يا اخوان نقاطع ولا ما نقاطع

[درديري كباشي]

قبل اسبوعين من الان .. جاءني في ايميلي الخاص .... اييمل يدعوني الى مقاطعة وكلاء السيارات بالسعودية ومنطقة الخليج .... ويبرر اسباب المقاطعة بان الازمة الاقتصادية العالمية ادت الى انخفاض اسعار السيارات من 40% الى 60% .. بينما هنا وكلاء السيارات رفعوا السعر بدلا من ان يخفضوه ... ومرفق مع الايميل صور اعلانات لشركات امريكية وبريطانية ... تقول اشتري سيارة واحدة لتحصل على الثانية مجانا ..
بصراحة انا ظنيت ان الاعلان اتاني بالخطا ... او تم توزيعة بصورة عشوائية ... لاننا نحن مقاطعين وكلاء السيارات ( خلقة ) وبطبيعة الحال .. لذلك لم اكترث .. ولكن قبل اسبوع اتاني ايميل بنفس المعنى واعقبه ثالث ثم رابع .... مما يدل على اني شخصيا مقصود ..... وها انذا الان استجيب اخيرا واعلن من الان مقاطعتي لكل السيارت .. ولن اشتري اي سيارة خلال هذا الشهر ولا القادم والذي يليه.. ساكتفي بسياراتي وموديلاتها القديمة التي لم تتجاوز موديل 2009 ... ولن استجيب لصراخ ونحيب صغاري وهم يتباكون على الهمر والليكز الموديل الجديد... رغما ان بكاؤهم يقطع القلب ....
واقول لصاحب الاعلان اذا كنت تعني بمقاطعة وكلاء السيارات وهو بعدم الشراء منهم ... فنحن مقاطعنهم بطبيعة حالنا وظروفنا سوى كانت هنالك ازمة اقتصادية او لم تكن وحتى لو انخفضت الاسعار بنسبة 90 % .... نحن معاك لكن لو وصلت الانخفاضات الى نسبة 100% في الحالة هذه اسمح لنا فنحن لن نكن معك .... لانها هذه الحالة التي ينادينا فيها اصحاب الوكالات بان تعالوا خذوا السيارات مجانا حتى ننظف مستودعاتنا ... ورغما عن انها بعيدة جدا عن الواقع الا انها لا تختلف كثيرا عن طلبك منا بمقاطعتهم ... الا اذا كنت تعني بالمقاطعة بانا لا نسلم عليهم ولا نلقي لهم اي نوع من التحية .. في هذه الحالة يمكن نجاملك ولكن بشرط تخبرنا اولا اين يمكن ان نلتقي بهم حتى نذهب اليهم في اماكن تجمعهم ولا نلقي عليهم التحية ونتجاهلهم تعبيرا عن مقاطعتهم .بالتاكيد لن يكن تجمعهم بمناطق الحراجات ودلالات السيارات المستعملة ...
وانا استشيركم وااخذ رايكم هل نقاطع ولا نستمر في شراؤنا اليومي للسيارات ولا نكترث لابتذاذنا من قبل هؤلاء الوكلاء الجشعين ؟؟؟؟

[تغريد]

الاخ درديري

أبتسمت في داخل نفسي كثيرا وانا اقرا كلماتك هذه فمن عجائب الدهر ان تصل لشخص رسالة طائشة وهو لا يكون له اي اهتمام بها ما عارفين الناس اهتماماتم اكبر من كدا :(



انا شخصيا من اللحظة دي حأقاطعهم نهائي لانو ما ممكن الاستغلال دا :rolleyes:


ومالها عربيتي البرادو موديل 2009 ما رافعة كرعيني من الواطة وممشية حالنا في امان الله القناعة سمحة :D واقول ليك حاجة من دربي دا ماشة اقلع قروشي من مدير شركة تويوتا مع انو قعد يتحايل علي فترة طويلة عشان ارضي اشتري واحدة للعيال اللسة ما جو ديل :D


تحياتي درديري

[درديري كباشي]

الاخ درديري

أبتسمت في داخل نفسي كثيرا وانا اقرا كلماتك هذه فمن عجائب الدهر ان تصل لشخص رسالة طائشة وهو لا يكون له اي اهتمام بها ما عارفين الناس اهتماماتم اكبر من كدا :(



انا شخصيا من اللحظة دي حأقاطعهم نهائي لانو ما ممكن الاستغلال دا :rolleyes:


