مطار الخرطوم ....بالصورة وبس [الأرشيف]

المساعد الشخصي الرقمي

مشاهدة النسخة كاملة : مطار الخرطوم ....بالصورة وبس

هشام سلس

31-08-2009, 01:48 AM

ميادة

31-08-2009, 01:51 AM

نـــــــــــــــو كومينــــــــت

الملكة اسماء ( ام محمد )

31-08-2009, 01:54 AM

:eek::eek::eek::eek::eek::eek:
:eek::eek::eek::eek::eek:
:eek::eek::eek::eek:
:eek::eek::eek:
:eek::eek:
:eek:

البلد غرقت يا رجالة :confused::confused:

wad alballal

31-08-2009, 02:25 AM

سلس تحياتي والله الناس ديل احرجونا مع العالم ... عاد نسوي شنو ... تصريف مياه في البلد دي صفر ..
وتقبل مروري

محمد حسين (المميز)

31-08-2009, 02:34 AM

والله لو الصور حقيقيه يا سلس يبقى ......

مفروض يرفدو غفير المطار:p:p

ابوخالد

31-08-2009, 03:59 AM

tigani18

31-08-2009, 05:28 AM

أخي هشام رمضان كريم ومن العايدين إنشاء الله ..؟؟؟

moh_alnour

31-08-2009, 05:57 AM

no comment
و الله يدي حرقتني شديد و قربتا أحذف البوست دا عشان تعليق السعودي دا :mad:
ياخي الناس ديل فضحونا في المنتديات و المواقع الإلكترونية :(

المكاشفى

31-08-2009, 05:59 AM

هيع والله مطر جد
الحمد لله على نعمته
والله ياسلس اياهو الحاصل
لكن اليوم المويه خفت شديد بالمطار
يكونو شفطوها بالطيارات ياربى؟؟
اللهم انزل الغيث
رمضان كريم

ود سعدابى

31-08-2009, 07:05 AM

العاقب مصباح

31-08-2009, 07:11 AM

يعنى حيكون فى تبديل تسميات

بدل صالة الوصول يسموها صالة السباحة

وبالطريقة دى كان طائراتنا لا قدر الله وقعت فى بحر بنكون عندنا خبره

تحياتى ورمضان كريم يا عريس

هيثم عبدالعال

31-08-2009, 07:31 AM

أقترح على سادتنا إنشاء سد المطار

وأهو منها كهرباء ومنها فرصه للهتيفه

السد السد الرد الرد

ود الجعلي

31-08-2009, 08:57 AM

no comment
و الله يدي حرقتني شديد و قربتا أحذف البوست دا عشان تعليق السعودي دا :mad:
ياخي الناس ديل فضحونا في المنتديات و المواقع الإلكترونية :(

احترامي للاخ هشام سلس وحرية التعبير لكن من وجهة نظري بقاء هذه الصور فيهو ضرر كبير لنا اكثر من النفع "حذف البوست بعد استشارة كاتبه"

بت أم درمان

31-08-2009, 09:03 AM

سبحان الله ...ربنا يجعلها امطار خير

ايمن عبد الله

31-08-2009, 10:11 AM

ده الجديد ولا القديم :p:p:D:D

monim

31-08-2009, 10:59 AM

السودان خلاص يا السرة قام دواس

يلا دوسوا ابنص الطيارات دي خلوها تفج البحر ده وتطير وتطير عيشتنا معاها ... والله الطيار البقدر يطير ويتخارج من الخفج ده تاني لو قالوا ليه أمشي السودان يقدم استقالته

أشرف صلاح السعيد

31-08-2009, 11:18 AM

عرفنا تصاريح السيد المسؤل سيد القول..بأن الامطار المتوقعة اجمالا 120 ملى لنهاية الحول..وأن بيومين جاءتنا 70 ملى ودا ماشى معقول..ولأننا اى المسؤل على اكف الاستعداد لمواجهة اى هطول..سوعالى الخبيث بهذا الشأن المهول..الميطار دا قام بروس كدا ورئيس ادارته مسطول؟؟ عارفينو اتبنى بدرى لما الناس كانت بلاعقول..طيب وين تخطيطكم انتو الفيها معقول؟ودحين طيارة اليو أن دى نزلت وعملت لاندينك كيف وسط هذه السيول؟ مجرد مقترح للكلام صاحب القول..نستأجر طيارات هوامائية لسهولة التيك اوف والنزول..ولا نجيب ناس توتى التراسين يعملو لينا فيهو فزعة ونسربو نزود المحصول..
يااخى معقول!!!!!!!!!!!!!!!!!!!!!!!!!!!!!

