الشيشه وقانون الانضباط

[عمرسنهوري]

الكشات التي تقوم بها شرطة الانضباط والنظام العام
لمحلات الشيشه عجيبه وغريبه للحد البعيد
لان العساكر يتكلمون بلغة خطابه اقرب ما تكون للاستعمار
والاسترقاق .
ساحكي موقف ثم نواصل الموضوع

كنت في السوق الشعبي مدني وكنت حينها مسافرا
المهم قلت ياود يا عمر يلا اضرب ليك حجر شيشه في زقاق
الشيشه ( اااااااااااااي انا بشرب شيشه المشكله وين ؟ )
وبعد كده شتت محل ماشي
المهم الود جاب لي الحجر قدامي وبديت كررررررررررر
كررررررر كرررررررررر صلاح السعدني بس في مسلسل
اليلي الحلميه لمحت واحد معرفه قال لي
يا عمر خت اللي ( اللي هو خرطوش الشيشه) في كشه
في اللحظه ديك لقيت العسكري واقف قدامي وقال لي كشه
ما رديت عليهو لكن ختيت اللي في الشيشه وهو طوالي
دنقر شالا .
في واحد تاني على بعد امتار قليله مني عمل نفس العمليه
وضع اللي في الشيشه وقعد في مكانو .
واحد من العساكر قال ليهو كييييييييييييييف تخلف كراعك ؟؟؟؟
يا اخوانا انا في محكمه ؟؟؟؟ اخلف كراعي طوالي ؟؟؟؟؟
في اللحظه ديك الضابط ظهر وكورك في العساكر يلا يلا سريع
العسكري قال عبارات سيئه للشاب ومشى على باقي الشيش
يلقط فيها .
الغريبه في واحد عندو دكان ببيع شيش و معسلات
يعني ممول لي محلات الشيشه الزول دا دكانو فاااااااااااااااتح
العسكري مغيوظ ويحمر ليهو ساااااااااي اظن في حاجه بيناتهم
الزول دا اتكلم مع العسكري قال ليهو حاجه .
بس العسكري مسكو من يدو جراو قال لزميلو يا فلان الزول دا
شال الشيش عشان يدخلا في دكانو .
العسكري التاني قال ليهو انا شاهد وممكن احلف لو عاوز وهسي بحلف
اقسم بالله الزول دا حاول يشيل الشيش .
انا شكيت قلت ممكن يكون فعلا كلامو صاح لانو ماممكن يحلف ساي
بعد الذل والاهانه لاصحاب المحلات و الزول المسكين
ركبوهم في البوكس ولازم يقعدو في ارضية البوكس ورؤؤسهم للاسفل
في اهانه اكتر من كده ؟؟؟؟
بعد البوكس فات في واحد قال والله الولد الساقوهو دا ماعمل حاجه
خالص . ساقوهو ساي العساكر غايتو غرامه وبعد ساعه بجي
هل هذا هو الانضباط الذي نبحث عنه ؟؟؟؟

تخريمه للموضوع الاساسي
صاحب محل الشيشه ياتي بتصديق من المحليه ليفتح المحل
بعد عمل التصديق يقوم بفتح محل الشيشه .
بعد بضعة ايام تجي الكشه يقولو نحن ناس الانضباط ماعندنا علاقه
بالمحليه ويرفعو الشيش وصاحب المحل في البوكس اعلاه وبنفس الطريقه
ماهذا التناقض ؟؟؟؟
ويكون الدكان الذي يبيع الشيش و صناديق المعسل مفتوحا
والادهى والامر ان هنالك توكيلا لشركة حجار لاستيراد المعسل
شركه تدفع جمارك وضرائب وتدخل المعسل وشرطة النظام العام
تقوم باغلاق مكان الشيشه .
الشركه المستورده تبيع المعسل وين اذا انت قفلت المحلات ؟؟
مع العلم ان هنالك معسل مصنوع في السودان ومكتوب عليه .

