العلاقة بين الرجل والمراة في المجتمع السويدي

[ام قبس]

استاذنكم في هذا الحجي اليومي
اشياء سوف تعجبكم واخري لا
ولكن ...........ز
احكي ليكم احسن
وانتوا قيموا وحللوا واعقدوا مقارنات
وخلونا ننقل السمح ونخلي الشين ونسه ساي
الشعب السويدي شعب هاااااااااااااااااااااااااااااااااادي اكتر من مطة الالف بتاعتي دي
وبببببببببببببببببببببببببببببببببببببببببارد اكتر من باباتي دي كلها
بيعيش لسنين طويله متوسط عمر المرة السويديه بين 85 الي ال100 عااااااادي
والرجال الغريب في الموضوع متوسط اعمارهم اقل
نفسي اعرف السر شنو
المرة مسيطرة في المجتمع بشكل كبير جدا ماخدة حيذ اكبر في العمل والحياة عموما
ولدي بكي برجع ليكم

[أبوحراز]

استاذنكم في هذا الحجي اليومي
اشياء سوف تعجبكم واخري لا
ولكن ...........ز
احكي ليكم احسن
وانتوا قيموا وحللوا واعقدوا مقارنات
وخلونا ننقل السمح ونخلي الشين ونسه ساي
الشعب السويدي شعب هاااااااااااااااااااااااااااااااااادي اكتر من مطة الالف بتاعتي دي
وبببببببببببببببببببببببببببببببببببببببببارد اكتر من باباتي دي كلها
بيعيش لسنين طويله متوسط عمر المرة السويديه بين 85 الي ال100 عااااااادي
والرجال الغريب في الموضوع متوسط اعمارهم اقل
نفسي اعرف السر شنو
المرة مسيطرة في المجتمع بشكل كبير جدا ماخدة حيذ اكبر في العمل والحياة عموما
ولدي بكي برجع ليكم

المراة السويدية مابتعوس الكسرة
ومابتعوس { الآبري } لاحلو مر ولا ابيض
وما بتحلب الغنم
ومابتكب الموية في الزير
ومابتلخ العجين
ومابتقيف طوابير في المستشفيات
ومابتمشي السوق نصو كداري والباقي ركشة
والأهم من دا كلو إنو راجلها نقتو شوية
وكلما كان الراجل بااااااااااااااااااااارد كلما كان المراة عمرها طوييييييييييييييييييل
طيب نحن عاوزننا نكون باردين كيف
البطيخة تشتريها الليلة ب خمسة الف
تصحى من النوم بقدرة قادر تلقاها ب 10 الف
كيلو اللحمة ب 10 الف
أول ماتصب مطرة طوالي يمشي الى 20 الف 00
انا ماعارف علاقة المطر شنو بارتفاع اسعار اللحم
البيت تستأجروا ب 500 الف في مدني والمدن العادية
تطلع منو تلقاه ب مليون
بتاع المرور يصر ليك وشو
والجزار يصر ليك وشو
وناس الخدمة الالزامية يسكوك لحد ماتخلي نعلاتك وراك
والعجب لو نسيبتك صرت ليك وشها الرماد كال حماد
عاوز ليك شهر تحنس الأم وشهرين تحنس المدام عشان المياه ترجع لمجاريها
يصعب ياسيدتي مقارنة احوالنا باحوالهم
ايقاع الحياة عندهم غير
والسياسة عندهم ثابتة
كتير مرات نصحى نحن من النوم نلقى واحد وكيل عريف استلم السلطة
وكتف الرئيس وذاع البيان الأول !!!
وتووووووووووووووش من وكيل عريف الى فريق !!
قطعة ارض تكون متنفس لناس الحي عشان الحفاظ على البيئة
بكرة تصحى من النوم تلقى ناس { تتمكنون } جابوا فيها السيخ والطوب والأسمنتي
لو منحونا 5% من ايقاع الحياة في استكهولم
ومثلها من الاستقرار السياسي
واستقرار الأسعار
ثقي تماماً أن نساؤنا سيتجاوزن المائة والخمسين عاما
لكن مع هذه البشتنة عليك أمان الله الاربعين في تلتلة
وقبل أن أودعك أحب أن اقول ليك ان الرجال في عائلتنا يموتون قبل النساء
ياربي السر يكون شنو ؟؟؟؟؟
والمشكلة اي راجل عندنا مات طوالي أحوال بيتهم تتصلح
تلاجات ودي في دي والمدام تطلع من الحبس سمينة وجميلة 00 سبحان الله

