟؟
طبعا انا قلت ليها ليه ماكلمتى اهلك اعمامك خيلانك .
وكانت الاجابة مافى زول شقال بينا .




ما احزننى جدا فى حكايتها وهو اصل الموضوع انه السيد الوالد مضيع سنين عمره فى غربه لا فائده منها وكان حصادها ضياع ابنته الكبيره وتضحيتها بكل شى من اجل امها واختها الصغرى.
فكرتة ياربى هل معقول انه يجى يوم من الايام واسافر لبلاد الغربة واسيب اولادى فى الظروف دى لا لا لا مستحيل.
اكلها كسرة بى مويه ولا اتغرب يوم واحد .
ودارت الايام
وابت الظروف الا وان اسافر واتغرب ونسيت كل الافكار التى كانت فى راسى ونسيت حكاية هذه البنت التعيسه
وكان هدفى هو بناء مستقبلى ومساعدة اهلى والسبيل الوحيد كان هو سبيل الاغتراب قاتله الله .
ومن هنا تبداء تجربتى فى حصاد الغربة.



اولا............ كلما ذكرته فى القصه السابقه هو من الواقع ثانيا........... اخى ابوخالد عذرا اذا طالت مشاركتى واخدت مساحة اكبر من المسوح به .وعذرا اذا خرجت قليلا عن محطاتك
بدر الدين احمد الطائف
08-09-2009, 12:55 AM
الاخوان الاعزاء
ابوخالد
درديرى
اشرف السعيد
بدرالدين
الاميرة
رمضان كريم
ما زلنا فى محطات السفر ننتظر قدوم قطار الذكريات .........وما تبقى وما تخبئه الزاكره من تجارب وعبر.
ام ضاعت الفكرة
ورمضان كريم مرة تانيه .
ابوخالد
11-09-2009, 06:21 PM
محطه مظلمه:
كانت صديقتى اكن لها كل تقدير ..سافرت الى السودان ..وعدت ..كانت قد وضعت مولودتها الاخيره فذهبنا لزيارتهم ..لفت نظرها الثوب الذى ارتديه ..ودار الحوار التالى:الله توبك دا شكلو حلو من وين
قلت: من هنا.. ويوم ما اشتريتو لاقينا زوجك ومعه قريبتكم بشتروا فى تياب من نفس المحل
اعدت الشاى ورجعت جلست الى جانبى تسألنى:وصفى لى المره دى شكلها كيف..وانا بكل بساطه اريحيه رحت فى الاسهاب وفى الشرح وما كنت فاكره ابدا ..انى ولعتها نارا جحيما بينها وزوجها ..ومن حينها ما تلقى ليها فرصه الا ترمى بى فى المواقف المحرجه ..وتغيرت معاملتها واصبحت فى نظرها كالبعبع المخيف..وافترقنا..



الأميرة ... كامل الود لك ...

كثيرون منا أطالوا الرحيل ...

ولكن يظلون دومآ فى دواخلنا لهم ألقٌ ...

قد تتناثر منا فى بعض الأحيان بعض الحروف بدون قصد ...

فتجرح

أو تثير قلقآ فى نفوس البعض منا ...

ولكن فلنعطر مساحات الود بعبق التسامح ...

ورياحين الإعتزار ...

ودومآ نقول :

لا تفتح بابآ يُعييك سده ... ولا ترم سهمآ يُعجزك رده ..

ولك بساتين الإحترام
dr-ahmed24
12-09-2009, 02:50 PM
سلاما يا رايعيين
اول محطة فى حياتى بعد ما وعيت على الدنيا كان وانا فى ودمدنى الحنينة . دخلت مدرسة ودمدنى الثانوية اول يوم لى جاى ببنطلون جنز وكنت لا قميص ابيض اكمامو طويلة اتخيلو وصلت بعد الجرس ب5 دقايق لقيت عمنا مليجى مستنينا فى باب المدرسة بسوط عنج (عب الليل) وكان الجو بارد والله اليوم داك ادقينا دق اول مرة فى حياتنا نضوق سوط جد جد. من اليوم داك بقينا نجى قبل الجرس بنص ساعة
ونواصــــــــــــــــــــــــــــــــــــــــــــل
ابوخالد
13-09-2009, 02:35 PM
كلام حكم ودرر ولكل عبارة ادليت بها لها مسار حياة كامل
شكرا" ايها الرجل الانيق المحترم ابوخالد

ولكن نحن متمردون فينا بقايا عصيان وخروج عن النص


عموما" والله العظيم "ما كسار تلج" زي مابقول الجندي المجهول .... لكني بحترمك جدا


الصادق الصدوق ... ود الجعلى ...
فارس الحوبة .... وقوام العوجة ...

