عرض خاص : أتزوج واحدة وأحصل على الثانية مجاناً ‏

[المسافر]

طبعاً بدون الإستخفاف بمكانة ووضع المرأة فهي نصف المجتمع ، وتربي وتكرّه النصف الأخر. . .‏

ذهب أحد الشباب المغتربين للزواج ( طبعاً بتاعين شوفوني ومظاهر ) وأشتري شيلة (كل شيء دستة ونص ) ‏ومشي إلى إحدى قرى. . . وهنالك والدة العروس عندها بنات كتااااااااار ، ومن الفرح قالت للعريس ( يا ‏ولدي إنت بشيلتك دي عايز كم) . ‏

وهنا طبعاً واضح أنو في ( أزمة في العرس ) مع ( وفرة في الخلط ). . وحتى الدعوات بتاعت زمان بخصوص ‏تبسيط إجراءات العرس بقيت متوفرة وبقى ممكن تعرس مجاني سااااااااي ( بمجهودك بس ) في أي مكان ‏في السودان وأي شخصية إلا بنات جامعة ( . . . . ) ، والنصحية ما في زول يفكر فيهم !!!!!!!!! وبرغم صحة ‏الحديث الشريف ( تزوجوا فقراء يغنيكم الله من فضله ) ومع ده كلو برضو نفس الحكاية ( أزمة في العرس ‏‏) مع ( وفرة في الخلط بأنواعه المختلفة ) ، وهذا دليل واضح بأن المشكلة هي مشكلة (الشباب) ، الذي أصبح ‏لا يريد أن يتحمل أي مسؤولية ، وخصوصاً مسؤولية ( بيت ) و(أسرة) عايز يخلط ساااااااااااااااي ، ولسان ‏حالو بيقول ( اللبن راقد !!! فوق شنو أسعى لي بقرة ) ، مع خالص الإعتذار للتشبيه .‏

[أبو جودي]

والله يا المسافر أنت فعلاً دخلت على نقطة حساسة شوية ،،، لكن مهمة للنقاش ،،، وأحب أقول لي عنصر النساء يعني يوسعوا صدرهم شوية لأنه الموضوع ده خاص بأخواتهم وخالاتهم يعني أي مغتربة عندها لو ما اختها قريبتها ،،، وقصدي هنا عشان يكون في حل عملي لعدم الزواج أن يتبرع كل مغترب ويعرس واحدة في السودان والثانية في الغربة يعني بي كده يقسم الإجازة مع الأخرى ،، ونكون ساهمنا في إيجاد حل للعزوف عن الزواج
يعني بي حسبة بسيطة لو في مليون مغترب حنكون حلينا مشكلة مليون فتاة ،،، ورأيكم شنو ؟؟؟؟

[المسافر]

والله يا المسافر أنت فعلاً دخلت على نقطة حساسة شوية ،،، لكن مهمة للنقاش ،،، وأحب أقول لي عنصر النساء يعني يوسعوا صدرهم شوية لأنه الموضوع ده خاص بأخواتهم وخالاتهم يعني أي مغتربة عندها لو ما اختها قريبتها ،،، وقصدي هنا عشان يكون في حل عملي لعدم الزواج أن يتبرع كل مغترب ويعرس واحدة في السودان والثانية في الغربة يعني بي كده يقسم الإجازة مع الأخرى ،، ونكون ساهمنا في إيجاد حل للعزوف عن الزواج
يعني بي حسبة بسيطة لو في مليون مغترب حنكون حلينا مشكلة مليون فتاة ،،، ورأيكم شنو ؟؟؟؟




تحياتي أخي أبو جودي

وجميلة هذه الروح وهذه التفاعل
وبالفعل الأمر مهم جداً ، بالرغم
من إعتقادي بأن الأمر ليس مادياً
فحسب ، وأرى المشكلة الأساسية
في عزوف الشباب عن الزوج هو
( إستسهال ) الفتيات في أنفسهم .
وتقديم كثير من التنازلات بسبب وبدون
سبب .

[abomazeen]

أخواني وأخواتي الأحباب الكرام الأفاضل
السلام عليكــم ورحمة الله وبركــاته
رمضان كريم و كل عام وأنتم بخير




ذهب أحد الشباب المغتربين للزواج ( طبعاً بتاعين شوفوني ومظاهر ) وأشتري شيلة (كل شيء دستة ونص ) ‏ومشي إلى إحدى قرى. . . وهنالك والدة العروس عندها بنات كتااااااااار ، ومن الفرح قالت للعريس ( يا ‏ولدي إنت بشيلتك دي عايز كم) .