ومالها عربيتي البرادو موديل 2009 ما رافعة كرعيني من الواطة وممشية حالنا في امان الله القناعة سمحة :d واقول ليك حاجة من دربي دا ماشة اقلع قروشي من مدير شركة تويوتا مع انو قعد يتحايل علي فترة طويلة عشان ارضي اشتري واحدة للعيال اللسة ما جو ديل :d


تحياتي درديري



سلام يا دكتورة ونشكرك على تضامنك معنا في محاربة الجشع والاعتصام امام الاستعمار الجديد الذين يستغلون لهفتنا وتعلقنا وادماننا لسياراتهم وشايفننا نطلع من واحدة ونركب في الثانية ... وانا العربية كان كيس النايلون في الكنب اتقطع طوالي بغيرها ... انا ركب عربية كنبها كاشف معرض للتلوث كمان .... لكن برضو حا اجي على نفسي واتحمل اركب عربية واحدة لمدة ستة شهور ..

بمناسبة البرادو 2009 نترك المكرفون لود الدسيس

[درديري كباشي]

جزء من احد ايميلات المقاطعة


التي وردت الي في ايميلي ( إذا توقف الناس عن شراء السيارات فماذا يحصل ؟؟



1) تشاهد البائعين في شركات السيارات وهم يلعبون السودوكو ( والله ماا عرفها هي شنو) على مكاتبهم.

2) تبقى السيارات في الأحواش ويغطيها التراب .

3) السيارات الموجودة في الموانئ يدفع التاجر عليها أجراً بالساعة فالمساحة التي يأخذها التاجر في الميناء بالإيجار وليست ملكاً لأبوه ولا يستطيع أن يأخذ السيارات التي في الميناء للمستودعات لان المستودعات مليئة ويجب البحث عن أماكن أخرى آمنة لوضع السيارات الجديدة فيها

4) هناك بواخر قد وصلت للميناء وتحمل آلاف السيارات وحتى يتم إنزالها في الميناء يجب إفراغ الميناء من السيارات التي قبلها ،، ولكن السيارات لاتزال في الميناء ،،، ووقوف الباخرة في الميناء مكلّف للشركة المشغّلة للباخرة وكل ساعة وقوف للباخرة محسوبة على الباخرة بالإيجار فهي إما أن تنزل حمولتها وتغادر أو تغادر بحمولتها .

5) طيب ،، هناك العديد من البواخر قادمة في الطريق غيرهذه التي وصلت للميناء ،، ماذا سيفعل التاجر؟

6) سيتصل التاجر بالشركة الأم ويخبرهم بوضع السوق وأنه لايرغب باستقبال أي سيارات حالياً ، فالمستودعات والمخازن امتلأت بالسيارات وكذلك الميناء الذي يحسب الساعات بالإيجار قد امتلأ .

7) ستضطر الشركة للصبر فترة ويضطر التاجر للصبر حتىيؤدب الشعب اللئيم،، وينتظر وينتظر والأيام تجري والموديل يعدي ، وتقوم الشركة بخفض الإنتاج ، ثم خفض عدد العاملين ، ثم يكثرون الموظفين الذين يلعبون السودوكو عندالوكيل في السعودية بعد أن كانوا يحصلّون الأموال من المواطنين من بيع السيارات التي قيمتها 40 الف ريال بـ 125 ألف ريال .

8) ولكن التاجر مازال يكابر ويقول اننا سنزيد اسعار السيارات 10% وحملة المقاطعة لم تؤثر علينا ، وهو جالس في مكتبه يبكي ربع ساعة ويلعب السودوكو ربع ساعة .

9) ثم اتصل الوكيل بالصحف المحلية وقال لهم: أنا ادفع لكم ملايين كل شهر عشان نعلن عن سياراتنا عندكم وانتوا تتكلمون عن حملة خلوها تصدي وتقولون انها أثرت على وكلاء السيارات ، ويكمل حديثه : اسمعوني زين لو شفت أي جريدة تتكلم عن الحملة أو تمدحها والله ماعاد نحط فيها إعلان واحد عن سياراتنا فهمتوا . ورؤساء التحرير يردون عليه : اوكى اللي تبيه يصير بس لاتوقف إعلاناتك عندنا.

