ما بين الأعذار الواهية الصادقة أوالكاذبة رحلة شاقة

[عصام الدين عموش]

ماأحلى أيام العمل والدوامات في السودان .. الساعةالسادسة صباحاً الكل في السودان (استاند باي).. ويقولوا ليك الشعب السوداني كسلان سبحان الله !!!! وخاصة إذا كان عندكم ديك عدة عوير بكورك قي رأسكم مع الآذان ... عشان كدة بتلقى نص الشباشب والسفنجات تحت الحيطة بسبب هذه الديوك ... ما علينا بالطبع مثلي كثر في خلق الأعذار لرؤسائهم في العمل فقد مات جدي عدة مرات وسافرت للعزاء وهمياً عدة مرات أيضاً ، وتزوجت خالتي بالمناقل ، وأصيبت عمتي بالتايفويد بمستشفى الدلنج ، وطبعاً دا كلو عشان المدير ما يكتشف اللعبة أو يسافر معاك للعزاء والممارضة ، وعندما خلصت كل الأعذار ولم نجد ما نتحجج به خاصة يوم الخميس ( أيام زمان ) كنت أشكو ألماً في أسناني فقررت أن أعتذر بصورة رسمية فحررت أورنيكاً مرضياً وكنت حينها مدرساً بمدرسة الأميرية المتوسطة وختمته في مكتب المدير وأنا أتأوه من الألم الوهمي نافخاً الجضوم بطريقة مضحكة لمن يعرف الاستهبال ... ثم دخلت للطبيب متبختراً بأن الأمر فيه على الأقل أسبوع راحة ( ولتذهب الحصص إلى االجحيم .. طبعاً المرتبات كانت تهل علينا في الشهر التاني .. يعني ما حرصين أوي على العيال) ثم أتى الطبيب يحمل ما خف وزنه وكثر ألمه وقرر الخلع ولم أكن أعلم ما هو الخلع ؟ وما أدراك ما الخلع ؟ فغرس حقنة اسماها بالمخدرة وحمل معولاً كما أعتقدت للحفر وأتى بكلابات لفتح الفم جيداً حينها شعرت بكل هواء النيل قد دخل في جوفي بسبب اتساع الفتحة وسرى البنج في فكي الاثنين وكم شعرت بثقل الفكين ثم فقدت الإحساس بهما ... وتحيلت نفسي أمشي في الشارع بدون فكين !!!!! ثم برهة تمضي وأحس بأن شعاب قلبي قد هوت في داخلي ودارت الدنيا برأسي وزاد الألم مرارة كمية القطن الذي حشا بها فمي فكرهت الطب والمستشفيات ..وحينها قررت عدم الاعتذار من دوام العمل بسبب ما نالني من ظلم طبيب عمومي لم يهديه الله للمضادات الحيوية وعائلة السايكلين والتربسين والأنتو مايسين وكل ما يبعدك من العمليات والحفر والخلع والغريب ما أعطاني ولا يوم راحة وقال لي كفاك الجمعة وباقي يوم الخميس وحينها كانت عقارب الساعة تشير لمنتصف النهار .....

[ابوخالد]

الجاتك فى ضرسك سامحتك

والعترة بتصلح المشيه

أخى الأستاذ الجليل / عصام عموش

لك التحية والإحترام .. وطريقك بالورود مفروش

نورت المنتدى والدار .... والحوش نضيف ومرشوش

أبقى لى جوة ... جهزنا البنابر والبروش

لك الود أجزله

[عصام الدين عموش]

ا
أخى الأستاذ الجليل / عصام عموش

لك التحية والإحترام .. وطريقك بالورود مفروش

نورت المنتدى والدار .... والحوش نضيف ومرشوش

أبقى لى جوة ... جهزنا البنابر والبروش

لك الود أجزله

العزيز أبو خالد
لك التحية والتجلة والتقدير ..... بس ظروف ومحن دنيا .... وانقشعت سحابات الهموم وطلت بوادر سحب خريفية تنبئ بعام جميل إن شاء الله

[عوض الكريم الخواض]

يعنى لا لميت فى الاجازة ...

ولا لميت فى الضرس ... :):)

وينك ياعصام الدين عموش مفتقدنك ياخ طولت الغيبة .