هذا نوع من البساطة الموغلة في الأريحية الموروثة ... وهي لا تُـضر ولا تؤخذ على صاحبها غير نقاء وبساطة النفس



هنا طبعاً واضح أنو في ( أزمة في العرس ) مع ( وفرة في الخلط ). . وحتى الدعوات بتاعت زمان بخصوص ‏تبسيط إجراءات العرس بقيت متوفرة وبقى ممكن تعرس مجاني سااااااااي ( بمجهودك بس )


بالغـت عديـــــيييل كده ... و رمضان كريم




وبرغم صحة ‏الحديث الشريف ( تزوجوا فقراء يغنيكم الله من فضله ) ومع ده كلو برضو نفس الحكاية ( أزمة في العرس ‏‏) مع ( وفرة في الخلط بأنواعه المختلفة )

ممكن الواحد يعف نفس بأمور أخرى كثيرة وأنت وغيري قد يكون أدرى بها



ولسان ‏حالو بيقول ( اللبن راقد !!! فوق شنو أسعى لي بقرة )

معليش النقطة دي ما واضحة لي ...؟ فسـر بسهولة أكثر عشان الفهم ( قِــســم ) زي ما بقول المثل‏ !

[ابو صفاء]

عرض خاص : اتزوج واحده واحصل على التانية مجانا
اخي المسافر التانية دي مسيار

[العاقب مصباح]

ما بنلقى تخفيضات اكتر يا المسافر اخوى

فى طريقة نُص بى نص القيمة ومعاها قسيمة مشتريات :d:d

[عاطف عولي]

ما بنلقى تخفيضات اكتر يا المسافر اخوى

فى طريقة نُص بى نص القيمة ومعاها قسيمة مشتريات :d:d


والله يا عقوبة ذكرتني نكتة الجنوبة المشا يشتري جزمة وبعد المفاصلة بقي عاوز فردة بس .

بطل بظبطةبقي وعرس

[المسافر]

أخواني وأخواتي الأحباب الكرام الأفاضل
السلام عليكــم ورحمة الله وبركــاته
رمضان كريم و كل عام وأنتم بخير




هذا نوع من البساطة الموغلة في الأريحية الموروثة ... وهي لا تُـضر ولا تؤخذ على صاحبها غير نقاء وبساطة النفس



بالغـت عديـــــيييل كده ... و رمضان كريم


ممكن الواحد يعف نفس بأمور أخرى كثيرة وأنت وغيري قد يكون أدرى بها


معليش النقطة دي ما واضحة لي ...؟ فسـر بسهولة أكثر عشان الفهم ( قِــســم ) زي ما بقول المثل‏ !




تحياتي أخي وعزيزي abomazeen

حأبدأ طبعاً بالتفسير وهو أصبح البنت
ساهلة من جميع النواحي وما يجده
الشاب من الزواج ، قد يجده عند الفتاة
دون حاجة إلى زواج وإلتزام . . . فهمتي !!!!!!

وبالنسبة للباقي بقول ليك الله أكرم !!!!!
وحاجة جات كده وما تحكلها شديد !!!!!!!

[المسافر]

عرض خاص : اتزوج واحده واحصل على التانية مجانا
اخي المسافر التانية دي مسيار




لا وحاتك زي أختها وأمكن تكون
أحسن شوية عشان حتكون أصغر
منها ، ولو ما الظروف ما بنفكها كده

[المسافر]

[size="5"][color="red"]بطل بظبطةبقي وعرس




ههههههههههههههههههههههه
بالله هو من النوع ده !!!!!!!!!!
وده الكنت خائف منو ؟
خلاص حنعمل ليهو عرض خاص جداً
أتزوج واحدها وأحصل على أهلها كلهم مجاناً

[المسافر]

ما بنلقى تخفيضات اكتر يا المسافر اخوى

فى طريقة نُص بى نص القيمة ومعاها قسيمة مشتريات :d:d





ههههههههههههههههههههههه
والله يا agibmisbah ده عشانك إنت بس
وده آخر كلام !!!!!!!!
لكن عشان ما ( تبور ) ممكن أعمل ليك
عرض خاصة مع كل واحدة ( دستة كبابي وحلتين ) !!!!!!!!

[الاميره]

والله يا المسافر أنت فعلاً دخلت على نقطة حساسة شوية ،،، لكن مهمة للنقاش ،،، وأحب أقول لي عنصر النساء يعني يوسعوا صدرهم شوية لأنه الموضوع ده خاص بأخواتهم وخالاتهم يعني أي مغتربة عندها لو ما اختها قريبتها ،،، وقصدي هنا عشان يكون في حل عملي لعدم الزواج أن يتبرع كل مغترب ويعرس واحدة في السودان والثانية في الغربة يعني بي كده يقسم الإجازة مع الأخرى ،، ونكون ساهمنا في إيجاد حل للعزوف عن الزواج
يعني بي حسبة بسيطة لو في مليون مغترب حنكون حلينا مشكلة مليون فتاة ،،، ورأيكم شنو ؟؟؟؟




ابو جودى رمضان كريم

[بدر الدين احمد الطائف]

المسافر رمضان كريم
طيب بالنسبة للناس المتزوجين من زمان ممكن ياخدوا الزيادة باثر رجعى ولا حقهم ضاع ساكت.





