المساعد الشخصي الرقمي

مشاهدة النسخة كاملة : من مواقفي مع البوفيه المفتوح


درديري كباشي
28-08-2009, 03:45 AM
العولمة وهي ما تعرف بفتح الثقافات على بعضها البعض مع التطور التكنلوجي الهائل في اجهزة الاعلام وكذلك انتشار الهجره جلب الينا كثير جدا من عادات الغرب .. ودون ما يكون هناك تبادل عكسي .. وخاصة في الطعام . بل بدات بعض هذه العادات الغربية تتسيد وتطغى على عاداتنا .. اختفت من بيوتنا صينية الغداء الشهيره بكسرتها وملاحها .. ليتناول الناس وجباتهم بالطريق من محلات سندوتشات اما شاورما او هامبرقر .. لقد تطرقت لهذه النقطة في موضوع البيتزا ... واقول ان صينية الغداء لم تكن مجرد صحن كبير فيه كسره بملاح مرافقا لها صحن سلطة وواحد صغير للشطة بالليمون .. انما كانت منتدى يومي تجتمع فيه الاسره مع الاب ويبدا طرح عدة مواضيع ربما متعلقة بدراسة الابناء او السياسة او حتى الكورة ... كما انه كون الناس كانوا ياكلون من نفس الماعون تولد نوع من الالفه والتقارب بينهم .. وانتظار الوالد والابناء بالغداء فيه نوع من الوفاء والالتزام تجاه بعضنا البعض ..
لكن من ضمن العادات التي استوردناها من الغرب هي ظاهرة البوفيه المفتوح .. وهي التي ساتطرق لها الان .. ولكي لا اوصف باني شخص متطرف ومتعصب لعاداتنا ساتطرق لمحاسن البوفيه المفتوح ...البوفيه المفتوح فيه حسنة وهي عدم الاسراف والتبذير بحيث يتناول كل شخص من نوع الاكل الذي يختاره قدر كفايته فقط ويترك الباقي .. ولكن اعتقد انه نحن في عالمنا العربي لم نصل المرحلة التي تجعلنا نقدر الكميه الفعليه في كفايتنا .. لذلك لا نستطيع التعامل مع البوفيه المفتوح .. ما دعوت الى بوفيه مفتوح هنا في الرياض وعادة يكون في الفنادق وبصفة خاصة في رمضان .. والا لاحظت ان العرب من كل الجنسيات لا يستطيعون التحكم في الكميه التي تكفي الواحد .. فهو يغرف كميات كبيره من كل نوع وبعد ذلك لا يستطيع ان ياكلها كلها ..
من ضمن هذه المواقف التي تعرضت لها انا شخصيا دعوت الى احدى الاسر السودانية لتناول الغداء .. وهي اسره ميسورة راقيه لا نغبطهم ولله الحمد ... ولكن المفاجاه كانت انه الغداء بوفيه مفتوح .. والمواعين المستطيلة التي تحتها شمعة للتسخين .. وهي نفس الاواني التي توجد بالفنادق ولكن بحجم اصغر .. ورب الاسره بدا معي جولة تعريفيه على الاطباق .. وانا احمل صحني اصبح منظرنا كانه هو كابتن فريق بيعرفني باللاعبين
وبدا كالتالي :
(دي مكرونا بالبشميلة ..ماشي . ودي استاكوزا بالاسباكتي .. ما معانا ... ودا بفتيك بالفنيك .. ودا استيك بالبلاستيك ..... هو لازم حاجة بحاجة.... لا ما لازم ... ودا جمبري بالبطاطس .... ودي باميه مطبوخة ( يعني انا ما بعرف البامية كمان ؟؟؟.. ما للدرجة دي يا ابو الشباب نحن برضو قعد ناكل ... دا كلام في سري طبعا )ودي سلطة بازنجان مخلل .. ودي سلطة مايونيز بالخردل .. ( والجردل دا شنو كمان ؟....... الخردل ما الجردل ) .. الا ان وصلنا صينية دائرية فقط وعليه شئ اشبه بالكسرة ولكن مقطع في شكل معينات مثل الباسطة ولكن الشكل شكل كسره بصراحة سالته ... ودي شنو؟؟ .. رد لي معقولة يا ابوالدر ... دي ما كسره سودانية...... كسره سودانية ؟؟؟ والجابه هنا شنو ؟؟؟ وحاياكلوها كيف مع الشناكل بتاعتكم دي ؟؟؟؟ بسيطة كدا ،، ادخل قطاعة بتاعة الباسطة تحت احد المعينات بتاعة الكسره ووضعها في الصحن بتاعي وفتح احد المواعين وغرف منه خضره مفروكة وكب ملعقتين على الكسره ... وانا اعاين باندهاش .... ودا ملاح خضره مفروكة وانا رديت .. لا عارفه ادونا ليه في تانية ابتدائي ..... لكن دي ما المشكلة المشكلة يا كلو كيف ؟؟؟؟؟؟
وبدات عملية الشرح ... مسك شوكة وسكين وقال كدا ... ضغط على الكسره بالشوكة وقطعها بالسكين وطعنها بالشوكة وغمسها في الخضره وتناول لقمة .... تخيلوا من الخضره بالكسره بالشوكة والسكين واكلها وقال هممممممممم لذيذه .....
انا بغيظ شديد ... اقول ليك حاجة ..... شيل شيل شيل ..... اشيل شنو .؟؟ طلع من صحني الانت مسميهم كسره بملاح خضره ديل ... خليني على الشناكل ديل احسن ... ليييه يا ابو الدر انت ما بتحب الكسره بالخضره .... كيف انا بموت فيهم واكلتي المفضلة .... لكن ما بالشوكة والسكينة ... ونحن الخضرة دي كان ما غطسنا يدنا فيها لا عند الكوع ما بتملا بطنا ولا عينا ...بعدين الخضره عايزة صحن كبير حتى الصحن الصغير ما بينفع معاها ..
ثم ان لقمة الخضره بملاح الكسره تحتاج للفتين تلاته في الهوا قبل ما تدخلها خشمك .. كيف حا اعمل اللفتين ديل بالشوكة افرض الكسرة طارت ولبست في وش واحد من ضيوفك الحناكيش ديل .. نبقى في امسحها لينا في وشنا واعذار ما لها داعي من الاول ...
خلاص يا ابو الدر دخل واحضر صحن ووضع فيه عدد من مثلثات الكسره وغرف لي فيه من ملاح الخضره وجدعت الشوكة والسكين وسبت صحن الشناكل في محله وشمرت قميصي ونزلت ليك بيدي في ملاح الخضره ....
رفعت راسي لقيت الحناكيش يعاينو لي بتغزز كانهم شايفني داخل الحمام بالشراب .. وانا في سري ادعو انشاء الله الشوكة تلبس ليها في حلق واحد ولا يده عشان تعرفوا نعمة اليدين والاصابع ... قال شوكة قال ...
مدنيّة
28-08-2009, 03:51 AM
غايتو يادرديري
عندك مواقف ابداااااااااااااااااااع


