مواقف مع كروت الافراح

[درديري كباشي]

ال حمد لبد يتشرفون بدعوة سيادتكم لتناول طعام الغداء بمنزلهم الكائن بحي السوريبةشارع سنكات جبرونة محطة الدكان وذلك بمناسبة عقد قران ابنهم الوجيه بعشوم على كريمة ابوكرشة الحسناء كنتوشة في تمام الساعة الثانية ظهرا وذلك في يوم الثلاثاء الموافق الرابع من ابريل . والعاقبة عندكم في المسرات .

قبل ان يجعل الله مصدر رزقنا في الاغتراب كنت اعمل مديرا لمطبعة كباشي بمدينة كسلا . وكانت كروت الافراح جزء اساسي من اجندة العمل اليومية . تقريبا في راس كل ساعتين في المواسم كشهر رمضان مثلا ياتي احد ابناء المدينة ورفاقه لطلب طباعة كروت عرسه وخاصة في المواسم مثل الاجازات والاعياد . كانت فورمات الكروت ثابته وتتغير بتغير الاشخاص فقط والتاريخ ويمكن التغيير يكون في العباره الاخيره والتي تحدد اذا كان اهل العريس يريدون المدعوون ان يساهموا معهم او لا . في حالة (لا) توجد عباره واحده وهي كلمة( وشكرا) . اما في حالة طلب المساهمة توجد عبارتين هما اما العاقبة لكم في المسرات او(ودامت افراحكم ).
كانت عملية تغيير صيغة الكرت ساهله فقط بتغيير حروف الاسماء حسب الزبون الجديد لكن كان الذي يعكر مزاجنا هم المغتربون ، انا ما عارف هم زمان كانوا هبل ولا نحن الان بقينا هبل زي ماكانوا وماشاعرين بروحنا . لانه المغترب اول شئ يجي داخل المطبعة ومعاه قطيع كامل من الاصدقاء والنفعيين . والشئ الثاني يكون حامل معاه كروت فخمه مستوردة ليست مثل ورق البرستل الذي نقصه نحن للعرسان المحليين . وكروت تستخسر فيها كتابة أي شئ ولكن هو اول سؤال وين صيغ الكروت العندكم .؟؟؟ نعرضها له .....لآ لا لا دي كلها ما بتنفع معاي ...... شنو البينفع ..... هات ورقه وقلم بمجرد مما ياخذ الورقه والقلم تلاحظ ان الفنيين بدا يتململوا لان هذا يعني فورمه خاصة به هو تصف من جديد .
وتعال شوف العبارات التي كتبها ليست لها أي علاقة لا بعرس ولا بغداء ولا بعشاء ولاحتى الكلمات ليست لها علاقة ببعضها البعض يعني مثلا ( القمر نزل في الشمس ،،،، واجر عجلة ....بطانية افراحنا غطت برد المدينة من سقط الزغاريد ... المهم وهاك ياعك ) وانا في محاولة يائسة للمقاومة يابن الحلال كدا الناس ما بيجوك هو اساسا ما راح يعرفوا انت عندك عرس ولا عندك شكله ..... لكن هؤلاء الحاشية المتملقون ينفخوه زيادة ... عظيم يا جوكي ما تقولي الغربة بقتك شاعر عديييييل كدا .
المهم اخيرا نطبع الكرت كما شاء صاحبه . وانا الاقي الانتقادات في الحله ... دا شنو الكلام الكتبتو يا ابو در في كرت ناس فلان ؟؟؟؟ يا اخوان دا هو براه جاب الصيغة دي....طيب في النهاية هو عاوز شنو عندو اييه يعني .... يعني الناس شايلين الكروت ومحتاجين لترجمة .

الميزة في تلك الفتره اعطتني افضليه في انه اصبحت انا المرجع الرئيسي لشباب الحي والمدينة عن المناسبات وبيوت الافراح يعني محلات (الربات ، والعضات ) أي بيوت السهرات والولائم والاعراس .

وانواع الولائم توجد الاسر الغنية ولكن متدينة هؤلاء وجبتهم دائما تكون غداء فقط بمعنى ليس لهم في السهر والحفلات ومن العصر ينتهي الموضوع وتفرتك الخيام . لكن وجباتهم دسمه ( عضتهم كاربة جدا ) وغالبا تكون اربعة اثنين اربعة . ما تتحيروا ما خطة كورة . ولكن تعني اربعة انفار فقط في السفره ومعهم اثنين ضلعة واربعة زجاجات بيبسي . وبعد ذلك تجد حكم رابع امام كل سفره أي شئ ينقص يسارعوا بالتعويض . لذلك الشباب يفضلون مناسبة هؤلاء الشيوخ في هذه الناحية . وتجد احدهم امتلا لدرجة انه لا يستطيع ان يقود الدراجة لذلك يجرها وكانه في بطنه سيخه .