الدر ما سطرت يداك ... أيها الرائع روعة دروب أرض المحنة ...
الشكر لك بعمق الحروف الإنكتب بيها الكلام ...
التمرد ياعزيزى هدير براكين الغضب ...
وكتين ينفجر بيشيل كل الصديد الإنزرع سنين طويلة ...
حاشاك من كسير التلج ... يافرحة القلب الحزين ...
يانبضة الحرف الندى ... حاشاك من الكسير ...
جندينا ما الجندى الهمام ... سيد الكلام والمنضمة ...
رمز الصمود والعولمة ...

بس تعال قول لى كيف الكورلا معاك ...

كل الود لمن يهواه قلبك
ابوخالد
17-09-2009, 11:51 AM
محطه صعبة
وكلنا سودانيون خرجنا من ارض شاسعه بمختلف القبائل والعادات والسلوك..
ولتقينا فى الغربه..ويتملكنا الحنين والعوده للجزور..وكل واحد يلاقى التانى عايز يتعرف وعايز يندمج..الناس طباع واخلاقيات مختلفه..فتلقى واحده كثيرة النظر لما فى بيتك ولازم تعمل احسن منك ..واحده تجى وتمشى ما عندها الاتكبير الافلام وترويجها عن فلانه وعلانه..والونسه فى وادى وانت فى الوادى التانى ..حاولت اعمل بالمقوله تفاهم مع الكل وخليك(مع الجاهله جاهله ومع البليده بليده ومع العالمه عالمه )حتى تنقضى سنين الغربه
التى لا اول ولا باين لها اخر ووجدت نفسى فى مفترق طرق فهذه الشخصيه المتعدده لا استطيع ان البسها وغير محتمله فرجعت لشخصى الحقيقى وتعاملت مع كل الناس بمنتهى الصدق والامانه..فالبليده مثلا لوكلامها ما فى محله بعمل على تصحيحها ..والعالمه اقارعها بالكلام والفاهمه ما بتحب حد يكون احسن منها ..وكثرة ما شرحت وغيرت وحسنت لم اجدهن بعد ذلك فقد... بعدن ..لاتفهمونى غلط.. لست متسلطه ..او جارحه ..ولكن هنالك من تريد ان تسيرك.. وتغير مسيرتك كما تحب ..
مع احترامى وتقديرى



سيدتى الاميرة سلام من الله عليك ......
حياة الغربة قاسية
وقد تحمل الإنسان على معايشة العديد
من الشخصيات المختلفة فى العادات
والأفهام والطباع .......
وهى حياة تجارب لابد لنا من معايشتها
بحلوها ومرها ..........


ودراسة وتحليل كل شخصية على حده ... ومعايشتها واقعيآ
إذا كنا حريصين على إستمرار العلاقة معها ......
ولكن شخصيتك ومدى القبول الذى
تجده عند من نتعامل
معهم لها تأثير كبير فى نمؤ وتطور العلاقة ......

أتمنى أن أكون قد ساهمت
فى توضيح تطبيع العلاقات مع الاخرين
بصورة جيدة وسليمة ......

ولك وافر الود والإحترام
ابوخالد
22-09-2009, 09:10 PM
بصراحه انا ما قدرته اشوف امى عيانه واختى الصغيره عيانه وما عندنا حق العلاج وما عندنا حاجة ناكلها وابوى قاعد هناك فى بلاد الغربة دى بى طينه ودى بى عجينه وما شقال بينا انا كان لازم اتصرف ..
واتصرفت المسكينه ؟؟؟؟؟؟؟؟؟



بدر الدين ود الطائف ...

عيدك مبارك ... وأقعد بخير فى كل عام .. والأسرة الكريمة ...

وبرضو منتظرين جيتك ... وشايفك فى صالات المنتدى تهنئ وتبارك

وتشارك .... وعامل طناش .... وبيجى الخريف ...