لكن تعرف
بقي في الخرطوم عاااااااادي زول بعزمك عزومة غداء
تمشي تلقاها بوفية مفتوح


غايتو جنس محن :(
ود الجعلي
28-08-2009, 04:25 AM
size="7"][/size]. الا ان وصلنا صينية دائرية فقط وعليه شئ اشبه بالكسرة ولكن مقطع في شكل معينات مثل الباسطة ولكن الشكل شكل كسره بصراحة سالته ... ودي شنو؟؟ .. رد لي معقولة يا ابوالدر ... دي ما كسره سودانية...... كسره سودانية ؟؟؟ والجابه هنا شنو ؟؟؟ وحاياكلوها كيف مع الشناكل بتاعتكم دي ؟؟؟؟ بسيطة كدا ،، ادخل قطاعة بتاعة الباسطة تحت احد المعينات بتاعة الكسره ووضعها في الصحن بتاعي وفتح احد المواعين وغرف منه خضره مفروكة وكب ملعقتين على الكسره ... وانا اعاين باندهاش .... ودا ملاح خضره مفروكة وانا رديت .. لا عارفه ادونا ليه في تانية ابتدائي ..... لكن دي ما المشكلة المشكلة يا كلو كيف


ه[هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههه

والله يا كباشي انك ما نصيح .................مجنون جن رسمي وشعبي ............... يا زول انت بتهبب حاجة في راسك ده .................ههههههههههههههههههههههههههههههههه هههههههههههههه

والله العظيم ضحكت باعلى صوتي لحدي ما لميت العذابة الفي الشقة كلهم جو يعاينوا انا بضحك في شنو؟؟؟؟؟؟؟؟؟؟؟؟؟؟؟؟؟؟؟

غايتو انت يا بتلفها .......... المهم بتضرب ليك حاجة ....................او عندك شيتا" بتسويهو عشان كده بتكتب جنس الكلام الظريف الدمو خفيف


ودي ا احلى حاجة عجبتني شديد عن الكسرة:D:D والجابه هنا شنو ؟؟؟؟؟؟ هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههه
ابداع يا ابو الدر
عبدالرحمن مدثر
28-08-2009, 04:25 AM
اذا كانت العزومة مختصرة على عدد قليل من المدعوين

