المساعد الشخصي الرقمي

مشاهدة النسخة كاملة : السلام عليكم ورحمة الله وبركاته ..


ود الضو
29-08-2009, 11:21 PM
رمضان كريم علي الجميع وتصوموا وتفطروا علي خير ..
وعساكم طيبين ومبسوطين ورايقين ...
اول شيئ وفي التبادي :
انا كنت مسجل في المنتدي دا سابقا واتوقفت فترة لما جيت ادخل
تاني ماقدرت الا بعد سجلت من جديد في حين انو عندي مشاركات
قديمة يعني ( ياريت تشوفوها لينا يا ادارة ) وتجيبوها وتلصقوها لي
في اسمي الجديد دا لانو ياني انا زاتي والله ود الضو الزمان ...
اتمني لكم دوام الصحة والعافية ...
ابوخالد
29-08-2009, 11:31 PM
رمضان كريم أخى ودالضو ...

مرحب بيك قديم وجديد ....

تصوم وتفطر على خير .....

وناس الكيتة والنوبة خليتهم منتظرينك بى الشارع التانى ...

جنب بيت ناس ناصر ود دبيب ... اعمل حسابك من كلبهم ما يعضيك ...

ودمت بألف خير ... وبكلم ليك ودالنور وأبو النور وبقول ليهم ودالضو جاكم هنا

وما لقاكم ... إلا كتب ليكم فى باب الخشب رسالة ...

رمضان كريم
سروية
29-08-2009, 11:39 PM
الف مرحب بيك اخي ود الضو من جديد
رمضان كريم وتصوم وتفطر علي خير
وابدا من الصفر زي ماحصل معانا كلنا بعد المشكلة الحصلت
الف مرحبا من جديد ونتمني ليك دوام العافية
عبدالرحمن مدثر
29-08-2009, 11:41 PM
ودالضو ياااااااشعلة ضو

حمدالله على السلامة ياحبوب

ووووين مسجل غيااااب

بنسال منك طوووالى

بركة الشفناك طيب

اما بخصوص مشاركاتك ومشاركاتى

ومشاركات البقية

فدى قصة طوووووويلة

كان حكيتا ليك

بنعطش سااااااى

اهم حااجة انك جيت من تانى

وبيك بنملا الدنيا عبير واغااانى

ونفرش رمل السكة اماااانى




يلا من جديد نبدا

كلنا بدينا من اول وجديد

ونحن معااااك بنشيل الهمة





رمضان كريم

ومكانك شاغرا ياودالضو
ود الضو
30-08-2009, 01:28 AM
الاعزاء
ابوخالد
سروية
عبد الرحمن مدثر
لكم التحية والشكر الجزيل للترحيب
تصوموا وتفطروا علي خير يارب ..
عبد الرحمن مدثر مشتاقين والله وشايف الجرسة شغالة شغل نضيف
خليني بعد افطر واجي اتجرس معاكم
( حكمة الله وانا صائم مابعرف اتجرس ) لكن فطرتي كدا تعال شوف
الجرسة واللياقة ( دا يوم صعب ياخ ) ولا حبة بزاق ساي مافي ..
اها اقعدوا عافية عاد كلكم ..
مشاققة :
يعني المشاركات القديمة مافي ؟؟؟
طيب نبدأ من الصفر ..
تحياتي ..
moh_alnour
30-08-2009, 03:53 AM
الأخ : ود الضو
لك أمنيات يملؤها طموح الأنقياء
لك الفرح مسرحاً غير مسدل الستار
تعال فحتما ً ستجد أخوة
على قدر كبير من جمال المواقف
حللت أهلاً و نزلت سهلاً

http://file8.9q9q.net/local/thumbnail/75325256/600x600.gif

http://file9.9q9q.net/local/thumbnail/97174582/600x600.gif


http://file7.9q9q.net/local/thumbnail/55966962/600x600.gif




طيب نبدأ من الصفر


بس الريدة و المشاركات لازم تستمر يا ود الضو ;)
الخواض محمداحمد خواض
30-08-2009, 04:14 AM
ود الضوء مرحب بيك للمره الثانيه وبالنسبه للمشاركات السابقه انسى كلنا فى الهوى سوا
مدنيّة
30-08-2009, 09:32 AM
مرحب بيك ياود الضو من جديد

بالنسبة للمشاركات
باعتبار انه عبدالرحمن مدثر كان صائم ماقدر يشرح ليك وكدا


كان ياماكان في قديم الزمان
جانا سيل بعيد عنك
وسال الاخضر واليابس
من يوم 20/2/2008
ولغاية نهاية شهر خمسة 2009 "مامتذكرة اليوم بالضبط"

