المس كولات في طلب الكنجالات

[محمد عبد الله عبدالقادر]

من الظواهر الغريبه والمدهشة والبقت عادية بالنسبة لينا نحن المغتربين
انو ناس السودان سواء اكان من اهلك ولا من اصحابك ولا من غيرهم
بشوفوا المغترب ده اداة لتحقيق احلامهم البسيطه منها والكبيرة

والظاهرة الغريبة دي انهم لمن يجوا يطلبوا منك قروش او اي حاجه
عاوزنها من بره الواحد يقعد يعمل ليك مس كول في مس كول في مس كول
في مس كول وفي كل الاوقات لحدي ما الواحد يبدا يقلق ويقول يا ربي في
شنو ؟ ولمن تتصل عليهم يبدا الواحد كميه من السلامات الحارة وفي النهاية
يقول ليك ( انت مصاريف الشهر ما رسلتهم او ياخي داير اطلب منك طلب
او عليك الله اول واحد جايئ رسل لي معاهو جوال نوكيا زي البجيبو دعايته
في التلفزيون .... وهكذا..

ورمضان كريم

[ابو لوزة]

شنو يا ابو عمر شكلو رمضان ده سخن
معاك ولا ضاربك فلس
كل رمضان وانت بالف خير

[محمد عبد الله عبدالقادر]

ابو لوزه سلامات
كلو في كلو يا خواض

رمضان كريم

[خالد أحمد الصول]

يا زول ما ترسل
و بطل الجرسه إنشاء الله من دهب الوليه

[محمد عبد الله عبدالقادر]

يا زول ما ترسل
و بطل الجرسه إنشاء الله من دهب الوليه

ود الصول سلامات
والله لو قربنا لدهب الوليه اخير منه مسكولات السودان خفيفه وممكن تطنشه لكن ... اللهم اني صائم يا ود الصول خلينه في المسكولات احسن يا ود الصول
رمضان كريم

[بدر الدين احمد الطائف]

محمد رمضان كريم
والله الحكاية دى عجيبة واحد يعمل ليك مس كول ترجع تلقاهو ودخالت حبوبة الجيران عاوز موبايل لانه اعماله واشقاله كلها تعطلت لعدم وجود موبايل معاهو.











ياخى انت حق المكالمة ماعندك الموبايل لزومو شنو
ما قلت لى يا محمد بقيت تعمل شنو مع المس كولات دى ؟.

الظاهر انها بتحصل مع كل الناس.

[ام قبس]

محمد عبد الله انت قاصد ياتو مس كول
بتاع المصاريف ولا بتاع المرسال:mad::mad::mad:

[ود الجعلي]

والله ود حلالمي

وانا بقرأفي البوست بتاعك والردود جاءني مس كول ومعاهو رسالة للتأكيد عشان ما اقول ما عندي رصيد فالرسالة بتجي بعد المس كول طوالي عشان ما تلقا اي طريقة للمخارجة او التطنيش ومحتوى الرسالة فيه العبارات الكلمات المقدسة التي لايمكن تجاوزها "امي قالت ليك .............. وابوي بسأل من ...."

[الملكة اسماء ( ام محمد )]

الله غالب


ممكن بس اخالفكم الرائي في مفهوم ان( المغترب اداة لتحقيق احلامهم )


مامن السهل زول يتوسم في شخص الخير او ( يعشم في كرمه)
في دعاء على وزن الله يعينا ( الله يدينا وندي ) , وما نقص مال عبد من صدقة , صحيح ممكن تكون طموحات المتصل خيالية ومافيها ( خجلة ) لكن دي ممكن يكون حلها موجود وسبحان الله ممكن تسمع ليك دعاء من شخص حليت ليه مشكلة وتحس بانك فعلا عايش على دعوات الناس دي


دكتور استاذي في الجامعة : دخل عليه مريض طالب مساعدة وقال ليه : "يادكتور فحص العينة دي غالي اسوي شنو وانا جاي من بعيد .."


الدكتور قال ليه ياحاج :"علي يمين ماتدفع قرش . يكفي انك جيتني واتوسمت فيني خير"
كتب ليه تصديق بالفحص المجاني
وطلع ليه مبلغ اداه المريض لزوم باقي التكاليف الروتينية الغير مدرجة في التامين , المريض طلع وهو بدعي للدكتور ان ربنا يبارك ليه ويزيده


الدكتور عاين لينا وقال : " زي دا بستحق العون "
واضاف :" وانا في الحج ياوليداتي قلت يارب تديني وادي كل البجيني محتاج . تصدقوا وتامنوا بالله اني ماحصل جاني محتاج وما كان عندي الاديه ليه ؟"



في مانقدم وجه مشرق جدا رغم صعوبة المعيشة
الله المستعان

[littlestar]

المس كول أصبحت لغة
يتقنها الكثير من البشر
وليس بالضروره أن تكون خارج السودان
حتى يتعقبك هؤلاء القوم بالمس كولات
التى لا يأنفونها ولو كان لديهم رصيداً

[عباس الدسيس]