تعال لى بجااى يابوالدر .. وانت بتلقى نفسك بعيدا عن فكرة التعريف

باللاعبين ... الى حتة اكبر بشتنة وهى حتة الدخول الى المسااااطب

الشعبية للاستاااااااد ... صف يسل الروح

ذهبت الى مناسبة صديق لى كانت فى قصر سولارا بالمهندسين بام درماان

وكان الحضور كما ذكرت ... مفروض تكون المناسبة فى استاد

والمفاجاءة كانت ان العشاء بوفيه مفتوح

طبعا انا الضحك شرطنى

كان الطيب مدثر يغنى وحيدا

مافى زول شغال بيهو شغلة

كان غنى الوحيدة وكان غنى

الاصل ماببقى صورة

الناس هناك فى صف البوفيه

اى زول بصحنو ... انت عااارف انا اتخيلت العريس ذاتو

واقف فى الصف .. عشان لوماحصل ليهو حاجة

بضيع ساى

انا طبعا استمتعت جدا بروعة الطيب مدثر

واكتفيت بقطعة (عيشة ) قرضتها فى حنانى

وغنيت للوحيدة




درديرى تحياتى ياحبوب
تغريد
28-08-2009, 04:53 AM
الجماعة الخواجات ديل لما عملوا البوفيه المفتوح كان هدفهم الاقتصادوعدم التبزير وانو الواحد يختار الصنف البعجبوا من دون ما يتقرض عليهو صن ويطلع ما بياكلوا ويترمي في الاخر وهم طبعا بياكلوا علي قدر بطنهم بس


بس وصل عندنا وبقي خراب بيوت بي مزاج وكل الهدف منو البوبار وتطبيق نظرية شوفوني وكدا



بس حكاية الكسرة وملاح الخدرة دي مبااااااااااااااالغة عالم :rolleyes:



الله يستر من الجاي


تحياتي وبشدة درديري كباشي
درديري كباشي
28-08-2009, 10:49 AM
غايتو يادرديري
عندك مواقف ابداااااااااااااااااااع


لكن تعرف
بقي في الخرطوم عاااااااادي زول بعزمك عزومة غداء
تمشي تلقاها بوفية مفتوح


غايتو جنس محن :(


سلام يا مدنية

خلاص انا بجي السودان قريب لمن تعملي لي دعوة اوعى تعمليها بوفيه مفتوح ... ليها قصة قيل ان ادارة السجون عندهم مزرعة ضخمة للفواكه ... قالوا عندما يزور مدير السجون المزرعه العساكر الحارسنه يقولوا لبتاعين المزرعة .... بعدين ما تخلطوا الشطة مع المرارة سعادة اللوا ما بياكل شطة ( والرساله واضحة يعني اضبحوا لينا عديييل كدا)
درديري كباشي
28-08-2009, 10:51 AM
size="7"][/size]. الا ان وصلنا صينية دائرية فقط وعليه شئ اشبه بالكسرة ولكن مقطع في شكل معينات مثل الباسطة ولكن الشكل شكل كسره بصراحة سالته ... ودي شنو؟؟ .. رد لي معقولة يا ابوالدر ... دي ما كسره سودانية...... كسره سودانية ؟؟؟ والجابه هنا شنو ؟؟؟ وحاياكلوها كيف مع الشناكل بتاعتكم دي ؟؟؟؟ بسيطة كدا ،، ادخل قطاعة بتاعة الباسطة تحت احد المعينات بتاعة الكسره ووضعها في الصحن بتاعي وفتح احد المواعين وغرف منه خضره مفروكة وكب ملعقتين على الكسره ... وانا اعاين باندهاش .... ودا ملاح خضره مفروكة وانا رديت .. لا عارفه ادونا ليه في تانية ابتدائي ..... لكن دي ما المشكلة المشكلة يا كلو كيف


ه[هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههه

والله يا كباشي انك ما نصيح .................مجنون جن رسمي وشعبي ............... يا زول انت بتهبب حاجة في راسك ده .................ههههههههههههههههههههههههههههههههه هههههههههههههه

والله العظيم ضحكت باعلى صوتي لحدي ما لميت العذابة الفي الشقة كلهم جو يعاينوا انا بضحك في شنو؟؟؟؟؟؟؟؟؟؟؟؟؟؟؟؟؟؟؟

غايتو انت يا بتلفها .......... المهم بتضرب ليك حاجة ....................او عندك شيتا" بتسويهو عشان كده بتكتب جنس الكلام الظريف الدمو خفيف