10) بعد ذلك يعود التاجر (الوكيل) إلى مكتبه يبكي ويقول : ويلك أيها الشعب الحقير ، والله أن أوريكم ، تبون تخربون بيتي

11) ومازال الوكيل رافعاً أسعاره ويكابر ،، ومازال الشعب مقاطعاً وصابراً ، ولا بأس أيها الشعب فاصبر واصبر فالسيارات ليست كالأرز فهي لاتؤكل .

ختاماً،،،،،،،،،،،،،،،،أيها الشعب استفد من قصة الشعب الأرجنتيني وتعّلم وطبّق قانون العرض والطلب كما تطبّقه باقي الشعوب حول العالم فقد سئمت من طباعك أيها الشعب .



استمروا في حملة خلوها تصدي وطبقّـوها على جميع التجـّار



وانتظروا حتى تشاهدوهم وقد اتخذوا من حراج بن قاسم جلسة عصرية يتقابلون وياكلون فصفص ويحرّجون بدلاً من لعب السودوكو في المكاتب فإنها ممّلة :نعم ،،،،، خلوها تصدي .خلوها تصدي ،، وموديلها يعدّي ،، وغير 50% خصم ماعندي ،، والا ما بدّي !!

[عباس الدسيس]

سلام الدرديري ما دام تركت لي المكرفون نقول شويه ونخلي الباقي عليك انت سيد الكلام:
يا حبيبنا الدرديري والله البرادو 2009 فل اوبشن متعه زي السايق ليك طياره انت ما طوالي راكبا معاي فترة الغذاء عيبا لي مالا بعدين احنا والله ما كان ارسلوا لينا ايميل لو جانا الجشع زاتوا او قالوا ناس السيارات بقرمشوا عضامنا ما بنخلي الجديد نستمتع في الحياة دي القروش تخليها اشيلوها الناس البعدك بعد ما تموت نستمتع ونجدع ونمتع المعانا خلي الجرسه بتاعتك وامشي للراجل استلم منوا السيارة جنك ملاوزات بعدين لو تابعت الايميلات دي والله تموت بالوهم اي واحد زعلان من زول اطلع فيهو اشاعه السيارات دي بنسمع بالازمة المالية لينا سنتين وهي زايده

[درديري كباشي]

سلام الدرديري ما دام تركت لي المكرفون نقول شويه ونخلي الباقي عليك انت سيد الكلام:
يا حبيبنا الدرديري والله البرادو 2009 فل اوبشن متعه زي السايق ليك طياره انت ما طوالي راكبا معاي فترة الغذاء عيبا لي مالا بعدين احنا والله ما كان ارسلوا لينا ايميل لو جانا الجشع زاتوا او قالوا ناس السيارات بقرمشوا عضامنا ما بنخلي الجديد نستمتع في الحياة دي القروش تخليها اشيلوها الناس البعدك بعد ما تموت نستمتع ونجدع ونمتع المعانا خلي الجرسه بتاعتك وامشي للراجل استلم منوا السيارة جنك ملاوزات بعدين لو تابعت الايميلات دي والله تموت بالوهم اي واحد زعلان من زول اطلع فيهو اشاعه السيارات دي بنسمع بالازمة المالية لينا سنتين وهي زايده


ما انا عارف راس السوط هبشك

يا اخوي نحن مقاطعين لغاية ما يقولوا اشتروا برادو واحصل على اثنين مجانا .. وبعداك بناخذ الاثنين ونرجع الثالثة ونقول ما دايرين ...

انت اشتري خلي يبيعوا ليك ام 40 الف بمائة وعشرين الف وغيرها السنة الجاية ثاني كمان .... نحن مقاطعين و منتظرين نتائج الازمة العالمية .

[عباس الدسيس]

كان منتظر نتائج الازمة واطاتك اصبحت انا منتظر الاسهم لي كم سنة انت عارف ما طلعت تاني يا خوي خلي الجرسه قبل الاولاد ما اجو امشي استلم جديدك متع الاولاد وخليهم فرحانيين مع الجيه من السودان

[محمد حسين (المميز)]

نحن معاك لكن لو وصلت الانخفاضات الى نسبة 100% في الحالة هذه اسمح لنا فنحن لن نكن معك .... لانها هذه الحالة التي ينادينا فيها اصحاب الوكالات بان تعالوا خذوا السيارات مجانا حتى ننظف مستودعاتنا ...



ولو

حتلقى الجماعه يقولو ليك عاوزين

حق الجمارك:D:p:D






كرعيني


:D:D:D

[ابوخالد]

بصراحة انا ظنيت ان الاعلان اتاني بالخطا ...


