*** يضحك السمك ***

[العاقب مصباح]

يضحك السمك<o>:p></o>:p>
من المصطلحات الحديثة نسبياً فى المجتمع السودانى ولا ادرى كيف يضحك السمك وهو غرقان هسع دا وقت ضحك...<o>:p></o>:p>
نجى لى موضوعى الاساسى<o>></o>>
فكرت وانا جاى فى موضوع الضحك وقلت اشوف ما له وما عليه ... بقيت افكر فى الضحكات البتطلع من الشخص لقيتها كتيرة جدا وتختلف من شخص إلى اخر والشخص نفسه عنده مواقف للضحك بتختلف بإختلاف الحالة المزاجية العامة لها ...<o>:p></o>>
اول الضحكات واسهلها واكثرها وصولاً للجانب الاخر هى ضحكة السلام وهى ابتسامة ليس الا يعنى شخص تجى تسلم عليهو وتكون ما بتعرفو ولا حاجه بس لما يرد يظهر ليك ابتسامة والابتسامة دى بتفتح نفسك وبتنعشك وبتديك دافع وبيها بتحدد طبيعة وصفة مقابلة الشخص لك ويمكن ان تصنف ذلك الشخص ايجابياً <o>:p></o>>
فى ضحكة المديرين فى الشغل ودى ابتسامة جادة لا بتطمنك ولا بتخوفك بتخليك بين بين وخاطف لونين زى ما بقول ود مدثر..<o>:p></o>>
وفى ضحكة الزعل دميعاتك بتكون مارقة وداير تطرشق زى الفى نكتة الزول الداير من اخوهو قروش ولما مشى ليهو لقاهو ياكل فى تمرة اها صاحبنا طلع الفص ودفنه فى الواطه وكبى فيهو مويه وقال ليهو بعد ما التمرة دى تقوم وتنتج بلح ببيعه وبديك حقك.. صاحبنا ابتسم ابتسامة زعل وهو جوه يغلى قام التانى قال ليهو اى بتضحك ما ضمنت حقك ...<o>:p></o>:p>
طبعاً الضحكة دى بسميها كبتية (( من الكبت)) بتكبت الحزن جواك والضحكة ما بتفيدك يا حبيبى..<o>:p></o>:p>
نجى للضحكات الكبيرة كبيرة ... ودى ليها قوانين وحركات عجيبة جدا ... فى النوع لمن تحكى ليهو نكتة بيقوم يضحك بى رجليهو يمد ليك رجليهو بى سرعة خيالية ولو كنت جنبه احسن ليك تختاهو وتزح من وشه ساى بتيجك (( كراع )) طافشة تلحقك حبوبتى الله يرحمها ...<o>:p></o>:p>
ودا بيضحك من اعماقه وبيستمتع بالضحك جدا .. ودا بيسموهو فرفره يعنى يضحك لمن يفرفر .. ما عارف اذا كانوا قاصدين بيها طائر الفر المعروف ذو اللحم الطيب ...طبعاً اخوكم من رواد ومشجعى لحم الفر وهو لحم شهى للغاية خصوصا اذا اتسبك صح...<o>:p></o>>
فى نوع تانى بيضحك بى يديهو واذا قدامه تربيزة تلقاهو لمن يضحك شغال يضرب فى التربيزة ساى بى يديهو الاتنين ...هسع التربيزة ذنبها شنو والله غايتو محن تمحن ...<o>:p></o>>
ما عارف بس بعتقد جلالة من النوع دا ..<o>:p></o>>
اها فى نوع بيضحك بى بطنه ..حمده فى بطنه دا لمن تحكى ليهو نكتة ولا موقف يقعد يحرك فى بطنه صعوداً وهبوطاً ودا بيكون فى موقف غير صالح للضحك وخصوصاً فى بيت البكاء لا قادر يسكت ولا قادر يضحك ... مزنوق زنقة كلب فى زقاق ضيق ...<o>:p></o>>
اخوكم مرة اتعرض لى موقف من دا ...حكوا لى موقف وانا كنت فى بيت بكاء .. الموقف بالجد مضحك لأبعد حد ..وانا كنت من آل المرحوم ... اها الحل الوحيد العملته بعد سماع الموقف انى قفلت خشمى بى يدى ومشيت مسافة تلتمية متر ودخلت لى غرفة وقفلتها على وفقعت الضحكة .. اوصيكم بتجربتها ...<o>:p></o>>
اها تانى فى ضحكة الشماتة الله لا يوريكم ليها ودى بتحرق الزول الضاحكين عليهو وترفع كثافته ...<o>:p></o>>
اها يا شباب تانى فى اى نوع من الضحكات ...<o>:p></o>>
الضحكات الحلوه ديك ما عايز اقولها بتجيب الهواء ساى...<o>:p></o>>
وآخيرا أبتسم أنت فى منتديات ود مدنى<o>></o>>
<o>:D:D:D> </o>>