ودي ا احلى حاجة عجبتني شديد عن الكسرة:d:d والجابه هنا شنو ؟؟؟؟؟؟ هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههه
ابداع يا ابو الدر


سلام يا ود الجعلي

وربنا يديمها من ضحكة


وكل عام وانتم بخير
درديري كباشي
28-08-2009, 11:03 AM
اذا كانت العزومة مختصرة على عدد قليل من المدعوين

تعال لى بجااى يابوالدر .. وانت بتلقى نفسك بعيدا عن فكرة التعريف

باللاعبين ... الى حتة اكبر بشتنة وهى حتة الدخول الى المسااااطب

الشعبية للاستاااااااد ... صف يسل الروح

ذهبت الى مناسبة صديق لى كانت فى قصر سولارا بالمهندسين بام درماان

وكان الحضور كما ذكرت ... مفروض تكون المناسبة فى استاد

والمفاجاءة كانت ان العشاء بوفيه مفتوح

طبعا انا الضحك شرطنى

كان الطيب مدثر يغنى وحيدا

مافى زول شغال بيهو شغلة

كان غنى الوحيدة وكان غنى

الاصل ماببقى صورة

الناس هناك فى صف البوفيه

اى زول بصحنو ... انت عااارف انا اتخيلت العريس ذاتو

واقف فى الصف .. عشان لوماحصل ليهو حاجة

بضيع ساى

انا طبعا استمتعت جدا بروعة الطيب مدثر

واكتفيت بقطعة (عيشة ) قرضتها فى حنانى

وغنيت للوحيدة




درديرى تحياتى ياحبوب


يا ود مدثر يعني البوفيه بتاعكم احسن منه صندوق الاسعافات المسمى كوكتيل داك .. في حالتكم الذكرتها اصبح البوفيه المفتوح اشبه بمعسكرات الاغاثة ..

وبمناسبة الاغاثة .. في كسلا ايام السيول والفيضانات عام 88 الظاهر ناس الاغاثة كانوا مخزنيين بسكويت وناسنه او لسبب آخر .. فجاه اكتشفوا انه البسكويت باقي له فقط عشرة ايام من تاريخ نهايته .. وهبوا فجاه وزعوه كله على سكان المدينة خلال ثلاثة ايام فقط .كل مره يدق الباب واحد تفتح تلاقي موظف اغاثه عاوز يصرف لك بسكويت تقول له اخذنا يقول لك مالو اخذوا تاني.. اذكر في تلك الايام اذا شربت اي شئ لازم مع بسكويت يعني شربنا عصير ببسكويت وشاي ببسكويت وموية ببسكويت وشوربة ببسكويت اظن بعض الناس غمزوا البسكويت حتى في ام رقيقة والملوخية .. لاننا كنا في سباق مع الزمن علينا ان نقضي على اطنان من البسكويت خلال سبعة ايام فقط .
درديري كباشي
28-08-2009, 11:14 AM
الجماعة الخواجات ديل لما عملوا البوفيه المفتوح كان هدفهم الاقتصادوعدم التبزير وانو الواحد يختار الصنف البعجبوا من دون ما يتقرض عليهو صن ويطلع ما بياكلوا ويترمي في الاخر وهم طبعا بياكلوا علي قدر بطنهم بس


بس وصل عندنا وبقي خراب بيوت بي مزاج وكل الهدف منو البوبار وتطبيق نظرية شوفوني وكدا



بس حكاية الكسرة وملاح الخدرة دي مبااااااااااااااالغة عالم :rolleyes:



الله يستر من الجاي


تحياتي وبشدة درديري كباشي



شرفتي البوفيه المفتوح يا تغريد

وفعلا البوفيه المفتوح فكرة راقية .. لكن تحتاج لتدريب وقوة ارادة .. لانه الانسان لا يستطيع ان يتوقف امام عرض الاكل المغري .. وثانيا نحن ما تعودنا ان نوازن بين نظرنا وسعة بطوننا .. لذلك تجد الواحد يعبي الصحن ولا يستطيع الاكل لكل ما جمع ....

