من التراث السوداني ..

[هيثم ادروب]

الاحباب الكرام :

السلام عليكم ..

اتمني مشاركة الجميع في تسليط الضو علي المصطلحات العامية السودانية...

قديمها و جديدها و الامثال و الحكم و التراث و تبادل المعلومات حولها ..

و بسم الله نبدأ ..

ود اللحد : المكان الذي يوضع فيه الجثمان داخل القبر.

الضانقيل : الطوب الاحمر.

الانداية : محل لبيع و تعاطى الخمور البلدية .

المريسة : خمرة بلدية تتكون من تخمير الذرة .

الصارقيل : دودة صغيرة تعيش في الطين تستخدم كطعم لصيد الأسماك.

المساير : الجزء الامامى للشعر فى المشاط.

العنقريب : سرير من الخشب ينسج بالحبال .

القرقريبة : تصنع من السعف وتستخدم في العواسه.

السعن : جلد يستخدم في حمل الماء او اللبن.

الصاج : قطعة من الحديد توضع على اربع حجارة وتعاس عليه الكسرة و الحلومر.

الكشف : المشاركة المادية فى المآتم و الافراح.

القدوم : آلة نجارة لقطع الاخشاب.

[هيثم ادروب]

التكل : المطبخ

النملية: دولاب لحفظ ادوات المطبخ

مترار: جهاز يدوي لغزل الخيوط

برطوش: حذاء

الاستبالة: المستشفى

سبلوقة: مجري تصريف المياه في راس البيت

المستراح: الادبخانة ، بيت الادب، الحمام

السهلة: الحوش، ساحة كبيرة داخل البيت

اللقيمات: فطائر تقدم عند الصباح مع الشاى

[هيثم ادروب]

المعراكه -بضم الميم : قطعه من القماس لزوم مسح الصاج قبل العواسه

المشلعيب : علاقه مصنوعه من الحبل لوضع الطعام وحفظه (تلاجة المساكين

الخماره --بضم الميم : اناء مصنوع من الفخار لتخمير العجين لزوم العواسه

البو : ربما نطق الكلمة يختلف قليلا من كتابتها ويمكن تسكين الواووهو تحنيط وليد البقرة

الميت واحضاره بالقرب من البقرة لتدر اللبن ...

[هيثم ادروب]

كونشبر : قفة صغيرة يستخدمها المزارع في نقل التراب لسد الماء.

الهضليم : الشعر

التكم : قفل الباب.

الدوكه : مكان لوقد النار علي الارض.

التيوه : نواه ثمره الدوم

الدافوري : لعب كره القدم في شوارع او ميدان وسط الحله.

كدندارة : حشرة تطير حول الزرع

جربوكس : ترس ناقل السرعة في العربات.

دكوة : زبدة الفول السوداني.

مررو : فول حاجات ، فول مدمس

الدفتر : ورق شفاف رهيف يستعمل في نظافة النظارات

[هيثم ادروب]

التبروقة : مصلاية من السعف (بت عم البرش) ما تقولوا لي البرش ده شنو؟

الفروة : مصلاية من الجلود

الدردقو : ود عم العجور ، ينبت في الجروف .. وما تقولوا لي الجروف دي شنو؟

الغباشة : الروب المضاف إليه قليل من الماء وقليل من السكر (حاجة مريحة جداً.. أحسن من

إكتيفيا)

اللداية : مجموعة من الحجارة توضع عليها حلة الطعام (لزوم رفعا قليلاً عن الجمر)

السيارة : ما تفتكروها العربية ، السيارة هي الطايووق الذي يمسح به صاج الكسرة (عشان

الطرقة تسير بسرعة وسهولة) عارفين الطايوق ؟ شكراً

الكُنُش : المُفراكة

أم تكشو : وجبة طعام من الماء الحار المضاف إليه مسحوق الخُضرة (الملوخية) الجافة (لا

لحمة ولا يحزنون)

أم شعيفة : وجبة طعام من الماء الحار المضاف إليه مسحوق البامية الجافة (نفس شرح أم

تكشو)

[هيثم ادروب]

التيبار : الزير

مريسيلا : سراج (مصباح) يضي بإستخدام الجاز

الرتيلا : نملة (إن شاء الله ما تضوقوا قرصتها)

العُكارة : الكسرة المخموجة بالموية والسكر وتسمى أحياناً (الموصة)

المربعة : الأوضة (الغرفة) المنفردة

الدلجة : الواطه القوية

الشتم : ود الدلوكة (آلات إيقاعية)

العمبلوق :بهيم (سخل) يتراوح عمره ما بين 4 إلى 5 شهور

السحسوح : السفنجة (الشبشب)

البيرون : السحلية

الغُلغُل : بذور القطن

الغوغاية : آلة خشبية لفصل الغلغل عن القطن.

[هيثم ادروب]

إتنين إنجليز عاشو في السودان فترة

والتقو في لندن، وكل واحد فيهم بيستعرض للتاني معرفته بكلام السودانيين

واحد سأل التاني طيب كلمة،، تشج، معناها شنو

(تشج، دي بنقولها بقصد نعم وهي تخرج كصوت بتمطيق اللسان مع سقف الحلق)

التاني أجاب

to say yes

[هيثم ادروب]

السلبَة - الحبال

الكجَّامة - شرك للفيران

القلابة (الهبّارة) - شرك للطيور

الرّواق - المدخل

البرطوش - الشبشب

السفروق - عكاز ملوي

الدقنوس - الراس

الربيت - شحم الخروف

[بنت الرفاعي]

ماشاءالله فكرت في كم كلمة كدة ولقيتك ذكرتهم , أها المرة الجاية بتذكر كم كلمة وأجي أقولهم , إن شاءالله .


سؤال :
هل يمكن للمصطلحات السودانية الجديدة , بمختلف مسمياتها أن تصبح من التراث ؟

[ابوخالد]

الأقشى
ام فتفت
النيفة
المخلايا
المركوب
الطملة
الزريبة
التيبار
البنبر
الكَراب
الكُراد
الكتاحة



مشكور أخى هيثم على المجهود
لكن الخط جهجهجنا معاه شديد

[هيثم ادروب]

الأقشى : وجبة شعبية مصنوعة من اللحم الصافي ..

ام فتفت : لحوم البطون ..

النيفة : ارجل وراس الخروف تطهي بطريقة معينة ..

المخلايا : ماعون لنقل الاشياء

المركوب : حزاء يصنع من الجلد المدبوغ محلياً ..

الطملة : ارض واطية تتجمع فيها المياه ..

الزريبة : حظيرة للحيونات

التيبار : الزير ..

البنبر : مقعد صغير ..

الكَراب : حبل لشد العنقريب ..

الكتاحة : غبار كتير ..