المساعد الشخصي الرقمي

مشاهدة النسخة كاملة : ## تسعـة أيـام ... والعاشـر إضـافي من سودانيـر,,##


محمد حسين (المميز)
16-08-2009, 07:43 AM
حبايبنــــا

أخوانا وأخواتنـا في المنتـدى


أحب أشكركم مره تانيه على السؤال والدعاء والأهتمام

وربنا يقدرنا على جزاكم,,

طبعا اغلبكم عرف الظرف المريت بيهو مع الود الشقي أحمـد

والحمدلله بقى تمام التمـام

وجات كويسه انه مشيت السودان أطمنته عليهو وشميت شوية هواء جميــل

من حق الخريف

تسعـه أيام

على قدر ما كانت ايام صعبه نفسيا

كانت جميله شكليا وحسيا لانها في مدني


وحأسردها ليكم بإختصــــــار
>>>>>>>>>>
مدنيّة
16-08-2009, 07:46 AM
حمدا لله علي السلامة يامميز
علي سلامتك وسلامة احمد ياابواحمد


منتظرين الحكي
الملكة اسماء ( ام محمد )
16-08-2009, 07:53 AM
الف حمدا لله على السلامة اخي محمد
والحمد لله اطمئنيت وطمنتنا على الابن احمد
ربنا يتم عليه نعمة الصحة وتشوفه عريس

وفي انتظار الحكاية
esmat
16-08-2009, 07:56 AM
الحمد لله علي سلامتك وسلامة ابننا احمد
وجلسنا لتحكي ونستمع في انتظارك يارائع
محمد حسين (المميز)
16-08-2009, 08:05 AM
اليــــوم الأول
-------------




بعد ما كتر الكلام حول صحة احمد من الدكاتره في مستشفى

اللواء عشرين بودمدني

قررت أسـافر فورا عشان الحق الود من تنظير دكاترنا في مدني

لانه كل واحد كان بيخمن تخمين جديد

وفعلا لقيت حجز على الخطوط السودانيه الساعه الواحده صبـاحا

حجزت وطواااالي عالمطار

الحمدلله سودانير قامت واكيد ما في مواعيدها

تأخير نص ساعه بس وده طبعا إنجاز في حد زاته:p

حطت بنا الرحال في تمام الثالثه صباحا بمطار الخرطوم الدولي

وانا كان لي مراد أقول للطيار اغشى بي مدني

ختني في اللواء عشرين وبعدها واصل رحلتك للخرطوم..

لقيت ليك كل العاملين في المطار مكممين:eek:

ليهم حق طبعا السعوديه موبوئه بالخنازير:eek:(أقصد انفلونزا الخنازير;))

سرعه سرعه بعد الجوازات يا الله تجيب لي شنطتي

وكالعاده حاجه تعقد شنطتي بتجيني آخر شي:mad: ما عارف العيب وين؟؟:(

برّه المطار مستنيني نسيبي كتر خيره(راجل اختي)

سهران مستني ربنا يديهو العافيه((فعـلا النسيب عيـن شمس;)))

طلعت من المطار 4:30ص ونسيبي حاول يقنعني اني استنى لمن الشمس تمرق وبعدها أسافر

لكن بصراحه كنت متوتر وما في طريقه اضيع اي دقيقه

واداني عربيته الكورولا عشان امشي بيها مدني ((الله يديك العافيه))

وفعلا انطلقت نحو مدني......



يتبـــــع >>>>
محمد حسين (المميز)
16-08-2009, 08:10 AM
حمدا لله علي السلامة يامميز
علي سلامتك وسلامة احمد ياابواحمد


منتظرين الحكي




الله يسلمك يا أم جمــال

أيها الأخت الرائعه وتسلمي إنت وعيالك من كل شر

ركنيــــــــه : عيد الميـلاد طلع كيف؟؟:rolleyes:
ضربة جزاء : السبت اصله من يوم المدرسه مابتراد ,, بنسلفكم المعز تاني بدل اكرم
ام قبس
16-08-2009, 08:15 AM
الف حمدلله علي سلامه عريسنا
والله يديه الصحة والعافيه
ويحفظة يارب العالمين
محمد حسين (المميز)
16-08-2009, 08:16 AM
الف حمدا لله على السلامة اخي محمد
والحمد لله اطمئنيت وطمنتنا على الابن احمد
ربنا يتم عليه نعمة الصحة وتشوفه عريس

وفي انتظار الحكاية




غاليتي صاحبة القلوب النظيفه

ملكة قلوب المنتدى

ربنا يديك العافيه وانشالله نشوفك دايما سعيده
محمد حسين (المميز)
16-08-2009, 08:20 AM
الحمد لله علي سلامتك وسلامة ابننا احمد
وجلسنا لتحكي ونستمع في انتظارك يارائع




اخي عصمـت

الله يسلمك يا صديقي

وانشالله ما تشوف شر


##وين الصــوره شلتها مالك خايف يسحروك؟؟;)
محمد حسين (المميز)
16-08-2009, 08:21 AM
الف حمدلله علي سلامه عريسنا
والله يديه الصحة والعافيه
ويحفظة يارب العالمين