اها لو انت واقع بين التاريخين ديل
علي مشاركات العوض

وابدا من الصفر
بس خليه صفر يمين ما شمال
ثمح ؟

مع انه فطرنا
لكن ريقي نشف

ليك حق ياابومزن :cool:
مبارك عمر عباس
30-08-2009, 09:39 AM
حللت أهلاً و نزلت سهلاً
الاخ / ود الضوء .
ود الضو
30-08-2009, 09:41 AM
الاعزاء :
محمد النور
الخواض
مدنية
لكم التحية والتقدير
وتصوموا وتفطروا علي خير ..
مدنية شكلي كدا انا واقع بين التاريخين الذكرتيهم
ومنو العوض وعليه العوض مامشكلة نبدأ من قولة تيت ..
تحياتي وشكري الجميل ..
ود الضو
30-08-2009, 10:04 AM
مبارك عمر حبابك مليون
ورمضان كريم
شاكر لك الاستقبال
اقعد عافية ..
ميادة
30-08-2009, 10:55 AM
ود الضو سلام يا زول يا راقي كيفك ونورتنا والله من جديد
عصام سعيد
30-08-2009, 10:39 PM
يا هلا ومرحب بيك أخونا ود الضو - وخلاص ياخونا أنسى الماضي وتعال نبدأ من جديد ,, ومنتظرينك
ود الضو
30-08-2009, 10:47 PM
شكرا .. ميادة .. و عصام سعيد
رمضان كريم ..
ولكم التحية ..
العاقب مصباح
30-08-2009, 10:58 PM
ياما غنينا وفرحنا


غنينا معاك يا ود الضو

والضو بكى

بكى ما بكى

بكاهو حس الطائرات

بكاهو قدرته تنتهى

بكاهو يرجى المعجزات

كيفنك يا ود الضو

وكيف خبرك

وبركة فى سلامة الروح


الباقى هين ياخ

منور جد
ود الضو
30-08-2009, 11:04 PM
الزول السمح
عاقب مصباح عساك طيب ياخي
ورمضان كريم عليك ..
والشوق بحور يعلم الله ..
وبركة الشفناكم ياخي طيبين
مشاققة :
شايفك في الجرسة فاتو فت شديد
لك التحية ..
العاقب مصباح
30-08-2009, 11:30 PM
الزول السمح
عاقب مصباح عساك طيب ياخي
ورمضان كريم عليك ..
والشوق بحور يعلم الله ..
وبركة الشفناكم ياخي طيبين
مشاققة :
شايفك في الجرسة فاتو فت شديد
لك التحية ..


يلا اطلع من الزير دا ياخ وتعال بى هناك نربها ونجوطها

وقول بسم الله

ويا مسهل تسهل
سامية عباس
31-08-2009, 12:07 AM
مرحب حباب ود الضو

الراجل الضو
نورت من جديد
انسى الفات
وتعال سمح القعدة وابدأ بنبض جديد
الشايقية
31-08-2009, 07:42 AM
http://www8.0zz0.com/2009/08/31/16/826174146.gif
ود الضو
31-08-2009, 10:01 AM
مريم الاخري
الشايقية
مليون سلام ومليونين شكر
رمضان كريم
ناصر عمر دبيب
02-09-2009, 09:28 PM
الأخ : ود الضو

اسمح لي بأن أحييك .. وأرحب بك
فكم يسرنا ويسعدنا انضمامك لعائلتنا المتواضعة
التي لطالما ضمها منتدانا الغالي على قلوبنا

( منتدبات ست المدن منتديات ودمدني )

وكم يشرفني أن أقدم لك .. أخوتنا وصداقتنا
التي تتسم بالطهر والمشاعر الصادقة
التي تنبع من قلوب مشرفيّ وأعضاء
هذا المنتدى السامي

هذا وتقبل تحياتنا وتقديرنا
مهند عادل
04-09-2009, 12:49 AM
الأخ : ود الضو



آهلآ وسهلآ بكِ بيننــآ ..
آضفتِ نورآ جديدآعلى المنتدى ...
كلنآ لهفة وشوق لرؤية موآضيعك آلمفيدة..
وكلنا آمل بأن يحوز منتدآنـــآ على رضآك وآعجآبك ..
بــ إنتظـآر إبدأعــآتك على صفحــآته ..
ونتشرف بوجودك معنـــآ بآلمنتدى
وأسعدنـآ خبر إنضمامك إلينــآ
نأمل من الله أن تنشر أبدعاتك في هذآ آلمنتدى...