[عثمان جلالة]

:p:p:p:D:D:);)

تصدق يا عقبه نحن محتاجين للبوست ده بشده .. وفي العام كمان .. بعدين يجينا ود الجاك يتفلسف يقول البوست مكانو النفاج .... ليييه يعني المنتدى العام للغم بس ... محتاجين للضحك وفي العام كمااااااااان :cool:

نجي لـ موضوعك .. يا حبيب .. الضحك هبه من هبات المولى علينا عشان ننسى الهم والغم .. وانا صراحة عندي ناس معينين هنا في منتديات ود مدني دي بضحكوني وبيسعدوني بشكل ما تتصورو ... وطبعا دي واحده من .. نعم منتديات ود مدني علينا .. لأنو فعلا الواحد حسا إنو إنسان ومش آله.

عندنا هنا الشغل مختلط ... مما يحتم عليك ضرورة الإبتسام في كل الأوقات ... بمعنى إبتسم أنت في الأسانسير .. إبتسم أنت في المطعم .. إبتسم أنت في خدمة الموظفين والموظفات .. والحمد لله إنو الواحد جااااي من بيئة كلها إبتسامات وحنان .. عشان كده ما وجد صعوبة كبيره في الموضوع. :)

ضحكتي يا العاقب ... ذاااااااااات صوت كبير .. يعني أنا لامن أضحك بضحك بعنف وما براعي لأي حاجه حولي .. وكثيرا ما تعرضت لمواقف محرجه في بيوت البكا .. وفي المكتب هنا .. مع وشوش إسمت :p وتعليقات سيد البلد :D وجدعات رضا .... وحيرة العاقب :rolleyes: وفلسفة ود المدثر :) وإنتماء مدنيه وقت الغلب :p

قااااااااالوا جبدني خالي .. بالصوت في الضحكة ... يعني ضحكة ذااااات شجون.

الضحك مفيد لحاجات كتيره .. لكن كترته تميت القلب. :):):)

بركة إلهي وجاااااهي ... تضحكك مرتك قول آآآآآمين ;):p:)

[esmat]

عندنا هنا الشغل مختلط ...

اها يا العاقب انا لما وصلت المحلة دي في تعليق جلالة
ابتسمت كدا ابتسامة ما عارفها كيف
الخلط دا في البلد دي بنسمع بيهو سمع بس (وش معصور)

يلا انا ضحكتي مختلفة تماماً بتكون في شكل تقسيمة
وكدا لما ابدا الضحكة بكون بضرب في فخذ الرجل بي يدي
وعادة اليمني براحة كدا بي رفق وبعدين بتبدى تكبر لما تحصل المرحلة
قبل النهائية بتكون بقت كبيرة يدي اوتوماتيكي كدا بختهن
في وشي عشان ما عايز اقول طوالي لكن بصاحب الضحكة
بعض دمع الفرح - شفت كيف

انت اصلوا ما شفت ليك سمكة ضاحكة ؟؟

[خالد 000 ابقرجة]

الضحكات الحلوه ديك ما عايز اقولها بتجيب الهواء ساى...<o>:p></o>>
وآخيرا أبتسم أنت فى منتديات ود مدنى<o>></o>>
<o>:d:d:d> </o>>


عقبة
عارفني الصباح قراءة صامتة بس
ما عندي طريقة دخول

بس حبيت أسجل ليك أشهر ضحكة في المنتدي

ذكرني ليها ( الهواء ساي ) بتاعتك دي وامكن قصدك ( الهوا هااااي )

أبو كريم

عن إذنك 000 ضحكتك سلف 000



هاهاهاهاهاااااااااااااااااااااااااااااااااااااااي

[العاقب مصباح]

بس حبيت أسجل ليك أشهر ضحكة في المنتدي
ذكرني ليها ( الهواء ساي ) بتاعتك دي وامكن قصدك ( الهوا هااااي )
أبو كريم
عن إذنك 000 ضحكتك سلف 000


