قبل تقول لا ... ليه لا

[ام قبس]

اطفالنا اكبادنا تمشي علي الارض
اصابتني غيرة مع غيظة مع غبينه مع غليان قربت تجيب لي غدة
قولوا لي ليه
ليه
لمان شفت ناس العالم الاول بيعاملوا الاطفال كيف
وبديت اتذكر اهلي الغبش بيعاملوهم كيف
يولد لا
يابت كدا عيب:cool:
يابت دا اخوك الكبير:p
ياولد انت ماراجل:rolleyes:
يبت الحاجات دي عيب انت محمد ولد :)
يامرة دخلي الولد دا جوة مايفضحنا مع الضيوف:(
يوليه سكتي البت دي الناس يقولوا شنو البت دي قاهر:D
ياشافع ماتنبح:o
شوفو الشافعه دي بتسال امها كيف :eek:
وجنس حاجات كل مرة اتذكر موقف بي موقف اشوفه
ابداء ليكم بي اول موقف حصل معاي شخصيا
ماشين انا وبتي قبس السوق
وانا بي سراحة كدا بفقد المنطق لمان اتخلع واتهجم
اها دخلت ليك محل من طابقين والسلم البيمشي بالكهربه داك
وانا الامنت ليك يالله بخاف منه شديد
وجني وجن الحاجات المابتقدر تسيطر عليها دي
المهم اتوكلت بعد قريت المعوزات والحافظاه كل من القران الكريم وركبت
وبعد بقينا فوق
في مكان مخصص للاطفال علي اساس الام تشتري بي راحتها
دي طبعا لو لقوها نسوانه
ببقي المحل روضه اطفال والرجال تاني مافشوفوهم
المهم قعدت كان عمرها الوقت داك سنتين وشويه
قلت ليها ياقبوسه اقعدي هنا واوعك تمشي علي النصيبه البتتحرك براها دي (( للسلم ))
احضري افلام الكرتون دي وانا هسع بجيك
قالت لي طيب ياماما
وتاري انا نبهتها ليه وعجبها
ودخلت وعيني عليها
ودقيقتين بالظبت القي ليك الشابه قبس سلمة واحدة وتكون جوة السلم المتحرك
صرخت شي بالسويدي وشي بالسوداني الدارجي بتاع وووووب علي وسجمي ودا كان جابو مترجم ما كان حيعرف يترجمه ليهم
المهم اتلفت كل الفي المحل وحدة قريبه للسلم راحت ساحباها لي وراء وانقذتها
انا طبعا انهرت لانو السلم وهي صغيرة كدا ممكن يكتل بعد الشر عليها
رحت عليها وبي شويه باقي حق اهلنا الهنوك ديلك
وبي ذكرة ناس البلد دي ممنوع تمد يدك علي طفل
يعني عامله حسابي
مسكتها من حنكها وبديت اتكلم معاها طبعا بالعربي الدارجي شديد (( فاهمين ليه موش))
ووالله العظيم ماضربتها
وسقتها ونزلنا القسم التحت وفجاء يجوني بت وولد فلسطينيين
يا اخت
نعم السلام عليكم
وعليكم السلام
انت ليه ضربتي بتك
انا يخربني اسفة ابدا ماحصل
طيب شيلي بتك واطلعي سريع عشان بتاعة الكاسا (( البدفعوا ليها القروش)) طلبت ليك البوليس
وقالت ليه في التلفون واحدة افريقيا ضربت طفله
الرماده في خشمي
وختيت ليك بتي في عربيتها وجري
عارفين البوليس لو جاء واثنين اثبتوا اني ضربتها
بيشولوها مني لحدي ماعمرها يبقي 18 سنه وهي تقرر
عاوزاني ولا انسي

طبعا الموضوع فيه جوانب مابتعجب
بس البيعجب بجيكم ليه بعدين

[غلباوى]

تسلمي انت وقبس ياستي
موضوعك جميل وسردك اجمل
مداخلتي بسيطه شديد وهي كلمت (لا)دي هي السبب !!!! يعني لو اهلنا توجيهم يبدأ بالعكس كان كتير من مشاكل الاطفال والتساؤلات الطرحتيها اتحلت !!! القصد التوجيه يبدا بأعمل مش لا تعمل!!! بنتك انتي نهيتيها ثم وجهتيها وانت بتقولي (وتاري انا نبهتها ليه)فلو بديتي بالعكس ما اظن الجري كان حصل !!!
تقبلي مروري

[ام قبس]

كلامك متين في الميه صاح
دا المقصد والهدف من بوستي دا
وفي سردي الجاي حيتفهم ليه مانقول لا اولا
ونشرح كل شي بس كل علي حسب عمره
مشكور ياغلباوي

[عوض الكريم الخواض]

أم قبس ...

