ثورة ركاب الحافله

[عمرسنهوري]

يوم الخميس تحركت من مدني الى المناقل وذلك لعمل يخص الشركه
قمت باخذ التزكره من المكتب وركبت الحافله .
ركبت في المقعد الاخير ( كنبة شكرا )
وطواالي فتحت الجريدة بتاعتي وقعدت اقرأ .
فجأة سمعت الناس بتجوط واحدين يقولو يلا المكتب وواحدين يقولو
ما بنركب العربيه دي و واحدين يقولو دا استهتار واحدين ما تفهم بقولو في شنو .؟؟؟
من خلال الجوطه فهمت انو في ثوره قامت عى الحافله .
راجل كبير في كنبة شكرا مع الشباك بيني و بينو بنيه
الراجل انضم الى حزب الثوره ويبدو انه متطرف لانو قال للناس
يلا كل الناس تنزل ومعاو اتنين شباب و تلاته ياعم .
الموضوع عجبني خالص . قلت في سري ايوا الحقوق لا تعطى ولكن تنتزع انتزاعا
و بدون ما اشعر تذكرت اغنية الامبراطور وردي (يا شعبا لهبك ثوريتك )
وقلت في سري لو الناس وقفت في كل شي بالصلابه دي اكيد البلد حتمشي لي قدام .
انا نزلت بس وما اتكلمت مع اي زول . لكن كنت مبسوط .
سامع واحد من رجال الثوره بتكلم واحد من موظفين المكتب .
قال ليهو العربيه دي بطلت مرتين نحن ما بنركب الا تغيروها لينا .
الموظف قال ليهو و الله العربيه دي زي الطلقه بس دايره وقود .
الجماعه قالو ستين يمين ما بنركب . الا تغيرو العربيه دي
فضل حوالي سبعه اشخاص داخل الحافله من السبعه ديل بت كانت جنبي
شكلها طالبه . قلت في سري الطالبه دي مفروض تكون مع الثوار و ضحكت
ولا زالت اغنية وردي في ذهني (يا شعبا لهبك ثوريتك )
فتحت الجريده في الضل و قعدت اقرا ونسيت الموضوع
بس بعد شويه اشوف ناس الثوره كلهم قبلو على الحافله و ركبو
قلت بسم الله الناس ديل لحسو كلامهم ولا شنو ؟؟؟؟؟
مشيت على الحافله لقيت الناس كلها ركبت .
طلعت لقيت الطالبه الما نزلت حاجزه لي مكاني
نظرة لي بخبث و قالت كنت متأكده انكم حترجعو تاني
ضحكت و تكلمت لاول مره و بصوت عالي
وهتفت تمخض الجمل و ولد فأرا وضحك عدد كبير من الركاب
وفي تلك اللحظه تزكرت حرب العراق وما يقوله الصحاف
وما يقوله الشارع العراقي و الحرس الجمهوري
وعندما اصبح الصباح وجدنا دبابات الامريكان داخل بغداد
اين ذهب الجيش و الحرس و فدائيي صدام و الشعب
اين ذهب ثوار الحافله
عفوا
الثوره قامت داخل حافله فقط ولم تؤثر على مكتب الترحيلات على بعد 15 متر

[درديري كباشي]

والله موضوعك عجبني باستثناء حروفك الحمراء وكبد الحقيقة..

فعلا عندنا في السودان ممكن تشعل ثورة من اتفه موضوع وممكن تنطفي بابسط حل

لكن يكمن الابداع في صناعة الشربات من الفسيخ للموضوع الذي خرجت به من الحياة اليومية ... (رغما عن اني بحب الفسيخ اكثر من الشربات)

[العاقب مصباح]

تعرف يا صديقى
اخوك مقتنع بأنه البنت الطالبة دى اذا نزلت معاكم كان الثورة حصلت نتيجة
دائما ما اؤمن بأن الصامتون هم من يجنون
والصارخون هم من تضيع جهودهم
نحمد الله انك كنت من الصامتين
رغم نزولك
يا مريخابى
محبتى

[الجندي المجهول]

يوم الخميس تحركت من مدني الى المناقل وذلك لعمل يخص الشركه
قمت باخذ التزكره من المكتب وركبت الحافله .
ركبت في المقعد الاخير ( كنبة شكرا )
وطواالي فتحت الجريدة بتاعتي وقعدت اقرأ .
فجأة سمعت الناس بتجوط واحدين يقولو يلا المكتب وواحدين يقولو
ما بنركب العربيه دي و واحدين يقولو دا استهتار واحدين ما تفهم بقولو في شنو .؟؟؟
من خلال الجوطه فهمت انو في ثوره قامت عى الحافله .
راجل كبير في كنبة شكرا مع الشباك بيني و بينو بنيه
الراجل انضم الى حزب الثوره ويبدو انه متطرف لانو قال للناس
يلا كل الناس تنزل ومعاو اتنين شباب و تلاته ياعم .
الموضوع عجبني خالص . قلت في سري ايوا الحقوق لا تعطى ولكن تنتزع انتزاعا
و بدون ما اشعر تذكرت اغنية الامبراطور وردي (يا شعبا لهبك ثوريتك )
وقلت في سري لو الناس وقفت في كل شي بالصلابه دي اكيد البلد حتمشي لي قدام .
انا نزلت بس وما اتكلمت مع اي زول . لكن كنت مبسوط .
سامع واحد من رجال الثوره بتكلم واحد من موظفين المكتب .
قال ليهو العربيه دي بطلت مرتين نحن ما بنركب الا تغيروها لينا .
الموظف قال ليهو و الله العربيه دي زي الطلقه بس دايره وقود .
الجماعه قالو ستين يمين ما بنركب . الا تغيرو العربيه دي
فضل حوالي سبعه اشخاص داخل الحافله من السبعه ديل بت كانت جنبي
شكلها طالبه . قلت في سري الطالبه دي مفروض تكون مع الثوار و ضحكت
ولا زالت اغنية وردي في ذهني (يا شعبا لهبك ثوريتك )
فتحت الجريده في الضل و قعدت اقرا ونسيت الموضوع
بس بعد شويه اشوف ناس الثوره كلهم قبلو على الحافله و ركبو
قلت بسم الله الناس ديل لحسو كلامهم ولا شنو ؟؟؟؟؟
مشيت على الحافله لقيت الناس كلها ركبت .
طلعت لقيت الطالبه الما نزلت حاجزه لي مكاني
نظرة لي بخبث و قالت كنت متأكده انكم حترجعو تاني
ضحكت و تكلمت لاول مره و بصوت عالي
وهتفت تمخض الجمل و ولد فأرا وضحك عدد كبير من الركاب
وفي تلك اللحظه تزكرت حرب العراق وما يقوله الصحاف
وما يقوله الشارع العراقي و الحرس الجمهوري
وعندما اصبح الصباح وجدنا دبابات الامريكان داخل بغداد
اين ذهب الجيش و الحرس و فدائيي صدام و الشعب
اين ذهب ثوار الحافله
عفوا
الثوره قامت داخل حافله فقط ولم تؤثر على مكتب الترحيلات على بعد 15 متر

حبيبنا الغالي ودسنهوري
الثورة دي كانت (الثورة بالنص ولا بالواد ولا بالشنقيطي) لكن انا والله عشت معاك اللحظة وكتير بتحصل في المواصلات وبتكون نواة لفتح مواضيع كتيرة

تخريمة :
اجمل حاجة فيك وانت بي روحك الرياضية وجدناك اول شخص يهنئ الهلالاب على النصر 1/صفر على زسكو الزامبي ( يا هو دا السودان)

لمحة اخيرة : انت موقع الصدا الحصل فيهو شنو (جاهو السيل بتاع موقع مدني ولا شنو الحصل)

[أبوحراز]

حضرت ذات مرة ثورة قريبة من هذه لكنها ثورة ناعمة وطاعمة
بنتين بتشاكلن مع بعض في السوق العربي
شخصياً لا استغرب حينما أجد واحدة جميلة بتتشاكل مع واحدة شينة
أو العكس
أو واحدة شينة بتتشاكل مع واحدة شينة
لكن جميلة مع جميلة شيء غير طبيعي
الشكلة فيها ركل ورفس وتفاف وبصاق
وتظعيط شعر
وتقطيع فساتين
لكن أغرب شيء مافي اي واحدة فيهن خربشت { وش } التانية !!!
سبحان الله
والمشكلة بعد شوية جووووووووووك ناس { أبومروّّة }
بعد ان رأووا { الجمال السائب } يخرج عن طوره
شيلك أحجزك
فك من هنا وفكوا التانية من هنا
بعد شوية كل واحدة أدوها كوز موية
وبدل ماتشرب كل واحدة غسلت وشها
وتمت المصالحة
وكل واحدة { بوسة } في خد التانية
ومشن شربن عرديب وقعدن يتوسن ويضحكن
يعني برود برود ماعادي
قال ثورة قال !!!

[صهيب البصير]

الصمت ابلغ فى كثير من المواقف
تعرف ياعمر سنهورى
نحنا المغتربين المهمومين المغلوبين على امرنا
المغتربين الغائبين عن السودان واموراوا
احيانا احس الغربه وماسيها تترك فينا نوع من التبلد نوع من الصمت او عدم الموضوع
احس بان المغتربين عند العوده الى السودان فى موسم الاجازات تجدهم وقد تغير الحال فيهم الكل اصبح ميال الى الوحده والانطوائيه وعدم مخالطه النس الا فيما ندر

عند ذهابى الى السودان فى الاجازه السنويه السنه الماضيه
حاتولت ان اكسر الروتين واعمل فيها الود ملحلح شويه
كان عندنا شويه بنيان (حيطه حوش ) المهم الود عامل فيها مفتح ركبت العربيه وجرى على السوق المركزى فى مدنى
المهم لقيت من البشر ماهو مختلف فى طلب الاجور والاشكال والضحكات مع السفات
وهاك ياتراب وقلابات ولوارى وكواروا وناس ماشه بدون احساس الواحد اكوركو لى كواريك عشان افتح الشارع للعربات نسوات حايمات فى السوق بلا شغله مجموعه من النسوان وقدامهن حلل وكوانين والغريبه الناس بتاكل فى هذه البئه اللتى يملاها الغبار
وانا قاعد نفس قعدتك اخى عمر سنهورىنفس جلستك بس فى ضل شجرة
ملعون ابو دى اوضااااااااااااع حرام عليكم ياناس المحليات وان معاك يااوكامبوا من يوم الليله دى بلدنا بقى مافيها حق ابدا
تذكرت سير سير ياقشير والسد القد
معقوله الناس هنا وصلت لهذه الدرجه من الاهمال حتى الاكل اللذى يطفحونه فى بيطونهم اصبحوا غير مكترسين له

المهم قلت الناس ديل بس ماطلعوا بره لكن لوشافوا الناس كيف عايشه بره والله اطالبوا طوالوا ابيعوا السودان دا واى زول ادوهوا حقوا

المهم اتجمعوا حولى 30 شخص اى واحد اقول لى يامعلم انا بظزبط ليك الحيطه دى تمام وكلام كتير ومشاكل بينهم اى واح فيهم حابى اشتغل الحيطه دى
هم طبعا عرفوا دى فرصتهم واى واحد فيهم عارف انى مسطح وماناقش حاجه فى القوال
المهم فى النهايه ركبوا ملوا لى العربيه بطلت العربيه وبديت انزل فيهم واح قال لى تلت التلاته كم مافى والغريبه وحد فيهم طلع سفه وملا ء خشموا بعد شويه اشوف ليك واحد نادا واحد بتاع سجار شال منوا سجاره وبدا يسجر المهم العربيه انا قنعتا منها تب
وبقيت فى البنزلهم
جاء واحد بوليس وريتوا الحاصل مشاء عليهم نهرن نزلوا فى واحد طيب كدا شايفوا ماركب معاهم ولااتكلم والبوليس واقف قلت للراجل اركب وشيل عدتك المهم الراجل استبشرت فيه خيرا
اتحركت شويه قال اقيف عندى طلبه اجيبهم معاو جو تلاته ركبوا
بديت اتفق معاهم المهم فى النهايه قالوا بياخدوا 500 الف وافقت
تعرف جوا اشتغلو ا بعد نهاية اليوم قال لى ادينا نص المبلغ وبكره بجى نكمل البنيان بطيبه قلب المغتربين والعفويه بلادة الغربه اديتوا 250 الف
وهااااااااااااك يازوغه لاقروش ولا بنيان

ملعون ابو دى غربه صميت خشمى وسكتا
حزارى ثم حزارى من ثورة العمال

[بنت الرفاعي]

الحافلات ومايحدث فيها !!
أكثر شيء الثورات والمشاكل بتكون مع ومن الطلبة , ممكن من الصباح شكلة وبالمساء وراجعين البيت برضو تلقى في شكلة , وطبيعي جدا بعد ما تنتهي الشكلة , يكون سببها موضوع أغلب ركاب الحافلة , وكأنوا المواضيع كانت رايحة منهم وفجأة لقوها!!

[صهيب البصير]

من الحكايات الظريفه ايضا اخى عمر سنهورى طرفه حصلت لى ابن عمى ايام الدراة فى مدنى الثانوية
ونحنا راجعين من المدرسه ركبنا مواصلات الدرجه السوق ومعى ابن عمى المهم قلت لى معاك قروش قال لى لا قلت انا معى حقى فقط قال لى ادف لنفسك انا بتصرف واسكت بس واعمل مابتعرفنى صميت خشمى وسكتا منتظر الكمسارى اجيهوا
المهم الكمسارى وصل لعندوا وهوا زهجان جدا لان الحافله كلها مليلنه طلبه وبدفعوا نص القيمة والشغلانه مامغطيله
فلما وصل الكمسار لابن عمى وهو بطقطق ود عمى عمل فيها اطرش وبدا يتفاهم معاوا بالاشاراات دلاله الى انو هو اطرش
الكمسارى زهج قال لى ياابوالشباب ادينى القروش والله الليله مش كان اطرش والله لو ماتدفع اكتلك وود عمى اشيل واحرك فى يديهوا وراسوا
المهم فى واحد عمك كبير قال لى خلى الاطرش دا هاك حقوا بعد الكمسارى اخد حق ودعمى من الراجل
هنا ودعمى ضمن دفعوا لى قام قال للكمسارى والله كان جات قبيلتك كلها ماتكتلنى

هنا الكمسارى والحافله كلها قعدت تضحك

واياكم وثورة الحافلات على الطلبه

[بت مارنجان]

والله ياعمر زكرتني مرة واحنا راجعين من الجامعة في المواصلات ركبت وراي جنوبية
سكرانة ماتعرف ولا مجنونة ,,,
وشايلة ليها مخلاية فيها حدايد وراكبة وراي يميني في كرسي النص ,,اها المرة شغالة
كواريك وتكورك في دة وتضرب في دة ,, قمت انا اتلفت عليها ,,
الساعة الخبتتني ليك في ضهري ,, واختك جبانة جبنة شديدة ,, الناس طوالي قامت
تكورك للسواق ,, بقيت ماقادرة اعاين ليها لانو لو قبلت تاني يمكن تشيل حديدة من
مخلايتها دي وتديني في راسي ,,,
وقتين ناس الحافلة كوركو الوقت داك خشينا علي اركويت وقربنا علي القسم
الحافلة طوالي خشت القسم ونزلو الجنوبية ,, انا قمت لي شماراتي قبلت عليها :o
تاني ادتني ليك خبتة قربت تقتلني ,, البت الجمبي قالت لي شمارك دة يوم بقتلك
ومن يومها بقيت اركب جمب السواق :D

محمد احمد المواطن السوداني بقي جبان ,, بفور فورة وقتية ويستستلم باقل كسير
لي مقاديفو ... نتمني انو الناس تثبت علي موقفها ,,,,

[عمرسنهوري]

والله
فعلا عندنا في السودان ممكن تشعل ثورة من اتفه موضوع وممكن تنطفي بابسط حل

)


تعرف يا درديري

نحن زي اللبن يفور تنزلو في الواطه يرجع

[عمرسنهوري]

تعرف يا صديقى
اخوك مقتنع بأنه البنت الطالبة دى اذا نزلت معاكم كان الثورة حصلت نتيجة
دائما ما اؤمن بأن الصامتون هم من يجنون
والصارخون هم من تضيع جهودهم
نحمد الله انك كنت من الصامتين
رغم نزولك
يا مريخابى
محبتى

الطابه انتهو يا العاقب اخوي
في بداية الالفيه خشو عليهم جوا الداخليه

[عمرسنهوري]

الصمت ابلغ فى كثير من المواقف
تعرف ياعمر سنهورى
نحنا المغتربين المهمومين المغلوبين على امرنا
المغتربين الغائبين عن السودان واموراوا
احيانا احس الغربه وماسيها تترك فينا نوع من التبلد نوع من الصمت او عدم الموضوع
احس بان المغتربين عند العوده الى السودان فى موسم الاجازات تجدهم وقد تغير الحال فيهم الكل اصبح ميال الى الوحده والانطوائيه وعدم مخالطه النس الا فيما ندر

عند ذهابى الى السودان فى الاجازه السنويه السنه الماضيه
حاتولت ان اكسر الروتين واعمل فيها الود ملحلح شويه
كان عندنا شويه بنيان (حيطه حوش ) المهم الود عامل فيها مفتح ركبت العربيه وجرى على السوق المركزى فى مدنى
المهم لقيت من البشر ماهو مختلف فى طلب الاجور والاشكال والضحكات مع السفات
وهاك ياتراب وقلابات ولوارى وكواروا وناس ماشه بدون احساس الواحد اكوركو لى كواريك عشان افتح الشارع للعربات نسوات حايمات فى السوق بلا شغله مجموعه من النسوان وقدامهن حلل وكوانين والغريبه الناس بتاكل فى هذه البئه اللتى يملاها الغبار
وانا قاعد نفس قعدتك اخى عمر سنهورىنفس جلستك بس فى ضل شجرة
ملعون ابو دى اوضااااااااااااع حرام عليكم ياناس المحليات وان معاك يااوكامبوا من يوم الليله دى بلدنا بقى مافيها حق ابدا
تذكرت سير سير ياقشير والسد القد
معقوله الناس هنا وصلت لهذه الدرجه من الاهمال حتى الاكل اللذى يطفحونه فى بيطونهم اصبحوا غير مكترسين له

المهم قلت الناس ديل بس ماطلعوا بره لكن لوشافوا الناس كيف عايشه بره والله اطالبوا طوالوا ابيعوا السودان دا واى زول ادوهوا حقوا

المهم اتجمعوا حولى 30 شخص اى واحد اقول لى يامعلم انا بظزبط ليك الحيطه دى تمام وكلام كتير ومشاكل بينهم اى واح فيهم حابى اشتغل الحيطه دى
هم طبعا عرفوا دى فرصتهم واى واحد فيهم عارف انى مسطح وماناقش حاجه فى القوال
المهم فى النهايه ركبوا ملوا لى العربيه بطلت العربيه وبديت انزل فيهم واح قال لى تلت التلاته كم مافى والغريبه وحد فيهم طلع سفه وملا ء خشموا بعد شويه اشوف ليك واحد نادا واحد بتاع سجار شال منوا سجاره وبدا يسجر المهم العربيه انا قنعتا منها تب
وبقيت فى البنزلهم
جاء واحد بوليس وريتوا الحاصل مشاء عليهم نهرن نزلوا فى واحد طيب كدا شايفوا ماركب معاهم ولااتكلم والبوليس واقف قلت للراجل اركب وشيل عدتك المهم الراجل استبشرت فيه خيرا
اتحركت شويه قال اقيف عندى طلبه اجيبهم معاو جو تلاته ركبوا
بديت اتفق معاهم المهم فى النهايه قالوا بياخدوا 500 الف وافقت تعرف جوا اشتغلو ا بعد نهاية اليوم قال لى ادينا نص المبلغ وبكره بجى نكمل البنيان بطيبه قلب المغتربين والعفويه بلادة الغربه اديتوا 250 الف
وهااااااااااااك يازوغه لاقروش ولا بنيان

ملعون ابو دى غربه صميت خشمى وسكتا
حزارى ثم حزارى من ثورة العمال

ود البصير
بناء غرفه عقد (بناء مسلح ) بي مليون واحيانا بي ثمانمائه

[عمرسنهوري]

مرام وابوحراز

اظنكم بتاعين حافلات
وكنبة شكرا كمان

[عمرسنهوري]

والله ياعمر زكرتني مرة واحنا راجعين من الجامعة في المواصلات ركبت وراي جنوبية
سكرانة ماتعرف ولا مجنونة ,,,
وشايلة ليها مخلاية فيها حدايد وراكبة وراي يميني في كرسي النص ,,اها المرة شغالة
كواريك وتكورك في دة وتضرب في دة ,, قمت انا اتلفت عليها ,,
الساعة الخبتتني ليك في ضهري ,, واختك جبانة جبنة شديدة ,, الناس طوالي قامت
تكورك للسواق ,, بقيت ماقادرة اعاين ليها لانو لو قبلت تاني يمكن تشيل حديدة من
مخلايتها دي وتديني في راسي ,,,
وقتين ناس الحافلة كوركو الوقت داك خشينا علي اركويت وقربنا علي القسم
الحافلة طوالي خشت القسم ونزلو الجنوبية ,, انا قمت لي شماراتي قبلت عليها :o
تاني ادتني ليك خبتة قربت تقتلني ,, البت الجمبي قالت لي شمارك دة يوم بقتلك
ومن يومها بقيت اركب جمب السواق :d

محمد احمد المواطن السوداني بقي جبان ,, بفور فورة وقتية ويستستلم باقل كسير
لي مقاديفو ... نتمني انو الناس تثبت علي موقفها ,,,,



ذكرتيني زول مدنيه الخلاعا تنط من تشجيع المريخ

[mutasim]

والله موضوع ظريف وبحصل دائما الناس تجوط ويرجعوا بسرعة ز
والموضوع ده زكرنى مره كنا مسافرين بالخطوط السعوديه للسودان فى الاجازة الدنيا صيف وحجزنا قبل سته اشهر موسم الاجازات , المهم موعد الاقلاع السابعه صباحا ونحن من الخامسه فى المطار وتعال شوف المطار عرض ازياء من الثياب والذهب وركبنا الطايرة وتحركت عشرة امتار وتوقفت لمدة ساعه ونصف وبعدها اعلن الكابتن ان الطائرة بها عطل وسوف يرجع لتغيير الطائرة وبعد ما رجع اعلن مرة ثانيه ان الطائرة اتصلحت وحايواصل بيها , وتعال شوف الثورة داخل الطائرة وقادتها احد الاخوات ومشت للكابتن وقالت مش حانواصل السفر وبقيت الركاب ولا حركة عدد قليل تجاوب معها اخيرا الكابتن قال العايز ينزل ينزل ونحن حانواصل الرحله وطبعا مافى حجوزات الا بعد شهر , واحد المضيفين سعودى يحرش فينا ان ننزل وقال كل الطائرات المتجهة للخرطوم من النوع القديم امشو وشوفوا الطايرات المخصصة لسوريا ولبنان كلها حديثه , وطبعا نحن ناس انهزاميين ما اتحركنا وواصلنا السفر بالطائرة الخربانه وانا كنت بقول لزوجتى ما تسمعى الجعجعه دى حا يرضوا بالطائرة, ديل ذى جماعة الباص وزى الشعب السودانى لما يعمل انتفاضه وبعدين ينساها

[بنت الرفاعي]

مرام وابوحراز

اظنكم بتاعين حافلات
وكنبة شكرا كمان

ياخي دي أهم شيء , لكن عارف المغصة وين ؟ بعد ده كلو بدفع كامل لاطالبة ولا غيرو:( يعني الناس توفر حق المواصلات وأنا لأ, لكن مرة مرة كدة بيكون في طلبة بيقوموا يقولوا لي لييه تدفعي كامل و طبعا ردي ماعندي بطاقة يقوموا يشيلوا مني القروش ( طبعا بتكون عندهم الفكة ) وبيرجعوا لي نص القروش ويدوا الكمساري النص الثاني , لكني مابحب المشاكل في الحافلات , والجوطة بتاعة الكماسرة علشان كدة بختصر الموضوع , إلا المواصلات من الجامعة للاستاد , بنكون كتار , بنديهو عن كل واحدة فينا مئتين قرش , يقول لينا زيدو بنقول ليهو طلبة ومرات بنعمل فيها رايحين , والغريبة مابنكون راكبين في كنبة شكرا , شي قدام الكمساري وشي مقعد نص وشي كرسي شهيد , ( ماعارفة كلها بيقولوا مقاعد إشمعنى ده بيقولوا ليهو كرسي شهيد!!:confused:)
أما لما أكون جاية من الاستاد للجامعة برضو بديهو مئتين أول مايقول لي مية تاني , طوالي بديهو (ده إذا ماعملت رايحة;)) , (عالم تخاف ما تختشيش:p:D) إذا ماعندي مية بتكون صم , الغالبية بيقنعوا وبيرجعوا القروش:p وواحدين لأني واحدة بيمشوها , وبالمناسبة هي أصلا مفروض تكون كدة مئتين قرش, لكن كماسرة يقولوا شنو.:(