بعدين حكاية الكسرة بالخضرة هي فعلا كانت الغريبة في الموضوع ... انا عارف انه كل العالم الحولنا المصريين والشوام يعرفوا الملوخية لكن ما حدث شفتها في بوفيه مفتوح ..
نسمة صباح
28-08-2009, 11:30 AM
]هههههههه
هم مدام ماعاملين فيها راقين مابلاش الكسره مع ملاح خدره لانها نهائي ما بتلفق مع اي حاجه تاني

الخدره دي عايزه تكون في صحن كبيير براها ومعاها صحن سلطه وبس
ووتعوم وتنسى انو في زول جنبك نهائي

طبعا انا والبوفيه المفتوح نهائي ما اصحاب لانها بتجيني تخمه بالنظر وبس


تسلم على الابداع في السرد اخ درديري [/size]
درديري كباشي
28-08-2009, 11:51 AM
]هههههههه
هم مدام ماعاملين فيها راقين مابلاش الكسره مع ملاح خدره لانها نهائي ما بتلفق مع اي حاجه تاني

الخدره دي عايزه تكون في صحن كبيير براها ومعاها صحن سلطه وبس
ووتعوم وتنسى انو في زول جنبك نهائي

طبعا انا والبوفيه المفتوح نهائي ما اصحاب لانها بتجيني تخمه بالنظر وبس


تسلم على الابداع في السرد اخ درديري [/size]


سلام يا نسمة

في ناس بيفتكروا انه الرجوع للجزور والتراث هو نوع من الرقي .. يعني تدخلي ليك بيت فخم ومؤثث كله من شركات الاثاث المالية التلفزيونات .. لكن فجاه تلاقي طبق كسرة مرمي قي الارض وجمبه جبنة طين وابريق ..وسبحة لالوب اذا سالت قالوا لك دا ما تراثنا ..ودي ما اصالة
الملكة اسماء ( ام محمد )
01-09-2009, 02:31 PM
ثم ان لقمة الخضره بملاح الكسره تحتاج للفتين تلاته في الهوا قبل ما تدخلها خشمك ..




اصيل يا ابو الدُر
وحياتك حاليا بقى اكل الخضرة بالكسرة يعتبر ( بشتنة )
واجمل حاجة ان في مقياس لمقدار الاتكيت بتاعك .. انك لو قررت تستخدم يدك في الاكل يُفترض انها ماتتوسخ نهائيا , اها الكلام دا كيف مع التلات لفات في الهواء ديل , لو قدرت تحافظ انت المعاك في الصينية مابقصروا :p:D:D:p
درديري كباشي
02-09-2009, 03:13 AM
اصيل يا ابو الدُر
وحياتك حاليا بقى اكل الخضرة بالكسرة يعتبر ( بشتنة )
واجمل حاجة ان في مقياس لمقدار الاتكيت بتاعك .. انك لو قررت تستخدم يدك في الاكل يُفترض انها ماتتوسخ نهائيا , اها الكلام دا كيف مع التلات لفات في الهواء ديل , لو قدرت تحافظ انت المعاك في الصينية مابقصروا :p:d:d:p


عليك الله يا دكتوره في زول يتنازل عن طعم كسرة حارة بخضرة مفروكة مع صحن شطة حمراء بليمون ( لامن ريقي جرى ) عشان اوتوكيت ... يغور الاوتوكيت والنظام وتعيش الخضرة المفروكة رمزا للياقة ...
حاتم مرزوق
02-09-2009, 03:51 AM
الله يبارك فيك يا درديري

كنت متأكدا انك ستأتي الي هذا الموضوع ولو لم تأتي لطلبت منك ذلك لأن هذا الموضوع حساس جدا وانا شخصيا اطالب الشعب السوداني ان يغير من عادات الأكل عندنا الي البوفيه المفتوح !!!

لماذا

السبب الأول ذكره درديري الناحية الأقتصادية.

والسبب الثاني الناحية الصحية .

كيف :

مثلا في شوربة في صحن كبير والدنيا كلها خاشة بالمعالق في نفس الصحن و بعد شوية (حتكون بتشرب رياله بدل الشوربة) وليست هذه المسألة في الشوربة فقط بل في الكاسترد وفي المديدة وفي اشياء كثيرة.


والسبب الثالث تحقيق العدالة:

يعني تجي مناسبة تلقي اثنين قامو بالضلعة والبقية ما زالت تتحسس موضع الرغيف.


يا جماعة العادات دي لازم تتغير وممكن اي واحد يكون عندو صحن -كورة اي حاجة يخت فيها اكلو من الصحن الكبير والناس تقعد مع بعض وتتونس.

جاي راجع تاني بأذن الله
الملكة اسماء ( ام محمد )
02-09-2009, 03:59 AM
مثلا في شوربة في صحن كبير والدنيا كلها خاشة بالمعالق في نفس الصحن و بعد شوية (حتكون بتشرب رياله بدل الشوربة)

:eek::confused::p:D:D:D:p:confused::eek:

يعني تجي مناسبة تلقي اثنين قامو بالضلعة والبقية ما زالت تتحسس موضع الرغيف.