هاهاهاهاهاااااااااااااااااااااااااااااااااااااااي



بعد إذن جلالة وعصمت وابقرجة نفسه

يشهد ربى كنت عايز اجيها بى رد لوحدها

بس نعمل شنو لى شلاقتك دى

ضحكة الخواض اشتهرت فى المنتدى كله

وهى متميزة

وتكثر استخداماتها فى النيمة

دا رد ساى

خلينى بعد انفقع ضحك واجيك من عمايل جلالة وعصمت

[أبوعمرو]

العاقب
(أضحك السمك)... لاحوللللللللللللللللا
انت ليك كم سنه ما نزلت إجازه

[مايسة]

انت بتضحك كيف يا العاقب :):d

[مايسة]

الضحك ده ياخي بريح الزول راحة ما بعدها راحة

غايتو لو في المكتب انا برفع الطرحة وبختها في وشي وبضحك ومرات بقفل باب المكتب وبتفقع من الضحك

ولو في البيت حدث ولا حرج

اضحك تضحك لك الدنيا :):d

[مدنيّة]

والضحاكات بتعرفها يا ود مصباح ولا في قتر ماعندكم :cool:

[العاقب مصباح]

:p:p:p:D:D:);)
تصدق يا عقبه نحن محتاجين للبوست ده بشده .. وفي العام كمان .. بعدين يجينا ود الجاك يتفلسف يقول البوست مكانو النفاج .... ليييه يعني المنتدى العام للغم بس ... محتاجين للضحك وفي العام كمااااااااان :cool:
نجي لـ موضوعك .. يا حبيب .. الضحك هبه من هبات المولى علينا عشان ننسى الهم والغم .. وانا صراحة عندي ناس معينين هنا في منتديات ود مدني دي بضحكوني وبيسعدوني بشكل ما تتصورو ... وطبعا دي واحده من .. نعم منتديات ود مدني علينا .. لأنو فعلا الواحد حسا إنو إنسان ومش آله.

عندنا هنا الشغل مختلط ... مما يحتم عليك ضرورة الإبتسام في كل الأوقات ... بمعنى إبتسم أنت في الأسانسير .. إبتسم أنت في المطعم .. إبتسم أنت في خدمة الموظفين والموظفات .. والحمد لله إنو الواحد جااااي من بيئة كلها إبتسامات وحنان .. عشان كده ما وجد صعوبة كبيره في الموضوع. :)

ضحكتي يا العاقب ... ذاااااااااات صوت كبير .. يعني أنا لامن أضحك بضحك بعنف وما براعي لأي حاجه حولي .. وكثيرا ما تعرضت لمواقف محرجه في بيوت البكا .. وفي المكتب هنا .. مع وشوش إسمت :p وتعليقات سيد البلد :D وجدعات رضا .... وحيرة العاقب :rolleyes: وفلسفة ود المدثر :) وإنتماء مدنيه وقت الغلب :p

قااااااااالوا جبدني خالي .. بالصوت في الضحكة ... يعني ضحكة ذااااات شجون.

الضحك مفيد لحاجات كتيره .. لكن كترته تميت القلب. :):):)

بركة إلهي وجاااااهي ... تضحكك مرتك قول آآآآآمين ;):p:)



اول شئ آمين ياخ
على الدعوة الجاتنى من الصباح دى
وبعد رجعت البيت قلت اقلاها تضحك لمن تبين نواجزها ...رايك شنو فى نواجزها دى
اها مشيت على الطلاق ما لقيت ولا اسم مرة
انا قايل عندها عواسة ابرى
عوضنا الله
والله يا عثمان غير الضحك مافى شئ بيجدد لينا مساماتنا النفسية
بس ضحكة تكون من جوه
طبعا ود مدثر عنده تخريمات كدا والله انا افرفر من الضحك بى سببها
وبت مارنجان ذكية فى ردودها بدرجة تحيرك وتحير مخك
وفى رد بتاع ياسر عبد الرحمن ماريلان ليهو كم شهر قدر ما اتذكروا بقعد اضحك براى
ومدنية كان زعلانة شيل شيلتك ساى واضحك بى راحتك والله يومك كله تكون مبتسم
ومهيد ود السفاح فى الكورة ها زول ها الزول دا تستغرب فيهو
واهم شئ ضحكتك انت لما الواحد يتصل عليك بالتلفون
طوالى بلقاك تضحك
انا قايلك بتضحك معاى
لكن انكشفت حقيقتك بقيت بتضحك عشان الموظفات وكدا
واوامر المدير :p:p