الاميره

31-08-2009, 02:07 PM

http://www10.0zz0.com/2009/08/31/10/977710495.jpg (http://www.0zz0.com)

http://www10.0zz0.com/2009/08/31/10/670274352.jpg (http://www.0zz0.com)

url=http://www.0zz0.com]http://www10.0zz0.com/2009/08/31/10/556741149.jpg[/url]]

http://http://www10.0zz0.com/2009/08/31/10/805491963.jpg (http://www.0zz0.com)

url=http://www.0zz0.com]http://www10.0zz0.com/2009/08/31/10/177537583.jpg[/url]]

url=http://www.0zz0.com]http://www10.0zz0.com/2009/08/31/10/509140866.jpg[/url]]

http://www10.0zz0.com/2009/08/31/10/430383675.jpg (http://www.0zz0.com)

http://www10.0zz0.com/2009/08/31/10/258513695.jpg (http://www.0zz0.com)

اللهم أجعلها أمطار خير وبركة..

الاخ هشام/ رمضان كريم
الصور دى من عندكم ....ولا منشوره بالصحف الوطنيه (العامه)
السودان بلدنا ..ولما ننتقد ما يحدث..... (ما يحدث) ....داخله فهذا من اجل التطوير والتصحيح..
ولكن ان نستمراء ونسخف بلا وعى فهذه مصيبه...
امطار الخير والبركه زى ما ربنا انزلها سيصرفها بما فيه الخير وفى هذا الشهر الفضيل..نعمه من عند الله..
مع احترامى وتقديرى

الفخيييم

31-08-2009, 03:38 PM

وأكذب مايكون الحزن يومآ إذا كان البكاء بلا دموع ...

أخى هشام ...

والله الواحد ما عارف يبكى والا يفرح ....

عندما تختلط أمطار الفرح مع مأساة الحزن النبيل ...

أحد الأخوان السعوديين شاهد المنظر .... قال بيفكر يكمل

رمضان فى السودان ... ماعارف أقول ليهو شنو بالضبط ....

تصوموا وتفطروا على خير

وين رأيك يا اللخو ؟
يعني المشكلة كلها في انو
السعودي صديقك ما عارف تقول ليهو شنو؟
الغرض من البوست هو الادلاء باراء لاجتثاث المعضلة وتلافيها يعني بالواضح كده اراء ايجابية قال سعودي قال00

الفخيييم

31-08-2009, 03:41 PM

no comment

و الله يدي حرقتني شديد و قربتا أحذف البوست دا عشان تعليق السعودي دا :mad:

ياخي الناس ديل فضحونا في المنتديات و المواقع الإلكترونية :(

الناس الفضحوكم ديل ما بتقدرو تنورهوم بالاراء الايجابية؟
في سوري برضو ح يمشي السودان كده اركان الحذف تمت ولا شنو؟

الفخيييم

31-08-2009, 03:43 PM

:eek::eek::eek::eek::eek::eek:

:eek::eek::eek::eek::eek:
:eek::eek::eek::eek:
:eek::eek::eek:
:eek::eek:
:eek:

البلد غرقت يا رجالة :confused::confused:

ده القدرتي عليهو؟

الفخيييم

31-08-2009, 03:45 PM

نـــــــــــــــو كومينــــــــت

الله يسألك لا تعليق ولا نوكومينت ده رد برضو؟

الفخيييم

31-08-2009, 03:51 PM

ده وضع طبيعي لانو مافي مؤسسية في اختيار وزير للشؤن الهندسية
عشوائية في تنفيذ كل المشروعات واستهتار بحقوق المواطن المغلوب علي امره
حسب تقديري نفق العفراء والشركة المنفذة له هم من تسبب في هذه المهذلة
يعني المدعو عبدالقادر همت المسؤل الاول عن ضحالة التصريف في ولاية الخرطوم
كم من مجري مائي تغيرت بعنفوان تلك السياسات الهوجاء ولسة ح تشوفو اسؤأ من كده00

الفخيييم

31-08-2009, 03:56 PM

الاخ هشام/ رمضان كريم

الصور دى من عندكم ....ولا منشوره بالصحف الوطنيه (العامه)
السودان بلدنا ..ولما ننتقد ما يحدث..... (ما يحدث) ....داخله فهذا من اجل التطوير والتصحيح..
ولكن ان نستمراء ونسخف بلا وعى فهذه مصيبه...
امطار الخير والبركه زى ما ربنا انزلها سيصرفها بما فيه الخير وفى هذا الشهر الفضيل..نعمه من عند الله..

