حماية المستهلك... توجد بضاعه صينيه

[أبوعمرو]

1- شنطه كبيرة من الصفيح (مليانه) وصلات كهرباء.
2- رف دولاب مكاوي كهرباء قديمه.
3- .. 3 موتور ماء ماركة لينز وبدرلو.
4- شوال حنفيات وخلاط (دش) وكمية كبيره من الجلب والخطاف والرشاش وعدد 9 بلف.
5- كميه من لمبات الكهرباء الضاربه وعدد مقدر من المفاتيح والبلكات.
(المكان : الزقاق الجنوبي للحوش)
هذه ليست بدلاله كما يتبادر للأذهان... كما أنها ليست ببضائع مهمله بحوش الجمارك.
هذه المعروضات ياسادتي ... ببساطه قمت بتركيبها واستبدالها للفترة من 1/4/2008 الي 1/7/2009
يعني خلال سنة وثلاثه شهور...
حاجات صنع في ايطاليا
واحيانا أمريكا
وتجميع ماليزي
وشنو ما تعرف؟
....
الثابت
البصمه الصينية
كلو صيني
...
الجماعه قالو تمشي الصين... بسألوك سؤال واحد... (قروشك كم؟؟)
وقدر قروشك... ممكن أعملو ليك طيارة!!
وانشاء الله تقول ليهو أكتب لي عليها (made in Germany )
داير موبايل بأربعه شرائح؟؟؟ ما في مشكله..قروشك كم؟؟
مشينا .. Cons و Want (القروش قصرت)
رجعنا للفراشه... قدر قروشنا
ملينا الشولات الفوق
منو المسؤل؟؟
قروشنا الناقصه؟؟
ولا .. الصينين؟؟
أم الحكومه؟؟
أفيدونا

[عبدالرحمن مدثر]

عمنا

انا فى الزقاق الجنوبى للحوش لحصر الكميات الموجودة

لحين افادة الجميع:p:p:p









افيدونا

[حاتم مرزوق]

ما اسوأ منتجات الصين!!!

حتي سياراتهم من اسوأ ما يكون - انا بعرف وآحد اشتري عربي صينية كان سمين ضعف!!

[بنت الرفاعي]

الحكومة و المستهلك , لأن الحكومة تستورد وتسمح بإستيراد الصالح والطالح دون أدنى مسؤولية , ودون مراعاة للمستهلك وحمايته!!!
المستهلك لأنه يعلم بعدم جدوى تلك الواردات ويشتريها بصورة دائمة مما يؤدي إلى تشجيع المنتج لإنتاج المزيد , والمستورد أيضا لإستيراد المزيد منها!!!
إذا النتيجة المسؤولية متبادلة.

[عثمان جلالة]

تعرف المشكلة وين يا أبو عمرو

المشكلة فينا نحن !!! .. بنفكر بس نعدي يوم الليلة .. وبكره الله كريم

كتير جداً من الحاجات بنفكر فيها لحل مشكلة اليوم فقط

نعم الله كريم .. لكن ربنا لو أداك طولة العمر .. المنتج الإشتريتو بسعر رخيص ح تضطر تشتريهو تاااااااااني :p

"ومن هنا .. جاءت فلسفة البيع الصينية .. أربح قليلاً وبع كثيراً :rolleyes:

[المكاشفى]

الصين فيها حصين
كلام زمان لكن اسى بقى الصين فيها شواطين
وياجماعه الكل بقى صينى ورخصه لمات تشك انو مسروق
وهو فعلا مسروق فى الصناعه زى جنا السبعه
والمجهجه زى ماقال ابو عمرو يكتبو ليك عليها
صنع فى المانيا امريكا اى دنيا انت دايرها
وتقول تخسر قروش تشترى الالمانى الجعلى ده
تلقاهو باللفه صينى وتكب فيه خمه قروش مو المانى
دا كمان الزمه دى اخطر من البضاعه الصينيه
ضماير ماتت حرام حلال الناس دايره تغنى وبس

[أبوعمرو]

عمنا



انا فى الزقاق الجنوبى للحوش لحصر الكميات الموجودة


لحين افادة الجميع:p:p:p











افيدونا
عمنا
بصفتكم موردون لأدوات السباكه
أرجو شرح الاجراءات المطلوبه للأستيراد من دوله الصين بالتركيز علي الاتي:
1- الآلية التي تحكم تحديد الصنف والماركة.
2- دور المواصفات والمقايس في الكشف علي البضاعه
وبفيدك

[أبوعمرو]

ما اسوأ منتجات الصين!!!