هو الإعلان فى إعتقادى لم يأتى بطريق الخطأ ... قول لى كيف ؟؟؟؟

طبعآ هم قاصدين يقلقلوك إلى أن تطلع من علبك ... والمترجم الخاص

يشتغل بعد الإستفزاز بتاعهم ده ... وتقوم تطلع البوست الرائع

ده .... ويكونوا كسبوا أوسع إنتشار

عن طريق منتدى مدنى والزوار ... وده مكسب حقيقى

ليهم ....

ومرفق مع الايميل صور اعلانات لشركات امريكية وبريطانية ...
تقول اشتري سيارة واحدة لتحصل على الثانية مجانا ..

إنت عارف ناس دول الخليج لمحاربة غلاء المهور ....

ح يطبقوا قرار المقاطعة ... هل ح نشوف إعلان ذى ده

ياربى ...

[درديري كباشي]

كان منتظر نتائج الازمة واطاتك اصبحت انا منتظر الاسهم لي كم سنة انت عارف ما طلعت تاني يا خوي خلي الجرسه قبل الاولاد ما اجو امشي استلم جديدك متع الاولاد وخليهم فرحانيين مع الجيه من السودان

عباس عارفك عاوز تجرني معاك .. لكن يا اخوي انت مسنود ... شئ من استراليا وشي من حكومتك المحلية ....

[درديري كباشي]

ولو

حتلقى الجماعه يقولو ليك عاوزين

حق الجمارك:d:p:d








:d:d:d


مالك يا مميز مقفلة علينا .. حتى المجان فيه جمارك كمان ... ؟؟؟؟؟؟؟

طيب الجمارك مش نسبة انا اقول لناس الشركة طلعوا لي فاتورة قيمة السيارة صفر .. بعدين اخذ الفاتورة لناس الجمارك اقول ليهم يلا ضربوا جماركم على قيمة الفاتورة دي ... طبعا حا تطلع صفر .. وكدا اكون طلعت الجمارك زاتها صفر .

[درديري كباشي]

....

ومرفق مع الايميل صور اعلانات لشركات امريكية وبريطانية ...
تقول اشتري سيارة واحدة لتحصل على الثانية مجانا ..

إنت عارف ناس دول الخليج لمحاربة غلاء المهور ....

ح يطبقوا قرار المقاطعة ... هل ح نشوف إعلان ذى ده

ياربى ...


كلام شنو دا يا ابو خالد

وام خالد عارفاك منتظر الاعلان دا ؟؟؟؟

وقالو فيها مسيار نظام اقساط مريحة .. ويمكن تاجير ينتهي بالتمليك

[محمد حسين (المميز)]

مالك يا مميز مقفلة علينا .. حتى المجان فيه جمارك كمان ... ؟؟؟؟؟؟؟

طيب الجمارك مش نسبة انا اقول لناس الشركة طلعوا لي فاتورة قيمة السيارة صفر .. بعدين اخذ الفاتورة لناس الجمارك اقول ليهم يلا ضربوا جماركم على قيمة الفاتورة دي ... طبعا حا تطلع صفر .. وكدا اكون طلعت الجمارك زاتها صفر .


البعجبني فيـك انك متفائل;)


انت ماعارف انه الصفر عدد صحيح وفي السودان الصفر مابيجي براهو

يعني بيجي معاهو هنايات وهنايات:p:D:p

[درديري كباشي]

البعجبني فيـك انك متفائل;)


انت ماعارف انه الصفر عدد صحيح وفي السودان الصفر مابيجي براهو

يعني بيجي معاهو هنايات وهنايات:p:d:p


شنو يا مميز حتى الرياضيات غيرتوها .. الصفر دا من الله خلقوا تضربوا في اي شئ يتحول الى الصفر تضرب بيه اي شئ يتحول لصفر ..
الغريبة قالوا العرب هم من اكتشفوا الصفر في الرياضيات .. والظاهر عليهم ماسكين فيه قوي وما قادرين يتجاوزوه .