موضوعك جمييييييل وهادف ...

فعلاً نحن نكثر من كلمة( لا) ...

كذلك مع هذه الكلمة لدينا بعض مكسبات الطعم ... :o:o

تعال يا حمار ...

دا شنو يا بليد ...

مرضتنى يا مرض ...

والغريبة مع كل هذه الكلمات ( الرومانسية ) :eek::eek: الجميلة التى نُسمعها لأطفالنا ...

تجدينهم (يحبوننا) لا أدرى ما السرُ فى ذلك ...

كذلك نحن عندما كنا صغار لم نتلقى تلك المعاملة التى يسمونها بالتربية الحديثة ... بل تربينا على وسآئل التربية التقليدية من ( برطوش ..مقشاشة .. لبعة .. تجضيم .. قرصة)


أذكر أن والدتى ( اطال الله عمرها وأتم عليها صحتها وعافيتها) كانت عندما تغضب من أحدنا .. ايييييييك ( الا تقوم جارى ) ... مع ذلك تجد منا كل الحب والمعزة ... وأعتقد أن كل البيوت السودانية كذلك ...

لكنهم لم يكونوا يحجروا على آرآئنا أو أفكارنا أو معتقداتنا ... حتى هواياتنا كانت حسب الرغبة ... اللبس ... الأكل ...

لكن يا ويلك ( وسواد ليلك) لو ما (بتسمع كلام الكُبار) طبعاً فى الأوامر وكدا ... :( .

أنا عن نفسى أستخدم أسلوب التربية التقليدى مع أطفالى .

وأعتقد أن السنتين الأُول و( عصرة ) الطفل بالحنان اضافة الى اكتفائه من حقه الطبيعى
من حنان أمه و ( الرضاعة الطبيعية ) أعتقد أن ذلك يولد ( حباً) لا ينضب البتة ...


موضوع التربية والقسوة مع الأطفال موضوع خصب وجميل ... شكلى حا أرجع للبوست دا تانى .

[ام قبس]

المتداخلين برجع ليكم بعدين
بس مشاطحة صغيرونة
والله كلامك درر ياعوض الكريم بالذات في مكسبات اللون والطعم
بي النص وبالتفصيل بي ضبانتها
دا الحاصل
حكايه تاني
بالمناسبه القهر الحاصل لي اطفالنا دا ما نحنا برانا تقريبا كل الشعوب العربيه
هنا عندي جارتي اولادها بيسمعوا ليك كلامها بي طريقة عجيبه
وبيخافوا ليك منها موت
الكلمه قبل تقولا تلقاها اتنفذت سالتها انتي تعالي اولاديك ديل بقوا كدا كيف في البلد المافيها ضرب دي
قالت لي
مافي شنو مافي ضرب دا بالنسبه ليهم
قلت ليها كيف قالت ليه والله اضربهم ضرب للموت
كيف ولو كنت برة البيت قالت لي لو في مول ادخلهم ليك اقرب توليت واديهم الفيه النصيب
ولو داخل محل وعملوا الممنوع ادخلهم ليك غرفة القياس
انا شكيت تكون اشتغلت بتاعة امن في السودان
لكن ماشفتوا الاطفال الذي المقهورين ديل بيعملوا شنو في اهلهم بعد داك
الله لا وراك ياعوض الكريم تقول لي برضه حب

[ام قبس]

اها انوريكم الناس الهنا ديل بيعاملوا الاطفال كيف
اول شيء شفتوا ليكم شافع من عمرة سته شهور ادوه ملعقة قالوا ليه يلا اكل براك