[أبوبكرحامد]

قصة الأعذار هذى ذكرتنى موقف حدث قبل نحو عشرين سنة ، حيث كان يعمل شقيقى كوارة بمصنع نسيج النيل الأرزرق ، بجانب إبن خالتى محمد أحمد إبراهيم سعد (مارينقوز) ، ويبدو أن مارينقوز تغيب عن العمل وأدعى أن جده لوالدته توفى ، قام المدير بسؤال كوارة لعلمه بصلة القرابة بينه ومارينقوز ، تفاجأ كوارة بالسؤال وأجاب بعفوية : جدى أبو أمى متوفى ليهو أربعين سنة ، فكان نصيب مارينقوز الخصم من الراتب .

[غلباوى]

ماأحلى أيام العمل والدوامات في السودان .. الساعةالسادسة صباحاً الكل في السودان (استاند باي).. ويقولوا ليك الشعب السوداني كسلان سبحان الله !!!! وخاصة إذا كان عندكم ديك عدة عوير بكورك قي رأسكم مع الآذان ... عشان كدة بتلقى نص الشباشب والسفنجات تحت الحيطة بسبب هذه الديوك ... ما علينا بالطبع مثلي كثر في خلق الأعذار لرؤسائهم في العمل فقد مات جدي عدة مرات وسافرت للعزاء وهمياً عدة مرات أيضاً ، وتزوجت خالتي بالمناقل ، وأصيبت عمتي بالتايفويد بمستشفى الدلنج ، وطبعاً دا كلو عشان المدير ما يكتشف اللعبة أو يسافر معاك للعزاء والممارضة ، وعندما خلصت كل الأعذار ولم نجد ما نتحجج به خاصة يوم الخميس ( أيام زمان ) كنت أشكو ألماً في أسناني فقررت أن أعتذر بصورة رسمية فحررت أورنيكاً مرضياً وكنت حينها مدرساً بمدرسة الأميرية المتوسطة وختمته في مكتب المدير وأنا أتأوه من الألم الوهمي نافخاً الجضوم بطريقة مضحكة لمن يعرف الاستهبال ... ثم دخلت للطبيب متبختراً بأن الأمر فيه على الأقل أسبوع راحة ( ولتذهب الحصص إلى االجحيم .. طبعاً المرتبات كانت تهل علينا في الشهر التاني .. يعني ما حرصين أوي على العيال) ثم أتى الطبيب يحمل ما خف وزنه وكثر ألمه وقرر الخلع ولم أكن أعلم ما هو الخلع ؟ وما أدراك ما الخلع ؟ فغرس حقنة اسماها بالمخدرة وحمل معولاً كما أعتقدت للحفر وأتى بكلابات لفتح الفم جيداً حينها شعرت بكل هواء النيل قد دخل في جوفي بسبب اتساع الفتحة وسرى البنج في فكي الاثنين وكم شعرت بثقل الفكين ثم فقدت الإحساس بهما ... وتحيلت نفسي أمشي في الشارع بدون فكين !!!!! ثم برهة تمضي وأحس بأن شعاب قلبي قد هوت في داخلي ودارت الدنيا برأسي وزاد الألم مرارة كمية القطن الذي حشا بها فمي فكرهت الطب والمستشفيات ..وحينها قررت عدم الاعتذار من دوام العمل بسبب ما نالني من ظلم طبيب عمومي لم يهديه الله للمضادات الحيوية وعائلة السايكلين والتربسين والأنتو مايسين وكل ما يبعدك من العمليات والحفر والخلع والغريب ما أعطاني ولا يوم راحة وقال لي كفاك الجمعة وباقي يوم الخميس وحينها كانت عقارب الساعة تشير لمنتصف النهار .....
تحياتنا استاذنا عصام الدين
سردك ممتع !!!!مع انه سؤالي الكلام ده سنة كم؟ما تخاف الموضوع ما خاص بالعمر هههه!!!!!!! لاني درست بالاميريه ليس الا !!!!
موضوع الاعزار ده خلي ساي !!! في بورتسودان مشيت المستشفي بالليل كنت شغال دوام ليل ومامرتب حالي اقول عندي شنو؟ لمن لقيت القاعد دكتوره ما دكتور الجهجه زادت !!!! وقطعت لي ورم من مافي والله لايوريك قالت لي خش وراء الستاره!!! وبقينا في غلاط ههههههههههههههه وطلعت لي بي بيومين بعد ما قالت لي قول داير راحه ساكت!
تقبل مروري

[عصام الدين عموش]

يعنى لا لميت فى الاجازة ...

ولا لميت فى الضرس ... :):)

وينك ياعصام الدين عموش مفتقدنك ياخ طولت الغيبة .