محطتك رائعة ومؤثرة ....

بس فى رائى الشخصى إنو الظروف ممكن الناس

تتغلب عليها بشتى السبل .... والطرق كتيرة ....

لكن البطلة إختارت أسهل الطرق .... وإتصرفت ...

وقد فقدت الكثير الذى لايمكن إسترداده بسهولة

التفريط فيه ....

ومزيد من المحطات ... واللقطات ... المكاوية ...
ابوخالد
23-09-2009, 11:13 AM
الاخوان الاعزاء
ابوخالد
درديرى
اشرف السعيد
بدرالدين
الاميرة
رمضان كريم
ما زلنا فى محطات السفر ننتظر قدوم قطار الذكريات .........وما تبقى وما تخبئه الزاكره من تجارب وعبر.
ام ضاعت الفكرة
ورمضان كريم مرة تانيه .



أخونا بدر الدين ودالطائف ....

مشكور على الإعتزار الأنيق ....
ولكن نتمنى التلاقى مع الهفة والشوق ....

قبلنا الإعتزار ... بس كمل لينا محطاتك إلى أن يتم
تلاقينا ... ونرجع ليك بهدوء ....

فكن دومآ ألقآ يرفرف حولنا ....

وكل عام والجميع بخير وصحة ...
ابوخالد
27-09-2009, 09:32 AM
الزمل ابو خالد
التحية لك ولضيوفك 000
جئت فقط لتسجيل الحضور 000
وحجز مقعد مبكر 000
فصالات الانتظار علمتنا أن نحرص علي حجز أماكننا باكرا
حتي لا يتم زحلقتك لصالح حجز احتياطي لقريب موظف الخطوط 000

بس قبال ما أمشي 000
المديدة حرقتني 000
خلي أشرف صلاح احكي ليك البرلمة بتاعت فندق مارشال في حفل استقبال البرالمة بالمنصورة :p:p:p:p
أبو الشوش 000
خلي روحك رياضية
وقول ختو ليك في جيب البدلة كم شوكة ومعلقة :p:p:p



الرائع ... خالد... أبقرجة ..
حجزنا المقعد .... ومنتظرين ...

محطة صاحبك كان داسيها مننا ..... لكن أخيرآ طلعت
بس بى تحفظ ... ياريت تحكيها لينا بالتفصيل
الممل ....

وفى إنتظار واحدة من محطاتك ....
ناس المدينة محطاتم فيها المتعة والروحانيات ...
يعنى بالعربى كده ... محطاتكم يزوروا فيها عديل كده .....
ابوخالد
11-10-2009, 07:13 PM
سلاما يا رايعيين
اول محطة فى حياتى بعد ما وعيت على الدنيا كان وانا فى ودمدنى الحنينة . دخلت مدرسة ودمدنى الثانوية اول يوم لى جاى ببنطلون جنز وكنت لا قميص ابيض اكمامو طويلة اتخيلو وصلت بعد الجرس ب5 دقايق لقيت عمنا مليجى مستنينا فى باب المدرسة بسوط عنج (عب الليل) وكان الجو بارد والله اليوم داك ادقينا دق اول مرة فى حياتنا نضوق سوط جد جد. من اليوم داك بقينا نجى قبل الجرس بنص ساعة
ونواصــــــــــــــــــــــــــــــــــــــــــــل



تحية وإحترام أخي ..

د.أحمد النويري ...

لك الشكر علي المرور الكريم ...

هناك من المحطات التي تظل عالقة بالذاكرة وخاصة المدرسية

منها ... وما أروعها من محطات ....

نتمني منك دوام التواصل ... فهناك محطات بالغربة

ليبية كانت أو سعودية المولد ...

لابد وأن تكون عالقة بالذهن والخاطر ...