مع احترامى وتقديرى

ونعم بالله00
لكن مصدر الصورة ما موضوع ولا مشكلة
المشكلة الاساسية في تقصير السادة المسؤلين يا اللخت
وبعدين ده ما استخفاف ده اس لمشكلة طرحت من اجل المعالجة
بالاراء القوية والمبنية علي الجرأة موش تقولي استخفاف00
ادلي بدلوك في الحل الامثل ولا شنو؟

سودانية وافتخر

31-08-2009, 04:02 PM

الثلام عليكم..انتو متاكدين انو الطيارة دي في مطار الخرطوم ولا كانت نازلة في نهر النيل... غايتو جنس غايتو.. الله يصلح البلد(لكن الرقابة والجهات المسؤولة من الكلام دا كلو ويييين؟!! ودا دليل قاطع انو الناس دول ما شايفين شغلهم)مع خالص الاحترام

الفخيييم

31-08-2009, 04:09 PM

احترامي للاخ هشام سلس وحرية التعبير لكن من وجهة نظري بقاء هذه الصور فيهو ضرر كبير لنا اكثر من النفع "حذف البوست بعد استشارة كاتبه"

يا الجعلي توضيح المشاكل من اجل طرح الحلول المناسبة بقت
مضرة للدرجة دي 00مسعول من الخير انت بتتضرر بشنو من الصور دي؟
هل يعقل ان يكون تنوير المواطن بما يحدث في البلد يعتبر ضرر؟
ولا في وجهة نظرك ندس رؤؤسنا في الرمل ونعمل ما شايفين؟
خليك جعلي يا الجعلي00

الفخيييم

31-08-2009, 04:16 PM

الفخيييم

31-08-2009, 04:19 PM

والله لو الصور حقيقيه يا سلس يبقى ......

مفروض يرفدو غفير المطار:p:p

تخيل انو للاسف الصور حقيقية00
عارف رفدو منو؟

ست الشاي البرة؟؟؟؟؟

قالوا كبت موية الغسيل بتاعتا في الشارع.....

المغربي مدثر فضل

31-08-2009, 09:10 PM

تحياتي للاخ/هشام

في الحقيقة اخي هذا مؤسف ومحرج للغاية

المطار اصبح مثل بركة المياه وهذا يعود لعدم

التخطيط السليم الي متي ونحن في هذا الحال

والله عندما اسافر الي بعض البلدان والتي

نهضت قريباً بالرغم من انها كانت تعاني من مشاكل

استطاعت ان تكسر كل الحواجز وان ترتقي بالبلاد

الي النهضة الحديثةاما عن المطارات في هذه البلدان

حدث ولا حرج هذا يعود الي التخطيط السليم.

عصمت الصادق حماد

31-08-2009, 10:09 PM

عندنا افتتاح كبري الحصاحيصا رفاعة والعكد أم الطيور قلت يا ربي البنطون ده.. حا يودهو وين؟!!!
الحمد الله لقيت الإجابة

samar_taha

31-08-2009, 10:39 PM

بالجد كدا حااجه روعه والله يعنى دى سياحه مابعدها سياحه
شويه شويه خرطومنا بقت ما ساله فى فينيسيا الايطاليه:eek::eek:
يعنى لاحظ بث قمت المتعه وانت سائق العربيه وفاتح القزاز وهاك يا رزاز يرد الروح والنسيم البلفح المشاعر ويخلى ليك الجوء شاعرى
كدى اطلعو من الخمج دا :rolleyes::p:)

إنت أكيد ما جادي صح
رزاز شنو والبلد فيها سيول والبيوت والمدارس وقعت , والخسائر في الأرواح وصلت 35 شخص , غير الخسائر المادية والشوارع المقفولة والمعطونة بالموية واللي اتحولت لي برك ومستنقعات مليانة باعوض والتلوث البيئي

بس ما نقول إلا الحمدلله على كل حال
واللهم حوالينا ولا علينا

esmat

31-08-2009, 11:08 PM

اول مدينة بها مطار مائي

بس ما نقول إلا الحمدلله على كل حال

والخسائر في الأرواح وصلت 35 شخص

اللهم اغفر لهم ورحمهم يا الله

فخرالدين عباس احمدون

31-08-2009, 11:20 PM

المطار الكاشف دا مشفت نفق عفرا

ابوخالد

01-09-2009, 12:52 AM

وين رأيك يا اللخو ؟
يعني المشكلة كلها في انو
السعودي صديقك ما عارف تقول ليهو شنو؟
الغرض من البوست هو الادلاء باراء لاجتثاث المعضلة وتلافيها يعني بالواضح كده اراء ايجابية قال سعودي قال00

مشكور أخى العريس / هشام سلس ...