لا لا بيخمج الواطه
لا لا بيوسخ البيت
لالا بيدفق
طيب مايدفق
لا لا بابيشبع
ان شاء الله مايشبع المرة دي حيعرف بعد كم مرة ويشبع بعد داك
يختوا ليك الجنه ليييين في كرسيه ويختوا ليك ليه الصحن فيه اكل الاطفال وتعال شوف الخمج الما خمج
الحركة دي براها فيها كم فايدة
اعتماد علي النفس ثقة في النفس حرية التعبير عن مابحب او بحب
شويتين مافي تلقي الشافع بقي ياكل براه
ويمسك الملعقة في امانه الله
بعدة طوالي اوقات الاكل
الناس دي بياكلوا خمسه مرات
الساعة سبعة صباحا الفطور
الساعة 12 الغداء
الساعة 5 العشاء
بين الفطور والغداء في فواكة
بيحسبوها وجبه
بين الغداء والعشاء في سندوتشات صغيرة بيحسبوها وجبه
بعد العشاء حليب وقهوة وسندوتش ماجايبين سيرتوا في مقررهم
الطفل اول شهورة علي كيفة بس بعد السنه ويوم ماعلي كيفة
يعني من تستلمه الحضانه
جاء وقت الاكل يقعد ياكل
لانه لو اترفع الاكل مافي طريقة تاني زول يفضي يخت ليه اكل
تجي حته الالتزام بالوقت لي كل شيء وقته بس بي حريه الاختيار
الحلاوة والكولاة والشبس والايسكريم
اولا الكولا اقل من عمر خمسة سنين ممنوعه منعا باتا
والحلاة والايس كريم والشبس مرة واحدة في الاسبوع في يومين اجازة السبت والاحد علي الطفل ان يختار يوم فيهم
ملاحظين مدخلين حريه الاختيار في كل شيء
بعد دا كله نجي للجانب المهم
كيف يقتنع الطفل بي الكلام دا
عشان مايكون مفروض عليه فرض
في الاكل ومواعيدة انت عاوز تاكل في غير مواعيد الاكل
هديك التلاجة وهداك المطبخ شيل الحاجة العاوزها مافي زول جيساعدك ولو دفقت شيء او وسخت شيء
انت ملزم تلمة حتي لو متعب ومابتقدر تعمله
اها مع مرة مرتين محاولة وعناد يقول في عقل باله احسن اقعد اكل لحدي ماشبع بدل التلته دي
اما الحلاوة وماشابهه من الاشياء المضرة
الاطفال عندهم متابعة شهريه لطبيب الاسنان ومن اول سن بيبدوا يعلموه كيف مفروض يتسوك مرتين
واتخيلوا انه الطفل مفروض يتسوك بعد الفطور مش من الصباح
ثم بعد العشاء قبل النوم
والطبيب هو البقعد للطفل في الواطة دي ومعاه صور ووسائل تعليمية عشان يوريه ليه لا
قبوسة اول مابقي عمرها سنتين
وانتظمت في مواعيد الزيارة الشهريه
كانت بتحب الكولا
وانا سامعة ومحرصة بس عاوزة اقنعها
مشينا للدكتورة وكلمتها
ختت ليك قبوسة في الواطة
وجابت ليها كولا
ومعاها صورة ولد عندة نخار الاسنان
والله انا الكبيرة خفته
وصحي طبعا الاسنان المنخورة بتبقي فم الطفل شين
اها ياقبس انت عاوزة تبقي ذي الولد دا
قبوسه :لا اوكي دا كان بيشرب الكولا دي انت بتحبي الكولا
قبوسة :ايوة
خلاص هاك اشربيها
لكن ماحتعمل لي ذي دا
لا حتعمل ليك ذيه بالظبت لكن انت حرة لو عاوزة ذي دا
والفرتيقة الياها
لي يومي ويومكم دا
تقول لي جضيمه يا عوض الكريم

[عبدالله محمد العقاد]

الرائعة ام قبس

ربنا يحفظ لك قبس و يصلحها

قبل يومين و أنا داخل على الحارة اللي ساكن فيها حوالي الساعة عشرة ليلا

و هديت سرعة العربية عشان الف على العمارة واحد سوداني يطلع من البقالة و شايل ولده لم يتجاوز سنتين و ضرب براحة يده على ( صلب ) الولد حوالي ستة ضربات و الولد يبكي و في النهاية نزل الولد في الواطة كذا عقاب ليه يمشي برجوله
و الله يا ام قبس المنظر زعلني زعل شديد و بعد ما وقفت العربية قلت انزل اتكلم معاه تاني راجعت نفسي فخشيت الزول ده ما يتعامل معاي كويس و يسمعني كلام فارع و نبقى في مشكلة أخرى احتمال تأزم الطفل أكثر ....
و لكن لسة الموقف مأثر فيني وواجعني ...
و ما احوجنا نحن هنا لناس الرعاية الاجتماعية ...............