حتي سياراتهم من اسوأ ما يكون - انا بعرف وآحد اشتري عربي صينية كان سمين ضعف!!
أخي حاتم
هنالك الكثير من المنتجات الصينية التي تصدر الي أوربا وأمريكا ... ولم يشتكي أحد من سوء هذه المنتجات.

[littlestar]

الله غالب بس

[عمرسنهوري]

الحبيب ابو عمرو

الصين تصدر الى امريكا

في صديق لي دائما يقول

الصينين ديل ممكن يصنعو ليك قميص تكلفتو دولار
ويصنعو قميص لي بلد تاني تكلفتو 8 دولارات


الصين بتصنع حسب الطلب
ونحن طلبنا رخيص دائما
وعلينا جاااااااااااي سبعه ونص سبعه ونص

[عبدالرحمن مدثر]

عمنا
بصفتكم موردون لأدوات السباكه
أرجو شرح الاجراءات المطلوبه للأستيراد من دوله الصين بالتركيز علي الاتي:
1- الآلية التي تحكم تحديد الصنف والماركة.
2- دور المواصفات والمقايس في الكشف علي البضاعه
وبفيدك



واقع الحال عندنا بقول ان السودانى فى المقام الاول يهمه

السعر ... قبل الجودة .. بالتالى اصبح السعر المناسب والرخيص

دلالة على ان الجودة اقل ...

الآلية التى تحكم تحديد الصنف والماركة تعتمد على القيمة النقدية

ورغبة الناس ...

نحن نحكم على ان بضاعة الصين ردئية

وهذا خطأ كبير

الرداءة تكمن فى ذوقنا فى نفوسنا الباحثة عن الربحية بغض النظر عن

العائد السىء من استيراد مواد مضروبة .. نخب اخير

الدليل على ذلك ان المانيا الدولة الصناعية الاولى فى تطبيق الجودة

تستورد من الصين اغلب منتجاتها ... ذات يوم حدثنى مهندس سودانى

وهو يعمل فى شركة المانية لديها بعض الاعمال هنا ... فوجد ان اغلب المنتجات

لديهم صينية .. اوصل دهشته لمهندس المانى يااخ انتو زاتكم بتجيبوا من الصين

فرد عليه الالمانى ... ان فى الاساس يتعامل بمواصفات .. وهذه المواصفات عندما يجدها

عند مصانع صينية تلتزم بها خير له من مصانع المانية وذلك لقلة التكلفة ووفرة الايدى العاملة

الرخيصة ........

السباكة عند الكل هى روح البيت اذا فسدت فسد البيت كله

توصيلات المياه والادوات الصحية فى السودان ردئية لابعد الحدود

اديك مثل

مقعد افرنجى من الماركة الانجليزية الشهيرة تواى فورد = 400 جنيه twyford

نفس المقعد الانجليزى من مصانع صينية (تيمان فى الشكل ) واختلاف فى الجودة = 160 جنية

اى مستهلك بالضرورة حيشيل التاانى

وتعال نحسبها

تركيب المقعد يتراوح بين 100 الى 150 جنية من سباك شاااطر

لو حصلت مشكلة فى المكنة للتنك او الجرار (ودى اكيدة فى الحالة التانية )

بنحتاج لمكنة اسبير = 75 ولسباك من تااانى اتركيب المكنة وبياخد = 50 جنيه

وهكذا

بتلقى نفسك فى النهاية تعبت ووصلت لسعر المقعد الانجليزى الاصلى المرفوض


ناتى لدور المواصفات والمقاييس فى عملية الرقااابة والكشف على البضاعة بنلقاها صفر كبير

لانه استحالة بمكان ان تاتى السلطة لرجل يجهل اسماء المواد وتفاصيلها وتطلب منه

ان يقوم بدوره الكامل ... هذا بالاضافة الى اشياء اخرى مفيدة

[أبوعمرو]