تسلمي يا أم قبس

وربنا يحفظك انت وعيالك
مدنيّة
16-08-2009, 08:22 AM
ضربة جزاء : السبت اصله من يوم المدرسه مابتراد ,, بنسلفكم المعز تاني بدل اكرم

غلطانة انا الجيت دخلة ليك
:mad::mad::mad::mad::mad:
:mad::mad::mad::mad::mad:
:mad::mad::mad::mad::mad:
:mad::mad::mad::mad::mad:
esmat
16-08-2009, 08:25 AM
اخي عصمـت
الله يسلمك يا صديقي
وانشالله ما تشوف شر
##وين الصــوره شلتها مالك خايف يسحروك؟؟;)


الصورة ما حقتي ياخ معقولة بس انا (وجيه كدا )
دي بتاعت صاحبنا فوزي ابو جديري (الفخييم)
كنا عاملين ليهو دعاية وإعلان مدفعوة الاجر وكدا
محمد حسين (المميز)
16-08-2009, 08:47 AM
انطلقت نحو مدني في تمام الرابعه والنصف صباحا

ومازال الليــل باسـطا لونه

الجو في داخل الخرطوم كان ما بطـّـال لكن بمجرد ما اتعديت المسيـد

بدت هبايب جميله تخبىء ما هـو أجمـل:)

ولمن وصلت الحصاحيصـا في حوالي السـادسه

بدأ النور يطل على الآرض وبدأت معالم الخريف تتكشف

خضره ومويه رهيبه ممزوجه بنسايم الخريف... روعــه


دقت السادسه والنصف وانا داخل مستشفى اللواء عشرين للأطفال بودمدني

وهي المره الأولى التي أرى فيها الود أحمــد:)

والحمدلله اطمئن قلبي عندما رأيته وزال التوتر نوعا ما عني

وما أنسى أم أحمـد الله يديها العافيه ويخليها لي يارب

كم هي الفرحه التي رسمت على وجهها برؤيتي(ربنا يحفظك لي ولعيالي):rolleyes:

وبديت اصطاد الدكاتره داخل المستشفى واحد واحد عشان افهم كبـد الحقيقه:p

وزي ما كنت بسمع في التلفون

أكتر من رأي وأكتر من تشخيص وتخمين

والقرار اللي انا إتخذته مسبقا قبل الوصول

هو الخروج من المستشفى والتوجه للخرطوم فورا

ماعاوزه اتنين تلاته مافي مقارنه بين مدني والخرطوم (الفجوه بقت كبيـــــــــره)

بعد الاتصالات من هنا وهناك حددنا الوجهه الحنقصدها في الخرطوم

دكتوره شكرها كل من عرفها((زي ماقالو لو مشيت ليها كأنك مشيت لندن))

قررنا السفر الساعه الخامسه عصراا

لانه الدكتوره بتشتغل عيادتها 8 مساء وبتاخد 5 حالات فقـط:eek:

وطبعا عشان نلقى طريقه كان لابد من الواسطه وربنا سهلها والحمدلله

بعد ما رتبت الامور كلها في المستشفى

قلت بعد كده امشي البيت على الدرجه اسلم على اخواتي

واشوفهم

وهنــا كانت الصدمــه الأولى :eek:




>>>>>>>>
محمد حسين (المميز)
16-08-2009, 08:48 AM
غلطانة انا الجيت دخلة ليك
:mad::mad::mad::mad::mad:
:mad::mad::mad::mad::mad:
:mad::mad::mad::mad::mad:
:mad::mad::mad::mad::mad:






انت بالك مشى لبعيـد:D

انا قاصد أكرم عبدالمنعم صاحبي

والمعز ود جيرانا:p

:D:D:D
محمد حسين (المميز)
16-08-2009, 08:52 AM
الصورة ما حقتي ياخ معقولة بس انا (وجيه كدا )
دي بتاعت صاحبنا فوزي ابو جديري (الفخييم)
كنا عاملين ليهو دعاية وإعلان مدفعوة الاجر وكدا




:rolleyes::rolleyes::rolleyes:
مايسة
16-08-2009, 08:55 AM
حمد لله على السلامة يا المميز

ومفقودة بصمتك في المنتدي صراحة

سلامة أحمد وربي يديهو العافية يا رب


وفي الانتظار لوصف الاحداث التي مررت بها والمواقف
أبوحراز
16-08-2009, 09:03 AM
حينما يتألم الأطفال نكتوي نحن بنيران الألم
نتمنى وقتها لو نزيح عنهم كل الأوجاع
ما أجملهم يا أخي
لك التحية ولأحمد
واتمنى أن يكون قد بلغ الصحة والعافية
شفت 00 كم ان وجود الوالد هو جزء من العلاج ؟؟؟
المسافر
16-08-2009, 09:09 AM
حبايبنــــا
أخوانا وأخواتنـا في المنتـدى
أحب أشكركم مره تانيه على السؤال والدعاء والأهتمام
وربنا يقدرنا على جزاكم,,
طبعا اغلبكم عرف الظرف المريت بيهو مع الود الشقي أحمـد
والحمدلله بقى تمام التمـام
وجات كويسه انه مشيت السودان أطمنته عليهو وشميت شوية هواء جميــل
من حق الخريف
تسعـه أيام
على قدر ما كانت ايام صعبه نفسيا
كانت جميله شكليا وحسيا لانها في مدني
حأسردها ليكم بإختصــــــار
>>>>>>>>>>



