انا وهي وشوق لا ينتهي

[الجندي المجهول]

حقيقة لا اعرف من اين ابدا مع هذا الشوق الذي لا ينتهي ولا يكل ولا يمل....
باختصار انا مبسوط وكل يوم اكتشف الحب والمودة التي تبادلني لها ملهمتي( امـــي) ولن انسى عندما حانت ساعة السفر عند اول مرة اترك فيها منزلنا لاتوجه لارض الحرمين الشريفين وكيف بكت امي وكيف بكيت انا ،،، اكتب هذه الخاطرة وامي الان معي بجدة وكل يوم مع نهاية الدوام الملم خطاوي الشوق و (ادعس البنزين) واطير طيران حتى اصل واجلس واجثوا عند رجليها ،،، انها امي ( لا ابالغ) اذا قلت ان امي اروع ام فالدنيا فالكل يرى امه كذلك ولكن (امي غير) وما عاشته معي وما فعلته من اجلي خاصة ايام الملاريا ( اخوكم كان مسكون بالملاريا) وكانت زائر ثقيل يأتي سريعاً ولكن يثاقل في الخروج وامثلة كثيرة وسارجع إلى بداية البوست عندما بدأت اول رحلة لخارج السودان وكيف كان الوادع وكيف انهمرت الدموع ... خاصة وانها المرة الاولى التي سوف اغيب فترة طويلة والله لا اعرف ما هو هذا الشعور ( انت ممكن تكون مبسوط) وانت خارج من هذه البلد الظالم اهلها (الحكومة) ولكن هذه الانبساطة ولعمري ممزوجة بكمية من الغبن والقهر وفوضى قد تصيب الحواس لعدم تكافوا الشعور مع الاحساس الانساني والمشاعر التي تعتريك وانت تفقد بارادتك وحدك ما كنت تملك .. وعذراً الان انا في نهاية الدوام ( وحابي ادعس بنزين للاخر عشان الماما) ونكمل بكرة بان الله


[1] يتبع

[ميادة]

يا الله ما احلاها تلك الكلمة ( ماما )

امشي ليها سرعة وسلم عليها وبكره راجينك بفارق الصبر

[بت أم درمان]

انا لو منك اخد اجازة كم يوم وما امرق من البيت كوولو كلو ... ربنا يخليها ليك ... ويطول في عمرها ...

[درويش]

الله يديم نعمتوا عليك ياجندي
ويخليها ليك
قول يارب

[HaSsOoN]

انها الحب ونبع الحنان
ربنا يحفظا ليك ويمد في عمرها

[عوض الكريم الخواض]

يعنى اليومين دى مزاجك رااااااااااااايق ...وآخر انبساط ...
رينا يطول عمر ال(ماما ) ويديها الصحة والعافية ...
وتشوف أولاد أولادك ...
تحياتنا للماما ...
وتمنياتنا لها بقضاء اجازة سعيدة .

[moh_alnour]

إنها الأم و كفى
حمدا ً لله على سلامة الماما يا جندينا مع تمنياتنا لها بقضاء أوقات طيبة بين ظهرانيكم أنت و المدام
همسة : نفس الشعورات عندما حانت لحظة فراق الأهل و الأحبة و التوجه صوب أرض الغربة التي لا ترحم
ما أروعك يا أمي
دعسة بنزين : ما جابت معاها فسيخ و دكوة عشان نجي نفطر معاك الجمعة دي يا جندينا ;)

[ام قبس]

امي الله يسلمك
يديك لي طول العمر في الدنيا يوم مايألمك

الجندي بختك والله
الله يخلي ليك امك ويخلي لي امي ويخلي ليكم امهاتكم

همسه تقد طبله الاضان: المزعل امه يلحق يرضيها الدنيا مافيها اغلي منها
لو قالت ليك رضيانه منك رضاه تقتيك بختك لمن بختك

[الملكة اسماء ( ام محمد )]

الف حمدا لله على سلامتها وربنا يديها الصحة والعافية ويبارك في عمرها ويخليكم لبعض
كم نسعد بتلاقي هكذا ارواح سكنت معا في جسد الغربة , والتنائي حتى اراد الله لها مكوث مطمئن بقرب من الفت
انها( الام) ياجندينا وكفى بهذه الكلمة روعة
ربنا مايحرمكم من بعض

[littlestar]

"خاب و خسر من أدرك أحد والديه حيا و لم يدخل به الجنة "

أدام الله عمرها الـ(ماما)
وما أسعدك وما أهنأك وأنت تجثو بركبتيك على (الجنة)
وتتمرغ تحت قدميها
وتقبل أحن وأطيب قلب فى الدنيا
فليحفظها ربى من كل شر أو سوء
هى وسائر أمهات المسلمين

اللهم آمين

[tigani18]

يا الله ما احلاها تلك الكلمة ( ماما )





امشي ليها سرعة وسلم عليها وبكره راجينك بفارق الصبر


تعرفي ياميدووووو دائما ماأحس بأن كلمة أمي لديها من الدفء مايتوسد الاعماق اكثر من ماما .....


أخي الجندي هنيئا لكما وحفظها لك ربي بما حفظ به القرآن وخذ نصيحتي بإغتنام أي فرصة ذهبية لبرها .... دمتم بخير

[الجندي المجهول]

يا الله ما احلاها تلك الكلمة ( ماما )

امشي ليها سرعة وسلم عليها وبكره راجينك بفارق الصبر

صباح الخير مياااااااادة اها جيتكم
والماما كمان بتسلم عليك كتير كتير

[الجندي المجهول]

انا لو منك اخد اجازة كم يوم وما امرق من البيت كوولو كلو ... ربنا يخليها ليك ... ويطول في عمرها ...

اختنا بت ام در تحياااتي الكثيرة (انت بتقولي فيها ) وكمان ما تقولي الايام دي المدير مسافر يعني ماخد راحتي خالص في منتدى معاكم وفي الخروج بدري حبة كدا يعني ( لكن تأكدى من غير ما اقصر في واجباتي مهما كان) بس بغيب منها وقت الصلاة لكن بعد كدا عينك ما تشوف إلا النور ونسة وضحك وحكاوي وسؤال من الناس ومواقف وطفولة (نفسي ناس المنتدى ديل كلهم يكون معاي اللحظة دي) فقط ليتأكدوا بأنني لا اجيد التعبير وانني لا اعرف ان اعكس لكم ما يكون بداخلي من مشاااااعر -- تسلمي

[الجندي المجهول]

الله يديم نعمتوا عليك ياجندي
ويخليها ليك
قول يارب

(سيد درويش ) اسال الله ان يديم عليك نعمت الايمان ونعمة الصحة والعافية --- قول آمييييين

[الجندي المجهول]

انها الحب ونبع الحنان
ربنا يحفظا ليك ويمد في عمرها

وانت نبع الزوق يا زوووووق والله يحفظك انت كمان

[الجندي المجهول]

يعنى اليومين دى مزاجك رااااااااااااايق ...وآخر انبساط ...
رينا يطول عمر ال(ماما ) ويديها الصحة والعافية ...
وتشوف أولاد أولادك ...
تحياتنا للماما ...
وتمنياتنا لها بقضاء اجازة سعيدة .