على الضيافة الكريمة

لنا فى دارك .... ومشكور كمان على الرد الحكيم .... أعزرنا

يا أخى جيناك ممكن فى وقت غير مناسب ... عريس وكده ...

والله بكرر أسفى ....

لكن يااخوى يا هشام يا عريس ....

السعودى بيعكس إعجابه

الشديد بالجو وروعته فى السودان .... وصور الأمطار ... وإنت عارف

أخوانا العرب الموية والخضرة أرقى المتع عندهم ... وهو عنده أعمال

أصلآ فى السودان ... يعنى بيمشى عادى ..

يعنى ما موضوع تريقة .... بس أنا ما حبيت أقول ليهو ده غرق وسوء

تخطيط .. وعدم مسئولية والبرنامج ده ... وإنو البلد كلها غرقانة فى شبر موية ..

والله من وراء القصد ...

ورمضانك ذى العسل ... يا عسل ..

الملكة اسماء ( ام محمد )

01-09-2009, 07:19 AM

هل يعقل ان يكون تنوير المواطن بما يحدث في البلد يعتبر ضرر؟
ولا في وجهة نظرك ندس رؤؤسنا في الرمل ونعمل ما شايفين؟

خليك جعلي يا الجعلي00

المشكلة الاساسية في تقصير السادة المسؤلين يا اللخت

وبعدين ده ما استخفاف ده اس لمشكلة طرحت من اجل المعالجة
بالاراء القوية والمبنية علي الجرأة موش تقولي استخفاف00
ادلي بدلوك في الحل الامثل ولا شنو؟

الله يسألك لا تعليق ولا نوكومينت ده رد برضو؟

وين رأيك يا اللخو ؟

الغرض من البوست هو الادلاء باراء لاجتثاث المعضلة وتلافيها يعني بالواضح كده اراء ايجابية قال سعودي قال00

الناس الفضحوكم ديل ما بتقدرو تنورهوم بالاراء الايجابية؟

في سوري برضو ح يمشي السودان كده اركان الحذف تمت ولا شنو؟

ده القدرتي عليهو؟

من قبيل مستنية افطر عشان ارد عليك
لانه بصراحة ( وجعتنا ) مابتتوصف والامنيات تفوق حد التصور
هل تفتكر اننا ماعايزين بلدنا يصل على الاقل لمستوى يكون تصريف المياه فيه جيد
وهل تعتقد اننا لما كتبنا لاتعليق لانه الحال عاجبنا ؟
للاسف ياسيدي العزيز ماتراه ويؤلم قلبك وقلوبنا الان هو سبب هروبنا من ارض الوطن
فعبثا نحاول وبلا جدوى قول كلمة لعلها تصل لباب يفتح في وجه اقلام تتمنى نماء وطنها ولو عبر احرف في جرائد مهترئة او مواقع الكترونية يتصفحها السادة ولاة الامر على عجل بحجة انهم يحبون سماع صوت المواطن ولايعلم المواطن المسكين ان احرفه تذهب مع الريح وامنياته البسيطة هي مستحيلات في وجود من يبحث عن رفاهية نفسه اولا ويسرق الشعب نهارا جهارا

لانحتاج لقول ارائنا في الامر بل نحتاج من يستمع لما نقوله ويسعى ولو على مضض لحل بعض معضلات تكدر صفو انسان السودان وتشرد حتى امنياته في الشارع

مايحدث هو اختبار وفضح من الله سبحانه وتعالى لما يحدث في بلد يدعي سادته الديمقراطية والاعتناء بانسانه

ده وضع طبيعي لانو مافي مؤسسية في اختيار وزير للشؤن الهندسية

عشوائية في تنفيذ كل المشروعات واستهتار بحقوق المواطن المغلوب علي امره
حسب تقديري نفق العفراء والشركة المنفذة له هم من تسبب في هذه المهذلة
يعني المدعو عبدالقادر همت المسؤل الاول عن ضحالة التصريف في ولاية الخرطوم