بداية حمدلله على سلامة أبننا أحمد
وحمد لله على سلامة الذهاب والعودة

مرات سودانير ديل بكون عندهم فائدة
moh_alnour
16-08-2009, 09:18 AM
الأخ الحبيب المميز
ألف حمدا ً لله على العودة من أرض الوطن و الطلة عبر المنتدى
و ألف حمدا ً لله على سلامة ( أحمد ) و إن شاء الله أخر الوعكات و الآلام
وما تشوفوا شر إن شاء الله
محمد حسين (المميز)
16-08-2009, 09:25 AM
صدمـــه فعــلا بمعنى الكلمــه

اتوجهت على شارع الدرجه واتعديت البرج

وإتفاجأت بخور كبيــر قافل الشارع فيهو ماسوره كبيره (( وارغـو بس :D ))

المشكله ما مدفونه يعني وجودها زي عدمها

لفيت يمين قلت ادخل الشارع الفرعي وازوغ بي ورا

وبرضو الشارع مقفول:mad:

رجعت تااااني ومشيت بالجهه التانيه وبررررضو لقيت الشارع مقفول:mad:

اضطريت ارجـع تاااااااني لغاية البرج وامشي بالشارع الجديد الممتد من السكة حديد

عشان اوصل البيت

لكن يامدني لقيتك منتهيه نهايه لا يمكن ان تعود من جديد:mad:

شوارع مقفله خيران في كل مكان

طين ومويه في كل مكان بإختصــــار مدني عباره عن ((لقمه بملاح أم دقوقه)):(

كله كوم وجيوش الضبــان والناموس كوم

عدى النهـار واتحركنا على الخرطوم

مطره تقيله من ابوعشر لغاية أم مغـد((بعد الكاملين))

حاجه جميله فعــلا مطره زي المطره

وصلنا الخرطوم جو سخن وناس حايمه ماشه وين وجايه من وين ما معروف

خشينا الدكتوره وياريت دكاترنا كلهم زيها

شابه في الثلاثينات من عمرها أخصائية قلب أطفال فقـط

زماله بريطانيه جامعه بريطانيه كله لندن x لندن

كله كوم والأجهزه كوم من أحدث الطرازات وآخر ما توصلت له التكنولوجيا

والحمدلله كلام مدني طلع فشوش

لاعمليه لاغيره والود قلبه طلع سليم والحمدلله

القصـه وما فيها

إلتهـاب حاد في الرئه أدى الى إرتفاع في الضغط الرئوي وضيق في التنفس

أدى الى نقص في الأكسجيـن..

ناس مدني قالو التهاب +.........+يمكن ..........+ إحتمال.........الخ,,

لكن هنا واحد + واحد = اتنين

وقالت ترجعو تكملو علاج الالتهاب في المستشفى في مدني لمدة خمسه أيام

ومافي اي شي يقلق

سبحان الله بعد التهويل والاحتمالات والعمليات المحتمله

رست على التهاب وملحقاته((ألف حمد وشكر ليك يارب))

الساعه مشت للحاديه عشر ليلا وقررنا المبيت والعوده غدا مره أخرى

الى مدني

وده كان اليــوم الأول تقريبــا وعدى على خير واطمأن قلبنا على قلب أحمـد


>>>>>>>>>>
محمد حسين (المميز)
16-08-2009, 09:29 AM
حمد لله على السلامة يا المميز

ومفقودة بصمتك في المنتدي صراحة

سلامة أحمد وربي يديهو العافية يا رب


وفي الانتظار لوصف الاحداث التي مررت بها والمواقف


تسلمي يا ميسـو

وكتر خيرك كتير

اتمنى ان يجد انتظارك للأحداث ما يرضيك

وانشالله ماتفقدي عزيز
محمد حسين (المميز)
16-08-2009, 09:30 AM
حينما يتألم الأطفال نكتوي نحن بنيران الألم
نتمنى وقتها لو نزيح عنهم كل الأوجاع
ما أجملهم يا أخي
لك التحية ولأحمد
واتمنى أن يكون قد بلغ الصحة والعافية
شفت 00 كم ان وجود الوالد هو جزء من العلاج ؟؟؟


صدقت يابوحراز

فعــلا الوجود اهم شي

ربنا يدينا ويديهم العافيه
محمد حسين (المميز)
16-08-2009, 09:33 AM
بداية حمدلله على سلامة أبننا أحمد
وحمد لله على سلامة الذهاب والعودة

مرات سودانير ديل بكون عندهم فائدة




يا مسافر

الله يسلمك

اقعد تحت الحيطه وحتسمع معاي الظيطه

جاييك انا لسودانير

بس خليك معاي;)
محمد حسين (المميز)
16-08-2009, 09:36 AM
الأخ الحبيب المميز
ألف حمدا ً لله على العودة من أرض الوطن و الطلة عبر المنتدى
و ألف حمدا ً لله على سلامة ( أحمد ) و إن شاء الله أخر الوعكات و الآلام
وما تشوفوا شر إن شاء الله



الله يسلمك يابوحميد

يا مشرفنا الهمام

تسلم يا عزيزي ياودالنور
أبو أسامة
16-08-2009, 10:31 AM
المميز ابو احمد ..
حمد لله على سلامة احمد ..
ونسأل الله ان يديم عليه نعمة الصحة والعافية ....
ويجعله من أسباب سعادتك في الدارين
وسعيدين جداً بطلتك من جديد ......
وياريت تنزل صور للعريس
ابوخالد
16-08-2009, 06:27 PM
حمدآ لله على سلامة المميز الصغير

أحمد

طمأنتنا ... الله يطمئنك ... ويحفظ كل أبناء المسلمين...