الحكومة و المستهلك , لأن الحكومة تستورد وتسمح بإستيراد الصالح والطالح دون أدنى مسؤولية , ودون مراعاة للمستهلك وحمايته!!!
المستهلك لأنه يعلم بعدم جدوى تلك الواردات ويشتريها بصورة دائمة مما يؤدي إلى تشجيع المنتج لإنتاج المزيد , والمستورد أيضا لإستيراد المزيد منها!!!
إذا النتيجة المسؤولية متبادلة.
الغالية مرام
المسئولية التضامنية دائما الحل الأسهل والمنطقي ... لكن لابد من تحديد المسئول إبتداءً والذي ترتب علي مسئوليته أنجراف الآخرون... وأضيف أن جهل المستهلك بالمنتج يعفيه تماما من المسئولية لاسيما وان المستورد يصرح أن المنتج أصلي ومضمون.

[أبوعمرو]

تعرف المشكلة وين يا أبو عمرو

المشكلة فينا نحن !!! .. بنفكر بس نعدي يوم الليلة .. وبكره الله كريم

كتير جداً من الحاجات بنفكر فيها لحل مشكلة اليوم فقط

نعم الله كريم .. لكن ربنا لو أداك طولة العمر .. المنتج الإشتريتو بسعر رخيص ح تضطر تشتريهو تاااااااااني :p

"ومن هنا .. جاءت فلسفة البيع الصينية .. أربح قليلاً وبع كثيراً :rolleyes:
الغالي جلاله
دائماً دائما المشكله فينا... اسمح لي أن اختلف معك من هذه الزاوية
لماذا نبحث عن الرخيص؟؟
سعر المنتجات الأصليه مبالغ فيه... مثال لذلك وفي بعض المرات وجدت (تي شيرت) بمبلغ 70 دولارا.... وفي السوق العربي وجدت (تي شيرت) يشبه أبو 70 دولار (الخالق الناطق) وبسعر 12 جنيه سوداني... طيب 70 دولار في 260 جنيه تساوي 182 جنيه (جديد طبعا) ...يعني ال 70 دولار ممكن تجيب ليك 15 تي شيرت (كل اسبوع تلبس واحد وتجدعو)

[أبوعمرو]

الصين فيها حصين
كلام زمان لكن اسى بقى الصين فيها شواطين
وياجماعه الكل بقى صينى ورخصه لمات تشك انو مسروق
وهو فعلا مسروق فى الصناعه زى جنا السبعه
والمجهجه زى ماقال ابو عمرو يكتبو ليك عليها
صنع فى المانيا امريكا اى دنيا انت دايرها
وتقول تخسر قروش تشترى الالمانى الجعلى ده
تلقاهو باللفه صينى وتكب فيه خمه قروش مو المانى
دا كمان الزمه دى اخطر من البضاعه الصينيه
ضماير ماتت حرام حلال الناس دايره تغنى وبس

عمنا المكاشفي
عندكم لسان وجيبكم مقدود
الزنوج في أمريكا عندهم (معرض المنتجات الرخيصه) ... ما فيهو غير الملونين.

[GREY MAN]

انت عارف يا ابو عمرو مشكلتنا نحن كمستهلكين.....لان المشتري السوداني ينظر للحلول الوقتيه ولا يجتهد للمقارنه ويعتبر شراء هذه الاشياء كالتقسيط لان اسعارها تناسب جودتها
وهذه ثقافه هدامه.

[غلباوى]

ما اسوأ منتجات الصين!!!

حتي سياراتهم من اسوأ ما يكون - انا بعرف وآحد اشتري عربي صينية كان سمين ضعف!!

والله يا ود مرزوق الضعف غسالك ده!!!!!!!!!!!!!!!!!

[غلباوى]

انت عارف يا ابو عمرو مشكلتنا نحن كمستهلكين.....لان المشتري السوداني ينظر للحلول الوقتيه ولا يجتهد للمقارنه ويعتبر شراء هذه الاشياء كالتقسيط لان اسعارها تناسب جودتها
وهذه ثقافه هدامه.