[ابوخالد]

الموضوع شيق ولذيذ ....

والتربية خشم بيوت .....

لكن لو كنا مقتنعين بتربية الخواجات وإنها مثاليه ....

ليه لما يكبر الولد أو البت ما بيكون عندها

الحنان والشفقه على أبوها أو امها .....

ذي حنية السودانين ... بعد الضرب والنهير ....

يعنى الصاح وين بالضبط .....

وخاصة إنو نحنا تتطبعنا على اسلوب التربية

حق أهلنا ......

ولك الشكر أم قبس ...

ولى عودة

[عوض الكريم الخواض]

الاطفال عندهم متابعة [color="red"][size="6"]شهريه لطبيب الاسنان ومن اول سن بيبدوا يعلموه كيف مفروض يتسوك مرتين
واتخيلوا انه الطفل مفروض يتسوك بعد الفطور مش من الصباح
ثم بعد العشاء قبل النوم
والطبيب هو البقعد للطفل في الواطة دي ومعاه صور ووسائل تعليمية عشان يوريه ليه لا
قبوسة اول مابقي عمرها سنتين
وانتظمت في مواعيد الزيارة الشهريه
كانت بتحب الكولا
وانا سامعة ومحرصة بس عاوزة اقنعها
مشينا للدكتورة وكلمتها
ختت ليك قبوسة في الواطة
وجابت ليها كولا
ومعاها صورة ولد عندة نخار الاسنان
والله انا الكبيرة خفته
وصحي طبعا الاسنان المنخورة بتبقي فم الطفل شين
اها ياقبس انت عاوزة تبقي ذي الولد دا
قبوسه :لا اوكي دا كان بيشرب الكولا دي انت بتحبي الكولا
قبوسة :ايوة
خلاص هاك اشربيها
لكن ماحتعمل لي ذي دا
لا حتعمل ليك ذيه بالظبت لكن انت حرة لو عاوزة ذي دا
والفرتيقة الياها
لي يومي ويومكم دا
تقول لي جضيمه يا عوض الكريم

أم قبس ...

يا ريت يكون عندنا ( دولة ) تهتم بى أطفالنا ذي بلدكم ( البتمشو فيها حفايا دى ) نحن فى البيت الزول لو مشى حفيان عليهو خطورة ...

وكلامك جميل ومقنع ...

لكن تعوزه الامكانيات ...

فحسب علمى أن أطفالكم فى السويد ترعاهم ( الدولة ) ...

والعلاج مجانى ( متابعة شهرية ) كما ذكرت ...

أي أن هنالك رعاية ومتابعة من قبل الدولة ...

أما وطنا ( الحبيب) فلا توجد به هذه الامكانيات ... ومع ذلك (نحبه) ...

ونحن الآباء والأمهات فى الداخل لا نملك هذه الامكانيات ... الشافع لو جاتو ملاريا (تفحص) ليهو فقط ... وتووووشك على الصيدلية ... تقولى لي طبيب أسنان ...

لذلك تعاملنا مع أطفالنا يكون فيه بعض القسوة ليس حباً فيها ولكن ل(تدريب) أطفالنا على مواجهة الحياة ...

حتى على مستوى الطلبات ... وان توفرت الامكانيات تسبقها كلمة ( لا ) حتى يعلم الطفل أنه لا يستطيع الحصول على كل ما يشتهيه ...

كلمة( لا) للطفل مهمة ... ولكن ليس فى كل الامور ...

كذلك ( المكسبات ) أيضاً مهمة لكن دون اسراف ...

أعتقد أن هذا واقعنا ومع ذلك نحظى بحب أبنآئنا .