آآآآآآآآآآآآآآآآآآآآآآآآآآآآآآمين

http://up.dwltna.com/images/5btnzjmp0rbmgrb27skh.gif


http://up.dwltna.com/images/4ji94na8s6qnqt5mxv3p.jpg
محمد حسين (المميز)
16-08-2009, 08:39 PM
المميز ابو احمد ..
حمد لله على سلامة احمد ..
ونسأل الله ان يديم عليه نعمة الصحة والعافية ....
ويجعله من أسباب سعادتك في الدارين
وسعيدين جداً بطلتك من جديد ......
وياريت تنزل صور للعريس






الله يسلمك يابواسامه

وربنا يديم على الجميـع نعمـة الصحه والعافيـه

تسلم من كل شر

وانشالله قريبا نجيب صورة عريسنا الصغير
محمد حسين (المميز)
16-08-2009, 08:41 PM
حمدآ لله على سلامة المميز الصغير

أحمد

طمأنتنا ... الله يطمئنك ... ويحفظ كل أبناء المسلمين...

آآآآآآآآآآآآآآآآآآآآآآآآآآآآآآمين

http://up.dwltna.com/images/5btnzjmp0rbmgrb27skh.gif


http://up.dwltna.com/images/4ji94na8s6qnqt5mxv3p.jpg



تسلم يابوخالــد

وربنا يحفظ ليك خالد واخوانه

ونقول آميــن

ورمضـان كريــم,,
معز عبد المنعم
16-08-2009, 08:56 PM
الف حمد لله على السلامه وربنا يحفظ احمد من كل شر ويديه الصحة والعافية يا ابو احمد
الجندي المجهول
16-08-2009, 09:15 PM
حبايبنــــا

أخوانا وأخواتنـا في المنتـدى


أحب أشكركم مره تانيه على السؤال والدعاء والأهتمام

وربنا يقدرنا على جزاكم,,

طبعا اغلبكم عرف الظرف المريت بيهو مع الود الشقي أحمـد

والحمدلله بقى تمام التمـام

وجات كويسه انه مشيت السودان أطمنته عليهو وشميت شوية هواء جميــل

من حق الخريف

تسعـه أيام

على قدر ما كانت ايام صعبه نفسيا

كانت جميله شكليا وحسيا لانها في مدني


وحأسردها ليكم بإختصــــــار
>>>>>>>>>>

ود جيرانا واخي وصديقي مرة تانية وتالتة حمداً لله على سلامة (خطيب بت رضا) الجدو كتل الاسد ...

قبل ما تمشي قلت ليك خليهم يسوقوا (حبيبنا احمد ) يمشوا بيهو الخرطوم قداااامك وتقابلهم هناك وتواصل علاج وبعد كدا ترجع مدني (انت ما عارف مدني دي غير حقن الملاريا ودربات الكلروكوين ما فيها حاجة) ومدني كمستشفى زيها زي اي مركز صحي

تخريمة :
الحمد لله كثيرا على سلامته وهذا اهم مافي الموضوع ....

وبالله عليك -- المسافر وانا واخرون منتظرين البوست (دااااك)
عثمان جلالة
16-08-2009, 09:24 PM
أبو منه :p:p مشتاقين والله ... يااااخي حرام عليك منه بتنا دي أصلو ما إتذكرتها ... عارفك مشغول على أحمد .. ربنا يديهو الصحة والعافية وكل أفراد أسرتك الكريمة .. أهم حاجه سلمت لي على منه :);)

لك الود،،، وإن شاء الله مشيتك الجايه تكون بدون مرض وبدون عوارض .. وتلقاهم دايما تامين ولامين:p
حسام التنين
16-08-2009, 09:54 PM
اخونا وحبيبنا المميز دائما وابدا

الف حمد لله علي سلامة المميز الصغير

وعودتك لارض الوطن والعوده سليما





لكن طممت بطني من مدني
عصام سعيد
16-08-2009, 10:07 PM
حمد الله على سلامتك وسلامة إبنك وربنا يبلغه تمام العافية ,, ويطمنك عليه وعلى باقي الأسرة ,,
محمد حسين (المميز)
16-08-2009, 11:16 PM
الف حمد لله على السلامه وربنا يحفظ احمد من كل شر ويديه الصحة والعافية يا ابو احمد




تسلم يا معز

وشكرا عالمرور
محمد حسين (المميز)
16-08-2009, 11:18 PM
ود جيرانا واخي وصديقي مرة تانية وتالتة حمداً لله على سلامة (خطيب بت رضا) الجدو كتل الاسد ...