:p:D:D:D:p
درديري كباشي
02-09-2009, 04:07 AM
الله يبارك فيك يا درديري

كنت متأكدا انك ستأتي الي هذا الموضوع ولو لم تأتي لطلبت منك ذلك لأن هذا الموضوع حساس جدا وانا شخصيا اطالب الشعب السوداني ان يغير من عادات الأكل عندنا الي البوفيه المفتوح !!!

لماذا

السبب الأول ذكره درديري الناحية الأقتصادية.

والسبب الثاني الناحية الصحية .

كيف :

مثلا في شوربة في صحن كبير والدنيا كلها خاشة بالمعالق في نفس الصحن و بعد شوية (حتكون بتشرب رياله بدل الشوربة) وليست هذه المسألة في الشوربة فقط بل في الكاسترد وفي المديدة وفي اشياء كثيرة.


والسبب الثالث تحقيق العدالة:

يعني تجي مناسبة تلقي اثنين قامو بالضلعة والبقية ما زالت تتحسس موضع الرغيف.


يا جماعة العادات دي لازم تتغير وممكن اي واحد يكون عندو صحن -كورة اي حاجة يخت فيها اكلو من الصحن الكبير والناس تقعد مع بعض وتتونس.

جاي راجع تاني بأذن الله


سلام يا استاذ حاتم نصير البوفيه المفتوح

بس نحن قبل ما نعمم الفكره محتاجين نتعلم بل نتدرب عالى اشياء كثيرة منها التوازن بين النظر وسعة المعدة ... يعني مرحلة تستطيع ان تقيس فيها بعيونك فقط القدر اليكفيك من الاكل ..

سيبك من البوفيه المفتوح نحن الان لو دخلت احد الاسواق الضخمة مثل كارفور وكنت انت جايع حاتكتشف انك اشتريت اشياء نحن عادة لانكلها .. من نوع مكدوس وسلطة خردل بالزيتون وسلطة مورتديلا بالمايونيز جبن بمش عارف ايه هي قد تكون اكلات شامية او مكسيكية لكن عرضها المغري مع جوع بطنك وقدرتك الشرائية جعلها ضمن سلة مشترياتك .. لكن بعد ما تتعشى وستشبع بالفول والقراصة تحس بالورطة .. وكثير منها يذهب لسلة المهملات لانه طعمها اتضح انه لم يوافق مزاجنا بعكس شكلها المغري .. نحن محتاجين نتدرب لمن تعبي صحنك في البوفيه تكون واثق انه هي هذه الكمية التي تحتاجها انت تماما .
نبض المشاعر رووونة
02-09-2009, 08:52 AM
والله مواقف مباااااااااااااااالغة لكن
هههههههههههههه
درديري كباشي
02-09-2009, 03:05 PM
والله مواقف مباااااااااااااااالغة لكن
هههههههههههههه

نشكرك يا نبض المشاعر على المشاعر النبيلة وكل عام وانتم بخير
حنونة.
03-09-2009, 12:48 AM
سلامات ديرديرى
تعرف ده بوفيه راقى براعى كل الاذواق لكن الكسرة عادية ولا بالفرن، تعرف بحب احضر وصفات اسامة السيد يوم قال حنعمل اليوم (شوربة البامية ) طبعاً اتكيفت وفتحت خشمى وقعدت واتفجاءت انو عمل ملاح الويكة بتاعنا المعروف طبعاً ضحكت وعرفت اسم الدلع بتاعه وعرفت انوا ممكن ناكل الويكة بالمعلقة كخيار ثانييي
أشرف صلاح السعيد
03-09-2009, 12:51 AM
ابوالدر عوافى..

والله صدق المثل "مرمى الله مابترفع" كسرة بالفنلة بتاعتك دى طايرا ولا طايرا؟ ماتضرب الجن المابتعرفو وادى لبطنك نقلة نوعية مرة فى حياتا..بس جارى ليا للعقد السودانية "كسرة تتاكل بالشوكة" ماتتاكل ان شاءالله بالابرة ..أحيّيا منك الاستاكوزا ماهبشتا منها الحبة؟ هى الاستاكوزا دى زاتا شنو..هسى اكان اكلتها ماكان وصفتها لينا..أحيّيا منك جارى ليا بس للكلام الفاضى مايكلو الكسرة بشوكة ولا بفورك لفت انتا مالك؟هسى مااكلتا الجمبرى كمان أحيّيا وأحيّيا منكبس حارى ليا للكسرة بالبامية المفروكة الله يفرك يوما ويوم يوما هى طايرة ولا طايرة ولا كانت طايرة بتدلع فيها بامية مفروكة اسمما ويكا ويكا وحللوها كمان الامريكان لقوها harmless useless grass اجرى لسه أكلا..غايتو غظتنى جنس غيظة..شنو يعنى داير تأكد سودانتك هو فى زول غالتك فيها ماتاكل الجديد دا وكنتا توصفو لينا بدل ماقاعدين نستنا لينا بوفيه يختو لينا الاستاكوزا وناكلا على جهل بسببك..أحيّيا وأحيّيا منك وهاك السودنة دى..بامية بامية أحيّيا منك..غايتو البشفع ليك إنك ماأكلتا كمونية.
درديري كباشي
03-09-2009, 01:06 AM
سلامات ديرديرى
تعرف ده بوفيه راقى براعى كل الاذواق لكن الكسرة عادية ولا بالفرن، تعرف بحب احضر وصفات اسامة السيد يوم قال حنعمل اليوم (شوربة البامية ) طبعاً اتكيفت وفتحت خشمى وقعدت واتفجاءت انو عمل ملاح الويكة بتاعنا المعروف طبعاً ضحكت وعرفت اسم الدلع بتاعه وعرفت انوا ممكن ناكل الويكة بالمعلقة كخيار ثانييي


