إستحقاقات موظفي وعمال مشروع الجزيرة

[محمد هاشم]

الجماعة عمال وموظفي مشروع الجزيرة استلموا أمس الخميس استحقاقات نهاية الخدمة كاملة بالاضافة إلى تمليكهم بيوت المشروع كل واحد حسب درجته والحمد لله طلعت ليهم قروش كويسة

[محمد هاشم]

وبي كدة أسدل الستار على واحد من أعظم المشاريع المروية في أفريقيا وعلى ما أعتقد في العالم

[محمد هاشم]

والطريف في الامر إنو أي واحد اتصلت ليه من ناس المشروع يقول لي داير أشتري لي أمجاد واليقول داير يشتري ليه ركشات

غايتو شدو حيلكم ياناس المواصلات في مدني جياكم كمية من الامجاد والركشات وغايتو المشوار إلا يبقى بي طرادة

[tigani18]

الجماعة عمال وموظفي مشروع الجزيرة استلموا أمس الخميس استحقاقات نهاية الخدمة كاملة بالاضافة إلى تمليكهم بيوت المشروع كل واحد حسب درجته والحمد لله طلعت ليهم قروش كويسة


بشرك الله بالخير أخي ودهاشم .....
فمن هؤلاء النفر الكريم من أخلصوا وأفنوا يستحقون أكثر من ذلك

[أبو جودي]

والله الموضوع هام ،،، ونرجو أخي أبو هاشم ،،،، توضح لينا شوية عنه ،،،، ولا ده كلام جرايد ،،،، في انتظار التوضيح ..؟؟؟؟؟

[انوريكا]

والله دا أجمل خبر نسمعو ... وفي إنتظارو سنتين ...

اخيرا ً يا أنوريكا حتستلم ( الرُبطة)..

مشكور اخوي ..

[nehroo]

تسلم العاملون في محالج مشروع الجزيرة (مارنجان والحصاحيصا والباقير) والبالغ عددهم 886 عامل وعاملة كافة استحقاقاتهم المالية توطئة لاعادة هيكلة المشروع في اطار انفاذ قانون مشروع الجزيرة وقال السيد الشريف احمد عمر بدر رئيس مجلس ادارة المشروع لدي مخاطبته الحفل الذي نظمته النقابة العامة للعاملين بمشروع الجزيرة بمحالج مارنجان أن ادارة المشروع قطعت شوطا مقدرا في انقاذ القانون مبينا أن ماتم اليوم يعد بداية حقيقية لانطلاقة المشروع في صورته الجديدة واوضح انه لابد من مواكبة عمليات التحديث والتطوير بعد مرور 70 عاما من المسيرة المتواصلة للمشروع واضاف" نحن معنيين بتنفيذ القانون بمثل حرصنا علي استقرار العاملين " وبشر رئيس مجلس ادارة المشروع العاملين بالمحالج بموافقة الادارة علي تمليك العاملين للمنازل التي يقطنونها والتي تتبع لادارة المشروع انطلاقا من ايمان الادارة العميق بتأمين الاستقرار للعاملين بالمشروع. وقال بدر انه ستتم زراعة القطن خلال المرحلة القادمة وفق خطة استراتيجية جديدة مبينا انه بنهاية اغسطس القادم ستكتمل كافة الترتيبات لانطلاقة المشروع وفق قانون المشروع الجديد. من جانبه حيا كمال الدين النقر الامين العام للنقابة العامة للعاملين بمشروع الجزيرة الدور الكبير الذي لعبه العاملون بالمحالج في دعم الاقتصاد الوطني منذ بداية المشروع مؤكدا حرص النقابة علي حقوق ومكتسبات العاملين واضاف " ما تم اليوم من تسليم للشيكات واالمستندات الاخرى يدل علي صدق ادارة المشروع بما وعدت به " مثمنا الروح الايجابية التي سادت وسط العاملين بعد ضمان استلام استحقاقاتهم

وقال ان ادارة المشروع شرعت ايضا بالتعاون مع النقابة العامة للعاملين بالمشروع في تسليم العاملين بالسكة حديد الجزيرة والهندسة الزراعية استحقاقاتهم المالية وذلك في اطار الجهود التي تقوم بها ادارة المشروع لانزال قانون مشروع الجزيرة الي أرض الواقع.

