الشعيرية1

[ابراهيم]

وقتها كنت صغيراً لست افهم في الطبيخ
غير أني كنت مأسور الفضول
ساولت نفسى بأن اختال في المطبخ
لأبدع وكانت الضحية كيس شعيرية مستكين في إحدى الأدراج
لم أبالى حيث أن .... ولو ..... وكيف
كان ذاك الكيس نقطة ابتداء
كانت الحلة الكبيرة مفعول به
والضحايا زيت فول
رطل سكر ثم ملح ... هكذا كان اللقاء
ثم ماذا يا الطريفي
قد صببت الزيت في الحلة الكبيرة
ثم كبيت الشعيرية والملح والسكر سواء
قبل ان اضع الغطاء ...
زدتها ماءاً كثيراً كي يتم الاستواء
بعض حين ...
احتوى البيت سحاب وتعطر
واحتواني الخوف اكتر
كنت مشتاق لإنجازي المشعشر
إلا إنو .... يبدو إنو
كل حلمي قد تكسر
فالشعيرية استحالت
صوب شيء مثل كستر
ثم حين كالعصيدة
أو مديدة كالها الكانون ناراً
ثم حرقت .. شكلها قد صار اشتر
لونها ما بين فوشي مائل يبدو كأخضر
في الحقيقة
لست أدري
غير أني كنت مشغولاً افكر
في التخلص ليس اكثر
أو فضيحة ... جوة بيتنا
ثم للجيران تنشر

[نزار حسن محمد]

ابرهوته ...
الله يعرس لك بركة هذا الشهر الكريم
وتجيب معاك العروس فى بلاد الخوجات ..تعوس
لك وتعمل لك ديك يالشعريه الما خمج ..قول امين
يا ابرهوته ...وارفع ..راس الجزيره

[نشوي محمد]

شعيرتك رهييييييييييييييبه

[الجندي المجهول]

وقتها كنت صغيراً لست افهم في الطبيخ
غير أني كنت مأسور الفضول
ساولت نفسى بأن اختال في المطبخ
لأبدع وكانت الضحية كيس شعيرية مستكين في إحدى الأدراج
لم أبالى حيث أن .... ولو ..... وكيف
كان ذاك الكيس نقطة ابتداء
كانت الحلة الكبيرة مفعول به
والضحايا زيت فول
رطل سكر ثم ملح ... هكذا كان اللقاء
ثم ماذا يا الطريفي
قد صببت الزيت في الحلة الكبيرة
ثم كبيت الشعيرية والملح والسكر سواء
قبل ان اضع الغطاء ...
زدتها ماءاً كثيراً كي يتم الاستواء
بعض حين ...
احتوى البيت سحاب وتعطر
واحتواني الخوف اكتر
كنت مشتاق لإنجازي المشعشر
إلا إنو .... يبدو إنو
كل حلمي قد تكسر
فالشعيرية استحالت
صوب شيء مثل كستر
ثم حين كالعصيدة
أو مديدة كالها الكانون ناراً
ثم حرقت .. شكلها قد صار اشتر
لونها ما بين فوشي مائل يبدو كأخضر
في الحقيقة
لست أدري
غير أني كنت مشغولاً افكر
في التخلص ليس اكثر
أو فضيحة ... جوة بيتنا
ثم للجيران تنشر

يا ابو شعور رقيقة تسمح بي دقيقة (وعاوزين ملاح روب ) ورينا الطريقة

[esmat]

يا ابراهومة رمضان كريم
غايتو شعيرتك دي بالغت فيها
وبما اني من محبي الشعيرية بالسمن
ادين واشجب هذا التصرف أما كان الاولى
الاتصال بصديق/ه ام كنت تريد ابراز مهارتك
في الطبيخ فإنقلبت عليك كالبطيخ
والتحية لكيس الشعيرية الذي ضحى
بنفسه من اجل اخوانه

[حنونة.]

ابراهيم رمضان كريم وتصوم وتفطر على خير
الظاهر كده انك انسان ذوا شعور مرهف جميل لكن انا طبعا مع عصمت من محبى الشعيرية حتى العصيدة منها مالقيت غير الشعيرية تبهدل كده وتبدا بيها تجاربك المشعشرة

[بنت الرفاعي]

أنا عكسك تماما , أتذكر أول مرة عملت فيها الشعيرية ماشاءالله طلعت حلوة شديد وكأني عملتها قبل كدة ;)

ماقلت لينا أسي بقيت تظبطها ولا لسة؟

[عزيز عيسى]

مخير الله يا برهوته في رمضان وبتهلوس بالشعيرية؟!
هسع لو كنت خاطب ليك واحدة من السودان
الأبرى الأحمر والأبيض كان وصلك بالشولات
والخبيز والكعك والويكة والشرموط الناشف
كان أرسلوها ليك في كراتين وكان جينا
شحدنا منك شوية.
أحسن ليك الشعيرية تختاها لأنه أقل خطأ
في تحضيرها ستحدث كارثة أنت في غنى عنها.
ياخي حقو الواحد يصمم ليه ويب سايد علشان
يعلمك الطبيخ و(خسوسا) الشعيرية.

[moh_alnour]

هسع لو كنت خاطب ليك واحدة من السودان الأبرى الأحمر والأبيض كان وصلك بالشولات والخبيز والكعك والويكة والشرموط الناشف

حسي دا ما فطور عريس عديييييل كدا يا خواجة عزيز يا لذيذ :eek: ياخي برهوتة جاري دا يا تشوف ليهو عروس ولا شوف ليهو كتاب طبيخ
فاضحنا و كاشف حالنا في المنتدى بسبب الشعيرية ، الحمد لله البوست دا ما شافتو عشوشة
و الله كان كشفت حالو وسط الشماشة في الخيران و خلعتوا من بيت الشماشة و و صمتوا بالحنكشة ;)

[عزيز عيسى]

فاضحنا و كاشف حالنا في المنتدى بسبب الشعيرية ، الحمد لله البوست دا ما شافتو عشوشة
و الله كان كشفت حالو وسط الشماشة في الخيران و خلعتوا من بيت الشماشة و و صمتوا بالحنكشة ;)

ود النور جارك كاشف حالو مع عشوشة والشماسة وناس الراندوق ذاتو!
ياخي هسع جارك دا لو كان شرح مشكلته مع الشعيرية بالراندوق ما كان
أحسن ليه وستر نفسه؟!
غايتو زولك دا حأصنفه من الحناكيش طاشين شبكة
أها إن شاء الله ما تكون مثله ما بتعرف الطبيخ
والله يعرس ليكم الإثنين.. قولوا آمين!

