ياسيد الرايحه يالعاقب اخوى

[المكاشفى]

الطوفان اخد ما اخد وشال ما شال
لكن ماوجعنى زى مااستوجعت بالحيل من
شيله موضوعى ... والله كرهنى حتى من دخول المنتدى
ذلك البوست الذى اعتبره مناره وهدى لما
يحدث او قد يحدث من جراء العلاقات التى تحدث عن
طريق المنتديات والمواقع العامه وضربت فيها مثلا
حيا وملموثا بأننى قد تعرضت الى حادث احتيال اسفيرى
من احد الاعضاء والاعضاء الفعالين فى زماننا الفائت
عضو فضى لاحظو انو عضو فضى كم لبث معنا فى هذا الحوش
ولكن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حدث المحظور ...... ولابد ان ينكشف المستور
وليعلم الناس ويعوا قبل ان تسوء الامور


يا العاقب اخوى جيب لى موضوعى يمين عمك قوقل
قالى القاك لافى بى جاى تانى الا اسلمك ناس النظام العام

[بت مارنجان]

وينك ياكشة حبيب الكل ,, ليك وحشة والله ,, شنو الاختفاءة دي ,,
زعلان مننا ولا شنو :o

ابقي قريب ياخ ,,,
النبي وقت تلاقي الرايحة بتاعتك ,, عندي موضوع اسمو " اشياء في الزاكرة ,, النبي
فتشو لي معاكم :o

[العاقب مصباح]

سلامات يا رفيق الكلمة ونقى الدواخل والله يا المكاشفى بعمل المستحيل عشان اجيبه ليك بالمناسبة هو اسمه :- الله عالم كم صدمنى حتى من ذكر اسم المنتدى ...صح تقريبا بعد جهد جهيد وجدت نسخة ارشيفية اتمنى تكون كلها موجودة فيهو http://74.125.77.132/search?q=cache:JD9VZrXwMSMJ:www.wadmadani.com/vb/archive/index.php%3Ft-32666.html+site:wadmadani.com+%D8%A7%D9%84%D9%84%D 9%87+%D8%B9%D8%A7%D9%84%D9%85+%D9%83%D9%85+%D8%B5% D8%AF%D9%85%D9%86%D9%89+%D8%AD%D8%AA%D9%89+%D9%85% D9%86+%D8%B0%D9%83%D8%B1+%D8%A7%D8%B3%D9%85+%D8%A7 %D9%84%D9%85%D9%86%D8%AA%D8%AF%D9%89%D8%9F%D8%9F%D 8%9F%D8%9F+%D8%A7%D9%84%D9%85%D9%83%D8%A7%D8%B4%D9 %81%D9%89&cd=8&hl=ar&ct=clnk&gl=qa&client=firefox-a مع محبتى يا مكاشفى ليك دمت بخير

[الملكة اسماء ( ام محمد )]

النبي وقت تلاقي الرايحة بتاعتك ,, عندي موضوع اسمو " اشياء في الزاكرة ,, النبي
فتشو لي معاكم :o

انتي الايامات دي قصة الذاكرة شنو ؟:confused:
دي مواعيد ال (Update )والا شنو :confused::p

[المكاشفى]

وينك ياكشة حبيب الكل ,, ليك وحشة والله ,, شنو الاختفاءة دي ,,
زعلان مننا ولا شنو :o

ابقي قريب ياخ ,,,
النبي وقت تلاقي الرايحة بتاعتك ,, عندي موضوع اسمو " اشياء في الزاكرة ,, النبي
فتشو لي معاكم :o

منو فطومه شخشيا وينك يابتنا
العربيه مبروكه والله يديك خيرها ويكفيك شرها
وماتلحق عربيتى
اها والله مافى زعل انتو بزعل منكم ناس الكندشه
والقزاز المظلل .... البركه فى زميل كفاحك عقبه اخوى
باقى فكى كارب قلع لى الرايحه ومابدوريلك واسطه للعاقب اخوى
مرورك اسعدنى كثيرا

[المكاشفى]