[أشرف صلاح السعيد]

ابوالدر عوافى..
دحين لوقالولى بدل عربتك المكركبة بواحدة جديدة طقة بطقة..الكلام دا بخرق وبفشفش وبيدك المقاطعة؟؟
والله بدور ركوب البكسى الجديد مالجديد شديد لكن افو انا ابوك ياعبدالرحمن ببورلهم عربياتم هى زاااتا ماسمحة وسقطا شديد بجيب النزلة..دا كلو كوم وفتحة بابا ام من بعيد التهجم الزول وتطير رحمان قلبو ..دحين مامسكونة عربياتم دى من ركنتا الطولات؟

[درديري كباشي]

ابوالدر عوافى..
دحين لوقالولى بدل عربتك المكركبة بواحدة جديدة طقة بطقة..الكلام دا بخرق وبفشفش وبيدك المقاطعة؟؟
والله بدور ركوب البكسى الجديد مالجديد شديد لكن افو انا ابوك ياعبدالرحمن ببورلهم عربياتم هى زاااتا ماسمحة وسقطا شديد بجيب النزلة..دا كلو كوم وفتحة بابا ام من بعيد التهجم الزول وتطير رحمان قلبو ..دحين مامسكونة عربياتم دى من ركنتا الطولات؟


مالك يا ابو عبد الرحمن ترخي وتشد اازول اركز عاوز تقاطع معانا قاطع عدييل .. انا حتى رجعت المعارض وشلت عربوناتي كلهم .. وانا كمان طبعي شين ما زي الناس ما بشتري العربات الجاهزة في المعرض لازم عرباتي يكونوا تفصيل .. يعني انا بختار لون الفرش ولو عاوزها بلياقة ولا بدون اقصد بكنب او عاوزها نظام بوكس للصيد وكدا .. لكن تضامنا مع الحملة وعشان ما اخزل الجماعة الرسولوا لي الايميل قاطعت ورجعت العربون وحتى عربات النوم الصغبرة من نوع كامري وكوريلا ديل سبت عربونهم حقيقة بقت لي شينة امشي اسال من عشرة الف وخمستاشر الف ريال لا تساوي وجبة عاشا في الشانزليزي ( وين هو الشانزليزيه دا؟) او حجر شيشة في البكاديلي مع الاخوان ..

[أشرف صلاح السعيد]

يازول الزول علا مايستفسار؟
اها سبنا التخبر وقاطعنا وكمان بالتلاتا راياك شنو؟
وبنرجا لغاية مايقولولنا اشترى عربية وشيل اختا..اها انتا بتشترى العربية واختا لازمانى بالحيل (بالله ماعربى تفتيحة..لقيتنى كيف؟)
اها يالمقاطعة امانا ماجاك زول..قُطُعُت قُطُعُت..

[درديري كباشي]

يازول الزول علا مايستفسار؟
اها سبنا التخبر وقاطعنا وكمان بالتلاتا راياك شنو؟
وبنرجا لغاية مايقولولنا اشترى عربية وشيل اختا..اها انتا بتشترى العربية واختا لازمانى بالحيل (بالله ماعربى تفتيحة..لقيتنى كيف؟)
اها يالمقاطعة امانا ماجاك زول..قُطُعُت قُطُعُت..


اسمع دي يا ابو عبد الرحمن

واحد معرفة بيشتغل في مكتب خاص لاحد الشيوخ الكبار من النوع الراس مال وعيال..
وقال عنده ولد مراهق في الثانوي .. الولد لمن يكون ناوي يلف في الشوارع بالسيارة قال الاب يقول لنا اطلعوا معاه عشان ما يتهور ونظام حراسه يعني .. اولى الخطوات تبدا نروح معاه لقراش السيارات الفخمة .. وكل سيارة في قراش لحالها والباب يفتح بريموت كنترول وقال نفتح الابواب عشان الولد يختار السيارة التي سيقودها .. قال يسالنا تفتكروا وايش اسوق اليوم شنو احسن في نظركم ..
واحد فينا قاله له سوق الهمر ..
لا ياخي الهمر امس طلعت فيها ( يعني طلعت بيها) نشوف شئ ثاني .. سوق البي ام .. لا ما ابيها شكلها كلاسيك بتاع ناس شيبان ( حقت عجائز)
واحد قاله سوق اللكزس السكري لانه لونه جايي مع التير شريت بتاعك ..
ايييييي صدقت ..

خلي بالك هم ديل يكون المقصودين يالمقاطعة .. واظن ناس كامري وكوريلا ديل بيدخلوا بيهم الحمام بلا مؤاخذه يعني زي الشبشب .