[العاقب مصباح]

اها يا العاقب انا لما وصلت المحلة دي في تعليق جلالة
ابتسمت كدا ابتسامة ما عارفها كيف
الخلط دا في البلد دي بنسمع بيهو سمع بس (وش معصور)

يلا انا ضحكتي مختلفة تماماً بتكون في شكل تقسيمة
وكدا لما ابدا الضحكة بكون بضرب في فخذ الرجل بي يدي
وعادة اليمني براحة كدا بي رفق وبعدين بتبدى تكبر لما تحصل المرحلة
قبل النهائية بتكون بقت كبيرة يدي اوتوماتيكي كدا بختهن
في وشي عشان ما عايز اقول طوالي لكن بصاحب الضحكة
بعض دمع الفرح - شفت كيف

انت اصلوا ما شفت ليك سمكة ضاحكة ؟؟


يا اخوى انتوا غشوكم ساى

شغلوكم مع الرجال ساى

وناس جلالة ضاربين الابتسامات

ديل ناس البنوك ياخ

والله احلى من ناس البنوك مافى

ياخى تبتسم ليك الفى الاستقبال كدا قلبك يقول ليك البنية بتحبك

بس بتمسك اعصابك لحدى ما تتخارج وانت فى عجلة للزيارة الجاية

اها يا عصمت نحن هنا البلد ملخبطة تب

يعنى ناس دبى ونحن فى مركب واحدة

تشوف ما لا بسمة طلعت ولا خطرت على قلب واحد زيك كدا

يعنى كان ماشى فى الشارع تلقى بسمة

كان دخلت مركز تجارى قول الروب

وتحس بيها حنيـــــــــــــنة لمن تقول تقالدها ... الرقابة جاتك.:d:d

اها انا بقيف ليك هنا

وفى ضحكتك البتخبط فيها جارك دا

بس بعدين لما نتقابل خليك بعيد

جنى وجن الزول البيضارب يا اخوى

[العاقب مصباح]

عقبة
عارفني الصباح قراءة صامتة بس
ما عندي طريقة دخول

بس حبيت أسجل ليك أشهر ضحكة في المنتدي

ذكرني ليها ( الهواء ساي ) بتاعتك دي وامكن قصدك ( الهوا هااااي )

أبو كريم

عن إذنك 000 ضحكتك سلف 000



هاهاهاهاهاااااااااااااااااااااااااااااااااااااااي



ابقرجة

راجيك لى بعدين

ضحكة المساء حلوه

ونسامه بارد وعليل

[العاقب مصباح]

العاقب
(أضحك السمك)... لاحوللللللللللللللللا
انت ليك كم سنه ما نزلت إجازه



والله يا ابو عمرو سنتين بس

غيروها ولا شنو

ويا الانترنت سويتا فينا

كدى الجديد شنو فى عالم الضحكات

زمان كان يضحك السمك

ويضحك التسالى

ويضحك البمبون :d:d

[العاقب مصباح]

انت بتضحك كيف يا العاقب :):d



والله يا مايسة مرات بتجى ضحكة لمن تفقدك القدرة على التحكم فيها

بس بميل للابتسام اكتر

والفقعة باكلها فى حنانى ساى

بس لما بتصل على جلالة بكون فى مكان خالى

يعنى بفكها للأخر

وعلى اجزاء

واخرها هااااااااااااااااى بتاعة الخواض ديك

بس مرات الضحكة بتكون حسب الشخص

بتكون بالمقاس


لا كبيرة لا صغيرة منو

[محمد الجزولى]

والله يا العاقب البوست بتاعك ده ذكرنى اثنين بتغالتو واحد مقتنع جدا بمقولة اضحك تضحك الدنيا معاك والثانى مقتنع بانو الضحك بموت القلب ... لكن لحدى الان انا ما عارف العلاقه بين ضحك الدنيا للزول وبين ميتة القلب ... المهم الجماعه فى الاخر اتوصلوا لى انو الدنيا بى تضحك للزول القلبو ميت ..... يعنى الزول المكشر طوالى وما بضحك الا فى السنة مره ده يكون الدنيا معاكساهو شديد .... لكن السؤال المحيرنى انو يقول ليك الزول ده مات من الضحك ... يا ربى الضحك بى يموت ....
العاقب اخوى .... دائما متفرد ..... لك تحياتى