[ام قبس]

المراة السويدية مابتعوس الكسرة
لكن بتعوس البان كوك
ومابتعوس { الآبري } لاحلو مر ولا ابيض
بتحضر حاجة ذي تعب الحلو مر بس بتشرب مابتعاس
وما بتحلب الغنم
ومابتكب الموية في الزير
ومابتلخ العجين
ومابتقيف طوابير في المستشفيات
والله العظيم بتعمل حاجات اصعب من دي بتسوق الشاحنه
وتشتقل في رصف الطرق
وتصليح المواسير الضاربة في الشوارع الرئيسيه
وحاجات ومواقع اصلك ماتتخيل تشوف فيها مرة حايمة ساي
تعاين تلقاها في النص
ومابتمشي السوق نصو كداري والباقي ركشة
مابتمشي نصه كداري بتمشيه كله كداري
والأهم من دا كلو إنو راجلها نقتو شوية
ولو بقي نقة كتيرة بتديهة الكرت الاحمر بدون مرور بالاصفر
دا لو ماحولته لي جمعيه مضايقة المرة البتقوم معاه باللازم
وكلما كان الراجل بااااااااااااااااااااارد كلما كان المراة عمرها طوييييييييييييييييييل
طيب نحن عاوزننا نكون باردين كيف
من هنا انا معاك
البطيخة تشتريها الليلة ب خمسة الف
تصحى من النوم بقدرة قادر تلقاها ب 10 الف
ماتنوموا علي قول اخونا الجنوبي
كيلو اللحمة ب 10 الف
أول ماتصب مطرة طوالي يمشي الى 20 الف 00
انا ماعارف علاقة المطر شنو بارتفاع اسعار اللحم
علاقة طرديه
لو المطره صبه البهايم بشبعوا بالعشب ولو شبعوا يمكن يموتوا ولو ماتوا لحمهم ببقي ارخص
اشرح الباقي براك
البيت تستأجروا ب 500 الف في مدني والمدن العادية
تطلع منو تلقاه ب مليون
بتاع المرور يصر ليك وشو
والجزار يصر ليك وشو
وناس الخدمة الالزامية يسكوك لحد ماتخلي نعلاتك وراك
والعجب لو نسيبتك صرت ليك وشها الرماد كال حماد
دي الصرةالاصعب من بتاعة عادل امام في يصر الحاحا
عاوز ليك شهر تحنس الأم وشهرين تحنس المدام عشان المياه ترجع لمجاريها
ومجاريها مابترجع الا بي هدايا والذي منه
يصعب ياسيدتي مقارنة احوالنا باحوالهم

ايقاع الحياة عندهم غير
والسياسة عندهم ثابتة
كتير مرات نصحى نحن من النوم نلقى واحد وكيل عريف استلم السلطة
وكتف الرئيس وذاع البيان الأول !!!
وتووووووووووووووش من وكيل عريف الى فريق !!
قطعة ارض تكون متنفس لناس الحي عشان الحفاظ على البيئة
بكرة تصحى من النوم تلقى ناس { تتمكنون } جابوا فيها السيخ والطوب والأسمنتي
لو منحونا 5% من ايقاع الحياة في استكهولم
ومثلها من الاستقرار السياسي
واستقرار الأسعار
ثقي تماماً أن نساؤنا سيتجاوزن المائة والخمسين عاما
لكن مع هذه البشتنة عليك أمان الله الاربعين في تلتلة
وقبل أن أودعك أحب أن اقول ليك ان الرجال في عائلتنا يموتون قبل النساء
ياربي السر يكون شنو ؟؟؟؟؟

والمشكلة اي راجل عندنا مات طوالي أحوال بيتهم تتصلح
تلاجات ودي في دي والمدام تطلع من الحبس سمينة وجميلة 00 سبحان الله
شوف اخوي ابو حراز
شفت ليك يوم مرة جزارة (( غير جزارات البيوت)) وشه بتريق
نمت يوم من الله خلقك صحيت لقيت عسكرية دي علي وزن بوليسه مسكت السلطة
الحمد لله القلتها براك الراجل مما يموت البيت والمرة احوالهم بتتغيير
تيب ماتدونا فرصه ذي الناس الهنا ديل
ياربي الخلل في السودان ولا في النسوان ولا في ..........................