والله يا عوض الكريم الخواض شدت مزاجي ما رايق لمان انا مبسوط ومفرفش علاخر وربنا يطول في عمرك انت كمان ويديك الصحة والعافية وتشوف اولا اولاد اولاد اولادك ( قول امين) واسال الله ان يعطيك حتى يرضيك

[الجندي المجهول]

إنها الأم و كفى
حمدا ً لله على سلامة الماما يا جندينا مع تمنياتنا لها بقضاء أوقات طيبة بين ظهرانيكم أنت و المدام
همسة : نفس الشعورات عندما حانت لحظة فراق الأهل و الأحبة و التوجه صوب أرض الغربة التي لا ترحم
ما أروعك يا أمي
دعسة بنزين : ما جابت معاها فسيخ و دكوة عشان نجي نفطر معاك الجمعة دي يا جندينا ;)

حبيبنا الغالي (ود الجال) الله يسلمك من شر ومن كل بلا ... يا اخوي والله العظيم الفسيخ شدت ما الناس نزلت فيهو جملة وقطاعي ما فضل فيهو شئ كتير لكن بالنسبة للدكوة وزيت السمسم والابري (الابيض+الاحمر) موجودات وفي انتظار طلتك يا جميل ........ نصيحة مني لوجه الله تعالي الايام الجاية في ( نعيمية وملاح روب ) بالمناسبة ملاح الروب بالسمنة البلدية وريحتها بتشمها من اباب العمارة اها رايك شنو ؟

[الجندي المجهول]

امي الله يسلمك
يديك لي طول العمر في الدنيا يوم مايألمك

الجندي بختك والله
الله يخلي ليك امك ويخلي لي امي ويخلي ليكم امهاتكم

همسه تقد طبله الاضان: المزعل امه يلحق يرضيها الدنيا مافيها اغلي منها
لو قالت ليك رضيانه منك رضاه تقتيك بختك لمن بختك

سفيرتنا للسلام والاعمال الانسانية اولا ادعو الله ان يمتعك بالصحة والعافية وان يمتعك بمن تحبين وان يطيل لك عمرك وان يوسع لك في رزقك وان يزيل همك وتنقضي جميع امورك .
امي الله يسلمك -- والله الاغنية دي امس كنت بفكر ابدأ بيها تكملة البوست ولكن انت كنت سباقة الله يديك العافية ... وانا معك في النصيحة الغالية التي ذكرتيها واسال الله ان يحفظ كل الامهات وان يطيل في عمرهم وان يمتعهم الله سبحانه وتعالي بالصحة والعافية ،،، ام قبس ( انت زولة راقية)

[الجندي المجهول]

الف حمدا لله على سلامتها وربنا يديها الصحة والعافية ويبارك في عمرها ويخليكم لبعض
كم نسعد بتلاقي هكذا ارواح سكنت معا في جسد الغربة , والتنائي حتى اراد الله لها مكوث مطمئن بقرب من الفت
انها( الام) ياجندينا وكفى بهذه الكلمة روعة
ربنا مايحرمكم من بعض



السيدة الاولى (ملكة القلوب) الله يسلمك ويعطيك الصحة والعافية وزي ما بتقول ( الغالية امي) الله يديك الفي مرادك قولي آمييييييين ،،، شعور يا ملكة لا يضاهيه ولا ينافسه اي شعور في الدنيا كل المشاعر تختلف وكذلك الاحاسيس ولكن الاحساس بالام اجمل احساس (لانه صادق ولانه طبيعي ولانه نابع في الانسان منذ الازل) كل المشاعر ممكن ان تتبدل ويمكن لكل العلاقات ان لا تدوم إلا علاقة الام ونحمده الله سبحانه وتعالي على هذه النعمة (يا رب تبقي ام ) قولي امين

[الجندي المجهول]

"خاب و خسر من أدرك أحد والديه حيا و لم يدخل به الجنة "

أدام الله عمرها الـ(ماما)
وما أسعدك وما أهنأك وأنت تجثو بركبتيك على (الجنة)
وتتمرغ تحت قدميها
وتقبل أحن وأطيب قلب فى الدنيا
فليحفظها ربى من كل شر أو سوء
هى وسائر أمهات المسلمين

اللهم آمين


حبيبنا لتل استار littlestar والله حقيقي الجنة تحت اقادم الامهات واتفق معك وابصم ليك بالعشرة في كل ما ذهبت إليه (أسال الله ان يمتعك بالصحة والعافية ) عليك الله قول آمييييييييييين ،،، مع تحياتي يا رائع

[عبدالله محمد العقاد]

الغالي جندينا حمد لله على سلامة الوالدة
و ان شالله دائما مجتمعمين

[نبض السكون]

يا أخوي أبقى مارق خلاص لقيت أمك ونسيت الدافوري !!
حمدا لله على سلامة الوالدة

وهنيئاً لك يا جندينا .. ربنا يحفظكم

[الجندي المجهول]

الغالي جندينا حمد لله على سلامة الوالدة
و ان شالله دائما مجتمعمين

تسلم اخوي العقاد واسال الله ان يجمعك يوم البعث بالنبيين والصديقين والشهداء وبي سيدنا حمزة رضي الله عنه (ياريت تعرف سيدنا حمزة وين الان ) بتقول امين مليون مليون مليون مرة

[الجندي المجهول]

يا أخوي أبقى مارق خلاص لقيت أمك ونسيت الدافوري !!
حمدا لله على سلامة الوالدة

وهنيئاً لك يا جندينا .. ربنا يحفظكم

نبض السكون حبيبنا الله يسلمك واديك الف عافية ( بيني وبينك حسبتها وسالت نفسي امشي الدافوري ولا اقعد مع الغالية ) لقيت نفسي [مجرم] اني اسال نفسي حتى سؤال زي دا !!!)

تخريمة :
الدافوري دا مسلسل وانتهي

[مهدي إبراهيم]

نبض السكون حبيبنا الله يسلمك واديك الف عافية ( بيني وبينك حسبتها وسالت نفسي امشي الدافوري ولا اقعد مع الغالية ) لقيت نفسي [مجرم] اني اسال نفسي حتى سؤال زي دا !!!)

تخريمة :
الدافوري دا مسلسل وانتهي


يازول إنت ما نصيح !!!؟؟ يا زول أمك معاك تقول لي دافوري !!!!!
والله يا الجندي لكن ما أيامك ورد !! و الله أنا حاسي بي سعادتك لأن وجود الأم بالقرب منك
يشعرك بالإطمئنان مهما كبرت !! يا الله !! والله أنا حسدتك عديييييييييييييييييل كدا !!!!!!!
ربنا يخليها ليك و يديها الصحة و العافية .. و منتظرنكم والله في الدمام !!

[نبض السكون]

أخونا مهدي إبراهيم .. السلام عليكم

يا أخوي دافورينا ده ساعة ونصف فقط ومرة واحدة في الأسبوع يعني يوم الجمعة والغرض منو غير الكورة هي الروابط الاجتماعية عشان نعرف أخبار بعض المسافر منو ؟ والأولاده جو منو ؟ والعندو مشكلة مع كفيلو منو ؟ والأمو جات منو ؟
الحمد لله أنا نصيح جداً .. يبدو إنك مشتاق لأمك شديد ..

[الجندي المجهول]

يازول إنت ما نصيح !!!؟؟ يا زول أمك معاك تقول لي دافوري !!!!!
والله يا الجندي لكن ما أيامك ورد !! و الله أنا حاسي بي سعادتك لأن وجود الأم بالقرب منك
يشعرك بالإطمئنان مهما كبرت !! يا الله !! والله أنا حسدتك عديييييييييييييييييل كدا !!!!!!!
ربنا يخليها ليك و يديها الصحة و العافية .. و منتظرنكم والله في الدمام !!

حبيبنا انت يارتك تبقى مارق وتجينا ان شاء الله خميس وجمعة تذاكر (سما) علي لكن لي جودي (بس)

[الجندي المجهول]

أخونا مهدي إبراهيم .. السلام عليكم

يا أخوي دافورينا ده ساعة ونصف فقط ومرة واحدة في الأسبوع يعني يوم الجمعة والغرض منو غير الكورة هي الروابط الاجتماعية عشان نعرف أخبار بعض المسافر منو ؟ والأولاده جو منو ؟ والعندو مشكلة مع كفيلو منو ؟ والأمو جات منو ؟
الحمد لله أنا نصيح جداً .. يبدو إنك مشتاق لأمك شديد ..

حبيبنا يا غالي والله كلامك سمح بالحيل وهي قاعد بس شهر واحد وراجعة بعد ما تسافر ان شاء الله ببقى مارق (وعرفك نصيح وناصح ولعااااب) اديك انت ومهدي الصحة والعافية

[عمرسنهوري]

لم اقرا غالبية المشاركات

لكن انا قادر ان اشعر بكل ما تقوله
وفعلا كل شخص بمقياسه الشخصي يرى ان امه هي احن واطيب شخص
في الكون .
ربنا يخلي ليك امك ويديها الصحه والعافيه وطولة العمر

[الجندي المجهول]

لم اقرا غالبية المشاركات

لكن انا قادر ان اشعر بكل ما تقوله
وفعلا كل شخص بمقياسه الشخصي يرى ان امه هي احن واطيب شخص
في الكون .
ربنا يخلي ليك امك ويديها الصحه والعافيه وطولة العمر

وانت الله يديك العافية والصحة ويحقق لك كل امانيك (الزواج+فوز المريخ بكاس افريقيا+............)