شكلةالموضوع ده فيهو شرك.

[أبو جودي]

والله يا الأميرة رمضان كريم ،،،، نسأل الله أن يتقبل منا ومنكم الصيام والقيام ،،،،
ولحدي ما يجي العيد ،،، بيكون هناك ألف فرج ،،،

[المكاشفى]

رمضان العريس
هى المسافر العريس رمضان كريم
قلت لى المعنه فيها هواده ونحن ماجايبين خبر
ديئونا ساااااى وادونا واهده بى خمه قروش
علا يالمسافر اخوى شكلك انت ومعاك واحد تانى
بتدوروا الملح بتدورو التانيه الهواده مو كدى
تجى تقوليها ياحاجه نحن ماجبنا الشيله عشان نحن اصلا
مادايرين البت ام شيله دايرين اختها
هههههههههههههههههه
والله شكيت محنك ياخوى تنكت ساااااااى

[محمود (أبو وضاح)]

أبو جودى ، رمضان كريم ،،،
اقتراحك دا شاورت فيه المدام ،، ولا من عندياتك ؟؟
قول بسم الله وارح لى قدام

[ام قبس]

المسافر استعد وسع صدرك انا جايااااااااااااااك

[أشرف صلاح السعيد]

المسافر رمضان كريم..
الاقتصاد له نظرية اساسية "العرض والطلب" زيادة العرض وقلة الطلب ترخص سعر السلعة..والعكس صحيح..
العرض بشقيه زاد والطلب ناااااقص لاسباب توفر الحليب ولغلاء القفة والبيت الايجار ووووووو..
وعليه كانت الاعلانات :
ان شاء الله راجل مرة..
ان شاء الله راجل اختى..
وبكرة ماعارفين الحكاية حتمشى لوين..
القصة جاطت وساطت ولاطت واتنين فى واحد..

[ود الجعلي]

تاييدا" لكلامك يا مسافر ابعدوا من الجامعيات والمتعلمات وانصاف المتعلمات وارباع المتعلمات وعليكم بالجاهلات الاميات القرويات اللائي لا يتقن المكياج وعبور شارع الظلط فالبركة كلها فيهن

[abomazeen]

المسافر استعد وسع صدرك انا جايااااااااااااااك

اها يا أخوي يا المسافر ... أنا ما بحكها معاك
لكن شيل شيلتك من هسي أم قبس جاااااتك
شيل شيلتك دي ما معناها أمشي عرس يا حبيب !

[حنونة.]

سلاماات ورمضان كريم
شنو ياجماعة حسيت وانا بقراء العنوان دى نوع من الشرائح نزلت السوق ولا شنو ||||
يعنى نحنا كثثثثار كده لحدى مادايرين تعملوا لينا تخفيضات هائلة ( علماً بانى سمعت انو فى التعداد الاخير دى نسبة الرجال اكبر بكثييير ) ومع احترامى لرائكم لكن المشكلة مافى البنات فقط فعلاً هم اصبحوا اكثر تحرراً من السابق ولكن فى المقابل الشباب ايضاً بتحس من جانبهم بعدم الجدية وتحمل المسولية ووضوح الهدف عشان كده بكون فى حيرة فى الاختيار ، اما بالنسبة لتكاليف الزواج فهى كل يوم زايدة مصطلح جديد ولكنهافى النهاية تعتمد على توزان الاسرتين ووعيهم

[عمر المامون]

هوي يا ناس سلام

كدي ادوني الاولي

والتانية رسلو لي بعد بكرة

[أبو جودي]

والله يا أخوي أبو وضاح ،،، لو حاولت وأناقش المدام ،،، معناه القصة من بدايتها فاشلة ،،،، أحسن الواحد يعمله بالكتومي ،،، وبعدين شويه شويه نختها في الأمر الواقع والجاية من الله بنتلاقها ،،، بس انت معاي،،،،،

[حافظ شعبان]

والله يا المسافر أنت فعلاً دخلت على نقطة حساسة شوية ،،، لكن مهمة للنقاش ،،، وأحب أقول لي عنصر النساء يعني يوسعوا صدرهم شوية لأنه الموضوع ده خاص بأخواتهم وخالاتهم يعني أي مغتربة عندها لو ما اختها قريبتها ،،، وقصدي هنا عشان يكون في حل عملي لعدم الزواج أن يتبرع كل مغترب ويعرس واحدة في السودان والثانية في الغربة يعني بي كده يقسم الإجازة مع الأخرى ،، ونكون ساهمنا في إيجاد حل للعزوف عن الزواج
يعني بي حسبة بسيطة لو في مليون مغترب حنكون حلينا مشكلة مليون فتاة ،،، ورأيكم شنو ؟؟؟؟

ابوجودى انت الكلام ده ما قدره
شكلى انا سأضيف للمنتدى عضوه جديده
المره دى سماح اعمل حسابك
عمو

[حافظ شعبان]

الاخ المسافر
ليت الامور تحسب بهذه الطريقه