تخريمة:
الأسبوع المضى إلتقيت بشباب قالوا من أولاد مدني..
أخوك إتكيف جدا.. طبعا بدأ السؤال التقليدي للتعارف
واحد أخينا سأل الثاني إنت من وين في مدني رد عليه
قال ليهو أنا من أم بارونة..
الثاني قال ليهو: أمبارونه دي زمان كنا بنمشي ليها
علشان نقبض القرود.. :)
طبعا لأن الشخص فعلا كان من مدني مازعل أبدا
وضحك معانا وقرب (يتفنقل) من الضحك لأنه عارف
المسألة نوع من الدعابة المألوفة في مدني.

أقول قولي هذا وإستغفر الله لي ولكم ولسائر
المسلمين.. إنه جواد كريم..
إقرأوا القرآن في هذا الشهر الكريم يرحمكم الله.

[الملكة اسماء ( ام محمد )]

أقول قولي هذا وإستغفر الله لي ولكم ولسائر
المسلمين.. إنه جواد كريم..
إقرأوا القرآن في هذا الشهر الكريم يرحمكم الله.



نادونا لما تقيموا الصلاة :)

[الملكة اسماء ( ام محمد )]

كل حلمي قد تكسر
فالشعيرية استحالت
صوب شيء مثل كستر
ثم حين كالعصيدة
أو مديدة كالها الكانون ناراً
ثم حرقت .. شكلها قد صار اشتر
لونها ما بين فوشي مائل يبدو كأخضر
في الحقيقة
لست أدري
غير أني كنت مشغولاً افكر
في التخلص ليس اكثر
أو فضيحة ... جوة بيتنا

ثم للجيران تنشر


:p:D:D:D:D:p
هارد لك
الجاتك في الشعيرية سامحت باقي التموين :p

[ابراهيم]

ابرهوته ...
الله يعرس لك بركة هذا الشهر الكريم
وتجيب معاك العروس فى بلاد الخوجات ..تعوس
لك وتعمل لك ديك يالشعريه الما خمج ..قول امين
يا ابرهوته ...وارفع ..راس الجزيره


آمين يا ابو النيز دعوتك سمحة
لكن العروس كان عاست في بلد الخواجات بتغتس حجرنا يا نزار
جنهم وجن الدخاخين

[ابراهيم]

شعيرتك رهييييييييييييييبه

مش عليك الله
والعجب كان شفتي السكسكانية
ارهب منها

[ابراهيم]

يا ابو شعور رقيقة تسمح بي دقيقة (وعاوزين ملاح روب ) ورينا الطريقة


معاك معلم يا كرمبو وبنعملو بالزبادي نسبة لاختلاف الظروف
والله اول يوم في رمضان عملنا ملاح روب وعصيدة تغني ليها هيفاء
والطريقة ساهلة جداً اصبر لي بعد الفطور

[ابراهيم]

يا ابراهومة رمضان كريم
غايتو شعيرتك دي بالغت فيها
وبما اني من محبي الشعيرية بالسمن
ادين واشجب هذا التصرف أما كان الاولى
الاتصال بصديق/ه ام كنت تريد ابراز مهارتك
في الطبيخ فإنقلبت عليك كالبطيخ
والتحية لكيس الشعيرية الذي ضحى
بنفسه من اجل اخوانه




رمضان كريم يا عصمت
دي طبعاً التجربة الاولى .. ووقتها كنت صغيراَ اي نعم انو انا لسا صغير لكن يعني كنت اصغر من كدا كتير
والكلام كان داخل الكامبوس يعني ممنوع الاتصالات الخارجية
لكن يمين هسع اعمل ليك شعيرية تقول عملتها الزولة القالها ود الماذون ديك نسيت اسمها

[ابراهيم]

ابراهيم رمضان كريم وتصوم وتفطر على خير
الظاهر كده انك انسان ذوا شعور مرهف جميل لكن انا طبعا مع عصمت من محبى الشعيرية حتى العصيدة منها مالقيت غير الشعيرية تبهدل كده وتبدا بيها تجاربك المشعشرة


الله اكرم يا حنونة
من ناحية شعور رقيقة وكدة الحمد لله وشكراً كتيير للكلام الجميل
انا ما كنت قاصد ابهدل الشعيرية لكن كانت اقرب حاجة ومعروف اصعب حاجة عمل الشعيرية وانا بحب التحديات والمغامرات فكانت بداية لسلسلة من التجارب الناجحة والحمد لله وانا عازمكم كل محبي شعيرية عشان تعرفو كيف التجربة ولدت ابداع.

[العاقب مصباح]

ابراهيم
جبت صحنى وجيت
قلت احصل لى شعيرية من نوع شعيرية المناقل ديك
قدر ما ترفعها بى ملعقة تجيك نازلة خيوط خيوط
وتقعد تعاين ليها زى سلسل دهب
فى جيد هناية
اللهم انى صائم
رمضان كريم ياخى
وتصوم وتفطر على خير
وشعيرية كاربة شديد

[ابراهيم]

أنا عكسك تماما , أتذكر أول مرة عملت فيها الشعيرية ماشاءالله طلعت حلوة شديد وكأني عملتها قبل كدة ;)

ماقلت لينا أسي بقيت تظبطها ولا لسة؟



مرام رمضان كريم انتي وين ودرتي كدة
الكلام دة قولي لي زول ما بعرف يعمل شعيرية
اصلو ما في زول عمل شعيرية وظبطت تمام الى مهدي ابراهيم
وطريقتو العمل بيها الشعيرية كانت قاتلة انا كنت جيعان ولمن شفت التفاصيل شبعت ذاتو .. اصلو هو شعيرية ولا قدح روب ..
اسي بقينا معلمين بعض ضياع اكياس من الشعيرية

[ابراهيم]

مخير الله يا برهوته في رمضان وبتهلوس بالشعيرية؟!
هسع لو كنت خاطب ليك واحدة من السودان
الأبرى الأحمر والأبيض كان وصلك بالشولات
والخبيز والكعك والويكة والشرموط الناشف
كان أرسلوها ليك في كراتين وكان جينا
شحدنا منك شوية.
أحسن ليك الشعيرية تختاها لأنه أقل خطأ
في تحضيرها ستحدث كارثة أنت في غنى عنها.
ياخي حقو الواحد يصمم ليه ويب سايد علشان
يعلمك الطبيخ و(خسوسا) الشعيرية.