قبل ما تمشي قلت ليك خليهم يسوقوا (حبيبنا احمد ) يمشوا بيهو الخرطوم قداااامك وتقابلهم هناك وتواصل علاج وبعد كدا ترجع مدني (انت ما عارف مدني دي غير حقن الملاريا ودربات الكلروكوين ما فيها حاجة) ومدني كمستشفى زيها زي اي مركز صحي

تخريمة :
الحمد لله كثيرا على سلامته وهذا اهم مافي الموضوع ....

وبالله عليك -- المسافر وانا واخرون منتظرين البوست (دااااك)




فارس المنتدى

جندينا ود حلتنا

فعلا اخدنا بالوصيه والحمدلله جات سليمه

وهسه انا بنصح اي زول لو جاته نزله برد ساي

يمشي يتعالج في الخرتوم:p



## جاييييييييييييك بالراجيهو;)
محمود (أبو وضاح)
16-08-2009, 11:20 PM
حمدا على سلامة فلذة كبدكم (أحمد) وحفظه الله تعالى وأقر به أعين والديه ،، وماتشوفوا شر يارب وكل أطفال بلادى.
محمد حسين (المميز)
16-08-2009, 11:21 PM
أبو منه :p:p مشتاقين والله ... يااااخي حرام عليك منه بتنا دي أصلو ما إتذكرتها ... عارفك مشغول على أحمد .. ربنا يديهو الصحة والعافية وكل أفراد أسرتك الكريمة .. أهم حاجه سلمت لي على منه :);)

لك الود،،، وإن شاء الله مشيتك الجايه تكون بدون مرض وبدون عوارض .. وتلقاهم دايما تامين ولامين:p




حباب ابومنه

والله احمد نسانا اسمنا لكن الحمدلله جات سليمه

كتر خيرك يا ود جلاله

وانشالله دايمـا في كامل الصحه
عبدالرحمن مدثر
16-08-2009, 11:22 PM
حبيبنا مميز

الف حمدالله على سلامة حمودى

وان شاء الله دائما تامين ولامين
محمد حسين (المميز)
16-08-2009, 11:23 PM
اخونا وحبيبنا المميز دائما وابدا

الف حمد لله علي سلامة المميز الصغير

وعودتك لارض الوطن والعوده سليما





لكن طممت بطني من مدني


تسلم يا تنين من كل شر



## انت لسه شفت طمام؟؟!!:(
محمد حسين (المميز)
16-08-2009, 11:24 PM
حمد الله على سلامتك وسلامة إبنك وربنا يبلغه تمام العافية ,, ويطمنك عليه وعلى باقي الأسرة ,,


الله يسلمك يا عصــام

ويسلم اهلك من كل شر
محمد حسين (المميز)
16-08-2009, 11:25 PM
حمدا على سلامة فلذة كبدكم (أحمد) وحفظه الله تعالى وأقر به أعين والديه ،، وماتشوفوا شر يارب وكل أطفال بلادى.



شكرا كتير يابووضاح

وربنا يحفظك لعيالك
محمد حسين (المميز)
16-08-2009, 11:27 PM
حبيبنا مميز

الف حمدالله على سلامة حمودى

وان شاء الله دائما تامين ولامين




الراقي في كلامه

العالي في ذوقه

اخو الاخوان ود مدثر

تسلم من كل شر يا عبده

وانشالله ربنا يقدرنا على الجزا
محمد حسين (المميز)
16-08-2009, 11:51 PM
اليــوم الثــاني
--------------



من داخل الخرطوم

رغم الصباح لكن الجو سخانه ما عاديه

حتى مكيف العربيه يقول الرحمه ياهووو

زحمه غير طبيعيه

قلت اقضى لي مشوار مشوارين قبل العوده لمدني

وياريت مافكرت كده

اليوم قام جاري وانا في مشوار واحد من بحري لام درمان ومنها للخرطوم

ولمن فقت لقيت الساعه 2 ظهر

وجري سقت الاولاد ويا شارع مدني الخرطوم جاك زول

وبرضو من بعد المسيد الجو راق وحلى

والغيم ظهر والخضره والمويه

الحمدلله وصلنا وطواااالي عالمستشفى من جديد

للاسف في حاجه اسمها قسـم حديثي الولاده

فيها حاجه اسمها الحضانه

ودي انا زي ما عارف انها للاطفال الناقصين

يعني احمد ود عمره اسبوعين مفترض ما يقعد فيها

لانها عباره عن فرن بشري

سخانه تزيد الالتهاب

الود من يوم ما يدخلوهو للحضانه يركبو مية عفريت

يعرق ويبكي ونفسه يتكتم ويقلع الاكسجين

ولمن امه تاخده عندها في الغرفه

يروق ولونه يرجع وينووووووووووووم

طبعا كل المتواجدين بالمستشفى عباره عن

ممرضات وتلاميذ امتياز

الاخصائي مابيمر الاّ كل يومين مع الطلبه من اجل الشرح والفرجه

وليس للكشف او التشخيص

يعني المستشفى حقل تجارب وتعلم ليس الاّ..


وانتهى اليوم الثاني....