[مهدي إبراهيم]

أخونا مهدي إبراهيم .. السلام عليكم

يا أخوي دافورينا ده ساعة ونصف فقط ومرة واحدة في الأسبوع يعني يوم الجمعة والغرض منو غير الكورة هي الروابط الاجتماعية عشان نعرف أخبار بعض المسافر منو ؟ والأولاده جو منو ؟ والعندو مشكلة مع كفيلو منو ؟ والأمو جات منو ؟
الحمد لله أنا نصيح جداً .. يبدو إنك مشتاق لأمك شديد ..


نبض السكون .. يا خوي إنت راكب غلط !!! كلمة إنت ما نصيح دي للجندي .. و بعدين لو عاوزني يجي
الدافوري , لازم يجيكم و معاهو أمو !! ما يفارقها ولا لحظه ..
بعدين دافوريكم ده والله فاقدنو هنا في الشرقيه و برضو حاسدكم عليه !!

تاني ما تركب غلط !!!

[ابو لوزة]

والله يا ود الامين اليومين دي بختك جات معاك
في جرح علي الاقل تعوض ليك الايام السابقة
وبصراحه اقولها ليك انا حاسدك عديل كده
ربنا يطول في عمرها ويديها الصحة والعافية
ونتمني لها اجازة سعيدة

[الجندي المجهول]

نبض السكون .. يا خوي إنت راكب غلط !!! كلمة إنت ما نصيح دي للجندي .. و بعدين لو عاوزني يجي
الدافوري , لازم يجيكم و معاهو أمو !! ما يفارقها ولا لحظه ..
بعدين دافوريكم ده والله فاقدنو هنا في الشرقيه و برضو حاسدكم عليه !!

تاني ما تركب غلط !!!


حبيبنا ،،شكرا للتوضيح ( ونبض السكون ) زيك انت ورضا (جعلي) ومشكلتي النسابة جعليين وما بقدر اقول ولا كلمة ... لما تجينا جدة حا تقعد معاهو وتلقاهو احلى من الحلو ( ولعاب كمان)

[الجندي المجهول]

والله يا ود الامين اليومين دي بختك جات معاك
في جرح علي الاقل تعوض ليك الايام السابقة
وبصراحه اقولها ليك انا حاسدك عديل كده
ربنا يطول في عمرها ويديها الصحة والعافية
ونتمني لها اجازة سعيدة

امين يا رب العالميين وانت كمان يا ابو لوزة (العزابي مؤقتاً) مشتاااقين ياخ وابقى مااااارق والحق ملاح (الروب) لانه الفسيخ فااتك

[ابوخالد]

اخوى الجندى المجهول

ربنا يحفظ الوالدة من كل شر ...

يا أخوى أنا فى جدة إجازة صغيرة معاى العائلة وراجع اليوم

وبعد شفت البوست ده اليوم صباحآ ... فكرت فى أزور والدتك

باى شكل ... وده التيلفون إتصل على لانى ما بعرف الكتير فى جده...

وأتمنى أزور كل الإخوان فى جده ... 0503263033

[المسافر]

الله يحفظ لك لوالدتك وأدامها لك
ومتعها بالصحة والعافية
وجعلها الله دائماً خير معين لك
وجميع أمهات المؤمنين .


إنشاء الله الوالدة بتكون موجودة في عيد
الفطر ، عشان نجي نتبرك بها وبعمرتها !؟

[الجندي المجهول]

اخوى الجندى المجهول

ربنا يحفظ الوالدة من كل شر ...

يا أخوى أنا فى جدة إجازة صغيرة معاى العائلة وراجع اليوم

وبعد شفت البوست ده اليوم صباحآ ... فكرت فى أزور والدتك

باى شكل ... وده التيلفون إتصل على لانى ما بعرف الكتير فى جده...

وأتمنى أزور كل الإخوان فى جده ... 0503263033

والله حقيقي ما عارف اقول شنو لكن المكالمة معاك كانت بطعم آخر وبرضو وبرغم الظروف بتعشم بزيارتك المرة القادمة يا اخي العزيز

[الجندي المجهول]

الله يحفظ لك لوالدتك وأدامها لك
ومتعها بالصحة والعافية
وجعلها الله دائماً خير معين لك
وجميع أمهات المؤمنين .


إنشاء الله الوالدة بتكون موجودة في عيد
الفطر ، عشان نجي نتبرك بها وبعمرتها !؟

المسافر حبيبنا واديك انت كمان الصحة والعافية قول امين ..

ابدا والله الوالدة باذن الله اول ما يخش رمضان وبكل اسف حتى ترجع السودان ( وحا تولع فيني نار منقد من جديد)

تخريمة :
المدير راجع في بداية رمضان والوالدة العزيزة مسافرة في بداية رمضان (باذن الله بعد آداء عمرة رمضان) بالله عليك شوف الاحساس دا حا يكون كيف ... الحمد لله ونتشرف بي زيارتك وانت اصل بس مطار جدة والباقي علينا وابشرك انا باذن الله من يوم 26 رمضان وحتى 7 شوال ( فاااااااضي ليك) ابقى ماااارق بس ... (اياك ثم اياااك تحسدني في الاجازة الصغيرة دي ) اجازة حكومة والناس مظلومة

[محمد الجزولى]

عزيزى الجندى المجهول
الف حمدلله على سلامة الوالده ... وربنا يديها الصحه والعافيه
وانشا ء الله يا رب دايما مجتمعين ومتلمين

[أبو حمزة]

أخي الجندي المجهول: تحياتي و أشواقي للوالدة ربنا يبارك في أيامها ويجعلك من الأبناء البارين وينور عليك..وحقيقة شوقتنا لأمنا... يا رب العافية للجميع.. لكن..

ليه أي زول بيطلع من البلد بيقول ظالم أهلها؟؟
ومالو لو غيرت التوقيع بدل (صلي) تصير ( صلِّ ) ..راجع موضوع (أخطاء شائعة)..
ولا تنسى تقول للوالدة تدعو لنا حسب ما في نيتي ..عليك الله في ذمتك.!!

[الجندي المجهول]

عزيزى الجندى المجهول
الف حمدلله على سلامة الوالده ... وربنا يديها الصحه والعافيه
وانشا ء الله يا رب دايما مجتمعين ومتلمين

الله يسلمك واديك الف عافية واسال الله ان يجمعك على الدوام بمن تحب

[الجندي المجهول]

أخي الجندي المجهول: تحياتي و أشواقي للوالدة ربنا يبارك في أيامها ويجعلك من الأبناء البارين وينور عليك..وحقيقة شوقتنا لأمنا... يا رب العافية للجميع.. لكن..

ليه أي زول بيطلع من البلد بيقول ظالم أهلها؟؟
ومالو لو غيرت التوقيع بدل (صلي) تصير ( صلِّ ) ..راجع موضوع (أخطاء شائعة)..
ولا تنسى تقول للوالدة تدعو لنا حسب ما في نيتي ..عليك الله في ذمتك.!!

لك التحية وامك منتظراك في اي لحظة تجي تزروها انت ابقى مارق بس واسال الله ان يعطيك حتى يرضيك ( سالتك بالله تقول آمييييييييييين)

تخريمة للرد على [لكن] : والله يا اخوي هي دقايق البخشها المنتدى يا اكتب بيها واشارك يا اكون قرااااااااي ساكت ولان الشباب الحمد لله في المنتدى فاهمين لغة بعض في الكتابة بيمشوا لي عارفين اخوهم مزنوق طوالي ( وازيدك من الشعر بيت ) كل الخطابات في الشركة تمر من عندي لحظة الصادر والوارد واحمد الله كثيرا للان ليس لدى خطاب راجع او تمت اعادته لوجود خطا لكن انت عارف الحال في المنتدى الواحد عاوز يكون بين اهله وناسه واخوانه واصدقائه فالمراجعة صعبة بالنسبة لي لانها 10 دقايق من الصباح وتقريباً نص ساعة تقل او تزيد فقط (وياريت --- تسامحونا على اي خطأ مطبعي غير مقصود)ومشكور كتير على هذا الشعور الجميل تجاه الوالدة --وتجاه اللغة العربية ،،، مع المودة..