يا عزيز الآبري والحاجات دي دايرة ليها خطوبة دي بتجي ساااي بي اخوي واخوك ماعدا الويكة والشرموط الناشف ما عارف ليه بعدين ياخ اجمل حاجة في رمضان السحور يكون فيو شعيرية او سكسكانية اضعف الايمان .. ثم ثانياً الموضوع دة كان زمان يعني لكن هسى اخوك بقى معلم والله ودي حصالة الابداع الزمان .. والجماعة بقو يوم الاحد يقولو
we're hanging with ibrahim tonight cuz his doing shairiya
اها الواحد يبقى سفير نوايا حسنة اكتر من كدة كيف :D

[ابراهيم]

حسي دا ما فطور عريس عديييييل كدا يا خواجة عزيز يا لذيذ :eek: ياخي برهوتة جاري دا يا تشوف ليهو عروس ولا شوف ليهو كتاب طبيخ
فاضحنا و كاشف حالنا في المنتدى بسبب الشعيرية ، الحمد لله البوست دا ما شافتو عشوشة

و الله كان كشفت حالو وسط الشماشة في الخيران و خلعتوا من بيت الشماشة و و صمتوا بالحنكشة ;)




والله يا جار صدقني الطبيخ ما داير ليو كتاب واحتمال كبير العروس ما تكون الحل لأنو انا متأكد ما حتعمل شعيرية احسن مني ... وانت لو عارف انا تعبت كيف مع الشعيرية وكيف قاتلت معها سنينا عجافا لشعرت ما اشعر به تجاه شعيريتي ..بعدين ياخ المنتدى ملااااان جكس لكن بدون فايدة مافي اي وصفات وخدمات طبيخية يعني العزابة يموتو مغص وشعيرية.:confused:

[نبض المشاعر رووونة]

غيتو بالغت والله في الشعيرية دي

[أشرف صلاح السعيد]

والله قصيدتك ادتنى الشجاعة اقول ليك بالغتا ياابراهومة..
خليك فى الرز يااخوى شوية موية وجقجقة حلة..
تسلم لمنحك لنا بسما بل قهقهةً يصعب كثيرا ان تظهر بزمن المطر القاتل..

رمضان كريم..

[عزيز عيسى]

هسع يا برهوتة ومعاك جارك ود الجاك
تقدروا تصلوا الى المستوى دا؟
غايتو لو قلبتوا هوبة عديل ما حتصلوا
كدي شوفوا الصحن دا وإتمتعوا
بمشاهدة الشعيرية أولا قبل تذوقها؟
ولا أقول ليك حاجة أطبع الصورة
وعلقها في المطبخ علشان تقارن
شعريتك مع الشعيرية دي..
ولو ما ظبطت ومنظرها ما طلع بشبها
أنصحك أن ترسلها على برميل القمامة.

ود الجاك جارك برهوته لما نجح في عمل أول شعرية
قال وضعها في الثلاجة والليل كله يمشي يفتح الثلاجة
يعاين ليها ويقول: سبحان الله؟ :D :D

http://forum.makkawi.com/imgcache/68302.imgcache.jpg

[بنت الرفاعي]

ود الجاك جارك برهوته لما نجح في عمل أول شعرية
قال وضعها في الثلاجة والليل كله يمشي يفتح الثلاجة
يعاين ليها ويقول: سبحان الله؟ :D :D

<IMG style="WIDTH: 400px; ; WIDTH: expression(this.width > 450 ? 400 : true)" alt="اضغط على الصورة لرؤيتها بالحجم الطبيعي" src="http://forum.makkawi.com/imgcache/68302.imgcache.jpg" border=0>


:p:p:p:p:p:p:p:p
:p:p:p:p:p:p:p:p

[عزيز عيسى]

نادونا لما تقيموا الصلاة :)

ملكة القلوب،
رمضان كريم وتصوموا وتفطروا على خير.

أنحنا صلاتنا فيها تراويح بتقدروا عليها؟

اليومين ديل عندنا في المسجد الذي نصلي فيه صلاة
العشاء والتراويح شابين واحد فيهم باكستاني والآخر
من ماليزيا بيتبادلوا في صلاة التراويح..
بسم الله ما شاء الله الشباب ديل لديهم أصوات مذهلة
كأنها مزمار من مزامير آل داؤود..
سبحان الله الأول صوته قريب جدا من صوت
الشيخ السديس والثاني قريب لصوت الشيخ الحذيفي.
وحضور المسلمين والتردد على المسجد كل يوم في
إزدياد خلال هذا الشهر الكريم.. الله يحفظهم.

أها هسع برهوته دا ما عندك ليهو خلطة شعيرية
كاربة كدة تساعده في السحور؟

[عزيز عيسى]

دكتورة مرام كيف حالك ورمضان كريم،

أها السنة دي إن شاء الله تكوني صايمة
مع الأهل في الكاملين؟

قالوا رمضان مسخن شديد السنة دي..
أنصحك بأكل صحن شعيرية كل يوم عند السحور. :)

[ود الجعلي]

مخير الله يا برهوته في رمضان وبتهلوس بالشعيرية؟!
هسع لو كنت خاطب ليك واحدة من السودان
الأبرى الأحمر والأبيض كان وصلك بالشولات
والخبيز والكعك والويكة والشرموط الناشف
كان أرسلوها ليك في كراتين وكان جينا
شحدنا منك شوية.
أحسن ليك الشعيرية تختاها لأنه أقل خطأ
في تحضيرها ستحدث كارثة أنت في غنى عنها.
ياخي حقو الواحد يصمم ليه ويب سايد علشان
يعلمك الطبيخ و(خسوسا) الشعيرية.