إزيك يا عوض وكيف الأجواء الخريفية هناك أخبارها واصلة مبشرة
وكان على الضرس مش ما لميت فيهو ديل أخوانو الأربعة لحقوا ما عارف بعد أربعينات العمر نأكل شنو

[عصام الدين عموش]

قصة الأعذار هذى ذكرتنى موقف حدث قبل نحو عشرين سنة ، حيث كان يعمل شقيقى كوارة بمصنع نسيج النيل الأرزرق ، بجانب إبن خالتى محمد أحمد إبراهيم سعد (مارينقوز) ،size].

[size="5"]أخبارك يا أبوبكر طبعاً ممكن إنت من دفعة عماد الوسيلة أخوي الكبير وطبعاً كوارة عقد لكل زيجات البيت في حي الثورة
أتمنى لك الصحة والعافية دنيا وآخرة وشكراً على المرور الجميل على فكرة نسيج النيل الأزرق أولاد الزمن ده ما عارفبن هو وين

[عصام الدين عموش]

عزيزي غلباوي لك التحية والتقدير

أنا ما كبير للدرجة دي لكن درست بالأميرية مابين 1990م 1992م ( 3 سنوات ممتعة ) وكنت أتمنى أن أكون في طريق الصحفي الكبير أبو الجعاقر ( جعفر عباس ) القمة السامقة في الصحافة السودانية

[esmat]

الجاتك في ضرسك سامحتك
عندنا صاحبنا جرسة بي طريقة عجيبة جداً
مشينا نقلع ليه ضرس في عيادة وحلف ما
اقعد في كرسي الاعدام دا والدكتور احنس
بعد شوية جات دكتورة كدا زيارة للدكتور لقيت

الجوطة قامت سألتو :

انت خايف ولا شنو - بي استغراب كدا - حركات دكاترة طبعاً

قام قال ليها : انا لالا خايف كيف يعني انا قلت ليهم غلا تقلعوا
لي الضرس لكن الدكتور دا شايفوا ما موافق !!

الدكتور : طبعاً بي استغراب عاين ليه كدا قال ليه اقعد اقعد ما عندك مشكلة
القلع العايزوا بنقلعوا ليك

طبعاً نحنا متنا من الضحك وصاحبك قعد في الكرسي بدمع من غير الم

شكراً استاذ/ عصام -
ايام نعيش بهذه الذكريات الجميلة - قاتل الله الغربة

[الجندي المجهول]

ماأحلى أيام العمل والدوامات في السودان .. الساعةالسادسة صباحاً الكل في السودان (استاند باي).. ويقولوا ليك الشعب السوداني كسلان سبحان الله !!!! وخاصة إذا كان عندكم ديك عدة عوير بكورك قي رأسكم مع الآذان ... عشان كدة بتلقى نص الشباشب والسفنجات تحت الحيطة بسبب هذه الديوك ... ما علينا بالطبع مثلي كثر في خلق الأعذار لرؤسائهم في العمل فقد مات جدي عدة مرات وسافرت للعزاء وهمياً عدة مرات أيضاً ، وتزوجت خالتي بالمناقل ، وأصيبت عمتي بالتايفويد بمستشفى الدلنج ، وطبعاً دا كلو عشان المدير ما يكتشف اللعبة أو يسافر معاك للعزاء والممارضة ، وعندما خلصت كل الأعذار ولم نجد ما نتحجج به خاصة يوم الخميس ( أيام زمان ) كنت أشكو ألماً في أسناني فقررت أن أعتذر بصورة رسمية فحررت أورنيكاً مرضياً وكنت حينها مدرساً بمدرسة الأميرية المتوسطة وختمته في مكتب المدير وأنا أتأوه من الألم الوهمي نافخاً الجضوم بطريقة مضحكة لمن يعرف الاستهبال ... ثم دخلت للطبيب متبختراً بأن الأمر فيه على الأقل أسبوع راحة ( ولتذهب الحصص إلى االجحيم .. طبعاً المرتبات كانت تهل علينا في الشهر التاني .. يعني ما حرصين أوي على العيال) ثم أتى الطبيب يحمل ما خف وزنه وكثر ألمه وقرر الخلع ولم أكن أعلم ما هو الخلع ؟ وما أدراك ما الخلع ؟ فغرس حقنة اسماها بالمخدرة وحمل معولاً كما أعتقدت للحفر وأتى بكلابات لفتح الفم جيداً حينها شعرت بكل هواء النيل قد دخل في جوفي بسبب اتساع الفتحة وسرى البنج في فكي الاثنين وكم شعرت بثقل الفكين ثم فقدت الإحساس بهما ... وتحيلت نفسي أمشي في الشارع بدون فكين !!!!! ثم برهة تمضي وأحس بأن شعاب قلبي قد هوت في داخلي ودارت الدنيا برأسي وزاد الألم مرارة كمية القطن الذي حشا بها فمي فكرهت الطب والمستشفيات ..وحينها قررت عدم الاعتذار من دوام العمل بسبب ما نالني من ظلم طبيب عمومي لم يهديه الله للمضادات الحيوية وعائلة السايكلين والتربسين والأنتو مايسين وكل ما يبعدك من العمليات والحفر والخلع والغريب ما أعطاني ولا يوم راحة وقال لي كفاك الجمعة وباقي يوم الخميس وحينها كانت عقارب الساعة تشير لمنتصف النهار .....
يا كابتن سردك جميل زي كورتك وياريتك تواصل لينا حكاياتك ونوادرك ولانه على حسب علمي هي (كتيرة) -- (اها جاري ولا .....) اتمنى ان تجمعني بيك الايام تاني ، مع انني كنت في البداية لما انت وصلت النهاية ( تحياتي للمؤدب والمهذب (نجم الدين فضل الكريم)