موقف آخر انه احد اطباء المستشفى كان شخصا انطوائيا جدا اراد ان يتزوج وجا طبع عندي كمية هايلة من الكروت تجاوزت الالفين . وهو اصلا لايعرف او يعاشر اكثر من خمسين شخص . حتى لايكفوه للمساعده في توزيع هذه الكروت . اخيرا اضطر ان ياخذ كروته بنفسه ويجوب المستشفى . ويوقف الممرضين والعاملين ويسالهم ... اسمع يا اخينا لوسمحت .. انت اسمك منو ؟؟؟ بعد ما يسمع الاسم يروح معبيه في الكرت ويصرفه لصاحبه . من سوء حظه وقع في يد احد الموظفين شخص مشهور بالسخريه . قام اوقفه بنفس الطريقة وصرف له الكرت بعد ما ساله من اسمه وسجله ... وهو يجوب في المكاتب ويوزع في الكروت دخل نفس المكتب الذي يوجد به الشخص ... و نسى انه اعطاه كرت قبل ذلك وساله مره ثانية لو سمحت انت اسمك منو ؟؟؟ اخينا رد طوالي : ياخي انت عريس ولا حكم حسع ما اديتني كرت ...

[درديري كباشي]

من طرائف كروت الافراح انه بعد ما يطبع الناس كميه كبيره منهم طمعا في زيادة المدعوون وفي النهاية يكتشف العريس بانه لا يعرف هذا العدد من الناس . وذكرن بعضهم يلجا الى توزيع الكروت بكميات كبيرة لبعض الناس . بحيث ان الدعوه بعد ذلك تصبح مثل سلسلة رواة الاحاديث . يعني عن فلان عن فلان عن فلان . ياخي انت العريس بتعرفو من وين ...... لا بعرفو ولا عمري شفته ..... اها طيب الجابك شنو ....... يا خي زميلنا عصام في المكتب ناس العريس ديل جيران نسابتو اها اليوم داك كان مقيل مع نسابتو ... اها لما فيه العريس اداه عشرين كرت قالوا وزعها بمعرفتك ومن ضمنها اداني كرت انا وجيت . وانت تعرفو من وين . انا كمان لا بعرفو و.........

بس الحيلة الاظرف بعضهم استعان بالقوائم الاحصائية التي يستخدمها ناس اللجنة الشعبية التي يستخدمونها في توزيع المواد التموينية وبما ان هذه القائمة لا تحدث دائما . جارنا متوفى له خمس سنوات جاه كرت دعوة لتناول طعام الغداء وكمان بمنزل الجماعة العامر ..... كنت اتمنى لو جاهم فعلا ...

[ملكة القلوب]

من سوء حظه وقع في يد احد الموظفين شخص مشهور بالسخريه . قام اوقفه بنفس الطريقة وصرف له الكرت بعد ما ساله من اسمه وسجله ... وهو يجوب في المكاتب ويوزع في الكروت دخل نفس المكتب الذي يوجد به الشخص ... و نسى انه اعطاه كرت قبل ذلك وساله مره ثانية لو سمحت انت اسمك منو ؟؟؟ اخينا رد طوالي : ياخي انت عريس ولا حكم حسع ما اديتني كرت ...


:p:D:D:D:D:D:p

[moh_alnour]

اخينا رد طوالي : ياخي انت عريس ولا حكم حسع ما اديتني كرت




جارنا متوفى له خمس سنوات جاه كرت دعوة لتناول طعام الغداء وكمان بمنزل الجماعة العامر كنت اتمنى لو جاهم فعلا

:p :p :p
:p :p :p
:p :p :p

[محمود (أبو وضاح)]

نأمل مواصلتك فى هذا السرد الفكاهى والمميز حول كروت الأفراح والعبارات التقليدية وغير التقليدية وهناك الكثير المثير الخطر ، تسلم يا ود كباشى.