[الجندي المجهول]

المدينة المنورة ومحطة يجب الوقوف عندها خاصة اذا كنت هنالك عند ضيافة الحبيب المصطفى صلى الله عليه وسلم وكان من يقوم بخدمتك انت ووالدتك ( خالد ابقرجة) حقيقة لن استطيع ان اوفي الرجل حقه وخدمنا بعيونه وكان يتعامل مع والدتي وكانها امه (وهي كذلك بحق وحقيقة) وحقيقة خالد ابقرجة ما قصر نهائي ونسأل الله ان يقدرنا ونعمل ربع الذي قام به معنا ولن اتسغرب ما قام به معنا انا والوالدة ( فهو اصيل) وأبن اسرة معروفة والحمد لله لما جلس مع الوالدة وذكر اسم اسرته والدتي الله يطول في عمرها اكملت له البقية الباقية من عماته وخالته الخ .. الاسرة والحمد لله المعرفة والمودة موجدات وياريت يا خالد ابقرجة كل الناس كانت معنا ليرو (ذلك الشاب البشوش المبتسم الهادئ) يا رجل بقامة كل الجبال أسال الله ان يعطيك حتى يرضيك وتسلم يا اخي العزيز ...

[عمرسنهوري]

وانت الله يديك العافية والصحة ويحقق لك كل امانيك (الزواج+فوز المريخ بكاس افريقيا+............)




اميييييييييييييييييييييييييييييييييييييييييييييييي يييييييين

عارف نقاط ضعفي وين

[الجندي المجهول]

انا والملاريا وأمي

حقيقة لا اعرف اهي صداقة ام تطفل تلك الملاريا اللعينة التي كانت تلازمني فترة النصف الاول من تسعينات القرن المنصرم ( غرام من نوع تااااني) تمسكني وتفكني عشان تجيني تاني ووصلت لدرجة انها اجرت ايجار منتهي بالتمليك في الكبد وامي في كل هذه المرات تعاملني كطفل صغير ما زال يحبو (والله العظيم ساهرت معاي جنس سهر) الشغالين في النسيج ومصنع بركة ما بيساهروه ( بس اسال الله اقدرني ولو اعمل واحد من عشرة من العملتوا لي --- يا الله انا غير مصدق هي معي الان في الغربة ) نرجع للملاريا -- في مرة من المرات المت بي ملاريا من النوع الخبيث والذي يقاس بالصلايب واخذزني لدكتور (حسين حسن موسيى) انتقل الان إلى الخرطوم وتحديداً في مدينة بحري --- وكان ولا زال صديقاً للوالد فتحدث معه كثيراً بشأني وكان يحاول طمأنته بانني ساكون بخير ولكن كان قلب امي قلقاً كالعادة ( مشغولاً بي ) والله العظيم بالليل لما اكون نايم امي تأتي لتضع رأسها على صدري لتتحسس تنفسي ولتتأكد من أنني حي ارزق ( وليس حي ازرق) ولما كنت اشعر بها كنت اداعبها بقولي يا امي انا كويس الحمد لله بينما جسمي يشكو الهزال والمرض التافه هذا .........( دا مرض صباحي ) ولي عودة باذن الله

[رضا حسن محمد]

تخريمة :
الدافوري دا مسلسل وانتهي[/quote]

معقولة يا باكا

[رضا حسن محمد]

الله يديها الصحة والعافية
بلغا سلامنا يا منقا

[الجندي المجهول]

تخريمة :
الدافوري دا مسلسل وانتهي

معقولة يا باكا[/QUOTE]

حبيبنا بس معلق لحين سفر الوالدة إلى السودان (بالسلامة باذن الله ) لانها جالسة شهر واحد فقط وباقي ايام الاسبوع في الدوام والسوق ( لكن باذن الله معاكم معاكم) انت نسيت ولا شنو الدافوري دا انا من قام بتأسيسه ( يعني اجيب ولد وارمي في الشارع ) لا طبعا وشد حيلك في دورة في رمضان ويوم الجمعة جيب معاك الرسوم وانا معاكم إن شاء الله - وتحياتك واصلة يا سيدي ........
يا سااااااااااااااااااادومبا

[أبو حمزة]

شكراً أخي الجندي..

وسمحنا ليك أنت فقط...

علشان أمنا - ربنا يبلغها مقصودها - اكتب باللغةالتي تريدها..

وسعيد بالمواصلة معك..

وفي رمضان لنا لقاء عند ساحته صلى الله عليه وسلم.0509353611

وآمممممييييين..

تحياتنا الكثيرة للوالدة..

وأنت محظوظ....!

الله يديم عليكم العافية.. آممميييين

[أبو حمزة]

شكراً كتير على الخصوصية المدهشة.. ومفاجأة ساااارة... ولن تتخيل.. مدى فرحي الخرافي.. والسعادة وفوتوكينا.. مبسوووط والله مكسب وفي الغربة البكاية.. يا رب تسلم وحمزة وأمو وحبوبتو..والجاااي والله أحلى.. ش ك ر ا ً .. من الأعماق.. ولا تنسى بنتلاقى عندو عم النبي أخيه في الرضاعة..

[الجندي المجهول]

شكراً أخي الجندي..

وسمحنا ليك أنت فقط...

علشان أمنا - ربنا يبلغها مقصودها - اكتب باللغةالتي تريدها..

وسعيد بالمواصلة معك..

وفي رمضان لنا لقاء عند ساحته صلى الله عليه وسلم.0509353611

وآمممممييييين..

تحياتنا الكثيرة للوالدة..

وأنت محظوظ....!

الله يديم عليكم العافية.. آممميييين

تسلم يا اخي ابو حمزة وتسلم وتكرم عينك وتحياتك لي امك وصلت يا اخي العزيز ..

[الجندي المجهول]

شكراً كتير على الخصوصية المدهشة.. ومفاجأة ساااارة... ولن تتخيل.. مدى فرحي الخرافي.. والسعادة وفوتوكينا.. مبسوووط والله مكسب وفي الغربة البكاية.. يا رب تسلم وحمزة وأمو وحبوبتو..والجاااي والله أحلى.. ش ك ر ا ً .. من الأعماق.. ولا تنسى بنتلاقى عندو عم النبي أخيه في الرضاعة..

والله والله والله انا اسعد منك بي معرفتك والحمد لله الذي جعلنا كلنا اخوة ومسلمين إلى يوم الدين --- انا زيك في قمة الدهشة ( ودهشة رائعةبحجم روعتك يا عزيز يا غالي ) وفي صوتك احسست بصدق مشاعرك الاخوية فلا غرابة وكلنا ( متيمون وهائمون بحب النبي صلى الله عليه وسلم تسليما)

صلوا معي على الحبيب المصطفى عليه افضل الصلوات واتم التسليم

[ود الجعلي]

الجندي المجهول


بكيت لما قريت
كلماتك الجميلة عن امك الحنون لانو كان نفس هذا السناريو وبأختلاف المكان والزمان والشخوص .............لكنها نفس المشاعر التي حبانا الله بها لكي نمتع انفسنا ونتأكد من ضعفنا وهواننا امام حب الام وما اعظمه من حب حينما تحدث عنه الباريء وذكره في قرانه ونبه الية الحبيب المصطفي صلى الله عليه وسلم في أحاديثه
كنت رائع التعبير كان احساسك منسوخ على هذه الكلمات احسست بروحك وانت تتقن مثل هذا الفن الراقي وتذهب بنا بعيدا" عن انانيتنا وافراطنا في الدنيا

امهاتنا نبع لا ينضب فلنتقرب اليهن اكثر لان في ذلك

رحمة ورحمة ورحمة

وأدعس البنزين يا جندي

معليش جت متأخرة شوية وذلك للغياب فترة طويلة عن المنتدى

[الجندي المجهول]

الجندي المجهول


بكيت لما قريت
كلماتك الجميلة عن امك الحنون لانو كان نفس هذا السناريو وبأختلاف المكان والزمان والشخوص .............لكنها نفس المشاعر التي حبانا الله بها لكي نمتع انفسنا ونتأكد من ضعفنا وهواننا امام حب الام وما اعظمه من حب حينما تحدث عنه الباريء وذكره في قرانه ونبه الية الحبيب المصطفي صلى الله عليه وسلم في أحاديثه
كنت رائع التعبير كان احساسك منسوخ على هذه الكلمات احسست بروحك وانت تتقن مثل هذا الفن الراقي وتذهب بنا بعيدا" عن انانيتنا وافراطنا في الدنيا