لك كل الود أخي

وأسف لتأخري عليك في الرد
أبو جودي
12-10-2009, 05:00 AM
أخي أبو خالد أبت نفسي إلا أن أشارك بالبسيط وأهديك المحطة الليبية دي:
تغربنا كثيراً عن أوطاننا ونسأل الله أن يمن علينا بعودة لمن نحب ولمن نعشق ،،،

حكاية زول يتفجأ من أول يوم تطأ فيه أرض الجماهيرية وكما يقال لها يجد نفسه في نفس اليوم ولم تمضي سويعات على وصوله داخل سجن من سجونها ،،، على ما أعتقد أسمه العنبة ،،، تسميته حلوة زي العنب وحكايته عجيبة ،،،
أخينا وصل يحمل معه هموم كثيرة وتعب شديد ومعاناة حتى وصل إلى أن جمع حق التذكرة وكمان في الوقت داك كان مشروطة للدخول لتلك البلد أن تكون معك أقل شيء 500 دولار حتى يسمحوا ليك بالدخول ,،،،
وأهه أخونا وصل المطار وبدأت المعاناة وشاف الماشافو في عمره ولا حكوا ليه بيه ،،،،
،،وأواصل ومعاي لي قدام حكاية زولنا ،،،،
ابوخالد
12-10-2009, 07:04 PM
أخي أبو خالد أبت نفسي إلا أن أشارك بالبسيط وأهديك المحطة الليبية دي:
تغربنا كثيراً عن أوطاننا ونسأل الله أن يمن علينا بعودة لمن نحب ولمن نعشق ،،،

حكاية زول يتفجأ من أول يوم تطأ فيه أرض الجماهيرية وكما يقال لها يجد نفسه في نفس اليوم ولم تمضي سويعات على وصوله داخل سجن من سجونها ،،، على ما أعتقد أسمه العنبة ،،، تسميته حلوة زي العنب وحكايته عجيبة ،،،
أخينا وصل يحمل معه هموم كثيرة وتعب شديد ومعاناة حتى وصل إلى أن جمع حق التذكرة وكمان في الوقت داك كان مشروطة للدخول لتلك البلد أن تكون معك أقل شيء 500 دولار حتى يسمحوا ليك بالدخول ,،،،
وأهه أخونا وصل المطار وبدأت المعاناة وشاف الماشافو في عمره ولا حكوا ليه بيه ،،،،
،،وأواصل ومعاي لي قدام حكاية زولنا ،،،،


أخي أبو جودي ...

تحية وشوق ...

هي لكم هذه المحطات أرجو مداومة التواصل لإثرائها

لتعم الفائدة ... وليجتمع جمال الشخوص بروعة الكلمة

وصدق الحكاوي ...

فكم سطرت الغربة في دواخلنا من بهجةٍ وغِبطة

وكذلك دونت بأحرفٍ من نار حالك اللحظات التي نعيشها ....

فلنكتب ولنكتب ... ما ثقل حمله علي النفس .....

لنتشاركها حلوها ومرها ...

أرجو المتابعة والمحطة لم تكتمل تفاصيلها ...

ومنتظرين ...

ودمت بخير أخي أبوجودي والأسرة
ابوخالد
22-10-2009, 07:38 PM
ما رأيكم فى محطتنا الحالية .....

والتى شارك فيها الجميع بالرأى والمشورة ...

هل تُضاف الى المحطات المضيئة ... أم المحطات المُظلمة ....

فى رصيف الغربة ............................؟؟؟؟؟؟؟؟

ودمتم جميعآ بخيرٍ ... وعافية ...