[admin]

خلال فترة عملي في معاهد الجزيرة العالمية للكمبيوتر في عامي 96-1997 ميلادية اشتغلت الشغل دا ذاتو مع مطابع الباهي .. وكان وقتها برنامج الوورد دا جديد كن عندنا الاصدار رقم 2.0 .. وطبعا اخوك في الاول كان مغترب (غشيم يعني) يعني كان يجبو لي الكرت اقعد اكتب ليك العنوان بالكوفي واسم العريس بالاندلسي واظلل هنا واكبر الخط هنا وهكذا .. واكون فرحان مستني بس يجيني ودالباهي عشان اخلعو ليك بالكرت .. اجي يقول لي دا شنو العملتو دا امسح امسح خلي لينا عادي خط عادي .. اغير كل شئ ولسان حالي يقول ناس ما بتقدر التكنلوجيا .. حسه امكن العريس كان شاف شغلي دا يعجبو .. لكن بعد مرور الزمن فهمت بمساعدة خبرة اولاد الباهي العريضة في هذا المجال انو السودانيين عندهم فورمة معينة وكل كلمة في الكرت تعني شئ محدد .. فاي تدخلات فنية بتخرب المعني والدعوة.

مشاققة : درويش عليك الله كان لاقاك كرت 1-4-6 مع حكم ورجلين خط كلمني ههههههههه

[الجندي المجهول]

طبعا لما كان بيكون في مناسبة موضوع الكروت دا برنامج عديل وعاوز ليهو شاي مغرب -- وطبعا اي حي اوفريق في مدني بتلقى فيهو زول موسوعة وله دراية تامة بالناس فمثلاً انحنا في الدرجة الثانية كان عندنا
المرحوم /الوسيلة محمد خير -- ( ربنا يرحمه ويسكنه فسيح جناته ) كان موسوعة لمدني كلها
الاستاذ توفيق ، الاخ جمال علي الامين ، كمال عراضة ، وهذا كمثال وليس للحصر ..


حقيقي موضوع جميل وبه ذكريات عطرة مصحوبة ( بطرحك الجميل الذي يدل على شخصيتك الاجتماعية وروحك الطيبة)

[درديري كباشي]

نأمل مواصلتك فى هذا السرد الفكاهى والمميز حول كروت الأفراح والعبارات التقليدية وغير التقليدية وهناك الكثير المثير الخطر ، تسلم يا ود كباشى.


تسلم يا ابو وضاح واعتبر الموضوع مفتوح انا كل ما تذكرت مواقف الكروت ذكرته لانها فعلا هي كثيرة وطريفة

[درديري كباشي]

خلال فترة عملي في معاهد الجزيرة العالمية للكمبيوتر في عامي 96-1997 ميلادية اشتغلت الشغل دا ذاتو مع مطابع الباهي .. وكان وقتها برنامج الوورد دا جديد كن عندنا الاصدار رقم 2.0 .. وطبعا اخوك في الاول كان مغترب (غشيم يعني) يعني كان يجبو لي الكرت اقعد اكتب ليك العنوان بالكوفي واسم العريس بالاندلسي واظلل هنا واكبر الخط هنا وهكذا .. واكون فرحان مستني بس يجيني ودالباهي عشان اخلعو ليك بالكرت .. اجي يقول لي دا شنو العملتو دا امسح امسح خلي لينا عادي خط عادي .. اغير كل شئ ولسان حالي يقول ناس ما بتقدر التكنلوجيا .. حسه امكن العريس كان شاف شغلي دا يعجبو .. لكن بعد مرور الزمن فهمت بمساعدة خبرة اولاد الباهي العريضة في هذا المجال انو السودانيين عندهم فورمة معينة وكل كلمة في الكرت تعني شئ محدد .. فاي تدخلات فنية بتخرب المعني والدعوة.

مشاققة : درويش عليك الله كان لاقاك كرت 1-4-6 مع حكم ورجلين خط كلمني ههههههههه


شرفتنا يا ريس .. وانا لو عارف كروت الافراح بتجيبك لينا كان عملت ليك كرت من زمااااااااان وشفت لي واحد من مغتربين زمان يسيغه لينا عشان يكتب:

المنتدى لبس نجلية خضراء مع شرابات شرف تشريفكم

والورد ضحك حتى بانت نواجزه

والعطر فاح في النفاج

وووووو الخ


تعرف نوع الكرت الانت طالبه دا الا يكون بوفيه مفتوح ودا يكون خطة هجومية بحته يعني صحن واحد والتغيير مفتوح حتى نهاية المباراة .. وانت تفتكر نفسك انتصرت لكن من نهاية الحفل تجري لاقرب مستوصف .. وهم ما راح يعرفوا عندك شنو ومعاهم حق يا شيخ .. في حد ياكل جمبري بالبامية ..