>>>>>>>>>>>
محمد عبد الله عبدالقادر
17-08-2009, 01:16 AM
المميز سلامات
وكفارة لولدكم احمد وانشاء الله ربنا يتم الشفاء
وفي اليومين دي نفسنا اتقطع وراك
ومنتظرين البافي
ميادة
17-08-2009, 03:57 AM
المميز: الف حمد ع السلامة .... وحمدلله على سلامة حمودي


واحكي واحنا متابعين
محمد حسين (المميز)
17-08-2009, 04:48 AM
المميز سلامات
وكفارة لولدكم احمد وانشاء الله ربنا يتم الشفاء
وفي اليومين دي نفسنا اتقطع وراك
ومنتظرين البافي





الله يسلمك يا محمد عبدالله

معليش شيل نفسك لسه المسافه طويله;)







المميز: الف حمد ع السلامة .... وحمدلله على سلامة حمودي


واحكي واحنا متابعين

البت الظريفه ميــدو

تسلمي من كل شر يارب

شرفتينا كتيـــر

جري البنبر دااااك واتحكري القصه طويله لسه;)
محمد حسين (المميز)
17-08-2009, 05:14 AM
اليــوم الثـالث
-------------



يوم عادي او صباح روتيني شيل الشاي والقهوه

عالمستشفى لأم أحمد ربنا يديها العافيه

طبعا سغالة ناس الباب في المستشفى ؟؟؟؟؟
الأغرب لمن بقيت اجي داخل بالعربيه يفتحو الباب من غير شوره

يمكن قايلني دكتور:p (بلد بتاعت مظاهر:confused:)

بعد البرنامج الصباحي ده قلت امرق شويه اشوف اصحابي واشوف مدني

وآآآآآآآآهـ من مدني واللي شفته في مدني :(

منتهى الصدمــه

دمــــــار X دمــــــار

شوارع مقفله مكسره مويات في كل مكان

اوساخ باعوض ناموس خيران مفتوحه بصوره عشوائيه

بإختصــــــــــــــار دمار شامل


بعد الصدمه جاتني دعوه كريمه لحضور الاجتماع المقام

بصالة البرعي

وفعلا بحلول المساء رغم الظروف أصريت على الحضور ولو شويه للقاء

بعض اعضاء المنتدى

وفعلا كانت حاجه جميله ان التقي باخوتي في المنتدى

طبعا في شخصيات كانت دي اول مره اقابلهم فيها

زي ود النور وعكاشه والممتن ومعتصم عيدروس وآخرين

وكمان التقيت بالأستاذ ود الصول والاستاذه اسماء الشريف ومدنيه المريخابيه

ونبيل حمدتو وابوبكر جيري مان وآخرين

بصراحه كانت ليله جميله رغم حضوري المتأخر وانسحابي المبكر

وكتر خيرهم كلهم كانو بيسئلو ويطمنو على احمد

احساس جميـل جدا انك تكون وسط هذه الشخصيات

ناس فاهمه متكاتفه متآلفه زي الاسره الواحده




>>>>>>>>>>>>>
محمد حسين (المميز)
17-08-2009, 08:48 PM
اليـوم الرابــع
-------------


يوم عادي ضبان الصباح ما يديك فرصه تتثـآءب

بالجد حاجه تجنــن

قلت امشي على سودانيــر اشوف لي حجز وعندي تذكره حقت اختي قلت اسحب ليها برنت

وكانت هناك مصيبه عاوزه ليها بوست براااااااااااااها سودانير ستروهـ قريـبــــاباقي اليوم كان روتيني بين المستشفى ودمار مدني



اليـــوم الخـامس
----------------


يوم جميل ممزوج بتلفونات الاصدقاء من داخل المنتدى وخارجه

وبرضو روتين المستشفى ودي وجيب

ومشيت على السوق

مع اصحابي في مكاتبهم ودكاكينهم

بصراحه تحس انه مافي شغل يقولو عليهو

ونسه وشاي وقهوه
محمد الجزولى
17-08-2009, 09:21 PM
المميز ( المميز )
الف حمد لله على سلامتك
والف لا بأس على الصغنتوت احمد
وان شاء الله اجر وعافيه
ابو لوزة
17-08-2009, 10:13 PM
اخي المميز الف الف حمداعلي
السلامةعلي ابنك احمد وربنا
يخلية ويبعد عنة المرض
محمد حسين (المميز)
17-08-2009, 11:27 PM
المميز ( المميز )
الف حمد لله على سلامتك
والف لا بأس على الصغنتوت احمد
وان شاء الله اجر وعافيه


الله يسلمك يابوحميـد

تسلم كتيــر وشكرا ليك



ا
اخي المميز الف الف حمداعلي
السلامةعلي ابنك احمد وربنا
يخلية ويبعد عنة المرض


مشكور يابولوزه

تسلم كتير
محمد حسين (المميز)
18-08-2009, 01:05 AM
اليـوم السـادس
---------------

مطره ليليه كـــــاربه

صبحت الجو جميـل والطين تقيــل والضبـان عباره عن جيوش

بعد برنامـج المستشفى الصباحي

مشيت اخد لي لحمه مفرومه وخضـار وفواكه للبيت

اتفاجأت لمن قال لي كيلو اللحمــه المفرومه 14ج :eek:للكيـلو من غير اي نقيصه

والفاكهه المانجو للفرجه يعني حاجه تحير:o


الحاجه الأغرب مشيت آخد خروف والله يشهد الله عزلت خروف:(

سمح لكن ما ضخم ضخامت خرفان الضحيه

قال لي كلام غريب عاوز فيهو 450ج :eek:وفي واحد بيقنع فيني انه اديهو 400ج:mad:
شاكلتهم ومشيت افتش غيرهم وفي النهايه استسلمت للأمر الواقـع

واضطريت اشتري بـ 355ج
انتهيت مشيت تاني لســودانير وديل قصتهم قصه وشاكلتهم:mad: والتفصيل قريبــا;)...