امهاتنا نبع لا ينضب فلنتقرب اليهن اكثر لان في ذلك

رحمة ورحمة ورحمة

وأدعس البنزين يا جندي

معليش جت متأخرة شوية وذلك للغياب فترة طويلة عن المنتدى

ود الجعلي كفيت ووفيت والجاي احلى يا راجل يا طيب واشكر لك مشاعرك الجميلة وانت تشاركني الفرحة وانا في قمة النشوة ( خاصة بمرورك بعد عودتك لي ديارك بين اخوانك ) اسال الله ان يبلغك مقصدك مكان ما تمشي ( قووول آميييييييييين)

[عبدالرحمن مدثر]

حبيبنا الجندى

جماااال هذا البوست فى القيمة العميقة التى نحسها

ونشاركك احساسسها والشوق الذى لايينتهى

دوما ماتعجزنى الكلمات وانا اقف امام محراب حب وعشق

وحنيين لاينتهى

لذلك نلوذ بالصمت

حتى الاخير لايقوى على الصمود

امام جمال من ختت فى قلبنا اليقين

ويامطمنانى بطمنك

امى الله يسلمك

[أبو حمزة]

بعد غياب غير متعَّمد.. نعود للرائعين .. في أجمل يوم شافتو العين..تحياتي أخي ... الكلمة أبلغ من أن تكتب على المساحات .. سموت بنفسي سقيت روحي حب الوطن .. تحياتي لأمي و كل الأهل..رمضان كريم.. جعلنا الله وإيَّاكم من عتقائه ومن المقبولين دنيا وأخرى وحقق الله المنى وجعلنا في المندى أخوة أصدقاء أحباب صافين ومحبوبين ومسامحين..ولا تنسونا من صالح الدعوات.. وخاصة مع أول بلحة..

يعلم الله الحب فيه هو أسمى آيات الحب.. وأنني قد أحببتكم فيه..

[أبو حمزة]

ود الجعلي .. ما غريب علي.. من وين في شندي فوق..؟؟ وشندي فوق ده جيتوها متين؟؟ رمضان كريم.. وقبل ما نشوفك ليك مشتاقين.. تعرف غيابك كان جرم كبير.. لأن كتاباتك جد تدل على أنك في الكتابة كبير..فضلاً لا تغيب بدون عذر..!! وكن معنا محلقاً في السرب..نحن قوتنا سوياً .. منتظر أشوفك على الصفحات متدفقاً تنفحنا بالجمال..


بكيت لما قريت
كلماتك الجميلة عن امك الحنون لانو كان نفس هذا السناريو وبأختلاف المكان والزمان والشخوص .............لكنها نفس المشاعر التي حبانا الله بها لكي نمتع انفسنا ونتأكد من ضعفنا وهواننا امام حب الام وما اعظمه من حب حينما تحدث عنه الباريء وذكره في قرانه ونبه الية الحبيب المصطفي صلى الله عليه وسلم في أحاديثه
كنت رائع التعبير كان احساسك منسوخ على هذه الكلمات احسست بروحك وانت تتقن مثل هذا الفن الراقي وتذهب بنا بعيدا" عن انانيتنا وافراطنا في الدنيا

امهاتنا نبع لا ينضب فلنتقرب اليهن اكثر لان في ذلك

رحمة ورحمة ورحمة

وأدعس البنزين يا جندي

معليش جت متأخرة شوية وذلك للغياب فترة طويلة عن المنتدى[/quote]

[الجندي المجهول]

حبيبنا الجندى

جماااال هذا البوست فى القيمة العميقة التى نحسها

ونشاركك احساسسها والشوق الذى لايينتهى

دوما ماتعجزنى الكلمات وانا اقف امام محراب حب وعشق

وحنيين لاينتهى

لذلك نلوذ بالصمت

حتى الاخير لايقوى على الصمود

امام جمال من ختت فى قلبنا اليقين

ويامطمنانى بطمنك

امى الله يسلمك

البروف
أسال الله ان يطمنك دنيا وآخرة (أنت ومن تحب ببركة هذا الشهر العظيم)

[الجندي المجهول]

بعد غياب غير متعَّمد.. نعود للرائعين .. في أجمل يوم شافتو العين..تحياتي أخي ... الكلمة أبلغ من أن تكتب على المساحات .. سموت بنفسي سقيت روحي حب الوطن .. تحياتي لأمي و كل الأهل..رمضان كريم.. جعلنا الله وإيَّاكم من عتقائه ومن المقبولين دنيا وأخرى وحقق الله المنى وجعلنا في المندى أخوة أصدقاء أحباب صافين ومحبوبين ومسامحين..ولا تنسونا من صالح الدعوات.. وخاصة مع أول بلحة..

يعلم الله الحب فيه هو أسمى آيات الحب.. وأنني قد أحببتكم فيه..

انت دائماً في البال والخاطر واسال الله ببركة هذا الشهر الفضيل العظيم ان يبلغك مقصدك وان يعطيك حتى يرضيك

[محمد حسين (المميز)]

جندينـــا وحبيبنــا وأخونا ود الأميـن

سلامات ومشتاقيــن

ورمضـان كريم

وربنا يحفظ ليك الحاجه ويخليها ليك يارب

معليش مقصرين بعدم الزياره

لكن انت عارف براااااك الحاصل

وانشاءالله نتلاقى قريب;)

[المبارك ود إبراهيم]

أخي الجندي المجهول الأم هي الواحة الظليلة التي نستظل تحت أفرعها الوارفة ربنا يحفظ ليك أمك وإديها ليك طولت العمر ويحفظ أمهاتنا جميعا ويرحم ويغفر لمن فارقت دنيانا نسأل الله لهن الفردوس الأعلي من الجنة.

[مبارك عمر عباس]

الله يديم نعمتوا عليك ياجندي .

[الجندي المجهول]

جندينـــا وحبيبنــا وأخونا ود الأميـن

سلامات ومشتاقيــن

ورمضـان كريم

وربنا يحفظ ليك الحاجه ويخليها ليك يارب

معليش مقصرين بعدم الزياره

لكن انت عارف براااااك الحاصل

وانشاءالله نتلاقى قريب;)

ابو أحمد انا ملم بكل الظروف وسؤالك براهو بالدنيا وانا متأكد متى ما سنحت لك الفرصة ساجدك بين (عيني) تسلم يا حبيب ياها امك

[الجندي المجهول]

أخي الجندي المجهول الأم هي الواحة الظليلة التي نستظل تحت أفرعها الوارفة ربنا يحفظ ليك أمك وإديها ليك طولت العمر ويحفظ أمهاتنا جميعا ويرحم ويغفر لمن فارقت دنيانا نسأل الله لهن الفردوس الأعلي من الجنة.

اسال الله ان يظلك يوم لا ظل إلا ظله واسال الله الرحمة والمغفرة لجميع المؤمنين والمؤمنات الاحياء منهم والاموات ... تسلم يا طيب

[الجندي المجهول]

الله يديم نعمتوا عليك ياجندي .

واسال الله ان يعطيك حتى يرضيك ببركة هذا الشهر الفضيل قووووول آمييييييييييين .. يا طيب

[أبو حمزة]

حقيقة يا الجندي المجهول..

سكنك في حتة جميلة خلاص..

فقد سكنت في قلوب كل الناس .. لا تغيب عننا ..

وأحكي لنا عن أمنا ... ستنا .. ونور دنيانا.. رمضان ماشي ونحن قربنا نتلاقى..

ربنا يتقبل منا ومنكم صالح الأعمال.

مفتقدنك.. بالحيل يا أخي..!! اظهر وبااان عليك الأمان..!!