انا حصلت لي هنا في الرياض مع اسرة سودانية خمسة نجوم نوع الاب مدير بنك والاولاد بيقرو الروضة في امريكا ويرجعوا في الاجازات .. المهم شديت افضل بدلة عندي ومشيت قلت اكهربهم ليك .. وفعلا وجدت تجمع للسودانيين من مختلف الطبقات لكن القصر نفسه يخليك تتخيل انه هارون الرشيد راح يدخل من واحد من الابواب .. المهم بوفيه مفتوح لدرجة انه انا صحني اتملا وانا في نص صف الاكلات .. كسرت بالجمعته وقلت ارجع تاني ما قالوا مفتوح .... تاني رجعت ؟؟ولا قدرت اقوم .. ولا عرفت انا اكلت شنو.... يا خي خليها على الله ..

[درديري كباشي]

طبعا لما كان بيكون في مناسبة موضوع الكروت دا برنامج عديل وعاوز ليهو شاي مغرب -- وطبعا اي حي اوفريق في مدني بتلقى فيهو زول موسوعة وله دراية تامة بالناس فمثلاً انحنا في الدرجة الثانية كان عندنا
المرحوم /الوسيلة محمد خير -- ( ربنا يرحمه ويسكنه فسيح جناته ) كان موسوعة لمدني كلها
الاستاذ توفيق ، الاخ جمال علي الامين ، كمال عراضة ، وهذا كمثال وليس للحصر ..


حقيقي موضوع جميل وبه ذكريات عطرة مصحوبة ( بطرحك الجميل الذي يدل على شخصيتك الاجتماعية وروحك الطيبة)

تمام يا جندي .. شرفتنا والله

وفعلا يوم كتابة الكروت هو برنامج قائم بذاته .. وتلقى ابناء الحي اولا كل واحد موكل بتعبئة مثلا خمسين كرت .. يا خالد انت تمسك كروت ناس الدرجة ماهم معظمهم معاك في المدرسة .. وانت يا عمران امسك لينا ناس بانت ديل مش هم حيكم القديم .. وتبدا خطط من هذا النوع .. وكتابة الكروت هي انذار بان البيت من هذا اليوم اصبح اسمه بيت العرس .. والاطفال يبداوا بنحن رايحين بيت العرس وجايين من بيت العرس .

[درديري كباشي]

احكي لكم واحد من الاشياء الغريبة التي حدثت لي مع كروت الافراح .

وهي في عام 1984 كنت انا طالب في الثانوي وكنت اقضي الاجازة اعمل واتدرب بذات المطبعة .ز مطبعة كباشي .. وفي فورم الكروت عملت كرت باسمي على سبيل التدريب . كانت سيغته كا لتالي ..

آل كباشي الامين العربي

يتشرفون بدعوة سيادتكم لتناول طعام الغداء بمنزلهم الكائن بالمربعات محطة الحجر وذلك بمناسبة زواج ابنهم درديري في يوم ....الاثنين .. 15/4/1994

تخيلوا عندما جيت في التاريخ كسلت انه اغير كل الرقم لذلك سحبت الثمانية فقط ووضعت بدلا عنها تسعة .. و انا ما ذكرت اهل العروس .. على كريمة مثلا فلان الفلاني رغما عن اني كنت مرتبط ( مجكس).. لاني خفت الكرت يتسرب من المطبعة . ويمشي لاال فلان وتصبح مشكلة عائلية اجتماعية ويمكن سياسية ..


ولكن فعلا وبدون مبالغة واتمنى انه انا انزل السودان واجد صورة من هذا الكرت واعمل ليها اسكان واعرضها لكم لانه في نفس التاريخ تزوجت انا بعد عشر سنوات .. بعد ما تمرمطتنا في جامعة الجزيرة وخلصنا الاقتصاد في ست سنوات ونصف .. ورحت اشتغلت وتزوجت والغريبة واحده ثانية خالص والفترة الانا طبعت فيها الكرت الخيالي لو كان ذكرت اسمها كان اتهمت بعدة اتهامات اقلاها الجنون لانه كان عمرها عشر سنوات اي زوجتي الحالية ..