محمد عبدالقادر والله اظرف شيء بعد ما اقولوا ليك رسل لينا اقفلوا الخط اها انت تمشي ترسل تتصل عليهم تقول ليهم خلاص رسلته تاني يوم اعملوا ليك مس كول اقولوا ليك استلمنا القروش بس اتصل علي اخوك في استراليا خلي اتصل علينا ومشكلة استراليا الدقيقة بس 7 ريال كان هو ما اتصل كل يوم اتصالات اسألوا عن احوالوا ليه ما اتصل وانت تتصل علي بتاع استراليا اشبك سلام عشرة دقائق الحالة تستمر لا تتوقف مالم يتصل عليهم بتاع استراليا اها بعد ده اشبكوك اختك في قطر اختك في لندن تجمع الاتصالات دي تلقاها حقتتحويلة عديل كده .............. كل سنة وانت طيب رسل يا زول خلي الكلام الكثير

[حمدالنيل دفع الله]

الله غالب


ممكن بس اخالفكم الرائي في مفهوم ان( المغترب اداة لتحقيق احلامهم )


مامن السهل زول يتوسم في شخص الخير او ( يعشم في كرمه)
في دعاء على وزن الله يعينا ( الله يدينا وندي ) , وما نقص مال عبد من صدقة , صحيح ممكن تكون طموحات المتصل خيالية ومافيها ( خجلة ) لكن دي ممكن يكون حلها موجود وسبحان الله ممكن تسمع ليك دعاء من شخص حليت ليه مشكلة وتحس بانك فعلا عايش على دعوات الناس دي


دكتور استاذي في الجامعة : دخل عليه مريض طالب مساعدة وقال ليه : "يادكتور فحص العينة دي غالي اسوي شنو وانا جاي من بعيد .."


الدكتور قال ليه ياحاج :"علي يمين ماتدفع قرش . يكفي انك جيتني واتوسمت فيني خير"
كتب ليه تصديق بالفحص المجاني
وطلع ليه مبلغ اداه المريض لزوم باقي التكاليف الروتينية الغير مدرجة في التامين , المريض طلع وهو بدعي للدكتور ان ربنا يبارك ليه ويزيده


الدكتور عاين لينا وقال : " زي دا بستحق العون "
واضاف :" وانا في الحج ياوليداتي قلت يارب تديني وادي كل البجيني محتاج . تصدقوا وتامنوا بالله اني ماحصل جاني محتاج وما كان عندي الاديه ليه ؟"



في مانقدم وجه مشرق جدا رغم صعوبة المعيشة
الله المستعان


ممتاز ملكة القلوب

[ود الجعلي]

الله غالب


ممكن بس اخالفكم الرائي في مفهوم ان( المغترب اداة لتحقيق احلامهم )


مامن السهل زول يتوسم في شخص الخير او ( يعشم في كرمه)
في دعاء على وزن الله يعينا ( الله يدينا وندي ) , وما نقص مال عبد من صدقة , صحيح ممكن تكون طموحات المتصل خيالية ومافيها ( خجلة ) لكن دي ممكن يكون حلها موجود وسبحان الله ممكن تسمع ليك دعاء من شخص حليت ليه مشكلة وتحس بانك فعلا عايش على دعوات الناس دي


دكتور استاذي في الجامعة : دخل عليه مريض طالب مساعدة وقال ليه : "يادكتور فحص العينة دي غالي اسوي شنو وانا جاي من بعيد .."


الدكتور قال ليه ياحاج :"علي يمين ماتدفع قرش . يكفي انك جيتني واتوسمت فيني خير"
كتب ليه تصديق بالفحص المجاني
وطلع ليه مبلغ اداه المريض لزوم باقي التكاليف الروتينية الغير مدرجة في التامين , المريض طلع وهو بدعي للدكتور ان ربنا يبارك ليه ويزيده


الدكتور عاين لينا وقال : " زي دا بستحق العون "
واضاف :" وانا في الحج ياوليداتي قلت يارب تديني وادي كل البجيني محتاج . تصدقوا وتامنوا بالله اني ماحصل جاني محتاج وما كان عندي الاديه ليه ؟"



في مانقدم وجه مشرق جدا رغم صعوبة المعيشة
الله المستعان

فعلا" انني من المعجبين بردودك وكتابتك
وجه مشرف لمنتديات ودمدني

[مدنيّة]

قصدك منوووو يامحمد عبدالله

غايتو احتياطي كدا
انا سمعت قالوا حكومتك قوووووووية
ومانعة منك اي تلفونات
مي شان كدا
محذر اي زوووووووول انه بس يديك مس كول
وانت بتقوم بالباقي
حفاظا علي الامن الوطني :cool:

[ود الجعلي]

قصدك منوووو يامحمد عبدالله

غايتو احتياطي كدا
انا سمعت قالوا حكومتك قوووووووية
ومانعة منك اي تلفونات
مي شان كدا
محذر اي زوووووووول انه بس يديك مس كول
وانت بتقوم بالباقي
حفاظا علي الامن الوطني :cool:

مدنية

واللة يا مدنية العالم دي معصورة جنس عصرة وصابرين ........ بقصد المغتربين مساكين............. ويحننو........ ما عارفين يلقهوها من المرة ولا المصاريف ولا الكفيل ولا الجهجهة في الشغل ولا في الاجازة ومصاريفها ولا العود النهائية للبلد

غايتو الله يسهل