اي مكان تمشي تلقى ريحة الآبري ضاربه

والاستعداد لرمضـان على اشدهـ:)
عبدالله محمد العقاد
18-08-2009, 01:07 AM
الاخ محمد حسين

حمد لله على سلامتك وسلامة احمد

و ندعوا الله ان يشفيه كمان وكمان ..آمين
محمد حسين (المميز)
18-08-2009, 08:45 AM
الاخ محمد حسين

حمد لله على سلامتك وسلامة احمد

و ندعوا الله ان يشفيه كمان وكمان ..آمين




الله يسلمك ياعبدالله

اللهم آميــن
محمد حسين (المميز)
18-08-2009, 09:10 AM
اليوم السـابع
-------------


مطره ليليــه مره أخرى أشــد من أختها في الليله السابقه

لكن خلت الواطه ملاح ويكاب:( بـس

اليوم في بدايته كان عادي جدا لكن الغريب والمفزع والمحزن اللي حصـل بعد كده:eek:

لاحظت في اليومين السابقين ريحة فطيسه في القطعه المجاوره لبيتنا اللي بيملكها راجل اختي(ابوالنسب)

لكن مع لخمة مرض الولد والجري من والى المستشفى ما ركزت في الموضوع شديد

في اليوم ده كان راجل اختي عازمني غدا

وفعلا مشيت اتغدى وقمت كلمته بالحرف الواحد انه في ريحــه عفنه قويه في القطعه حقتك

قلت ليهو ما يكون ميت فيها كلب ولا حمار وسط الشجر وما شايفنه

ضحك وقال لي ده يكون جارنا بيرمي فيها الفيران لانه عنده شرك فيران

لكن قلت ليهو دي ما ريحة فيران

طبعـا اصلا في القطعه في كرنك او قطيه بينوم فيها عامل من العمال مقطوع من شجره ما عنده اهل

فبالهظار قلت ليهو ما يكون فلان الفلاني ميت في القطيه وانت ما جايب خبر

فضحك بكل سخريه وقال لي ماممكن ياخ الزول ده قبل كم يوم انا شفته حايم:rolleyes:

اتغدينا وقمنا ونسينا الموضوع.

بعد المغرب جا ابو النسب معدي بجنب القطعه وفعلا لقى الريحه غير طبيعيه

قام اتذكر كلامي وخش يشوف الريحه من وين:confused:

واتفاجأ لمن خش القطيه ولقى فلان الفلاني ميت :eek:وجثته بدأت تتحلل:((لاحول ولاقوة الا بالله)
وقام اتصل بي طوالي ومشينا القسم الجنوبي بلغنا

وفي ثواني الناس اتلملمت وجات الحكومه وشاهدت منظر رهيــــب:o

أكثر من 2 مليون دوده تقريبا كانت :eek:تغطي هذه الجثه ( اللهم احسن خاتمتنا يارب)

منظر رهيب لا يمكن وصفه :(وانتهت الحكايه بأن حمل رجال الشرطه الجثه في البوكس

ومنها الى المشرحه:o

ومازال التحقيق جاري

لكن من المؤكد انه الموته طبيعيه لانه كان مريض في الفتره الاخيره

بصراحه كان يوم غريب:rolleyes:
esmat
18-08-2009, 09:47 AM
سفرتك كلها مؤلمة يا المميز
ربنا ارحمو واغفر ليه ونحمد الله
على سلامة ابننا احمد وسلامة العودة
محمد حسين (المميز)
19-08-2009, 09:02 AM
سفرتك كلها مؤلمة يا المميز
ربنا ارحمو واغفر ليه ونحمد الله
على سلامة ابننا احمد وسلامة العودة



تقــول شنو يا عصمت بس

الله يدي العافيــه:confused:
محمد حسين (المميز)
19-08-2009, 09:11 AM
اليــوم الثامن
-------------


باقي على السفر يوم واحد والحمدلله اطمأنيت على احمد بعد خروجه من المستشفى

عديت اليوم كله لعب مع منـوون واخوها احمد....