يا شباب والله كلامكم كله عين العقل ومقبول !!!!شويه فوق شويه تحت!!!
لكن ما تنسو السواد الاعظم من السودانين ما عندهم امكانيات هو الناس لاقيه تاكل ؟ فبالتالي انا كمورد ماممكن استورد بضاعه المانيه او خلافه عاليه الثمن لاقليه ما حنختلف في انها قله بالمقارنه مع الاغلبيه !!! والجمارك مرتبطه بسعر البضاعه وليست جودتها !!!! وكذالك مواد السباكه والكهرباء الرخيصه بشتروها ناس مستاجرين وليس ملاك يعني مشي حالك للشهر الجاي مع المرتب يجيب ليه حنفيه ولمبه للحمام !!! تخرب يغيرها الشهر البعدو ثم ثاتيا هي وينه المويه؟
طبعا ده ما يمنع انه في ناس عايزه الغالي ومقتدره!! وهي وموجوده في السوق بس العايز بلاقاها!!!
وتقبلو المرور ومشكورين

[أبوعمرو]

[QUOTE=littlestar;350188]


الله غالب بس
الزوله الدهشه النجمه العاليه
أموالناأذواقناتمشي في الاسواق
أما في حالة العدم
الله غالب

[أبوعمرو]

الحبيب ابو عمرو

الصين تصدر الى امريكا

في صديق لي دائما يقول

الصينين ديل ممكن يصنعو ليك قميص تكلفتو دولار
ويصنعو قميص لي بلد تاني تكلفتو 8 دولارات


الصين بتصنع حسب الطلب
ونحن طلبنا رخيص دائما
وعلينا جاااااااااااي سبعه ونص سبعه ونص
الغالي سنهوري
الصناعه حسب الطلب... تعني تقديم منتج معين لمستهلك محدد وليس للكافه... بمعني أنه يمكنني ان أطلب من مصنع صيني صناعه أبواب بشكل وخامه محدده للأستعمال الشخصي... أما الطلب لتقديم المنتج للأسواق فلابد من ضابط مسبق
لذا
فأن المصانع الصينيه لها دور كبير في دخول هذه المنتجات السئية الي الأسواق

[أبوعمرو]

انت عارف يا ابو عمرو مشكلتنا نحن كمستهلكين.....لان المشتري السوداني ينظر للحلول الوقتيه ولا يجتهد للمقارنه ويعتبر شراء هذه الاشياء كالتقسيط لان اسعارها تناسب جودتها
وهذه ثقافه هدامه.
ثقافه المنتجات الرخيصة ... نشأت لسببين:
1- المغالاه في اسعار المنتجات الأصلية
2- ضعف الدخل الشخصي.
وترتب علي السببين اعلاه أستغلال بعض المنتجين للترويج عن بضائعهم الرخيصة باعتبار أنها في مستوي المنتج الأصلي وكان الضحية المستهلك (الغني والفقير معاً).

[أبوعمرو]

يا شباب والله كلامكم كله عين العقل ومقبول !!!!شويه فوق شويه تحت!!!


لكن ما تنسو السواد الاعظم من السودانين ما عندهم امكانيات هو الناس لاقيه تاكل ؟ فبالتالي انا كمورد ماممكن استورد بضاعه المانيه او خلافه عاليه الثمن لاقليه ما حنختلف في انها قله بالمقارنه مع الاغلبيه !!! والجمارك مرتبطه بسعر البضاعه وليست جودتها !!!! وكذالك مواد السباكه والكهرباء الرخيصه بشتروها ناس مستاجرين وليس ملاك يعني مشي حالك للشهر الجاي مع المرتب يجيب ليه حنفيه ولمبه للحمام !!! تخرب يغيرها الشهر البعدو ثم ثاتيا هي وينه المويه؟
طبعا ده ما يمنع انه في ناس عايزه الغالي ومقتدره!! وهي وموجوده في السوق بس العايز بلاقاها!!!

وتقبلو المرور ومشكورين

غلباوي
التساؤل من المتحكم بالسوق؟
المستورد أم المستهلك؟
مثال بسيط:
1- ساندوتش بيرقر جامبو (قطعتين بيرقر+ بيض+جبنه سلايت+شويه سلطات+مايونيز+كتشب+علبه بيبسي)
هذا الساندويتش يباع في أمواج واستيرز ومطعم جاد بمبلغ 11 جنيه(وعليه ضمان إشباع وصحه)
2- ساندويش بيرقر جامبو في السوق العربي بمبلغ 5 جنيه في محل عادي وزحمه
أين يذهب المستهلك؟

[أبوعمرو]

واقع الحال عندنا بقول ان السودانى فى المقام الاول يهمه



السعر ... قبل الجودة .. بالتالى اصبح السعر المناسب والرخيص


دلالة على ان الجودة اقل ...