سلام يا حنونة والله حلوة شوربة البامية دي ومال امر رقيقة حا ياخدوها بالدرب ولا حقن ..


انا غايتو امس جاني مزاج انه اتسحر ببامية ...ورحت مطعم في الرياض تخيلي لقيتها جبت البامية واتسحرت بيها فعلا .... بصراحة البامية واحدة من احلى انواع الخضروات .. وبس حلوة شوربة البامية نكلم بيها الحماعة يضيفوها في البوفيه القادم .
درديري كباشي
03-09-2009, 01:17 AM
ابوالدر عوافى..

والله صدق المثل "مرمى الله مابترفع" كسرة بالفنلة بتاعتك دى طايرا ولا طايرا؟ ماتضرب الجن المابتعرفو وادى لبطنك نقلة نوعية مرة فى حياتا..بس جارى ليا للعقد السودانية "كسرة تتاكل بالشوكة" ماتتاكل ان شاءالله بالابرة ..أحيّيا منك الاستاكوزا ماهبشتا منها الحبة؟ هى الاستاكوزا دى زاتا شنو..هسى اكان اكلتها ماكان وصفتها لينا..أحيّيا منك جارى ليا بس للكلام الفاضى مايكلو الكسرة بشوكة ولا بفورك لفت انتا مالك؟هسى مااكلتا الجمبرى كمان أحيّيا وأحيّيا منكبس حارى ليا للكسرة بالبامية المفروكة الله يفرك يوما ويوم يوما هى طايرة ولا طايرة ولا كانت طايرة بتدلع فيها بامية مفروكة اسمما ويكا ويكا وحللوها كمان الامريكان لقوها harmless useless grass اجرى لسه أكلا..غايتو غظتنى جنس غيظة..شنو يعنى داير تأكد سودانتك هو فى زول غالتك فيها ماتاكل الجديد دا وكنتا توصفو لينا بدل ماقاعدين نستنا لينا بوفيه يختو لينا الاستاكوزا وناكلا على جهل بسببك..أحيّيا وأحيّيا منك وهاك السودنة دى..بامية بامية أحيّيا منك..غايتو البشفع ليك إنك ماأكلتا كمونية.


تعرف يا هندسة ما تتغاظ ساي عارف الاستكاوزا هي شنو عبارة عن ابو الجندب بحجم شبشب .. حشره بحرية تشبه الصرصار بس حجمها قدر جزمة مقاس 45 او 43 غايتو ما متاكد .. انت بتاكل مقاس كم؟؟

مره كنا انا وابن عمي ( على الغريب) معزومين غدا مع رجل اعمال سعودي في فندق الرياض بحي الوزارات .. والرجل طلب لنا الغداء من مطعم ماكولات بحرية .. عباره عن استاكوزا وحولها فرقة من الجمبري .. وانا اول مره اشوف الحاجات دي .. الراجل بصراحة كان عارض علي عمل .. وانا اخذت الموضوع بانه الوجبة نفسها جزء من المعاينة .. قلت يمكن الراجل عاوز يمتحني هل انا انسان راقي ام لا وخاصة بعد ما شفت الفاتورة .. وطبعا بعد داك اتوكلت انا وغمضت وبديت ابلع في الحشرات دي .. نعرف الاستاكوزا طعمها كيف .. عبارة عن فجل مسلوق ومحمر مع بيض البط .. ذقت التركيبة دي قبل كدا ..ولا انا .. والذ حاجة بعد الغدا ما اتفقنا على الراتب واتشاكلنا مع الرجل .. وفي الطريق قلت لابن عمي مشوار خسارة قال لي البركة في الحشرات الاكلانها دي .
ابوخالد
03-09-2009, 01:34 AM
فظيعة الحتة بتاعت البوفيه المفتوح ....
أكل على قدر ما تقدر ... بس ما تشيل معاك ..
( إحدى لوحات الإعلانات الخاصة بى )