الاخوان ابراهيم وعزيز عيسى "الخواجة"

تحياتي ورمضان كريم

في نوع من الشعيرية بتحمر وبتطلع مقرمش حلوة ولذيذة ودي طريقتها بتحمر في الزيت اول حاجة لمدة 3 دقايق على نار هادئة ... ....ولو كانت بالسمن البلدي تطلع حاجة عجيبة خلاص
المهم بعد ما تتحمر مظبوط تكب حبة موية شوية عشان ما تحرق وتديها شوية ملح وسكر
على حسب الرغبة وتترك في النار لحدي ما تسبك ونتاكد ان لونها بقا بني ................ وتتاكل باليد وبخمج كمان يعني تشيل صحن متوسط الحجم وتعبيهو وتلبد بيهو في ركن وحلاوتها لما تكون الكهرباء قاطعة وانت قاعد في نص الحواشة وياهو داك الزير جنبك مويتو بارده تنقط ...... وخاتي صحنك الما خمج في الطربيزه قدامك وتلهط جنس لهطي الجنبك ما تديهو وبعدين تديها كوز مانع موية من الزير بعدين تتخمد في سريرك
ورمضان كريم عليكم

[عصام الدين عموش]

تحياتي لك يا العزيز ابراهوته

كلنا في الهوا سوا ذكرتني أيام العزوبية ونحن في عز الجوع أنا وأخي الأكبر وفي غياب الجنس الناعم من البيت ( الأم والأخت وزوجته ) لمشوار عزاء فكرنا في عمل شيء لكن المتاح كان الرز فقط فقررت أنا أن أقوم بالمهمة لسهولتها ولكن ما كنت عارف المقادير بالظبط فقد اترعت الحلة بالرز حسب الجوعة وكلما مضى الزمن يتم نقل الكمية لحلة اكبر حتى صار الأمر وكأننا حنستقبل حولية أو نوزع كرامة للفريق بكامله وتحسباً للفضيحة قبل وصول الوفد النسائي للبيت قمنا بحملها متجهين نحو الجامع الكبير ( جامع الحكومة ) والباقي معروف

[فراس]

تحياتي اخ ابر اهيم
الشعيرية زكرتني موقف ونحنا في طريقنا من الخرطوم الي حظيرة الدندر الطبيعية
و كان معنا اخ يمتلك مشاريع زراعية بالقرب من مدينة المفازة
ذهبنا اليها والوقت ظهرا وخايفين من التاخير الجماعة قالو ادو الغفير الفي الكمبو اكياس شعيرية اعملا سريع وفعلا ادوها ليه قلنا مسافة الصلاة تكون خلصت المهم لمن اتاخر
دخلو الجماعة عليه ياراجل ماانتهت شعيرتك دي قاليهم قربت بس البصلة ماماتت آآآآآآ
اتاريه زولك حمر ليها البصل واداها صلصة شغل ملاح عديييل يازول دا شنو الهببتو دا
والله ياجماعة شغلكم دا اول مرة نشيفو:confused:

[عزيز عيسى]

الاخوان ابراهيم وعزيز عيسى "الخواجة"

تحياتي ورمضان كريم

في نوع من الشعيرية بتحمر وبتطلع مقرمش حلوة ولذيذة ودي طريقتها بتحمر في الزيت اول حاجة لمدة 3 دقايق على نار هادئة ... ....ولو كانت بالسمن البلدي تطلع حاجة عجيبة خلاص

ورمضان كريم عليكم

الأخ ود الجعلي،
الله أكرم وكل عام وأنتم بخير

ياخي خليت بطنا تكركب ولسانا يتقرمش من رائحة الشعرية بالسمنة البلدي.
غايتو أيام رمضان بحب أكل القراصة أم دقيق قمح صافي بالدمعة..
أها زولك برهوته دا لو سمع كلمة قراصة يقوم يحلف يقول لازم
يجرب عواستها.. غايتو لو حاول أنا ما مسؤول لو عمل حريقة في
المنطقة الساكن فيها.
(شكرن جزيلن) على طريقة عمل الشعيرية وأكيد برهوته حيستفيد منها
والشافو الليلة متعشي شعيرية بالسمنة ما كضب.

ود الجاك (الجدع) التعديل لابد منه.. وأكيد ودالجعلي لاحظ لذلك.

[عزيز عيسى]

اتاريه زولك حمر ليها البصل واداها صلصة شغل ملاح عديييل يازول دا شنو الهببتو دا
والله ياجماعة شغلكم دا اول مرة نشيفو:confused:

الله يجازي محنك يا ود القرشي.. دي أكلتوها كيف؟ :)

[الملكة اسماء ( ام محمد )]

أها هسع برهوته دا ما عندك ليهو خلطة شعيرية
كاربة كدة تساعده في السحور؟



خليه يجرب الشعيرية بالحليب

المقادير
كيس شعيرية
زيت او سمن حسب الرغبة
3 أكواب حليب
ملعقة صغيرة فانيلا..
سكر حسب الرغبة


الطريقة

تحمر الشعيرية في قليل من الزيت ثم يوضع فوقها الماء أو الأفضل الحليب ( ممكن رشة ملح )

تترك إلى أن تنضج مع التقليب المستمر
عندما تتشرب الماء يوضع فوقها الحليب( في حالة نكون ما استخدمانها المرة الاولى بعد التحمير ) و الفانيلا و السكر و يقلب جيداً

يترك قليلاً على نار هادئة إلى أن تثخن قليلاً

ثم يوضع في سلطانيات( كواري ) صغيرة و يترك ليبرد قليلاً
( وبالهنا والشفاء )



http://forum.hawahome.com/nupload/36848_1235064000.jpg

[الملكة اسماء ( ام محمد )]

ملكة القلوب،
رمضان كريم وتصوموا وتفطروا على خير.

جمعا ياسيدي
وربنا يتقبل منا ومنكم صالح الاعمال


أنحنا صلاتنا فيها تراويح بتقدروا عليها؟


حلاة رمضان التراويح وتلاوة القرآن

اليومين ديل عندنا في المسجد الذي نصلي فيه صلاة
العشاء والتراويح شابين واحد فيهم باكستاني والآخر
من ماليزيا بيتبادلوا في صلاة التراويح..
بسم الله ما شاء الله الشباب ديل لديهم أصوات مذهلة
كأنها مزمار من مزامير آل داؤود..
سبحان الله الأول صوته قريب جدا من صوت
الشيخ السديس والثاني قريب لصوت الشيخ الحذيفي.
وحضور المسلمين والتردد على المسجد كل يوم في
إزدياد خلال هذا الشهر الكريم.. الله يحفظهم.