الآلية التى تحكم تحديد الصنف والماركة تعتمد على القيمة النقدية


ورغبة الناس ...


نحن نحكم على ان بضاعة الصين ردئية


وهذا خطأ كبير


الرداءة تكمن فى ذوقنا فى نفوسنا الباحثة عن الربحية بغض النظر عن


العائد السىء من استيراد مواد مضروبة .. نخب اخير


الدليل على ذلك ان المانيا الدولة الصناعية الاولى فى تطبيق الجودة


تستورد من الصين اغلب منتجاتها ... ذات يوم حدثنى مهندس سودانى


وهو يعمل فى شركة المانية لديها بعض الاعمال هنا ... فوجد ان اغلب المنتجات


لديهم صينية .. اوصل دهشته لمهندس المانى يااخ انتو زاتكم بتجيبوا من الصين


فرد عليه الالمانى ... ان فى الاساس يتعامل بمواصفات .. وهذه المواصفات عندما يجدها


عند مصانع صينية تلتزم بها خير له من مصانع المانية وذلك لقلة التكلفة ووفرة الايدى العاملة


الرخيصة ........


السباكة عند الكل هى روح البيت اذا فسدت فسد البيت كله


توصيلات المياه والادوات الصحية فى السودان ردئية لابعد الحدود


اديك مثل


مقعد افرنجى من الماركة الانجليزية الشهيرة تواى فورد = 400 جنيه twyford


نفس المقعد الانجليزى من مصانع صينية (تيمان فى الشكل ) واختلاف فى الجودة = 160 جنية


اى مستهلك بالضرورة حيشيل التاانى


وتعال نحسبها


تركيب المقعد يتراوح بين 100 الى 150 جنية من سباك شاااطر


لو حصلت مشكلة فى المكنة للتنك او الجرار (ودى اكيدة فى الحالة التانية )


بنحتاج لمكنة اسبير = 75 ولسباك من تااانى اتركيب المكنة وبياخد = 50 جنيه


وهكذا


بتلقى نفسك فى النهاية تعبت ووصلت لسعر المقعد الانجليزى الاصلى المرفوض



ناتى لدور المواصفات والمقاييس فى عملية الرقااابة والكشف على البضاعة بنلقاها صفر كبير


لانه استحالة بمكان ان تاتى السلطة لرجل يجهل اسماء المواد وتفاصيلها وتطلب منه



ان يقوم بدوره الكامل ... هذا بالاضافة الى اشياء اخرى مفيدة
عمنا
أدوات السباكة:
هنالك 4 أنواع من موتور المياه الماركة المشهورة بدرللو (أبوميدالية - وابو شنو ماتعرف للنهاية) الأسعار تبدأ من 100 جنيه وحتي 180 جنيه) للموتور نصف حصان.... وكلو مكتوب عليه صنع في ايطاليا .. وبتاع المحل بقول ليك (كلو صيني)...
طيب .. في سوق السجانه بقولوا ليك أمشي للمحل الفلاني (دا بجيب أصلي بس)... تمشي وبكل ثقة تشتري موتور ب 180 جنيه أطلع أبو 100 جنيه.
ظهرت ثقافة المستعمل ... ليه لأنو مضمون (صنع لمن الدنيا كانت بخيرها)... وخير دليل علي ذلك اسبيرات العربات.
طيب .. أنا كمستهلك أشتري مقعد حمام أفرنجي أنجليزي من السجانه (أطلع صيني)... أفضل أمشي شارع الغابه واشتري أنجليزي مستعمل.
تخريمه: عندكم حنفيات المانيه؟؟؟

[ابوخالد]

دخل المواطن سبب رئيسى وجوهرى .....
المصانع أي كانت غير مسئوله .... تجارة ...
هيئة المواصفات والمقاييس دورها حماية المستهلك .... والنظر بعين
الإعتبار لوضع المواطن المادية ...
المصانع بتنتج مواد إستهلاكية بأقل تكلفة ومواد خام متفاوتة التصنيف
فى إطار خاضع للمنفعة منها .... مع الجودة ... والعمر الإفتراضى
للسلعة ... مع تعويض بعض الفروقات بإستهلاك قطع الغيار ....