كم من مجري مائي تغيرت بعنفوان تلك السياسات الهوجاء ولسة ح تشوفو اسؤأ من كده00

سؤال : كم غيرك يمتلك معلومة ان المتسبب في المشكلة هو فلان الفلاني ؟
لو بحثت عن اجابة ستجد الغالبية تعرف , ولكن .. من يجروء على قول حقيقة ومن يوافق على سماع تلك الحقيقة

للاسف ياسيدي الكريم , لسنا ممن يتنازل عن حقوقه او يعتبر مجرد استهجانه للوضع ووضعه لكلمة ( لاتعليق )..هي كل حقه من الديمقراطية المزعومة
ولكننا نعلم تماما بان هكذا امور تحتاج لتفكير وجمع لكل صفوف الناطقين بالحق من اجل كتابة مستقبل السودان وصياغته بضمير وبامل في مجرد الارتقاء لمستوى يشرفنا بين الامم

همسة :
قالوا ليه وطنك جريح
قال عارف وامس وصفت ليه دواء
وعليت صوتي برائي صريح
صحيت لقيت حلمي القبيل شالو الهواء

فصدقني سيدي العزيز ..لو على الكلام والاراء فليس هنا من يرضيه مايحدث .. ودائما هناك ( لكن )..
تحياتي

الفخيييم

01-09-2009, 09:02 AM

مين اللي قال انو المسافة البينا بين الشمس طاقة؟
طيب يا عزيزتي الفاضلة لنأخذ بكلامك انو الغالبية عارفة
مكمن التقصير 00وين ردة الفعل تجاه المسؤلين
وبعدين منو القال نحن بلد ديموقراطي دي زمان يا اللخت
هسي بقت جمهورية السودان فقط00
الساكت عن الحق شيطان اخرس
أن تقلها تمت وأن لم تقلها تمت
اذن قلها ومت00
أن تناضل تمت وأن لم تناضل تمت
أذن ناضل ومت00
لاخير فينا ان لم نقاوم ونناضل ضد هذا العبث
حتي لو بأرائنا00علي كل الشرائح المستنيرة تعليم
من لا يعرف حقوقه والا يكون صيحة في وادي ونفخة في رماد00
مافي مبرر كل يناضل حسب ما اتيح له بغض النظر عن ديدن سياستنا
ديموقراطية كانت او ديكتاتورية00حقك تكابس تقلعو حقا تحرسو ولا بجيك00

نبض المشاعر رووونة

01-09-2009, 09:23 AM

غايتو جنس حالة
البلد دي عمرها ما بتتقدم
الله يصلح الحال
نقول شنو غير امرنا لله

الفخيييم

01-09-2009, 10:37 AM

غايتو جنس حالة
البلد دي عمرها ما بتتقدم
الله يصلح الحال
نقول شنو غير امرنا لله

الامر لله وحده00
لو اي زول قال كده يبقي دي استكانة ما بعدها
دي ثورة ضد التغيير يا اللخت00
لابد من فعل يوازي المرحلة00
ويعيدللايام دورتها تجاه الشمس00

الملكة اسماء ( ام محمد )

01-09-2009, 10:52 AM

طيب يا عزيزتي الفاضلة لنأخذ بكلامك انو الغالبية عارفة
مكمن التقصير 00وين ردة الفعل تجاه المسؤلين

الساكت عن الحق شيطان اخرس
أن تقلها تمت وأن لم تقلها تمت
اذن قلها ومت00

حتي لو بأرائنا00علي كل الشرائح المستنيرة تعليم
من لا يعرف حقوقه والا يكون صيحة في وادي ونفخة في رماد00

ديموقراطية كانت او ديكتاتورية00حقك تكابس تقلعو حقا تحرسو ولا بجيك00

اذا الخطوة الاولى تقنع غالبية الشعب بالبقاء في وطنهم المقتول علنا
وتجرب دعوة المغتربين للعودة النهائية لوطن ( طارد ) بسبب تخلي اصحاب الحق عن حقوقهم