لكن الاطرف انه انا مدير مطبعة كباشي تزوجت بدون كروت افراح .. لانه الوالد رفض وقال انه نحن ناس كسلا كلهم بيعرفونا ولو طبعنا كروت معناها حا ندعوا ناس ونترك آخرين .خلي الدعوة فقط على السمع يعني اليسمع يجي .. وفعلا بعد ذاك قابلوني ناس كتار وانا محنن .. معقولة يا درديري تتزوج ما تكلمنا ( انا اقولهم وانا زاتي ما كلموني زيكم كدا .... :بنوع هذا الكلام دا المهم طرطشة مني كدا اذوب اللوم كما يذيب الاسبرين الجلطات حماكم الله . لانه ما ممكن نطبع كروت بكل سكان المدينة على راي الوالد رحمه الله .. وانا طبعا قبلت بغيظ لاني كنت ناوي اعمل كرت حكاية.. المهم بقى الكرت الوهمي الذي طبعته قبل عشر سنوات من زواجي .

[بدر الدين احمد الطائف]

الاخ الجميل درديرى لك الف تحية
كل ما اقول المواضيع كملت تجى تفاجنا بالجديد الجميل
والله يا درديرى الواحد بقى يخاف يكتب اى حاجة يجوك الجماعةيقولوا ليك قدييييييمة قلناهو زمان الكلام ده ولا يجى واحديقة ليك الموضوع انت لاطشةمن وين.
القصد........... موضوع جميل وانت ماشاء الله عليك سردك اجمل.
اشاركك شوية
مرة ادونا كروت نوزعها فى الفريق وكان عندنا جارنا اسمة عبداللة مشينا نديهوالكرت بتاعو فسالنا عمنا وهوكان ما بيعرف يقراء .الكرت دةمكتوب فيهو شنو فقلنا ليهو دعوة للسيد عبد اللة بفتح الهاء فقال لا لا الكارت دةما حقى انا اسمى عبدالله بكسر الهاء وحلف ما يشيل الدعوةالمهم لفينا ورجعنا ليهوهاك يا عم عبدالله حصلنا الكرت بتاعك فاخد مننا نفس الكرت وهو مبسوط,


واصل يا درديرى منتظرين.

[درديري كباشي]

الاخ الجميل درديرى لك الف تحية
كل ما اقول المواضيع كملت تجى تفاجنا بالجديد الجميل
والله يا درديرى الواحد بقى يخاف يكتب اى حاجة يجوك الجماعةيقولوا ليك قدييييييمة قلناهو زمان الكلام ده ولا يجى واحديقة ليك الموضوع انت لاطشةمن وين.
القصد........... موضوع جميل وانت ماشاء الله عليك سردك اجمل.
اشاركك شوية
مرة ادونا كروت نوزعها فى الفريق وكان عندنا جارنا اسمة عبداللة مشينا نديهوالكرت بتاعو فسالنا عمنا وهوكان ما بيعرف يقراء .الكرت دةمكتوب فيهو شنو فقلنا ليهو دعوة للسيد عبد اللة بفتح الهاء فقال لا لا الكارت دةما حقى انا اسمى عبدالله بكسر الهاء وحلف ما يشيل الدعوةالمهم لفينا ورجعنا ليهوهاك يا عم عبدالله حصلنا الكرت بتاعك فاخد مننا نفس الكرت وهو مبسوط,


واصل يا درديرى منتظرين.



حلوة يا بدري على القصة وعمكم حكاية عايز عبد الله بالتشكيل .. غيب وتعال ... تعرف المواقف الطريفة لمن تحصرها بعنوان متخصص حتجدها كثيرة وجديدة لانه بصراحة واقعنا دسم فقط محتاج منا لفلفلة ..

[درديري كباشي]

من مواقف الكروت ايضا

عندما ناخذ البيانات من صاحب المناسبة كنا نستجوبه استجواب صغير . بما انه ليس كل الناس متعلمين فهم في الغالب لا ياتو لنا بصيغة مكتوبة وجاهزة..
مره من المرات جو مجموعة من قبيلة الهدندوة وهم من سكان الريف وبدان اسالهم .,و