[مفيد الوحش]

حقيقة لا اعرف من اين ابدا مع هذا الشوق الذي لا ينتهي ولا يكل ولا يمل....
باختصار انا مبسوط وكل يوم اكتشف الحب والمودة التي تبادلني لها ملهمتي( امـــي) ولن انسى عندما حانت ساعة السفر عند اول مرة اترك فيها منزلنا لاتوجه لارض الحرمين الشريفين وكيف بكت امي وكيف بكيت انا ،،، اكتب هذه الخاطرة وامي الان معي بجدة وكل يوم مع نهاية الدوام الملم خطاوي الشوق و (ادعس البنزين) واطير طيران حتى اصل واجلس واجثوا عند رجليها ،،، انها امي ( لا ابالغ) اذا قلت ان امي اروع ام فالدنيا فالكل يرى امه كذلك ولكن (امي غير) وما عاشته معي وما فعلته من اجلي خاصة ايام الملاريا ( اخوكم كان مسكون بالملاريا) وكانت زائر ثقيل يأتي سريعاً ولكن يثاقل في الخروج وامثلة كثيرة وسارجع إلى بداية البوست عندما بدأت اول رحلة لخارج السودان وكيف كان الوادع وكيف انهمرت الدموع ... خاصة وانها المرة الاولى التي سوف اغيب فترة طويلة والله لا اعرف ما هو هذا الشعور ( انت ممكن تكون مبسوط) وانت خارج من هذه البلد الظالم اهلها (الحكومة) ولكن هذه الانبساطة ولعمري ممزوجة بكمية من الغبن والقهر وفوضى قد تصيب الحواس لعدم تكافوا الشعور مع الاحساس الانساني والمشاعر التي تعتريك وانت تفقد بارادتك وحدك ما كنت تملك .. وعذراً الان انا في نهاية الدوام ( وحابي ادعس بنزين للاخر عشان الماما) ونكمل بكرة بان الله


[1] يتبع

لك من ياعزيزي اغلى تحية ولها مني مليون تحيه
حانجي مكة وجده في العشرة الاواخر لازم نشوفها وياريت ترسل لي تلفونك

[أبو حمزة]

أخي مفيد الوحش.. بعد الإذن من أخينا الجندي المجهول.. يا حليل الكانت لامانا..!! ونحن

مستنين متين الكفيل يعفي عننا..وكنت متلهفين نشوفها ونذورها ونتبرك بتحنانا..بس هي عندها أولاد

غيرنا.. في شوق برضو ولهفة ويتمنو يقبلوا تراب قدميها.. نعمل شنو حظنا كدة.. ويا ريتني أكون بحلم..

نمشي ونلاقيها بصحة وعافية و تمام التمام.. هي من خلقت هذه الإلفة وهي من تركت فينا محبتها

وسام .. هي من جعلتنا نتواصل نرى فيها أمنا الحنينة الكريمة السمحة العفيفة الحبيبة الصديقة القريبة

الأليفة الساااامية العطوف...

يا رب تجمعنا معاها ببيتك الكريم.. وبمسجد نبيك المصطفى صلى الله عليه وسلم.. آمين..

تحياتي لأخي الجندي المجهول وشكراً على المساحة العطرة...

وشكراً و1000 مرحباً بك أخي مفيد الوحش.. تعال ننهل سوياً ونعمل .. مستنين نشوف مشاركاتك وتقبلنا أصدقاء..

[سامية عباس]

http://img102.herosh.com/2009/08/26/305682273.jpg (http://www.herosh.com)ا


اخي الجندي ليس هناك اعظم من الأم في هذا الوجود
ربنا يخليها ليك
ويخليك ليها
وما يحرمكم من بعض يارب

[الجندي المجهول]

حقيقة يا الجندي المجهول..

سكنك في حتة جميلة خلاص..

فقد سكنت في قلوب كل الناس .. لا تغيب عننا ..

وأحكي لنا عن أمنا ... ستنا .. ونور دنيانا.. رمضان ماشي ونحن قربنا نتلاقى..

ربنا يتقبل منا ومنكم صالح الأعمال.

مفتقدنك.. بالحيل يا أخي..!! اظهر وبااان عليك الأمان..!!

اهو يا سيد الناس ظهرت -- شكراً لاهتمامك يا اخي ابو حمزة وفي انتظار الزيارة

[الجندي المجهول]

لك من ياعزيزي اغلى تحية ولها مني مليون تحيه
حانجي مكة وجده في العشرة الاواخر لازم نشوفها وياريت ترسل لي تلفونك

انا في انتظارك متى ما وصلت وارسلت لك التلفون في الخااااااااااص ( رنة بس تلقاني جنبك)

[الجندي المجهول]

أخي مفيد الوحش.. بعد الإذن من أخينا الجندي المجهول.. يا حليل الكانت لامانا..!! ونحن

مستنين متين الكفيل يعفي عننا..وكنت متلهفين نشوفها ونذورها ونتبرك بتحنانا..بس هي عندها أولاد

غيرنا.. في شوق برضو ولهفة ويتمنو يقبلوا تراب قدميها.. نعمل شنو حظنا كدة.. ويا ريتني أكون بحلم..

نمشي ونلاقيها بصحة وعافية و تمام التمام.. هي من خلقت هذه الإلفة وهي من تركت فينا محبتها

وسام .. هي من جعلتنا نتواصل نرى فيها أمنا الحنينة الكريمة السمحة العفيفة الحبيبة الصديقة القريبة

الأليفة الساااامية العطوف...

يا رب تجمعنا معاها ببيتك الكريم.. وبمسجد نبيك المصطفى صلى الله عليهوسلم.. آمين..

تحياتي لأخي الجندي المجهول وشكراً على المساحة العطرة...

وشكراً و1000 مرحباً بك أخي مفيد الوحش.. تعال ننهل سوياً ونعمل .. مستنين نشوف مشاركاتك وتقبلنا أصدقاء..

انت لا تستأذن فالمهذبون امثالك اتشرف بهم دائماً وابداً (خد راحتك يا باشا )

[الجندي المجهول]

http://img102.herosh.com/2009/08/26/305682273.jpg (http://www.herosh.com)ا


اخي الجندي ليس هناك اعظم من الأم في هذا الوجود
ربنا يخليها ليك
ويخليك ليها
وما يحرمكم من بعض يارب

اختى مريم الاخرى .....
اسال الله ان يمتعك بلصحة والعافية وأن يعطيك حتى يرضيك ( بالله عليك قولي آميييييييييين)

[بنت الرفاعي]

أمي يا أجمل حب عشته في دنياي

الله يخليك ليك الوالدة وإن شاءالله تكون معاك في رمضان ده , ويارب ماتحرمنا من أمهاتنا.

[بنت الرفاعي]

أمي يا أجمل حب عشته في دنياي





الله يخلي ليك الوالدة وإن شاءالله تكون معاك في رمضان ده , ويارب ماتحرمنا من أمهاتنا.

[الجندي المجهول]

أمي يا أجمل حب عشته في دنياي





الله يخلي ليك الوالدة وإن شاءالله تكون معاك في رمضان ده , ويارب ماتحرمنا من أمهاتنا.

امين يا رب العالمين واسال الله ان يعطيك حتى يرضيك


وتقبل تحياتي

[الزونية]

ياجندي يامجهول ..ظللت أتردد كثيرا على هذا البوست وتابعت كل مداخلاته ...
وقد تعجب إني لم أشارك حتى بكلمة رغم مروري اليومي ...حقيقة لآنني لم أستطع ..نسبة لعمق أثر المعني (الأم ) في نفسي ورحي ....لم أستطع ان أجرد نفسي من أحزاني كي أعبر بتلقائية عن حتى مجرد موضوع عابر يتحدث فقط عن الأم كوجدان وقيمة...
وللحقيقة ظللت أحمل موضوعك في رأسي دوماً لا لشئ إلا لان أمي كانت لي مثل أمك تماماً ...
بالامس حلمت بك انت رغم أني لاأعرف عن ملامحك شئ ..وحتى في المنام لم أرى ملامح لك ...ولكنني رأيتك تضع الحناء على قدمي أمك........
هذا أكيد ترجمة حقيقية لما أعانية انا...ِ

[الجندي المجهول]

ياجندي يامجهول ..ظللت أتردد كثيرا على هذا البوست وتابعت كل مداخلاته ...
وقد تعجب إني لم أشارك حتى بكلمة رغم مروري اليومي ...حقيقة لآنني لم أستطع ..نسبة لعمق أثر المعني (الأم ) في نفسي ورحي ....لم أستطع ان أجرد نفسي من أحزاني كي أعبر بتلقائية عن حتى مجرد موضوع عابر يتحدث فقط عن الأم كوجدان وقيمة...
وللحقيقة ظللت أحمل موضوعك في رأسي دوماً لا لشئ إلا لان أمي كانت لي مثل أمك تماماً ...
بالامس حلمت بك انت رغم أني لاأعرف عن ملامحك شئ ..وحتى في المنام لم أرى ملامح لك ...ولكنني رأيتك تضع الحناء على قدمي أمك........
هذا أكيد ترجمة حقيقية لما أعانية انا...ِ

الاخت ]الزونية رمضان كريم واسال الله ببركة هذا الشهر الكريم ان يجمعك بمن تحبين وان يجعل الجنة بيتكم وان يرزقك حسن الخاتمة ...