انظروا الى المفارقات وما يسمى بشرطة الانضباط والنظام العام

[omer.ahmed]

تحية لك من عمر ياعمر تعريف المواطن السوداني في هذا الزمن هو :
رجل او امرأه مهضوم الحقوق, تسهل الحقاره به والاهانه من قبل النظام وسندنته مغلوب على امره جيبه مكشوف ومفتوح للحكومه واعوانها من محلية وغرامات ونفايات و..........
يسهل جلده بقوانين فضفاضه يرضى باي شيء زيادة ,اسعار, ظلم,حكم مغشوش باسم الدين ويحكم بمن لا يعرف ماهو الدين يحكم بمن يسرق ويقول ناخذ الزكاه يزور ويقول انتخابات والله لقد رايت تزويرهم بام عينى

[عمرسنهوري]

ابوعمير صدقت

وازيدك من الشعر بيت

في مدينة الحصاحيصا

يقوم عساكر الانضباط والنظام العام بالقبض على جميع المتواجدين
في محل الشيشه ( يعني لو حلفت القسم انك جيت تشرب شاي
او جيت مع صديق برضو ما بخلوك )
الحكم 250 الف جنيه على كل فرد ويفكوك في نفس الوقت
شفتا النظام دا كيف ؟؟؟؟؟؟؟؟؟؟

[علي عوض]

ياخ عمر انا مقيم بالرياض والشي العاجبني في البلد دي الواحد لو ضابط ومركب دبابير لي يدو تحت بعد اطلع الكاكي دهبكون زيو وزي المواطن والله الشي الطلعنه من البلد ديك هو الاهانه البلقاه المواطن من العساكر فيا ام انك تبقي عسكري او تطلع تسيب البلد

[ABUZAID]

يا شباب

اكيد الشيشة دي لابسة ملابس مخلة بالاداب وتخدش الشعور

راجع الفصل ( 152 ) من القانون الجنائي السوداني

"من يأتي في مكان عام فعلا او سلوكا فاضحا او مخلا بالاداب العامة او يرتدي زياً فاضحاً او مخلاً بالاداب العامة يسبب مضايقة للشعور العام، يعاقب بالجلد بما لا يجاوز 40 جلدة او بالغرامة او بالعقوبتين معا".


تحياتي

[وجدي عوض الجيد]

بلد خربانة من ساسا لراسا
والفساد موجود في كل شبر من هذا البلد
مفروض تكون هنالك ضرايب علي ناس محلات الشيشة
ويخلو الناس تشتغل براحتها

[عمرسنهوري]

مفروض تكون هنالك ضرايب علي ناس محلات الشيشة
ويخلو الناس تشتغل براحتها


بالضبط كده

ما دام الحكومه سمحت بالاستيراد مفروض تضع ضوابط على العمل وبس

[عمرسنهوري]

يا شباب

اكيد الشيشة دي لابسة ملابس مخلة بالاداب وتخدش الشعور

راجع الفصل ( 152 ) من القانون الجنائي السوداني


تحياتي


كلو من لبنى

[الجندي المجهول]

الكشات التي تقوم بها شرطة الانضباط والنظام العام
لمحلات الشيشه عجيبه وغريبه للحد البعيد
لان العساكر يتكلمون بلغة خطابه اقرب ما تكون للاستعمار
والاسترقاق .
ساحكي موقف ثم نواصل الموضوع

كنت في السوق الشعبي مدني وكنت حينها مسافرا
المهم قلت ياود يا عمر يلا اضرب ليك حجر شيشه في زقاق
الشيشه ( اااااااااااااي انا بشرب شيشه المشكله وين ؟ )
وبعد كده شتت محل ماشي
المهم الود جاب لي الحجر قدامي وبديت كررررررررررر
كررررررر كرررررررررر صلاح السعدني بس في مسلسل
اليلي الحلميه لمحت واحد معرفه قال لي
يا عمر خت اللي ( اللي هو خرطوش الشيشه) في كشه
في اللحظه ديك لقيت العسكري واقف قدامي وقال لي كشه
ما رديت عليهو لكن ختيت اللي في الشيشه وهو طوالي
دنقر شالا .
في واحد تاني على بعد امتار قليله مني عمل نفس العمليه
وضع اللي في الشيشه وقعد في مكانو .
واحد من العساكر قال ليهو كييييييييييييييف تخلف كراعك ؟؟؟؟
يا اخوانا انا في محكمه ؟؟؟؟ اخلف كراعي طوالي ؟؟؟؟؟
في اللحظه ديك الضابط ظهر وكورك في العساكر يلا يلا سريع
العسكري قال عبارات سيئه للشاب ومشى على باقي الشيش
يلقط فيها .
الغريبه في واحد عندو دكان ببيع شيش و معسلات
يعني ممول لي محلات الشيشه الزول دا دكانو فاااااااااااااااتح
العسكري مغيوظ ويحمر ليهو ساااااااااي اظن في حاجه بيناتهم
الزول دا اتكلم مع العسكري قال ليهو حاجه .
بس العسكري مسكو من يدو جراو قال لزميلو يا فلان الزول دا
شال الشيش عشان يدخلا في دكانو .
العسكري التاني قال ليهو انا شاهد وممكن احلف لو عاوز وهسي بحلف
اقسم بالله الزول دا حاول يشيل الشيش .
انا شكيت قلت ممكن يكون فعلا كلامو صاح لانو ماممكن يحلف ساي
بعد الذل والاهانه لاصحاب المحلات و الزول المسكين
ركبوهم في البوكس ولازم يقعدو في ارضية البوكس ورؤؤسهم للاسفل
في اهانه اكتر من كده ؟؟؟؟
بعد البوكس فات في واحد قال والله الولد الساقوهو دا ماعمل حاجه
خالص . ساقوهو ساي العساكر غايتو غرامه وبعد ساعه بجي
هل هذا هو الانضباط الذي نبحث عنه ؟؟؟؟

