ايام الغربة كلها معانات

[ابو الدهب]

يقطع الغربة وسنينها

الغربة في كل ثانية ودقيقة وساعة تقتلني وتقتل كل مشاعر واحساس
ومعاني موجودة في دواخلي وخاصة غربة البلد العفرة هذه يارب ارجعني
الي سوداني والي اهلي وأصدقائي وحبايبي والي اي سوداني اغبش
اغبر المهم اكون وسط السودانيين حتي ولو في قبر لمني وسطهم

[elshaigi]

اخي ابو الدهب والله كل يوم يمر علينا الواحد بفكر بنفس الطريقة وبيمر عليه
نفس الشريط وبصراحة كدة انا اكعب منك والله اتمني من الله العلي القدير
ان يجعل دعوتك مستجابة ولنا جميعاً ويلم شملنا في وطننا الحبيب
والله الواحد لوما لاقي ناس المنتدي يدردش معاهم كل يوم ماعارف كان حصل شنو

وقولوا آميييييييييييييييييييين يا احباب

الشـــــــــــــــــــــــايقي

[ضياء الدين احمد]

والله لكن جنس جرسه يا ابو الدهب والشايقي واحد اهدي اخوه مافي انتوا كان بتحبوا في السودان اتكلموا عديييييل خلونا نشوف ليكم صِرفه دي جرسه بتاعت زول عندو حاجه اسألوني انا من الكلام ده

[ابو الدهب]

عفارم عليك الشايقي انت حنون وامير وانا النتدي بنفس لي شوية
وشكراً لك ولكل احبابي في المنتدي


وضياء كتاباتك شوية فيها سخرية ومالو لو حبينا في سودانا الحبيب
والله البعشق سودانية ياهنانه وسعده والسودانية مية المية %
وبعدين الجرسة مالا ياريتا جرسة وانا علشان بحب وطني انا
جرسة جرسة جرسة وووووووووب علي جرسة

[ضياء الدين احمد]

حاشا من اني اسخر يا ابو الدهب لكن الواحد بضحك مع الاخوان بس وبنفس هم الغربه ‘ اما الجرسه ماتشوف فصاحتي دي انا جرستي ببكاها

[ابو الدهب]

انا والله يا ضياء بتكلم بدون نفس لأن الغربة مؤثرة فيني شوية
وشويات
وارجوووووووك اذا انا غلطة فيك
أعزرني
وأسف جدا
وتصبح بألف خير
وتحياتي
الذهبي ( المصدي في الغربة )

[aborawan]

بلادنا حلوة يلا نرجع ليها ودار الغربة ما بترحم

[ضياء الدين احمد]

يا ابو الدهب ما تعتذز لانو نحنا بجد اخوان ولازم نقدر بعض ودي ميزة المنتدى وانت بالنسبه لينا ما مصدي انت دهب نضيف وجنيه انجليزي مع حبي