تعقيبا على كلامك عن الامامين
حقيقة وشي ملاحظ فعلا الباكستانيين تحديدا اصواتهم عذبة جدا .. لدينا الغالبية هنا من المؤذنين من جنسيات هندية وباكستانية
وبشهادة الجميع تلوذ صمتا امام جمال اصواتهم

[ابراهيم]

والله يعرس ليكم الإثنين.. قولوا آمين!




آميييييين
يا ود الجاك تعال قول آمين عشان انت اقرب منى
والدنيا رمضان يعني لاعبين مع الهوا

[ابراهيم]

:p:d:d:d:d:p

هارد لك

الجاتك في الشعيرية سامحت باقي التموين :p


مش عليك الله
باقي التموين اثر التجارب كان عليو خفيف
واحدة من الحكم الطلعت بيها من تلك التجربة هي
"عندما تسوط الشعيرية بتجوط"

[ابراهيم]

ابراهيم
جبت صحنى وجيت
قلت احصل لى شعيرية من نوع شعيرية المناقل ديك
قدر ما ترفعها بى ملعقة تجيك نازلة خيوط خيوط
وتقعد تعاين ليها زى سلسل دهب
فى جيد هناية
اللهم انى صائم
رمضان كريم ياخى
وتصوم وتفطر على خير
وشعيرية كاربة شديد



يا عقوبة بالتريقة دي تجرهو لينا سيامنا
اوع من التشبيهات البليغة دي في رمضان
هسع انتي لخبطتني ذاتو انت قلت جبت الصحن لشنو؟
المهم رمضان كريم وان شاءالله بعد رمضان دة ربنا يكرمك بي عروس بتعرف تعوس شعيرية او بالميت سكسكانية.

[ابراهيم]

غيتو بالغت والله في الشعيرية دي



نبض المشاعر .. رمضان كريم
كيف ياخ بالغت ... الشعيرية جاية من الشعور والمشاعر
فطور العريس بكون شعيرية ليه؟
ما عشان كدة!!

[ابراهيم]

والله قصيدتك ادتنى الشجاعة اقول ليك بالغتا ياابراهومة..
خليك فى الرز يااخوى شوية موية وجقجقة حلة..
تسلم لمنحك لنا بسما بل قهقهةً يصعب كثيرا ان تظهر بزمن المطر القاتل..

رمضان كريم..


ابو الشوش سلامات ورمضان كريم
الرز دة ساهل ياخ مهدى ابراهيم بعملو
لكن الشعيرية دي تحدي .. وزي ما قال عزيز اقل زيادة او نقصان في المقادير بتوديك في داهية .. هي سموها شعيرية عشان حساسة
تسلم الابتسامة وان شاءالله دايماً

رمية تماس:
بعدين يا ابو الشوش البتجقجق دي الجقاجق ولا الرز برضو بقى يجقجق:confused:

[ابراهيم]

هسع يا برهوتة ومعاك جارك ود الجاك
تقدروا تصلوا الى المستوى دا؟
غايتو لو قلبتوا هوبة عديل ما حتصلوا
كدي شوفوا الصحن دا وإتمتعوا
بمشاهدة الشعيرية أولا قبل تذوقها؟
ولا أقول ليك حاجة أطبع الصورة
وعلقها في المطبخ علشان تقارن
شعريتك مع الشعيرية دي..
ولو ما ظبطت ومنظرها ما طلع بشبها
أنصحك أن ترسلها على برميل القمامة.

ود الجاك جارك برهوته لما نجح في عمل أول شعرية
قال وضعها في الثلاجة والليل كله يمشي يفتح الثلاجة
يعاين ليها ويقول: سبحان الله؟ :D :D

<IMG style="WIDTH: 400px; ; WIDTH: expression(this.width > 450 ? 400 : true)" border=0 alt="اضغط على الصورة لرؤيتها بالحجم الطبيعي" src="http://forum.makkawi.com/imgcache/68302.imgcache.jpg"> (http://forum.makkawi.com/imgcache/68302.imgcache.jpg)


الشعيرية دي يا عزيز version قديم والله اخوك بقى يتفنن فيها جنس فن وقررت خلاص افتح لي مطعم شعيرية وسكسكانية بس ..
بعدين لون الصحن ما منسجم مع لون الشعيرية ودة قد يؤثر نفسياً على آكلي الشعيرية وبالتالي ذوقياً فالكلام دة قولو لي زول ما مثقف شعيرياً:D.

[ابراهيم]

:p:p:p:p:p:p:p:p
:p:p:p:p:p:p:p:p


عليك الله ما لي حق يا مرام
دة انجازى بعد معاناة
سبحان الله

[ابراهيم]

أها هسع برهوته دا ما عندك ليهو خلطة شعيرية
كاربة كدة تساعده في السحور؟


والله يا عزيز خلطة شعيرية دي اول مرة اسمع بيها
بعدين الشعيرية في رمضان مافي ليها فرقة
لكن على كل حال نشوف الخلطة يمكن تجازف
هسي ختيت ملك القلوب في حتة ضيقة:d

[ابراهيم]

قالوا رمضان مسخن شديد السنة دي..
أنصحك بأكل صحن شعيرية كل يوم عند السحور. :)

لا حولاا صحن شعيرية كل يوم:confused:
مرام غايتو كان سمعتي كلام عزيز دة بوديك التوج:D

[ابراهيم]

الاخوان ابراهيم وعزيز عيسى "الخواجة"



تحياتي ورمضان كريم


في نوع من الشعيرية بتحمر وبتطلع مقرمش حلوة ولذيذة ودي طريقتها بتحمر في الزيت اول حاجة لمدة 3 دقايق على نار هادئة ... ....ولو كانت بالسمن البلدي تطلع حاجة عجيبة خلاص
المهم بعد ما تتحمر مظبوط تكب حبة موية شوية عشان ما تحرق وتديها شوية ملح وسكر