سلامات يا رفيق الكلمة ونقى الدواخل والله يا المكاشفى بعمل المستحيل عشان اجيبه ليك بالمناسبة هو اسمه :- الله عالم كم صدمنى حتى من ذكر اسم المنتدى ...صح تقريبا بعد جهد جهيد وجدت نسخة ارشيفية اتمنى تكون كلها موجودة فيهو http://74.125.77.132/search?q=cache:jd9vzrxwmsmj:www.wadmadani.com/vb/archive/index.php%3ft-32666.html+site:wadmadani.com+%d8%a7%d9%84%d9%84%d 9%87+%d8%b9%d8%a7%d9%84%d9%85+%d9%83%d9%85+%d8%b5% d8%af%d9%85%d9%86%d9%89+%d8%ad%d8%aa%d9%89+%d9%85% d9%86+%d8%b0%d9%83%d8%b1+%d8%a7%d8%b3%d9%85+%d8%a7 %d9%84%d9%85%d9%86%d8%aa%d8%af%d9%89%d8%9f%d8%9f%d 8%9f%d8%9f+%d8%a7%d9%84%d9%85%d9%83%d8%a7%d8%b4%d9 %81%d9%89&cd=8&hl=ar&ct=clnk&gl=qa&client=firefox-a مع محبتى يا مكاشفى ليك دمت بخير

عقبه حبيبى انشاء الله يوم شكرك مايجى
ودمت ملاذ نلوذ به من كل شر
الحبيب والله شده مابحثت لمات قوقل طردنى
لكن الحمد لله ظهر الحق
وسأحاول اعاده نشر هذا البوست إن شاء الله

دمت نقى السائر طاهر الروح جميل البوح
كما عهدتك
تسلم ياعقبه ونكافيك عريس يارب

[المكاشفى]

انتي الايامات دي قصة الذاكرة شنو ؟:confused:
دي مواعيد ال (update )والا شنو :confused::p


ابديتك عجبنا ياملكه مشكوره على المرور

[المكاشفى]

كدى ارفعو ا لى البوست ده
على بال ما اجيهو بى رواقه

[ابوخالد]

اخى المكاشفى لك التحية

والله يا أخوى الرجالا كملتها ...

وحاولت أرفع البوست لكن غلبنى كنت عايز

الناس كلها تعرف الحصل ... وتاخد عِبره وحذر ..

وكنت أتمنى إنو ياخد جزاه .. ليكون عِبرة لغيره ...

ولك منى كل الود والإحترام

[بت مارنجان]

انتي الايامات دي قصة الذاكرة شنو ؟:confused:
دي مواعيد ال (Update )والا شنو :confused::p



الزاكرة ضربت الا تتفرمت كلو كلو :o

[بت مارنجان]

منو فطومه شخشيا وينك يابتنا
أنت الوين ,, بقيت شاخت شخيت وواقف بعيد :rolleyes:
العربيه مبروكه والله يديك خيرها ويكفيك شرها
آآآآآآآآآآآآآآآآآآآمين ,,
وماتلحق عربيتى
عربيتك مالها :eek:
اها والله مافى زعل انتو بزعل منكم ناس الكندشه
الكندشة بتتعب الصدر وتعمل كحة :o
والقزاز المظلل ....
القزاز مامظلل لانو ممنوع عندنا :mad:
البركه فى زميل كفاحك عقبه اخوى
لايفوت ولا يموت ,,
باقى فكى كارب قلع لى الرايحه ومابدوريلك واسطه للعاقب اخوى
مرورك اسعدنى كثيرا

وبوستيك نور العام ;)

[المكاشفى]

اخى المكاشفى لك التحية

والله يا أخوى الرجالا كملتها ...

وحاولت أرفع البوست لكن غلبنى كنت عايز

الناس كلها تعرف الحصل ... وتاخد عِبره وحذر ..

وكنت أتمنى إنو ياخد جزاه .. ليكون عِبرة لغيره ...