مشكور علي المرور الاعترافي دا
همسه عاليه مبروك مبروك مبروك وتستاهل كل النجوم
هسه النجمه دي مامفروض تكون لي نون

[amino]

اعتز بالمراة السودانية كثيرا

فلااجد وجة مقارنة بين المراة

السويدية اوالسودانية

فااجمل مافى المراة السودانية اعتزازها

باصالتها وقوميتها فهى مهيرة بنت عبود

وقمة جمالها انها صبرت على الرجل السودانى

عاشت معه على الحلو والمر واستحملت الكثير

وطال الزمن او قصر ستجدونها فى نفس مكانها وثباتها

مشكورة ام قبس وتقبلى مرورى

[ام قبس]

وقمة جمالها انها صبرت على الرجل السودانى

مالازم تصبر ماهو كمان فارس الحوبة
مشكورة ام قبس وتقبلى مرورى
بيتك ومطرحك ياامينو
خليك قاعد انت ماقريت ولدي صحة دي
الموضوع لسع مابداء
دا المدخل وذي ماقلت الموضوع فيه جوانب كتيييييييييييييرة
وكله حجه بشارككم فيها المناقشه ونتبادل وجهات النظر ونعرف المابنعرفة عن الشعب دا
شرفت كتير وابقي داخل لي جوه

[amino]

مشكوورة ام قبس

فعلا الرجل السودانى فارس الحوبة

انشاء الله الولد نام

[عثمان جلالة]

أهاااا يا أم قبس ... منتظرين يااااااخ :p البااااااااااقي والله ذكرتيني زمان لامن حبوبتي "الله يرحمها" تمسك لينا حجوة فاطنة السمحة ... وفجاءة كده تقول لينا .. اللبن فاااااااااار :rolleyes::eek: ...بالله ضروري تكملي لينا دراسة المباشرة دي للمجتمع السويدي والعلاقة بين الرجل والمرأة ... لأنو موضوع قيم جداً كتر خيرك يا أم قبس

[الجندي المجهول]

استاذنكم في هذا الحجي اليومي
اشياء سوف تعجبكم واخري لا
ولكن ...........ز
احكي ليكم احسن
وانتوا قيموا وحللوا واعقدوا مقارنات
وخلونا ننقل السمح ونخلي الشين ونسه ساي
الشعب السويدي شعب هاااااااااااااااااااااااااااااااااادي اكتر من مطة الالف بتاعتي دي
وبببببببببببببببببببببببببببببببببببببببببارد اكتر من باباتي دي كلها
بيعيش لسنين طويله متوسط عمر المرة السويديه بين 85 الي ال100 عااااااادي
والرجال الغريب في الموضوع متوسط اعمارهم اقل
نفسي اعرف السر شنو
المرة مسيطرة في المجتمع بشكل كبير جدا ماخدة حيذ اكبر في العمل والحياة عموما
ولدي بكي برجع ليكم

السلام عليكم ورحمة الله
ربنا ما قسم لي ازور اوروبا ولكن الفضائيات واهلنا واصدقاؤنا نقلوا لنا الصورة الموجودة في السويد وانجلترا وهولندا وايطاليا وكل دول العالم من حولنا واختلافنا مع الناس ديل ابسط مما تتصوري والخصها ليك في كلتين ونص ( هم بيشتغلوا بضمير ) وبكل اسف انحنا ضميرنا ميت ومسؤوليهم يعشقون خدمة بلدهم ومسؤولينا يعشقون ملئ جيوبهم( طيب اذا كان دا الفرق ) البركة تجي من وين ؟


تخريمة:
لا اعرف من القائل ولكنه قال الحكومات في اوروبا تحترم الانسان وتعمل من اجله اكثر من الحكومات العربية والافريقية (وانا ازيد السودانية تربيع x تكعيب اس 99 )

[صهيب البصير]