على فكرة
المشكلة اكبر من مجرد اراء
حل المشكلة ببدا بطرح اجزاء المشكلة بالتفصيل والسعي لحلها بشكل فردي اولا ومحاولة ايجاد عامل مشترك لوضع حلول هي اساس حل المشكلة ككل
يعني الكلام ممكن جدا يتنسق ويوضع في خطوات
تبقى المهمة الاصعب ( تنسيق المهام وتنسيق الطرح وادراج حلول بشكل واااااضح )

همسة : دعوة للمغتربين ( ماتزعلوا من ضياع حقوقكم ان وضعتوها بين ايادي غير امينة , واخترتهم تضييع اعماركم في حراسة حقوق غيركم ).. والا شنو ؟

الملكة اسماء ( ام محمد )

01-09-2009, 10:56 AM

مين اللي قال انو المسافة البينا بين الشمس طاقة؟

لابد من فعل يوازي المرحلة00
ويعيدللايام دورتها تجاه الشمس00

واضح يافخامتك انك شغال تحت تكييف الشمس دي خليها ( تحرق ) الغلابة والمساكين في البلد :rolleyes:

الفخيييم

01-09-2009, 11:01 AM

كل يؤدي دوره داخل الوطن او خارجه00
هنالك اسباب مجتمعه في وجود شريحة تسمي المغتربين00
المغترب هو سفير لوطنه ودوره رائد ان اراد هو ذلك00
المسؤلية متكاملة كل يقوم بدوره سوا كان بطرحه او تقديم النصح
هنالك منابر لذلك ولا شنو؟
البيمنع المغترب من اداء دوره شنو؟

بنت الرفاعي

01-09-2009, 11:19 AM

البيخططوا البلد دي مامهندسين؟؟ ولا بيدوها لزول يخطط تخطيط عشوائي؟!! وفرضنا إنو مهندس وناجح , درس وين ؟ ولو فرضنا في السودان هل في نقص في تدريس المواد الهندسية , بمعني معروف إنو مفروض يكون في مصارف مياه للأمطار , أو إن شاءالله كان خرطوش إتقطع عرضا وملأ المكان مويّة , لازم تتصرف , ياترى هل نفس مهندس الأنفاق هو نفسه المهندس ده ؟؟ لأنو لو هو نفسو لازم يتحاسب , ولو ما نفسو , معناها فعلا الخلل في المناهج الدراسية .

الله يهون!

الملكة اسماء ( ام محمد )

01-09-2009, 11:25 AM

المغترب هو سفير لوطنه ودوره رائد ان اراد هو ذلك00
المسؤلية متكاملة كل يقوم بدوره سوا كان بطرحه او تقديم النصح
هنالك منابر لذلك ولا شنو؟
البيمنع المغترب من اداء دوره شنو؟

فخامتك

اقعد لي بالله في الكرسي دا واسمعني كويس

http://www.metmuseum.org/toah/images/h2/h2_41.205.2.jpg (http://www.metmuseum.org/toah/images/h2/h2_41.205.2.jpg)

اولا ياسيدي الكريم منو السفير بلده دا ؟
المغترب ؟؟؟
لو سمحت نقطة نظااااااااام وتعال نتكلم بصوت عالي وبصراااااحة
انت بالله من زمن المغترب كان سفير ( مُشرف ) لبلده ؟؟
تعال ياصاحب الفخامة شوف المغتربين او خلينا نقول ( نسبة تشكل خطر ) بعملوا في شنو ؟
سيبك من المهازل والكلام الفارغ البنكتب عن السودانيين في الجرايد (لانه غالبيته كذب ) لكن برضو المثل بقول ( العود كان مافيه شق مابقول طق ) .. وسؤال .. ليه الكلام دا او خلينا نقول ( الاشاعات )دي ظهرت حديثا , ما الاغتراب دا من زمن جدي وجدك موجود .. حصل سمعت بسوداني اساء لسمعة وطنه غير في السنوات الاخيرة دي ؟

والا اقول ليك
سيبك من الكلام في الحتة دي , لانه باب طويل الكلام فيه بحتاج بوستات ونحن بصدد نقاش اخر

تعال لقصة جميلة فاتتك واعتقد انك بحرارة قلبك دي لو مرت عليك كنت هسي تكون مسجون بتهمة القتل
القصة ياسيدي ( المغترب سفيركم زاااااتو ) البنبز بلده ( وخاتيها تحت جزمة انذل الشعوب )
ياااخي خليها في القلب تجرح ..
حصل فخامتك لاقيت مغترب بنبز بلده ؟؟ انا لاقوني كتااااااار والسودان في نظرهم ( قرية كبيرة مش ح تتحضر )