بيحكى واحد صاحبنا الشركة عاملا حفل للإنجازات خلال عام ..
وكانت بفندق الكونتنتال جنوب الداخلية بالرياض ..
وكان بوفيه مفتوح ... وأخونا جديد كرتونه فى البلد دى (ذى
عضو كده بالمنتدى ) .. المهم الزملاء والمديرين والضيوف
والشركاء .. مليانه القاعة ... شى خلايجة وشى شوااام
وشى أولاد بمبا ... وحاجت تانيه أنسى ...
المهم شغلة البوفية شكلآ ومضمونآ ما واقعة ليهو .. المهم
وقف فى الصف وماخلى ليه نوع من المقبلات والسلطات
ما شالا ... وخلى المحمر والمشمر والبحرى والفسفورى
ذى ما هو ... وشال عيشة ... يقرض فى العيشة وحبة سلطة
أو مخلل بالمعلقة ... المهم عدا يوموا دفر ...
طبعآ البيسالو ليه ما تأكل اللحوم .. مُصر إنو نباتى ...

ولك السعادة أكوام
أشرف صلاح السعيد
03-09-2009, 01:45 AM
ابوالدر الرائع عوافى..
انا إستاكوزا مقاس 42 ..
ماقلت ليك مرمى الله مابترفع..ياخى الجمرى حشرات والله اخوك قدر ماختونى بجاى وبجاى عشان اكلو زماااان ابيت وقلت عليو حشرات زيك..ومن قبل سبعة سنوات المدام طلبتو وقعدت اصرصر ليها من غير الجرسون مايشوفنى عشان تغيرو بس هى اتغاتت وعملت ماشايفة هميزى وغميزى ولكيزى ..اها جا الجمبرى وحرقة سااكت قلتا المرة دى ماأخليها تتجدع فيو براها ومن يوما أخوك بقى مدمن حشرات ..اووبس قصدى جمبرى..اما صاحبتما الاستاكوزا لما يجيبوها ليا كما هى بتلاقينى خليت نعلاتى فى المطعم وقلتا يافكيك والمرة برضو بتحاولا علا حتى اكلا متعب وعليك امان الله عشان تضرب ليك إستاكوزايا التقول بتفك ليك فى كربريتر ساعة تفكفك عشان حتايا كدا عاملا زى ال........... هسى فى داعى للقرف دا..
ابوخالد
03-09-2009, 01:47 AM
مره كنا انا وابن عمي ( على الغريب)


على آل غريب ... على آل غريب ......... على آل غريب...
والله يا درديرى إتخيل لى الزول ده قِرا معاى المتوسط ...
بالله هو ود عمك .... سبحان الله الدنيا دى خرم إبرة بس ...


لكن الإستاكوزا بتاعتكم بالغت فيها جنس بوليغ ...
ده عيبكم ... الواحد وصفو يكون غلط يمشى يورط
صاحبنا أشرف فى حاجة تانية ... إنت قربا قول ليهو ذى
شباشب إخوانا ديل ... مبحبح على الآخر ..
الملكة اسماء ( ام محمد )
03-09-2009, 01:54 AM
الواحد وصفو يكون غلط يمشى يورط
صاحبنا أشرف فى حاجة تانية ... إنت قربا قول ليهو ذى

شباشب إخوانا ديل ... مبحبح على الآخر ..


http://www6.mashy.com/uploads/2_/TR/2_TRurgX0JWAgbuHEzistQ/shishah.jpg
درديري كباشي
03-09-2009, 01:59 AM
http://www6.mashy.com/uploads/2_/tr/2_trurgx0jwagbuhezistq/shishah.jpg






وقطعت جهيزة قول كل خطيب .. عليك الله دا منظر حاجة يا كلها بني ادم ... هي نعمه وحلال ما في شك طالما هي من البحر ما قلنا حاجة ... بس منظرها يخوف
أشرف صلاح السعيد
03-09-2009, 03:39 AM
http://www6.mashy.com/uploads/2_/tr/2_trurgx0jwagbuhezistq/shishah.jpg





لا وخاتين ليك قال زهور فى ضهرو..يعنى حيسمح؟والله دا لو كحلو وعملو ليو تقشير وتنفيخ وتجميل ياهو شين..ولا ماكدا ياابو الدر ..هو انتا عايز تاكلو ولا تخطبو لبتك..شين شنو ياعربى يافضيحة..