ولك منى كل الود والإحترام

ابو خالد شكرا لمرورك الجميل
وكم اسعدتنى محاولاتك لرفع البوست
وهذا ما اريده الكل يعتبر منى والكل يعمل حسابه
وخصوصا انو اليومين دى قاعد معانا فى المنتدى
اخاف من ضحيه جديده
وربنا يهديهو

[المكاشفى]

وبوستيك نور العام ;)

منور مرورك الجميل يابطه
اها القزاز والكندشه حقات ناس هنايه
المحظوظه ... باقى انت بتقدى عليها الدرب
لمات ناس السيكيورتى يحفظوك
منو؟؟؟ فطومه اهلين
جايه لى هنايه اتفضلى
بس دى الشغله
وقولى لى هنايه
عملتيها ظاهره
وقفلتى قزازك
والاداك بالكوريق يدينا بالجردل

[المكاشفى]

الزاكرة ضربت الا تتفرمت كلو كلو :o

مادخل المامنو علاج يافطومه
الكبر حصل ياخيتى

[المكاشفى]

اها يا اهلنا البوست الرايح جمع
بركنا ليهو شيخى العاقب وانا باقى برفع من
الرابط الجابو شيخ العاقب ده برفع كلامى الكتبتو
كلو المهم اى زول عندو شئ يرفعو سمح

الى اول الحلقات واول مشاركه فى الموضوع
*
*
*
*
*
*
*

[المكاشفى]

استميحك عزرا اخى الفنان الشفيف ضياءالدين سوااح
ان اقتبس منك بضع بويتات لتكون لى مقدمه لموضوعى
ولو ماخجلت كان اقتبس عنوان موضوعك الجميل محاوله
الرؤيه فى عتمه زائفه ولعمرى كأننى كاتبه ؟؟؟؟ آه
من انفسنا نستلهم الرؤية لصنع الغد
من الروح التي داخلنا
من الامل المشرعة نوافذه ضوءً ..
الآن .. لابد ان نتغير ..
فليس هناك .. ما يمنع ..
وليس .. هناك ما يصدنا ..


نتغير الى الا شئ ام نتغير سوءا وضغينه
ام نتغير دما تجاه من نحب ام انها لعبه كبيره
تحاك ومن اجل ماذا حفنه دراهم تبيع من اجلها صديق
وتشترى الشيطان وتبيع اخا صديق صدوق وفى بارا بك وبأهلك

سؤالا اخوتى مارأيكم فى اخوه المنتدى هذا والى اي مدى
تحسبونها ستصل ام انها مجرد مداخلات والسلام طبعا
كل برأيه واحب ان اسمع آراءكم اولا قبل ان اروي لكم
مأساتى الحقيقيه التي افقدتنى الثقه فى كل من حولى
الى الحد الذى يجعلنى اكفر بالعلاقات التي تنشأ بهذه الطريقه
لو لم اكن كفرت اصلا ...
ارونى رأيكم بصراحه وثقو تماما لن اكون كأخى يوسف الخضر
فى سرده لقصته سأكون واقعيا الى الحد البعيد وسأذكر الاسماء
برمتها حتى يعتبر الجميع من ما وجدته انا

كشه

[عوض الكريم الخواض]

وخصوصا انو اليومين دى قاعد معانا فى المنتدى



يا زووووووووووووووول ...
لا ياااااااااااااااااخى ...
بلاي مااااااااااااااااا ترسل لي الشمار فى الخاص يا حبيبنا المكاشفى ...
عشان نعمل حسابنا وكدا ... ;);):p:p

[المكاشفى]

يا زووووووووووووووول ...
لا ياااااااااااااااااخى ...
بلاي مااااااااااااااااا ترسل لي الشمار فى الخاص يا حبيبنا المكاشفى ...
عشان نعمل حسابنا وكدا ... ;);):p:p

والله يالخواض اخوى
وانت بالزات اعمل حسابك زول حاره
ولو اى زول حكالك ظرف كدى ولا كدى
اضرب اسألنى قولى هوووووووووووى
جانى زائر وبعداك انا بقررلك
تعمل شنو؟؟؟

[المكاشفى]

الأخ : كشة ( أبو عبد الله )
كدي أقعد في الواطة وأشرب ليك موية وروق الجوافة
أولاً دعني أخذ عليك حكمك المطلق بالكفر بالعلاقات التي تنشا عبر المنتديات
وبالرغم من أنني لم أسمع القصة بعد إلا أنها تمثل حالة لا يمكن أن تحكم بها على جميع من عرفتهم عبر المنتدى
وأنا أعلم أنك ترتبط بعلاقات جيدة وحميمة مع كثير من الأعضاء بالمنتدى
وحتى ألا أكون أيضاً متسرع في حكمي وردي عليك فسأنتظر أكمال بقية الحديث
مع ودي