[moh_alnour]

أضحك تضحك لك الدنيا
أبكي تبكي لوحدك
خارج النص : ظريف القرد و لذيذ الفول :eek:

[عوض الكريم الخواض]

أبو كريم [/size]

عن إذنك 000 ضحكتك سلف 000

[/right]

هاهاهاهاهاااااااااااااااااااااااااااااااااااااااي

أبقرجة ...
اذنك معاك يا صاحبى ...
عليك الله أضحك بيها ورجع لي الباقى ...
عندها بيها شغل قدام . :p:p



ضحكة الخواض اشتهرت فى المنتدى كله

وهى متميزة

وتكثر استخداماتها فى النيمة

دا رد ساى

خلينى بعد انفقع ضحك واجيك من عمايل جلالة وعصمت

العاقب مصباح ...
يا راقى ...
الكلام ما على الضحكة ...
الكلام على الناس اللذيذين البطلعوا الضحكة من جووووووووووووة قلبك ...
والمنتدى ملئ بكل روعة الدنيا التى تزيح عنك رتابة الحياة ...
وفى ناس كدا بكتبوا كلام ... يوم بشرط ليهو بطن زول ...
أها لامن تجى الضحكة مافى طريقة ( تكتمها ) ...
عشان كدا تقوم تفقعها ( بالكى بورد ) عشان يدك ما تتورم .

ربنا يجعل جميع أيامكم هناء وسعادة .

[محمد موسي الصديق]

الضحك هو :
لغز إدراكي يسعى الإنسان لحله، فالنكتة تخلق جواً من عدم المواءمة والجمل فيها تظهر وكأنها غير متصلة بالموضوع .. وحينها يحاول الإنسان بشكل تلقائي أن يحلها للعثور على ما تخفيه هذه الجملة. ولكن إذا خفق فى التوصل إلى الحل وإلى الفكرة المنطوية عليها فلن يأتي الضحك (لن يضحك الإنسان). ويقول "ماك سينيت" Mack Sennett: "عندما يرتبك الجمهور من المشاهدين لن يكون هناك ضحكاً، وهذا هو أحد القوانين الأساسية للكوميديا".
لماذا نضحك :
فرويد (Freud): "الضحك ظاهرة، وظيفتها إطلاق الطاقة النفسية التي تم تعبئتها بشكل خاطىء أو بتوقعات كاذبة".
الفيلسوف جون موريال (John Morreall): "الضحك الإنساني له أصوله البيولوجية كنوع من أنواع التعبير عند المرور بخطر ما".
بيتر مارتينسون(Peter Marteinson) : "الضحك هو الاستجابة للإدراك الذي يقر بأن الكينونة الاجتماعية ليست شيئاً حقيقياً".

اختلاف الضحك:أظهرت بعض الدراسات أن الضحك يوجد فيه اختلاف حسب نوع الإنسان، أي أنه يختلف ما بين الذكور والإناث من حيث تقبل مثيراته أو اختلاف فى طريقة الضحك نفسها.
فالمرأة تُصدر أصوات للضحك فيها نغم وصوت حاد، أما الرجل فأصوات ضحكاته غليظة غي منتظمة.
وعندما نضحك على موقف أو شخص فهذا يعنى إنكاره (وهذا يتساوى فيه كلا من الرجل والمرأة)، ويعتبر هذا النوع من الضحك الإنكاري ما هو إلا وسيلة من وسائل تطهير العقل من جميع الخبرات والأفكار السلبية المحتمل وقوع النفس فيها.
ومثال للتوضيح: عندما يرى شخص شخصاً آخر يقع على الأرض ينفجر فى الضحك، لأنه يدرك حقيقة رفضه لوقوعه هو نفسه، وبانطلاق الضحك فهو يحاول أن يبعد الفكرة السلبية للوقوع على الأرض عن ذهنه وتفكيره.