[عمرسنهوري]

الاخت ام قبس
مشكوره على الموضوع الجميل
اختي
فيما يتعلق بالتربيه الاكاديميه فهي للغرب لانهم تميزوا علينا
اما تربية الاطفال وكيفية تعليمهم التعامل فانا مع الطريقه التقليديه
يا ولد دا عمك ويا ولد كده عيب
عشان يعرف احترام الكبير ويعرف العيب وما يعملو
الخواجات هم من اتى بفكرة دار العجزه و المسنين
لان البنت عندما تيلغ سن الرشد تنتقل لتعيش منفصله عن اهلها
وكذلك الولد اي البحث عن النزوات .
ونحن عندنا الواحد لو وصل سن الخمسين ما برفع عينو في ابوهو
وعندنا بر الوالدين و الاقربين وم نسمع عن شخص اخذ والديه
الى دار العجزه الى شيئ يسير ربما ناتج عن التفكك الاسري .
فلننظر كيف نعلمهم تعليم اكاديمي افضل من التقليدي
اما تعليمهم كيفية التعامل مع الاخرين فبارك الله في اجدادنا
وما تعلمناه منهم وما ستعلمه لابناءنا .

[الفخيييم]

[ارضنا طيبة وشعبنا جميل00وطبائعنا لا توجد في اي بلد في الدنيا00الشارع بربيك والمجتمع الحولك بربيك00كلمة لا دي اقرب جار ليك بيسمعك ليها ده دليل علي التوادد والتراحم بيننا00ما بتلقي حد يهديك في بلد غير بلدنا النصائح بقت تباع في زمن انعدمت فيه الدهشة00لكن نحن جبلنا علي هذا 00الشكر اجزله ام قبس لهذا الطرح الجميل 00لك خالص شكري وتقديري تقبلي مروري000

[أبوعمرو]

ام كبس
المحير في الامر أن تيرمومتر الحنان بين الطفل (المجلود) والأب (الجلاد) يرتفع بعد العلقه مباشرة... فتشعر (كأب) بحنان بالغ تجاه الطفل وفي نفس الوقت تحس أنو الطفل ينظر اليك بحنيه.

[غلباوى]

اها انوريكم الناس الهنا ديل بيعاملوا الاطفال كيف
اول شيء شفتوا ليكم شافع من عمرة سته شهور ادوه ملعقة قالوا ليه يلا اكل براك

لا لا بيخمج الواطه
لا لا بيوسخ البيت
لالا بيدفق
طيب مايدفق
لا لا بابيشبع
ان شاء الله مايشبع المرة دي حيعرف بعد كم مرة ويشبع بعد داك
يختوا ليك الجنه ليييين في كرسيه ويختوا ليك ليه الصحن فيه اكل الاطفال وتعال شوف الخمج الما خمج
الحركة دي براها فيها كم فايدة
اعتماد علي النفس ثقة في النفس حرية التعبير عن مابحب او بحب
شويتين مافي تلقي الشافع بقي ياكل براه
ويمسك الملعقة في امانه الله
بعدة طوالي اوقات الاكل
الناس دي بياكلوا خمسه مرات
الساعة سبعة صباحا الفطور
الساعة 12 الغداء
الساعة 5 العشاء
بين الفطور والغداء في فواكة
بيحسبوها وجبه
بين الغداء والعشاء في سندوتشات صغيرة بيحسبوها وجبه
بعد العشاء حليب وقهوة وسندوتش ماجايبين سيرتوا في مقررهم
الطفل اول شهورة علي كيفة بس بعد السنه ويوم ماعلي كيفة
يعني من تستلمه الحضانه
جاء وقت الاكل يقعد ياكل
لانه لو اترفع الاكل مافي طريقة تاني زول يفضي يخت ليه اكل
تجي حته الالتزام بالوقت لي كل شيء وقته بس بي حريه الاختيار
الحلاوة والكولاة والشبس والايسكريم
اولا الكولا اقل من عمر خمسة سنين ممنوعه منعا باتا
والحلاة والايس كريم والشبس مرة واحدة في الاسبوع في يومين اجازة السبت والاحد علي الطفل ان يختار يوم فيهم
ملاحظين مدخلين حريه الاختيار في كل شيء
بعد دا كله نجي للجانب المهم
كيف يقتنع الطفل بي الكلام دا
عشان مايكون مفروض عليه فرض
في الاكل ومواعيدة انت عاوز تاكل في غير مواعيد الاكل
هديك التلاجة وهداك المطبخ شيل الحاجة العاوزها مافي زول جيساعدك ولو دفقت شيء او وسخت شيء
انت ملزم تلمة حتي لو متعب ومابتقدر تعمله
اها مع مرة مرتين محاولة وعناد يقول في عقل باله احسن اقعد اكل لحدي ماشبع بدل التلته دي
اما الحلاوة وماشابهه من الاشياء المضرة
الاطفال عندهم متابعة شهريه لطبيب الاسنان ومن اول سن بيبدوا يعلموه كيف مفروض يتسوك مرتين
واتخيلوا انه الطفل مفروض يتسوك بعد الفطور مش من الصباح
ثم بعد العشاء قبل النوم
والطبيب هو البقعد للطفل في الواطة دي ومعاه صور ووسائل تعليمية عشان يوريه ليه لا
قبوسة اول مابقي عمرها سنتين
وانتظمت في مواعيد الزيارة الشهريه
كانت بتحب الكولا
وانا سامعة ومحرصة بس عاوزة اقنعها
مشينا للدكتورة وكلمتها
ختت ليك قبوسة في الواطة
وجابت ليها كولا
ومعاها صورة ولد عندة نخار الاسنان
والله انا الكبيرة خفته
وصحي طبعا الاسنان المنخورة بتبقي فم الطفل شين
اها ياقبس انت عاوزة تبقي ذي الولد دا
قبوسه :لا اوكي دا كان بيشرب الكولا دي انت بتحبي الكولا
قبوسة :ايوة
خلاص هاك اشربيها
لكن ماحتعمل لي ذي دا
لا حتعمل ليك ذيه بالظبت لكن انت حرة لو عاوزة ذي دا
والفرتيقة الياها
لي يومي ويومكم دا
تقول لي جضيمه يا عوض الكريم