العزيز محمد النور الجاك اخى كما ذكرت
ان لى علاقات اكثر من جيده مع نفر كريم
ولن استطيع تجاوزها ولكن ماحدث معى
قيمته الادبيه اسمى من قيمته الماديه
وإذا حدثت اى شخص عن الذى حدث معى
اول سؤال يبدر على ذهنه ويباغتنى به هو الزول ده
عرفتو وين انت ؟؟؟؟ دفعتك فى الجامعه قضيتو الزاميه سوا
زميل ثانوى جار فى الحله صديق اخوك قريبك؟؟؟؟؟؟؟
كلها اسئله
اها رأيك شنو اذا كانت اجاباتى كلها بالنفى واجبته
بأننى تعرفت عليه فى منتديات ودمدنى ؟؟؟
لو سألنى وين منتديات ودمدنى دى ؟؟؟
قلت ليه فى الانترنت ؟؟ كم كف ح اخد منو؟؟؟
مرورك اسعدنى كثيرا لكن هذا ماحدث

ابوعبدالله
كشه

[المكاشفى]

اقتباس نزار حسن

كشه يابوى مالك سحروك ولا ادوك عين
كدى تعال اقعد جنبى بجاى واحكى الحصل
وقول العندك مفيش مشكله
ومنتديات ودمدنى بتسندك
مفيش مشكله.


والله اليوم يوم عيد بالنسبه الي
ودحسن بجلاله قدره؟؟؟؟
ياشاب طلتك بالدنيا وواثق من انكم
سوف تكونون خير سند لي ولكن احتاج
السند المعنوى لأن والحمد لله ماديا فى نعمه
احمد الله عليها كثيرا بس البدايه ارهقتنى
المشكله فى زعزعه الثقه وفى تعرض الكثير
من الاعضاء للاحتيال والنصب والقلع والتحنيك
وهم ساكتين ومابعيد الحصل مع سواح من نفس الشخص
الحصل معاى وهو مانبهنى ونبه الجميع لذا الضحايا تتساقط
مرورك ابهجنى سأرد على الجميع واروى قصتى للعبره فقط

كشه

[المكاشفى]

اقتباس سواااح

الاليف .. ابو عبد الله (كشه الدولي) ..
تحيات اقصي ما يمتد البصر ..
طبعا يا معلم انا فهمت الصورة العامة للحصل معاك
وصدقني يا مكاشفي .. حصل معاي وامكن بصورة كبيرة وسيئة جدا
ومع شخصين تعرفت بهم في اروقة هذا المنتدي الجميل
وكانت خسارة ايما خسارة ..
ولكن مدي الصدمة كان هو الجرح الاكبر والخسارة الاكبر
والمفاجاة التي هزتني لفترة من الوقت حتى استوعبتها
وايقنت بعدها ..
!!!


ردى لسواااح

الغالى العزيز ملهم فنى سواااح
تحيه وتحيات وشوق كميات مداخلاتكم خففت وطأه القدم
على صدرى ولكن عاتب عليكم انتم من لدغتم من اصدقاء
يمكن نفسهم من لدغو دانى بالامس وانا اليوم ؟؟؟؟
ولكن اذا كان هنالك تحزير رسمى ومن قبلكم حتما سيكون
محل ثقه الجميع ... وعلام الصمت فلنبتر الاعضاء الفاسده
والمتملقين ومتصيدى الفرص
انا من سأعلنها لكم وزى ماقدمت له خدمه لوجه الله
سأقدم خدمه للجميع وتحزير لوجه الله

حبيبك كشه

[المكاشفى]

كدى ارفعو لى البوست ده لحدى
ما اجيهو بى رواقه
وهو بوست مهم للغايه
فأحزرو
اقتربت الذكرى السنويه للنكسه
؟؟؟؟؟؟؟؟؟؟؟؟؟؟؟

[فراس]

تحياتي المكاشفي
بالمناسبة انا شفت القصة قبل السيل والله رسخت في ذهني الي الان
كانت قصة مؤلمة بجد مثلت موقف جميل علا مااعتقد مع عريس
او حاجة بالشكل دا ونزلتو في بيتك قبل ماتسكن فيه وعملت المستحيل
عشان تجهزو ليه والحصل الحصل ولازاكرتي خربة ماعارف
لكن يالمكاشفي والله الزمن دا بقي صعب جدا ومثل هذه الامثلة تخلي
الثقة غير متوفرة وتخليك تظن في بعض الناس الكويسين ظن كعب
لكن لايمكن ان يلدغ المؤمن من جحر مرتين
منتظرين القصة
دمت بكل الخير

[المكاشفى]

تحياتي المكاشفي
بالمناسبة انا شفت القصة قبل السيل والله رسخت في ذهني الي الان
كانت قصة مؤلمة بجد مثلت موقف جميل علا مااعتقد مع عريس
او حاجة بالشكل دا ونزلتو في بيتك قبل ماتسكن فيه وعملت المستحيل
عشان تجهزو ليه والحصل الحصل ولازاكرتي خربة ماعارف
لكن يالمكاشفي والله الزمن دا بقي صعب جدا ومثل هذه الامثلة تخلي
الثقة غير متوفرة وتخليك تظن في بعض الناس الكويسين ظن كعب
لكن لايمكن ان يلدغ المؤمن من جحر مرتين
منتظرين القصة
دمت بكل الخير

عودا حميدا اخى فراس
وحقيقه كما ذكرت القصه غريبه وعجيبه
ولابد من الكل يلم بتفاصيلها حتى يتعظ ويحطاط
والغريبه انو الراجل الجبان ده حايم فى المنتدى
وانا رفعت البوست تانى عشان اخت النقاط على الحروف
والقصه كامله كانت فى النسخه الارشيفيه التى ارسلها
الشقيق العاقب مصباح وكنت انوى كما بدأت بالفعل فى اعاده
نشرها ورفعها من الرابط مباشره ولكن اسى الرابط طش
المهم نقف على المأسام من قرب ومن خلال المعايشه
مرورك الجميل اسعدنى اخى فراس
وانشاءالله آخر الغيبات

[درديري كباشي]

اخوي المكاشفي

واحد من ناس شداني قلمهم في هذا المنتدى بشدة .. بسبب صفة نادره وصعب تجدها هي التلقائية والعفوية والسلاسة .. وتعطيك احساس الونسة .. والونسة طبعا حاجة سمحة ونحن من زمان قعد نخلي ليها كل شئ .. بس الموضوع دا قدر ما قلبت عدلته من وشه ما عرفتها .. كدي هو في شنو بالظبط ... انا اعرف انه النت ا فيها كوارث لكن كلها معنوية وعاطفية وشواكيش بالهبل وشتايم وفضائح ( وبيني وبينك مرينا بيها ما حد يسمعنا).. لكن ما حدث شاهدت تطور مادي .. اي شئ محسوس .. وعشان كدا كدي سيب ردود الناس واتكي واكتب .. ونحن ما نملك غير نتكي ونحلم معاك .. وننشد غناوي الصحو والامل الفريد .

[المكاشفى]

اخوي المكاشفي

واحد من ناس شداني قلمهم في هذا المنتدى بشدة .. بسبب صفة نادره وصعب تجدها هي التلقائية والعفوية والسلاسة .. وتعطيك احساس الونسة .. والونسة طبعا حاجة سمحة ونحن من زمان قعد نخلي ليها كل شئ .. بس الموضوع دا قدر ما قلبت عدلته من وشه ما عرفتها .. كدي هو في شنو بالظبط ... انا اعرف انه النت ا فيها كوارث لكن كلها معنوية وعاطفية وشواكيش بالهبل وشتايم وفضائح ( وبيني وبينك مرينا بيها ما حد يسمعنا).. لكن ما حدث شاهدت تطور مادي .. اي شئ محسوس .. وعشان كدا كدي سيب ردود الناس واتكي واكتب .. ونحن ما نملك غير نتكي ونحلم معاك .. وننشد غناوي الصحو والامل الفريد .