تحياتى لك ام قبس على الموضوع الجميل

فعلا الرجال يتوفاهم الله قبل زوجاتهم دى حقيقه
اولا لان الفرق دائما فى السن بين الزوجه والزوج عندنا فى السودان اصبح كبير لان الوضع الاقتصادى فرض نفسه
فنجد متوسط عمر زواج الرجل فى السودان الان اصبح فى سن 40 سنه لظروف البلد التى كلنا نعيشها ونجده يختار بنت عمرها مثلا 25 سنه وربما اصغر لاربعين فى الميه من الحالت مابين 20 الى 25 وهنا من الطبيعى وفاة الرجل قبل المراءه
الشى الثانى النسوان دايما جاريات لموت الرجال يعنى اذا فى وفاة فى الحى او الحله والناس سمعت صوت البكاء طوالى تلقا النسوان اسالن المات منوا اصلهن مابقولن الماتت منى
ثالثا الوضع الاقتصادى السى الذى قد يتسبب فى موت العديد من الرجال نتيجه ضغوطات الحياة التى اصبحت بمثابه حرب والرجل يجاهد فيها وحده الى حين المساعده من عياله عندما يكبرون لذلك نجده عرضه لامراض السكرى والضغط والقلب
واذكر السنه المضت كنت فى زياره عمل الى السودان ومعى وفد من الشركه لزياره شركة زين بالسودان وكان معى ضمن الوفد واحد هندى تربطنى به علاقة طيبه بالرغم من تكبد شركة زين بالسودان بكل نفقات الرحله الى ان الهندى عند رجوعنا من السودان اك لى بانه زار عددا من دول العالم فى كل القارات ولكنه لم يجد دوله اغلى من السودان
هذا تاكيد على ان حال صحه وعمر الرجال مربوط بالظروف الاقتصاديه التى تجعله في حال الوضع الاقتصادى المريح اكثر رواقة واقل مرضا مما يطيل فى عمرة
رابعا مقارنه بين عمر الرجل فى الحياة بين السودان السعوديه نجد الرجال فى السعوديه يعمرون الى مابعد الثمانينات والتسعينات وتجده يقود سيارته ويتمتع بصحه جيده وذلك نتيجه الوضع الاقتصادى الجيد
هذا طبعا بعد مشيئة الله وقدره
وذلك فضل الله علينا يؤتيه من يشاء

[ام قبس]

عثمان ياخوي
انا لي هسع دي مابعرف اجيب الاقتباس مع الرد والله جنس جهلول
عاد مجبورة اقوم للولد لمان يبكي انا عندي واحد جعلي هنا لو الولد بكي لا بعرف ليك السويد ولا العلاقة بين المرة والغنمايه
مشكور ياود امي
سوعال براني
انت بتين جيت صادي من اهلك ولا زقت من صحيت الصباح علي نغمة جيب جيب

[ام قبس]

اخوي الجندي سلامات
وربنا يقسمها ليك ياخوي ان شاء الله علي خمسة
كلاماك في محلاته واديتني طرف الخيط الطيرة لي ابو العيال بي نهرته في بكي الولد
همسة
انت مادام عندك الاصحاب ديل كلهم ماتعملوا امم متحدة

[ام قبس]

الاخ صهيب
مشكووووووووووووووووووووووور علي الرد
عارف الواوات الكتيرة دي ليه
عشان ازوق من الرد ماعرفة اكتب ليك شنو
يعني نظام تاخيرة لحدي مالاقي لي رد

بس صعبتها شديد ياخي هندي شنو البقول ليك الحاجات غاليه عندنا طيب عندهم كييييييف
الهنود شدة الوضع ماصعب عندهم بتلولوو جنس لولوه
ونحنا المساكين نقول ليك دا رقيص هندي
مشكور مرة تانيه

[عثمان جلالة]

عثمان ياخوي
انا لي هسع دي مابعرف اجيب الاقتباس مع الرد والله جنس جهلول
عاد مجبورة اقوم للولد لمان يبكي انا عندي واحد جعلي هنا لو الولد بكي لا بعرف ليك السويد ولا العلاقة بين المرة والغنمايه
مشكور ياود امي
سوعال براني
انت بتين جيت صادي من اهلك ولا زقت من صحيت الصباح علي نغمة جيب جيب

هههههههههه والله يا أم قبس الله يديك العافية خليتيني أضحك برااااي .. شوفي إقتباس دي بتعمليها كا لآتي:

لامن تلقي ردي عليك مثلا .. تحت منو بتلقي كلمة إقتباس ... تعملي عليها كليك بالماوس .. بقوم يجيك نص رد الزول .. تعملي إنتر .. وتختاري اللون وحجم الخط الدايره تكتبي بيهو ... ومباشرة كدا بجيك ردك مع الإقتباس

نمره إتنين ... إجازتنا شويه نعمل شنو !!! المعايش جباره ... وجماعتنا ما شاء الله عليهم أصلو جيب جيب دي ما عندهم :);):rolleyes:

[ام قبس]

اها ياخوانا انتم ليكم القصة
بتاعة جماعتنا ديل
المرة عندهم شخصيتها قوية جدا
واغرب شي شاهدته عندهم لو سالت اي واحد فيهم كبير او صغير
بعد سنه في الساعة الفلانيه حتعمل شنو
علي طول يوريك
تختيت بعيد الاجل (( مش اسمه كدا ياناس الاقتساد))
ارجع لي ورة شويه اوصف كل العلاقة من قولة تيت
بعد سن التمنتاشر
التمنتاشر بتاعة تجاني ديك
البت تقول لي ابوها بعدها معليش ياشاب
انا مفرتقة(( يعني ماازتعزان ))للعلم بالشيء
عشان البوليس لو جاء وسعل البت وين وطلع ماعارف حقة راح
المهم تودع ليك الحاج والحاجية وتمشي
تمشييييييييييييييييييي وينننننن قول معاي تمشي وين
تمشي ياسيدي لي واحد من الثلاثة حالات الاتيه
نمرة واحد شاب ظريفوني حابه تعرف عليه صديقها حتعيش معاه لمان تعرفة يانفع معاها او فلسعت خلته
اما اذا نفع معاها في الحاله دي في حاجتين تعمل واحد منهم
طبعا دا مايجبار
ومين جاب سيرة الاجبار الناس دي هنا جنها وجن الاجبار
ممكن تعيش حياتها كلها معاه اسحاب ساكت كدا
ودي الغالبيه لي وقت قريب بيعيشه كدا
مشاترة:كان عندي استاذة سالتها ليه اغلبيه النساء في عمرك 54 ومامتزوجات
قالت لي ونتزوج ليه
النصيحة ليك يالله سكته
المرة معاها حق
بجيكم صادة
اها انا بعد ولدي يرضي ينوم وبتي ترضي تاكل وراجلي يرضي يخليني اقعد في الكرسي دا عارفة حاعمل شنو
لقيتوني كيف في التختيت لي يومي سويديه عديييييييل رهيبه مش كدا

[ام قبس]

هههههههههه والله يا أم قبس الله يديك العافية خليتيني أضحك برااااي .. شوفي إقتباس دي بتعمليها كا لآتي:

لامن تلقي ردي عليك مثلا .. تحت منو بتلقي كلمة إقتباس ... تعملي عليها كليك بالماوس .. بقوم يجيك نص رد الزول .. تعملي إنتر .. وتختاري اللون وحجم الخط الدايره تكتبي بيهو ... ومباشرة كدا بجيك ردك مع الإقتباس

نمره إتنين ... إجازتنا شويه نعمل شنو !!! المعايش جباره ... وجماعتنا ما شاء الله عليهم أصلو جيب جيب دي ما عندهم :);):rolleyes:

هي ياعثمان ماعاوزة ارد ليك بس عاوزة اجرب نظرتك
لو نفعت بجيك راجعة
قلت لي جيب جيب ماعندهم مع وش شكله شنو ماشايفاه كويس
انحكي ليك دي
واحد من معارفنا وصل من السفر الساعة ثلاثه صباحا اها بعد حق الله بقي الله الساعة جات خمسة
الساعة سبعة امه صحته
ياولدي قوم ادينا عشان نجيب العيش
قال ليها يامي اختيلني لسع ماجيت

[ام قبس]

هي والله عرفت جبتها الله يديك العافيه ياعثمان ثقفتني