مع إحترامى للجميع
أبو جودي
23-10-2009, 09:28 PM
أهه نواصل معاكم حكاية زول :
أخينا بعد الوصول استقبله أحد أقاربه وعلى طول من المطار إلى البيت ،،، أما ما شاهده في المطار نفسه من شعارات مكتوبة بخط كبير وما فيها من معاني على الأقل ممكن تقول عليها أكثر من مثالية ،،،
صاحبك افتكر خلاص أنه وصل إلى ما يصبو إليه من راحة وكرامة نفس ،،، وتعويض ما فاته من العمر ،،، وبوصلهم الدار العامرة لقريبه وبعد الضيافة والكرم ،،، حب قريبه تعريفه على المدينة وطرح عليه بأن يأخذه في جولة في المدينة قريب من مكان عمله ،،، وعندما تحركوا من المنزل في سيارة أجرة بيجو تحمل سبعة اشخاص تختلف جنسياتهم وألوانهم ،،، وصابحك يتفرج على الشوارع المصروف عليها وتعتبر من البنيات الأساسية والخضرة ففعلاً كان لديه من الشعور بأنه وصل إلى ما يريد ،،،
إلا أن ذلك لم يمتد أكثر من حوالي ستة ساعات من وصلوه ،،، ففي الطريق شاهد أمامه سيارات شرطة حاجزة الطريق وعندما سأل قريبه قال ليه عادي عبارة عن تفتيش فقط ،،، وبوصل السيارة لمكان التفتيش أدخل العسكري رأسه داخل السيارة ولم يطلب بطاقة تعريف ولا أي شيء سوى لون البشرة ،،، أي لون أسمر أو أسود يخرج خارج السيارة ،،، لمذا حتى هذه اللحظة صاحبك لم يعرف وفعلاً خرج من السيارة حوالي خمسة أشخاص وتحركت السيارة بعد ذلك ،،، وصاحبك لا زال يسأل قريبه فيجد نفس الرد أنه إجراء عادي ،،،، وفي جانب الطريق توجد غرفة أخذ صابحك المجموعة داخل الغرفة ،،، فوجد داخلها ما لا يقل عن عشرين شخص تختلف ألوانهم وسحناتهم ،،،، وهناك تبين الأمر بأنها كشة ،،، لماذا لا يدري ،،، ولم يجد إجابة من قريبه ،،،،
في تلك اللحظة أخذ صاحبنا تدور في رأسه الهواجس وماذا سوف يحصل وماذا سوف يتم ،،،، وذهبت به أفكار كثيرة ،،، وإن كان هناك في قلبه بعض الإضمئنان بأنه لم يستقر بالبلد سواء حوالي ثمانية ساعات وما يثبت ذلك هو جوازه الذي يحمله وعليه تأشيرة الدخول ،،، ولم يطل الأنتظار حوالي نصف ساعة أتت عربة كبيرة مكشوفة ،،، وتم إدخال كل المجموعة داخلها حوالي ثلاثون شخصاً ،،، وتوجه بالسؤال لقريبه ولم يجد عنده إجابة ،،، فهنا صاحبنا توجس وبدأ في التفكير السريع أكيد سوف يذهبوا بهم لمركز شرطة وبعد ذلك سوف يقابل ضابط وفكر في أن يطرح مشكلته للضابط ويعطيه الجواز ،،، وذهب حتى بعيداً في أن يقول للضابط أن تزكرته جاهزة ولو في أي شيء هو مستعد العودة اليوم لوطنه ،،، وعلى حسب حد علمه بأن القانون يعطيك الحق في الدخول حتى ولو ساعات ،،، وحقيقة كانت تتجازبه أفكار كثيرة ومنذ تلك اللحظة تأكد صاحبنا بأنه أتي للمكان الخطأ ،،،
هنا كانت المصيبة الأكبر ،،، تخيلوا معي ما تم شخص يأخذ من الشارع ،،، تم أخذه بأي سبب لا يعرف ،،، يذهب إلى أين لا يعرف ،،، ما هي جريمته لا يعرف ،،، ويفجأ صاحبنا بأنه أمام سجن كبير خالص ،،، هنا تبخرت آماله وفقد حتى التفكير وأصبح في حالة زهول ،،، هل يعقل في أي مكان أن يأخذ شخص من الشارع العام إلى السجن مباشرة ،،، بدون أن يقابل شرطة ،،، أو وكيل نيابة ،، أو قاضي ،،، أو محكمة على طول على السجن ففعلاً كانت صدمة كبيرة جداً جداً عليه ،،، تخيلوا ما تم فتح باب السجن وهناك عساكر في السجن تعاملوا مع الكل بأن تدخل بدون أي اعتراض حتى لو احتاج الأمر للضرب ،،، وصاحبك لم تتعدي دقائق حتى يجد نفسه داخل سجن كبير به اشكال