على حسب الرغبة وتترك في النار لحدي ما تسبك ونتاكد ان لونها بقا بني ................ وتتاكل باليد وبخمج كمان يعني تشيل صحن متوسط الحجم وتعبيهو وتلبد بيهو في ركن وحلاوتها لما تكون الكهرباء قاطعة وانت قاعد في نص الحواشة وياهو داك الزير جنبك مويتو بارده تنقط ...... وخاتي صحنك الما خمج في الطربيزه قدامك وتلهط جنس لهطي الجنبك ما تديهو وبعدين تديها كوز مانع موية من الزير بعدين تتخمد في سريرك

ورمضان كريم عليكم

ود الجعلي رمضان كريم
تصوموا وتفطروا على خير ان شاءالله
قلت لي مقرمش ... غايتو دي اول مرة اسمع بيها
وبجربها إن شاءالله يوم الوقفة - لأنو المجازفة في رمضان ما تمام والشعيرية سلاح ذو حدين!
الطريقة والوصف واضح جداً
لكن المشكلة في الزير دة يجيبو من وين
انا لي ستة سنين ما شفت زير فاضى
خلي يكون بنقط:d
لكن إن شاءالله نطبقوا ونوريك النتيجة بكل وضوح وشفافية

[ابراهيم]

تحياتي لك يا العزيز ابراهوته

كلنا في الهوا سوا ذكرتني أيام العزوبية ونحن في عز الجوع أنا وأخي الأكبر وفي غياب الجنس الناعم من البيت ( الأم والأخت وزوجته ) لمشوار عزاء فكرنا في عمل شيء لكن المتاح كان الرز فقط فقررت أنا أن أقوم بالمهمة لسهولتها ولكن ما كنت عارف المقادير بالظبط فقد اترعت الحلة بالرز حسب الجوعة وكلما مضى الزمن يتم نقل الكمية لحلة اكبر حتى صار الأمر وكأننا حنستقبل حولية أو نوزع كرامة للفريق بكامله وتحسباً للفضيحة قبل وصول الوفد النسائي للبيت قمنا بحملها متجهين نحو الجامع الكبير ( جامع الحكومة ) والباقي معروف


عصام الدين
رمضان كريم وكل عام وانتم بخير
اجمل حاجة ذكريات العزوبية لكن نحن هيهات هيهات لسا على قيد الحياة:d انا ما عارف السر شنو في إنو أول ما البيت يفضى الزول بفكر في المطبخ .. حاجة غريبة مش؟؟ لكن حكاية الرز دي بالغتو فيها .. ذكرتني مشروب كدة كان بجيبو لينا في الخدمة الوطنية إسمو "سوبر ديب" ودة عجيب خلاص تكب منو معلقتين في جردل موية الموية بتبقى برتقالية وبكون طااااااااااعم وقد ما تزيد الموية الطعم واللون ياهم ذاتم ما بتغيروا اها رزك دة "رز ديب" ولا شنو؟؟:d
لكن اتصرفو صاح ههههههه انا غايتو ما شفت لي شعيرية ودوها جامع.

[ابراهيم]

تحياتي اخ ابر اهيم
الشعيرية زكرتني موقف ونحنا في طريقنا من الخرطوم الي حظيرة الدندر الطبيعية
و كان معنا اخ يمتلك مشاريع زراعية بالقرب من مدينة المفازة
ذهبنا اليها والوقت ظهرا وخايفين من التاخير الجماعة قالو ادو الغفير الفي الكمبو اكياس شعيرية اعملا سريع وفعلا ادوها ليه قلنا مسافة الصلاة تكون خلصت المهم لمن اتاخر
دخلو الجماعة عليه ياراجل ماانتهت شعيرتك دي قاليهم قربت بس البصلة ماماتت آآآآآآ
اتاريه زولك حمر ليها البصل واداها صلصة شغل ملاح عديييل يازول دا شنو الهببتو دا
والله ياجماعة شغلكم دا اول مرة نشيفو:confused:


ههههههههه البصلة ما ماتت:D؟؟
بتكون عرفتها دي شعيري عشان كدة ابت تموت
والله يا ود القرشي غايتو عمك دى عمليتو دي ما إنسانية
إن شاءالله يكون فضلتو باقي أكياس ..؟؟
وأكلتوها؟:confused:

[ابراهيم]

خليه يجرب الشعيرية بالحليب


المقادير
كيس شعيرية
زيت او سمن حسب الرغبة
3 أكواب حليب
ملعقة صغيرة فانيلا..
سكر حسب الرغبة



الطريقة


تحمر الشعيرية في قليل من الزيت ثم يوضع فوقها الماء أو الأفضل الحليب ( ممكن رشة ملح )


تترك إلى أن تنضج مع التقليب المستمر
عندما تتشرب الماء يوضع فوقها الحليب( في حالة نكون ما استخدمانها المرة الاولى بعد التحمير ) و الفانيلا و السكر و يقلب جيداً


يترك قليلاً على نار هادئة إلى أن تثخن قليلاً


ثم يوضع في سلطانيات( كواري ) صغيرة و يترك ليبرد قليلاً
( وبالهنا والشفاء )





<IMG style="WIDTH: 400px; ; WIDTH: expression(this.width > 450 ? 400 : true)" border=0 alt="اضغط على الصورة لرؤيتها بالحجم الطبيعي" src="http://forum.hawahome.com/nupload/36848_1235064000.jpg"> (http://forum.hawahome.com/nupload/36848_1235064000.jpg)



ملكة القلوب والله إن شاءالله نخدمك في السمح
وربنا يحقق ليك امانيك ويعليك فوق المابيك
امانا الشعيرية ما جاك بلا ...
البوست دة اصلن معمول حسنة للعزابة المغلوبين على امرهم
والله حالتهم اقصد حالتنا تحنن ياخ مرة لقت مشيت لي عزابة خمسة لقيتهم كلهم واقفين في المطبخ
قلت ليهم مالكم؟
قالوا عايزين يعملوا مديدة حلبة
طوالي رجعت بيتنا وقلت الحمد لله
قال مديدة حلبة قال
والله مشكورة وفي ميزان حسناتك ونوعدك إن شاءالله اول يوم في العيد نجربها ونديك النتيجة ولو اختفيت من المنتدي معناو تجربتي فشلت لكن ان شاءالله تزبط:D
ولو غلبتني حاجة بجيك راجع:o

[المبارك ود إبراهيم]

إنت عارف يا إبراهيم أنا بحب الشعيرية جدا يعني لو عزمتني وعملت الشية وكل أصناف الطعام وما جبت لي شعيرية زي الماعزمتني وبحب الشعيرية حتي لو كانت محرقة زي الشعرية بتاعتك دي والعملية العملتها في الشعيرية دي لو مازول بعرفك وأخوي كان بلغت فيك الشرطة.