الاديب الدرديرى شخصيا القومه ليك والله
وشكرا للاطراء الجميل وللمرور الاجمل
وياخوى اريتو كان شاكوش زى مابقولو الجماعه
تفوت باته تجى باته بى رباطه
اها الموضوع ده كنت منزلو بى حيثياتو وبالتفاصيل الممله
لكن السيل شالو
ونكتو العاقب فى الرابط الفوق مشاركه العاقب اخوى ده
اها وقلت ارفع الموضوع كلو وفعلا بديت كوبى بست من
النسخه الارشيفيه اللقاها العاقب فى كوم الوسخ وبديت اكتب
واحرق الاوراق وفجأه جاتنى رساله خاصه من الجانى خدرنى بيها
ووقفت فتره ولما لم يفى بما وعد جيت محروق ورفعت البوست تانى
لكن للاسف النسخه الارشيفيه ما اتلقت او فى الرابط لم توجد
ياربى العاقب يرسلها تانى ولا الحاصل شنو؟؟؟
المهم المغطى بن كشف بس لوك الصبر ياكباشى اخوى
مرورك سكر يامنقه مسكره وبارده مختوته فى تلاجه ابوعلى

[درديري كباشي]

الاديب الدرديرى شخصيا القومه ليك والله
وشكرا للاطراء الجميل وللمرور الاجمل
وياخوى اريتو كان شاكوش زى مابقولو الجماعه
تفوت باته تجى باته بى رباطه
اها الموضوع ده كنت منزلو بى حيثياتو وبالتفاصيل الممله
لكن السيل شالو
ونكتو العاقب فى الرابط الفوق مشاركه العاقب اخوى ده
اها وقلت ارفع الموضوع كلو وفعلا بديت كوبى بست من
النسخه الارشيفيه اللقاها العاقب فى كوم الوسخ وبديت اكتب
واحرق الاوراق وفجأه جاتنى رساله خاصه من الجانى خدرنى بيها
ووقفت فتره ولما لم يفى بما وعد جيت محروق ورفعت البوست تانى
لكن للاسف النسخه الارشيفيه ما اتلقت او فى الرابط لم توجد
ياربى العاقب يرسلها تانى ولا الحاصل شنو؟؟؟
المهم المغطى بن كشف بس لوك الصبر ياكباشى اخوى
مرورك سكر يامنقه مسكره وبارده مختوته فى تلاجه ابوعلى


سلام يا المكاشفي والله انت جد ود شيوخ تصدق ثلاجة ابو علي كانت متوارية لي قبل شوية كنت عاوز افتحها من جديد .زما هي الثلاجة طالما لا زالت قابعة في بيتنا فانا ساحتفظ بالرد عليها في الوقت المناسب كما يقول السياسيون 0 خاصة الخوافين) ومن دقائق فكرت افتحها والظاهر عليه حدث توارد خواطر عجيب زاد عقيدتنا فيك يا ود الشيوخ

[المكاشفى]

ياعالم يا اخوانا شنو حسو؟؟
الراجل كاتلنى وحايم بيناتكم
ياكافى البلا لامشرف يحظرو؟؟؟؟
لا اداره توقفو ؟؟؟

وفى مره من المرات تناقشت مع احد المشرفين
وفى افتراض او حتميه ايقاف ذلك الداء العضال
رفض بحجه بأى سبب يتم ايقافه طالما لم يتجاوز
قوانين المنتدى؟؟

ما اختلفنا انتو قومو بى دوركم وانا بقوم بى دورى
فى اتجاه اخوتى فى المنتدى

كيف له لن يخالف وهو يحوم بين الاعضاء ويصطاد
فريسه بين الهينه والاخرى
وليكم على انا افتح بوست بى اسمو عدييييييييييييل كدى
واورى الناس الحصل طالما انتم مابتوقفوه
وحتى ولو وقفتوه بعد ايه اللى انت جاى تقول عليه
انا اقولو على الملأ ولا عزر لمن انزر
ولا نامت اعين الجبناء

[ود الجعلي]

كشة الدولي حبيب الكل

زي ماقال ليك دريري كلامك ناعم وسمح بالحيل ......وبتوهط النضم ....ونضمك حلو وطاعم .....وانا ما عندي فهم في موضوع البوست بتاعك ده ..............
بس حبيت اخوش اقول لي كلمتين واسلم عليك واطلع
يلا فوتك بعافية اخوي المكاشفي

[المكاشفى]

كشة الدولي حبيب الكل

زي ماقال ليك دريري كلامك ناعم وسمح بالحيل ......وبتوهط النضم ....ونضمك حلو وطاعم .....وانا ما عندي فهم في موضوع البوست بتاعك ده ..............
بس حبيت اخوش اقول لي كلمتين واسلم عليك واطلع
يلا فوتك بعافية اخوي المكاشفي