بقى على فخامتك تقنع لينا النسبة دي بفكرة ( الوطنية والانتماء اولا ) عشان نحاول نقنعهم يجربوا يخدموا وطنهم بنفس راضية ولو من بلاد الغربة
المصيبة اكبر مما تتصور
والاراء موجودة وكتاااار البكتبوا لكن لما اتلفت حوليني القى نفسي براااي السابح ضد التيار ( اواصل والا امشي اشوف لي شغلة تانية ؟)

بنت الرفاعي

01-09-2009, 11:45 AM

( اواصل والا امشي اشوف لي شغلة تانية ؟)

والله صدقتي في كل كلمة قلتيها , وفعلا في كتير اللي بينبزو , والمشكلة لو قمت تدافع وتبين الإيجابيات , شوفي بيكون الرد كيف؟؟!!!:o

عزيزتي واصلي , فأنتي خير من يشرح ذلك.

الملكة اسماء ( ام محمد )

01-09-2009, 12:11 PM

والله صدقتي في كل كلمة قلتيها , وفعلا في كتير اللي بينبزو , والمشكلة لو قمت تدافع وتبين الإيجابيات , شوفي بيكون الرد كيف؟؟!!!:o

عزيزتي واصلي , فأنتي خير من يشرح ذلك.

المشكلة يامُرام ان القضية اكبر بكتير من مجرد صور لمياه امطار او طائرات ماشيا جوا موية
المشكلة انك تكون عارف ان المطر نعمة وان الشي الطبيعي انها ممكن تزيد عن معدلاتها الطبيعية وممكن جدا البحر يفيض ويغرق الدنيا ( قبل نلوم المسؤولين ) .. هل تفتكري ان المطرة دي اول مرة تنزل ؟ وهل تفتكري انه المطرة زمان ماكانت بتلقى طريقها بسهولة لوسائل التصريف الطبيعية ؟ للاسف الحاجات دي غالبيتها بدت تاثر في البلد وتبهدل المواطن بسبب حاجات كتيرة لعل اوضحها ( انتشار الفساد )

وصدقيني هي ( تنبيه ) لمن يفهم
لكن اننا نقعد نلوم الجهات المختصة ونحن ( شياطين خُرس - بمعنى ساكتين عن الحق ) ونجي لما الفاس يقع في الراس نشجب وندين فدا اكبر غلط
اعتقد ان التصحيح ببدا بالفرد ويتنقل للجماعات بعدها ممكن نضمن وجود فئة ( مناضلة ) وقلوبها على البلد بالجد

يقول الله تعالى : " إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ وَإِذَا أَرَادَ اللَّهُ بِقَوْمٍ سُوءاً فَلا مَرَدَّ لَهُ وَمَا لَهُمْ مِنْ دُونِهِ مِنْ وَالٍ " سورة الرعد - 11

محمد السر

01-09-2009, 03:21 PM

دا مطار الخرطوم الابيض المتوسط

الاميره

01-09-2009, 03:45 PM

ونعم بالله00
لكن مصدر الصورة ما موضوع ولا مشكلة
المشكلة الاساسية في تقصير السادة المسؤلين يا اللخت
وبعدين ده ما استخفاف ده اس لمشكلة طرحت من اجل المعالجة

نرجع تانى واقول اصلا ما فى وجهه شبه بين نفق العفراء وسااااااااااااااااااحة المطار التى امتلاءت بفيضان من الامطار ..واظن واى شخص سيدخل ساحة المطار بعد ثلاثه او اربع ساعات ما حيلقى مياه الامطار راكده ومتكدسه تحت المبانى وتحت الطائرات كما فى نفق العفراء (..الجديد..) بالاراء القوية والمبنية علي الجرأة موش تقولي استخفاف00
رأى وانا متمسكه به.. ادلي بدلوك في الحل الامثل ولا شنو؟

مع احترامى وتقديرى

الفخيييم

01-09-2009, 03:58 PM

مع احترامى وتقديرى

وين رأيك المتمسكة بيهو ده؟
وبعدين تصريف المياه من المطار كلو
كان عن طريق شارع افريقيا جهة اركويت والساحة الجرداء حاليا00
يعني اتغير المجري وحلت الطامة00
لسة ما ادليتي برأيك في انتظارك00
في تقصير من الجهات المسؤلة ولا مافي مجرد سؤال
مسعوووووووووووولة من الخير00