[ود الجعلي]

العزيز ابراهيم ............
دي حصلت في احدى قرى الجزيرة

اول ما دخلت الشعيرية عندهم
الراجل معاه ضيوف بالليل .. ودايرين يستأذنوا يطلعوا
حلف ما يمشوا كان ما اتعشوا
افو .. العشاء جاااهز ..ياها ديك الشعيرية بلايقو فيها

[ود الجعلي]

ابراهيم لاحظ الشعيرية في الصورة الاولى
في النص وصحن مدور وكبير
اساسية
واضحة ومتحكرة ومحترمة
وليها هيبة وقدلة
بس خاتين البيض بيفوق لانو مافي محل ليهو يعني مؤقتا"

بس صحننا في النص


وعين الحسودفيها عود

بس في الصورة التانية مافي اي نوع من الاحترام وفي ظلم عديل كده

[ابراهيم]

العزيز ابراهيم ............
دي حصلت في احدى قرى الجزيرة

اول ما دخلت الشعيرية عندهم
الراجل معاه ضيوف بالليل .. ودايرين يستأذنوا يطلعوا
حلف ما يمشوا كان ما اتعشوا
افو .. العشاء جاااهز ..ياها ديك الشعيرية بلايقو فيها



ود الجعلي سلامات ومعليش والله البوست كان رايح مني

هههههه ياخ دي شعيرية ولا ام رقيقة

[ابراهيم]

ابراهيم لاحظ الشعيرية في الصورة الاولى
في النص وصحن مدور وكبير
اساسية
واضحة ومتحكرة ومحترمة
وليها هيبة وقدلة
بس خاتين البيض بيفوق لانو مافي محل ليهو يعني مؤقتا"

بس صحننا في النص


وعين الحسودفيها عود

بس في الصورة التانية مافي اي نوع من الاحترام وفي ظلم عديل كده

لو خيروني من الصورة الاولي بشيل الصحن البين الشطة و العدس
ومن الصورة التانية المرارة والشعيرية عفيتها ليك يا و الجعلي
غايتو جهجهة الطريفي جنس جهجهة!!

[moh_alnour]

ياخ مرة مشيت لي عزابة خمسة لقيتهم كلهم واقفين في المطبخ ، قلت ليهم مالكم ؟ قالوا عايزين يعملوا مديدة حلبة
طوالي رجعت بيتنا وقلت الحمد لله ، قال مديدة حلبة قال

قوية دي يا جار :p
يا جار ما تبهت الجماعة ديل ساي يمكن كانوا مدورين حريق و الخامس دا طلع شمال الفاتح :p

[ابراهيم]

قوية دي يا جار :p
يا جار ما تبهت الجماعة ديل ساي يمكن كانوا مدورين حريق و الخامس دا طلع شمال الفاتح :p

الفاتح من سبتمبر؟

والله يا جار مشتاقين عديل والشافك شاف العيد

ومن ما بقيت عريس بقيت رقراق
ما تخاف ضلك وشعاعك قاعد يا جار
حريق وين يا جار؟ عندهم مفراكتين وانا مشيت عشان اخفظ ماء وجهي "وش زول ما عرف يضحك ولا يبكي"

[moh_alnour]

كل سنة و إنت طيب يا جار
كُنتا عايز أقول ليك السنة دي عريس
لكن على قول مدنية ( ياخ فترنا من قولة السنة دي عريس )
طبعا ً يا جار ليلة رأس السنة ظبطا لي شعيرية يغني عليها أبو داؤد
و الله إتذكرتك على طول بس نسيت أصورا ليك قلتا عشان جاري دا يآمن :p

[mahagoub]

الحمد لله الما كنت عازم ناس عليها

[ابراهيم]

كل سنة و إنت طيب يا جار
كُنتا عايز أقول ليك السنة دي عريس
لكن على قول مدنية ( ياخ فترنا من قولة السنة دي عريس )
طبعا ً يا جار ليلة رأس السنة ظبطا لي شعيرية يغني عليها أبو داؤد
و الله إتذكرتك على طول بس نسيت أصورا ليك قلتا عشان جاري دا يآمن :p


سلامات يا جار والله أغرب حاجة إني اكلت شعيرية في راس السنة برضو لكن ما عملتها انا
شفت توارد الخواطر كيف ؟ حتي في الشعيرية!
موضوع الشعيرية دة مفروض ينزل موسوعة جينيس لأنو اي زول يعمل شعيرية بتذكرني
عزيز مرة عمل شعرية أول ما خلص منها اتصل علي وبقى يحكي لي إنجازه!
شعيريتك البغني عليها ابو داؤود انا شاكي في امرها يا جار وخسوسا حتة انك نسيت تصورها دي هههههه .. الوثائق اهم حاجة .. هسع الجماعة العملو مديدة الحلبة وما نجحت ... نكروها لأنو غلطتي أني ما صورتها :(.

بالنسبة لموضوع العرس .. انا مفكر في الموضوع بصورة جادة لكن المشكلة إنو سكينة حتى الآن رايحة ههههه ياخ ما توقفو الدعوات.

[ابراهيم]

الحمد لله الما كنت عازم ناس عليها

هي كانت تجربة يا عمنا ... والتجارب الزي دي عادة بتتم في سرية تامة

[مدنيّة]

بالنسبة لموضوع العرس .. انا مفكر في الموضوع بصورة جادة لكن المشكلة إنو سكينة حتى الآن رايحة ههههه ياخ ما توقفو الدعوات.