الاخت المبدعه دوما ام قبس
دي اسس سليمه للتربيه وانا معاك الف في الميه
تقبلي تحياتي واسمحي لي بمداخلت بعض الاخوه

[غلباوى]

الموضوع شيق ولذيذ ....

والتربية خشم بيوت .....

لكن لو كنا مقتنعين بتربية الخواجات وإنها مثاليه ....

ليه لما يكبر الولد أو البت ما بيكون عندها

الحنان والشفقه على أبوها أو امها .....

ذي حنية السودانين ... بعد الضرب والنهير ....

يعنى الصاح وين بالضبط .....

وخاصة إنو نحنا تتطبعنا على اسلوب التربية

حق أهلنا ......

ولك الشكر أم قبس ...

ولى عودة

اخونا ابو خالد تحياتي
اولا يقول الحبيب عليه الصلاة والسلام (إن الطفل يولد مسلم بالفطره فابواه يهودانه او ينصرانه او يمجسانه)
كدي طبق الطريقه دي ( طريقة ام قبس)في طفلك انت بي اخلاق اهل البلد السودانين بس بدون ضرب(اما موضوع ما بيكون عندها
الحنان والشفقه على أبوها أو امها .....دي) شوف ح تكون عندوهم ولا لا0
الطفل بيطبع بطباع ابوه وامه وقبل كل ده مربيته (كان مشرفه رياض او معلمة) لكن يكون في معلومك بعد سن الخامسه بتكون شخصيته اتشكلت واي شي بعد كده بتبقي مهارات في ابراز الشخصيه0
اذا وعدت طفلك ابو ثلاثه سنوات لمن اصر يطلع معاك انك لمن ترجع ح تاخدو معاك مشوار 000 وجيت نسيت 000الطفل اتعلم شنو؟ انت ناسي وهو فاكر حتي لو ما سالك بنيت في شخصيته شي هو ما كان في بالو لكن اتعلم من قولت تيت 00
كدي يا ابو خالد شوف ولدك بقلدك في شنو؟زي ما بقولو بي ضبانته!!!! ليه؟
حكاية السودانين والعرب عموما بيضربو الاطفال لعدم فهم خصوصية وعقلية الاطفال!!!
قبل ما تضرب الطفل خت نفسك في محله (بي عقله وتفكيره) وشوف كنت ح تتصرف كيف؟ طبعا اصعب شي انك تفتكر نفسك طفل وتفكر زيه !!طالما كده حكمك كان غلط!!!
في ام كاتبه عن بنتها انها كانت مكرها امها المطبخ وادوات المطبخ (كل يوم تلم المعالق والشوك وتكومهم في نص البيت الشوك براها والملاعق براها) بتقول قدر ما ضربتها ما في فايده لحد ما هي اقتنعت انه كل يوم علقه وتلم الحاجات ترجعها محلها!!
البنت لمن كبرت عامله موسوعه احصائيات بالكمبوتر للدول في مختلف الاشياء!!
كان في راسها من صغرها تجميع الاشياء وكبر معاها (يكون ضرب امها ما زي ناسنا البطيرو ليك مخك زاتو)
تسلم ابو خالد ودمتم بخير