ربنا يصلح الحال ونروق ونشترى من الوكالات مباشرة
ولانحتاج للتقليد ..... والمختوم من جهة ومصنوع فى جهة تانيه

ودمت بالف خير أخى / ابوعمرو

[moh_alnour]

من الظلم أن نحكم على كل المنتجات الصينية بالرداءة و هي التي غزت الأسواق الأمريكية
فالمواصفات العالمية هي المعيار الاساسي لقياس جودة و رداءة أي منتج سواء صُنع في الصين أو أمريكا أو غيرها من الدول
و أضرب لك مثال على ذلك أنا أستخدم حاليا ً جهاز لاب توب ماركة ( توشيبا ) و هو صناعة صينية
و قد أشتريته من مكتبة ( جرير ) بمدينة جدة بالمملكة العربية السعودية بمبلغ ( 4000 ) ريال بمواصفات عالية و جيدة جدا ً
وهناك جهاز ماركة ( سيمنز ) و هو أيضا ً صناعة صينية و يباع بمبلغ 1800 ريال و لكنه بمواصفات أقل
و كل أجهزة الكمبيوتر سواء كانت مكتبية أو محمولة الموجودة بالسعودية صناعة صينية و لكنها ماركات عالمية
يُراعى فيها الجودة العالية و سمعة الشركات المُصنعة لذلك لا يمكن أن نصفها بأنها صناعة رديئة
إذا ً فمواصفات المنتج هي التي تُحدد جودته و سعره و على ذلك قٍس كل المنتجات الصينية الأخرى

[عبدالرحمن مدثر]

عمنا
أدوات السباكة:
هنالك 4 أنواع من موتور المياه الماركة المشهورة بدرللو (أبوميدالية - وابو شنو ماتعرف للنهاية) الأسعار تبدأ من 100 جنيه وحتي 180 جنيه) للموتور نصف حصان.... وكلو مكتوب عليه صنع في ايطاليا .. وبتاع المحل بقول ليك (كلو صيني)...
طيب .. في سوق السجانه بقولوا ليك أمشي للمحل الفلاني (دا بجيب أصلي بس)... تمشي وبكل ثقة تشتري موتور ب 180 جنيه أطلع أبو 100 جنيه.
ظهرت ثقافة المستعمل ... ليه لأنو مضمون (صنع لمن الدنيا كانت بخيرها)... وخير دليل علي ذلك اسبيرات العربات.
طيب .. أنا كمستهلك أشتري مقعد حمام أفرنجي أنجليزي من السجانه (أطلع صيني)... أفضل أمشي شارع الغابه واشتري أنجليزي مستعمل.
تخريمه: عندكم حنفيات المانيه؟؟؟


عمنا

البوست دا حنقلبوا ثقافة صحية توصيلاتية وسبكة سااى:p:p


بالنسبة لموتورات الميااااه هناك الاصلى طبعا وهناك الصينى بس فى شبه كتير بينهم

وهى ماركات متعددة منها (بدرلو ) وبالسوق 3 درجات منه بس الاصلى موجود ..

وهناك ماركة اخرى LINZ وايضا الاصلى موجود وسعره يصل (200 جنيه )

وهناك SAIR وهى ايضا ماركة جديدة وايطالية مستحدثة تحاول ان تعالج ماطغى على الاثنين

من تقليد خضراء اللون ...


انت عارف المشكلة وين

الموتورات كلها بتشتغل وبتديك موية ونتيجة كويسة

بس الغلط فينا

بنشترى الموتور

ومابنعرف نعمل ليهو حماية من الغبار والمطر

فالموتور يحتاج الى ارتفاع معين من الارض ويحتاج (لشبك ) حمااااية

ودى من البديهيات ... بس نحن مابنعمل بيها

والنتيجة الحتمية انو لو جبيت ليك موتور بالطيارة من ايطاليا

وجيت ربطتوا بتفاصيلنا دى

النتيجة الحتمية انو (يحرق )

وهكذا