اليـوم التاســع
---------------

صباح حزين لزول مسافر

رغم الغيم والجو الجميـل

يوم اخير بجانب الاسره وبعد الجمعه استعديت واتحركت العصر على الخرطوم لانه الحضور للمطار 8 مسـاء

والطياره 11 ليلا لكن........., قريبـــــا

الحاجه االلي لفتت نظري في الخرطوم انها ماشه نضيفه اكتر واكتر

المعمار زايد والاجانب زايدين بصراحه البلد مشرّفه:)

مش زي مدني من أسوأ الى أسوأ:(

كمــان في ظاهره بقت اخطر واخطر في الخرطوم

اللبــس حق البنات ,, استغربت جدا ليـــه الصحفيه لبنى عاوزين يجلدوها:eek:

البلد كلها عاوزه جلد;)

والسلام عليكم ورحمة الله وبركاته;)

ملحـــــــــــــــــوظه
اليــوم العاشــر في بوست خاااااااااااااااااااااااااص

عن سودانيـــــــــــــــــر حصريا;)

اشترك الان او جدد اشتراكك
esmat
19-08-2009, 09:23 AM
تسلم يامميز وصراحة ما قصرت معانا كنت متابعك بي لهفة وشوق للبلد
عسى ولعل ان نسمع ما يفرح ... ولكن دائماً هذه المدينة ليس فيها مايشرح القلب
مايسة
19-08-2009, 09:04 PM
,,,,,,,,,,,,,,,,,,قسس يا المييز (المشاكس)

بركة الاطمأنيت على أحمد

وتاني بالله قول ام منه مش ام حمد ;):p:) - دمت
محمد حسين (المميز)
20-08-2009, 09:45 AM
تسلم يامميز وصراحة ما قصرت معانا كنت متابعك بي لهفة وشوق للبلد
عسى ولعل ان نسمع ما يفرح ... ولكن دائماً هذه المدينة ليس فيها مايشرح القلب





والله يا عصمت متأسف جدا على كمية الاحباط

الموجوده في البوست

لكن بصراحه ده الواقع المرير

انشالله الزياره الجايه تكون عكس المكتوب فوق
محمد حسين (المميز)
20-08-2009, 09:46 AM
,,,,,,,,,,,,,,,,,,قسس يا المييز (المشاكس)

بركة الاطمأنيت على أحمد

وتاني بالله قول ام منه مش ام حمد ;):p:) - دمت




جداااااا يا ميســو (ماالصندليه:p)
محمد السر احمد
20-08-2009, 10:06 AM
المميز اولا حمد لله علي سلامة احمد
وربنا يحفظو ليك من كل شر
لكن ربختك شفتة مدني وشميت ريحة الخريف
ثانيا عليك كيف لقيت الشباب و اعضاء المنتدي الحلوين
محمد حسين (المميز)
22-08-2009, 09:36 AM
المميز اولا حمد لله علي سلامة احمد
وربنا يحفظو ليك من كل شر
لكن ربختك شفتة مدني وشميت ريحة الخريف
ثانيا عليك كيف لقيت الشباب و اعضاء المنتدي الحلوين




محمد السر

رمضان كريم

صدق فعلا رغم المعاناة النفسيه اللي عشتها في التسعه أيام

مابين المستشفى والاستياء اللي شفته في مدني

لكن برضو حسيت بالراحه لوجودي في مدني الحنينه

اما الحبايب اعضاء المنتدى الرائع

اقول ليك شنو على الروعه والجمال

بصراحه تشكيله غااااااايه في الروعه
محمد حسين (المميز)
16-09-2009, 02:38 AM
تاااااااااااااااااااااني يا سودانيـــر:(

بعد ماقلت خلاص من سودانير توبه

شوف الزمن ساقني:o

يعني السودان ده نخليهو ياسودانير

قلنا نمشي نعيـّــد في السر من ناس الشغل

كلها 8 يوم بالدس

سودانير عاوزه تنقصهــا:mad:

يعني ياسودانيــر قاصداني؟؟ ولا ده حظي؟؟ ولاّ ياهو ده حالك:mad:؟؟

الطياره من 9مساء اليوم الى 3:30صباحا:(

ولسه يمكن تزيـــد




اشكيك لميــــن؟؟:rolleyes:
حسام التنين
16-09-2009, 02:53 AM
تاااااااااااااااااااااني يا سودانيـــر:(

بعد ماقلت خلاص من سودانير توبه

شوف الزمن ساقني:o

يعني السودان ده نخليهو ياسودانير

قلنا نمشي نعيـّــد في السر من ناس الشغل

كلها 8 يوم بالدس

سودانير عاوزه تنقصهــا:mad:

يعني ياسودانيــر قاصداني؟؟ ولا ده حظي؟؟ ولاّ ياهو ده حالك:mad:؟؟

الطياره من 9مساء اليوم الى 3:30صباحا:(

ولسه يمكن تزيـــد




اشكيك لميــــن؟؟:rolleyes:


حبيبنا تصلنا بالسلامة

لمن تصل مدني

عليك الله تتصل بي

0915208208
ابوالنور
16-09-2009, 03:00 AM
الف حمد الله علي السلامة يا مميز
محمد حسين (المميز)
17-09-2009, 12:15 AM
مافي فايده

والحال زايد سوء

والتأجيل مستمر بعد التأجيل من يوم 16/9 الساعه9م الى 3:30ص

مره تانيه التأجيل الى يوم 17/9 الساعه 6م

وليكم انتو ان تتخيلو الوضع كيف

حاجه تجنن

سودانير كرهتنا السفر زاته

بالجد بتمنى من كل قلبي ان يتم ايقاف سودانير ومنعها من الهبوط في اي مطار في العالم

عشان نتوب ونبطل ونشوف غيرها



أستــاهــــل أنا الما بتــــوب:mad: