الرحض . . . إستعراض للجسد !!!‏

[المسافر]

هنالك عادات كتييييرة عندنا أصبحت بلا معنى ولا هدف وحتى بلا فهم فلكوري ، زي مثلاً ‏الرحض ورقيص العروس والشبال والبشير ( البِشّير ) تجنباً لأي هوا !!!!!!! ‏

ندخل في الموضوع أحسن !!!!!! بصراحة كده شفت شريط فيديو لرقيص عروس حديثاً ، بحجة ما ‏يسمى بقطع الرحض قاتله الله ، وشفت العمر عيني ما شافتو ، عروس بترقص شبه عارية وزي ‏اللابسة (بدلة الرقاصات ) وإن مجموع الحاجات اللابساها كله يساوي (10) سم فقط ، ‏وبإختصار كده قطعة قماش باللون الأحمر الصاخب صغيرة جداً مغطية بيها (15%) من الصدر ‏‏، وده إذا كانت النوايا كويسة وقلنا فعلاً ما شفانا حاجة في ال (15%) دي ، وكذلك جزء صغير ‏أيضاً باللون الأحمر ( دم غزال ) للمنطقة الوسط وبعد ده ( مكشكش ) . . . والباقي تمو خيال ‏وبذات اللون !!!!!!!!‏

ده كوم ورقيص الإثارة كوم كبير تاني ، مرات بتخيل لي أنا قاعد في ( كبريه ) وممكن ( اللطة) ‏تجي حايمة في أي وقت !!!!!! . . . والحاجة المقززة جد جد الأغاني التي كانت ترقص عليها ‏العروس . . هي قد تكون أغاني حماسية بس لحماسة شيء آخر (إيماءات جنسية وشحن عاطفي ‏‏) ليس إلا .‏

وبهذا الوصف الذي إتواضعت فيه وأخفيت الكثير المثير تجنباً لحذف الموضوع من الإدارة ‏المتربصة ، كانت العروس ترقص أمام ما يقارب (300) شخص وشخصة ومن ضمنهم ما يدعي ‏‏( زوجها ) !!!!!! إذا قلنا بأن العروس رضت لنفسها أن ترقص عارية قدام الناس على حسب ‏إنهن كده كده يعني . . . فماذا ينقص هذا الرجل . . . . آآآآآآآآآآآآي كلامكم صاح ( الرجولة ) ‏وتحولت الرجولة من خبر ( كان ) إلى خبر ( مات ) .‏

وفعلياً وعقلياً بأن هذه العادات بدلاً من أن تكون فلكور وتراث نفتخر به أصبحنا نخجل أن ‏عرضه للآخرين ، وحولناهو بقدرة قادر إلى مسخرة ومزبلة أخلاقية تافهة ورخيصة .‏

قالوا ( الشمارات أصلو ما بخليها... القوالات والسواطة الفيها... فتشوا الطيبين جابوا لينا ‏فضيحة... قالوا ده الإعلام نجهونا نجيهة... ) .‏

[مايسة]

فعلا - دي حقيقة

الزواج عادة في السودان اصبح - مظاهر وفشخرة - واستعراض في كل حاجة - ابتداءا من فطور العريس - الي رقيص العروس الفاحش - والاغاني الهابطة - واستعراض الاجسام .

همسة: انت البخليك تحضر شنو االشريط - :mad:

[أبو جودي]

أخي المسافر ،،، أنا معك والله أنت على حق ،،، ففعلاً لا بد من التخلي عن هذه العادات الضارة " وقطع الرحط" من العادات السيئة حتى ولو كانت بين النساء لوحدهن لما فيها من تعري واضح وفاضح ،،،، نسأل الله لكل بناتنا السلامة ،،، وترك العادات السيئة ،،،، .

[الجندي المجهول]

هنالك عادات كتييييرة عندنا أصبحت بلا معنى ولا هدف وحتى بلا فهم فلكوري ، زي مثلاً ‏الرحض ورقيص العروس والشبال والبشير ( البِشّير ) تجنباً لأي هوا !!!!!!! ‏

ندخل في الموضوع أحسن !!!!!! بصراحة كده شفت شريط فيديو لرقيص عروس حديثاً ، بحجة ما ‏يسمى بقطع الرحض قاتله الله ، وشفت العمر عيني ما شافتو ، عروس بترقص شبه عارية وزي ‏اللابسة (بدلة الرقاصات ) وإن مجموع الحاجات اللابساها كله يساوي (10) سم فقط ، ‏وبإختصار كده قطعة قماش باللون الأحمر الصاخب صغيرة جداً مغطية بيها (15%) من الصدر ‏‏، وده إذا كانت النوايا كويسة وقلنا فعلاً ما شفانا حاجة في ال (15%) دي ، وكذلك جزء صغير ‏أيضاً باللون الأحمر ( دم غزال ) للمنطقة الوسط وبعد ده ( مكشكش ) . . . والباقي تمو خيال ‏وبذات اللون !!!!!!!!‏

ده كوم ورقيص الإثارة كوم كبير تاني ، مرات بتخيل لي أنا قاعد في ( كبريه ) وممكن ( اللطة) ‏تجي حايمة في أي وقت !!!!!! . . . والحاجة المقززة جد جد الأغاني التي كانت ترقص عليها ‏العروس . . هي قد تكون أغاني حماسية بس لحماسة شيء آخر (إيماءات جنسية وشحن عاطفي ‏‏) ليس إلا .‏

وبهذا الوصف الذي إتواضعت فيه وأخفيت الكثير المثير تجنباً لحذف الموضوع من الإدارة ‏المتربصة ، كانت العروس ترقص أمام ما يقارب (300) شخص وشخصة ومن ضمنهم ما يدعي ‏‏( زوجها ) !!!!!! إذا قلنا بأن العروس رضت لنفسها أن ترقص عارية قدام الناس على حسب ‏إنهن كده كده يعني . . . فماذا ينقص هذا الرجل . . . . آآآآآآآآآآآآي كلامكم صاح ( الرجولة ) ‏وتحولت الرجولة من خبر ( كان ) إلى خبر ( مات ) .‏

وفعلياً وعقلياً بأن هذه العادات بدلاً من أن تكون فلكور وتراث نفتخر به أصبحنا نخجل أن ‏عرضه للآخرين ، وحولناهو بقدرة قادر إلى مسخرة ومزبلة أخلاقية تافهة ورخيصة .‏

قالوا ( الشمارات أصلو ما بخليها... القوالات والسواطة الفيها... فتشوا الطيبين جابوا لينا ‏فضيحة... قالوا ده الإعلام نجهونا نجيهة... ) .‏

حبيبنا صباح زي الورد

وازيدك من الشعر بيت هل تعلم ان رقيص العروس هذا قد تسبب يوما ما في طلاق في نفس يوم الرقيص ( البنت اصرت على الرقيص والزوج رفض ودخل الاجاويد واقنعهو وقالو ليهو بنات بس بعد اصرار وافق وعلى مضض ولكن قال هو ما بيحضره وفعلا بدا الرقيص ولم ينتبه الحضور بان هنالك جزء كبير من الشباب موجودين والبنت ما شاء الله كانت لابسة من غير هدوم (زي ما قال عادل امام) فوصل الخبر للزوج الذي حضر ورمي عليها اليمين (الطلاق) امام الملاء وكان طلاق بي مزيكا وحقيقي ( تستاهل ) ،،، يجب ان نتقى الله يا هولاء في عرضنا وفي ديننا

تخريمة :
تتصور التعليم في الحتة دي ما عندو اي جانب من الحظ لان البنت (خريجة) يعني شهادتها لا افادتها ولا حاجة (اللهم نسالك الستر في الارض وتحت الارض ويوم العرض)


همسة في شكل لمحة : المسافر اخوووي رقيص العروس (ما فيهو اي مشاكل) ولا اي نوع من انواع الهواء الطلق (البارد) وخليك من السرقة لانك ما بترجع حاجة

[esmat]

المسافر المصادم
رقيص العروس دا بتوقف على فهم الزوج هو الممكن
اتحكم في الحتة دي واصر على موقفوا مهما ما كانت الاسباب
وإن كان لابد ولا أرى ذلك ( ابداً ) للمتمسكين بهذه العادة فالترقص
بدون تصوير وبدون حضور الشباب وجوالات الكاميرا


** رسل لينا الشريط دا عشان نديك راينا صاح (مستندات وكدا عشان الموضوع اكون موثق)
وشاكرين لكم حسن تعاونكم معنا

[الجندي المجهول]

المسافر المصادم
رقيص العروس دا بتوقف على فهم الزوج هو الممكن
اتحكم في الحتة دي واصر على موقفوا مهما ما كانت الاسباب
وإن كان لابد ولا أرى ذلك ( ابداً ) للمتمسكين بهذه العادة فالترقص
بدون تصوير وبدون حضور الشباب وجوالات الكاميرا


** رسل لينا الشريط دا عشان نديك راينا صاح (مستندات وكدا عشان الموضوع اكون موثق)
وشاكرين لكم حسن تعاونكم معنا

هههههههههههههه يا اسمت بطل حركااااااااات


تخريمة كبيرة : عوزين نشوفك في الدافوري ( لو قلت ليك امكن ما تصدق هل تعلم انو دافورينا امتع من هلال مريخ

[ود الجعلي]

دائما" ايها المسافر تضرب في الصميم
هذه رسالة المنتدى التي نريدها هي ان اثارة الموضوعات التي تحتاج الى استئصال
وغير ذلك من المواضيع التي تمسنا وتمس شخصيتنا الجميلة
وانني اصدق نفسي القول اننا ان تخلينا عن بعض الصفات السالبة سنقود العالم
ولكن .......

[المسافر]

فعلا - دي حقيقة

الزواج عادة في السودان اصبح - مظاهر وفشخرة - واستعراض في كل حاجة - ابتداءا من فطور العريس - الي رقيص العروس الفاحش - والاغاني الهابطة - واستعراض الاجسام .

همسة: انت البخليك تحضر شنو االشريط - :mad:



تحياتي مايسة

أشياء جديدة بعيدة عن قيمنا وأخلاقنا


همسات :
شفت الشريط عشان أمكن أعرس في أي
وقت ، على الأقل أكون عامل حسابي من
( الأقوان ) .

[المسافر]

أخي المسافر ،،، أنا معك والله أنت على حق ،،، ففعلاً لا بد من التخلي عن هذه العادات الضارة " وقطع الرحط" من العادات السيئة حتى ولو كانت بين النساء لوحدهن لما فيها من تعري واضح وفاضح ،،،، نسأل الله لكل بناتنا السلامة ،،، وترك العادات السيئة ،،،، .




تحياتي أخي أبو جودي

بكل المقاييس لا يوجد أي معنى
لما يسمى بالقطع الرحض سواء
دعوة للفساد .

ولك ودي

[المسافر]

حبيبنا صباح زي الورد

وازيدك من الشعر بيت هل تعلم ان رقيص العروس هذا قد تسبب يوما ما في طلاق في نفس يوم الرقيص ( البنت اصرت على الرقيص والزوج رفض ودخل الاجاويد واقنعهو وقالو ليهو بنات بس بعد اصرار وافق وعلى مضض ولكن قال هو ما بيحضره وفعلا بدا الرقيص ولم ينتبه الحضور بان هنالك جزء كبير من الشباب موجودين والبنت ما شاء الله كانت لابسة من غير هدوم (زي ما قال عادل امام) فوصل الخبر للزوج الذي حضر ورمي عليها اليمين (الطلاق) امام الملاء وكان طلاق بي مزيكا وحقيقي ( تستاهل ) ،،، يجب ان نتقى الله يا هولاء في عرضنا وفي ديننا

تخريمة :
تتصور التعليم في الحتة دي ما عندو اي جانب من الحظ لان البنت (خريجة) يعني شهادتها لا افادتها ولا حاجة (اللهم نسالك الستر في الارض وتحت الارض ويوم العرض)


همسة في شكل لمحة : المسافر اخوووي رقيص العروس (ما فيهو اي مشاكل) ولا اي نوع من انواع الهواء الطلق (البارد) وخليك من السرقة لانك ما بترجع حاجة




عزيزي الجندي

أنا بعد ما شفت الشريط أجزمت
بأن هذا الزواج لا ولن يستمر
أكثر من فترة شهر العسل
على حسب فهموم العريس
والعروس ، أنهم طالما رضو
هذا الأمر فتأكدت من أن
هدفها هو ليس تكوين أسرة .

أما التعليم الذي تحدثت عنه
فإن وزارة التربية والتعليم
مفروض أن تكون مؤسسة
بعيدة عن السياسة ولكن
للأسف كلما يأتي وزير
موالياً لأي خرابة يقوم بتعديل
المنهج ليدعم ويؤيد تلك الخرابة . .

واللمحة الجد بأن الواحد بقى ما ناقش حاجة ههههه

[المسافر]

المسافر المصادم
رقيص العروس دا بتوقف على فهم الزوج هو الممكن
اتحكم في الحتة دي واصر على موقفوا مهما ما كانت الاسباب
وإن كان لابد ولا أرى ذلك ( ابداً ) للمتمسكين بهذه العادة فالترقص
بدون تصوير وبدون حضور الشباب وجوالات الكاميرا


** رسل لينا الشريط دا عشان نديك راينا صاح (مستندات وكدا عشان الموضوع اكون موثق)
وشاكرين لكم حسن تعاونكم معنا



تحياتي عزيزي عصمت

إنت عارف أن العريس أكتر واحد
في اليوم داك بكون ( دلدول ) وتجي
أخت العروس تتضحك ليهو وتغمز ليهو
وبعدها الفاصوليا بتدور !!!


أما المستندات فهي قيد المراجعة
وسوف نرسلها بعد التدقيق والمتابعة

[المسافر]

هههههههههههههه يا اسمت بطل حركااااااااات

تخريمة كبيرة : عوزين نشوفك في الدافوري ( لو قلت ليك امكن ما تصدق هل تعلم انو دافورينا امتع من هلال مريخ




يا حبيب تأكد بأن ( إسمت ) بعدما نرسل
ليهو الشريط تاني ما حيقدر يلعب كرة قدم
لكن ممكن يلعب ( ضمنة ) !!!!!!!!!!!!!!

[المسافر]

دائما" ايها المسافر تضرب في الصميم
هذه رسالة المنتدى التي نريدها هي ان اثارة الموضوعات التي تحتاج الى استئصال
وغير ذلك من المواضيع التي تمسنا وتمس شخصيتنا الجميلة
وانني اصدق نفسي القول اننا ان تخلينا عن بعض الصفات السالبة سنقود العالم
ولكن .......




تحياتي عزيزي ود الجعلي
وألف شكر على الأطراء

وكما قلت نحن بحاجة فعلية لترك هذه العادات والتصرفات
التي أصبحت بعيدة جداً عن الأخلاق وعن ديننا الحنيف .

ولك الود

[esmat]

هههههههههههههه يا اسمت بطل حركااااااااات

نحنا بطلنا البقنع العروس شنو ؟؟


يا حبيب تأكد بأن ( إسمت ) بعدما نرسل
ليهو الشريط تاني ما حيقدر يلعب كرة قدم
لكن ممكن يلعب ( ضمنة ) !!!!!!!!!!!!!!

بكون براجع في الاقوان ولا بجيب في الكور


همسات :
شفت الشريط عشان أمكن أعرس في أي
وقت ، على الأقل أكون عامل حسابي من
( الأقوان ) .

همستك دي يا المسافر بتقول انك مذاكر كويس
فأنت اساساً ما رافض الفكرة لكن رافضها بي فهم
معين يعني مثلاً اللبس - الموجودين في الرقيص
التصوير - هكذا يعني ممكن تعتبروا حق من حقوقها
لكن في حدود تضعها انت - (وش استقل الهمسة)

[مفيد الوحش]

المسافر

انت الوداك تشوف الذي دى شنو؟؟؟

ياخي الرقيص حاجه بس حكاية شريط ويتوزع دي قمة الفجور ومنو القال ليهم انه ناس قطع الرحط زمان كان بلبسوا جنس المسخره دي منو؟

يا اخوانا حتى لوحرصتوا انه مافي كاميرا تدخل في كاميرات جوالات بيحملها ضعاف نفوس من الجنسين ياما وزعت بلاوي


ياخي عاوز رقيص اقفل الباب وامسك الطبله في غرفة النوم ورقص عروسك ذي ماعاوز

صااااااااااح يا المسافر

يا اخوانا شوفوا ختة ايد المسافر والحيره الفيها الزول دهـ اظنها من اليوم داك

[نزار حسن محمد]

سلمت يداك ..ياكوجاك

[ابوخالد]

هههههههههه لكن شريطك عينة يا المسافر ...

انت متاكد ده شريط قطع رحط :confused::confused::confused:

ماشريط شئ تانى ..........:eek::eek::eek::eek:

[هيثم ادروب]

ياخي عاوز رقيص اقفل الباب وامسك الطبله في غرفة النوم ورقص عروسك ذي ماعاوز

صااااااااااح يا المسافر



اولاً لك التحية اخي مفيد ..

ثانياً عادات رقيص العروس دي بقت شبه منعدمة ..

ولو موجودة بقي فيها حرص شديد ..

وبقي في وعي حقيقي من الناس والتعليم كان ليه اثر كبير في الحاجات الزي دي ..

ياخ انا اجزم في كتير من الشباب ماشافو الحاجات دي ..

لكم التحية جميعاً ..


همسة للمسافر ..

اوع ترسل الشريط لعصمت ..

[حاتم مرزوق]

الأخ المسافر

لك تحياتي

الموضوع خطير جدا

ورقص العروس من العادات السيئة والضارة اذ لا يعقل في مجتمع مسلم ان ترقص العروس علي الملأ وبهذا اللبس الفاضح وكيف يوافق العريس علي ان يبدأ حياته الزوجية بهذه المسخرة وهذا العصيان الا يحب ان يبارك الله له في زوجه وفي ولده؟

هذه العادات يجب محاربتها.

اقول قولي هذا واستغفر الله لي ولكم.

[أزاهير]

هنالك عادات كتييييرة عندنا أصبحت بلا معنى ولا هدف وحتى بلا فهم فلكوري ، زي مثلاً ‏الرحض ورقيص العروس والشبال والبشير ( البِشّير ) تجنباً لأي هوا !!!!!!! ‏

ندخل في الموضوع أحسن !!!!!! بصراحة كده شفت شريط فيديو لرقيص عروس حديثاً ، بحجة ما ‏يسمى بقطع الرحض قاتله الله ، وشفت العمر عيني ما شافتو ، عروس بترقص شبه عارية وزي ‏اللابسة (بدلة الرقاصات ) وإن مجموع الحاجات اللابساها كله يساوي (10) سم فقط ، ‏وبإختصار كده قطعة قماش باللون الأحمر الصاخب صغيرة جداً مغطية بيها (15%) من الصدر ‏‏، وده إذا كانت النوايا كويسة وقلنا فعلاً ما شفانا حاجة في ال (15%) دي ، وكذلك جزء صغير ‏أيضاً باللون الأحمر ( دم غزال ) للمنطقة الوسط وبعد ده ( مكشكش ) . . . والباقي تمو خيال ‏وبذات اللون !!!!!!!!‏

ده كوم ورقيص الإثارة كوم كبير تاني ، مرات بتخيل لي أنا قاعد في ( كبريه ) وممكن ( اللطة) ‏تجي حايمة في أي وقت !!!!!! . . . والحاجة المقززة جد جد الأغاني التي كانت ترقص عليها ‏العروس . . هي قد تكون أغاني حماسية بس لحماسة شيء آخر (إيماءات جنسية وشحن عاطفي ‏‏) ليس إلا .‏

وبهذا الوصف الذي إتواضعت فيه وأخفيت الكثير المثير تجنباً لحذف الموضوع من الإدارة ‏المتربصة ، كانت العروس ترقص أمام ما يقارب (300) شخص وشخصة ومن ضمنهم ما يدعي ‏‏( زوجها ) !!!!!! إذا قلنا بأن العروس رضت لنفسها أن ترقص عارية قدام الناس على حسب ‏إنهن كده كده يعني . . . فماذا ينقص هذا الرجل . . . . آآآآآآآآآآآآي كلامكم صاح ( الرجولة ) ‏وتحولت الرجولة من خبر ( كان ) إلى خبر ( مات ) .‏

وفعلياً وعقلياً بأن هذه العادات بدلاً من أن تكون فلكور وتراث نفتخر به أصبحنا نخجل أن ‏عرضه للآخرين ، وحولناهو بقدرة قادر إلى مسخرة ومزبلة أخلاقية تافهة ورخيصة .‏

قالوا ( الشمارات أصلو ما بخليها... القوالات والسواطة الفيها... فتشوا الطيبين جابوا لينا ‏فضيحة... قالوا ده الإعلام نجهونا نجيهة... ) .‏

الغريبه أنو قبل أيام كنا بنقاش في موضوع رقيص العروس ده وبرضو بعد مشاهدتنا لرقيص عروس والعروس الشاهدنا رقيصها مش جامعيه وبس دي أعلاميه وزوجها برضو زول ذو وظيفه مرموقه في المجتمع وكمان أديب
شاهدنا الرقيص المصور بالفيدو واللي وصلنا عن طريق الموبايل نحن ثلاثه بنات والغريبه أنو أنتقادنا كان مختلف من ثلاثه جهات
أبدا بنظرتني أنا جد كنت مندهشه أنو كيف الزوله دي تكون عروس وما يكون عندها ذرة حياء ؟ فواحده بترقص بهذه المياعه وقدام الناس دي كلها ما خجلانه :eek:جد الحكايه دي حيرتني شديد وانا أشاهد صديقاتي في يوم الزفاف لو مره كبيره ساي جات باركت وزغردة ليها تجي تموت من الخجل!!!!!!!!
رأي البت التانيه قالت أنا مستغربه علي الكيشه الواقف جنبها( زوجها ) كيف يسمح لزوجته ترقص بالطريقه دي وقدام الناس دي كلها وكمان بوثق الحدث بالفيديو :mad:
البت الثالثه وهي أصغرنا سننا طالبة ثانوي قالت كيف العروس ترضي ترقص والناس تتفرج عليها كدي زي القرد؟ وليه هي زوله مشهوره ترضي زواجه يكون زي زواج حبوباتنا ولا فيه من الدنيا ولا الدين؟؟:mad:
اراء مختلفه لكن كلها غير موافقه لذلك العرض ، ربنا يهدي الجميع .

[عمرسنهوري]

المسافر الثائر

هبشت موضوع مهم
وحقيقه كل ما الدنيا اتقدمت نحن ماشين في تخلف

ودونكم رقيص المزيعه (جديه ) في زواجها من المعز عمر بخيت
انا شفتا منو جزء بسييييييييييط لكن ختير

تخريمه
عصمت
لوعندك شريط جديه رسلو لي عليك الله

ما تفهمني غلط نفس فهمك الفوق
عشان لما اناقش زول اوريهو بالصوره

عصمت انا متأكد عندك يا ثقيل

[الملكة اسماء ( ام محمد )]

تااااااااااااني رقيص العروس وقطع الرحط ؟:confused::confused::(:(:(


موضوع الكلام فيه ح يتعاد ويتزاد .. وعشت وناديت حيآ ولاحياة لمن انادي


طرفي القضية رجل وامراءة
والاول رجل ... اسم بس
والمؤثر ... امراءة ..عايزة تظهر (وناسية ربها اول الناظرين )



يااااخ دا موضوع عايز ليه مسك اعصاب :mad::mad::mad:
خلوني امسك اعصابي واجيكم برواقة

[esmat]

عصمت انا متأكد عندك يا ثقيل

والله ياسنهوري ما بعرف اكذب عندي
ومش كدا وبس الشريط متداول بي طريقة عجيبة
جداً واظن ذلك لشهرة السيد/ العريس والعروس
غايتو انت اصبر لي بس

همسة: انا ابيت اقتبس الاسامي يا اريت تمسحها

[esmat]

اغرب حاجة في الموضوع دا كلووووو
البنات بستنكرن الحتة دي وبعدين اقيفن الف
الا ترقص في الحالة دي الفهم شنو يعني

[الملكة اسماء ( ام محمد )]

اغرب حاجة في الموضوع دا كلووووو
البنات بستنكرن الحتة دي وبعدين اقيفن الف
الا ترقص في الحالة دي الفهم شنو يعني

اصابع يدك ما وحدة
وزي مافي بنات بستنكروا الموضوع دا وبعدين بصروا عليه
في رجال بستنكروه بشدة وبحلفوا مايرضوا بيه
وبعدين برضخوا تحت تاثيرات العروس واهلها

قصة الاطراف فيها ياتتفق ياتختلف وللاسف في الحالتين الله يهديهم اجمعين

[العاقب مصباح]

والله يا جماعة عمرى ما شفت لى حاجة زى دى

حضرت اعراس كتيرة جدا فى الجزيرة

يعنى بكون عارف التفاصيل

ومافى شئ من دا كتير ولله الحمد والمنة

ربنا يحفظنا

ويحفظ اهلنا

ويا عصمت تعال لى دايرك فى الايميل وليس من رأى كمن سمع

تحياتى يا مسافر

[ام قبس]

اخوي المسافر اثرت موضوع مهم
بس انا شايفه مافيه اي شيء
لو العروس رقصت
الجماعة مكبرين الموضوع شدددددديييييييييييييييد جدا جدا
دي عادات وتقاليد ومافيه اي ضرر
مع اعتراضي فقط علي التعري والحركات القبيحة
الهي اساسا في كل شيء غير جميله مش في الرقيص بس
وممكن نناقش تداول الشرايط بتاعة الرقيص دا
الهي في الاساس حاجات شخصيه
فلو كل واحد صلح من نفسه ومنعها من مشاهدة اشياء الغير بنكون عالجنا جزء اكبر من الموضوع
بس للاسف انا متاكدة ميه في الميه الواحد مايمر عليه شريط رقيص عروس الا يخلي القدامه والوراه
وانا منتظراكم للردود

[عثمان جلالة]

فعلاً يا المسافر عادات وتقاليد .. فيها الكثير من الممارسات السيئة .. لكن يا المسافر أخوي الكلام ده كان زمان في زمنا ده مااافي ... وهي أصلا عادات مجتمعات بسيطة .. لو طلعت حاليا بتكون دي موضه والموضوع كلو عباره عن "فشخره بس" عشان كده بكون كلو وراد.

تحيااااااااااتي يا مسافر

[انوريكا]

إستغفر ..... إستغفر

[عمرسنهوري]

يا عصمت تعال لى دايرك فى الايميل وليس من رأى كمن سمع

تحياتى يا مسافر




غايتو جنس غايتو

بس من ما قرأ عصمت قال شريط ناس هنايا عندو
طوااااااااااااالي قال ليهو عاوزك في الايميل

خليك شجاع قول ليهو يا عصمت رسل لي الشريط عديييييييييييييل

مافي داعي للف والدوران :d

[غلباوى]

هنالك عادات كتييييرة عندنا أصبحت بلا معنى ولا هدف وحتى بلا فهم فلكوري ، زي مثلاً ‏الرحض ورقيص العروس والشبال والبشير ( البِشّير ) تجنباً لأي هوا !!!!!!! ‏

ندخل في الموضوع أحسن !!!!!! بصراحة كده شفت شريط فيديو لرقيص عروس حديثاً ، بحجة ما ‏يسمى بقطع الرحض قاتله الله ، وشفت العمر عيني ما شافتو ، عروس بترقص شبه عارية وزي ‏اللابسة (بدلة الرقاصات ) وإن مجموع الحاجات اللابساها كله يساوي (10) سم فقط ، ‏وبإختصار كده قطعة قماش باللون الأحمر الصاخب صغيرة جداً مغطية بيها (15%) من الصدر ‏‏، وده إذا كانت النوايا كويسة وقلنا فعلاً ما شفانا حاجة في ال (15%) دي ، وكذلك جزء صغير ‏أيضاً باللون الأحمر ( دم غزال ) للمنطقة الوسط وبعد ده ( مكشكش ) . . . والباقي تمو خيال ‏وبذات اللون !!!!!!!!‏

ده كوم ورقيص الإثارة كوم كبير تاني ، مرات بتخيل لي أنا قاعد في ( كبريه ) وممكن ( اللطة) ‏تجي حايمة في أي وقت !!!!!! . . . والحاجة المقززة جد جد الأغاني التي كانت ترقص عليها ‏العروس . . هي قد تكون أغاني حماسية بس لحماسة شيء آخر (إيماءات جنسية وشحن عاطفي ‏‏) ليس إلا .‏

وبهذا الوصف الذي إتواضعت فيه وأخفيت الكثير المثير تجنباً لحذف الموضوع من الإدارة ‏المتربصة ، كانت العروس ترقص أمام ما يقارب (300) شخص وشخصة ومن ضمنهم ما يدعي ‏‏( زوجها ) !!!!!! إذا قلنا بأن العروس رضت لنفسها أن ترقص عارية قدام الناس على حسب ‏إنهن كده كده يعني . . . فماذا ينقص هذا الرجل . . . . آآآآآآآآآآآآي كلامكم صاح ( الرجولة ) ‏وتحولت الرجولة من خبر ( كان ) إلى خبر ( مات ) .‏

وفعلياً وعقلياً بأن هذه العادات بدلاً من أن تكون فلكور وتراث نفتخر به أصبحنا نخجل أن ‏عرضه للآخرين ، وحولناهو بقدرة قادر إلى مسخرة ومزبلة أخلاقية تافهة ورخيصة .‏

قالوا ( الشمارات أصلو ما بخليها... القوالات والسواطة الفيها... فتشوا الطيبين جابوا لينا ‏فضيحة... قالوا ده الإعلام نجهونا نجيهة... ) .‏


الاخ المسافر اعطر التحايا
والله قصه رقيص العروس دي قصه كدي واحد يوريني الحكمه فيها شنو ؟ واصلا بدت كيف لانه في الاصل ما كان في لا رقيص عروسة ولا عريس واصلا ما كان بشوفو بعض!!!
بعدين اسمحو لي قطع الرحط سمعته بيه كتير لكن ما عندي خلفيه تذكر!!! ويقال انها خيوط مربوطه في خصر العروس و بيقطعها العريس برضو يعني شنو؟ بترمز لشنو؟
والعلاقه بين رقصة العروس وقطع الرحط شنو؟ والله باين انا تايه شويه لا اكتير!!!!

[ام قبس]

اضافة صغيرة ملحقة بي ردي الفوق دا طبعا عشان ماتتلخبط الكيمان
اعتراض اساسي علي وجود رجال في رقيص العروس
واعتقد العروس الزوجها مابعترض ليها علي الحته دي
مفروض تعيد النظر في السيد العريس نفسه
اما الظاهرة في حد زاتها كرقيص عروس المتعارف عليه مافيه شيء
حاجات من عاداتنا وتقاليدنا الجميله
والدخيل عليها التصوير الخفي من النفوس الضعيفة بالموبايل او تداول الشريط بين الرجال بالذات في بلاد الغربه
ولا اعتقد ان في اسرة بتوزع شريط رقيص بتها بي نفسها
مع وجود كثير من الاسر المعروفة باحترامها رقصوا بناتهم في رقيص العروس
يبقي الخلل في النفس الانسانيه البتسمح لي نفسها تتداول اشياء الغير
فيا اخوانا خلونا واقعيين ياتوا العادي وياتوا الدخيل وشاذ علي مجتمعاتنا رقيص العروس (( العادي المتعارف عليه )) ولا لمه المغتربين في شريط رقيص عروس مابخصهم ومستحيل يكون حق واحد منهم

[مايسة]

كأمراة - اري ان رقيص العروس ما هو الا ضرب من ضروب الهبل - وجعل المرأة فرجة وعرضة للنظرات المابترحم -

اذا كان نسائي فقط او مختلط
ففي الحالتين العروس عرضة للنظرات والشهوات والاثارة -

ادوني فائدة واحدة من رقيص العروس -

ليس لانها نوع من تقاليدنا وعاداتنا - علينا ان نتقبلها ونرضي بها كشئ مسلم به

[عوض الكريم الخواض]

عروس بترقص شبه عارية وزي ‏اللابسة (بدلة الرقاصات ) وإن مجموع الحاجات اللابساها كله يساوي (10) سم فقط ، ‏وبإختصار كده قطعة قماش باللون الأحمر الصاخب صغيرة جداً مغطية بيها (15%) من الصدر ‏‏، وده إذا كانت النوايا كويسة وقلنا فعلاً ما شفانا حاجة في ال (15%) دي ، وكذلك جزء صغير ‏أيضاً باللون الأحمر ( دم غزال ) للمنطقة الوسط وبعد ده ( مكشكش ) . . . والباقي تمو خيال ‏وبذات اللون !!!!!!!!‏


.‏[/color][/color]


والباطل الأسمو ( راجلا ) قاعد مبسووووووووووووووووط ...
انت متأكد راجلا ( راجل ) ولا فصيلة تانية .:eek::eek:

[esmat]

غايتو جنس غايتو
بس من ما قرأ عصمت قال شريط ناس هنايا عندو
طوااااااااااااالي قال ليهو عاوزك في الايميل
خليك شجاع قول ليهو يا عصمت رسل لي الشريط عديييييييييييييل
مافي داعي للف والدوران :d


ياسنهوري والله ما بلقى عندي الشريط دا زمان
في السودان وانا هنا لي سنتين اسي يعني الموضوع
قديم لكن موجود في البلد دي لاني سمعت بيهو قريب ما بعيد


والدخيل عليها التصوير الخفي من النفوس الضعيفة بالموبايل او تداول الشريط بين الرجال بالذات في بلاد الغربه
ولا اعتقد ان في اسرة بتوزع شريط رقيص بتها بي نفسها



تداول الشريط بين الرجال في بلاد الغربة
اولاً حاجة تداول الشرايط بكون كالأتي يعني مثلاً
واحد ازوج عندو اخو موجود في الغربة فبرسل ليهو
الشريط وعادة الشريط بكون في نهايتو ما يسمى بالرقيص
فالبعض يحضر والبعض لا
وفي الاشياء الشاذة مثلاً زي الشريط الاتكلم عنه سنهوري
وذكرت انها شاذة لشهرة العريس والعروس
وبما انها من العادات وبما اننا ان شاء الله جايين عرسان
إذا ربنا كتب فبنشوف السلبي والايجابي في الموضوع
عشان نجنب بعدين ان شاء الله (وممكن وجهة نظرك تكون
النفوس ضعيفة ووجهات النظر تختلف)
والله انا بقول ليك في الكلام دا ما حصل حضرت
رقيص عروس حي كدا غير الشريط الذكرتو دا
(لكن كان لقيت بحضر )

[ام قبس]

ياميسو هسع امانه في زمتك ماحصل اتعزمتي رقيص عروس
ماكل شيء لازم يكون له تبرير مادي في اشياء ليها دلالات زي العروس هي ملفته الانظار وذي الملكة في اليوم دا
بعدين لو سالنا نفسنا سوال لمان نكون في حفله والفنان بيغني جربت تقفل صوت الفنان وتشوف روحك من غير انغام
اكيد حتشوف روحك هبيل هباله شديدة
اها هنا السوال فايدة الحركات دي شنوا
ماهي بس تعبير عن مشاركة العريس او العروس فرحتهم
ولا دي كمان ماشفتوها وماعملتوها
عشان ارجع ليكم الا انا الشغله كلها تعابير كل علي طريقته
بالمناسبه ياعصمت دا كان زمان
يرسول ليك شريط وقبل ماتشوف فيه شنو تجيب اصحابك وتقعدهم
لمان النفوس كانت صافيه والطيبه بتدفق من كل شارع
لو رجعت لي صور حبوباتنا ويمكن اماتنا وشفت فساتينهم بتاعة العرس
بتفهم قاصدة شنو

[مايسة]

لو قلته ليك ما راح تصدقي

ما بتزكر اني مشيت رقيص عروس

اظن لمن كنت صغيرة ولا بتذكر حتي -

اصلا انا ما مقتنعة بالرقيص نفسو - (رقيص العروس) -

يعني فيها شنو - لو العروس اتجرتكت وقعدت هي وزوجها - في العنقريب واتجرتكو - والموضوع خلص على كده

ليه رقيص عروس - وصبحية - وكلام عجيييييييييب وغريب

- نحنا السودانيين عندنا كمية من التقاليد - وجب علينا ان نعيد فيها النظر - ونحاول نغيرها

[ام قبس]

يعني فيها شنو - لو العروس اتجرتكت وقعدت هي وزوجها - في العنقريب واتجرتكو - والموضوع خلص على كده
جبتي التايه ياميسو
يعني شنو جرتك وقعدة عنقريب ورش لبن
ليه نعملها ولي منو وبنرضي منو
وبتعني شنو

- نحنا السودانيين عندنا كمية من التقاليد - وجب علينا ان نعيد فيها النظر - ونحاول نغيرها [/quote][/color][/size]

انا باعتقد اذا كانت بترضي العروس او حتي العريس او ذي الجرتق بيرضي الحبوبات
((من غير اي ضرر )) لاي حد مافيه اي شي
وذي الجرتق ذي رقيص الحفله

[الملكة اسماء ( ام محمد )]

جيتك ياخالد .. اولا اتمنى تاني ما تحضر الحاجات البطمم بطنك من العرس دي ( عايزين نفرح بيك :))



يلا نجي للكلام الكتير البتقولوا فيه دا
بعيدا عن كل الاشياء المطروحة والمتاحة في مجتمعنا العربي والاسلامي عامة والسوداني خاصة
من عادات وتقاليد قد تكون مخلة جدا ومنافية لما طالب به ديننا الحنيف لحفظ النفس وصون العرض


قال تعالى (( قل للمؤمنين يغضوا من ابصارهم ويحفظوا فروجهم ذلك ازكى لكم ، وقل للمؤمنات يغضضن من ابصارهن ويحفظن فروجهن و لا يبدين زينتهن الا ما ظهر منها ، وليضربن بخمرهن على جيوبهن )) سورة النور


لو توقفنا قليلا في هذه الايات لعرفنا معنى العرض وصونه


على اي اساس يختار الرجل زوجته او شريكة مستقبله !!! على اسس كثيرة ولكن اهمها
وصية الرسول صلى الله عليه وسلم حينما قال للشباب:
(فأظفر بذات الدين تربت يداك)


المتامل لما يحدث في مجتمعنا عموما يصاب بالدهشة والحيرة .. فالجميع ابتعد عن كلام الله وسنة نبيه

المفرووووووض ان الشاب في اختيار زوجته يبدا بالجانب الاهم ( الدين والاخلاق ) , ولكن مانراه اليوم مختلف جدا .. والجمال هو اول شروط الاختيار

وكمان المفروض ان الشاب يختار ( ام ابنائه ) ولا يختصر اختياره على امراءة ( يقشر بيها قدام اصحابه )
لماذا ؟
لان السيدة العروس بعد ان ينفض الجميع من حولها وتصبح هي ربانة سفينتها مع من تزوجته .. تبدا رحلة اخرى قائمة على اسس اكبر من مجرد فستان او رقصة ماجنة او حنة قيمتها تعادل المبلغ الفلانى , وبعد ايام هي ام ( والام مدرسة ) تخيل بس ( مدرسة تعلم المجون وقائمة على البهرجة من اولها



ونعلم انه ( وراء كل رجل عظيم امرأة )

اصبحنا نرى وراء كل رجل متمسكن ( امراءة تفرض سلطتها من اول يوم )

من متى ونحن نطيع المراءة .. بالله الطاعة القبل الزواج دي حقه نقوم نراجعها شوية
لانه وببساطة تاتي الرياح بما لاتشتهي السفن بعد اول موجة عاتية

منو الراجل المابخاف على عرضه ويغلبه يقول ليها من اول لحظة ( رقيص قدام خلق الله ممنوع ؟)
الرجال عندهم حاجة اسمها( حنك ) دا بكون سنين وفعال جدا في حاجات كتيرة جدا , ليه ما توظف حنكك دا في اقناع عروستك انها ماترقص (عشان خااااايف عليها من العين وما بتحب زول يشوفها غيرك ؟) , هسي انا خطيبي يقول لي الكلمتين ديل ما بسيب حفلة الزفاف زاتها ؟!!!




وشنو يعني وحدة بتممايل قدام عيون خلق الله لو هي نست قوله تعالى ( وقرن في بيوتكن ولا تبرجن تبرج الجاهلية الاولى )) فهل ياترى الراجل نسى حاجة اسمها ( رجولة ) وووين رجولة راجل بسمح لمليون عين تشوف عرضه ؟
وصدق الله عز وجل:
( ومن أعرض عن ذكري فإن له معيشة ضنكا، ونحشره يوم القيامة أعمى، قال ربي لم حشرتني أعمى وقد كنت بصيرا، قال كذلك أتتك آياتنا فنسيتها وكذلك اليوم تنسى )

<!-- End post body--><!-- Start post files-->

الناس البتقول ان العادة دي من زمن حبوباتنا .. سؤال .. زمن حبوباتكم كان في موبايل ابوكاميرا ؟ كان في كاميرات فيديو؟؟ كان في نفوس ( قذرة ) تتداول عرضك في الاسواق ؟؟ كان في بنت بترضى حد يشوفوها لابسة قصير او فاضح غير اهلها ومحارمها ؟؟.. كان في نسبة طلاق زي النسبة الحالية والمعظم اسبابها ( انقلاب موازين ) .. الببداء بالغلط بنتهي بنفس الصورة ..


التقليد الاعمى لبعض العادات الاصيلة دون فهم المغزى الاصلي منها جعلها ( لابتشبهنا لا بتشبه ديننا وعاداتنا اصلا )..

للاسف الشديد بقى رقيص العروس واجب ولازم رغم الكوارث التي حدثت بسببه .. ( وبت فلانة ابت ترقص )... ( يختي هي زااااااتها ما بتشبه الرقيص ) ..... كلام يجعل من المابترقص ( ماعندها مقومات ) وبالله ماعايزين تعملوا ( مسابقة الجمال في السودان )!!!!!!!!

قصص

المصيبة انك حتى لو حاولت تعملها حفلة ( مقفلة ) ومحكمة الاغلاق كمان..... من ووووين تضمن ان ( وحدة ) معدومة الضمير والانسانية ما تصور عرضك ويبقى ( بلوتوث رووووووعة )..


الموضوع ما محتاج نقاش طويل
من ناحية حرام .. فهم حراااااااااام شرعا ( وماعايز نقاش )
من ناحية ( انتقاص للرجولة) ..فهو فعلا ( تدمير لاحساس الرجولة اصلا ( بس تخيل الدمار النفسي البحصل لما يجيك ايميل فيه صورة اختك او زوجتك وهي بترقص !!!!!

قبل ما نحاول نقوم المجتمع ( نقوم انفسنا ) واكيد دحرالعادات دي اسهل من دحر ( الملاريا) بس محتاج حبة صبر ووعي تااااااام بجميع مناحي القضية



قلت ليكم دي مواضيع بترفع ضغطي وانا زولة كبرت على الانفعالات دي :mad::mad::mad:

بجيكم تاني :)

[moh_alnour]

الحبيب خالد المسافر
أرجو قبول هذا الرابط من أجل تكامل الطرح و من أجل الفائدة العامة
و هو بوست سابق لعمنا صالح أبو شوارب عن ذات الطرح
http://www.wadmadani.com/vb/showthread.php?t=8393

[نبض السكون]

يا شباب الشيء البعرفوا أنا العروس دائماً بتأخذ رأي العريس أرقص ولا كيف؟
يعني الدركسون مع العريس .. عموما أنا عن نفسي سألتني زوجتي قبل الزاوج بفترة أها أنت عايزني أرقص ؟ طبعاً قلت ليها لا وألف لا !! بالله عليكم رقص العروس ما مسخرة ؟ كلام فاضي وما ليهو أي لازمة ... طبعاً في ناس الله يهديهم أهم حاجة عندهم يشوفوا رقص العروس !!! عالم عجيبة

وكمان بقوا يتفننوا فلانة رقصت بي رداء والتانية رقصت بي بنطلون بالله ده كلام ده ..

إذا كان أصلاً في رقيص أولى بيهو العريس المسكين ده الدافع دم قلبو ويكون حصري فقط عليهو يعني هو والقون بدون جمهور وحكام ...

محن عجيبة يالمسافر !!

[المسافر]

همستك دي يا المسافر بتقول انك مذاكر كويس
فأنت اساساً ما رافض الفكرة لكن رافضها بي فهم
معين يعني مثلاً اللبس - الموجودين في الرقيص
التصوير - هكذا يعني ممكن تعتبروا حق من حقوقها
لكن في حدود تضعها انت - (وش استقل الهمسة)




[color="red"]والله يا إسمت يأ أخوي ناس الدين بقولوا بأن العادات
قد تكون من التشريعات ، فأنا ما عندي مانع بس تكون
بكل أدب ولابسة ( عباية ) هههههههههه وقدام أمها
وأخواتها وخالاتها وعماتها بس

[المسافر]

المسافر

انت الوداك تشوف الذي دى شنو؟؟؟

ياخي الرقيص حاجه بس حكاية شريط ويتوزع دي قمة الفجور ومنو القال ليهم انه ناس قطع الرحط زمان كان بلبسوا جنس المسخره دي منو؟
يا اخوانا حتى لوحرصتوا انه مافي كاميرا تدخل في كاميرات جوالات بيحملها ضعاف نفوس من الجنسين ياما وزعت بلاوي

ياخي عاوز رقيص اقفل الباب وامسك الطبله في غرفة النوم ورقص عروسك ذي ماعاوز
صااااااااااح يا المسافر
يا اخوانا شوفوا ختة ايد المسافر والحيره الفيها الزول دهـ اظنها من اليوم داك




كلامك صاح يا مفيد يا أخوي خليها ترقص ليك
في غرفة النوم لو عايز رقيص ، لكن زي ده
معناها عشان الجميع يتفرج في زوجتو !!!!

والله لغاية هسي محتار

[المسافر]

سلمت يداك ..ياكوجاك



الله يسلمك
أها أرسل ليك الشريط !!!!

[المسافر]

هههههههههه لكن شريطك عينة يا المسافر ...

انت متاكد ده شريط قطع رحط :confused::confused::confused:

ماشريط شئ تانى ..........:eek::eek::eek::eek:




في الأول ده بس الشفتو يا أبوخالد
لكن ما عارف الباقي حصل فيهو شنو؟

[الملكة اسماء ( ام محمد )]

الله يسلمك

أها أرسل ليك الشريط !!!!


خالد انا عندي سؤال حاااااااااااااار

انت حضرت الشريط ليه ؟؟؟؟؟

[المسافر]

اولاً لك التحية اخي مفيد ..

ثانياً عادات رقيص العروس دي بقت شبه منعدمة ..

ولو موجودة بقي فيها حرص شديد ..

وبقي في وعي حقيقي من الناس والتعليم كان ليه اثر كبير في الحاجات الزي دي ..

ياخ انا اجزم في كتير من الشباب ماشافو الحاجات دي ..

لكم التحية جميعاً ..


همسة للمسافر ..

اوع ترسل الشريط لعصمت ..



زي ما قال الكثيرين بأن القصة لا تتعدى فشخرة من
أسر معينة وهي غالبة ما تكون بها إحلال بمعنى الكلمة .


الظاهر عليك خايف على عصمت !!!!!!

[المسافر]

الأخ المسافر

لك تحياتي

الموضوع خطير جدا

ورقص العروس من العادات السيئة والضارة اذ لا يعقل في مجتمع مسلم ان ترقص العروس علي الملأ وبهذا اللبس الفاضح وكيف يوافق العريس علي ان يبدأ حياته الزوجية بهذه المسخرة وهذا العصيان الا يحب ان يبارك الله له في زوجه وفي ولده؟

هذه العادات يجب محاربتها.

اقول قولي هذا واستغفر الله لي ولكم.




تحياتي أخي حاتم

بكل تأكيد هي من العادات التي لا نفع منها كأشياء
وعادات كثيرة بلا معنى ويجب السعي لتركها ونسيانها
للأبد .

ودمت

[المسافر]

الغريبه أنو قبل أيام كنا بنقاش في موضوع رقيص العروس ده وبرضو بعد مشاهدتنا لرقيص عروس والعروس الشاهدنا رقيصها مش جامعيه وبس دي أعلاميه وزوجها برضو زول ذو وظيفه مرموقه في المجتمع وكمان أديب
شاهدنا الرقيص المصور بالفيدو واللي وصلنا عن طريق الموبايل نحن ثلاثه بنات والغريبه أنو أنتقادنا كان مختلف من ثلاثه جهات
أبدا بنظرتني أنا جد كنت مندهشه أنو كيف الزوله دي تكون عروس وما يكون عندها ذرة حياء ؟ فواحده بترقص بهذه المياعه وقدام الناس دي كلها ما خجلانه :eek:جد الحكايه دي حيرتني شديد وانا أشاهد صديقاتي في يوم الزفاف لو مره كبيره ساي جات باركت وزغردة ليها تجي تموت من الخجل!!!!!!!!
رأي البت التانيه قالت أنا مستغربه علي الكيشه الواقف جنبها( زوجها ) كيف يسمح لزوجته ترقص بالطريقه دي وقدام الناس دي كلها وكمان بوثق الحدث بالفيديو :mad:
البت الثالثه وهي أصغرنا سننا طالبة ثانوي قالت كيف العروس ترضي ترقص والناس تتفرج عليها كدي زي القرد؟ وليه هي زوله مشهوره ترضي زواجه يكون زي زواج حبوباتنا ولا فيه من الدنيا ولا الدين؟؟:mad:
اراء مختلفه لكن كلها غير موافقه لذلك العرض ، ربنا يهدي الجميع .



أختى أزاهير
وعلى ما أعتقد بإجماع الجميع بأن البنات
وبأعمار مختلفة فإن الأمر مرفوض تماماً
وبالتالي هي رفض لكثير لعادات قد تكون
بلا جدوى ويجب التخلى عنها .

نرجع لموضوع رقيص العروس ، فهل
توجد ضغوط ممكن تكون على أي فتاة
لتقف هذا الموقف ؟ والإجابة طبعاً لا
وهذا دليل على أن مهما إتخلفت الأعمار
فيرجع الأمر إلى لأخلاق البنت وتربيتها .

[المسافر]

المسافر الثائر

هبشت موضوع مهم
وحقيقه كل ما الدنيا اتقدمت نحن ماشين في تخلف

ودونكم رقيص المزيعه (جديه ) في زواجها من المعز عمر بخيت
انا شفتا منو جزء بسييييييييييط لكن ختير

تخريمه
عصمت
لوعندك شريط جديه رسلو لي عليك الله

ما تفهمني غلط نفس فهمك الفوق
عشان لما اناقش زول اوريهو بالصوره

عصمت انا متأكد عندك يا ثقيل



عزيزي عمر

كلام صاح نحن ماشين عكس إتجاه السير
وممكن نسميه ( المشي إلى الشتات ) !!!!

( جدية ) بقت ليها العرسة بالياباني والتاباني !!!!

الشريط أنا قاعد أقطع منو اللقطات الفاضحة عشان
ارسلو ل ( عصمت ) وحأرسل ليكم نسخة منه . . .
لأني خايف عليكم .

[المسافر]

تااااااااااااني رقيص العروس وقطع الرحط ؟:confused::confused::(:(:(


موضوع الكلام فيه ح يتعاد ويتزاد .. وعشت وناديت حيآ ولاحياة لمن انادي


طرفي القضية رجل وامراءة
والاول رجل ... اسم بس
والمؤثر ... امراءة ..عايزة تظهر (وناسية ربها اول الناظرين )



يااااخ دا موضوع عايز ليه مسك اعصاب :mad::mad::mad:
خلوني امسك اعصابي واجيكم برواقة




ملكة القلوب أختي
أمسكي أعصابك شوية ما كدا

وحلوة حكاية راجل ( إسم سااااااااي )

[نبض السكون]

يا شباب ربنا بيسألكم من الكلام البتكتبوه ده ... بس عايز أقول إنو جدية أو أي إمرأة سودانية يهمنا أمرها لأنو في النهاية حتة مننا ويا ريت الناس تتعامل بصدق النوايا ومن ستر مسلماً ستره الله يوم القيامة ... ودعو الخلق لخالقها .. دمتم

[المسافر]

اغرب حاجة في الموضوع دا كلووووو
البنات بستنكرن الحتة دي وبعدين اقيفن الف
الا ترقص في الحالة دي الفهم شنو يعني




ههههههههههههههههههههههه
ده كلام المنتدى ولكن كلام العرس غير
والمشكلة لما ترقص أو شيء بترقص
عادي وبعدين بتشيلها الهاشمية وتقوم تكشف
وتحت الشرى . . .

[بنت الرفاعي]

في حياتي حضرت رقص عروس مرتين , يعني في الأربع سنوات اللي مضت, الفرق بينهم الأول كان حصري جدا , وفي حوش بيت أهل العروس , يعني مافي طريقة لمتطفلين وكدة , أما الثاني أنسوا بس , صيوان كبييييييييير في الشارع , وكراسي كثيرة وفي نصف الصيوان في منصة , طبعا أنا لما جيت داخلة الصيوان إستغربت لييه ده كلو ؟ بس فكرت إنو هم كدة , نسيت أقول ليكم الصيوان نظام عاملين فيها شفتين مقفلنوا من جميع الجهات ,إلا الواحدة لما تجي داخلة يرفعوا ليها طرف الخيمة ( نظام مقفول ) المهم جات العروس ورقيص ما قلت ليكم , في تصوير لكن المصور بنت !! ( نظام الحرص وكدة ) المهم جاتني لفتة لخلف الناس إتخيلو بعد الحرص ده كلو أشوف لي شباب شماسة عملوا فيها أكثر شفتنة من أهل العروس بيحاولوا يتفرجوا بالفتحات الضيقة , وأولاد بقدرة قادر طالعين فوق الحديد:confused::eek: , كنت متمنية لو عندي سلطة أنهرهم , ولكن أنا ضيفة حأعمل شنو:( , والنسوان ماشاءالله كتااااار ؟ غايتو بخيرو وبشرو إنتهى الحمدلله على خير,
مع إني كنت مدهشة من رقص العروس وجمالو وجرأتها و مقدرتها على الرقص قدام الناس دي كلها ماشاءالله عليها , لكن حمدت ربي إنو ماعندنا كلام زي ده .
والرقيص غالبا بيكون من باب الفشخرة زي ماقالوا أخواني , لكن في الجزيرة ماحصل سمعت عروس رقصت , ده إلا في الخرطوم صراحة , وآخر التقليعات بعد ماكان رقيص العروس بيعملوهو في البيت وكدة بقى البعض بيأجروا ليهو صالة ودعوة , وقومة وقعدة زي العرس , وماتنسوا ماقبل العرس بشهر , تعليم الرقيص للعروس وجابوا الفنانة فلانة المشهورة بترقيص العروسات , طبعا بتكون بتعلم فيها قرابة الشهر , وأكيد الفنانة المشهورة دي عاوزة قروش تقيلة , ده غير يوم الرقص الأساسي , بتكون القروش حقتو مفصولة عن حقت التعليم , ده حيكون عبأ إضافي على أساسيات إقامة الزواج, وإسراف ماليهو داعي مهما كان الزوج مقتدر ومهما كانت ملايينو وملياراتو , لأنو إسراف وشكليات مالها داعي وخاصة في زمننا الحالي , بسبب المشاكل والفضايح اللي بتجي من وراء الكلام ده, ودينيا بيدخل في حيز الحرام لعدة أسباب , منها إنو اللبس للعروس زي ماقالوا بيكون فيهو الكثير من التعري , وفي زمننا ده بقت مشاكل الموبايلات بالكاميرا كثيرة , لكن الرقص والغناء بالدف ماحرام , إذا كان في نطاق نسوان وبنات , ومافيهو مايؤدي إلى الإثارة والفتنة , ده رأي الشرع والدين في حكم الرقص والغناء تعبيرا عن الفرح بالزواج , وبعد كدة شوفوا الماشي صح والماشي خطأ .



إنتو بتلوموا في المسافر لأنو شاف الشريط لييه؟؟
هو في الآخر شاب والشباب أي شريط أو فيديو بيقع في يدهم بيتفرجوا فيه , والشريط جاهو في مكانو ومامشى ليهو ولا مشى مخصوص لحضور رقص عروس:rolleyes:;)
والفائدة المهمة في إنو بالبوست ده حيكون نبه كثير من المقبلين على الزواج ( لأنو الفات فات ) لخطورة الأمر ده , علشان مايقعوا في الأخطاء ذاته , لأنو الزمن إختلف:)


غايتو الله يهون.:)

[عصام سعيد]

نسأل الله العافية ,, ولو كل واحد فينا يا جماعة الخير ,, إتبنى الموضوع ده وطبقه فقط على الجماعة المحيطين بيه ,, كان ممكن تكون هنالك نتيجة طيبة ,و ودى فرصة كويسة عشان نراجع مع بعض كل الممارسات الغير مناسبة والتي تتعارض مع تعاليم ديننا الحنيف و ونحاول نغير ,, والله ممكن وسوف تكون هنالك نتيجة ,, المهم نبدأ ,, ولا رايكم شنو ,,,, وسامحونا

[ود النمير]

اضافة صغيرة ملحقة بي ردي الفوق دا طبعا عشان ماتتلخبط الكيمان
اعتراض اساسي علي وجود رجال في رقيص العروس
واعتقد العروس الزوجها مابعترض ليها علي الحته دي
مفروض تعيد النظر في السيد العريس نفسه
اما الظاهرة في حد زاتها كرقيص عروس المتعارف عليه مافيه شيء
حاجات من عاداتنا وتقاليدنا الجميله
والدخيل عليها التصوير الخفي من النفوس الضعيفة بالموبايل او تداول الشريط بين الرجال بالذات في بلاد الغربه
ولا اعتقد ان في اسرة بتوزع شريط رقيص بتها بي نفسها
مع وجود كثير من الاسر المعروفة باحترامها رقصوا بناتهم في رقيص العروس
يبقي الخلل في النفس الانسانيه البتسمح لي نفسها تتداول اشياء الغير
فيا اخوانا خلونا واقعيين ياتوا العادي وياتوا الدخيل وشاذ علي مجتمعاتنا رقيص العروس (( العادي المتعارف عليه )) ولا لمه المغتربين في شريط رقيص عروس مابخصهم ومستحيل يكون حق واحد منهم



بسم الله الرحمن الرحيم

خلاس رميتيها كلها في المغتربين ؟! خليك موضوعيه واتكلمي في الموضوع من وجهة نظر عامه الحاجات دي جوه البلد بتتشاهد وعندها اقبال شديد من الشباب ، هل كل ما موجود في تقاليدنا وعادتنا يتوافق مع الدين ؟! في الماضي كان يتم رقيص العروس بنفس هذا السفور ولكن لحسن الحظ لم تكن هنالك ادوات توثيق ومشاهده فاليوم أصبح من السهوله جداً أن تجدي شاباً في التاسعه عشر من عمره متمدداً في سريره مستمتعاً برقيص عروس فلانه الجاره الخامسه منهم او زوجه فلان الفرتكاني الاعلامي ،بربكم هذا كلام ؟! الزواج أسره ونواه لمجتع صالح وليس نواه لتصدير الرقاصات!!

[ام قبس]

[/size][/center]

الاخ المسافر
سلام من الله عليك
في راي الشخصي تهذيب الذات اهم من رحط العروس
وذي ماذكر الاخ نبض السكون احسن نخلي الناس في حالها
واخذ عليكم ذكر جديه او غيرها
فجديه لو رقصت امام رجال او فعلت مافعلت فهذا شيء بينها وبين ربها
ولكن ان نتداول سيرتها بيننا فهذا هو دخول في حق العباد وغيبه ونميمة
فايهما في رايك اعظم ذكر المؤمنات ام رحط العروس
الذي وسبق ان ذكرت ان كان فيه شيء مخل بالدين فهو شيء يحاسب عليه رب العالمين\
ثانيا من اعطاك الحق حتي لو من باب المزاح ان تقص او تمنتج او توزع
ارجع لاقول لك دع الخلق للخالق
وانا معك في النقاش في اي قضيه او عادات بعيد عن ذكر الاسامي او اشخاص حتي لو كانوا مشهورين
ولك تحياتي علي اثارة الجزء المهم فقط من الموضوع

[ام قبس]

بسم الله الرحمن الرحيم

خلاس رميتيها كلها في المغتربين ؟! خليك موضوعيه واتكلمي في الموضوع من وجهة نظر عامه الحاجات دي جوه البلد بتتشاهد وعندها اقبال شديد من الشباب ، هل كل ما موجود في تقاليدنا وعادتنا يتوافق مع الدين ؟! في الماضي كان يتم رقيص العروس بنفس هذا السفور ولكن لحسن الحظ لم تكن هنالك ادوات توثيق ومشاهده فاليوم أصبح من السهوله جداً أن تجدي شاباً في التاسعه عشر من عمره متمدداً في سريره مستمتعاً برقيص عروس فلانه الجاره الخامسه منهم او زوجه فلان الفرتكاني الاعلامي ،بربكم هذا كلام ؟! الزواج أسره ونواه لمجتع صالح وليس نواه لتصدير الرقاصات!!

الاخ ود النميري
السلام عليكم
ابدا والله بس انا موضوعيه جدا لو عينك قرت كل الكتبته
انا ذكرت لمت الرجال بي صورة عامة ثم خصصت المغتربين
ودا شي مافي زول يقدر ينكرة
بالنسبه للمغتربين الروتين ممل ومعروف
والجوة البلد يمكن يكونوا بيمشوا لي الحاجات دي عديل بس طحن الحياه في السودان بيجبرهم علي الانشغال شوية
وانا اصلا ما ناقشت الموضوع من ناحيه التوافق مع الدين
وبالله عليك قول لي الشاب البيكون راقد في سريرة دا بيحضر في رقيص العروس عشان بيكون ماله
اها سؤال دغري احسن نربي داخله قيم نظيفة اولها ابتعادة عن شهوات النفس
وثانيها لاتجسسوا
وثالثها لايغتب بعضكم بعض
ولا فساد خارجي شكلي وعلاج لي رقيص العروس
وقبل انسي
توافق مع الدين مافي اوافقك علي الراي
اما حرام وحلال من حيث بين النساء وبعيد عن التعري والحركات القبيحة
وكتقليد قطع الرحط
فاقول هذا حرام وهذا حلال
ليس لي ان افتي
مشكور علي الرد

[عبدالله محمد العقاد]

اضافة صغيرة ملحقة بي ردي الفوق دا طبعا عشان ماتتلخبط الكيمان
اعتراض اساسي علي وجود رجال في رقيص العروس
واعتقد العروس الزوجها مابعترض ليها علي الحته دي
مفروض تعيد النظر في السيد العريس نفسه
اما الظاهرة في حد زاتها كرقيص عروس المتعارف عليه مافيه شيء
حاجات من عاداتنا وتقاليدنا الجميله
والدخيل عليها التصوير الخفي من النفوس الضعيفة بالموبايل او تداول الشريط بين الرجال بالذات في بلاد الغربه
ولا اعتقد ان في اسرة بتوزع شريط رقيص بتها بي نفسها
مع وجود كثير من الاسر المعروفة باحترامها رقصوا بناتهم في رقيص العروس
يبقي الخلل في النفس الانسانيه البتسمح لي نفسها تتداول اشياء الغير
فيا اخوانا خلونا واقعيين ياتوا العادي وياتوا الدخيل وشاذ علي مجتمعاتنا رقيص العروس (( العادي المتعارف عليه )) ولا لمه المغتربين في شريط رقيص عروس مابخصهم ومستحيل يكون حق واحد منهم


الغالية اختنا ام قبس
احييك على رائك و الذي يتطابق مع رائي تماما و انا متابع البوست من الاول و شايفك شهرتي سيفك على منتهكي الخصوصية الفردية ولكن زحمة العمل حجبتني عن المشاركة .
و اتفق معك شكلا و مضمونا فيما قلتيه و ترمي اليه
و لي بوست مشابه لهذا البوست قبل ستة أشهر في موقع النيلين و كنت ادافع عن بنت ظهرت في بلوتوث و سبحان الله وقفت وحيدا في هوج الرياح مدافع عن هذه المسكينة و الحمد لله انتصرت بالرغم من ان موقع النيلين ( معظمه كيزان )
مرفق الرابط و مختارات من ردودي على بعض الشباب

اسم البوست : قنبلة : دعوة إلى محاكمة فتاة

رد على احد الشباب :
واذا انت بتتكلم عن الثقاقة انا طرحت موضوع الخصوصية الفردية في البوست و المفروض الخصوصية الشخصية تكون جزء من الثقافة العامة للانسان
و الا انت اخوي تحاميد من الذين يتجسسون على الناس و ينكرون الخصوصية الفردية و يكون ده شي تاني


شاب آخر :

الرائع سلام

السلام عليكم و رحمة الله وبركاته

اخوي سلام والله انا طرحت الموضوع عليكم من زعلي لبث هذا البلوتوث ، و الله يا سلام لو شفت البت انت زاتك تبكي معاي .
واضح انها بت ناس ومن النوع الاول ما تشوفها غصبا عنك تلفت نظرك و تلصق في ذاكرتك و تتمنى لو الزمن يتقدم بها او يتأخر بيك ، حتى تعيش في نفس الفترة العمرية و تتمنى أن تقابلها ولو صدفة و تغنى صدفة اجمل صدفة أنا يوم لاقيتك ( الظاهر فعلا انا اتكسرت ولا ما كدة ) .
نرجع لموضوعنا شوف اخوي سلام انا لما طرحت البوست دة كان قصدي الناس تتناقش و تتحاور و تضع راي في الناس اللي بيسرقوا اللحظات الحلوة من بناتنا الرائعات و يبثوها على الملا والله انا باتمنى ان الحكومة تسن قوانين لمحاربة مثل هذه الجرائم و فعلا هي جريمة و يبدو لي في امريكا يسمونها جريمة انتهاك الخصوصية .
و الله ياخوي سلام انا حبيت اكون راي عام يكون في صالح اخواتنا و بناتنا اذا انتشرت مثلا هذه البلوتوثات
اخوي سلام انا لما قلت انك متسلط لانه جاءني احساس انك ضد الخصوصية الفردية و انك حكمت على البت انها غلطت .
و اذا كلمت خصوصية كلمة بتعتقد انها واردة مع العولمة نرجع للقران والسنة
و انا في راي ان الخصوصية تعادل عدم التجسس عل الاخرين
و في القران :
قال الله عزوجل : ( يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضًا أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ ) ( 488 ) .

و القصة عن سيدنا عمر بن الخطاب :

«إن عمر تسلق داراً ليجد رجلاً وامرأة وشراباً، فقال عمر: يا عدو الله أظننت أن الله تعالى يسترك وأنت على معصيته، فقال الرجل: يا أمير المؤمنين إن كنت عصيت الله واحدة فقد عصيته أنت ثلاثاً، فقد قال الله تعالى: {ولا تجسسوا} وقد تجسست وقال: {وآتوا البيوت من أبوابها} وقد تسورت الحائط وقال: {يا أيها الذين آمنوا لا تدخلوا بيوتاً غير بيوتكم حتى تستأنسوا وتسلموا على أهلها} وأنت ما سلمت، فقال عمر: فهل عندكم منه خير إن عفوت عنك، قال: نعم. فعفا عنه عمر وخرج وتركه.

بالرغم من ان القصة فيها قولان الا انها تعطينا مؤشرات إلا ان الناس في بيوتهم احرار طلما حريتهم لا تتجاوز بيتهم او شقتهم او المكان الذي يخصهم او خصوصيتهم و يمكن قصة البت دي وظروفها تتشابه مع ما ذكرت و لا ما كدة

و في انتظارك يا رائع


طبعا بعض المشاركات التي يمكن ان تويد وجهة نظرك اختي ام قبس

تحياتي

الرابط



.....

[المسافر]

والله يا جماعة عمرى ما شفت لى حاجة زى دى
حضرت اعراس كتيرة جدا فى الجزيرة
يعنى بكون عارف التفاصيل
ومافى شئ من دا كتير ولله الحمد والمنة
ربنا يحفظنا
ويحفظ اهلنا
ويا عصمت تعال لى دايرك فى الايميل وليس من رأى كمن سمع
تحياتى يا مسافر



الله لا وراك ليهو يا العاقب أخوي
بصراحة تحس بأن العريس
ده بقوم بعرض زوجته على الأخرين
لإبداء الرأي ما إستطاع إليه سبيلا

[المسافر]

اخوي المسافر اثرت موضوع مهم
بس انا شايفه مافيه اي شيء
لو العروس رقصت
الجماعة مكبرين الموضوع شدددددديييييييييييييييد جدا جدا
دي عادات وتقاليد ومافيه اي ضرر
مع اعتراضي فقط علي التعري والحركات القبيحة
الهي اساسا في كل شيء غير جميله مش في الرقيص بس
وممكن نناقش تداول الشرايط بتاعة الرقيص دا
الهي في الاساس حاجات شخصيه
فلو كل واحد صلح من نفسه ومنعها من مشاهدة اشياء الغير بنكون عالجنا جزء اكبر من الموضوع
بس للاسف انا متاكدة ميه في الميه الواحد مايمر عليه شريط رقيص عروس الا يخلي القدامه والوراه
وانا منتظراكم للردود



بكل تأكيد أختى أم قبس الإعتراض
أولاً في التعري ونوعية وكيفية
الرقص ومن ثم الإعتراض في
من هم الأشخاص الذين يمكن
أن ترقص أمامهم . . . فإن الأمر
به صعوبة بالغة وتعقيدات فمن
الأفضل عدم الرقص خالص ..

أما الإمتناع عن مشاهدة ما لدى الغير
فتأكدي بأن الأمر لو ما به شذوذ
عن القاعدة لما راه أحد ولكن
الأمر ملفت للنظر . . .

وما رأيته لست شريطاً متداولاً بين
الناس وإتعمدت رؤياه ، ولكن شريط
شخص لدي به علاقة وعرض في وجود
أسرة مغتربة بغرض مشاهدة زواج قريب
لهم وكان هذا الرقيص من ضمن مراسم
الزواج كلها ، وهذا ما لفت نظري في الأمر .

ولكِ الود

[المسافر]

فعلاً يا المسافر عادات وتقاليد .. فيها الكثير من الممارسات السيئة .. لكن يا المسافر أخوي الكلام ده كان زمان في زمنا ده مااافي ... وهي أصلا عادات مجتمعات بسيطة .. لو طلعت حاليا بتكون دي موضه والموضوع كلو عباره عن "فشخره بس" عشان كده بكون كلو وراد.

تحيااااااااااتي يا مسافر



كما قلت أخي عثمان هي لم تكن
بهذا الشكل وتحولت بسبب مظاهر
كذابة ليس إلا ، وحتى سابقاً نرى
بأن الأمر لا وجود شيء مستفاد من
ورائه حتى نصر على إبقائه إلى يومنا
هذا .

ودمت

تخريمة
رأيك ده قلتو وإنت في السودان ولا في السعودية ؟

[المسافر]

إستغفر ..... إستغفر



نسختها وبنفس الخط واللون كمان ههههههههههههه

إستغفرتك يا مالك روحي

[المسافر]

غايتو جنس غايتو

بس من ما قرأ عصمت قال شريط ناس هنايا عندو
طوااااااااااااالي قال ليهو عاوزك في الايميل

خليك شجاع قول ليهو يا عصمت رسل لي الشريط عديييييييييييييل

مافي داعي للف والدوران :d



كويس شنو اللفة الطويلة دي
مش أحسن يطلب مني أنا طوالي
ولا هو خائف من الفضائح . . .

[المسافر]

الاخ المسافر اعطر التحايا
والله قصه رقيص العروس دي قصه كدي واحد يوريني الحكمه فيها شنو ؟ واصلا بدت كيف لانه في الاصل ما كان في لا رقيص عروسة ولا عريس واصلا ما كان بشوفو بعض!!!
بعدين اسمحو لي قطع الرحط سمعته بيه كتير لكن ما عندي خلفيه تذكر!!! ويقال انها خيوط مربوطه في خصر العروس و بيقطعها العريس برضو يعني شنو؟ بترمز لشنو؟
والعلاقه بين رقصة العروس وقطع الرحط شنو؟ والله باين انا تايه شويه لا اكتير!!!!




عزيزي غلباوي
إنت برة الشبكة خالص ههههههههه

الرحض ممكن أن يقال عنها نوع
راقي من الشعوذة والدجل وتقدم
بشكل مختلف . . . وبمعنى آخر
( وهم تفاؤلات ) . . .
وبكل تأكيد هي بلا فائدة ولا معنى
سوء عائدة تم توارثها ككثير من العادات
السيئة التي عليها حالنا ولن نستطيع
أن نتخلى عنها بحاجة إنها عادة .

ودمت

[المسافر]

اضافة صغيرة ملحقة بي ردي الفوق دا طبعا عشان ماتتلخبط الكيمان
اعتراض اساسي علي وجود رجال في رقيص العروس
واعتقد العروس الزوجها مابعترض ليها علي الحته دي
مفروض تعيد النظر في السيد العريس نفسه
اما الظاهرة في حد زاتها كرقيص عروس المتعارف عليه مافيه شيء
حاجات من عاداتنا وتقاليدنا الجميله
والدخيل عليها التصوير الخفي من النفوس الضعيفة بالموبايل او تداول الشريط بين الرجال بالذات في بلاد الغربه
ولا اعتقد ان في اسرة بتوزع شريط رقيص بتها بي نفسها
مع وجود كثير من الاسر المعروفة باحترامها رقصوا بناتهم في رقيص العروس
يبقي الخلل في النفس الانسانيه البتسمح لي نفسها تتداول اشياء الغير
فيا اخوانا خلونا واقعيين ياتوا العادي وياتوا الدخيل وشاذ علي مجتمعاتنا رقيص العروس (( العادي المتعارف عليه )) ولا لمه المغتربين في شريط رقيص عروس مابخصهم ومستحيل يكون حق واحد منهم





إذا كانت الأسرة رضت لبنتها أن ترقص بهذا الأشكل
فتأكدي بأنها في ( بنبت سوء ) ، وكما قيل بأن الأمر
عبارة عن فشخرة وبالتالي فإن تداول الشريط
لن يكون مشكلة لدى هذه الأسرة ، وهذا بشكل عام .

وكما ذكرت لكِ سابقاًَ اسباب حضوري لهذا الشريط
فإن الأمر لولا به شيء غريب لما راه أحد ولم يلاحظ
عليه شيء .

وغض النظر من الفضائل بكل تأكيد ولكن ليس من المنطق
أن يتساهل الناس في تقديم وعرض المغريات بهذه الطريقة
ونرمى اللوم على يقع ناظره عليه .

[المسافر]

كأمراة - اري ان رقيص العروس ما هو الا ضرب من ضروب الهبل - وجعل المرأة فرجة وعرضة للنظرات المابترحم -
اذا كان نسائي فقط او مختلط
ففي الحالتين العروس عرضة للنظرات والشهوات والاثارة -
ادوني فائدة واحدة من رقيص العروس -
ليس لانها نوع من تقاليدنا وعاداتنا - علينا ان نتقبلها ونرضي بها كشئ مسلم به




لله درك
هنالك عادات كثيرة بلا معنى بل
مسئية للأخلاق والأعراف والأديان
إنتشرت سابقاً بسبب الجهل والأمية
ولكن الآن يجب إعادة النظر فيها جميعهاً

[المسافر]

والباطل الأسمو ( راجلا ) قاعد مبسووووووووووووووووط ...
انت متأكد راجلا ( راجل ) ولا فصيلة تانية .:eek::eek:





ههههههههههههههههههههه
أعصابك يا خييييييييييييييييي

غاتيو لابس جلابية وعمة ومركوب
علا كان راجل ولا ما راجل دي ما بعرفها

[المسافر]

ياسنهوري والله ما بلقى عندي الشريط دا زمان
في السودان وانا هنا لي سنتين اسي يعني الموضوع
قديم لكن موجود في البلد دي لاني سمعت بيهو قريب ما بعيد




تداول الشريط بين الرجال في بلاد الغربة
اولاً حاجة تداول الشرايط بكون كالأتي يعني مثلاً
واحد ازوج عندو اخو موجود في الغربة فبرسل ليهو
الشريط وعادة الشريط بكون في نهايتو ما يسمى بالرقيص
فالبعض يحضر والبعض لا
وفي الاشياء الشاذة مثلاً زي الشريط الاتكلم عنه سنهوري
وذكرت انها شاذة لشهرة العريس والعروس
وبما انها من العادات وبما اننا ان شاء الله جايين عرسان
إذا ربنا كتب فبنشوف السلبي والايجابي في الموضوع
عشان نجنب بعدين ان شاء الله (وممكن وجهة نظرك تكون
النفوس ضعيفة ووجهات النظر تختلف)
والله انا بقول ليك في الكلام دا ما حصل حضرت
رقيص عروس حي كدا غير الشريط الذكرتو دا
(لكن كان لقيت بحضر )




بالفعل جميع الأولاد لم يحضروا رقيص عروس
وحتى في شرائط التي تصلنا لأهلنا لمشاهدتها
ولكن هذه المرة كان الموضوع غريب بعض الشيء
مما دفعنا للمشاهدة لست رغباً في رؤية أعراض
الناس.

[ام قبس]

[quote=المسافر;353377]


أما الإمتناع عن مشاهدة ما لدى الغير
فتأكدي بأن الأمر لو ما به شذوذ
عن القاعدة لما راه أحد ولكن
الأمر ملفت للنظر . . .
وهل نحن مجبرون علي مشاهدة كل مابه شذوذ


وما رأيته لست شريطاً متداولاً بين
الناس وإتعمدت رؤياه ، ولكن شريط
شخص لدي به علاقة وعرض في وجود
أسرة مغتربة بغرض مشاهدة زواج قريب
لهم وكان هذا الرقيص من ضمن مراسم
الزواج كلها ، وهذا ما لفت نظري في الأمر .



ولكِ الود
مشكور علي ردك اخي المسافر
لفت نظري في ردك علي عبارتين
الاولي رديت عليها فوق
والثانيه حولتها فقط للون الاخضر
اذا هذا الشخص دعاك لمشاهدة الرقيص بحكم علاقتك بيه
سوال براني خااااااالص هل تضمن عدم دخول هذا الشخص للمنتدي
ماذا سوف يكون رايه فيك
واكيد ماعندك طريقة تزوق وتقول دا مالشريط الحضرناه سوي
ولانو السوال براني دا ماموضوعنا
لكن ارجع واقول ليك
اتعرف عننا نحن السودانيين لو جات لقطة مخجله شويييه ولاحظ معاي لي شويه دي
لو جات حاجة ذي دي في فلم او مسلسل الناس كل واحد بعمل فيها قايم يعمل شيء
ولا ماكدي
((بالذات لمان نكون مع اسرة ))
انت القعدك لي نهايه الشريط لمان شفت تفاصيل الرقيص بالدقة دي شنو
اعذرني علي ردودي
بس طالما انت عرضت الموضوع بي شكل واضح متخطي كل الخصوصيه لازم ارد ليك
واعود اقول ليك انا ابدا ماضد طرح المواضيع بس قبل مانكتب لازم نعرف نحن عاوزين نوجه دفه البوست والهدف علي ويين
يا يبقي معالجة للظاهرة
او مزح وتهكم علي اشياء مابتستحمل
همسه : اعلم انني احيانا كثيرة ارد بسخونه
واوعد نفسي بان اجاهد علي المرونه
((لكن ............تعلم ان اصعب جهاد هو جهاد النفس))

[نبض السكون]

أم قبس (الله يحفظك) أشكرك على تأييدك لرأي الشخصي وحقيقة غرضنا كله نحاول أن نغيير من عاداتنا الضارة للأسلام أولاً بعدين لشعبنا السوداني ... وياريت تكون الناس موضوعية في طرحها لهذه الظواهر التي تجعلنا نموت من البرد !!

[المسافر]

جيتك ياخالد .. اولا اتمنى تاني ما تحضر الحاجات البطمم بطنك من العرس دي ( عايزين نفرح بيك :))



يلا نجي للكلام الكتير البتقولوا فيه دا
بعيدا عن كل الاشياء المطروحة والمتاحة في مجتمعنا العربي والاسلامي عامة والسوداني خاصة
من عادات وتقاليد قد تكون مخلة جدا ومنافية لما طالب به ديننا الحنيف لحفظ النفس وصون العرض


قال تعالى (( قل للمؤمنين يغضوا من ابصارهم ويحفظوا فروجهم ذلك ازكى لكم ، وقل للمؤمنات يغضضن من ابصارهن ويحفظن فروجهن و لا يبدين زينتهن الا ما ظهر منها ، وليضربن بخمرهن على جيوبهن )) سورة النور


لو توقفنا قليلا في هذه الايات لعرفنا معنى العرض وصونه


على اي اساس يختار الرجل زوجته او شريكة مستقبله !!! على اسس كثيرة ولكن اهمها
وصية الرسول صلى الله عليه وسلم حينما قال للشباب:
(فأظفر بذات الدين تربت يداك)


المتامل لما يحدث في مجتمعنا عموما يصاب بالدهشة والحيرة .. فالجميع ابتعد عن كلام الله وسنة نبيه

المفرووووووض ان الشاب في اختيار زوجته يبدا بالجانب الاهم ( الدين والاخلاق ) , ولكن مانراه اليوم مختلف جدا .. والجمال هو اول شروط الاختيار

وكمان المفروض ان الشاب يختار ( ام ابنائه ) ولا يختصر اختياره على امراءة ( يقشر بيها قدام اصحابه )
لماذا ؟
لان السيدة العروس بعد ان ينفض الجميع من حولها وتصبح هي ربانة سفينتها مع من تزوجته .. تبدا رحلة اخرى قائمة على اسس اكبر من مجرد فستان او رقصة ماجنة او حنة قيمتها تعادل المبلغ الفلانى , وبعد ايام هي ام ( والام مدرسة ) تخيل بس ( مدرسة تعلم المجون وقائمة على البهرجة من اولها



ونعلم انه ( وراء كل رجل عظيم امرأة )

اصبحنا نرى وراء كل رجل متمسكن ( امراءة تفرض سلطتها من اول يوم )

من متى ونحن نطيع المراءة .. بالله الطاعة القبل الزواج دي حقه نقوم نراجعها شوية
لانه وببساطة تاتي الرياح بما لاتشتهي السفن بعد اول موجة عاتية

منو الراجل المابخاف على عرضه ويغلبه يقول ليها من اول لحظة ( رقيص قدام خلق الله ممنوع ؟)
الرجال عندهم حاجة اسمها( حنك ) دا بكون سنين وفعال جدا في حاجات كتيرة جدا , ليه ما توظف حنكك دا في اقناع عروستك انها ماترقص (عشان خااااايف عليها من العين وما بتحب زول يشوفها غيرك ؟) , هسي انا خطيبي يقول لي الكلمتين ديل ما بسيب حفلة الزفاف زاتها ؟!!!




وشنو يعني وحدة بتممايل قدام عيون خلق الله لو هي نست قوله تعالى ( وقرن في بيوتكن ولا تبرجن تبرج الجاهلية الاولى )) فهل ياترى الراجل نسى حاجة اسمها ( رجولة ) وووين رجولة راجل بسمح لمليون عين تشوف عرضه ؟
وصدق الله عز وجل:
( ومن أعرض عن ذكري فإن له معيشة ضنكا، ونحشره يوم القيامة أعمى، قال ربي لم حشرتني أعمى وقد كنت بصيرا، قال كذلك أتتك آياتنا فنسيتها وكذلك اليوم تنسى )

<!-- end post body--><!-- start post files-->

الناس البتقول ان العادة دي من زمن حبوباتنا .. سؤال .. زمن حبوباتكم كان في موبايل ابوكاميرا ؟ كان في كاميرات فيديو؟؟ كان في نفوس ( قذرة ) تتداول عرضك في الاسواق ؟؟ كان في بنت بترضى حد يشوفوها لابسة قصير او فاضح غير اهلها ومحارمها ؟؟.. كان في نسبة طلاق زي النسبة الحالية والمعظم اسبابها ( انقلاب موازين ) .. الببداء بالغلط بنتهي بنفس الصورة ..


التقليد الاعمى لبعض العادات الاصيلة دون فهم المغزى الاصلي منها جعلها ( لابتشبهنا لا بتشبه ديننا وعاداتنا اصلا )..

للاسف الشديد بقى رقيص العروس واجب ولازم رغم الكوارث التي حدثت بسببه .. ( وبت فلانة ابت ترقص )... ( يختي هي زااااااتها ما بتشبه الرقيص ) ..... كلام يجعل من المابترقص ( ماعندها مقومات ) وبالله ماعايزين تعملوا ( مسابقة الجمال في السودان )!!!!!!!!

قصص

المصيبة انك حتى لو حاولت تعملها حفلة ( مقفلة ) ومحكمة الاغلاق كمان..... من ووووين تضمن ان ( وحدة ) معدومة الضمير والانسانية ما تصور عرضك ويبقى ( بلوتوث رووووووعة )..


الموضوع ما محتاج نقاش طويل
من ناحية حرام .. فهم حراااااااااام شرعا ( وماعايز نقاش )
من ناحية ( انتقاص للرجولة) ..فهو فعلا ( تدمير لاحساس الرجولة اصلا ( بس تخيل الدمار النفسي البحصل لما يجيك ايميل فيه صورة اختك او زوجتك وهي بترقص !!!!!

قبل ما نحاول نقوم المجتمع ( نقوم انفسنا ) واكيد دحرالعادات دي اسهل من دحر ( الملاريا) بس محتاج حبة صبر ووعي تااااااام بجميع مناحي القضية



قلت ليكم دي مواضيع بترفع ضغطي وانا زولة كبرت على الانفعالات دي :mad::mad::mad:

بجيكم تاني :)



ملكة القلوب يا أختي والله ما خليتي حاجة
إنتي بديتي من الإختيار ثم الحب ولمان وصلتني
لغاية رقيص العروس . . . والله ما قصرتي . .
وبكل صراحة إتكلمتي عن أشياء واقعية بتحدث
وخصوصاً ( القشرة بالزوجة ) وهي متوفرة لدى
المغتربين ، والمشكلة الزوجة عندما تجد هذا
الإحساس يبقى همها هي لفت نظر أصدقاء
الزوج وجميع من حاوله بجمالها ومما تملكه
من مغريات ، هذا بالفعل على حساب بيتها
وزوجها وأولادها وغالباً ما ينتهي الأمر بإنفصال
أو رزيلة وفساد . .

والأهم والذي حاولتي أن تذهبي إليه هو تداول
هذا الأشياء بين الأخرين وغض النظر والتلذذ
بأعارض الأخرين ، مما سضطرني أن أحكي
لك الحدث بالتفصيل الممل حتى إنتي والأخت
أم قبس . . . عشان سوء الظن ده هههههههه

ودمتِ

[المسافر]

الحبيب خالد المسافر
أرجو قبول هذا الرابط من أجل تكامل الطرح و من أجل الفائدة العامة
و هو بوست سابق لعمنا صالح أبو شوارب عن ذات الطرح
http://www.wadmadani.com/vb/showthread.php?t=8393





يعني برابطك مده عايز أثبت ليك
إني ما شفيت الموضوع من عمنا
أبو شوارب ولا شنو . . .
خلاص تعالي شوف الشريط !!!


وبعدين بجد كده موضوع أبو شوارب
مكتوب في عام 2005 وإنت مسجل
في 2007 وأنا كتبت الموضوع في 2009
بس أقنعني عليك الله كيف عرفت !!!!!

[المسافر]

يا شباب الشيء البعرفوا أنا العروس دائماً بتأخذ رأي العريس أرقص ولا كيف؟
يعني الدركسون مع العريس .. عموما أنا عن نفسي سألتني زوجتي قبل الزاوج بفترة أها أنت عايزني أرقص ؟ طبعاً قلت ليها لا وألف لا !! بالله عليكم رقص العروس ما مسخرة ؟ كلام فاضي وما ليهو أي لازمة ... طبعاً في ناس الله يهديهم أهم حاجة عندهم يشوفوا رقص العروس !!! عالم عجيبة

وكمان بقوا يتفننوا فلانة رقصت بي رداء والتانية رقصت بي بنطلون بالله ده كلام ده ..

إذا كان أصلاً في رقيص أولى بيهو العريس المسكين ده الدافع دم قلبو ويكون حصري فقط عليهو يعني هو والقون بدون جمهور وحكام ...

محن عجيبة يالمسافر !!



عجيبة عديل كده يا نبض يا أخوي
والمشكلة في الأول والأخر زي ما قلت
هي مشكلة ( الدركسون ) لأن هنالك نوعية
من الرجال زي ما قلت أختنا ملكة القلوب
بحب يظهر زوجته على الملا وبأي وضع . .
عشان كده يجب محاربة العادات الضارة
هذه ولو بالقانون.

[المسافر]

يا شباب ربنا بيسألكم من الكلام البتكتبوه ده ... بس عايز أقول إنو جدية أو أي إمرأة سودانية يهمنا أمرها لأنو في النهاية حتة مننا ويا ريت الناس تتعامل بصدق النوايا ومن ستر مسلماً ستره الله يوم القيامة ... ودعو الخلق لخالقها .. دمتم




تحياتي أخي نبض السكون
والله ما في زول عندو إعتراض
في أن أمرنا يهمنا ولكن الهدف
الأساسي من المكتوب هو
هذه العادة ولم يأتي أحد يسيرتها
ولا أظن أحد يعرفها أصلاً .

ودمت

[المسافر]

في حياتي حضرت رقص عروس مرتين , يعني في الأربع سنوات اللي مضت, الفرق بينهم الأول كان حصري جدا , وفي حوش بيت أهل العروس , يعني مافي طريقة لمتطفلين وكدة , أما الثاني أنسوا بس , صيوان كبييييييييير في الشارع , وكراسي كثيرة وفي نصف الصيوان في منصة , طبعا أنا لما جيت داخلة الصيوان إستغربت لييه ده كلو ؟ بس فكرت إنو هم كدة , نسيت أقول ليكم الصيوان نظام عاملين فيها شفتين مقفلنوا من جميع الجهات ,إلا الواحدة لما تجي داخلة يرفعوا ليها طرف الخيمة ( نظام مقفول ) المهم جات العروس ورقيص ما قلت ليكم , في تصوير لكن المصور بنت !! ( نظام الحرص وكدة ) المهم جاتني لفتة لخلف الناس إتخيلو بعد الحرص ده كلو أشوف لي شباب شماسة عملوا فيها أكثر شفتنة من أهل العروس بيحاولوا يتفرجوا بالفتحات الضيقة , وأولاد بقدرة قادر طالعين فوق الحديد:confused::eek: , كنت متمنية لو عندي سلطة أنهرهم , ولكن أنا ضيفة حأعمل شنو:( , والنسوان ماشاءالله كتااااار ؟ غايتو بخيرو وبشرو إنتهى الحمدلله على خير,
مع إني كنت مدهشة من رقص العروس وجمالو وجرأتها و مقدرتها على الرقص قدام الناس دي كلها ماشاءالله عليها , لكن حمدت ربي إنو ماعندنا كلام زي ده .
والرقيص غالبا بيكون من باب الفشخرة زي ماقالوا أخواني , لكن في الجزيرة ماحصل سمعت عروس رقصت , ده إلا في الخرطوم صراحة , وآخر التقليعات بعد ماكان رقيص العروس بيعملوهو في البيت وكدة بقى البعض بيأجروا ليهو صالة ودعوة , وقومة وقعدة زي العرس , وماتنسوا ماقبل العرس بشهر , تعليم الرقيص للعروس وجابوا الفنانة فلانة المشهورة بترقيص العروسات , طبعا بتكون بتعلم فيها قرابة الشهر , وأكيد الفنانة المشهورة دي عاوزة قروش تقيلة , ده غير يوم الرقص الأساسي , بتكون القروش حقتو مفصولة عن حقت التعليم , ده حيكون عبأ إضافي على أساسيات إقامة الزواج, وإسراف ماليهو داعي مهما كان الزوج مقتدر ومهما كانت ملايينو وملياراتو , لأنو إسراف وشكليات مالها داعي وخاصة في زمننا الحالي , بسبب المشاكل والفضايح اللي بتجي من وراء الكلام ده, ودينيا بيدخل في حيز الحرام لعدة أسباب , منها إنو اللبس للعروس زي ماقالوا بيكون فيهو الكثير من التعري , وفي زمننا ده بقت مشاكل الموبايلات بالكاميرا كثيرة , لكن الرقص والغناء بالدف ماحرام , إذا كان في نطاق نسوان وبنات , ومافيهو مايؤدي إلى الإثارة والفتنة , ده رأي الشرع والدين في حكم الرقص والغناء تعبيرا عن الفرح بالزواج , وبعد كدة شوفوا الماشي صح والماشي خطأ .



إنتو بتلوموا في المسافر لأنو شاف الشريط لييه؟؟
هو في الآخر شاب والشباب أي شريط أو فيديو بيقع في يدهم بيتفرجوا فيه , والشريط جاهو في مكانو ومامشى ليهو ولا مشى مخصوص لحضور رقص عروس:rolleyes:;)
والفائدة المهمة في إنو بالبوست ده حيكون نبه كثير من المقبلين على الزواج ( لأنو الفات فات ) لخطورة الأمر ده , علشان مايقعوا في الأخطاء ذاته , لأنو الزمن إختلف:)


غايتو الله يهون.:)




سلمتك يداك أختي مرام
والله كفيتي ووفيتي . . .
ولا يوجد اي إضافة أو تعليق
على ما كتبتي وأنا بوجه للجميع
لقراءته لست لأنه بعد بعض الدفاعات
عني وإنما لأنها يتكلم في لب القضية
دون إنجراف أو إنحراف.

ودمتِ

[المسافر]

نسأل الله العافية ,, ولو كل واحد فينا يا جماعة الخير ,, إتبنى الموضوع ده وطبقه فقط على الجماعة المحيطين بيه ,, كان ممكن تكون هنالك نتيجة طيبة ,و ودى فرصة كويسة عشان نراجع مع بعض كل الممارسات الغير مناسبة والتي تتعارض مع تعاليم ديننا الحنيف و ونحاول نغير ,, والله ممكن وسوف تكون هنالك نتيجة ,, المهم نبدأ ,, ولا رايكم شنو ,,,, وسامحونا



تحياتي عزيزي أبو علياء
ربنا يحفظنا ويحفظ ولايانا .. وبالفعل
هنالك عادات كثيرة جداً بحاجة فعلياً
للوقوف عندها ومحاربتها حتى لو إضطر
الأمر بالقانون حتى يستقيم حالنا .

[المسافر]

بسم الله الرحمن الرحيم

خلاس رميتيها كلها في المغتربين ؟! خليك موضوعيه واتكلمي في الموضوع من وجهة نظر عامه الحاجات دي جوه البلد بتتشاهد وعندها اقبال شديد من الشباب ، هل كل ما موجود في تقاليدنا وعادتنا يتوافق مع الدين ؟! في الماضي كان يتم رقيص العروس بنفس هذا السفور ولكن لحسن الحظ لم تكن هنالك ادوات توثيق ومشاهده فاليوم أصبح من السهوله جداً أن تجدي شاباً في التاسعه عشر من عمره متمدداً في سريره مستمتعاً برقيص عروس فلانه الجاره الخامسه منهم او زوجه فلان الفرتكاني الاعلامي ،بربكم هذا كلام ؟! الزواج أسره ونواه لمجتع صالح وليس نواه لتصدير الرقاصات!!



تحياتي ود النمير

وكما قلت تماماً بأن الأمور هذه أصبحت
متوفرة في السودان بسبب تساهل
الأسر وعدم وجود وازع ديني والأهم
تماماً هو ما ذهب إليه الجميع بأن
هذه العادات موجودة من زمان ولكنها
تحولت إلى نوع الفشخرة وبالتالي أصبحت
عادات ضارة ومخجلة .

[المسافر]

[quote

الاخ المسافر
سلام من الله عليك
في راي الشخصي تهذيب الذات اهم من رحط العروس
وذي ماذكر الاخ نبض السكون احسن نخلي الناس في حالها
واخذ عليكم ذكر جديه او غيرها
فجديه لو رقصت امام رجال او فعلت مافعلت فهذا شيء بينها وبين ربها
ولكن ان نتداول سيرتها بيننا فهذا هو دخول في حق العباد وغيبه ونميمة
فايهما في رايك اعظم ذكر المؤمنات ام رحط العروس
الذي وسبق ان ذكرت ان كان فيه شيء مخل بالدين فهو شيء يحاسب عليه رب العالمين\
ثانيا من اعطاك الحق حتي لو من باب المزاح ان تقص او تمنتج او توزع
ارجع لاقول لك دع الخلق للخالق
وانا معك في النقاش في اي قضيه او عادات بعيد عن ذكر الاسامي او اشخاص حتي لو كانوا مشهورين
ولك تحياتي علي اثارة الجزء المهم فقط من الموضوع




قبل ما أدخل إلى الموضوع عايز أقول ليك موقف
حدث لي مع إدارة المنتدى ، فقبل كم شهر كده
كتبت في الموضوع بشكل عام عبارة ( نفوس قذرة )
يعني زي ( تهذيب الذات ) هذه ، عارفة إني توقفت
لمدة شهر مش كده وبس أصبحت عدو لدود لمجموعة
من المشرفين في ذلك الوقت لأنني كما قيل
أوحيت إليهم بكتاباتي . . ولكن !!!!!!!!!!!!!!


ألا ترى بأنك لمجرد إقتباسك لبعض الكلامات
مما أوردت تحكمي عن نفسي وذاتي بكل
هذه الثقة بل تطالبيها بالإنصياع والإعتدال
فمن تكونين ؟ وهل هذا الشيء كافي لتسردي
كل هذا السيل من التجريح.


كان هدفي ونواياي من البوست تسليط الضوء على
بعض العادات السيئة في المجتمع السوداني
ولم يخطر في بالي أبداً تشهير أو خلافه ، فلماذا
لا تأخذي ما هدفت إليه من البوست ودعيني مع
خالقي فيما نوياي ؟ ولكن حديثك ( دع الخلق
للخالق ) هي منك أولاً .

[المسافر]

الغالية اختنا ام قبس
احييك على رائك و الذي يتطابق مع رائي تماما و انا متابع البوست من الاول و شايفك شهرتي سيفك على منتهكي الخصوصية الفردية ولكن زحمة العمل حجبتني عن المشاركة .
و اتفق معك شكلا و مضمونا فيما قلتيه و ترمي اليه
و لي بوست مشابه لهذا البوست قبل ستة أشهر في موقع النيلين و كنت ادافع عن بنت ظهرت في بلوتوث و سبحان الله وقفت وحيدا في هوج الرياح مدافع عن هذه المسكينة و الحمد لله انتصرت بالرغم من ان موقع النيلين ( معظمه كيزان )
مرفق الرابط و مختارات من ردودي على بعض الشباب
اسم البوست : قنبلة : دعوة إلى محاكمة فتاة
رد على احد الشباب :
واذا انت بتتكلم عن الثقاقة انا طرحت موضوع الخصوصية الفردية في البوست و المفروض الخصوصية الشخصية تكون جزء من الثقافة العامة للانسان
و الا انت اخوي تحاميد من الذين يتجسسون على الناس و ينكرون الخصوصية الفردية و يكون ده شي تاني
شاب آخر :
الرائع سلام
السلام عليكم و رحمة الله وبركاته
اخوي سلام والله انا طرحت الموضوع عليكم من زعلي لبث هذا البلوتوث ، و الله يا سلام لو شفت البت انت زاتك تبكي معاي .
واضح انها بت ناس ومن النوع الاول ما تشوفها غصبا عنك تلفت نظرك و تلصق في ذاكرتك و تتمنى لو الزمن يتقدم بها او يتأخر بيك ، حتى تعيش في نفس الفترة العمرية و تتمنى أن تقابلها ولو صدفة و تغنى صدفة اجمل صدفة أنا يوم لاقيتك ( الظاهر فعلا انا اتكسرت ولا ما كدة ) .
نرجع لموضوعنا شوف اخوي سلام انا لما طرحت البوست دة كان قصدي الناس تتناقش و تتحاور و تضع راي في الناس اللي بيسرقوا اللحظات الحلوة من بناتنا الرائعات و يبثوها على الملا والله انا باتمنى ان الحكومة تسن قوانين لمحاربة مثل هذه الجرائم و فعلا هي جريمة و يبدو لي في امريكا يسمونها جريمة انتهاك الخصوصية .
و الله ياخوي سلام انا حبيت اكون راي عام يكون في صالح اخواتنا و بناتنا اذا انتشرت مثلا هذه البلوتوثات
اخوي سلام انا لما قلت انك متسلط لانه جاءني احساس انك ضد الخصوصية الفردية و انك حكمت على البت انها غلطت .
و اذا كلمت خصوصية كلمة بتعتقد انها واردة مع العولمة نرجع للقران والسنة
و انا في راي ان الخصوصية تعادل عدم التجسس عل الاخرين
و في القران :
قال الله عزوجل : ( يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضًا أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ ) ( 488 ) .
و القصة عن سيدنا عمر بن الخطاب :
«إن عمر تسلق داراً ليجد رجلاً وامرأة وشراباً، فقال عمر: يا عدو الله أظننت أن الله تعالى يسترك وأنت على معصيته، فقال الرجل: يا أمير المؤمنين إن كنت عصيت الله واحدة فقد عصيته أنت ثلاثاً، فقد قال الله تعالى: {ولا تجسسوا} وقد تجسست وقال: {وآتوا البيوت من أبوابها} وقد تسورت الحائط وقال: {يا أيها الذين آمنوا لا تدخلوا بيوتاً غير بيوتكم حتى تستأنسوا وتسلموا على أهلها} وأنت ما سلمت، فقال عمر: فهل عندكم منه خير إن عفوت عنك، قال: نعم. فعفا عنه عمر وخرج وتركه.
بالرغم من ان القصة فيها قولان الا انها تعطينا مؤشرات إلا ان الناس في بيوتهم احرار طلما حريتهم لا تتجاوز بيتهم او شقتهم او المكان الذي يخصهم او خصوصيتهم و يمكن قصة البت دي وظروفها تتشابه مع ما ذكرت و لا ما كدة
و في انتظارك يا رائع

طبعا بعض المشاركات التي يمكن ان تويد وجهة نظرك اختي ام قبس

تحياتي

الرابط

http://www.alnilin.com/vb/showthread.php?t=62835

.....



تحياتي شيخنا عبدالله

أنا مصر جداً بأن لست الهدف من البوست
هو التشهير أو إقتحام خصوصيات الأخرين
إنما بعض العادات التي تحولت إلى مزبلة
أخلاقية كما أوردت .
ولو كان الأمر كما ذكرت إنت والأخت أم قبس
كنت إكتفيت بمشاهدة الشريط كملايين البشر
الذين شاهد مثل هذا الشريط وإكتفوا بالصمت
لما رضيت أن أعرض الموضوع للدفاع عن أخلاقياتنا
عن قيمنا وتحمل كلمات التجريح التي تتفنن
أختنا أم قبس بسردها .

ولك الود

[المسافر]

[quote=المسافر;353377]

وهل نحن مجبرون علي مشاهدة كل مابه شذوذ[/center]

مشكور علي ردك اخي المسافر
لفت نظري في ردك علي عبارتين
الاولي رديت عليها فوق
والثانيه حولتها فقط للون الاخضر
اذا هذا الشخص دعاك لمشاهدة الرقيص بحكم علاقتك بيه
سوال براني خااااااالص هل تضمن عدم دخول هذا الشخص للمنتدي
ماذا سوف يكون رايه فيك
واكيد ماعندك طريقة تزوق وتقول دا مالشريط الحضرناه سوي
ولانو السوال براني دا ماموضوعنا
لكن ارجع واقول ليك
اتعرف عننا نحن السودانيين لو جات لقطة مخجله شويييه ولاحظ معاي لي شويه دي
لو جات حاجة ذي دي في فلم او مسلسل الناس كل واحد بعمل فيها قايم يعمل شيء
ولا ماكدي
((بالذات لمان نكون مع اسرة ))
انت القعدك لي نهايه الشريط لمان شفت تفاصيل الرقيص بالدقة دي شنو
اعذرني علي ردودي
بس طالما انت عرضت الموضوع بي شكل واضح متخطي كل الخصوصيه لازم ارد ليك
واعود اقول ليك انا ابدا ماضد طرح المواضيع بس قبل مانكتب لازم نعرف نحن عاوزين نوجه دفه البوست والهدف علي ويين
يا يبقي معالجة للظاهرة
او مزح وتهكم علي اشياء مابتستحمل
همسه : اعلم انني احيانا كثيرة ارد بسخونه
واوعد نفسي بان اجاهد علي المرونه
((لكن ............تعلم ان اصعب جهاد هو جهاد النفس))[/center]




تحياتي

إنتي من حول دفة البوست إلى غير
أهدافه الأساسية فأنظري إلى ما كتبت
في البوست وأنظري إلى ردودك . .
وأراك محاولة بكل السبل بأن لا ترى إلا
هذه الجزئة من البوست التي تصفيها
بالسيئة .

أختي الفاضلة كنت بتمنى بجد تكوني موجودة
لحظتها لكان وفرتي الكثير على نفسك وعلي
من الظن وسوء النية التي لديك هذا .

وما كتبته في البوست قلته أثناء تواجدي
واثناء عرض هذه اللقطات .

[بدر الدين احمد الطائف]

اخونا المسافر لك الف تحية ورد الله غربتك
الموضوع والله بالجد حساس والناس مفروض تقيف عنده كتير
انا استغرب ما يحدث لانتهاك خصوصيات وحرمات الغير
واستغرب لقبول اى كان لزوجتة ان تعرض نفسها بهذا السفور على الملا
واستغرب لاى عروس ان تقبل لنفسها هذا الابتذال...............
يا اخونا فى عادات كتيرة توارثناها وما زلنا نمارسها بالرقم من عيوبها.
يا جماعة حكاية انه العروس ترقص لعرض مفاتنها وابراز محاسنها فى زمن العولمة
وكل من هب ودب شايل ليهوموبايل بكاميرا وحتى الاطفال .اصبحت الخطورة اكبر .
لى صديق وزميل فلاح مصرى كان عندهم فى الافراح الرقاصة والعالمه شىاساسى الان تخلوا عن هذه العادات واصبحت من الماضى.
انا اطلب من كل المشاركين يا جماعة نبتدى بانفسنا ونمنع اهلنا ونوعى الاصدقاءوالجيران وكل من نعرف .

[ام قبس]

الاخ المسافر جاياك بي رواقة بي جاي وبي هناك في البست بتاعي
بس ارجوك لحدي ماجيك ماتزعل
ولحدي ما اجي اشرح ليك بعنذر عن كل كلمة وصلتك بي زاويه حادة لمان جرحتك
اسفة جدا

[الفخيييم]

اولا الرحض=الرحط00ده فلكلور متبع منذ القدم00عادات وتقاليد يعني00بيكون بعد نهاية الحفلة00امام ذوي العروس00تلبس البريحها00لو بتستنكر لبسها البخليك تشوف الشريط بالوضع البتحكي عنو ده شنو يا المسافر؟الله يحضرنا زمنك00وبعدين يا اما انو اهل العروس او العريس ديل بيحترموك وخلوك تحضر شريطهم ولا 000ورينا السبب الخلاك تحضر شي انت ما مقتنع بيهو00

[عبدالله محمد العقاد]

تحياتي شيخنا عبدالله

وتحمل كلمات التجريح التي تتفن
أختنا أم قبس بسردها .

ولك الود


الرائع خالد

انا عندي قناعة تامة انك متفهم لمقولة هيثم عبدالعال الله يشفيه و يعافيه ان اختلاف الراي لايفسد للود قضية و معليش اختنا ام قبس احتمال يكون نفسها حار في الدفاع عن معشر قبيلتها و لكن عهدنا بك انك متفهم لاختلاف وجهات النظر .
حقيقة انا راي الشخصي انها حرية شخصية و طالما ان الانسانة في داخل بيتها تسوي العايز تسويه ..
و الله يا خالد الحريم نحن ضاغطينهم طغطة شديدة خلاص مطلعين زيتهم عديل كدة من كثرة الاوامر و النواهي يعني حقيقة الحياة بتصبح جحيم أذا ما في حبة حرية شخصية لممارسة حركاتهم دي ...
حقيقة هسع انا كثير اتوقف مع العيال في كثير من الامور اللي ممكن تسي لصورتي العامة و لكن في بعض الامور الهايفة التي ارى انها لا تتجاوزنا و تكون متنفس لها باغض الطرف ( طبعا انت لسه مادخلت الفلم دة و بتنظر ببرة ساي و ان شالله تقع في بت حلال تجننك جن ) .
و فيما يخص رقيص العروس طالما الزوج قبل الموضوع دا ما في مشكلة
و استغرب من بعض الاخوان اللي اساؤا للازواج اللي بيوافقوا على رقيص العروس
يا جماعة نحن في السودان عمرنا ما كنا متطرفين و كنا سمحين و ناس وسط
و دي حركات بنات و رقيص بنات و اللي بيرضى انه يدخل مع البنات خليه يدخل هو حر ......
و زي ما قال اخونا الفخييم انو دي عادات سودانية قديمة زي الشلوخ و دق ( الشلوفة )
بعضها اندثر لظروف التعليم و المدنية و بعضها تطور مثل رقيص العروس ..
و يقال قديما ان أهل العروس يحرصون على ابراز مفاتن العروسة قدام نسابتها للتأكيد انها سليمة و مية مية ..... يقال هذا سبب رقيص العروسة .........
و راي الشخصي ان اللي بيبث شرائط الرقيص دي منتهك خصوصيات الاخرين ويجب ان يسجن و يعاقب
لكن طبعا اخوي خالد المشاهدين بس يبدو لي ما عليهم حرج لانهم اشتروا شي من السوق بالرغم من انه مفروض تكون مزروع فينا ان مشاهدة هذه الشرائط انتهاك خصوصية للآخرين و لكن المفروض يشاهدوا من غير تعليق ....

[esmat]

اولا الرحض=الرحط00ده فلكلور متبع منذ القدم00عادات وتقاليد يعني00بيكون بعد نهاية الحفلة00امام ذوي العروس00تلبس البريحها00لو بتستنكر لبسها البخليك تشوف الشريط بالوضع البتحكي عنو ده شنو يا المسافر؟الله يحضرنا زمنك00وبعدين يا اما انو اهل العروس او العريس ديل بيحترموك وخلوك تحضر شريطهم ولا 000ورينا السبب الخلاك تحضر شي انت ما مقتنع بيهو00


والله اني في اشد الحيرة لتشخيص المواضيع
فالمسافر ذكر انه رأي شي استنكره وطرح الموضوع
لينبه عن عادات وفلكلور زي ما بتقول نستنكروا
فالمسافر اذا حضر او ما حضر دي حاجة شخصية
بينو وبين نفسو حاور القضية انت
بعدين البحضر شريط ما بكون عارف فيهو شنو إلا اشوف
يعني مثلاً هو لما حضر الشريط ما كان عارف اللبس بكون
كيف او الشكل العام كيف ولما حضر استنكر (مش الشريط )
العادة المتبعة كعادة وفلكلور سوداني كما تقول
فالخلاهو احضر الشريط اظن كدا وضح ليك
فأرجو من المتداخلين ما اشخصو الموضوع
وانا ما قاعد ارد نيابة عن المسافر ولا اداني الحق دا
لكن للفايدة العامة

[ام قبس]

قبل ما أدخل إلى الموضوع عايز أقول ليك موقف
حدث لي مع إدارة المنتدى ، فقبل كم شهر كده
كتبت في الموضوع بشكل عام عبارة ( نفوس قذرة )
يعني زي ( تهذيب الذات ) هذه ، عارفة إني توقفت
لمدة شهر مش كده وبس أصبحت عدو لدود لمجموعة
من المشرفين في ذلك الوقت لأنني كما قيل
أوحيت إليهم بكتاباتي . . ولكن !!!!!!!!!!!!!!


ألا ترى بأنك لمجرد إقتباسك لبعض الكلامات
مما أوردت تحكمي عن نفسي وذاتي بكل
هذه الثقة بل تطالبيها بالإنصياع والإعتدال
فمن تكونين ؟ وهل هذا الشيء كافي لتسردي
كل هذا السيل من التجريح.


كان هدفي ونواياي من البوست تسليط الضوء على
بعض العادات السيئة في المجتمع السوداني
ولم يخطر في بالي أبداً تشهير أو خلافه ، فلماذا
لا تأخذي ما هدفت إليه من البوست ودعيني مع
خالقي فيما نوياي ؟ ولكن حديثك ( دع الخلق
للخالق ) هي منك أولاً .

الاخ المسافر السلام عليكم ورحمة الله وبركاته
اولا الاعتذار هنا مدته انتهت
يعني ذي يافطة المرور الاخيرة بتلقي القبلها
وذلك بسبب حضوري اخيرا للتوضيح
سوال لكل المتداخلين في هذا البوست
ماوجه الشبهه بين نفوس قذرة وتهذيب الذات
نفوس قذرة هذة لا اعرف كيف ذكرت
ولو ذكرت بي كل الجوانب هي اساءة
تهذيب الذات دعوة لخير لفعل حميد
ولو قلت هذب ذاتك لن اكون اساءت اليك (( ولم اقلها هكذا )) وفي الاصل لم توجه اليك قلتها مشاركة بوجة عام ونوع من المقارنه بين الافضليه والاولويه
واذا قصدت منها اساءه هل يوجد من يسيء الي نفسه
فقد ذكرت انني حادة او سخنه في ردودي وسوف احاول تغيير هذا الشيء كنوع من جهاد النفس والذي يندرج تحت تهذيب الذات
احيطك علما انني انني اتمسك براي في حاله تأكدي التام بانني علي حق
وحينها حتي لو وقفت لمدة شهر ساعود لابدي بنفس العبارة
واحيطك علما لو حدث معي ماحدث معك مع الفرق في التعبير طبعا لن يهمني ان اصبح عدوا ام حبيبا
فانا اساسا لا اولي القيل والقال كثيرا من اهتمامي
المقطع الثاني من ردك استعير رد الاخ الفخييم
الذي انا في الاصل اشرت اليه في ردي لماذا جلست مع هذه الاسرة التي استضافتك
ولم ولن اجرح فيك ابدا فانا اعامل الناس كما احب ان يعاملوني
وكل ماحدث هو تفنيط لكلامك
عبارة دع الخلق للخالق جات من احد الاعضاء ولكني اييدها وبشدة
ولم اوجهها اليك انت فقط وجهتها لمن ذكروا الاسامي
فبالله عليك الم اشكرك واييد الموضوع ونقاشة والجانب المهم فيه
فكيف تتهمني بتوجهي البوست لاخلاقك ونواياك
التي اساسا لو كنت قد شككت فيها لما دخلت الي البوست وداخلتك من الاصل
لماذا لانني في الاساس لا اعرفك الا من خلال حروفك
واذا كنت في قولك وارجاع انني من يجب ان ادع الخلق للخالق
اوعدك ان لا اداخلك في بوست لك نهائي اذا كان هذا هو فهمك لدع الخلق للخلق
اسفة ومجبرة هنالك رد في مكان اخر يجب ان ارد عليه ومن ثم اوفي بوعدي

[ام قبس]

[quote=ام قبس;353481]




تحياتي


إنتي من حول دفة البوست إلى غير
أهدافه الأساسية فأنظري إلى ما كتبت
في البوست وأنظري إلى ردودك . .
وأراك محاولة بكل السبل بأن لا ترى إلا
هذه الجزئة من البوست التي تصفيها
بالسيئة .


أختي الفاضلة كنت بتمنى بجد تكوني موجودة
لحظتها لكان وفرتي الكثير على نفسك وعلي
من الظن وسوء النية التي لديك هذا .


وما كتبته في البوست قلته أثناء تواجدي

واثناء عرض هذه اللقطات .


الاستاذ المسافر
عندما طلبت منك توجيه دفه البوست
عنيت انت المسؤول عن الرد للمتداخلين
وانت من وجب عليك توجيه المتداخلين بعدم ذكر الاسامي
ابد لم اصر علي ان اركز نظري علي جزئيه محددة
ولكن ردود المتداخلين التي اصبح اغلبها وصفي او مزاحه او تناول حادثة معين هي من حودت بالبوست الي التشهير
شوف حتي لو كنت موجودة لحظتها
كنت حاكون شخص من اثنين
اما مثلي انا اييد رقيص العروس واشكر الدعوني عشان احضرة
واقعد احضرة واستمتع بيه
وبعد داك راي في الشيء الشاذ حسب شكل علاقتي مع الناس البحضر في شريطهم
يا اما احتفظ بي راي اما اذا طرح الموضوع من جانبهم للنقاش اقول راي في الجوانب السالبه برضه بي صراحة
اما الشخص الثاني
ماحقول ذي اي زول
خلينا نقول ذي نفسه
لو كنت معترضة علي الظاهره ومجرد ماحضرت الحفله ورقيص الناس والشيء الماشاذ
وبدا رقيص العروس الا انا عندي فيه راي بستأذن وامشي لانه ضد مباديء
والمباديء لا تتجزاء
رد صغير للاخ عبد الله العقاد
مشكور علي توضيحك
بس اختلف معاك ابدا ما كان ردي سخن لانهم من ابنا جنسي
مع السلامه والان ممكن اوفي ليك بي وعدي

[المسافر]

اخونا المسافر لك الف تحية ورد الله غربتك
الموضوع والله بالجد حساس والناس مفروض تقيف عنده كتير
انا استغرب ما يحدث لانتهاك خصوصيات وحرمات الغير
واستغرب لقبول اى كان لزوجتة ان تعرض نفسها بهذا السفور على الملا
واستغرب لاى عروس ان تقبل لنفسها هذا الابتذال...............
يا اخونا فى عادات كتيرة توارثناها وما زلنا نمارسها بالرقم من عيوبها.
يا جماعة حكاية انه العروس ترقص لعرض مفاتنها وابراز محاسنها فى زمن العولمة
وكل من هب ودب شايل ليهوموبايل بكاميرا وحتى الاطفال .اصبحت الخطورة اكبر .
لى صديق وزميل فلاح مصرى كان عندهم فى الافراح الرقاصة والعالمه شىاساسى الان تخلوا عن هذه العادات واصبحت من الماضى.
انا اطلب من كل المشاركين يا جماعة نبتدى بانفسنا ونمنع اهلنا ونوعى الاصدقاءوالجيران وكل من نعرف .





ونقف معك ونشد من أزرك في دعوتك
أخي بدر الدين احمد الطائف ، ويجب البداية
تكون من أنفسنا . .
فإذا نحن قصرنا فيجب أن لا نلوم الناس على
تقصيرنا وعلى حرصنا .

ودمت

[المسافر]

الاخ المسافر جاياك بي رواقة بي جاي وبي هناك في البست بتاعي
بس ارجوك لحدي ماجيك ماتزعل
ولحدي ما اجي اشرح ليك بعنذر عن كل كلمة وصلتك بي زاويه حادة لمان جرحتك
اسفة جدا



بكل تأكيد عذرك مقبول
وتعالي بس تأكدي إنك
جاية برواقة وأكرر
برواااااااااااااااااااااااقة .

[المسافر]

اولا الرحض=الرحط00ده فلكلور متبع منذ القدم00عادات وتقاليد يعني00بيكون بعد نهاية الحفلة00امام ذوي العروس00تلبس البريحها00لو بتستنكر لبسها البخليك تشوف الشريط بالوضع البتحكي عنو ده شنو يا المسافر؟الله يحضرنا زمنك00وبعدين يا اما انو اهل العروس او العريس ديل بيحترموك وخلوك تحضر شريطهم ولا 000ورينا السبب الخلاك تحضر شي انت ما مقتنع بيهو00


تحياتي
أخي العزيز الفخييييم
طبعاً الموضوع ما زي ما إنت فاكر
ومعتقد ويا ريت أقدر أحكي القصة
بالتفصيل ، ولكن وطالما بأن الموضوع
بخصوص العادات والتقاليد التي أصبحت
غير أخلاقية ، فيتعذر أقول لك ما جرى
بالفعل ، ولكن سوف أرسلها ليك في رسالة
خاصة إن أمكن .

ودمت

[المسافر]

الرائع خالد

انا عندي قناعة تامة انك متفهم لمقولة هيثم عبدالعال الله يشفيه و يعافيه ان اختلاف الراي لايفسد للود قضية و معليش اختنا ام قبس احتمال يكون نفسها حار في الدفاع عن معشر قبيلتها و لكن عهدنا بك انك متفهم لاختلاف وجهات النظر .
حقيقة انا راي الشخصي انها حرية شخصية و طالما ان الانسانة في داخل بيتها تسوي العايز تسويه ..
و الله يا خالد الحريم نحن ضاغطينهم طغطة شديدة خلاص مطلعين زيتهم عديل كدة من كثرة الاوامر و النواهي يعني حقيقة الحياة بتصبح جحيم أذا ما في حبة حرية شخصية لممارسة حركاتهم دي ...
حقيقة هسع انا كثير اتوقف مع العيال في كثير من الامور اللي ممكن تسي لصورتي العامة و لكن في بعض الامور الهايفة التي ارى انها لا تتجاوزنا و تكون متنفس لها باغض الطرف ( طبعا انت لسه مادخلت الفلم دة و بتنظر ببرة ساي و ان شالله تقع في بت حلال تجننك جن ) .
و فيما يخص رقيص العروس طالما الزوج قبل الموضوع دا ما في مشكلة
و استغرب من بعض الاخوان اللي اساؤا للازواج اللي بيوافقوا على رقيص العروس
يا جماعة نحن في السودان عمرنا ما كنا متطرفين و كنا سمحين و ناس وسط
و دي حركات بنات و رقيص بنات و اللي بيرضى انه يدخل مع البنات خليه يدخل هو حر ......
و زي ما قال اخونا الفخييم انو دي عادات سودانية قديمة زي الشلوخ و دق ( الشلوفة )
بعضها اندثر لظروف التعليم و المدنية و بعضها تطور مثل رقيص العروس ..
و يقال قديما ان أهل العروس يحرصون على ابراز مفاتن العروسة قدام نسابتها للتأكيد انها سليمة و مية مية ..... يقال هذا سبب رقيص العروسة .........
و راي الشخصي ان اللي بيبث شرائط الرقيص دي منتهك خصوصيات الاخرين ويجب ان يسجن و يعاقب
لكن طبعا اخوي خالد المشاهدين بس يبدو لي ما عليهم حرج لانهم اشتروا شي من السوق بالرغم من انه مفروض تكون مزروع فينا ان مشاهدة هذه الشرائط انتهاك خصوصية للآخرين و لكن المفروض يشاهدوا من غير تعليق ....


شيخنا الغالي

أكيد متفهم ولا إعتراض ولدي سعة صدر
أستطيع أتحمل الكثير ، ولكن إعتراضي
في تغيير مجرى الموضوع وتحويله إلى
أمور شخصية . . .

وبعدين أنا ما مطلع لي زيت أي من الحروم
ولسع على موضوع الضغوط ده ، أها
يعني عايز تزرزني أم قبس هسه وبعدين
تاني برضو أتزرزر لما اعرس هههههههه .

والأهم والعايز أكررها بأن الشريط لست
من النوعية المتداولة . . . إلخ ( أقول ليك
حأرسل ليك كل القصة بالتفصيل في رسالة
خاصة ) .

ودمت

[المسافر]

والله اني في اشد الحيرة لتشخيص المواضيع
فالمسافر ذكر انه رأي شي استنكره وطرح الموضوع
لينبه عن عادات وفلكلور زي ما بتقول نستنكروا
فالمسافر اذا حضر او ما حضر دي حاجة شخصية
بينو وبين نفسو حاور القضية انت
بعدين البحضر شريط ما بكون عارف فيهو شنو إلا اشوف
يعني مثلاً هو لما حضر الشريط ما كان عارف اللبس بكون
كيف او الشكل العام كيف ولما حضر استنكر (مش الشريط )
العادة المتبعة كعادة وفلكلور سوداني كما تقول
فالخلاهو احضر الشريط اظن كدا وضح ليك
فأرجو من المتداخلين ما اشخصو الموضوع
وانا ما قاعد ارد نيابة عن المسافر ولا اداني الحق دا
لكن للفايدة العامة



سلمت يداك يا يا زول يا راقي يا واقعي
وجد أنا مستغرب في تحول الموضوع
بهذه الدرجة الكبيرة . .

أها كان أنا ما شفت الشريط ده هل
سوف تبقى عادة كويسة ولا شنو ؟
والله حيرونا وجننونا عديل كده يا
عصمت أخوي .

[المسافر]

الاخ المسافر السلام عليكم ورحمة الله وبركاته
اولا الاعتذار هنا مدته انتهت
يعني ذي يافطة المرور الاخيرة بتلقي القبلها
وذلك بسبب حضوري اخيرا للتوضيح
سوال لكل المتداخلين في هذا البوست
ماوجه الشبهه بين نفوس قذرة وتهذيب الذات
نفوس قذرة هذة لا اعرف كيف ذكرت
ولو ذكرت بي كل الجوانب هي اساءة
تهذيب الذات دعوة لخير لفعل حميد
ولو قلت هذب ذاتك لن اكون اساءت اليك (( ولم اقلها هكذا )) وفي الاصل لم توجه اليك قلتها مشاركة بوجة عام ونوع من المقارنه بين الافضليه والاولويه
واذا قصدت منها اساءه هل يوجد من يسيء الي نفسه
فقد ذكرت انني حادة او سخنه في ردودي وسوف احاول تغيير هذا الشيء كنوع من جهاد النفس والذي يندرج تحت تهذيب الذات
احيطك علما انني انني اتمسك براي في حاله تأكدي التام بانني علي حق
وحينها حتي لو وقفت لمدة شهر ساعود لابدي بنفس العبارة
واحيطك علما لو حدث معي ماحدث معك مع الفرق في التعبير طبعا لن يهمني ان اصبح عدوا ام حبيبا
فانا اساسا لا اولي القيل والقال كثيرا من اهتمامي
المقطع الثاني من ردك استعير رد الاخ الفخييم
الذي انا في الاصل اشرت اليه في ردي لماذا جلست مع هذه الاسرة التي استضافتك
ولم ولن اجرح فيك ابدا فانا اعامل الناس كما احب ان يعاملوني
وكل ماحدث هو تفنيط لكلامك
عبارة دع الخلق للخالق جات من احد الاعضاء ولكني اييدها وبشدة
ولم اوجهها اليك انت فقط وجهتها لمن ذكروا الاسامي
فبالله عليك الم اشكرك واييد الموضوع ونقاشة والجانب المهم فيه
فكيف تتهمني بتوجهي البوست لاخلاقك ونواياك
التي اساسا لو كنت قد شككت فيها لما دخلت الي البوست وداخلتك من الاصل
لماذا لانني في الاساس لا اعرفك الا من خلال حروفك
واذا كنت في قولك وارجاع انني من يجب ان ادع الخلق للخالق
اوعدك ان لا اداخلك في بوست لك نهائي اذا كان هذا هو فهمك لدع الخلق للخلق
اسفة ومجبرة هنالك رد في مكان اخر يجب ان ارد عليه ومن ثم اوفي بوعدي



مش قلنا برواقة يا أم قبس يا أختي !!!

إنتي عارفة مدياني إحساس وكأنك
عايز تلفيها معاي وبس . .
وخصوصاً لطريقة نقدك ومجتهدة
بأن تقللي من أفكاري وتستخفي
بما أكتب بقدر الإمكان .

أعرف هنالك إختلاف في معنى
ما كتبت ، ولكن الواقع تجريح
لكلاهما ، وعندما تطلبي مني
تهذيب نفسي أعتقد معناها
بأنها غير مهذبة . . .

أها وبعد ده كلو ما عايزة
منو المجتهد في تغيير
دفة الموضوع .
( وقدام الناس ديل كلهم
سوف أرسل ليك الحصل بالتفصيل
الممل وأكثر من الممل عشان في
أشياء خافية عليكم ربما أرفع بعض
غضبك التي مواجهه إلي ّ ) وده
إذا سمحتي يعني .

[أبو حمزة]

شكراً أخي على الموضوع المهم..
طبعاً بالنسبة لي كان زواجي في يناير الماضي.. وبحكم أنني مغترب ..كنت أود زواج تقليدي..ولحبي لبلدي وللاجتماعيات..وقالت لي الزوجة لو عاوز رقيص العلامة ب 500 ألف..؟؟ وأنا من رأيي نستفيد من المبلغ في شيء ثاني!! وأنا كنت رافض لموضوع الرقيص ده..ولكنني أود أن أعرف وجهة نظرها..فكانت رافضة للفكرة ولكنها خائفة من زعلي..فأنا أخواتي الأربعة..تزوجن زواج تقليدي..من زمان يعني..فلم احضر رقيص أي واحدة منهن.. طبعاً ما عاوزين نتكلم عن الدين ..فذلك لا خلاف فيه..

فيا أخي مرة أخرى لا تحضر رقيص عروس ... ولا تدخِّل نفسك في مواضيع ذي ده..وشكراً تاني..

[المسافر]

شكراً أخي على الموضوع المهم..
طبعاً بالنسبة لي كان زواجي في يناير الماضي.. وبحكم أنني مغترب ..كنت أود زواج تقليدي..ولحبي لبلدي وللاجتماعيات..وقالت لي الزوجة لو عاوز رقيص العلامة ب 500 ألف..؟؟ وأنا من رأيي نستفيد من المبلغ في شيء ثاني!! وأنا كنت رافض لموضوع الرقيص ده..ولكنني أود أن أعرف وجهة نظرها..فكانت رافضة للفكرة ولكنها خائفة من زعلي..فأنا أخواتي الأربعة..تزوجن زواج تقليدي..من زمان يعني..فلم احضر رقيص أي واحدة منهن.. طبعاً ما عاوزين نتكلم عن الدين ..فذلك لا خلاف فيه..

فيا أخي مرة أخرى لا تحضر رقيص عروس ... ولا تدخِّل نفسك في مواضيع ذي ده..وشكراً تاني..


تحياتي أبو حمزة

خير ما فعلت ويا ريت الجميع تكون
فكرة الزواج التقليدي البسيط هو
العادة الأساسية ، وبكل تأكيد
وصيتك على العين والرأس
أول وآخر مرة ههههههههههه

[esmat]

تحياتي أبو حمزة

خير ما فعلت ويا ريت الجميع تكون
فكرة الزواج التقليدي البسيط هو
العادة الأساسية ، وبكل تأكيد
وصيتك على العين والرأس
أول وآخر مرة ههههههههههه


صديقي المسافر المصادم المزاحم
شايفك استسلمت لي فكرة تاني
ما تحضر بعد ما كترت عليك وبقت المسألة
انت بس ما تحضر والعايز اعمل (قطع) اعمل
دا الطلعنا بيه من البوست دا
ما تنسى ما تحضر اوكي

غايتو يا المسافر لو كان قلت
طلعت من بيتنا وركبت رقشة وبتاع الرقشة ماشي في الشارع
ضرب ليهو واحد ومشينا وديناهو المستشفى وبعدين مشيى المرور
واهل الزول جوا وطور الموضوع وانا اتأخرت من المشوار بتاعي
بجي اقول ليك انت الركبك رقشة شنو؟؟ اوكي

[monim]

"]وفي فئة تسمى ( العلاّمات ) فئة تمتهن تعليم البنات الرقيص قبل الزواج وبطريقة بروفشنال ... حاربوا ديل واقطعوا دابرهم من المجتمع وما تجددوا ليهم التراخيص يا ناس التجديد ( هم ديل تابعين لي وين اصلا ) ... كده ممكن العدوى تخف ... عروس ما بتعرف ترقص ومافي زول يعلمها ممكن تتردد في مغامرة الرقيص والطرب الرخيص
موضوع هائل وهام يستحق وقفة ومناقشة جادة لازالته من واجهة المجتمع ليظل تراث كامن ومسكون عنه .[/b]

[المسافر]

صديقي المسافر المصادم المزاحم
شايفك استسلمت لي فكرة تاني
ما تحضر بعد ما كترت عليك وبقت المسألة
انت بس ما تحضر والعايز اعمل (قطع) اعمل
دا الطلعنا بيه من البوست دا
ما تنسى ما تحضر اوكي

غايتو يا المسافر لو كان قلت
طلعت من بيتنا وركبت رقشة وبتاع الرقشة ماشي في الشارع
ضرب ليهو واحد ومشينا وديناهو المستشفى وبعدين مشيى المرور
واهل الزول جوا وطور الموضوع وانا اتأخرت من المشوار بتاعي
بجي اقول ليك انت الركبك رقشة شنو؟؟ اوكي





ما إستسلمت ولا شيء
علا بس عايزين نغير الموضوع !!!!!!!!

هههههههههههههههههههههههه
كلامك صحي وأنا خايف يقولوا لي
( إنت المرقك شنو أساسا من البيت )

[المسافر]

"]وفي فئة تسمى ( العلاّمات ) فئة تمتهن تعليم البنات الرقيص قبل الزواج وبطريقة بروفشنال ... حاربوا ديل واقطعوا دابرهم من المجتمع وما تجددوا ليهم التراخيص يا ناس التجديد ( هم ديل تابعين لي وين اصلا ) ... كده ممكن العدوى تخف ... عروس ما بتعرف ترقص ومافي زول يعلمها ممكن تتردد في مغامرة الرقيص والطرب الرخيص
موضوع هائل وهام يستحق وقفة ومناقشة جادة لازالته من واجهة المجتمع ليظل تراث كامن ومسكون عنه .[/b]




تحياتي عزيزي monim

من هو من المفروض أن يحارب هؤلاء ( العلامات )
وإذا كان رب البيت بالدف ضاربُ . . . . . . . . . . . . .
سابقاً كانت مهنة ال ( العلامات البروفشنال ) دي
متخصص فيها إناس بالتحديد كده ، ولكن للأسف
أصبحت حالياً عند العائلات الراقية مع إختلاف
طرق الرقيص ، لذلك محاربة ( العلامات) أمر
فيه كثير من الصعوبة .

[صابرحسين]

تحياتي عزيزي monim

من هو من المفروض أن يحارب هؤلاء ( العلامات )
وإذا كان رب البيت بالدف ضاربُ . . . . . . . . . . . . .
سابقاً كانت مهنة ال ( العلامات البروفشنال ) دي
متخصص فيها إناس بالتحديد كده ، ولكن للأسف
أصبحت حالياً عند العائلات الراقية مع إختلاف
طرق الرقيص ، لذلك محاربة ( العلامات) أمر
فيه كثير من الصعوبة .

أنت عارف يالمسافر الموضوع ليس حكراً على العلامات في مسألة تعليم الرقص ولدى البنات مخزون كبير جداً من الرقصات وقد تكون العروس ليست محتاجة لمن يعلمها الرقص من كثرة المشاهدة والتدريب ، مره أنا جالس وفي الحي كان هنالك تعليمة كاربه وصوت الدلوكه يرقص الشارع خلي العروس ، وبعد إنتهاء التعليمه خرج الجميع ومعهم وأحد من النوع البنقول عليه ثالثهم وعرقان عرق شديد وأنا قلت أكيد هذا الرجل كان يضرب في الدلوكة التي ألهبت مشاعر الشارع ، فضحك الجميع من كلامي وقالوا لي هذا الذي تراه هو الذي يعلم العروس ومتخصص في العائلات الراقية ،دا نسميه شنو يالمسافر تعلمجي ولا ........
تشكر على الموضوع الذي يحتاج لصحوة عامة لمحاربة مثل هذه العادات الضارة بمجتمعنا ..

[المسافر]

أنت عارف يالمسافر الموضوع ليس حكراً على العلامات في مسألة تعليم الرقص ولدى البنات مخزون كبير جداً من الرقصات وقد تكون العروس ليست محتاجة لمن يعلمها الرقص من كثرة المشاهدة والتدريب ، مره أنا جالس وفي الحي كان هنالك تعليمة كاربه وصوت الدلوكه يرقص الشارع خلي العروس ، وبعد إنتهاء التعليمه خرج الجميع ومعهم وأحد من النوع البنقول عليه ثالثهم وعرقان عرق شديد وأنا قلت أكيد هذا الرجل كان يضرب في الدلوكة التي ألهبت مشاعر الشارع ، فضحك الجميع من كلامي وقالوا لي هذا الذي تراه هو الذي يعلم العروس ومتخصص في العائلات الراقية ،دا نسميه شنو يالمسافر تعلمجي ولا ........
تشكر على الموضوع الذي يحتاج لصحوة عامة لمحاربة مثل هذه العادات الضارة بمجتمعنا ..



تحياتي أخي صابر

بالفعل وخصوصاً اليومين ديل من كترة
القنوات الفضائية والمياصة والخلاعة
الفيها بقى ما في بت محتاجة يعلموها
الرقيص لأن زي ما قلت بها مخزون هائل
منه . . .

وحكاية تعلجمي دي ما هو ظاهر . . . ولكن
الأصل أكيد حيكون . . . . . . . .

ودمت

[أبو حمزة]

المسافر : يا رفيق الكتابة الحرة... خليك من ناس esmat .. العاوزين يدخلو المشفى ويحملوك المسؤولية.. عصمت بالو طوووويل.. وخيالو واسع..بكرة بعمل ليك حفلة ويدفعك حق الحفلة والعشاء.. شوف ذي ناس monim .. الحريصين والجادين.. تعال نحارب معاهم.. والله أنا شايفها مسخرة.. وعدم احتشام..ولا شنو؟؟

كلام تخرمي تعالوا جاااي:

ويا esmat ...آخر حفلة وين..نعمل لينا بوسترات ..

لو عملتو رقيص عروس .. بنكسر الدلوكة..

ويا monim... يا ريت نطالب الحبوبات والجيران بعدم قبول الرقيص الرخيص..

ولا شنو؟؟

[esmat]

كلام تخرمي تعالوا جاااي:
ويا esmat ...آخر حفلة وين..نعمل لينا بوسترات ..
لو عملتو رقيص عروس .. بنكسر الدلوكة..
ويا monim... يا ريت نطالب الحبوبات والجيران بعدم قبول الرقيص الرخيص..
ولا شنو؟؟


حماميزو ياحبيبنا
تعرف الاغنية بتاعت ندي القلعة البتقول فيها
لاموني الناس وفهموني غلط بس اهديها ليك وكدا

[المسافر]

المسافر : يا رفيق الكتابة الحرة... خليك من ناس esmat .. العاوزين يدخلو المشفى ويحملوك المسؤولية.. عصمت بالو طوووويل.. وخيالو واسع..بكرة بعمل ليك حفلة ويدفعك حق الحفلة والعشاء.. شوف ذي ناس monim .. الحريصين والجادين.. تعال نحارب معاهم.. والله أنا شايفها مسخرة.. وعدم احتشام..ولا شنو؟؟

كلام تخرمي تعالوا جاااي:
ويا esmat ...آخر حفلة وين..نعمل لينا بوسترات ..
لو عملتو رقيص عروس .. بنكسر الدلوكة..
ويا monim... يا ريت نطالب الحبوبات والجيران بعدم قبول الرقيص الرخيص..
ولا شنو؟؟



والله يا عزيزنا أبو حمزة
الواحد بقى في حالة إحباط
شديدة من التغيير ، وأنا خايف
ألقى نفسي أول واحد بسكسك
في رقيص العروس !!!!!!!!!

[المسافر]

حماميزو ياحبيبنا
تعرف الاغنية بتاعت ندي القلعة البتقول فيها
لاموني الناس وفهموني غلط بس اهديها ليك وكدا






يا أخوي إنت الناس لاموك
ولا فهموك غلط ، لأن الوضع
فرق كتير ، وغايتو لو لاموك
نحن بنقيف معاك ، لكن كان
فهموك غلط ، شوف نفسك
سويت شنو ؟؟؟؟؟؟؟؟؟؟؟

[أشرف صلاح السعيد]

وياريت كل السفه دا ببلاش..
عليك امان الله حق الرقيص يجيبلك واطة..
الاخلاق وين وناس الرقيص وين..
ياخى الترقص ماقلنا حاجة لكن قدام الرجال!!!ولا اقول ليك برضو معزورة هم لو رجال بقعدو يتفرجو فى عروس بترقص!!!

[محمد حسين (المميز)]

ندخل في الموضوع أحسن !!!!!! بصراحة كده شفت شريط فيديو لرقيص عروس حديثاً ، بحجة ما ‏يسمى بقطع الرحض قاتله الله ، وشفت العمر عيني ما شافتو ، عروس بترقص شبه عارية وزي ‏اللابسة (بدلة الرقاصات ) وإن مجموع الحاجات اللابساها كله يساوي (10) سم فقط ، ‏وبإختصار كده قطعة قماش باللون الأحمر الصاخب صغيرة جداً مغطية بيها (15%) من الصدر ‏‏، وده إذا كانت النوايا كويسة وقلنا فعلاً ما شفانا حاجة في ال (15%) دي ، وكذلك جزء صغير ‏أيضاً باللون الأحمر ( دم غزال ) للمنطقة الوسط وبعد ده ( مكشكش ) . . . والباقي تمو خيال ‏وبذات اللون !!!!!!!!



مرات بتخيل لي أنا قاعد في ( كبريه )



همسة: انت البخليك تحضر شنو االشريط -




** رسل لينا الشريط دا عشان نديك راينا صاح (مستندات وكدا عشان الموضوع اكون موثق)
وشاكرين لكم حسن تعاونكم معنا



شفت الشريط عشان أمكن أعرس في أي
وقت ، على الأقل أكون عامل حسابي من
( الأقوان ) .


إنت عارف أن العريس أكتر واحد
في اليوم داك بكون ( دلدول ) وتجي
أخت العروس تتضحك ليهو وتغمز ليهو
وبعدها الفاصوليا بتدور !!!



يا حبيب تأكد بأن ( إسمت ) بعدما نرسل
ليهو الشريط تاني ما حيقدر يلعب كرة قدم
لكن ممكن يلعب ( ضمنة ) !!!!!!!!!!!!!!



ياخي عاوز رقيص اقفل الباب وامسك الطبله في غرفة النوم ورقص عروسك ذي ماعاوز [/QUOTEابوخالد]


انت متاكد ده شريط قطع رحط

ماشريط شئ تانى ..........



ودونكم رقيص المزيعه (جديه ) في زواجها من المعز عمر بخيت
انا شفتا منو جزء بسييييييييييط لكن ختير

تخريمه
عصمت
لوعندك شريط جديه رسلو لي عليك الله

ما تفهمني غلط نفس فهمك الفوق
عشان لما اناقش زول اوريهو بالصوره

عصمت انا متأكد عندك يا ثقيل


يااااخ دا موضوع عايز ليه مسك اعصاب
خلوني امسك اعصابي واجيكم برواقة



ويا عصمت تعال لى دايرك فى الايميل وليس من رأى كمن سمع


بس انا شايفه مافيه اي شيء
لو العروس رقصت
الجماعة مكبرين الموضوع شدددددديييييييييييييييد جدا جدا
دي عادات وتقاليد ومافيه اي ضرر
مع اعتراضي فقط علي التعري والحركات القبيحة



ففي الحالتين العروس عرضة للنظرات والشهوات والاثارة


والباطل الأسمو ( راجلا ) قاعد مبسووووووووووووووووط ...
انت متأكد راجلا ( راجل ) ولا فصيلة تانية .


(لكن كان لقيت بحضر )



هسي انا خطيبي يقول لي الكلمتين ديل ما بسيب حفلة الزفاف زاتها ؟!!!


قلت ليكم دي مواضيع بترفع ضغطي وانا زولة كبرت على الانفعالات دي


يعني الدركسون مع العريس


أها أرسل ليك الشريط !!!!



انت حضرت الشريط ليه ؟؟؟؟؟



]( جدية ) بقت ليها العرسة بالياباني والتاباني !!!!

الشريط أنا قاعد أقطع منو اللقطات الفاضحة عشان
ارسلو ل ( عصمت ) وحأرسل ليكم نسخة منه . . .
لأني خايف عليكم .


يا شباب ربنا بيسألكم من الكلام البتكتبوه ده ... بس عايز أقول إنو جدية أو أي إمرأة سودانية يهمنا أمرها لأنو في النهاية حتة مننا

[moram=QUOTE]إنتو بتلوموا في المسافر لأنو شاف الشريط لييه؟؟
هو في الآخر شاب والشباب أي شريط أو فيديو بيقع في يدهم بيتفرجوا فيه , والشريط جاهو في مكانو ومامشى ليهو ولا مشى مخصوص لحضور رقص عروس
والفائدة المهمة في إنو بالبوست ده حيكون نبه كثير من المقبلين على الزواج ( لأنو الفات فات ) لخطورة الأمر ده , علشان مايقعوا في الأخطاء ذاته , لأنو الزمن إختلف



خلاس رميتيها كلها في المغتربين ؟! خليك موضوعيه واتكلمي في الموضوع من وجهة نظر عامه الحاجات دي جوه البلد بتتشاهد وعندها اقبال شديد من الشباب


وبالله عليك قول لي الشاب البيكون راقد في سريرة دا بيحضر في رقيص العروس عشان بيكون ماله



الرحض ممكن أن يقال عنها نوع
راقي من الشعوذة والدجل وتقدم
بشكل مختلف . . . وبمعنى آخر


غاتيو لابس جلابية وعمة ومركوب
علا كان راجل ولا ما راجل دي ما بعرفها


وهي متوفرة لدى
المغتربين ، والمشكلة الزوجة عندما تجد هذا
الإحساس يبقى همها هي لفت نظر أصدقاء
الزوج وجميع من حاوله بجمالها ومما تملكه
من مغريات ، هذا بالفعل على حساب بيتها
وزوجها وأولادها وغالباً ما ينتهي الأمر بإنفصال
أو رزيلة وفساد . .


وبعد إنتهاء التعليمه خرج الجميع ومعهم وأحد من النوع البنقول عليه ثالثهم وعرقان عرق شديد وأنا قلت أكيد هذا الرجل كان يضرب في الدلوكة التي ألهبت مشاعر الشارع ، فضحك الجميع من كلامي وقالوا لي هذا الذي تراه هو الذي يعلم العروس ومتخصص في العائلات الراقية ،دا نسميه شنو يالمسافر تعلمجي ولا


وأنا خايف
ألقى نفسي أول واحد بسكسك
في رقيص العروس !!!!!!!!![/SIZE]




المســــافر
المشـاكس
الرائــــــــــع
المعـــارض دائمـا

روعــــه وجمـــال

البوست كان اروع من رقيص العروس

ومثير اكتر من لبسهـا

والروعه اكتملت في المشاركات المتنوعه

والردود الساخنه

بين العادات والتقاليد

وبين الحلال والحرام

وبين الأنوثه والرجوله

حبيت اقتبس اللي قدرت عليهو من جماليات هذا البوست

شكراااااا يا مشاااااكس عالموضوع;)


دبل كيك: قلت لي الشريط وين؟؟:p

[الزونية]

الأعزاء المتداخلين لكم التحية جميعاً

والأخ المسافر مشكور على هذا الموضوع الموسع في الأهمية والذي حسب إعتقادي انه يندرج تحت طائلةكل العناوين( السلوك والتربية. والأخلاق. والمجتمع بكل فصائله. والتعليم .والدين بكل مقدساته )..
ولوتناولنا الموضوع بعيداًعن الهرج والمرج ووضعناه موضع القضية المستوجبة للحل فوربي ذلك أجدى وأنفع لمجتمع يلهث ليبني زاته باحثاً عن الفضيلة وسط رفات ماتبقى .....
فهناك شرخ كبير في السلوك والتربية غزت ديارنا ونحن عنها غافلون

فالأسرة هي التي تقوم السلوك بالدين الذي يهدي للتي هي أقوم...

وقد تستغربون إنني لم ار هذا الشريط ولا اي شريط غيره لفتاة ترقص بالرغم من تداوله المكثف وسط كل شرائح المجتمع...
في يوم من الإيام في مكان عملي لاحظت تجمعاً كبيراً في مكتب أحد كبار المهندسين وانا أعبر الصالة ..فتساءلت ماذا يجري فكان الجواب إنو ده شريط جدية ...وعجبي..
في أي مجتمع نحن يسمح لهذا الرجل كبير السن أن يسلك هكذا سلوك واي قدوة هذا لأبنائة ومجتمعه ومرءوسيه الذين يشاهدون معه الشريط...
وللأسف الشديد ان ظاهرة الرقيص منتشرة الآن وسط المتعلمات بكل الشرائح وهذا مايوسفني ..شئ من الإ سفاف والتدني بلغ مبلغه ...والكل في سكون....حسبنا الله ونعم الوكيل

[فخرالدين عباس احمدون]

يااخوى هوى من خلا عاتو قلت سعاتو

[أبو حمزة]

نعم في الأمر خصوصية.. ألا ترون بأن الإعلام متعطِّش للبث .. والسبق .. والنشر ..؟؟
ونحن إلى وقت قريب كانت هذه الأمور عندنا عادية.. وغير مستغرب فيها.. بل العكس..!!

ولكن التصوير..+ الجوال.. + العولمة.. + الصحوة ( إن صحَّ الأمر) ..+ وسخ النفوس وضعفها.. (وآسف على العبارة الأخيرة)..!!
وبصراحة.. أنا لو قالوا لي تعال أحضر رقيص فلانة ولا غيرها - وقد حصل إن قيل لي ذلك - فلن أقبل.. مرؤتي لا تسمح لي بذلك..
وبصراحة.. عيب أن يكون راجل يشاهد في رقيص عروس..فالمحارم يستحون..!! دعك من الأجانب..!!

والله عجب..!!
ويا esmat : الأغنية مقبولة.. واخترت لي أحسن فنانة..
ويا صديقي العزيز: كانت مداخلة ومداعبة لروحك الحلوة.. ففهمك لا يحتاج لشرح .. أنت واضح وصريح.. دمت بخير وتقبل مروري..
ويا المسافر: طرح جيِّد.. وآراء صريحة.. واصل .. واستخرج كل الكمائن ونحن معك..

[رضاك ياصفيه]

ياخوي تشكر على الموضوع بس حاب اشوف الشريط

[ود سعدابى]

هنالك عادات كتييييرة عندنا أصبحت بلا معنى ولا هدف وحتى بلا فهم فلكوري ، زي مثلاً ‏الرحض ورقيص العروس والشبال والبشير ( البِشّير ) تجنباً لأي هوا !!!!!!! ‏

ندخل في الموضوع أحسن !!!!!! بصراحة كده شفت شريط فيديو لرقيص عروس حديثاً ، بحجة ما ‏يسمى بقطع الرحض قاتله الله ، وشفت العمر عيني ما شافتو ، عروس بترقص شبه عارية وزي ‏اللابسة (بدلة الرقاصات ) وإن مجموع الحاجات اللابساها كله يساوي (10) سم فقط ، ‏وبإختصار كده قطعة قماش باللون الأحمر الصاخب صغيرة جداً مغطية بيها (15%) من الصدر ‏‏، وده إذا كانت النوايا كويسة وقلنا فعلاً ما شفانا حاجة في ال (15%) دي ، وكذلك جزء صغير ‏أيضاً باللون الأحمر ( دم غزال ) للمنطقة الوسط وبعد ده ( مكشكش ) . . . والباقي تمو خيال ‏وبذات اللون !!!!!!!!‏

ده كوم ورقيص الإثارة كوم كبير تاني ، مرات بتخيل لي أنا قاعد في ( كبريه ) وممكن ( اللطة) ‏تجي حايمة في أي وقت !!!!!! . . . والحاجة المقززة جد جد الأغاني التي كانت ترقص عليها ‏العروس . . هي قد تكون أغاني حماسية بس لحماسة شيء آخر (إيماءات جنسية وشحن عاطفي ‏‏) ليس إلا .‏

وبهذا الوصف الذي إتواضعت فيه وأخفيت الكثير المثير تجنباً لحذف الموضوع من الإدارة ‏المتربصة ، كانت العروس ترقص أمام ما يقارب (300) شخص وشخصة ومن ضمنهم ما يدعي ‏‏( زوجها ) !!!!!! إذا قلنا بأن العروس رضت لنفسها أن ترقص عارية قدام الناس على حسب ‏إنهن كده كده يعني . . . فماذا ينقص هذا الرجل . . . . آآآآآآآآآآآآي كلامكم صاح ( الرجولة ) ‏وتحولت الرجولة من خبر ( كان ) إلى خبر ( مات ) .‏

وفعلياً وعقلياً بأن هذه العادات بدلاً من أن تكون فلكور وتراث نفتخر به أصبحنا نخجل أن ‏عرضه للآخرين ، وحولناهو بقدرة قادر إلى مسخرة ومزبلة أخلاقية تافهة ورخيصة .‏

قالوا ( الشمارات أصلو ما بخليها... القوالات والسواطة الفيها... فتشوا الطيبين جابوا لينا ‏فضيحة... قالوا ده الإعلام نجهونا نجيهة... ) .‏

هو القال منو رقيص العروس من ضمن عاداتنا !!!:rolleyes::rolleyes:

دى عادات وافده إلينا من الخارج وكتير الزافد إلينا من الخارج وضميناه بدون خجله لى عاداتنا !!!

ام الرحط دا عادات سودانيه ميه الميه

عندنا فى قريتنا الرحط بكون نوع من انواع كسر الحيا بين العروسين
ويربط فى مناطق مختلفه ويجعلوهو مخفى عن العريس مرات يربط فى الجيد ومرات يربط فى اليدين ومرات فى الرجل وامام مجموعه من الناس يدخلوهم تحت توب او قطعة قماش شفاف ويجعلو العريس يبحث عنه داخل جسد المراءة وسط زغاريد واهازيج اهل العروسين مع وضع فى الاعتبار العروسه بكامل ملابسها سواء ان كان زفاف او جدله يعنى مافيه ايك عيب !!!

لاكن الشفتو عندك دا او القريتو دا دى ماعاداتنا واصلو مالاقتنى ولا سمعت بيها

دى راقصه كبريهات ليس إلا

تقبل مرورى

ود سعدابى المندهش

[المسافر]

وياريت كل السفه دا ببلاش..
عليك امان الله حق الرقيص يجيبلك واطة..
الاخلاق وين وناس الرقيص وين..
ياخى الترقص ماقلنا حاجة لكن قدام الرجال!!!ولا اقول ليك برضو معزورة هم لو رجال بقعدو يتفرجو فى عروس بترقص!!!




والله يا أشرف أنا حاسي إنك
عايز تقول ( الرجال بقو على وشك الإنهيار ) !!!
والله كلام صحي

[esmat]

ياخوي تشكر على الموضوع بس حاب اشوف الشريط


الحجز عند عمر سنهوري
رسل ليه رسالة خاصة
تنبيه: استعجل الكمية محدودة

[المسافر]

المســــافر
المشـاكس
الرائــــــــــع
المعـــارض دائمـا
روعــــه وجمـــال
البوست كان اروع من رقيص العروس
ومثير اكتر من لبسهـا
والروعه اكتملت في المشاركات المتنوعه
والردود الساخنه
بين العادات والتقاليد
وبين الحلال والحرام
وبين الأنوثه والرجوله
حبيت اقتبس اللي قدرت عليهو من جماليات هذا البوست
شكراااااا يا مشاااااكس عالموضوع;)

دبل كيك: قلت لي الشريط وين؟؟:p




تسلم يا محمد يا مميز
إنت فعلاً مميز عشان
إقتطفت الحاجات المميزة
وحللت الموضوع بشكل جميل

علا الشريط صادروه ناس الإنضباط :d

[المسافر]

الأعزاء المتداخلين لكم التحية جميعاً

والأخ المسافر مشكور على هذا الموضوع الموسع في الأهمية والذي حسب إعتقادي انه يندرج تحت طائلةكل العناوين( السلوك والتربية. والأخلاق. والمجتمع بكل فصائله. والتعليم .والدين بكل مقدساته )..
ولوتناولنا الموضوع بعيداًعن الهرج والمرج ووضعناه موضع القضية المستوجبة للحل فوربي ذلك أجدى وأنفع لمجتمع يلهث ليبني زاته باحثاً عن الفضيلة وسط رفات ماتبقى .....
فهناك شرخ كبير في السلوك والتربية غزت ديارنا ونحن عنها غافلون

فالأسرة هي التي تقوم السلوك بالدين الذي يهدي للتي هي أقوم...

وقد تستغربون إنني لم ار هذا الشريط ولا اي شريط غيره لفتاة ترقص بالرغم من تداوله المكثف وسط كل شرائح المجتمع...
في يوم من الإيام في مكان عملي لاحظت تجمعاً كبيراً في مكتب أحد كبار المهندسين وانا أعبر الصالة ..فتساءلت ماذا يجري فكان الجواب إنو ده شريط جدية ...وعجبي..
في أي مجتمع نحن يسمح لهذا الرجل كبير السن أن يسلك هكذا سلوك واي قدوة هذا لأبنائة ومجتمعه ومرءوسيه الذين يشاهدون معه الشريط...
وللأسف الشديد ان ظاهرة الرقيص منتشرة الآن وسط المتعلمات بكل الشرائح وهذا مايوسفني ..شئ من الإ سفاف والتدني بلغ مبلغه ...والكل في سكون....حسبنا الله ونعم الوكيل



بالفعل أختي الزونية كما قلتي تماماً
بأن التربية هي أساس كل شيء . .

أضفتي جانب جديد من الموضوع لم
نتطرق إليه . . . ولي عودة بالتفصيل.

[ود علوية]

ماهو الفرق بين تقبل رقص العروس في الماضي عند الجميع بدون استثناء بدليل كان رقيص العروس في مسرح العرس ( حتي اواخر الثمانيات ) وبين تقبله الان وان كان من دون رجال او كميرا او علي الملاء وبي كميرات وانه ليس امرا من الدين ولا من الاخلاق ولا من الرجولة ؟؟؟؟؟؟ ولماذا كان في الماضي اللعب( المتلاصق ) والدفاع عن بنت الجيران شي عادي والان اصبح شي مستغرب و مستهجن وليس من الدين ؟؟؟؟ ولماذا كان الركوب في الباص مختلطا بين الرجال والنساء والان اصبح منفصلا ؟؟؟! واشياء اخري كثيرة كانت في الماضي متقبلة والان مستهجنة
السؤال هل كانو السودانيون زمان غير متدينين ولا يعرفون عن الاسلام والاخلاق شئ والان اصبح الناس كلهم متدينين ويعرفوا عن الاسلام كل شئ ام ماذا يا احباب ؟؟؟
وهل المعرفة بالدين والاسلام يؤدي الي اخلاص النية الحسنة ؟ او النيات الحسنة بين البشر تؤدي الي المعرفة و الطبيق السليم للدين والاسلام ؟
وهل نحكم علي العادات والتقاليد بالنية الحسنة و الاخلاق وحدهما ام بالدين وحده ام بالنية الحسنة والاخلاق والدين معا ؟؟؟
وهل العيب فينا ( المشاهدون ) ام العيب في رقص العروس وزوجها ؟؟؟؟!!!!!!!

[ام قبس]

جيت تااااااااااااااااااااااااااااااااااني يالمسافر
عجبني راي الاخ المندهش ود سعدابي
وكل واحد من المتداخلين بينه وبين نفسه رقيص العروس البنعرفة كلنا
اسرتك الكبيرة او الصغيرة مافي عروس رقصته
عسع عملتوا روحكم مابتعرفوة ويخربنا ويطرشنا
جنس عجايب
وش فاتح خشمو كبير نظام مندهش وكدا لكن هو مامندهش

[رمشة عين]

أنا زي زي أي بت بتتمنى تظهر في عرسا بشكل يجذب أنظار المعازيم ليها بس . ولكن التربية ليها دور يعني بمعنى الوحدة لو أهلها النوع المتحرر داك فأكيد هي حتشوف حكاية الرقيص دي حتى ولو على مرأى الرجال عادية وتلقاها بتقول مافيها شي العرس مرة وحدة في العمر . بس بكون الحق ما عليها على أبوها و الراجل الفرحان بيمرتو وهي بترقص قدام البشر ديل وين غيرتكم .
هي ممكن تشوف الوضع عادي لأنها شايفة أبوها في الحفلات برقص بيكتفو وبهز خصرو . وزي ما قال الشاعر :
إذا كان رب البيت بالدف ضاربا
فشيمة أهل البيت كلهم الرقص
وكلامي للبنات : العايزة تظهر بتظهر بس حبة اهتمام بنفسها قبل العرس ما شرط تهزو وتتعروا عشان هي ليلة العمر .
و للزوج عيب عليك ترضى ليمرتك تكون لبانة في خشوم الناس الغيرة وين .

[المسافر]

يااخوى هوى من خلا عاتو قلت سعاتو



حتى لو كانت هذه العادة عادة
سيئة وبها ( ديوسية ) !!!!!!

[المسافر]

نعم في الأمر خصوصية.. ألا ترون بأن الإعلام متعطِّش للبث .. والسبق .. والنشر ..؟؟
ونحن إلى وقت قريب كانت هذه الأمور عندنا عادية.. وغير مستغرب فيها.. بل العكس..!!
ولكن التصوير..+ الجوال.. + العولمة.. + الصحوة ( إن صحَّ الأمر) ..+ وسخ النفوس وضعفها.. (وآسف على العبارة الأخيرة)..!!
وبصراحة.. أنا لو قالوا لي تعال أحضر رقيص فلانة ولا غيرها - وقد حصل إن قيل لي ذلك - فلن أقبل.. مرؤتي لا تسمح لي بذلك..
وبصراحة.. عيب أن يكون راجل يشاهد في رقيص عروس..فالمحارم يستحون..!! دعك من الأجانب..!!
والله عجب..!!
ويا esmat : الأغنية مقبولة.. واخترت لي أحسن فنانة..
ويا صديقي العزيز: كانت مداخلة ومداعبة لروحك الحلوة.. ففهمك لا يحتاج لشرح .. أنت واضح وصريح.. دمت بخير وتقبل مروري..
ويا المسافر: طرح جيِّد.. وآراء صريحة.. واصل .. واستخرج كل الكمائن ونحن معك..



تحياتي عزيزي ابو حمزة
أشكر لك إهتمامك بهذا البوست
وتشجيع المستمر ودمت ابداً
خير معين . . .

وللأسف أصبح حضور رقيص
العروس بالنسبة للرجال ليس عيباً
بل شرفاً ومفخرة عندهم جزء منهم

[زاهر النويري]

اخي المسافر
لك التحية والتقدير على هذا
الموضوع والله كلامك صاح
انا بزيد علي شفته شريط ذي كده
بس العروس بترقص في صيوان العرس
اتخيل الساعة عشرة صباحاً
على الملاء وفي المسرح وذيد علي المسرح
طاولة ،،،،،،،،،،
كيف الواحد برضى لي اختو او زوجتو التعري
وين العرض وين الاحترام طيب ويتن الدين والقيم
السودانية الله يرحم ،،،،،،،،،،،،،،،،
((((ياخوي انا لو العريس علي الطلاق ماتبراني)))))

[شيخ الدين]

حيبنا المسافر تحياتنا حبيبنا بتفرف مشكلتنا نحنا السودانين دئما نتدخل في خصوصيات الاخرين ودائما نحنا ودائما نصر احكام علي الاخرين ونحنا الصاح ونحنا المنحدد الصاح والغلط ونصدر الفتاوي
وين المشكله في الرحض ومن اعطام الحق ان تشبهوه بالراقصات واذا نظرنا الي رقصة العروس تعري وما عارف شنو وما ادراك بالتعري ان الرقيص السوداني كله اثاره والاغاني السودانية كلها هابطه يا حبيبي الرقيص هو لغة الجسد فن ليلة العروس هي الليلة الوحيدة التي يفرحوا فيها لعرسان ما دام هم راضيين نحنا دخلنا شنو ليه دائما نتدخل في خصوصيات الناس وكل شوية تدخلونا ينا بلدين والاسلام علي القليل احترموا اصحاب الديانات الاخره. بعض الشباب ذهبوا ابعد من كده انها عادات مستورده يا احباي من قمنا ونحنا صغار بنحضر قطع الرحات واماتنا كاهم قطعوا رحطهم ونفي اللبس من ما قمنا واساسا الرحض له لبس خاص وا تغير الرحض والجرتك والحريره وكل شعوب العالم لها طقوسها في لعرس وهذه شي يميز كل شعب عن الاخر وبالمناسبه كان زمان قطع الرحض في سهرة العرس وفي الشارع وكان في تعليم العروس الرقصات اكثر من شهر وهي عبارة عن مبارة بين العريس والعروس وكان تحسب بالقون كلما لايستطيع العريس ان يمسك بالعروس قبل ان تنزل الارض يدفع مبلغ من المال وكانت وما ذالت من العادات الجميلة الرئعةوهي بس في اطار لتسلية والفرح والمرح لم ينظر لها بالنظره الجنسية لان بنت الفريغ هي مش مقام اختك بل هي اختك انا ما عارف بحس انتو تاثرتوا بعادات البدوه في الخليج لانه مجتمع عيش في كب محرمات لا يا احباي نحنا بعدنا بالف خير وقطع الرحض من العادات التي نفتخر فيها . هل تعلموا رقصة العروس السودانية فازة بالاولي في اوبريت العرس العربي. يا احباب كفانا تدخل في شؤون العام ونهتك عروض العالم مابتحبو خلاص بكيفكم ماتحضروا