* فوائد الضحك :
- الضحك يفيد الجسم والعقل.
- يحقق السعادة والسلام النفسي.
- يمنحك التجدد.
- يقلل من الضغوط.
- يحد من ارتفاع ضغط الدم وأمراض القلب.
- يزيد من قدرتك علي التأمل والإسترخاء.
- يقوي جهاز المناعة ووسائل الدفاع الطبيعية الموجودة في الجسم.
- يخفف من حدة الألم عن طريق رفع مستوي إفراز مادة الإندروفينس.
- يفيد مرضى التهاب الشعب الهوائية وأزمات الربو عن طريق رفع نسبة الأكسجين في الدم الذي يدخل للرئة.
- يزيد من قدرتك علي التحدث إلى الآخرين بلباقة.
- يطور من شخصيتك وقدرتك علي القيادة.
- يجعلك تبدو أكثر شباباً.
- ينمي روح المشاركة وروح العمل الجماعي.
- يعطي الشخص الثقة بالنفس.
- يقلل من الشخير لأنه يساعد على عدم ارتخاء عضلات الحنجرة.
- ينمي قدرة الشخص الإبداعية.
- يزيد من مرونة أوعية القلب.
- يرفع من روحك المعنوية.
- يجعلك تفكر بشفافية.
- يخرجك من دائرة الروتين.
- تتلألأ عينيك عندما تضحك وتصبح أكثر وسامة.
- يرفع من مستوي أدائك العقلي ومن قدرتك علي الاحتفاظ بالمعلومات لأطول فترة ممكنة ويقوي الذاكرة.
- يجدد الطاقة.
- يحطم طبيعتك المتحفظة.
- يقوي عضلات البطن.
- يوازن بين كيمياء التوتر والضغط.
- يذكرك دائماً بالصورة الأشمل والأعم في حياتك أي تفكر وترسم لمستقبلك.
- يجعلك تندم علي ما فات من عمرك وأنت جاد.
- تتصل بالآخرين علي نحو أعمق.
- وأخيراً توتر كل من يسبب لك الضيق.

لك التحيه اخي عقبه ودا كلام علمي وجعل ايامك كلها ضحك والمره الجايه عايزين بوست انــــقـــنـــق البــــــعــــــــــوض

[esmat]

اها انا بقيف ليك هنا
وفى ضحكتك البتخبط فيها جارك دا
بس بعدين لما نتقابل خليك بعيد
جنى وجن الزول البيضارب يا اخوى


اقيف هنا !!! لا خلاس يعني اتمها خيال غايتو لكن مضطر بس
بعدين ياولدنا انا ما قلت ليك بضرب جاري لا ياخ مالك عايز تطير
الشابات ياخ - قلت ليك (الرِجل) اكسر الراء ياخ كسرها بلا اما
ان احببت فضم الجيم ولكن لا علاقة لنا بها !!
يعني (رجلي انا)
طفشت مننا الشابات شكيت محنك

[العاقب مصباح]

الضحك ده ياخي بريح الزول راحة ما بعدها راحة
غايتو لو في المكتب انا برفع الطرحة وبختها في وشي وبضحك ومرات بقفل باب المكتب وبتفقع من الضحك
ولو في البيت حدث ولا حرج
اضحك تضحك لك الدنيا :):d



طبعاً يا مايسة اصعب ضحكة ضحكة الكحة
يعنى زول تكون عنده كحة وتضحكوا
انا غايتو لو عندى كحة بحاول ما اضحك نهائى
الكحة بتزيد وبتجهجهك
لا طرحتك بتنفع ولا لو ختيت ليك طاقة قماش
وبتحاول تمسكها قدر ما تقدر وبرضو مافى فائدة
وفى النوع البيضحك ليك وهو بيحكى ليك فى نكتة
وقبل يتمها تلقيهو يفقعها ضحكة
وانت مغيوظ وبتفتش لآخرها عشان تضحك انت برضو
ولو النكتة ما جابت حقها تقعد تضحك على ضحكته هو
والمكتب ماسك بلاوى يا مايسه :p:p:D:D

[العاقب مصباح]

والضحاكات بتعرفها يا ود مصباح ولا في قتر ماعندكم :cool:


والله عندنا ضحاكات لكن ممحوقات
ضحكة مؤقتة
بتاريخ واحد فى الشهر
ومن تاريخ اتنين فى الشهر بتكون عندك الصرارات (( صرة الوش))
انتوا ضاحكين ديمة ربنا يديمها
وضحكنى وزيد جيوبى يمكن قلبى يقسى :p:p

[العاقب مصباح]