الاسم : مثلا ال فلان الفلاني

المكان: قرية عواض

الزمان: الخميس المواقف كذا كذا

الدعوة: هنا مقصود بها هل الدعوة غداء عشاء او مرطبات لكن هم كانوا يردوا بكلمةواحدة الدعوة عرس .. انا اقول ليهم عارفنه عرس لكن الدعوة شنو؟؟ الاكل غدا فطور ولا عشاء .. هم يتلفتوا مع بعض يرطنوا ويرجعوا لي ويقولوا لي الدعوة عرس .. واستمر الحال هكذا وانا ما عرفت احسم النقاش الا انه كان يوجد واحد ظابط جمارك صديقنا من ابناء الهدندوة ميت بالضحك .. في الاخير قال لي يا الدرديري نحن الدعوات عندنا في الاعراس تكون مفتوحة .. يعني الشخص ممكن يجي من صلاة الصبح يشرب قهوة الصباح ويفطر ويتغدى ويتعشى .. ولانهم هم اهل ثروة حيوانية فلهم قدرة على انه تكون الدعوة مفتوحة ... عرس يعني عرس ما في حاجة اسمها فطور ولا غدا ولا عشاء .. ومن يومها عرفت وصرت اكتب لهم الدعوة عرس .. يعني بس شيل كرشك وعيالك وتعال اشبع لحم ولبن وقهوة لمدة ثلاثةايام على الاقل

[ملكة القلوب]

يعني بس شيل كرشك وعيالك وتعال اشبع لحم ولبن وقهوة لمدة ثلاثة الايام على الاقل



زمن الدنيا بخيرها
تعال شوف هسي لو جات وحدة سايقة شفعها سااااي وكان الاكل ( بوفيه) تبقى ونسة لمدة عشرين عرس تاني

[درديري كباشي]

زمن الدنيا بخيرها
تعال شوف هسي لو جات وحدة سايقة شفعها سااااي وكان الاكل ( بوفيه) تبقى ونسة لمدة عشرين عرس تاني


فعلا ظاهره غريبة يا ملكة حكاية ممنوع اصطحاب الاطفال وجديدة وعبيطة .. وفعلا حدثت معنا قبل شهر ..ز الكرت مكتوب فيه ممنوع اصطحاب الاطفال .ونحن فعلا ما اصطحبنا الاطفال ورحنا لقصر الافراح وهو فخم فعلا لكن كان معنا الطفلة الصغيرة سمر عمرها عام واحد .. رفض الحراس ادخال الام مع الطفلة وقالوا ما قلنا لكم ممنوع .. وقلت لهم نحن الاطفال الكبار سبناهم في البيت لكن هذه صغيرة كيف نسيبها معهم ولو حصل لها خطر .. قال ما نعرف المهم ممنوع يعني ممنوع .. قلت لام محمد يلا ونحن ما عيزين ندخل يلا نفرتك .. وفعلا مشينا لو لا لحقنا اهل المناسبة فعلا ونادونا من جديد .. ثم هي ظاهره غريبة كيف شخص يمشي لحفلة عرس ويترك اطفاله في البيت وهو اصلا ترفيه وقمة الانانية والسزاجة والعباطة .. ونحن رغما عن اننا شفنا العجب وهيثم في ذلك اليوم الا اننا كتمناه في حنانا وما حكينا امام الاطفال حتى لا يتحسروا ويتاثروا .

[ابوخالد]

لكل مقام مقال ....

يعنى الخبرة دى كلها ما نستفيد منها كدى جهز لينا

دعوة كاربة وصيغة تجيب الرائح والضهبان .... مع كروكى

ما يخرش المية لموقع إستراحة التلاقى يوم الخميس (رابع أو خامس

أيام العيد ) .... ومنتظرين .... والعمل الجماعى مشاركة ...

[درديري كباشي]

لكل مقام مقال ....

يعنى الخبرة دى كلها ما نستفيد منها كدى جهز لينا

دعوة كاربة وصيغة تجيب الرائح والضهبان .... مع كروكى

ما يخرش المية لموقع إستراحة التلاقى يوم الخميس (رابع أو خامس

أيام العيد ) .... ومنتظرين .... والعمل الجماعى مشاركة ...

ماشي ابو خالد ورايك شنو في الصيغة دي


رابطة منتدات ود مدني بالرياض

تدعوكم رابطة منتديات ودمدني بالرياض الى حضور اليوم المفتوح

وذلك في يوم الخميس الخامس من ايام عيد الفطر المبارك

باستراحة التلاقي الواقعة حسب الكروكي المرفق

والعاقبة عندكم في المسرات.. ولا ما كدا

[tigani18]

لكل مقام مقال ....