مجرمين أول مرة يشاهدهم وهنا فقد الأمل في كل شيء وأنصب تفكيره فقط ماذا سيحصل له داخل السجن ،،، ومتى سيطلع ،،، وكيف ،،،، ولماذا ،،،، وأخذت أفكاره تتجازبه ،،، وفي الأخير توجه لقريبه وكانت هنا الطامة الكبرى ،،، فرد قريبه كان بأنه هادي وهذا يرجع لأنه من المقيمين سنوات لا تقل عن عشرين عاماً فببساطة رد عليه وقال له أصبر بعد هنيئة سوف يأتي أحد الحراس ويطلب من المجموعة أن يخرج معه أثنين أو ثلاثة لإعداد الطعام للمجموعة ،،، لأنه ما تم في هذا الوقت من الصباح والساعة شارفت على الخامسة مساء ،،، وهنا صاحبنا لم يرد بكلمة ،،، وفعلاً لم تمضي سواء عشرة دقائق وفتح باب السجن أحد الحراس وطلب من المجموعة أن يخرج شخصين لعمل الغداء ،،، وهنا تقدم قريبه ومعه أحد الإخوان وأخرجهم خارج السجن ،،، وتم قفل الباب ،،، هنا صاحبنا خلاص أعصابه أنهارت وبدأ كأنه يغرق من شدة ما رأى وكان مزهولاً ،،، وبعد برهة بدأ بعض الأخوان يتزمروا ويقولوا بأنهم طلبة جامعيين ويحملون بطاقات جامعية كانوا حوالي ستة أشخاص وفعلاً كانت بحوزتهم بطاقاتهم الجامعية وبدأوا في الصراخ في العسكري وبعد احتجاج دام حوالي نصف الساعة لم يجبهم أحد ومرت أكثر من ثلاثة ساعات ،،، هنا صاحبنا فقد الأمل فقريبه ثلاث ساعات لم يعد لإخراجه كما قال له بأنه سوف يحاول مع العساكر في الخارج ليلاقي طريقه لإخراجه منها ،،، وهنا أتي الأمل ،،، وكان هنا التصرف السليم
تم فتح باب السجن وأخذ العسكري ينادي أين طلبة الجامعة ،،، وتوجه نحوه الستة الطلبة وهم عند الباب سألهم هل أنتم الطلبة فقالوا نعم وبدأ في إخراجهم واحد واحد هنا كان حسن تصرف صاحبنا فوجد أن هناك في كل ما يدور أي شيء منطقي فوقف في صف الطلبة ،،،، وشوفوا الأدهى والأمر ،،، فالعسكري لم يطلب من أحد إبراز بطاقته ليعمل عليها مراجعة وخرج صاحبنا مع الطلبة بكل يسر وبعد ذلك سد باب السجن ،،، وكل الطلبة أتجهوا إلى الشارع ،،، لمحاولة إيجاد عربة تقلهم لداخل المدينة ،،، وهنا صاحبنا بدأ يفكر في قريبه وشاهده هناك مع الحراس بيعملوا في الغذاء وهو قدر كبير به مكرونة ،،، فتوقف صاحبنا وهنا سأله العسكري لماذا لا يذهب فذكر للعسكري بأن قريبه يعد في الغذاء وهنا أتضح له الأمر بأن قريبه بعد أخذ ورد مع العساكر تمت المعرفة وكان واحد منهم صديق له في المنطقة وسمح له بالذاهب ،،، وللحديث بقية آتية ،،،،
تخيلوا هذا يتم ،،، أين القانون ،،، أين حقوق الإنسان ،،، وبدأ يفكر صاحبنا ،،، هل هو في غابة ،،، لكي يحصل له كل هذا ،،، وما مصير البقية الدخلت السجن ومتى سيطلعوا منه وبأي طريقة ،،، فعساكر السجن حسب ما رأي يتعاملوا معك بأنك مسجون ،،، لماذا هم لا يعرفون ،،،، ما هي قضيتك لا يعرفون ،،، كم المدة التي ستبقى داخله ،،، لا يعرفون ،،، فهنا تكمن المشكلة الكثيرة
ونأتي للبرنامج التلفزيوني عن الغربة وعن الآباء والأبناء الذين تنقطع أخبارهم عن أهلهم سنين ولا يدرون عنهم شيء "اعتقد أنهم مروا بنفس الظروف ولم يحالفهم الحظ للخروج"
وللحديث بقية
ابوخالد
23-10-2009, 10:05 PM
سلام وتحية عطرة أبو جودى ...


واصل السرد ... ففى سردك تشويق وإثارة ...

متابعين .....
و لنا بعض

الذكريات الليبية ... وقد أبحرنا معك ...

فى شارع الرشيد ... واُستاذ جلال ..

والزاوية الحمراء... وسوق الكريمية ... ومصنع العلفة ...

وغريان ...

دمت بخير

والأسرة