والله يا العاقب البوست بتاعك ده ذكرنى اثنين بتغالتو واحد مقتنع جدا بمقولة اضحك تضحك الدنيا معاك والثانى مقتنع بانو الضحك بموت القلب ... لكن لحدى الان انا ما عارف العلاقه بين ضحك الدنيا للزول وبين ميتة القلب ... المهم الجماعه فى الاخر اتوصلوا لى انو الدنيا بى تضحك للزول القلبو ميت ..... يعنى الزول المكشر طوالى وما بضحك الا فى السنة مره ده يكون الدنيا معاكساهو شديد .... لكن السؤال المحيرنى انو يقول ليك الزول ده مات من الضحك ... يا ربى الضحك بى يموت ....
العاقب اخوى .... دائما متفرد ..... لك تحياتى


وفى واحد يحلف ليك يا محمد اخوى انو انفقع بالضحك يقول والله والله الزول دا قعدت معاهو وكتبلنا بالضحك وهو تلقاهو حى يرزق وفى ضحكة سرية ... بتذكر زمان فى المدرسة بتلقى ليك موقف محرج بتقعد تضحك الاستاذ بيقول ليك مالك بتقول ليهو اتذكرت لى نكتة وانت ولا متذكر ولا حاجه دى حركات منك ساى بس عشان ما داير تتكلم بالحاصل وتاخد ليك جاده كاربة وزى ما قلت اضحك تضحك الدنيا معك وتكشر تمشى معاك عكس فى الفشفاش تلقى عظم ..ياخى فى نوع تستغرب فيهو كان حكيت ليهو نكات الدنيا كلها ما يضحك ليك دا نوع احذره غايتو وفى رواية اخرى اختاهو وما تقيف ليهو فى طريقو وفى النوع البيحبت ليك فى الارض كان ضحكته ما تعرفو بيكوس فى شنو غايتو ضحكة اكتر من التبحت مافى دى اختاها واختى الزول البيضحكها وما تضحكوا بيبقى ليك فى رقبتك وياخى اضحك الدنيا دى شن فيها ... وفى نوع كدا انا ما فهمته لحدى هسع بعد يفكها ضحكة تب يقول الله يجازى شيطانك ..صحى الضحك من الشيطان ولا من اليابان ...
تسلم يا جزولى وربنا يزيد ضحكك وضحاكاتك

[العاقب مصباح]

أضحك تضحك لك الدنيا
أبكي تبكي لوحدك
خارج النص : ظريف القرد و لذيذ الفول :eek:




اها يا ود النور انا بعتبرك من النوع الجادى... يعنى ضحكك ما كتير وكان ضحكت بتضحك بى حذر ... بطل جدية ياخ وفكها ضحكة كترة الضحك بتعرس للعزابى والضحك خير معين للعزوبية واضحك عشان تعرس ياخ
ربنا يديك زوجة جنها ضحك كان اديتها كف ساى تفقعها ضحكة :p:p

[العاقب مصباح]

العاقب مصباح ...
يا راقى ...
الكلام ما على الضحكة ...
الكلام على الناس اللذيذين البطلعوا الضحكة من جووووووووووووة قلبك ...
والمنتدى ملئ بكل روعة الدنيا التى تزيح عنك رتابة الحياة ...
وفى ناس كدا بكتبوا كلام ... يوم بشرط ليهو بطن زول ...
أها لامن تجى الضحكة مافى طريقة ( تكتمها ) ...
عشان كدا تقوم تفقعها ( بالكى بورد ) عشان يدك ما تتورم .
ربنا يجعل جميع أيامكم هناء وسعادة .


والله فعلا يا خواض
الناس ومداخلاتها هى البتدينا زاد للضحكة
وكان كتمتها بتموت ساى سمبلة
صحى هى سمبلة ولا سنبلة
وما بنسى الضحكة الضحكناها فى موضوعك بتاع الوحم داك
وضحكات كيوتو المستمرة
وربنا يزيد ضحكاتك
وضحاكاتك
ويا ود الخواض فسر لينا ليه الزول لما يقبض قروش بيضحك
هل فى علاقة ما خفية تعبر عن الرضا النفسى ولا تعود ساى وبهجة
وبراحة على الكيبورد دا
يقوم ينفقع وننحرم من ههههههههههههههههاااااااااااااااااااى ديك
واللى هى اصبحت ماركة مسجلة بى اسمك
وممكن تفرض رسوم ارضية
ورسوم استخدام
واذا فى زول انشرط لازم يكون عندك تامين شامل كامل
تسلم يا خواض
وربنا يديم المسرة عليك
وضحكتك بتضحك الدنيا ياخ