[ايمن عبد الله]

نذيع ولا ما نذيع ؟

[بنت الرفاعي]

أها يا أخوي القاطعوا معاك كم؟ والماقاطعوا كم ؟
غايتو لحدي ما يجي زمن أشتري عربية بيكون العربات أسعارها في الواطة .
يعني طبيعي مقاطعين معاك .



لكن







حاليا ماتقاطع , إشتريها بالتقسيط علشان مغصتها تكون خفيفة;)

[بت أم درمان]

أبو الدر
قاااااااااااااااااااااطع السيارات الانجليزية
وخاصة الرنج روفر والجاقوار واللاندروفر
لأن كل الشركات تنزل اسعارها وهم لا
كل الشركات تعمل عروض وهم لا
كل الشركات خدماتها ما بعد البيع ممتازة وهم لا
كل الشركات تبيع بالتقسيط وهم لا
كل المساوئ فيهم
غير انهم غالين جدا

[درديري كباشي]

نذيع ولا ما نذيع ؟


والله انت عندك انزلاقات كدا بس تقول موسى الزومة .. غايتو الواحد كما ينط بتفك ليه ركبتو .. سيبك من السيارات انت اول قاطع سفن اب

[درديري كباشي]

أها يا أخوي القاطعوا معاك كم؟ والماقاطعوا كم ؟
غايتو لحدي ما يجي زمن أشتري عربية بيكون العربات أسعارها في الواطة .
يعني طبيعي مقاطعين معاك .



لكن







حاليا ماتقاطع , إشتريها بالتقسيط علشان مغصتها تكون خفيفة;)


خليك مقاطعة يا مرام .. بعدين ما تجيبي سيرت الفلس.. اصلا ما في فرق بين مقاطعة المفلس ومقاطعة الغني كلهم في النهاية ما راح يشترو .. يعني المقاطعة هي الطريقة الوحيدة البنتساوى فيها مع الاغنياء عشان كدا لازم نتمسك بيها

[درديري كباشي]

أبو الدر
قاااااااااااااااااااااطع السيارات الانجليزية
وخاصة الرنج روفر والجاقوار واللاندروفر
لأن كل الشركات تنزل اسعارها وهم لا
كل الشركات تعمل عروض وهم لا
كل الشركات خدماتها ما بعد البيع ممتازة وهم لا
كل الشركات تبيع بالتقسيط وهم لا
كل المساوئ فيهم
غير انهم غالين جدا


قبضناك وانت ذااااااااااااتك العرفك بالماركات دي شنو ؟؟؟ نحن لمن نتكلم عن مقاطعة السيارات واعتقد ناس المقاطعة نفسهم كانوا بيقصدوا التايوتا والنيسان (و مازدا) .. الماركات الانتي ذكرتيها معروف انها افخم واغلى ولا حد حتى عارف اسعارها الا الناس الفاتوا حد الغنى وما بتهمهم الاسعار .. النوع البيدفع مليون في سيارة ثمنها خمسمائة الف ويقول للبائع خلي الباقي عشانك .

[بت أم درمان]

قبضناك وانت ذااااااااااااتك العرفك بالماركات دي شنو ؟؟؟ نحن لمن نتكلم عن مقاطعة السيارات واعتقد ناس المقاطعة نفسهم كانوا بيقصدوا التايوتا والنيسان (و مازدا) .. الماركات الانتي ذكرتيها معروف انها افخم واغلى ولا حد حتى عارف اسعارها الا الناس الفاتوا حد الغنى وما بتهمهم الاسعار .. النوع البيدفع مليون في سيارة ثمنها خمسمائة الف ويقول للبائع خلي الباقي عشانك .



والمشكلة الانت ما عارفها عن الماركات دي
ان تشتري العربية بي خمسمية الف
ولمن تجي تبيعها
ما تجيب ليك اكتر من خمسين الف :mad:
شفت المغسة :o

[درديري كباشي]

والمشكلة الانت ما عارفها عن الماركات دي
ان تشتري العربية بي خمسمية الف
ولمن تجي تبيعها
ما تجيب ليك اكتر من خمسين الف :mad:
شفت المغسة :o


تعرفي يا بت امدرمان كل مشاركاتك نسختها ورسلتها لاصحابي بتاعين ضرائب ... ارخي اضانك للباب واستعدي ساي ... انت حتى عارفه بيشتروهم بكم ويبعوهن بكم ... معناها في ريحة ترطيبة عندكم ...