[ابوالنور]

انا غايتو يا ام قبس ما عارف تجربتي الموقتة مع الاطفال انو الطفل ده تمسكو تعضعضو تقلبو تمروحو تجضمو تبكيه تقوم تشيلو تطلع بيه بره دي طيره وده كلب ودي مرة وده راجل وتخش بيه جوه تمشي تخليه تجي تاني يوم شايل ليك حاجة في يدك اي كان شكل الحاجة المهم تجزبو ويجيك تمسكو تعيد المرحلة الفاتت دي من الاول
ونتجي تالت يوم وحاة الله يتلقاك في خشم الباب
شوفتي كيف الهنان ده

[غلباوى]

الاخت ام قبس
مشكوره على الموضوع الجميل
اختي
فيما يتعلق بالتربيه الاكاديميه فهي للغرب لانهم تميزوا علينا
اما تربية الاطفال وكيفية تعليمهم التعامل فانا مع الطريقه التقليديه
يا ولد دا عمك ويا ولد كده عيب
عشان يعرف احترام الكبير ويعرف العيب وما يعملو
الخواجات هم من اتى بفكرة دار العجزه و المسنين
لان البنت عندما تيلغ سن الرشد تنتقل لتعيش منفصله عن اهلها
وكذلك الولد اي البحث عن النزوات .
ونحن عندنا الواحد لو وصل سن الخمسين ما برفع عينو في ابوهو
وعندنا بر الوالدين و الاقربين وم نسمع عن شخص اخذ والديه
الى دار العجزه الى شيئ يسير ربما ناتج عن التفكك الاسري .
فلننظر كيف نعلمهم تعليم اكاديمي افضل من التقليدي
اما تعليمهم كيفية التعامل مع الاخرين فبارك الله في اجدادنا
وما تعلمناه منهم وما ستعلمه لابناءنا .

اخونا عمر سنهوري
كلامك عين العقل بس قلنا التوجيه يبداء بالتوجيه الايجابي يعني ما بي (لآ و ما و عيب وكده غلط)وطبعا كل ده بكون معاه عووك يعني نهره 000 تشل تفكير الطفل وما يفهم اصلا هو عمل شنو؟
لذلك بقول ليك لو لقيت طفل بشيل التراب و بكيله في راسه!!!!جيب ليه علبه او كرتونه المهم شي يكب فيه التراب وقول ليه كب في دي وطول بالك ممكن بعد شويه يكب في راسه تاني!!! يكون ماعونك ما عجبو!!!( كتار ماعندهم زمن للطريقه دي صح؟) يبقي يشوفو واحد يربيه ليهم في الحاله دي بالمفهوم ده
كمل يا مزمل!!! صدقني يا صديقي الماعندو صبر للاطفال المفروض ما يخلف من اساسه
تقبل تحياتي

[غلباوى]

ام كبس
المحير في الامر أن تيرمومتر الحنان بين الطفل (المجلود) والأب (الجلاد) يرتفع بعد العلقه مباشرة... فتشعر (كأب) بحنان بالغ تجاه الطفل وفي نفس الوقت تحس أنو الطفل ينظر اليك بحنيه.