وبالنسبة للحلم اقص عليك شي حدث معي قبل ايام ( وتحديداً في بداية رمضان ذهبنا انا والوالدة الله يطول في عمرها لقضاء عمرة رمضان ووفقنا والحمد لله وعندما خرجنا من عند باب الملك فهد باتجاه الساحة كنت احمل ( الاحذية الخاصة بي وبوالدتي وكان حذائي (لامؤاخذة يعني) سفنجة والوالدة جزمة سوداء من قماش القفطان لانها باردة ولان العمرة كانت صعبة والوالدة كانت صائمة خاصة واننا بدأنا العمرة بعد صلاة العصر مباشرة وانتهينا مع صلاة المغرب ونحن عند باب الملك فهد كما اسلفت واردنا ان نلبس الاحذية الموضوع بالنسبة لي كان سهلاً لانها سفنجة ولكن لوالدة كان فيه شئ من الصعوبة لانها جزمة والحمد لله جلست على ركبتي وكأنني في السجود اتحسس ( اقدام امي لالبسها الجزمة ) وانا لابس الاحرام وبكل تلقائية كانت هذه الحركة والله العظيم والله العظيم هب إلى بعض (العسكر السعودين) باتجاهي بعدما فرغت من إلباس والدتي الجزمة الخاصة بها وربت على كتفي بعضاًً منهم ويقولون لي يا بختك وهنيئاً لك بما كسبت يداك ولسان حالهم يلهج بالشكر وانا اري الموضوع عادي لانها والدتي ولو بايدي كنت اتمنى ان انزل شوية واقوام بتقبيل اقادامها ...

تخريمة : تكون دي الحنة

عموما اسال الله ان يجمعنا في الجنة انا وانت وامي وامك والجميع ،،،،،[/color]

[أبو ريان]

فعلا الواحد مايعرف فضل الأم وغلاوتها إلا بعد مايتزوج ويرزق بأبناء ويقعد يسهر معاهم في مرضهم وفي وفي فرحهم وفي بكائهم في الساعة ديك يتذكر فضل الأم وكيف كانت تسهر الليالي وتقدم الغالي والنفيث من أجلك , فلذلك نسأل الله الكريم بفضله أن يحفظ لك أمك وامهات المسلمين جميعاً ياحق .

[أبو حمزة]

الله يفتح عليك يا جندينا الغير مجهول.. وبارك الله فيك يا الزونية الغنية عن التعريف.. وربنا يجمعنا بأمهاتنا نشرب من حوض النبي صلى الله عليه وسلم ونشرب شربة من يده الشريفة لا نظمأ بعدها أبداً.. فالأرواح جنود مجندة ما تعارف منها ائتلف وما تناكر منها اختلف..

أظن أرواحنا متعارفة متآلفة.. لا تنسونا أحبتي من صالح دعائكم .. وفقنا الله وإيَّاكم لكل خير وبر..

[الجندي المجهول]

الله يفتح عليك يا جندينا الغير مجهول.. وبارك الله فيك يا الزونية الغنية عن التعريف.. وربنا يجمعنا بأمهاتنا نشرب من حوض النبي صلى الله عليه وسلم ونشرب شربة من يده الشريفة لا نظمأ بعدها أبداً.. فالأرواح جنود مجندة ما تعارف منها ائتلف وما تناكر منها اختلف..

أظن أرواحنا متعارفة متآلفة.. لا تنسونا أحبتي من صالح دعائكم .. وفقنا الله وإيَّاكم لكل خير وبر..

ابو حمزة صاحب ( النفس الطيبة) والله والله حقيقي انت من زمن آخر ( وكل يوم بمني نفسي بلقياك ) لكن كل ما الايام تتسارع بقول انها تسرع لتقابلنا بالروعة والناس الطيبة البسيطة (على وجه هذه البسيطة) شكلك فهمت الدنيا وعرفت انها لا ينفع فيها الى العمل الطيب والصحبة الطيبة يا ( طيب) اتمنى ان نحشر مع النبيين والصديقين والشهداء وحسن ألئك رفيقا ( اتمنى ان اجاور سيد الشهداء في الجنة ) يا ابو حمزة

[الزونية]

الاخت ]الزونية رمضان كريم واسال الله ببركة هذا الشهر الكريم ان يجمعك بمن تحبين وان يجعل الجنة بيتكم وان يرزقك حسن الخاتمة ...
وبالنسبة للحلم اقص عليك شي حدث معي قبل ايام ( وتحديداً في بداية رمضان ذهبنا انا والوالدة الله يطول في عمرها لقضاء عمرة رمضان ووفقنا والحمد لله وعندما خرجنا من عند باب الملك فهد باتجاه الساحة كنت احمل ( الاحذية الخاصة بي وبوالدتي وكان حذائي (لامؤاخذة يعني) سفنجة والوالدة جزمة سوداء من قماش القفطان لانها باردة ولان العمرة كانت صعبة والوالدة كانت صائمة خاصة واننا بدأنا العمرة بعد صلاة العصر مباشرة وانتهينا مع صلاة المغرب ونحن عند باب الملك فهد كما اسلفت واردنا ان نلبس الاحذية الموضوع بالنسبة لي كان سهلاً لانها سفنجة ولكن لوالدة كان فيه شئ من الصعوبة لانها جزمة والحمد لله جلست على ركبتي وكأنني في السجود اتحسس ( اقدام امي لالبسها الجزمة ) وانا لابس الاحرام وبكل تلقائية كانت هذه الحركة والله العظيم والله العظيم هب إلى بعض (العسكر السعودين) باتجاهي بعدما فرغت من إلباس والدتي الجزمة الخاصة بها وربت على كتفي بعضاًً منهم ويقولون لي يا بختك وهنيئاً لك بما كسبت يداك ولسان حالهم يلهج بالشكر وانا اري الموضوع عادي لانها والدتي ولو بايدي كنت اتمنى ان انزل شوية واقوام بتقبيل اقادامها ...
تخريمة : تكون دي الحنة
عموما اسال الله ان يجمعنا في الجنة انا وانت وامي وامك والجميع ،،،،،[/color]


استغرب حقيقة كيف تطابق حلمي مع هذه الواقعة ......فسبحان الله ...
امانة تبلغ أمك عاطر تحياتي ودعواتي لها بالسعادة وربنا يحفظها ليكم

[الجندي المجهول]

فعلا الواحد مايعرف فضل الأم وغلاوتها إلا بعد مايتزوج ويرزق بأبناء ويقعد يسهر معاهم في مرضهم وفي وفي فرحهم وفي بكائهم في الساعة ديك يتذكر فضل الأم وكيف كانت تسهر الليالي وتقدم الغالي والنفيث من أجلك , فلذلك نسأل الله الكريم بفضله أن يحفظ لك أمك وامهات المسلمين جميعاً ياحق .

الرائع محمد صلاح سعيد ما قلت إلا الحقيقة وهي فعلاً أغلى ما في الوجود ... واتفق معك في كل ما ذكرته ...

[الجندي المجهول]

استغرب حقيقة كيف تطابق حلمي مع هذه الواقعة ......فسبحان الله ...
امانة تبلغ أمك عاطر تحياتي ودعواتي لها بالسعادة وربنا يحفظها ليكم

والله انا ذاتي محتار ولكن كل الذي اعرفه ان هذا الشي حدث بكل تفاصيله ..... !!!!!!!!!!