[الفخيييم]

الاستاذ عصام عموش لك التحية00منور منتداك بهذا السرد الواقعي والجميل00خلي الدافوي عشان تحافظ علي باقي الاضراس دي00تقبل مروري ولك خالص الود والتقدير00

[عصام الدين عموش]

الجاتك في ضرسك سامحتك
عندنا صاحبنا جرسة بي طريقة عجيبة جداً
مشينا نقلع ليه ضرس في عيادة وحلف ما ........
شكراً استاذ/ عصام -
ايام نعيش بهذه الذكريات الجميلة - قاتل الله الغربة

لكم التحية والتقدير وأنتم تطالعون بشغف ما يكتب عر منتدانا العامر بمتابعتكم
يعني حكايات الاضراس دي عامة .. والمثل بيقول الضرس الأبيض للسوس الأسود

لك الشكر على المرور الجميل

[عصام الدين عموش]

يا كابتن سردك جميل زي كورتك وياريتك تواصل لينا حكاياتك ونوادرك ولانه على حسب علمي هي (كتيرة) -- (اها جاري ولا .....) اتمنى ان تجمعني بيك الايام تاني ، مع انني كنت في البداية لما انت وصلت النهاية ( تحياتي للمؤدب والمهذب (نجم الدين فضل الكريم)

التحية والتجلة لك أيها الجندي المجهول وما عارف ستظل مجهولاً إلى متى ؟ ومجهول من منو ؟ الأخ نجم الدين ساكي وجاري معانا في التمارين بالرياض في فندق اليمامة كل يوم اثنين مساءاً للتواصل ( نجم الدين 00966500778652) ( عموش 00966565270632)

[عصام الدين عموش]

الاستاذ عصام عموش لك التحية00منور منتداك بهذا السرد الواقعي والجميل00خلي الدافوي عشان تحافظ علي باقي الاضراس دي00تقبل مروري ولك خالص الود والتقدير00

الفخيييم الرجل الفهييييم
لك التحية والتقدير على الكلام الجميل الذي بحقي وأتمنى اسعاد الآخرين عبر الكلمة

[أزاهير]

عارف ياعصام يمكن انا زيك في المكتب كل شهر عندي زول في الاسره ميت ، عندي زميلي معاي في المكتب بتغاظ من الشغله دي شديد ، مره قلت ليهو عندنا جدي خال امي مات وانا ماشه العزاء قال بسخريه علي فكره شكلك بعده بقيتي في الفريق براك لانو بي جدك ده بكون ده اخر زول حي عندكم مات
لكن حكايت اتمارض دي ما عندي كتير لانو اي اورنيك بشيلوا بالكذب تاني يوم من ما اداوم طوالي بمرض
شكرا لك وانت تتحفنا بأنسك الرائع

[محمد الجزولى]

الرائع عصام الدين عموش
شكرا لهذا التدفق العفوى الذى يجبرك على متابعته ... وابتسامتك تكبر حتى تصير ضحكه مجلجله فى نهاية البوست
ليس السودانيين وحدهم من يبتكرون الاعذار للغياب عن العمل ... لدينا زميل من الجنسيه الخليجيه ... يتغيب عن العمل كثيرا .... وفى كل مره يكون عذره انو عمل حادث بعربته ...
او لستك العربيه طرتشق ... يعنى متخصص اعذار ( عربانيه ) وفى النهايه نكتشف انه لا يملك عربيه ولا يملك رخصه قياده اصلا
لك ودى اخى عصام .... فالسرد ممتع ...