الاخ ابو عمرو
الطفل ما عندو ملاذ غيرك ياااااااااااااااااااااااخ
لابيقدر يأكل نفسه ولا يحمي نفسه لا منك ولا من غيرك كدي فكر في الكلام ده!!!!!
الترمومتر بتاعك هو البرتفع لانك حسيت انك اتسرعت وكان ممكن تضبط اعصابك (هو ما عندو غير اتجاه واحد)
( اوعك تقول ليه البضربك اضربه)
تقبل تحياتي يا ابو عمرو وعليك الله ما تضربه تاني!!!!!!!!!!!!1

[الاميره]

الاخت ام قبس/مساك الله بالخير
موضوع رائع من انسانه رائعه.
وذى مابقول المثل التربيه خشم بيوت...التربيه فى السويد ..والتربيه فى السودان..الكل يعمل على اخراج جيل معافى للمجتمع..ولكن الطريقه غير...مسلمين وغير مسلمين ..بس تطوير الاسلوب هو الغايه..عشان كده بقولو فى السفر 7 فوائد .واحده منهن المعرفه بالغير..وتربيه اولادنا نابعه من دواخلنا فان كانت سليمه سلم ماسنخرجه من اجيال..وانا عندى كتيبات عن التربيه بعنوان تربية اولادنا من اين والى اين؟ ان شاء الله حا ابداء بها قريبافى المنتدى والله يقدرنا على نشر الوعى والثقافه..
ودمت بالف خير

[جراح82]

الله لى اطفالنا نحنا

[ام قبس]

الرائعة ام قبس


ربنا يحفظ لك قبس و يصلحها


قبل يومين و أنا داخل على الحارة اللي ساكن فيها حوالي الساعة عشرة ليلا


و هديت سرعة العربية عشان الف على العمارة واحد سوداني يطلع من البقالة و شايل ولده لم يتجاوز سنتين و ضرب براحة يده على ( صلب ) الولد حوالي ستة ضربات و الولد يبكي و في النهاية نزل الولد في الواطة كذا عقاب ليه يمشي برجوله
و الله يا ام قبس المنظر زعلني زعل شديد و بعد ما وقفت العربية قلت انزل اتكلم معاه تاني راجعت نفسي فخشيت الزول ده ما يتعامل معاي كويس و يسمعني كلام فارع و نبقى في مشكلة أخرى احتمال تأزم الطفل أكثر ....
و لكن لسة الموقف مأثر فيني وواجعني ...

و ما احوجنا نحن هنا لناس الرعاية الاجتماعية ...............


الاستاذ عبد الله العقاد
اولا لك الشكر علي المرور الجميل
والروعة تاتي منكم واليكم تهداء

واكيد لو كنت نزلت كنت حتخت نفسك في موقف لاتحسد عليه
لسبب بسيط الشخص المابقدر يستحمل شقاوة طفله او الطفل حتي لو ماكان طفله
اكيد مابقدر يتقبل حقيقة تصرفه من شخص كبير

وذي الشخص دا هنا كان بيرتبوا ليه افكارة كويس جدا جدا
يمكن يوجد بعض الناس يقولوا ليك يمكن متضايق يمكن في مشكله
دا كله مابيديه الحق يزرع شيء قبيح في نفسيه الطفل
لان زهجته تروح ومشكلته تتحل
والاتغرس في جوة الطفل مستحيل يتنسي

[ام قبس]

موضوع الاطفال ياجماعة اليومين ديل مسخن هنا
اكتشافات رهيبه
في طريقة التفكير المستقبليه للناس ديل
اتاري مو شان سواد اعيونا نحنا
بس لدمج الاطفال في الثقافة الاوربيه
ودا موضووع خطييييير شديد
تابعوة معاي

[mutasim]

والله كلامك صحيح ياماتعرضنا لاحراجات من اهلنا حتى كنا بنتعقد مش عارفين الصاح من الغلط لكن الان الوضع افضل .
اليومين ديل فى حمله اروبيه لتدريس الثقافه الجنسيه للاطفال والله هذه كارثه ونتمنى ان لاتصل ديارنا











ز

[ام قبس]

[QUOTE=mutasim;386074]والله كلامك صحيح ياماتعرضنا لاحراجات من اهلنا حتى كنا بنتعقد مش عارفين الصاح من الغلط لكن الان الوضع افضل .
اليومين ديل فى حمله اروبيه لتدريس الثقافه الجنسيه للاطفال والله هذه كارثه ونتمنى ان لاتصل ديارنا


الاخ معتصم سلامات
مادا الغلط ذاتو
والحمله دي بشرحها ليكم بالتفصيل
تابع معاي
ومشكور علي المداخله


................................