تخريمه للموضوع الاساسي
صاحب محل الشيشه ياتي بتصديق من المحليه ليفتح المحل
بعد عمل التصديق يقوم بفتح محل الشيشه .
بعد بضعة ايام تجي الكشه يقولو نحن ناس الانضباط ماعندنا علاقه
بالمحليه ويرفعو الشيش وصاحب المحل في البوكس اعلاه وبنفس الطريقه
ماهذا التناقض ؟؟؟؟
ويكون الدكان الذي يبيع الشيش و صناديق المعسل مفتوحا
والادهى والامر ان هنالك توكيلا لشركة حجار لاستيراد المعسل
شركه تدفع جمارك وضرائب وتدخل المعسل وشرطة النظام العام
تقوم باغلاق مكان الشيشه .
الشركه المستورده تبيع المعسل وين اذا انت قفلت المحلات ؟؟
مع العلم ان هنالك معسل مصنوع في السودان ومكتوب عليه .

انظروا الى المفارقات وما يسمى بشرطة الانضباط والنظام العام

تخريمة في شكل تفهيمة :
عمر اخووي اجيك من الاخر وليس ان بعراب او خبير ولكن اديك ليها في نقاط :
1/ الحكومة تفترض في الشعب الغباء .
2/ الحكومة شغالة باسلوب (اليهود ما فكروا فيهو للان) وهي إلهاء الشعب بالامور الجانبية حتى يتفرقوا للسرقة والنهب ( وهذه لا تحتاج لذكاء) ولكن الشعب طيب اكتر من اللازم .
3/ ابشرك حتى الامور البتحصل في الكورة هم على علم ودراية تامة بها وفاكين ليهم اللعب( الحبل) لان 100% من الشعب السوداني بيعش الكورة وهذه اقرب طريقة لشغله عما يدور في الساحة .
4/وكذلك عمل على إلهاء الشعب في ( معيشته) يعني اي زول بيفكر الصباح وهو خارج في العيش والقفة والملاح -- يعني مافي تفكير في اشياء أخرى ،، وحتى كان جا ماشي ولقى مظاهرات سيعطيها ظهره ( يقبل منها ) .
5/ قسماً بالله العظيم ( قسم وانا في المنتدى ما محتاج احلف ليك قسم ) ولكن قمة في الفوضى وقمة في الفساد .
6/ لاتحزن !!!! تذكر ان هنالك من خلقك وخلقني وخلق الكون وقادر على تدبير الامور ( ان الله يمهل ولا يهمل ) ارجع للتاريخ ( فرعون ماذا حدث له ) وقارون ولك الظلمة والفاسدين الا تقرأ القرآن الا تراجع قصص الانبياء ( كل بداية ولها نهاية ) ولو دامت لغيرك لما آلت إليك .... فقط تمسك بكتاب الله وسنة نبيه الكريم وبإذن الله يجعل لنا مخرجاً من حيث لا نحتسب . والله ولي الصابرين ......
7/ اسواء حاجة في الدنيا انك تخدع برئ باسم الدين - البرئ هنا ( الشعب السوداني) المخادع هنا ( معروووووف)
8/ موضوع الشيشة دا ضحكني لانه من المواضيع التي يتم بها إلها الشعب بدليل ان الحكومة ممثلة في المحلية هي من تقوم باصدار واستخراج تلك التصاديق ( والنظام العام ) هو من يقوم بالكشة وكان الاول ( من كالفورنيا ) والثاني ( من زامبي) جنس محن غايتو ... كلام يضحك ليس إلا واقول ليك ( واضعننا في خانة الاغبياء) ... وانحنا فعلاً كذلك