يعنى الخبرة دى كلها ما نستفيد منها كدى جهز لينا


دعوة كاربة وصيغة تجيب الرائح والضهبان .... مع كروكى


ما يخرش المية لموقع إستراحة التلاقى يوم الخميس (رابع أو خامس



أيام العيد ) .... ومنتظرين .... والعمل الجماعى مشاركة ...






ماشي ابو خالد ورايك شنو في الصيغة دي

رابطة منتدات ود مدني بالرياض

تدعوكم رابطة منتديات ودمدني بالرياض الى حضور اليوم المفتوح

وذلك في يوم الخميس الخامس من ايام عيد الفطر المبارك

باستراحة التلاقي الواقعة حسب الكروكي المرفق

والعاقبة عندكم في المسرات.. ولا ما كدا

ابو الدر ,,, جمعة مبارك ياغالي ,,,
على الرغم من القول بأن الوضع يعتبر ,,,
إستغلالاً بوستياً من أبوخالد لمطابع آل كباشي,,,
ولكن ,,,
وبما أن المصلحة عامة للرابطة "كما أسميتها أنت,,,
ومن كروت الأفراح هذي(المجانية) ,,,
.
.

أوافق ,,,
وأثنّي رأي أبوخالد ,,
وماتآكلنا حنك ياأبو الدر,,,


عودة للحرف : شكراً ياأبا الدر على نص الكروت المتألق ,,,
فهكذا عهدنا بوحك يانقي الدواخل,,,,,,

[ابوخالد]

ماشي ابو خالد ورايك شنو في الصيغة دي


رابطة منتدات ود مدني بالرياض

تدعوكم رابطة منتديات ودمدني بالرياض الى حضور اليوم المفتوح

وذلك في يوم الخميس الخامس من ايام عيد الفطر المبارك

باستراحة التلاقي الواقعة حسب الكروكي المرفق

والعاقبة عندكم في المسرات.. ولا ما كدا


الصيغة شكلآ مقبولة ...

فقط بعض التعديلات ...

منتدات ــــــــــــ منتديات

رابطة ـــــــــــــ أعضاء

التلاقى ــــــــ المسرة .. بالصحافة

[ابوخالد]

ابو الدر ,,, جمعة مبارك ياغالي ,,,
على الرغم من القول بأن الوضع يعتبر ,,,
إستغلالاً بوستياً من أبوخالد لمطابع آل كباشي,,,
ولكن ,,,
وبما أن المصلحة عامة للرابطة "كما أسميتها أنت,,,
ومن كروت الأفراح هذي(المجانية) ,,,
.
.

أوافق ,,,
وأثنّي رأي أبوخالد ,,
وماتآكلنا حنك ياأبو الدر,,,


عودة للحرف : شكراً ياأبا الدر على نص الكروت المتألق ,,,
فهكذا عهدنا بوحك يانقي الدواخل,,,,,,





مشكور على التثنية أخى تيجانى ...

إتكاءة:
صاحبك بخل بى خروفه
للأعضاء .... وعجل بالضبح ...
برضو لاحقينه ....

[درديري كباشي]

الصيغة شكلآ مقبولة ...

فقط بعض التعديلات ...

منتدات ــــــــــــ منتديات

رابطة ـــــــــــــ أعضاء

التلاقى ــــــــ المسرة .. بالصحافة

تااااااااااااااااااااااااااااااااااااااني رجعتنا الصحافة

ثم ليه الاعتراض على كلمة رابطة الكلمة تعني انه في كيان بيدعو الناس ..ز لكن اعضاء كلمة مفتوحة.

بعدين العاقبة في المسرات بعني انه الشير مفتوح ولا افضل بتحديد فئة معينة لكل اسره او فرد

واليوم المفتوح تعني ايضا ثلاث وجبات مع سهره وبرنامج

اشياء كثيرة لازالت تحتاج دراسة يا باش مهندس

[أشرف صلاح السعيد]

ابوالدر سلامات..
والله لقيتك سبع صنايع وإن شاء الله الحظ ماضايع..
بينى وبينك التكلف الزايد عن اللزوم والتميّز ابو وهمة ومكذوب بغيظو..بس كمان شغل الاسطنبة الواحدة برضو مالذيذ..التغيير لذيذ بس من غير دكشنرى ومترجم للمعازيم..
تعرف اكتر شى بيضحكنى فى الكروت شنو؟ لما مايلاقو للعريس صفة..يعنى لا دكتور ولا مهندس ومستحيل يكون استاذ يقومو يكتبو "الشاب الوجيه" لهسى ماعارف معناها يكونو قاصدين حليوة وسميح؟؟
والعاقبة عندك فى المسرات..ولا هنا مابتنفع؟؟؟؟