سكينة دي كدي اديني رقم تلفونها
والباقي خليه علي


-------
ود الجاك انسي موضوع الشعيرية في المرحلة دي
وخليك قريب عشان ننجز موضوع سكينة دا

[ابراهيم]

سكينة دي كدي اديني رقم تلفونها
والباقي خليه علي


-------
ود الجاك انسي موضوع الشعيرية في المرحلة دي
وخليك قريب عشان ننجز موضوع سكينة دا

والله يا مدنية عارفك ما بتقصري في عمل الخير
لكن المشكلة انا ما عندي اي خبر عن سكينة لا وسيلة اتصال:confused:

[مدنيّة]

والله يا مدنية عارفك ما بتقصري في عمل الخير
لكن المشكلة انا ما عندي اي خبر عن سكينة لا وسيلة اتصال:confused:

شكلها سكينة في رقبتها مااااااافي

----------
خلا ياابراهيم
قلت لي بتعمل الشعيرية كيف!!! هههههههههههههههههههههههه

[moh_alnour]

الحمد لله الما كنت عازم ناس عليها

ليه يا عم محجوب ؟ و الله شعيرية حِبانك :rolleyes:



شعيريتك البغني عليها أبو داؤود أنا شاكي في أمرها يا جار وخسوسا ً حتة إنك نسيت تصورها دي هههههه
الوثائق أهم حاجة

البينة على من إدعى ، و الله يا إبراهيم قدر ما أتذكر العبارة دي أتذكر الخواجة عزيز اللذيذ
و بوست حسن و الطير و أقعد أضحك
أها بالعودة لموضوع الشعيرية و الله يا جار كانت مظبطة و ضربتها و هي سُخنة عشان كدا نسيت أصورا
طبعا ً ما بحب الشعيرية لما تبرد ، لكن الجايات أكتر من الرايحات و المدام باقي ليها 3 أسابيع حتى ترجع
يعني الفورة مليون :rolleyes:



ود الجاك انسي موضوع الشعيرية في المرحلة دي و خليك قريب عشان ننجز موضوع سكينة دا

و الله يا جار كان سمعتا كلام مدنية دي عِلا ترسلا ليك طرد و معاها شاحن هدية و السكينات الزمن دا كُتاااااار :rolleyes:
أنا مرحلتي التانية يا مدنية السُكسُكانية و المكرونة و الفطير و خليني من سكينة جاري إبراهيم دا :p

[moh_alnour]

شنو ليك بالله يا جار ؟ دا حالتي ما قعدتا ليها بي مزااااج ، دا بس عشان تآمن يا جار :p

http://oi54.tinypic.com/1pgqch.jpg

http://oi53.tinypic.com/352rr4j.jpg

http://oi55.tinypic.com/346bc43.jpg

[مدنيّة]

يأمن شنو ياود الجاك ياخ!!
دي شعيرية محروقة "ماشايف الاسود اسود داك!!"

----------
نصيحة ليك
اسحب الصور دي
وتعال قول كلامك من غير تصاوير
قبل ما يجوك ذوي الاختساس:cool:

[moh_alnour]

يأمن شنو يا ود الجاك ياخ ! دي شعيرية محروقة ما شايف الاسود اسود داك !

غايتو جنس غايتو !
عالم محبطة خلاص :mad: في زول قال ليك أنا الشيف أسامة ولا ماما نظيرة :mad:


نصيحة ليك أسحب الصور دي وتعال قول كلامك من غير تصاوير قبل ما يجوك ذوي الاختساس:cool:

ياخ الطشاش في بلد العزابة شوف ، دي شعيرية عزابي يا مدون
لأنو جاري إبراهيم لما عملا طلعت معاهو زي العصيدة يعني مافي مقارنة :p

[ابراهيم]

شكلها سكينة في رقبتها مااااااافي

----------
خلا ياابراهيم
قلت لي بتعمل الشعيرية كيف!!! هههههههههههههههههههههههه




يعني ما خلينا في موضوع انجاز سكينة
دة زوغان فني ههههههه

[ابراهيم]

ليه يا عم محجوب ؟ و الله شعيرية حِبانك :rolleyes:

هو قاصد شعيريتي ولا شعيريتك؟:D
البينة على من إدعى ، و الله يا إبراهيم قدر ما أتذكر العبارة دي أتذكر الخواجة عزيز اللذيذ
و بوست حسن و الطير و أقعد أضحك

ياخ البوست داك كان فلتة

أها بالعودة لموضوع الشعيرية و الله يا جار كانت مظبطة و ضربتها و هي سُخنة عشان كدا نسيت أصورا
طبعا ً ما بحب الشعيرية لما تبرد ، لكن الجايات أكتر من الرايحات و المدام باقي ليها 3 أسابيع حتى ترجع
يعني الفورة مليون :rolleyes:

والله شكلك يا جار على بال ما المدام تجي بتكون ميزت المطبخ تمام ... على العموم دي فرصة لا تعوض ....

و الله يا جار كان سمعتا كلام مدنية دي عِلا ترسلا ليك طرد و معاها شاحن هدية و السكينات الزمن دا كُتاااااار :rolleyes:
أنا مرحلتي التانية يا مدنية السُكسُكانية و المكرونة و الفطير و خليني من سكينة جاري إبراهيم دا :

p

هههههه انت لو الشعيرية ظبطت معاك الباقيات اسهل بكتير من الشعيرية .. عشان ما تستعجل
اما بالنسبة لموضوع سكينة فدة حنفرد ليو مساحة براو عشان ما نلخبط الشعيرية

[ابراهيم]

شنو ليك بالله يا جار ؟ دا حالتي ما قعدتا ليها بي مزااااج ، دا بس عشان تآمن يا جار :p

ود الجاك بالطريقة دي المدام بتطردك زي قبل كدة عزيز حاول يتحداني في موضوع الشعيرية دة المدام قربت تطردوا ... والكلام دة قولو لي زول ما خبير شعيرية :cool:
http://oi54.tinypic.com/1pgqch.jpg

والله يا جار شكلها 90% شعيرية لكن القرد في عين امو غزال "مثل قبرصي"

http://oi53.tinypic.com/352rr4j.jpg

http://oi55.tinypic.com/346bc43.jpg

وبعدين مفروض تجيبها وهي في الصحن لأنو شكلها في الحلة ما مقنع شديد يا جار
ههههه