وسلامك وصل وصل وصل وصل ،،،،،،،،،،،

[المسافر]

حبيبنا محمد
كيف أخبارك وأخبار الوالدة
تصدق حديثك شوقنا لمعرفتها
تحية حب وتقدير خالصة لكما

[ام قبس]

اخي الجندي الجهول
اليوم فقط دخلت مرة اخري علي البوست بتاعك
وانا قايله الموضوع انتهي علي وصول الحجه
ليك علي ارجع من الاول
والله امك دي ياها التستاهل نجمه الشهر الفضيل دا
وجاياك راجعة وللوقت داك سلم لي عليها وبلغها اشتياقي

[الجندي المجهول]

حبيبنا محمد
كيف أخبارك وأخبار الوالدة
تصدق حديثك شوقنا لمعرفتها
تحية حب وتقدير خالصة لكما


حبينا المسافر فوق جناح الشوق يكوس نجماً بعيد ضواااي
كيفيك وامك بخير والحمد لله وهي ايضا بتسلم عليك وشوقك وصل يا خالدونا -- تسلم ومنتظرنك بالعمرة يا حااااااااااج متذكر

[الجندي المجهول]

اخي الجندي الجهول
اليوم فقط دخلت مرة اخري علي البوست بتاعك
وانا قايله الموضوع انتهي علي وصول الحجه
ليك علي ارجع من الاول
والله امك دي ياها التستاهل نجمه الشهر الفضيل دا
وجاياك راجعة وللوقت داك سلم لي عليها وبلغها اشتياقي

سفيرة النوايا الحسنة / السيدة ام قبس منتظرين رجعوك تاني وكلامك ومداخلتك دي براها نجمة واسال الله ان يعطيك حتى يرضيك

[أبو حمزة]

أيُّها العضو الفضي والجندي الغير مجهول يا من تسكن حتة جميلة خلاص المفتش كرومبو..

نغريك السلام... ونتمنى أن تكون وأمنا والأسرة .. عال العال وتمام التمام..بس من حقك علينا نقول ليك:
مشتاقين .. واللهفة تسابق الأمنيات .. وعزانا الوحيد.. وفي الذمة .. لا تنسونا من صالح الدعوات..
وقووول لأمـــــــــــي: ربنا يديك العافية والصحة ويحقق في الدنيا مناك.. ولدك بقول ليك دعواتك الصالحات..
والعيد قرَّب.. والفرحة أفراح.. وعيدكم عيدين..و............غير..

[الجندي المجهول]

أيُّها العضو الفضي والجندي الغير مجهول يا من تسكن حتة جميلة خلاص المفتش كرومبو..

نغريك السلام... ونتمنى أن تكون وأمنا والأسرة .. عال العال وتمام التمام..بس من حقك علينا نقول ليك:
مشتاقين .. واللهفة تسابق الأمنيات .. وعزانا الوحيد.. وفي الذمة .. لا تنسونا من صالح الدعوات..
وقووول لأمـــــــــــي: ربنا يديك العافية والصحة ويحقق في الدنيا مناك.. ولدك بقول ليك دعواتك الصالحات..
والعيد قرَّب.. والفرحة أفراح.. وعيدكم عيدين..و............غير..

ابو حمزة تسلم يا رجل يا طيب وحقيقي انت ما خليت حاجة ( احسن النسكت سااااااكت)

[ود الجعلي]

الاخت ]الزونية رمضان كريم واسال الله ببركة هذا الشهر الكريم ان يجمعك بمن تحبين وان يجعل الجنة بيتكم وان يرزقك حسن الخاتمة ...

وبالنسبة للحلم اقص عليك شي حدث معي قبل ايام ( وتحديداً في بداية رمضان ذهبنا انا والوالدة الله يطول في عمرها لقضاء عمرة رمضان ووفقنا والحمد لله وعندما خرجنا من عند باب الملك فهد باتجاه الساحة كنت احمل ( الاحذية الخاصة بي وبوالدتي وكان حذائي (لامؤاخذة يعني) سفنجة والوالدة جزمة سوداء من قماش القفطان لانها باردة ولان العمرة كانت صعبة والوالدة كانت صائمة خاصة واننا بدأنا العمرة بعد صلاة العصر مباشرة وانتهينا مع صلاة المغرب ونحن عند باب الملك فهد كما اسلفت واردنا ان نلبس الاحذية الموضوع بالنسبة لي كان سهلاً لانها سفنجة ولكن لوالدة كان فيه شئ من الصعوبة لانها جزمة والحمد لله جلست على ركبتي وكأنني في السجود اتحسس ( اقدام امي لالبسها الجزمة ) وانا لابس الاحرام وبكل تلقائية كانت هذه الحركة والله العظيم والله العظيم هب إلى بعض (العسكر السعودين) باتجاهي بعدما فرغت من إلباس والدتي الجزمة الخاصة بها وربت على كتفي بعضاًً منهم ويقولون لي يا بختك وهنيئاً لك بما كسبت يداك ولسان حالهم يلهج بالشكر وانا اري الموضوع عادي لانها والدتي ولو بايدي كنت اتمنى ان انزل شوية واقوام بتقبيل اقادامها ...



تخريمة : تكون دي الحنة

عموما اسال الله ان يجمعنا في الجنة انا وانت وامي وامك والجميع ،،،،،[/color]


محمد الامين

يبارك الله لك فيها

ويفتح لك بحبها كنزا" وكنوزا"

ويودع فيك بها رب العالمين سرا" من اسراره

ويتوب عليك بدعواتها وصلواتها

ويوفق الله ببركة برها امورا" واحوال

وسهل الله لها ولك طريق الجنة والجنات

وله الحمد حمدا" كثير

وصلي على الرسول محمد

يا محمد يا امين

صلى الله علية وسلم
وادعو لنا بظهر الغيب يستجاب الدعاء باذن الاحد الصمد

[الجندي المجهول]

محمد الامين

يبارك الله لك فيها

ويفتح لك بحبها كنزا" وكنوزا"

ويودع فيك بها رب العالمين سرا" من اسراره

ويتوب عليك بدعواتها وصلواتها

ويوفق الله ببركة برها امورا" واحوال

وسهل الله لها ولك طريق الجنة والجنات

وله الحمد حمدا" كثير

وصلي على الرسول محمد

يا محمد يا امين

صلى الله علية وسلم
وادعو لنا بظهر الغيب يستجاب الدعاء باذن الاحد الصمد

آمييييييييين يا رب العالمين

[سامية عباس]

اختى مريم الاخرى .....
اسال الله ان يمتعك بلصحة والعافية وأن يعطيك حتى يرضيك ( بالله عليك قولي آميييييييييين)


آآآآآآآآآآآآآآآآآآآآآآآآآآآآآآآآآآآميييييييييييييي يييييييييييييييييييييييييييييييييييييييييييييين

[أبو حمزة]

ياجندي يامجهول ..ظللت أتردد كثيرا على هذا البوست وتابعت كل مداخلاته ...
وقد تعجب إني لم أشارك حتى بكلمة رغم مروري اليومي ...حقيقة لآنني لم أستطع ..نسبة لعمق أثر المعني (الأم ) في نفسي ورحي ....لم أستطع ان أجرد نفسي من أحزاني كي أعبر بتلقائية عن حتى مجرد موضوع عابر يتحدث فقط عن الأم كوجدان وقيمة...
وللحقيقة ظللت أحمل موضوعك في رأسي دوماً لا لشئ إلا لان أمي كانت لي مثل أمك تماماً ...
بالامس حلمت بك انت رغم أني لاأعرف عن ملامحك شئ ..وحتى في المنام لم أرى ملامح لك ...ولكنني رأيتك تضع الحناء على قدمي أمك........
هذا أكيد ترجمة حقيقية لما أعانية انا...ِ


يا الزونية يبدو بأن التوافق حتى في الأمهات.. أنت تمتلكين قلب أبيض لذا تحلمين بما يمس قلبك ويستأذن بالدخول.. فالجندي المجهول طاهر النفس.. كيف لا ويشاركنا حنان الأمومة..
ربنا يجمعنا يا جندينا ويا الزونية.. بأمنا في الروضة وباب السلاما .. نسلم على صاحب التاج والعمامة..

صرنا في الهوى سيان يا جندينا.. كل الناس في شوق.. ليس إلا لكونك تتمتع بصدق المودة والبر والذوق.. هنيالك يا أخي..