[المكاشفى]

ابو الدر يارائع والله ياجنا من دخلن العشره اللواخر ديل
وبقينا كل ماترفع تلفون جيب ودايرين
النوم طار من العين التقول دا آخر عيد
لكن دخلت خيمه الافراح دى والضحك كتلنى
البشوفنى يقول على يمين بالله ولا مقشطنو ولا حاجه
تسلم يارائع ياجميل وحبيت عشانك كسلا حبيت ديارى عشانا
ياخى متعنا لقد نضب معينا ... كلاس على قول الخواجه

[درديري كباشي]

ابوالدر سلامات..
والله لقيتك سبع صنايع وإن شاء الله الحظ ماضايع..
بينى وبينك التكلف الزايد عن اللزوم والتميّز ابو وهمة ومكذوب بغيظو..بس كمان شغل الاسطنبة الواحدة برضو مالذيذ..التغيير لذيذ بس من غير دكشنرى ومترجم للمعازيم..
تعرف اكتر شى بيضحكنى فى الكروت شنو؟ لما مايلاقو للعريس صفة..يعنى لا دكتور ولا مهندس ومستحيل يكون استاذ يقومو يكتبو "الشاب الوجيه" لهسى ماعارف معناها يكونو قاصدين حليوة وسميح؟؟
والعاقبة عندك فى المسرات..ولا هنا مابتنفع؟؟؟؟

سلام يا هندسه

قبل ما اخوض معاك نقاش ممكن نشوف نسخه من كرتك بتاع العرس .ز عشان هي حا يتبني عليها تحليلات كثيرة .. اولا منها ممكن نعرف هل انت اتزوجت بعد الاغتراب او قبل .. ودي بتنعكس من نوع الكرت وصيغته ..تحت عنوان اعرف شخصيتك من كرت عرسك .

[درديري كباشي]

ابو الدر يارائع والله ياجنا من دخلن العشره اللواخر ديل
وبقينا كل ماترفع تلفون جيب ودايرين
النوم طار من العين التقول دا آخر عيد
لكن دخلت خيمه الافراح دى والضحك كتلنى
البشوفنى يقول على يمين بالله ولا مقشطنو ولا حاجه
تسلم يارائع ياجميل وحبيت عشانك كسلا حبيت ديارى عشانا
ياخى متعنا لقد نضب معينا ... كلاس على قول الخواجه



المكاشفي يازول يا سمح

انا سعيد جدا اذا قدرت انتزع منك ضحكة في هذه الايام ايام تعاسة الاباء .... كان ممكن يكون كلامي بهذا المعنى ... لو لا انه انا اكتشفت العكس .. في الموسم الحالي تحديدا اولادي معيدين بالسودان .. وشعرت بصراحة انه ايام الجري للاسواق وشراء ملابس العيد واسعاد هؤلاء الاجساد الصغيرة هي ايام جميلة وكانت سعيدة حتى معنا نحن .. ولان الحرمان من فرحة الصغار اتعس ... وربي ما تحرم بيت من الاطفال .. كما قال فنانناا

[محمد هاشم]

المكاشفي يازول يا سمح

انا سعيد جدا اذا قدرت انتزع منك ضحكة في هذه الايام ايام تعاسة الاباء .... كان ممكن يكون كلامي بهذا المعنى ... لو لا انه انا اكتشفت العكس .. في الموسم الحالي تحديدا اولادي معيدين بالسودان .. وشعرت بصراحة انه ايام الجري للاسواق وشراء ملابس العيد واسعاد هؤلاء الاجساد الصغيرة هي ايام جميلة وكانت سعيدة حتى معنا نحن .. ولان الحرمان من فرحة الصغار اتعس ... وربي ما تحرم بيت من الاطفال .. كما قال فنانناا

والله كلامك صاح يعني اليومين ديل نحن جايين من إجازة والحالة المادية شوية صعبة لكن كله يهون علشان خاطر الصغار ودي فرحة لايعدلها فرحة وجري السوق عشان خاطرهم وخبيز العيد وتاكل نص الخبيز في ليالي رمضان قبل العيد والله لايعدل ذلك أي شيء في الدنيا ولا كيف ؟