ود الجعلى الكلس حبابك والدرب الجميل
اللينا جابك انت وخروفك

اها موضوع بوستى دا بأختصار كدى انو فى واحد
من ناس المنتدى يتسحب ويعمل علاقات مع الناس
مستقلا وضع الاخوه العاطفى تجاه المنتدى وكدى
وبعد العلاقه شويه ماتمش حبه يقوم يحتال عليك
نهب عديل ياود الجعلى
سرقنى سرق بيتى يالحبيب
ونزلت بوست قبل الفيضان فيهو الواقعه بالتفصيل
بس السيل شالها
والظهر البوست شنو تانى؟؟؟
اقوليك لأنو سيد الحرامى ظهر تانى حايم فى المنتدى
والضحيه التانيه منو؟؟؟
هو فى الحقيقه الضحيه العاشره وعيييييييييييك

لأنو من ما نزلت البوست الفات
كميه من الناس تعرضو لى اشياء مشابهه
ومابعيد الشخص واحد
انا سوف افصح عن الجانى ورجاءا
اى زول تعرض لى شئ الرجاء طرحه حتى نحطاط
الحزر وااااااااااااجب عندنا كوم لحم بنربى فيهو
مرورك جميل زى بسمتك

[المكاشفى]

يا اخوانا هوى
سؤال للكل

مافى زول تعرض لأحتيال او للنفاق من زول فى المنتدى؟؟؟؟
دى مشكلتى انا

وخايف عليكم

منتظر منكم الرد على سعالى ده

[المكاشفى]

حـــــــــــــــــــــرامـــــــــــــــــــى
!!!!!!!!!!!!!!!!!!!!!!!!!!!!!!!!!!!!!!!!!

[بدر الدين احمد الطائف]

ود الجعلى الكلس حبابك والدرب الجميل
اللينا جابك انت وخروفك

اها موضوع بوستى دا بأختصار كدى انو فى واحد
من ناس المنتدى يتسحب ويعمل علاقات مع الناس
مستقلا وضع الاخوه العاطفى تجاه المنتدى وكدى
وبعد العلاقه شويه ماتمش حبه يقوم يحتال عليك
نهب عديل ياود الجعلى
سرقنى سرق بيتى يالحبيب
ونزلت بوست قبل الفيضان فيهو الواقعه بالتفصيل
بس السيل شالها
والظهر البوست شنو تانى؟؟؟
اقوليك لأنو سيد الحرامى ظهر تانى حايم فى المنتدى
والضحيه التانيه منو؟؟؟
هو فى الحقيقه الضحيه العاشره وعيييييييييييك

لأنو من ما نزلت البوست الفات
كميه من الناس تعرضو لى اشياء مشابهه
ومابعيد الشخص واحد
انا سوف افصح عن الجانى ورجاءا
اى زول تعرض لى شئ الرجاء طرحه حتى نحطاط
الحزر وااااااااااااجب عندنا كوم لحم بنربى فيهو
مرورك جميل زى بسمتك

الاخ كشه رمضان كريم
الساكت عن الحق شيطان اخرس
لا اطالبك بفضح هذا الانسان
ولكن عليك بتنبه الجميع من خطورته
وعلى الاخوة فى ادارة المنتدى تدارك هذا الامر
فطالما ان هذا الشخص استقل المنبر لتنفيذ هذه العمليه الاحتيالية فالرجاء ثم الرجاء تادرك الامر.

[المكاشفى]

الاخ كشه رمضان كريم
الساكت عن الحق شيطان اخرس
لا اطالبك بفضح هذا الانسان
ولكن عليك بتنبه الجميع من خطورته
وعلى الاخوة فى ادارة المنتدى تدارك هذا الامر
فطالما ان هذا الشخص استقل المنبر لتنفيذ هذه العمليه الاحتيالية فالرجاء ثم الرجاء تادرك الامر.

الاخ بدر الدين شاكرا لك مرورك الكريم
وان رواد هذا المنبر قد تعرضو لعمليات احتيال كثيره
كما ذكروا فى البوست الضائع واعتقد من شخص واحد او
عده اشخاص فما مهم فأنا بصدد الافصاح عنه
والاداره تغض الطرف عنه
وانشاء الله انا منور الناس منه ومحزرهم