نقلاً من smc

[أبوبكرحامد]

السيد الشريف احمد عمر بدر رئيس مجلس ادارة المشروع لدي مخاطبته الحفل الذي نظمته النقابة العامة للعاملين بمشروع الجزيرة بمحالج مارنجان أن ادارة المشروع قطعت شوطا مقدرا في انقاذ القانون مبينا أن ماتم اليوم يعد بداية حقيقية لانطلاقة المشروع في صورته الجديدة واوضح انه لابد من مواكبة عمليات التحديث والتطوير بعد مرور 70 عاما من المسيرة المتواصلة للمشروع

نقلاً من smc

ألا يقتضى منطق التحديث والتطوير أن توكل مهام إدارته لمهنيين لديهم الخبرة اللازمة لإدارة مشروع بحجم مشروع الجزيرة ، تعاونهم فرق تسويق ترتاد به الأسواق العالمية ، مع استهداف معايير الجودة التى تؤهلنا للمنافسة الخارجية ، وطاقم إدارى يطبق أحدث الأساليب الإدارية ليكون المشروع عنواناً ينهض بالجزيرة وإنسانها ويقيل عثرتهم ، وللجزيرة سلامٌ آتِ.

[حاتم مرزوق]

الموضوع ببساطة تسريح العمالة القديمة للمشروع وحتي لا تحدث كارثة تم صرف استحقاقاتهم وتمليكهم بيوت المشروع.

ماذا بعد ذلك ؟

وهذا هو السؤال المهم !!

الي من سيكون المشروع؟
ومن الذي سيستفيد منه؟
واي عمالة ستجلب للمشروع؟
وهل بتسليم استحقاقات العاملين من اهل الجزيرة تكون صلتهم قد انتهت بالمشروع الي الأبد؟ .


الكشف عن اجابات هذه الأسئلة في غاية الأهمية.

[حاتم مرزوق]

يساورني شك بأن هناك شئ عظيم وراء تسريح العاملين القدامي !!! وان آخر عهد ولاية الجزيرة بالمشروع تسليم مستحقات العاملين.

[محمد هاشم]

والله الموضوع هام ،،، ونرجو أخي أبو هاشم ،،،، توضح لينا شوية عنه ،،،، ولا ده كلام جرايد ،،،، في انتظار التوضيح ..؟؟؟؟؟


والله الاستحقاقات تم تقديرها بصورة جيدة يعني الواحد كان حسب درجته الوظيفية بيدوه بيت والباقي بياخده نقدي
وكمان ادو العمال والموظفين خيار كويس أنو من الممكن تأخد بيت أقل من الخصصوه ليك علشان فرق البيوت يزيد لكن والعكس أيضا ممكن تاخد بيت أكتر من الخصصوه ليك وفق القروش بينقص

والمبالغ يشهد الله كانت ممتازة جدا أنا عندي أكتر من 25 اسرة بالمشروع أخدو مبالغ كويسة وبيوت ممتازة جدا

[أبو جودي]

طيب أخي محمد ،،،، ناس المعاشات والقضوا عمرهم كله في المشروع ،،، خله ليهم شنو ،،، وله بس المعاش ،،، الحسي بقى حق التمباك ما بيجبو ،،، عملوا ليهم شنو ؟؟؟؟

[محمد هاشم]

طيب أخي محمد ،،،، ناس المعاشات والقضوا عمرهم كله في المشروع ،،، خله ليهم شنو ،،، وله بس المعاش ،،، الحسي بقى حق التمباك ما بيجبو ،،، عملوا ليهم شنو ؟؟؟؟


والله صدقت
ديل ليهم الله وقعاد المظله

[tigani18]

يساورني شك بأن هناك شئ عظيم وراء تسريح العاملين القدامي !!! وان آخر عهد ولاية الجزيرة بالمشروع تسليم مستحقات العاملين.
يظل السؤال قائم وستكشف الايام المقبلة إجابات لهذه الشكوك والتساؤلات
دمت بخير سعادة المشتشااااااااااار

[محمد هاشم]

أنا عندي أخواني زمان كان يكوركو قروشنا قروشنا قروشنا أسي بعد ما أخدوا القروش ربطوا راسم بيقوا ماعارفين يعملوا شنوا يشتروا أرض ولا يبقو تقليديين ويشتروا ركشات ولا أمجاد ولا هايس غايتو كل مرة يقولوا دايرين نعمل كده وبعدين البيكون موظف لاكتر من 20 سنة صعب جدا عليه أنو يستثمر غايتو الله يعينهم ويوفقهم لي مشروع كويس ما يضيع قروشهم

[عبدالله الصديق]

على حسب الاخبار الوصلتني ان قرابة اكثر من مائة فدان من مشروع الجزيرة تم منحها للصينيين على ان تزرع قصب سكر ويتم تحويل مصانع النسيج بمدني لمصانع سكر وتشيد مصنع نسيج في الحصاحيصا وقد التزم الصينيين بتعبيد الطرق داخل المشروع الى مناطق الصنيع